<a href="https://kyzylorda-news.kz/">Kyzylorda-news.kz.</a> Қазақстанның барлық аумағында телерадиоарналарды ретрансляциялау уақытша тоқтатылады.Ақпараттық даму министрлігінің хабарлауынша, 18 қаңтар, 2023 жыл, сағат 03:00-17:00 аралығында жерсеріктік, цифрлық және аналогтық эфирлік желі сервистері жабылып, жоспарлы-профилактикалық жұмыстар жүргізіледі. Осы уақытта Қазақстанның барлық аумағында телерадиоарналарды ретрансляциялау уақытша тоқтатылады.<blockquote>«Қазтелерадио» АҚ тоқсан сайын жоспарлы-профилактикалық жұмыстар жүргізеді. Бұл жұмыстар телерадио хабарларын сапалы таратуды қамтамасыз ету үшін қажет. Уақытша қолайсыздықтар үшін кешірім өтінеміз», – делінген хабарламада.&nbsp;</blockquote>

Қазақстанда теле-радио хабар тарату уақытша тоқтатылады

<a href="https://kyzylorda-news.kz/">Kyzylorda-news.kz.</a>&nbsp; Ең төменгі күнкөріс деңгейі мен айлық есептік көрсеткіш мөлшері инфляцияның болжамды деңгейін ескеріп, жыл сайын белгіленеді. Әлеуметтік медициналық сақтандыру қорының Қызылорда облысы бойынша филиалында МӘМС үшін кімге қанша төлеу керектігі түсіндірілді.Филиал директоры Бақыт Исмаханбетовтың айтуынша, міндетті әлеуметтік медициналық сақтандыруға төлейтін жарналар мен аударымдар &nbsp;көлемі МӘМС туралы заңда бекітілген және ағымдағы жылы өзгеріссіз қалды. Ал ең төменгі жалақы және айлық есептік көрсеткіш базалық әлеуметтік төлемдерінің мөлшері өсуіне байланысты дербес төлеушілер мен жеке кәсіпкерлер төлейтін жарна көлемі артты. &nbsp;2023 ЖЫЛЫ МЕДИЦИНАЛЫҚ САҚТАНДЫРУ ҮШІН КІМ ҚАНША ТӨЛЕЙДІ? &nbsp; Жұмыс берушілер қызметкерлері үшін &nbsp;– жалақының 3% мөлшерінде төлейді. Алайда салық салынатын табыс 10 АЕК (700 000 теңге) &nbsp;аспауы керек, яғни жұмыс берушінің ақша аударымының ең жоғары сомасы 21 000 теңгені құрайды. Қызметкерлер және АҚС шарты бойынша жұмыс істейтіндер - &nbsp;табысының 2% төлейді. Бұл жерде салық салу объектісі 10 ЕТЖ аспайды, ақша аударымының ең жоғары сомасы 14 000 теңгені құрайды.Жеке кәсіпкерлер - &nbsp;ЕТЖ-ның 1,4 еселенген мөлшерінің 5%-ы немесе 4 900 теңге төлейді.&nbsp;Өзін-өзі жұмыспен қамтыға азаматтар (БЖТ төлеушілер): - Республикалық және облыстық маңызы бар қалалардың тұрғындары үшін БЖТ көлемі 1 АЕК құрайды, яғни 3 450 теңге. - Қалған елді мекендердің тұрғындары үшін БЖТ көлемі 0,5 АЕК құрайды, яғни 1 725 теңге. Дербес төлеушілер – 1 ЕТЖ 5% немесе 3 500 теңгеСондай-ақ, 2023 жылдан бастап арнайы салық режимдерін қолданатын микро және шағын кәсіпкерлік субъектілері үшін бірыңғай төлем енгізілді. Осы әдіс бойынша барлық міндетті төлемдердің мөлшері жұмыс берушілер үшін 15%, ал қызметкерлер үшін бірыңғай төлем мөлшерлемесінің 10% құрайды. Бұл ретте төлем есептелетін ең жоғары айлық табыс республикалық бюджет туралы заңда тиісті қаржы жылына белгіленген ең төменгі жалақының 10 еселенген мөлшерінен аспауы тиіс. &nbsp; &nbsp;Бұдан бөлек, мемлекет 15 жеңілдік санатына кіретін азаматтар үшін төлем жасауды жалғастырады. 2023 жылдың 1 қаңтарынан бастап жеңілдік санатындағы әр адамға жарна мөлшері &nbsp; 4 505,6 теңгені құрайды.Бақыт Исмаханбетов сақтандырылмаған азаматтар МӘМС жүйесінің қатысушысы болу үшін ыңғайлы әрі тиімді тәсіл – дербес төлеуші ретінде алдағы 12 айға жарна төлеуге болатынын атап өтті. Мысалы, 2023 жылдың қаңтарынан бастап сақтандыру мәртебесін алу үшін 2023 жылдың қаңтарынан желтоқсанға дейінгі әр айға жеке-жеке 3 500 теңгеден төлем жасау керек. &nbsp;ЕСЕПШІЛЕРДІҢ НАЗАРЫНА!Көпшілік екі жерде жұмыс істейтін қызметкердің жарналар мен аударымдар мөлшерін шекті максимумды қолдана отырып, жалпы кірістен немесе олардың әрқайсысынан түсетін табысты жеке-жеке есептеу керек пе деген сұрақ қояды.&nbsp;Мысалмен түсіндірейік. Қызметкердің бір ұйымдағы жалақысы &nbsp; &nbsp; &nbsp; &nbsp;500 000 теңге, ал екіншісінде – 300 000 теңге делік. МӘМС туралы заңға сәйкес, жарналар мен аударымдарды есептеу үшін ай сайынғы табыс 10 АЕК аспауы тиіс. (10 * 70 000 = 700 000 теңге).&nbsp;Бұл ретте аударымдарды есептеу үшін осы шек әрбір жұмыс беруші бойынша жеке қолданылады (яғни бір жұмыс орнындағы шекті табыс). Қарастырылып отырған мысалда бірінші және екінші ұйымдағы қызметкердің жалақысын жеке-жеке есептегенде 10 АЕК аспайды: 500 000 теңге &lt; 700 000 теңге; 300 000 теңге &lt; 700 000 теңге. Демек аударымдар жалақының толық мөлшеріне сәйкес есептеледі: 500 000 теңге * 3% = 15 000 теңге (бірінші жұмыс орнынан МӘМС-ке аударымдар); 300 000 теңге * 3% = 9 000 теңге (екінші жұмыс орнынан МӘМС-ке аударымдар).Ал жарналарды есептеу үшін қызметкердің бір айдағы барлық кірістерін қосуыңыз керек (яғни жалпы барлық жұмыс берушілер бойынша). Қарастырылып отырған мысалда қызметкердің екі жұмыс орнынан түскен жалпы табысы 10 АЕК асып түседі (500 000 + 300 000 = 800 000 теңге). Демек, жарналардың мөлшері жалпы алғанда 14 000 теңгеден аспауы тиіс. Сонымен, 500 000 * 2% = 10 000 теңге (бірінші жұмыс орнынан МӘМС жарнасы). Ал екінші жұмыс орнынан МӘМС жарнасы: ең жоғары рұқсат етілген жарна 14 000 теңгені құрайды – 10 000 (бірінші жұмыс орнынан ұсталған жарна) = 4 000 теңге. Екінші жұмыс беруші жарна мөлшерін дұрыс есептеуі үшін қызметкер оған аударылған жарналар туралы бірінші жұмыс орнынан анықтама апаруы керек. Бұл анықтама берілмеген жағдайда, екінші жұмыс беруші жарнаны толық көлемде төлейді, яғни &nbsp;300 000 * 2% = 6 000 теңге. Нәтижесінде екі жұмыс орнынан төленген жарналар 16 000 теңгені құрайды. Алайда артық төленген қаражат (рұқсат етілген ең жоғары жарнадан жоғары) қайтарылады: 16 000 – 14 000 = 2 000 теңге.Егер сізде тағы сұрақтар туындаса, өз емханаңыздағы Пациенттерді қолдау қызметіне жүгіне аласыз. Ал ол жерден мардымды жауап ала алмасаңыз, Әлеуметтік медициналық сақтандыру қорының келесі байланыс арналары арқылы өтініш жібере аласыз: fms.kz ресми сайты, 1406 байланыс орталығы, Qoldau 24/7 мобильді қосымшасы және Telegramдағы SaqtandyryBot. Осы құралдар сақтандыру мәртебесін тексеруге мүмкіндік береді.&nbsp;Сондай-ақ, egov.kz ҚР электрондық үкіметінің сайтында "Денсаулық сақтау" бөлімінде медициналық сақтандыру жүйесіндегі өз мәртебеңізді тексеріп, жүргізілген төлемдер туралы "Медициналық қызметтер туралы және МӘМС-ке аударылған сомалар туралы ақпарат" мемлекеттік қызметі арқылы білуге болады. &nbsp;&nbsp;

МӘМС-2023: Кім қанша төлейді?   

<a href="https://kyzylorda-news.kz/">Kyzylorda-news.kz.</a> Қызылорда облысы ПД Есірткі қылмысына қарсы іс қимыл басқармасының қызметкерлері жүргізілген арнайы жедел іздестіру іс-шараларының нәтижесінде қала көшелерінің бірінде «КИА» маркалы автокөлігі тоқтатылып, автокөлікті тінту кезінде таратуға дайындалған 165 түйіншекке оралған есірткі заты анықталып, тәркіленді. Оқиға орнында 20 жастағы облыс тұрғыны құрықталды.Анықталғандай, күдікті облыс орталығында тұрғын үйді жалға алған. Рұқсат етілген тінту кезінде жалға алынған тұрғын үйден жазулары бар пакеттер ішінде ақ түсті ұнтақтар, электронды таразы, фольга, изолента тәркіленді. Сараптама қорытындысына сәйкес айғақты зат ретінде тәркіленген синтетикалық есірткі заттары: «мефедронның» жалпы салмағы 233,28 гр. және «PVP» - 249,7 гр. құрады.Аталған дерек бойынша ҚР ҚК 297-бабы 3-бөлігінің 3,5-тармағымен (аса iрi мөлшердегі есірткі, психотроптық заттарға, сол тектестерге қатысты жасалған есірткі, психотроптық заттарды, сол тектестерді өткізу мақсатында заңсыз дайындау, қайта өңдеу, иемдену, сақтау, тасымалдау, жөнелту не өткізу,электрондық ақпараттық ресурстарды пайдалану арқылы ) сотқа дейінгі тергеп-тексеру басталды. Күдікті уақытша ұстау изоляторына қамауға алынды.Дереккөз: <a href="https://www.facebook.com/profile.php?id=100082749573094&amp;__cft__[0]=AZUg29q_QqUEtT3UPOmh9l72HkR877W9xar7TRUltaI3J3Zpm6_MgMtLobVefIql_w31AOhsL2XCOoCgkBB81s9VD5kifjVWTjseoZ5AWzAAbhSfUcg4IgTU75n_Wz_XTHMR9ptaJUDWjw16Pc9BCtpQFWAdDqna012BEi0Ozv7TNw&amp;__tn__=-UC%2CP-R">Qyzylorda PD</a><img src="https://knadmin.beoblood.kz/uploads/325515452_1215030149099042_7128489183489509859_n_79c75db613.jpg" alt="325515452_1215030149099042_7128489183489509859_n.jpg">

Есірткі сатқан 20 жастағы облыс тұрғыны ұсталды

<a href="https://kyzylorda-news.kz/">Kyzylorda-news.kz.</a> Өңірдегі қала тұрғындарына және жастарға ақпараттық кеңес беру мақсатында «Жастар рухы» ЖҚ облыстық филиалының ұйымдастыруымен «Жастарға кеңес» жобасы жүзеге асырылып келеді.Жобаның мақсаты - жастардың өзекті мәселелерін анықтай отырып, оларға консультативтік көмек беру болып табылады.Қала аумағына қарасты Тасбөгет кенті әкімдігінің қолдауымен С.Майқанова атындағы мәдениет үйінде өткен қоғамдық қабылдауда облыстық денсаулық сақтау басқармасы, «Атамекен» кәсіпкерлік палатасы, облыстық әділет департаменті, қалалық жұмыспен қамту орталығы, «Отбасы банк» тұрғын үй құрылыс жинақ банкі» акционерлік қоғамының Қызылорда филиалы, облыстық және қалалық «Жастар ресурстық орталығы» КММ мамандары жастармен кездесіп, қолданыстағы мемлекеттік бағдарламаларды бойынша кеңес берді.<blockquote>Жастардың өзекті мәселелерін шешу, тұрғын үй, жұмыспен қамту, құқықтық сүйемелдеу және т.б. мәселе бойынша консультациялық көмек көрсетуде жобаның алатын орны ерекше.Өткен жылы жоба аясында 5000-ға жуық жас шешімін таппай жүрген мәселелері бойынша бағыт-бағдар алды. Солардың ішінде көпшілігі жұмыссыздық және тұрғын уй, міндетті әлеуметтік медициналық сақтандыру мәселелермен жүгінеді, - дейді жоба кеңесшісі Р.Қалиева.</blockquote>«Отбасы банк» тұрғын үй құрылыс жинақ банкі» акционерлік қоғамы Қызылорда филиалының қызметкері Д.Ниятовтың айтуынша шаңырақ көтерген жас отбасылар көпшілігі тұрғын үй алу бойынша кеңес алуға келеді. Осы ретте 2025 жылға дейін қала жастарына арналған «Сыр жастары» жеңілдетілген ипотекалық кредит беру пилоттық бағдарламасын іске асыру көзделген.Алдағы уақытта кеңес орталығының кезекті қабылдау іс-шаралары жылжымалы түрде қала аумағындағы ауылдық округтер және аудандарда өз жалғасын табатын болады.<figure class="image"><img src="https://knadmin.beoblood.kz/uploads/322586878_1897270710614808_7259492569118459226_n_57787bd122.jpg" alt="322586878_1897270710614808_7259492569118459226_n.jpg"></figure>&nbsp;<figure class="image"><img src="https://knadmin.beoblood.kz/uploads/322243969_903972170761179_7768007115048969347_n_4c79957070.jpg" alt="322243969_903972170761179_7768007115048969347_n.jpg"></figure>

 «Жастарға кеңес»: 50 мыңға жуық қызылордалық кеңес алды

<a href="https://kyzylorda-news.kz/">Kyzylorda-news.kz.</a> Еліміздегі коммерциялық пойыздар билеті қымбат болғанымен, шығынды. Бұл туралы Сенат депутаттарының сауалына жауап берген Премьер-министр Әлихан Смайылов айтты, деп хабарлайды <a href="https://www.inform.kz/kz/kazakstanda-tal-go-poyyzdary-shygynga-batyp-zhatyr_a4023968">ҚазАқпарат</a>.&nbsp;<blockquote>«Жол жүру құжаттарын (билеттерін) сату жолаушылар тасымалын басқаруды автоматтандыру жүйесі арқылы жүзеге асырылады. Ол билетті барлық сату пунктерінде рәсімдеу үшін бірдей мүмкіндік береді. Жолаушылар пойызына билеттерді алдын ала сату пойыз жөнелтілгенге дейінгі 45 күн бұрын ашылады. Жаппай тасымалдау кезеңінде жылжымалы жолаушылар құрамы паркінің тапшылығы жағдайында бос билеттердің болмай қалу ықтималдығы бар. Осыған орай 2019 жылдың шілдесінен «Күту парағы» қызметі енгізілді. Оған пойыз жөнелтілгенге дейінгі 7 күн ішінде қайтарылған билеттер, пойыз жөнелтілгенге дейінгі 5 күнде қайтарылған факультативтік вагондар билеті, сонымен қатар пайдаланылмаған бронь орындары түседі», - делінген Үкімет басшысының жауабында.</blockquote>Премьер-Министрдің мәліметінше, ел аумағында жолаушылар тасымалын ұйымдастыру үшін пойыздың 101 бағдары ұйымдастырылған. Оның ішінде 5 бағдарда Тальго вагондарынан жасақталған коммерциялық пойыздар қатынайды.<blockquote>«2023 жылдың 1 шілдесінен әлеуметтік маңызы бар бағыттарға қатынайтын барлық жолаушылар пойызына тариф 7 пайызға қымбаттады. Айта кетерлігі, коммерциялық пойыздар мемлекет тарапынан субсидияланбайды. Жол жұру билеті құнының біршама болғанына қарамастан шығынды саналады», - деді Әлихан Смайылов. &nbsp;</blockquote>

Әлеуметтік маңызы бар бағыттарға қатынайтын жолаушылар пойызына тариф қымбаттайды

<a href="https://kyzylorda-news.kz/">Kyzylorda-news.kz.</a> Қызылорда облысында есірткі сату дерегі бойынша күдікке ілінген ерлі-зайыпты ұсталды.Қызылорда облысы полиция департаментінің Есірткі қылмысына қарсы іс-қимыл басқармасының қызметкерлерімен жүргізілген жедел-іздестіру іс-шараларының нәтижесінде Арал ауданы Аманкөл ауылында отбасылық жұп есірткі затын сатумен айналысып жүргені анықталып, ұсталды.Тексеру барысында тұрғылықты үй ішінен заңсыз иемденіп, сату мақсатында сақтап отырған жеті әртүрлі көлемдегі бөлек-бөлек пакетке салынған есірткі заты табылды. &nbsp;Сараптама қорытындысына сәйкес, салмағы 2 келіден астам кептірілген марихуана, одан бөлек салмағы 26 грамм гашиш есірткі заты тәркіленді. Күдіктілер Арал аудандық полиция бөлімінің уақытша ұстау изоляторына қамалды.Аталған дерек бойынша Қазақстан Республикасы Қылмыстық кодексінің 297-бабы 3-бөлігінің 3-тармағымен (Аса iрi мөлшердегі есірткі, психотроптық заттарға, сол тектестерге қатысты жасалған есірткі, психотроптық заттарды, сол тектестерді өткізу мақсатында заңсыз дайындау, қайта өңдеу, иемдену, сақтау, тасымалдау, жөнелту не өткізу) сотқа дейінгі тергеп-тексеру жүргізіліп жатыр.Динара МАХАНОВА

Қызылордалық полицейлер есірткі сатқан ерлі-зайыптыларды ұстады

<a href="https://kyzylorda-news.kz/">Kyzylorda-news.kz.</a> Бүгін облыс әкімі Нұрлыбек Нәлібаев Астана қаласына жұмыс сапары барысында бірқатар министрлермен кездесіп, өңір үшін маңызды жобаларды талқылады.Алдымен аймақ басшысы ҚР Экология және табиғи ресурстар министрі Зульфия Сүлейменовамен кездесті. Бүгінде Сыр елінің шаруалары республика бойынша &nbsp;күрішке деген қажеттіліктің 90 пайызын өтеп келеді. Нұрлыбек Машбекұлы шаруаларды алаңдатып отырған проблема - суару желілерінің қанағаттанарлықсыз жағдайын көтерді. Жыл сайын шамамен 2 млрд м3 су жоғалады, бұл республикадағы жалпы су шығынының жартысын құрайды. Мәселені шешу мақсатында өңір басшысы суару жүйелерін қалпына келтіру және жаңғырту жобаларын іске асыруды қамтамасыз ету, су бөлу процестерін автоматтандыру және цифрландыру керектегін ұсынды.Сондай-ақ, өңірдегі өзекті мәселенің бірі – Арал теңізі. Соңғы 12 жылда 8,5 млрд.м3 тартылған теңіздің жағдайы алаңдатарлық. Аймақ басшысы министрге маңызды мәселені айта отыра, вегетациялық кезеңде дарияның жоғарғы сағасындағы елдермен келіссөздер жүргізіп, мәселені шешу жолдарын талқылады.ҚР Ақпарат және қоғамдық даму министрі Дархан Қыдырәлімен кездесу барысында Қызылорда облысының қоғамдық-саяси ахуалы туралы өзекті мәселелер мен жастар саясаты саласындағы жаңа бастамаларды талқылады. Министрдің ұсынысына сәйкес өңірде Дін басқармасы қайта құрылатын болды. Сонымен бірге, ашық азаматтық қоғам және бұқаралық ақпарат құралдарымен өзара байланыс орнатудың жаңа тәсілдері талқыға түсті.Аймақ басшысының ҚР Әділет министрі Азамат Есқараевпен кездесуі барысында облыс әкімдігі тарапынан қабылданып жатқан қаулы-қарарлар мен нормативтік-құқықтық актілердің заңнамалық сипаттамалары сөз болды.Облыстағы норма шығармашылық қызметті жетілдіру мәселелері бойынша ұсыныстар айтылды.Облыс әкімі Нұрлыбек Нәлібаев ҚР Ұлттық экономика министрі Әлібек Қуантыровпен кездесіп, елді мекендерді дамыту мақсатында қаржыландыруға ұсынылатын жобаларды пысықтады. Аймақта аталмыш министрлікпен 2023 жылы жалпы құны 5 млрд.теңгені құрайтын 17 жобаны жүзеге асыру жоспарлануда. Республикалық бюджетті нақтылау барысында тағы да 72 жоба ұсынылмақ. Атап айтқанда, «Ауыл – Ел бесігі» бағдарламасы аясында жалпы құны 7,6 млрд.теңгені құрайтын 41 жоба, «Облыс орталықтарын дамыту» бағдарламасы шеңберінде жалпы құны 17,1 млрд. теңгеге 23 жоба, «Шағын қалаларды дамыту» бағдарламасы бойынша жалпы құны 6,5 млрд.теңге болатын 8 жоба бойынша өтінім берілді. Барлық жобалар елді мекендердің өзекті мәселелерін шешуге және тұрғындарға аса қажетті инфрақұрылымдық желілерді салуға бағытталған.Министрмен кездесу барысында Қызылорда облысының бюджетін көтеру, экономиканы әртараптандыру, кіріс көлемін арттыру бағытында атқарылып жатқан жұмыстар талқыланып, нақты ұсыныстар айтылды.Облыста білім саласын дамытуға бағытталған арнайы бағдарлама қабылданатын болды. Бұл туралы бүгін облыс әкімі Нұрлыбек Нәлібаев пен ҚР Оқу-ағарту министрі Ғани Бейсамбаевтың кездесуі барысында шешім қабылданды. Аталмыш бағдарлама – білім сапасын арттыру, оқу-тәрбие процесін жетілдіру, білім нысандарының инфрақұрылымын дамыту, &nbsp;бала саны көп мектептер жанындағы қосымша құрылыстар мен апатты жағдайдағы білім ошақтарының және бейімделген ғимараттардың мәселелерін шешуге бағытталатын болады. &nbsp;Облыстағы білім беру саласын жетілдіруге бағытталған бұл ұсыныстар министрлік тарапынан қолдау табатын болды.Сонымен қатар, Мемлекет басшысының қолдауымен облыста алдағы 3 жылда Ұлттық жоба аясында 21 жайлы мектептің құрылысы жүргізіледі.<img src="https://knadmin.beoblood.kz/uploads/325714561_843850236696863_820120873066598576_n_d3dc1c9aa1.jpg" alt="325714561_843850236696863_820120873066598576_n.jpg">

Облыс әкімі Нұрлыбек Нәлібаев Астана қаласына жұмыс сапары барысында бірқатар министрлермен кездесті

<a href="https://kyzylorda-news.kz/">Kyzylorda-news.kz.</a> &nbsp;Қазақстанға қосалқы бөлшек ретінде әкелінген көліктер бойынша жеке-жеке шешім қабылданады. Бұл туралы ішкі істер министрлігі әкімшілік полиция комитеті төрағасының міндетін атқарушы Қайсар Сұлтанбаев мәлімдеді, деп хабарлайды <a href="https://sputnik.kz/">Sputnik Қазақстан.</a>23 қаңтарда шетелдік көліктерді заңдастыру шаралары басталады. Ресми мәліметке сәйкес, заңдастыруға ілігетін шамамен 300 мың көлік бар. Бірақ Қазақстанға қосалқы бөлшек ретінде әкелінген конструктор-автомобильдер де аз емес. Олардың құжаттары жоқ.Бұған дейін ішкі істер министрінің орынбасары Игорь Лепеха ондай көліктер заңдастырылмайтынын айтқан. Себебі ешқандай құжаты жоқ. Оған қоса, қауіпсіздік мәселесі де бар. Осы жағдайдан кейін көлік жүргізушілері жиналып, наразылық білдірді. Тіпті, Лепеханы отставкаға жіберуді талап етті.Әкімшілік полиция комитеті төрағасының міндетін атқарушы Қайсар Сұлтанбаевтың айтуынша, заңдастару кезінде халыққа қызмет көрсету орталығына конструктор-көліктердің иелері де жүгіне алады. Бірақ құжат көрсету керек.<blockquote>"Тағы бір мәселе, ол – біздің шекарадан қосалқы бөлшек ретінде кірген автокөліктер. Олар қазір республика бойынша қолданылып жатыр. Біз бұл автокөліктер бойынша да жұмыс жүргізіп жатырмыз. Көлік иесі заңдастыру үшін құжаттары мен көлігін сол автоЦОН-ның тіркеу бөліміне алып келуі керек. Сол жерде біз барлық құжатты зерделеп, бәрін тексеріп, әр автокөлік бойынша жеке-жеке шешім қабылдаймыз. Сондықтан қазір сол үшін қайғырудың қажеті жоқ. Бұл мәселе толығымен қаралады", - деді Сұлтанбаев бүгінгі онлайн брифингте.&nbsp;</blockquote>

Ішкі істер министрлігі шу көтерген шетелдік көлік иелеріне жауап берді

<a href="https://kyzylorda-news.kz/">Kyzylorda-news.kz.</a> Үкімет облыс орталықтары мен моноқалаларда заманауи сауда орталықтары мен көпфункционалды сауда кешендерін салуға не жаңғыртуға ниетті кәсіпкерлерге мемлекеттік субсидия беруді көздеп отыр. Бұл туралы Ашық НҚА порталында жарияланған Үкіметтің «Жеке кәсіпкерлікті мемлекеттік қолдаудың кейбір шаралары туралы» қаулысына енгізілуі тиіс өзгертулердің жобасынан белгілі болды. Алайда, бұл санатқа сауда-ойын-сауық орталықтары жатпайды.Жоба бойынша, салынатын не жаңғыртылатын сауда орталықтары бірқатар талаптарға сай келуі шарт: 1. сауда алаңының аумағы кемінде мың шаршы метр болуы керек; 2. дүкен көтерме емес, бөлшек саудамен айналысуы тиіс; 3. сауда алаңында азық-түлік, оның ішінде әлеуметтік азық-түлік сататын орындар, сондай-ақ әкімшілік-тұрмыстық, қойма бөлмелері болуы тиіс.Құжат жобасының иесі – ҚР Ұлттық экономика министрлігінің түсіндіруінше, Қазақстанда заманауи форматтағы сауда алаңдары тапшы. Оған қоса, сауда алаңдарын сатып алу және жалдау құны да өте жоғары. Бұл факторлардың бәрі дүкендердегі тауар бағасының қымбаттауына әкеліп отыр. Осыған орай, Үкімет жоғарыда аталған талаптарға сай келетін сауда орталықтарын салуға ниетті кәсіпкерлерді мемлекеттік қолдау арқылы дүкендегі баға мәселесін реттемек.Айта кетейік, мемлекеттік субсидиялау 2021-2025 жылдарға арналған кәсіпкерлікті дамыту жөніндегі ұлттық жоба шеңберінде жүзеге асырылмақ.Қаулыға енгізілетін өзгертулер жобасы 26 қаңтарға дейін қоғам талқысына ұсынылған.Дереккөз: <a href="https://informburo.kz/kaz/newskaz/ukimet-duken-salgysy-keletin-kasipkerlerge-subsidiya-berudi-zosparlap-otyr">Informburo.kz</a>

Дүкен ашқысы келетін кәсіпкерлерге субсидия берілмек

<a href="https://kyzylorda-news.kz/">Kyzylorda-news.kz.</a> Қазақстан президенті жанынан Халықтың әлеуметтік жағынан осал санаттарының құқықтары жөніндегі уәкіл институты құрылуы мүмкін. Тиісті құжат "Ашық НҚА" порталында жарияланды, деп хабарлайды <a href="https://sputnik.kz/20230116/aleumettik-osal-toptar-ombudsmen-instituty-31144843.html">Sputnik Қазақстан</a>.Қаулыда Уәкіл институты өз қызметін қоғамдық бастамада жүзеге асыратыны айтылған.Уәкілдің негізгі мақсаттары – халықтың әлеуметтік жағынан осал санаттарының құқықтары мен заңды мүдделерінің кепілдіктерін қамтамасыз ету, сондай-ақ мемлекеттік және қоғамдық институттарымен өзара іс-қимылда олардың құқықтары мен бостандықтарын қалпына келтіру.Омбудсмен мына адамдардың негізгі құқықтары мен заңды мүдделерін қорғайды:- Ұлы Отан соғысының ардагерлері;- жеңілдіктері бойынша Ұлы Отан соғысының ардагерлеріне теңестірілген ардагерлер;- басқа мемлекеттердің аумағындағы ұрыс қимылдарының ардагерлері;- мүгедектігі бар адамдар;- мүгедектігі бар балалары бар немесе оларды тәрбиелеп отырған отбасылар;- атаулы әлеуметтік көмек алушылар;- асыраушысынан айырылу бойынша жәрдемақы алушылар;- жасына қарай зейнет демалысына шыққан зейнеткерлер;- қандастар;"Алтын алқа", "Күміс алқа" алқаларымен наградталған немесе бұрын "Батыр ана" атағын алған, сондай-ақ I және II дәрежелі "Ана даңқы" ордендерімен наградталған көпбалалы аналар, көпбалалы отбасылар жатады.Құжат 27 қаңтарға дейін қоғам талқысына шығарылды.

Әлеуметтік осал топтардың құқығын қорғайтын омбудсмен институты пайда болады

<a href="https://kyzylorda-news.kz/">Kyzylorda-news.kz.</a> Қазақстанда тіркеуден шығарылған қару-жарақты қылмыс әлемі мен деструктивті діни ағым өкілдеріне сатып келген құқық қорғау органдарының қызметкерлері мен бұрынғы қызметкерлеріне, сондай-ақ олардың көмекшілеріне сот үкімі шықты.Ұлттық қауіпсіздік комитеті ішкі істер министрлігімен бірлесіп Алматы қаласы және Алматы, Павлодар, Солтүстік Қазақстан, Қарағанды облыстарында қаруды қайта айналымға шығару арнасының жолын кесті.ҰҚК мен полиция қаруды қайта сату арнасының жолын кестіТіркеуден шығарылған қару мен оқ-дәрі қылмыстық схема бойынша жойылды деген жалған есеп арқылы кейін сатылуға шығарылып отырған.<blockquote>"Құрықтау және тінту барысында 347 бірлік қару, 13 граната және 7 387 оқ-дәрі алынды. Полицияның бұрынғы қызметкері ұйымдастырған қаруды модификациялау цехы жойылды", - деп хабарлады ҰҚК.</blockquote>Сонымен қатар, қару-жарақты кімдер сатып алғаны анықталды. Олар: қылмыс әлемі, деструктивті діни ағымдар және бұрынғы полицейлер.ҰҚК мен полиция қаруды қайта сату арнасының жолын кестіСот үкімімен кінәлі адамдар 2-ден 5 жылға дейін бас бостандығынан айыру жазасына кесілді.Қызметтік міндетіне салғырт қарағаны және жеке құрамды бақылауды әлсіреткені үшін құқық қорғау органдарының бірқатар басшысы теріс негіз бойынша қызметтен шығарылды.<figure class="image"><img src="https://knadmin.beoblood.kz/uploads/31142123_0_0_3640_2048_1920x0_80_0_0_75edb35a742907ad894feb17b790b465_jpg_32541c4fda.webp" alt="31142123_0_0_3640_2048_1920x0_80_0_0_75edb35a742907ad894feb17b790b465.jpg.webp"></figure><a href="https://sputnik.kz/20230116/politseyler-qaru-zharaq-qylmyskerler-31142585.html">Sputnik</a>

Полицейлер қару-жарақты қылмыскерлер мен жат ағым өкілдеріне сатып келген

<a href="https://kyzylorda-news.kz/">Kyzylorda-news.kz.</a> Республика аумағының басым бөлігі кең ауқымды антициклонның ықпалында болады. Осыған байланысты жауын-шашынсыз ауа райы сақталады, деп хабарлайды Қазгидромет.Елдің қиыр солтүстігінде, шығысында атмосфералық фронталды бөліктердің өтуімен байланысты қар жауады, жел күшейіп, боран соғады.Елдің оңтүстігінде, оңтүстік-шығысында тұман жүреді деп болжанып отыр.

Қазақстан және Қызылорда облысының жаңалықтары