Kyzylorda-news.kz. &nbsp;Мәжіліс және мәслихаттар депутаттарының кезектен тыс сайлауы алдындағы тыныштық күні басталды, деп хабарлайды ҚазАқпарат.18 наурыз сағат 00:00-ден бастап депутаттыққа кандидаттардың сайлауға қатысты үгіт-насихат немесе басқа да жұмыс жүргізуіне тыйым салынған.Айта кетсек, сайлауалды үгіт-насихат науқаны 18 ақпанда сағат 18.00-де басталап, бүгін аяқталды.Орталық сайлау комиссиясының мәліметінше, ертең өтетін сайлауға 12 032 550 дауыс беруші тіркелді.<blockquote>«Кандидаттарды ұсыну сайлауды тағайындау туралы Жарлық жарияланған күннен басталады және 20 күнге созылады, 8 ақпанда әр аймақта жергілікті уақыт бойынша сағат 18.00-де аяқталады. Үміткерлерді тіркеу 20 қаңтардан 18 ақпанға дейін жалғасады. Сайлау алдындағы үгіт-насихат 18 ақпан күні сағат 18:00-де басталып, 18 наурыз сағат 00:00-ге дейін жүргізіледі. 18 наурыз – тыныштық күні. 19 наурыз – сайлау күні», - <a href="https://www.inform.kz/kz/mazhilis-pen-maslihat-saylauyna-umitkerlerdi-usynu-buginnen-bastaldy_a4025949">деген еді</a> ҚР Орталық сайлау комиссиясы төрағасының орынбасары Константин Петров.</blockquote>Оның айтуынша, сайлау күні учаскелерде дауыс беру жергілікті уақыт бойынша сағат 07:00-ден 20:00-ге дейін жүргізіледі.&nbsp;

Сайлау-2023: Бүгін – тыныштық күні

Kyzylorda-news.kz. «Қазгидромет» РМК-сы 18-ші наурыздағы күн райы болжамын жариялады.Кәсіпорын таратқан деректерге қарағанда, атлантикалық циклон жырасының әсерінен еліміздің басым бөлігінде күн ашық болады.Еліміздің солтүстігінде, оңтүстік-шығысында, шығысында және орталығында атмосфералық фронталды бөліктердің өтуіне байланысты жауын-шашын (жаңбыр, қар) жауып, көктайғақ болады.ҚР бойынша тұман түсіп, жел күшейеді, еліміздің оңтүстік-батысында шаңды дауыл тұрады.

Сенбіге арналған ауа райы болжамы

<a href="https://kyzylorda-news.kz/ru/">Kyzylorda-news.kz</a>. «Жас келсе іске» дейді қазақ. Мемлекет тарапынан кәсіпкерлерге тұрақты қолдау көрсетіліп келеді. Мәселен, қызылордалық кәсіпкерлер 2019 жылы Кәсіпкерлер палатасынан 1021 экспорттық сертификат алған болса, 2020 жылы 1377, 2021 жылы 1823 құжатқа жетті. Былтырғы деректерге сүйенсек, өсім бар – көрсеткіш 1829-ға жетті. Яғни, соңғы жылдары сұраныстың артқанын көруге болады. Қызылорда облысы кәсіпкерлер палатасының басшысы Пірмұхаммед Сыздықов «көрсеткіштің өсуі соңғы жылда нарықта эскпортқа өнім шығаратын жаңа кәсіпкерлердің пайда болуынан» деп түсіндірді.&nbsp;<blockquote>«Біздің өңірден жиі эскпортталатын өнімдер – балық пен күріш. Бұдан өзге, &nbsp;мұнай өнімдері, цемент, кварц құмы, сондай-ақ өткен жылдың соңынан бері шыны өнімдері экспортталып жатыр. Шыны зауытынан шығып жатқан өнімдердің алғашқы легі Өзбекстан, Тәжікстан, Ресейге жіберілді», – дейді Пірмұхаммед Сыздықов.&nbsp;</blockquote>Арал мен Қазалының балық өнімдері тауарға жоғары талап қоятын Франция мен Қытай елдеріне де экспортталып жатыр. «Балық өнімдерімен Қытай нарығына шығып жатқан кәсіпкерлеріміздің еңбегі ерекше. Себебі онда талап өте жоғары», – деді Палата басшысы.Өткен жылы Қызылорда облысынан өндірілген өнімдер Украина, Тәжікстан, Грузия, Қытай, Қырғызстан, Өзбекстан, Ресей, Беларусь, Әзербайжан, Түркия, Мальта, Франция, Данияға экспортталған. Бұдан бөлек былтыр кәсіпкерлер Палатадан ішкі айналымға арналған 117 «СТ-КЗ»сертификатын алған. Аталған құжат мемлекеттік және өзге де сатып алуларда қолданылады. Сондай-ақ, Кәсіпкерлер палатасының мамандары 2019 жылдан бастап 14 индустриалды сертификат рәсімдеп, оған қырыққа жуық өзгерістер енгізіп, жаңартты.&nbsp;Сонымен қатар кәсіпкерлер палатасы биыл бизнестің негізгі мәселелерін салалық комитеттерде қарап, жергілікті өнімдердің жинағын әзірлеуді, сондай-ақ өңдеуге арналған жобаларды сүйемелдеуді жоспарлап отыр.«Жалпы өңірден нақты қандай өнімдер өндіріліп жатқаны жөнінде арнайы жинақ не платформа жоқ. Әріптестермен ақылдаса келе биыл Қызылордада шығатын өнімдердің жинағын әзірлеуді жоспарлап отырмыз. Ол үшін алғашқы жинаған ақпараттарымыз да бар. Өткен жылы «Қазақстанның үздік тауары» өңірлік көрме-байқауына 60-қа жуық жергілікті тауарөндіруші қатысты. Осы кәсіпкерлердің ақпараттары бар. Биыл бұл тізімді толықтырамыз», – деді Палата басшысы.Сонымен бірге кәсіпкерлердің жүйелі мәселелері енді Палата жанынан құрылған салалық комитеттерде қаралатын болады.<blockquote>«Кәсіпкерлер палатасы жанынан бес салалық комитет құрдық. Өнеркәсіп, агроөнеркәсіп кешені, адами капиталды дамыту және бизнестің әлеуметтік саясаты, сауда, қызмет көрсету және туризм, сондай-ақ құрылыс комитеті. Былтыр жылдың аяғында белсенді, нарықта тәжірибесі бар кәсіпкерлерді осы комитеттерге мүшелікке енгізіп, араларынан төрағаларын анықтап алдық. Енді бизнес өкілдерінің мәселелері осы комитеттерде қаралады, шешу жолы талқыланады, мемлекеттік және өзге де ұйымдарға ұсыныстар комитеттердің атынан жолданады», – деді Пірмұхаммед Сыздықов.</blockquote>Кәсіпкерлер палатасының басшысы биыл өнімдерді өңдеуге арналған жобаларды сүйемелдеуді қолға алып жатқанын жеткізді. Жыл соңына дейін әр ауданнан ең кемі бір жобадан шығаруды жоспарлап отыр. Атап өту керек, өткен жылы Кәсіпкерлер палатасының кеңесшілері екі жарым мыңнан астам азаматқа 8 мыңнан астам кеңес беріп, тоғыз жүзге жуық кәсіпкерге 949 сервистік қызмет көрсетті. Мыңнан аса кәсіпкердің құқығын қорғап, бір млрд теңгеге жуық ақшасын сақтап қалды.

Қызылордада соңғы үш жылда экспорт көлемі 80 пайызға артты

<a href="https://kyzylorda-news.kz/">Kyzylorda-news.kz.</a> Қалаға қарасты Қызылөзек ауылында бүгінде 3500 астам халық бар. Аты ауыл болса да тірлігі тынымды Қызылөзектің дамуы қарқын алған. Ауылда мал, егін шаруашылығы дамып, кәсіпкерлік аясы кеңейген. Ебін тауып тірлік қыламын деген ауыл тұрғындарына мемлекеттің қолдауы зор.Биыл Қызылөзек ауылдық округінің бюджеті 95 миллион теңгені құрады. Соның нәтижесінде елдімекеннің дамуында ілгерілеу бар. Әсіресе, қызылөзектіктерді ауыл көшелерінің жарықтанғаны қуантты. «Өңірлерді дамыту» бағдарламасымен мұнда 3 миллион 620 мың теңгеге Айнакөл ауылының көшелеріне түнгі жарық бағаналары орнатылды. Ауыл халқының қала әкімімен кездесуде баса айтқан базынасының бірі Ж.Жабаев көшесін жарықтандыру болатын. Бұл да өз кезегінде шешімін тапқан мәселе болды. Осылайша ауыл көшелері жарықтандырылып, тұрғындарға қолайлы жағдай жасалды.&nbsp; Ал көше мәселесі қай кезде де өзектілігін жойған емес. Бұл ауылда да тозығы жеткен, асфальттауды қажет ететін, тұрғындардың жауынды күні жүріп-тұруына қиындық туғызатын көше баршылық. Жыл сайын жол жөндеу жұмыстары жүргізілсе де ауылдағы 6 көше күн тәртібінен түспеген. Алайда биыл «Ауыл ел бесігі» бағдарламасымен аталған көшелерге жөндеу жүргізу үшін жоба-сметалық құжаттары әзірленіп, келер жылдың қаржыландыруына ұсынылды.&nbsp;Қызылөзектіктіердің базынасы болған тағы бір мәселе – аяқ су жайы. Соңғы жылдары ауылда аяқ су тапшылығы орын алып, біршама тірлікке тосқауыл болғандай еді. Биыл бұл мәселе де шешімін тауып, ауыл тұрғындарының өтінішімен 18 миллион 852 мың қаражатқа 2 дана дизельдік насостық қондырғысы сатып алынып, «Айхай» және «Қараөзек» стансасына орнатылды. Осылайша, жаз айында егістіктер мен елдімекенге аяқ &nbsp;су беріліп тіршілік көзі ашылды. Бұдан бөлек аталған стансадан біреу, ал Қараөзек ауылынан 3 су тарту ұңғымасы қазылып, пайдалануға берілді.Бүгінде жеке ісін ашып, кәсіп бастауды көпшілік жақсы игере бастаған. Бұл тұрғыда ауыл халқы да қалыс емес. Қызылөзек ауылдық округінде 151 шағын және орта кәсіпкерлік нысан жұмыс істейді. Оның 33-і шаруа қожалығы болса, 119 жеке кәсіпкер, 1 заңды тұлға мен 2 аграрлық-өнеркәсіптік кешен бар. Ауыл жұрты кәсіпті игеруде мемлекеттік бағдарламаның ұтымды пайдалана білген. Биыл ауылда «Еңбек» бағдарламасымен 4 жоба қолдау тапса, «Бизнестің жол картасы-2025» бағдарламасымен 20 миллион теңге болатын 1 жоба несиелендірілген. Сондай-ақ, ауыл шаруашылығы саласы бойынша «Микробизнес-Қызылорда» несие ұйымы арқылы 1 жоба, «Ауылшаруашылығын қаржылай қолдау қоры» арқылы 1, «Атамекен Қызылорда» микрокредит ұйымы арқылы 1, «Сырдария» несие серіктестігі арқылы 1 жоба қолдау тапты. Оған қоса «Еңбек» бағдарламасының жаңа бизнес идеяларды іске асыру бағытымен 6 азамат қысқа мерзімді оқыту курсынан өтіп, 7 миллион 351 мың теңге қайтарымсыз қаражатқа ие болды.&nbsp;Ауылда 9 мыңға жуық төрт түлік мал басы бар. Ата кәсіпті серік еткендер оның өсіп-өнуі үшін тынбай еңбек етіп келеді. Қызылөзек десе алдымен оның картобын жұртшылық жиі айтады. Биыл 507 гектар жерге егін егіліп, картоптың әр гектарынан 129, көкөніс түрлерінен 131, бақша өнімдерінен 128,5 центнер өнім алынды. Осы орайда ауылдағы «Үміт» шаруа қожалығы тамшылатып суару технологиясымен 8 гектар жерге картоп дақылын ексе, жем-шөп өндірісінде «Жарықкөл» шаруа қожалығы 150 гектар жерді инженерлік жүйеге келтіріп, 70 гектар жоңышқа еккен.&nbsp;Ауылдың әлеуметтік ахуалы да ақсап тұрған жоқ. Мұндағы экономикалық белсенді халық саны 1798 тұрғынды құраса, оның 600-ге жуығы өзін-өзі жұмыспен қамтығандар. Жұмыссыздық &nbsp;деңгейі – 1,2 процент. &nbsp;Білім саласы бойынша онда №175 және №128 жалпы орта білім беретін мектеп бар. Биыл мектеп бітіруші 42 түлектің &nbsp;35-і Ұлттық бірыңғай тестілеуге қатысып, 29 оқушы грант игереі атанды. Сонымен қатар, 5 оқушы «Алтын белгі» иесі болса, 1 түлек «Үздік аттестатқа» ие болды.&nbsp;Ал денсаулық саласында ауыл халына 2 дәрігер мен 10 медицина қызметкері қызмет көрсетеді.

Қызылөзек: Ауылдың дамуы – алға басудың айғағы

<a href="https://kyzylorda-news.kz/">Kyzylorda-news.kz.</a> Арал ауданының әкімі Серік Сермағамбетов Аманөткел ауылдық округіне қарасты Аққұлақ елді мекенінде болып, жол құрылысының барысымен танысып өтті.&nbsp;Ауыл тұрғындарының бірнеше жылдан бері көтеріп келе жатқан жол мәселесі биыл шешімін тауып жатыр. Яғни, жалпы ұзындығы 8 шақырымды құрайтын ауылға кіре беріс автомобиль жолының қаржысы республикалық бюджеттен қолдау тауып, жеңімпаз мердігер мекеме анықталған. Ал жобаның жалпы құны – 688,4 миллион теңгені құрайды. Бүнігі күні тиісті жұмыстарды атқаруға республикалық бюджеттен 205 миллион теңге қаржы бөлініп, аталған құрылысты «Строй Модуль – Астана» ЖШС жүргізеді.Аудан әкімі Серік Сағитжанұлы жауапты бөлімге құрылысты сапалы әрі уақытылы орындауды тапсырды. Мұнан кейін аудан әкімі Жаңақұрылыс ауылдық округіндегі 21&nbsp;шақырымды құрайтын «Самара-Шымкент-Қамыстыбас-Аманөткел-Жаңақұрылыс» автожолының құрылыс барысын бағамдады. Бұл нысанның жұмыстары 2021 жылы бастау алған болатын. Жобаның жалпы сомасы 1 млрд. 534 миллион теңгені құраса, тиісінше 2021 жылы 225 миллион теңге, 2022 жылы 680 миллион теңге бөлінсе қалған 458 миллион теңгесі биыл қаралған. Қазіргі уақытта жолдың астыңғы қабат жұмыстары толығымен аяқталып, бүгінде қалған жұмыстар жалғасуда. Ағымдағы жылы автожол пайдалануға берілмек.&nbsp;Кезекті жұмыс сапары барысында аудан әкімі Серік&nbsp;Сермағамбетов 2022-2024 жылдарға арналған «Ауыл шаруашылығын дамытудың Жол картасының» орындалуын саралады. Соған сәйкес бүгінде ауданда ілкімді істер атқарылып жатыр. Мәселен, 2022 жылы ауданда 704,2 гектар егін орналастырылса, биыл егін көлемін 1500 гектарға арттыру көзделуде. Аталған жол картасына орай Қамыстыбас пен Аралқұм ауылдық округтері әкімдіктері бірлесіп Қамыстыбас көлінен Тоқпай көлін толтыру бағытында жасалған каналдың жұмысымен танысты. Бұл гидронысан бюджеттен тыс қаржы көздерінен, яғни кәсіпкерлердің қолдауымен жүзеге асқан. Нәтижесінде Аралқұм ауылдық округі тұрғындарының егін шаруашылығымен және тоғанды балық шаруашылығымен айналысуына мүмкіндік туындап, тиісінше бекітілген жерлерді игеруге инвестор тарту көзделуде.Аудан әкімі ауыл тұрғындарымен кездесуде іске қосылған канал арқылы ендігі кезекте ауыл шаруашылығымен айналысатын шаруалардың саны артқанын жеткізді. Сондай-ақ диқаншылықпен айналысамын деушілерге мемлекеттік қолдаулар мен бағдарламалардың тиімділігін баяндап, баға тұрақтылығын қамтамасыз ету мақсатында жергілікті өнімнің маңыздылығын айтып, ауыл тұрғындарының бастамаларына сәттілік тіледі.&nbsp;

Арал ауданында жаңа жобалар басталды

<a href="https://kyzylorda-news.kz/">Kyzylorda-news.kz.</a> Қазалы қаласындағы «Өрімтал» бөбекжай-балабақшасында наурыз мейрамы ерекше аталып өтуде. Бұнда осы айдың 14 жұлдызынан бастап түрлі іс-шаралар ұйымдастырылып, бүлдіршіндердің қуанышы еселене түсуде. Жүздері бал-бұл жанған балғындардың бірі ән салып, енді бір тобы мың бұрала билеуде. Өнер мен тәрбиені бойына тел сіңіріп жатқан тәрбиеленушілердің әр күнін қызықты өткізуде тәрбиеші апайлардың еңбегі орасан.Көрерменнің көңілінен шыққан керемет кештің бірі – «Балдәурен» тобындағы балақайлардың «Қош келдің, әз наурыз» атты ертеңгілігі еді. Топ тәрбиешілері Нұргүл Жолдасова мен Құралай Жүсіпова кеш барысында балаларға қазақ халқының бірнеше салт-дәстүрін көрсетіп, әдет-ғұрпын таныстырды. Шара барысында сөз алған балабақша меңгерушісі Рабиға Қарымсақова ата-аналар мен балақайларды мерекемен құттықтап, лебізін білдірді.<blockquote>«Біздің бақытымыз да, байлығымыз да осы балаларымыз. Әрқайсыңыздың үкілеген үмітіңіз ұл-қыздарыңыздың болашағы жарқын, келешегі кемел болғай. Жыл сайын түрлі мерекелерді керемет көңіл-күймен қарсы алып, тек қуаныш, тойда бас құрайық. Есігімізден еніп, төрге озған жаңа жыл құт-береке алып келсін. Міне, біз жаңа ғимаратта ең алғашқы наурыз мейрамын тойлаудамыз. Заманға сай жабдықталған ғимаратымызда балаға қажеттінің барлығы бар десек болады. Бүлдіршіндеріміздің жан-жақты өсіп, дамуына да қолайлы жағдай жасалған. Лайым балаларымыз бейбіт аспан астында осындай шуақты күндерде өсе берсін», – деді балабақша меңгерушісі.</blockquote>Ертеңгілік шымылдығы көрініспен ашылды. Алдымен Алдар көсе кейпіне енген тәрбиеші балалармен бірге қыз қуу, арқан тартыс, асық ату ойындарын ойнады. Аталған ойындарға ерекше қызғушылық танытқан бүлдіршіндер белсенділікпен атсалысты. Бұдан соң кішкентай Мединаның тұсау кесер рәсімі өтіп, жиналған көпшілік тағы бір дәстүрдің куәсі болды. Тұсау кескен әжеге балақайдың анасы сый-құрмет көрсетті.Бұдан соң балалар мен ата-аналарға Наурыздың басты тағамы – наурыз көже ұсынылды.<blockquote>«Әрбір үйдің еркесін тәрбиелеп, оларды өнерге баулып жүрген балабақша ұжымына алғысым шексіз. Менің балаларымның барлығы «Өрімталда» өсті. Қазір оқушы атанған ұлым мен қызым балабақшадан талай дүниені үйреніп шықты. Апайлардың еңбегіне ризамын. Енді ғана тәт-тәй басып, қоршаған ортаны тани бастаған балаға білім мен тәрбие беру оңай жұмыс емес. Әр істің қиындығы мен қызығы қатар жүреді. Бала жанының бағбанына айнала білген ұжым мүшелеріне ата-аналар атынан алғыс білдіремін. Мереке баршаңызға құт-береке әкелсін», – дейді ата-ана Әсемгүл Сәрсембаева.</blockquote>

Қазалылық өрендер өнер көрсетті

<a href="https://kyzylorda-news.kz/">Kyzylorda-news.kz.</a> Бүгін Ұлыстың ұлы күні – Наурыз мейрамына орай Қазалы ауданындағы білім бөліміне қарасты мектеп оқушылары мен ұстаздары қазақтың қара домбырасымен күмбірлете күй шертті.&nbsp;Бүгін сағат 11.00-де аудандағы 37 мектептің оқушылары әлеуметтік желі арқылы бір уақытта тікелей эфирге шығып, мерекелік челленджге үн қосты.&nbsp;<blockquote>«Қазақтың жаңа жылы қарсаңында ұлтымыздың қасиетті аспабы домбыраны төрге шығарып, күй ойнаудың маңызы орасан. Елімізде Домбыра күні белгіленгенін білеміз. Десек те, қадірлі аспапты бүгінгідей айтулы күні күмбірлетпеу қазақылығымызға сын болар еді. Оның үстіне керемет әуен мен тарихи жырды үйреніп, санасына сіңірген жас буынның бұдан ұтары көп», – деді білім бөлімінің басшысы Әділхан Жөлекешов.&nbsp;</blockquote>Айта кетейік, мектеп оқушылары елге белгілі «Кісен ашқан», «Құрманғазы», «Ақсақал» секілді жырларды орындады.&nbsp; Ұлыстың ұлы күні қарсаңында ұйымдастырылған бұл челлендж алдағы уақытта да өз жалғасын табатыны сөзсіз.&nbsp;Жалпы ауданда Наурыз мейрамын мерекелеуге байланысты түрлі шаралар ұйымдастырылуда. Аудандағы барлық мектептерде мұғалімдер мен оқушылар қазақы нақыштағы киімдерді киіп, ұлттық тағамдардан дастархан жайып, асық ату, арқан тарту сынды ұлттық ойындардан сайысқа түсіп, бір-біріне ақ тілектерін жаудыруда.&nbsp;<figure class="image"><img src="https://knadmin.beoblood.kz/uploads/Bezymyannyj_27f514ba02.jpg" alt="Безымянный.jpg"></figure>

Қазалы ауданындағы 37 мектеп бір уақытта күй ойнады

<a href="https://kyzylorda-news.kz/">Kyzylorda-news.kz.</a>&nbsp;Қазақстан мұсылмандар діни басқармасы Қызылорда облысы бойынша өкілдігінің ұйымдастыруымен Шиелі аудандық орталық мешітінде «Ақ бата» облыстық бата беру байқауы өтті.«Ислам және ізгі қоғам» жылы аясында халқымыздың рухани өміріндегі бата беру дәстүрін жалғастыру мақсатында өткен жарыстың ашылуында сөз сөйлеген Сыр өңірінің бас имамы Болатбек Ұласқанұлы дін мен дәстүр сабақтастығын дәріптеуге үлес қосып жүрген қарияларға алғыс білдірді.Додада өңірдегі қала, аудан мешіттерінің намысын қорғауға келген 10 ақсақал өздері дайындап келген батаны айту және таңдалған билетіне сәйкес тұсаукесер, бесіктой сынды салт-жоралғыларға байланысты бата беру бойынша бәсекеге түсті.Қызылорда облыстық ардагарлер кеңесінің «Жастармен жұмыс жасау, мәдени-көпшілік, спорт жөніндегі» тұрақты комиссия төрағасы Бектұрғанов Келдібай, Еңбек ардагері, Шиелі ауданының «Құрметті азаматы», қазылар алқасының мүшесі Барғанаев Дәулет, Шиелі аудандық ардагерлер кеңесінің төрағасы, Қазақстан журналистер одағының мүшесі, мәдениет қайраткері, Шиелі ауданының құрметті азаматы, қазылар алқасының мүшесі Исмайыл Өркен қазылық етіп, қатысушыларды батаның мазмұны, орындау шеберлігі, жатқа айтуы мен қазақы киім үлгісі бойынша критерийлері негізінде бағалады.Сайыс қорытындысы нәтижесінде жүлделі І орын Қармақшы ауданынан келген Дәріқұл Махамбетовке бұйырды. Ол 100 000 теңге ақшалай сыйақыға ие болды. Ал ІІ орынды шиелілік Жақай Сақбаев иеленді. Жүлде қоры 70 000 теңге. Сайыстың ІІІ орынын екі қатысушы өзара бөлісті. Ең алдымен ІІІ орын мінберінен Қызылорда қаласынан келген Оразбек Бейсов көрініп, 50 000 теңге ақшалай сыйақыға ие болды. Сонымен қатар аралдық Жаңабай Мұсаев үздік үштіктер қатарынан көрініп, 50 000 теңге қаржылай сыйлықты иемденді. Сондай-ақ өзге қатысушылар да ынталандыру сыйлығымен марапатталды. Олар Құран кітап және 10 000 теңге ақшалай сыйлыққа ие болды.&nbsp;Айта кетейік, сайыс жеңімпазы Махамбетов Дәріқұл ақсақал республикалық «Ақ бата» байқауында Сыр өңірінің намысын қорғайтын болады.<figure class="image"><img src="https://knadmin.beoblood.kz/uploads/335975811_1189967784998608_6853219805197044602_n_8267554c0d.jpg" alt="335975811_1189967784998608_6853219805197044602_n.jpg"></figure>

Шиеліде «Ақ бата» облыстық байқауы өтті

<a href="https://kyzylorda-news.kz/">Kyzylorda-news.kz.</a> Мемлекет басшысы Қасым-Жомарт Тоқаев бүгінде Қазақстан халқының 40 пайызға жуығы ауылда тұратынын айтты. «Ауыл – ел бесігі» деп халқымыз бекер айтқан жоқ. Сондықтан, ауылдағы жағдайды жақсарта алмасақ – бәрімізге сын. Сол үшін мен бүгін ауылды дамыту мәселесі туралы Жарлыққа қол қойды. Президент осы құжат арқылы Үкіметке ауылды дамытудың 5 жылға арналған нақты жоспарын әзірлеуді тапсырды.<blockquote>«Бұл менің жаңа президенттік мерзімдегі бірінші Жарлығым болады. Үкімет ауылды дамытуға арналған барлық жобаны жүйелі түрде реттеп, жинақтауға тиіс. Содан кейін мақсатты түрде тиімді жұмыс жүргіземіз», – деді Қасым-Жомарт Тоқаев.</blockquote>Расында, ауыл мен дәстүріміз бір-бірінен ажырамас ұғымдар. Әрбір қазақ ауыл десе елеңдейтіні шындық. Негізінде ата-бабамыз ауылда еңбек етіп, ауылдан тарап өрбіп-өскен. Бір сөзбен айтқанда, қазақ үшін ауыл – алтын бесік, қасиетті мекен. «Ауыл» деген сөзді естігенде менің өн бойымда қуаныш кернейді. Өйткені, ауылдың ауасы таза, суы тұнық, шөбі көк майса болады. Ауылда төрт түлік мал ұстағандықтан ақ мол болады.&nbsp;Қызылорда қаласына қарасты Қарауылтөбе ауылдық округі жылдан жылға дамып келе жатқан ауылдың бірі. Бүгінде қалаға жақын орналасқан округ тұрғындарының көңілі тоқ. Себебі, жыл сайын бұл ауылдың инфрақұрылымы жақсарып келеді.&nbsp; Қарауылтөбе ауылдық округте «Өңірлерді дамыту» бағдарламасы аясында қалалық бюджеттен 1 млн. 500 мың теңгеге Байсейітов көшесінің аяқ жағының 400 метр жеріне 9 дана түнгі жарық шамы бағаналарын орнату жұмыстары жүргізілді. Сондай-ақ, ауылдық округте 150 орындық клуб құрылысын жүргізу үшін «Ауыл ел бесігі» бағдарламасы аясында республикалық бюджеттен бөлінген 274,4 млн. теңгеге мемлекеттік сатып алу конкурсы арқылы «Өмірзақ» ЖШС-гі жеңімпаз атанды. Қазіргі кезде аталған мекеме &nbsp;құрылыс жұмыстары жүргізуде. &nbsp;Округ аумағында орналасқан жалпы көлемі 600 ш/м болатын «Әбдіхалық» бейітін қоршау жұмыстары үшін жергілікті бюджеттен қаражат бөлініп, 10,1 млн. &nbsp;теңгеге «ОрдаМегаСтрой» ЖШС-мен қоршау жұмыстары аяқталды.Қарауылтөбеде жыл басынан бері жағымды жаңалықтар легі көп. Мәселен, округтегі жаңа қоныстанушы аумағындағы жалпы ұзындығы 9,5 шақырым болатын 12 көшеге &nbsp;қиыршық тас төсеу жұмыстарын жүргізу үшін қалалық құрылыс бөлімі арқылы жобалық сметалық құжаттар әзірленіп, мемлекеттік сараптама қортындысы алынып, тиісті мекемеге қаржылық өтінім жолданды. &nbsp;Ауылдың &nbsp;кіре-беріс жолдың бойындағы R-1 каналының арғы бетінде тұратын тұрғындарға жаяу жүргіншілерге арналған көпір құрылысы үшін, қалалық тұрғын үй-коммуналдық шаруашылығы, жолаушылар көлігі және автомобиль жолдары бөлімі арқылы &nbsp;жобалық сметалық құжаттар әзірленіп, мемлекеттік сараптама қортындысы алынды. Сондай-ақ, округтегі жаңа қоныс аумағына және ауыл орталығындағы жаңадан ашылған көшелерге электр желілері мен бағаналарын орнату үшін &nbsp;қалалық құрылыс бөлімі арқылы мемлекеттік сатып алу конкурсы жарияланып, жеңімпаз атанған «Элком» ЖШС-гі &nbsp;2022-2023 ж.ж. ауыспалы негізде құрылыс &nbsp;жұмыстарын жүргізуді бастады.Ерекше айта кету керек, биыл «Балалар &nbsp;жылы» аясында «Строй модуль Астана» ЖШС-нің демеушілігімен жалпы құны 17,5 млн. тенге болатын ойын алаңы &nbsp;(дене шынықтыру, &nbsp;футбол және балалар ойын алаңы) салынып, қолданысқа берілді. Сонымен қатар, округтегі жаңа қоныс аумағындағы жолдың бойына ауыл кәсіпкерлерінің қолдауымен &nbsp;1 дана аялдама орнатылды.Бүгінде округте жалпы 110 шағын кәсіпкерлік субьектілері тіркелген. Ал жыл басынан бері &nbsp;округте барлығы 15 шағын кәсіпкерлік субъектілері тіркеліп, &nbsp;17 тұрақты жұмыс орны ашылды. Сонымен қатар, «Іскер» бағдарламасы аясында «Ауылшаруашылығын қаржылай қолдау қоры» арқылы 16,5 млн. теңгеге 3 жоба, «Микробизнес-Қызылорда» бағдарламасы аясында «Өңірлік инвестициялық орталық» микроқаржы ұйымы арқылы 5 &nbsp;млн. теңгеге 1 жоба, «Еңбек» бағдарламасы аясында жалпы көлемі 17,2 млн. теңгені құрайтын мемлекеттік грантқа 14 тұрғын ие болды.Қазіргі кезде Қарауылтөбе ауылдық округінің 6806 гектарды құрайтын жалпы жер көлемінің 4957 гектар аумағы «Ы. Жахаев атындағы Қазақ күріш шаруашылығы ҒЗИ» ЖШС-гі (бұдан әрі - Институт) өтеулі жер пайдалану құқығымен ұзақ мерзімге жалға алып, бүгінде егін шаруашылығымен айналысып келеді.Осы жылы Институт тарапынан барлығы 1078 гектар жерге 646 гектар күріш, 40 гектар бидай, 5 гектар арпа, 126 гектар сорго (қант құмайы), 40 гектар мақсары, 215 гектар жаңа жоңышқа және 3 гектар бақша, 3 гектар қызанақ дақылдары егілді. Бұдан басқа, 365 гектар ескі жоңышқа дақылы бар.Айта кету керек, институт және ауылдық округ әкімі аппараты арасында 5000 гектарға жуық жайылымдық және шабындық алқаптарды және егін науқанында орылған бүркемелі егіс пен күріш алқаптарын кезең-кезеңімен ауыл тұрғындарының малдарына жайылымдық үшін босатып беруге өзара меморандум қабылданды.Сонымен қатар, Институт есебінен биылғы жылы жер жырту, қарықтау жұмыстары жүргізіліп, ауыл, қала тұрғындарына 10 гектар бау-бақшалық танап дайындалып, 58 отбасы көкеніс дақылдарын егіп (картоп, қауын-қарбыз, асқабақ, т.б.) өнімін жинап алды. Бүгінде округ бойынша 2728 бас ауылшаруашылық малдары тіркелген.&nbsp;Биылғы жылы ауылдағы тұрмыс деңгейі аз қамтылған 52 отбасына атаулы әлеуметтік көмек (АСП) тағайындалып, жалпы сомасы 21млн. 921 мың теңге қаржылай қолдау көрсетілді. Қайырымдылық акциялары аясында «Ы.Жахаев атындағы Қазақ күріш шаруашылығы ҒЗИ» ЖШС-гі, жеке кәсіпкерлер, ауыл жастары мен ауыл мешіті тарапынан тұрмысы төмен отбасыларына азық-түліктей қолдау шаралары ұйымдастырылды.Округтегі А.Хангелдин атындағы №179 орта мектепте 505 оқушы, мектеп алды даярлық сыныбында – 40 бала және мектеп жанындағы «Нұр-бөбек» шағын орталығындағы 2 топта 40 бүлдіршін тәрбиеленуде.Қарауылтөбе ауылдық округінің клуб &nbsp;құрамында 64 өнерпаз бар. Сондай-ақ ауыл бүлдіршіндеріне 5 үйірме жұмыс жасауда. Осы жылы аталған өнерпаздар өз өнерлерін көптеген сайыстарда, іс-шараларда, салтанатты кештер мен мейрамдарда көрсете отырып, жүлделі орындарға ие болуда. &nbsp;

Қарауылтөбе: Баянды тірлік береке бастауы

<a href="https://kyzylorda-news.kz/">Kyzylorda-news.kz.</a> Қазалы локомотив депосы біздің аудандағы ең алғашқы өндіріс кәсіпорыны болып табылады. Аудан тарихында ең алғаш жұмысшы класының негізі аталған кәсіпорында қаланды. Мұнда өз кәсібіне адал әрі тәжірибелі кіл мықтылар жиналған. Солардың қатарында Марат Досекеевтің алар орны ерек. Ол қырық бес жыл бұрын Локомотив депосына жөндеуші болып қабылданған. Жұмысқа қабылданғаннан кейін бір жылдан соң Кеңес әскерінде екі жыл әскери борышын өтейді. Отан алдындағы антын орындағаннан кейін қайта өз кәсібіне орналасады. Бүгінгі күнге дейін зауыттың 1 цехына электраппараттарын жөндеу цехында жұмыс жасайды. 1 разрядтан 5 разрядқа дейін көтеріліп білікті маман ретінде жұмыс атқарып келеді.<blockquote>«Осы қызметте жүргеніме бұйырса биыл 46 жыл болады. Мектеп бітіре сала 17 жасымда осы депода нәпақасын тапқан анам өз орнына жұмысқа тұрғызды. Сол кездегі жол көрсетер, бағыт-бағдар берер жандар көп болды. Олар мені бірден өздеріне баурап алды. Атап айтқанда, шебер Николай Мальцев кеңес беріп, көп қамқорлық көрсетті. Аға слесарьлар: Қарлыбай Серімбетов пен Мәлкаждар Ерадиловтардан тәлім-тәрбие алдым. Солардың үйреткендері өмірлік тәжірибемде пайдасы мол болды. Содан да болар жұмысқа деген қызығушылығым артты. Кәсібімді қиындығына қарамастан сүйіспеншілікпен атқарамын. Сонда ғана әрбір жасаған ісің берекелі болады. Ұжымдастарымның аузбіршілігі мықты, бір-бірімізге көмектесіп, әрдайым демеп отырамыз. Соның арқасында жұмыс сәті жеңіл өтеді», – дейді Марат Раноұлы.</blockquote>Қазір зауыттың электраппараттарын жөндеу цехында 15 адам ауысыммен жұмыс істейді. Марат Досекеевтің міндетіне тепловоздың тоққа байланысты сымдарын бақылау кіреді. Негізгі мамандығы электрик. Өзге де жұмысшылармен бірлесе, тепловоз аппараты мен бөлшектерін бұзып-жөндеп қайта орнына салады. Көне электрлі сымдарын қиып, жаңасын орнатады. Май болған жерлерін жалтырата тазалап, толық барлығын жөндеуден өткізеді. Мұндай өзгеріс жасалатын тепловоз ұзақтығына және жағдайына қарай 1 ай, кейде 20 күн, кейбірде жеңілдігіне орай 1 жеті не 10 күнде жөнделіп, жаңа күйдейгідей шығады. Сондықтан да алыс-жақын елдер мен Қазақстан теміржолы бойынша Қазалы тепловоз жөндеу зауыты қалған зауыттардың арасында алдыңғы қатардан саналатын үздік ірі өндіріс орны болып табылады. Себебі мұнда ұзақ жылдар бойғы тәжірибені бойына жинақтаған білікті мамандар күн-түн сапалы қызмет атқарады.<blockquote>«ТЭМ-2 моневарлы тепловозды жөндейтін тек Қазалыда ғана, яғни біздің депода болғандықтан Ресейден де тапсырыспен тепловоздар жіберіледі. Қазақстанның түкпір-түкпірінен де тепловоздар жөнделуге әкелінеді. Бұрындары кеңестік уақытта цехаралық жұмыс барысын Мәскеу арқылы бақылағанда үнемі біздің цех бірінші орын алатын. Сол бір мақтаныш сезімі кеудені кернеп, барынша аянбай тер төгіп зейнет жасына жетіп қалғанымызды да байқамай қалдық. Басшылыққа шексіз алғысымды білдіремін. Әрдайым еңбегімізді елеп, мейрам сайын марапат пен ақшалай сыйға ұсынып тұрады. Барлығына кәсіптеріне береке берсін», – деп ағынан жарылды Марат Досекеев.</blockquote>Бір қызығы, ұжым мен ағайын-туыс арасында сыйлы кейіпкеріміздің ағасы Серік пен жеңгесі Салима да теміржол саласында тер төгеді екен. Ал өзінің Құдай қосқан қосағы Гүлнар да осы мекемеде инженер болып қызмет атқарады. Қызы Гүлзат еңбекті нормалау жөніндегі инженер лауазымын абыроймен алып келеді. Ұлы Жеңісбек пен қызы Гүлжанат та теміржол саласынан табыс тауып жүр.

Ауыр жұмысқа шыңдалған маман

<a href="https://kyzylorda-news.kz/">Kyzylorda-news.kz.</a> Бүгін, Жалағаш ауданының әкімі Асқарбек Темірбекұлы Есжановтның қатысуымен «Наурыз шапағаты» қайырымдылық акциясы өтті.«Наурыз шапағаты» қайырымдылық іс-шарасы – аудан азаматтарының ауызбіршілігі мен ынтымағын, қамқор көңілі мен мейірбандығын көрсететін рухани шара. Әр күні жылға азық болар берекелі мезгілде жақсылықтың тілекшісі болған жомарт жандар ата-баба рухына құран бағыштап, құрбандық шалды.Ерлік әдетте жұмсақ мінезді серік етеді, сондықтан ержүрек адамдар қайырымдылық жасауға басқадан гөрі қабілетті келеді. Себебі, көмекке мұқтаж адамға қайы¬рымдылық жасау да сауабы мол амалдың бірі.&nbsp;Наурыз – көктем мен жаңару мерекесі. Бұл Қазақстанның ең сүйікті және ауқымды мерекелерінің бірі. Сонымен, біз Наурызды не себептен жақсы көреміз? Ұлыстың ұлы күні деп аталып кеткен бұл мейрамның өзіндік керемет ерекшеліктері бар.&nbsp;Наурыз – әлемдегі ең көне мейрамдардың бірі. Орта Азия елдері оны 5000 жылдан аса уақыт атап өтіп келеді. Наурыз мейрамы заманауи діндер мен көптеген мемлекеттер пайда болғанға дейін шамамен 5 мың жыл бұрын пайда болды. Бұл ежелгі мереке күнәдан тазару, киім-кешектерді тазарту, үйді тазарту, жамандықтан және өшпеділіктен тазару мерекесі ретінде атап өтіледі. Ол адамдарды басқалардың күнәлары мен жамандықтарын кешіруге шақырады. Сондай-ақ, бұл күні шығыс елдері екі арадағы кез келген соғысты тоқтатқан. Ал қазақ ақсақалдары мерекеде араздасқан ру-тайпалармен татуласатын болған. Ұлыстың ұлы тойы – Наурыз мерекесі қарсаңында жасалған әр амал халқымызға береке болсын.<img src="https://knadmin.beoblood.kz/uploads/zhallllllll_1398cfbd2f.jpg" alt="жалллллллл.jpg">&nbsp;

 Жалағашта «Наурыз шапағаты» қайырымдылық акциясы өтті

<a href="https://kyzylorda-news.kz/">Kyzylorda-news.kz.</a>&nbsp;Қызылорда облыстық «Қоғамдық келісім» КММ ұйымдастыруымен 22 наурыз - Ұлыстың ұлы күні қарсаңында&nbsp;«Наурыз думан» атты акциясы өтті.&nbsp;Мемлекеттік мекеменің қызметкерлері Қорқыт Ата атындағы педагогикалық дәстүрлі өнер институтының өнерпаздарымен бірге №11 автобустарға мініп, онда әннен шашу шашып, қала тұрғындарына қуаныш сыйлады.Қызылорда облыстық «Қоғамдық келісім» мекемесінің «Қоғамдық жаңғырту» бөлімінің қызметкерлерінің айтуынша, бұл акцияның негізгі мақсаты - халыққа жақсы көңіл-күй сыйлау. Сонымен қатар береке мен бірлік, адамдардың бір-біріне деген құрметі мен ризалық сезімін арттыру болып табылады.Өзіміз куә болғандай, қоғамдық көліктегі бүгінгі атмосфера мүлдем бөлек болды. Жолаушылардың мерекені сезінгендері жүздерінен аңғарылды. Қоғамдық көліктегі жолаушылар өз ризашылықтарын білдірді.&nbsp;<blockquote>«Ел алғысын алсаң елеулі боларсың» деп аталарымыз ұрпағына үнемі осындай ізгілікті өсиет еткен. Бұл адамның адамға деген шынайы ниетін білдіреді. Осы ретте, ұйымдастырушылар мен жас өнерпаздарға жолаушылар алғыс айтып, «Ұлыс оң, ақ мол болсын! Өнерлерің өрге жүзсін!» - деп ізгі тілектерін жаудырды.</blockquote><figure class="image"><img src="https://knadmin.beoblood.kz/uploads/Bezymyannyj_f51347fd4b.jpg" alt="Безымянный.jpg"></figure><figure class="image"><img src="https://knadmin.beoblood.kz/uploads/a_437ebeb7a6.jpg" alt="а.jpg"></figure>

Қазақстан және Қызылорда облысының жаңалықтары