<a href="https://kyzylorda-news.kz/">Kyzylorda-news.kz.</a>&nbsp;Өңірде алдағы күндері жауын-шашынсыз ауа райы күтіледі. Тиісінше, ауа температурасы күндіз -5 градус, ал түнде -10-15 градусқа дейін суытады. Сонымен қатар желдің екпіні күшейіп, секундына 20-25 метрге дейін соғады. Бұл жөнінде Өңірлік коммуникациялар қызметінде өткен брифингте «Қазгидромет» РМК Қызылорда облысы бойынша филиалының бөлім басшысы Әйгерім Жөкелова хабарлады.<blockquote>«Облыста қыс мезгілі соңғы 10 жылмен салыстырғанда өте суық өтуде. Биыл тіркелген ең төменгі температура көрсеткіші &nbsp;-30 градусты көрсетті. Жалпы желтоқсан айында бізде орташа ауа температурасы -6-12 градусты көрсетіп, жауын-шашын мөлшері шамадан аз түсті. Ал қаңтар айында орташа температура -5-8 градусты көрсетуде. Дегенмен, желдің күшеюі әсерінен ауа темпаратурасы біршама төмендеді. Айдың соңына қарай аяз күшейіп, желдің екпіні жоғарылайды. Алайда ақпан айының басында күн жылынып, ауа темпаратурасы +5+10 градусқа дейін көтеріледі. Бірақ ай ортасында өңірде қалың қар жауып, күн райы күрт сууы ықтимал. &nbsp;Жалпы әлемдік климаттың өзгеруі салдарынан облыстың ауа райы да жылдан-жылға өзгеруде. Яғни қысы суық, жазы өте ыстық өтуде, - деді Әйгерім Болатбекқызы.</blockquote>

Алдағы күндері аяз күшейеді

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысының әкімі Нұрлыбек Нәлібаевтың төрағалығымен өткен мәжілісте 2022 жылға жоспарланған халықты жұмыспен қамту бағытындағы көрсеткіштердің орындалу барысы мен 2023 жылға қойылған міндеттер талқыланды. Жиынға басқарма басшылары мен селекторлық режимде қала, аудан әкімдері қатысты.Облыстық жұмыспен қамтуды үйлестіру және әлеуметтік бағдарламалар басқармасының басшысы Ғабит Жаңабаев Мемлекет басшысы берген тапсырмалардың орындалуы және 2023 жылға қойылған міндеттер бойынша баяндама жасады.Еске салсақ, ел Президенті Қасым-Жомарт Кемелұлы Тоқаев әкімдерге 10 мың халыққа 100 жұмыс орнын ашу жөнінде тапсырмасы 2022 жылы артығымен орындалып, Қызылорда облысы республика бойынша жоғары көрсеткішге қол жеткізген аймақтардың қатарында. Басқарма басшысы 2023 жылың қорытындысымен өңірде жұмыссыздық деңгейін 4,8%-ға, ал жастар жұмыссыздығы деңгейін 3,9 %-ға дейін жеткізу жоспарланғанын мәлімдеді.Өз кезегінде, аймақ басшысы бірқатар аудан, басқармалармен ашылмаған жұмыс орындары жоспарды толық орындауға кері әсер етіп отырғанын атап өтіп, өткен жылы төмен нәтиже көрсеткен Қармақшы, Жалағаш, Қазалы, Жаңақорған аудандары мен облыстық кәсіпкерлік және өнеркәсіп, ауыл шаруашылығы және жер қатынастары басқармаларына биылғы жылы бекітілген Өңірлік жұмыспен қамту картасына енгізілген жобалардың толығымен жүзеге асырылуын қажеттігін қатаң ескертті.<blockquote>«Біздің басты міндетіміз - халықтың әл ауқатын арттыру үшін жұмыс орындарын құрып, жұмыссыздар санын азайту. Сондықтан, осы бағыттағы жұмыстарға бар күш-жігерімізді салуымыз қажет», - деді облыс әкімі.</blockquote>Жиын қорытындысымен облыстық жұмыспен қамтуды үйлестіру және әлеуметтік бағдарламалар басқармасына Қызылорда қаласы және аудан әкімдерімен, жауапты басқармалар және «Қазавтожол» акционерлік қоғамы Қызылорда облыстық филиалы, «Қазсушар» шаруашылық жүргізу құқығындағы республикалық мемлекеттік кәсіпорнының Қызылорда филиалымен бірлесіп, &nbsp;Өңірлік жұмыспен қамту картасы аясында 2023 жылы ұлттық жобалар және жеке бастамалар есебінен жүзеге асырылатын жобалар шеңберінде 43898 жұмыс орнын ашуды қамтамасыз етуді, &nbsp;Мемлекет басшысының әкімдерге 10 мың халыққа 100 жұмыс орнын ашу жөнінде берген тапсырмасына сәйкес 10 651 жұмыс орнын құру бойынша жұмыстарды жүргізуді және &nbsp;жұмыспен қамтудың белсенді шаралары және ашылған жұмыс орындарының зейнетақы аударымдарының 100% аударылуын қамтамасыз етуді тапсырды. Сондай-ақ, Қызылорда қаласы және аудан әкімдеріне облыстық бақылау жөніндегі басқармасымен бірлесіп жұмыспен қамтылғандардың еңбек келісім шартының 100% болуын және электронды еңбек биржасына тіркелуін қамтамасыз ету жөнінде міндет қойылды.Мұнан бөлек, жиында облыс бойынша санитарлық тазалық мәселесі қаралды.Аймақ басшысы облыстық және республикалық маңызы бар жолдар мен магистральді темір жол бойындағы тазалық мәселесі сын көтермейтінгін баса айтты.&nbsp;<blockquote>«Облыс әкімі аппаратымен апта сайын тазалық мәселесіне рейдтер жүргізіліп, қорытындысымен шұғыл қалыпқа келтіру бойынша тапсырмалар берілуде. Дегенмен, жауапты мекемелер мен қызметкерлер әлі де немқұрайлық танытуда. Мысалы, аудан және қалада бірнеше аумақ стихиялық қоқыс аумағына айналған. Жергілікті жерде тазалықпен айналысатын мекемелер бар. Ең алдымен солардың жауапкершілігін күшейту қажет. Мәселенің барлығын жеке секторларға немесе тұрғындарға артып қоюға болмайды. Бұдан бөлек, республикалық және облыстық маңызы бар жолдардың, сондай-ақ магистральді темір жол бойында орналасқан нысандардың санитарлық тазалық мәселесі сын көтермейді. Өткен аптада бұл мәселе қаралды. Берілген тапсырмадан нәтиже шықпайтын болса, тиісті шешімдер қабылданатын болады», - деді Н.Нәлібаев.</blockquote>Тазалықтың жай-күйін арнайы дайындалған слайдтар арқылы саралаған аймақ басшысы жауапты мекеме басшыларына орын алған олқылықтарды тез арада жойып, алдағы уақытта жол бойы мен темір жол стансалары және оның маңындағы нысандардың сыртқы келбетін талапқа сай ұстауды қатаң тапсырды.<figure class="image"><img src="https://knadmin.beoblood.kz/uploads/327093491_1233614550566894_6124671419498445702_n_9de522c1cc.jpg" alt="327093491_1233614550566894_6124671419498445702_n.jpg"></figure><figure class="image"><img src="https://knadmin.beoblood.kz/uploads/327060939_831484928717861_8904332228734599430_n_1581ad0f25.jpg" alt="327060939_831484928717861_8904332228734599430_n.jpg"></figure><figure class="image"><img src="https://knadmin.beoblood.kz/uploads/327141063_563120652367486_3531575189422315565_n_8f6718a281.jpg" alt="327141063_563120652367486_3531575189422315565_n.jpg"></figure>

Басты міндет – жұмыссыздардың санын азайту

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысының әкімі Нұрлыбек Нәлібаев облыс орталығында салынатын 100 келушіге арналған емханасы бар 300 орындық аурухана мен 7 мың орындық стадион құрылыстарының жобаларын талқылады. Аурухана құрылысының жалпы сметалық құны 36,4 млрд. теңгені құрайды.Кездесуде облыс әкімінің орынбасары Мархабат Жайымбетов пен облыстық құрылыс, сәулет және қала құрылысы басқармасының басшысы Ерлан Төрәлиев аталмыш нысандардың эскиздік жобасын көрсетіп, құрылысы бойынша жұмыстарды баяндады.&nbsp; Айта кетейік, құрамында онкологиялық бөлімшесі бар 300 орындық аурухана мен 7 мың орындық стадион облыс орталығының Сол жағалау мөлтек ауданында салынады.&nbsp;Аймақ басшысы аталмыш нысандарының құрылысын сапалы әрі өз мерзімінде жүргізуді тапсырды.&nbsp;<figure class="image image_resized" style="width:100%;"><img src="https://knadmin.beoblood.kz/uploads/327084004_739502400843433_6005602697552976011_n_d9698c4ac4.jpg" alt="327084004_739502400843433_6005602697552976011_n.jpg"></figure>

Қызылордада 300 орындық аурухана мен стадион құрылысының жобалары таныстырылды

<a href="https://kyzylorda-news.kz/">Kyzylorda-news.kz.</a>&nbsp;Кең ауқымды солтүстік-батыс антициклонының әсерінен Қазақстан аумағының басым бөлігінде жауын-шашынсыз күн райы сақталады, деп хабарлайды Қазгидромет.Ал республиканың солтүстігінде, шығысы мен орталығында, сондай-ақ оңтүстігіндегі таулы аймақтарда атмосфералық бөліктердің өтуімен қар, жаяу бұрқасын күтіледі.Елдің оңтүстігінде, солтүстігі мен шығысында жел күшейеді, оңтүстігі мен солтүстігінде, сонымен қатар тұман болжанады.

24 қаңтарға арналған ауа райы болжамы

<a href="https://kyzylorda-news.kz/">Kyzylorda-news.kz.</a>&nbsp; Төлем жасаудың кең тараған тәсілдерінің бірі мобильді құрылғылар арқылы жасалатын QR- төлемдер болып табылады. Алайда QR-кодтарды сканерден өткізу әрдайым қауіпсіз бе, оны Fingramota.kz-пен бірге қарап көрейік.Quick response code (QR-код) – жылдам ден қою коды – кодталған ақпаратты оқуға арналған екі өлшемді штрих-код. QR-кодты суретті өңдеу құрылғыларының, мысалы камера немесе арнайы функцияның көмегімен оқуға болады.QR-төлемдер жасау үшін пайдаланушы төлем карточкасына не электрондық әмиянға байланыстырылған смартфонның көмегімен сатушының QR-кодын сканерден өткізуі қажет. QR-сервистерді сауда нүктелерінде, сондай-ақ интернетте төлемдер үшін пайдалануға болады. QR-төлемдер жасау кезінде сатушыға POS-терминалдың қажет емес екенін атап өткен жөн. QR-кодты сканерлеу кезінде қаражат тікелей аударылады және сатушы дереу ақша қаражатының түскені туралы хабарлама алады. Бұл тауарлар мен қызметтерге ақы төлеу процесін елеулі түрде жылдамдатады және жеңілдетеді.QR-кодтардың 25 жылдан астам уақыт бойы жұмыс істеп келе жатқандығына қарамастан, оларды күнделікті өмірде пайдалану соңғы бірнеше жылда күрт өсті. Біздің сеніміміз және QR-кодтарды жиі пайдалануымызды алаяқтарға да ой салды. QR-код арқылы сіздің деректеріңізге қол жеткізу үшін қаскүнемдер қандай амалдар жасайды?QR-алаяқтық қалай жұмыс істейді?Техникалық тұрғыдан алғанда « жалған» QR-код деген ұғым жоқ. Кодтардың өзі қауіпті емес — мәселе оларды кімнің және қалай қолдануында. Сканерлеу кезінде автоматты түрде орнатылған URL-мекенжайға қайта бағыттайтын бірқатар тегін онлайн-генераторларды қолдана отырып QR-код құру өте оңай. Алаяқтар адам көзінің QR-кодты «оқи» алмау фактісін қолдана отырып, дұрыс &nbsp;QR-кодты өзінің QR-кодына оңай ауыстыра алады. Мұндай «жалған» QR-кодтар сізді сіздің құпия ақпаратыңызды ұрлауға арналған зиянды веб-сайттарға қайта бағыттап жіберуі мүмкін.Алаяқтық QR-кодтарда не жасырылуы мүмкін екенін мысалдармен талдайық.Байланыссыз төлем жүргізу кезінде QR-код арқылы жасалатын алаяқтықQR-кодтарды қолданудың кең таралған әдістерінің бірі тауарлар мен қызметтерге ақы төлеу болып келеді, мысалы, food court немесе автотұрақ. Алайда, QR-код арқылы төлем жасамас бұрын, сайттың атауы мен қорғалуын мұқият тексеріңіз, ол HTTPS-ден басталып, онда жабық құлып белгісі болуы керек. Ешнәрседен күдіктенбеген азаматтардың қоғамдық орындарда QR-кодты сканерлеп, фишингтік веб-сайттарға кірген жағдайлары да болды.Электрондық поштаға жіберілген жалған QR-кодтарОнлайн сатып алу кезінде сіздің электрондық поштаңызға «сәтсіз жасалған төлем» туралы хабарлама келуі мүмкін. Транзакцияны аяқтау үшін QR-кодты сканерлеуіңіз керек. Егер сіз хакерлік шабуылдар жасалған сайттардан тауарлар сатып алсаңыз, мұндай хабарларды алаяқтар жібере алады. &nbsp;Егер сіз онлайн сатып алу жасалмады деп ойласаңыз, онда өзіңіздің есептік жазбаңызға QR кодтың көмегі арқылы емес, тікелей компанияның веб-сайты арқылы кіріңіз.Күтпеген сәлемдемелердегі QR-кодтарАлаяқтар &nbsp;сіздің қызығушылығыңызды пайдалануы мүмкін. Мұны істеудің ең қарапайым тәсілдерінің бірі сіз тапсырыс бермеген интернет-дүкеннен өнімді жіберу. Ішінде немесе қаптамада сіз оны қалай қайтаруға болатындығы (немесе тапсырысыңыз туралы көбірек білу) туралы «нұсқаулық» бар QR-кодты көресіз. Егер сіз кодты сканерден өткізіп алсаңыз, онда ол автоматты түрде сізді фишингтік веб-сайтқа қайта бағыттап жібереді, ол сіздің жеке ақпаратыңызға, тіпті банктік картаңыздың деректемелеріне қол жеткізе алады. Бұл алаяқтықтың тағы бір нұсқасы - сіздің есігіңізде «жіберілген сәлемдеме» туралы QR-коды бар жазбаша хабардың болуы. QR-кодты сканерлеген кезде сізден жеке деректерді енгізу немесе қосымша жеткізу ақысын төлеу сұралады.Егер өзіңіз күтпеген сәлемдеме алсаңыз, онда бұл туралы жеткізу қызметіне тікелей хабарлаған дұрыс.Толығырақ "<a href="https://fingramota.kz/kk/post/qr-kodtar-aryly-zhasalatyn-alayaty-zidi-alaj-orau-bolady">Абайлаңыз, алаяқтар</a>" бөлімінен оқыңыздар&nbsp;

QR-кодтар арқылы жасалатын алаяқтық: өзіңді қалай қорғауға болады?  

<a href="https://kyzylorda-news.kz/">Kyzylorda-news.kz.</a> Бүгін Қазақстан Республикасы Қарулы Күштерінің беделін арттыру, жастардың әскери-патриоттық рухын көтеру, әлеуметтік жағдайын жақсарту мақсатында ҚР Қорғаныс министрлігінің Тәрбие және идеологиялық жұмыстар департаменті мен Жастар ресурстық орталығы, «Жас Сарбаз» әскери-патриоттық қозғалысының бірлесе ұйымдастыруымен «Жаңа Қазақстанның тірегі – айбынды жастар» тақырыбында мектеп оқушыларына арналған әскери-патриоттық акциясы өтті.&nbsp;Шараға жергілікті атқару органдарының өкілдері, Қарулы Күштердің ардагерлері, әскери қызметшілер мен «Жас сарбаз» жастар қозғалысының мүшелері, оқушылар мен колледж студенттері қатысты. Шараның алғысөзін Қызылорда облысының қоғамдық даму басқармасы басшысының орынбасары Артур Раушанбекұлы алып, Сыр топырағына келген барша офицерлер мен әскери қонақтарға алдағы жұмыс жоспарына сәттілік тіледі.Еліміздің бірнеше өңірінде жоспарланған ақпараттық-түсіндірме тобында ҚР ҚМ Тәрбие және идеологиялық жұмыстар департаментінің өкілі подполковник Ғалымжан Қаршығаұлы, ҚР ҚМ Әскери білім және ғылым департаментінің өкілі полковник Қуаныш Зекенұлы, ҚР ҚМ Заң департаментінің өкілі подполковник Полатхан Алдабергенұлы арнайы келіп, жастарды Отан алдындағы әскери парызын өтеуге шақыру, әскери қызметшілердің әлеуметтік жағдайын жақсарту бағытында атқарылып жатқан жұмыстарды толыққанды түсіндіру және әскери оқу орындарына түсу тәртібі туралы мол мағлұматтар берді.Сонымен қатар әскер саласындағы ақшалай үлес, медициналық және тұрғын үймен қамтамасыз ету, әскерге шақыру тізіміне тіркеу тәртібі және әскери есеп пен қызметтің заңнамаларының негізгі ережелері де оқушыларға толыққанды түсіндірілді.&nbsp;Шара барысында Армия генералы С.Нұрмағамбетов атындағы Құрлық әскерлері әскери институтының 4 курс курсанты Нұрбек Әкімбекұлы мен Кеңес Одағының 2 мәрте батыры Т. Бигелдинов атындағы Әуе қорғаныс күштері әскери институтының 4 курс курсанты Ғалымжан Мирамұлы өздері оқып жүрген әскери оқу орындары жайлы арнайы бейнеролик әзірлеп, оқу орнының қазіргі жетістіктері мен жүйелі жұмысын таныстырды.&nbsp;Шара соңы әскери-патриоттық ән кешіне ұласты. &nbsp;<figure class="image"><img src="https://knadmin.beoblood.kz/uploads/326894888_1877337942642839_8257526291750736639_n_332197cc15.jpg" alt="326894888_1877337942642839_8257526291750736639_n.jpg"></figure>&nbsp;<figure class="image"><img src="https://knadmin.beoblood.kz/uploads/327051485_714319023556595_4728993891664032486_n_b2300fc279.jpg" alt="327051485_714319023556595_4728993891664032486_n.jpg"></figure>

«Қазақстанның тірегі – айбынды жастар» атты әскери-патриоттық акция өтті

<a href="https://kyzylorda-news.kz/">Kyzylorda-news.kz.</a>&nbsp;Белкөл кентінде өткен жылы темір жол үстінен өтетін жаяу жүргіншілер жолы көпірінің құрылыс жұмыстары бастау алған болатын.Кент тұрғындары теміржолдан қауіпсіз өту мақсатында облыстық бюджеттен 251 млн. теңге қаржы бөлінді. Көпірдің құрылыс монтаж жұмыстары жеңімпаз мердігер мекеме «Golden City DS» ЖШС атқаруда.Айта кету керек, биыл көпірдің құрылыс жұмыстары аяқталып, пайдалануға беріледі.

Қызылорда: Кентте көпір құрылысы жүріп жатыр

<a href="https://kyzylorda-news.kz/">Kyzylorda-news.kz.</a> Бүгін облыс әкімі Нұрлыбек Нәлібаев өңірге арнайы жұмыс сапарымен келген ҚР Президенті жанындағы әйелдер істері және отбасылық-демографиялық саясат жөніндегі Ұлттық комиссия мүшесі Қарақат Әбденмен кездесті.Кездесу барысында аймақта гендерлік, отбасылық саясат және қыз-келіншектердің заңды құқығын қорғап, жан-жақты қолдау көрсету барысы сөз болды. Қарақат Әбден осы саладағы өзекті мәселелерді атап өтіп, Сыр еліне келу мақсаты – облыс әкімі жанындағы әйелдер істері және отбасылық-демографиялық саясат жөніндегі комиссияның жұмысымен танысу екенін мәлімдеді.Өз кезегінде аймақ басшысы облыста әйел аналарды қолдауға бағытталған жұмыстар туралы айтты. Атап айтқанда, кәсіпкерлердің қолдауымен «Анаға тағзым» орталығының құрылысы жүргізіліп жатқандығын мәлімдеді. Құны 1,5 млрд. теңгені құрайтын заманауи үлгідегі орталық өңірдің қыз-келіншектеріне, жас отбасыларға, балаларға ұлттық құндылықтарды дәріптеп, әдет-ғұрып, салт-дәстүрлерді жаңғыртуға мол мүмкіндік бермек.Айта кетейік, Қарақат Әбден өңірге жұмыс сапары барысында қиын жағдайға түскен әйелдер тұратын дағдарыс орталығына барып, орталық тұрғындарымен әңгімелеседi және кәсіпкер әйелдер мен студент жастармен кездеседі. Сонымен қатар,М.Мәметова атындағы Қызылорда педагогикалық жоғары колледжі жанынан құрылған «Көшбасшы қыздар» клубының жұмысымен және №140 мектеп жанынан құрылған «Отбасы мектебі» облыстық пилоттық жобасымен танысу жоспарланған.

Әйелдердің құқығын қорғау мәселелері пысықталды

<a href="https://kyzylorda-news.kz/">Kyzylorda-news.kz.</a> Былтыр маусым айынан бері Таиланд елінде құлдықта болған 14 Қазақстан азаматына көмек көрсетілген. &nbsp;Мьянмада құлдықтан босап шыққан Қазақстаның екі азаматы елге жеткізілген.<blockquote>"Шетелге қазақстандықтар көбіне жалақысына қызығып жұмысқа барады. 2-3 мың АҚШ долларына дейін айлық төлейміз деп компаниялар шақырған кезде, адамдар шарттың мазмұнына мән бермей жатады. Соның салдарынан қиын жағдайға тап болады. Шетелге барар алдында бүкіл құжатты мұқият тексеріп шығуға кеңес береміз", - деді СІМ ресми өкілі Айбек Смадияров мәлімдеді.&nbsp;</blockquote>&nbsp;

Мьянмада құлдықта болған Қазақстаның екі азаматы елге оралды – СІМ 

<a href="https://kyzylorda-news.kz/">Kyzylorda-news.kz.</a>&nbsp; Қазақстанда көппәтерлі тұрғын үйлерді басқарудың жаңа түрін енгізу жоспарланып отыр. Жаңашылдық еліміздегі тұрғын үй-коммуналдық реформаны жетілдіру жөніндегі шаралар пакетінде қамтылған, деп хабарлайды индустрия және инфрақұрылымдық даму министрлігінің баспасөз қызметі.Елімізде көппәтерлі тұрғын үй қорын басқарудың жаңа тәсіліне көшіруге байланысты жұмыс жоспарлы түрде жалғасып келеді. Биыл басқарудың тың тетігіне 45 148 көппәтерлі тұрғын үй (97,1%) көшірілді. Енді республиканың 3 өңірінде 1 366 (2,9%) көппәтерлі тұрғын үйді басқарудың формасына көшіру қажет.&nbsp;<blockquote>"Басқарудың жаңа түрлерін енгізуге арналған реформаны жетілдіру мақсатында таяуда түзетулер пакеті әзірленіп, соған сәйкес жиналысты өткізудің кейбір функцияларын беру арқылы Тұрғын үй кеңесінің өкілеттіктерін күшейту, қаржылық мәселелер бойынша шешімдер қабылдау кезінде жиналыс кворумын азайту (жалпы жиналыстың 2/3-тен 51%-ға дейін) және жазбаша сауалнама мерзімін екі айға дейін ұзарту қарастырылады", - деп мәлімдеді министрлік.</blockquote>&nbsp;Бұдан бөлек көппәтерлі тұрғын үйлерді басқару түрлері бойынша градациялау енгізу ұсынылды. Атап айтқанда, тікелей бірлескен басқару - 16 пәтерге дейін, қарапайым серіктестік – 30 пәтерге дейін және мүлік иелерінің бірлестігі – 30-дан артық пәтерге дейін.Қазір "Қазақстан Республикасының кейбір заңнамалық актілеріне тұрғын үй-коммуналдық шаруашылығы мәселелері бойынша өзгерістер мен толықтырулар енгізу туралы" заң жобасы парламент сенатында қаралып жатыр.

Көппәтерлі тұрғын үйлерді басқарудың жаңа түрі енгізіледі

<a href="https://kyzylorda-news.kz/">Kyzylorda-news.kz.</a>&nbsp;Аймақтағы білім беру ұйымдарында тәрбие жұмысын жандандыру мақсатында облыстық білім басқармасының жанынан жұмысшы тобы құрылып, алғашқы отырысы өткізілді.Жиынға облыстық білім басқармасының басшысы Мейрамбек Шермағанбет, оқу әдістемелік орталық қызметкерлері, білім саласының ардагерлері, колледж, мектеп директорлары, тәрбие ісі жөніндегі орынбасарлар, әлеуметтік педагогтер мен психолог мамандар, бала құқықтары жөніндегі өңірлік уәкіл, құқық қорғау органдарының қызметкерлері мен ҮЕҰ өкілдері қатысты.Отырыста басқарма басшысы құқық бұзушылық, суицид, ерте жүктілік, нашақорлық, әлімжеттіктің алдын алу мақсатында бірінші кезекте тәрбие мәселесіне баса назар аударуды, ол үшін мүдделі органдармен бірлескен арнайы іс шаралар жоспарын әзірлеп, барлық білім беру ұйымдарында жүзеге асыру қажеттігін атап өтті.<blockquote>Қай уақытта да ұрпақ тәрбиесі маңызды. Жеткіншектерге саналы тәрбие беру бүкіл қоғамның, салаға жауапты мамандар мен аға буын өкілдерінің қастерлі міндеті. Сондықтан, құрылған жұмысшы топ құрамына тәжірибелі ардагерлер мен саланың білікті мамандарын енгізіп отырмыз. Статитистикалық мәлімет бойынша, өткен жылдарға қарағанда көрсеткіштер біршама төмендеген. Бірақ мәселе бала тағдырына тікелей қатысты болғандықтан біздің басты мақсатымыз – өңірдің ерекшелігіне сәйкес жас ұрпақты ұлттық тәрбие өзегінде тәрбиелеу, келеңсіз жайттардың алдын алу және болдырмау. Сонымен қатар, сынып жетекшілері мен тәрбие ісіне жауапты орынбасарлардың жұмыстарын жүйелеп, озық тәжірибелерді білім беру ұйымдарына енгізуіміз қажет, - деді М. Шермағанбет.</blockquote>Жиында білім саласының ардагерлері отбасылық тәрбиенің моделі қажеттілігін айтып, оған ғалымдар, осы саламен айналысып келе жатырған мамандарды, социологтар мен ҮЕҰ өкілдері және жастардың өздері де атсалысуы керектігін қаперге салды.<img src="https://knadmin.beoblood.kz/uploads/323883202_1596861957422300_3368727770375106933_n_94c8a3d8fb.jpg" alt="323883202_1596861957422300_3368727770375106933_n.jpg">

Білім беру ұйымдарында тәрбие жұмысын жетілдіруге байланысты жұмысшы тобы құрылды

<a href="https://kyzylorda-news.kz/">Kyzylorda-news.kz.</a>&nbsp;Мемлекет басшысының елімізге 2022 жылдың 1 қыркүйегіне дейін әкелінген және Қазақстан Республикасының заңнамасына сәйкес мемлекеттік тіркеуден өтпеген шетелдік автокөліктерді біржолғы заңдастыру өткізу туралы тапсырмасына сәйкес, ағымдағы жылдың 23-қаңтарынан, яғни бүгіннен бастап шетелдік автокөліктерді заңдастыруға өтініштер қабылданып жатыр.&nbsp;Қызылорда қаласының тұрғыны Қайырбек Бакдәулет Грузиядан әкелген автокөлігін тіркеп, полиция қызметкерлеріне алғысын айтты. &nbsp;<blockquote>«Мамандандырылған халыққа қызмет көрсету орталығында автокөлігімді заңдастырып рәсімдедім. Бұл маған әлдеқайда оңай болып, алысқа бармай, &nbsp;қаламызда тіркеп, тиісті құжаттарды алып отырмын. Полиция қызметкерлеріне және Халыққа қызмет көрсету орталығының мамандарына рақметімді айтамын», - деді ол.</blockquote>Полиция департаменті төмендегідей ақпаратты тұрғындар назарына жеткізеді:ҚАНДАЙ АВТОКӨЛІКТЕР ЗАҢДАСТЫРУҒА ЖАТАДЫ?Қазақстан азаматтары сырттан әкелген шетелдік есептегі жеңіл автокөліктер, шағын, орта сыйымдылықтағы автобустар, шағын жүк көліктер, басқаруы оң жақтағы автокөліктер. &nbsp; &nbsp;ЗАҢДАСТЫРУ ҮШІН ТАЛАП ЕТІЛЕТІН ЕРЕЖЕЛЕР:&nbsp;-Автокөлік Қазақстанға 2022 жылдың 1 қыркүйегіне дейін әкелінген болуы керек; -Криминалдық есепте болмауы керек; -Басқа мемлекетте бұрынғы тіркелген жері бойынша есептен шығарылуы тиіс; -Еуразиялық экономикалық одаққа кірмейтін елдерден әкелінген автокөлік кедендік тазартудан өтуі қажет.Өтінім беру 2023 жылдың 1 шілдесіне дейін жалғасады.ӨТІНІМ БЕРУ ЖОЛДАРЫ:&nbsp;- Е-gov.kz электронды үкімет порталы арқылы; - Екінші деңгейлі банктердің қосымшалары арқылы; - ХҚКО-ның “Өз-өзіне қызмет көрсету секторы” арқылы.&nbsp;АВТОКӨЛІКТІ ЗАҢДАСТЫРУ ҮШІН ҚАЖЕТ ҚҰЖАТТАР:Өтінім; Өтінім берушінің жеке басын куәландыратын құжат; Көлік құралының паспорты немесе тіркеу туралы куәлік; Көлік құралына меншік құқығын растайтын құжат. Нәтижесі арнайы базаға тіркеледі және көлік иесінің телефонына 1414 нөмірінен SMS жіберіледі.&nbsp; Онда қабылданған шешім нақты жазылады. Заңдастыруға рұқсат етілсе, мемлекеттік алымдар төлеу қажет. Алғашқы тіркеу үшін – 200 000 теңге; Техпаспорт үшін мемлекеттік БАЖ – 4 313 теңге; Мемлекеттік нөмір – 9 660 теңге. Одан соң көлік иесі шетелдік техпаспорт, меншік құқығын растайтын құжатты ХҚКО мамандарына тапсырады. Тіркеу бекітілгеннен кейін автокөлік иесіне ҚР тіркеу құжаты, мемлекеттік нөмір беріледі. &nbsp; &nbsp;&nbsp; Жүргізушілер 8-7242-21-20-96, 87051026841 жедел желі номерлері арқылы &nbsp;да кеңес алуға мүмкіндіктері бар. &nbsp;&nbsp;

Қазақстан және Қызылорда облысының жаңалықтары