Kyzylorda-news.kz. &nbsp;Аймақ басшысы Нұрлыбек Машбекұлының тапсырмасымен облыс әкімінің бірінші орынбасары &nbsp;Серік Қожаниязов және қала әкімі Асылбек Шаменов шаһарда салынып жатқан бірқатар құрылыс нысандарын аралап, ондағы жұмыс барысымен танысты. Жауапты тұлғалар мен мердігерлерге әрбір жобаны жүзеге асыруда мұқият болу қажеттiгiн ескертті.Алдымен облыс әкімінің бірінші орынбасары Қызылорда қаласына қарасты Ақсуат ауылдық округін газдандыру барысымен танысты. 4500-ға жуық тұрғыны бар ауылға газ құбыры толық жүргізілген. 500-ге жуық үй осы көктемде көгілдір отынға қосылады деп жоспарлануда. Алдағы күздегі жылу беру маусымында ауыл тұрғындары газ игілігін көреді деуге толық негіз бар.Сонымен қатар, Серік Салауатұлы Сырдария өзенінің сол жағалауындағы автономды блок модульді қазандығының жұмыс барысын көріп шықты. Бұл жылу беру орталығы дарияның сол жағалауындағы барлық үйге газ беруге қауқарлы.Бұған қоса, облыс әкімінің бірінші орынбасары сол жағалаудағы 10 ипотекалық тұрғын үйдің құрылысын көріп, ең алдымен сапасына мән беруді тапсырды. Бұл жоба - жалпы ауданы 29907,2 шаршы &nbsp;метр болатын &nbsp;470 пәтерлі тұрғын үй құрылысы. Ол да осы жылы пайдалануға беріледі деп күтілуде.Әрi қарай Серік Қожаниязов "Еуразия" мәдени-спорт кешеніндегі қайта жөндеу жұмыстарымен танысып, &nbsp;сапаның басты назарда болуы керектігін айтты. Облыс әкімнің бiрiншi орынбасары &nbsp;мекемелер мен жауапты &nbsp;тұлғаларға қыс мезгілінде құрылыс сапасына мән беруді, жұмысшылар жалақысын уақытылы төлеуді және нысандардағы жұмысты мерзiмiнде аяқтауды тапсырды.<img src="https://knadmin.beoblood.kz/uploads/FB_IMG_1677341756411_fc49926268.jpg" alt="FB_IMG_1677341756411.jpg"><img src="https://knadmin.beoblood.kz/uploads/FB_IMG_1677341752783_460e44b967.jpg" alt="FB_IMG_1677341752783.jpg"><img src="https://knadmin.beoblood.kz/uploads/FB_IMG_1677341760421_792f7ca5b0.jpg" alt="FB_IMG_1677341760421.jpg"><img src="https://knadmin.beoblood.kz/uploads/FB_IMG_1677341762915_1322b74f7d.jpg" alt="FB_IMG_1677341762915.jpg">

Облыс әкімінің орынбасары әлеуметтік маңызы бар құрылыс нысандарын аралады

Kyzylorda-news.kz. &nbsp;Қазгидромет синоптиктері 26 ақпан, жексенбіге арналған ауа райы болжамын жариялады.Бүгін Қазақстанның солтүстігінде, шығысында, оңтүстігінде, оңтүстік-шығысында атмосфералық фронттардың әсерінен тұрақсыз ауа райы сақталады.Қар жауады, жаяу бұрқасын соғады.Қазақстанның оңтүстік жартысында жауын-шашын (жаңбыр, қар) жауады.Батыс антициклонның әсерінен Қазақстанның қалған аумағында жауын-шашын жаумайды.Республиканың оңтүстік-шығысында және батысында көктайғақ болады.Еліміздің аумағында тұман түсіп, жел күшейеді.

Жексенбіге арналған ауа райы болжамы

<a href="https://kyzylorda-news.kz/">Kyzylorda-news.kz.</a> Наурызда теңгемен депозит ұстаған 2 млн 623 мың салымшыға 307 млрд теңге өтемақы төленеді. Бұл туралы Ұлттық банк төрағасы Ғалымжан Пірматов мәлім етті, деп хабарлайды <a href="https://www.inform.kz/kz/nauryzda-tengedegi-depozit-ielerine-307-mlrd-tenge-otemaky-tolenedi_a4039779">ҚазАқпарат</a>.<blockquote>«Депозитін теңгемен сақтағандардың өтемақы алуға беретін өтінішін қабылдау мерзімі ұзартылған болатын. Жалпы, осы уақыт ішінде 125 мың салымшы ұзартылған мерзімді пайдаланды. Соңғы дерек бойынша, алдын ала өлшем мынадай: 2 млн 623 мың салымшыдан жалпы сомасы 307 млрд теңге болатын өтінім жиналды. Төленуі ықтимал өтемақының жалпы сомасы 4 млрд теңгемен толықты. Қазіргі таңда жалпы сома 307,5 млрд теңге деп бағаланып отыр», - деді Ұлттық банк басшысы. &nbsp;</blockquote>

Наурызда теңгедегі депозит иелеріне 307 млрд теңге өтемақы төленеді

<a href="https://kyzylorda-news.kz/">Kyzylorda-news.kz.</a> Денсаулық сақтау министрлігі оқушылардың гаджеттерді қолдану нормасын анықтады, деп хабарлайды <a href="https://stan.kz/balalar-gadzhetterdi-kansha-uakit-koldana-aladi---maman-376725/">Stan.kz</a>.Балалар &nbsp;телефонды 15 минуттан көп қарамауы керек. Өйткені компьютерлер мен телефондар көру қабілетін бұзады. Бірақ ата-аналар бұл нормаларды сақтау мүмкін емес дейді.Денсаулық сақтау министрлігі әр түрлі жастағы оқушылардың электронды құрылғыларды қанша уақыт қолдану керек екенін анықтады.Бірінші сынып оқушылары үшін компьютер алдында үздіксіз сабақ оқу ұзақтығы &nbsp;– 15 минут, 2-3 сынып оқушылары үшін — 20 минуттан аспауы керек. 4-8 сынып оқушылары электронды құрылғылармен 25 минут үздіксіз отыра алады. Ересектерге компьютерді отыз минут қолдануға рұқсат етіледі.<blockquote>«Сабақ 45 минутқа созылған жағдайда қалған бөлігі теориялық бөлікпен толтырылуы керек немесе арасында үзіліс болуы тиіс», – дейді ҚР ДСМ КСЭК тамақтану, білім беру және тәрбие объектілерін санитарлық-гигиеналық бақылау және қадағалау басқармасының бас сарапшысы Индира Басманова</blockquote>Ата-аналардың айтуынша, бұл нормаларды тек мектепте сақтауға болады. Алайда қашықтан оқу барысында норма сақталмайды. Дәрігерлер гаджеттерду ұзақ уақыт үздіксіз пайдалану көру қабілетіне зиян тигізеді дейді. Бұрын мектептерде диагноз қою кезінде балалардың тек бес пайызында көру қабілеті нашар еді, қазір ол он пайызға дейін жетеді. Мектеп оқушыларының көпшілігі құрғақ көз синдромына тап болады.<blockquote>«Құрғақ көз синдромы дегеніміз – көздің жарыққа тітіркеніп, қышуы, фотофобиямен сипатталатын созылмалы ауру. Емдеу үшін көз тамшылар тағайындалады», – дейді көз дәрігері Амина Әлиева.</blockquote>Сарапшылардың айтуынша, монитор &nbsp;алдында ұзақ отыру миопия, яғни алыстан көру қабілетінің төмендеуіне әкеледі. Бірақ, әрине, гаджеттерден бас тарту мүмкін емес. Сондықтан балаға бірнеше ережелерді үйрету керек. Әр жиырма минут сайын үзіліс жариялап, жаттығуларды жасап тұру қажет. Сондай-ақ, құрылғыны көзге тым жақын ұстамай, 50 сантиметр қашықтықты сақтаған абзал. Көздің жиі жыпылықтатуды ұмытпаған жөн.

Балалардың гаджетті пайдалану уақыты қандай – Мамандар жауап берді

<a href="https://kyzylorda-news.kz/">Kyzylorda-news.kz.</a>&nbsp;Нумерологияда адамның дүниеге келген айы оның мінезіне әсер етеді деген гипотеза бар. Егер наурыз айында туған болсаңыз немесе осы айда дүниеге келген танысыңыз болса, оның мінезін төмендегі мәліметпен салыстырып көріңіз.Көктемнің алғашқы айында дүниеге келгендер жиі нәзік және тартымды келеді. Олар әлемнің сұлулығын көреді және одан ләззат ала алады. Егер отбасыңызда наурызда дүниеге келген бала бар болса, оның осы қабілетін қолдап, дамытыңыз. Оны шығармашылықпен қатысты үйірмеге, мысалы, сурет салуға беріңіз. Баланы жоғары өнермен таныстырыңыз, онымен бірге театрға, мұражайға және галереяға барыңыз. Наурызда дүниеге келген балалар рухани бай, сондықтан олар спортқа немесе техникаға қарағанда гуманитарлық ғылымдарға тартылып тұрады.Наурызда дүниеге келгендердің жиі музыкамен ерекше байланысы бар. Мысалы, сізге музыкалық аспапты меңгеруге болады. Бұл сіздің жалпы дамуыңызға жағымды әсер береді.Наурызда дүниеге келгендердің көпшілігі үй жануарын алғысы келеді. Егер мүмкіндік болса, бұл айда туған балаға үй жануарын алып беріп, оны қуантыңыз. &nbsp;Сондай-ақ наурызда туғандардың жиі мінездері ұқсас келеді: олар жасқаншақ, ұялшақ, сыпайы келеді. Баланы күштеп батыл болуға үйретудің қажеті жоқ, ол оның психикасына жағымсыз әсер етуі мүмкін. Оның орнына баланың осы мінезін қабылдап, оның бай ішкі әлеміне қуанған жөн.Наурызда дүниеге келгендердің қиялы жақсы дамыған.Бұл айда дүниеге келген балалар аналарына ерекше жақын келеді. Тіпті, олар жиі аналарына тәуелді болады. Бала есейген кезде де қандай да бір шешім қабылдарда анасының құптағанын күтуі мүмкін. Сондықтан наурызда туған баланың анасы баланы жіберіп үйренуі керек. Балаңыздың қателік жіберуіне, қателіктерден сабақ алуына, тәжірибе жинауына мүмкіндік беріңіз.<a href="https://massaget.kz/layfstayl/zhadnama/78976/">massaget.kz</a>

Наурыз айында дүниеге келгендер қандай болады?

<a href="https://kyzylorda-news.kz/">Kyzylorda-news.kz.</a> Биыл А вирустық гепатиті көбеюі мүмкін. Бұл туралы елордалық Санитарлық-эпидемиологиялық департамент басшысының орынбасары Жанна Пірәлиева мәлімдеді, деп хабарлайды <a href="https://baq.kz/biyl-a-virustyq-gepatiti-kobeyui-mumkin-epidemiolog-bolzhamy-298220/">BAQ.KZ</a>.Айтуынша, бұрын Астанада А вирустық гепатиті бойынша жылына 200-300 жағдай тіркелетін.<blockquote>«Халық арасында бұл ауру терінің және көздің шырышты қабығының сарғаюы түріндегі негізгі клиникалық белгілеріне байланысты сарғаю деп аталды. 2005 жылы АВГ-ға қарсы жоспарлы вакцинация енгізілгеннен кейін аурушаңдық 100 мың тұрғынға шаққанда 406,1 көрсеткіштен 2022 жылы 1,5-ке дейін төмендеді. Дәл осы жүргізіліп жатқан иммундау жұмыстарының арқасында елордада 2005 жылдан бастап екпе алған балалар мен жасөспірімдер ауырмайды», - деп атап өтті ведомство басшысының орынбасары.</blockquote>Сонымен қатар ол былтыр қанша адамның А гепатитіне шалдыққанына тоқталды.<blockquote>«2022 жылы қала бойынша 18 адам А гепатитімен сырқаттанды. Оның ішінде үшеуі – балалар, себебі олардың ата-анасы жоспарлы вакцинациядан бас тартқан. Биыл бұл дерттен 11 науқас емделді, оның ішінде 2003 және 2006 жылы туылған балалар бар. Олар А гепатитіне қарсы қорғаныш вакцинасын алуына мүмкіндік болса да, ата-аналарының вакцинациядан бас тартуына байланысты бауырдың зақымдануымен инфекцияға ұшырады. Елімізде А гепатитіне қарсы вакцинация Ұлттық егу күнтізбесі бойынша, тегін түрде, бала өмірінің 2 жылында, 2 есе, 0-6 ай сызба бойынша жүргізіледі. Ата-ана баласының жоспарлы вакцинациясынан бас тартқанымен, баланың денсаулығы мен қоғам алдындағы жауапкершіліктен босатылмайды. Өйткені, А гепатиті – бұл жұқпалы ауру, онда науқас инфекция көзі болып табылады және сарғаюға дейінгі кезеңде басқаларға эпидемиологиялық қауіп төндіреді», - деді Жанна Пірәлиева.&nbsp;</blockquote>

Биыл А вирустық гепатиті көбеюі мүмкін – эпидемиолог болжамы

<a href="https://kyzylorda-news.kz/">Kyzylorda-news.kz.</a> Атлант циклонының және онымен байланысты атмосфералық фронттың әсерінен еліміздің шығыс жартысында ауа райының тұрақсыз сипаты сақталады, жауын-шашын болады, деп хабарлайды Қазгидромет.Қазақстанның оңтүстігінде, шығысында, оңтүстік-шығысында жаңбыр мен қар түріндегі қатты жауын жауады. Еліміздің батыс жартысында ауа райы жауын-шашынсыз.

25 ақпанға арналған ауа райы болжамы

<a href="https://kyzylorda-news.kz/">Kyzylorda-news.kz.</a> Қызылордада деструктивті діни ағымды ұстанатын 3 азамат мешітте намаз оқуға кедергі жасады.&nbsp;Тексеру жұмыстары барысында, деструктивті діни ағымды ұстанатын 3 азамат, мешіт қызметкерінің заңды талаптарына бағынбай, діни қызметке кедергі жасағаны анықталды.Оларға қатысты ҚР ӘҚБтК-нің 490-бабының 2-бөлігімен "Заңды діни қызметке кедергі келтіру" бойынша әкімшілік хаттамалар толтырылып, жинақталған құжаттар сотқа жолданды.Сот қаулысымен олардың барлығы кінәлі деп танылып, әрқайсысына 120 750 теңге айыппұл салынды.

Қызылордада 3 азамат мешітте намаз оқуға кедергі жасаған

<a href="https://kyzylorda-news.kz/">Kyzylorda-news.kz.</a> Астана қаласында &nbsp;балалар, жасөспірімдер, жастар мен ересектер арасындағы «ASIA OPEN 2023» турнирі өтті. Жарысқа Иран, Қырғызстан, Өзбекстан, Ресей және Қазақстаннан 1200-ге жуық спортшы қатысты.Еліміздің намысын қорғағандар қатарында Қорқыт ата атындағы Қызылорда университенің студенті Алижан Алматов бар. Ол 58 кг салмақ дәрежесінде бақ сынап, чемпион атанды.Айта кетейік, турнирдің қорытындысы бойынша жоғары нәтиже көрсеткен спортшылардан ұлттық құрама жасақталып, халықаралық жарыстарға дайындалады. Биыл ересектер Польшада өтетін Әлем чемпионатына қатыспақ.&nbsp;

Алижан Алматов – халықаралық турнирдің чемпионы

<a href="https://kyzylorda-news.kz/">Kyzylorda-news.kz.</a> Аудан әкімі Нұржан Ахатовтың халықпен кездесуі Жуантөбе, Бестам, Телікөл, Ақтоған, Алмалы ауылдық округтерінде жалғасты. Кездесуге құқық қорғау саласының басшылары, дербес бөлімдер мен коммуналдық сала басшылары қатысты.Үш ай бұрынғы кездесуде Жуантөбе елді мекені тұрғындары интернет желісін күшейту, елді мекенге аяқ су жеткізу, егістік жерлердің айналасында қазылған орларды бекіту секілді &nbsp;мәселелер көтерілген болатын. Қазіргі таңда олардың барлығы дерлік шешімін тауып отыр. Мәселен, интернет желісін жақсарту мақсатында «Activ» байланыс операторының қондырғысы орнатылса, аяқ су мәселесін шешу үшін шаруа қожалық төрағаларының демеушілігімен Жуантөбеге аяқ су кіретін каналға арнайы бөгет (шлюз) орнатылып, су жолы тазартылмақ, ал мал жайылымдық жерлер түгелдей ашылған.&nbsp;Аудан басшысының келесі кездесуі Бестам ауылында жалғасты. Бұл ауылда өткен тоқсандық кездесуде елді мекендегі ветеринариялық пунктке тазалықшы штатын қарастыру, Ә.Әбуов көшесінің электр бағаналары мен сымдарын ауыстыру, Жайылымдық жер мәселесі және пада ұйымдастыру мәселелері қозғалып, толықтай шешілген. Сондай-ақ, Тоғызбаев көшесінен А. Құнанбаев көшесі аралығына 870 метр жаяу жүргіншілер жолын салу мәселесі алдағы уақытта шешімін табатын болады.&nbsp;Телікөлдегі ағайынның мәселесіне келер болсақ, ауылда жайылымдық жер, жаңадан дәрігерлік амбулатория салу, жедел жәрдем көлігін жаңарту мәселелері күн тәртібінде.&nbsp;Жайылымдық жер мәселесі шешімін тапса, ауылға дәрігерлік амбулатория ғимараты 2024 жылы салынбақ. Жедел жәрдем көлігінің жайы да үнемі бақылауда. Жаңа көліктер берілсе Телікөл ауылына да бір данасы берілмек.&nbsp;Ал, көршілес жатқан Алмалы мен Ақтоған ауылдық округтерінде өткен кездесулерде тұрғындар тарапынан игерусіз жатқан жайылымдық жерді қайтарып алу, Алмалы ауылындағы дәрігерлік амбулаторияның жедел жәрдем көлігін жаңарту, «Самара Шымкент» авто трассасының 21 бекет елді мекені тұсына жарық шамдары орнату 2 трансформатор орнату, Алмалы елді мекенінде клуб үйін салу, Ақтоған мектебіне күрделі жөндеу жұмыстарын жүргізу мәселелері көтеріліп, алдағы уақытта шешілу жолдары қарастырылмақ.

Нұржан Ахатов ауыл тұрғындарымен кездесті

<a href="https://kyzylorda-news.kz/">Kyzylorda-news.kz.</a> Мемлекет басшысынан Қорқыт ата атындағы Қызылорда университетінің студенті Ақжайық Тәжіге хат келді.&nbsp;Ел Президенті хатында «Құрметті Ақжайық! Сенің жетістіктеріңе риза болдым. Еліміздің болашағы өзің сияқты белсенді әрі талапты жастардың қолында екені анық.Мемлекет өскелең ұрпақтың білім алуына барлық жағдайды жасап келеді. Осы мүмкіндікті тиімді пайдаланып, көп оқып, тынбай іздену өте маңызды.&nbsp;Оқуды жақсы бітіріп, мықты маман болуыңа және ел игілігіне қызмет етуіңе тілектеспін!» делінген.Ақордадан келген Президенттің хаты мен сыйлығын студентке облыс әкімінің орынбасары &nbsp;Нұрымбет Сақтағанов тапсырды.&nbsp;Айта кету керек, студент Ақжайық Тәжі Президенттің жастарға көрсетіліп отырған қолдауы үшін хат жазған. Мемлекет басшысының қолдауымен жүзеге асып жатқан жобалар нәтижесінде Ақжайық Тәжі халықаралық, республикалық деңгейдегі жетістіктерге қол жеткізген.Облыс әкімінің орынбасары Нұрымбет Аманұлы студентке жарқын болашақ тіледі. Сондай-ақ Президенттің артқан үмітін ақтайтынына сенім білдірді.<figure class="image"><img src="https://knadmin.beoblood.kz/uploads/yzylordaly_studentke_el_Prezidentinen_hat_keldi_2_ad4a86fd80.png" alt="Қызылордалық студентке ел Президентінен хат келді-2.png"></figure>

Қызылордалық студентке ел Президентінен хат келді

<a href="https://kyzylorda-news.kz/">Kyzylorda-news.kz.</a> Бүгін «Жастар ресурстық орталығы» КММ-нің ұйымдастыруымен қаладағы халық көп шоғырланған «Айт-бек», «Отырар», «Жайна», «Қорқыт» және «Сұлтан» әмбебап сауда орталықтарында арнайы сала мамандарының қатысумен жастарға мемлекеттік қолдау бағдарламаларын кеңінен түсіндіру, жастар саясатына мүдделі тараптардың ортасын қалыптастыру мен жастарға қатысты өзекті мәселелерді зерделеу бағытында 500-ге жуық қала тұрғынына кеңес беру жұмыстары жүргізілді.Кеңес беру шарасына Қызылорда қаласының жұмыспен қамту және әлеуметтік бағдарламалар және азаматтық хал актілерін тіркеу бөлімі, "Отбасы банк» АҚ Қызылорда облысы бойынша филиалы, «Атамекен» Ұлттық кәсіпкерлер палатасының Қызылорда облысы бойынша филиалы, Облыстық «Жастар денсаулығы орталығы» КММ-сі мен облыстық «Жастар ресурстық орталығы» КММ-нің мамандары қатысып, жастарға өз салалары бойынша бағыт-бағдар, кеңес беру жұмыстарын жүргізді.&nbsp;Халықтың ең көп талап-тілегі мен сауалдары «Отбасы банк» АҚ Қызылорда облысы бойынша филиалының мамандарына жолданды. Банк менеджерлері А.Таласбаева, А.Зілтаева, М.Алигентова, А.Жантаева, А.Мажитоваға зейнетақы қорындағы қаражатты пайдалану, депозит ашу, пәтер сатып алу үшін ипотекалық кредит алу, «Отбасы банк» қаражатын пайдаланушыларға қандай да бір жеңілдіктер ұсыну жөніндегі маңызды сауалдар жолданып, сәйкесінше толыққанды жауаптар алды. Сонымен қатар, бірқатар тұрғындарға мезетінде депозит ашылып, несие рәсімдеуге көмек берілді.Ал қалалық жұмыспен қамту бөлімінің мамандары Ә.Кеңесбай, Ә.Жақсылық, С.Аюбаева, Е.Сапар, Р.Мұхамбетжановқа өңір жастары жастар практикасы мен қоғамдық жұмыс бойынша жұмысқа орналасудың заңдылықтары жөнінде сауалдарын жолдап, қажетті ақпараттармен танысты. Көпбалалы аналар мемлекеттік атаулы әлеуметтік көмек алуға қатысты бірқатар мәселелерін айтып, сала мамандарының кеңесін алды.Қазір тұрғындар медициналық көмекке жиі жүгінеді. Бүгінгі кеңес беру шарасында Жастар денсаулығы орталығының мамандары А.Алтаева, А.Құлмұратова, Н.Әбсамат, Р.Жұмаділдаева, А.Құлмырзаева жастар арасында жиі кездесетін аурулар, денсаулыққа көңіл бөлмеудің салдары, психологиялық көмек беру бойынша жолданған сауалдарға жауап беріп, тұрғындардың ризашылығын алды.&nbsp;Сонымен қатар, жастарды кәсіпкерлікке баулу бағытында да мемлекет тарапынан маңызды жобалар мен бағдарламалар жүзеге асырылуда. Аталған бағдарламаларды жастарға насихаттау, кәсіп ашуға жол көрсету мақсатында кеңес беру жұмысына «Атамекен» кәсіпкерлер палатасының қызметкері А.Балмаханов арнайы қатысып, қолдау білдірді. Жастар сала маманына кәсіп ашуда жастарға берілетін жеңілдіктер, мемлекетті гранттар, субсидия мәселелері бойынша қажетті сұрақтарын қойып, мәліметтер алды.&nbsp;Аталған шарада Жастар ресурстық орталығының қызметкерлері жастардың бос уақытын тиімді өткізуге бағытталған шаралар, жастарды қолдауға бағытталған мемлекеттік бағдарламалар жөнінде айтып, жастарды бірлесе жұмыс жасауға шақырды.Шарада өңір тұрғындарының талап-тілектері тыңдалып, ұсыныс-пікірлері жинақталды. Қала тұрғындары өз кезегінде, тегін кеңес беру шарасы аясында медициналық қызметтердің қосылуын сұрады.

Қазақстан және Қызылорда облысының жаңалықтары