<a href="https://kyzylorda-news.kz/">Kyzylorda-news.kz.</a>&nbsp; ҚР Бас прокурорының орынбасары Жандос Өмірәлиев ел азаматтарына үндеу жасады.ҚР Бас прокурорының орынбасары әлеуметтік желілерде 2023 жылғы 9 сәуірде рұқсат етілмеген митингілерді өткізуге және қатысуға шақыру түрінде ақпараттар тарап жатқандығына көпті баса назар аудартады.&nbsp;<blockquote>"Бас прокуратура мұндай акцияларды ұйымдастырғаны және қатысқаны үшін заңмен белгіленген жауаптылық туралы бірнеше рет ескертті.&nbsp;Қоғамдық тәртіпті, халықтың өмірі мен денсаулығының қауіпсіздігін қамтамасыз ету, азаматтардың құқықтары мен бостандықтарын сақтау - біздің басты басымдықтарымыз".</blockquote>Сондай-ақ Жандос Өмірәлиев "Қазақстан Республикасында бейбіт жиналыстарды, митингілерді, шерулерді, пикеттер мен демонстрацияларды ұйымдастыру және өткізу тәртібі туралы" Заңның нормаларын сақтау қажеттілігіне және оларды бұзуға жол бермеуге тағы да назар аудартты.Бұқаралық жария іс-шаралар алдын ала хабардар етумен және осы үшін арнайы бөлінген орындарда жергілікті атқарушы органдардың рұқсатын алумен &nbsp;халықтың тіршілігін қамтамасыз ету объектілерінің қалыпты жұмыс істеуіне кедергілерді болдырмайтын шараларды қабылдай отырып, жүргізілуге тиіс.Көрсетілген нормалар сақталмаған жағдайда кез келген жария шақырулар заңсыз деп танылады. Құқық бұзушыларға қатысты құқық қорғау органдары әкімшілік және қылмыстық-құқықтық шаралар қабылдайтын болады.ҚР Бас прокурорының орынбасары Заң талаптарын (3-баптың 3-тармағы) бұза отырып өткізілетін митингілерді, шерулерді, жиналыстарды немесе демонстрацияларды ұйымдастыру және оларға қатысу құқыққа қайшы болып табылатынын және Әкімшілік құқық бұзушылық туралы кодекстің 488-бабы бойынша 25 тәулікке қамаққа алуға дейін әкімшілік жауаптылыққа әкеп соғатынын ескертті.&nbsp;<blockquote>"Осы әрекеттердің нәтижесінде елеулі залал келтіргені үшін кінәлілер Қылмыстық кодекстің 400-бабы бойынша айыппұл не 200 айлық есептік көрсеткіш мөлшерінде түзеу жұмыстары немесе 200 сағатқа дейінгі мерзімге қоғамдық жұмыстарға тарту не 50 тәулікке дейінгі мерзімге қамаққа алу түрінде қылмыстық жауаптылыққа тартылатын болады".</blockquote>Осыған байланысты, Бас прокуратура қолданыстағы заңнаманың нормаларын мүлтіксіз сақтауға, арандатушылыққа берілмеуге және заңсыз акцияларды ұйымдастырудан және оларға қатысудан, сондай-ақ оларға жария түрде шақырудан бас тартуға шақырады.

ҚР Бас прокурорының орынбасары ел азаматтарына үндеу жасады

​<a href="https://kyzylorda-news.kz/">Kyzylorda-news.kz.</a> Қазалы ауданының аудан әкімі Мұхтар Оразбаев Әйтеке би кентінің тұрғындарымен кездесу өткізді. Бір айға жуықтаған халық алдындағы есеп беру &nbsp;жиынының қорытынды кездесуінде Мұхтар Әуесұлы &nbsp;2022 жылы жүзеге асырылған оң өзгерістерді баяндап шықты. Тұрғындарға есеп берген хабарламасында алдағы атқарылар ауқымды бастамаларды таныстырды. Жағымды жаңалықты естіген қазалылықтар ел ішіндегі жыл сайын атқарылып жатқан жүйелі жұмыстарға іштей разылықтарын білдіріп, көңілдері бірленді.Халық тақтайдай тегіс жолды аңсайдыЕстеріңізде болса, былтыр қыркүйекте Ел Президенті Қасым-Жомарт Тоқаев қазақстандықтарға арнаған Жолдауында елдегі автожолдардың жай-күйіне қысқа да, нұсқа тоқталған болатын. Қайта-қайта халықты шулатып, көтерілген бұл күрмеулі түйткілді Мемлекет басшысы Үкіметке 2025 жылға дейін шешуді тапсырған еді.&nbsp;<blockquote>«Автожол құрылысына, соның ішінде жергілікті жолдардың сапасына баса мән беру керек. Бюджеттен қыруар қаржы бөлінсе де, бұл мәселе әлі шешімін таппай отыр. Мен 2025 жылға дейін жергілікті жолдардың кемінде 95 процентін жақсарту жөнінде тапсырма бердім. Үкімет бұл мәселені тікелей бақылауға алсын. Жол құрылысындағы заңсыздықтарды анықтау қажет. Бұл жұмыстан нақты нәтиже шығару керек», – деген еді Қасым-Жомарт Тоқаев.&nbsp;</blockquote>Ауданда осы тапсырма бойынша көптеген көше күрделі жөндеуден өтті деуге болады. Қараңғы көше бойынан жарық шамдар &nbsp;да бой түзеді. Нақтырақ айтсақ, өткен жылы Әйтеке би кентінде 10 көшеге орташа жөндеу жүргізіліп, 3 көшеге жаяу жүргіншілер жолы салынып, 4 көшеге түнгі жарықшамдар орнатылды.&nbsp;Сонымен қатар, биыл Аймақаш мөлтек ауданындағы жаңа кварталдарды жолмен қамтамасыз ету шаралары қолға алынды. Жоспарға сай Жанқожа батыр мен Әйтеке би көшелері қайта жаңғыртылады деп күтілуде. Бұл ретте нақты жобасы дайындалып, мемлекеттік бағдарлама аясында қаржыландыруға ұсынылды.&nbsp;Биыл Әйтеке би кенті бойынша 37 көшеге орташа жөндеу жұмыстары жүргізіледі. Алдағы уақытта Қазалы ауданының негізгі автожолдары тақтайдай тегіс күйге енеді деген үміт зор.&nbsp;Қазалыда қордайланған мәселе көпҚасиетті Қазалы топырағынан ықылымнан небір халықтың &nbsp;түн тыныштығын қорыған батырлар шыққан. Бүгінде сол асылдардың ізін жалғаған елдің намысын қорғап, сырт елдерде және аймақтарда спорт саласынан өздерін көрсетіп жүргендер қатары көбеюде. Осыған орай бірнеше жылдан бері салауатты өмір салтына қызығушылық танытқан жергілікті тұрғындар үшін Қазалыда ойын алаңдары мен дене жаттығуын артатын зәулім ғимараттар салу жөніндегі спотсүйер қауымның ұсыныс-пікірі мен өтініштері айтылып келеді. Соның нәтижесінде ауданда бірқатар шара жүзеге асқан. Әйтеке би кенті мен Қазалы қаласы аралығындағы 600 гектар жерге ауыз су, электр желілері мен жол жүргізу үшін жоба құжаттары дайындалды. Әйтеке би кенті аумағынан 4 &nbsp;спорт &nbsp;алаңы ашылды. Алдағы күндерге жоспарлаған жоба бойынша орталық «Жеңіс» саябағынан спорт кешенін салу көзделуде. Көп қабатты 4 тұрғын үй күрделі жөндеуден өтеді деп күтілуде. Былтыр басталған 18 пәтерлі 6 жалдамалы үйдің аумағын көркейту-абаттандыру жұмыстары биыл толық аяқталады деп жоспарға енгізілді. &nbsp;Сонымен биыл Қазалы ауданының әлеуетін әлде де арттырар шаруалар легі кезең-кезеңімен іске асады деген сенім мол.&nbsp;Торқалы басқосу барысында аудан басшысы Мұхтар Оразбаев Әйтеке би кенті тұрғындарының ұсыныс-пікірлеріне мән берді. Дегенмен көңілі дарқан тұрғындар өткен жылы ауданда атқарылған жұмыстарға оң бағаларын берді. Сонымен қатар, жаяу жүргіншілер жолын салу, жол кедергілерін орнату, түнгі жарықтандыру, қоғамдық көлік қиындығы туралы өтініш-тілектерін жеткізді.&nbsp;Қазалы ауданының әкімі Мұхтар Әуесұлы айтылған мәселелерді алдағы уақытта рет-ретімен шешу жолдары қарастырылатынын жеткізді. Сондай-ақ , аудан әкімі құқық қорғау органдарының басшыларымен бірге қазалылық азаматтарды жеке қабылдады. Тұрғындардың талап-тілектерін тыңдап, Әйтеке би кентінің әкімі мен сала басшыларына нақты әрі тиісті тапсырмалар тапсырды.&nbsp;Айта кеткен жөн, аудан басшысы Мұхтар Оразбаевтың халық алдындағы қорытынды есебі осымен тамамдалды. Десек те, Президент &nbsp;Қасым-Жомарт Тоқаев тың ресми жарлығына сәйкес жаңа форматтағы халық алдындағы есептік кездесу тоқсан сайын өтуі тиіс. Келесі халық алдында есеп беру жиынында берген уәделер іске асырылды ма, жоқ па, оны өз уақытында білетін боламыз.

Қазалы ауданының әкімі тұрғындарға есеп берді

<a href="https://kyzylorda-news.kz/">Kyzylorda-news.kz.</a> &nbsp;Тұрғын үй құрылысы бойынша Қызылордада өнімді жұмыс бар. Өздеріңізге белгілі, соңғы жылдары Сыр өңірінде тұрғын үй құрылысы қарқын алып, қала аумағы әлдеқайда кеңейді.Әсіресе, баспанасы апатты деп танылған тұрғындарға 60 пәтерлі жаңа арендалық, халықтың әлеуметтік жағынан осал топтарына, жетім және ата-анасының қамқорлығынсыз қалған балаларға 50 пәтерлі көпқабатты үйдің берілуі қамкөңіл жандардың көңілін бір көтеріп тастады. Екіншіден, өңірде арнайы қабылданған «Сыр жастары» бағдарламасы талай жастың үмітін үкілеп отыр. Осы бағдарлама аясында алғаш рет 130-дан астам жас отбасыға жеңілдетілген ипотекалық несие беру үшін жергілікті бюджеттен 1,2 млрд теңге, «Отбасы» банкі арқылы 500 млн теңге, барлығы 1,7 млрд теңге қаражат қарастырылған.Жалпы, өткен жылы мемлекеттік бюджет есебінен тұрғын үй құрылысына 9,1 млрд теңге қаржы бөлініпті. Оған 32 тұрғын үйдің құрылысы жүргізілсе, 12-сі пайдалануға берілген. Биыл 23 тұрғын үй, барлығы 982 пәтер табысталатын болады. Мұнан бөлек, 1000 пәтер сатып алуға республикалық бюджеттен 9,6 млрд теңге қаржы бөлінді.Сондай-ақ, өткен жылы аймақта 6 ауыл халқы «көгілдір отынға» қол жеткізсе, биыл 10 ауылға беріліп, облыста халықты газбен қамту деңгейі 72 пайызды құрайды.&nbsp;

Сыр өңірінде тұрғын үй құрылысы қарқынды

<a href="https://kyzylorda-news.kz/">Kyzylorda-news.kz.</a>&nbsp; Қазіргі нарықтық экономика жағдайында атқарушы биліктің қызмет өлшемі жұмыс орындарын ашу көрсеткішіне тікелей байланысты. Өткен жылы облыста 31315 жаңа жұмыс орны ашылып, 3422 адамға 4,1 млрд теңге көлемінде жаңа бизнес-идеяны іске асыру үшін қайтарымсыз мемлекеттік грант тағайындалған. Биылғы меже – 43898 адамды жұмысқа орналастыру. 1526 адамға жаңа бизнес-идеяны жүргізу үшін 2,1 млрд теңге грант берілмек.Сонымен бірге, 257 кәсіпкерлікпен айналысамын деген жас азаматтарға 2,5 пайызбен несие алу үшін мемлекеттен 1,3 млрд теңге қаражат қаралған.«Ауылдық денсаулық сақтауды жаңғырту» ұлттық жобасы аясында 2023-2024 жылдары облыста 27 денсаулық сақтау нысаны салынады. Қызылорда қаласында бір ауысымда 100 келушіге арналған емханасы және онкологиялық бөлімшесі бар 300 орындық көпбейінді аурухананың құрылысы басталады. Жобаның жалпы құны – 36,4 млрд теңге. Нысанның құрылысын жүргізуге биыл республикалық бюджеттен 750,0 млн, облыстық бюджеттен қоса қаржыландыруға 70 млн теңге бөлінген. Сонымен қатар, Қызылорда қаласында 200 төсектік перинаталдық орталықтың жаңа ғимаратын салу мәселесі пысықталып жатыр. Айналып келгенде мұның бәрі – жергілікті халық үшін жұмыс көзі, табысын арттыру талабы.&nbsp;&nbsp;

Былтыр аймақта 31 мыңнан аса жаңа жұмыс орны ашылды

<a href="https://kyzylorda-news.kz/">Kyzylorda-news.kz.</a>&nbsp; Өткен жылы облыста 188,5 мың гектар егін егілді. Оның ішінде күріш 78,6 мың гектарға себілді. Су тапшылығын төмендету үшін Үкімет резервінен 3,6 млрд теңге бөлінді.&nbsp;Атқарылған жұмыстардың нәтижесінде ауыл шаруашылығында өндірілген өнім көлемі 1,8 пайызға артып, 180,1 млрд теңгеге жеткен. Биылғы меже – жалпы егін көлемін былтырғыдан 7,1 мың гектарға (барлығы 195,6 мың гектар) арттыру. Оның ішінде күріш алқабы – 5,4 мың гектарға (барлығы 83,9 мың гектар) ұлғаятын болады.Облыс әкімінің тікелей бастамасымен әлеуметтік маңызды дақылдарды егіп алуға өткен жылы ынталы тұрғындар үшін арнайы жер телімдері қарастырылды. Осы игі бастама биыл да жалғасып, қала мен аудандарда 3 мың гектар жер дайындалып жатыр. Сырдария мен Арал теңізіне қатысты жағдай өзекті. Тұтас өңірдің тағдырына байланысты ахуалды облыс әкімі Парламент, Үкімет мінбелерінде көтеріп келеді.«Бүгінгі күні «Сырдария өзені арнасын реттеу және Солтүстік Арал теңізін сақтау» жобасының 1 кезеңі аясында салынған «Көкарал» бөгеті бұзылу қаупінде. Егер бөгет бұзылған жағдайда 27 млрд текше метр су көлемі бар Кіші Арал теңізінен айырылып, экологиялық апат орын алады.Бұл мәселені мен өткен жылы болған Сенаттағы Парламент тыңдауында көтерген болатынмын. 2022 жылы «Көкарал» бөгетін сақтау жобасын бастауға республикалық бюджеттен 500 млн теңге қаралса, биыл 1,2 млрд теңге бөлу көзделіп отыр. Жоба 2025 жылы аяқталады. Біз осыған барынша күш салып, тиянақты түрде әрекет етуіміз қажет», – деді Нұрлыбек Машбекұлы.&nbsp;&nbsp;

Аймақта егін егуге 3 мың гектар жер дайындалып жатыр

​<a href="https://kyzylorda-news.kz/">Kyzylorda-news.kz.</a> Е.Бозғұлов атындағы №249 мектеп-лицейдің мәжіліс залында аудан әкімі Мұхтар Оразбаевтың төрағалығымен аудандағы топтық төбелестің алдын алу және бала тәрбиесі турасында мәжіліс өтті. Аудан басшысы жүргізген жиында бірнеше күн бұрын орын алған төбелес турасында бірқатар мәселелер айтылды.Басқосуда сөз ең алдымен аудандық полиция бөлімінің бастығы Болат Кабизовқа беріліп, мектеп оқушылары арасында болған төбелеске қатысты түсіндірме жасалды. Оның айтуынша, оқиғаға байланысты тергеп-тексеру жұмыстары жасалып, облыстан қосымша күш шақыртылған.Бұдан соң аудандық білім бөлімінің басшысы Әділхан Жөлекешов аталған жағдайға қатысты қолға алынған шараларды баяндап берді. Мәлімдеуінше, аудандағы білім беру ұйымдары басшылары, олардың орынбасарларымен мәжіліс ұйымдастарылып, кешкі сағат 20:30-дан бастап, рейд жұмыстарын жүргізуге тапсырма берілген. Сол секілді алдағы күндері күндізгі және түнгі рейд жұмыстары жалғасатынын айтты. Бұл турасында аудан басшысы барлығын жіті қадағалауды тапсырды.Келесі сөз кезегі білім басқармасының басшысы Мейрамбек Шермағамбетовке берілді. Ол бұған дейін қолға алынған тәрбиеге байланысты жұмыстардың зая кеткеніне өкініш білдірді.<blockquote>«Жуырда Қазалы ауданына арнайы келіп, аудан активімен, ақсақалдарымен тәрбие мәселесіне байланысты тағылымды шара өткіздік. Бала тәрбиесін жетілдіріп, олардың құқықбұзушылық жасауына жол бермеу тетіктерін талқылап, тиімді әдістерді енгіздік. Соған қарамастан осы күнге дейін білім мен тәрбие тұрғысынан өңірде үлгі ретінде көрсетіліп жүрген ауданда келеңсіз жайт орын алып отыр. Бұл мектеп басшыларының орын алған жағдайды жасырын ұстап, жағдайды дер кезінде баяндамауынан, оқиғаға лайықты талдау жасамауынан ушығып кеткенін жасыра алмаймыз. Ал директордың бірнеше орынбасары әр сыныптағы бұзықтау бір-екі балаға әсер етеуші факторды неге зерттемегені таңданыс тудырады. Соның алдын алмағаннан кейін мұндай жағдай қайталана береді», – деді білім басқармасының басшысы.&nbsp;</blockquote>Сондай-ақ, екі мектеп басшысының, олардың орынбасарларының қызметке сәйкестігін қарау туралы білім бөлімінің басшысына қатаң тапсырды.Жиын соңында сөз алған облыстық Полиция департаменті бастығының орынбасары Ілияс Байжұманұлы, аталған іске қатысты барлық азаматтар мен олардың ата-аналары Заң талаптарына сәйкес жазаланатынын қайта еске салды. Одан бөлек, №249, №266 және №276 мектептердің ата-аналар комитетінің төрағалары өз ойларын ортаға салды.Қорыта келе аудан басшысы қоғамдық орындар мен көшелерде, түнгі клуб пен компьютерлік клубтарда, кафе-барларда мектеп оқушыларының түнгі жүрістерін тоқтатуды айтты. Сондай-ақ, түн мезгілінде жасалатын құқық бұзушылық пен қылмыстың алдын алу, оқушылар арасындағы келеңсіз жайттардың орын алуына жол бермеу мақсатында рейдтердің уақытылы және бақылауды күшейту жөнінде сала басшыларына тапсырма берді.Одан бөлек, үйдегі ата-ананың тәрбиесінен бөлек ұстаздардың бақылауы, жауапкершілігі осы жағдайда әлсіздік танытып отырғанын және аталған оқиға өзгелерге сабақ болуы керек екенін айтты.Айта кеткен жөн, жиында жергілікті бөлім басшылары, құзырлы орган өкілдері, директорлар мен олардың орынбасарлары, ұстаздар және ата-аналар төбе көрсетті.

Қазалыда елді шулатқан жасөспірімдер төбелесіне қатысты шенділер басқосты

<a href="https://kyzylorda-news.kz/">Kyzylorda-news.kz.</a> &nbsp;Ұлы Жібек жолының ауқымды бөлігін алып жатқан біздің өңірде ауыл-аймақтың да талай жолы тақтайдай тегіс күйге келгенін көріп жүрміз.Өткен жылдың өзінде жергілікті маңыздағы 366 шақырым автомобиль жолы жөнделіп, жақсы жағдайдағы жолдардың үлесі 82 пайыз болған. Биыл көрсеткішті 87 пайызға жеткізу жоспарда тұр. Бұл мақсатта 29,9 млрд теңге (РБ – 14,6 млрд, ОБ – 15,3 млрд) қаржы қаралып отыр. Мамандардың айтуынша, жыл көлемінде республикалық бюджеттен қосымша қаржы келуі тиіс.Облыс үшін жол құрылысында ең өзекті жобаның бірі, бұл – Президенттің тікелей бақылауындағы «Қызылорда-Жезқазған» автожолының құрылысы. Несін жасырамыз, халық осы жолдың заманға сай қайта жаңғыртылуын ұзақ күтті. Күтіп қана қойған жоқ, екі аралықта талай әбігерге түсті. Бас-аяғы 216 шақырымға созылған жолдың биыл 140 шақырымнан астамын салып бітіру керек. Қалғаны 2025 жылдың соңына дейін халық игілігіне берілуі тиіс.<blockquote>«Қаңтар айында Қазақстан Республикасы Үкіметі Аппараты Басшысының бірінші орынбасары Ғабит Сыздықбековтің өңірге жұмыс сапары аясында «Қызылорда-Жезқазған» автожолын қайта жаңғырту жұмыстарымен арнайы барып таныстым.Осыған орай арнайы мәжіліс өткізіліп, түйткілді мәселелерге қатысты тиісті шараларды қабылдау жөнінде жауапты мекемелерге тапсырма берілді. Қазіргі таңда, аталған жолдың реконструкциялау мәселелері бойынша облыс әкімінің бірінші орынбасары Серік Салауатұлының төрағалығымен арнайы жұмысшы топ құрылып, ондағы жұмыстар бақылауға алынды. Ал облыс халқының жиі көтеретін Ақтөбе бағытындағы 566 шақырымды құрайтын жол бөлігін 2 cанаттан (2 жолақ) 1 санатқа (4 жолақ) ауыстыру туралы мәселесі Үкімет басшысына айтылып, республикалық бюджеттен тиісті қаражат бөлу жөнінде ұсынысымды жеткіздім. Алдағы уақытта бұл жоба бойынша тиісті жұмыстар жүргізіледі», – деді облыс әкімі.</blockquote>Расында, Қызылорда қаласынан Ақтөбе облысы бағытындағы жолдың мәселесі күрделі. Мұнда, әсіресе, жүк көліктерінің ағыны алаңдатады. Есептеулер бойынша, осы жолдағы жүк көліктерінің қарқындылығы жыл сайын орта есеппен 10%-ға өссе, тәулігіне 10 мың автокөлікті құрайды екен.&nbsp;

Жақсы жолдың үлесі 87 пайызға жетпек

<a href="https://kyzylorda-news.kz/">Kyzylorda-news.kz.</a> Елордаға келген сырбойылық батыр балалар ерекше құрметке ие болды. Оқу-ағарту министрі Ғани Бейсембаев ержүрек балаларды алғыс хаттармен марапаттады.Министр қазақстандық оқушыларға көрсеткен батылдығы мен қайсарлықтары үшін алғысын білдірді.<blockquote>«Адам өмірін құтқару - үлкен ерлік. Біздің мектеп оқушыларының арасында өзгелерге үлгі боларлық өжет, ержүрек, батыл балалардың бар екендігі мақтаныш. Осындай азаматтар тәрбиелегені үшін ата-аналарыңыз бен мұғалімдеріңізге алғыс айтамын», - деді Ғани Бейсембаев.</blockquote>Кездесуге ҚР еңбек сіңірген қайраткері Светлана Айтбаева, ҚР еңбек сіңірген спорт шебері, Олимпиада чемпионы Серік Сәпиев, қазақстандық дзюдошы және самбист Руслан Сейлханов қатысты. Батыр балалар мен олардың ата-аналарына министр Алғыс хат, энциклопедия, спорттық жабдықтар және лагерьге жолдамалар табыстады.&nbsp;Еске сала кетейік, ерліктерімен танылған қызылордалық 5 жас батыр елордаға арнайы министрмен кездесуге барған болатын. Олар төтенше жағдай кезінде батыл әрекет жасап, адам өмірін сақтап қалды. Батыр балалардың ең кішкентайы - тоғыз жасар Жансерік Әлім. Ол өрт кезінде қарындастары мен інісіне көмек көрсетті. Ал Әмірхан Абай мен Нұрболат Ермағамбет және Сұлтан Малқаджар суға батып бара жатқан досын құтқарып қалған.Оқушылар Астананың мәдени-демалыс орталықтарын аралап, өздері үлгі тұтатын тұлғалармен кездесті. Олардың қатарында бокстан әлем чемпионы және Қазақстан ұлттық құрамасының футболшылары бар.

ҚР Оқу-ағарту министрі адам өмірін сақтап қалған қызылордалық оқушыларды марапаттады

<a href="https://kyzylorda-news.kz/">Kyzylorda-news.kz.</a> Жаңақорған ауданында ерікті жастар бас қосып, ауданнан шыққан есімі өңірге белгілі, рекодсмендерді еске алып, олар жайында арнайы баяндама оқыды. Бұл жиынның мақсаты, өскелең жастарға тарихта аты қалған тұлғаларды үлгі етіп, есімдерін ұлықтауға бағытталды.Тарихқа зер салсақ ерекше талант иелері биік-биік тұғырдан көрініп, жаһан жұртын таңқалдырып келеді. Мәселен, гимнаст Лариса Латынин Мельбурн, Рим және Токио Олимпиада ойынында 9 рет үздік көрсеткіш көрсетті. Афина, Пекин және Лондонда байрағы көтерілген аламанда жүзгіш Майкл Фэлпс алдына жан салмай, 23 алтынды мойнына тағады. Данқты диқан Ыбырай Жақаевтың да рекордпен таласы бар. Оның звеносы күріштің гектарынан 174 центнерден өнім жинап, қазақ диқандарының абыройын асқақтатты. Осылай тізбектей берсек рекордтар көп-ақ. Мұндай рекордтар аудан тарихында да аз емес. Сонымен...Ұлы Отан соғысы кезінде соғысқа 300-ден астам сәйгүлік жібергені үшін және 1947 жылы қарауындағы 80 биеден 80 құлын алған «Талдысу» колхозының жылқышысы Сердалы Құрымбеков КССР Жоғарғы Советі Президумының 1948 жылғы 23 шілдендегі жарлығымен «Социалистік Еңбек Ері» атанып, оған «Ленин» ордені мен «Орақ пен балға» алтын медалі қоса беріледі.Халықаралық «Қызыл Крест және Қызыл Жарты Ай» халықаралық қозғалысының шешімімен жүзден астам медбике марапатталды (осы уақытқа дейін). Соның ішінде жерлесіміз Рәзия Ысқақова да бар. Мұндай құрмет оған Ұлы Отан соғысы жылдары ұрыс алаңынан 2000 астам жаралы жауынгерді алып шыққаны және Сталинградты азат ету кезінде 44 жауынгерді (бір күнде) құтқарғаны үшін берілген. Мұндай марапат қазақ қыздарының ішінде Р.Ысқақоваға ғана берілді.Әйелдер арасынан 40 жылға жуық трактор рөлінде отырған «Екпінді» колхозынан шыққан «Ленин» орденінің иегері даңқты механизатор Қалипа Түлкібаева онға тарта ауыр көлікті тізгіндеген. Нақты айтқанда, трактордың ХТ-3, СТ-3, ЧТЗ, Беларусь, Нати, Дт-54, Дт-74, К-700 маркаларын айдаған.1989 жылы қарауындағы 90 інгеннен 90 бота алып ең жоғарғы көрсеткішке «Талап» кеңшарының түйекеші Шадыман Есенқұлов жетті.1965-1967 жылдар аралығында қазақ ССР-і Жоғарғы Кеңесінің депутаты болған «Красная звезда» кеңшарының даңқты сауыншысы Баян Әріпова қарауындағы әр сиырдан 4800-5600 литр аралығында сүт сауды. Бұл сол кездегі үздік көрсеткіш еді. Аудан шопандары арасында 1975 жылы қарауындағы әр жүз саулықтан 228 қозыдан алып, 400 қозыны тірідей өсіруге қалдырған «Төменарық» кеңшарының шопаны Орынбай Бидашев «Социалистік Еңбек Ері» атанды. Әрине, мұндай жетістікке жету әркімнің қолына келе бермейтіні ақиқат.Денсаулық саласында ең ұзақ қызмет істеген дәрігер Галина Викторовна Попова 1952-2003 жылдар аралығында қызмет етті. Яғни, 51 жыл Төменарық ауылдық ауруханасының дәрігері болды. Осы жылдары елді мекен тұрғындарының құрметіне бөленіп, абыроймен қызмет етті.Гір спорты бойынша жерлесіміз Серік Ибрагимов әлемнің 4 дүркін, Еуропаның 9 дүркін және Қазақстан Республикасының 5 дүркін чемпионы атанды. Бұл аудандағы ең үздік көрсеткіштің бірі.Еркін күрестен Дәулет Ниязбеков екі дүркін Азия чемпионы, Ғалымжан Өсербаев әскерилер арасында Әлем чемпионы атанды. Ал, Мереке Құдайбергенова қазақ, белбеу, самбо мен дзюдо күрестерінен Қазақстанның 10 дүркін, белбеу күресінен Әлемдік додада 2 рет үздік шықты.Халықаралық дәрежедегі төреші, білікті бапкер Әбдісаттар Садықов белбеу күресінен Қазақстанның 20 дүркін чемпионы.Аудандық жылжымайтын мүлікті тіркеу мекемесінің қызметкері Ербол Қырықбаев марафондық сайыста ауданның 5 дүркін, облыстың 4 дүркін және Қазақстанның 1 дүркін чемпионы.Спринтерлік қашықтықта 100 және 400 метрге жүгіруде 1958 чемпион атанған &nbsp;Совет Исамбаевтың &nbsp;көрсеткішіауданда осы кезеңге дейін өзгермеген.Ардагер ұстаз Досман Ахметов Аққұм мектебінің меңгерушілігіне 1935 жылы тағайындалып сонда 1980 жылға дейін бір орнында қызмет атқарды.Денсаулық саласында ең ұзақ қызмет істеген дәрігер Галина Викторовна Попова 1952-2003 жылдар аралығында қызмет етті. Яғни, 51 жыл Төменарық ауылдық ауруханасының дәрігері болды. Осы жылдары елді мекен тұрғындарының құрметіне бөленіп, абыроймен қызмет етті.Гір спорты бойынша жерлесіміз Серік Ибрагимов әлемнің 4 дүркін, Еуропаның 9 дүркін және Қазақстан Республикасының 5 дүркін чемпионы атанды. Бұл аудандағы ең үздік көрсеткіштің бірі. Еркін күрестен Дәулет Ниязбеков екі дүркін Азия чемпионы, Ғалымжан Өсербаев әскерилер арасында Әлем чемпионы атанды. Ал, Мереке Құдайбергенова қазақ, белбеу, самбо мен дзюдо күрестерінен Қазақстанның 10 дүркін, белбеу күресінен Әлемдік додада 2 рет үздік шықты.Халықаралық дәрежедегі төреші, білікті бапкер Әбдісаттар Садықов белбеу күресінен Қазақстанның 20 дүркін чемпионы. Аудандық жылжымайтын мүлікті тіркеу мекемесінің қызметкері Ербол Қырықбаев марафондық сайыста ауданның 5 дүркін, облыстың 4 дүркін және Қазақстанның 1 дүркін чемпионы.Спринтерлік қашықтықта 100 және 400 метрге жүгіруде 1958 чемпион атанған &nbsp;Совет Исамбаевтың &nbsp;көрсеткішіауданда осы кезеңге дейін өзгермеген.Ардагер ұстаз Досман Ахметов Аққұм мектебінің меңгерушілігіне 1935 жылы тағайындалып сонда 1980 жылға дейін бір орнында қызмет атқарды.Математик, күйші, аудандық газеттің белсенді авторы болған Қалжан Төрежанов №125 Садықбек Сапарбеков атындағы мектепте өмірінің соңына дейін ұстаздық етті. Ол үзіліссіз 52 жыл ұстаздық етті.ТҮЙІН. Әрине, тізбелей берсек аудан тарихында орнаған үздік көрсеткіштер өте көп. Біз санаулысын ғана сараладық. Егер қамтылмай қалған рекордтар жайлы білсеңіз, редакцияға хабарласып, үздіктердің үздігін анықтауға атсалысуға болады... Математик, күйші, аудандық газеттің белсенді авторы болған Қалжан Төрежанов №125 Садықбек Сапарбеков атындағы мектепте өмірінің соңына дейін ұстаздық етті. Ол үзіліссіз 52 жыл ұстаздық етті. Аудан тарихында орнаған үздік көрсеткіштер өте көп. Біз санаулысын ғана сараладық. Егер қамтылмай қалған рекордтар жайлы білсеңіз, редакцияға хабарласып, үздіктердің үздігін анықтауға атсалысуға болады...

Жаңақорғандық рекордсмендердің есімі ұлықталды

<a href="https://kyzylorda-news.kz/">Kyzylorda-news.kz.</a> Техникалық және кәсіптік білім беруді дамыту-заман талабыҚұрметті әлеуметтік желі қолданушылары, оқырмандар!Баршаңызға белгілі, осыдан 20-30 жыл бұрын екінің бірі тракторист, дәнекерлеуші, диқаншы, наубайханашы яғни кәсіпті меңгерген мамандар көп болды. Яғни, керісінше цифрландыру және ақпараттық техникалық құралдармен жұмыс жасай білетін мамандар өндіріске жетпей жататын. Ал, қазіргі заман талабы мүлдем басқаша.&nbsp;Осы ретте Жаңақорған аграрлы-техникалық колледжінде де жұмыссыздық мәселесіне сай, ертеңгі күні жастардың жұмысқа тұруына оңай болуы үшін біршама өзгерістер енгізілуде. Білім беру процесінің жаңа технологияға бейімделуінен бөлек, «Жас Маман» жобасы бойынша 2023 жылы «Дәнекерлеу ісі» мамандығы және «Автомобиль көлігіне қызмет көрсету, жөндеу және пайдалану» мамандықтары бойынша оқу-техникалық база, заман талабына сәйкес қажетті құрал-жабдықтар түбегейлі жаңартылу жұмыстары жүргізілуде.Қазіргі уақытта «Дәнекерлеу ісі» мамандығы бойынша заман талабына сәйкес оқу-техникалық база құрал жабдықтармен толығымен жабдықталып отыр.Қарапайым кәсіпті меңгерген кәсіптің иелері азайып кетті. Мұның негізгі себебі, ата-ананың талабы өз перзентін талапқа сай етіп «Заңгер, мұғалім, дәрігер болуға үгіттейді. Аталмыш мамандықтарға кадрлардың тым көптігінен жұмыссыздық мәселесі туындауда.Енді нарық сұранысына тоқталсақ, тау-кен, мұнай, газ, электроника, техника, заманауи гаджеттерді меңгерген нағыз іскер мамандар бойынша бос жұмыс орындарын табу оңайға соғады.Тек кәсіби, өз ісін жетік меңгерген мамандар қажет. Сондықтан, әрбір ата-ана мамандық таңдарда баласын «Заман сұранысына сай, ертеңгі күні сол нәпақасын тауып жей алатын мамандықтарға» үгіттегені абзал. Әрине, мұндай іскерлікке баулитын мамандықтарды кәсіптік және техникалық білім беру ұйымдарынан дәріс ала алады.Жаңақорған аграрлы-техникалық колледжінде де жұмыссыздық мәселесіне сай, ертеңгі күні жастардың жұмысқа тұруына оңай болуы үшін біршама өзгерістер енгізілуде. Білім беру процесінің жаңа технологияға бейімделуінен бөлек, «Жас Маман» жобасы бойынша 2023 жылы «Дәнекерлеу ісі» мамандығы және «Автомобиль көлігіне қызмет көрсету, жөндеу және пайдалану» мамандықтары бойынша оқу-техникалық база, заман талабына сәйкес қажетті құрал-жабдықтар түбегейлі жаңартылу жұмыстары жүргізілуде.Қазіргі уақытта «Дәнекерлеу ісі» мамандығы бойынша заман талабына сәйкес оқу-техникалық база құрал жабдықтармен толығымен жабдықталды. Ал, «Автомобиль көлігіне қызмет көрсету, жөндеу және пайдалану» мамандықтары бойынша қажетті құрал-жабдықтар алдағы уақытта жеткізіліп, оқу техникалық база толығымен жабдықталатын болады.Студенттерді нағыз іскер етіп шыңдау үшін практикаға баса мән беріліп, қажеттіліктер толықтырылуда. Алдағы уақытта «WorldSkills Kazakhstan» ұлттық чемпионатында колледжіміздің білім алушылары жүлделі орын алады деген сеніміміз мол.Елбасы Н.Назарбаев өз Жолдауларында «Кәсіпті меңгерген мамандар өндірісте өте тапшы екенін, осы мамандықтар аясында жастарды тереңнен оқыту қажеттілігін, бүгінгі заман талабы – кәсіпті және техниканы меңгерген мамандар болуы тиіс делінген.Белгілі бір напахамен күнелтіп отырған мемлекеттік қызметкердің жалақысынан, тәуелсіз, өз алдына жұмыс жасайтын электр жабдықтарын жөндеу мамандарының табысы жоғары. Бұл – бүгінгі күннің басты шындығы. Токарь, дәнекерлеуші, электрик, мал дәрігері сынды мамандарды іздеп тауып, жұмысымызды ұсынатын күнге жеттік.Сондықтан, өндіріс пен техникаға бейімделген мамандықтар аясында жастарды тәрбиелесек, кәсіп саласы ауданымызда едәуір дамитыны ақиқат.Сөз соңында, барша бітіруші түлектерді, келешек маман иелерін Жаңақорған аграрлы-техникалық колледжінен білім алуға, арнайы шәкіртақы алып, студент атануға шақырамыз. Аудан айнасы саналған кәсіптік колледж Сіздерді жан-жақты маманданып шығу үшін әрқашан дәріс беруге дайын!Президент Қасым Жомарт Тоқаевтың «Сындарлы қоғамдық диалог – Қазақстанның тұрақтылығы мен өркендеуінің негізі» атты халыққа жолдаған Жолдауы – өркендеуге ұмтылған өміршең елдің саяси бағыт-бағдары болуы тиіс. Біз де бұл Жолдауды тағатсыздана күтіп, жақсы ниетпен қабылдадық. Бүгінгі қазақстандықтардың игілігіне қажет крийтерийлерді басты назарға алған Үндеуді іс жүзінде шындыққа айналдырсақ қоғамдағы кереағарлықтан арылатынымыз анық. Әсіресе білім мәселесіне терең тоқталып, кәсіптік білімге назар аударған ұлт Президенті сапалы кәсіби маман даярлауды негізге алыпты. Мұны аудан әкімі Мұрат Жолкелдіұлы да қолдап, кәсіптік колледждің әлеуетіне, келешегіне сенім білдіруде. Әрине бұл біз үшін тың серпілістің жолы болмақ.Қасым Жомарт Тоқаев «Әлеуметтік жаңғырудың жаңа кезеңі» бөлімін де білім саласын бірінші орынға қойды. Жұмыссыз жастар мен маргиналдардың санын азайтудың тиімді тетігі – кәсіптік білімде екенін атады. Сондай-ақ техниканы меңгерген кәсіби мамандар тапшы екенін сөз етті. Үкіметке дарынды баланың қабілетін танытатын жол картасын әзірлеуді тапсырды. Мұндай тегеурінді талапты жүзеге асыруда кәсіптік білім ордаларына артылар жауапкершілік жоғары. Жолдауда айтылған пәрменді басты қағидаға айналдырған аудан басшысы Сұлтан Ысқақұлы да алғашқы танысу сапарын аудандағы дара кәсіптік оқу орны «Жаңақорған аграрлы-техникалық колледжінен» бастаған болатын. Білім ордасына кіргеннен-ақ, «Бүгінгі заман талабы – сапалы азамат, сапалы кадр даярлау. Біз – бұрынғы ескі технологиямен емес, заманауи цифрлы технологияның көмегімен шәкірттерді сусындатып, жаңа бағытта жұмыс жасауымыз» керек деп нақты тапсырмалар берді. 1967 жылдан бері күрделі жөндеу көрмеген оқу корпусы мен жатақханасының жаңадан салынуына немесе күрделі жөндеуден өтуіне күш салу керектігін, қажетті құжаттарды топтастырып, жоба-сметасы жасалу керектігін тапсырды. Тиісінше, аудан әкімдігі тарапынан қолдау болатынын жеткізді. Аудан басшысының мұндай тың идеялары мен қолдауы біз үшін оң көзқарас қана емес, жұмыс жүйесіне тың серпілістер болды деп айтуға болады. Алдағы уақытта пәрменге сай жаңа заманның жаңа технологиясын меңгерген кәсіби кадрын даярлауға күш салатын боламыз. Ол үшін жоспарлы жүйе аясында жаңа жұмыстар жасалынуда.2016 жылдан бері колледж «Дуалды оқыту технологиясын» тек эсперимент ретінде қолданса, 2018 жылдан бері «Дуалды оқыту» жүйесіне көштік. Яғни бұған дейін шәкірттердің көп уақыты теориямен, лекциямен өтсе, бүгінде 60 пайыз практикаға мән беріледі. Студенттер оқу орнында білім ала жүріп, арнайы зертханаларда жұмыс жасайды. Бүгінде 18 түрлі мамандықтан 44 түрлі біліктілікті меңгеруге мүмкіндік бар. Мәселен, студенттер «Аспазшы», «Даяшы», «Референт-хатшы», «Жер-асты тау-кен жұмысшысы», «Жер асты қондырғыларының машинисі», «Сығымдағыш қондырғыларының машинисі», «Токарь-егеуші», «Дәнекерлеуші», «Электр газымен дәнекерлеуші», «Электр жабдықтарын жөндейтін және қызмет көрсететін электромонтер», «Автомобиль электр жабдықтарын жөндейтін электрик», «Автокөлікті жөндеу слесары», «Тігінші», «Модельер-тігінші», «Электронды есептеуіш машинасының операторы» «Техник-программист», «Тас қалаушы», «Құрылыс шебері», «Сылақшы», «Бояушы», «Қаптап-жалтыратушы», «Слесарь-сантехник», «Бухгалтер», «Машинамен сиыр сауу операторы», «Жеміс-көкөніс өсіруші», «Сатушы», «Ағаш өндірісіндегі тракторист-машинист», «Автомобиль жүргізуші», «Ветеринар» сынды біліктілікті алып, маман ретінде қалыптасады. Дуалдық оқыту жүйесіне енудің студенттер үшін тиімділігі зор. Колледж қабырғасында оқып жүріп, практикалық тұрғыда іскерлігін таныта отырып, компанияларға немесе жеке кәсіпорындарға тұрақты жұмысқа қабылдануға мүмкіндік алады. Биылғы жылдың басты жаңалығы – 27 станокты «Тігін цехы» өндіріс үшін жұмысты бастап кетті. Яғни тігін мамандығында оқитын студенттерге оқытушылар сабақты цехта өткізіп, тігін тігу әдістерін іскерлік тұрғыда меңгертіп қана қоймай, кәсіпкерлік бағытта әр түрлі бұйымдарға тапсырыс қабылдап, жұмыс жасайды. Сондай-ақ 200 адамға арналған асхананың жөндеу жұмыстары толық аяқталса, аспаз мамандығындағы оқытушылар мен студенттер бірлесе кешенді астарды пісіріп, түрлі кондитерлік өнімдер шығармақ. Бұл – Дуалдық оқыту жүйесіне берілген басымдық. Мұндай идеяға облыстық білім басқармасының басшысы Майра Мелдебекова да өз қолдауын танытып отыр. Бұдан бөлек, кәсіптік тұрғыда шыңдайтын арнайы зертханалар бар. «Трактор және автомобиль», «Автомобиль тренажер», «Пісіру жұмыстары», «Станок жұмысы», «Техникалық қызмет көрсету», «Электронды ақпараттандыру», «Автоэлектрик» сынды зертханаларда Өндірістік оқыту шеберлері студенттерді іске баулиды. Мәселен, колледжге тиесілі «СТО» яғни машина жөндеу орталығында студенттер кәсіби шыңдалып қана қоймай, қосымша қаражат табуға мүмкіндік алады. Бұл – ерте кезден жұмысқа араласудың, өз ісінің маманына айналудың тиімді бағыты.Аудан басшысы білім ордасына табан тіреген сәтте «Жаңақорған аграрлы-техникалық колледжі» тек ауданға қажетті маман даярлаумен шектелмеуі тиіс. Күллі республиканың түкпір-түкпірінде жұмыс жасайтын білікті маманға айналуы тиіс», деген болатын. Мұны басшылыққа алып, алдағы уақытта педагогикалық мамандықтарға да басымдық берсек деген жоспар бар. Мәселен аудан спортының дамуында колледж оқытушыларының да еңбегі еселі. Жетістіктер де жоқ емес. Сондықтан, «Дене шынықтыру» мамандығын ашып, кәсіби оқытушы даярламақпыз. Алдағы желтоқсан айында колледж «Аккредиттеуден» өту жоспары тұр. Келешекте «Жоғары колледж» статусын иемдену үшін де жұмыс жасаймыз.Жаңа оқу жылы – жаңа жобаларға сеп болуда. Жылдан жылға оқуға түсуге ынталылар саны артып келеді. Оның 150 – Мемлекеттік тапсырыс аясында, 85 – Нәтижелі жұмыспен қамту және жаппай кәсіпкерлікті дамытуға арналған «Еңбек» бағдарламасы негізінде. Міне, осындай мемлекеттік қолдаулардан-ақ, келешек – кәсіпті меңгерген мамандардың қолында екенін ұғуға болады.Олай болса, Президент Қасым Жомарт Кемелұлы айтқандай «Ашықтық пен жариялылық» біздің басты бағдарымыз болуы тиіс. Өз ісінің қас шеберіне айналған, сұранысқа сай маман даярлауда жұмыла жұмыс жасайық. Жаңа оқу жылы барша педагогтар үшін толағай табыстарға толы болсын!

Жаңақорғанда кәсіптік колледжге жаңа заманауи құрылғы келді

<a href="https://kyzylorda-news.kz/">Kyzylorda-news.kz.</a> Н.Бекежанов атындағы Қызылорда облыстық музыкалық драма театрында 7-8 сәуір күндері композитор К.Дүйсекеев атындағы халықаралық конкурсы өтуде.&nbsp;Кеңес Дүйсекеев қазақ музыка өнері мен эстрадасының маңдайына біткен, ерекше дарынымен халқының сүйіспеншілігіне бөленген орны бөлек &nbsp;тұлға. Қызылорда облысы әкімдігінің қолдауымен өткізіліп отырған «Парасат», «Құрмет» ордендерінің иегері Кеңес Дүйсекеев атындағы І халықаралық «Туған жер» атты әншілер конкурсының басты мақсаты – композитордың шығармаларын дәріптей отырып, халықаралық деңгейде насихаттау. Бұл туралы Өңірлік коммуникациялар қызметінің ұйымдастыруымен өткен көшпелі брифингте облыстық мәдениет және спорт басқармасының басшысы Мира Қазбекова мәлімдеді.<blockquote>«Басты мақсат композитордың әндері арқылы еліміздің рухын көтеріп, шетел әншілері мен қазақ эстрадасындағы жас таланттар арасында ынтымақтастықты нығайту, жаңа есімдер табу. «Туған жер» конкурсы Сыр елінде алғаш рет халықаралық деңгейде аталып өтуде. Конкурсқа Қазақстанның барлық аймақтарынан және Болгария, Польша, Армения, Өзбекстан, Тәжікстан, Қырғызстан елдерінен талапкерлер қатысуда. Сайыс 2 күнге созылмақ. Сайысқа қатысушылар бірінші күні К.Дүйсекеевтің әнінен бір ән орындаса, екінші күні халық әндерін орындайды. Кеңес ағамыздың әндері &nbsp;барша тыңдармандарының жүрегінде қалды және келер ұрпаққа мұра болып қала бермек», - деді Мира Жомартқызы.</blockquote>Продюсер, қазылар алқасының мүшесі Қарлығаш Әбдікәрімова жарысқа қатысушыларға сәттілік тіледі.&nbsp;<blockquote>«Кеңес Дүйсекеев жоғары дәрежелі композитор, оның әні ешқашан өлмейтініне сенемін. Бүгін оның туған жері Сыр елінде бірінші рет халыхаралық конкурсы өтіп жатқанына қуаныштымын. Жарысқа қатысушылардың барлығына сәттілік тілеймін», - деді Қарлығаш Әбдікәрімова.</blockquote>Конкурсқа қатысушылар видео іріктеу арқылы таңдалған.<blockquote>«Біз бұл турнирге қатысушыларды видео іріктеу арқылы таңдадық. Видео іріктеуге 200-ге жуық қатысушы бағын сынады. Кеңес ағамыздың әндерін айту оңай емес, екінің бірі айта алмайды. Іріктеуден өткен сайыскерлер халыққа әдемі өнер көрсетеді деп сенеміз», - деді қазылар алқасының төрағасы, композитор Рамазан Сағындықұлы.</blockquote>

Қызылордада Кеңес Дүйсекеев атындағы І халықаралық конкурсы өтіп жатыр

<a href="https://kyzylorda-news.kz/">Kyzylorda-news.kz.</a>&nbsp; Халықтың сан жыл сынына іліккен Қызылорда қаласындағы қоғамдық көлік мәселесі шешіле бастады. &nbsp;Нұрлыбек Машбекұлы облыс әкімі қызметіне кіріскен сәттен өзіне бұрыннан етене таныс жағдайдың шешімі үшін талапты күшейтті. Нәтижесінде Қызылорда автобус паркіне «Өнеркәсіпті дамыту қоры» арқылы лизингке жаңа 150 автобус алуға өткен жылы 1 млрд 434 млн теңге қаржы бөлінді. Сол әдепкі 150 автобус қазір түрлі бағытта қала тұрғындарына қызмет көрсетіп отыр. Биыл және 150 автобус үшін өткен жылғыдай қаржы бағытталған. Демек, Қызылорда қаласында жолаушы тасымалына қатысты мәселе түбегейлі шешілгелі тұр.<blockquote>«Ертелі-кеш қатынасы қоғамдық көлікке тәуелді тұрғындар көп. Соның бірі – өзіммін. Жаңа автобустар келіп көзіміз ашылды. Халықтың бір кездердегі өкпе-назы қазір байқайсыз ба, алғысқа айналып жүр. Қаланың тазалығы қандай жақсы. Осылай тәртіп болуы керек», – дейді қала тұрғыны Бақыт Баратбеков.</blockquote>Қазіргі таңда қоғамдық көлік қызметіне қатысты тұрғындар тарапынан қойылатын сауалдардың саны артқан. Мәселені шешу мақсатында қоғамдық көлік тасымалдау қызметіне бақылау жұмыстары жүргізілуде. Жалпы, қызылордалықтардың қоғамдық көлікке деген сұранысын қанағаттандыру және көлік қатынасын дамыту мақсатында тиісті жұмыстар жүргізілуде.<figure class="image"><img src="https://knadmin.beoblood.kz/uploads/347cb7b9_b99d_4662_ba4b_c0934becf4ed_f2bd2f268e.jpg" alt="347cb7b9-b99d-4662-ba4b-c0934becf4ed.jpg"></figure>&nbsp;

Қазақстан және Қызылорда облысының жаңалықтары