<a href="https://kyzylorda-news.kz/">Kyzylorda-news.kz.</a>&nbsp;Осы жылдың наурыз айынан бастап төлем мерзімі өткен қарыздары және микрокредиттері бар азаматтар банкроттық рәсімге өтініш бере алады. Бұл жөнінде Өңірлік коммуникациялар қызметінің ақпарат алаңында өткен брифингте Қаржы нарығын реттеу және дамыту агенттігінің Қызылорда қаласындағы өңірлік өкілдер басқармасының жетекші маманы Мұрат Сарманов мәлімдеді.<blockquote>«Өткен жылы кредиттік ұйымдар қарыз алушылардың 708,7 мың өтінішін қарады, оның ішінде 527,8 мың қарыз алушының қайта құрылымдауға берген өтініштерінің 74,5 пайызы мақұлданды. Осы орайда, Қаржы нарығын реттеу және дамыту агенттігі кредиттік ұйымдар қарыздар мен микрокредиттер бойынша мерзімі өткен берешекті реттеудің міндетті тәртібі ескерілетін ішкі нормативтік құжаттарды жаңартты. Сондай-ақ кредиттерді қайта құрылымдау мәселелері бойынша қарыз алушыларға кеңес беру үшін қосымша жедел желіні ашты. Сонымен қатар, борышкерлер ипотекалық қарыз шартынан туындайтын дауларды реттеу үшін Банктер туралы заңға сәйкес банк омбудсманына жүгіне алады», - деді Мұрат Шахыбекұлы.&nbsp;</blockquote><blockquote>«Банкроттық және төлем қабілетін қалпына келтіру заңы 3 рәсімге сәйкес орындалады. Бірінші рәсім – соттан тыс әкімдік банкроттық деп тану, екінші рәсім – соттық тәртіппен банкроттық деп тану, үшінші рәсім – төлем қабілеттілігін қалпына келтіру рәсімі. Соңғы екі рәсім сот шешімімен орындалады. Ал бірінші рәсімге сәйкес келетін азаматтардың мүлкі болмауы тиіс, соңғы 12 айда несие төленбеуі тиіс және қарыз мөлшері 5,5 млн теңгеден аспауы қажет болып табылады. Осы талаптарға сәйкес келетін болса Кірістер департаментіне арыз тастау арқылы жоғарыда аталған бірінші рәсіммен банкрот деп танылса болады. Екінші рәсім бойынша борышы 5,5 млн теңгеден асатын, мүлкі жоқ азаматтар сотқа арыз түсіру арқылы жүзеге асыра алады. Үшінші рәсімде қарызы мүлкінің бағасынан аспаған жағдайда жүзеге асады», - деді Қаржы нарығын реттеу және дамыту агенттігінің Қызылорда қаласындағы өңірлік өкілдер басқармасының жетекші маманы Асқар Махмутов.</blockquote>

Банкроттық 3 рәсім бойынша жүзеге асырылады

<a href="https://kyzylorda-news.kz/">Kyzylorda-news.kz.</a> Бүгін Сыр елінің бас шаһарында республикалық оқушылар айтысы өтті. «Көктем нұры» атауымен айшықталған дәстүрлі дода Алашқа белгілі ақын, сыншы, аудармашы, жерлесіміз Жарасқан Әбдірашевтың 75 жылдығына арналды.Айтыста еліміздің 6 өңірі мен Қызылорда қаласынан &nbsp;және Сырдария, Шиелі, Жаңақорған аудандарынан келген 10 жас ақын бақ сынады.Айтысты ашып беріп, талапкер жас ақындарға сәттілік тілеген шаһар басшысы Асылбек Шаменов сөз додасына түсетін жас ақындарға жүрекжарды лебізін білдірді.<blockquote>«Аралдың айдынынан ұшып шығып, атағы Алатаудан әрі асқан, әдебиетке, өнерге деген сүйіспеншілігінің, поэзияға деген құштарлығының арқасында небары 21 жасында КСРО Жазушылар Одағына мүше болған қайталанбас дарын Жарасқан шайырдың 75 жылдығына арналған дәстүрлі оқушылар айтысының жас таланттарға берері мол, жетелер шыңы биік деп білемін. Бүгінгі сөз бәйгесінің көрігін қыздырсақ деп келген ақындар жыр байрағын биіктен желбірете бергей!» - деді қала әкімі Асылбек Шаменов.</blockquote>Сөздің құнын жоғары қойған жас ақындардың өнеріне «Құрмет» орденінің иегері, белгілі айтыскер ақын, «Көктем нұры» айтысы жобасының авторы Мамыр Байдәулетов, үш дүркін «Алтын домбыра» иегері Мұхтар Ниязов және белгілі жыршы-термеші, халықаралық конкурстардың лауреаты, халықаралық ақын-жыраулар Одағының мүшесі Амандық Бүрлібаев төрелік етті.Жыр додасының қорытындысымен халық ақыны Манап Көкенов атындағы бас жүлде мен ақшалай сыйлықты жеңіп алған Сырдария ауданынан келген жас өрен Нұрахмет Мансұровты қала әкімінің орынбасары Жанмұрат Сейілов марапаттады. Биылғы жылдың басты ерекшелігі, бас жүлде иегеріне белгілі өнер қайраткерлері мен арқалы ақындар, барша алқалаған әлеумет А.Тоқмағамбетов атындағы қалалық мәдениет үйінің алдында тұлпарға мінгізіп құрмет көрсетті.І орын маңғыстаулық Ерсұлтан Аушановқа, ІІ орын Арқалықтан келген Рағат Нұрисламға бұйырды. Сондай-ақ, Жамбыл облысы, Талас ауданы, Аққұм ауылының тумасы Жүнісбек Айсұлу, қызылордалық Ұлықбек Бектай және жаңақорғандық Мұхамедали Абдуллаев ІІІ орынды өзара бөлісті. &nbsp;Мұнан бөлек, «Сүре айтыстың Сұржекейі – Серік Өтеуов», «Қайым айтыстың хас шебері – Бекұзақ Тәңірбергенов», «Түре айтыстың тарланы – Махамбетқали Тұрсанов», «Тап берме сөздің тапқыры – Серік Ыдырысов» және «Аламан айтыстың ақтаңгері – Кенжебай Жүсіпов» атындағы арнайы номинация жеңімпаздарына 100 мың теңгеден 5 жүлде табысталды. Екі ғасырдан астам тарихы бар Тұранның төрінде қасиетті Тәуелсіздік тағылымын жастардың санасына сіңіру, азат еліміздің жарқын жетістіктерін кеңінен дәріптеу, Жарасқан ақынның өлмес мұрасын, өшпес даңқын насихаттау мақсатында ұйымдастырылған «Көктем нұры» республикалық оқушылар айтысы көптің көңілінен шықты.

Қызылордада «Көктем нұры» республикалық оқушылар айтысы өтті

<a href="https://kyzylorda-news.kz/">Kyzylorda-news.kz.</a> &nbsp;Жаңақорған ауданында ұлттық өнерді ұлықтау мақсатында жиын болып өтті. Ауданның орталық алыңда аймақтағы қолөнер шеберлері бас қосып, өнер туындыларынан көрме ұйымдастырды. Ұлттық қолөнер – бабадан қалған мәдени мұраның ең асыл құнды қазынасы. Облыс орталығында «Дәстүр» қолөнер орталығы қоғамдық қорының жұмысы жанданып, көпшіліктің қызығушылығын тудырып келеді. Қазақ халқы өзінің күн көріс қажеттілігіне үй-жай салуды, киім-кешек тігуді, азық-түлік өндіруді өзінің тұрмыстың кәсібі етіп, олардың күнделікті тіршілік барысында орынды пайдаланса, әсем бұйымдар жасап, өмірде сән-салтанат та құра білді.Халқымыздың қолөнеріне әдет-гұрып жабдықтарымен қатар, аң аулауға, мал өсіруге және егіншілікке қажетті құрал жабдықтар да кіреді. Киіз үйдің сүйегі, ағаш кереует, кебеже, сандық жасап, кілем, сырмақ, алаша, ши, түрлі бау-басқұрлар тоқып, арқан, жіп есіп, көннен және илеулі теріден қайыс, таспа тіліп, өрім өріп, қолдан әр алуан ыдыс-аяқ, адалбақан, асадал, бесік және т.б. көптеген заттарды халық шеберлері, өнерпаздар өз қолдарымен жасады. Балалық шағымызда әрбір отбасы, әкесі ұлын, анасы қыз баласын күнделікті тұтынатын қолдан жасалған бұйымдарын жасауға баулыса, бүгінгі таңда бәрі ұмыт қалған секілді. Себебі заманауи технологияның күші шет елдер ағылып елімізге өз тауарлардың көлеңкесінде қалдырды. Жалпы алғанда, егемендігіміздің 30 жылдығында еліміздің қарқынды дамуы ел мақтаныштарының ауыз екі сөзінде қалды. Еліміздің жастары заманауи технологияның дамуына еліктеп, тек пайдалану деңгейінде қалды. Ұлттық құндылығымыздың туындылары, өнері бүгінде жалпы халық арасында ұмыт болып барады. Осы ата-баба аманатын насихаттап келер ұрпаққа жеткізуде шеберлердің бірігуі үлкен серпін берді. 2014 жылдан бері еліміздің шеберлері арасында бірігіп насихаттау ұсыныстары кеңінен айтыла бастады. Міне, 2020 жылдың басында ұлттық қолөнер шеберлерінің ниеттері түйісіп, бір орталық құра білді. Қызылорда облысының «Дәстүр» қолөнер орталығы қоғамдық қоры бүгінде бірнеше мекемелермен меморандумға отырып, жастарды кәсіпке баулуда өз күшін тегін насихаттауда.Атаулы орталық жайында «Дәстүр» қолөнер орталығы қоғамдық қорының директоры Қанат Ақпановпен сөйлескен едік. – Орталық құрамында отыздан аса шеберлер бірігіп жұмыс жасауда. Орталықтың шаңырағында зерек зергер, шеберлігінде құпиялылығы бар Құдайберген, ағаштан түйін тиген Жәнібек бастаған ақсақалдарымыз артынан ерген Мырзабек, Мұрат көкелеріміздің, Марияш, Бақыткүл, Гүлнар, Қаныкүл, Шахаркүл апаларымыздың өсиет тілектерін Қыздаркүл, Айдана, Айзат, Балжан шебер апайларымыз, жаста болса Мархаббат, ең кенжесі Жасұлан іні қарындастарымыз да әрбір іс шараны тыңғылықты ұйымдастыруда атсалысуда. Орталығымыздың жанашыры, демеушісі, ағаш ұстасы Фахриддин мырзаның да ерен еңбегі еленуі тиіс. Ол кісінің арда қазақтың дәстүрін жандандырудағы зор жұмыстарын өнерден кәсіпке бағыттаудағы ойларын қолдаймыз. Бүгінде орталықтың іс-шарасына еліміздің зиялылары қолдау көрсетіп, ресми басылымдарда жарық көруде. Сонымен қатар, әлеуметтік желіде әрбір іс-шара барысы, дәстүр тағлымдары насихатталып келеді. «Дәстүр» қолөнер орталығын құрудағы басты мақсат та кәсіптен нәсіп тауып, сол ізбен ғылыми ізденісте, тәжірибеде шәкірт тәрбиелеп, өнер ордасы арқылы елімізге кішкене болса да үлесімізді қосуға шеберлеріміз дайын, – орталық басшысы.Осы тұста айта кетейік, 2023 жылы Қызылорда облысы Жаңақорған ауданы мен Павлодар облысы Успен ауданы мәдениет және тілдерді дамыту бөлімдерінің өзара жасасқан рухани-мәдени ынтымақтастық меморандумы аясында «Сырға толы Сығанақ» атты этно-думанды шарада «Дәстүрін дәріптеген аудан» атты көрме өткізілді. Успен ауданы мәдениет және тілдерді дамыту орталығынан көшпелі көрме өткізуге ұсыныс жасалды. «Орда Сығанақ» шипажайында «Тәуелсіздікке тарту» тақырыбында көрме ұйымдастырылды. Сонымен қатар, «Қолөнер-асыл қазына» көрме-фестивалі ұйымдастырылып, ауданымыздағы «Дәстүр» қолөнер орталығының ағаш шебері Пахриддин Садықовтың қайталанбас өнер туындылары да осы орталықта сән беріп тұр.– Бұл орталықта жергілікті жас қолөнер шеберлері мен зергерлер, сонымен қатар темірден түйін түйіп, сәнді бұйымға айналдырған хас шеберлер бас қосқан. «Дәстүр» қолөнер орталығының мақсаты – болашақта ел тұтқасын ұстайтын азаматтардың бала кезінен қабілетін анықтап, болашақ мамандығын таңдауға бағыт-бағдар беру. Жас ұрпақтың бойына салт-дәстүріміз бен мәдениетімізді сіңіре отырып, олардың өнерге, шығармашылыққа деген қызығушылықтарын арттырсақ дейміз, – дейді Пахриддин Шәмшідінұлы.Бір қуантарлығы, ауданымызда атаулы орталықта еңбек етіп жатқан жандар аз емес. Соның бірі кәде-сый жасаудың қас шебері Мұрат Жәрімбетовпен де тілдесіп көргенді жөн көрдік.– Басты мақсат – он саусағынан өнер тамған қолөнершілер мен зергерлердің басын қосып, туындыларын көпшілікке таныстыру. Халқымыздың ұлттық нақыштарын дәріптейтін мұндай орталықтар ұлтымыздың ұмыт қалған дәстүрін қайта жаңғыртып, жастарға үлкен үлгі деп есептеймін. Кейінгі кездері жастар бабадан қалған асыл мұраны ұмыт қалдырып, көненің көзі ретінде қарап жатады. Ұлттық нақыштағы киімдер мен зергерлік заттарды жәдігер емес, қолдануға жарамды дүниелер ретінде қабылдаса деген ниетпен жұмыс жасап жатырмыз, – дейді қолөнер шебері.Қорыта айтқанда, қолөнер біздің рухани байлығымыз, мәдениетіміз, салт-дәстүріміз, ол ғасырдан ғасырға жалғасып келе жатқан өнер туындылары. Қазақ халқының қолөнері әлем халықтарына мақтанышпен көрсететін үлкен құнды¬лығымыз. Сол себепті де, бұндай орта¬лықтар жаңғырып жатса нұр үстіне нұр.

Жаңақорғанда ұлттық өнер ұлықталды

<a href="https://kyzylorda-news.kz/">Kyzylorda-news.kz.</a> Таяуда Астана қаласында «Тақия fest» өнерлі аналардың республикалық қолөнер фестивалі болып өтті. Оған Жаңақорған ауданы аграрлы техникалық колледжінің ұстазы Сәуле Бегімбетова қатысып, «Өнерлі ана» номинациясын жеңіп алды. Жаңақорған ауданының мерейін үстем еткен қолөнер шеберіне Қазақстан Республикасының мәдениет және спорт министрлігі Алғыс хатымен марапаттап, арнайы құрмет көрсетті.<blockquote>«Президент мұражайында өткен фестивалге еліміздің барлық аймағынан өнерлі аналар жиналды. Ұлтымыздың қол өнерін кейінгі ұрпаққа дәріптеуді мақсат еткен фестивалге он саусағынан өнері тамып тұрған небір хас шеберлер жиналған екен. Бұндай үлкен додаларға әрдайым қатысып келеміз. Бір-бірімізбен тәжірибе алмасып, өз қолымыздан шыққан дүниелерді көріп таң-тамаша болдық. Өте керемет, жоғары деңгейде ұйымдастырылды. Ұлттық құндылықтарымыздың бірі һәм бірегейі – қолөнер ғой. Шынайы шебердің қолынан шыққан бұйымдар салт-сана, әдет-ғұрыппен біте қайнасып, қазақ халқының дүниетанымын айғақтап тұрғандай көрінеді. Бүгінгі күні ұлттың байырғы мұрасы қайта жаңғырып, жаңару үстінде», – дейді шебер ана Сәуле.</blockquote>Сонымен қатар, Қызылорда қаласында «Сырдың шебер аналары» атты жәрмеңке ұйымдастырылып, өнерлі аналардың өз қолдарымен жасаған заттарынан көрме ұйымдастырылды. Кейіпкеріміз атаулы көрмеге де қатысып, марапат биігінен көрінді. Жәрмеңке барысында өнерлі аналардың өз қолдарымен жасаған заттары көрмеге қойылып, іскер, талантты аналардың еңбектері арқылы ұлттық өнерді насихаттауды құп көргені көңілге қуаныш ұялатады.<blockquote>«Есімді білгелі анамның жанында жүріп, үйдегі үш қыз жарыса кілем тоқып, бір жағы анамызға қолғабыс қылсақ, бір жағынан үйреніп алғанымызға мәзбіз. Жыл сайын жазғы демалысқа шыққанымызда осы кілем тоқу дәстүрлі әдетімізге айналды. Жүнді сабап, жуып, бояп, кейін ұршықпен иіріп берген анамызбен қаз-қатар отырып, кілемге әдемі өрнек салып тоқу, бізге талмай еңбектенуден келетін зор қуанышты тарту етті, ұлттық өнермен айналысуға ықпал етті. «Сырдың шебер аналары» атты болмысымызды айшықтайтын бұйымдарды осылайша көпшілікке көрсетіп, көрме ұйымдастырғанына қуаныштымыз. Биылғы көрменің жаңалығы мол болды. Әрі сапалы дүниелердің қатары артқан. Ұлттық өнерді қолдаушы шеберлердің де саны көбейгенін көріп қуанып қалдым», – дейді шебер.</blockquote>«Шебердің инесі де алтын, соққан күймесі де алтын» деген тәмсілдің тереңіне үңілсеңіз қазақ дәстүрінде ісмерліктің орны ерекше болғанын ұғамыз. Қанға сіңген қасиет дәуір жаңарған сайын жаңарып, ұрпақтан-ұрпаққа жалғасып келеді. Осындай ұрпақ сабақтастығымен үндескен тігіншілік өнерін төменарықтық Маржан Қасқабайқызының бойынан аңғардық.Қазақтың қаймағы бұзылмаған көршілес Нартай ауылында туылған Маржан қазақтың салт-дәстүрін мен әдет-ғұрпын жастайынан бойына сіңірген. Әжесі Ардақ ауылға белгілі ісмер еді. Нартайдан ұзатылған қыздың жасауында Ардақ әженің қолының ізі қалған екен. Әжесінің ісіне ерте жастан араласқан Маржан ине сабақтау, көрпе көктеу мен жіп түйнеуді үйренген. Осылайша тігіншілік қасиетін түсінген Маржан мамандығын осы саламен байланыстырып, кәсіпке айналдырады. Қызылорда қаласындағы №3 «Қарауылтөбе» өндірістік-техникалық комбинатында тігін ісінің теориясын меңгереді.Тігіншілік мамандығын бітіріп, еңбек жолын Шиелідегі №2 тігін цехында бастайды. Осы цехтың жұмысына үйреніп, әріптестерінің арасында сыйластығы артып, беделді тігіншілердің бірі атанды. Жұмыстың жауапкершілігін бірінші кезекке қойып, уақытпен санаспай жұмыс атқарды.Төменарық ауылына келін болып түскен Маржан әулетке құт қондырды. Екі ұл мен бір қызды тәрбиелеп, қол машинасын тоқтатқан жоқ. Ауылдастарының киім-кешегін тігіп, көпшіліктің алғысына бөленді. Қолынан іс келетін жан отбасына қосымша қаражат табу үшін шағын кәсіп бастауды жөн көрген. Шағын шеберханасының «Жансая» аталуының себебі бар. Жансая қызының құрметіне қойыпты. Бұл туралы тігінші келін: «Өзім әжеме қарап бой түзедім. Енді қызым Жансая да маған қолғабыс етіп жүр. Бұл тек қана қаражат табу көзі ғана емес, тәрбие мен тәлім беретін қасиетті орын деп санаймын», – деді.Әрине, кәсіп ашу үшін, әуелі білім мен қаражат керек екендігі түсіністі. Осыны ескерген Маржан аудандық кәсіпкерлік палатасында оқыту курсына қатысады. Бизнес-жоба жасап, онысын қорғап шығады. Осылайша, «Жансая» шеберханасын ашуға бел буып, 2014 жылы кәсіпкерлік палатасының сүйемелдеуімен «Қызылорда» өңірлік инвестиция орталығынан» 700 мың теңге несие алады. Оған тігін машинасы мен қажетті құрал-жабдықтарын сатып алған. Шағын шеберхананың жұмысын ширатып, уақыт өте кәсібін кеңейтуді жоспарлайды. Тағы да аудандық кәсіпкерлік палатасына арқылы шағын қаржылық ұйымнан тігін цехын кеңейту үшін 1 миллион теңге қаржы алады. Бүгінде төменарықтық тігінші аядай ғана шеберханасында 3 адамды жұмыспен қамтып отыр. Тапсырысқа сай еңбек ақысын алады. Тігінші Майра Көгенбаева: «Біздің шеберхана – көбіне қыз жасауын жасайды. Тамыз айында мектеп формаларын тігеміз. Сол сияқты маусымдық тапсырыстар түсуде. Басшымыз Маржан Қасқабайқызы бұйымның сапалы тігілуіне мән береді. Ол көкірек көзі ояу, қолы алтын, көңілі кең кәсіпкер», – деді.Иә, дара кәсіпкер қайырымдылық шараларға өз үлесін қосып келеді. Жыл сайын ауылдағы екі бірдей мектептегі әлеуметті төмен отбасыларына тегін мектеп формасын үлестіруде. Ауылдастарының қайсысының болмасын басына іс түссе, қол ұшын беруді азаматтық парызым деп санайды. Мұны кәсіпкер жаһанға жар салып, мақтан етпейді. Керісінше, туған жердің өркендеуіне қосқан үлесім деп есептейді.Расында, «Шебердің инесі де алтын, соққан күймесі де алтын» деген тәмсілдің тереңіне үңілсеңіз қазақ дәстүрінде ісмерліктің орны ерекше болғанын ұғамыз. Ата-бабаларымыздан келе жатқан ұлттық қолөнеріміз арқылы жастарды іскерлікке баулумен қатар, ұлттық қолөнер шеберлігінің ұрпақтан-ұрпаққа жеткен қайталанбас мұралары арқылы олардың эстетикалық талғамын қалыптастыруда қолөнер шеберлерінің еңбектері зор. Осындай қолөнер шеберлері барда қазақ мұрасы әрі қарай өркендей беретіні анық.

Жаңақорғандық қолөнерші «Сыбыр шебер анасы» атанды

<a href="https://kyzylorda-news.kz/">Kyzylorda-news.kz.</a> Қызылорда облыстық Қазақстан халық ассамблеясы жанындағы ақпараттық түсіндіру тобы мүшелерінің кезекті кездесуі Смағұл Ысқақов атындағы құрылыс және бизнес колледжінде өтті.&nbsp;Кездесуге облыстық қоғамдық даму басқармасының «Қоғамдық келісім» КММ бөлім басшысы Мұхтар Ибраев, Қорқыт Ата атындағы Қызылорда университетінің комплаенс-офицері, дінтану магистрі Әлібек Жаппасбаев және тіл жанашыры, неміс этномәдени бірлестігінің белсендісі Светлана Крюгер қатысты.Топ мүшелері мемлекет басшысы Қасым-Жомарт Кемелұлы Тоқаевтың «Бірлігіміз – әралуандықта» деген басты қағидатын негізге ала отырып, дамудың даңғыл жолына түсудегі тұрақтылықтың маңыздылығына тоқталып өтті.Ақпараттық түсіндіру тобының мүшелері бірлік, ынтымақ, жалпы Сыр өңірінде этносаралық татулық пен қоғамдық келісімді нығайту бағытында қолға алынған ауқымды істер, этномәдени бірлестіктердің жұмыстары, өңірімізде мекен еткен барлық этнос өкілдері достықтың, конфессияаралық түсіністіктің қаймағы бұзылмауы жолындағы еңбектері жайлы айтып өтті. Қатысушылар тарапынан сұрақтар қойылып, кездесу пікір алмасуға ұласты.<img src="https://knadmin.beoblood.kz/uploads/340493519_479952637591420_8801039005483183485_n_f4db58be5e.jpg" alt="340493519_479952637591420_8801039005483183485_n.jpg">

Қазақстан халқы ассамблеясы: Бірлікті сақтау – азаматтық парыз

<a href="https://kyzylorda-news.kz/">Kyzylorda-news.kz.</a> Инвестициялау – бұл сіздің ресурстарыңызды капиталды ұлғайту мақсатында пайдалану. Инвестициялау негіздерін үйрену арқылы сіз ақша табуды бастай аласыз, бірақ қаржылық еркіндікке апаратын жолдың басында жиі кездесетін қателіктерден аулақ болғаныңыз жөн.&nbsp;Мұны қалай жасау керектігін Fingramota.kz айтып береді.Инвестор болу үшін брокерден — нарыққа кәсіби қатысушыдан шот ашу немесе әр түрлі активтер қоржыны болып табылатын пай қорларының пайларын сатып алу қажет. Брокерде шот ашқан жағдайда инвестор қаржы активтерін белсенді түрде сатумен өз бетінше айналысады. Пайларды сатып алу кезінде инвестор басқарушы компанияға өз ақшасын береді және одан әрі инвестициялық шешімдерді басқарушы компания қабылдайды. Брокерлік қызмет көрсететін компаниялардың қызметі Қазақстан Республикасының заңнамасымен қатаң реттеледі.Бағалы қағаздар нарығында қызметті жүзеге асыру үшін брокерде міндетті түрде Қаржы нарығын реттеу және дамыту агенттігінің (бұдан әрі – Агенттік) лицензиясы болуға тиіс және ол қор биржасына тікелей қатысушы болуы керек. Қаржы реттеушісі осы компаниялардың қызметін бақылауды және қадағалауды жүзеге асырады және инвесторлардың құқықтарын қорғаудың тиісті деңгейін қамтамасыз етеді.Назар аударыңыз!&nbsp;Лицензияланған брокерлердің тізімі Агенттіктің www.gov.kz ресми сайтында орналастырылған.Fingramota.kz-тен бес пайдалы ұсыныс&nbsp;Инвестор болуды көбінесе өмір бойы үйрену қажет, өйткені әдетте, нарық туралы көбірек білу және жаңа инвестициялық стратегияларды табу қажет болады. Енді ғана алғашқы қадамын жасап жатқандарға:1. Бар тәуекелдерді түсініп алу&nbsp;Егер сіз қор нарығына инвестиция салғыңыз келсе, алдымен мынаны мойындауыңыз керек: біріншіден, тәуекелдерді дұрыс бағалау өте маңызды, екіншіден, инвестициялау әрқашан шығындар қаупін тудырады. Биржаға жаңадан келгендердің көпшілігі ойланып шешім қабылдау және нарықтық үрдістерді қадағалау арқылы өз байлығын арттыруға болады деп қуанады. Бірақ сіз өз дағдыларыңыздың деңгейін дұрыс бағалауыңыз керек: логикалық ойлауды үйреніңіз, инвестицияның ықтимал пайдасы туралы ғана емес, сонымен қатар ықтимал тәуекелдер туралы ойланыңыз, шешім қабылдау процесінде эмоцияларға жол бермеңіз. Қор нарығын әрқашан болжап отыру мүмкін емес және онда секунд сайын болып отыратын оқиғаларға импульсивті түрде қарамау керек, бұл тек шығынға әкелуі мүмкін.Табысты инвесторлар акциялар, облигациялар немесе басқа нәрсе болсын, өздері инвестиция салатын қор нарығын түсінеді. Олар пайда табу үшін алдымен саралап алып шешім қабылдау қажет екенін біледі және сынақтар мен қателіктер арқылы ондай дағдыларды үздіксіз үйренеді.2. Бір нәрсеге ғана назар аудару&nbsp;Көптеген инвестициялық құралдар бар, оның ішінде:Акциялар Облигациялар Туынды қаржы құралдары Венчурлік инвестициялар және басқа. Активтерді әртараптандыру, яғни капиталды әр түрлі инвестиция түрлеріне бөлу процесі әрқашан құпталады, алайда бастапқы кезеңде инвестицияның бір түріне көңіл бөлген дұрыс. Бұл инвестициялардың әрбір түрі тәуекелдің түрлі деңгейі жағдайында және пайда табу мүмкіндігі кезінде жұмыс істей алуымен байланысты. Мысалы, облигациялар, әдетте, акцияларға немесе фьючерстерге қарағанда қауіпсіз болады және аз да болса сенімді кіріспен қамтамасыз ете алады. Дегенмен де, акциялар барынша қауіпті инвестиция түрі болып табылады, бірақ көптеген жағдайларда олар жоғары және жылдам пайда әкелуі мүмкін.Біраз тәжірибе жинақтаған соң, әрине, өз активтеріңізді әртараптандыру қажет. Әртараптандыру көптеген артықшылықтар береді, және де оның ішіндегі ең тартымдысы – ол инвестициялаудан болатын тәуекелдерді азайтады. Егер бір адам құны төмендеген инвестицияның бір түріне үлкен сома құйған болса, ол үлкен шығынға ұшырауы мүмкін. Егер де оның орнына сіз түрлі нарықтық күштер әсер ететін бірнеше құралға капиталыңызды салсаңыз, мұндай шығындарға ұшырау тәуекелі айтарлықтай аз болады.3.&nbsp;Таңдап алған бағытты зерделеу&nbsp;Қалауыңызды жасағаннан кейін сіз инвестициялық құралды мұқият зерттеңіз. Ешқандай хабарыңыз жоқ құралға ақша салмаңыз!Өзіңіз «кіруге» бел буған «аяны» бүге-шігесіне дейін зерттеу маңызды, себебі бұл сізге дұрыс бастапқы инвестиция жасауға көмек береді. Бұл ретте, түрлі стратегиялардың тәуекелдерін талдайтын сарапшылардың пікірлеріне назар аударыңыз, өз ақшаңыздың салып отырған инвестициялық активтің құнына нелердің әсер ететінін нақтылаңыз.4. Пайыммен және ретімен инвестициялау&nbsp;Инвестициялаудың алғашқы кезеңдері әртүрлі активтердің тәуекелдері мен әлеуетін түсіну үшін негіздерді оқып-зерттеумен байланысты болса, бұдан кейінгі кезеңдер тәжірибе мен капиталды жинақтауға бағытталған. Ақшалай қорыңызды көбейту үшін инвестициялаудың маңызды бөліктерінің бірі – әрекеттердің реттілігі. Алға мақсат қоймай нәтижеге жету өте қиын және қауіпті.Инвестициялаудағы мақсатыңызды тұжырымдап алыңыз, ол қор нарығындағы іс-қимыл стратегиясын және сіздің инвестициялық портфеліңіздің құрамын анықтауға көмек береді. Мақсат нақты және белгілі бір мерзімге қойылуға тиіс – 3 жылға немесе одан да көп мерзім құпталады. Инвестициялау мерзімі неғұрлым ұзақ болса, тәуекелдер соғұрлым аз болады.5. Аз нәрседен бастау&nbsp;Көптеген жағдайда ақшаны аз мөлшерде салудан бастаған дұрыс. Бұл бос қаражат болуы тиіс, ешбір жағдайда ол қарызға алынған және сіздің соңғы жинақтарыңыз болмауға тиіс! Инвестицияларды қосымша табыс көзі ретінде қарастырыңыз.Инвестициялауда алғашқы қадамдар жасай отырып, қателіктер жіберу заңдылық, себебі сіз енді үйреніп жатырсыз, алайда қателіктер сіздің капиталыңызға айтарлықтай әсер етпеуі керек. Неғұрлым көп тәжірибе жинақтап, өз орныңызды жетік білетін болсаңыз, соғұрлым көп ақша инвестициялай аласыз. Инвесторлардың құқықтары қалай қорғалады?&nbsp;Халықтың инвестициялық өнімдерге деген қызығушылығы жыл сайын артып келеді және бұл көбіне технологиялардың дамуына және азаматтарға брокерлік шоттарды оңай ашуға мүмкіндік беретін рәсімдердің жеңілдеуіне байланысты.Орталық бағалы қағаздар депозитарийінің (KCSD) деректері бойынша 2022 жылы Қазақстан қор нарығының бүкіл тарихында инвесторлардың рекордтық өсуі тіркелді. Бағалы қағаздарды ұстаушылардың 99%-ы – қазақстандықтар. 2023 жылғы 1 қаңтардағы жағдай бойынша инвесторлардың KCSD-дегі шоттарының (қосалқы шоттарының) жалпы саны 2022 жылы 149,3%-ға өсіп, 550,2 мыңды құрады. Оның ішінде жеке тұлғалар шоттарының саны 547,1 мыңды, заңды тұлғалар шоттарының саны 3,1 мыңды құрады.Дегенмен, инвестициялаудағы тәжірибе мен білімнің жетіспеуіне байланысты барлық бөлшек инвесторлар, мысалы, акциялар сияқты қаржы құралдарын сатып алу кезінде тәуекелді бағалай алмайды. Бөлшек инвесторлардың құқықтарын қорғау үшін Қаржы нарығын реттеу және дамыту агенттігі жүйелі түрде түрлі шаралар қабылдауда. Мәселен, 2022 жылы мынадай заңнамалық бастамалар қабылданды.Біріншіден,&nbsp;брокердің оған инвестициялық ұсыныстар бермес бұрын бөлшек инвестордың тәуекел-бейінін бағалау міндеті енгізілді.Бөлшек инвесторларды «білікті» немесе «білікті емес» инвесторлар деп тану үшін оларды талдау рәсімін жүргізу міндеттілігі белгіленді. Білікті инвестор басқа инвесторларға қолжетімді емес көптеген қаржы құралдарына қол жеткізе алады.2022 жылғы шілдеде Мемлекет басшысы «Қазақстан Республикасының кейбір заңнамалық актілеріне сақтандыру нарығы мен бағалы қағаздар нарығын реттеу және дамыту, банк қызметі мәселелері бойынша өзгерістер мен толықтырулар енгізу туралы» ҚР Заңына қол қойды. Өзгерістердің бірі жеке тұлғалар ретіндегі білікті инвесторларды тану тетігін жетілдіруге қатысты. Бөлшек инвесторды тану үшін білікті инвесторлар мына өлшемшарттардың біріне немесе бірнешеуіне сәйкес келуі қажет: тиісті білім деңгейі, кәсіби сертификаттардың болуы (CFA, FRM, CIIA), қаржы нарығындағы жұмыс тәжірибесі, кемінде 29 млн теңге сомасында активтердің болуы. Тек осы жағдайда ғана оны білікті инвестор ретінде тануға болады.Жеке тұлға тестілеуден сәтті өткеннен кейін ғана брокер оны білікті инвестор ретінде тануы мүмкін.Екіншіден,&nbsp;қаржы құралдарына әділ баға белгілеуді қамтамасыз ету үшін бағалы қағаздар нарығында айла-шарғы жасау белгілері кеңейтілді.Мысалы, қор нарығында мониторинг және талдау жүргізу арқылы бағалы қағаздар нарығы субъектілерінің және өзге де тұлғалардың қаржы құралының бағасына, оған деген сұранысқа немесе ұсынысқа қатысты жалған белгілер жасау жөніндегі күдікті мәмілелер тұрғысынан іс-әрекеттері анықталады. Егер мұндай мәміле расталған жағдайда, Агенттіктің сараптамалық комитеті тиісті әкімшілік шаралар қабылдайтын болады.Үшіншіден,&nbsp;лицензиясы жоқ делдалдардан азаматтарға қор және валюта нарықтарында қызмет көрсетуге заңнамалық тұрғыдан тыйым белгіленген. Мысалы, жосықсыз компаниялар, оның ішінде шетелдік компаниялар жандана бастады, олар қаржы реттеушісінің лицензиясынсыз азаматтарға қысқа мерзімде жоғары табыс табуға уәде беруде.Агенттік алаяқтық фактілерін анықтаған кезде:- жедел іздестіру іс-шараларын жүргізу үшін құқық қорғау органдарына;- алаяқтардың сайттарын бұғаттау үшін ҚР Ақпарат және қоғамдық даму министрлігіне ақпарат береді.Есіңізде болсын, бағалы қағаздарға инвестициялау әрдайым тәуекелмен қатар жүреді және инвесторлар өздері қабылдаған инвестициялық шешімдер үшін жауап береді. Инвестициялық сауаттылықтарыңызды Fingramota.kz-пен бірге арттырыңыздар!&nbsp;&nbsp;

Қалай инвестор болуға болады: биржаға жаңадан келген адамға неге инвестициялау керек 

<a href="https://kyzylorda-news.kz/ru/">Kyzylorda-news.kz</a>. Өзіндік тарихы бар Сыр өңіріндегі іргелі ауылдардың бірі – Аманөткел ауылы екендігін барлығы білетін болар. &nbsp;Атаулы ауылда біршама мекеме жұмыс істеп, қалың көпшілік ризашылығына бөленгені де белгілі. Ендеше бүгінгі мақаламыз Аманөткел ауылындағы мекемелер мен олардың жұмысы туралы болмақ.Аманөткелде 1964 жылдан бастап қаламызды сумен қамтамасыз ететін су жүйесі мекемесі жұмыс істейді. Мекеме тұрақты түрде Арал қаласын және айналасындағы елді мекендерді, сондай-ақ қаладағы әскери мекемелерді ауыз сумен қамтамасыз етіп отырған жайы бар.Мұнда 70-ке жуық адам жұмыс істеген. Су жүйесі мекемесіне еңбегі сіңген жұмысшы-қызметкерлерді атап айтар болсақ, Қолғанатов Қолаңбай, Қазиев Беғалы, Өтеғұлов Ерали, Тлеуішов Бимырза, Сариев Әбдікерім, Ибраев Теңізбай, Жалмағанбетов Балтабай, Сералиев Бибіт, Қиынбаев Балтабай, Сүлейменов Сахитжан, Ибраев Әбілқайыр, тағы басқа да азаматтардың еңбегі сіңген екен. Су жүйесі 1987 жылға дейін Арал қаласына су берді. Кейін Арал қаласына Сарбұлақ суы келуіне байланысты Арал қаласындағы әскери мекемелерге, жақын елді мекендерді 1993 жылға дейін сумен қамтамасыз еткен. &nbsp;Осы жұмыстың арқасында ауыл тіршілігі кеңейіп, көркейіп-көгалданған. Сонымен бірге Аманөткел елді мекеніне Сарбұлақ суы 1997 жылы келген. 1976-1990 жылдары Аманөткелдің әлеуметтік жағдайының артуына сол кездегі ауылдан шыққан азамат, балықшыдан министрге дейін көтеріліп, балық министрі болған Саржанов Құдайбергеннің айтарлықтай еңбегі. Ол кісі министр болып тұрғанда Аманөткелден тоғанды балық шаруашылығы мекемесі және ПМК-4 құрылыс мекемесі ашылды. 1976 жылы Арал рыбпромға қарасты тауарлы көл балық &nbsp;шаруашылығы ұйымдастырылды. Онда сапалы балық түрлері өсіріліп, жылына 3000 центнерге жуық балық ауланған. Сонымен бірге мал, құс фермасы ұйымдастырылып, өнімдері Қызылорда, Ақтөбе облыстарына дейін таратылды. Шаруашылықта қосымша арнайы жеміс ағаштары да өсірілді. Атаулы мекемеде 60-қа жуық адам жұмыс істеді. Мекеме басшысы болып Жалмағанбетов Балтабай, кейін Жаймағанбетов Кемал атқарған. Сондай-ақ онда еңбегі сіңген инженер-техник Маханбетжанов Қалыбай, бригадирлер Әбілов Жұман, Досаев Ідіріс, жұмысшылар Ермекбаев Нұртай, Ерімбетов Әбжәли, Қайберенов Қайырбол, тағы басқа азаматтар қызмет атқарды.1984 жылы Аманөткелден Шымкент қаласындағы ПМК-2 мекемесінің бөлімшесі ашылды. 1986 жылы өз алдына дербес ПМК-4 құрылыс мекемесі болып құрылған болатын. Мекемеде 150-ге жуық адам жұмыс істеді. Жұмысшы-қызметкерлерге арнап 50-ге жуық үй салынып, атаулы мекеме жаңа құрал-жабдықтармен және де жаңа техникалармен жабдықталды. Мекемеде бөлімше бастығы, мекеме басшылары болып Байсалбаев Ақмырза, Талапбаев Еділ, Шыманов Ұснадин, Махатов Лайық, Кенегесов Жолдас қызмет атқарды. Сонымен бірге Қуандықов Елубай – жабықтау бөлімі бастығы, Кенжеғұлов Мырзахан – бас механик, Иманалиев Шалабай – бас есепші, &nbsp;Ералиев Махсұт – механик, Үсенов Құндақбай – мастер, Тәуекелов Қылышбай – қоймашы. Басқа да механизатор, құрылысшы болып ауыл азаматтары қызмет етті.Байқағанымыздай, ауыл тіршілігін кеңейтетін ірілі-кішілі мекемелер баршылық. Ондағы тынымсыз жұмыс та қарапайым халық игілігіне жарап, ризашылығына бөленген.

Жүйелі жұмысымен танылған су жүйесі мекемесі

<a href="https://kyzylorda-news.kz/">Kyzylorda-news.kz.</a> Қызылорда қаласы әкімдігінің «Қызылорда қаласының Белкөл кенті әкімінің аппараты» коммуналдық мемлекеттік мекемесі тарапынан Қазақстан Республикасының 2013 жылғы 15 сәуірдегі № 88-V «Мемлекеттік көрсетілетін қызметтер туралы» Заңы және Қазақстан Республикасының Ауыл шаруашылығы министрінің 2020 жылғы 1 қазандағы № 301 бұйрығымен бекітілген тізілім негізінде 5 мемлекеттік қызмет көрсетеді. Соның ішінде «Жер учаскесін жеке меншікке ақысын бірден төлеп не бөліп төлеу арқылы сату», «Жер учаскелерінің нысаналы мақсатын өзгертуге шешім беру», «Сауда – саттықты (конкурстарды,аукциондарды) өткізуді талап етпейтін мемлекет меншігіндегі жер учаскелеріне құқықтарды алу», «Жер учаскесін алу үшін кезекке қою», «Елді мекендер шегінде объектілер салу үшін жер учаскелерін беру» қызметтері бар. Бұл туралы Қызылорда қаласының Белкөл кенті әкімі аппаратының жетекші маманы А.Шыныбеков айтты.<blockquote>«Мемлекеттік қызметті электронды алу үшін көрсетілетін қызметті алушыға электрондық цифрлық қолтаңбаны алу, сондай-ақ «электрондық үкіметтің» веб-порталында (www.egov.kz) немесе электрондық лицензиялауда (www.elicence.kz) тіркелу қажет. Тұрғындарға мемлекеттік қызмет көрсетудің ақпараттық қолжетімділіктерін қамтамасыз ету мақсатында әкімшілік ғимаратында стандарттарға сәйкес ақпараттық тақтайшалар орнатылған. Сондай-ақ, әкімшілік ғимаратында халықтың уақытын тиімді пайдалану мақсатында «Өзін өзі қызмет көрсету бұрышы» орналастырылған. Өзіне-өзі қызмет көрсету бұрышы талапқа сай қажетті техникалық құралдарымен, яғни компьютер жабдығымен, принтер, камера, картридждермен қамтамасыз етілген», - дейді кент әкімі аппаратының жетекші маманы.</blockquote>Мемлекеттік қызмет көрсету саласында қызмет көрсетудің сапасы мен қол жетімдігін арттыру өте маңызды. Алдағы уақытта, мемлекеттік қызметтер көрсету процесін үнемі жетілдіру сапасы мен қолжетімдігіне мән беру, үнемділік пен тиімділік қағидаттары басты назарда болады.

Сапалы мемлекеттік қызмет – уақыт талабы

<a href="https://kyzylorda-news.kz/">Kyzylorda-news.kz.</a> 2022-2023 оқу жылын аяқтау және орта білім беру ұйымдарында білім алушыларды қорытынды аттестаттаудан өткізу мерзімдерін бекіту туралы оқу-ағарту министрінің бұйрығы қабылданды.Оқу-ағарту бірінші вице-министрі Шолпан Каринованың мәлімдеуінше, министр қол қойған құжатқа сәйкес, оқу жылы 31 мамырда аяқталады.Бұйрық бойынша:9 (10) сыныптарда білім алушылардың қорытынды бітіру емтихандары 2023 жылғы 2-13 маусым аралығында өткізіледі.11 (12) сыныптарда білім алушылардың мемлекеттік бітіру емтихандары – 2023 жылғы 5-19 маусым аралығында өткізіледі.Қорытынды аттестаттауды өткізудің мынадай мерзімдері бекітілген:9 (10)-сынып оқушылары үшін:1) оқыту тілі бойынша эссе нысанында жазбаша емтихан, гуманитарлық цикл пәндерін тереңдетіп оқытатын мектептер үшін – жазбаша жұмыс (мақала, әңгіме, эссе) – 2023 жылғы 2 маусым; 2) математика (алгебра) бойынша жазбаша емтихан (бақылау жұмысы) – 2023 жылғы 6 маусым; 3) өзге тілдерде оқытатын сыныптарда қазақ тілі мен әдебиеті бойынша жазбаша емтихан (мәтінмен жұмыс, мәтін бойынша тапсырмаларды орындау) және қазақ тілінде оқытатын сыныптарда орыс тілі мен әдебиеті бойынша жазбаша емтихан (мәтінмен жұмыс, мәтін бойынша тапсырмаларды орындау) – 2023 жылғы 9 маусым; 4) таңдау пәні бойынша жазбаша емтихан (физика, химия, биология, география, геометрия, Қазақстан тарихы, дүниежүзі тарихы, әдебиет (оқыту тілі бойынша), шет тілі (ағылшын/француз/неміс), информатика) – 2023 жылғы 13 маусым;11 (12) сынып оқушылары үшін:1) оқыту тілі бойынша жазбаша емтихан – 2023 жылғы 5 маусым; 2) алгебра және анализ бастамалары бойынша жазбаша емтихан – 2023 жылғы 8 маусым; 3) Қазақстан тарихы бойынша ауызша емтихан – 2023 жылғы 12 маусым; 4) өзге тілдерде оқытатын сыныптарда қазақ тілі мен әдебиетінен және қазақ тілінде оқытатын сыныптарда орыс тілі мен әдебиетінен жазбаша емтихан – 2023 жылғы 15 маусым; 5) таңдау пәні бойынша жазбаша емтихан (физика, химия, биология, география, геометрия, дүниежүзілік тарих, құқық негіздері, әдебиет (оқыту тілі бойынша), шет тілі (ағылшын/француз/неміс), информатика) – 2023 жылғы 19 маусым. Облыстардың, Астана, Алматы және Шымкент қалаларының білім басқармалары оқу жылын ұйымдасқан түрде аяқтау бойынша тиісті шараларды ұйымдастырады.

Биылғы оқу жылының аяқталу мерзімі бекітілді

<a href="https://kyzylorda-news.kz/">Kyzylorda-news.kz.</a> Қасым-Жомарт Тоқаев Президент жанындағы Ғылым және технологиялар жөніндегі Ұлттық кеңестің алғашқы отырысын өткізді. Жиында еліміздің ғылыми-техникалық саясатының алдағы басымдықтары айқындалды, деп хабарлайды Ақорданың ресми сайты.&nbsp;Мемлекет басшысы қай заманда да дамудың басты кілті ғылым екенін атап өтті.<blockquote>– Адамзат тарихындағы жетістіктің барлығы – білімнің жемісі. Әсіресе қазіргі озық технология дәуірінде ғылымсыз алға басу мүмкін емес. Сондықтан мен ғылымды дамыту ісіне айрықша мән беріп отырмын. Осы өзекті мәселе бойынша сайлау алдындағы бағдарламада арнайы өз пікірімді айттым. Себебі ғылымды дамыту – мемлекет саясатындағы ең маңызды бағыттың бірі. Өкінішке қарай, елімізде ұзақ жыл бойы оған баса назар аударылған жоқ. Соған байланысты шешімін таппай жатқан мәселелер аз емес. Тіпті, бұл сала артта қалды деуге болады. Біз өркениетті ел боламыз десек, осы олқылықтың орнын толтыруымыз керек, – деді Қасым-Жомарт Тоқаев.</blockquote><img class="image_resized" style="width:730px;" src="https://akorda.kz/public/assets/media/uploadMedia/1681293620_KZ2_2542_2.jpg">Президент ғылым мен технологияның өте қарқынды дамып жатқанына тоқталды. Оның айтуынша, ғылым саласы қаржы айналымы миллиардтаған долларды құрайтын алып индустрияға айналды. Технологиялық ірі корпорациялардың құны триллион долларға жеткен. Нейрожелі және жасанды интеллект революциялық үдерістерге бастау болып жатыр.<blockquote>– Бір сөзбен айтсақ, заман өте жылдам өзгеріп жатыр. Біз осы өзгеріске бейімделуіміз керек. Әйтпесе өркениет даңғылынан қалып қоюымыз мүмкін. Түпкі мақсатымыз – көшке ілесетін емес, сол көшті бастайтын елдердің қатарында болу. Бұл мақсат, әрине, өте күрделі, оны жақсы түсінуіміз керек. Мен бұл туралы үнемі айтып жүрмін. Жалпы, біз алдымызға қол жеткізе алмайтын тым асқақ мақсаттар қоймауымыз керек, бірақ ғылыми жетістіктерге жету үшін бар күш-жігерімізді салуымыз қажет. Қазақстан үйренетін емес, үйрететін, тұтынатын емес, өндіретін мемлекетке айналуға тиіс. Бұл міндет бос сөз күйінде қалмауы керек. Ол үшін біз әрдайым батыл қимылдап, бір қадам алда жүруіміз қажет. Жұмысты дұрыс үйлестіре алсақ, бұл шаруа біздің қолымыздан келетіні анық, – деді Мемлекет басшысы.</blockquote>&nbsp;Қасым-Жомарт Тоқаев соңғы жылдары ғылым саласында біршама өзгеріс болғанын атап өтті. Атап айтқанда, ғылымды қаржыландыру тәсілдері жақсарып, қаржы көлемі едәуір артты. Ғылыми мекемелер біртіндеп жаңғыртылып жатыр. Әлемге әйгілі ғылыми орталықтарда тәжірибеден өткен мамандар саны көбейіп келеді. Жастардың ғылымға деген қызығушылығы ояна бастады. Бірақ мұның бәрі жеткіліксіз. Ғылым саласы әлеуметтік-экономикалық өркендеуге &nbsp;әлі де тың серпін бере алмай отыр.<blockquote>– Соңғы бес жылда ғылымға бөлінетін қаржы 60 пайызға артты. Ал ішкі жалпы өнімдегі ғылымның үлесі, керісінше, 0,13 пайызға төмендеді. Бұл қаражаттың басым бөлігі, нақтырақ айтсақ, 70 пайызы бюджеттен бөлінеді. Сондай-ақ ғылымның түрлі саласын қаржыландыру ісінде өте үлкен теңсіздік бар. Қаражаттың 82 пайызы іргелі және қолданбалы ғылымға жұмсалады. Қалған 18 пайызы ғана тәжірибелік-конструкторлық зерттеулерге арналған. Елімізде ғылыми зерттеулерді іске жаратып, қолданысқа енгізетін өндіріс өте аз. Кәсіпорындардың 65 пайызы шикізат, металлургия саласында жұмыс істейді. Бұл – үшінші технологиялық деңгей деген сөз. Машина жасау, мұнай-химия саласындағы, яғни төртінші деңгейдегі өндірістің үлесі – 34 пайыз. Қалған 1 пайызы микроэлектроника, роботтандыру және IT салаларында немесе бесінші деңгейдегі технологиямен жұмыс істейді. Нано және биотехнологияға негізделген алтыншы деңгейдегі өндіріс бізде мүлде жоқ. Бұл жағдай көш соңында жүргенімізді көрсетеді. Ғылымның анағұрлым озық салалары бойынша тым артта қалып келе жатырмыз. Мен нақты цифрларды мысалға келтірдім. Оны мойындауымыз керек. Дамыған елдерде кәсіпорындардың тең жартысынан көбі – бесінші, ал 5 пайызы – алтыншы деңгейге жеткен. Бір сөзбен айтқанда, біздің өндірістеріміз олармен салыстырғанда артта қалған. Бұл айырмашылықты жою – еліміз үшін өте өзекті мәселе. Сондықтан ғалымдарымызға айрықша міндет жүктеледі. Ғылым саласы ұлттық экономиканы жаңғырту ісінде аса маңызды рөл атқаруға тиіс, – деді Мемлекет басшысы.</blockquote><img class="image_resized" style="width:730px;" src="https://akorda.kz/public/assets/media/uploadMedia/1681293586_KZ2_2152_2+.jpg">Президенттің пікірінше, Үкімет Қазақстанда ғылымның ашық моделін қалыптастыру үшін кешенді шараларды жүзеге асыруы керек. Ең алдымен, ғылымды дамытудың жаңа тәсілдерін заң жүзінде бекітіп, мемлекеттің ғылыми-технологиялық және экономикалық саясатының өзара байланысын күшейткен жөн. Оның айтуынша, ғылым мен технологиялық саясат туралы арнайы заң әзірлеудің қажеттілігі туындады. Бизнесті ғылымға қаржы құюға ынталандыру үшін салық жеңілдіктері мен инвестициялық преференцияларды «ауқымды шегерімдер» түрінде енгізу қажет. Салық, Кәсіпкерлік және Бюджет кодекстеріне нақты нормаларды биылдан қалдырмай енгізу керек.<blockquote>– Ғылымды мемлекет тарапынан қаржыландыруға ғалымдар, нақтырақ айтқанда псевдоғалымдар «майшелпек» ретінде қарамауы керек екенін баса айтқым келеді. Қаржы гранттарының көбінесе ғылыми маңызы, өзектілігі жоқ жобаларға берілетіні ешкімге жасырын емес. «Парасат» ғылыми холдингінде болған өкінішті жағдай – осының анық мысалы. Бөлінген қаражаттың бәрі құмға сіңген судай болды. Ал оның бұрынғы басшысы, химия ғылымдарының докторы Америка азаматтығын алып, отбасымен бірге елден кетіп қалды, – деді Қасым-Жомарт Тоқаев.</blockquote><img class="image_resized" style="width:730px;" src="https://akorda.kz/public/assets/media/uploadMedia/1681293620_KZ4_3293_2.jpg">Мемлекет басшысы ғылыми-жаратылыстану, инженерлік-технологиялық және әлеуметтік-гуманитарлық бағыттағы мықты ғылыми орталықтар мен институттарды ашу жөніндегі кешенді жоспарды іске асыра бастаған жөн деп санайды. Президент сондай-ақ уәкілетті органға жыл сайын докторантураға қабылданатындардың санын 5 мыңға дейін жеткізуді тапсырды. Ғалымдардың мәртебесін дәйекті түрде көтеріп, оларды әлеуметтік тұрғыдан қамтамасыз ету шараларын күшейту үшін жоғары оқу орындары мен ғылыми мекемелер қызметкерлерінің ғылыми дәрежесі мен атағына қарай төленетін үстемеақыны 1,5 есе арттыру міндетін жүктеді.<blockquote>– Елімізде «ақылды қалаларды» және агломерацияларды дамыту ісі өте маңызды. Сондай-ақ Каспий теңізін жан-жақты зерттеу және еліміздің биологиялық қауіпсіздігін сақтау керек. Жаңа сорттар арқылы астықтың шығымын арттыру, мал тұқымын асылдандыру, шөлді аймақтарда жеміс-жидекті үнемдеп суару сияқты мәселелерге ғылыми тұрғыдан қарау қажет. Осындай өзекті бағыттарға ауқымды гранттар бөлу керек. Шын мәнінде, гранттармен қамтамасыз етілген ғылыми жобалар өзекті, сұранысқа ие болуы қажет. Қазір көптеген ғылыми мекеменің материалдық-техникалық жағдайы мәз емес. Тіпті нашар деуге болады. Ғалымдардың жалақысы төмен. Сол себепті кейбір дарынды ғалымдарымыз шетелдің ғылыми орталықтарында жұмыс істегісі келеді. Мұны ашық айтуымыз керек. Сондықтан негізгі ғылыми-зерттеу институттарын бюджеттен тікелей қаржыландыру қажет. Олардың инфрақұрылымы жаңғыртылып, заманауи зертханалар салынуға тиіс. Ғылыми зерттеу институттарының жұмысы қаншалықты тиімді екеніне талдау жасау керек. Жас ғалымдар онда ықыласпен жұмыс істеуі үшін жағдай жасау қажет, – деді Мемлекет басшысы.</blockquote><img class="image_resized" style="width:730px;" src="https://akorda.kz/public/assets/media/uploadMedia/1681293620_KZ3_8800_2.jpg">Сонымен қатар Қасым-Жомарт Тоқаев ғылымды дамытудың жаңа үлгісіне сәйкес Ұлттық ғылым академиясының рөлі ерекше болатынын айтты. Жақында Ғылым академиясына Президент жанындағы орган мәртебесі берілді. Оны қаржыландыру мәселесі шешілді. Академиктерге өмір бойы стипендия төленетін болды.<blockquote>– Бірақ осы жерде ашық айтуым керек: бізде академиктер тым көп, кейбір академиктердің таза ғылымға еш қатысы жоқ. Бір қарағанда, академик деген аты бар. Бірақ ғылымды дамытуға қосқан үлесін ешкім білмейді. Осындай академиктердің ғылыми сапасы да, олардың ғылымға қосқан үлесі де күмәнді. Бұл Академияға нұқсан келтіргені сөзсіз. Сондықтан Академияның жаңа басшылығы осы маңызды мәселеге назар аударуы керек. Ғылым академиясының беделі, абыройы мінсіз болуы қажет. Нағыз ғалым болу – академик не болмаса доктор атағына ие болу емес, жан-дүниеңмен беріліп ғылыммен айналысу, зерттеу жүргізу арқылы қоғамға, елге пайдаңды тигізу екенін назарда ұстау қажет. Академияның жұмысы түбегейлі өзгеруге тиіс, – деді Президент.</blockquote><img class="image_resized" style="width:730px;" src="https://akorda.kz/public/assets/media/uploadMedia/1681293585_KZ2_1882_2.jpg">Қасым-Жомарт Тоқаев ғылымның жаңа үлгісі мемлекет пен бизнестің әріптестігіне негізделуге тиіс екенін атап өтті. Оның айтуынша, осы тәсіл әлеуметтік-экономикалық мәселелерді шешуге мүмкіндік береді. Бұл Әділетті Қазақстанды құру жолындағы стратегиялық бағдарымызға толық сай келеді.Президент сөзін қорытындылай келе, елімізде Қаныш Сәтбаев, Әлкей Марғұлан сияқты ғұламалардың жолын қуған ғалымдардың жаңа буыны шығатынына нық сенімді екенін айтты және жиынға қатысқан ғалымдарды Ғылым күнімен құттықтады.Кеңес отырысында Қазақстан Республикасының Ұлттық ғылым академиясының академигі Асқар Жұмаділдаев, Қазақстан Республикасының Ұлттық ғылым академиясының президенті Күнсұлу Закарья, Пурду университеті (АҚШ) Ядролық энергетика мектебінің профессоры Зинетола Еңсепов, Қазақстан Республикасының Ұлттық ғылым академиясының академигі Жәкен Таймағамбетов, Густав Рози институтының (Франция) директоры әрі қауымдастырылған профессор Мұрат Сапарбаев, Ғылым және жоғары білім министрлігіне қарасты Экономика институты жаһандану және халықаралық ынтымақтастық бөлімінің бас ғылыми қызметкері Оразалы Сәбден, Аустрия ғылым және технология институтының қауымдастырылған профессоры Жәнібек Әлпейішев және Лос-Аламос ұлттық зертханасының (АҚШ) ғылыми қызметкері, техника ғылымдарының кандидаты Дияр Талбаев сөз сөйледі.<img class="image_resized" style="width:730px;" src="https://akorda.kz/public/assets/media/uploadMedia/1681293585_KZ2_1917_2.jpg"><img class="image_resized" style="width:730px;" src="https://akorda.kz/public/assets/media/uploadMedia/1681293585_KZ2_1979_2.jpg"><img class="image_resized" style="width:730px;" src="https://akorda.kz/public/assets/media/uploadMedia/1681293585_KZ2_2011_2.jpg"><img class="image_resized" style="width:730px;" src="https://akorda.kz/public/assets/media/uploadMedia/1681293586_KZ2_2052_2.jpg"><img class="image_resized" style="width:730px;" src="https://akorda.kz/public/assets/media/uploadMedia/1681293585_KZ2_2014_2.jpg"><img class="image_resized" style="width:730px;" src="https://akorda.kz/public/assets/media/uploadMedia/1681293586_KZ2_2204_2.jpg"><img class="image_resized" style="width:730px;" src="https://akorda.kz/public/assets/media/uploadMedia/1681293620_KZ2_2296_2.jpg">&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;

 Президент жанындағы Ғылым және технологиялар жөніндегі ұлттық кеңестің отырысы өтті

<a href="https://kyzylorda-news.kz/">Kyzylorda-news.kz.</a> VIII шақырылған Қызылорда қалалық мәслихат депутаттары қала тұрғындарын жеке қабылдауды бастады. Ең бірінші болып қалалық мәслихаттың төрағасы Ибадулла Құттықожаев жоспарға сәйкес жеке қабылдауын өткізіп, тұрғындарды қабылдады.Қабылдау барысында Бектұрғанов көшесі №13 үйдің тұрғыны &nbsp;Ф.Балғабаева өздері тұрып жатқан үйге жүргізілген күрделі жөндеу жұмыстарының сапасына көңілі толмайтынын білдірді. Сонымен қатар, I топ мүгедегі, зейнеткер З.Исхакова тұрғын үй алу, пәтер кезегіне тұру кезінде әлеуметтік осал топтарға, мүгедектерге жеңілдіктер қарастыру туралы ұсыныстарын білдірді.&nbsp;Сондай-ақ, Қорқыт Ата көшесі бойындағы «Small» әмбебап ірі дүкеніне (супермаркет) өтетін жаяу жүргінші жолағына қатысты, жеке үй құрылысы үшін жер телімдерін алу бойынша мәселелер көтерілді. Ж.Аленов жер кезегінде тұрғанын, кезектің қашан келетінін жайлы хабар алғысы келетінін білдірді.Ибадулла Дүйсенбайұлы қалалық мәслихат тарапынан шешу жолдарын қарастыру бойынша құзырлы органдарға хаттар жолданып, жұмыс жасалып, жауаптар жолданатынын жеткізді. Кейбір мәселелерге қатысты шешу жолдарын түсіндіріп, бағыт-бағдар, ақыл-кеңестерін де берді.Қалалық мәслихат төрағасынан кейін №3 сайлау округінен сайланған қалалық мәслихат депутаты Бахтияр Сыздықов бекітілген жоспарға сәйкес жеке қабылдау өткізіп, тұрғындарды қабылдады.&nbsp;Қабылдау барысында тұрмысы төмен отбасылары Жаңқожа батыр көшесі тұрғыны К.Қанатбаеваға, &nbsp;Қорқыт ата көшесі тұрғыны И.Байбуловаға, А.Иманова көшесі тұрғыны Ж.Дуршееваға, Тайманов көшесі тұрғыны &nbsp;Г.Уримоваға азық-түлікпен көмек көрсетілді. Сонымен қатар, Тоғанас батыр көшесінің тұрғыны М.Шамаев құрылыс-материалдарымен көмектесуді сұрады. Ал, С.Ишан көшесінің тұрғындары Г.Алдешова, Л.Айтбаева, А.Ақмағамбетова &nbsp;ауыз су мәселесіне байланысты өтініштерін жеткізіп, су құбырларын жаңартуды сұрады.Қалалық мәслихат депутаты Бахтияр Нұрділдаұлы өз тарапынан шешу жолдарын қарастыру мақсатында құзырлы органдармен жұмыс жасалатынын жеткізді.Ал №6 сайлау округінен сайланған қалалық мәслихат депутаты Мұса Әбдіқалықовтың бекітілген жоспарға сәйкес жеке қабылдауында Г.Қойшыбаева науқас баласына протез жасатуға, Г.Шайымбетова тұрақты жұмыс мәселесі, Г.Айдарова тұрғын үй кезегі мәселесі, ал Н.Кадирова көз ауруы бар балаларға арналған ғимараттың ескіруіне байланысты жаңа ғимаратқа көшу мәселесін көтерді. &nbsp;&nbsp;Сонымен қатар, тұрмысы төмен көпбалалы аналар Қ.Омарова, И.Бижанова, П.Абуова, И.Байбулова, З.Көпбергенова мен И.Тұрбашева дәрі-дәрмек және қаржылай көмек сұрады.&nbsp;№7 сайлау округінен сайланған қалалық мәслихат депутаты Әбдіғабит Әбләзімұлының бекітілген жоспарға сәйкес жеке қабылдауына келген тұрғын А.Сырғабаев Байтерек 3, 55 мекен жайындағы ауыз су және электр жарығы мәселесін көтерді. Сонымен қатар, Жанқожа батыр көшесі тұрғыны К.Қанатбаева және Қорқыт ата көшесі 124а үй тұрғыны Г.Шайымбетова &nbsp;қаржылай көмек сұрады.&nbsp;Одан бөлек №8 сайлау округінен сайланған қалалық мәслихат депутаты Талғат Мақашов та бекітілген жоспарға сәйкес жеке қабылдау өткізіп, тұрғындарды қабылдады. Қабылдау барысында Белкөл кенті, Путинцев тұйығы 4 үй тұрғыны Р.Жаханова тұрғын үй алу мәселесін көтерді. &nbsp;&nbsp;

Қызылорда қалалық мәслихат депутаттары жеке қабылдауды бастады

<a href="https://kyzylorda-news.kz/">Kyzylorda-news.kz.</a>&nbsp;12 сәуірден бастап бекітілген кестеге сәйкес Конго-Қырым геморрагиялық қызбасы ауруының алдын алу мақсатында елді мекендерде кенеге қарсы залалсыздандыру жұмыстары бастау алды.Осы орайда, қала әкімінің орынбасары Дінмұхамед Ермековтың және қалалық санитариялық-эпидемиологиялық бақылау басқармасы Ерлан Ұзақбаевтың қатысуымен Конго-Қырым геморрагиялық қызбасының табиғи ошақтылығы аймағында шоғырланған елді мекендерде Конго-Қырым геморрагиялық қызбасы ауруынан сақтану, кене шағу қаупінің алдын алу, кене шаққан жағдайда дер кезінде дәрігерлердің көмегіне жүгіну бағытында және мал шаруашылығы қора-жайларын, жеке аулаларды (қидан, қоқыстан), сондай-ақ малды жазғы жайылымға айдау кезінде уақытша тұрақты, мал қораларын және айналасындағы аумақты кенеге қарсы өңдеу басталғанға дейін механикалық тазалау жұмыстарын ұйымдастыру бойынша түсіндірме жұмыстары жүргізілді.&nbsp;Аралау барысында &nbsp;Дінмұхамед Жандарбекұлы жауапты мамандарға және кент, ауылдық округ әкімдеріне эпидмаусымдық дәрілеу-залалсыздандыру жұмыстарын жүргізу барысында залалсыздандыру жұмыстарына өте мұқият болып, жауапкершілікпен қарауды тапсырды.Айта кету керек, өткен жылы Қызылорда қаласы аумағында қауіпті деп танылған 11 аймаққа залалсыздандыру жұмыстары жүргізілді. Биылғы жылы аталған қауіпті аймақтың қатарына ПМК-29 саяжайы да енгізілді. &nbsp;&nbsp;Қауіпті деп танылған аймақтарда Конго-қырым геморрагиялық қызбасына қарсы шаралар, яғни қалаға қарасты елді мекендердегі типтік жобада салынған 9 ванналарда уақ малдарды кенеге қарсы тоғыту жұмыстары, сондай-ақ, қалалық қоғамдық денсаулық сақтау басқармасының хабарламасы негізінде КГЛ ауруынан болжамды диагнозбен ауырған тұрғындардың аулалары мен қора-жайларына залалсыздандыру жұмыстары жүргізіледі.

Қазақстан және Қызылорда облысының жаңалықтары