<a href="https://kyzylorda-news.kz/">Kyzylorda-news.kz.</a> Қызылорда қаласы бойынша білім бөлімінің ұйымдастыруымен Т.Жүргенов атындағы №136 мектеп-лицейінде &nbsp;химия, биология және география пәнінің мұғалімдерінің қатысуымен қалалық семинар ұймдастырылды. Семинарға қалалық білім бөлімінің әдіскері Нұрқанат Ақылбайұлы арнайы қатысып, сәттілік тіледі.Семинар оқушыларды жаратылыстану ғылымдары әлемінің тұңғиық сырларына бойлауға, химия, биология және география пәндері бойынша білімдерін тереңдетуге және алған білімдерін өмірде қолдана білуге үйрету мақсатында өткізілді.Пайдасы мол шара барысында сыныптан тыс жұмыстарға басымдық берілді. Соның ішінде «Оқуға құштар мектеп», «Мектеп театры», «Дебат клубы» жобаларын химия, биология және география пәндерімен байланыстыра отырып түрлі жұмыстар ұсынылды. Семинарға қатысқан оқушылар пән мұғалімдерімен дайындаған жобаларын ұсынып, арнайы марапаттарға да ие болды.Сонымен қатар, семинарға қатысушы қонақтарға арнайы көрме ұйымдастырылып, мектептің арнайы дайындалған «жасыл бұрышында» химия пәнінен қызықты практикалық тәжірибелерді тамашалады. Семинар соңында келген қонақтар кері байланыс орнатып, семинардан алған әсерлерімен бөлісті.

Қызылордада оқушылар арасында жаратылыстану пәндерінен семинар ұйымдастырылды

<a href="https://kyzylorda-news.kz/">Kyzylorda-news.kz.</a> Бүгінгі таңда елімізде қызылша ауруы бойынша эпидемиологиялық ахуал тұрақсыз болып қалыптасып отыр. Нақты айтқанда, үстіміздегі жылдың 1 сәуіріндегі жағдай бойынша қызылшаға күдікті 169 жағдай тіркелсе, оның 63,3 проценті немесе 107 жағдайында диагноз зертханалық жолмен нақтыланған. Ауруға шалдыққандардың басым көпшілігі немесе 90 проценті – 14 жасқа дейінгі балалардың үлесінде. Ауруға шалдыққандардың 50 процентінен астамы ұйымдасқан ұжым, яғни мектеп балабақшаларда тіркелген.Науқастанғандардың 73 проценті қызылша ауруына қарсы егілмеген болса, 12 процентінде егу мәртебесі белгісіз. Қызылша ауруы Шығыс Қазақстан, Батыс Қазақстан, Қостанай, Маңғыстау және Ұлытау облыстарынан өзге республиканың қалған 15 аумағында тіркелді, оның ішінде аурушаңдық ең жоғары деңгей Алматы қаласы мен Түркістан облысына сәйкес келеді.&nbsp;<blockquote>«Республика бойынша тіркелген аурудың алғашқы жағдайы шетелден тасымалданған, одан кейінгі аурулар қарым-қатынас арқылы таралуда. Қызылорда облысы бойынша эпидахуалға тоқталсақ, 2023 жылдың 29 наурызында қызылша ауруының алғашқы дерегі тіркелді. &nbsp;Науқас ауруды Түркістан облысында жүріп жұқтырған, бүгінгі күні медициналық бақылауға алынып, ем қабылдауда. Қызылша ауруы таралуының алдын алу мақсатында Қызылорда облысының Бас мемлекеттік санитариялық дәрігерінің 2023 жылғы 05 сәуірдегі №1 қаулысы қабылданды. Аталмыш Қаулы негізінде санитариялық-эпидемиологиялық бақылау департаменті және облыстық денсаулық сақтау басқармасы, «Ұлттық сараптама орталығы» облыстық филиалының бірлескен бұйрығы шығарылып, қызылша ауруына қарсы санитариялық-эпидемияға қарсы және санитариялық-профилактикалық кешенді іс-шаралар жоспары бекітілді. Атап айтқанда, бұрын қызылшаға қарсы егілмеген 55 жасқа дейінгі медицина қызметкерлерін вакцинациялау, сондай-ақ иммундаумен төмен қамтылған, халықтың қиын қолжетімді топтары бар және көшіп-қонушылардың, тіркелмеген адамдардың саны жоғары аумақтарға баса назар аудара отырып, өңір бойынша 30 жасқа дейінгі азаматтардың егу құжаттарына ревизия жүргізіп, қызылшаға қарсы егілмеген және егілуі туралы деректері жоқ адамдар анықталған кезде ақпараттандырылған келісімді алғаннан кейін оларды бір рет егу белгіленді. Сонымен қатар ошақта соңғы ауру жағдайы анықталған сәттен бастап күнделікті 21 күн ішінде байланыста болған адамдар Қаулыға сәйкес медициналық бақылауға алынады, шетелдік азаматтарды қоса алғанда ақпараттандырылған келісімді алғаннан кейін қызылшамен ауыратын науқаспен соңғы байланыста болған сәттен бастап 72 сағаттан кешіктірмей байланыста болған 30 жасқа дейінгі адамдарға шұғыл вакцинация жасалады. Меншіктік түріне қарамастан барлық медициналық ұйымдардың қызметкерлеріне қызылша ауруының клиникасы, диагностикасы, эпидемиологиясы және профилактикасы бойынша қосымша семинар-сабақтар жүргізу,сондай-ақмектеп оқушылары арасында қызылша ауруының профилактикасы бойынша арнайы сабақтарды жүргізу, яғни диктант, сауалнама, дәріс ұйымдастыру тапсырылды», - делінген облыстық департамент басшысының орынбасары Әлия Әбдіқайымованың мәлімдемесінде.</blockquote>Қызылша ауруы жоғары контагиозды ауа-тамшылары арқылы &nbsp;жұғатын жұқпалы ауру. Иммунитеті төмен, қызылшаға қарсы егілмеген немесе екпенің толық курсын алмаған азаматтар ауруға сезімтал болып келеді.Сондықтан аурудың тиімді әрі сенімді алдын алу жолы – вакциналау. Қызамық пен қызылша ауруларына қарсы егулер баланың 12-15 айлығында және 6 жасында жүргізіледі. Егуден кейінгі иммунитет күші 2-3 аптадан соң пайда болып, 20 жылға дейін сақталады.Қазақстан Республикасының Бас мемлекеттік санитариялық дәрігерінің 2023 жылғы №1 Қаулысына сәйкес, 18 жасқа дейінгі азаматтардың егу құжаттарына ревизия жүргізіліп, қызылша ауруына қарсы егілмеген 3055 азамат анықталды. Оның бар болғаны 1281-і наурыз айында профилактикалық екпелермен егілсе, қалған 1774 адамды әлі де қамту қажет. Бүгінгі күні санитариялық-эпидемиологиялық-эпидемиологиялық бақылау қызметі және емхана дәрігерлерімен бірге екпеден бас тартатын тұрғындармен жұмыс тұрақты жүргізілуде. Еңбек ұжымдарына, білім беру орындарына барып ата-аналар арасында түсіндірме берілуде. 2022 жылы екпеден бас тартқан азаматтар саны 351-ді құрады. Жалпы облыс көлемінде профилактикалық егулермен қамту көрсеткіші оптималды деңгейде қалыптасып отыр.Қызылорда облысының санитариялық-эпидемиологиялық бақылау қызметі тұрғындар назарына келесі сақтық шараларын ұсынады:&nbsp;– қызылшаға қарсы егу мәртебесін тексеру, вакцинация алмаған жағдайда тұрғылықты жері бойынша емханалардан қызылшаға қарсы екпе алу;– медициналық шегіністерге байланысты бала екпе алмаған болса, олардың адамдар көп жиналатын жерлерде болуын шектеу (мәдени-көпшілік іс-шаралар, сауда, ойын-сауық орталықтары және т.б.);– қызылшаға күдікті аурудың белгілері – дене қызуының көтерілуі, мұрыннан су ағу, жөтел, денеде бөртпелер пайда болса шұғыл дәрігер көмегіне жүгіну.

Қызылша ауруының алдын алу бойынша аймақтың бас санитар дәрігерінің қаулысы қабылданды

<a href="https://kyzylorda-news.kz/">Kyzylorda-news.kz.</a>&nbsp; Ел егемендік алған шақтан бері қарайғы уақытта халық кәсіпкерлікке дендеп кірісе бастады. Замана көші алға жылжыған сайын кәсіптің түрі де молайды. Өз кәсібін қолға алып, мақсатын жүзеге асырып, нәпақа табумен қатар, халық қажетін өтеп жүрген жандар шынымен де мақтауға лайық. Арал ауданында да жыл сайын кәсіпкерлік саласы қарқынды дамып келеді. Жаңа жобаларды жүзеге асырып, сол арқылы экспортқа тәуелділікті бәсеңдетіп отырған кәсіпкерлер салаға серпіліс беруде. Солардың бірі – Жақсықылыш кентінің тұрғыны «Нұрәділ» құс шараушылығы фабрикасының жетекшісі Нұржан Жалғасбаев.Нұржан талайдан бері кәсіпкерлікке ден қойған азамат. Еңбекке жараған шақтан бастап кәсіптің алуан түрімен айналысып, өзін сан-қырлы сынақтан өткізген. Түбінде кәсіпте береке барын ерте жастан түсінген ол осыдан бір жыл бұрын құс өсіруді қолға алды.<blockquote>« Бұрын алып-сатумен айналыстым. Кәсіптің түр-түрін істедім. Сосын өткен жылы осы құс фабрикасын ашуды жоспарладым. Бастапқыда табысты кәсіп екенін түсінсем де тірлікті бастауға тәуекел ете алмай ұзақ жүрдім. Өз қаражатым есебінен 32 миллиондай қаражатқа қажетті жабдықтарымды, техникаларымды алып, кенттен 500 метрдей қашықтықтан құс фабрикасы құрылысын бастап кеттім. Жарық, жылу, су барлығын жүргізіп құстарды өсіруге қолайлы жағдай туғыздым, – деген Нұржан кәсіптегі алғашқы баспалдақтары туралы айтты.</blockquote>Кәсіпкер жұмыртқаны арнайы тапсырыспен Чехия, Германия, Испания елдерінен алдырады. Жұмыртқа күйінде жеткен өнім инкубаторда өсіріледі. 19-20 күндей уақытта арнайы аппараттан шыққан балапанды баптау үшін 3 адамды тұрақты жұмыспен қамтып отыр.<blockquote>«Бұл балапандар өте сезімтал келеді. Жас нәрестенің күтімі секілді олардың арнайы салынатын витаминдері бар. Қалыпты температура мен ішіп-жемін де өз мөлшерінде беріп отыру керек. Әйтпесе талайғы еңбек еш кетуі бек мүмкін. Сондықтан жұмысшылармен бірге балапандарды күтіп-баптауға отбасымызбен кірісеміз», – дейді кәсіпкер.</blockquote>Нұржанның кәсібі құс етін дайындау бағытында. Соған дейін жұмыртқадан өсіп-жетілген құс 37 күнде союға жарап қалады. Осы уақытта тағы оншақты адамды уақытша жұмысқа тарту қажеттілігі туады. Қызу науқанды көптеп өткеретін кәсіпкердің бұл бағыттағы жұмысы әзірге нәтижесіз емес.<blockquote>«Бір мезетте 2500-3000 бас құс өсіп шығып, союға дайын болады. Айына бір ет сою науқаны жүреді. Осы кезде күніне 5000 теңге жалақы негізінде 10 адамды уақытша жұмысқа аламын», – дейді.</blockquote>Қазіргі таңда жергілікті өнімге сұраныс жоғары. Өз тұтынушыларын тапқан. Айына 7 тонна тауық етін өндіріп отыр. Аудан орталығындағы дүкендер мен дамханаларды Нұржан құс етімен қамтамасыз етуде. Бағасы да қалтаға қонымды. Ауылшаруашылық өнімдерінің жәрменкелеріне де қатысып тұрады.<blockquote>«Менің таңдап алған кәсібім қажыр-қайратты, көп еңбекті талап етеді. Өйткені бұл дайын өнімді алып сату емес. Жұмыртқадан балапан, балапаннан тауық өсіру. Бұл туған балаңдай күн-түніңді өз кәсібіңе арнау деген сөз. Қазіргі күні ауданды құс етімен қамтып отырмыз. Елге пайдамыз тисе деймін. Әлі де алға қойған жоспарларым көп. Жуырда аудан басшысы Серік Сағитжанұлы да келіп, фабрика жұмысымен танысып кетті. Алдағы уақытта барынша қолау көрсететіндігін айтты. Бұл да мерейімізді өсіріп тастады», – дейді Нұржан.</blockquote>Нұржанның жоспарлары көп-ақ. Кәсіп көлемін ұлғайтып, Аралдан шыққан тауық еті еліміздің өзге өңірлеріне де жеткізілетіндей дәрежеге жетіп, ауданның кәсіпкерлік көкжиегі кеңеитуге үлес қосуды басқы мақсат етіп отыр.<figure class="image"><img src="https://knadmin.beoblood.kz/uploads/24af1167_0e73_42b8_adc9_daa3d66e6595_e4bddc21f6.jpg" alt="24af1167-0e73-42b8-adc9-daa3d66e6595.jpg"></figure>

«Нұрәділ» құс фабрикасы халықтың қажеттілігін өтеуде

<a href="https://kyzylorda-news.kz/">Kyzylorda-news.kz.</a> Қызылорда қаласы әкімінің орынбасары Жанмұрат Сейіловтың төрағалығымен Қызылорда қаласы әкімдігі жанындағы кәмелетке толмағандардың ісі және олардың құқықтарын қорғау жөніндегі комиссияның кезекті отырысы өтті.Комиссия отырысының күн тәртібінде 13 мәселе қаралды. Соның ішінде ата-аналар «ата-аналық» мiндеттерiн орындаудан жалтарып, олардың құқықтарын теріс пайдалануына байланысты ата-аналық құқықтарынан шектеу, қамқоршылық тәрбиеге беру, девиантты мінез-құлықты балаларға арналған мектеп-интернатына жолдау, ата-аналарға әкімшілік шара қолдану, орта білім алу кепілдігін қалпына келтіру, баласынан бөлек тұратын ата-ананың ата-ана құқықтарын жүзеге асыру және жасөспірімдер тарапынан орын алған құқық бұзушылық мәселелері талқыланды.Комиссия төрағасы Жанмұрат Жақсымұратұлы кәмелетке толмағандардың профилактикасын күшейту мақсатында сала басшыларына нақты тапсырмаларды жүктеді.Комиссия тарапынан кәмелетке толмағандардың мәселесі бойынша балалардың пікірлері ескеріліп, олардың құқықтары мен мүдделерін қорғау мақсатында тиісті шешімдер қабылданды.

Кәмелетке толмағандар ісі және олардың құқығын қорғау жөніндегі комиссияның отырысы өтті

<a href="https://kyzylorda-news.kz/">Kyzylorda-news.kz.</a> Жаңақорған төрінде 1-мамыр достық мерекесіне орай көкпардан облыс чемпионатының кезекті жалауы желбіреді. Дәстүрлі шабандоздар додасына кіл сайдың тасындай сақа спортшылар қатысып, өз бақтарын сынады. Жүлдегерлерге және жекелей жігіттерге де сый-құрмет көрсетілді.Жалпы көкпаршылардың чемпионаты бізде өтуі тектен-тек емес.&nbsp;Басты себеп облыс құрамасының негізін жаңақорғандықтар құрайды. 13 жылдан астам ат спортынан аймақтың абыройын асырып келе жатқан шабандоздардың ізін жалғайтын жастар да аз емес. Солардың көшін осы чемпионатта анық байқадық. Өйткені, бұл біріншілік облыс құрамасына іріктеуге арналғаны ескертілген. Сондықтан жастар барын салды.– Иә, бұл жарыстың басты мақсаты алдыда өтетін ел чемпионатына құрама жасақтау. Әрине, жігіттер баршылық, бірақ өсіп келе жатқан жастар арасынан да тасада жүргендер барын білгіміз келді. Сондықтан, бүгінгі бәсекеде білекті оғландар білгенінен жаңылмауға тырысады, – деді аймақ ат спортының білікті жаттықтырушысы Исламхан Боранбаев.Жарыстың ашылу салтанатында аудан әкімінің орынбасары Бектас Балғабайұлы және спорт ардагерлері Омар Төлегенов, Серік Мұсабаев, Мадияр Ахметов және Мәметәлі Жаденов көкпаршыларға сәттілік тіледі. Сонымен Сыр көкпаршыларының сайысына «Қайсар», «Сунақ Ата», «Қыр Өзгент», «Тау тарландары», «Сығанақ», «Түгіскен» сынды командалар қатысып, жеңіс үшін бар күш-жігерлерін ортаға салды. Әрбір бәсеке тартысқа толы болғаны рас. Жарыстың негізгі фавориті қайсарлық жігіттер еді. Өйткені, олардың басым көбі облыс намысын қорғап келе жатқан әккі спортшылар болатын.Аймақта алғаш рет ұйымдастырылып отырған бәсекеде биылғы ел чемпионатына &nbsp;бағын сынап, бәсекелестігін көрсеткендер ерекше дайындықпен келген.Алдымен жастар аударыспақтан сынға түсті. Кейбір салмақта спортшы саны да аз екені көрінді, мәселен, 52 келіде сынға түскендер арасында жаңақорғандықтар ғана болды. Ақтық сынға шыққан Диас Әбден алтын тұғырға көтерілсе, Үрнұр Усербай күміс медалді қанағат тұтты. Ал, нағыз тартыс 57 келідегі спортшылар арасында өрбіді. Жаңақорған, Сырдария және Жалағаш ауданының спортшылары осы салмақта нағыз мықтыны анықтауға тырысты. Жартылай сында қарсыласқа жол берген жаңақорғандық Абсаттар Амангелді мен жалағаштық Алмат Қалила қолаға қол созды. Ақтық сынға жолдама алған Әли Мұқағали мен Баубек Әбділла 57 келінің үздігін анықтады. Алтын жаңақорғандық балуанның еншісіне кетсе, күміспен сырдариялық спортшы күптелді.65 келіде облыс намысын ірі додаларда қорғап жүрген Диасқожа Мұзарапқа тең келер ешкім болмады. Барлық қарсыластарын ат үстінен тайдырған ол ақтық бәсекеде жерлесі Нұрдаулет Байсейітпен кездесті. Қарсыласы да осал емес екен, десе де жеңіс Диасқожаның уысында кетті.– Жарыс жоғары деңгейде ұйымдастырылған. Барлық спортшылардың дайындығы жақсы, осыдан-ақ, Қызылорда ат спортының дамуын көруге болады. Шүкір, алтыннан алқа тағындым, бұйырса ел біріншілігінде де осы тұғырдан көрінсем деген мақсатым бар. Бапкерлерге алғыс айтамын, – деді чемпион.Үшінші орын Шиелі спортшысы Нұрбол Зұлыпхарұлы мен сунақаталық Бексұлтан Ақыновқа бұйырды. 72, 79 және 85 келі салмақта жеңімпаздар жаңақорғандық спортшылар. 79 келіде Дәулет Ағайдар, 79 келіде Шадияр Жантемір, 85 келіде Балғынбек Медетбек алтынмен қуантты. Тек 85 келіден жоғары салмақта сырдариялық Ұлан Гараяев қарсылас шақ келмеді. Ақтық сында Шиелі спортшысы Ізбасхан Тұрсынбайды жеңді, қола жүлде Қызылорда қаласының балуаныАбай Әбжановқа бұйырды.– Аймақтық іріктеу жарысы биыл алғаш рет өткізіліп отыр. Қолдау тапса жыл сайын өткізілетін болады, өйткені жастарды өсіретін жарыстар мен осындай бәсі биік турнирлер. Байқағанымыз, басқа ауданнан келген спортшылардың да деңгей өсіп келеді. Бірінші және екінші орын алған жастар шілдеде Павлодар қаласында өтетін ел чемпионатына қатысады, ал жасөспірімдер тамыз айында Қарағандыдағы біріншілікте бақ сынайтын болады. Жастарға үміт артамыз, – деді көкпардан облыс құрамасының жаттықтырушысы, әрі Жаңақорған командасының Сламхан Боранбаев.Аударыспақтан Жаңақорған еншісінде 6 алтын, 3 күміс және 2 қола бар. Екінші орын Сырдария еншісінде 1 алтын, 1күмісті еншіледі, Жалағашта 2 күміс, 1 қола, Шиелі жігіттерінің еншісіне 1күміс, 1 қола түссе, Қызылорда мен Сунақатаға бір-бір қола жүлде бұйырды.Жарыстың келесі күні көкпардан командалар дүбірге қосылды. Жалпы Сыр өңірінің негізгі құрамын жаңа-қорғандық шабандоздар құрайды. Ересектер болсын, жастар болсын елчемпионатында үздік үштіктен түскен емес. Жамбыл, Маңғыстау, Шымкент және Қызылорда көкпаршылары үнемі бәсекеде жүреді. Бәсекелес мықты, сондықтан біріншілікке тас-түйін бару үшін алдымен командаларды іріктеп, ойыншыларды бір сүзгіден өткізіп алу көзделген облыстық турнирде фоварит Жаңақорған командасы екені белгілі. Десе де, Қызылорда қаласынан келген жігіттер де қарап қалмады, олар ақтық сынға дейін сүрінбей өтті. Тек финалдық сында жол беріп қойды, қола Жаңақорған-2 командасының еншісіне бұйырды.Жаңақорған құрама командасының шабандоздарын Канат Абылбеков, Асылбек Ауезов және Наурызқожа Әмзеев баптап, топқа қосты.Жаңақорғандықтар асыға күткен көкпаршылар бәсекесінде алтыннан алқа тағынған Қызылорда облысының «Қайсар» құрама командасы болды. Оның да негізін жаңақорғандық жігіттер құрайтынын ұмытпайық. Күміс жүлдеге Түгіскен ауылының «Түгіскен» ұландары иелік етті. Ал қола жүлде Қыркеңсе мен Өзгент ауылдарынан құралған «Қыр Өзгент» құрама командасының жігіттеріне бұйырды.Айта кетсек, көкпардан облыс чемпионатына демеушілік еткен ауылдар болды. Олардың қатарында Қаратөбе, Келінтөбе, Түгіскен, Қожакент, Өзгент, Қыркеңсе, Жаңарық, Байкенже, Қосүйеңкі, Талап, Қыраш, Бірлік, Төменарық, Жаңа ауыл және Жаңақорған кенті қаржылай қолдау көрсеткен.Дүбірлі додаға қатысқан жеңімпаздар мен үздік ойыншылар аудан әкімінің «Алғыс хаттарымен» марапатталып, облыстық мәдениет және спорт басқармасының дипломдары мен медальдары және демеушілердің ақшалай жүлде қорлары табысталды.Жаңақорғандық ат спортының саңлақтары көкпардан бөлек, аударыспақ, теңге ілу және жамбы атудан Қазақстан бойынша Сыр өңірін үздік үштіктен түсірмей келеді. Әсіресе, жастардың келеші жарқын. Тек өкініштісі, бізде ат спортына арнайы мектеп қаралмаған. Яғни, заманауи жабдықталған кешендер мен алаңдар жоқтың қасы. Тұлпарлар да көп емес, соның барлығы ел чемпионы болуға кедергі екені айтпаса да түсінікті. Ол уақыттың еншісінде. Жалпы биылғы облыстық чемпионаттан байқағанымыз көкпарға аудан жастарының деңгейі өсіп, әжептеуір бәсекелестік қалыптасқан.– Біздің басты көздегеніміз көкпардан ұлттық құрамаға жастарды алдыру. Ал, ел чемпионы болуға әлі көп еңбектену керек. Келер жылы жастарға үміт артып отырмыз. Егер тағы үздік үштікке кіретін болсақ, ұлттық құрамаға ойыншылар шақырту алады. Бірақ чемпион атануды мақсат тұтып отырмыз. Осы бастан жаттығуға кірісіп, пысықтай беруге тиістіміз, – деді білікті бапкер.Биылғы көкпардың көкжиегі осылай көрінді. Бәсеке қалыптасып келе жатқан ортада енді сәл қолдау болса дұрыс болар еді.

Жаңақорғандық көкпаршылардың  облыс чемпианатында жалауы желбіреді

<a href="https://kyzylorda-news.kz/">Kyzylorda-news.kz.</a> Жалағаш кентінің тұрғыны Нұрлыбек Әбілхановтың үй жиһаздарын жасаумен айналысып келе жатқанына он жылға жуықтапты. Әрине, адамның кәсібін кеңейтетін де, тәжірибесін толықтыратын да – уақыт. Жасынан қолөнерге қызығатын Нұрлыбек әдепкіде дайын жиһаздарды құрастырумен айналысқан. Қазіргі заманауи үй жиһаз-дарының құрылымы күрделі екенін ескерсек, оны құрастырып, орналастыру үшін де бейімділік және көп уақыт пен темірдей төзім керек. Ал «трансформер» деп аталатын жиналмалы ағаш жиһаздардың әр бөлшегі өте бағалы. Сондықтан бұл орайда үлкен жауапкершілік те керек.Осындай жұмыстарды бар ынтасымен өте тиянақты атқаратын Нұрлыбекке жаңа жиһазды жинауға шақыртулар көп болыпты. Адам баласының не нәрсеге де қызығушылығы көзімен көріп, білген соң оянады. Егер соған бар ықыласымен ден қойса, сол адам қиялынан туып, қолынан шыққан дүниені өзі де жасап үйренеді. Нұрлыбектің де кәсіп бастауына сол қызығушылығы себеп болған.&nbsp;– Әр адамның өз табиғатына қарай бейімділігі болады ғой. Егер ата-анасының немесе басқа да жанашыр жақындарының бағыт-бағдарымен бойында бар бейімділігіне қарай кәсіп істесе, жұмысы берекелі болады екен. Мен әу баста туған-туыстарымның, таныстарымның өтінішімен сатып алған дайын үй жиһаздарын құрастырып беріп жүрдім. Дайын дүниені жинау сырт &nbsp;көзге оңай көрінгенімен, жұмыс барысында оның да өз қиындығы білінеді. Біріншіден, ол жұмыс икемділікті, аса ұқыптылықты қажет етеді. Өйткені қыруар қаржыға келген бағалы жиһаздың бір-біріне кірігіп, бекітілетін бөлшектерінің орнын ауыстырып алсаңыз, ағаштары жараланып, жаңа жиһаз жарамсыз болып қалады. Екіншіден, қиналмай жұмыс істеуің үшін қажетті құрал-сайманың түгел болуы керек. Сондықтан мен ақырындап қажетті құралдар сатып ала бастадым. Өйткені басында жақын адамдардың өтінішімен тегін істеп беріп жүрген жұмысыма шақырғандар соңғы уақытта ақы төлей бастады. Әрине қазіргі заманда еткен еңбегіңе қарай оның өтемі де болуы керек деп ойлаймын және ол – сенің Алла адалдан бұйыртып тұрған несібең. Ал несібеден бас тартуға болмайды. Сонымен мен аудан төңірегінде көп үйдің жаңа жиһазын орнатып бердім. Күн өткен сайын өз жұмысыма көңілім толып, содан бір жақсы әсер алатын болдым. Қазір біз жаңа заманға сай жақсы тұрмыста өмір сүруіміз керек дегенді көп айтып жүрміз. Бұл есепсіз ақша шашып, үйге байлық жинап, қымбат жиһазға толтырып қою керек деген сөз емес. Менің ойымша, үйімізде тек бізге қажетті, біздің өмір сүруімізге қызмет ететін дүниелер ғана тұруы керек. Басы артық нәрсе үйді тарылтады әрі бөлмелердегі өзара эстетикалық үйлесімді бұзады. Бұл ой маған сол жиһаз құрастырып жүргенде келді. Жасыратыны жоқ, көбіміз қазақы ұғымға, өлшемге салып, үй ішіне үйлеспейтін жиһаздарды жинай береміз. Тіпті кейде алған дүниелерімізді тар бөлмелерге сыйғыза алмай, қиналып жатамыз. Осындай жағдайларға бірнеше мәрте куә болғасын менің дизайнерлік қырым да ашыла бастады. Қорабынан алынған жаңа жиһаздарды құрастырып болған соң, әр бөлменің қай бұрышына, қалай тұру керектігіне дейін өзімнің талғамым бойынша кеңес беріп жүрдім, – дейді Нұрлыбек Әбілханов.&nbsp;Иә, ең алғаш кәсібін дайын жиһазды құрастырушы болып бастаған Нұрлыбек қазір үйінің жанынан шағын цех ашып, тапсырыс бойынша үй жиһаздарының түр-түрін жасап отыр. Бүгінде заманға қарай адамдардың тұрмыстағы талғамы да өзгерді. Әсіресе киген киімімізден бастап, тұтынатын барлық заттарымыздың дизайнына жіті мән беретін болдық. Соның ішінде заманға лайық жаңа үй салып, оның ішіне орналасатын жиһаздарды да түр-түсіне, пішін үйлесімділігіне қарай таңдайтын жағдайға жеттік. Әрине бұған қуануымыз керек. Таңдау мен талғам болған жерде жақсы да жайлы тұрмыс қалыптасады. Жақсы, жайлы тұрмыста өмір сүрген адам ұзақ жасайды.&nbsp;Нұрлыбек қазір өзінің шағын цехында ас бөлменің, қонақ бөлменің, жатын бөлменің, балалар бөлмесінің және демалыс бөлмелерінің, ауызғы бөлменің сәнін кіргізіп тұратын жиһаздардың барлық түрін тапсырыс берушінің таңдауына, талғамына қарай әдемі әрі сапалы етіп жасап шығарып отыр. Дизайндары да ерекше, бір-біріне ұқсамайды. Аудан тұрғындарынан түскен тап¬сырысты қолдың жұмысымен үлгеріп, үдесінен шыға алмайтыны белгілі. Сондықтан Нұрлыбек Әбілханов өткен жылы шағын несиелік ұйым арқылы 5 млн теңге несие алып, өзіне қажетті станоктар әкеліп, орнатыпты. Қазірде цехта жиһаздың ағаштарын түрлі пішінде кесіп, қиып дайындайтын және сол дайын болған бөлшектердің бетіне түрлі ою-өрнек салатын, сонымен бірге ағаштың сапасын арттыру үшін нығыздайтын электрлі заманауи 3 станок үздіксіз жұмыс істеп тұр. Бұл станоктардан кесіліп, қысқарып, жонылып шыққан материалдардың түзулігінде, дәлдігінде және салынған мәнер, өрнегінде мін болмайды. Өйткені жұмыс барысын адамнан бөлек, компьютер мүлт жібермей бақылап тұрады. Алдымен тақтайға түсетін нақыш-бедерін, көлемін, әр бұрышының өлшемін есептеп, мониторға салады да, сол бойынша кесіп-пішіп, кескіндеп шығарады.&nbsp;Жиһаз цехында болдық. Біз барғанда ішінде қызу жұмыс жүріп жатыр. Дайын болып, жарқырап тұрған жиһаздар көздің жауын алады. Айтпақшы, бұл жерде тек үй жиһаздары ғана жасалмайды. Сонымен бірге мекемелерге және мектептер мен балабақшаларға, асханаларға, мейрамханаларға қажетті жиһаз-жабдықтарға да тапсы-рыс көп түсетінін көрдік. Олар жұмыс істеуге ыңғайлы, балаларға қауіпсіз болуы үшін белгілі бір стандарттарға сәйкес жасалады.&nbsp;Нұрлыбек қазір жұмысына қажетті шикізаттарды Қызылорда қаласынан арнайы тапсырыспен алдырып отыр. Тұрғындар бағасына қарай және өздерінің талғамына сай ЛДСП, МДФ және акрил секілді материалдардан жасалған жиһаздарды таңдайды.Әзірге барлық жұмысты жалғыз өзі істеп жатқан цех иесі алдағы уақытта екі адамды жұмысқа алатынын айтады.

Жалағашта жиһаз жасалады

<a href="https://kyzylorda-news.kz/">Kyzylorda-news.kz.</a> Жаңақорғандық өрендер Дубайдан сүйінші жаңалықпен келді. Оқушылар арасында өткен ментальді арифметикадан Халықаралық олимпиададан біздің жеткіншектер олжалы оралды. “Озат” оқу орталығынан барған математиктер бір алтын, екі күмісті қоржынға салып, қазақ елінің абыройын асырып қайтты. Жүлдегерлерді жерлестері күтіп алып, қошемет көрсетті.Халықаралық Олимпиаданың алауы бұл жолы Араб елінде желбіреді. Қазақстан, Өзбекстан, Ресей, Словакия және жергілікті оқушылар арифметикадан өзара бақ сынап, озықтарды анықтады. Бұл сынға біздің ауданнан үш оқушы қатысты. Олар алдымен облыстық, республикалық байқаулардан оза шауып, жолдама жеңіп алды. Көп ұзамай Дубайға бет алды. Бірнеше күнге созылған сында үш математигіміз де тұғыр биігінен көрінді.<blockquote>«Әрине, өзге елде өтіп жатқаннан кейін қобалжу болды. Дегенмен, қазақ елінің сенімін арқалап келген соң жеңіспен оралу керек деген мақсат тұрды. Әуелі ата-аналарымызға, мектептегі және оқу орталығындағы ұстаздарға үлкен алғыс айтамыз. Бұйырса, бұдан да биіктен көрінеміз деген үміт бар», – деді чемпион Алихан Батырбек.</blockquote>Алихан №163 мектептің оқушысы, ал, қос күмісті иеленген Бекзат Пірназар мен Саида Алихан №169 Н.Илялетдинов атындағы білім ошағының тәрбиеленушілері. Жеңімпаздарды аудан әкімінің орынбасары Бектас Нұрдинов, аудан әкімінің әйелдер ісі, отбасы гендерлік саясат жөніндегі кеңесшісі Роза Исаева бастаған бір топ ұстаздар мен оқушылар арнайы күтіп алып ізгі тілегін білдірді.Жалпы, ментальді арифметика деген не? Ментальді арифметика 4-14 жас аралығындағы балалардың зияткерлік қабілетін дамытуға арналған, ойша есеп жүйесіне негізделген бағдарлама. Негізінен, оның тарихы тереңде, ежелгі Қытайдағы абакус есептеу құрылғысының пайда болуымен тығыз байланысты. Бұл сала мамандарының айтуынша, балалардың ұсақ моторикасын дамытып, миының екі жақ жарты шарының үйлесімді дамуына әсер етеді. Сонымен қатар баланың зейіні мен фотографиялық есте сақтау қабілеті артып, шығармашылық ойлау, байқампаздық, өз-өзіне сенімділік, нақтылық, жылдамдық пайда болады.<blockquote>«Үш оқушы да біздің орталықтың үйірме қатысушылары. Орталықтың жұмыс жасап келе жатқанына 6 жылға жуық уақыт өтті. Осы жылдар ішінде қаншама баланы біліммен сусындатып, байқауларға қатыстырып келеміз. Олар пәндік олимпиадаларға жиі қатысып, олжалы оралуда. Әсіресе, ағылшын, орыс тілінен еркін сөйлеп, математикадан толайым табыстарға жетіп жүрміз. Қазір орталықта 100-ге жуық оқушы бар, олар 9 түрлі бағытта білім алады. Ұзартылған топ, көркем жазу, жылдам оқу, математика, ментальді арифметика, ағылшын және орыс тілі, ерте жастан дамыту курсы, логопеддефектолог сынды үйірмелер жұмыс жасауда. Бұл жеке мектеп емес, үйірме үйі, көп ата-аналар осыдан шатасады. Жоспар көп, ең бастысы, балалардың зейінін ашып, оқу үлгерімін жақсарту біздің мақсатында жұмыс жасаудамыз», – дейді орталық директоры Айдана Ақәділқызы.</blockquote>Болашақ – білімді жастың қолында. Білімімен, әрі өнерімен көзге түсіп жүрген кішкентай бүлдіршін атаулы байқауға қатысқан Асан Айгерім Талғатқызының да өз айтары бар. Жастайынан зеректігімен ұстаздарының көзіне түскен оқушы математика пәнінен алғырлығын танытып, облыстық, аудандық сайыстарда жүлделі белестерді бағындырып жүр. Халықаралық олимпиадада ментальды арифметикадан жүлделі орынды &nbsp;иеленіп, мерейі өсті. Ол аудандағы &nbsp;«Зейін» бастауыш мектебінің 4 сынып оқушысы.Бұл сөзімізді Айгерімнің ұстазы Әлия Сейдуалиева қолдай кетті:<blockquote>«Айгерім өте зерек шәкірт. Математика тіліне деген қызығушылығы басым. Үйреткен жаңа сабақты тез ұғып, өз бетінше сөздіктерді жаттап, сөйлемдерді құрастырып отырады. Әр баланың өзіне тән ерекше қасиеті болады. Жаңартылған білім бойынша сабақ беріп келе жатырмын. Өзінің білімге, есепке ынтасы өте жоғары», – дейді ұстазы.</blockquote>Әлі ойын жасындағы бала болса да Айгерімнің білімге деген құштарлығы басым, болашағына қойған мақсаты айқын. Бос уақытында есеп шығарып, түрлі кітап оқып, ағылшын және орыс тілін меңгеруді алға қойған оқушының арманы асқақ. Айтар ойы мығым.<blockquote>«Ата-анам әрдайым білімдінің болашағы жарқын деп айтып отырады. Мен де болашақта білімді, білікті маман болуды армандаймын. Арманым болашақта білікті, өз ісімнің нағыз маманы болғым келеді», – дейді дарынды оқушы.</blockquote>Болашағын баянды етуді мақсат тұтқан балауса қыздың талпынысы қатарластарына үлгі-өнеге екені даусыз. Ол білімін шыңдауда білім додаларына да жиі қатысып отырады. Осы талабынан жаңылмаса Айгерім Талғатқызын әлбетте биіктен көреріміз анық, «Талаптыға нұр жауар», – дегендей жас талапкерге болашақта алар асуы биік, жолы ашық болуына тілекшіміз. ХХІ ғасыр білім ғылымның, озық техниканың алтын дәуірі. Алдағы уақытта осындай талантты жастардың дарынын шыңдап, білімін жетілдіре түсу міндеті тұр. Сонда ғана өркендеудің биік белесіне көтерілеріміз анық.Бұл орталық туралы біз білеміз, 2017 жылдан бері жұмыс жасап келеді. Жетістіктері де бір төбе. Бүгінгі жүлдегер үш оқушының ұстазы Лаура Нұрымбетова: “Бұл оқушылардың ең ірі жетістіктерінің бірі. Бұйырса, биылға меже биік. Оқушылар мұнымен тоқтап қалмайды. Жеңімпаз оқушылардың ата-аналарына алғысымыз шексіз. Осындай зерек бала тәрбиелеп жатқандарына ризашылығымызды білдіреміз» – деп жылы тілегін жеткізді.Айта кететіні, егер балаңызды оқу орталығына бергіңіз келсе еш кедергі жоқ. Оқу ақысы да қалтаға қонымды. Бәрінен бұрын баланың сөйлеу, ойлау және жазу қабылетінің артуына ұжым жұмыс жасайды. Міне, 2023 жылы Дубайдан жеткен дүбірлі жаңалықтың басы осы болды. Алда әлі шет ел асатын оқушылар жетерлік. Ол уақыттың еншісінде.

Жаңақорғандық өрендер Дубайдан олжалы оралды

<a href="https://kyzylorda-news.kz/">Kyzylorda-news.kz.</a> Қызылорда қалалық прокуратурасы мен қалалық пробация қызметінің ұйымдастыруымен қалалық жұмыспен қамту орталығында «Бос жұмыс орындары жәрмеңкесі» акциясы өтті.Жәрмеңкеге қалалық пробация қызметінің есебінде тұрған 18 азамат жұмыс іздеуші ретінде қатысты. Бос орындар жәрмеңкесінде «Қызылорда Тазалығы», «Қызылорда су жүйесі», «Қызылорда автобус паркі» секілді бірнеше жұмыс беруші мекемелерден бос жұмыс орындары ұсынылды.Нәтижесінде пробация қызметінің есебінде тұрған 14 азамат жұмысқа орналасуға жолдама алды.<blockquote>«Есепте тұрған сотталғандарды жұмысқа орналастыру олардың құқық бұзушылықтармен қайта қылмыс жасауларының алдын алу шараларының бірі болып табылады. Есептегі азаматтарға жергілікті атқарушы органдармен бірлесіп, әлеуметтік-құқықтық, заңгерлік, медициналық, психологиялық және тағы басқа көмектерді көрсетеміз. Сондай-ақ қалалық жұмыспен қамту орталығымен сотталғандарды жұмысқа орналастыру, кәсіпкерлік негіздері курстарына оқуларға жіберу секілді жұмыстарды атқарып келеміз. Қазіргі таңда қалалық пробация есебінде 500-ден астам азамат есепте тұрады. Осы азаматтардың арасында 12 сотталған азамат бүгінде тұрақты жұмысқа орналастырылды. Бас бостандығынан айыру орындарынан босатылған және пробация қызметінің есебінде тұрғандарды жұмыспен қамту мақсатында Қызылорда қаласы әкімдігінің қаулысымен 50 жұмыс орындарының квотасы бекітілген. Есептегі жұмыссыз 18 адам квотамен жұмысқа орналасты. Алдағы уақытта да есептегі жұмыссыз азаматтарды жұмысқа орналастыру үшін осындай жәрмеңкелерге қатыстырып, жұмыс табуына ықпал етеміз», - дейді қалалық пробация қызметінің бастығы, әділет подполковнигі Даулет Садуақасов.</blockquote>

Бос жұмыс орындары жәрмеңкесіне қатысқан 14 сотталған жолдама алды

<a href="https://kyzylorda-news.kz/">Kyzylorda-news.kz.</a>&nbsp;Қазір сәулет-құрылыс нысандары мен тұрғын үй құрылысы жұмыстарына экономикалық және экологиялық жағынан тиімді өнімдерге деген сұраныс көбейіп отыр. Осыны ескерген кәсіпкер Мұрат Әбілов өңірде сұранысқа ие «Ековата» құрылыс материалын шығаруды қолға алды. Бұл өнім – экологиялық тұрғыдан тиімді әрі салмағы жеңіл. Бағасы да қолжетімді. Ең бастысы, материал сапалы әрі төзімді.Бір ерекшелігі, бұл «Ековата» құрылыс материалына құрт-құмырсқа жоламайды, ыстыққа төзімді, суыққа шыдамды көрінеді. Мәселен, еліміздің батыс, солтүстік өңірлері үй қабырғасын қаптауға және төбесін жабуға осы материалды жиі қолданады екен. Қыста үйдің жылы болуына осы «Ековатаның» үлкен септігі бар. Міне, енді көптің игілігіне жараған, оңтүстік өңірлерде де сұранысы артқан бұл сапалы құрылыс материалы бізге де келді.Мұрат Әбілов материалдың дайындалу технологиясын меңгеруге 3-4 жылын арнады. Сапалы дүние шығару үшін цех құрылғыларын шетелден арнайы тапсырыспен алдырды. Бүгінде қолға алған кәсібін дөңгелентіп, тұрғындардан тапсырыс қабылдауды бастаған.Айта кету керек, жеке кәсіпкер 2020 жылы эковата өндіру цехына жеке қаражат есебінен 13,0 млн теңге және «Бизнестің жол картасы 2020» мемлекеттік бағдарламасы аясында 2,0 млн теңге грант қаражатын иеленген. Ол «Адима» ЖК-нің жетекшісі. Кәсіпкер мемлекеттен берілген қаржыға өндіріске қажетті құрал жабдықтарын сатып алып, кәсібін алғаш бастаған. 2 адамды жұмыспен қамтыған цех аудан тұрғындарының қажеттілігін қамтамасыз етіп отыр.&nbsp;

Кәсіпкер өңірде сұранысқа ие «Ековата» құрылыс материалын шығарып жатыр 

<a href="https://kyzylorda-news.kz/">Kyzylorda-news.kz.</a>&nbsp; «AMANAT» партиясы Қызылорда облыстық филиалының ұйымдастыруымен тұрғын үй және коммуналдық шаруашылық сала бойынша тақырыптық қабылдау өткізілді. Қабылдауға қалалық тұрғын үй инспекциясы бөлімінің басшысы Абзал Рысбек және қалалық тұрғын үй-коммуналдық шаруашылық, автомобиль жолдары, жолаушылар көлігі бөлімінің қызметкерлері қатысты.Қабылдау барысында Қызылорда қаласы, Назарбаев 2а көпқабатты үйдің тұрғындары жертөлесі суға толғанын айтып, жертөледегі канализациялық трубаны жөндеу жұмыстарына көмек сұрады.Келушілерге жөндеу жұмыстарын осы жартыжылдықта жүргізу қажеттілігі, тұрғын үйге барып, ақау актісін әзірлейтіні түсіндірілді. Қажетті құрылыс материалдарын сатып алса, жөндеу жұмыстарына көмек көрсетілетіндігі айтылды.Әйтеке би 26 көпқабатты үй тұрғыны пәтеріндегі жылу мәселесіне қатысты шағым білдірді.Тұрғынның мәселесі бойынша бөлім қызметкерлері тарапынан арнайы зерттеу жұмыстары жүргізіліп, көмек көрсету мүмкіндіктері қарастырылатын болды.Сонымен қатар, Атамекен көшесінің тұрғындары көшеге тас жол төсеу бойынша өтініш білдірді.Қалалық тұрғын үй-коммуналдық шаруашылық, автомобиль жолдары, жолаушылар көлігі бөлімінің қызметкерлері аталмыш көше тас жол төсеуді қажет ететін көшелер тізіміне енгізілгенін және алдағы уақытта тиісті жобалық-сметалық құжаттар әзірленетінін жеткізді.<figure class="image"><img src="https://knadmin.beoblood.kz/uploads/339260636_609841500718044_1271603958242701241_n_a6f763d8c5.jpg" alt="339260636_609841500718044_1271603958242701241_n.jpg"></figure>

«AMANAT»: Тұрғын үй және коммуналдық шаруашылық сала бойынша қабылдау өткізілді

<a href="https://kyzylorda-news.kz/">Kyzylorda-news.kz.</a> «AMANAT» партиясы Республикалық сайлауалды штабының Сыр өңіріндегі ауылшарушылығы саласы өкілдерімен кездесуі барысында «Ы.Жақаев атындағы Қазақ күріш шаруашылығы ғылыми зерттеу институты» ЖШС басқарма төрағасы Самалбек Қосанов қала тұрғындарына бау-бақша өсіруге жағдай жасау мәселесін көтерген болатын.Аталмыш мәселе жақында партияның облыстық филиалының Атқарушы хатшысы Ләйлә Төрешованың төрағалығымен партия алаңында арнайы қаралды.Отырысқа Қызылорда қаласы әкімінің орынбасары Д.Ермеков, қалалық ауыл шаруашылығы және жер қатынастары бөлімі басшысы м.а. Қ.Жүсіпов, Қарауылтөбе ауылдық округінің әкімі Е.Ахетов және С.Қосановтың өзі қатысты.Жиын барысында аталған ұсыныс жергілікті әкімдік пен тиісті бөлімдер тарапынан қолдау тауып, оң шешілетін болды. Қазір қала тұрғындарына бау-бақша егіп, күнкөріс қамын жасаймын деген азаматтар болса, әр отбасына маусымдық кезеңге Қарауылтөбе ауылдық округі маңынан картоп, көкөніс және бақша дақылдарын егуге 10 сотық жер берілетін болып шешілді. Атап өтейік «Ы.Жақаев атындағы Қазақ күріш шаруашылығы ғылыми зерттеу институты» бұл іске қолдаушы болып отыр. Жер, аяқ су барлық мүмкіндік жасалады. Мұнан бөлек жиын барысында Қарауылтөбе ауылының есік алдында бақша өнімдерін өсіруді жүзеге асырамын деген тұрғындары үшін тегін тұқым қарастыру мәселесі де сөз болды.Бақша дақылдарын егуге ынталы тұрғындарды Қызылорда қаласы әкімдігінің «Қызылорда қаласының Ауыл шаруашылығы және жер қатынастары бөлімі» КММ-не 27-11-58, 27-45-49 байланыс телефондары арқылы хабарласуға болатындығын назарға саламыз.<figure class="image"><img src="https://knadmin.beoblood.kz/uploads/339163266_1549128765496830_3030506232063541425_n_28d924f34d.jpg" alt="339163266_1549128765496830_3030506232063541425_n.jpg"></figure>

Қала тұрғындарына бақша дақылдарын егуге жер беріледі

<a href="https://kyzylorda-news.kz/">Kyzylorda-news.kz.</a>&nbsp; Жас мамандардың үйлі болуына «Дипломмен – ауылға» бағдарламасы арқылы зор мүмкіндік жасалып келеді. Өткен жылы мемлекеттік бағдарлама шапағатын көрген жас мамандар жаңа отаудың иесі атанған болатын.Жалпы, «Дипломмен – ауылға» мемлекеттік бағдаламасы елімізде осыдан 13 жыл бұрын қолданысқа енгізілгендігін еске салайық. Негізгі жобаның мақсаты – ауылдық жерлерде жұмыс істеуге келген денсаулық сақтау, білім беру, әлеуметтік қамсыздандыру, мәдениет, спорт және агроөнеркәсіптік кешен саласының жас мамандарын ынталандыру болып табылады. Аудан жастарының баспаналы болуына жол ашатын жоба бүгінде өз тиімділігін көрсетті. Көптеген жас маман бағдарлама бағытымен ауылдық жерлерге жұмысқа орналасып, бүгінде елді мекеннің тұрғылықты тұрғындарына айналды.2022 жылға көтерме жәрдемақының мөлшері 100 АЕК мөлшерімен есептеліп, бір маманға 306300 теңгені құраған. Яғни, 106 маманға 32 467,8 мың теңге қаржы бөлініп, көтерме жәрдемақы төленген. Оның ішінде, денсаулық сақтау саласында 25 маман, білім саласында 61 маман, мәдениет саласында 8 маман, спорт саласында &nbsp;6 маман, агроөнеркәсіп саласында 3 маман және мемлекеттік қызмет саласында 3 маманға мемлекет тарапынан атаулы жәрдемақы берілген. Сонымен бірге Өткен жылы тұрғын үй сатып алу үшін берілетін бюджеттік несиенің мөлшері 1500 АЕК мөлшерімен есептеліп, бір маманға 4 594,5 мың теңгені құраған. Яғни, 54 маманға 248 103,0 мың теңге қаржы бөлініп, бюджеттік несие берілген. Оның ішінде денсаулық сақтау саласында 14 маман, білім саласында 29 маман, мәдениет саласында 1 маман, спорт саласында &nbsp;6 маман, агроөнеркәсіп саласында 2 маман және мемлекеттік қызмет саласында 2 маманға бюджеттік несие берілген. Жәрдем ақыға қол жеткізген сала мамандарын жаңа отаудың иесі атанған.&nbsp;<blockquote>&nbsp;Ауылдық жерлерде тұратын жастарға «Дипломмен – ауылға» бағдарламасы қолайлы етіп жасалған. Өзім медициа саласының маманымын. Өткен жылы аталған бағдарлама бойынша несие алып, өз үйіме қол жеткіздім. Жас отбасы ретінде бағдарламаның шапағатын сезіндік. Бюджеттік сала мамандары қалауынша үй таңдап, бағдарламаның көмегіне жүгінсе болады. Қазіргі уақытта мемлекет тарапынан көрсетілген қолдауды анық сезінген жастардың үйлі болуға зор мүмкідігі бар. Алдағы жылдары біз секілді аудан жастары жаңа үйдің кілтіне қол жеткізеді деп сенеміз, – деді Тереңөзек кентінің тұрғыны Әсел Аябекова. &nbsp;</blockquote>

Қазақстан және Қызылорда облысының жаңалықтары