<a href="https://kyzylorda-news.kz/">Kyzylorda-news.kz.</a> Шиелі аудандық қоғамдық кеңестің кезекті отырысы өтті. Жиында арнайы бекітілген күн тәртібі мен жұмыс жоспарына сәйкес бірқатар мәселелер талқыланды. Жиналысты кеңес төрағасы Қабілеш Бекішев бастады.Басқосуда аудандық ауыл шаруашылығы бөлімінің басшысы М.Әшірбеков көктемгі дала жұмыстарының барысы туралы баяндама оқыды.&nbsp;Ауданда жыл басынан бері 1 млрд 922,5 млн теңгенің өнімі өндірілген.<blockquote>«Биыл аудан бойынша 30538 гектарға егін орналастыру көзделген. Оның ішінде негізгі дақыл күріштің үлесі – 12025 гектар. Әртараптандыру бағытында да бірқатар жұмыстар тақарылып, шаруашылықтарға суды аз қажет ететін дақылдарды көбейту насихатталды. Осыған сәйкес болжамды егіс көлеміне дән жүгеріні 173 гектарға, сүрлемелі жүгеріні 95, күнбағысты 23, мал жемдік асқабақты 194 гектарға ұлғайту межеленді. Дәл қазір шиелілік диқандар 396 гектарға жаздық бидай, 1069 гектарға мақсары, 3245 гектарға жаңа жоңышқа тұқымын септі. Жаңа жоңышқаның 130 гектары таза жоңышқа болса, қалғаны бидай, мақсарымен бүркемеленіп егілуде», – дейді бөлім басшысы.</blockquote>Бөлім басшысының сөзіне сүйенсек егінге қажетті дизель отынының 1 литрі 212 теңгеден саудалануда. Тұқым дайындығы, минералды тыңайтқыштар мен техникалар да науқанға сақадай сай тұр.Келесі болып кәсіптік техникалық бағыттағы мамандар даярлау жұмысы туралы Шиелі индустриалды-аграрлық колледжінің директоры Мейрамхан Дүйсенов баяндады. Қазіргі таңда колледжде 400-ге жуық білім алушы болса, оның 208-і бітіруші түлектер. Жалпы жыл сайын оқу орнын аяқтағандардың 65-67 проценті мамандығы бойынша жұмысқа орналасады.&nbsp;<blockquote>«Қазіргі таңда колледжде оқытылатын барлық мамандықтар бойынша аудан көлеміндегі мекемелер және әлеуметтік серіктестіктер арасында дуальды оқытуды бірге жүзеге асыру бағытында келісімшарттар жасалған. Сондай-ақ оқу орнында өңірдегі өндіріс орындары мен шаруа қожалықтарындағы қызметкерлер мен жұмыссыздарды кәсіптік және қайта даярлау курстарынан өткізу жұмыстары ұйымдастырылуда», – деді М.Дүйсенов.</blockquote>Бұдан бөлек бірнеше баяндама оқылып, қатысушылардың сұрақтары мен пікірлері тыңдалды. Кеңес барысында түйткілді мәселелерді шешу жолдары да ұсынылды.&nbsp;Мәселен, «Шиелі ауданы әкімдігінің жергілікті бюджеттен қаржыландырылатын «Б» корпусының мемлекеттік әкімшілік қызметшілерінің қызметін бағалаудың әдістемесін бекіту туралы» айтылса, Жиделіарық аулындағы атауы жоқ көшелер мен кейбір көшелердің атын өзгерту туралы, тұрғын үй көмегін көрсетудің тәртібі мен мөлшерін бекіту секілді ұсыныстар ортаға тасталды.Жиын соңында талқыланған мәселелер бойынша алдағы уақытта қарқынды жұмыс жасап, оң нәтиже көрсету жүктелді.

Қоғамдық кеңесте келелі мәселе қаралды

<a href="https://kyzylorda-news.kz/">Kyzylorda-news.kz.</a> Арал аудан дамуында айрықша орын алатын саланың бірі – құрылыс саласы. Жыл басынан бері ауданда 1,3 млрд теңгенің құрылыс &nbsp;жұмыстары жүргізіліп, өткен жылмен салыстырғанда 10,0 пайызға &nbsp;артық орындалды. Қазіргі күні сала оң нәтижеге қол жеткізіп отыр. 2022 жылдың 6 айында 13 431 шаршы метр тұрғын үй пайдалануға беріліп, жоспар 102,3 пайызға орындалған. Жалпы аудандағы құрылыс жұмыстарына кеңінен тоқталсақ.&nbsp;«Ауыл-Ел бесігі» жобасы аясында 2021 жылы бастау алған Аманөткел және Қамыстыбас елді мекендерінде денешынықтыру - сауықтыру кешендерінің құрылыстары жалғасын табуда. Қазіргі күні бу қазандықтарының құрылысы мен сыртқы абаттандыру жұмыстары жүргізіліп жатырған қосы нысан таяу күнде пайдалануға беріледім деп жоспарлануда.«Бизнестің жол картасы-2020» бағдарламасы аясында Қызылорда облысында қуатылығы 300 мың тонна өнім беретін «Арал Сода» зауытына инженерлік-коммуникациялық инфрақұрылым жүргізу (газ жүргізу құны - 1,4 млрд.теңге, электр желісін жүргізу - 1,3 млрд.теңге) жұмыстарына 2021 жылға облыстық &nbsp;бюджеттен 395,4 млн.теңге бөлініп, тиісті жұмыстар атқарылды. Сонымен қатар, Арал Сода зауытына темір жол тұйығын &nbsp;салу жұмыстарына 2022 жылға 250,0 млн.теңге бөлінді.Жақсықылыш &nbsp;кентінде денешынықтыру және сауықтыру кешенінің &nbsp;құрылысы, Арал &nbsp;қаласында 100 орындық интернатымен &nbsp;қоса 200 орындық № 71 мектептің құрылыстары жалғасын табуда. Қазіргі таңда мектептің негізгі оқу корпусының және жатақханасының жұмыстары аяқталып, мектепке қажетті жабдықтары тасымалданып, сыртқы абаттандыру жұмыстары жүруде. Объекті жаңа оқу жылына тапсырысқа беріледі деп межеленуде.Сондай-ақ «Көктем елді мекенінде су жүйесінің құрылысы» жобасына 295,2 млн теңге,«Арал ауданындағы № 5 шағын ауданына электр желісінің құрылысын жүргізу» жобасына 150,6 млн теңге, «Арал ауданының Сексеуіл кентінде АГТС орната отырып «Бейнеу-Шымкент» магистральды газ құбырынан бастап газ құбыры тармағын салу» және «Арал ауданының Сексеуіл кентіне газ жеткізу құбырының және кварталішілік газ тарту желілерінің құрылысы. Түзету» жобасына 900,0 млн теңге, «Арал ауданындағы № 6 шағын ауданына су желісінің құрылысын жүргізу» жобасына 100,0 мың теңге бөлініп, облыстық мемлекеттік сатып алу басқармасы арқылы конкурс тәсілімен жұмыстар жүргізіліп, нәтижесі күтілуде.Атап айту керек, Арал ауданындағы № 6 шағын ауданына электр желісінің құрылысын жүргізу» жобасы бойынша жеңімпаз мердігер «Қызылорда электр тарату тораптары компаниясы» АҚ танылып, бүгінгі таңда шартқа отыру, құрылысты бастауға рұқсат алу жұмыстары жүргізілуде.

Құрылыс саласында серпін бар

<a href="https://kyzylorda-news.kz/">Kyzylorda-news.kz.</a>&nbsp; Қызылорда өңірінде балық шаруашылығы саласы экономиканың дамуына, ауылдық жерлерде халықты жұмыспен қамтамыз етуде және аймақтың экспорттық потенциялын арттыруда маңызды орын алып отыр.Мемлекет басшысы өзінің Жолдауында еліміздің балық саласын дамытуға ерекше назар аудару қажеттігі туралы атап өтті. Бұл ретте балық шаруашылығы саласы жаңа деңгейге қайта оралып, саланың дамуына жаңа қарқын беру үшін ҚР Үкіметінің шешімімен 2021 жылдың басында уәкілетті орган – Балық шаруашылығы комитеті қайта құрылды.Балық шаруашылығын дамытудың 2030 жылға дейінгі мемлекеттік бағдарламасын жүзеге асыруға, балық өсіру, тұтыну және экспорт көлемін жоспарға сай арттыру мақсатында, жыл басында ҚР Үкіметінің Қаулысымен Экология, геология және табиғи ресурстар министрлігі Балық шаруашылығы комитеті ал, ақпан айында Арал-Сырдария облысаралық бассейндік балық шаруашылығы инспекциясы құрылды.«ҚР Экология, геология және табиғи ресурстар министрлігі балық шаруашылығы комитетінің Арал-Сырдария облысаралық бассейндік балық шаруашылығы инспекциясы» республикалық мемлекеттік мекемесі ҚР Экология, геология және табиғи ресурстар министрлігі балық шаруашылығы комитеті құзыреті шегінде Шымкент қаласы, Қызылорда және Түркістан облыстары әкімшілік шекарасы шегіндегі Арал-Сырдария бассейнінің аумағында және су айдындарында балық ресурстарын және басқа да су жануарларын қорғау, өсімін молайту және пайдалану саласындағы іске асыру, реттеушілік, бақылау және қадағалау функцияларын жүзеге асыратын аумақтық бөлімше болып табылады.Облыс аумағында Кіші Арал теңізі, Сырдария өзені және балық шаруашылығына маңызы бар 207 көлдер бар. Оның ішінде, Кіші Арал теңізі толықтай және 180 көл конкурстық негізде 5-49 жылдарға табиғат пайдаланушыларға бекітіліп берілсе, 32-і (Қызылорда-3, Арал-3, Қазалы-3, Қармақшы-2, Жалағаш-5, Сырдария-2, Шиелі-12, Жаңақорған-2) резервтік қорда.Сондай-ақ, Балық шаруашылығын дамытудың 2021-2030 жылдарға арналған стратегиялық бағдарламасы қабылданды.&nbsp; Қазақстан Республикасының Премьер-Министрінің тапсырмасына сәйкес,«Қызылорда облысында балық шаруашылығын дамытудың 2021-2030 жылдарға арналған өңірлік Бағдарламасы» әзірленіп, облыс әкімдігімен 2020 жылғы 30 қазанда №127 қаулысымен бекітілді. Бағдарламаға сәйкес 2030 жылға дейін 16 шабақтық шаруашылық, 12 тоған шаруашылық, 3 тұйық жүйелі сумен қамтамасыз ету құрылғылары іске қосылуы және көлде тауарлы балық өсіру шаруашылықтарының саны 55-ке жеткізу жоспарланған.Республикалық бағдарламаға сәйкес 2022 жылға облыс бойынша 409 тонна балық өсіру көзделсе, бүгінгі күні тауарлы балық өсіру көлемі 418 тоннаға жетті. (2023 жылдың 15 қаңтарына дейінг өсірілген тауарлы балық көлемі 447 тонна). Сонымен бірге 1 тұйық жүйелі сумен қамтамасыз ету құрылғысы, 6 тоған шарушылығы толығымен іске қосылып, көл-тауарлы балық шаруашылықтарының саны 71-ге жетті.6 шабақтық шаруашылықты құру мақсатында Қамбаш су айдынының учаскелеріне биологиялық негіздеме әзірленіп паспорт жасалды. 2022 жылы облыстық бюджеттен балық өсіру үшін балық жемін сатып алуға жұмсалатын шығыстардың 30%-ын субсидиялауға 8,4 млн теңге бөлініп, бүгінгі күні аталған қаржы игерілді («Ислам»ШҚ. Жаңақорған ауданы).Бағдарлама аясында 2021 жылы балық шаруашылығы маңызы бар су айдындарына шабақтық және көл-тауарлы балық шаруашылығын ұйымдастыру үшін барлығы 51 ғылыми-биологиялық негіздеме (39 КТБШ –және 12 ШБШ) әзірленді.Бағдарламамен жалпы 49 су айдынына гидротехникалық құрылыс салу көзделген. 2021 жылы 19 су айдындарының жоба-сметалық құжаттамаларын әзірлеуге облыстық бюджеттен 16232,7 мың теңге қаржы бөлінді. 2022 жылы мемлекеттік сараптаманың қорытыныдысын алу жұмыстарына 5,5 млн теңге қаржы сұратылып, облыстық экономика және қаржы басқармасына бюджеттік өтінім жолданды.Алайда, 2022 жылы облыстық бюджеттік комиссия отырысында аталған жоба қолдау таппады. 2023 жылға көрсетілген жұмыстарға облыстық бюджеттен 5456,8 мың теңге қаржы сұратылуда.Балық аулауБылтыр 7386 тонна балық ауланып, республикалық бюджетке 151,7 млн теңге қаржы түсті. Ал биыл І тоқсанда 3143,7 тонна балық ауланды.Балық экспорты:2022 жылы 4979,9 тонна балық 12 шет елдеріне экспортталды (Ресей – 2459,2 тн, Германия – 1270,5 тн, Грузия – 350 тн, Литва – 294,2 тн, Польша – 276,7 тн, Нидерланды – 82,6 тн, Әзірбайжан – 60 тн, Венгрия – 50,7 тн, Австрия – 43,1 тн, Чехия – 16,4 тн, Франция – 16,2 тн, ҚХР – 60 тн). Ал, 2023 жылдың І тоқсанында 920 тонна балық 6 елге экспортталды. Бүгінгі күні, облыс бойынша 10 балық өңдеу зауыттары жұмыс жасауда. Оның 4-уінде «Еврокод» Еуропалық сапа стандартына растайтын белгісі бар.Бүгінгі таңда, өңірде тұрақты жұмыс істейтін балық өңдеу зауыттары бар. Оның ішінде Еуропалық Одақтың жоғары талаптарына сәйкес келетін және Одақтың елдеріне балық өнімдерін экспорттаумен айналысатын ұйымдарда баршылық. Бұлардың әрқайсысы жүздеген жұмыс орындарын ашып, өнімдерін алыс-жақын шетелдерге шығарып, облыс экономикасына қомақты үлестерін қосып отыр.Экология, геология және табиғи ресурстар министрлігі тарапынан балық шаруашылығын бұдан әрі дамыту бойынша бірқатар ауқымды жоспар бар. Оларды жүзеге асыру үшін тиісті шаралар қолға алынды.&nbsp;Экспортталатын балықтардың негізгі түрлері: тыран, торта, алабұға, шортан, көксерке. Сондай-ақ, өңделген өнімдер түрінде көксерке сүбесі, тыран қанаттары, балық фаршы, балық сүбесі, мұздатылған балық және балық ұны.Тауарлы балық өсіруді (аквакультура) дамыту бойынша 2017 жылдан 2021 жыл аралығында көл-тауарлы балық шаруашылықтарымен 713 тонна балық өсірілді. 2021 жылы 39 көл-тауарлы балық шаруашылықтармен 184 тонна тауарлы балық өсіріліп, нарыққа шығарылды. Арал қаяз балығы санын қалпына келтіру жобасы аясында Арал қаязының аналық-аталықтарын тоған жағдайында қалыптастырып, олардан табиғи жағдайда уылдырық алу дәрежесіне дейін жеткізу мақсатында «Кіші Арал теңізіндегі Арал қаязы балығының санын қалпына келтіру үшін, оның генофондын сақтау» жұмыстарын жүргізу жобасы бойынша облыс аумағындағы күріштік алқаптарынан, каналдар мен қашыртқылардан және бөлектенген су айдындарынан 10 мың дана қаяз балығының шабақтары жиналып, оларды екіжаздық деңгейге дейін жеткізіп, Сырдария өзенімен балық шаруашылығына маңызы бар көлдерге жіберілді.Балық қорғау шаралары«2022 жылға облыс көлеміндегі күріштік алқаптарда қалған балық шабақтарын құтқару жұмыстарының іс-шаралар жоспары» бекітілді. Іс-шара жоспарына сәйкес, былтыр тамыз-қыркүйек-қазан айлары балық шабақтарын құтқару айлары болып жарияланып, қала және аудан әкімдіктерімен жұмысшы топтар құрылды.Осыған орай, облыс аумағында орналасқан күріш алқаптарында, каналдарда, бөлектеніп қалған су айдындарында шабақ құтқару жұмыстары жүргізіліп, 250 адам қатысып, 40 дана техникақолданылып, 8,2 млн дана балық шабақтары құтқарылып балық шаруашылығына маңызы бар су айдындарына жіберілді.Анықтама ретінде: 2021 жылы шабақ құтқару жұмыстарына 125 адам қатысып, 15 дана техника қолданылып, 7,6 млн дана балық шабақтары құтқарылып, балық шаруашылығына маңызы бар су айдындарына жіберілді.Жануарлар дүниесіҚызылорда облысында жалпы көлемі 9,8 млн га болатын 41 аңшылық алқаптар бар, оның ішінде 17 аңшылық алқап табиғат пайдаланушыларға бекітіліп беріліп, 24 аңшылық алқап резервте тұр.Экология, геология және табиғи ресурстар министрінің 2022 жылдың 2 қыркүйектегі №594 бұйрығымен «Аңшылық, балық шаруашылықтарын жүргізуге арналған шарттардың үлгілік нысандарын бекіту туралы» ҚР Ауыл шаруашылығы министрінің 27.12.2018 жылғы №542 бұйрығына өзгерістер енгізіліп, Жануарлар дүниесін қорғау, өсімін молайту және пайдалану туралы ҚР Заңына сәйкестендірілді.Анықтама ретінде: Жануарлар дүниесін қорғау, өсімін молайту және пайдалану туралы Заңының 37-бабының 1-тармағына сәйкес аңшылық шаруашылығын жүргізу құқығы облыстың жергілікті атқарушы органының аңшылық алқаптарды бекітіп беру туралы шешімі, ведомствоның аумақтық бөлімшесі мен жануарлар дүниесін пайдаланушы арасында жасалатын аңшылық шаруашылықтарын жүргізуге арналған шарттар негізінде белгіленеді делінген.Ал, Ауыл шаруашылығы министрінің 27.12.2018 жылғы №542 бұйрығымен бекітілген аңшылық шаруашылықтарын жүргізуге арналған шарттың үлгілік нысандарында аңшылық шаруашылықтарын жүргізуге арналған шарт жергілікті атқарушы орган мен пайдаланушы арасында жасалады деп көрсетілген.Осыған сәйкес, резервтегі 6 аңшылық алқаптың құжаттары дайындалып (даму жоспары, бастапқы бағасы) конкурсқа шығару мақсатында тиісті шаралар жүргізілуде. 2021 жылы «Қызылорда облысы аңшылық алқаптарының ақпараттық - анықтамалық картасы сайтын әзірлеу» жобасы аяқталып, қазіргі уақытта жұмыс жасап тұр.2022 жылы орман және жануарлар дүниесін қорғау жөніндегі мемлекеттік мекемелерімен 1,5 млн теңгеге биотехникалық іс-шаралар жүзеге асырылды.Облыс аймағында сүтқоректілердің 40-тан астам түрі және құстардың 300 түрі, оның ішінде, Қазақстанның Қызыл кітабына енген жануарлар мен құстардың 31 түрі мекендейді.2021 жылғы 1 шілдеден бастап 2022 жылғы 1 шілдеге дейінгі аралықта Экология және табиғи ресурстар министрлігімен Қызылорда облысына жалпы көлемі 128 632 дана жануарлар дүниесі объектілерін алып қою лимиті бекітілді. Оның ішінде жануарлардың 4 түріне – 42170 дана, құстардың 6 түріне – 86 462 дана. Аталған лимит толығымен игеріліп, республикалық бюджеттке 7,1 млн теңге қаржы түсірілді (қабан – 1438, түлкі – 733, қоян – 39276, борсық – 723, қаз – 6000, үйрек – 25000, шіл – 28209, қасқалдақ – 743, кептер – 6846, қырғауыл –19664). 2022 жылғы 1 шілдеден бастап 2023 жылғы 1 шілдеге дейінгі аралықта Экология және табиғи ресурстар министрлігімен, Қызылорда облысына жалпы көлемі 113 428 дана жануарлар дүниесі объектілерін алып қою лимиті бекітілді. Оның ішінде жануарлардың 4 түріне – 37 763 дана, құстардың 6 түріне – 75 665 дана. (қабан – 2 955, түлкі – 862, қоян – 33 307, борсық – 639, қаз – 6 000, үйрек – 25 000, шіл – 663, қасқалдақ – 21 527, кептер – 3 210, қырғауыл – 19 265).&nbsp;

Балық шаруашылығы экономиканың маңызды саласы

<a href="https://kyzylorda-news.kz/">Kyzylorda-news.kz.</a> Қызылорда облысы кәсіпкерлер палатасының сарапшысы Салтанат Шоникова кәсіпкерлік мақсатта берілетін қайтарымсыз қаржы – грант түрлері жөніндегі сауалдарға жауап берді.- Кәсіппен айналысқысы келетін азаматтардың басым бөлігі соңғы кезде ең бірінші «грантты қалай алсам болады? Ол үшін не істеу керек?» деп сұрайтын болды. Бүгінгі сұхбатта кәсіпкерлік мақсаттағы гранттардың әрқайсысына жеке-жеке тоқталайықшы. Бірінші халық арасында «1 млн 400 мың теңгенің гранты» аталып кеткен қайтарымсыз қаржы туралы айтып беріңізші. Кімдер ала алады? Қандай талап қойылады? Биыл Қызылорда қаласы мен аудандарда қанша адамды қамту көзделіп отыр? &nbsp;- Дұрыс айтасыз. Кәсіпкерлер палатасынан кеңес алған азаматтар жобаны қаржыландыруда бірінші грант талаптарын сұрайды. Жақсы, бірінші 400 айлық есептік көрсеткіш көлеміндегі қайтарымсыз қаржының талаптарын айтайын. Қазақстан Республикасы Еңбек және халықты әлеуметтік қорғау министрлігінің өткен жылғы 7 ақпандағы бұйрығына сәйкес 400 айлық есептік көрсеткіш аясындағы гранттар жұмыссыз немесе жеке кәсіпкер ретінде мемлекеттік тіркеу мерзімі үш жылдан аз халықтың әлеуметтік осал топтарына беріледі. Атап айтқанда атаулы әлеуметтік көмек алатын азаматтар, көп балалы отбасы мүшелері, асыраушысынан айырылған жағдайда төленетін әлеуметтік жәрдемақыларды алушылар, қоныс аударушылар, қандастар, мүгедектігі бар жұмысқа жарамды және мүмкіндігі шектеулі баланы асыраушылар қатыса алады. Ол үшін қатысушыда мерзімі 3 жылдан аспайтын «Бастау бизнес» оқуының сертификаты болуы міндетті. «Бастау бизнес» оқуына жазылу үшін business.enbek.kz порталында тіркелуі керек. Одан бөлек, порталдағы бизнес-жоба үлгісін жүктеп алып, толтырып, қайта порталға жүктеу қажет. Биыл Қызылорда облысына 1526 азаматқа грант беру жоспарланған. Оның ішінде Қызылорда қаласына 380 грант, әр ауданға 150 гранттан қарастырылған. Грант жыл аяғына дейін 4 лекпен өткізіледі.1 лек 20.02 – 03.03.2023 жж. 2 лек 15.05 – 26.05.2023 жж. 3 лек 10.07 – 21.07.2023 жж. 4 лек 04.09 – 15.09.2023 жж.400 АЕК гранттың операторы - халықты жұмыспен қамту мәселелері жөніндегі уәкілетті орган, яғни қосымша сұрақтар туындаған жағдайда Кәсіпкерлер палатасынан өзге Қызылорда қаласы мен аудандардағы жұмыспен қамту орталықтарынан кеңес алуға болады.- Енді 5 млн.теңгенің гранты туралы айтыңызшы. Оны халық арасында «инновациялық жобаларға арналған грант» деп атайды. Жобамен қай кезде өтеді? Бұл жобаның операторы кім, сұрақ туындаса қайда хабарласуға болады?- Жаңа бизнес идеяларды жүзеге асыруға арналған мемлекеттік грант немесе өзіңіз айтқандай, инновациялық гранттың конкурсы осы жылдың екінші жартыжылдығында өткізіледі деп жоспарлануда. Бұл жобаға жеке кәсіпкер ретінде тіркеу мерзімі 3 жылдан аспайтын кәсіпкерлер ғана қатыса алады. Конкурсқа қатысушы жобасына 5 млн теңгеге дейін қайтарымсыз қаржы ала алады. Грантқа қатысу үшін мына құжаттар болуы керек:1.Кәсіпкердің қызметкерлерінің орташа саны туралы анықтама;&nbsp; 2.«Бастау бизнес» жобасын оқығаны жөнінде сертификаты; 3.Кәсіпкердің ағымдағы шотында (20 пайыз) қаражаттың болуы туралы банктік шоттан үзінді көшірме; 4.Жеке кәсіпкерді тіркеу туралы хабарлама.&nbsp; Жаңа бизнес идеяларды жүзеге асыруға арналған гранттық конкурстың операторы – Қызылорда облысының кәсіпкерлік және өнеркәсіп басқармасы.- Кәсіпке арналған 3 млн теңгеге дейін, сондай-ақ 10 млн.теңгеге дейінгі қайтарымсыз қаржы бар деп естідік. Осы жобаларға тоқталып өтіңізші. Талабы, кімдер, қалай ала алады?- Сіз айтып тұрған 3 млн теңгеге дейінгі қайтарымсыз қаржы алуға арналған конкурсқа 14 пен 29 жас аралығындағы кез келген азамат қатыса алады. Кәсіпкер болсын деген талабы жоқ. Оны Қазақстан Республикасы Ақпарат және қоғамдық даму министрлігі ұйымдастырады. Конкурс «Тәуелсіздік ұрпақтары» (3 млн тг) деп аталады. Грант берудің мақсаты белсенді шығармашыл жастар қауымдастығын қалыптастыруға бағытталған жастардың жаңа және қолданыстағы бастамаларын мемлекеттік қолдау. Ол &nbsp;ғылым, мәдениет, ақпараттық технологиялар, бизнес, медиа бағыттар бойынша жаңа идеялар мен бастамаларды іске асыруға беріледі. Толық ақпаратты Қазақстан Республикасы Ақпарат және қоғамдық даму министрлігінің сайтынан алуға болады. Ал Сіз айтып отырған 10 млн теңгеге дейінгі грант «Бәсекеге қабілеттілік» инвестициялық гранты деп аталады. Ол кәсіпкерлікті дамытуға арналған Ұлттық жоба аясында, &nbsp;құрал-жабдық сатып алу мақсатында беріледі. Қаржы жаңа өнім әзірлегені немесе бар өнімді жетілдіргені, нарыққа шығарғаны үшін беріледі. Бұл жобаға тіркелген мерзімі бір жылдан асқан кәсіпкерлер қатыса алады. Ол жобаның операторы Қызылорда облысының кәсіпкерлік және өнеркәсіп басқармасы.- Жалпы осы айтып жатқан барлық гранттар бойынша Палатаның үлесі қандай болмақ?- Біз кәсіпкерлік мақсаттағы мемлекеттік қолдау тетіктері жөнінде қызығушылық танытқан азаматтардың барлығына кеңес береміз. Одан өзге кәсіпкерлердің жобаларына бизнес-жоспар әзірлейміз. Салықтық, бухгалтерлік және өзге де есептерін тапсырып береміз. Заң және мемлекеттік сатып алу қызметі бойынша кеңес береміз және жобаларды сүйемелдеу қызметін көрсетеміз. Бұл қызметтердің барлығы ақысыз, тегін көрсетіледі.

Кәсіпкерлік мақсаттағы гранттарды қалай алуға болады?

<a href="https://kyzylorda-news.kz/">Kyzylorda-news.kz.</a> Түркістан төрінде Қазақстан мұсылмандары діни басқармасының &nbsp;ұйымдасырумен, Қожа Ахмет Ясауи бабамыздың 930 жылдығына,Түркістан облысының 5 жылдығына орай «Қарттарым –дәстүрімнің қазығы» атты &nbsp;Шымкент қаласы, Түркістан, Жамбыл, Қызылорда облыстары ақсақалдарының қатысуымен аймақтық форум өтті.Форумды ҚМДБ Ғұламалар кеңесінің мүшесі, РhD докторы Ықтияр Палтөре жүргізіп отырды. Түркісан облысының бас имамы Ержан Төлепов құран бағыштады. Одан соң Түркістан &nbsp;облысының әкімі Дархан Сатыбалды кіріспе сөз сөйлеп, форуымды ашып берді. Үш аймақтың ақсақалдары алдында &nbsp;Қазақстан мұсылмандары діни басқармасының төрағасы, Бас мүфти Науырызбай қажы Тағанұлы тағлымды, мазмұнды баяандама жасады.&nbsp;Пленарлық отырыста Түркістан облыстық &nbsp;ардагерлер кеңесінің төрағасы Жеңісбек Мәуленқұлов, «Ізгі қоғамды – жақсылықтың жаршысы», Қазақстаның &nbsp;құрметті судьясы Бекеш Тұрғараев «Ізгі қоғам қалай қалыптастырамыз?», Жамбыл облыстық ардагерлер &nbsp;кеңесінің төрағасы Еркінбек Салтыбаев «Жауапсыз әке кесірі – қаңғырған тірі жетім-жесірі», Қызылорда облысының ардагерлеріатынан Шиелі аудандық ардагерлер кеңесінің &nbsp;төрағасы Өркен Исмаил «Ақсақалдарымыз &nbsp;бүгінгі &nbsp;жастарға &nbsp;не үйретуі тиіс?», Түркістан облыстық ақсақалдар алқасынынң төрағасы Жарылқасын Әзіретбергенов «Түркістан – ішімдіктен ада қала» тақырыптарында баяандама &nbsp;жасап, ой-пікірлерін ортаға салды.Осылайша қазақтың әдет-ғұрыпы, салт-дәстүрі, тілі мен ұлттық идеологиясы, жастарға имани тәрбие беру төңірегіндегі әңгімелер қасиетті Түркістан төрінде &nbsp;көтерілді. Ақсақалдар форумының соңында осы бағытта үндеу қабылданды.Қазақстан мұсылмандары діни &nbsp;басқармасының төрағасы, бас мүфти Наурызбай &nbsp;қажы Тағанұлы &nbsp;форумға &nbsp;қатысушыларға өз &nbsp;атынан &nbsp;ауыз ашар рәсімін &nbsp;жасады. Айтулы шараға ҚМДБ-ның Қызылорда облысы &nbsp;бойынша бас имамы Болатбек &nbsp;қажы Абуов, Шиелі &nbsp;ауданының &nbsp;бас имамы Бақыт Ұлжаев, аудандық ардагерлер &nbsp;кеңесінің алқа мүшелері &nbsp;Тұрмат Баймағамбет пен Болат Күлімбеттер &nbsp;қатысты.

Қызылордалық ақсақалдар аймақтық форумға қатысты

<a href="https://kyzylorda-news.kz/">Kyzylorda-news.kz.</a> Ел дамуына серпін беретін сала – кәсіпкерлік. Аталған сала жанданса, жұмыссыздық та төмендеп, халықтың тұрмыс сапасы жақсарады. Осы мақсатта кәсіп ашуға ынталы азаматтарға мемлекет тарапынан жан-жақты мүмкіндік жасалып отыр. Тек сол мүмкіндіктерді қажетіңе қарай тиімді пайдаланып, жоспарыңды жүзеге асыру және кәсібіңді жүйелі жүргізу керек.&nbsp;Жалағаш ауданында жыл өткен сайын кәсіпкерлер қатары күрт көбейіп келеді. Кәсіпкерлердің көбеюі бәсекелестік орта қалыптастырады және соның нәтижесінде халыққа қызмет көрсетудің сапасы артады. Айталық, ауданымызда ауыл шаруашылығы мен өнеркәсіп өнімдерін өндіру жылдан-жылға жақсарып келеді. Барлығы болмағанымен кәсіпкерлік бағытта жұмыс істеп отырған азаматтар сырттан келетін тауарларды ығыстырып шығара бастады. Яғни аудан тұрғындарының жергілікті өнімге деген сұранысы артып келеді. Біріншіден, бағасы арзан, екіншіден, экологиялық таза өнім.&nbsp;Алдымен ауыл шаруашылығы өнімдерін алайық. Соның ішінде күріштен бөлек, өзімізден өсіп-өнетін бау-бақша дақылдары маусымдық кезеңдерде сұранысқа ие. Тіпті мемлекеттің қаржылай қолдауының арқасында жылыжай ашып, халыққа қыс мезгілінде де қажетінше көкөніс жеткізіп отырған кәсіп иелері бар. Одан бөлек кәсібін кеңейткен азаматтар мал асырап, ауданды ет-сүт өнімдерімен қамтамасыз етіп келеді. Ал жеке кәсіпкер, «Өркен Әлем» ЖШС төрағасы Жақсылық Өзденбаев жылда мемлекеттік тапсырыс шеңберінде Қазақстан Республикасы қарулы күштерінің әскери киім-жабдықтарын тігеді. Қазірде «Серпін» индустриялды аймағында орналасқан тігін цехында жүзге жуық жұмысшы бар. Сонымен бірге Дәуімбай елді мекенінде орналасқан «Агрохимсервис-С» ЖШС-ға қарасты зауыт тыңайтқыштар және құрамында азот бар құрамаларды өңдеп шығаруда. Бұл ауданымыздағы егінмен айналысып отырған шаруашылықтар үшін тиімді. Ал кенттің шығысынан салынған күн электр станциясы 15 адамды тұрақты жұмыспен қамтып отыр.&nbsp;Айта кетейік, инвестор ретінде «Номад Солар» серіктестігі құрылысын жүргізген станцияда күн сәулесінен қуат алатын құрылғыларды орналастыру үшін 164 гектар жер телімі бөлінген. Ал аудан халқының ауызында жыр болып жүрген мия зауыты жақын арада қайта іске қосылады. Он жылға жуық жұмысы тоқтап тұрған зауыт төңірегінде ел аузында түрлі әңгіме тарады, тұрғындардың көкейінде сан сауал тұр. Сол үшін сәл шегініп, тоқтала кеткеніміз жөн.&nbsp;«БисГрупп» ЖШС-ның жалпы құны 1,8 млрд теңгені құрайтын «Қызыл мия тамырын өңдеу зауыты» 2013 жылы «Қазақстан Республикасының индустриялық-инновациялық даму жөніндегі» мемлекеттік бағдарламасы аясында өңірлер кәсіпкерлігін қолдау енгізіліп, 2014 жылдың желтоқсан айында құрылыс жұмыстары толық аяқталып, пайдалануға берілді. Аталған жоба қытайлық «Борихунда» компаниясы және «Бис Групп» ЖШС есебінен жүзеге асырылған. Мемлекеттік қолдау шарасы ретінде зауытты орналастыру үшін 8,75 гектар жер телімі табысталған болатын. Алайда үлескерлердің арасында өзара келіспеушілік туындап, зауыт жұмысы 2017 жылға дейін тоқтап қалды. Бірақ сол жылы облыс әкімінің ықпалымен аталған зауытқа құны 115 мың АҚШ долларын құрайтын қондырғылар орнатылып, іске қосылды. Зауыт екі жылда 35 тонна өнімді (қара ұнтақ глицирризин қышқылы) Қытай мемлекетіне экспорттады. Одан кейін зауыт өнімінің құны әлемдік нарықта бірнеше есеге төмендеп кетуінің әсерінен зауыт жұмысы тағы тоқтады. Енді міне, былтыр Қытайдан арнайы мамандар келіп, зауытты толық жөндеп, реттеді. Таяу күндері қайта жұмысын бастайды.&nbsp;Аудандық кәсіпкерлік, өнеркәсіп және туризм бөлімінің бізге берген мәліметі бойынша қазірде зауыттың шикізатына пайдаланатын 1 200 тонна мия тамырының қоры бар екен.&nbsp;Ауданымызда ұмытылып бара жатқан бабалар кәсібі қолөнер де дамып келеді. Жас кәсіпкер Жылбек Қуаныш бүгінде бірнеше бағыт бойынша кәсібін жүргізіп жатыр. Атап айтсақ, ешкі сүтінен және түрлі иіссулардың қоспасынан баламасы жоқ сабын жасауды қолға алған. Одан бөлек ағаштан, былғарыдан жасалған сыйкәделер, түрлі бұйымдар және киіз үйдің жабдықтарын тоқып, қыз жасауын тігеді. Жас кәсіпкер бірнеше мәрте қайтарымсыз мемлекеттік грант жеңіп алып, кәсібін ұлғайтқан. Сол секілді жергілікті кәсіпкер Қанат Ермек құрылыс нарығында жоғары сұранысқа ие полистиробетон шығара бастаса, Ерхан Намурадин химиялық тазалау жобасын қолға алған. Бұлардан бөлек жыл сайын сауда орталықтары ашылып, халыққа сапалы қызмет көрсетудің бәсекесі артты. Өткен жылы кент орталығынан ашылған «Халық» сауда үйі де киім алу үшін облыс орталығына сабылатын аудан тұрғындарының қажеттілігін өтеп отыр.Аудан әкімі өткен жылдың соңында халыққа ауданымызда атқарылған жұмыстар бойынша есеп берді. Сонда осы кәсіпкерлік саласы да қамтылды. Соны тағы да бір еске түсіргеннің артығы жоқ. 2022 жылдың 10 айында аудан бойынша тіркелген шағын және орта кәсіпкерлік субъектілерінің саны 3 023 бірлікті құраған. Оның ішінде 2 845-інің нақты жұмыс істеп тұрғаны айтылды. &nbsp;Яғни 94,1 пайызының нәтижесі бар. Ал түрлі себептерге байланысты 178 кәсіпорын жұмысы тоқтап тұр.&nbsp;Аудандағы өнеркәсіп өнімдерін өндіруші мекемелер мен кәсіпорындар және жеке секторлары арқылы 2022 жылдың 1 қарашасында 20 млрд 436 млн теңгені құрайтын өнеркәсіп өнімдерін өндіріп, өткен жылдың сәйкес кезеңімен салыстырғанда 2,1 есе жоғары орындалған. Оның ішінде өңдеу өнеркәсібінің көлемі 8 млрд 489 млн теңгені құрап, өткен жылдың сәйкес кезеңімен салыстырғанда 129,6 пайызға артып отыр. Бұл – жоғарыдағы «ауданымызда кәсіпкерлік саласы жыл өткен сайын өркендеп келеді» деген сөзіміздің дәлелі.&nbsp;Аудан бойынша бөлшек сауда айналымының көлемі &nbsp;10 айда 2 млрд 394,2 млн теңгені құрап, өткен жылдың тиісті кезеңімен салыстырғанда 102,4 пайызға &nbsp;орындалған. Ал негізгі капиталға тартылған инвестиция көлемі 2022 жылдың 10 айында 7 млрд 205 млн теңгеге шығып, өткен жылмен салыстырғанда 100,5 пайызды құрады.&nbsp;Айта кетейік, былтыр жыл қорытындысымен бюджет қаражаты есебінен 2 млрд 180,8 млн теңге және меншікті қаражат есебінен 8 млрд 219,2 млн теңге, жалпы көлемі 10 млрд 400 млн теңге инвестиция тарту жоспарланған. Бұл жоспар жүзеге асқанда аталған салаға жаңаша серпін беретіні анық. Сол секілді мемлекеттік және өңірлік бағдарламалар аясында шағын және орта кәсіпті бастау немесе жұмыс істеп тұрған кәсібін әрі қарай дамыту бағытында аудан бойынша жыл басынан 428 жоба 2 млрд 775 млн теңгеге қаржыландырылып, 435 &nbsp;жаңа жұмыс орны ашылған. Одан бөлек 401,4 млн теңгенің 34 жобасы микроқаржы ұйымдарымен екінші деңгейлі банктердің қарауына ұсынылды. Жалпы былтыр аудан бойынша 833 млн теңгенің 22 жобасы іске қосылып, 123 жаңа жұмыс орны ашылған. Қайталап айтайық, ірілі-ұсақты 123 жұмыс орны ашылған. Бұл – бір ғана кәсіпкердің емес, халықтың игілігі. Яғни кәсіпкерлік саласының жандануымен бірге жұмыссыздықпен күресу де оң нәтиже беріп отырғанын айтуға болады.

Жалағашта кәсіпкерліктің көкжиегі кеңейген

<a href="https://kyzylorda-news.kz/">Kyzylorda-news.kz.</a> &nbsp;«Қолы қимылдағанның, аузы қимылдайдынын» білмейтіндер кемде-кем. Қандай қоғамда да бел шеше еңбек еткендердің есесі кеткен емес. Бұл, әсіресе, нарық заңы өмірімізге дендеп енген бүгінгі таңдағы басты қағидаға айналғандай.2012 жылы &nbsp;Қарақалпақстанмен шекаралас орналасқан «Шобанқазған» елді мекенінен мемлекеттік бағдарлама арқылы Қармақшы ауданы, Тәйімбет Көмекбаев ауылына отбасымен &nbsp;қоныс аударған Гүля Жәмитова &nbsp;жаңа тұрғын үйге &nbsp;ие болады. Өмірлік серігі Жолдасбаймен бірге 8 ұрпақ өсірді. Арада жылдар салып, отағасы ауыр науқастан өмірден өткенмен Гуля еңбек етіп, балаларын жетілдірді. Олардың бірі жоғары, бірі арнаулы оқу орындарын бітірді. Кәсіпкер иелігінде мүйізді ірі қара, түйе, уақ мал бағып, өсіруде. Бұл жұмыстың бәріне де өзі басшылық етеді. Айтпақшы, оның қазақ халқының ұмыт болып бара жатқан ұлттық тағамының бірі – тандыр нан пісірудің шебері екенін білдік.Бірақ, оның негізгі кәсібі тігіншілік. Ол бұл өнерді анасы Ұлболсыннан адарыған кәсіп дейді. Құрақ көрпе, қыз, бесік жасаулары, ұлттық үлгідегі киімдер мен тұрмыстық заттар, әшекейлер, бұлар &nbsp;қолөнер шеберінің сүйіп жасайтын кәсібі. &nbsp;<blockquote>«Мен қолөнерге бала жасымнан келдім. Марқұм анам Ұлбосын өте шебер тігінші болды. Оның қолынан неше түрлі ұлттық &nbsp;киімдер, көрпе-жастықтар мен көрпешелер, сондай-ақ &nbsp;бесік пен жас келін жасауы, басқа да ұлттық нақышта жасалған тұрмыстық заттар шықты. Оларға деген сұраныс та көп. Оған да бұл кәсіп анасынан дарыған екен. Оны өзі айтып отыратын. Бүгінде менің кәсібімнің дамуына қызым Жанел көмектеседі. Оның да бұл өнерге деген құлшынысы зор. Қазіргі кезде түрлі киім үлгілері мен қазақы ұлттық нақыштағы заттарды жасап жүр. Әрине, ол мені қуантады. Негізінен мен өнімдеріме қолданатын материалдарды Жосалы кентінен, Қызылордадан сатып аламын. Өнімдеріме деген сұраныс та жоқ емес. Кейде ауыл тұрғындары өздері қалаған тапсырыстарына &nbsp;көкейлерінде жүрген ою-өрнектерді салып, әшекейлеуді сұрайды. Ондайда тұтынушылар талабын орындауға жұмыс жасаймын. Өніміміз тұтынушы талабынан шығып, ризашылықпен &nbsp;алғыс айтқанда әрине марқаямыз, еңбегіміздің еленгеніне мақтанамыз, Менің бұл кәсібім шағын ғана ауыл тұрғындарына арналғанымен тіккен киімдер, дайындаған ұлттық нақыштағы қолөнер заттарыма сырттан қызығушылар бар. Алайда, мен анамнан қалған кәсібімнің өрісін қолдан келгенше &nbsp;кеңейтуге жұмыс жасағым келеді. Ауыл әкімшілігіндегі мамандар да көмегін аямай, қолдау көрсетуде», – дейді қазақ салт-дәстүрін дәріптеп жүрген тігінші апаймыз.</blockquote>

Ауыл тұрғыны кәсібінің нәсібін көруде

<a href="https://kyzylorda-news.kz/">Kyzylorda-news.kz.</a> &nbsp;Қармақшы ауданынан шалғай орналасқан Тәйімбет Көмекбаев ауылында кәсібін дөңгелентіп отырған жандар көп. Сондай кәсіпті серік еткен ауыл тұрғындарының бірі – Әсем Бекеева.Ауыл тұрғындарының құрметіне бөленген жас кәсіпкер Әсем Өркенбекқызы осыдан &nbsp;екі жыл бұрын ауыл орталығынан «Еңлік» атты сауда орталығын ашты. Жарық та заман талабына сай ашылған орталықта &nbsp;азық-түліктен басқа ауыл тұрғындары үшін күнделікті қажеттілікке арналған тұрмыстық, &nbsp;құрылыс тауарлары, &nbsp;оқушыларға арналған оқу құралдары, киім-кешек, ойыншықтар сатылады.<blockquote>«Мен кәсіпке келгенге дейін Қызылорда қаласындағы Қорқыт ата &nbsp;мемлекеттік университетінде химия-биология пәні мұғалімі бойынша жоғары білім алдым. Содан кейін біршама жыл метериологиялық стансада еңбек еттім. Алайда, мен &nbsp;көптен &nbsp;арман болған кәсіпкерлікті жолдасым Нұрболмен ойласа келе іске асырдым. Алғашқы жылдары оңай болған жоқ. Бірақ, ерінбей еңбек еткен адамға, қай кезде де жол ашылады екен. Бірінші кезекте әрдайым қасымнан табыла білген жарымның, екіншіден, тынбай еткен еңбектің арқасында &nbsp;қиыншылықтың бәрі артта қалып, жұмысым оңға басты. «Еңлік» атты жеке кәсіпкерлік құрып, сауда орталығын аштық. Айтпақшы, бұрындары ауылдың кейбір тұрғындары &nbsp;аудан орталығына, Қызылорда қаласына, тіпті Қазалы ауданына қарасты Сарбұлақ ауылына барып, азық-түлік сатып алушы еді. Бүгінде сарбұлақтықтар біздің орталыққа келіп, саудамызды қыздырып жатқан жайы бар. Тіпті, Қуаңдария ауылының да тұрғындары &nbsp;келіп, сауда жасайды. Ал, кәсіпті кеңейту жағына тоқталсақ, тұшпара өндіруді қолға алсам деген ой да бар. Ол да алдағы уақыт еншісінде. Жақын арада сауда орталығын кеңейтуді &nbsp;жоспарлап қойдық. Орталық &nbsp;жанынан тағы бір ғимарат салып, оны ауыл тұтынушыларын қажетті тауарлармен толықтырғымыз келеді. Әрине, бұл жоба аясында жұмыстар жүргізілуде. Мемлекет тарапынан да төмен пайызбен несие алсақ деген де үмітіміз бар», – деді ол.</blockquote>Кәсіпкер Әсем Өркенбекқызы ауылда өткізіліп жатқан түрлі мерекелік іс-шаралардың белсенді қолдаушысы. Оны әрдайым жақсылықты істердің басы-қасында жүретін қамқоршы жан деп таниды ауыл тұрғындары. &nbsp;Ал, жары, кәсібінің өрге өрлеуіне бірден бір себепкер Нұрболға келсек, &nbsp;бұған дейін шекара қызметінде абыройлы қызмет еткен. Бүгінде Әсеммен бірге отбасылық кәсіпті &nbsp;кеңейту мақсатында жұмыс істеуде. Тіпті, ол сауда-саттық кәсібімен бірге дәнекерлеушілікті де қоса меңгерген. Осы саланы әрі қарай дамытуды &nbsp;қолға алғысы келеді. Бұл тұрғыдағы жұмыстарды жандандыруды алдағы уақытқа &nbsp;мақсат етіп қойған. Алла қаласа алдағы уақытта елге қызмет көрсетсем ба деген талабы бар.

Шалғайдағы шағын дүкен қызмет көрсетіп тұр

<a href="https://kyzylorda-news.kz/">Kyzylorda-news.kz.</a> Жалағаш ауданының қоғамдық даму бөлімінің әлеуметтік тапсырысы аясында «Темірқазық» қоғамдық бірлестігі мен жастар ресурстық орталығының ұйымдастыруымен Қаракеткен, М.Шаменов, Ақсу, Таң ауылдық округтері және Далдабай елді-мекенінде, сондай-ақ Аққыр, Мақпалкөл, Жаңаталап, Мәдениет, Мырзабай ахун ауылдық округтерінде «Мүмкіндіктер алаңы» кеңес беру шарасы өткізілді. Кездесуге ауылдық жастар белсене қатысып, өздерінің толғандырған сұрақтарына жауапты мамандардан жауап алды.Іс-шараның мақсаты қазіргі таңдағы жастар арасындағы жұмыссыздық деңгейін төмендету, кәсіпкерлікті дамыту және жастардың сұранысындағы қажеттіліктерді қамтамасыз ету болып табылады.Іс-шараға халықты жұмыспен қамту орталығының маманы Ж.Талапберген, кәсіпкерлік, өнеркәсіп және туризм бөлімінің маманы О.Камаладин және жастар ресурстық орталығының директоры Н.Амандық қатысты.Іс-шара барысында сала мамандары қабылдау өткізіп, жастардың көкейіндегі сауалдарды тыңдап, мемлекеттік бағдарламалар мен мүмкіндіктер жайлы кеңінен баяндады.Осы тақырыптағы халықпен кездесулер ауданымызда алдағы уақытта жалғасын табады.

Жалағашта кеңес беру шарасы өтті

<a href="https://kyzylorda-news.kz/">Kyzylorda-news.kz.</a>&nbsp; Облыстық көп бейінді балалар ауруханасының неонаталды хирургия бөлімшесінің дәрігерлеріне Қызылорда қаласындағы Ана мен бала орталығынан хабарлама келіп түскен еді. Онда босану бөлігінде гастрошиз диагнозы расталған нәрестеге кесар отасын жасап шығаруға дайындалып жатқаны айтылған.&nbsp;Нәресте күтпеген мөлшердегі ақаумен жарық дүние есігін ашқан. Екі сағаттан астам уақыт бойы жасалған ота аман-есен аяқталып, нәресте қазір Ана мен бала орталығында ем алып жатыр. Оны неонатальды хирург, ота жасау бөлімі, анестезиологтардың шұғыл көмектерінің арқасында, дәрігер - неонатологтардың тәуліктік бақылау мен оңтайлы ем-дом, мейіргерлердің күтімі мен мейірімнің арқасында.&nbsp; Дәрігер-неонатологтар, мейіргерлердің күтімі мен мейірімінің арқасында ол энтеральды тамақтануды бастады. Жақын уақытта үйіне шығарылмақ.&nbsp;Осындай маңызды оталарды жасауда бірінші дәрежелі неонатальды хирург-эндоскопист Серік Нүсіпқожаев, анестезиолог Мақсат Әбдібахиев, неонатологтар: Мөлдір Алмаханова , Мереке Алтынбекова сынды білікті мамандар жемісті еңбек етіп келеді.Неоанатальды хирургия және интенсивті терапия бөлім меңгерушісі М.Ж. Алмаханова «Дүниежүзі бойынша нәрестелердің мұндай ақаумен өмірге келуі сирек кездеседі. Біздің бөлімшенің жұмысы 2017 жылы 1 маусымнан басталды. Содан бері жылда әртүрлі ақаумен 100-120 науқас сәби ем қабылдайды. Бұл сирек кездесетін ақау 2 жылда 1 рет кездесіп отыр. Нәрестелер хирургиялық емін қабылдап, ата-анасына аман-есен тапсырылуда.Гастрошизис деген ақау – іштің қабырғасында ішектердің итеруіне мүмкіндік беретін ішектің жанында саңылау (тесік) пайда болып, сол саңылау арқылы ішкі ішектердің (қыз балаларда жатыр мүшесімен бірге) қорғаныс қапшығысыз сыртқа шығып тұруы.Гастрошизис себептері жақсы түсіндірілмеген. Зерттеушілер бұл жағдай гендердегі немесе хромосомалардағы қалыптан тыс өзгерістерге байланысты дамиды деп санайды. Қоршаған ортаның токсиндерінің немесе дәрілердің әсері осы өзгерістердің кейбірін тудыруы мүмкін. Себептерді жақсырақ түсіну үшін әлі де көп зерттеулер жүргізу қажет.<blockquote>Бізге Ана мен бала орталығынан ауыстырылған тағы нәресте өте ауыр жағдайда түсті. Ауырлығы ескере келе бірден отаға дайындалды. Үлкен жауапкершілікпен жасалған отаның арқасында қазір періште ана сүтін ішіп, қорыта алады, құспайды. Барлық қан талдауының қалыптасуына байланысты үйіне шығарылуға дайындалып жатыр, – деді Мөлдір Алмаханова.</blockquote>Неонатальды хирургия бөлімшесінің бөлім меңгерушісі Мөлдір Жұмагалиқызы бөлімше ашылғалы еңбек етіп келеді. Ол Алматы, Астана қаласында, Оңтүстік Кореяны Сеул қаласында білімін жетілдіріп келген.&nbsp;Айта кету керек, көпбейінді облыстық балалар ауруханасының «Неонатальды хирургия бөлімшесінде жыл сайын 100-120 нәресте ем қабылдайды. Былтыр әртүрлі туа біткен ақаулармен 103 нәресте түссе, олардың 85-не ота жасалды.&nbsp;

Дәрігерлер «Гастрошиз» диагнозы қойылған сәбидің өмірін сақтап қалды

<a href="https://kyzylorda-news.kz/">Kyzylorda-news.kz.</a> Биылғы жылдың сәуір айының 18-25 аралығында облыс көлемінде «Борышкер» жедел-профилактикалық іс-шарасы өтуде.&nbsp;Шараның мақсаты - салынған әкімшілік айыппұлдарды өндіру болып табылады.ҚР Әкімшілік құқық бұзушылық туралы кодексінің 893-бабына сәйкес әкімшілік жауаптылыққа тартылған тұлға айыппұлды қаулы заңды күшіне енген күннен бастап 30 (отыз) тәуліктен кешіктірмей төлеуге тиіс. Төленбеген жағдайда осы Кодекстің 894-бабына сәйкес айыппұл салу туралы қаулыны мәжбүрлі түрде орындату мақсатында сот орындаушыларына жолданады.Іс-шара барысында Қызылорда облысы Полиция департаментінің Жергілікті полиция және Әкімшлік полиция басқармасының қызметкерлері сот орындаушылармен бірлесіп борышкерлерді анықтау мақсатында рейдтік іс-шаралар ұйымдастыруда.&nbsp;Айыппұлдарын төлемей жүрген азаматтарға қатысты мәжбүрлеу шаралары қолданылуда. Сот орындаушыларына түскен әкімшілік істер бойынша бүгін де біршама шектеу жұмыстары жүргізіледі, яғни шет елдерге шығуға шектеу қою, жеке шоттарына, мүліктеріне шектеу қою сияқты. Бұл жұмыстар әрі қарай да жалғасын табады.&nbsp;<blockquote>«Тұрғындардың назарына: Айыппұлдарыңыз бойынша қосымша мәліметтерді Қызылорда облысы Полиция департаментінің Әкімшілік полиция басқармасының Әкімшілік практика бөлімінен, мекен жайы Қызылорда қаласы, Назарбаев даңғылы №22 ғимаратына келіп біле аласыздар», - делінген ақпаратта.</blockquote>

Қызылордада «Борышкер» іс-шарасы басталды

<a href="https://kyzylorda-news.kz/">Kyzylorda-news.kz.</a> Жалпы елімізде оқыстан келетін апаттар мен төтенше жағдайлар аз емес. Соның ішінде адам қолымен жасалатын террорлық әрекеттер мен табиғи тосын жайлар жиі орын алуда. Бұл жөнінде ақпараттық байланыс құралдарынан жиі естіп, көріп жүрміз. Дегенмен осының алдын алып, онымен айналысуда облыс, аудандарда бөлімдер ашылуда. Соның бірі – аудан әкімі аппаратының терроризм профилактикасы, жұмылдыру дайындығы, азаматтық және аумақтық қорғаныс жұмыстары бөлімі. Атаулы сала жөнінде толық ақпарат алу үшін Қрмақшы ауданындағы бөлім басшысы Дәуіржан Бисембаевпен сұқбаттасқан едік.– Дәуіржан Шыназбекұлы, сіз басқарып отырған бөлімнің құрылғанына көп болмаса да аудан көлемінде аз жұмыстар атқарған жоқ. Әңгімеңізді осы бөлімнің жұмысы жайында бастасаңыз?– Аудан әкімі аппаратының терроризм профилактикасы, жұмылдыру дайындығы, азаматтық және аумақтық қорғаныс жұмыстары бөлімі облыс әкімінің тапсырмасына сәйкес 2016 жылы ашылды. Бөлім барлық ауданда құрылған. Атаулы бөлім ауданда терроризмге қарсы жұмыстарды, төтенше жағдайлардың алдын алу, азаматтардың мерзімді әскери қызметке шақыру жұмыстарын, жұмылдыру дайындығын ұйымдастырып, аумақтық қорғаныс мәселелерін аудан бойынша үйлестіреді. Сонымен қатар олардың орындалуын және дұрыс жүруін қамтамасыз етеді. Мәселен, терроризм бойынша аудан әкімдігі жанындағы терроризмге қарсы комиссия жұмыс істейді. Оны ұйымдастырушы, жұмысшы органы мына біздер. Дәл сондай төтенше жағдайлардың алдын алу және оларды жою жөнінде де комиссия бар. Оның да жұмысын аудандық төтенше жағдайлар бөлімімен бірлесіп үйлестіреміз. Күн тәртібіне мәселелер енгізіп мекеме басшыларына, кент, ауылдық округ әкімдеріне тиісті тапсырмалар беріп, оның орындалуын қадағалаймыз.– Қазір жер-жерде лаңкестік көріністегі жағдайлар жиі орын алуда. Бұл жағынан қаншалықты дайынсыздар? Терроризмнің алдын алу және азаматтарды мерзімді әскери қызметке шақыру жұмыстары жөнінде толықтырып өтсеңіз?– Ауданда терроризмге қарсы жедел штаб жұмыс істейді. Оның жетекшісі – ҚР Ұлттық Қауіпсіздік Комитетінің аудандағы бөлімінің бастығы. Жедел штабтың құрамында 18 топ болса, соның ішінде жергілікті атқарушы органнан 2 топта қарастырылғанбыз. Біріншісі – материалдық техникалық және тылдық қамтамасыз ету тобы. Яғни жедел штабтың жұмысына көмектесу, қажетті құрал-жабдықтармен қамтамасыз ету, террорлық акті орын алған кезде оған қатыстырылған барлық күштік құрылымдардың тамақтануы, жатын орны, оларды тасымалдау, эвакуациялау, тағы басқасы осы топқа жүктелген. Екінші – бұқаралық ақпарат құралдарымен өзара іс-қимыл тобы. Оған аудандық ішкі саясат бөлімі жауапты. Одан бөлек күн тәртібіндегі жоспарға сәйкес тиісті мекемелермен жұмыс істеп, терроризм, діни экстремизмнің алдын алу бойынша профилактикалық іс-шаралар өткізіп отырамыз. Енді көктемгі және күзгі мерзімді әскерге шақыру жұмыстарына келетін болсақ, оны да ұйымдастыру бізге жүктелген. Мұнда да аудандағы қорғаныс істер жөніндегі бөлімімен бірлесіп жұмыс істейміз. Яғни азаматтардың шақыру пунктіне келуін, медициналық комиссиядан өтуін, олардың облысқа жеткізілуін, жалпы жоғары жақтан берілген тапсырыстың аудан көлемінде орындалуын қамтамасыз етеміз.– Төтенше жағдай бойынша жұмыстарыңызға ойыссақ. Жалпы біздің аудан Сырдария өзеніне жақын орналасқан. Қыс келіп мұз жүрді дегенше су тасу қаупі елді алаңға салады. Біз бұл жағынан қаншалықты қауіпті аймақтың қатарындамыз?– Орынды сұрақ. Төтенше жағдай бойынша аудан су тасқынына икемделген аймақпыз. Өйткені сіз айтқандай аудан дәл дарияның сағасында орналасқан. Соның ішінде бес елді мекен қауіпті аймақ болып есептелінеді. Олар Жосалы кенті, Иіркөл, Жаңажол, Қармақшы ауылы және Қызылтам елді мекені. Қауіпті аймақты қорғауға 69,7 шақырым қорғаныс бөгеттері салынған. Жыл сайын тиісті мекемелермен бірлесіп, бөгеттердің жағдайын тексеріп отырамыз. Ақау немесе қосымша қорғаныс бөгет қажет ететін жерлер болған жағдайда тиісті актісін жасап, облыстық бюджеттен қорғаныс бөгетін салуға немесе оны жөндеуге жұмыстар ұйымдастырамыз. Мәселен, ауылдардың ішінде су тасқыны бойынша қауіптісі Дүр Оңғар ауылы. Өйткені ауыл Сырдария өзенінен төмен орналасқан. Бөгеттерді су жырған жағдайда су басу қауіптілігі жоғары. Аудан әкімдігінің ұсынысымен былтыр Дүр Оңғар ауылының тұсындағы Игенбай қашы деп аталатын жердің қорғаныс бөгеті облыстық бюджет арқылы нығайтылды. Былтыр сол ауылдың тағы бір бөгетін нығайтуға ұсыныс бердік. Егер облыстық бюджеттен қолдау тапса жұмыстар атқарылатын болады. Одан бөлек қауіпті аймақ болып есептелетін елді мекеннің барлығын әкімдер арқылы инерттік материалдармен жабдықтатып қойдық. Инерттік материал деп отырғанымыз – қада, қамыс, сабан, пресс, сым және қап. Жылда оқу-жаттығу аясында солардың бар-жоғы, дайындығы тексеріліп отырылады. Республикалық оқу-жаттығу жылына бір рет өткізіледі. Қарашада қысқа дайындық барысы мен көктемгі су тасуға байланысты техникалық құралдардың әзірлігі пысықталады.– Уақыт бөліп сұқбаттасқаныңызға рақмет.

Қазақстан және Қызылорда облысының жаңалықтары