<a href="https://kyzylorda-news.kz/ru">Kyzylorda-news.kz.</a> Қалаға таяу тұрған аудан орталығы – Тереңөзек кентіндеміз. Жерден несібе теруге ұмтылған бұл аудан тұрғындарының арасында төрт түлік өсіріп, атакәсіпті жандандырғандар жоқ емес. Басты дақыл – күріш өсіруде алдыңғы сапта тұрған ауданда облыстағы ірі серіктестіктер шоғырланған.&nbsp;Былтыр берекеге толы табысты жыл болды. Барлық сала бойынша дамудың оң динамикасы қалыптасып, нәтижелі жұмыс атқарылды.&nbsp; Әсіресе, ауыл шаруашылығы бойынша «Ең үздік аудан» атанып, күріш пен бақша өнімін өндіруде алға шықты.Аудан бюджеті артудаБылтыр аудандық бюджет 13 млрд теңгені құраған еді. Ал биыл алты айдағы қаржысы 10,7 млрд теңгеге жеткен. Былтырғы бюджеттің 73 пайызы білім саласына бағытталса, биылғы қаржының 23,5 пайызы әлеуметтік сала мен тұрғын үй және коммуналдық шаруашылық, көлік және коммуникацияны дамытуға бөлінген.Аудан экономикасына тікелей ықпал ететін өнеркәсіп саласында оң динамика бар. Өнеркәсіп өндірісі 6,1 есеге ұлғайса, ауыл, орман және балық шаруашылығының жалпы өнім көлемі 1,5 пайызға өсіпті. Инвестиция 2,2, құрылыс жұмыстарының көлемі 3,1 есеге, тұрғын үй тұрғызу 36,9 пайызға артқан.Баптай білсең,&nbsp;жер жомартБылтыр облыста ауыл шаруашылығы саласы бойынша үздік атанып, көш бастаған Сырдария ауданы биыл 35692 гектар жерге егін екті. Басты дақыл күріш – 23500 гектар. Сондай-ақ қалған 12192 гектарға жаздық бидай, жүгері, жоңышқа мен мақсары, картоп, көкөніс, бақша дақылдары егілген. Бұларға әдеттегідей шаруашылық құрылымдарындағы ақ егісті де қосамыз. Қазір ауданда Сыр салысы толық себіліп, суға бастырылған.Өткен жылы барлық ауданда да су тапшылығы шаруаларға қиындық туғызды. Осыған байланысты ауқымды жұмыс атқарылуда. Былтыр Сырдария ауданында бюджеттен 198 млн теңге бөлініп, алты каналдың 56 шақырымнан астамы тазартылған еді. Қосымша 19 су насосы алынды. Соның нәтижесі болар,&nbsp; диқандар жоғары өнім жинады.Биыл да бұл жұмыстар тоқтаған жоқ. Екі каналды тазартуға және 4 су насосын алуға облыстық бюджеттен қаржы бөлінген. Қазір Тереңөзек кентіне екі электрлі, А.Тоқмағанбетов ауылдық округіне екі дизельді насос қондырғысы жеткізілді.Осыдан төрт жыл бұрын Сырдариядағы аудандық жастар ресурстық орталығының бастамасымен жастардың еңбек бригадалары құрылып, өз жұмыстарын бастағанын естігенбіз. Қазір аудан әкімдігінің қолдауымен Шіркейлі, Айдарлы, А.Тоқмағанбетов, Аманкелді, Бесарық, Жетікөл және Қоғалыкөл елді мекендерінде құрылған талаптылар қатарында жұмыссыз, NЕЕТ санатындағы және пробация есебінде тұратындар еңбек етіп жүр.Тұрғындар әлеуметтік маңызы бар картоп, көкөніс, бақша өнімдерімен өзін-өзі қамтамасыз ету үшін былтыр аудан басшылығы 210 гектар қосымша жер ашып берсе, биыл оған 105 гектар қосылып, барлығы 315 гектар жерге бақша егу жоспарланған еді. Қазір 359 гектар жер дайындалып, Тереңөзек кенті мен ауылдық округтер бойынша 1100-ден астам адам егін егуде.Жалпы ауданда әлеуметтік маңызы бар азық-түлік бағасын тұрақтандыру мақсатында жәрмеңке жиі ұйымдастырылып тұрады. Бағасы да базардан 10-15 пайыз төмен. Сондай-ақ биыл «Байқоңыр» әлеуметтік кәсіпкерлік корпорациясы арқылы Тереңөзек кентінде екі әлеуметтік дүкен ашылған.Шағын кәсіпкерлік ширап келедіСырдарияда 3378 шағын және орта кәсіпкерлік субъектісі&nbsp; тіркелген болса, оның ішінде жұмыс істеп тұрғаны – 3247, яғни, 96,1 пайызды құрайды. Жыл басынан бері осы салада мемлекеттік және өңірлік бағдарламалар арқылы құны 1,2 млрд теңгені құрайтын 133 жобаға қаржылай қолдау көрсетілген, 36 адам қайтарымсыз грант ұтыпты. Сондай-ақ «ҚазАгроҚаржы» АҚ Қызылорда филиалы арқылы 520,5 млн теңгеге 15 ауылшаруашылық техникасы және құрал-жабдықтар алынған.Айта кету керек, бағдарламалар қатарында «Микробизнес-Қызылорда», «Кең дала», «Агробизнес», «Іскер» және «2021-2025 жылдарға арналған кәсіпкерлікті дамыту жөніндегі ұлттық жоба» бар.Ал жыл соңына дейін құны 1,9 млрд теңгені құрайтын 10 инвестициялық жобаны жүзеге асыру бойынша жұмыс басталды. Жеңілдетілген несие алу үшін 2,7 млрд теңге болатын 395 жобаның құжаттары қаржы ұйымдарының қарауына ұсынылған.Мемлекет басшысы Қасым-Жомарт Тоқаевтың тапсырмасына сәйкес ауылдық жерлердегі халық табысын арттыру үшін «Ауыл аманаты» бағдарламасы іске қосылған еді. Аталған бағдарлама бойынша ақпараттандыру жұмыстары жүйелі жүргізіліп, құны 2,3 млрд теңгені құрайтын 346 жоба дайындалыпты.Инфрақұрылымның игілігіСырдарияда құрылыс және коммуналдық сала бойынша қарқынды жұмыс бар. Биыл мұнда 7,3 млрд теңгеге 58 жоба жүзеге асырылатын болады. Негізгі жұмыстарға тоқталсақ.Халықтың әлеуметтік жағынан осал топтарына 80 тұрғын үй сатып алу жоспарланса, қазір 50 тұрғын үйге 480 млн теңге бөлініп отыр.бірінші кезекте халыққа қажетті құрылыстарға басымдық беру керек. Мұнда 34 жобаға 1 млрд теңге бөлініп, 27,6 шақырым жолға асфальт жабындылары төселіп жатыр. Нақтырақ айтсақ, «Ауыл – ел бесігі» жобасы арқылы 488,7 млн теңгеге 12, облыстық бюджеттен 335,2 млн теңгеге 19 және келер жылға өтпелі 206,1 млн теңгеге 3 жобаның жұмысы басталған.Жол салу ісіндегі ерекше жаңалықтың бірі – Айдарлы, Жетікөл, Аманкелді ауылдарын қосатын «Қызылорда-Айдарлы-Тартоғай» автожолы 1,4 млрд теңгеге, «Шымкент-Самара-Тереңөзек» трассасы 687 млн теңгеге жөнделуде.Ауданда ауызсу, электрмен қамту, газға қатысты жобаларға басымдық берілген. Атап айтсақ, республикалық және облыстық бюджет есебінен берілген 1,6 млрд теңге қаржыға Айдарлы, Аманкелді, Жетікөл, Қоғалыкөл елді мекендерінің электр бағаналары мен желілері және электр тоғын тарату трансформаторлары түгелдей ауыстырылады. Демеушілер есебінен Қалжан ахун, Шаған елді мекендерін электрмен жабдықтауға жоба-сметалық құжат әзірленіп, тиісті басқармаға өтінім ұсынылып, қазір Шаған ауылына облыстық бюджеттен 150 млн теңге бөлінген. Ал А.Тоқмағанбетов, С.Сейфуллин елді мекені мен Тереңөзек кентін электрмен жабдықтауға жоба-сметалық құжаттары әзірленіп жатыр.Биыл Шаған және Қоғалыкөл ауылының ауызсу құбырларын жаңартуға 246 млн теңге қаржы бөлініпті. Сондай-ақ 725,5 млн теңгеге 4 елді мекеннің 22 көшесіндегі ауызсу құбыры құрылысына жоба-сметалық құжат әзірленіп, тиісті басқармаға бюджеттік өтінім берілген.Маңызды жұмыстың бірі – газдандыру. Бүгінде Тереңөзек кенті «көгілдір отынмен» толық қамтылса, ауылдық округтерде бұл жұмыс кезең-кезеңімен жүргізілмек. Қалжан ахун, С.Сейфуллин, А.Тоқмағанбетов және Шаған ауылдарын газдандыруға 2023-2025 жылдарға республикалық бюджеттен қаржыландыруға 3,9 млрд теңгеге бюджеттік өтінім ұсынылған. Биыл Қалжан ахун ауылына газ тарту үшін республикалық бюджеттен 298 млн теңге қаржы бөлініпті. Ал С.Сейфуллин және А.Тоқмағанбетов ауылында осы жобаны бастауға облыстық бюджеттен 40 млн теңге қаралыпты. Сондай-ақ,&nbsp; Н.Ілиясов, Ақжарма елді мекенін «көгілдір отынмен» қамту үшін демеушілер есебінен жоба-сметалық құжаттары әзірленіп, сараптамадан өтті.Халыққа қажеті – сапалы қызметМемлекет болашағы балаларға берілген сапалы біліммен байланысты. Сырдария ауданында 53 білім беру ұйымы жұмыс істесе, оның ішінде жаратылыстану-математикалық бағытта 5 инновациялық мектеп-лицей бар. Аз қамтылған отбасылардың, 1-4 сыныптың оқушыларына бір мезгіл ыстық тамақ беріледі.Ауданда 110 төсектік аурухана, ауысымына 250 адам қабылдайтын емхана, 10 дәрігерлік амбулатория, 2 фельдшерлік-акушерлік және бір медициналық бекет халыққа қызмет көрсетеді. Биыл облыстық бюджеттен 182 млн теңгеден астам қаржы бөлініп, Іңкәрдария, А.Тоқмағанбетов пен Қалжан ахун ауылындағы фельдшерлік-акушерлік бекет күрделі жөндеуден өтуде. Сонымен қатар, республикалық бюджеттен 405 млн теңгеге Н.Ілиясов&nbsp; ауылында амбулатория құрылысы жүргізілмек.Сырдарияда кейінгі жылдары спортты дамытуға ерекше көңіл бөлініп келеді. 134 спорттық нысан, 541 секция жұмыс істеп, халықтың 38 пайызы жүйелі түрде спортпен айналысады. Өңірдегі спорт инфрақұрылымын дамыту бойынша Тереңөзек кентіндегі спорт клубы күрделі жөндеуден өтіп жатыр. Бұған облыстық қазынадан 88 млн теңге қаралған. Ал көпшілікке белгілі Бесарық ауылындағы спорт кешенінің құрылысы қыркүйек айында аяқталмақ. Сондай-ақ спорттан бөлек, ауданның мәдениет саласында тиісті шаралар атқарылып келеді. Жалпы ауданда халыққа қызмет көрсететін 16 клуб, 17 кітапхана және 1 мәдени-демалыс кешені мен автоклуб бар.&nbsp;

Сырдария: Бірқатар жобалар жүзеге асуда

<a href="https://kyzylorda-news.kz/">Kyzylorda-news.kz.</a> Қызылорда облыстық перинаталдық орталығы мамандары облыстық қан орталығымен бірге «Донор күні» акциясын өткізді.Іс-шара барысында медицина қызметкерлері донор болып, қан тапсырды. Статистикаға сүйенсек, әрбір үшінші адам өмірінде кем дегенде бір рет донорлық қанға мұқтаж деп айтуға болады.Елімізде жыл сайын екі жүз мыңнан астам қазақстандық донор болып жүр, олар бір жылда үш жүз алпыс мың рет қан тапсырады. Басты қойылатын талаптар дене салмағы 50 келіден басталуы керек. Қыздар мен әйелдер үшін циклі аяқталғаннан кейін кем дегенде 5 күн өтуі тиіс. Жүктілік уақытша медициналық босату болып табылады, бала емізушілер де 1 жылға дейін қан өткізе алмайды.&nbsp;Мына көрсеткіштері бар тұлғалар донор бола алмайды: АИТВ-инфекциясы, В және С вирустық гепатиттері, паразитарлық аурулар, жыныстық жолмен берілетін инфекциялар, туберкулез, гормоналды аурулар, жүрек-қан тамырлары аурулары, қатерлі ісік аурулары, органдарын алып тастау, мүгедектік және тағы басқалары.Донорлық қан ауыр оталар, онкологиялық аурулар, қан аурулары, жол көлік апаттары мен төтенше жағдай кезінде жарақат алған науқастардың өмірін сақтауға мүмкіндік береді.

«Донор бол – өмір сыйла» акциясы өтті

<a href="https://kyzylorda-news.kz/">Kyzylorda-news.kz.</a> Бүгін Достық үйінің мәжіліс залында Астананың 25 жылдығына орай «Еңсесі биік – Елорда» тақырыбындағы Қызылорда облыстық ҚХА жанындағы Ғылыми-сарапшылық топтың ұйымдастыруымен дөңгелек үстел өтті. Оған Ғылыми-сарапшылық топтың мүшелері мен «Қоғамдық келісім» КММ қызметкерлері қатысты.Шара модераторы «Қоғамдық келісім» КММ директоры Бақытжан Камалов шараға қатысушыларды мерейлі мерекемен құттықтады.<blockquote>«Елорда – Қазақстанның жаңа тарихы жасалған қала. Жиырма бес жасқа қадам басқан қала тәуелсіздікпен бірге дамуға бағыт алып, батыл қадамдарымен мақсатқа ұмтылудан жалыққан емес. Егемен елімізді ертеңге жетелеген бас қаламыз – бірлік пен берекенің тоғысқан мекені, игіліктің бастау бұлағы іспетті», – деді.</blockquote>Спикерлер «Қоғамдық келісім» КММ директоры Бақытжан Камалов ғылыми-сарапшылық тобының мүшесі, Қорқыт Ата атындағы ҚУ-нің «Құқықтану» кафедрасының доценті, заң ғылымдарының кандидаты Мадина Жүсіпбекова қазақстандық қоғамдағы оңтайлы өзгерістер, тиімді реформалар жөнінде, ғылыми-сарапшылық тобының мүшесі, Қорқыт Ата атындағы ҚУ-нің «Құқықтану» кафедрасының аға оқытушысы, заң ғылымдарының магистрі Қуаныш Жарекеев қазақ елінің ұлт тарихындағы астаналардың қалыптасуы, орналасуы және себептері жөнінде әңгіме қозғады. Ал «Қоғамдық келісім» КММ директорының орынбасары, философия докторы (PHD) Дәулет Омаров Астана – ең алдымен, шексіз мүмкіндіктер мекені және асқақ армандар мен биік мақсаттардың алтын кілті екендігін алға тартты.Пікір алмасудан соң «Қоғамдық келісім» КММ директоры Бақытжан Камалов шараны қорытындылай келе, соңғы он жылдың ішінде әлемге танылған Астана Қазақстанды да әлемге әйгілі етті. Сарыарқа төсінен бой көтерген Астана бүгінде еліміздің мақтанышына, даламыздың көркіне айналып отыр. Қазіргі кезде Астана біздің келешегімізге қатысты маңызды шешімдер қабылдайтын мемлекетіміздің саяси орталығы ғана емес, ұлттық рухымызды ұйытып отырған рухани ордамызға да айналып отыр деп, барша отырысқа қатысқандарға алғысын білдірді.

«Еңсесі биік – Елорда» тақырыбындағы дөңгелек үстел өтті

<a href="https://kyzylorda-news.kz/">Kyzylorda-news.kz.</a> Қазірде ағзаға тиер залал көп. "Бірінші байлық – денсаулық" дегендей, әрбірімізге саналы, жарқын өмір сүру үшін ең алдымен деннің саулығы қажет.&nbsp;"Тірі адам түбінде бір ауырмай тұрмайды" деп данышпан Баласағұнидің айтқанындай, әрбір жан белгілі бір ауруларды бастан өткеретіні анық. Бірақ медицина саласының қызметкерлері сондай дерттердің шарықтауына жол бермей, әрдайым кез келген аурудың ауыздықтау мақсатында білімдерін толықтырып, оған төтеп беруге даяр тұрады. Жаңашылдықпен түрлі жағдайларға әзір Қазалы теміржол ауруханасы халыққа бір ғасырдан аса уақыттан бері қалтқысыз қызмет етіп келеді. Ұжым құрамының ізденімпаздығы мен жылы қарым-қатынасының арқасында қаншама науқастың бетін бері қаратып, олардың алғысына бөленуде. Дегенмен бүгінгідей алмағайып уақытта ауру басқа кейіпте түрленіп, ағзаға нұқсан келтіруде. Осындайда оның алдын алу бағытында аурухана басшылығы заманауи жабдықтарға тапсырыс беру жағдайдың жылдам шешілуіне жол ашады. Өйтпесе жанға батқан дертті дөп басып диагноз қою қиынның-қиыны. Сондықтан Қазалы теміржол ауруханасы ақхалаттылардың ісі іркіліссіз жүруіне және медициналық зерттеу барысында септігін тигізетін бірқатар су жаңа құрылғымен жабдықталып, зерттеу орталығы ашылды.&nbsp;Атап айтқанда, былтыр халықтың көптен күткен ПТР зертханасы іске қосылды. Бұл тұрғындардың жағдайын жақсартып, уақытын үнемдеу аясында жүзеге асырылды. Бұдан бөлек құны 120 миллион теңгені құрайтын "Эксперт класс УДТ 3,4Д" аппаратына қол жеткізілді. Ал жансақтау бөліміне жаңа үлгідегі жасанды өкпе аппараты алынды.&nbsp;<blockquote>“Ауруханадағы тыныс-тіршілік, оның ішінде жансақтау бөліміндегі қызмет қауырт әрі зор жауапкершілікті қажет етеді. Организмнің тіршілік етуінде маңызды органдар қызметінің бұзылуын не тоқтауын қалпына келтіретін аядай жерде ең ауыр жағдайдағы науқастарға интенсивті көмек беріледі. Сондықтан да біздің бөлім толықтай қажетті жабдықтармен кезең кезеңімен жабдықталған. Соның ішінде жасанды желдету аппараты науқас өздігінен дем ала алмағанда өкпені қалыпқа келтіріп, оттегімен қамтиды. Бұдан бөлек 3 ИВЛ, 6 монитор – қан қысымы мен тамыр соғысын автоматты түрде өлшейді, дозатор – дәрі-дәрмекті дәл өлшеммен енгізетін аппараттар бар. Тәулік бойы қарбаласқа толы бөлімде 15 адам тікесінен тік тұрып қызмет етеді”, – дейді бөлім меңгерушісі Жасұлан Қуанышбаев.</blockquote>Өткен жылы Қазалы теміржол ауруханасының білікті басшысы Құбыл Ршымбетов халықтың мұң-мұқтажын жеңілдету жолдарын қарастырып, арнайы "Полимеразды тізбекті реакция" зертханасын ашты. Қазір қазалылықтар оның игілігін көруде. Мәселен, бес айға жуық уақытта 4 мыңдай халыққа қызмет көрсетіліп үлгерген.&nbsp;Бүгінде мұнда жұмыс іркіліссіз жүруде. Күніге 25-30 адамның анализі қабылданады. Соңғы үлгідегі заманауи құрылғының құлағында шебер жұмыс істейтін маман зертханашы, дәрігер Гаухар Өмірзақ, зертханашы Ләззат Мұратбай, дезинфектор Бекарыс аманқос "COVID-19" инфекциясының ағзада бар-жоғын анықтайды.&nbsp;Тағы бір жағымды істің бірі – аудан әйелдерінің облыс орталығына барып жүгінетін "Эксперт класс УДТ 3,4Д" құрылғысы әкелінді. Бұл күні мамандар арнайы әзірленіп, қызметтеріне кірісіп кетті. Осы жабдықты түп-тұқиянына дейін меңгеруі үшін біліктіліктерін арттырып, алғашқы кеңестерін халыққа ұсынуда. "Voluson E10" маркалы аппараты Австрияда жасалған. Көбінесе жүкті әйелдерге арналған. Дегенмен басқа да ағзадағы дене мүшелерін бақылауға болады. Ерекшелігі іштегі өзгерістерді, мәселен, бауыр мен бүйректегі ақауларды анық көрсетеді. Осы сынды УЗИ құрылғысы облыста санаулы. Ал аудан бойынша алғашқы болып Қазалы теміржол емханасы жеке кабинетті жабдықтап қондырды. Соңғы уақыттары жас келіншектердің жүктілігі ауыр өтетіндіктен, іштегі сәбидің кедергісіз дамуын "Voluson E10" маркалы жабдығымен бақылайды.&nbsp;Қазалы теміржол ауруханасы алдағы уақытта қан тамыр ауруларының көбеюіне байланысты ота жасауды жеңілдететін және науқасты аман алып қалу мақсатында "Ангиограф" аппаратын алуды көздеп отыр. Бұл ендігі жерде ағзаның бір бөлігі салданып қалғанда осы құрылғының көмегімен қалпына келуіне септесеріне сенім мол.

Жаңашылдыққа құмартқан аурухана

<a href="https://kyzylorda-news.kz/">Kyzylorda-news.kz.</a> ҚР Парламенті Сенатының депутаты Руслан Рүстемов, ҚР Парламенті Мәжілісінің депутаттары, партия фракциясының мүшелері Мархабат Жайымбетов пен Мұрат Ергешбаев «AMANAT» партиясының депутаттары мен аудандық қоғамдық кеңестің өкілдерімен кездесті. Кездесуді Жалағаш аудандық мәслихат төрағасы Өмірзақ Елеусінов жүргізіп отырды.Іс-сапардың мақсаты – халықпен кездесіп ұсыныс пікірлер жинақтау, партияның сайлауалды бағдарламасы аясында жүзеге асып жатқан әлеуметтік нысандардың құрылыс жұмыстарына мониторинг жұмыстары және Парламент қабырғасында талқыланып жатқан заң жобалары туралы ақпараттармен бөлісу.Парламент қабырғасында талқыланып жатқан заң жобалары мен сайлауалды бағдарламаның орындалуы бойынша Қазақстан Республикасы Парламенті Мәжілісінің депутаты Мархабат Жайымбетов атап өтті.«Фракция 13 заң жобасына бастамашылық етті. 445 заңға түзету енгізілді. 115 депутаттық сауал жолданды. Бұл өткен шақырылымнан 2 есе көп. Сонымен қатар, партиялық бақылау арқылы 54 резонанстық мәселенің шешілуіне ықпал жасалды», – деді Мархабат Жайымбетов.Өз кезегінде сөз алған «AMANAT» партиясының фракциясының мүшесі Мұраи Ергешбаев «Жер аманаты», «Ауыл аманаты», Қарызсыз қоғам» және «Құқықтық көмек» партиялық жобалары аясында атқарылған жұмыстарға тоқталып өтті.

«Аmanat» партиясы атынан сайланған депутаттардың кездесуі жалғасын тапты

<a href="https://kyzylorda-news.kz/">Kyzylorda-news.kz.</a> Қызылорда қаласы мен жеті ауданның мәслихаты бөлшек салықтың арнаулы режимін қолдана алатын қызмет түрлері үшін бөлшек салық мөлшерлемесін 4%-дан 2%-ға дейін төмендету туралы шешім қабылдады. Жергілікті өкілдік органға Қызылорда облысының кәсіпкерлер палатасы ұсыныспен шықты. Палатаға сауда саласының 57, қызмет көрсету саласының 16, барлығы 73 кәсіпкер салық мөлшерін төмендетуді сұрап, өтініш білдірген болатын. Бұл кәсіпкерлерге не береді? Жалпы бөлшек салықтың арнаулы салық режимін мына шарттарға сәйкес келген салық төлеушілер қолдануға құқылы: - салық кезеңінде қызметкерлердің орташа тізімдік саны 200 адамнан аспайды; - &nbsp;күнтізбелік жылдағы табысы 600 000 айлық есептік көрсеткіштен аспайды (2023 жылы – шамамен 2 млрд теңгені құрайды); - &nbsp;осы режимді қолдану үшін Қазақстан Республикасының Үкіметі айқындаған қызмет түрлерінің біреуін немесе бірнешеуін ғана жүзеге асырады. Бөлшек салық мөлшерлемесі 4%, яғни кәсіпкерлер салықтық кезеңде алынған кірістерінің осынша мөлшерін бюджетке төлеуі керек. Бұл режимге 190 қызмет түрі енгізілді. Бөлшек салық мөлшерлемесін төмендету мәселесі Палата жанындағы Сауда, қызмет көрсету және туризм кеңесінің бірнеше отырысында талқыланды.Маусымда облыс әкімінің бірінші орынбасарының төрағалығымен кәсіпкерлік саласында туындаған мәселелерді қарау жөніндегі жұмыс тобының кезекті отырысында қаралды. Бұл шараларда облыстағы қоғамдық тамақтану және қызмет саласы қауымдастығының төрайымы Ақмарал Әбдіразақов азық-түлік пен коммуналдық қызметтердің бағасының күрт және үнемі өсуінің қоғамдық тамақтандыру орындарының жұмысына теріс әсерін тигізіп жатқанын алға тартты. Сонымен бірге аймақтағы туризм қауымдастығының төрайымы Сәуле Булегенова &nbsp;қонақ үйлер сапалы қызмет ұсыну үшін ғимарат жағдайын үнемі жаңартатынын, қызметкерлердің жалақы қорын да ескеруі қажет екенін айтып, салық ауыртпалығын жеңілдетуді сұрады. Бөлшек салық мөлшерлемесін 4%-дан 2%-ға дейін төмендету жөніндегі шешімді жергілікті мәслихаттар қабылдай алады. Осы жағдайды басшылыққа алған Кәсіпкерлер палатасы облыстық мәслихатқа ұсыныспен шықты. Нәтижесінде маусымда аудандар мен Қызылорда қаласының мәслихат депутаттары бөлшек салық мөлшерлемесін 2%-ға дейін төмендету туралы шешім қабылдады.<blockquote>«Арал ауданында 6654 кәсіпкер тіркелген. Бөлшек салық мөлшерін 3 мыңнан астам кәсіпкердің пайдалануына болады. Бұл кәсіпкерлер үшін өте жақсы мүмкіндік», – дейді Кәсіпкерлер палатасының Арал ауданындағы филиалының директоры Нұрсәуле Ембергенова.</blockquote>Қызылорда облысы кәсіпкерлер палатасында осы мәселемен айналысқан сарапшы Назым Мұрсал аудандардағы кәсіпкерлердің басым бөлігі кіші кәсіпкерлер болғандықтан жеңілдікті қолданатындардың аясы кең болатынын атап өтті.<blockquote>«Облыста 190 қызмет түрін алатын заңды тұлғалардың өзі 3 мыңға жуық екен. Ал жеке кәсіпкерлердің саны бұдан да көп. Бұл жеңілдікті дара кәсіпкерлік субъектілерінің 45 пайызы қолдана алады.Сауда саласын негізінен кіші кәсіпкерлер құрайды. Олардың басым бөлігі ғимараттарды жалға алады. Палатаға жазған өтініштерінде кәсіпкерлер алып-сатудан түсетін табысы күнделікті күнкөрістен аспайтынын айтқан. Салық ауыртпалығын төмендету туралы шешім кәсіпкерлерге жақсы қолдау», – дейді Палата сарапшысы Назым Мұрсал.</blockquote>Айта кетейік, бөлшек салық мөлшерін төмендету туралы бастаманы «Атамекен» Ұлттық кәсіпкерлер палатасы көтерді. Нәтижесінде барлық өңірде мәслихаттар бұл мәселені қарап жатыр. &nbsp;

Қызылорда облысында бөлшек салық мөлшері 50 пайызға төмендетілді

<a href="https://kyzylorda-news.kz/">Kyzylorda-news.kz.</a> Тар бейінді дәрігерлердің консультациялары, КТ/МРТ, рентген және диагностиканың басқа да түрлерінің қызметтері сақтандырылған азаматтарға МӘМС жүйесінде емдеуші дәрігердің жолдамасы бойынша көрсетіледі. Олар үшін қосымша ақы талап етілмеуі керек. Егер емхана осы қызметтерді өзі ұсына алмаса, онда оны орындау шарты бойынша пациентке басқа клиникада қабылдауды қамтамасыз етуі қажет.Әлеуметтік медициналық сақтандыру қорының Қызылорда облысы бойынша филиалының директоры Бақыт Исмаханбетов консультациялық-диагностикалық қызметтерді (бұдан әрі – КДҚ) алу мүмкіндіктері туралы толығырақ айтып берді.КДҚ-ны қалай алуға болады?Науқасқа кез келген консультациялық-диагностикалық қызметті емдеуші дәрігер тағайындайды. Ол науқастың жағдайын, шағымдарын, аурудың белгілерін зерттейді. Тиісті көрсетілімдер болған кезде дәрігер КТ, МРТ немесе басқа да зерттеулер жүргізуге жолдама жазады. Қызметті жоспарлы түрде алу үшін пациент «Сақтандырылған» мәртебесіне ие болуы тиіс, өйткені емхана деңгейінде бұл қызметтер МӘМС шеңберінде көрсетіледі.Егер КДҚ-ны көрсетуден бас тартылса…ТМККК шеңберінде және МӘМС жүйесінде қызмет көрсететін медициналық ұйым Әлеуметтік медициналық сақтандыру қорымен тиісті шарт жасасады және пациенттерге осы қызметтерді ұсыну бойынша міндеттемені орындауға тиіс.<blockquote>«Біз азаматтардан емхана көрсетілімдер болған кезде, оны өткізу мүмкіндігінің жоқтығына сілтеме жасай отырып, консультациялық-диагностикалық қызметке жіберуден бас тартады деген өтініштерді жиі аламыз. Алайда, мұндай жағдайда өнім беруші Қор дерекқорында (сілтемесі - https://fms.kz/kz/useful-to-know/vybrat-kliniku/) тұратын медициналық ұйымдар қатарынан бірлесіп орындаушыны тартуға міндетті. Егер бірлесіп орындау шарты ешкіммен жасалмаса, онда пациентті осы қызмет түрі бойынша Қордың өнім берушілерінің біріне жіберуге тиіс, шарт бағыт бойынша қызмет көрсету қорытындылары бойынша автоматты түрде жасалады», – деп атап өтті ӘМСҚ облыстық филиалының директоры Бақыт Исмаханбетов.</blockquote>Алайда пациент емханаға бармай, КДҚ-ны ақылы негізде алу үшін тікелей жіберілетін басқа да жағдайлар бар. «Кейде біз әлеуметтік желілерде науқасқа жолдама берілмегені және олар ақылы түрде қызмет алғаны, мысалы, КТ туралы шағымдарды көреміз. Мұндай жағдайларда науқастың құқығын қорғаушы ретінде Қор іске қосылады. Алайда, нәтижесінде науқас тіпті өз емханасына жүгінбеген, бірақ дереу басқа жерде ақылы тексеруден өтуге шешім қабылдаған болып шығады. Біз азаматтарды ТМККК шеңберінде және МӘМС жүйесінде медициналық қызметтерді пайдалануға шақырамыз. Егер мәселелер туындаса, Пациентті қолдау қызметіне хабарласыңыз және өз құқықтарыңызды қорғаңыз», – деп Бақыт Исмаханбетов атап өтті.ӘМСҚ филиалының директоры атап өткендей, 2023 жылы аймақтың халқына медициналық көмекті қаржыландыруға 105,5 млрд теңге бағытталды, оның ішінде ТМККК бойынша – 63,3 млрд теңге, МӘМС бойынша – 42,2 млрд мың теңге.Бұл ретте консультациялық-диагностикалық қызметтерді қаржыландыру ұлғайды. Бұл мақсаттарға 15,5 млрд теңге қарастырылған, оның ішінде МӘМС бойынша – 13,5 млрд теңге.Егер сізде консультациялық-диагностикалық қызметтерді алуға қатысты сұрақтар туындаса немесе сіз оларды көрсетуге қол жеткізе алмасаңыз, онда өз емханаңыздың Пациентті қолдау қызметіне хабарласуыңыз қажет. Ұзақ күтуге байланысты өз аймағыңызда томографиядан немесе басқа да қызметтерден өту мүмкіндігі болмаған жағдайда, сіз өз аймағыңыздың денсаулық сақтау басқармасындағы жағдайды нақтылай аласыз. Егер мәселені сол жерде шешу мүмкін болмаса, онда Әлеуметтік медициналық сақтандыру қорына өзіңізге ыңғайлы тәсілмен өтініш беріңіз: fms.kz ресми сайты, 1414 байланыс орталығы, Qoldau 24/7 мобильді қосымшасы және Telegram-дағы SaqtandyryBot.<img src="https://knadmin.beoblood.kz/uploads/KDU_kaz_5ad8ec452b.jpg" alt="КДУ каз .jpg">&nbsp;

Консультациялық-диагностикалық қызметтер: кімге және қалай алуға болады?

<a href="https://kyzylorda-news.kz/">Kyzylorda-news.kz.</a> Жалағаш кентіндегі темір жол арқылы өтетін жаяу жүргіншілерге арналған аспалы көпір құрылысына мониторинг жұмыстары жүргізілді.Халық қалаулыларының іс-сапары Жалағаш кентіндегі темір жол арқылы өтетін жаяу жүргіншілерге арналған аспалы көпір құрылысына мониторинг жұмыстарымен жалғасты.Аталған құрылыс жұмыстары ағымдағы жылдың сәуір айында басталды. Бас мердігер «Гүлнұр МК» ЖШС, бас жобалаушы: «Проект Сервис» ЖШС, техникалық қадағалаушы «Altimus» ЖШС. Облыстық бюджеттен қаржыландырылған нысан ағымдағы жылдың қазан айында қабылдауға беру жоспарлануда. Қазіргі күні жұмыстың 40 пайызға жуығы орындалды.«AMANAT» партиясының сайлауалды бағдарламасында қамтылған нысанға партиялық бақылау бекеті орналастырылды. Нысан аяқталып, халық игілігіне пайдалануға берілгенше партия назарында болады.Мониторинг жұмыстары барысында халық қалаулылары мердігер компания өкілдеріне құрылыс жұмыстарын сапалы жәнеуақытында аяқтауды тапсырды.

Жалағаш: Аспалы көпір құрылысына мониторинг жұмыстары жүргізілді

<a href="https://kyzylorda-news.kz/">Kyzylorda-news.kz.</a> Жалағаш ауданына жұмыс сапарымен келген ҚР Парламенті Сенатының депутаты Руслан Рүстемов пен Мәжілістегі «AMANAT» партиясының фракция мүшелері Мархабат Жайымбетов және Мұрат Ергешбаев бүгін Т. Жүргенов ауылының халқымен кездесті.Кездесуде халық қалаулылары атқарылған жұмыстар мен жаңадан енгізілген заң талаптары мен халықтың ұсынысына сәйкес жасалған түзетулер мен өзгертулерге тоқталып өтті. Аз уақытта басталған ауқымды бастамалар шеңберінде ауыл тұрғындары тарапынан бірқатар мәселелер көтеріліп, депутатар заң аясында сүйемелдеу жұмыстары жасалып, зерделенетіндігін жеткізді.Ауыл ақсақалдарының ақ батасын алған Сенат және Мәжіліс депутаттары Жалағаш кентіндегі темір жол арқылы өтетін жаяу жүргіншілерге арналған аспалы құрылысымен танысты. Жаңа көпірдің тұрғындар үшін маңызды екені айтқан депутаттар жобаға сәттілік тіледі.Сондай-ақ, Жалағаш аудандық мәслихат депутаттары және аудандық қоғамдық кеңес мүшелерімен кездесу өткізіліп, ауданның экономикалық дамуы мен халықтың әлеуметтік жағдайын көтеру тұрғысында ұсыныстар айтылды. Кездасуден соң тұрғындарға қоғамдық қабылдау өткізіп, жекелеген мәселелерді мінберде көтерілтендігі айтылды.ҚР Парламенті Сенатының депутаты Руслан Рүстемов пен Мәжілістегі «AMANAT» партиясының фракция мүшелері Мархабат Жайымбетов және Мұрат Ергешбаев Жалағаш кентіндегі Желтоқсан көшесіндегі жаяу жүргіншілер жолының құрылысымен танысып, аудан әкімі Асқарбек Есжанов аудандағы жол құрылысының 2023 жылы өткен жылмен салыстырғанда қарқын алғанын жеткізді.Халық қалаулыларының ауданға жұмыс сапары барысындағы елдің тілегі орындалу үшін алдағы уақытта жүйелі істер өз жалғасын табатын болады.Кездесуде ауыл тұрғындары жайылымдық жерлер, шаруалардың ротациялық жүйенің сақтамауы, әлеуметтік нысандарды жөндеу және су мәселелерін көтерді.Ауылдағы №15 «Балбөбек» бөбекжай-бақшасы 1988 жылы тиіптік жобада салынып пайдалануға берілген. Қазіргі таңда бөбекжай-бақшада 4 топта 85 бала тәрбиеленіп,30 қызметкер жұмыс жасайды. 2009 жылы жаңадан бу қазандығы салынып пайдалануға берілді. Қазіргі уақытта бөбекжай-бақша ғимараты күрделі жөндеуді қажет етеді. Атап айтқанда ғимараттың шатыры тозып,ішкі-сыртқы сылақтары түсіп,электр желілерінің тозығы жетіп тұр. Алдағы уақытта бөбекжай-бақшаға заманауи үлгідегі күрделі жөндеу жүргізілуіне ықпал естеңіздер – деді ауыл тұрғыны Әли Қасымов.Кездесуде халық қалаулылары сайлаушылардан түскен ұсыныстарды назарға алатындығын айтты. Сонымен қатар, шараға Қызылорда облыстық мәслихатының депутаты Әмірбек Шаймағанбетов, Жалағаш ауданының әкімі Асқарбек Есжанов, «AMANAT» партиясы Жалағаш аудандық филиалының Атқарушы хатшысы Қаншагүл Мұстафаева және «AMANAT» партиясы атынан сайланған Жалағаш аудандық мәслихат депутаттары Елеусінов Өмірзақ, Қуат Ахетов қатысты.

Депутаттар жұмыс сапарымен Жалағаш ауданында болды

<a href="https://kyzylorda-news.kz/">Kyzylorda-news.kz.</a> Бүгін Қызылорда облыстық қоғамдық даму басқармасының «Қоғамдық келісім» КММ ұйымдастыруымен Елорданың 25 жылдығына орай ұлттық спорт түрі – садақ атудан сайыс өтті.Сайысты «Қоғамдық келісім» КММ директоры Бақытжан Камалов ашып, барша қатысушаларға сәттілік тіледі.&nbsp;<blockquote>«Мемлекет басшысы Қасым-Жомарт Кемелұлы «Біз қазіргі заманның жақсы қасиеттерін бойға сіңіре отырып, ұлттық болмысымызды жаңғыртуға тиіспіз» деп атап өткен болатын. Осы ретте мереке қарсаңында өңірлік «Ассамблея жастар» ұйымы – ұлттық болмысты жаңғыртуға үлес қосуда. Жалпы дәстүрлі садақ атуды дамытуды қолға алу – ұлт руханияты мен саулығына жасалған жанашырлық деп білемін, – деді.</blockquote>Ал Наман Ата спорт кешені садақ ату үйірмесінің жаттықтырушысы, жанбатудан Қазақстан бойынша бірінші орын иегері Жарқымбек Алмағанбетов садақ атудың денсаулыққа пайдасы зор. Бұл спорт түрі – омыртқаны шынықтырып, оның түрлі дертке шалынуының алдын алады. Бір садақ ату 20-дан аса килограмм жүк көтергенмен бірдей дейді.&nbsp;Сайысқа оннан аса жас қатысты.Садақшылар 10 метрден 25 метрге дейінгі қашықтықта мергендік шеберліктерін сынасты. Жарыста үздік шыққан мергендерге арнайы дипломдар мен Қазақстан халқы энциклопедиясы және сыйлықтар табысталды.Айта кету керек, Наман Ата спорт кешенінде аптаның бірінші, үшінші күндері сағат 16:00 – 18:00 аралығында садақ атудан тегін үйірме жұмыс істейді.<figure class="image"><img src="https://knadmin.beoblood.kz/uploads/8c73285c_9a7f_4e5a_af9b_4da8410c792c_84a76d9542.jpg" alt="8c73285c-9a7f-4e5a-af9b-4da8410c792c.jpg"></figure>

Қызылордада садақ атудан сайыс өтті

<a href="https://kyzylorda-news.kz/">Kyzylorda-news.kz.</a>&nbsp; Сырдария ауданы негізінен &nbsp;күріш егумен қатар, &nbsp;бақшалық өнімдерді жерге орналыстыруға қолайлы саналады. Ауыл шаруашылығы саласы өркендеген жағдайда елдің әлеуеті арта түсетіні жасырын емес. Өз кезегінде аудан әкімі Берік Сәрменбаев Жетікөл және Шіркейлі ауылында жүзеге асырылып жатқан егін егу жұмыстарына қатысты пікір білдірді.&nbsp;<blockquote>– Аймақ басшысының қолдауымен аяқ су мәселесін шешу бағытында облыстық бюджеттен бөлінген су насостары бүгінгі таңда өз нәтижесін көрсетуде. Бұл ауданда азық-түлік қауіпсіздігін қамтамасыз етуге, тұрғындардың өзін-өзі әлеуметтік маңызы бар картоп, көкөніс, бақша өнімдерімен қамтылуына септігін тигізуде. Бүгінгі күнге дейін ауданға барлығы 34 дана су насос қондырғысы алынып, картоп, көкөніс, бақша өнімдерін аяқ сумен қамтамасыз ету мақсатында пайдаланылуда. Биыл аудан тұрғындарын өзін-өзі әлеуметтік маңызы бар картоп, көкөніс, бақша өнімдерімен қамтамасыз ету мақсатында 359 гектар жер дайындалып, 1105 сырдариялық егін егуде. Сонымен қатар ауданда суды тиімді пайдалану жұмыстары да тұрақты бақылауда. Бұл мақсатта Сырдария ауданы Жетікөл ауылдық округіне қарасты «Жетікөл-Жер» ЖШС өз қаражат есебінен 40 млн теңгеге жаңбырлатып суару қондырғысын сатып алып, осы әдіспен 100 гектар жерге күнбағыс дақылын екті. Тиімді әдісті пайдаланған Шіркейлі ауылдық округіне қарасты «Мәді Қажы» ЖШС де тамшылатып суарумен 2,5 гектар жерге картоп дақылын орналастырды, – деді аудан әкімі.</blockquote>Қазіргі уақытта Жетікөл ауылында Украина елінен келген ауыл шаруашылығы саласының мамандары жаңа технологияның көмегімен егін егуде. Жалпы, білікті мамандар бірнеше мәрте жергілікті шаруаларға семинар-кеңес өткізді. Сырдария ауданың климатын зерделеп, бақшалық өнімдердің шығымдылығын есептеді. Бұл ретте, жергілікті тұрғындар күз мезгілінде мол өнім алуға үмітті.&nbsp;&nbsp;&nbsp;&nbsp;

Сырдариялық шаруалар мол өнім алуға үмітті

<a href="https://kyzylorda-news.kz/">Kyzylorda-news.kz.</a>&nbsp; Жастарды еңбекке баулып, олардың бос уақыттарын тиімді пайдалануда «Жасыл ел» еңбек жасағының маңызы зор екені мәлім. Бұл ретте аудандық жастар ресурстық орталығы арқылы «Жасыл ел» жасағы жұмыс жасауда. Жастарды жұқмыспен қамти отырып, еңбекке баулуға аталған жобаның септігі зор. Жасақ жұмысына бақылау жасайтын аудандық жастар ресурстық орталығының директоры Нұрман Абдрасилов өз ойын ортаға салды.&nbsp;<blockquote>– Бұл жасақ биылғы жылы да өз жұмысын жалғастырып келеді. Қазіргі уақытқа дейін 153 жас маусым, шілде айында жұмысқа қабылданып, аудан орталығын көркейту, көгалдандыру және тазалау жұмыстарына қатысуда. Негізгі жоспар тамыз айын қосқанда 200 жасты уақытша жұмыспен қамту болып табылады. Бағдарлама аясында еңбектеніп жүрген жастар бүгінгі күнде көшелерді, орталық алаң мен Парасат және Тағзым алаңдарын тазалап қана қоймай, ойын алаңдарының ауласында тазалап, қураған ағаштарды кесіп, тасжол жиектерін әктеу секілді игілікті іс жасау барысында үлкен белсенділік көрсетуде. Ауданымызда құрылған "Жасыл ел" еңбек жасағының жұмыстарына сәттілік тілейміз, – деді орталық басшысы.</blockquote>Өз кезегінде «Жасыл ел» жасағы қыркүйек айына деген жалғасын табатын болады. Негізінен, аудандық жастары Тереңөзек кентінің орталығын абаттандыруға зор үлес қосуда.&nbsp;&nbsp;&nbsp;&nbsp;

Қазақстан және Қызылорда облысының жаңалықтары