<a href="https://kyzylorda-news.kz/">Kyzylorda-news.kz.</a> «Аралдық оқушы 137 балл жинапты» дегенді естігенде қатты қуанғанымыз рас. Себебі бұл облыстың, қала берді ауданның мерейі еді. Қаладағы №220 орта мектептен қияға қанат қомдап, бүгінде балалақ арманға жетудегі алғашқы жолды айқындап алған жас түлектің есім-сойы әп сәтте әлемжеліні шарлап кетті. Біз де таныс болдық. Нұрсұлтан есімді жас шәкірттің әке жолын қуып, дәрігер атанудағы мақсатты жолы айқын десе де болады. Бүгінде қатарластарынан оқ бойы оза шауып, сәттілік пен сенім серік болған жас шәкіртті кеше аудан әкімі Серік Сермағамбетов қабылдап, оның ата-анасы мен ұстазына құрмет көрсетті. Ұлттық бірыңғай тестілеу қорытындысы бойынша 137 балл жинап, еліміздегі ең үздік көрсеткішке қол жеткізген 5 оқушының бірі атанған Нұрсұлтан да сол сәтте ерекше құрметтің төрінде болды. Себебі ресми жиынның басты себепкер сол Нұрсұлтан Баймырзаұлы Рысқалиев еді.<blockquote>– Болашағы зор айбынды Қазақстанның сенім артар азаматтары – білімді жастар. Білімді де білікті жастар - еліміздің ертеңгі тірегі. Сондықтан да, әрқашан жастарды қолдап, олардың әрбір әрекетіне мемлекет тарапынан айрықша көңіл бөлінуде. Осындай білімді жастардың бірі, өзінің үзеңгілестерінің оқ бойы оза шыққан Нұрсұлтан Баймырзаұлы ортамызда. Ол №220 орта мектепті «Алтын белгімен» тәмәмдап, Астана қаласындағы медицина университетіне «Жалпы медицина» мамандығы бойынша грант иегері атанды. Нұрсұлтан әке жолын қуып, болашағын медицина саласымен байланыстырып, болашақта ақ халатты абзал жан атансам деген арман-мақсаты бар. Баламыздың талабына нұр жаусын, болашағы жарқын, алдағы өмірінде ылғи сәттілік болуына тілекшіміз, – деді аудан әкімі Серік Сағитжанұлы.</blockquote>Салатанатты жиында аудан әкімі Нұрсұлтан Рысқалиевке, ата-анасы Баймырза Өтешов пен Қазынаш Уайысқа құрмет көрсетіп, ұстазы Гүлбану Абатоваға алғыс айтты. Шарада Арал ауданының құрметті азаматы, білім саласының ардагері, аудандық ақсақалдар кеңесінің төрағасы Нұралы Оспанов жас түлекке ыстық ықыласын білдіріп, бата тілегін жеткізді.Айта кетейік, 2022-2023 оқу жылында Арал ауданында 926 оқушы мектеп бітірсе, оның ішінде 727-сі ҰБТ-ға қатысты. Орташа балл 82-ні құрады. Мемлекеттік грант конкурсына өтінім берген түлектердің қазіргі уақытта 81 пайызы грант иегері атанып отыр.

Арал ауданы әкімі жоғары балл жинаған түлекті қабылдады 

Аймақта кәсіпкерлерге қолдау көрсетілуде

<a href="https://kyzylorda-news.kz/">Kyzylorda-news.kz.</a> Жалағаш ауданының жұрты үшін кешегі сенбі берекелі болды десек те болады. Өйткені ауыл шаруашылығы өнімдерінің жәрмеңкесі ұйымдастырылды. Жергілікті тұрғындарға ұсынылған егінжай өнімінің бағасы арзан болғанымен, сапасы сын көтереді. Мұны халық та жақсы біледі. Сол себепті жәрмеңкені асыға күтіп, қыстық азығын қамдап алуға тырысады. Осы жылы жергілікті жерлерде бақша өнімдерін орналастыруға жер ашылып, елді мекен тұрғындарының бақша егіп, қажет өнімін молынан алуына жағдай жасалды. Жергілікті тұрғындар шаруашылықтардың демеушілігімен ауданда ашылған 500 гектар жердің 217 гектарына картоп, 63 гектарына көкөніс, 220 гектарына бақша дақылдарын егіп, күтімге алды. Жаңадан ашылған 500 гектар жер 921 отбасыға үлестіріліп, бұл күні барлық отбасы бақша өнімдерін баптап отыр. Тіпті егінжай баптаған азаматтар өнімдерін бірнеше рет аудан орталығына әкеліп, қолжетімді бағада сатып, нәпақасын айырып та жүр. &nbsp;&nbsp; Ауыл шаруашылығы өнімдерінің жәрмеңкесіне әкелінген бақша өнімдерінің барлық түрлерімен қатар, жоңышқа және шөп преске дейін бар. Ал Жаңадария, Таң ауылдарынан келген жергілікті өнімге аудан тұрғындарының сұранысы жоғары болғанына бәріміз куә болдық. Иә, күнделікті тұтынатын азық-түлік түрлері картоп 200, сәбіз 300, пияз 200, қауын келісі 150, қарбыз келісі 100, қырыққабат 400 теңгеден болса, сондай-ақ жоңышқа 650, шөп пресі 350-ден сатылды. Сонымен бірге жәрмеңкеге қой мен тоқтыларын әкеліп, сатылымға шығарғандар да табылды. Қойдың бағасы 50 000-нан келсе, тоқтыны 40 000-ға бағалады.&nbsp;– Жалағаштық еңбеккерлер өндірген өнімнің тұрақты тұтынушысымын. Себебі жыл сайын арзан әрі сапалы өнімді молынан алып қоюға тырысамыз. Мезгілімен ұйымдастырылатын жәрмеңке биыл да жалғасын тауып жатыр. Қыстың қамын жаз ойлап, картоп, сәбіз, пияз сияқты бақша дақылдарын молынан алудамыз. Әсіресе нарықтағы бағадан 15-20 пайыз төмен сатылуда, осының өзі халықтың қалтасына ауыр түспей, керісінше қыстық қамын молынан жасап алуына мүмкіндік болып тұр. Менде қажетті өнімдерді молынан сатып алдым. Бастысы кеше ғана базар бағасымен алып жүрген картоп, жуаның өзі арзан бағада сатылуда. Соны білген халық та риза болған күйде жәрмеңке алаңынан сауда жасауда, – дейді кент тұрғыны Ш.Мұхамеджан. Расын айту керек, жәрмеңкеге келушілердің барлығы дерлік бағаның арзан екенін және ұсынылған өнімдердің сапасын атап өтеді. «Менің білуімше, аудан халқын ауыл шаруашылығы өнімдерімен қамтамасыз етіп отырған еңбеккерлер бүгін тағы да қалтаға қонымды бағада ұсынуда. Азық-түліктердің сапасы сын көтеретіні көрініп тұр. Бағасы да жаңа айтып өткенімдей халық үшін тиімді болып тұр. Әсіресе үйінде ақадал малы барларға жақсы болды. Қазір тапшы болып тұрған жем-шөп, жоңышқа деген секілді өнімдер де жәрмеңкеден табылуда. Байқағанымыздай, бұл өнімдерге сұраныс та жоғары болып тұр. Осы жәрмеңкені асыға күттік. Қыстық азығымызды қамдап алдық. Әрбір өнім түрін молынан алуға тырыстық. Өйткені мұндай бағада алу күнделікті мүмкін емес. Мен жалағаштық еңбеккерлерге толайым табыстарға жетуіне тілектеспін. Өніміміз молая берсін, елде тек тоқшылық болсын» деген кент тұрғыны А.Балғабайұлы бастысы халықтың риза екенін атап өтті. Өздеріңіз білетіндей, Жаңадария ауылының тұрғыны Ғалымжан Құрақбаев «Игенбай» учаскесіне 3 гектар жерге еккен қарбыз өнімін бұған дейін де жәрмеңкеге алып келген болатын. Сол кезде ауданның тұс-тұсынан жаңадариялық өнімді іздеп келгендердің саны көп болғаны белгілі. енді кешегі жәрмеңкеде де жаңадриялық қауын-қарбыздың өтімі өте жоғары деңгейде болды. Демек, бұл таза өнімге халықтың сұранысы жоғары екенін білдіреді.Айта кетейік, сенбі күні аудан орталығында ұйымдастырылған жәрмеңкеге 30 көлікпен барлығы 92,2 тонна ауыл шаруашылығы өнімдері әкелінді. Баға тұрақтылығын сақтауда ауыл шаруашылығы жәрмеңкесі алдағы уақытта да ұйымдастырылатын болады.

Жалағаш: 92,2 тонна ауыл шаруашылығы өнімдері әкелінді

<a href="https://kyzylorda-news.kz/">Kyzylorda-news.kz.</a>&nbsp; Қорқыт ата атындағы Қызылорда университетінің Kyzylorda Hub бизнес-инкубаторы «Startup Joly» бағдарламасын ұйымдастыруда.Бағдарлама аясында қатысушылар 1 ай &nbsp;аралығында &nbsp;кәсіпкерлік бағыты бойынша тегін білім алады.«Startup Joly» &nbsp;инкубациялық кезеңінің жүлде қоры – 2 000 000 теңге. Сонымен қатар, стартап жобаларын идея сатысынан прототипке дейін жеткізіп, инвесторлар тарапынан қосымша қаржы тарту мүмкіндігіне ие болады.Бағдарламаның мақсаты − инновациялық стартаптар мен кәсіпкерлік бастамаларды қажетті ресурстармен, біліммен және қолдаумен қамтамасыз ету, кәсіпкерліктің әртүрлі аспектілері, соның ішінде идея, маркетинг, сату, қаржы және құқықтық мәселелер бойынша дағдыларды арттыру.Инкубациялық кезеңнің түлектеріне сертификат табысталады. Сертификат арқылы «QazInnovations» инновацияларды дамыту жөніндегі ұлттық &nbsp;агенттігінің» &nbsp;100 млн теңгеге дейінгі гранттық қаржыландыру бағдарламасына қатыса алады.Бағдарлама туралы www.kyzylordahub.kz сайтынан және @kyzylordahub инстаграм желісінен толық ақпарат алуыңызға болады.Ал кәсіпкерліктің әртүрлі аспектілері, соның ішінде идея, маркетинг, сату, қаржы және құқықтық мәселелер бойынша толық білім алып, жобаларын дамытқан қатысушылар Demo Day аясында инвесторларға жобаларын таныстырады. Үздік жобаларға қаржылай сыйақы табысталады. Сонымен қатар, бағдарламаға қатысқанын растаушы сертификат беріледі. Сол арқылы «QazInnovations» инновацияларды дамыту жөніндегі ұлттық агенттігінің 100 миллионға дейінгі гранттық бағдарламасына қатысуға мүмкіндік алады. Бизнесін дамытқысы келетін және сол үшін жеңілдікпен несие алсам деген жандар үшін мемлекеттік бағдарламалар тиімді.&nbsp;&nbsp;

«Startup Joly» бағдарламасы басталады

<a href="https://kyzylorda-news.kz/">Kyzylorda-news.kz.</a> Қызылордалық кәсіпкерлер салық органдарының сот немесе өзге де ұйымдардың шешімі шықпаған мәмілелерді, келісімшарттарды «күмәнді» деп танып, тексеру тағайындайтынына шағымданды. &nbsp;Қызылорда облысы кәсіпкерлер палатасына облыстық құрылысшылар қауымдастығы мен мұнайшылардан, өзге де кәсіпкерлерден салық органдарының мәмілелерді жарамсыз деп тану әрекетіне қатысты түскен шағымдар негізінде біріккен кеңес отырысы өтті.Кәсіпкерлер палатасы жанындағы Кәсіпкерлердің құқығын қорғау және сыбайлас жемқорлыққа қарсы іс-қимыл жөніндегі кеңесі мен Салалық құрылыс кеңесінің отырысына ҚР Сыбайлас жемқорлыққа қарсы іс-қимыл агенттігі облыстық департаментінің басшысы Ернар Мақажанов, Қызылорда облысы бойынша экономикалық тергеп-тексеру департаментінің басшысы қызметіне Бақыт Қайшыбеков, облыс бойынша Мемлекеттік кірістер департаменті басшысының орынбасары Әділбек Бекішев, прокуратура және өзге де мүдделі мемлекеттік орган өкілдері қатысты.Шарада өңірдегі ірі мұнай компанияларының өкілдері соңғы кезде кірістер органынан ескерту хабарламалары жиі түсіп жатқанын жеткізді.<blockquote>«Бізге бір ай бұрын ғана салық басқармасынан екі хат келді. Онда 2018 жылдан бастап 2022 жылға дейінгі тауар сатқан кейбір мердігер мекемелердің шот-фактураларын вычеттан алып тастауды сұраған. Бұл келісімшарттар бойынша сот шешімі немесе өзге де шектеулер жоқ. Бірақ кірістер органдары бұл мәмілелерді өздері «күмәнді» деп танып, бізге ескерту беріп отыр. Бұны қалай түсінеміз? Біз кез келген тауарды байқау жариялап, тендер арқылы сатып аламыз. Біз тауарды алып, қызметті толық істеткеннен кейін ғана ақысын төлейміз. Барлық мұнай компанияларында шет елдік инвесторлар бар. Ал олар жайдан-жай ақша төлемейді ғой. Сол үшін салық басқармасының бір жақты қарап, осындай шешім қабылдауына қарсымыз», – деді «ПетроҚазақстан Құмкөл Ресорсиз» АҚ өкілі Сәбит Сұлтан.</blockquote>Компания өкілінің көтерген мәселесіне облыстық мемлекеттік кірістер басқармасы басшысының орынбасары Әділбек Бекішев ескертпе хат тарату кәсіпкерлердің осыған дейінгі ұсынысы негізінде жүргізіліп жатқанын айта келе, келіспеген жағдайда мекеменің ескерту хатсыз сотқа жүгінетінін жеткізді.<blockquote>«Мәмілелерді жарамсыз деп тану бағытындағы шараларыңызға соңғы кезде шағым көбейіп кетті. Салық органдарына бюджетті толтыру тапсырылған болар. Ол түсінікті. Бірақ осындай қисынсыз қадамдарыңызбен кәсіпкерлерден айрылып қаламын деп ойламайсыздар ма?», – деді Палата директоры Пірмұхаммед Сыздықов.</blockquote>Кәсіпкерлердің құқығын қорғау және сыбайлас жемқорлыққа қарсы іс-қимыл жөніндегі кеңесіның төрағасы Болат Нұрхожаев кірістер органының әрекетіне қатысты осындай проблемаға бұрын шағын және орта кәсіпкерлер шағымданса кезек ірі кәсіпкерлерге келгеніне алаңдаушылық білдірді.<blockquote>«Мұнай компанияларын, жақсы білесіздер, аудит, өзге де қадағалаушы ұйымдары бар, сол үшін күмәнді мәміле жасамайды. Ал егер осы мұнай компанияларымен жұмыс істеп, қызмет көрсеткен кәсіпкерлерге кірістер органы күмәнданса өздері іздеуі керек. Оған неге кінәсіз кәсіпкер жауап беруі керек?», – деді кеңес төрағасы.</blockquote>Кірістер органдарының әрекетіне өзге де мұнай және құрылыс саласында қызмет көрсететін бірнеше кәсіпкер шағымданды.Кеңес қорытындысымен кірістер органдарына «мәмілелерді жарамсыз деп тану» бағытындағы әр істі мұқият зерттеп, содан кейін барып заң аясындағы шараларын көруді ұсынылды. Бизнес өкілдерінің аталған мәселесі шешілмеген жағдайда республикалық кәсіпкерлердің құқығын қорғау кеңесіне шығарылмақ. &nbsp;<figure class="image"><img src="https://knadmin.beoblood.kz/uploads/atameken_6d080ee405.jpg" alt="атамекен.jpg"></figure>

Қызылордалық кәсіпкерлер көмек сұрады

<a href="https://kyzylorda-news.kz/">Kyzylorda-news.kz.</a> Қармақшы ауданына қарасты Төребай би ауылында балаларға арналған жаңа ойын алаңы салынып, пайдалануға берілді.Балалар игілігіне ашылған нысанда әткеншектер, сырғанақ, өрмелеуіш, сияқты 13 ойын жабдықтары мен спорттық құрылғылар орнатылған.Спорт құрылғылары әртүрлі жастағы балалар үшін өте қолайлы, заманауи стандарттарға сәйкес жасалған.Ойын алаңының пайдалануға берілуі ауылдағы балалар мен олардың ата-аналары үшін де қуанышты жаңалық болды.

Төребай би ауылында жаңа ойын алаңы пайдалануға берілді

<a href="https://kyzylorda-news.kz/">Kyzylorda-news.kz.</a> Жаңақорған ауданында өтіп жатқан гандболдан 2010-2011 жылы туылған жасөспірімдер (қыз-балалар) арасында облыстық БЖСМ біріншілігінде Қармақшы ауданының намысын қорғаған мектеп гандбол бөлімшесінің спортшылары қола жүлдегер атанды.Жарыстың үздік ойыншысы Ібіраш Ақерке атанды. Команда жетекшісі Ш.Алихан, жаттықтырушы С.Сақтағанов, Ж.Сарбасов гандболшы қыздардың бағындырар белесі көп екенін алға тартады.

Қармақшылық гандболшы қыздар қола жүлдегер атанды

Кәсіпкерлік көкжиегі кеңейген аудан

<a href="https://kyzylorda-news.kz/">Kyzylorda-news.kz.</a> Атмосфералық фронталды бөліктердің өтуіне байланысты Қазақстанның басым бөлігінде күн құбылмалы болады, деп хабарлайды Қазгидромет.Жаңбыр жауып, еліміздің солтүстік-батысында, шығысында, оңтүстік-шығыстың таулы аудандарында қатты жаңбыр жауып, найзағай ойнап, бұршақ жауады, дауыл тұрады. Тек Қазақстанның батысында ғана күн жауын-шашынсыз болады.Республика бойынша жел күшейеді, еліміздің оңтүстігінде желдің соңы шаңды дауылға ұласады. Қазақстанның солтүстігінде түнгі және таңертеңгі сағаттарда тұман түседі.Маңғыстау, Түркістан, Алматы, Жамбыл, Қызылорда, Шығыс Қазақстан, Қарағанды, Ұлытау, Жетісу, Абай облыстарында, Қостанай облысының оңтүстігінде, Ақтобе облыстарының орталығында оңтүстігінде, Атырау облысының батысында, шығысында, Ақмола облысының оңтүстігінде, батысында төтенше өрт қауіпі сақталады.

7 тамызға арналған ауа райы болжамы

<a href="https://kyzylorda-news.kz/">Kyzylorda-news.kz.</a> Өткен жылы Аралда 6 &nbsp;балалар ойын алаңы ашылған. &nbsp;Бұған қоса түрлі спорттық алаңдар пайдалануға берілді. Ал биыл балаларға шаттық сыйлайтын тағы бір орталық өз жұмысын бастады.&nbsp;Жаз келсе ойын баласы үй бетін көрмей ойнауды жаны қалайды. &nbsp;Ауыл баласы алаңсыз далада доп қуып, асық атып ойнайды. Ал қалада &nbsp;зымырай жүйткіген көлік баланың алаңсыз ойнауына қауіп төндірмей қоймайды. Мұндайда қала баласы қайда барады? Аралда жұрт «маяк» деп атап кетке демалыс паркі бар. Мұның ішіне кірсеңіз &nbsp;гүлзармен көмкерілген. Балалар ойынынан қажетті әткеншек, алуан түрлі ойыншық мен машина жеткілікті. Балалар ғана емес үлкендердің де демалатын сүйікті орынына айналған демалыс орын кәсіпкер Мейрамбек Төлепбергенге тиесілі. Қарапайымдылығымен танылған жанды бір көргенде осындай керемет дүниені жасап отырған басшы деп ойламай қаларыңыз анық. Себебі ол ешқашан көкірек керіп кербезденіп көрмеген. Алдына келген адаммен жылы шырайда сөйлесіп, парктің көркейту –көгалдандыру жұмыстарының бәрін өз қолымен жасап отыратын қарапайым жан.Мейрамбек Қуантқанұлы бар саналы ғұмырына ауданның кәсіпкерлік саласында қанат жаюуына арнап жүрген кәсіпкердің бірі. Ес біліп етек жиғалы кәсіпкерлікке бет бұрған ол Арал қаласындағы демалыс паркінің жұмысын жандандырып, &nbsp;келушілердің жанына жайлы орталыққа айналдырған. «Театр киім ілгіштен басталады» демекші, саябақтың көркі желек жайған жасыл ағаштар мен гүлзар екені белгілі. Бұл тұрғыда кәсіпкер ауыз толтырып айтарлық іс тындырды. Анығын айтар болсақ жыл сайын көктемде егілетін көшет саны көбейіп, бүгінде саябақта жайқала өсіп тұр терек пен қызыл тал, ақ тал алыстан көздің жауын алады. Осында демалуға асыққан жұртшылықтың жанына лаззат сыйлайтын гүлзардағы алуан түрлі гүлдің санында есеп жоқ. Осының арқасында аралдық балақайлар демалысын үлкен қалаға өткізуға асықпайтын болған. Өйткені ойын баласына қажетті қаладағы өмір өзіміздің Аралда да бар.&nbsp;<blockquote>–Балалардың балалық шақтың бал қызығына тоймай ойнауына мұнда бар жағдай жасалған. Аттракцион, тир мен балаларға арналған көлік, гидроскутер әр балақайдың көңілінен шығады. Соңғы екі жылда кешкі уақытта келіп дымалатын адам саны артты. Саябақ қала алыс жақын ауыл адамдарының сүйікті демалыс орнына айналды. Парк ішінде жайлы орындықтар мен самалжайлар да бар. Жас-кәрі де келіп тынығатын саябақта сауда дүкендері де орын тапқан. Мұнда бірнеше адам өз шаруашылығын түзеп жұмыспен қамтылып отыр, – дейді кәсіпкер.&nbsp;</blockquote>Осынау игі істің басында жүрген кәсіпкердің әр ісіне жұртшылық сүйсіне қарайды. Себебі ол өзінде ғана болсын демей, өзгелермен де жақсы амалдарымен бөлісе білетін жомарт жан. Қолынан келгенше әлеуметтік жағдайы төмен отбасыларға, жетім-жесірлерге көмек беріп, қайырымдылық жасағанды әдеткен айналдырған. Десе де, «Оң қолым бергенді сол қолым білмесін» демекші, қайырлы ісін жарнамалауды жаны сүймейді.&nbsp;Жомарт жүректі кәсіпкер отбасында бақытқа бөленген отағасы. Жары Анар екеуі төрт бала тәрбиелеп отыр.&nbsp;<blockquote>– Мен балаларыма жастайынан еңбекті сүюге, табиғатты аялау және қоғам игілігі үшін жақсылық жасауға үйретіп келемін. Балаларым барын бағалай білетін, туған жері үшін қызмет ететін саналы ұрпақ болса деймін. Олар әрбі нәрсенің еңбекпен келетінін түсінсе ешқашан ақ жолынан адаспайды, – дейді ол.</blockquote>Мейрамбек өзінің игі ісімен отбасына ғана емес өскелең ұрпаққа үлгі болып отыр. «Атаңның баласы болма, адамның балаы бол» деген әпсана сөзді ұстаным еткен кәсіпкер өмірін ізгілік істермен өре білген өрелі іс иесі көпке үлгі болары сөзсіз. Сол сияқты жеке кәсіпкер Бексұлтан Мусаев жеке қаражаты есебінен «Играй-ка» ойын-сауық орталығын ашып, балаларға шаттық сыйлады.&nbsp;<blockquote>«Көптен бері балалар ойын-сауық орталығын ашуды жоспарлап жүрдік. Жан-жақты зерттеп, мұқият сүзгіден өткізген соң ғана қолға алдық. Себебі мұнда кішкентай балақайлар келеді. Оларға жайлы жағдай мен қауіпсіздік шаралары бірінші кезекте сақталуы керек. Біздің ойын-сауық орталығы көлемі жағынан кең. Балаларға емін-еркін ойнауға жағдай жасалған. Бір мезетте 50 баланы қабылдауға мүмкіндік қарастырп отырмыз», – дейді кәсіпкер.&nbsp;</blockquote>«Играй-ка» балаларға арналған ойын-сауық орталығында балалардың уақытын қызықты да көңілді өткізуіне арналған батутты аймақ, лабиринттер, ойын комплекстері мен әткеншектер, сырғанақ, өрмелеуіш сынды заманауи үлгідегі барлық ойын құрылғыларымен жабдықталған. Мұнда келушілер балаларды ойнатып қана қоймай, жылдам тамақ түрлерін де тұтына алады.&nbsp;<blockquote>«Келушілерге барлық жағынан жайлы жағдай жасағымыз келді. Көбіне балалар қызық қуып ойнап жүргенде үлкендер жағы шаршайды. Сондықтан олардың отырып демалып, тамақтануы үшін асхана жұмысы да іске қосылды. Асханада фаст-фуд тағамдар ұсынылады. Және түрлі сусындар да бар», &nbsp;– деді Бексұлтан.&nbsp;</blockquote>Мұндағы түрлі тербелмелі әткеншектерде ойнау үшін бір балаға екі сағаттық ойынға 1000 теңге төлем жасайсыз. Ал мүмкіндігі шектеулі балалар мұнда тегін ойнап, өз уақытын қызықты өткізе алады. Жұма күні күндізгі сағат 11.00 мен 18.00 аралығында 50 пайыздық жеңілдік те қарастырылған. &nbsp; Балалардың қауіпсіздігіне жауап беретін арнайы 4 қызметкер бар. Олар қызық қуып жүрген бүлдіршіндердің тосын жағдайға тап болмасы үшін жауапты.&nbsp;<blockquote>«Алдағы уақытта тағы да әткеншектер мен түрлі ойнауға арналған құрылғыларды алдыруды жоспарлап отырмыз. Қазір күн жылып келеді. Ойын орталығының іші ғана емес, сыртында да ойнайтын құрылғылар, батут келетін болады. Және барлықғы қауіпсіздік үшін арнайы қоршалады», – деген Бексұлтан өз жоспарларын да ортаға салды.</blockquote>Орталықта ақыл-ойды дамытатын ойын түрлері де бар. Барлығы жас ерекшеліктеріне қарай қарастырылған. Балаларға жайлы жағдай жасау елдің келешегінің кемелділігін айқындай түссе керек. Бүгін өзіне керектіні қоғамнан ала алған балақай, ертең барын елге беретін азамат болып өсеріне сенеміз. Осы тұрғыда балаларға арнап ойын орталығын іске қосып, бүлдіршіндерді қуантып отырған кәсіпкер Бексұлтан Мусаетың алдағы жұмысының нәтижелі боларына сенім мол.

Балаларға шаттық сыйлаған орталық

<a href="https://kyzylorda-news.kz/">Kyzylorda-news.kz.</a> «AMANAT» Жалағаш аудандық филиалына қарасты бастауыш партия ұйымдарының есеп-беру жиналыстары басталды. &nbsp;«Мәдени мұра», «Шәменов ауылдық округі», «Қаракеткен ауылдық округі» бастауыш партия ұйымдарында есеп беру-сайлау жиналыстар өткізілді. Аталған жиналыстарға партия филиалының Саяси кеңес және аудандық мәслихаттағы партия фракциясының мүшелері қатысты.&nbsp;Күн тәртібіне қойылған мәселелер бойынша бастауыш партия ұйымының &nbsp;төрағалары &nbsp;партия ұйымдарының 2021-2022 жылдары атқарған жұмыстары, бастауыш партия ұйымына &nbsp;нысаналы трансферт есебінен партиялық жобалар аясында атқарылған жұмыстар, жаңадан мүшелікке тарту бойынша хабарлама жасады.&nbsp;Бүгінгі бастауыш партия ұйымдарында өткен жиналыстың күн тәртібіндегі төраға сайлау мәселесі бойынша &nbsp;«Шәменов ауылдық округі» бастауыш партия ұйымының төрағасы болып Байжанов Жантас Нағыметұлы, «Қаракеткен ауылдық округі» бойынша Жүсіпова Мира Тыныбекқызы, «Мәдени мұра» бастауыш партия ұйымында &nbsp;Дүйсенбиева Бибіәсия Аманжолқызы сайланды. Сонымен қатар, жаңадан қабылданған партия мүшелеріне салтанатты түрде партиялық құжаттары табысталды. Байжанов Жантас Нағыметұлы – білім саласының үздігі, партия белсендісі. Партия филиалы жанындағы Саяси кеңесБюросының мүшесі. Сонымен қатар, партия жанынан құрылған қоғамдық кеңестердің мүшесі болды.&nbsp; Дүйсенбиева Бибіәсия Аманжолқызы – мәдениет саласының үздігі. Партиялық жобалардың міндет-мақсаттары аясында әлеуметтік, экономикалық тағы да басқа түрлі маңызды іс-шаралар атқаруда белсенді партия мүшесі.&nbsp; Жүсіпова Мирамкүл Тыныбекқызы – партияның «Белсенді қызметі үшін» төсбелсінің иегері. Білім саласында ғана емес қоғамдық жұмыстарда өз белсенділігімен жоғары белестерді бағындырып жүрген партия мүшесі.&nbsp;Жалағаш аудандық партия филиалының Саяси кеңес мүшесі Ахан Кенжебаев бастауыш партия ұйымдарында өткен жиналыстарда партияның қолға алған іргелі жобалары мен бағдарламаларын партиялық-ұйымдастырушылық және ақпараттық бағытта насихаттау жұмыстарымен бөлісті. Сонымен бірге, партияның сайлауалды бағдарламасы аясында атқарылған жұмыстар аясында айтып өтті. Жалағаш аудандық мәслихатағы «AMANAT» партиясы депутаттық фракциясы жетекшісінің орынбасары Ахетов Қуат «AMANAT» партиясының «Халықпен бірге» сайлауалды бағдарламасын іске асырудың Жол картасындағы атқарылған және алда қолға жобалар аясында айтып өтті. Бастауыш партия ұйымында өткен жиналыстардың күн тәртібіне қойылған мәселелер толығымен қаралып, «AMANAT» партиясы Жалағаш аудандық филиалының кезекті XХХVІІ (37) конференциясына делегаттар сайланды.

Бастауыш партия ұйымдарында есеп беру-сайлау жиналыстары өтті

<a href="https://kyzylorda-news.kz/">Kyzylorda-news.kz.</a> Иіркөл ауылында Қармақшы ауданы әкімінің қолдауымен &nbsp;балаларға арналған жаңа заманауи ойын алаңы пайдалануға берілді.Мұнда балалар үшін сырғанақ, әткеншек сияқты жалпы 13 ойын жабдықтары мен әртүрлі спорт құрылғылары орнатылған.Бұл балалардың бос уақытын тиімді өткізіп, салауатты өмір салтын ұстануға және спортпен шұғылдануына мол мүмкіндік береді.

Қазақстан және Қызылорда облысының жаңалықтары