<a href="https://kyzylorda-news.kz/">Kyzylorda-news.kz</a> Конго-Қырым геморрагиялық қызбасы (КҚГҚ) – вирус қоздырғышынан туындайтын, адам өміріне аса қауіпті жұқпалы ауру.Аталған аурудың алдын алу және таралуына жол бермеу мақсатында аудан көлемінде түсіндірме жұмыстары жалғасуда. Осыған орай аудандық ауыл шаруашылығы және жер қатынастары бөлімінің басшысы Еркін Сейтов, аудандық ветеринариялық станциясының директоры Болат Әміреев, Қазалы аудандық аумақтық инспекциясының мамандары, «Ұлттық сараптама орталығы» Қазалы аудандық бөлімшесінің «Бактериологиялық және паразитологиялық зерттеу» зертханасының зертханашысы И. Қонысбаева, аудандық полиция бөлімінің қызметкерлері және ауылдық округ әкімдері Әйтеке би кенті, Қазалы қаласы, Ғ. Мұратбаев, Сарыкөл және Көларық ауылдық округтерінде болып, мал бордақылаумен айналысатын жеке кәсіпкерлер мен тұрғындарға түсіндірме жұмыстарын жүргізді.Кездесу барысында тұрғындарға қоражайларды таза ұстау, қоршаған ортаның санитарлық жағдайын сақтау және қоражайларды уақытылы кенеге қарсы залалсыздандырудың маңыздылығы түсіндірілді.Сонымен қатар, «Ұлттық сараптама орталығы» Қазалы аудандық бөлімшесі тарапынан Конго-Қырым геморрагиялық қызбасынан сақтану шаралары жөнінде арнайы үнпарақтар таратылды.Кенеден қорғану шараларын елемеу ауыр зардаптарға, тіпті адам өліміне әкелуі мүмкін. Сондықтан әрбір тұрғын өз денсаулығына жауапкершілікпен қарап, сақтық шараларын қатаң сақтауы қажет.&nbsp;

Қазалыда Конго-Қырым геморрагиялық қызбасының алдын алу бойынша түсіндірме жұмыстары жалғасуда

<a href="https://kyzylorda-news.kz/">Kyzylorda-news.kz</a> Бүгін облыс әкімі Мұрат Ергешбаев, облыстық мәслихат төрағасы Мұрат Тлеумбетовтің Қармақшы ауданына жұмыс сапары аясында &nbsp;Жосалы кентіндегі «Руханият орталығында» аудан активінің жиыны өтті. Онда өңірдің әлеуметтік-экономикалық даму бағыттары мен алдағы міндеттер талқыланды.Аймақ басшысы бірқатар өзекті мәселеге тоқталып, салық базасын ұлғайту, шетелдік инвесторлармен келіссөз жүргізу, су үнемдеу технологияларын енгізу, құрылыс сапасын бақылауды күшейту және газдандыру деңгейін арттыру бойынша нақты тапсырмалар берді.<img src="https://knadmin.beoblood.kz/uploads/arma_shy_audany_aktiv_otyrysy_2_771be27c86.jpg" alt="Қармақшы ауданы актив отырысы 2.jpg"><blockquote>«Ауданның қаңтар-мамыр айларындағы негізгі макроэкономикалық көрсеткіштерінде оң динамика қалыптасқан. Қаржылық тұрақтылықты қамтамасыз етуде салық базасын ұлғайту ерекше маңызға ие. Кент және ауылдық округ әкімдері осы ретте жүйелі жұмыс жүргізуі тиіс. Ішкі мүмкіндіктер мен экономикалық әлеуетті тиімді пайдалана отырып, жаңа инвестициялық жобаларды қолға алу қажет. 2023 жылдан бері күріш егісінің көлемі 1 158 гектарға қысқарды. Ауданда 33 шаруашылық каналы бар болса, соның 9-на жоба-сметалық құжаттама әзірлеу жоспарланған. Суды аз қажет ететін дақылдарға басымдық беруді тапсырамын. Жобаларды әзірлеп, «Байқоңыр» әлеуметтік-кәсіпкерлік корпорациясымен бірлесіп жұмыс жасаңыздар», – деді облыс әкімі.</blockquote>Кейінгі төрт жылда Қармақшы ауданында 267 пәтер берілген. Тұрғын үй құрылысы биыл да жалғасады. Жауапты басшылар құрылыс сапасына бақылауды күшейтуі керек.Қармақшыда газдандыру көрсеткіші 79,2 пайыз, бүгінде Иіркөл және Төребай би ауылдарына табиғи газ қосу қарқынды жүргізілуде. Аймақ басшысы облыстық энергетика және тұрғын үй-коммуналдық шаруашылық басқармасымен бірлесіп, басқа ауылдарға да кезең-кезеңімен газ жеткізуді тапсырды.«Жасыл даму» акционерлік қоғамының қаржыландыруымен өңірде 98,7 млрд. теңгеге 9 жоба іске асырылуда. Қармақшы ауданында «Грин Орда Проект» серіктестігінің жобасы жоспарланған. Алдағы уақытта жұмыс қарқынын арттырып, екінші кезең сараптамасына құжат тапсыру керек.Бұдан бөлек, жауапты тұлғаларға қоғамдық тәртіпті нығайту және Конго-Қырым геморрагиялық қызбасы бойынша эпидемиологиялық ахуалды тұрақты бақылауда ұстау міндеттелді.Кездесуде тұрғындар мен ауыл ақсақалдары өзекті мәселелерді көтеріп, ұсыныстарын ортаға салды. Осы сапарда аймақ басшысы қармақшылық үздік оқушылармен кездесіп, олардың ұстаздарымен бірлесіп жасаған қолөнер бұйымдарын және заманауи технологияларды пайдалана отырып жүзеге асырған тың жобаларының көрмесін тамашалады.<img src="https://knadmin.beoblood.kz/uploads/arma_shy_audany_aktiv_otyrysy_3_097173663c.jpg" alt="Қармақшы ауданы актив отырысы 3.jpg">

Салық базасын ұлғайту жүйелі жұмысты қажет етеді

<a href="https://kyzylorda-news.kz/">Kyzylorda-news.kz</a> Бүгін облыс әкімі Мұрат Ергешбаев, облыстық мәслихат төрағасы Мұрат Тлеумбетов Қармақшы ауданына жұмыс сапары кезінде Төребай би ауылының тұрғындарымен кездесіп, газ желісін тарту жұмыстарының барысымен танысты.Осы уақытта &nbsp;құбыр мен ішкі тарату желілері жүргізілуде. «Asia Story KZ» &nbsp;және «Grand Structure Engineering» серіктестіктері қолға алған жобаға 479,5 млн теңге бөлінген.&nbsp;Ауылдарға «көгілдір отын» жеткізу Қазақстан Республикасын газдандырудың 2023-2030 жылдарға арналған бас схемасына, Қызылорда облысын газдандырудың 2023-2027 жылдарға арналған егжей-тегжейлі жоспарына сүйеніп &nbsp;атқарылуда.Өткен жылдың қорытындысымен өңірді газдандыру көрсеткіші 83 пайызға жетті. Бүгінде 4 қала және 56 елді мекен табиғи газға қосылған.Биыл 14 жобаны іске асыруға 4,9 млрд теңге қаржы бөлінді. Оның ішінде 2-еуі – өтпелі, 12-сі – жаңа жоба, 10 елді мекен тұрғындары &nbsp;табиғи газға қол жеткізеді. Осылайша газдандырылған елді мекен саны 66-ға, газбен қамту 85 пайызға дейін артады.Газдандыруды одан әрі жалғастыру үшін 15 млрд теңгенің 9 жобасы әзірленіп, қаржыландыруға ұсынылды. Қолдау тапқан соң қосымша 11 ауылды табиғи газға қосу жоспарланған.Бұдан бөлек, «QazaqGaz Aimaq» АҚ-ның 2026-2030 жылдарға арналған инвестициялық бағдарламасымен Жаңақорған ауданындағы 6 елді мекенді газдандыру көзделіп отыр.<img src="https://knadmin.beoblood.kz/uploads/T_rebaj_bi_auyly_gazdandyru_2_9c114611f2.jpg" alt="Төребай би ауылы газдандыру 2.jpg">

Төребай би ауылын газдандыру қарқын алды

<a href="https://kyzylorda-news.kz/">Kyzylorda-news.kz</a> Қызылорда облысында шомылу маусымы кезеңінде тұрғындардың қауіпсіздігін қамтамасыз ету мақсатында кешенді жұмыстар жүргізілуде. Су айдындарындағы жазатайым оқиғалардың алдын алу, қауіпсіздік мәдениетін қалыптастыру және балалардың өмірі мен денсаулығын қорғау бағытында рейдтік, профилактикалық және ақпараттық-түсіндіру шаралары тұрақты түрде ұйымдастырылуда. Бұл туралы Өңірлік коммуникациялар қызметінде өткен баспасөз конференциясында облыстық Төтенше жағдайлар департаментінің Төтенше жағдайларды жою басқармасының бастығы Жандос Досымов мәлімдеді.Спикердің айтуынша, өңірдегі су айдындарында азаматтардың қауіпсіздігін қамтамасыз ету мәселесі ерекше бақылауда. Әсіресе жаз мезгілінде тұрғындардың өзен-көлдерге жиі баруына байланысты қауіпсіздік талаптарын сақтау аса маңызды.<blockquote>– Су айдындарындағы қауіпсіздік мәдениетін қалыптастыру – басты міндеттеріміздің бірі. Осы бағытта департамент қызметкерлері полиция, жергілікті атқарушы органдар, еріктілер, үкіметтік емес ұйымдар, блогерлер және бұқаралық ақпарат құралдарының өкілдерімен бірлесіп жыл бойы профилактикалық және рейдтік жұмыстар жүргізуде. Жыл басынан бері облыс аумағында 410 рейд ұйымдастырылып, 14 мыңнан астам тұрғынға судағы қауіпсіздік ережелері түсіндірілді. Оның ішінде 7 мыңнан астамы - жасөспірімдер. Профилактикалық жұмыстарға 210 ерікті тартылды. Сонымен қатар, суға түсуге тыйым салынған 63 қауіпті аумаққа 398 ескерту тақтайшасы орнатылды. Білім беру ұйымдарында 38 мыңнан астам оқушыны қамтыған 238 интерактивті және ашық сабақ өткізіліп, судағы қауіпсіздік қағидалары мен төтенше жағдай кезіндегі іс-қимыл тәртібі түсіндірілді, – деді Жандос Ерланұлы.</blockquote>Спикер судағы қауіпсіздікті қамтамасыз етуге бағытталған жұмыстар шомылу маусымы аяқталғанға дейін жалғасатынын атап өтті. Құтқарушылар тұрғындарды тек рұқсат етілген орындарда шомылуға және қауіпсіздік талаптарын қатаң сақтауға шақырады.<img src="https://knadmin.beoblood.kz/uploads/Whats_App_Image_2026_06_18_at_16_15_24_dc236afb6e.jpeg" alt="Шомылу маусымы брифинг.jpeg">Фото: ТЖД

Қызылордада шомылу маусымындағы қауіпсіздік басты назарда

<a href="https://kyzylorda-news.kz/">Kyzylorda-news.kz</a> Шиелі ауданының әкімі Айтбай Жандарбеков аудан ардагерлерімен бірге аудан орталығында көркейту, көгалдандыру және абаттандыру бағытында жүргізіліп жатқан жұмыстардың барысын бақылады. Шиелі ауданының санитарлық тазалығын сақтау, экологиялық жағдайын жақсарту және тұрғындарға жайлы орта қалыптастыру мақсатында қолға алынған жұмыстар жүйелі түрде жүзеге асырылуда.Атап айтқанда, Әл-Фараби көшесінің бойына ағаш көшеттері отырғызылып, жасыл желек көлемін арттыруға ерекше мән берілуде. Жас көшеттердің күтімі мен суарылуы тұрақты бақылауға алынып, олардың жерсінуіне қажетті жағдайлар жасалуда. Сонымен қатар көшенің бойы тазартылып, аумақтарды ретке келтіру, гүлзарлар орналастыру және қоғамдық орындардың эстетикалық келбетін жақсарту бағытындағы жұмыстар да қатар жүргізілуде.Көгалдандыру жұмыстары қоршаған ортаның экологиялық ахуалын жақсартумен қатар, ауданның сәулеттік келбетін айшықтап, тұрғындардың өмір сүру сапасын арттыруға ықпал етеді. Жасыл желек жаз мезгілінде көлеңке беріп, ауаның тазалығын сақтауға, шаң-тозаңды азайтуға және табиғи тепе-теңдікті нығайтуға септігін тигізеді. Сондықтан бұл бағыттағы жұмыстар ауданның тұрақты дамуының маңызды құрамдас бөлігі болып табылады.Атқарылған жұмыстардың нәтижесінде Әл-Фараби көшесінің бойында орналасқан тұрғын үйлер мен аумақтардың келбеті айтарлықтай жақсарып, көшенің көркі мен сәні арта түскен. Тұрғындар да атқарылып жатқан игі бастамаларды қолдап, туған жердің тазалығы мен көркеюіне өз үлестерін қосуда. Бұл өз кезегінде қоғамда ортақ жауапкершілік пен қоршаған ортаға деген жанашырлық мәдениетін қалыптастыруға мүмкіндік береді.Аудан басшысы көгалдандыру және абаттандыру жұмыстарын сапалы әрі мерзімінде орындаудың маңыздылығына тоқталып, жауапты мекемелерге нақты тапсырмалар берді. Сондай-ақ ауданның барлық елді мекендерінде тазалық пен тәртіпті сақтау, жасыл аймақтарды көбейту бағытындағы жұмыстарды жалғастыру қажеттігін атап өтті.Көгалдандыру мен абаттандыру жұмыстары ауданның көркін арттырып қана қоймай, тұрғындардың өмір сүруіне қолайлы әрі экологиялық тұрғыдан қауіпсіз орта қалыптастыруға негіз болады. Табиғатты аялау мен туған өлкені көркейту – баршаға ортақ міндет. Сондықтан аудан аумағын жасыл желекке айналдыруға бағытталған жұмыстар алдағы уақытта да жүйелі түрде жалғасып, өңірдің дамуына және келешек ұрпаққа көрікті мекен қалдыруға өз үлесін қоса бермек.<img src="https://knadmin.beoblood.kz/uploads/Shieli_k_galdandyru_zh_mystary_f1ae8f11cf.jpg" alt="Шиелі көгалдандыру жұмыстары.jpg">

Тұрғындарға жайлы орта қалыптастыру үшін жүйелі жұмыстар жүзеге асуда

<a href="https://kyzylorda-news.kz/">Kyzylorda-news.kz</a> Бүгін Қазалы ауданының әкімі Алмасбек Есмаханов &nbsp;кезектілікке сәйкес тұрғындарды жеке мәселелері бойынша қабылдап, олардың ұсыныс-пікірлерін тыңдады.&nbsp;Қабылдауға келген 21 тұрғын аудан әкіміне өтiнiш-тiлектерiн жеке-жеке жеткізіп, мәселелерiнiң оң шешiмiн табуына ықпал жасауды сұрады.&nbsp;Тұрғындардың басым бөлігі тұрақты жұмысқа орналасу және тұрғын үй мен жер кезегі мәселесін қозғады. Мұнан бөлек Әйтеке би кентіндегі бірқатар көшелерге асфальт қабаты мен жаяу жүргіншілер жолын салу, көше жарықшамдарын орнату, аяқ су арықтарын тазалау, кәсіпкерлік нысан алдындағы жаяу жүргіншілер жолын алып тастау және көп қабатты тұрғын үйлердің шатырын ауыстыру, жөндеу жұмыстарын жүргізуді сұраған тұрғындарда болды.&nbsp;Аудан басшысы жұмыссыздық мәселесі бойынша мамандықтарға сәйкес сұраныс болған жағдайда бос жұмыс орындарына кезектілікпен жіберілетіндігін түсіндірді. Сондай-ақ, кейбір азаматтарға қоғамдық жұмыс арқылыда жұмыс жасауға мүмкіндік барын жеткізді. Ал тұрғын үй мен жер кезегі бойынша бүгінгі таңда ауданда халықтың әлеуметтік осал топтарын баспанамен қамту бойынша жұмыстардың қарқынды жүргізіліп жатқандығын айтып, кезектілікке сәйкес баспанаға қол жеткізетіндерін айтты.&nbsp;Кент ішіндегі аяқ су арықтарын тазалау, кәсіпкерлік нысан алдындағы жаяу жүргіншілер жолын алып тастау бойынша тиісті сала басшылары бірлесіп зерттеп, заңдылығына сәйкес тиісті шара қабылдау жөнінде тапсырма берді. Басқа да мәселелер бойынша да тиісті заңдылықтарға сәйкес жұмыстар жасалатынын айтып, соған сәйкес жауапты сала басшыларына нақты тапсырмалар жүктеді.&nbsp;

Қазалы: Азаматтарды жеке мәселелері бойынша қабылдады

<a href="https://kyzylorda-news.kz/">Kyzylorda-news.kz</a> Бүгін облыс әкімі Мұрат Ергешбаев пен облыстық мәслихат төрағасы Мұрат Тлеумбетов Қармақшы ауданына жұмыс сапарында Ақжар ауылындағы «Шакизада» шаруа қожалығының тыныс-тіршілігімен танысты.Шаруа қожалығы 2005 жылы құрылған. Қазіргі уақытта 50 гектар күріш, 77 гектар ескі жоңышқа, 0,5 гектар бақша &nbsp;және 70 гектар дән жүгері еккен. Мұнда 5 адам тұрақты жұмыспен қамтылған.Биыл Қармақшы ауданында 25 130 гектарға дақылдар егілді. &nbsp;Көктемгі егіске &nbsp;21 ауыл шаруашылығы құрылымына 1 611,5 тонна арзандатылған дизель отыны бөлінді.Су үнемдеу технологияларын 600 гектар алқапқа, атап айтқанда, 19 гектарға тамшылатып суару, 581 гектар мал азықтық дақылдарына жаңбырлатып суару тәсілі қолданылады.Ұжымдық бақша жобасы аясындағы 420 гектарға 960 отбасын орналастыру жоспарланып, 260 гектар бақша, 63 гектар көкөніс және 97 гектар картоп егілді.Айта кетейік, биыл өңірде 185,8 мың гектар жерге ауыл шаруашылығы дақылдары орналастырылды. Мемлекет басшысының тапсырмасына сәйкес, өткен жылмен салыстырғанда күріш егісінің көлемі 10,9 мың гектарға қысқартылған.Ерте егілетін дақылдар, атап айтқанда, 7 541 гектар мақсары, 415 гектар жаздық арпа, 4 338 гектар жаздық бидай, 21 394 гектар жаңа жоңышқа, 428 гектар қант құмайы, 873 гектар судан шөбі, 409 гектар сүрлемдік жүгері, 373 гектар соя, 120 гектар мал азықтық асқабақ, 326 гектар тары, 1 338 гектар картоп, 6 687 гектар көкөніс және 8 501 гектар бақша &nbsp;егілді.<img src="https://knadmin.beoblood.kz/uploads/A_zhar_auylyny_tynys_tirshiligimen_tanysty_2_1e12d57d86.jpg" alt="Ақжар ауылының тыныс-тіршілігімен танысты 2.jpg">

Ақжар ауылындағы шаруашылықтың тыныс-тіршілігімен танысты

<a href="https://kyzylorda-news.kz/">Kyzylorda-news.kz</a> ҚР Премьер-министрдің бірінші орынбасары Нұрлыбек Нәлібаевтың төрағалығымен тұрғын үй және әлеуметтік инфрақұрылым нысандарының құрылыс сапасына қатысты &nbsp;мәселелер талқыланған кеңес өтті. Оған облыс әкімі Мұрат Ергешбаев селекторлық режим арқылы қатысты.Мемлекет басшысының құрылыс сапасын арттыру, нысандардың қауіпсіздігін қамтамасыз ету және бюджет қаражатын тиімді пайдалану тапсырмасы бар.&nbsp;Жиында құрылысқа бақылауды күшейту, техникалық және авторлық қадағалау институттарының жауапкершілігін арттыру, анықталған кемшіліктерді уақытылы жою мәселелері қаралды.Премьер-министрдің бірінші орынбасары &nbsp;ақауларды жою барысында көзбояушылыққа жол берілмейтінін атап өтті. Құрылыс сапасы жобалау кезеңінен бастап құрылыс-монтаждау, &nbsp;пайдалануға қабылдау, техникалық және авторлық қадағалау, кепілдік міндеттемелердің толық орындалуына дейінгі барлық кезеңде қамтамасыз етілуі тиіс.<img src="https://knadmin.beoblood.kz/uploads/rylys_sapasyna_atysty_m_seleler_tal_ylandy_713f9ebc24.jpg" alt="Құрылыс сапасына қатысты мәселелер талқыланды.jpg">Тұрғын үйлер, әлеуметтік нысандар, инженерлік-коммуналдық инфрақұрылым, автомобиль жолдары, абаттандыру объектілері, аула аумақтары, сыртқы жарықтандыру жүйелері, теміржол вокзалдары мен автовокзалдар құрылысына бақылауды күшейту қажет.Кемшіліктер мердігер ұйымдар қаражаты есебінен, кепілдік міндеттемелер шеңберінде, &nbsp;бюджет қаражатын жұмсамай жойылуы керек.Мәжілісте бақылауды күшейту және тапсырыс берушілердің, мердігер ұйымдардың, техникалық және авторлық қадағалаудың жауапкершілігін арттыру шаралары талқыланды.Кейінгі үш жылда аймақта &nbsp;құрылыс саласына бөлінген қаржы &nbsp;тұрақты өсіп, 2023-2025 жылдар аралығында &nbsp;349,9 млрд. теңгеге жетті.&nbsp;Құрылысы жүріп жатқан нысандардың сәулеттік келбеті мен ішкі дизайны алдын-ала келісіліп, сыртқы және ішкі әрлеу жұмыстарының үйлесімділігі қамтамасыз етілуде. Жұмыстың сапалы әрі белгіленген мерзімде орындалуы үшін барлық нысан тұрақты бақылауға алынған.&nbsp;

Құрылыс сапасына қатысты мәселелер талқыланды

Фото: https://www.shutterstock.com<a href="https://kyzylorda-news.kz/">Kyzylorda-news.kz</a> Қазақстан өңірдегі туристік картада өз позициясын нығайтуды жалғастыруда. Соңғы жылдары сала тұрақты даму қарқынын сақтап, туристік белсенділік көрсеткіштері негізгі бағыттардың басым бөлігінде өсіп келеді. Бұған дейін 2025 жылдың қорытындысы бойынша елде туризм индустриясының айтарлықтай өсімі тіркелгенін атап өткен болатынбыз, ал биылғы жыл бұл оң үрдістің сақталып отырғанын тағы бір мәрте растады.Соңғы деректерге сәйкес 2026 жылдың қаңтар–наурыз айларында Қазақстандағы орналастыру орындары шамамен 2 млн адамға қызмет көрсетті. Көрсетілген қызметтердің көлемі 69 млрд теңгеден асып, өткен жылдың дәл осындай кезеңімен салыстырғанда 14%-ға артты. Қызметтердің нақты көлем индексі 104,5%-ды құрады, бұл бағаның өсуін ғана емес, туристік белсенділіктің нақты артқанын да көрсетеді.Ішкі туризмнің серпіні ерекше назар аудартады. Биылғы жылдың бірінші тоқсанының қорытындысы бойынша ел ішінде орналастыру орындарының қызметін пайдаланған қазақстандықтардың саны 3,6%-ға өсті. Бұл азаматтардың Қазақстан бойынша саяхаттауға қызығушылығының артып келе жатқанын көрсететін маңызды көрсеткіш. Ішкі туризмнің өсуі халықтың мобильділігінің артуын ғана емес, туристік инфрақұрылымның біртіндеп жақсарып, қызмет түрлерінің кеңейіп, отандық туристік бағыттарға қызығушылықтың артып келе жатқанын да көрсетеді. Нәтижесінде ішкі туризм саланы дамытудың негізгі драйверлерінің біріне айналып, өңірлердегі экономикалық белсенділікті ынталандыруға, жаңа жұмыс орындарын құруға және шағын және орта бизнестің дамуын қолдауға ықпал етуде.Өңірлер бойынша келушілердің саны тұрғысынан, әдеттегідей, Алматы көш бастап тұр, ағымдағы жылдың қаңтар–наурыз айларында мұнда 472,9 мың адамға қызмет көрсетілді. Екінші орынды Астана иеленді (352,2 мың адам), ал алғашқы үштікті Ақмола облысы түйіндеді (161,1 мың адам).Курорттық бағыттарға деген қызығушылықты да ерекше атап өткен жөн. 2026 жылдың бірінші тоқсанының қорытындысы бойынша қызмет көрсетілген барлық келушілердің шамамен 40%-ы курорттық аймақтарға барған. Абсолюттік мәнде бұл 800 мыңнан астам адамды құрайды, бұл рекреациялық туризмнің сала үшін маңызын және ел ішінде демалуға деген жоғары сұранысты растайды.Мұндай оң жағдай Қазақстан Президенті Қасым-Жомарт Тоқаев тұрақты түрде айтып келе жатқан басымдықтармен толық сәйкес келеді, атап айтқанда, ол 2025 жылғы күздегі Жолдауында Алматы туристік кластерін жеке атап өтіп, жалпы туризм саласын дамытудың маңыздылығына ерекше тоқталған болатын.<figure class="image"><img src="https://knadmin.beoblood.kz/uploads/1_c7b6abf1f2.jpeg" alt="1.jpeg"></figure>Мемлекет басшысы айқындаған міндеттерге сәйкес туристік инфрақұрылымды дамыту бағытында оң динамика шынымен де байқалады. Мәселен, жыл сайын қонақүйлер, отельдер, демалыс аймақтары және басқа да орналастыру орындарының саны да, бұл салада жұмыспен қамтылғандар қатары да артып келеді. Бүгінде Қазақстанда 4,5 мыңнан астам орналастыру орны жұмыс істейді, онда шамамен 31 мың адам еңбек етеді.Салыстыру үшін айтар болсақ, үш жыл бұрын елімізде 3,8 мың орналастыру нысаны жұмыс істеп, саладағы қызметкерлер саны шамамен 28 мың адамды құраған еді. Демек, орналастыру орындарының саны 17%-ға, ал жұмыспен қамтылғандар саны 12%-ға өсті. Бұл туристік инфрақұрылымның дамып жатқанын және саланың ел экономикасына қосып отырған үлесінің артып келе жатқанын айғақтайды.<figure class="image"><img src="https://knadmin.beoblood.kz/uploads/2_98ec0f5fb4.jpeg" alt="2.jpeg"></figure>Туризм саласының Қазақстан экономикасына қосып отырған үлесі артып келеді, ал оның ел үшін маңызы зор. Бүгінде туризм тек демалыс пен ойын-сауық саласы ретінде ғана қарастырылмайды — ол табыс алып келетін, жұмыс орындарымен қамтитын және өңірлердің дамуына серпін беретін экономиканың толыққанды секторына айналып келеді.2025 жылдың қорытындысы бойынша туризмнің Қазақстан экономикасына қосқан үлесі 5 трлн теңгеге жетті, ал саланың елдің жалпы ішкі өніміндегі үлесі 3,1%-ды құрады. Сонымен қатар бүгінде туризм саласында 600 мыңнан астам адам жұмыспен қамтылған, бұл экономикадағы жұмыспен қамтылғандардың жалпы санының шамамен 7%-ына тең. Бұл деректерді үкімет отырысында ҚР Туризм және спорт министрі Ербол Мырзабосынов мәлімдеді.Сала валюталық түсімдердің қалыптасуына да елеулі үлес қосуда. Министрдің айтуынша, шетелдік туристердің Қазақстандағы шығыстары 2,9 млрд АҚШ долларын құрады. Сондай-ақ туристік қызметтен түскен салық түсімдерінің көлемі 18%-ға өсіп, 630 млрд теңгеге жетті. Нәтижесінде туризмнің жалпы салық түсімдеріндегі үлесі 2%-ға дейін артты.Мұндай нәтижелер соңғы жылдары жүргізіліп келе жатқан жүйелі жұмыстың жемісі болып табылады. Мемлекет пен жеке сектор туристік инфрақұрылымды дамытуға, көлік қолжетімділігін арттыруға, сервисті жақсартуға және елді халықаралық нарықта ілгерілетуге белсенді түрде инвестиция салуда.Мәселен, 2025 жылы туризм саласына тартылған инвестициялар көлемі алдыңғы жылмен салыстырғанда 33%-ға өсіп, 1,3 трлн теңгеге жетті. Сонымен қатар «мәдениет, спорт, туризм және ақпараттық кеңістік» бағыты бойынша мемлекеттік бюджет шығыстары рекордтық 1,2 трлн теңгені құрап, тәуелсіз Қазақстан тарихындағы ең жоғары көрсеткіштердің біріне айналды.Заңнамалық базаны жетілдіруге де ерекше назар аударылуда. 2026 жылдың наурыз айында туризм саласын одан әрі дамытуға бағытталған заңнамалық түзетулер қабылданды.Атап айтқанда, туристік автобустар үшін «жасыл дәліз» тетігі енгізілуде, бұл ұйымдастырылған туристік топтардың мемлекеттік шекарадан өту уақытын едәуір қысқартуға мүмкіндік береді. Сондай-ақ заңнамалық деңгейде визит-орталықтар ұғымы бекітіліп, оларды құру және іске қосу бойынша негізгі талаптар айқындалды. Сонымен бірге гидтердің, экскурсия жүргізушілерінің және туризм нұсқаушыларының қызметін реттейтін бірыңғай қағидалар бекітіледі, бұл туристік қызметтердің сапасын арттыруға ықпал етуі тиіс.Өзгерістердің жеке бір бағыты балалар және экологиялық туризмді дамытуға арналған. 18 жасқа дейінгі балалар үшін елдің ұлттық парктеріне кіру тегін болды. Бұл шара жастар арасында ішкі туризмді дамытуға, табиғи көрікті орындардың қолжетімділігін арттыруға және өскелең ұрпақтың экологиялық мәдениетін қалыптастыруға бағытталған.Аталған саланы дамыту Қазақстан Республикасының туристік саласын дамытудың 2023–2029 жылдарға арналған тұжырымдамасы аясында жүзеге асырылуда.Шетелдік туристерді тарту негізгі басым бағыттардың бірі болып табылады. Осы мақсатта визалық режимді либерализациялау, халықаралық әуе қатынасын көбейту және елдің туристік әлеуетін шетелдік нарықтарда ілгерілету жұмыстары жүргізілуде.Бүгінде Қазақстанда 84 елдің азаматтары үшін визасыз режим қолданылады, ал электрондық виза жүйесі әлемнің 102 елінің азаматтарына қолжетімді. Елдің көлік қолжетімділігі де айтарлықтай дамып келеді. Қазақстанның халықаралық әуе қатынасы 30 мемлекетпен қамтылған, 135 халықаралық бағыт бойынша аптасына 626 рейс орындалады.Сонымен қатар туристік инфрақұрылымды дамыту жұмыстары да жалғасуда. Тек 2025 жылы Қазақстанда жалпы құны 167,4 млрд теңге болатын 96 инфрақұрылымдық жоба іске асырылды. Бұдан бөлек, туристік салаға көрсетілген мемлекеттік қолдау шараларының көлемі шамамен 7 млрд теңгені құрады. Мұндай қомақты қаржыландыру көлемі туризмнің экономикалық саясаттың басым бағыттарының біріне айналғанын айғақтайды.Демек, мемлекет жүргізіп отырған жүйелі саясат, ауқымды инфрақұрылымдық жобалар және елдің ішкі әрі сыртқы туристер үшін қолайлылығын арттыру шаралары саланың одан әрі дамуына негіз болып отыр. Егер қазіргі қарқын сақталса, туризм ел экономикасына қосатын үлесін айтарлықтай арттырып, алдағы жылдары өңірлердің дамуына серпін беретін маңызды драйверлердің біріне айнала алады. Туризм саласындағы оң өзгерістер Қазақстанның ішкі көрсеткіштерінен ғана емес, сондай-ақ туристік ағын, инвестициялар мен кірістерден және де елдің жаһандық деңгейдегі бәсекеге қабілеттілігін бағалайтын халықаралық рейтингтерден де көрініс табуда.Маңызды индикаторлардың бірі — Дүниежүзілік экономикалық форум жариялайтын саяхат және туризмді дамыту индексі (Travel &amp; Tourism Development Index). Бұл көрсеткіш туристік инфрақұрылымның даму деңгейін, саланың инвестиция салу үшін қолайлылығын және елдің туризмді тұрақты дамытуға дайындық деңгейін сипаттайды.Қазақстанның бұл рейтингтегі динамикасы тұрақты өсімді көрсетуде. Егер 2019 жылы еліміз 80-орында болып, 3,7 балл жинаса, 2021 жылы 66-орынға көтерілді, ал 2024 жылдың қорытындысы бойынша 52-орынға шығып, бағасы 4,1 балл болды. Осылайша, бес жыл ішінде Қазақстан өз позициясын 28 сатыға жақсартып, өңір елдері арасында айтарлықтай ілгерілеу көрсетті. Бұдан бөлек, бірқатар көрсеткіштер бойынша Қазақстан кейбір танымал туристік бағыттардан да озып отыр, бұл елдің әлемдік туристік нарықтағы позициясының нығайып келе жатқанын айғақтайды.Жалпы алғанда, халықаралық рейтингтер Қазақстанның Орталық Азиядағы әлеуеті жоғары туристік бағыт ретінде біртіндеп дамып келе жатқанын растайды.<figure class="image"><img src="https://knadmin.beoblood.kz/uploads/3_3ac1a67afe.jpeg" alt="3.jpeg"></figure>Сонымен қатар оң динамиканы U.S. News &amp; World Report рейтингісінің «Туризм және мәдениет» санаты да көрсетіп отыр. Ондағы деректерге сай ҚР 2025 жылы 73-орынға ие болып, үш жыл ішінде өз позициясын 11 сатыға жақсартты. Еліміздің бұл рейтингке енгізілуінің өзі маңызды көрсеткіш болып саналады, себебі оған шектеулі мемлекеттер ғана (шамамен 100) кіреді, ал көптеген елдердің экономикасы бұл рейтингте ұсынылмаған.Сондай-ақ Қазақстанның басқа елдермен салыстырғанда бәсекелік жағдайы да жақсарған. Бұрын республика өңірдегі бірқатар мемлекеттерден, соның ішінде Өзбекстаннан қалып келсе, 2025 жылғы рейтингте бұл алшақтық қысқарып қана қоймай, Қазақстан көрші елден жеті сатыға жоғары тұр, сондай-ақ Катар, Бахрейн, Тунис және Вьетнам сияқты мемлекеттерді де басып озды.Осылайша, халықаралық рейтингтердің динамикасы Қазақстан туризм саласының тек сандық тұрғыдан ғана емес, сапалық жағынан да дамып келе жатқанын көрсетеді. Дүниежүзілік экономикалық форумның индексіндегі тұрақты өсім мен U.S. News &amp; World Report рейтингісіндегі позициялардың жақсаруы инфрақұрылым, сервис және инвестиция салу бағыттарындағы жүйелі өзгерістерді айғақтайды. Бұл Қазақстанның жаһандық деңгейде бәсекеге қабілетті туристік бағыт ретіндегі мәртебесін біртіндеп нығайтып, халықаралық туристік нарықта айқын көріне бастағанын көрсетеді.<figure class="image"><img src="https://knadmin.beoblood.kz/uploads/4_3fc7996e24.jpeg" alt="4.jpeg"></figure>

Қазақстан әлемдік туристік рейтингте 28 сатыға көтерілді

<a href="https://kyzylorda-news.kz/">Kyzylorda-news.kz</a> Қызылорда қаласында QYZYLORDA STREET SPORT FEST аясында ұйымдастырылған және 26 маусым – Халықаралық нашақорлыққа және есірткінің заңсыз айналымына қарсы күрес күніне орай өткізілген стритболдан (3х3) облыстық ашық турнир өз мәресіне жетті.Аталған спорттық іс-шараның басты мақсаты – жастар арасында салауатты өмір салтын насихаттау, бұқаралық спортты дамыту, жастардың спортқа деген қызығушылығын арттыру және қоғамда есірткіге қарсы мәдениетті қалыптастыру. Сонымен қатар турнир жастарды белсенді өмір салтын ұстануға ынталандырып, олардың бос уақытын тиімді ұйымдастыруға бағытталды.Жарысқа Қызылорда облысының аудандарынан, Қызылорда қаласынан, сондай-ақ Шымкент және Байқоңыр қалаларынан келген барлығы 10 команда қатысты. Ашық форматта өткен турнир барысында қатысушылар өздерінің спорттық шеберліктерін көрсетіп, жоғары деңгейдегі дайындықтарын дәлелдеді. Әрбір кездесу тартысты өтіп, жанкүйерлерге қызықты әрі әсерлі ойын сыйлады.Турнирдің салтанатты ашылу рәсімінде ұйымдастырушылар жастар арасында бұқаралық спортты дамыту мен зиянды әдеттердің алдын алудың маңыздылығына тоқталып, спорттың денсаулықты нығайтудағы және тұлғаның жан-жақты қалыптасуындағы рөлін атап өтті. Сондай-ақ қатысушыларға сәттілік тілеп, әділ әрі тартысты бәсеке болуына ниет білдірді.Жарыс қорытындысы бойынша үздік нәтиже көрсеткен командалар анықталып, жеңімпаздар мен жүлдегерлер арнайы дипломдармен, медальдармен және қаржылай сыйлықтармен марапатталды.Нәтижесінде:<ul><li style="text-align:justify;">І орын – Qyzylorda U18 командасы;</li><li style="text-align:justify;">ІІ орын – «Қайсар» командасы;</li><li style="text-align:justify;">ІІІ орын – Шымкент қаласының құрамасы иеленді.</li></ul>Турнир барысында қатысушылар жоғары спорттық мәдениет пен командалық рухтың үлгісін көрсетіп, стритбол спортының өңірдегі дамуына өз үлестерін қосты. Сонымен қатар жарыс жастар арасындағы достық қарым-қатынасты нығайтып, өңіраралық ынтымақтастықты дамытуға мүмкіндік берді.QYZYLORDA STREET SPORT FEST аясында өткен стритбол турнирі жастар арасында салауатты өмір салтын насихаттауға, бұқаралық спортты дамытуға және зиянды әдеттердің алдын алуға бағытталған маңызды әлеуметтік-спорттық жоба болды. Осындай ауқымды іс-шаралар жас ұрпақтың денсаулығын нығайтуға, олардың спортқа деген қызығушылығын арттыруға және қоғамда есірткіге қарсы тұрақты көзқарас қалыптастыруға оң ықпал етеді. Алдағы уақытта да жастарды қолдауға және спорттық белсенділікті арттыруға бағытталған жобалар өз жалғасын табатын болады.

Қызылордада QYZYLORDA STREET SPORT FEST аясында стритбол турнирі өтті

<a href="https://kyzylorda-news.kz/">Kyzylorda-news.kz</a> Жаз мезгілінде су айдындарында демалушылар санының артуына байланысты судағы қауіпсіздік мәселесі өзекті болып отыр. Осыған орай Қазалы ауданында тұрғындардың өмірі мен денсаулығын қорғау мақсатында Сырдария өзені мен өзге де су айдындарында қауіпсіздік талаптарын түсіндіру және алдын алу шаралары тұрақты түрде жүзеге асырылуда.Мамандар тұрғындарды тек арнайы белгіленген және рұқсат етілген орындарда шомылуға, балаларды қараусыз қалдырмауға, сондай-ақ судағы қауіпсіздік ережелерін қатаң сақтауға шақырады. Әсіресе тереңдігі белгісіз, ағысы қатты және жағалауы қауіпті аумақтарда сақтық шараларын күшейту қажеттігі ескертілуде.Қазалы ауданының Төтенше жағдайлар бөлімі жергілікті атқарушы органдармен бірлесіп, халық арасында ақпараттық-түсіндіру жұмыстарын жүйелі түрде ұйымдастыруда.Аудан аумағында ескерту тақтайшалары мен ақпараттық билбордтар орнатылып, әлеуметтік желілер мен бұқаралық ақпарат құралдары арқылы қауіпсіздік талаптары кеңінен насихатталуда.Сонымен қатар, су айдындарында рейдтік іс-шаралар өткізіліп, тұрғындардың қауіпсіз демалысын қамтамасыз етуге бағытталған жұмыстар жалғасуда.<blockquote>«Су айдындарында қауіпсіздік талаптарын сақтау – әр азаматтың өмірі мен денсаулығын қорғаудың маңызды кепілі», – деді Қазалы ауданы Төтенше жағдайлар бөлімінің өкілі Алтынбек Сауытбекұлы.</blockquote>

Қазалы ауданында судағы қауіпсіздік бойынша түсіндіру жұмыстары жүргізілуде

<a href="https://kyzylorda-news.kz/">Kyzylorda-news.kz</a> Жалағаш ауданының әкімі Ардақ Ибраимов ауданның зиялы қауым өкілдерімен және ардагерлерімен бірге өңірдегі киелі орындардың бірі – Түмен әулие кесенесіне арнайы барып, тарихи нысанның қазіргі жағдайымен танысты. Сапар барысында кесенені күтіп-ұстау, абаттандыру және алдағы жөндеу жұмыстарының жай-күйі зерделеніп, тарихи-мәдени мұраны сақтау бағытындағы өзекті мәселелер талқыланды.Бүгінде Түмен әулие кесенесі Сыр өңіріндегі маңызды тарихи-мәдени және рухани орындардың бірі болып саналады. Жыл сайын мұнда облыстың әр аймағынан және еліміздің өзге өңірлерінен келетін зияратшылар мен қонақтар саны артып келеді. Киелі орын халықтың рухани құндылықтарын дәріптеп, тарихи сананы жаңғыртуда маңызды рөл атқарады.Кесене жылдар бойы бірнеше мәрте жөндеуден өтіп, оның тарихи келбетін сақтау бағытында жүйелі жұмыстар атқарылған. Атап айтқанда, 2011 жылы нысанда қалпына келтіру жұмыстары жүргізіліп, кесененің сәулеттік ерекшеліктерін сақтау мен келушілерге қолайлы жағдай жасауға басымдық берілген.<figure class="image"><img src="https://knadmin.beoblood.kz/uploads/zhalagash_7760a439e3.jpg" alt="жалагаш.jpg"></figure>Сапар барысында тарихи нысанның қазіргі техникалық жағдайы қаралып, кесене күмбезін әрлеу және сырлау жұмыстарын жүргізу мәселелері талқыланды. Сонымен қатар кесене аумағын абаттандыру, айналасын көгалдандыру, тазалық жұмыстарын тұрақты жүргізу және келушілер үшін қолайлы инфрақұрылым қалыптастыру жөнінде ұсыныстар айтылды.Жалағаш ауданының әкімі Ардақ Ибраимов киелі орындардың тарихи және рухани маңызын атап өтіп, олардың сақталуы мен келешек ұрпаққа аманат ретінде жеткізілуі маңызды міндет екенін жеткізді. Осыған байланысты жауапты сала басшыларына кесененің тарихи келбетін сақтай отырып, жөндеу және күтіп-ұстау жұмыстарын сапалы ұйымдастыру жөнінде нақты тапсырмалар берді.Тарихи-мәдени мұраларды сақтау және дәріптеу – ұлттық құндылықтарды ұлықтаудың маңызды бағыттарының бірі. Түмен әулие кесенесі – халқымыздың рухани тарихынан сыр шертетін қасиетті орындардың бірі ретінде ерекше құрметке ие. Сондықтан мұндай нысандарды күтіп-ұстау, жаңғырту және олардың тарихи келбетін сақтау жұмыстары алдағы уақытта да өз жалғасын тауып, өскелең ұрпақтың туған жер тарихына деген құрметін арттыруға қызмет ете бермек.<figure class="image"><img src="https://knadmin.beoblood.kz/uploads/Zhala_ash_d0b9095865.jpg" alt="Жалағаш.jpg"></figure><figure class="image"><img src="https://knadmin.beoblood.kz/uploads/zhalagash_81e761317a.jpg" alt="жалагаш.jpg"></figure>

Қазақстан және Қызылорда облысының жаңалықтары