<a href="https://kyzylorda-news.kz/">Kyzylorda-news.kz</a> Шиелі ауданының әкімі Айтбай Жандарбеков тиісті сала басшыларымен бірге Шиелі кентінде жүргізіліп жатқан автомобиль жолдарын қайта жаңғырту жұмыстары барысын бақылады.Қазіргі таңда Шиелі кентіндегі Қожа Ахмет Яссауи, Ш.Бәкіров, Есабыз және А.Байтұрсынов көшелерінің қиылысынан К-4 каналы арқылы өтетін көпірге дейінгі автомобиль жолдарын қайта жаңғырту жұмыстары жүргізілуде.Жобаның жалпы құны 1 млрд 520 млн теңгені құрайды. Қайта жаңғыртылатын автомобиль жолдарының жалпы ұзындығы 4,04 шақырым. Жобаның бас мердігері «УАД» ЖШС, техникалық қадағалаушысы «СК Энерго-OIL» ЖШС, ал авторлық қадағалауды «СпецМонтажСтрой LTD» ЖШС жүзеге асырады.Жоба аясында Қожа Ахмет Яссауи көшесі төрт жолақты етіп жаңғыртылуда. Сонымен қатар, жолдың жүріс бөлігі жаңартылып, жаяу жүргіншілерге арналған жолдар салынуда. Жоба толық аяқталғаннан кейін көшелердің инфрақұрылымы жаңартылып, заманауи үлгідегі аялдамалар орнатылып, жол белгілері мен жол таңбалары жаңартылады. Көше жарықтандыру жүйесі де толықтай жаңғыртылатын болады.Жұмыс барысымен танысқан аудан әкімі тиісті сала басшыларына құрылыс қарқынын бәсеңдетпей, жұмыстарды белгіленген мерзімде әрі сапалы аяқтауды тапсырды.<img src="https://knadmin.beoblood.kz/uploads/Shieli_zhol_zh_ndeu_zh_mystary_2_c06f797e2a.jpg" alt="Шиелі жол жөндеу жұмыстары 2.jpg">

Шиелі кентіндегі жол жөндеу жұмыстарының барысы бақыланды

<a href="https://kyzylorda-news.kz/">Kyzylorda-news.kz</a> «Өнер орталығында» Мұғалімдер күніне арналған «Ұстаз – қанат, шәкірт – қауырсын» атты салтанатты іс-шара өтті. Облыс әкімі Мұрат Ергешбаев ұстаздарды төл мерекесімен құттықтап, аймақ дамуына қосқан үлесі үшін алғыс білдірді.<blockquote>«Мемлекет басшымыз Қасым-Жомарт Кемелұлы: «Мықты мұғалім – сапалы ұлттың тірегі» деген болатын. Бұл сөздің салмағы ерекше. Шын мәнінде, ұстаз – баланың алдына білімнің ғана емес, өмірдің жолын ашатын тұлға. Бүгін осы залда отырған әр педагогтің еңбегі – бір шәкірттің тағдырымен, бір отбасының үмітімен, тұтас елдің ертеңімен сабақтас. Қазақтың аса көрнекті ағартушы-педагогі Ыбырай Алтынсариннің: «Маған жақсы мұғалім бәрінен де қымбат, өйткені, мұғалім – мектептің жүрегі» деген сөзі бүгінгі күні де өз мәнін жоймады. Баршаңызға мықты денсаулық, отбасыларыңызға амандық, шығармашылық ізденіс пен кәсіби өрлеу тілеймін! Шәкірттеріңіздің жүрегіне әрдайым жол тауып, мерейлеріңіз үстем болсын!», – деді Мұрат Нәлқожаұлы.</blockquote><img src="https://knadmin.beoblood.kz/uploads/akimat_ff4b47d484.jpg" alt="акимат.jpg">Жиында Сыр елінің үлгілі ұстаздарына «Құрмет» ордені, «Ерен еңбегі үшін», «Қызылорда облысының дамуына қосқан үлесі үшін», «Еңбек ардагері», «Ы. Алтынсарин» медальдары табысталды.Сонымен қатар, бірқатар ұстаз «Білім беру саласының үздігі» төсбелгісімен, Қызылорда облысының Құрмет грамотасымен, ҚР Оқу-ағарту министрлігінің Құрмет грамотасы, «Орта білім беру ісінің үздігі», «Қосымша білім беру ісінің үздігі» Құрмет дипломдарымен, ҚР Премьер-министрінің бірінші орынбасарының және облыс әкімінің Алғыс хаттарымен &nbsp;марапатталды. Мерекелік шарада еңбегімен көзге түсіп, шәкіртімен бірге білім бәсекесінде топ жарған 10 ұстазға Сарыағаш шипажайына жолдама берілді.<img src="https://knadmin.beoblood.kz/uploads/akimat_0cbde66c6f.jpg" alt="акимат.jpg">Салтанатты кеш жергілікті өнерпаздардың концертіне ұласты. Бүгінгі мерекеге орай Мемлекет басшысы Қасым-Жомарт Тоқаев бір топ ұстазды Ақорда төрінде қабылдап, мемлекеттік наградалар табыстады. Салтанатты қабылдауда Сыр өңірінің ұстаздары да құрметке бөленді. Атап айтқанда, Қазалы ауданы Б.Мергенбаев атындағы №226 мектептің қазақ тілі мен әдебиеті пәнінің мұғалімі Мирамкүл Жөлекеш, Жалағаш ауданы Т.Жүргенов атындағы №123 мектеп-лицейінің математика пәнінің мұғалімі Ғалымжан Нұрмахатов «Ерен еңбегі үшін» медалін алды.Айта кету керек, Мемлекет басшысы мен Үкіметтің қолдауының арқасында өңірдің білім саласында ауқымды жобалар жүзеге асуда. Кейінгі төрт жылда салаға 1 трлн теңгеден астам қаржы бөлініп, 123 млрд теңгеге 46 білім беру нысаны жаңадан салынды. Президенттің бастамасымен қолға алынған «Келешек мектептері» ұлттық жобасы аясында 10 мектеп пайдалануға берілді.<img src="https://knadmin.beoblood.kz/uploads/akimat_1ec4dba169.jpg" alt="акимат.jpg"><img src="https://knadmin.beoblood.kz/uploads/akimat_5abe9071a3.jpg" alt="акимат.jpg"><img src="https://knadmin.beoblood.kz/uploads/akimat_1_925a24de17.jpg" alt="акимат.jpg">

Сыр өңірінің үздік ұстаздарына құрмет көрсетілді

Тілдік отарсыздандырудың негіздерін әлеуметтік лингвистика арқылы жасап жатырмыз

<a href="https://kyzylorda-news.kz/">Kyzylorda-news.kz</a> Қасым-Жомарт Тоқаевтың пайымдауынша, жас ұрпақ дамыған мемлекетте, қауіпсіз ортада, өркениетті қоғамда өмір сүруі керек.Қазір Қазақстанда 4 миллионнан астам оқушы бар, яғни, еліміздің әрбір бесінші азаматы мектепте білім алып жатыр.&nbsp;<blockquote>– Осы мақсатпен біз баршаға бірдей мүмкіндік беретін, Әділетті, Күшті, Таза және Озық Қазақстанды құру ісін қолға алдық, ауқымды реформаларды жүзеге асырдық. Халқымыздың темірқазығы, елімізді тарихи өрлеу дәуіріне бастаған негізгі құжат – Конституцияны қабылдадық. Конституцияда тұңғыш рет оқу-ағарту жүйесін дамытуға ықпал ететін нақты нормалар көрініс тапты. Атап айтқанда, адам капиталын, білім-ғылымды және инновацияны дамыту мемлекеттің міндеті, стратегиялық бағыты ретінде бекітілді. Түптеп келгенде, бұл – заман талабы. Сонымен қатар біз билік жүйесін түбегейлі жаңғырттық. Елімізде бір палаталы Құрылтайдың алғашқы сайлауы өтті. Үкіметтің жаңа құрамы жасақталды. Вице-Президент тағайындалды. Жаңа мемлекеттік орган – Қауіпсіздік Кеңесінің Аппараты құрылды. Жақында Қазақстан Халық Кеңесі өз жұмысын бастады. Осылайша, біз бір ұлт болып еліміздің даму бағдарын айқындаған маңызды әрі іргелі жұмысты табысты атқардық, – деді Мемлекет басшысы.</blockquote>Президенттің пікірінше, өркениетті әрі озық елдің қуаты оның табиғи байлығымен емес, ең алдымен, адам капиталының сапасымен өлшенеді. Мемлекеттің әлемдегі орны да, экономикалық әлеуеті де қоғамдағы білім мен ғылымның деңгейіне тәуелді.<blockquote>– Өздеріңіз білесіздер, біз бұл бағытта нақты шаралар қабылдап, белсенді жұмыс істеп жатырмыз. Мәселен, соңғы жеті жылда елімізде 1 миллионнан астам оқушыға арналған 1342 мектеп салынды. Биыл тағы 101 мектеп салынып жатыр. «Келешек мектептері» ұлттық жобасы аясында білім беру мекемелерінің жаңа стандарты қалыптасты. Соның арқасында заманауи инфрақұрылымы бар, балалардың сапалы білім алып, дамуына барлық жағдай жасалған оқу ордалары бой көтеруде. Бүгінде 460 мың оқушыға арналған осындай 217 мектеп салынды. Сол мектептердің 84-і, яғни 40 пайызға жуығы ауылдық жерде орналасқан. Мен өз сөздерімде әрдайым айтып жүрмін: ауыл мектебі де, қала мектебі де балаларға бірдей сапалы білім беретін заманауи оқу мекемесі болуы керек. Қазіргі таңда мемлекет Жасанды интеллект жүйесіне негізделген арнайы сабақтарды орта мектептерге жаппай енгізу бағдарламасын іске асыруда. Бұл – өте маңызды жұмыс. Үкімет осы мәселеге баса мән беруге тиіс. Жалпы, аймақтарда мектеп тапшылығы мәселесі болмауы керек. Өйткені тағы да қайталап айтамын, бұл – мемлекеттің болашағына әсер ететін өте маңызды фактор. Үкімет осы мәселені де әрдайым назарда ұстауы қажет, – деді Мемлекет басшысы.&nbsp;</blockquote>Сурет: Ақорда

Президент: «Соңғы жеті жылда елімізде 1 миллионнан астам оқушыға арналған 1342 мектеп салынды»

<a href="https://kyzylorda-news.kz/">Kyzylorda-news.kz</a> Мемлекет басшысы Ішкі істер министрі Ержан Сәденовті қабылдады. Бұл туралы Ақорданың баспасөз қызметі хабарлады.Президентке елдегі криминогендік ахуал және қоғамдық қауіпсіздік пен құқықтық тәртіпті қамтамасыз ету жөніндегі тапсырмаларының орындалу барысы туралы баяндалды.Ержан Сәденов&nbsp;биылғы тоғыз айдың қорытындысы бойынша қылмыс деңгейі 15 пайызға төмендегені жөнінде мәлімет берді.Нақты айтқанда, өткен жылмен салыстырғанда азайған қылмыс саны 11 мыңнан асады. Қылмыстың аса ауыр түрлері, сондай-ақ қоғамдық орындарда, көшелерде, отбасылық-тұрмыстық салада, кәмелетке толмағандар мен бұрын сотталғандар арасында құқық бұзушылықтар кеміген.Министр өткен жылдары 2,5 мыңнан астам қылмыс ашылғаны айтты.Криминалистиканың заманауи құралдары, соның ішінде ДНҚ зерттеулері көп жыл бұрын жасалған қылмыстарға қатысы бар адамдарды анықтауға мүмкіндік беріп отыр.Ол қоғамда құқықтық тәртіпті бұзуға төзбеушілік дағдысы орнығып келе жатқанын баяндады.Жұртшылық полицияның Заң мен тәртіпті жүзеге асыруына белсенді түрде көмектеседі. Жыл басынан бері азаматтардың, волонтерлер мен қоғамдық көмекшілердің ақпараты бойынша 12 мыңнан аса әкімшілік құқық бұзушылықтың жолы кесіліп, 357 қылмыс ашылды.Жазаның бұлтартпастығын қамтамасыз етуге шетелдік құқық қорғау органдарымен өзара іс-қимыл ықпал етіп келеді. Іздеуде жүрген 1039 адам табылып, сырт елдерде бой тасалап жүрген 154 адам ұсталды. Шет мемлекеттердің сұрауы бойынша Қазақстан аумағында 537 қылмыскер құрықталды.Ішкі істер министрлігі тергеп жатқан қылмыстық істер бойынша жыл басынан бері 49 миллиард теңге қайтарылғаны жөнінде айтты.Бұл өткен жылдың осы кезеңімен салыстырғанда 22,5 пайызға көп.Интернет-алаяқтықтан зардап шеккен азаматтарға 6,5 миллиард теңгеден астам қаражат қайтарылған. Мұндай қылмыстың саны 21 пайызға азайды. Олардың жолын кесу мақсатында 8,7 мың алаяқтық және фишингтік сайт, сондай-ақ 187 миллион алаяқтық қоңырау бұғатталды.Ержан Сәденов қоғамдық қауіпсіздікті қамтамасыз етудің цифрлық тетіктерін дамыту жөнінде ақпарат берді.Бейнебақылау желісінің көмегімен 2,2 мыңнан астам адам анықталып, ұсталған.Цифрлық шешімдер жол қауіпсіздігін қамтамасыз ету үшін де белсенді қолданылып жатыр.Бұл шаралар профилактикалық жұмысты күшейтіп, жол-көлік оқиғаларының санын 5 пайызға төмендетуге мүмкіндік берді. Сонымен қатар қаза тапқандар саны 16 пайызға, жарақат алғандар 7 пайызға азайған.Мемлекет басшысы&nbsp;елдегі құқықтық тәртіп пен қоғамдық қауіпсіздік деңгейін одан әрі арттыруға бағытталған бірқатар тапсырма берді.Сурет: Ақорда

Президент қоғамдық қауіпсіздікті қамтамасыз етуді күшейтуді тапсырды

<a href="https://kyzylorda-news.kz/">Kyzylorda-news.kz</a> Қазақстан қор биржасындағы (KASE) сауда-саттық қорытындысы бойынша доллар бағамы қымбаттады.Күндізгі сауда-саттық қорытындысы бойынша доллардың орташа бағамы 6,62 теңгеге өсіп, 454,98 теңге болды. Ұлттық банктің ресми бағамы - 447,73 теңге.Kurs.kz мәліметіне сәйкес, елорданың ақша айырбастау орындарында:<ul><li>доллар 452,01 теңгеден сатып алынады, 458,96 теңгеден сатылады;</li><li>еуро: сатып алу - 504,96 теңге, сату - 514,96 теңге;</li><li>рубль: сатып алу - 5,15 теңге, сату - 5,44 теңге.</li><li>юань: сатып алу - 66,03 теңге, сату - 70,63 теңге.</li></ul>Алматының ақша айырбастау пункттерінде доллар орта есеппен 456,07 теңгеден сатып алынады, 458,67 теңгеден сатылады. Еуро 508,75 – 513,65 теңге, ал 5,14 – 5,27 теңге аралығында саудаланады. Ал юань 65,11 теңгеден сатып алынады, 67,70 теңгеден сатылады.Сурет: freepik.com

Қор нарығында доллар бағамы 6 теңгеге көтерілді

<a href="https://kyzylorda-news.kz/">Kyzylorda-news.kz</a> Жалағаш ауданында пробация қызметінің есебінде тұрған азаматтардың рухани-танымдық дүниетанымын кеңейту мақсатында «Ашық есік» күні ұйымдастырылды.Іс-шара аудандық тарихи-өлкетану музейінің филиалында өтіп, оған пробация есебіндегі азаматтар қатысты. Экскурсия барысында қатысушылар музейдің жаңа экспозициясымен танысып, онда қойылған көне жәдігерлерді тамашалады. Сонымен қатар туған өлкенің тарихы, мәдениеті мен өткенінен сыр шертетін құнды деректермен танысты.Музей қызметкерлері келушілерге әрбір жәдігердің тарихы мен маңызы туралы айтып, өлке тарихындағы айтулы кезеңдер жөнінде кеңінен мағлұмат берді.Мұндай тағылымды кездесулер пробация есебіндегі азаматтардың бос уақытын тиімді ұйымдастырып қана қоймай, олардың тарихи-мәдени құндылықтарға деген қызығушылығын арттыруға, рухани тұрғыдан дамуына ықпал етеді.Пробация есебіндегі азаматтар мәдени орыннан рухани азық алғандары үшін ұйымдастырушыларға алғысын айтты.<blockquote>– Бүгін музейден көп нәрсе білдім. Бұрын өзім тұратын ауданның тарихына мұндай тереңірек мән бермеппін. Көне жәдігерлерді көріп, ата-бабаларымыздың тұрмыс-тіршілігі туралы тың деректермен таныстым. Осындай мәдени шаралардың адамға ой салып, өткенді бағалауға ықпал ететініне көз жеткіздім, – деді ол.</blockquote>

Қызылордада пробация есебіндегі азаматтар музейге экскурсия жасады

<a href="https://kyzylorda-news.kz/">Kyzylorda-news.kz</a> &nbsp;Ақордада ұстаздардың кәсіби мерекесіне орай салтанатты іс-шара өтті.&nbsp;Қасым-Жомарт Тоқаев педагогтерді мерекесімен құттықтап, Мұғалім күні бүкіл қоғамды біріктіретін, нағыз халықтық сипаты бар, қастерлі де қадірлі мерекеге айналғанын атап өтті.<blockquote>– Ұстаз – әр адамның өмірінен ерекше орын алатын тұлға. Бұған ешкімнің де таласы жоқ деп ойлаймын, бұл – бәрімізге ортақ пікір. Ұстазды ұлықтау өркениетті қоғамның болмысын айқындайтын аса маңызды қасиет саналады. Ұлт ойшылы Абай адамның адамдығы жақсы ұстаздан болатынын айтқан. Халқымыздың заңғар жазушысы Мұхтар Әуезов те «Ұстаз – ұлы есім» деп қадір тұтқан. Мұғалімдер қауымына зор құрметпен қарау, олардың ұлт болашағы үшін атқарып жатқан табанды еңбегіне алғыс айту – баршамызға ортақ парыз. Әсіресе, қазіргідей ақпараттар ағыны күшейіп, озық технология қарқынды дамыған заманда мұғалімнің рөлі әлдеқайда арта түскені ақиқат, – деді Президент.</blockquote>Қасым-Жомарт Тоқаев Мемлекет басшысы ретінде ұстаздарды жан-жақты қолдау жұмысына айрықша мән беретінін жеткізді.<blockquote>– Баршаңызға мәлім, біз «Педагог мәртебесі туралы» арнайы заң қабылдадық. Мемлекеттік марапаттар тізіміне «Қазақстанның еңбек сіңірген ұстазы» атағы енгізілді. Елімізде бірнеше мұғалім ең жоғары мемлекеттік награда – «Қазақстанның Еңбек Ері» атағына ие болды. 5 қазан күні Ұстаздардың кәсіби мерекесі ретінде нақты бекітілді. Біз жыл сайын бір қоғам болып осы мейрамды кең көлемде атап өтіп жүрміз. Биыл да мереке күндері барлық аймақта әкімдер мұғалімдер қауымын марапаттап, оларға ерекше құрмет көрсетіп жатыр. Ұстаздарды дәл осылай жалпыұлттық деңгейде ұлықтау ісі жалғасын табады. Бұл – мемлекетіміз үшін мән-маңызы айрықша міндет, – деді Президент.</blockquote>Сурет: Ақорда

Мемлекет басшысы мұғалімдерді кәсіби мерекесімен құттықтады

<a href="https://kyzylorda-news.kz/">Kyzylorda-news.kz</a> Облыс әкімі Мұрат Ергешбаев Жалағаш және Сырдария аудандарындағы теміржол қызмет көрсету пункттерінің құрылыс барысымен танысты.Жалағаш станциясы арқылы тәулігіне 5 жұп, яғни 10 жолаушылар пойызы өтеді. Аудан аумағындағы 47 шақырым теміржол бойында 2 станция және 1 разъезд орналасқан. Нысан құрылысына 708 млн теңге бөлінген.Бүгінге дейін ғимараттың іргетасы құйылды, цемент-бетон блоктары монтаждалып, кірпіші қаланды. Ішкі қабырғаларды сылау және электр желісін монтаждау жұмыстары да аяқталған.&nbsp;Қазір сыртқы қабырғалары қапталып, бөлмелері әрленуде. Еденге керамикалық тақтайша төсеу, аспалы төбе орнату, перронның тіреу қабырғаларын дайындау және монтаждау қатар жүріп жатыр. Жалпы жоспарланған жұмыстың 65 пайызы орындалды.Құрылыс аяқталғаннан кейін аумақты абаттандыру «Р и А Сервис ЛТД» серіктестігінің демеушілігі есебінен жүргізіледі. Осы кезде жолаушыларға қолайлы болу үшін күту залы және кассалар теміржол пункті жанындағы ғимаратқа уақытша орналастырылған.Тереңөзекте де жаңа теміржол қызмет көрсету пункті бой көтеріп келеді. Оған 669,5 млн теңге қаралған. Қазір нысанда гранитпен қаптау, ішкі әрлеу жұмыстары жүріп жатыр.&nbsp;Вентиляция жүйесі, перронның тіреу қабырғаларының негізі тегістеліп дайындалуда, арматура тоқу, опалубка орнату және бетон құю да қарқын алған.Қызылорда облысы аумағынан 1051 шақырым теміржол желісі өтеді. «Қазақстан Темір Жолы» ұлттық компаниясына қарасты Қызылорда, Жаңақорған, Шиелі, Жосалы, Төретам, Қазалы, Арал теңізі, Сексеуіл вокзалдары, Тереңөзек және Жалағаш қызмет көрсету пункттері жұмыс істейді.Өткен жылдан бері Мемлекет басшысының тапсырмасымен республика көлеміндегі 124 вокзалды, олардың аумақтарын күрделі жөндеу және абаттандыру қолға алынды. Бұл тізімге Қызылорда облысындағы 7 теміржол вокзалы, 2 қызмет көрсету пункті және Талап бекетіндегі платформа енгізілді.Бүгінде Арал теңізі, Сексеуіл, Қазалы, Төретам, Жосалы, Шиелі, Жаңақорған теміржол вокзалдары мен Талап бекетіндегі платформа халық игілігіне табысталды. Құрылыс, күрделі жөндеу және қайта жаңғыртуға 10,2 млрд. теңге қаржы бөлінді.<img src="https://knadmin.beoblood.kz/uploads/yzmet_k_rsetu_punktteri_8d2ca4890f.jpg" alt="Қызмет көрсету пункттері.jpg">

Қызмет көрсету пункттерінде қарқынды жұмыс жүргізілуде

<a href="https://kyzylorda-news.kz/">Kyzylorda-news.kz</a> Өткен аптада Арал ауданы әкімінің орынбасары Ш.Есжанов және аудандық ауыл шаруашылығы және жер қатынастары бөлімінің басшысы Ж.Жұбанов шетелдік және отандық сарапшылар делегациясымен кездесті.Кездесуге «Карбон Чек» компаниясы атынан Қазақстан өкілі Гүлжазира Сеитова, Үндістаннан келген топ жетекшісі Вемпалли Прашант және тағылымдамадан өтуші бағалаушы Газанфар Аббас, сондай-ақ «Грин Эрс» компаниясы атынан Нидерланды өкілі Мохилей Анубхав және Қазақстан өкілдері Мерхат Байбусинов пен Қуат Алтынбеков қатысты.Кездесу барысында Арал теңізінің құрғаған табанына сексеуіл көшеттерін отырғызу жобасын іске асыру мәселелері, алдағы жылдардағы отырғызу жұмыстарының жоспарлары мен әдіс-тәсілдері талқыланды.Айта кетейік, «Арал Си Лэнд» ЖШС компаниясының экологиялық бастамасы аясында Беларан ауылдық округінің маңындағы теңіздің құрғаған ұлтанынан жер учаскесі белгіленген болатын.Бүгінгі таңда жобаның алғашқы кезеңі аясында «Green Earth» компаниясы Беларан аумағындағы 530 гектар жерге қара сексеуіл өшеттерін отырғызды.

Құрғаған теңіз ұлтанына сексеуіл көшеттерін отырғызу жобасы талқыланды

<a href="https://kyzylorda-news.kz/">Kyzylorda-news.k</a> 21-23 қазан күндері Астанадағы EXPO халықаралық көрме орталығында ExpoGroup компаниясының ұйымдастыруымен KazAgroFarm-2026 халықаралық көрмесі өтеді. Биыл көрмеге әлемнің 25 елінен 300-ден астам компания қатысып, агроөнеркәсіп кешеніне арналған озық технологиялар мен заманауи шешімдерді ұсынады.Бір алаңда Қазақстан Республикасының Ауыл шаруашылығы министрлігі, Құрылтай депутаттары, мемлекеттік органдардың өкілдері, шетелдік делегациялар мен дипломатиялық миссиялар, халықаралық сарапшылар, әлемдік агробизнес өкілдері және еліміздің фермерлері бас қосады. KazAgroFarm-2026 ауыл шаруашылығы саласының келешегін айқындайтын маңызды кәсіби алаңға айналмақ.Дәстүрлі түрде KazAgroFarm-2026 экспозициясы аграрлық саланың екі негізгі бағытын біріктіреді. KazAgro өсімдік шаруашылығының толық циклін - тұқым мен өсіру технологияларынан бастап, өнімді жинау мен сақтауға дейінгі үдерістерді қамтиды. Ал KazFarm мал шаруашылығының генетика мен асылдандыру жұмысынан бастап, ет пен сүт өндіру және дайын өнім шығаруға дейінгі бағыттарын ұсынады.Осылайша, екі бағыт заманауи агроөнеркәсіп кешенінің іс жүзінде барлық негізгі буынын қамтиды. Бұған қоса, көрмеде цифрландыру, автоматтандыру, жасанды интеллект, роботтандыру және дәлме-дәл егіншілік саласындағы шешімдер таныстырылады. Бүгінде дәл осы технологиялар агробизнестің даму қарқынын айқындап отыр.Көрменің басты ерекшеліктерінің бірі - оның халықаралық ауқымы. Астанаға 25-тен астам елдің компаниялары, әлемге танымал брендтердің басшылары мен топ-менеджерлері, шетелдік делегациялар, дипломатиялық және сауда миссияларының өкілдері келеді.Қатысушылар үшін бұл - шетелдік компаниялар мен халықаралық сарапшылармен тікелей байланыс орнатуға, жаңа іскерлік серіктестер табуға, келіссөздер жүргізуге және өзара ынтымақтастықтың жаңа мүмкіндіктерін талқылауға арналған тиімді алаң.Көрменің іскерлік бағдарламасы мемлекеттік органдарды, бизнес өкілдерін, салалық ұйымдар мен халықаралық сарапшыларды біріктіреді. Негізгі іс-шаралардың бірі - қазақтың ақбас тұқымының 75 жылдығына арналған «Ақбас» қазақтың ақбас тұқымы күні болады.Сонымен қатар бағдарлама аясында агроөнеркәсіп кешенін дамытудың өзекті мәселелеріне арналған панельдік сессиялар, семинарлар, конференциялар мен кәсіби кездесулер өтеді. Шетелдік дипломатиялық миссиялардың қатысуымен де бірқатар іс-шара ұйымдастыру жоспарланған. Олардың қатарында Чехия, Нидерланд, Германия, Иран, Беларусь және басқа елдердің елшіліктері бар.Фермерлер үшін KazAgroFarm-2026 - бір сапар барысында шаруашылыққа арналған заманауи шешімдерді көруге, өндірушілермен және сарапшылармен тікелей сөйлесуге, жаңа технологиялармен танысуға және әлеуетті серіктестер табуға мүмкіндік.KazAgroFarm-2026 көрмесі 21-23 қазан күндері Астана қаласындағы EXPO халықаралық көрме орталығында өтеді. Мекенжайы: Мәңгілік Ел даңғылы, 53/1. Келушілер үшін кіру тегін.Толық ақпаратты ұйымдастырушылардан алуға болады:<ul><li style="text-align:justify;">Моб.: +7 (701) 216-22-91</li><li style="text-align:justify;">Моб.: +7 (701) 958-29-73</li><li style="text-align:justify;">E-mail: <a href="mailto:project@expogroup.kz">project@expogroup.kz</a></li><li style="text-align:justify;">E-mail: <a href="mailto:manager@expogroup.kz">manager@expogroup.kz</a></li><li style="text-align:justify;">Сайттар: kazagroexpo.kz, kazfarm.kz</li><li style="text-align:justify;">Instagram: @expogroupkaz</li></ul>

Әлемдік агробизнес Астанада бас қосады

<a href="https://kyzylorda-news.kz/">Kyzylorda-news.kz</a> Өткен аптада Арал ауданындағы Руханият орталығында көркемдік кеңестің кезекті отырысы өтті. Жиынды Арал ауданы әкімінің орынбасары, көркемдік кеңес төрағасы Н. Бохаев жүргізді.Отырыстың күн тәртібінде 30-31 қазан күндері аудан көлемінде аталып өтетін Сартай батыр Байжанұлының 315 жылдығына арналған іс-шараларды ұйымдастыру және өткізу барысы қаралды.Мерейтой аясында бірқатар мәдени-танымдық және спорттық іс-шаралар өткізу жоспарлануда. Атап айтқанда, жасөспірімдер арасында еркін күрестен аймақтық турнир, ғылыми-танымдық конференция, аймақтық жыр фестивалі және ат бәйгесін ұйымдастыру көзделген.<img src="https://knadmin.beoblood.kz/uploads/Aral_k_rkemdik_ke_es_2_ff984da4f2.jpg" alt="Арал көркемдік кеңес 2.jpg">Жиын барысында аталған іс-шараларды мазмұнды әрі жоғары деңгейде өткізуге қатысты көркемдік кеңес мүшелерінің ұсыныс-пікірлері тыңдалды. Кеңес төрағасы Н. Бохаев Сартай батырдың 315 жылдығына арналған мерейтойлық іс-шараларды өз деңгейінде ұйымдастыру мақсатында жауапты сала басшыларына нақты тапсырмалар жүктеді.Сонымен қатар отырыста 2027 жылы атап өтілетін қоғамдық-саяси маңызы бар іс-шаралар жоспарына енгізілетін ұсыныстарды жинақтау мәселесі қаралып, тиісті сала басшыларына ұсыныстарды әзірлеу және жинақтау жөнінде тапсырма берілді.Жиын қорытындысы бойынша күн тәртібіндегі мәселелер бойынша тиісті жұмыстарды сапалы әрі белгіленген мерзімде орындау қажеттігі айтылды.&nbsp;<img src="https://knadmin.beoblood.kz/uploads/Aral_k_rkemdik_ke_es_3_2ab7b72a43.jpg" alt="Арал көркемдік кеңес 3.jpg">

Қазақстан және Қызылорда облысының жаңалықтары