<a href="https://kyzylorda-news.kz/">Kyzylorda-news.kz.</a> Астанада PRO.NRG FEST – балаларға және ересектерге арналған ғылым, өнер және технологиялар фестивалі өтті.PRO.NRG FEST –бұл танымдық отбасылық уикенд форматында өткізілетін ауқымды ғылыми-көпшілік іс-шара. PRO.NRG FEST екінші жыл қатарынан Қазақстандағы ең ірі ғылыми-көпшілік фестивалдерінің бірі болып келеді.Оқушылар сарайында күні бойы лекциялар, интерактивті шоулар мен қойылымдар өткізілді, бұл отбасыларды ғылым мен технологиялар, қызықты ашылымдар мен жаңа білім әлеміне апарды. <a href="https://ttjk.info/wp-content/uploads/2023/09/3ebeba24-ef85-43e5-992e-6c7e56b9b007.jpeg"><img src="https://ttjk.info/wp-content/uploads/2023/09/3ebeba24-ef85-43e5-992e-6c7e56b9b007-150x150.jpeg" alt="" loading="lazy"></a> PRO.NRG FEST Қазақстанда STEAM-білім беруді дамытып келе жатқан «Caravan of Knowledge» білім беру қорының бастамасымен өткізілді. Фестивалді екінші жыл қатарынан «Шеврон» компаниясы серіктес ретінде қолдап отыр. Бұл компания ғылымға, жаңа технологияларға және тиімді білім беру шешімдеріне деген қызығушылықты ұлғайтатын бағдарламаларға жүйелі түрде қолдау көрсетеді.PRO.NRG FEST-те іс-әрекеттегі ғалымдар мен зерттеушілерді кездестіріп, оларға сауалдар қойып және тіпті эксперименттерге де қатысу мүмкіндігі болды. Фестиваль балалар мен ересектерге ғылымды жаңа қызықты жағынан қабылдауға көмектесетін ұмытылмас тәжірибе сыйлады.<a href="https://ttjk.info/wp-content/uploads/2023/09/fae07833-1e49-46a4-8605-fe8d1210b563.jpeg"><img src="https://ttjk.info/wp-content/uploads/2023/09/fae07833-1e49-46a4-8605-fe8d1210b563-150x150.jpeg" alt="" loading="lazy"></a>“Отбасылық фестиваль екінші жыл өткізіліп жатыр және екінші жыл барлық жас ерекшелігіндегі адамдар біздің миссиямызға қосылып жатыр. Біз білімге деген ынтаны қолдауға тырысамыз және зор кері байланыс алып отырамыз. Осы жолы біз еліміздің барлық аумақтарынан іздеген көбірек қазақстандық бірегей спикерлерді шақырдық – еліміздің әртүрлі жерлерінен келген 50-ден астам ұстаздар өздерінің инновациялық тәсілдерімен бөліседі. Сонымен қатар, біз басқа қалалардан, елдерден келген көптеген қонақтарды да көріп отырмыз, білім мен ғылымға деген ұмтылыс адамдарды соншалықты шабыттандыратыны қуантады”, – деп, «Caravan of Knowledge» білім беру қорының жетекшісі Зарина Биюмбаева атап өтті. PRO.NRG FEST – бұл сондай-ақ STEAM ұстаздарына арналған білім беру және нетворкингтік платформа. S – science (ғылым), T – technology (технология), E – engineering (инженерия), A – art (шығармашылық) и M – mathematics (математика). Бүгінде STEAM-білім беру пәнаралық және қолданбалы тәсілдерді қолдануға, сонымен қатар, барлық бес пәнді біріңғай білім сұлбасына интеграциялауға негізделген.“1993 жылы «Шеврон» Қазақстанға келген бірінші халықаралық энергетикалық компаниялардың бірі болды. 30 жылдан астам уақыт біз мемлекеттің мұнай-газ секторының дамуын қолдап келеміз. Сол уақыттан бері біз елдің басты ресурсы – адамдардың, әсіресе, жастардың энергиясын дамытудамыз. Олардың тапқырлығына, шығармашылығына және шексіз мүмкіндіктеріне біз сенеміз. Біздің әлеуметтік жобаларымыз адам капиталын дамытуға, дәулеттілікке және қоршаған ортаны қорғауға бағытталған. PRO.NRG FEST-ті қолдай отырып, біз STEAM білім беру аясында экожүйе қалай қалыптасатынын көрсеткіміз келеді”, – деп, ашылымда «Шеврон» компаниясы Еуразиялық бөлімшесінің бас директорының орынбасары Дилан Морган мәлімдеді.Фестиваль қатысушыларды сабақта өнер мен зерттеулерге арналған кеңістікті жасап отырған ұстаз-новаторлармен таныстырды. Олар оқу қызықты және тиімді болу үшін ең алдыңғы қатарлы білім беру технологияларын қолданады. “Біз PRO.NRG.FEST ғылыми отбасылық фестивалін біздің STEAM-бағдарламаларымызды іске асыру нәтижелерін көрсету және аудиторияны мұғалім-новаторлардың сәтті кейстерімен таныстыру үшін де өткіземіз. Фестиваль ғылым мен мектеп пәндері қызықты әрі көңілді бола алатынын көрнекі көрсетеді. Біз осындай фестивалдер өткізуді басқа қалалар мен компаниялар қостап әкететін трендке айналдырғымыз келеді”, – деп «Шеврон» компаниясындағы Еуразиялық бөлімшесінің әлеуметтік инвестициялар жөніндегі кеңесшісі Лейла Айтмуханова атап өтті.Биылғы жылы PRO.NRG FEST-тің бөлігі Science on Stage Europe ұлттық кезеңінің финалы болды. Бұл нетворкингке арналған халықаралық алаң және әлемнің түкпір-түкпірінен келген мұғалімдер ғылыми пәндерін оқытудағы өздерінің озық тәжірибелерімен бөлісуге арналған сайыс. Фестивальде 2024 жылы Финляндияның Турку қаласында өтетін Science on Stage Europe жаһандық финалында біздің оқытушылар қауымдастығы атынан қатысатын жеңімпаздар анықталды.

Астанада ғылыми отбасылық фестиваль өтті

<a href="https://kyzylorda-news.kz/">Kyzylorda-news.kz.</a> Арал ауданының әкімі Серік Сағитжанұлы өнегелі отбасыларды қабылдады.<blockquote>«Баршаңызға мәлім, елімізде қыркүйек айының екінші жексенбісі «Отбасы күні» болып белгіленген. Сіздерді осы мерекемен және биылғы «Алтын той» мерейтойларыңызбен шын жүректен құттықтаймын. Отбасы – қоғамның іргетасы әрі ажырамас бөлігі. Қазақылықтың қаймағы бұзылмаған ауданымызда мәуелі бәйтерекке айналған - Өздеріңіздей үлкен әулеттің, мерейлі отбасылардың қатары қалың.иСіздерді ауданымызда алғаш болып бой көтерген «Отбасын қолдау» орталығында қабылдаумыздың да өз сыры бар. Бұл жерден отбасын құрып, үлкен өмірге қадам басқан жандарға барлық қолдаулар қарастырылған. Мемлекеттік бағдарламалар, түрлі жеңілдіктер туралы да осында біліп үйренуге болады. Күн сайын қаншама адам осы жерден әр сала мамандарынан кеңес алып, кәсіп ашып алға қойған мақсаттарына үлкен сеніммен аттанады» деді Серік Сағитжанұлы.</blockquote>Аудан басшысымен кездесуге түрлі салада қызмет еткен, еңбек адамдары, жарты ғасырға жуық отбасылық өмір сүріп, ұрпағына тағылымды тәрбие берген қарттар жиылды. Олар өмірлік тәжірбиелері мен жанұялық өмірдегі жетістіктері мен ғибратты әңгімелерін ортаға салды.Басқосу соңында аудан әкімі жиылғандарға Арал тарихынан сыр шертетін кітап пен естелік сыйлық тарту етті.Ардагерлер атаулы мереке қарсаңында мерейлі отбасыларға құрмет көрсеткен аудан басшысына өз ризашылықтарын білдірді.

Арал ауданының әкімі өнегелі отбасыларды қабылдады

<a href="https://kyzylorda-news.kz/">Kyzylorda-news.kz.</a> &nbsp;Өңірлік коммуникациялар қызметінде Шиелі ауданында орын алған оқыс оқиғаға байланысты және жылу беру маусымы кезінде өрттің алдын алу мақсатында брифинг өткізілді.Спикерлер: Қызылорда облысы Төтенше жағдайлар департаментінің Мемлекеттік өрт бақылау басқармасының бастығы азаматтық қорғау полковнигі Асхат Плалұлы Оразбеков, «ҚазТрансГазАймақ» АҚ өндірістік филиалының директоры Жайық Еділұлы Әлішев.<blockquote>«2023 жылғы 11 қыркүйекте сағат 7-ден 15 минут өткенде Шиелі ауданы, Шиелі кенті, Н. Бекежанов көшесіндегі жеке тұрғын үйде алдын ала болжам бойынша табиғи газдан уланып, 2017 ж.т. және 2020 ж.т. балалар қаза болды. Оқиға орнына ТЖД жеке құрамынан 1 қызметкер барды. Құрметті тұрғындар! Газ пештері мен газ жабдықтарын пайдалану кезінде қауіпсіздік ережелерін қатаң сақтаңыздар!» деді А.Оразбеков.</blockquote>Ж.Әлішев: «Қызылорда облысының Шиелі елді мекеніндегі жалдамалы пәтерде 3 жастағы және 6 жастағы балалардың газдан уланып қайтыс болғаны туралы Төтенше жағдай департаментінен хабарлама түсті. Балалардың анасынан қазіргі сәтте аудандық ішкі істер бөлімінде түсініктеме алынуда. Үйді жалға берген үй иесі газ плитасының бұрандасы ашық тұрғанын айтуда. Қайғылы жағдайдың анық-қанығын анықтау үшін арнайы комиссия құрылады» дейді.⠀Өз кезегінде «ҚазТрансГаз Аймақ» АҚ табиғи газды қолданудың ережелерін қатаң сақтау керек екенін тағы да ескертеді. Олар өте қарапайым:- Газдың иісі шыққанда бірден 104 нөміріне қоңырау шалыңыз; - Балаларды газ жабдықтарына жолатпаңыз; - Түтін шығатын құбырлардың тартуын үнемі тексеріңіз; - Қосулы газ жабдығын қараусыз қалдырмаңыз; - Газ аспаптарын өзіңіз жөндеуге болмайды; - Жылыту үшін газ плиталарын пайдалануға тыйым салынады; - Су жылытатын газ жабдығын жуынатын бөлмеге орнатуға болмайды; - Қолдан жасалған пештерді пайдалануға тыйым салынады.⠀ Абай болыңыздар, жақындарыңыздың өміріне қауіп төндірмеңіз!Газ мамандары тұтынушылардантұрмыстық газды пайдалану кезінде қауіпсіздік шараларын сақтауды сұрайды!Газ тұтынушылары қандай қателіктерді жиі жібереді және жылыту маусымында қауіпсіздікті қалай сақтау керек? Жазатайым оқиғалардың көпшілігінің себептері - мұржаның түтін тартпауы, желдету арналарының, терезелердің ашылмайтындай орналасуы, газ аспаптарында оқыс жағдай кезінде газды сөндіретін автоматиканың болмауы, газ аспаптарын қараусыз қалдыру, тұрақты техникалық қызмет көрсетуді елемеу.Газды пайдалану кезіндегі қауіпсіздікке деген мұндай немқұрайлы көзқарас кейде қайғылы салдарға әкеледі.Өзіңізді қалай қорғауға болады?• Үй-жайда газдың иісі байқалған кезде жабдыққа дейінгі және жабдықтың өзіндегі крандарды дереу жабу, терезелер мен есіктерді ашу, желдету, сіріңке жақпау, темекі шекпеу, электр аспаптарын қоспау және өшіру, 104 телефоны бойынша авариялық қызметті шақырту қажет.• Газ пайдаланатын жабдыққа газ беруді автоматты түрде өшіруге арналған газ дабыл қаққыштарын (сигнализатор) орнату.• Үйішілік газ құбырлары мен газ аспаптарына уақтылы техникалық қызмет көрсетуді жүргізу. Брифингтің соңында спикерлер журналистердің сұрақтарына жауап берді.

Орын алған оқыс оқиғаға байланысты брифинг өткізілді

<a href="https://kyzylorda-news.kz/">Kyzylorda-news.kz.</a> Өткен аптада өңірде 7 төтенше жағдай тіркелген. Бұл туралы Қызылорда облысы ТЖД Дағдарыс жағдайларында басқару басқармасының бастығы Әлімжан Марданов жеткізді.Оның 7-еуі техногендік сипаттағы. Құтқарушылар ТЖ орнына барлығы &nbsp;55 рет шыққан. 3 адам (2 бала) құтқарылған.112 құтқару қызметіне 2539 қоңырау келіп түскен және 6 дауыл жөнінде ескерту жіберілген. &nbsp;

Өткен аптада өңірде 7 төтенше жағдай тіркелген

<a href="https://kyzylorda-news.kz/">Kyzylorda-news.kz.</a> Сырдария ауданының әкімі Берік Сәрменбаев Бесарық ауылындағы "Абай-Дәулет" ЖШС-нің еңбеккерлерімен кездесті.Серіктестік егін және мал шаруашылығымен, сондай-ақ құс шаруашылығымен айналысады. Бүгінде мал және құс басын көбейту мақсатында жұмыстар жүргізілуде. Қазіргі таңда шаруашылықта 210 бас түйе, бордақыланатын 70 бас жылқы, 4500 бас қой бар. Оған қоса, еңбеккерлер ет бағытында 24 бас түйеқұстың күтімін жасауда. Алдағы уақытта тағы да ет бағытындағы "Бройлер" тауығы мен "Бөдене" асырауды қолға алмақшы. Бұл жұмыстарды 50 қызметкер атқаруда.Аудан басшысы серіктестік жұмысын әртараптандырудың маңызы зор екенін айтты. Еңбек адамдарына барлық жағдайды жасау керектігін атап, қызметкерлердің жұмысына табыс тіледі.

Сырдариялық еңбеккерлер 24 бас түйеқұстың күтімін жасауда

<a href="https://kyzylorda-news.kz/">Kyzylorda-news.kz.</a> &nbsp;Облыс әкімі Нұрлыбек Нәлібаевтың төрағалығымен өткен жиында орындаушылық тәртіп мәселесі қаралды. Жиында Мемлекет басшысы, Премьер-министр және аймақ басшысы берген тапсырмаларды орындау деңгейі төмен басшыларға тәртіптік шара қолданылды.Мәжілісте облыс әкімінің аппарат басшысы Шахмардан Байманов баяндама жасап, өткен жылдан бері облыс әкімінің хаттамалық тапсырмаларының орындалуын қадағалау мақсатында арнайы ақпараттық жүйе құрылғанын хабарлап, хаттамалық тапсырмаларға күнделікті жүргізілетін мониторинг қорытындысын ұсынды. Биылғы 8 айда 1180 хаттамалық тапсырма беріліп, 564-і (47,7%) орындалған, 296-сының (25%) орындалу мерзімі бар. Ал 48 (5%) тапсырма мерзімі өтіп орындалса, 109-ы (9,2%) ішінара орындалған және 154-і (13%) орындалмаған.<blockquote>«Мен мәжіліс сайын тапсырмалардың мерзімінде әрі сапалы орындалуы керектігін үнемі айтып келемін. Дегенмен, орындаушылық тәртіпке қатысты бірқатар мәселе бар. Кейбір әкімдер мен басқарма басшылары тарапынан немқұрайлық байқалады. Биылғы 8 айда 82 мәжіліс өткізіліп, 1 180 хаттамалық тапсырма берілген. Мәселен, бір Қызылорда қаласының өзінде облыс әкімінің 60-тан аса тапсырмасы орындалмаған. Қызылорда қаласының әкімдігінен орындаушылық мәселесіне келгенде бейжайлық байқалады», – деді Нұрлыбек Машбекұлы.</blockquote>Аймақ басшысы қала әкімінің облыс орталығына жаңа автобустарды әкелу мерзімін кешіктіргенін, инженерлік инфрақұрылым жүйелерін жаңғырту жұмыстарын баяу жүргізгенін қатаң сынға алды. Мұнан бөлек, жол құрылысы саласында да, кәсіпкерлік және өнеркәсіп басқармасының жұмысында да түйткілді мәселе көп.Мысалы Арал ауданының жолдарын жақсартуға басқа аудандармен салыстырғанда 6 есе артық қаржы бөлінген. Бірақ жұмыстар өз деңгейінде атқарылмаған, қаражаттың мерзімінде әрі сапалы игерілмеу қаупі бар. Тұрғындар аудандық маңызы бар жолдардың басталып, аяқсыз қалғанына наразылық білдіруде.Дәл осындай түйткіл Қазалы ауданында да қалыптасқан. Жол және әлеуметтік нысандар құрылысының мерзімінен кешіктірілуіне жол берілген.Берілген тапсырмаларды өз деңгейінде және мерзімінде орындамағаны үшін Арал ауданының әкімі Серік Сермағамбетовке сөгіс, қала әкімі Асылбек Шәменов пен Қазалы ауданының әкімі Мұхтар Оразбаевқа қатаң сөгіс жарияланды. Облыстық жолаушылар көлігі және автокөлік жолдары, кәсіпкерлік және өнеркәсіп басқармаларының басшыларына ескерту берілді.Жиынды қорытындылай келе, аймақ басшысы макроэкономикалық көрсеткіштерді сапалы орындау және бюджет қаражатын толық игеру қажеттігін тағы да қаперге салды. Басқарма басшыларына, қала, аудан әкімдеріне барлық деңгейдегі хаттамалық тапсырмалардың орындалуын қатаң бақылауға алу міндетін жүктеді.

Тапсырманы орындамаған басшылардың тәртіптік жауапкершілігі қаралды

<a href="https://kyzylorda-news.kz/">Kyzylorda-news.kz.</a> &nbsp;Облыс әкімі Нұрлыбек Нәлібаевтың төрағалығымен өткен актив отырысында әріптестері облыс әкімінің орынбасары болған Нұрымбет Сақтағановты жаңа қызметке құрметпен шығарып салды.2022 жылдың маусым айынан бері облыс әкімінің орынбасары қызметін абыроймен атқарған Сақтағанов Нұрымбет Аманұлы Шығыс Қазақстан облысы әкімінің бірінші орынбасары лауазымына тағайындалды.Аймақ басшысы Нұрымбет Аманұлына өңірдегі экономика, жұмыспен қамту, білім және денсаулық сақтау, соңғы уақытта құрылыс, автомобиль жолдары, бақылау салаларына жетекшілік жасағаны, тындырымды жұмыстар мен ілкімді жобалардың жүзеге асырылуына үлес қосқаны үшін алғыс білдірді.<blockquote>«Нұрымбет Аманұлын аймақ жұрты жақсы біледі. Ол мемлекеттік қызметтің барлық сатысынан өтті және қай қызметте де өзін білікті басшы, мықты ұйымдастырушы, жанашыр азамат ретінде танытты. Өздеріңізге белгілі, өткен жылдың қорытындысымен аймағымызда макроэкономикалық көрсеткіштердің жоғары өсімі қалыптасып, өңірлер арасында алдыңғы қатарға тұрақтадық. Былтыр облыс бюджеті 387,3 млрд.теңге көлемінде бекітілсе, жүргізілген ауқымды жұмыстардың нәтижесінде аймақ қазынасы 441,2 млрд.теңгеге жетіп, облысымызға бөлінетін субвенция көлемі 2 есе артты. Биылғы облыс бюджеті 536,9 млрд. теңге көлемінде бекітілсе, 8 айдың қорытындысымен 67,2 млрд. теңгеге ұлғайып, 604,1 млрд. теңгені құрады. Ауқымды жұмыстар мен жүйелі жобаларды үйлестіруде, әріптестерімен бірге республикадан қаржы тартуда Нұрымбет Аманұлының елеулі еңбегі бар екенін атап өтуіміз қажет», – деді Нұрлыбек Машбекұлы.</blockquote>Нұрымбет Аманұлына Сыр жұртшылығы атынан Қызылорда облысының Құрмет грамотасы табысталды.Актив отырысында мемлекет және қоғам қайраткері Мұрат Бақтиярұлы, облыстық ардагерлер кеңесінің төрағасы Серік Дүйсенбаев және облыстық мәслихат төрағасы Наурызбай Байқадамов Н.Сақтағановты құттықтап, жаңа қызметінде сәттілік тіледі.

Нұрымбет Сақтағановты жаңа қызметке шығарып салды

<a href="https://pibig.info/93467-pozdnjaja-osen.html">ФОТО</a><a href="https://kyzylorda-news.kz/">Kyzylorda-news.kz.</a> 12 қыркүйек күні терең, белсенді циклон мен онымен байланысты фронталды бөліктер елдің басым бөлігінде жаңбыр мен найзағай тудырады. Елдің орталығында, солтүстігінде, солтүстік-батысында, шығысы мен оңтүстік-шығысында қатты жаңбыр мен бұршақ күтіледі.Республиканың оңтүстік-шығысындағы таулы аудандарда жаңбыр мен қар түрінде қатты жауын-шашын күтіледі. Барлық өңірде екпінді жел тұрады, солтүстікте, солтүстік-батыста – тұман, оңтүстікте шаңды дауыл болжанады. Бұл туралы Қазгидромет хабарлайды.Жамбыл, Қызылорда, Атырау, Ұлытау, Батыс Қазақстан, Павлодар, Қарағанды және Түркістан облыстарында өрт тұтану қаупі бар.

12 қыркүйекке арналған ауа райы болжамы

<a href="https://kyzylorda-news.kz/">Kyzylorda-news.kz.</a> Бүгін қала әкімінің 2023 жылғы 22 тамыздағы “Жер - 2023” республикалық командалық-штабтық оқу-жаттығуын дайындау және оны өткізу жөніндегі ұйымдастырушылық нұсқаулығына сәйкес “Жер - 2023” оқу-жаттығуының практикалық бөлімі N278 ақпараттық технология мектеп-лицейінде өткізілді.Аталмыш оқу-жаттығуға 42 қызметкер, 7 техника және кинологиялық есеп жұмылдырылды. Сағат 9:00- де мектеп-лицейдің ғимаратында орналасқан БПО-600 құрылғысы арқылы &nbsp;7 баллға дейінгі жер сілкінісі қаупі туралы дабыл белгісі қосылды. Шұғыл түрде оқиға орнында штаб құрылды. Одан соң 72 қызметкер мен 695 оқушы мектеп ғимаратынан эвакуация жолддары арқылы сыртқа шығарылды. Ғимарат ішінде қалған зардап шегушілер кинолог мамандарымен іздеп табылып, автосаты арқылы сыртқа шығарылды. Сыртқа шығарылған зардап шегушілер Апаттар медицинасы орталығының филиалының мамандарына тапсырылды. Оларға алғашқы медициналық көмек көрсетілді. Жарақаты ауыр зардап шегушілер жедел-жәрдем мамандарына тапсырылды. Оқу-жаттығудың соңында, саптық жиналу барысында мектеп мұғалімдері мен оқушыларына арнап, нұсқаулар жүргізілді.Сондай-ақ, “Сол жағалау” шағын ауданында практикалық оқу-жаттығуға қатысқан азаматтық қорғау және авариялық-құтқару құрылымдық бөлімшелерінің өкілдері саптық қарауға қатысты. Оған қоса “Мерей” мөлтек ауданында темір жол көлігі арқылы халық пен автокөліктерді жөнелту барысы көрініс тапты. Оқу-жаттығу барысына жергілікті телеарна өкілдері де қатысып, арнайы телесюжет дайындады. <img src="https://knadmin.beoblood.kz/uploads/image_11_09_23_03_22_8_7de176fda8.jpeg" alt="image-11-09-23-03-22-8.jpeg">

Сейсмикалық оқу-жаттығу өтті

<a href="https://kyzylorda-news.kz/">Kyzylorda-news.kz.</a> Жаңақорған ауданы, Байкенже ауылында Байкенже ауылының құрметті азаматтары Сағынбай Мұрсаұлы мен Рауза Құдіретіллақызын еске алуға арналған волейболдан ерлер арасында аудандық ашық біріншілік өткізілді. Жарысқа қала, кент және ауылдық округерден 5 команда қатысты.Жарыс қорытындысы бойынша:1 орын - Байкенже ауылы2 орын - Қыркеңсе ауылы3 орын - Кентау қаласыЖеңімпаз командалар мен жүлдегерлер аудандық мәдениет және спорт бөлімінің грамоталарымен марапатталып, демеушілердің тағайындаған медальдары мен кубоктары табысталды.

Жаңақорғанда волейболдан ашық біріншілік өтті

<a href="https://kyzylorda-news.kz/">Kyzylorda-news.kz.</a> Аймақта қатты жел мен шаңды дауыл соғуына байланысты тұрғындарды сақ болуға шақырамыз. Тұрғындарды сабыр сақтап, орын алуы ықтимал уақытша келеңсіздiктерге түсiнiстiкпен қарауын сұраймыз."Қазгидрометтiң" хабарлауынша, өңірде жел секундына 15-28 метрге дейiн күшеюде. Кешелі-бүгінді, яғни 10-11 қыркүйекте облыс орталығында, шығыс пен оңтүстікте өрт қаупі сақталуда.

Қызылорда облысында қолайсыз ауа райына байланысты ескерту жасады

<a href="https://kyzylorda-news.kz/">Kyzylorda-news.kz.</a> Облыс әкімі Нұрлыбек Нәлібаев Президент қабылдауында болғанда да, өткен жылдың соңында Үкімет басшысының Сыр өңіріне сапары кезінде де «Батыс Еуропа-Батыс Қытай» көлік дәлізінің Ақтөбе бағытындағы жағдайға тоқталып, жолды екі жолақтыдан төрт жолақтыға ауыстыру бастамасын қолдауды сұраған еді. Өйткені халықаралық дәліздің осы бағытында жол-көлік оқиғалары, адам өлімі көбейіп барады. Үкімет басшысы мән-жайға қаныққан соң, министр М.Қарабаевқа жоба жасау жөнінде тапсырма берген болатын.ҚР Премьер-министрі Әлихан Смайыловтың төрағалығымен өткен Президенттің сайлауалды бағдарламасын іске асыру жөніндегі республикалық штаб отырысында ҚР Көлік министрі Марат Қарабаев «Батыс Еуропа – Батыс Қытай» халықаралық дәлізінің «Ресей Федерациясы – Мәртөк – Ақтөбе – Ұлғайсын – Қызылорда» автожол учаскесін 4 жолақты қозғалысы бар I техникалық санатқа ауыстырудың жоба-сметалық құжаттамаларын әзірлеу басталғанын хабарлады.Министрдің айтуынша, осы кезге дейін зерттеу-зерделеу жұмыстары жүргізілген. Жолдың ұзындығы 566 шақырым, шамамен 3 млрд 300 млн долларға жуық қаражат жұмсалады. Премьер-министр жобаны келер жылдың басында бастауға тапсырма берді.Облыс әкімі Үкімет басшысының тапсырмаларын орындау жөніндегі мәжілісте бұл жобаның аймақ тұрғындары үшін маңызы зор екенін атап өтті.<blockquote>«Енді министрлікпен байланыс орнатып, жұмысты бастап кету керек. Бұл – Мемлекет басшысының назарындағы өте ауқымды жоба. Президенттің Үкіметке берген тапсырмасы орындалып, жұмыс алға жылжитын болды. Ең бастысы – жолдың кеңейтілуін халық күтуде. Өйткені адам өмірі – біздің ең басты құндылығымыз», – деді Нұрлыбек Нәлібаев.</blockquote>Еске салсақ, өткен жылы облыс бойынша жолдардың жақсы және қанағаттанарлық деңгейі 82 пайызға жеткізілген. Биыл бұл көрсеткішті 87,5 пайызға жеткізу міндеті қойылған.

Қазақстан және Қызылорда облысының жаңалықтары