<a href="https://pibig.info/93467-pozdnjaja-osen.html">ФОТО</a><a href="https://kyzylorda-news.kz/">Kyzylorda-news.kz.</a> 12 қыркүйек күні терең, белсенді циклон мен онымен байланысты фронталды бөліктер елдің басым бөлігінде жаңбыр мен найзағай тудырады. Елдің орталығында, солтүстігінде, солтүстік-батысында, шығысы мен оңтүстік-шығысында қатты жаңбыр мен бұршақ күтіледі.Республиканың оңтүстік-шығысындағы таулы аудандарда жаңбыр мен қар түрінде қатты жауын-шашын күтіледі. Барлық өңірде екпінді жел тұрады, солтүстікте, солтүстік-батыста – тұман, оңтүстікте шаңды дауыл болжанады. Бұл туралы Қазгидромет хабарлайды.Жамбыл, Қызылорда, Атырау, Ұлытау, Батыс Қазақстан, Павлодар, Қарағанды және Түркістан облыстарында өрт тұтану қаупі бар.

12 қыркүйекке арналған ауа райы болжамы

<a href="https://kyzylorda-news.kz/">Kyzylorda-news.kz.</a> Бүгін қала әкімінің 2023 жылғы 22 тамыздағы “Жер - 2023” республикалық командалық-штабтық оқу-жаттығуын дайындау және оны өткізу жөніндегі ұйымдастырушылық нұсқаулығына сәйкес “Жер - 2023” оқу-жаттығуының практикалық бөлімі N278 ақпараттық технология мектеп-лицейінде өткізілді.Аталмыш оқу-жаттығуға 42 қызметкер, 7 техника және кинологиялық есеп жұмылдырылды. Сағат 9:00- де мектеп-лицейдің ғимаратында орналасқан БПО-600 құрылғысы арқылы &nbsp;7 баллға дейінгі жер сілкінісі қаупі туралы дабыл белгісі қосылды. Шұғыл түрде оқиға орнында штаб құрылды. Одан соң 72 қызметкер мен 695 оқушы мектеп ғимаратынан эвакуация жолддары арқылы сыртқа шығарылды. Ғимарат ішінде қалған зардап шегушілер кинолог мамандарымен іздеп табылып, автосаты арқылы сыртқа шығарылды. Сыртқа шығарылған зардап шегушілер Апаттар медицинасы орталығының филиалының мамандарына тапсырылды. Оларға алғашқы медициналық көмек көрсетілді. Жарақаты ауыр зардап шегушілер жедел-жәрдем мамандарына тапсырылды. Оқу-жаттығудың соңында, саптық жиналу барысында мектеп мұғалімдері мен оқушыларына арнап, нұсқаулар жүргізілді.Сондай-ақ, “Сол жағалау” шағын ауданында практикалық оқу-жаттығуға қатысқан азаматтық қорғау және авариялық-құтқару құрылымдық бөлімшелерінің өкілдері саптық қарауға қатысты. Оған қоса “Мерей” мөлтек ауданында темір жол көлігі арқылы халық пен автокөліктерді жөнелту барысы көрініс тапты. Оқу-жаттығу барысына жергілікті телеарна өкілдері де қатысып, арнайы телесюжет дайындады. <img src="https://knadmin.beoblood.kz/uploads/image_11_09_23_03_22_8_7de176fda8.jpeg" alt="image-11-09-23-03-22-8.jpeg">

Сейсмикалық оқу-жаттығу өтті

<a href="https://kyzylorda-news.kz/">Kyzylorda-news.kz.</a> Жаңақорған ауданы, Байкенже ауылында Байкенже ауылының құрметті азаматтары Сағынбай Мұрсаұлы мен Рауза Құдіретіллақызын еске алуға арналған волейболдан ерлер арасында аудандық ашық біріншілік өткізілді. Жарысқа қала, кент және ауылдық округерден 5 команда қатысты.Жарыс қорытындысы бойынша:1 орын - Байкенже ауылы2 орын - Қыркеңсе ауылы3 орын - Кентау қаласыЖеңімпаз командалар мен жүлдегерлер аудандық мәдениет және спорт бөлімінің грамоталарымен марапатталып, демеушілердің тағайындаған медальдары мен кубоктары табысталды.

Жаңақорғанда волейболдан ашық біріншілік өтті

<a href="https://kyzylorda-news.kz/">Kyzylorda-news.kz.</a> Аймақта қатты жел мен шаңды дауыл соғуына байланысты тұрғындарды сақ болуға шақырамыз. Тұрғындарды сабыр сақтап, орын алуы ықтимал уақытша келеңсіздiктерге түсiнiстiкпен қарауын сұраймыз."Қазгидрометтiң" хабарлауынша, өңірде жел секундына 15-28 метрге дейiн күшеюде. Кешелі-бүгінді, яғни 10-11 қыркүйекте облыс орталығында, шығыс пен оңтүстікте өрт қаупі сақталуда.

Қызылорда облысында қолайсыз ауа райына байланысты ескерту жасады

<a href="https://kyzylorda-news.kz/">Kyzylorda-news.kz.</a> Облыс әкімі Нұрлыбек Нәлібаев Президент қабылдауында болғанда да, өткен жылдың соңында Үкімет басшысының Сыр өңіріне сапары кезінде де «Батыс Еуропа-Батыс Қытай» көлік дәлізінің Ақтөбе бағытындағы жағдайға тоқталып, жолды екі жолақтыдан төрт жолақтыға ауыстыру бастамасын қолдауды сұраған еді. Өйткені халықаралық дәліздің осы бағытында жол-көлік оқиғалары, адам өлімі көбейіп барады. Үкімет басшысы мән-жайға қаныққан соң, министр М.Қарабаевқа жоба жасау жөнінде тапсырма берген болатын.ҚР Премьер-министрі Әлихан Смайыловтың төрағалығымен өткен Президенттің сайлауалды бағдарламасын іске асыру жөніндегі республикалық штаб отырысында ҚР Көлік министрі Марат Қарабаев «Батыс Еуропа – Батыс Қытай» халықаралық дәлізінің «Ресей Федерациясы – Мәртөк – Ақтөбе – Ұлғайсын – Қызылорда» автожол учаскесін 4 жолақты қозғалысы бар I техникалық санатқа ауыстырудың жоба-сметалық құжаттамаларын әзірлеу басталғанын хабарлады.Министрдің айтуынша, осы кезге дейін зерттеу-зерделеу жұмыстары жүргізілген. Жолдың ұзындығы 566 шақырым, шамамен 3 млрд 300 млн долларға жуық қаражат жұмсалады. Премьер-министр жобаны келер жылдың басында бастауға тапсырма берді.Облыс әкімі Үкімет басшысының тапсырмаларын орындау жөніндегі мәжілісте бұл жобаның аймақ тұрғындары үшін маңызы зор екенін атап өтті.<blockquote>«Енді министрлікпен байланыс орнатып, жұмысты бастап кету керек. Бұл – Мемлекет басшысының назарындағы өте ауқымды жоба. Президенттің Үкіметке берген тапсырмасы орындалып, жұмыс алға жылжитын болды. Ең бастысы – жолдың кеңейтілуін халық күтуде. Өйткені адам өмірі – біздің ең басты құндылығымыз», – деді Нұрлыбек Нәлібаев.</blockquote>Еске салсақ, өткен жылы облыс бойынша жолдардың жақсы және қанағаттанарлық деңгейі 82 пайызға жеткізілген. Биыл бұл көрсеткішті 87,5 пайызға жеткізу міндеті қойылған.

Аймақ үшін маңызды жоба

<a href="https://kyzylorda-news.kz/">Kyzylorda-news.kz.</a> Бүгін облыстық мәслихаттың кезектен тыс VI сессиясы өтті. Оған облыс әкімі Нұрлыбек Нәлібаев қатысты.Мәслихат сессиясының күн тәртібінде Қызылорда облысы бойынша аудан, облыстық маңызы бар қала әкімдерінің сайлауын өткізу үшін пилоттық аудан және облыстық маңызы бар қалалардың тізбесін бекіту, сайлау өткізетін күнді белгілеу туралы екі мәселе қаралды.Президент бастамасымен іске қосылған ауыл әкімдерін тікелей сайлау демократиялық үрдісінің қисынды жалғасы – аудан әкімдерін сайлау.<blockquote>«Әкімдер сайлауы – Мемлекет басшысының басты реформаларының бірі. Өздеріңіз білетіндей, 2021 жылдан бері аудандық маңызы бар қала, кент және ауылдық округ әкімдерінің сайлауы жүйелі өткізіліп келеді. Екі жылда облыс бойынша 100 әкім сайлауы өткізіліп, нәтижесінде 54 әкім жаңадан сайланды. Ендігі қадам – Мемлекет басшысы биылғы Жолдауда атап өткендей, аудан әкімдерінің пилоттық сайлауы. «Қазақстан Республикасындағы сайлау туралы» Конституциялық Заңына сәйкес пилоттық өңірлердің тізбесін және аудан, облыстық маңызы бар қала әкімін сайлауды өткізу күнін белгілеу туралы мәслихаттың шешімі сайлау тағайындауға негіз болады. Бүгін Сіздермен қабылданатын шешім халықтың билікке деген сенімін күшейтуге және «Халық үніне құлақ асатын мемлекет» тұжырымдамасын толық көлемде іске асыруға мүмкіндік береді, – деді облыс әкімі Нұрлыбек Нәлібаев.</blockquote>Бұдан кейін, күн тәртібіндегі бірінші мәселе бойынша облыстық мәслихаттың депутаты А.Оңғарбаев ұсыныс енгізіп, сессияға қатысқан 23 депутаттың бірауыздан дауыс беруі арқылы, пилоттық сайлау өтетін аудандар айқындалды.Күн тәртібіндегі екінші мәселе бойынша облыстық мәслихаттың төрағасы Н.Байқадамов «Қазақстан Республикасындағы сайлау туралы» Конституциялық Заңына сәйкес аудан, облыстық маңызы бар қала әкімін сайлауды тиісті аумақтық сайлау комиссиясы мәслихаттың шешімімен белгіленген, аудан, облыстық маңызы бар қала әкімін сайлауды өткізетін күнге дейін кемінде елу күн бұрын тағайындайтындығын хабарлай отырып, сайлау күнін белгілеу бойынша ұсыныс енгізді.Мәслихат шешімімен Шиелі және Сырдария аудандарында пилоттық аудан әкімінің сайлауы өтетіндігі айқындалып, сайлауды өткізу күні 2023 жылғы 5 қарашаға белгіленді.<img src="https://knadmin.beoblood.kz/uploads/374524268_607767151544533_4791765510475340084_n_077293695d.jpg" alt="374524268_607767151544533_4791765510475340084_n.jpg">

Қызылорда облысында 2 аудан әкімі сайланады

<a href="https://kyzylorda-news.kz/">Kyzylorda-news.kz.</a> Бүгін сағат 11-тен 34 минут өткенде облыс ТЖД-ға қатты желдің (екпіні 22 м/с дейін) салдарынан Қызылорда қаласы, Қазыбек би көшесі, 13 мекен жайдағы "Гүлжан" сауда үйінің 180 шаршы метр болатын шатыры құлағандығы туралы ақпарат келіп түсті (ғимараттың жалпы ауданы 400 ш. м.). Нәтижесінде 2 жеңіл автокөлік зақымдалды. Қаза болғандар мен зардап шеккендер жоқ. Оқиға орнына ТЖД-нен 11 қызметкер және 2 бірлік техникасы жұмылдырылған. &nbsp;

Қызылордада сауда үйінің шатыры құлады

<a href="https://kyzylorda-news.kz/">Kyzylorda-news.kz.</a> Бүгін Сырдария ауданының әкімі Берік Сәрменбаев аудандық орталық кітапханада өткен "Кітап сыйла" акциясына қатысты. Танымдық іс-шараға аудандық ардагерлер кеңесінің төрағасы Мұса Келдібаев, тыл және еңбек ардагері Рақымжан қажы Бәйменов, Халықаралық "Қазақ тілі" қоғамы аудандық филиалының төрағасы Шаһарбек Нұрсейітов, оқырмандар мен жастар атсалысты.Ауданда "Кітап сыйла" акциясы тұрақты ұйымдастырылып тұрады. Кітап мәртебесін көтеру мен жастарға кітап оқуды насихаттау мақсатындағы іс-шарада оқырмандар құнды кітаптармен танысуда.Бүгінгі іс-шарада аудан басшысы жастарға білімді болу үшін кітапты көп оқу керектігін айтты. Өскелең ұрпақтың рухани танымын кеңейту үшін ауданда "Рухани орталық" салынатынын жеткізіп, жаңа кітаптарды сыйға тартты. Сондай-ақ, Р.Бәйменов, Ш.Нұрсейітов өздерінің туындыларын кітапханаға тарту етті. Оған қоса, балабақша меңгерушілері жас балғындарға қызықты кітаптарды акция аясында табыстады.

Кітап сыйла акциясы өтті

<a href="https://kyzylorda-news.kz/">Kyzylorda-news.kz.</a> Қызылорда облысында Ұлттық жобаға 3996 көп балалы аналар қатысқан.Бос жұмыс орындары - 249, Әлеуметтік жұмыс – 20, Жастар тәжірибесі – 18, Қоғамдық жұмыс – 1337, «Күміс жас» жобасына – 13, «Бастау бизнес» жобасы бойынша кәсіпкерлік негіздері бойынша оқығандар – 1906 (1277 жобасын қорғап, 453 грант алды), Қайтарымсыз гранттар алғандар - 453

Ұлттық жобаға 3996 көпбалалы аналар қатысқан

<a href="https://kyzylorda-news.kz/">Kyzylorda-news.kz.</a> Маңғыстау өңірінде өткен халықаралық "Біз күн перзентіміз" конкурсынан Қармақшы ауданының тұрғыны Шыңғыс Алтайұлы бас жүлдені иеленіп, барша Сыр жұртшылығының мерейін үстем етті.&nbsp;

Қармақшылық жас халықаралық конкурстан бас жүлде иеленді

<a href="https://kyzylorda-news.kz/">Kyzylorda-news.kz.</a> Бүгін Қазалы ауданы, Бекарыстан би ауылының халқы үшін қуанышты күн. Себебі, елді мекеннен “Сыр-Сұлтан” атты азық-түлік және тұрмысқа қажетті тауарлар дүкені ашылды.Енді ауыл тұрғындары алысқа бармай-ақ, арзан бағада азық-түлік пен тұрмысқа қажетті тауардың барлығын осы жерден таба алады.Кәсіпкерлік саласында 25 жылдық тәжірибесі бар Ертай Тоқболатов жаңа ғимараттың ашылуын “Қазалы ауданының 95 жылдығына тартуым” дейді.Нысанның лента қию рәсіміне Бақытжан Дүзелбайұлы арнайы барып, кәсіпкердің жұмысына сәттілік тіледі. Сондай-ақ, Ертай Кеңесбайұлына аудан әкімінің “Алғыс хатын” табыс етті.Мерейлі сәттің куәсі болуға барша ауыл тұрғындары да жиналып, ауыл азаматының тағы бір белесті бағындырып, ел игілігі үшін жасап жатқан кәсібіне береке тіледі.Айта кетейік, Ертай Қеңесбайұлы осы кәсібімен көршілес Арал ауданының Жаңақұрылыс, Шөмішкөл секілді тағы басқа да елді мекендерін қамтып отыр.

Бекарыстан би ауылында жаңа дүкен ел игілігіне берілді

<a href="https://kyzylorda-news.kz/">Kyzylorda-news.kz.</a> Сырдария ауданының әкімі Берік Сәрменбаев "Сырдария ауданының Құрметті азаматы", тыл және еңбек ардагері Рақымжан қажы Бәйменовпен бірге ұлттық ойын – көкпарды тамашалады.Аудан басшысы атшабарға жиналған көкпаршылардың қанжығаларының майлануына тілек білдірді. Тыл және еңбек ардагері Р.Бәйменов спортшыларға батасын берді. Аудан әкімі ардақты ақсақалға құрмет көрсетіп, қазақы дәстүрмен иығына шапан жапты.Көкпар ойыны жігіттердің күш-жігерін, төзімділігін, батылдығы мен ептілігін, ат үстінде мығым отыруын қалыптастырады. Қазіргі таңда ұлттық ойынды халық арасында кеңінен насихаттау, салауатты өмір салтын қалыптастыру және ойынның техникасы мен шеберлігін игеруге жастардың қызығушылығын ояту аса маңызды.Ұлттық спортқа Қызылорда, Жаңақорған, Шиелі аудандарынан және ауданға қарасты елді мекендерден ат құлағында ойнайтын шабандоздар қатысып, тартысты әрі қызықты ойын өрнегін көрсетті.

Қазақстан және Қызылорда облысының жаңалықтары