<a href="https://kyzylorda-news.kz/">Kyzylorda-news.kz.</a> Қызылорда қаласы Достық үйінде «Қазақстандағы медиацияның дамуы» тақырыбы аясында конференция өтті.Шараға «Халықаралық келіссөздер академиясы» Қауымдастығы» ЗТБ төрағасы Сабыржан Қалмұхамбетов, «Халықаралық келіссөздер академиясы» Қауымдастығы» ЗТБ сарапшысы Ислам Болатов және облыстық қоғамдық даму басқармасының этносаралық қатынастар мәселелері жөніндегі бөлімінің басшысы Айгерім Алиева, Қызылорда облыстық ҚХА жанындағы медиаторлар кеңесінің мүшелері, құқық қорғау саласының өкілдері, “Қоғамдық келісім” КММ қызметкерлері мен БАҚ өкілдері қатысты.Шара модераторы “Қоғамдық келісім” КММ директорының міндетін атқарушы &nbsp;Фархат Әбдібағдатұлы қоғамдық келісім мен жалпы­этностық бірлікті қамтамасыз етуде медиация институтын нығайту және одан әрі дамыту бойынша шаралар жүргізу маңызды екеніне тоқталды.Конференция барысында дауларды реттеудің баламалы түрі болып саналатын медиация туралы жан-жақты ақпарат берілді. Бейтарап тараптың қатысуымен дауларды шешудің тәсілі азаматтық, еңбек, отбасылық және басқа да құқықтық қатынастар бойынша дауларда, сондай-ақ ауырлығы шағын және орташа қылмыстық істерде қолданылатыны айтылды.&nbsp;Облыстық ҚХА жанындағы медиаторлар кеңесінің мүшесі Жақсыбай Жакеевтың айтуына қарағанда, екі тарапты мә­мі­леге келтіру сот өкіліне үкім шығарудан да қиын.<blockquote>&nbsp;«Азамат­тарды сотқа жеткізбей татулас­тыру үлкен тәжірибе мен білік­тілікті қажет етеді. Маманның әлеуметтану мен адам психологиясынан да хабары болуы қажет. Бұл тұрғыда медиация туралы халықты ақпаратпен қамту жағын жандандыру керек,”-деді.</blockquote>Ал отставкадағы судья, «Құрметті судья» атағының иегері, облыстық медиаторлар кеңесінің мүшесі, медиатор Зина Жаңбыршиева қаладағы медиация орталығының ашылған сәтінен атқарылған ауқымды жұмыстарға тоқталып өтті. Әсіресе, мектептік медиацияның қалыптасуы бағытында жүргізілген жаңашыл жобаларды атады.&nbsp;Конференция аясында бітімгерлік мәселесінде маңызды орын алатын қоғамдық медиатордың қызмет этикасы ережелерін әзірлеу, медиативтік келісімдердің сапасын арттыру критерийлерін анық­тау, медиаторлардың біліміне жә­не біліктілігіне қойылатын нақ­ты талаптарды белгілеу сұ­рақ­тары талқыланып, ұсыныстар айтылды. &nbsp;<figure class="image"><img src="https://knadmin.beoblood.kz/uploads/MW_6_A7158_20d14c73f1.JPG" alt="MW6A7158.JPG"></figure>

Қызылордада медиацияны дамытуға арналған конференция өтті

<h4 style="margin-left:0px;"><a href="https://kyzylorda-news.kz/">Kyzylorda-news.kz.</a> «AMANAT» партиясының «Жастар Рухы» жастар қанаты Қазақстанның тарихи, мәдени және табиғи мұрасын вандализмнен қорғау жөніндегі ауқымды республикалық акцияны жалғастыруда. Кеше осы тақырып аясында дөңгелек үстел өтіп, оған белсенділер, сарапшылар, Мәжіліс депутаттары, қоғам қайраткерлері мен студенттер қатысты.</h4><h4 style="margin-left:0px;">Мемлекет басшысы Қасым-Жомарт Тоқаев өзінің «Әділетті Қазақстанның экономикалық бағдары» Жолдауында заңды қатаң сақтауды, қоғамдық тәртіпті қамтамасыз етуді тапсырғаны белгілі. Президент даладағы, көшедегі вандализм, кейбір азаматтарымыздың тәртіпсіздігі, мәдениетсіздігі, неше түрлі тұрмыстық жанжалдар еліміздің халықаралық аренадағы абыройына нұқсан келтіретініне назар аударды.</h4><h4 style="margin-left:0px;">Мәселені шешу үшін жастар қанатының белсенділері мен жақтастары тарихи ескерткіштерді, табиғи саябақтар мен киелі жерлерді бұзақылық пен вандализмнің іздерінен тазартуға кірісті. «Жастар Рухы» төрағасының орынбасары Ақерке Искандерованың айтуынша, бұл мәселе ғалымдар мен сарапшыларды ғана емес, бүкіл қоғамды алаңдатып отыр.</h4><blockquote><h4 style="margin-left:0px;">«Жақында біз «Жұмақтас» жартасын тазартуға бардық. Ол жерде бояу тастарға өте қатты сіңіп кеткені соншалық оларды толығымен тазалап кетіруге бірнеше ай уақыт кетеді. Тіпті адам аяғы баса бермейтін жерді де бояп тастаған, онда машықтанбаған адамға арнайы жабдықсыз көтерілу қиын. Айналаның бәрі ылғал, тастар тайғақ болғандықтан оған жету мүмкін емес. Бірақ кейбір «шебер-бояушылар» сол жерге арнайы бояу мен құралдарын алып шықты ғой. Ескерткіштерді тазарту мен сақтаудан бөлек, біздің акциямыздың мәдени-ағартушылық миссиясы да бар. Жастар тарихты нақты мысалдармен зерттеп, сонымен бірге мәдени және табиғи мұраға жауапкершілікпен қарауды үйренеді», - деді ол.</h4></blockquote><figure class="image"><img src="https://knadmin.beoblood.kz/uploads/9de1d614_8572_436f_9eef_b9f983a652df_b94c241b34.jpg" alt="9de1d614-8572-436f-9eef-b9f983a652df.jpg"></figure><h4 style="margin-left:0px;">Ақерке Искандерова жастар қанаты осы жағдайға қатысты әлеуметтік зерттеуді бастағанын айтты. Қазіргі уақытта Батыс Қазақстан, Қарағанды, Павлодар, Шығыс Қазақстан облыстары мен Алматы қаласында 18 бен 50 жас аралығындағы 100-ден астам адамнан сауалнама алынған. Азаматтар вандализмге қарсы күресудің тиімділігін арттыру және оның алдын алуға қатысты түрлі ұсыныс пен идеялар айтуда. Зерттеу қорытындылары қажетті шешімдер қабылдау үшін Мәжіліс пен Үкіметке жолданбақ.</h4><h4 style="margin-left:0px;">Мәжілістің Экология және табиғатты пайдалану мәселелері жөніндегі комитетінің төрағасы, «AMANAT» фракциясының мүшесі Еділ Жаңбыршин мұның бәрі әрбір жеке тұлғаның тәрбиесі мен мәдениетіне байланысты екенін атап өтті.</h4><blockquote><h4 style="margin-left:0px;">«Қазақстандағы мәдени-тарихи ескерткіштерінің 60%-ы Маңғыстау облысында орналасқан, «ашық аспан астындағы музей» деп атауға болады. Бұл көне дәуірден келе жатқан ескерткіштер. Олардың бәрі мемлекеттің қорғауына алынған, бірақ соңғы кезде заңның әлсіздігіне байланысты көптеген қорымдарды темір іздейтін құрылғымен қараушылар қопарып, бүлдіріп кеткен. Олар тек сол жердегі ұлттық қазынаны ұрлап қана қоймай, нысанның іргетасын да бұзады», – деді ол.</h4></blockquote><h4 style="margin-left:0px;">Бұл ретте қолданыстағы заңнамаға енгізілуі қажет өзгерістерге халық қалаулысы жеке тоқталды.</h4><blockquote><h4 style="margin-left:0px;">«Бірінші мәселе әртүрлі нысанды қарайтын инспекторлар хаттама толтыра алмайды, оларға сол бұзып жатқан адамдарды ұстап, жауапкершілікке тартуға заңды құқық берілмеген. Екінші, Еуропада темір іздейтін құрылғы жеке адамға сатылмайды. Оны арнайы маманданған мекемелерге ғана сатылып алуға рұқсат беріледі және ол лицензияланады. Қазақстанда да солай жасауымыз керек. Бұл – біздің өткен тарихымыз. Егер тарихты сақтап қорғамасақ, онда ертең ұлттық мұрамызды жоғалтып, қайдан шыққанымыз, ата-бабамыз кім деген сияқты түпкі тарихымызды ұрпаққа жеткізе алмаймыз. Сондықтан, тек қана тәрбие жұмысымен айналысып қоймай, заң жағынан да әртүрлі шектеу жасауымыз керек»,- деді ол.</h4></blockquote><h4 style="margin-left:0px;">Жыл басынан бері Қазақстанда вандализмнің 1200-ден астам фактісі тіркелді деп мәлімдеді Мәжіліс депутаты, «AMANAT» партиясы фракциясының мүшесі Сергей Пономарев.</h4><blockquote><h4 style="margin-left:0px;">«Мұндай жағдай өзімнің басымнан да өтті. Менің ата-анам Алматыдағы зиратта жерленген. Олардың қабірін тонап қана қоймай, басқа да шойын қоршауларын сындырып, алып кеткен. Құқық қорғау органдарына жүгінгеніме қарамастан, осы әрекет үшін ешкім де жазаланған жоқ. Сонда мұны қалай істеген деп сұрадым. Шойын – бұл сынғыш металл және оны алып кету үшін машинаға тиеудің қажеті жоқ. Тек балғамен ұрып құлатады да, қапқа салып, темір қабылдау пункттеріне апарады», - деді ол.</h4></blockquote><figure class="image"><img src="https://knadmin.beoblood.kz/uploads/b988bdc5_c2aa_4196_bad5_84085288915f_18c7de969e.jpg" alt="b988bdc5-c2aa-4196-bad5-84085288915f.jpg"></figure><h4 style="margin-left:0px;">Халық қалаулысы жыл басында Қылмыстық және Қылмыстық іс жүргізу кодекстеріне енгізілген түзетулерге сәйкес, тарихи-мәдени мұраларға, тарих және мәдениет ескерткіштеріне, мемлекет қорғауындағы табиғи нысандарға жазып, бояп, суреттер салып немесе қоғамдық тәртіпке нұқсан келтіретін өзге де іс-әрекеттермен қорлағаны үшін 50-ден 100 АЕК-ке дейін айыппұл, не түзеу жұмыстары немесе қоғамдық жұмыстарға 160 сағатқа дейін тарту немесе 40 тәулікке дейін қамауға алу көзделгенін жеткізді.</h4><h4 style="margin-left:0px;">Партиялықтар аталған мәселеге қатысты қатаң шаралар қолдану қажет деп есептейді. «AMANAT» партиясы Қоғамдық саясат институты директорының орынбасары Динара Сәдуақасова вандалдар мен бұзақыларға қарсы әрекеттің халықаралық тәжірибесін мысалға келтірді. Сонымен, тарихи ескерткіштерді бүлдіргені үшін Италияда 5-тен 32 млн теңгеге дейін, Өзбекстанда – 1,2 млн теңге, Ресейде – 1-ден 15 млн теңгеге дейін айыппұл қарастырылған, ал Ұлыбританияда айыппұлдың ең жоғары мөлшері мүлдем шектелмеген.</h4><blockquote><h4 style="margin-left:0px;">«Келтірілген зиянның ауырлығына байланысты бас бостандығынан айыру да көзделеді. Ұлыбританияда бұл 6 айға дейін, ал Ресейде 2 жылдан 3 жылға дейін. Бұл тұрғыда Қазақстанда ең жеңіл жаза мен ең төмен айыппұл қолданылады. Яғни, мемлекет мұндай фактілерге жұмсақ қарайды. Жаза қолданудан бөлек, кезекшілікпен күзет пункттерін қою сияқты вандализм фактілерінің алдын алуды қолға алу керек. Киелі орындардың барлығында мұндай пункттерді бірден ашу мүмкін емес екені түсінікті. Біз республикалық маңызы бар ескерткіштерден бастауды ұсынамыз. Оқушылар мен студенттерді еріктілер ретінде археологиялық экспедицияларға жиі тартқан жөн», - деді ол.</h4></blockquote><h4 style="margin-left:0px;">Мәжіліс депутаты, «AMANAT» партиясы фракциясының мүшесі Бауыржан Смағұлов «Жастар Рухы» бұл бағытта маңызды әрі жемісті жұмыс атқарып жатқанын атап өтті. Ал Л.Н.Гумилев атындағы Еуразия ұлттық университетінің докторанты Серғазы Қуандықов ғылыми зерттеулер мен экспедицияларды қаржыландырудың жетіспеушілігі мәселесін көтерді. Кездесу соңында студенттер өздерін қызықтырған сұрақтарды қойып, дөңгелек үстел тақырыбы бойынша ұсынысын ортаға салды.</h4><h4 style="margin-left:0px;">Еске сала кетейік, Қазақстанның тарихи, мәдени және табиғи мұрасын вандализмнен қорғауға арналған жалпы республикалық акция биыл 20 қазанда басталған болатын. «Жастар Рухының» 50-ден астам белсендісі осы бағыттағы алғашқы сенбілікті «Бурабай» мемлекеттік ұлттық табиғи паркінің аумағында өткізіп, «Жұмақтас» жартасын тазалады.</h4><h4 style="margin-left:0px;">Алматы облысындағы Іле өзенінің бойында орналасқан «Тамғалы-Тас» шатқалынан 10 қап қоқыс шығарылды. Қостанай облысы Мичуринск ауылында «Жастар Рухы» белсенділері Ыбырай Алтынсарин кесенесінің аумағында сенбілік өткізді. Осындай іс-шаралар бүкіл ел аумағында өтіп, оған 1500-ден астам жастар қатысты, олар 500-ден астам ескерткіш пен киелі орындарды тазартты.</h4><h4 style="margin-left:0px;">«Жастар Рухы» белсенділері ұлттық мұраны қорғауға бағытталған акцияға бұл мәселеге бейжай қарамайтын барша қазақстандықты қатысуға шақырады. Ол үшін әлеуметтік желілердегі @jastar_ruhy парақшасындағы ақпараттармен таныса аласыз немесе +7 776 558 4439 WhatsApp нөміріне жазуға болады.</h4>&nbsp;

 «Жастар Рухы» вандализммен күресуді жалғастырып жатыр

<a href="https://kyzylorda-news.kz/">Kyzylorda-news.kz.</a>&nbsp; Еліміздің басты заңына сәйкес Қазақстан Республикасы өзін демократиялық, зайырлы, құқықтық және әлеуметтік мемлекет ретінде айқындап, оның басты қазынасы – адам және адамның өмірі, құқықтары мен бостандықтары болып табылатындығы айтылған. &nbsp;Осыған байланысты нарықтық қатынастарда тұтынушыны барынша қорғау мақсатында тұтынушылардың құқықтарын қорғау туралы заңнамаға үнемі жүйелі түрде өзгерістер мен толықтырулар енгізіліп отырылады. Бұл ретте уәкілетті орган заң жобасын әзірлеп, ол елдің ақпараттық алаңында белсенді талқыланып, мәжілісте қаралуда.Заң жобаларында ұсынылған түзетулер бизнестің жауапкершілігін арттыруға және халықтың – әрқайсымыздың, барлық 19 млн. қазақстандықтың тұтыну құқығын қорғауға бағытталған.Тұтынушылардың үлес салмағы бойынша шағымдарының ең көп саны келесі салаларда байқалады:- бөлшек сауда (48% (14,3 мың өтініш); - тұрмыстық қызметтер (19% (4,7 мың өтініш); - электрондық сауда (9% (2,6 мың өтініш);Алайда, бұл фактілер тұтынушылардың құқықтарын қорғау саласындағы істердің нақты жай-күйін көрсетпейді, себебі кейбір тұтынушылар бұзылған құқықтарды қорғау үшін мемлекеттік органдар мен тұтынушылардың қоғамдық бірлестіктеріне жүгінбейді.Ұсынылған заң жобасына сәйкес омбудсмен институтын енгізу ұсынылады.Тұтынушылардың құқықтарын қорғау мәселелері жөніндегі Омбудсмен институты тағайындалған адамға ерекше жария мәртебесін береді, ол мемлекеттік биліктің жоғарғы эшелондарында тұтынушылар қауымдастығының көзі және дауысы ретінде қызмет ете алады, қоғамның үйлестірушісі қызметін атқарады, жауапкершілік артады.2022 жылы жүргізілген әлеуметтік сауалнама нәтижелері бойынша: 10 мың респонденттің ішінде 56%-ы тұтынушылардың құқықтарын қорғау мәселелері бойынша Омбудсмен институтын енгізу қажет деп есептейді.Оның негізгі функциялары тұтынушылардың шағымдарын қарау, кеңес беру, тұтынушылардың құқықтарын қорғаудың қоғамдық институттарын үйлестіру, нормативтік құқықтық актілердің жобаларын әзірлеуге қатысу, тұтынушылардың құқықтарын қорғау саласындағы істердің жай-күйі туралы жыл сайын баяндама қалыптастыру, сотта тұтынушылардың белгісіз тобының құқықтарын қорғау болады. Мысалы, Польша мен Германияда тұтынушылар муниципалдық және облыстық тұтынушылардың құқықтары жөніндегі уәкіл (омбудсменның) көмегін белсенді пайдаланады.&nbsp;&nbsp;&nbsp;&nbsp;&nbsp;&nbsp;

Сапалы тауар – тұтынушы игілігі

<h4 style="margin-left:0px;"><a href="https://kyzylorda-news.kz/">Kyzylorda-news.kz.</a> Соңғы кездері елімізде әсіресе балалар арасында қызылшамен ауыру жағдайы жиілеп кеткен, деп хабарлайды BAQ.KZ.</h4>Дерттің өршуіне қатысты Денсаулық сақтау бірінші вице-министрі Тимур Сұлтанғазиев түсініктеме берді.<blockquote>Биыл қызылшамен ауырғандар саны 11 мыңнан асып түсті. Жағдай әсіресе Шымкент, Алматы қалалары мен Алматы, Жамбыл облыстарында ушығып тұр. Жалпы сырқаттанған адамдардың 83%-ы – 14 жасқа дейінгі балалар. Олардың басым бөлігі, яғни 85%-ы – екпе алмаған балалар. Сондықтан екпені нығайту бойынша жұмыс жалғасып жатыр. 6-11 айлық сәбилер мен 2-5 жас аралығындағы балаларға екпе салынады. Ал екпе алмағандардың басым көпшілігінде медициналық қарсы көрсетілімдері бар немесе әлеуметтік желілерден шындыққа жанаспайтын ақпараттар алға. Соған байланысты ата-аналар балаларына екпе салдырудан бас тартуда, - деп түсіндірді вице-министр Сенаттың жалпы отырысынан кейін кулуарда тілшілерге берген сұхбатында.</blockquote>Айтуынша, қызылша ауруының таралуы тек елімізде ғана емес, әлемде де орын алуда.<blockquote>Қызылшамен ауырудың бұлайша көбеюі Қазақстанда ғана емес, бүкіл әлемде орын алуда. Оның негізгі себептерінің бірі – коронавирус инфекциясына қарсы шаралар кезінде вакцинация жүргізудің төмендеп кетуі. Ал елдегі белгілі бір өңірлерде қызылшаның өршуі – ол аймақтарда халықтың тығыз қоныстануы және сәйкесінше, демографиялық көрсеткіштің жоғарылауымен байланысты. Сол үшін инфекция жұқтырғандар саны да көп, - деді Тимур Сұлтанғазиев.</blockquote>

Елімізде қызылша ауруы неге өршіп тұр?

<a href="https://baq.kz/tutynushylardyn-quqytary_124736/">ФОТО</a><a href="https://kyzylorda-news.kz/">Kyzylorda-news.kz.</a>&nbsp; Жыл сайын тұтынушылардың өтініштерінің саны өсуі байқалуда. Егер 2020 жылы уәкілетті органға 21 мың өтініш түссе, 2022 жылы тұтынушылардың келіп түскен шағымдарының саны 30,2 мың өтінішке дейін ұлғайды.Осыған байланысты, азаматтардың келіп түскен өтініштерін талдау мен мониторинг нәтижелерін, тұтынушылардың құқықтарын қорғаудың қоғамдық институттарының пікірлері мен ұсыныстарын және әлеуметтік зерттеу көрсеткіштерін назарға ала отырып, Қазақстан Республикасы Сауда және интеграция министрлігі ең алдымен жосықсыз бизнеспен жұмыс істеудің алдын алуға бағытталған заң жобаларын әзірледі.Халықаралық тәжірибе мен барлық мүдделі тұлғалардың, атап айтқанда, тұтынушылардың қоғамдық бірлестіктері мен бизнес қауымдастықтардың ұсыныстары ескерілді.Қолданыстағы Заң салалық заңдармен реттелген қаржылық, әлеуметтік, медициналық, туристік және өзге де қызметтер салаларындағы тұтынушылардың құқықтарын қорғауда қолданылмайды. Кейіннен тұтынушылардың құқықтары мен заңды мүдделері бұзылып әлеуметтік тәуекелдер туындайды. Бұл ретте адам өмірінің барлық салаларында тұтынушылардың құқықтарын қорғау мақсатында тұтынушылардың құқықтарын қорғау қағидаларын тұрғын үй-коммуналдық тұтыну, байланыс, туризм, мәдениет, сауда, көлік және тұтыну үшін көрсетілетін қызметтердің өзге де салаларында қолдану ұсынылады.Өз кезегінде,тұтынушылардың құқықтарын қорғау мәселелері бойынша мемлекеттік органдардың салааралық үйлестіруді күшейту ұсынылады.Сонымен қатар, құқықтары бұзылған және сотқа дейінгі кезеңде шешілмеген тұтынушының пайдасына сот айыппұл түрінде салатын кәсіпкердің азаматтық-құқықтық жауапкершілігін енгізу ұсынылады.Айыппұл мөлшері тұтынушының талап қою сомасының 10%-дан 50%-на дейін құрайды.Шағым сомасы неғұрлым аз болса, айыппұл мөлшері жоғарыда көрсетілгендей болады.Оң жақтары: 1)кәсіпкерлерді сотқа дейінгі кезеңде бұзушылықтарды өз еркімен жоюға ынталандыру (қағида: мұнда және қазір); 2) клиенттің қажеттіліктеріне бағдарлану; 3) қоғамдық мониторингті дамытуға және өркениеттік нарықтық экономиканы құруға ынталандыру.Осыған ұқсас оң тәжірибе біз келісілген саясат құратын Еуразиялық экономикалық одақ елдерінде қолданылады.Келесі онлайн саудаға қатысты тұтынушылардың электрондық сауда сегментіне шағымдарының саны артуда. Осыны ескере отырып, заң жобасымен шарттарда тұтынушылардың құқықтары мен заңды мүдделерін бұзатын және оларға қысым жасайтын талаптарға жол бермеуді бекіту, сондай-ақ құқықтық олқылықтарды жою, атап айтқанда, тауарларды сату мақсатында пайдаланылатын интернет-ресурстарды «сауда объектілеріне» теңестіру ұсынылады.Бұл өз кезегінде бизнес субъектілерін ӘҚБтК 193-бабының 1-бөлігі бойынша әкімшілік жауапкершілікке тартуға мүмкіндік береді.Қорытындылай келе, тұтынушылардың құқықтарын қорғаудың заңнамалық негізін жетілдірудің мақсаты қоғамның барлық деңгейлеріне енетінін және азаматтардың әл-ауқаты мен елдің әлеуметтік экономикалық тұрақтылығын көрсететінін өмір сүру сапасын арттыру болып табылатынынатап өтеміз. &nbsp;

Тұтынушы құқығы қалай қорғалады?

<a href="https://kyzylorda-news.kz/">Kyzylorda-news.kz.</a>&nbsp; Бүгінгі таңда Мәжілісте тұтынушылардың құқығын қорғау туралы жаңа заң жобасы қаралуда. Аталған заң жобасында көптеген жаңалықтар бар. Бірақ айта кететін ең бастысы-тұтынушы құқығы бұзылған кезде, мысалы, ақаулы көлік сатып алғанда немесе электр желісіндегі кернеудің жоғарылауы нәтижесінде тұрмыстық техникасы бұзылса бірден сотқа шағым түсіре алады. Бұл өте маңызды, өйткені ол сатушыларды тәртіпке келтіреді.Естеріңізге сала кетейік, қазір тұтынушы бірден сотқа жүгіне алмайды. Қолданыстағы заңнамаға сәйкес тұтынушы алдымен дауды сотқа дейін шешуге тырысады. Бүгінгі таңда Қазақстанда тұтынушылардың шағымдарын қараудың үш сатылы алгоритмі жұмыс істейді: 1 кезең – сатушы және дауларды сотқа дейін реттеу субъектілері, 2 кезең – уәкілетті мемлекеттік органдар, тек 3 кезең – сот.Қазақстан Республикасының Сауда және интеграция министрлігі әзірлеген тұтынушылардың құқықтарын қорғау туралы жаңа заң жобасы аталған үш сатылы алгоритмдіөзгертеді. Аталған заң жобасының 49-бабының 1-тармағы тұтынушыға өзінің бұзылған құқықтары мен заңды мүдделерін қорғау жөніндегі шараларды таңдау құқығын береді. Атап айтқанда, ол өз қалауы бойынша:-сатушыға (дайындаушыға, орындаушыға) , -тұтынушылардың қоғамдық бірлестіктеріне, қауымдастықтарға (одақтарға), -омбудсменге, -уәкілетті органға, мемлекеттік органдарға, -тұтынушылық дауды соттан тыс реттеу субъектісіне (сатушының (дайындаушының, орындаушының) келісімі болған кезде), - сотқа жүгінуге құқылы.Бұл ретте Заң жобасымен тұтынушы уәкілетті органға сатушыға тиісті талап қойылғаннан кейін бір ай мерзімде (кешіктірмей) жүгіне алады (заң жобасының 51-бабының 1-тармағы).&nbsp;Айта кету керек, Заң жобасын талқылау барысында Мәжілістің жұмыс тобында &nbsp;басқа да мәліметтер табылатыны сөзсіз. Бірақ шешуші сәт, тағы да қайталап өтейік – ол тұтынушының сотқа тікелей жүгіну мүмкіндігі.Алайда, бұл тұтынушының құқығы екенін, бірақ міндеті емес екенін ескеру қажет. Ол алдымен сотқа дейінгі реттеу құқығын қолдана алады, содан кейін ғана, егер ол көмектеспесе, сотқа талап қоя алады.Осылай мемлекет тұтынушыны бірден сотқа жүгінуге емес, екі сатылы алгоритмге жүгінуге ынталандырады. Осы ретте Заң жобасының 54-бабында заң шығарушы бұл жағдайда сатушылардың қосымша жауапкершілігін белгілейді. Атап айтсақ, айыппұл мөлшері өндіріп алынған сомаға байланысты және талап қою сомасының жартысынан 20 АЕК-ке дейін және де 90 АЕК-тен жоғары талап қою үшін 10 пайызға дейін құрайды. &nbsp;

Таразыдан жеу: Жаңа заң сатушыны сотқа беруге мүмкіндік береді

<a href="https://kyzylorda-news.kz/">Kyzylorda-news.kz.</a>&nbsp; "Қазақстан Республикасының кейбір заңнамалық актілеріне өнеркәсіптік саясат мәселелері бойынша өзгерістер мен толықтырулар енгізу туралы" Қазақстан Республикасының 2021 жылғы 27 желтоқсандағы № 87-VII Заңымен "Тұтынушылардың құқықтарын қорғау туралы" Қазақстан Республикасының Заңына толықтырулар енгізілді.Атап айтқанда қолданыстағы заңнамаға көлік құралдарын, ауыл шаруашылығы техникасын, су және әуе кемелерін техникалық жағынан күрделі тауарларға жатқызатын жаңа норма енгізілді. Осыған сәйкес мынадай ұғым енгізілді: «өзін қосылыстың мәні айқындайтын мақсаты бойынша пайдалануға мүмкіндік беретін бір тұтасты құрайтын көптеген конструкциялық және (немесе) әртекті элементтерді қамтитын, техникалық жағынан күрделі ішкі құрылымы бар азық-түлік емес тауар, оған тек қана көлік құралдары, ауыл шаруашылығы техникасы, су және әуе кемелері жатады».Осылайша техникалық жағынан күрделі тауарға және оның құрамдасына қатысты тұтынушы техникалық жағынан күрделі тауардың елеулі кемшілігі болған жағдайда ғана ұқсас маркалы (модельді, артикулді) тауарға ауыстыруды не сатып алу бағасын тиісінше қайта есептей отырып, басқа маркалы (модельді, артикулді) дәл сондай тауарға ауыстыруды, не шартты бұзуды және тауар үшін төленген ақшаны қайтаруды талап етуге құқылы. Техникалық жағынан күрделі тауарға байланысты қалған жағдайларда тұтынушы тауардың кемшіліктерін өтеусіз жоюды не айырманы тиісінше қайта есептей отырып, сатып алу бағасын мөлшерлес азайтуды талап етуге құқылы.Бұл ретте заң шығарушы техникалық жағынан күрделі тауардың елеулі кемшілігін белгіледі, оған – техникалық жағынан күрделі тауардың жойылмайтын кемшілігі немесе мөлшерлес емес шығыстарсыз немесе қосалқы бөлшекті беруді күту уақытын қоса алғанда, заңда белгіленген мерзімнен асатын немесе тұтынушы үшін мұндай жоюдың өзектілігі жоғалатындай немесе тауарды нысаналы мақсаты бойынша пайдалануға мүмкін етпейтіндей соншалықты созылатын уақыт шығындарынсыз жоюға келмейтін кемшілігі не тұтынушының өміріне, денсаулығына және (немесе) мүлкіне, қоршаған ортаға зиян келтіруге алып келуі мүмкін кемшілік.Сонымен қатар, заң шығарушы тұтынушының сатып алу-сату шартын бұзу және техникалық жағынан күрделі тауарларды ауыстыру туралы талаптарын орындау мерзіміне өзгерістер енгізді. Тұтынушы техникалық жағынан күрделі тауардың елеулі кемшілігін анықтаған және ол шартты бұзу және тауар үшін төленген ақшаны қайтару туралы талап қойған жағдайда, техникалық жағынан күрделі тауарды және оның құрамдасын сатушы (дайындаушы, орындаушы) осы талапты үш жұмыс күні ішінде қанағаттандыруға міндетті. Тұтынушы техникалық жағынан күрделі тауардың елеулі кемшілігін анықтаған және оны ауыстыру туралы талап қойған жағдайда, техникалық жағынан күрделі тауарды және оның құрамдасын сатушы (дайындаушы, орындаушы) осы талапты отыз жұмыс күні ішінде қанағаттандыруға міндетті. Бұл ретте сатушы тұтынушының қойған талаптарымен келіспеген кезде сәйкестікті растау жөніндегі органдарға не сынақ зертханаларына техникалық жағынан күрделі тауардың қауіпсіздігін және (немесе) сапасын қосымша тексеруге (сараптамаға) жіберген жағдайда, техникалық жағынан күрделі тауарды қайтару немесе айырбастау жөніндегі мерзім тексеру (сараптама) жүргізілген уақытқа тоқтатыла тұрады.&nbsp;

Кәсіпкерлер тұтынушылар құқығын бұзуды көбейтті

<a href="https://www.un.org/ru?_gl=1*1r26pmr*_ga*MTIwNzcxOTUyNi4xNjk5MzQxNzQy*_ga_S5EKZKSB78*MTY5OTM0MTc0MS4xLjAuMTY5OTM0MTc0My41OC4wLjA.*_ga_TK9BQL5X7Z*MTY5OTM0MTc0MS4xLjAuMTY5OTM0MTc0MS4wLjAuMA..">ФОТО</a><a href="https://kyzylorda-news.kz/">Kyzylorda-news.kz.</a> Елдің дамуы мен әлеуметтік-экономикалық ілгерілеу жолындағы маңызды қадамдардың бірі – сыбайлас жемқорлықты жеңу. Бұл проблемаға бүкіл әлемде үлкен көңіл бөлінетіні кездейсоқ емес.&nbsp;БҰҰ Бас хатшысы Халықаралық сыбайлас жемқорлыққа қарсы күніне арналған жолдауында: «Сыбайлас жемқорлық елдің даму процесіне апатты әсерін тигізеді, өйткені мектептерге, ауруханаларға және басқа да өмірлік маңызды мемлекеттік құрылымдарға арналған қаражат тиісті жерлерге жіберілудің орнына қылмыскерлердің немесе арам шенеуніктердің қолына түседі. Сыбайлас жемқорлық зорлық пен тұрақсыздықты арттырады. Бұл мемлекеттік институттар мен тұтастай үкіметтің көңілін қалдыруы, халықтың ашуын келтіруі және тәртіпсіздікке әкелуі мүмкін» деген.Расында солай. Сыбайлас жемқорлыққа қарсы саясат – мемлекеттік саясаттың құрамдас бөлігі. Сондықтан сыбайлас жемқорлыққа қарсы күресті ұйымдастыру, сыбайлас жемқорлық құқық бұзушылықтарды анықтау мен жазалаудың тиімділігін арттыру және сыбайлас жемқорлықты оның барлық көріністерінде қоғамдық қабылдаудан бас тартуға жағдай жасау міндеттерін жүзеге асыру бірінші кезекте тұруы қажет. Олай болмаған күнде парақорлық халық пен билік арасындағы сенімге сызат түсіріп, мемлекеттің бүтіндігіне кері әсерін тигізуі әбден мүмкін..Осы қиындықтардың барлығын бағамдай білген ел Президенті Қ.Тоқаев Қазақстан халқына Жолдауында қол астындағы адамдардың іс-әрекеттері үшін бірінші басшылардың жеке жауапкершілігі туралы «Сыбайлас жемқорлық қылмысы орын алған мекеменің бірінші басшысының жауапкершілігі заңнамалық және нормативтік түрде реттелуі керек» деген болатын.Бірақ бұл тек басшылардың жауапкершілігімен ғана шешілмейтін мәселе. Бұл – бүкіл халықтың сыбайлас жемқорлыққа қарсы көзқарасы негізінде түйіні тарқатылатын дүние. Сондықтан біздің әрбіріміз, елдің азаматтары жұмылған жұдырықтай болып жемқорлыққа жол бермесе, жең ұшынан жалғасқан бұл көрініс те қоғам сахнасынан ысырылып қала беретін болады.Оразгүл Елемесова,Арал ауданы қазынашылық басқармасының бас маман – бас қазынашысы.

Оразгүл Елемесова: Сыбайлас жемқорлық - қоғам дерті

<a href="https://kyzylorda-news.kz/">Kyzylorda-news.kz.</a>&nbsp; Бүгін ҚР Премьер-министрі Әлихан Смайыловтың төрағалығымен өткен Үкімет отырысында егін жинау науқанының қорытындысы талқыланды. Онда ҚР Ауыл шаруашылығы министрі Айдарбек Сапаров, Ақмола, Қарағанды, Қостанай және Солтүстік Қазақстан облысының әкімдері баяндама жасап, атқарған жұмыстары мен шешімін күткен мәселелер туралы айтты.Үкімет отырысынан кейін облыс әкімі Нұрлыбек Нәлібаев арнайы мәжіліс өткізіп, ауыл шаруашылығы саласындағы жұмыстардың ұйымдастырылуы мен түпкілікті нәтижелеріне тоқталды.<blockquote>«Биылғы вегетация кезінде су тапшылығы қатты сезіліп, диқандарымызға оңай соққан жоқ. Дегенмен, Мемлекет басшысы Қасым-Жомарт Кемелұлы мен Үкімет басшысының қолдауының арқасында аймақта су тапшылығының алдын-алу шаралары қабылданды. Дер кезінде атқарылған жұмыстардың нәтижесінде егілген 89 мың гектар күріштен 503 мың тонна өнім жиналып, орта өнім гектарына 56,5 центнерді құрады.Қазір егін жинау жұмыстары толығымен аяқталды. Ендігі кезекте сүдігер айдау және күздік бидай егуді мерзімінде бітіру қажет. Бүгінгі күні межеленген 4 мың гектар күздік бидайдың 2 мың 200 гектары егілген. Сүдігер айдауға келер болсақ, жоспардағы 50 мың гектар жердің 64,9 пайызы орындалған. Аудан әкімдері, күздік бидай егу және сүдігер айдау жұмыстарын 20 қарашаға дейін аяқтаңыздар», – деді аймақ басшысы.</blockquote>Дегенмен, саладағы кейбір мәселелер әлі де өзекті күйінде. Мәселен, аймақтағы шаруа қожалықтарының «Қазсушар» мекемесінің облыстық филиалы алдындағы қарызы 800 млн теңгеге жеткен, яғни төленуге тиісті қаржының 37 пайызы өтелмеген.Нұрлыбек Машбекұлы Қызылорда қаласы мен аудан әкімдеріне алдағы жылы егілетін күріш егісі көлемін 80 мың гектар деңгейінде тұрақтандыруды тапсырды. Оған қоса, су үнемдеу технологияларын пайдалану арқылы егіс көлемін ұлғайту үшін тиісті шаралар қабылдануы тиіс. Жауапты басшыларға әртараптандыру бағытында, су үнемдеу технологияларын қолдану арқылы егілетін егістің алдағы 3 жылдық орналастыру сызбасын бекітіп, облыстық ауыл шаруашылығы және жер қатынастары басқармасына жолдау міндеті жүктелді.Аталған басқармаға Қызылорда қаласы, аудан әкімдерімен бірлесіп әртараптандыру бағытындағы дақылдардың егіс көлемін ұлғайтуды қамтамасыз ету, шаруашылықтардың «Қазсушар» мекемесінің облыстық филиалы алдындағы қарызын осы жылдың 1 желтоқсанына дейін толық есептесуін ұйымдастыру жөнінде тапсырма берілді.<figure class="image"><img src="https://knadmin.beoblood.kz/uploads/398984191_638965105091404_4326482712355333898_n_e8bb117755.jpg" alt="398984191_638965105091404_4326482712355333898_n.jpg"></figure>

Қызылорда облысында күріштен 503 мың тонна өнім жиналды

<a href="https://kyzylorda-news.kz/ru">Kyzylorda-news.kz.</a>&nbsp; Қараша айының 5,6,7-сі күндері Қызылорда облысы әкімінің қолдауымен, облыстық мәдениет және спорт басқармасы мен Қазақстан Жазушылар одағы Қызылорда облыстық филиалының ұйымдастырумен Қызылорда облысының 85 жылдық мерейтойы аясында Сырдың жас ақындарының Алматы қаласындағы Поэзия күндері өтіп жатыр.Парасатты поэзия салтанат құратын сапар барысында ақындарымыздың Алматы қаласындағы беделді оқу орындарының студенттерімен кездесулері, Республикалық телеарналар мен радиолардың бағдарламаларына қатысуы, Ұлт зиялылары мен танымал жерлестерімізге Құран бағыштау, “Qyzylorda” телеарнасының поэзия сағаттарының түсірілімін жасау және Қазақстан Жазушылар одағының концерт залында алматылық өлең сүйер қауымға және ондағы жерлестерімізге поэзия кешін өткізу жоспарланған.Поэзия күндеріне Халықаралық “Шабыт” фестивалінің лауреаты Асылзат Арыстанбек, Республикалық жыр мүшайраларының жүлдегерлері Ұлықбек Тәңірберген, Биболат Сәтжан, Айдар Сайлауов, Аружан Оралбай, Қазақстан Жазушылар одағының мүшелері Толқын Қабылша, Назгүл Бердіқожа, Олжас Сәндібек, Мөлдір Айтбай, Мақсат Дауылбай, Ақжол Түменбай сынды танымал жаңа толқын ақындарымызды “Құрмет” орденінің иегері, Халықаралық “Алаш” әдеби сыйлығының лауреаты Қатира Жаленова, Қазақстан Жазушылар одағы Қызылорда облыстық филиалының директоры, Халықаралық “Алаш” әдеби сыйлығының иегері Қаршыға Есімсейітова бастап келді.Поэзия күндерінің қорытынды кеші 7 қараша күні сағат 17:00-де Қазақстан Жазушылар одағының Әдебиетшілер залында өтеді. Қорытынды кешке зиялы қауым өкілдерімен бірге, танымал эстрада жұлдыздары қатыспақ.

Сыр жастарының Алматы қаласындағы поэзия күндері өтіп жатыр

&nbsp;<a href="https://kyzylorda-news.kz/ru">Kyzylorda-news.kz.</a> Мәжіліс депутаты, саясаттанушы Ерлан Сайыров «<a href="https://www.youtube.com/watch?si=Pmtpe1BeT9tTAf-_&amp;v=PphoyQvSUuI&amp;feature=youtu.be">ADAL ADAM</a>» youtube-арнасына берген сұхбатында мемлекет пен шетелдік инвесторлар арасындағы келісім-шартты сынады. Оның айтуынша, соңғы 30 жылда жасалған келісім-шарттарда ел мүддесі ескерілмеген.<blockquote>«Назарбаев билігі кезіндегі барлық келісім-шарттарда инвесторлардың барлық құқы сақталған, ал Қазақстан мемлекетінің тек міндеттері ғана көрсетілген. Сондықтан Үкімет, тиісті министрлік пен әкімдіктің мұндай кәсіпкерлерге тісі батпай отыр. Себебі келісім-шартта еліміздің ұлттық мүддесі қарастырылмаған», дейді депутат.</blockquote>Алайда Ерлан Бияхметұлы заңды бұзған инвесторды жазалаудың өзге жолы барын айтты. Ол үшін халықаралық аудиторлық ұйымдар мен сот жүйесіне жүгіну қажет екен.&nbsp;<blockquote>«Екі мәселе бар. Алдымен барлық келісім-шартқа ревизия жасау қажет. Яғни, 1990 жылдардан бастап жасалған келісім-шарттң бәрін тексеру керек. Егер сол келісім-шартта Қазақсатан мүддесі сақталмаған болса, әр компания бойынша жеке іс дайындау қажет. &nbsp;Зауыттардан қанша қаржы жымқырылғаны, экологиялық зардап пен салықтан жалтару жағдайларын саралап, халықаралық аудиторлық компанияларға жүгіну қажет. Сол арқылы халықаралық юрисдикция шеңберінде кінәлі азаматтарды сотқа беру керек», — дейді депутат.</blockquote>Е.Сайыров заңсыздыққа жол берген қазақстандық лауазымды тұлғалар да жазасыз қалмауы қажет екенін айтты.<blockquote>«Мемлекет мүддесін сатқан, келісім-шартқа қол қою кезінде халық мүддесін елемеген азаматтар жазасын алу қажет», — деді ол.</blockquote>Сонымен қатар депутат келісім-шартты біржақты тәртіпте бұзу Қазақстанға зиян келтіруі де мүмкін екенін жасырмайды. Себебі инвасторлар елімізді халықаралық сотқа беруі мүмкін екен. Сол үшін саясаттанушы юрисдикция шеңберінде мемлекет мүддесін қорғаудың жаңа дүйесін жасауды ұсынды.

Депутат мемлекеттік саясаттағы қателікті айтты

<a href="https://kyzylorda-news.kz/ru">Kyzylorda-news.kz.</a>&nbsp; Аймақ басшының тапсырмасына сәйкес, облыс әкімінің орынбасары Мейрамбек Шермағанбет, қала әкімі Асылбек Шаменов құқық қорғау органдары, жауапты салалардың басшыларымен бірге қала іргесіндегі саяжай тұрғындарымен кездесті. Кездесу «Эдельвейс», «Еңбек» және «Сабалақ» саяжайларында өтті.​«Эдельвейс» саяжайында 1000-ға жуық халық тұрады. Бұл аумақты инженерлік инфрақұрылыммен қамту жұмыстары аясында 2021 жылы «Эдельвейс» және «Өркендеу» саяжайларының кіреберіс жолына жарық бағаналары орнатылып, олардың тұсынан өтетін магистральды жол салынды. Ал, өткен жылы «Эдельвейс» саяжайына 4,6 шақырым, «Орбита» саяжайына 2,4 шақырым электр желісі тартылды. Биыл қазан айында «Эдельвейс» саяжайындағы ауыз су құрылысы аяқталды. Сонымен қатар, «Орбита» саяжайында 12,4 шақырым болатын ауыз су құрылысы жүргізілуде.Тұрғындар кездесуде газ және жарықтандыру мәселелерін көтерді. Бұған байланысты қалалық электр тораптары басқармасына электр бағаналарына жарық шамдар орнату тапсырылды. Сонымен қатар, берілген жер телімдерін қайта зерделеу, игерілмеген учаскелер бойынша қажетті шаралар қолға алынуы тиіс.Келесі кездесу «Еңбек» саяжайында жалғасты. «Еңбек» саяжайы «Игілік», «Өркендеу» саяжайларынан құралған. Мұнда 700-ге жуық халық тұрады, 2021 жылы 2 шақырымдық 4 көшеге қиыршық тас төселген. Жұмыстар өткен жылы да жалғасын тауып, 7,2 шақырым электр және 6,1 шақырым ауыз су желісі жүргізілді.Тұрғындарды толғандырған түйткілдің бірі – ауыз су сапасы, жол мәселесі. Облыс әкімінің орынбасары Мейрамбек Зинабдинұлы көтерілген мәселелерді хаттамаға енгізуді, жауапты тұлғаларға тапсырмалардың уақытылы және сапалы орындалуын міндеттеді.Ал, Тасбөгет кентіне қарасты 4000-нан астам тұрғыны бар «Сабалақ» саяжайында электр, ауыз су мәселесі толығымен шешімін тапқан. Жол мәселесі де тұрақты назарда. Аумақта ұзындығы 4,7 шақырымды құрайтын 3 көше асфальттанған. Биылдың өзінде осындағы 16,5 шақырым болатын негізгі 18 көшеге қиыршық тас төселді. Бұл аумақта газ мәселесі өзекті күйінде. Қала әкімі Асылбек Шәменовтің айтуынша, «AЭS and Limited» ЖШС демеушілігімен 100 млн. теңгеге табиғи газ желісін тартудың жоба-сметалық құжаттары әзірленуде.Облыс әкімінің орынбасары Мейрамбек Шермағанбет, қала әкімі Асылбек Шаменов саяжайлар тұрғындары көтерген мәселелерді қарап, арнайы жұмыс жоспары әзірленетіндігін және түйткілді мәселелер кезең-кезеңімен шешімін табатындығын жеткізді.<img src="https://knadmin.beoblood.kz/uploads/399428405_3474741732792560_7482767904471849117_n_54acffb1b8.jpg" alt="399428405_3474741732792560_7482767904471849117_n.jpg"><img src="https://knadmin.beoblood.kz/uploads/399365611_3474741772792556_3513256929232756419_n_de9fab0bb0.jpg" alt="399365611_3474741772792556_3513256929232756419_n.jpg"><img src="https://knadmin.beoblood.kz/uploads/399369276_3474741829459217_1858867528290129377_n_922ac627d2.jpg" alt="399369276_3474741829459217_1858867528290129377_n.jpg"><img src="https://knadmin.beoblood.kz/uploads/399347024_3474741852792548_8184693832866489867_n_48ed0014af.jpg" alt="399347024_3474741852792548_8184693832866489867_n.jpg">

Қазақстан және Қызылорда облысының жаңалықтары