<a href="https://kyzylorda-news.kz/ru">Kyzylorda-news.kz</a>&nbsp;Бүгін Қызылорда облысының әкімдігі мен ҚР Сыбайлас жемқорлыққа қарсы іс-қимыл агенттігі Қызылорда облысы бойынша департаментінің ұйымдастыруымен қоғамда сыбайлас жемқорлыққа қарсы мәдениетті қалыптастыру және оның алдын алу бағытында «Әділетті Қазақстан: Заң үстемдігі және жемқорлықсыз қоғам» атты облыстық форум өтті.9 желтоқсан – Халықаралық сыбайлас жемқорлыққа қарсы күрес күніне орай ұйымдастырылған форумға Қызылорда облысы әкімі аппараты басшысының орынбасары Ерлан Бәкіров, ҚР Сыбайлас жемқорлыққа қарсы іс-қимыл агенттігі Қызылорда облысы бойынша департаменті басшысының бірінші орынбасары Асылхан Ашықов, құқық қорғау органдары мен мемлекеттік мекемелердің қызметкерлері, зиялы қауым өкілдері, білім, денсаулық сақтау саласының қызметкерлері, жастар, студенттер, ҮЕҰ және БАҚ өкілдері қатысты.&nbsp;Сыбайлас жемқорлыққа қарсы мәдениеті қалыптасқан парасатты қоғам құру мақсатында жыл сайын дәстүрлі түрде өтетін форумды облыс әкімі аппараты басшысының орынбасары Ерлан Бәкіров ашып, аймақтағы сыбайлас жемқорлықпен күрес бағытында жүзеге асырылып жатқан жобаларға тоқталды. «Әділетті Қазақстан» құру жолында мемлекеттік саясаттың негізгі басымдықтарының бірі – сыбайлас жемқорлықпен жалпыұлттық негізде күресу екенін айтып, Қызылорда облысы 2023 жылдың 10 айының қорытындысымен сыбайлас жемқорлықпен күрес бағытындағы жүйелі жұмыстардың нәтижесінде 3 орынға көтерілгенін жеткізді.Салтанатты форумда сыбайлас жемқорлыққа қарсы іс-қимыл жұмыстары мен құқықтық қоғамды қалыптастыруға өз үлестерін қосып жүрген бірқатар белсенді азаматтар облыс әкімінің және ҚР Сыбайлас жемқорлыққа қарсы іс-қимыл агенттігі Қызылорда облысы бойынша департаменті басшысының Алғысымен марапатталды.&nbsp;Сонымен қатар, сыбайлас жемқорлықпен пәрменді күресу үшін халықтың құқықтық сауаттылығын, ақпараттық-түсіндіру жұмысының қарқыны мен сапасын арттыру мақсатында ұйымдастырылған «Сыбайлас жемқорлыққа қарсы сана қалыптастыру жолдары» тақырыбындағы үздік мақала байқауының жеңімпаздары марапатталып, қаржылай сыйақылар табысталды.&nbsp; Форум соңы жергілікті өнерпаздардың мерекелік концертімен жалғасты.<figure class="image"><img src="https://knadmin.beoblood.kz/uploads/d4ca0cb5_ec71_4c69_9ea2_2496aefdf181_d460830d12.jpg" alt="d4ca0cb5-ec71-4c69-9ea2-2496aefdf181.jpg"></figure>

Сыбайлас жемқорлыққа қарсы облыстық форум өтті

Фото: kp.ru/doctor<a href="https://kyzylorda-news.kz/ru">Kyzylorda-news.kz</a>&nbsp; Ғалымдардың зерттеуі бойынша құрамында 800 мкг фолий қышқылы бар витаминді, жүктілікке дейін 1 ай, жүктіліктен кейін 2 ай ішкен əйелдерің балаларында Нерв түтікшесінің ақаулары 92% төмендегенін байқаған. Бұл туралы ақпаратты Қызылорда облыстық перинаталдық орталығы жариялады.Нерв түтікшесі дегеніміз не жəне оның маңызы қандай?Нерв түтікшесі – ол нейрондар мен орталық нерв жүйесі (бас ми мен жұлын) дамитын түтікше.Нерв түтіктері ұрықтанғаннан кейін 21-26 күндері дамиды. Ал әйелдер көп жағдайда тіркеуге тұруға 8-12 аптада барады. Ол кезде жүйкелер мен кейбір ағзалар дамып қалыптасқан болады. ⠀Сондықтан егер сіз жүктілікті жоспарласаңыз, жүктілікке дейін 1 ай, кейін 12 аптаға дейін міндетті түрде ішу керек. Жүктіліктің соңына дейін іше беруге болады, әсіресе І триместрде тәулігіне 400- 800 мкг міндетті түрде ішу керек.Фолий қышқылын ішу қаншалықты маңызды?– Фолий қышқылы əртүрлі жүйке жүйесіне байланысты ақаулардың;– Жүрек- қантамыр жүйесінің ақауларының;– Даун синдромының– Əртүрлі аномалиялардың алдын алуда маңызы зор.Сондықтан фолий қышқылының маңызын əрбір болашақ ана білуі тиіс.

Фолий қышқылының маңызын əрбір болашақ ана білуі тиіс

Фото: azattyq-ruhy<a href="https://kyzylorda-news.kz/ru">Kyzylorda-news.kz</a>&nbsp; Балық шаруашылығы батыл қолдауды қажет етеді. Бүгінде өңірімізде балық шаруашылығына маңызы бар Кіші Арал мен Сырдария өзенімен қатар 201 көл тізімге алынған. Өңірлік коммуникациялар қызметінің ақпарат алаңына келген облыстық табиғи ресурстар және табиғат пайдалануды реттеу басқармасы басшысы Марат Құрманбаев балық шаруашылығын дамыту бағытындағы атқарылған жұмыстарды мәлімдеді.Осы жылдың 10 айында облыс бойынша 4576,5 тонна балық ауланған.Аймақта балық өңдейтін 10 зауыт жұмыс істесе, оның төртеуінде «Еврокод» Еуропалық сапа стандартын растайтын белгісі бар. Мұнда балықтың 14 түрі экспортталады.2023 жылдың 10 айында 2463,6 тонна балық өнімдері 13 шет елдеріне экспортталды. Жиында басқарма басшысы тауарлы балық өсіруді дамыту жұмыстарына да тоқталып өтті.<blockquote>«Қызылорда облысында балық шаруашылығын дамытудың 2021-2030 жылдарға арналған өңірлік бағдарламасына сәйкес, 2022 жылға облыс бойынша 409 тонна балық өсіру көзделсе, тауарлы балық өсіру көлемі 526,4 тоннаға жетіп, 117,4 тонна балық өсіру көлемі артығымен орындалды. Сонымен бірге 1 сумен қамтамасыз ету циклі тұйықталған балық өсіру шаруашылығы (УЗВ), 8 тоғанда балық өсіру шаруашылығы толығымен іске қосылып, көл-тауарлы балық өсіру шаруашылықтарының саны 75-ке жетті», - деді Марат Ердәулетұлы.</blockquote>Балықтың адам ағзасына пайдасы орасан. Өңірдің балық саласының әлеуеті жоғары. Арал мен Сырдария және басқа да су айдындары Сыр жұртшылығын ғана емес, өзге аймақтарды да балықпен қамтамасыз етіп отыр десек қателеспегеніміз.Сыр өңірінде су шаруашылығын дамыту шаралары ілгерлеп келеді. Жыл басынан бері су тапшылығының алдын алу мақсатында ауылдық елді мекендерге 23 дана насос қондырғылары жеткізіліп, 28 каналдың жобалық-сметалық құжаттамасы әзірленген. Сондай-ақ, 9 каналға тазалау жұмыстары жүргізілді.&nbsp;<blockquote>«Бүгінде облыстық коммуналдық меншікке 233 су шаруашылығы нысаны алынған. Осы меншіктегі су шаруашылығы нысандарын тазалау, жөндеу жұмыстары кезең-кезеңімен жүргізілуде. Сонымен қатар, облыстық бюджет есебінен елді мекендерді аяқ сумен қамтамасыз ету мақсатында 79,3 шақырымдық 10 каналға, елді мекендердерге насос қондырғыларын жеткізуге және 28 каналдың жобалық-сметалық құжаттарын әзірлеуге тиісті қаражат бөлінді. Өздеріңіз білетіндей, өңір үшін өте өзекті мәселенің бірі – су тапшылығын төмендету. Осыған орай, Мемлекет басшысы Сырдарияның жоғары ағысындағы мемлекеттермен келіссөз жүргізіп, тиісті көлемде су бөлінуіне жағдай жасауда. Одан бөлек, су тапшылығы жағдайында елді мекендерді суармалы сумен қамтуға ҚР Су ресурстарын басқару жүйесін дамытудың 2024-2029 жылдарға арналған жобасы жүзеге асырылмақ. Сондай-ақ, су саласын дамытудың 2024-2029 жылдарға арналған кешенді жоспар әзірленіп, облыс әкімдігімен ұсыныс жасалды. Осыған сәйкес 76 жоба республикалық бюжеттен іске асырылмақ», - деді басқарма басшысы Марат Құрманбаев.</blockquote>

Аймақта балық өңдейтін 10 зауыт жұмыс істейді 

Фото: placepic.ru<a href="https://kyzylorda-news.kz/ru">Kyzylorda-news.kz</a> &nbsp;Биыл қыс ерекше жылы болады. Мұндай мәліметті «Қазгидромет» РМК ұсынды, деп хабарлайды <a href="https://kaz.inform.kz/">Kazinform.</a><blockquote>«Қазақстанда биыл қыс ерекше жылы болады. Мұндай қыс 20 жылдан аса уақыттан бері болмаған. Алайда, бұл мүлде аномалия емес. Консультативтік-маусымдық ауа райы болжамына сәйкес, 2023-2024 жылдардағы қыс 2001-2002 жылдардағы қыстың сценарийіне сәйкес келеді. Яғни жауын-шашын нормаға жақын немесе одан да көп болады», – деп атап өтеді Қазгидрометтен.</blockquote>Мекеме мәліметінше, суық кезеңде республика аумағында Атлантикалық аймақтардан жылы және ылғалды ауа массаларының жиі қозғалуы күтіледі. Алдағы қыста Қазақстан аумағында температуралық фон 1-2 градусқа жоғары болады деп болжанған. Тек желтоқсанда Қазақстанның басым бөлігінде ауа температурасы климаттық норма шегінде, ал елдің солтүстігі мен шығысында нормадан бір градусқа төмен болатыны күтіледі.&nbsp;

Биыл қыс ерекше жылы болады

<a href="https://kyzylorda-news.kz/ru">Kyzylorda-news.kz</a>&nbsp;&nbsp; Ақтау қаласында өткен X республикалық «Ақберен» өнер байқауында Қызылорда қаласындағы Назарбаев Зияткерлік мектебінің оқушылары екі жүлделі орындармен марапатталды.&nbsp;«Шешендік, білгірлік сайысы» номинациясы бойынша &nbsp;12-сынып &nbsp;оқушысы Нұрназар Түрікпен 1-орын иеленсе, «Ұлттық аспапта өнер көрсету» &nbsp;номинациясында 11-сынып &nbsp;оқушысы Сырсұңқар Базарбайұлы 2-орынды қанжығасына байлады &nbsp;және &nbsp;«Эссе жазу» сайысында 11-сынып &nbsp;оқушысы Айя &nbsp;Сердалы «Дарын» грамотасымен марапатталды.&nbsp;«Ақберен» – жас ұрпақтың бойында отаншылдық рухты сіңіру, тілді, әдебиетті жете меңгеру, өлең жазу, ақындық, сөз өнерінің қадір-қасиетін түсіну, шығармашыл жастардың дарындылығын айқындау және қолдау мақсатында өткізілетін еліміздегі беделді додаларының бірі. Биыл аталмыш байқауда 8-11 сынып оқушылары арасынан 132 өнерлі өрен бәсекеге түсіп, бақтарын сынады.<figure class="image"><img src="https://knadmin.beoblood.kz/uploads/91b07fe5_fa12_4282_939d_67e9a3bf75d4_f078128abb.jpg" alt="91b07fe5-fa12-4282-939d-67e9a3bf75d4.jpg"></figure><blockquote>«Қатысушылар «Ақбереннен» &nbsp;достар тауып, Каспий теңізімен сырласып, үлкен әсер алып, туған жерлеріне шабыттанып қайтты. Алдағы уақытта шәкірттерімізге шабыттары шалқып, шаттықтары молайып, шығармашылықтың шыңына жетсің деп тілеймін. Шабыты тасыған шығармашыл тұлғадан &nbsp;шиыршық атқан өміршең туындылардың &nbsp;жарық көретіні сөзсіз», – дейді жеңімпаз оқушының жетекшісі, қазақ тілі мен әдебиеті пәнінің мұғалімі Күлжақан Өксікбаева.</blockquote>

Сырбойылық зияткерлер «Ақберен» республикалық байқауында топ жарды

<a href="https://kyzylorda-news.kz/ru">Kyzylorda-news.kz</a>&nbsp;&nbsp; Міндетті әлеуметтік медициналық сақтандыру жүйесінде жүрек-қан тамырлары ауруларының алдын алу мен емдеуге ерекше көңіл бөлінеді. Қызылорда қаласындағы көпсалалы облыстық ауруханада кардиологтар ашық жүрекке қымбат ота жасауда.Шиелі ауданының тұрғыны Сүлеймен Әбдіраманов ентігу, шаршау шағымдарымен дәрігерлерге жүгінген. 53 жастағы ер адам жүрегінің митральды қақпақшасының дұрыс жұмыс істемейтінін білмеген. Науқасқа шұғыл ота жасалды. Қазір оның денсаулығы әлдеқайда жақсы.<blockquote>«Жүрегім бір жыл бойы мазалады, бірақ дәрігерлерге бармадым. Жүрегіме ота жасады, қақпақты ауыстырды, ол қымбат. МӘМС-те сақтандырылғанмын, тегін емделемін. Дәрігерлерге мың алғыс», – дейді Сүлеймен Әбдіраманов.</blockquote>Кардиохирургия бөлімшесінің меңгерушісі Берік Даутбаев атап өткендей, жыл сайын облыстық ауруханада жүрекке үш жүзге жуық ота жасалады. Сондай-ақ, екі мыңнан астам коронарография, оның ішінде сегіз жүз стенттеу. Жүрекке ота - ең қымбат медициналық қызметтердің бірі. Шұғыл жағдайларда бұл оталар міндетті әлеуметтік медициналық сақтандыру аясында ҚР барлық азаматтарына тегін жасалады.<blockquote>«Науқас бұрын диспансерлік есепте тұрмаған, оған жүректің ревматикалық ауруы диагнозы қойылған. Ашық жүрекке ота жасалды. Тозығы жеткен митральды қақпақшаның орнына американдық биологиялық қақпақ орнатылды. Науқастың денсаулық жағдайы жақсы, ентігу жоқ. Бұл МӘМС аясында жасалатын құны 3,5 миллион теңге тұратын қымбат ота», - деді Берік Дәуітбаев.</blockquote>Жыл басынан бері КОА-ның кардиохирургиялық орталықта 2 771 адам ем қабылдаған. Осы мақсаттарға Әлеуметтік медициналық сақтандыру қорынан 3,3 млрд теңге бөлінді. &nbsp;

МӘМС аясында жүрекке операция тегін жасалады

<a href="https://kyzylorda-news.kz/ru">Kyzylorda-news.kz</a>&nbsp;&nbsp; Қала көлемінде кәмелетке толмағандар арасындағы қылмыс пен құқық бұзушылықты анықтау, алдын-алу, сондай-ақ, балалар еңбегін пайдалану, балалардың қадағалаусыз және панасыз қалуының алдын-алу, құқықтық сауаттылықты арттыру бойынша «Қауіпсіз қоғам» рейдттік профилактикалық жұмыстары жүргізілуде.Рейд барысында компьютерлік ойын – сауық орындары, парктер мен спорт алаңдары қамтылды.<figure class="image"><img src="https://knadmin.beoblood.kz/uploads/406332638_748271660671806_5471175509846386954_n_b2887f92a2.jpg" alt="406332638_748271660671806_5471175509846386954_n.jpg"></figure>Түнгі рейд шарасына Қызылорда облысының Полиция департаменті Жергілікті полиция қызметі басқармасы бастығының полиция майоры Д.Майрихов, Қызылорда қалалық мәслихатындағы «AMANAT» партиясы депутаттық фракциясының мүшесі М.Есжанов, «Жастар Рухы» Жастар қанаты облыстық филиалының төрағасы Ә.Баймұрза және ұйым еріктілері мен құқық қорғау қызметкерлері қатысты.Рейд жұмыстары кезінде кәмелетке толмаған жасөспірімдерге түнгі мезгілде қоғамдық орындар мен көшелерде ата-анасыз немесе заңды өкілсіз шектеулі уақытта жүруге тыйым салынатындығы жөнінде түсіндірме жұмыстары жүргізілді.<figure class="image"><img src="https://knadmin.beoblood.kz/uploads/406294628_748271644005141_1883087372952430896_n_302afe8b2c.jpg" alt="406294628_748271644005141_1883087372952430896_n.jpg"></figure><blockquote>«Профилактикалық жұмыстар жастар көп шоғырланатын орындарда және мейрамханаларда жүргізіліп, кәмелетке толмаған жасөспірімдердің түнгі 22:00-ден кейін заңды өкілдерінсіз көшеде жүрмеуі қадағалануда. Осы орайда ата-аналардан балалардың қауіпсіздігін қамтамасыз етуде түнгі беймезгіл уақыттары көшеде жүрмеуін қатаң бақылауда ұстауды сұраймыз. Бірлескен бұл жұмыстар алдағы уақытта тұрақты түрде жүргізілетін болады, – дейді «Жастар Рухы» Жастар қанаты облыстық филиалының төрағасы Ә.Баймұрза.</blockquote>Іс-шараның 7 күндік қорытындысы бойынша кәмелетке толмағандардың заңды өкілдерінің еріп жүруінсіз ойын-сауық мекемесінде немесе тұрғын жайдан тыс жерде болуының 227 дерегі анықталып, 442-бап бойынша әкімшілік хаттамалар рәсімделді.<figure class="image"><img src="https://knadmin.beoblood.kz/uploads/406278580_748271657338473_5701152148115576867_n_77d75abd13.jpg" alt="406278580_748271657338473_5701152148115576867_n.jpg"></figure>

Қызылордада беймезгіл жүрген жасөспірімдер жауапқа тартылды 

<a href="https://kyzylorda-news.kz/ru">Kyzylorda-news.kz</a>&nbsp; Қазіргі таңда Байқоңыр қаласында көпқабатты 351 үй бар. Тұрғын үй мәселелерін шешу үшін Қазақстан Республикасының қаражаты есебінен 2021 жылдан бастап Байқоңыр қаласының 7 «А» мөлтек ауданында «Нұрлы жер» бағдарламасы аясында елу пәтерлі бес тұрғын үйдің құрылысы жүргізілуде. Сонымен қатар, сумен жабдықтау және су бұру жүйелерін қайта құру және жаңғырту мақсатында 2021 жылы 11,4 шақырым кәріз желілері қайта жаңғыртылды. Келер жылы да жұмыстарды жалғастыру жоспарланған. Осы және өзге де атқарылған жұмыстар жөнінде Өңірлік коммуникациялар қызметінің баспасөз алаңында Қызылорда облысы әкімінің орынбасары, Қазақстан Республикасы Президентінің «Байқоңыр» кешеніндегі арнаулы өкілі Қайрат Нұртай тарқатты.<blockquote>«Облыс әкімінің тапсырмасына сәйкес, қаладағы тұрғын ұй қоры мен инфрақұрылым жүйелеріне тексеру жұмыстары жоспарланған. Тиісті жұмыс тобы құрылып, Байқоңыр қаласы әкімшілігімен бірлескен жұмыстар жүргізілуде. Айта кету керек, Байқоңыр қаласы толық газдандырылған. Мемлекет басшысының елді мекендердің әлеуметтік инфрақұрылымын жақсарту мақсатындағы тапсырмасына сәйкес, 2022 жылы қалаға іргелес Төретам және Ақай елдімекендерінде газдандыру жұмыстары басталған болатын. Қазіргі таңда, Ақай ауылына газ тарту жұмыстары толығымен аяқталып, «ҚазТрансГаз Аймақ» мекемесі арқылы тұрғын үйлер табиғи газға қосылуда. Ал, Төретам кентін табиғи газға қосу жұмыстарын жыл соңына дейін аяқтау жоспарлануда», - деді Қайрат Ырзақұлұлы.</blockquote>Байқоңыр қаласында 57,4 мың адам тіркелген. Оның 40,6 мыңы ҚР азаматтығы бар тұрғын. Қаланың өзекті мәселесі – өндіріс орнының болмауы, кәсіпкерліктің әлсіз дамуына байланысты жаңа жұмыс орындарын құруда қиындықтар тууда. Мәселені шешу мақсатында 2021-2025 жылдарға арналған кәсіпкерлікті дамыту жөніндегі ұлттық жоба шеңберінде шаралар қабылдаунда.&nbsp;<blockquote>«Қалада жұмыспен қамтуға жәрдемдесу шаралары «2021-2025 жылдарға арналған кәсіпкерлікті дамыту жөніндегі ұлттық жоба» шеңберінде көрсетіледі. Жыл ішінде тұрақты жұмыс орындарына 281 адам жұмысқа орналастырылды. «Бастау бизнес» кәсіпкерлік негіздерін оқыған 50 тұрғынға 69 миллион теңге сомасына өтеусіз грант берілді.Сонымен қатар, Қызылорда облысының әкімдігімен «Байқоңыр» кешенінің жалдан шығарылған нысандар негізінде кәсіпкерлік объектілерін ашу үшін Қызылорда облысының коммуналдық меншігіне беру бойынша тұрақты негізде жұмыстар жүргізуде.Мәселен, әкімдік жаңа кәсіпкерлік нысандарын ашу үшін жалдан шығарылған 9 нысанды мүдделі инвесторларға беру бойынша жұмыс жүргізуде» - деді Қайрат Ырзақұлұлы.</blockquote>Байқоңыр қаласында 12 мектеп бар. Оның 5 мектебі қазақстандық білім беру стандарты бойынша жұмыс істейді. Жалпы, оқушылардың саны 8933 құрайды. &nbsp;Облыс әкімімен және салалық министрлермен «Қызылорда облысы Байқоңыр қаласының 2023-2026 жылдарға арналған білім беру жүйесін дамыту бойынша жол картасы» бекітілді. Жол картасымен жалпы 29 іс-шара бекітілген. Қазіргі таңда, жол картасын іске асыру мақсатында салалақы басқармалармен шаралар қабылдануда.<blockquote>«Қалада мектепке дейінгі білім беру ұйымдарының санын арттыру мақсатында жалдан шығарылған 2 нысан негізінде жыл соңына дейін балабақша ашу жұмыстары аяқталатын болады.Сонымен қатар, «Байқоңыр» кешені жөніндегі Қазақстан-Ресей. Үкіметаралық комиссияның 8-ші және 9-шы отырыстары шеңберінде Байқоңыр қаласында орналасқан РФ орта мектептерінде «Қазақстан тарихы», «Қазақ тілі мен әдебиеті» пәндерін оқудан тыс белгіленген тәртіппен ұйымдастыру жөніндегі жұмыстарды жалғастыру туралы бірлескен шешім қабылданды, - деді Қайрат Ырзақұлұлы.</blockquote>Қазіргі таңда, Байқоңыр қаласы әкімшілігіне қарасты М.К. Янгель атындағы №7 орта мектебінде аталған пәндер факультатив ретінде оқытылуда. Басқа мектептерге аталған пәндерді оқыту бойынша облыстық білім басқармасымен жұмыстар жүргізілуде.

Байқоңыр қаласы инфрақұрылымын дамыту бойынша жұмыстар жүргізілуде

Фото: chgtrk.ru<a href="https://kyzylorda-news.kz/ru">Kyzylorda-news.kz</a> Елімізде қызылша ауруы бойынша эпидемиологиялық жағдай тұрақсыз. Бұл туралы Денсаулық сақтау министрі Ажар Ғиният мәлім етті, деп хабарлайды <a href="https://kaz.inform.kz/news/azhar-giniyat-kizilsha-orshgen-onrlerd-atadi-54aec7/Kazinform">Kazinform.</a><blockquote>«Қызылшамен сырқаттанушылықтың өсуі байқалды. Бүгінгі таңда қызылша ауруы бойынша эпидемиологиялық жағдай тұрақсыз. Республикада қызылшаның 17 мыңнан астам жағдайы тіркелген, 82 пайыздан астамы балаларға тиесілі. Оның ішінде, 83 пайызы – екпе алмаған балалар. Бұл ретте, балалардың 60 пайызы бас тартуға байланысты, қалған балалар егу жасына жетпеуіне байланысты және медициналық көрсетілімдер бойынша вакцинация алмаған. Қызылша ауруы барлық өңірде тіркелді», - деді министр Орталық коммуникациялар қызметіндегі брифингте.&nbsp;</blockquote>Оның дерегінше, қызылша Шымкент, Алматы қалаларында, Жамбыл, Алматы, Маңғыстау, Ақтөбе, Қызылорда және Атырау облыстарында өршіп тұр.<blockquote>«Сырқаттанушылықтың күрт өсуі осы жылдың қыркүйегінен бастап ұйымдасқан ұжымдарда, яғни оқу жылында балалардың жиналуына байланысты байқалады. Нәтижесінде сырқаттанушылық деңгейі екі есе өсті. Бүгінгі таңда елімізде қызылшамен ауырған науқастар үшін инфекциялық ауруханаларда 3,5 мыңнан астам төсек-орын ашылды. Стационарлық емделуде 2 375 бала жатыр. Төсек-орынмен қамту 59,5 пайызды құрайды. Резервте 1 мыңнан астам орын бар», - деді Ажар Ғиният.</blockquote>

Қызылша Қызылорда облысында өршіп тұр

<a href="https://kyzylorda-news.kz/ru">Kyzylorda-news.kz</a> &nbsp;Қызылорда облыстық филармониясы мемлекеттік «Витебск» мәдениет орталығы және Витебск облыстық филармониясымен шығармашылық ынтымақтастық келісімге келді. Бұл құжат аясында тараптар мәдени маңызды іс-шараларды дайындау және іске асыру кезінде көмек көрсетуге, орындаушылар мен шығармашылық ұжымдар өзара тәжірибе алмасуға, музыкалық алаңды ұсыну бойынша қолдау көрсетуге ниетті.&nbsp;Қызылорда облысының үш шығармашылық ұйымының мамандары біліктіліктерін арттыру мақсатында Беларусь Республикасы Витебск қаласына іссапармен барған болатын. Мемлекеттік «Витебск» мәдениет орталығы қызылордалық делегацияға шеберлік дәріс алаңдарын ұсынды. Делегация құрамында мәдениет ұйымдарының шығармашылық және техникалық мамандары бар.Сапар аясында әріптестеріміз XXXIV Халықаралық «IFMC» заманауи хореография фестивалінің ашылу салтанатына қатысып, белоруссиялық мамандармен кездесті. Сонымен қатар, Якуб Колос атындағы Ұлттық академиялық драма театрында және Витебск облыстық филармониясының техникалық қызметтерімен танысты. Одан бөлек, «Талака» би, музыка және ән ансамблінің дайындығына қатысып, әріптестермен тәжірибе алмасып, одан әрі ынтымақтастықты нығайту бағытында жұмыс жасауда.&nbsp;

Облыстық филармония шығармашылық ынтымақтастық туралы меморандумға қол қойды

Фото: turkystan.kz<a href="https://kyzylorda-news.kz/ru">Kyzylorda-news.kz</a> Желтоқсан айының алғашқы онкүндігінде еліміздің басым бөлігін қар басады. Мұндай болжамды «Қазгидромет» РМК ұсынды, деп хабарлайды <a href="https://kaz.inform.kz/">Kazinform.&nbsp;</a><blockquote>«Қазақстанның басым бөлігінде қар жамылғысы желтоқсанның бірінші онкүндігінің соңында, ал республиканың оңтүстік-батысында, оңтүстігінде және оңтүстік-шығысында айдың екінші жартысында түседі деп болжануда. Желтоқсан айының басында Қазақстанның басым бөлігінде жауын-шашын (жаңбыр, қар) жауады. Сондай-ақ тұман, көктайғақ құбылыстары байқалады деп күтіледі. Ал солтүстік өңірлерде ұйытқыған жел мен жаяу бұрқасын соғуы ықтимал», - деп атап өтеді Қазгидрометтен.</blockquote>Мекеме мәліметінше, желтоқсанның 5-і күнінен кейін оңтүстік аймақтарды қоспағанда елдің басым бөлігінде аязды ауа райы күтіледі. Қар жауып, бұрқасынды жел күшейеді. Термометр бағаны түнгі уақытта -10-20°С-қа, күндіз-3-10°С-қа дейін төмендейді деп болжанады.Күз неге жылы болды?Қазақстан аумағына тән емес жылы күз бен қыстың кеш келуі батыс және оңтүстік циклондардың жиі болуымен, сондай-ақ Иран мен Жерорта теңізі аудандарынан жылы ауа массаларының келуімен байланысты. Осыған орай Қазақстан аумағындағы температуралық фон климаттық нормадан 3-10° С-қа жоғары тіркелді. Метеобақылау тарихында осы жылдың қараша айы өте жылы болды. Жылы ауа-райының жоғарғы шегі 17-18 қараша аралығында байқалды. Соңғы рет ауа райы жылы қараша айы 2010 жылы тіркелген еді. Сол кезде ауа температурасы нормадан 2-7° С-қа ауытқыды.Мұндай құбылыс ел тарихында қашан байқалды?Көпжылдық бақылауларға сәйкес, Астана қаласында қар жамылғысының ең кеш түсуі 1967 жылғы 15 желтоқсанда (56 жыл бұрын) және 2008 жылғы 14 желтоқсанда (15 жыл бұрын) тіркелді.Тарихи деректерге сүйенсек, елордада қар жамылғысының ерте түсуі – 10 қазан, орташа түсуі – 10 қараша, ал кеш түсуі 15 желтоқсанда болды. Соңғы үш жылда – 2020, 2021, 2022 жылдары қарашаның бірінші онкүндігінің соңында, екінші онкүндігінің басында тұрақты қар жамылғысы тіркеліп, орташа қалыңдығы 8-13 см болды.

Қашан қар жауады?

<a href="https://kyzylorda-news.kz/ru">Kyzylorda-news.kz</a> Бүгінде аймақ аумағында жергілікті маңызы бар автомобиль жолдарының жалпы ұзындығы – 3418,5 км құрайды. Оның 1014,5 км республикалық, 555 км облыстық, 1849 км аудандық маңыздағы автомобиль жолдары бар. Жыл бойы атқарылған жұмыстар аясында Өңірлік коммуникациялар қызметінің баспасөз алаңында облыстық жолаушылар көлігі және автомобиль жолдары басқармасының басшысы Жәнібек Сыздықов баяндады.<blockquote>Мемлекет басшысы өз Жолдауында автожол құрылысына, оның ішінде жергілікті жолдардың сапасына баса мән беру, 2025 жылға дейін жергілікті маңызы бар жолдардың жақсы және қанағаттанарлық деңгейдегі индикаторлық көрсеткіштерін 95% дейін жеткізуді белгіледі. 2023 жылы жол инфрақұрылымын дамытуға республикалық және облыстық бюджеттен барлығы 37 128 миллион теңге бөлініп ұзындығы 603 км құрайтын автомобиль жолдары, көшелер және көпір өткелдерін жөндеуден өткізілуде. Нәтижесімен жыл соңына дейін жергілікті автомобиль жолдарының жақсы және қанағаттанарлық жағдайдағы индикаторлық көрсеткішін 87% жеткізу жоспарлануда, - деді Жәнібек Шәкімбайұлы.</blockquote>

Қазақстан және Қызылорда облысының жаңалықтары