<a href="https://kyzylorda-news.kz/ru">Kyzylorda-news.kz.</a> Аймақта тамыз айының басында ауа температурасы күндіз +39+44, түнде +23+28 градус болады деп күтілуде. Бұл туралы Өңірлік коммуникациялар қызметінің ақпараттық алаңында өткен брифингте «Қазгидромет» РМК Қызылорда облысы бойынша филиалының бөлім басшысы Айгерім Жөкелова мәлімдеді.&nbsp;<blockquote>«Тамыз айының ортасында ауа температурасы аздап төмендейді. Түнде +20+25, күндіз +30+35 градус болады. Сондай-ақ, облыстың солтүстігінде, орталығында жаңбыр, найзағай күтіледі», - деді Айгерім Болатбекқызы.</blockquote>

Тамыз айында ауа райы қандай болады?

<a href="https://kyzylorda-news.kz/ru">Kyzylorda-news.kz.</a> &nbsp;Қазір қыстың қамын жаз ойламасқ, тағы болмайды. Бұған кешегі Екібастұздағы жағдай дәлел болары анық. Қақаған қыста қарапайым халық жылусыз қалса, елдің алдағы жылу маусымын уайыммен өткізетіні тағы да анық. Сондықтан мұндай жағдайлардың алдын алу үшін Жалағаш ауданы алдағы жылу беру маусымына дайындықты бүгіннен бастап кетті. &nbsp;Жалағаш аудандық тұрғын үй-коммуналдық шаруашылық, жолаушылар көлігі және автомобиль жолдары бөлімі басшысы Ғабит Ерболұлымен хабарласқанымызда қазірдің өзінде аудан алдағы маусымға дайын екенін айтты.Жалағаш ауданында жылытылатын барлығы 99 әлеуметтік, бюджеттік нысандар бар екен. Әлеуметтік нысандардың саны – 81, мемлекеттік мекемелер – 18. Әлеуметтік нысандардың 30-ы сұйық отынмен, 39-ы қатты отынмен, 10-ы газ отынымен, 2-еуі электр қуатымен жылытылады.2023-2024 жылдардағы жылу беру маусымына барлық әлеуметтік және басқа да бюджеттік нысандардың сұйық отын қажеттілігі 2077 тоннаны, қатты отын қажеттілігі 2900 тоннаны құрайды. Бүгінгі күнге дейін нысандарда 28 тонна сұйық отын (қажеттіліктің 1,4 пайызы), 81 тонна қатты отын (қажеттіліктің 2,8 пайызы) қоры бар. Сонымен қатар, 276 тонна сұйық отынға, 1429 тонна қатты отынға жеткізіп берушілермен келісім-шарттар жасалған.&nbsp; 2023-2024 жылдардағы жылу маусымына дайындау жөніндегі іс-шаралар &nbsp;жоспарына сәйкес, дайындық жұмыстары жүргізіліп, қазіргі таңда 75 әлеуметтік нысан (33 білім нысандары, 18 мәдениет, 16 денсаулық, 8 спорт) немесе 92,6 пайызы жылу беру маусымына дайын. Қазақстан Республикасы Энергетика министрінің 2015 жылғы 2 ақпандағы №55 бұйрығымен бекітілген «Энергия өндіруші, энергия беруші ұйымдардың күзгі-қысқы кезеңдегі жұмысқа әзірлік паспортын алу қағидаларына» сәйкес, әзірлік паспорттарын алуға құжаттар үстіміздегі жылдың 15 тамызынан бастап қабылданады.&nbsp; Аудан тұрғындарына 2023-2024 жылдардағы жылу беру маусымына қатты отын қажеттілігі 9000 тоннаны құрайды. Қазіргі таңда &nbsp;350 тонна (4 пайыз) қатты отын қоры былтырғы жылу маусымынан қалып, тұрғындардың өз қоймаларында сақталған. Аудан тұрғындарына жеке кәсіпкерлер 9000 тонна көмірді үстіміздегі жылдың тамыз айынан бастап &nbsp;жеткізіп беруді жоспарлап отыр. олардың қатарында «Олжас-2005» ЖШС &nbsp;(Сейтжанов Олжас, көмірді жеткізу жоспары 2100 тонна), «Ажибеков М.» жеке кәсіпкері (Ажибеков Мейиржан Темирханович, көмірді жеткізу жоспары 2100 тонна), «Мәди» жеке кәсіпкері (Елеусінова Айнұр Алтынбекқызы, көмірді жеткізу жоспары &nbsp;1930 тонна), «Қырмызы» жеке кәсіпкері (Сейтханова Данагуль, көмірді жеткізу жоспары 1610 тонна), «Ясина» жеке кәсіпкері (Садықов Батыржан Нұрлыбекұлы, көмірді жеткізу жоспары 1260 тонна).Ғабит Ерболұлы тұрғындар үшін қажетті көмірді уақытылы жеткізіп және көмірдің бағасын негізсіз өсірмеу мақсатында жеке кәсіпкерлермен &nbsp;меморандумдар &nbsp;жасалғанын айтады. Сонымен қатар, көмірді &nbsp;сату жүзеге асырылатын &nbsp;тауарлық биржалар мен оларға қарасты брокерлердің тізімдері жеке кәсіпкерлерге ұсынылған. Қазіргі таңда жеке кәсіпкерлермен көмірді делдалсыз сатып алу мақсатында брокерлер арқылы көмір разрездерімен келісім-шартқа отыру бағытында жұмыстар жүргізіліп жатыр.Ауданға газ келгелі жергілікті халық көгілдір отынның игілігін көріп отыр. Биылғы жылы ҚР Ұлттық қорынан «Наркескен» спорт клубының қазандығын (жоба құны 16,0 млн теңге) газ отынына көшіруге 14,4 млн теңге, аудандық кітапхананың қазандығын (жоба құны 12,3 млн теңге) газ отынына көшіруге 11,1 млн теңге қаржы бөлінді. Мемлекеттік сатып алу қорытындысымен екі нысан бойынша құрылыс-монтаждау жұмыстарына мердігер мекеме болып «КомпанияГазСтрой» ЖШС анықталды. Мердігер мекемемен 14,6 млн теңгеге (Наркескен) және 11,2 млн теңгеге (кітапхана) келісім-шарттар 05.05.2023 жылы жасалып, 11.05.2023 жылы Қазынашылық басқармасына тіркелді. &nbsp;&nbsp;Аудандық кітапхана бойынша техникалық қадағалаушы «Ақбозат LTD» ЖШС. Құрылыс-монтаждау жұмыстарын бастау үшін облыстық қадағалау басқармасынан 06.06.2023 жылы рұқсат алынды. Қазіргі таңда мердігер мекемемен құрылыс-монтаждау жұмыстары жүргізілуде. Жоспар бойынша жұмыстарды аяқтау мерзімі 2023 жылғы 06 тамызға тура келеді. «Наркескен» спорт клубы бойынша техникалық қадағалаушы «ATM CONSULTING» ЖШС болып табылады. Құрылыс-монтаждау жұмыстарын бастау үшін облыстық қадағалау басқармасынан рұқсат 05.07.2023 жылы алынып, мердігер мекемесімен жұмыстар жүргізілуде. Жоспар бойынша жұмыстарды аяқтау мерзімі 2023 жылы 5 қыркүйекке тура келеді. &nbsp; Сонымен қатар, №123, 246 мектептердің қазандықтарын газ отынына көшіруге жобалау-сметалық құжаттар әзірлеу үшін облыстық бюджеттен 7,2 млн теңге қаржы бөлінді. Мемлекеттік сатып алу рәсімдерінің қорытындысымен «Проект Сервис» ЖШС жеңімпаз болып танылып, 10.06.2023 жылы келісім-шарттар жасалып, жұмыстар жүргізілуде. Ақсу, М.Шәменов елді мекендерін газдандыру жұмыстарын бастауға облыстық бюджеттен 40 млн. теңге қаржы бөлінді. Құрылыс-монтаждау жұмыстарына мемлекеттік сатып алу рәсімдерінің қорытындысымен «АЭS and Limited» ЖШС-мен келісім-шарттар жасалды. Келісім-шарт құнына келсек, Ақсу – 19128 мың теңге, М.Шәменов 19128,0 мың теңгені құрайды. Техникалық қадағалау қызметіне мемлекеттік сатып алу рәсімдері өтуде. 2023 жылдың 20 шілдесіне Жалағаш кентіндегі 2561 тұрғын үй (80,9 пайызы) орталықтандырылған газ желісіне қосылып, газ отынын пайдалануда (Жалағаш кентіндегі тұрғын үй саны 3164).Жалағаш ауданында білім саласы бойынша барлығы 23 нысан бар. Оның ішінде 20 мектептің 17-сі сұйық отынмен, 2-еуі қатты отынмен (№31, 188 мектептер), 1 мектеп (№202 мектеп) газбен жылытылады. Мектептерге жылу беру маусымына сұйық отын қажеттілігі 1581 тонна, қатты отын қажеттілігі 544 тоннаны құрайды (№31 мектеп – 280 тонна, №188 мектеп – 264 тонна). Биылғы жылы мектептерге сұйық отынға &nbsp;464,5 млн теңге, қатты отынға 9,5 млн теңге қаржы бөлінді. 1116 тонна сұйық отынға (360,1 млн теңгеге) жеткізіп берушілермен келісім-шарт жасалып, одан бүгінгі &nbsp;күнге 932 тоннасы алынған. Қазіргі таңда мектептерде 11 тонна &nbsp;сұйық отын қоры бар және 184 тонна сұйық отын келісім-шарт бойынша алашақ. Сұйық отын сатып алуға 99 млн теңге қаржысы бар, 2024 жылдың 15 қаңтарына дейінгі мерзімге &nbsp;380 тонна сұйық отын сатып алуға қосымша 136 млн теңге қаржы қажет. Мектептерге 543 тонна қатты отынға (9,5 млн теңгеге) &nbsp;келісім-шарт жасалып, одан бүгінгі &nbsp;күнге дейін 25 тоннасы алынған, &nbsp;518 тоннасы енді алынады. «Ақтерек» лагеріне сұйық отын қажеттілігі 9 тоннаны, Оқушылар үйіне 22 тоннаны құрайды. «Ақтерек» лагеріне сұйық отын сатып алуға 3 млн теңге, Оқушылар үйіне 7,7 млн теңге қаржысы бар.Индустриалды-аграрлық колледжге қатты отын қажеттілігі 267 тоннаны құрайды. Бүгінгі күнге дейін 8 тонна қатты отын қоры бар немесе қажеттіліктің 3 пайызы болып отыр. Бүгінгі күнге дейін барлық нысандар жылу беру маусымына дайын. Балабақшалар бойынша аудандағы 10 балабақшаның &nbsp;6-ауы сұйық отынмен, &nbsp; &nbsp; &nbsp; 1 нысан («Арай» балабақшасы) қатты отынмен, 3 нысан (Ақмаржан, Күн шуақ, №19 санаториялық балабақша) газбен жылытылады. Балабақшаларға жылу беру маусымына сұйық отын қажеттілігі 226 тонна, қатты отын қажеттілігі 43 тоннаны құрайды. 2023 жылы сұйық отынға 65,6 млн теңге, қатты отынға 720,0 мың теңге қаржы қаралған. 145 тонна сұйық отынға (44,8 млн теңгеге) келісім-шарт жасалып, одан 91 тоннасы алынған. Бүгінгі &nbsp;күнге балабақшаларда 7 тонна &nbsp;сұйық отын қоры бар және 54 тонна сұйық отын келісім-шарт бойынша алашақ. «Арай» балабақшасында 8 тонна қатты отын қоры бар және келісім-шарт бойынша 27 тонна қатты отын алашақ. Бүгінгі күнге барлық балабақшалар жылу беру маусымына дайын.Мәдениет саласы бойынша 20 нысанның 3-еуі сұйық отынмен, 14 нысан қатты отынмен, 2 нысан газбен, 1 нысан электр қуаты арқылы жылытылады. Мәдениет нысандарына жылу беру маусымына сұйық отын қажеттілігі 46 тонна, қатты отын қажеттілігі 939 тоннаны құрайды. 2023 жылы сұйық отынға 16,9 млн теңге, қатты отынға 16,8 млн теңге қаржы бөлінген. 45 тонна сұйық отынға (13,4 млн теңгеге) &nbsp;келісім-шарт жасалып, одан 37 тоннасы &nbsp;алынған. &nbsp;Қазіргі таңда нысандарда 2 тонна сұйық отын қоры бар және келісім-шарт бойынша 8 тонна сұйық отын алашақ. 931 тонна қатты отынға (16,8 млн теңгеге) келісім-шарт жасалып, одан 512 тоннасы алынған. Бүгінгі күнге дейін нысандарда 58 тонна қатты отын қоры бар және 419 тонна қатты отын келісім-шарт бойынша алашақ.&nbsp;Биылғы жылы аудандық кітапхананың қазандығы газ отынына көшірілетін болады. Бүгінгі күнге дейін аудандық кітапханадан, Мәдениет ауылдық клубынан басқа нысандар жылу беру маусымына дайын. Аудан бюджетінен қаржыландырылатын басқа да мекемелердің жылу беру маусымында сұйық отын қажеттілігі 154 тонна, қатты отын қажеттілігі 117 тоннаны құрап отыр. 2023 жылы &nbsp; сұйық отынға 33,1 млн теңге, қатты отынға 2,4 млн теңге &nbsp;қаржы бөлінген. &nbsp;98 тонна сұйық отынға &nbsp;(29,7 млн теңгеге) келісім-шарт жасалып, одан 71 тоннасы алынған. &nbsp;Қазіргі таңда нысандарда 2 тонна сұйық отын қоры бар және 27 тонна сұйық отын келісім-шарт бойынша алашақ. 37 тонна қатты отынға (699,0 мың теңгеге) &nbsp;келісім-шарт жасалып, оның 20 тоннасы &nbsp;алынған. Нысандарда 4 тонна қатты отын қоры бар және 17 тонна қатты отын келісім-шарт бойынша алашақ. Аудандағы денсаулық сақтау саласына қарасты 19 нысанның 3-уі (аудандық аурухана, жұқпалы аурулар бөлімшесі, аудандық емхана) газ отынымен, 16 нысан қатты отынмен жылытылады. Нысандарға &nbsp;жылу &nbsp;беру &nbsp;маусымына қатты отын қажеттілігі 770 тоннаны құрап отыр.&nbsp;Биылғы жылы Жалағаш ауданында қатты отынға 15,2 млн теңге қаржы қаралды. 760 тонна қатты отынға (15,2 млн теңгеге) келісім-шарт жасалып, одан 340 тоннасы &nbsp;алынды. 420 тонна қатты отын &nbsp;келісім-шарт бойынша енді алынады. Бүгінгі күнге дейін Мәдениет, Мақпалкөл дәрігерлік емханаларынан, Жаңақоныс медпунктінен басқа нысандар жылу беру маусымына дайын. Спорт саласы бойынша 9 нысанның 2-уі сұйық отынмен, 5-уі қатты отынмен, 1 нысан электр қуатымен, 1 нысан (бассейн) газ отынымен жылытылады. Спорт нысандарына жылу беру маусымына сұйық отын қажеттілігі 39 тоннаны, қатты отын қажеттілігі 220 тоннаны &nbsp;құрайды. Қазіргі таңда нысандарда 6 тонна сұйық отын қоры бар және 3 тонна сұйық отын келісім-шарт бойынша алашақ. 3 тонна &nbsp;қатты отын қоры бар &nbsp;және 28 тонна қатты отын келісім-шарт бойынша алашақ. Биылғы жылы «Наркескен» спорт клубының қазандығы газ отынына көшірілетін болады. Бүгінгі күнге дейін «Наркескен» спорт клубынан басқа нысандар жылу беру маусымына дайын екен.

Жалағаш ауданы жылу беру маусымына дайын

<a href="https://kyzylorda-news.kz/ru">Kyzylorda-news.kz.</a> Жалағаш ауданында жол көлік оқиғаларының алдын алу мақсатында атқарылған жұмыстар өз жемісін беруде. Бұл сөзімізді соңғы жылдары ауданда жол апатының азаюы қуаттайды. Жалағаш аудандық полиция бөлімінің қызметкерлері жол қозғалысы қауіпсіздігін қамтамасыз ету өзекті мәселелердің бірі екенін жақсы біледі және оны қамтамасыз етуді өздерінің басты міндеті деп біледі. 2023 жылдың 6 айында аудан көлемінде жол көлік оқиғалары 36,4 пайзға, яғни 11-ден 7-ге, жарақат алғандар 40 пайызға, яғни 15-тен 9-ға азайған. Ал былтыр жол апатынан 2 адам көз жұмса, биыл қайтыс болғандар тіркелмеген.&nbsp;Жалағаш аудандық полиция бөлімі қызметкерлері жол көлік оқиғаларының негізгі себептері жүргізушілер мен жаяу жүргіншілердің жол қозғалыс ережелерін өрескел бұзуымен байланыстырады. Биыл алты айда қайтыс болған адамдар болмағанымен кент және ішкі жолдарда жол-көлік оқиғалары салдарынан жарақат алғандар 25 пайызға (4-тен 5-ке), жарақат алғандар 50 пайызға (4-тен 6-ға) өскен. Республикалық және облыстық жолдарда соңғы 2 жылда болған жол көлік оқиғалары зерделеніп, басты себептері жүргізушілердің жылдамдықты шамадан тыс асыруы, қарсы бағытқа шығу, маневр ережесін бұзу және ұйықтап кету екендігі анықталған. «Самара-Шымкент» автожолындағы автокөлік қозғалысының көбеюі де себеп болған, қазіргі таңда бұл жолдан тәулігіне 10 мыңға жуық көлік өтеді.Барлық жол көлік оқиғаларының 33-і немесе 64 пайызы төрт түлік малды қағу дерегімен орын алса, одан 8-і дене жарақатын алды. Алдын алу мақсатында жолдың белгіленбеген орнынан өткен 151 (2021ж.-447) ауыл шаруашылық жануарларының жаю қағидаларын бұзу деректері және жол белгілерін талаптарын сақтамаған 286 (2021ж.-253) жүргізушілер әкімшілік жауапкершілікке тартылған. Орталық көшелер бойында орналасқан мектептер жанындағы жаяу жүргіншілер өткелдеріне оқуға келіп-кету кезінде патрульдік және ювеналды полиция инспекторлары қызмет атқаруда. Жалағаш ауданында жол апаттарының алдын алу мақсатында атқарылған жұмыстар аз емес. жылдың алғашқы алты айында жол ережесін бұзудың 1138 (2021ж.-845) дерегі анықталса, оның 623-і жол апатына тікелей әсер ететін өрескел құқық бұзушылықтар болып табылады (немесе 32,6%). Оның ішінде 13-і көлікті мас күйінде басқару, 292-сі көлік құралын басқаруға құқы жоқ немесе құжатсыз &nbsp;басқарғаны &nbsp;анықталды. Жол жүрісіне қатысушыларға қойылатын өзге де талаптарды бұзу бойынша 80 (114), жаяу жүргіншіге жол бермеудің 8 (12), ұялы телефонмен сөйлесу 14 (29), қауіпсіздік белдігін тақпау 24 (37) дерегі анықталса, жаяу жүргіншілермен 51 (34) жол ережесі бұзылған.Жол қозғалысын ұйымдастыру, апаттылықтың алдын алу мақсатында автомобиль жолдары мен жол қозғалысын реттейтін техникалық құрылғылардың жай-күйі жөнінде аудандық жергілікті атқарушы органдарға 15 (2022-17) хабарлама-ұсыныстар, 105 (2022-100) нұсқамалар жолданып, тиісті жол мекемелерімен жаңадан 38 жол белгілері орнатылып, 17-сі қайта қалпына келтірілген, аудан көлемінде 30 шақырым жол жөнделді, 1,6 шақырымды құрайтын (Қазбекби, Желтоқсан көшелері) жасанды жарық жүйелері жүргізілді, кент аумағында 10 көше күрделі жөндеуден өткізіліп, жанартылды.Қазіргі таңда 2023 жыдың 6 ай қорытындысымен жол апатталығының барлық көрсеткіштері төмендеген. Қайтыс болғандар ауданда 100 пайызға (2-ден 0-ге) төмендесе, ЖКО саны 36,4 пайызға, 11-ден 7-ге, жарақат алғандар 40 пайызға, 15-тен 9-ға, оның ішінде республикалық жолдарда 100 пайызға, елді мекендерде 50 пайызға 2-ден 1-ге азайған, ауыларалық ішкі жолдарда қаза тапқандар жоқ (2022 ж. 1). Жылдамдықты асыру себебінен болған жол көлік оқиғаларында қайтыс болғандар орын алмаған.Былтыр балаларды қатысуымен 3 жол көлік оқиғаларынан 3 бала дене жарақатын алса, ағымдағы жылы 2 бала жарақат алған. 2023 жылдың 6 айында барлығы 7 жол көлік оқиғалары орын алған. Оның ішінде «Жосалы-Жалағаш» тас жолында 1, &nbsp;аудан аралық тас жолдарда 2, кент орталығында 4 жол апаты орын алған. Дене жарақатын алғандардың саны тоғызға жетті. Оның «Жосалы-Жалағаш» тас жолында біреуі, кент ішінде алты адам, ауданаралық тас жолдарда 2 (4-әйел азаматша, 1-ересек азамат, 2-жасөспірім) дене жарақатын алған.

Жалағаш ауданы: 6 айда жол апаты 36,4 пайызға азайған

​<a href="https://kyzylorda-news.kz/ru">Kyzylorda-news.kz.</a> ​Бүгін Қызылорда қаласы әкімі аппаратының басшысы, әдеп жөніндегі уәкіл Жасұлан Абатов қалалық мәдениет және спорт бөлімі қызметкерлеріне мемлекеттік қызметшілердің әдеп нормаларын сақтау және сыбайлас жемқорлыққа қарсы іс-қимыл туралы түсіндіру бойынша семинар өткізді.​Кездесу барысында сөз алған аппарат басшысы Жасұлан Абатов әр мемлекеттік қызметшінің жұмыстан тыс уақытта өз іс-әрекеті мен мінез-құлқына жауапты екенін, ал кез келген жағдайда әдеп қағидаттарын сақтау қоғамның мемлекеттік қызметке деген жоғары сенімінің негізі болып табылатындығын есте сақтау қажеттігін тілге тиек етті.​Сонымен қатар, мемлекеттік қызметшілер әріптестерімен қызметтік қарым-қатынаста мемлекеттік қызметшілерге қойылатын жалпыға бірдей қабылданған моралдық-әдептік нормаларды сақтау жөніндегі талаптары да ескертілді.​Жиын соңында аппарат басшысы, әдеп жөніндегі уәкіл &nbsp;Жасұлан Абатов бөлім қызметкерлеріне Қазақстан Республикасы мемлекеттік қызметшілерінің әдеп кодексінің нормаларын сақтау, Сыбайлас &nbsp;жемқорлық көріністерінің әрбір фактісіне мұқият талдау жасау, оларды жою жөнінде шаралар қабылдауды, қызметкерлер арасында басшылардың өз бағыныштылары үшін жауапкершілігі туралы түсіндіру жұмысын жүргізу жөнінде бірқатар тапсырмалар берді.

Сыбайлас жемқорлықтың алдын алу бойынша түсіндіру семинары өтті

<a href="https://kyzylorda-news.kz/ru">Kyzylorda-news.kz.</a>&nbsp; Орман өрт сөндіру стансаларының қызметкерлерін өртке қарсы киіммен қамтамасыз ету үшін үкімет резервінен 918 миллион теңге <a href="https://sputnik.kz/20230731/ukimet-ortke-qarsy-kiim-satyp-aluga-918-mln-tenge-boledi-37146286.html">бөлінеді</a>.Тиісті қаулыға премьер-министр Әлихан Смайылов қол қойды.Құжатқа сәйкес, үкімет резервінен табиғатты қорғау және орман мекемелерінің орман өрт сөндіру стансаларының қызметкерлеріне өртке қарсы киім сатып алуға 918 млн теңге қаражат бөлінеді.Бұл 30 табиғатты қорғау және 16 орман мекемесінің қызметкерлерін механикалық жарақаттанудан, гипотермияның, агрессивті сұйық құрамдардың, жоғары температураның әсерінен қорғауға, жұмысшыларды соққыдан сақтауға, сондай-ақ басқа механикалық әсерлерден қосымша қорғау үшін өртке қарсы киіммен жабдықтауға мүмкіндік береді, деп хабарлайды үкіметтің баспасөз қызметі.

Үкімет өртке қарсы киім сатып алуға 918 млн теңге бөледі

<a href="https://kyzylorda-news.kz/ru">Kyzylorda-news.kz.</a> Қызылордада кәсіптің көзін тауып, халық тұтынатын тауар дайындап жатқан қап зауыты бар. &nbsp;Кәсіп иесі Ербол Қожанбаев өз ісіне шынайы берілген азамат цехты кеңейту жұмыстарының қалай жүріп жатқандығын,шикізаттың қайдан алынып, өнімнің қайда сатылатындығын шабыттана әңгімеледі.Қалдықсыз өнім өндіретін өндіріс ошағы айына 800 мың қап тоқиды. Мұнда 17 адам еңбек етеді. Барлығы да – жергілікті тұрғындар. Отандық өнімнің әлеуетін арттырғысы келетін кәсіп иелерінің басты мақсаты – сырттан келетін тауарларды ығыстырып, өнімнің қолданыс аясын кеңейту.Шағын зауыттағы тіршілік қарбалас. Күріш қабы дайын болғанға дейін бірнеше сатыдан өтеді. Әуелі пропилен түйіршіктері арнайы қондырғыда ұсақталып, 250 градусқа дейін қыздырылады. Одан күнделікті тұрмыста қолданылып жүргендей кәдімгі пленка шығады. Жіңішке, тілініп, тоқуға иекемделеді. Содан кейін ол пленка иіріліп, жіпке айналады. Жіпті станокқа қояды. Бірнеше жіп тоқылып, жиектеме тігіліп, қапқа айналады екен.<blockquote>«Зауыт өз жұмысын ақпан айында бастады. Шикізатты Атыраудан аламыз. Қазіргі кезде 14 станогымыз бар. Алдағы уақытта зауытта түрлі-түсті логотипті басып-шығару, вакуумдық қаптарын әзірлейтін, қолғап шығаратын станоктарын алуды жоспарлап отырмыз. Жоспарларымызды іске асырған жағдайда 200-ден астам адамды жұмыспен қамтимыз. Ол үшін бізге мемлекеттен қолдау қажет», - дейді кәсіпкер. &nbsp; &nbsp; &nbsp;</blockquote>Кәсіпорын басшысы алдағы уақытта қалдықтарды қайта өңдейтін құрылғы сатып алып, станоктардың санын көбейтуді, қапты еліміздің басқа да қалалары мен өзге елдерге сатылымға шығаруды басты мақсат етіп қойып отыр.

Қызылордада қап шығаратын зауыт бар

<a href="https://kyzylorda-news.kz/ru">Kyzylorda-news.kz.</a> Қазалы ауданында «Сыбайлас жемқорлыққа жол жоқ» тақырыбында ашық диалог алаңы ұйымдастырылды.Qazaly Jastar Resurstyq Ortalygyның ұйымдастырумен және сыбайлас жемқорлықты болдырмау, &nbsp;оның алдын-алу мақсатында «Сыбайлас жемқорлыққа жол жоқ» атты ашық диалог алаңы болып өтті.Аталмыш шараға жастар және жас мамандар қатысып, қоғамда белең алып бара жатқан жемқорлықты жою, оның алдын - алу мәселелері төңірегінде әңгіме қозғады.Қазіргі таңдағы басты мәселенің &nbsp;бірі – қоғамдағы сыбайлас жемқорлық. Жемқорлық – заман ағысымен бірге өсіп-өркендеп, мол қаражат және қоғамдық бәсекелестік пайда болған жерлерге тамырын жайып, бүгінгі күнге дейін жойылмай отырған кеселдің бірі.&nbsp; «Сыбайлас жемқорлыққа қарсы күрес туралы» Заң талабының аясында жемқорлыққа қарсы іс-әрекеттер жүзеге асырылуда. Сыбайлас жемқорлықпен күресу барлық Қазақстан Республикасы азаматтарының азаматтық борышы деп білуіміз керек.&nbsp;Қазақстан Республикасының, Сыбайлас жемқорлыққа қарсы іс-қимыл Агентігінің, (Сыбайлас жемқорлыққа қарсы қызмет), Қызылорда облысы бойынша департаментінің жанындағы,мемлекеттік қайраткерлер мен құрметті мемлекеттік қызметкерлер арасынан құрылған спикерлер пулының мүшесі Болатбек Айтбенбетов.

«Сыбайлас жемқорлыққа жол жоқ»: Қазалыда ашық диалог алаңы ұйымдастырылды

<a href="https://kyzylorda-news.kz/ru">Kyzylorda-news.kz.</a> «Мемлекеттік жастар саясаты туралы» Қазақстан Республикасы Заңының 6 бабының 12-2) тармақшасы және Қазақстан Республикасының Конституциясын, заңдарын және өзге де нормативтік құқықтық актілері, сондай-ақ осы Қағидаларды басшылыққа алып, Жастар Ресурстық Орталықтары аймақтағы жұмыссыз, NEET санатындағы жастарға және еңбекке құлшынысы жоғары жастарға арналған «Еңбек жасақтары» жұмысын жандандыруды қолға алды.Бұл ретте, «Жастар еңбек жасақтарын құрудың» тұжырымдамасы әзірленді. Әр қарай еңбекке ынталы жастарды тіркеу, оларға бағытталған жұмыстар нақты жоспармен бекітілді. Жасақ құрудың басты мақсаты – жұмыссыз жүрген жастарды &nbsp;еңбекпен қамту, еңбекке құлшынысы жоғары жастарды жұмысқа сүйемелдеу, уақытша немесе тұрақты жұмыспен қамту, оларды әлеуметтендіру болып табылады.&nbsp;Іске асыру механизмі бойынша NEET санатындағы жастардың санын төмендету, еңбек нарығын күшейтіп өнім өндірудегі бәсекелестігі арттыру, өндірістік кооперативтер және бригадалар жұмысын біріздендіріп жас кәсіпкерлердің пайда болуына жағдай жасалады.&nbsp; Сондай-ақ жастардың әлеуметтік жағдайына мониторинг жұмыстарын жүргізу арқылы дамуына үлес қосуды көздейді.&nbsp;Қарапайым еңбек ету жолымен көтеріліп, кіндік қаны тамған жерінен жырақтамай, биік баспалдақтарға, кейін білімін жетілдіріп, ауылдың өркендеуіне, шаруашылығының дамуына бойындағы жастық жалынын, күш-қайратын үйлестірген «Еңбектің майталманы» саналған лайықты жастар қоғамға үлгі ретінде дәріптеледі. Бұған дейін, аймақтағы барлық жастар ресурстық орталықтары жұмыссыз жүрген және уақытша жұмыспен қамтылмаған жастардың басын біріктіріп, «Еңбек жасақтарының» қатарын кеңейтіп, іске асыру механизіміне бірнеше еңбек адамдарын толықтыруды, жан-жақты насихаттау жұмыстарына жұмылдырылып, республикада көш бастаған Өңірдің бірі болатын.&nbsp;Ақпарат ретінде: өткен жылы өңірде 12 мыңнан астам жұмыс орны құрылып, жылдық жоспар толық орындалды. Осының нәтижесінде, жалпы жұмыссыздық деңгейі 4,9 пайыздан жастар арасындағы жұмыссыздық 4 пайызға төмендеді. Аймақтағы жалпы жұмыс күшінің саны 347,2 мың адам, оның ішінде 22,2 пайызы немесе 77,1 мыңы жастар. Бұған қоса, жұмыс күшінің құрамына кірмейтін 73 мың жас бар.

Қазалыда жастар арасындағы жұмыссыздық 4 пайызға төмендеді

<a href="https://kyzylorda-news.kz/ru">Kyzylorda-news.kz.</a> «Еңбек етсең ерінбей, тояды қарның тіленбей» деп тегін айтылмаса керек. Өңірде істің қиюын келтіріп, кәсібін өрге дөңгелетіп жүргендер қатары аз емес. Бүгін тіршілігін тігінмен тіктеп, оны табыс көзіне айналдырған жандар туралы сөз қозғамақпыз.&nbsp;Иә, расымен бүгінде кәсіпкерлікті дамытуға қыз-келіншектер де заман көшінен қалмай, барынша үлес қосып келеді. Соның бірі қазалылық Лариса Әбден. Ол құрақ құрап, тігін тігумен айналысады. Бүгінде осы бір кәсібінен нәсіп тауып отырған жайы бар. Лариса бұл кәсіпті 2019 жылы бастағанын айтады. Ал 2020 жылы «Даму» кәсіпкерлікті дамыту қоры» «Бизнестің жол картасы 2020» бизнесті қолдау мен дамытудың Бірыңғай бағдарламасы шеңберінде 6 пайыз мөлшерлемемен 2 миллион несиенің көмегімен тігінге арналған құрал-жабдықтарға қол жеткізген.&nbsp;<blockquote>– Тәуекелге барып, мемлекет берген мүмкіндікті пайдаланып несие алдым. Оған қажетті заттарды сатып алдым. Сөйтіп қолымнан келетін істі бірден бастап кеттім. Әрине алғашында «Тапсырыс түспесе ше?» деген сынды қорқыныштар болғанын жасырмаймын. Бірақ бүгінде сол жасаған тәуекелім қайырлы болуда. Шүкір, тапсырыстар жиі түседі. Қазір тек тігінмен емес, терезеге арналған жалюз құрастырумен айналысамын. Оған кейде жолдасым Бақытбек көмектеседі. Қазіргі таңда көбіне қыз жасауы мен перделерге тапсырыстар қабылдап жатырмын. Айына кем дегенде екі қыз жасауын тігемін. Тапсырыс берушілер дән риза. Жиі рақметін айтып жатады, – дейді ол.&nbsp;</blockquote>Лариса алдағы уақытта кәсібін кеңейтуді жоспарлап жүр. Өзімен тілдескенімізде жанына қолынан іс келетін қыз-келіншектерді жиып, ауқымды тапсырыстарға жұмыс жасауды мақсат тұтатынын да айтып қалды.&nbsp;<blockquote>– Қазір белгілі бір жерді жалға алып, сонда өзім ғана жұмыс жасаудамын. Болашақта бұл кәсіпті үлкейткім келеді. Тігінге икемі бар жандарды жұмыспен қамтып қоймай,ойдағы армандарға бірлесе жетсем деген тілегім бар, – дейді Лариса Өмірзаққызы.&nbsp;</blockquote>Ал екінші кейіпкеріміз Айгүл Қонысбаева тігіншілікке кішкентайынан әуес болғанын айтады. Уақыт өте келе оның бұл әуесқойлығы өмірлік кәсібіне айналды. Ол 2020 жылы шағын және орта бизнесті дамытуға және қолдауға бағытталған бірнеше «Бастау» бизнес жобасы аясында 530 мың теңге қайтарымсыз несие алып, бүгінде өзінің сүйікті ісімен айналысып отыр. Аталған қаржыға өндірістік тігінге, &nbsp;сондай-ақ матаны торлауға арналған машина, үтіктеуге арналған тақтайша, үтік және тігінге қажетті өзге де заттарды сатып алған.Он саусағынан өнер тамған шебер бүгінде тігінмен қатар қолөнер бұйымдарын да көпшіліктің назарына ұсынып жүр. Перде тігіп қоймай, моншақтан сөмке, аяқ киім тоқиды. Әзірге соңғыларына жекелеген тапсырыстар болмағанымен, оны нарыққа шығарып, сату жоспарда бар дейді тігінші.&nbsp;<blockquote>– Иә, моншақтан сөмкелерге әзірге нақты тапсырыс жоқ. Дегенмен келушілер арасында қызығушылық танытқандар жоқ емес. Әсіресе бойжеткен қыздар қызығып, сұрап жатады. Сөмкеге қосымша қазір жас қыздар үшін трендке айналған сәнді тақиялар, шекелік, сондай-ақ, тойға арналған қоржын сынды дүниелерді жиі тігемін. Мұндай бұйымдарды дайындауда екі қызым қолғанат. Екеуінің іс тігуге, қолөнерге икемі бар. Үлкенім алдағы уақытта дизайнер болғысы келеді. Осында жинап жатқан тәжірибесі алдағы арманына сеп болады деп сенемін, – дейді ол.&nbsp;</blockquote>Айгүлдің осы бір сөзінен қазақ даналығындағы «Алдыңғы дөңгелек қалай жүрсе, соңғы арба да солай жүреді» деген сөз бекер айтылмағандығын ұғындық. Тігіншілермен тілдесе жүріп байқағаным, екеуі де өз жұмысына тыңғылықты. Бізбен сөйлесе отырып-ақ, тынып таппай, бәріне үлгеріп бағуда. Осыдан-ақ олардың тігіншілікті жай хобби емес, тірлігінің тірегіне айналдырғанын аңғаруға болады. Біз де өз кезегімізде табыстың көзін тігіннен тапқан шеберлерге тапсырыс мол болсын дестік.

«Даму»: 2 млн теңге несиемен кәсібін дамытты

<a href="https://kyzylorda-news.kz/">Kyzylorda-news.kz.</a> Жылқыны бағу мен оның өнімдерін ел игілігіне жарату, оны баптап, басын көбейту нанталап тірлік емес, кәдуілгі өнер деуге келеді. Қазақ деген текті ұлттың қанына сіңген қасиет, өзгеден ерек болмысын аша түсетін ерекшелік. &nbsp;Әсіресе қазақтың маңдайына біткен ұланғайыр сайын даланы үйір-үйір жылқысыз елестету мүмкін емес. Төрт түліктің ішіндегі ең қасиеттісі, қадірлісі, тазасы да осы қамбар ата төлі. Халқымыздың жақсы адамды «жылқы мінезді» деуі де тегін емес.&nbsp;Аққұмдағы Қылыш Битанов болашақ Секретариатты баптап жүрген кісі. Бәйге атының атын «ырымдап» Секретариат деп атапты. Бәйгеге бірнеше рет қатысып, бәрінде үздік үштікті еншілеп келген. Сұлудай таранып, сымдай керілген Секретариат біз барғанда астауынан су ішіп тұр екен. Талай аламан бәйгеде үздік үштіктен көрініп жүр. Қылыш ағамыз жылқы баптауды кәсіп етіп отырған жоқ. «Әкем де, әкемнің әкесі де жылқы баптаған» деген Қылыш ағамыз бұл қасиет маған да берілді дейді.&nbsp; – Жалпы, қазақ пен жылқыны екі бөлек елестету мүмкін емес қой. Жылқы – ер қанаты дейді. Мен бала кезімнен жылқы баптап өстім. Өзім жылқыны жақсы көремін. Таза, қасиетті жануар ғой. Үйір-үйір қылып көбейтуге болар еді, бірақ мен санынан гөрі сапасына мән бергендіжөн көрдім. 4-5 жылқым бар, оның екеуі осы бәйгеге қатысып жүргендер. Бұлардың бабы да ерекше. Жем-шөбінен бөлек, көкөніс, тіпті табиғи таза бал да беріп тұрамын. Бұл бәйгеге шабатын жылқының бабын келістіреді, – дейді. Ат баптаған азаматпен әңгімелескенімізде төрт түліктің төресін, қамбар ата түлігін күтіп-баптаудың өзі өнер екеніне тағы бір көз жеткіздік. Рас, атам заманда қолға үйретіліп, көшпелі халықтың қажетіне жараған жылқы малының қадір-қасиеті ерекше. Жылқы тектес халықтың өзі аттан, қазаны оттан түспеген. Көшпелі замандағы халықтың сенімді серігі, көлігі, әрі қорегі де осы. Аққұмдағы ат баптаған азамат айтпақшы, төрт түліктің ішіндегі ең тазасы, ең тектісі, адам денсаулығына ең пайдалысы да осы жылқы. «Бұл ісім, ат баптауым – қызығушылық. Бәйгеге қатысу үнемі мүмкіндік бере бермейді бірақ. Өйткені бізге демеуші жоқ, бәйгеге баратын болсақ шығын қалтамызға түседі. Бір жылқының басына кейде 500 мың кетіп қалады. Ал бұл шығын ауыл адамдары үшін оңай емес» дейді Қылыш Битанов бір сөзінде. Расымен ауыл азаматының сөзінше, ешбір бәйгеге кететін шығынға демеушілер табылмайды екен. Алайда бәйгеден қалғысы жоқ. Баптап отырған аттары да бәйгеге сұранып тұрғандай.&nbsp; Жылқының атын неге «Секретарит, оның мән-мағынасы не?» деп отырған боларсыз. Секретариат – аса беделді «Үштік тәжді» 25 жыл бойы ешкімге бермеген америкалық жылқы. Бабы келіскен бәйге атының рекордтық жеңістері әлемдік спорт үшін үлкен жаңалық болғаны рас. Бұл жылқының туғанынан бастап жеңіс тұғырына қалай көтерілгені туралы, оны баптаған бапкерінің табандылығы туралы фильм де түсірілген. Шынайы оқиғаға негізделген фильм болғандықтан, әлем жұртына тез танылып, кино саласында айтарлықтай орын алған. Ал біз көрген Секретарит осы бәйге атының рекордтық жеңістерін қайталамаса да, барған бәйгелерінің бәрінде орын алып келген. Қылыш ағамыздың Секретариатымен бірге баптап отырған Гимн деген де жылқысы бар екен. Гимннің де бабы мен бағы келіскен, күтімі жақсы екені көзге айқын көрініп-ақ тұр. Бәйге аттарының бірі үш-төрт рет атмайданда бағын сынаса, екіншісі сегіз рет аламанда өзін дәлелдеген. Екеуі де барлық бәйгеден үздік үштіктен көрініп, еңбекті ақтаған екен. «Жылқыға деген қызығушылығы сонша бар тапқан-таянғанын жылқысына береді» дейді жеңгеміз әзілдеп. Рас қой, қазақты тануда жылқының алатын орны бөлек. «Астындағы жалғыз атын беретін» деп қазақтың кеңпейілділігін айтуда да үлкен мән жатыр. Қылыш ағамыз секілді жылқы баптап әке жолын жалғаған азаматтар баршылық.

Аққұмдағы секретариат

<a href="https://kyzylorda-news.kz/">Kyzylorda-news.kz.</a> 1985 жылдан бастап балабақша ретінде ауыл халқына қалтқысыз қызмет етіп келе жатқан бұл ғимаратты кезінде қараусыз қалған деп кім ойлайды?1994 жылы аудандық білім басқармасына өткен бұл нысан сатылымға шығады. Ғимараттың кейінгі егесі балабақшаны сүрудің қамына кірісіпті. Халық қалаулысы, туған жердің төл перзенті Имамзада Шағыртаевтың да араша түскен тұсы осы. «Таң ЛТД» ЖШС төрағасы оны шаруашылық қаржысына сатып алып, қайткен күнде де бұған дейін елге қызмет еткен балабақша жұмысын қайта жандандыруды көздейді.&nbsp;Не керек, шаруашылық төрағасы бұл мақсатына да қол жеткізіп, халқының ықыласына бөленді. Бірақ оңай болған жоқ, алдымен нысанды 2014 жылы шаруашылық меншігіне алды, сол тұста таяз ойлылар мұны өз кәсібіне жаратады деп түйді. Бірақ соңында баққаны бақа болып шықты. 2016 жылы Имамзада Шағыртаев бұл нысанның күрделі жөндеуіне 150 млн теңге қаражат бөлді. Екі жылда жүрген сапалы құрылыстың нәтижесін қазір көрген көз сүйсінеді.90 орындық «Таң бөбегі» бөбекжайы бүгінде дәл бұрынғысынша ауыл халқына сапалы қызмет етіп жатыр. Қазір Таңда балабақша мәселесі түбегейлі шешімін тапқан. Бұл бөбекжайда 1 жастан 6 жасқа дейінгі 90 бала тәрбиеленуде. Аптаның бейсенбісінде мұндағы тәрбиешілердің бір күндік жұмысымен таныстық. Бөбекжай меңгерушісі Жәмила Сәдуова әлі де Имекең басқаратын шаруашылық тарапынан жан-жақты қолдау болып жатқанын жасырмайды.&nbsp;– Өздеріңіз көріп тұрғандай, жаңа нысан жұмыс жасауға жайлы. Ешқандай мәселе жоқ. Себебі әлі күнге дейін «Таң ЛТД» ЖШС бізге жан-жақты қолдау көрсетіп келеді. Тіпті өздерінің күзгі науқандарында біздің тәрбиешілерді, үлгерімі жақсы балаларды марапаттауды да күн тәртібінен түсірген емес. Бұл біздің жұмысымызға шабыт береді. Қазір мұнда ауылдың 90 баласы тәрбиеленуде. Таңда қазір балабақша тапшылығы мүлде жоқ. Оған осындағы жергілікті шаруашылық арқылы қол жеткіздік. Балаларға 3 мезгіл ас беріледі. Жатын бөлмелері де жарақталған, – дейді бөбекжай меңгерушісі.&nbsp;Жәмила Сәдуованың сөзінде еш жалғандық жоқ. Расында солай, өйткені біз де бұл нысанның әр бөлмесін аралап шыққанбыз. Шынында барлық бөлме талапқа сай жарақталған. Балалардың ой-өрісін дамытуға арналған ойыншықтардың да түр-түрі бар.&nbsp; Бөбекжайда «Болашақ», «Балдәурен», «Айгөлек», «Балдырған» және «Құлыншақ» атты 5 топ бар. «Ән», «Би» үйірмелері де мұндағы балалардың бос уақытын қызықты өткізуге қолғабыс болып отыр. «Таң бөбегінде» бас-аяғы 24 адам жұмыс жасайды.&nbsp;– Өзім – осы ауылдың тұрғынымын. Шыны керек, бөбекжай жұмысын бастағанға дейін ауылда балабақша мәселесі болды. Балаларымыздың біз жұмыста болғанда бос уақытының тиімді өткенін қалаймыз. Өзім де баламды осы бөбекжайға беремін. Мұның бір тиімділігі балалардың ой-өрісі дамиды, ортамен тез тіл табысуға бейімделеді. Уақыт өткен сайын мұның барлығын өзімнің баламның да бойынан байқап жатырмын, – дейді ата-ана Айгүл Төлегенова.Халық қалаулысы Имамзада Шағыртаев бұл нысанға қыруар қаржы бөлгенде не ұтты? Біріншіден, халықтың ризашылығына бөленді, екіншіден бұл ауыл балаларына үлкен сый болды. Бір жағынан қаншама ауыл тұрғыны жұмысқа орналасты. «Қуанса, бала қуансын» деп әлі де оларға жақсылық жасауды жадынан шығарған емес. Таңда болған бір күнде ауыл балаларының Балалар жылын шын сезініп жатқанын көріп қайттық.

Қуанса, бала қуансын

<a href="https://kyzylorda-news.kz/">Kyzylorda-news.kz.</a> Жалағаш ауданы әкімі Асқарбек Есжанов ауданның бірнеше саласында елеулі еңбек еткен аудандық мәслизат төрағасы Өмірзақ Елеусіновті қабылдап, 60 жас мерейтойымен құттықтап, сый-құрмет көрсетіп, шапан жапты.– Дана халқымыздың үлкенді қадірлеудің игі дәстүрі өздеріңіз арқылы ұрпақтан-ұрпаққа өнеге болып келе жатыр. Біз «Үлкенге – құрмет, кішіге – ізет» деген аталы сөзді ұрпағының бойына сіңіріп өскен халықпыз. Сіздердің жүріп өткен жолдарыңыз, еткен еңбектеріңіз біздерге үлгі. Сіздерге қарап, кейінгі ұрпақ жетіліп, жаңа заманға сай сол істерді жаңғыртуда. 30 жылдан аса әр салада қызмет атқарып келе жатқан Өмірзақ Тұрымбетұлы өзін қабілетті ұйымдастырушы, білікті маман, талапшыл басшы ретінде таныта білді.Мемлекеттік басқару саласында елеулі еңбек етіп, ауданның экономика, қаржы, ауыл шаруашылығы салаларының дамуына, аймағымыздың өсіп-өркендеуіне мол үлес қосып келе жатқан білікті басшы Өмірзақ ағамыздың іскерлігі мен тәжірибесі жастарға үлгі-өнеге болары анық. Аудан бойынша тұрғындардың мүддесін қорғай отырып, көтерілген маңызды мәселелерді оңтайлы шешу бағытындағы жұмыстарға Өмірзақ Тұрымбетұлы орасан зор күш салып келеді, – деген аудан әкімі Асқарбек Темірбекұлы мерейтой иесіне әлі де болса аудан дамуы үшін еңбек ете беретініне сенім білдірді.&nbsp;Мұнан бөлек ел ағалары Б.Наршаев, аудандық ардагерлер кеңесінің төрағасы Садық Әлиев, ауданның алқабилер кеңесінің төрағасы К.Сүлейменов, аудандық қоғамдық кеңестің төрағасы О.Аханов, кент ардагерлер кеңесінің төрағасы Қ.Құлмахан және аудандық экономика және бюджетті жоспарлау бөлімінің басшысы Ж.Баймаханова Өмірзақ Тұрымбетұлының қызмет жолындағы атқарған ауқымды істеріне тоқталып, тұлғалық қасиеттерін, азаматтық ұстанымын көпке үлгі етті. Ауданның дамуына өз үлесін қосқан білікті басшыға алдағы жұмысына сәттілік тіледі.Айта кетейік, алпыс жасқа абыроймен жеткен Өмірзақ ағамыз 1963 жылы М.Шәменов ауылында дүниеге келген. Еңбек жолын 1985 жылы Жаңадария совхозында құрылыс мастері болып бастап, 1985-1987 жылдары аралығында Кеңес Армиясы қатарында болып, әскери борышын өтеп келген. Сонымен бірге 1987-1998 жылдары Жалағаш аудандық агроөнеркәсіп бірлестігінде инженер-құрылысшы, аға маман, аға инженер, диспетчер, «Жігер» жауапкершілігі шектеулі серіктестігінің төрағасы қызметтерін атқарса, 1998-2004 жылдары Қызылорда облысы бойынша жылжымайтын мүлік жөніндегі орталығы Жалағаш аудандық филиалының &nbsp;мең¬герушісі, 2004-2008 жылдары Жалағаш кентінің әкімі, 2008-2009 жылдары «БТА» банк акционерлік қоғамының Қызылорда облыстық филиалы Жалағаш ауданындағы бөлімшесінің бастығы болған. 2009-2023 жылдары аудандық сәулет және қала құрылысы, аудандық тұрғын үй-коммуналдық шаруашылық, жолаушылар көлігі және автомобиль жолдары &nbsp;бөлімдерінің басшысы және Жалағаш ауданы әкімінің орынбасары қызметтерін абыроймен атқарып келіп, осы жылдың наурыз айында аудандық мәслихат төрағасы болып сайланды.

Қазақстан және Қызылорда облысының жаңалықтары