<a href="https://kyzylorda-news.kz/">Kyzylorda-news.kz.</a> Иіркөл ауылында Қармақшы ауданы әкімінің қолдауымен &nbsp;балаларға арналған жаңа заманауи ойын алаңы пайдалануға берілді.Мұнда балалар үшін сырғанақ, әткеншек сияқты жалпы 13 ойын жабдықтары мен әртүрлі спорт құрылғылары орнатылған.Бұл балалардың бос уақытын тиімді өткізіп, салауатты өмір салтын ұстануға және спортпен шұғылдануына мол мүмкіндік береді.

Иіркөл ауылында ойын алаңы бой көтерді

<a href="https://kyzylorda-news.kz/">Kyzylorda-news.kz.</a> Жалағаш аудандық білім бөліміне қарасты 20 жалпы білім беру ұйымы бар. Қазіргі таңда күрделі жөндеу жұмыстары жүргізіліп жатқан мектептер жоқ. Ағымдағы жөндеу жұмыстары толықтай аяқталған. Бүгін аудандық партия филиалының Атқарушы хатшысы Қаншагүл Мұстафаева, аудандық партия филиалы жанындағы Партиялық бақылау комиссиясының мүшелері Шілдебаев Бейбітжан және Асқарова Ханбибі М.Шәменов, Қаракеткен, Далдабай, Таң және Аққұм ауылдарындағы мектептерге мониторинг жұмыстары жүргізілді.Мектеп әкімшілігі жылу беру маусымына толық дайын екендіктерін, сондай-ақ қордағы жанармайлар бар екеніндігін айтса, кей мектептер жанар-жағармайға қатысты келісім шарттарға отырғандықтарын айтып өтті. Білім беру ұйымдарын 2023-2024 оқу жылына оқулықтар мен оқу әдістемелік кешендерімен толық қамтамасыз етілетін болады.Мониторинг нәтижесіне сәйкес аудан бойынша барлық 20 мектепке зерделеу жұмыстары жүргізілді. Партиялық бақылау комиссиясы жаңа оқу жылына қатысты бірқатар ұсыныстар мен ескертулер жасады. Жіберілген кемшіліктер бойынша мектеп әкімшілігіне жұмыс жасау ұсынылды.«AMANAT» партиясы Жалағаш аудандық филиалының Атқарушы хатшысы Қаншагүл Мұстафаева, партиялық бақылау комиссиясының төрағасы Асқарова Ханбибі, комиссия мүшесі Шілдебаев Бейбіт 2023-2024 оқу жылына дайындық жұмыстарын пысықтау мақсатында Жалағаш кенті орталығындағы білім беру ұйымдарына барып мониторинг жұмыстарын жүргізді.Мониторинг жұмыстары кент орталығындағы №31, 123, 201, 202, 246 мектептерде және Ақсу ауылындағы №116 орта мектепте жүргізілді. Зерделеу жұмыстары барысында білім ордасындағы ауланың тазалық жұмыстары, жылыту маусымына дайындығы қаралды. Жаңа оқу жылына дайындық жұмыстары пысықталып, жіберілген кемшіліктер бойынша жұмыс жасау ұсынылуда.

Мониторинг жұмыстары жүргізілді

<a href="https://kyzylorda-news.kz/">Kyzylorda-news.kz.</a> «Жас күнімде бейнет бер, қартайғанда зейнет бер» деген халық даналығы текке айтылмаса керек. Жалағаш ауданына қарасты Таң ауылдық округінің мәдениет үйінде ұзақ жылдар еңбек етіп, бүгінде еңбегінің зейнетін көріп, киелі қара шаңырақтың берекесі болып отырған ауылдың абыз қариялары Шадымұрат Қойбағаров пен Сабырбай Ағыбаев аталарымыздың 80 жасқа толған мерейлі мерекелеріне орай шара өтті. Шараға аудан әкімі Асқарбек Есжанов пен аудандық мәслихат төрағасы Өмірзақ Елеусінов, аудандық ардагерлер кеңесінің төрағасы Садық Әлиев бастаған бірқатар абыз ақсақалдар мен ел ағалары қатысты. Шадмұрат &nbsp;Қойбағаров 1943 жылы 10 қыркүйек күні Қызылорда облысы Жалағаш ауданы Таң ауылында дүниеге келген. 1952 жылы Мөрәлі Шәменов ауы-лындағы №34 «Иіркөл» мектебіне барып, 1962 жылы он жылдық мектепті бітіріп, Коммунизм совхозында бір жыл жұмыс жасаған. 1963 жылы мамыр айында жүргізуші болып жұмысқа қабылданып, 1965 жылы Байқоңыр қаласындағы әскер қатарына алынып, үш жыл әскери борышын өтеген. 1969 жылы Таң совхозына жүргізуші болып жұмысқа қабылданған ол 1972 жылы Асыл Шыныбекова анамызбен отау құрып, үш ұл, екі қыз тәрбиелеп өсірген. Бүгінде осы балаларынан 20 немере, 6 шөбере сүйіп отыр. Ерен еңбегінінң арқасында «Үздік жүргізуші», «Озат сушы» деген грамоталармен марапатталған.Сабырбай Ағыбаев Қызылорда облысы Арал ауданы Қасқақұлан ауылындағы Ұзынқайыр елді мекенінде 1943 жылдың 25 қыркүйегінде дүниеге келді. Ұзынқайыр елді мекеніндегі орта мектепке 1950 жылы барып, 1957 жылы бітірді. 1959 жылдан батсап осы елді мекендегі балық заводында жұмыс жасаған. Ұзынқайырдан 1963 жылы Қаратерең елді мекеніне қоныс аударып, 1964 жылы әскер қатарына қабылданып, азаматтық борышын Ташкент қаласында өтеген. 1977 жылы Таң ауылына қоныс аударып, 1978-2006 жылдары аралығында механизатор болып жұмыс жасаған. Еңбек еткен жылдары түрлі грамоталармен марапатталған ол 1961 жылы Шакизада Ағыбаева анамызбен отбасын құрған. Бүгінде 8 бала, 30 немере, 28 шөбере сүйіп отырған қазыналы қария.&nbsp;– Киелі Жалағаш жері ел үшін аянбай тер төккен азаматтарға кенде емес. Біз сол азаматтарға лайықты құрмет көрсетіп, ғибратты ғұмырын басқаларға үлгі, жастарға өнеге етуді басты мақсатымыз деп санап, дәстүрге айналдырып келеміз. Халқы ынтымақты сүйетін, еңбекті ту, бірлікті ұран еткен киелі мекен Таң ауылының береке-бірлігі көпке үлгі. Талай дарынды перзентті тербеткен ауыл өздеріңіз білетіндей егін егумен айналысып, ауданның ауыл шаруашылығы саласының дамуына қомақты үлес қосып келеді. Соның ішінде бүгінгі мерейтой иелері Сабырбай Ахметұлы мен Шад¬мұрат Үрметұлының өзіндік қолтаңбасы бар. Осындай ардақты әкелеріміздің өмірі өнегелі, игі істерге толы. &nbsp;80 жасты еңсеру – екінің біріне бұйыра бермейтін биік шың. Сіздердің басты байлықтарыңыз – отбасыларыңыз, ұрпақтарыңыз және өнегелі еңбек жолдарыңыз. Сіздердің ғибратты ғұмырларыңызды жастарға берсін. Ұрпақ¬тарыңызбен мың жасап жүре беріңіздер, бүгінгі 80 жасқа толған мерейтойларыңызбен құттықтаймын – деген аудан басшысы Асқарбек Темірбекұлы халқымыздың игі дәстүрі бойынша мерейтой иелеріне шапан жауып, сый-сыяпатын табыстады. &nbsp;Мұнан бөлек аудандық ардагерлер кеңесінің төрағасы Садық Әлиев ауылдың болашағын жарқын ету жолында елеулі еңбек еткен мерейтой иелерінің ауылдың тыныс-тіршілігіне, өсіп-өркендеуіне қосқан үлесі зорын жеткізді. &nbsp;Осынау жылдар ішінде өмірдің талай белесінен табысты өтіп, бүгінде өркен жайып, алып бәйтерекке айналып отқан қуаныш иелерін облыс ардагерлері атынан марапаттады.Туған жерді түлету мақсатында ауылды абаттандыру, көркейту-көгалдандыру, елді мекен халқының әлеуетін арттыру сияқты бірнеше жарқын жобаларды жүзеге асырған «Таң ЛТД» ЖШС төрағасы Имамзада Шағыртаев та 80 жасқа толған ардагерлерді шаруашылықтың атынан құттықтап, ат мінгізіп, құрмет көрсетті.&nbsp;Халқымызда «Өткенге – құрмет, бүгінге – өнеге» деген қанатты сөз бар. Саналы ғұмырын халық ісіне арнап, ел үшін аянбай еңбек етуді парыз санап, төрден орын алған, есімі жақсылар мен жайсаңдардың қатарында аталып, абырой биігінен көрінген ардақты ардагерлер қашанда құрметке лайық. Ел ертеңін ойлап, өскелең ұрпаққа өнеге болған ардагерлерімізге арналған құрмет көрсету шаралар легі жалғаса бермек.

Жалағаш ауданында ардагерлерге құрмет көрсетілді

<a href="https://kyzylorda-news.kz/">Kyzylorda-news.kz.</a> Қармақшы ауданы Тұрмағамбет ауылындағы спорт алаңы күрделі жөндеуден өткізіліп, қайта пайдалануға берілді.Ауданның 95 жылдық мерейтойы мен Жастар күніне орай бүгін аталмыш алаңда ауданның әр аймағынан келген командалар арасында шағын футболдан турнир өткізілді.Тартысқа толы кездесулерде айқын басымдық танытқан «Дүр Оңғар» командасы жеңімпаз атанса, қалған жүлделерді Қармақшы, Қуаңдария ауылдары және Жосалы кентінің командалары иеленді.Түрлі аталымдар бойынша &nbsp;үздік атанғандар мен жеңімпаз командаларға дәрежелі дипломдар, сертификаттар мен сыйлықтар табысталды.Айта кетейік, спорт алаңының күрделі жөндеу жұмыстарына қажетті қаражат аудан қазынасынан қарастырылған.

Тұрмағамбет ауылында спорт алаңы жаңғыртылды

<a href="https://kyzylorda-news.kz/">Kyzylorda-news.kz.</a> Бүгін Алдашбай ахун ауылдық округінде ауыл әкімінің сайлауы өтуде. Қазіргі таңда, аталған ауылдық округтің №110 сайлау учаскесінде жалпы 416 сайлаушы тіркелген.Сайлау учаскесі таңғы сағат 7:00-ден бастап ашылып, жұмыс жасауда. Ауылда алғаш рет өтіп жатқан ауыл әкімін тікелей сайлаудың жергілікті халық үшін маңызы ерекше.Сондықтан ауылдық округ тұрғындары сайлауға белсенді қатысып, қарқынды дауыс беруде. Халықты ынталандыру мақсатында алғашқы дауыс берген сайлаушыға естелік сыйлықтар табысталуда.Сондай-ақ, сайлаудың ашық әрі әділ өтуін қамтамасыз ету мақсатында әр түрлі қоғамдық ұйымдардан байқаушылар сайлау үдерісіне жіті бақылау жүргізуде.

Алдашбай ахун ауылы әкімінің сайлауы өтуде

<a href="https://kyzylorda-news.kz/">Kyzylorda-news.kz.</a> Жалағаш аудан орталығында ауылшаруашылығы өнімдерінің жәрмеңкесі өткізілді.Ауылшаруашылығы өнімдерінің ішінде жоңышқа және шөп преске және Жаңадария, Таң ауылдарынан келген жергілікті өнімге аудан тұрғындарының сұранысы жоғары болды.Баға тұрақтылығын сақтауда ауыл шаруашылығы жәрмеңкесі алдағы уақыттада ұйымдастырылатын болады.

Жалағашта жәрмеңке өтті

<a href="https://kyzylorda-news.kz/">Kyzylorda-news.kz.</a> Жаңақорғанға арнайы атбасын бұрған Мұрат Ергешбаев кент орталығындағы Маи бекеті ықшам ауданында әлеуметтік осал топ мүшелеріне арнап салынып жатқан 50 тұрғын үйдің құрылыс барысымен танысты.«Қуатты өңірлер-ел дамуының драйвері» ұлттық жобасы аясында «Тұрғын үй саласындағы іс-шараларды іске асыру» бағдарламасының іске асып жатқанын көзбен көрген халық қалаулысы құрылыс басында атсалысып жүрген мамандарға сәттілік тілеп, әр баспананың сапасына мән беруді жете тапсырды.Расымен, арнайы бағдарлама аясында тұрғызылып жатқан баспана құрылысын тұрғызуда санға емес сапаға мән берілсе келбеті келіскен үйлер кентке көрік берері сөзсіз.

Мәжіліс депутаты құрылыс басында болды

<a href="https://kyzylorda-news.kz/">Kyzylorda-news.kz.</a> 2023 жылдың басынан бастап Әлеуметтік қызметтер порталы арқылы шамамен 253,5 мың мүгедектігі бар адам оңалтудың техникалық құралдарын, 7,5 мың – ымдау тілі қызметін, 25,5 мың – жеке көмекшінің, 37,2 мың – санаторлық-курорттық емдеу қызметін алды, деп хабарлайды ҚР Еңбек және халықты әлеуметтік қорғау министрлігінің баспасөз қызметі.Портал мүгедектігі бар адамдарға оңалтудың техникалық құралдары мен қызметтерін өндірушіні және жеткізушіні өз бетінше таңдауға мүмкіндік береді. Көмек түріне тапсырыс беру көрсетілетін қызметті алушының электрондық цифрлық қолтаңбасымен растау арқылы жүзеге асырылады. Тапсырыс берілген оңалтудың техникалық құралдарын жеткізу немесе өз бетінше әкету арқылы алуға болады.Мүгедектігі бар адамдарды оңалту құралдарымен қамтамасыз ету протездік-ортопедиялық, сурдотехникалық, тифлотехникалық және гигиеналық құралдар, сондай-ақ кресло-арбалар беруді қамтиды.Бүгінгі күні Порталда арнаулы әлеуметтік қызметтер көрсететін 856 медициналық-әлеуметтік мекеме (бөлімшелер), 468 ОТҚ жеткізуші, 27 мыңнан астам жеке көмекші, 699 ымдау тілі және 104 санаторлық-курорттық емдеу қызметтерін ұсынушы тіркелген.«Әлеуметтік қызметтер порталы» автоматтандырылған ақпараттық жүйесін енгізу Мүгедектігі бар адамдардың құқықтарын қамтамасыз ету және өмір сүру сапасын жақсарту жөніндегі ұлттық жоспар шеңберінде қарастырылған.Бұған дейін хабарланғандай, ҚР Әлеуметтік кодексін іске асыру шеңберінде жергілікті атқарушы органдар жанынан құрылған Портал бойынша комиссияларға жаңа өкілеттіктер беру көзделеді. Олар мүгедектігі бар адамдардың сапасыз тауар немесе қызмет туралы өтінішін 5 күн ішінде қабылдау және қарау, анықталған кемшіліктерді түзету мерзімдерін көрсете отырып, өнім берушіге хат жолдау және оның орындалуын бақылау; өнім берушіні Порталдан шығару және жосықсыз өнім берушілер тізіміне енгізу туралы шешім қабылдау.Порталды пайдалану бойынша консультацияларды қолдау байланыс орталығынан, яғни 1414 бірыңғай нөмірі арқылы хабарласуға болады.

Мүгедектігі бар адамдар Әлеуметтік қызметтер порталы арқылы 320 мыңнан астам қызмет алды

<a href="https://kyzylorda-news.kz/">Kyzylorda-news.kz.</a> «Қазгидромет» РМК-сы тамыздың 6-сы күнгі ауа райы болжамын жариялады.Кәсіпорын таратқан деректерге қарағанда, әлі де, атмосфералық фронталды бөлікдердің өтуіне байланысты Қазақстанның басым бөлігінде күн құбылып тұрады. Елдің басым бөлігінде жаңбыр жауып, найзағай ойнайды. Тек Қазақстанның батысында ғана күн жауын-шашынсыз болады.Республика бойынша жел күшейеді, оңтүстікте желдің соңғы шаңды дауылға ұласады. Қазақстанның солтүстігінде түнде және таңертең тұман түсед, күндіз еліміздің солтүстігінде, орталығында бұршақ жаууы ықтимал.Күндіз Алматы, Атырау, Батыс Қазақстан, Жетісу облыстарында, Ақтөбе облысының оңтүстігінде, батысында 35-39°С аптап ыстық, Маңғыстау облысының оңтүстігінде, солтүстік-батысында 38-41°С қатты ыстық сақталады.Күндіз Жетісу облысының оңтүстігінде, Алматы облысының шығысында, орталығында 40-42°С өтте қатты ыстық мақталады.Ақмола, Атырау облыстарында, Батыс Қазақстан облыстарында, Солтүстік Қазақстан облысының батысында, шығысында жоғары өрт қауіпі сақаталады, Павлодар облысының оңтүстігінде, шығысында жоғары өрт қауіпі күтіледі.Маңғыстау, Түркістан, Алматы, Жамбыл, Қызылорда, Шығыс Қазақстан, Қарағанды, Ұлытау, Жетісу, Абай облыстарында, Қостанай облысының оңтүстігінде, Ақтобе облысының орталығында және оңтүстігінде, Атырау облысының батысында, шығысында, Ақмола облысының оңтүстігінде, батысында төтенше өрт қауіпі сақталады.

6 тамызға арналған ауа райы болжамы

<a href="https://kyzylorda-news.kz/">Kyzylorda-news.kz.</a> Теміржол саласы – ең күрделі, ең ауқымды саланың бірі. Алып жердің бетінде қан тамырдай таралған болат жол бойында бір сәт үзілмейтін қозғалыстан тұратын саланың қиындығы айтпаса да белгілі. Ауыр тіркемелер кідіріссіз әр қиырға жол тартуы үшін қысқы аязбен жазғы аптапта жұмыс істеу кім көрінгеннің қолынан келе бермейді. Себебі бұл сала – еңбекқорлықты, шыдамдылықты, төзімділікті қажет етеді. Осы теміржол саласына саналы ғұмырын арнап келе жатқан жандардың бірі – Гаухар Қоңратбайқызы.Әйел – барлық қиындықты жеңе білетін сарқылмайтын күш, тіршіліктің қайнар бұлағы. Себебі олар қай салада болсын өздерін еңбек ету арқылы дәлелдеп келеді. Кейіпкеріміз Гаухар Қоңыратбайқызы – Жалағаш теміржол вокзалындағы анықтама бөлімінің қызметкері. Ол 1977 жылы 7 шілдеде Жалағаш ауданында қарапайым отбасында дүниеге келген. 1992 жылы №31 орта мектебін бітірген Гаухарды жас кезінен теміржол саласының қызметі қызықтырушы еді. Бұған бірден-бір себеп теміржол саласында кассир, жүк қабылдаушысы болып жұмыс істеген анасы Ұрлыхан Жұмаділқызы. Анасының еңбек жолын жалғастыруды мақсат еткен Гаухар Қызылордадағы Исатай Әбдікәрімов атындағы аграрлық теміржол колледжіне оқуға түскен. Одан кейін Алматыдағы Қазақ қатынастар университетінде оқып, теміржол көлігінде тасымалдауды ұйымдастыру және басқару жөніндегі инженер мамандығы бойынша білім алған. Теміржол саласында жолаушыларға қызмет ету, жол қауіпсіздігін қамтамасыз ету, вагондармен жеткізілген халық шаруашылық жүктерін қабылдап алу секілді жұмыс түрлері көп. Сол жұмыстарға белсене араласып абыроймен атқарған Гаухар қазіргі уақытта анықтама бөлімшесінде өзіне жүктелген міндетін абыроймен орындап, анасының өнегелі жұмысын жалғастырып келеді. Сондай-ақ ол бұл салада еңбек ету тек жұмысыңа мығым болуды ғана қажет етпейтінін айтады, сөзінше, жолаушылармен де жақсы қарым-қатынас орнату ерекше маңызға ие екен.&nbsp;– Салада азды-көпті жинаған тәжірибеміз бар, Ардақты анам салған сара жолмен келемін десем де болады. Себебі ол да – осы саланың ардагері. Анамның салада қажырлы еңбек еткенін Жалағаш жұрты жақсы біледі. Мен де шама-шарқымша халыққа қызмет етемін. Мамандыққа адалдық деген бар, өзім қалаған маман иесі бодым және соған сай еңбек етемін, – дейді кейіпкеріміз.Ел экономикасының күретамыры саналатын күрделі салада еңбек етіп жүрген Гаухар Қоңыратбайқызы бүгінге дейін көптеген алғыс хаттармен марапатталған. Қазіргі таңда ол өнегелі отбасында 1 қыз, 1 ұл тәрбиелеп отыр. Қызын қияға қондырып, 2 немере сүйіп отырған аяулы ана, асыл жар, ардақты әже.– &nbsp;«Ана көрген тон пішер» демекші, менің осы салаға келуіме анамның қосқан үлесі зор. Ол – теміржол саласында 35 жыл еңбек етіп, зейнеткерлікке шыққан ардагер ана. Сонымен қатар нағашым Шыңғабай Бижанов та осы теміржол саласында 45-жыл аға шебер болып қызмет жасаған. Ол – «Құрметі теміржолшы» атағын &nbsp;иеленген өз ісінің маманы, сала ардагері. Осы кісілердің жолын жалғап, еңбек жолына қызығып, теміржол саласына деген қызығушылығым артты, дейді – ол. Теміржолшылардың тынымсыз еңбегі мен қажырлы қайраты қуатты Қазақстанның экономикалық әлеуетін арттыруға қомақты үлесін қосуда. Өйткені айшылық алыс жерлерге аман-есен жетуде, жолаушының жол азабын азайтуда, оған қоса жүк тасымалының &nbsp;қарқынды дамуының артында теміржолшылардың темірдей тәртібі, ерен еңбегі тұр.

Салаға серпін берген теміржолшы

<h4 style="margin-left:0px;">Kyzylorda-news.kz. ДДСҰ NATURCOLD препаратының қауіптілігі туралы ескертті. Олар бұл препараттың елімізде сатылмайтынын атап өтті, деп хабарлайды BAQ.KZ.</h4>ҚР ДСМ Медициналық және фармацевтикалық бақылау комитетінің баспасөз қызметінің мәліметіне сәйкес бұқаралық ақпарат құралдарында Үндістанның Денсаулық сақтау министрлігі жөтелге қарсы сироп шығаратын Riemann Labs фармацевтикалық компаниясының қызметіне тыйым салғаны туралы ақпарат тарады. Камерундағы балалар осы сироптың салдарынан қайтыс болуы мүмкін деп күдіктенеді.<blockquote>Компанияның лицензия нөмірі NATURCOLD препаратының қаптамасындағы лицензия нөміріне сәйкес келеді. Айта кетейік, NATURCOLD Қазақстан Республикасында тіркелмеген, сондай-ақ көтерме және бөлшек сауда сегментінде сатылмайды. NATURCOLD сиропының құрамындағы мәлімделген белсенді заттар парацетамол, фенилэфрин гидрохлориді және хлорфенирамин малеаты болып табылады. Бұл заттар әртүрлі комбинацияларда суық тию, тұмау және аллергиялық ринит белгілерін жеңілдету үшін қолданылады, - делінген комитет хабарламасында.</blockquote>Дүниежүзілік денсаулық сақтау ұйымының (ДДСҰ) ресми мәліметтері бойынша 2023 жылдың 27 маусымында Камеруннан NATURCOLD сиропының үлгілері ДДСҰ-на берілді және зертханалық зерттеулерден өтті. Үлгілерді зертханалық талдау препараттың жол берілмейтін жоғары концентрацияда диетиленгликольмен ластанғанын көрсетті. NATURCOLD сиропының үлгілеріндегі диэтиленгликольдің үлесі 28,6%-ға жетті. Диэтиленгликольдің шекті рұқсат етілген концентрациясы 0,10%-дан аспайды.<blockquote>Дистрибьютор препараттың қаптамасында - FRAKEN INTERNATIONAL (Англия) көрсетілген. Алайда Ұлыбританияның Ұлттық реттеу органы (MHRA) бұл атаумен өндіруші Ұлыбританияда тіркелмегенін растады. Қазір препараттың шығу тегін анықтау мақсатында тергеу жүргізілуде. ДДСҰ ішкен кезде диетиленгликоль адамдар үшін улы екенін және өлімге әкелуі мүмкін екенін ескертеді. Сонымен қатар кондиционерленбеген ластанған өнімдер пациенттің денсаулығына, әсіресе балаларды емдеуде үлкен зиян келтіруі мүмкін. Сонымен қатар өлімге әкелетін улануды туындатуы мүмкін, - деп атап өтті ведомство өкілдері.</blockquote>NATURCOLD дәрілік препараты табылған жағдайда республика бойынша заңнамаға сәйкес тиісті әкімшілік шаралар қабылданатын болады.ДДСҰ-ның препарат туралы толық ақпаратымен мына сілтеме бойынша <a href="https://www.who.int/ru/news/item/19-07-2023-medical-product-alert-n-5-2023--substandard-(contaminated)-syrup-medicines">танысуға болады.</a>

ДДСҰ өлім қаупін туындататын тағы бір препарат түрін атады

Kyzylorda-news.kz. Бүгін ҚР Премьер-министрі Ә.Смайыловтың төрағалығымен Президенттің сайлауалды бағдарламасын іске асыру жөніндегі республикалық штаб отырысы өтті. Министрлер мен өңір әкімдері білім беру нысандарын жаңғырту бойынша атқарылған жұмыстарын баяндады.Республикалық штаб отырысынан кейін облыс әкімі Нұрлыбек Нәлібаев Үкімет басшысының тапсырмаларын іске асыру жөнінде мәжіліс өткізіп, жауапты сала басшыларына бірқатар тапсырма берді.<blockquote>«Шағын қалаларда, &nbsp;аудан орталықтарында және ауылдарда жыл сайын мектептерді заманауи стандарттар бойынша жаңғырту мәселесі күн тәртібіне қойылған. Облыста өткен жылы 47 мектеп жаңғыртылды. Бұл мақсатқа облыстық бюджеттен 1 564 млн. теңге қаржы бөлініп, жоспарға сәйкес жұмыстар жүргізілді. Биыл да 47 мектепті жаңғыртудан өткізуге бекітілген бюджеттен 529,5 млн. теңге бөлінді. Барлық жұмыстар жаңа оқу жылына дейін толық аяқталуы керек. Жаңа оқу жылы жоспарлы түрде, еш кедергісіз басталуы тиіс», - деді аймақ басшысы.</blockquote>Айта кетейік, Арал ауданында &nbsp;7, Қазалыда 7, Қармақшыда 6, Жалағашта 6, Сырдарияда 6, Шиеліде 6, Жаңақорғанда 9 мектеп жаңғыртылмақ. Биылға жоспарланған 47 мектепке ағымдағы жөндеу жүргізу, 24 мектепке пәндік кабинет, көркем әдебиеттер алу және қауіпсіздікті қамтамасыз ету жұмыстары жүргізіледі.Мұнан бөлек, жиында &nbsp;мектептерге қажетті құрал-жабдықтар мен техникалар сатып алу мәселесі қаралды. &nbsp;Мемлекет басшысының 7000 заманауи робототехника, химия, биология, физика, STEM кабинеттерін ашу жөніндегі тапсырмасына сәйкес 2021 жылы 56, былтыр 63 кабинет алынды. Қазір 46 кабинет бойынша жеңімпаздар анықталып, қажетті құрылғылар жеткізіліп орнатылуда.&nbsp;Білім беру ұйымдарын қауіпсіздік құралдарымен жабдықтау талабына сай &nbsp;барлық білім беру ұйымдары бейнебақылау жүйесімен 100% қамтылды.&nbsp;Қала, аудан орталықтарындағы білім беру ұйымдарының бейнебақылау жүйелері жедел басқару орталығына және полицияның кезекші бөлімдеріне қосылған. &nbsp; Күн тәртібіндегі мәселе бойынша облыстық білім басқармасына мектептерді жаңғырту жұмыстарын жаңа оқу жылына дейін толық аяқтап, пайдалануға берілетін мектептердің ашылуын жоғары деңгейде ұйымдастыру тапсырылды. Облыстық полиция департаментімен бірлесіп барлық білім беру ұйымдарының қауіпсіздігін &nbsp;қамтамасыз ету жүктелді.&nbsp;

Қазақстан және Қызылорда облысының жаңалықтары