Фото: otyrar.kz<a href="https://kyzylorda-news.kz/">&nbsp;Kyzylorda-news.kz.</a>&nbsp; Қызылордалық ерлі-зайыптылар 2023 жылдың шілде айында Қызылорда облысы бойынша экономикалық тергеп-тексеру департаментінің өндірісіндегі қылмыстық іс бойынша жауаптылықтан босатып беремін деген желеумен жәбірленуші «М» есімді азаматшадан алдап 8 000 000 теңге ақша қаражатын алған.28.10.2023 жылы аталған дерек ҚР ҚК-нің 190-бабының 3-бөлігінің 1-тармағымен және ҚК-нің 28-бабының 4-бөлігі – 367-бабының 3-бөлігінің 1-тармағыменсотқа дейінгі тергеп-тексерулердің біріңғай тізіліміне тіркелген.Қазіргі таңда, «А» және «Г» есімді азаматтарға Қызылорда қалалық мамандандырылған сотымен 2 ай мерзімге «күзетпен ұстау» түріндегі бұлтартпау шарасын қолдану туралы санкциясы берілді. Іс бойынша тергеп-тексеру әрекеттері жүрігзілуде.

Қызылордалық ерлі-зайыптылар алаяқтықпен ұсталды

Фото: freepik<a href="https://kyzylorda-news.kz/">&nbsp;Kyzylorda-news.kz.</a> 5 желтоқсан – волонтерлердің қоғамдағы маңызды рөлін, мұқтаж жандарға көмектесудегі жанқиярлық үлесін, түрлі қайырымдылық, әлеуметтік бастамаларды тану және қолдау мақсатында ұйымдастырылған Халықаралық волонтерлар күні, деп хабарлайды Zakon.kz.Экономикалық және әлеуметтік даму үшін халықаралық еріктілер күні 1985 жылы БҰҰ Бас Ассамблеясының 40-шы сессиясында бекітілген.<blockquote>"Еріктілік - бүкіл әлем бойынша әлеуметтік, экономикалық және экологиялық мәселелерді шешуге арналған үлкен, жаңартылатын ресурс. Әлем өсіп келе жатқан қиындықтарға кезіккенде, еріктілер жиі көмекке бірінші болып келеді. Еріктілер дағдарыстар мен төтенше жағдайлармен күресудің алдыңғы қатарында, көбінесе өте күрделі және қиын жағдайларда бірінші үлек қосады", - делінген БҰҰ сайтында.</blockquote>Халықаралық волонтерлар күніне арналған іс-шаралар қайырымдылық шараларын, волонтерлік жобаларды, конференцияларды, семинарларды және бүкіл әлем бойынша еріктілерді қолдауға және тануға бағытталған басқа да іс-шараларды қамтуы мүмкін. Бұл күн әдетте волонтерлік құндылықтарды және оның әртүрлі қауымдастықтардағы өмір сапасын жақсартуға әсерін көрсетеді.Өз құттықтауында ҚР Төтенше жағдайлар министрлігінің басшысы Сырым Шәріпханов бүгінгі таңда министрлік республика бойынша 130-дан астам волонтерлік ұйыммен өзара әрекеттесетінін атап өтті.<blockquote>"Төтенше жағдайлар министрлігі мейірімділігіңіз, қамқорлығыңыз, жедел әрекетіңіз және төтенше жағдайлардың алдын алу және олардың зардаптарын жоюға қосқан баға жетпес үлесіңіз үшін алғыс пен ризашылығын білдіреді.Сіздерге шын жүректен денсаулық, сарқылмас шығармашылық қуат, бақыт және елдегі пайдалы еңбектеріңізге табыс тілеймін" – деп жазды Төтенше жағдайлар министрі.</blockquote>ЮНИСЕФ Қазақстанда оның волонтерлік қозғалысы 10 мың адамды құрайтынын атап өтті.Мектеп оқушылары, студенттер, жас мамандар ЮНИСЕФ бағдарламаларының көмегімен балалардың әртүрлі мәселелер бойынша хабардарлығын арттырады, іс-шараларға қатысады, білім алады және дамып келеді.

5 желтоқсан - Халықаралық еріктілер күні

<a href="https://kyzylorda-news.kz/">&nbsp;Kyzylorda-news.kz.</a> Биыл Қазалы ауданына қарасты Абай, Бозкөл және Кәукей ауылдарында дәрігерлік амбулаторияның іргетасы қаланған болатын. Қазіргі күні үш бірдей нысанның құрылысы аяқталуға жақын. Сәтін салса жыл соңына дейін ел игілігіне берілмек.Аудан әкімі Мұхтар Оразбаев Абай ауылындағы ғимараттың жұмысымен танысып, жауапты қызметкерлерге тез арада жұмысты аяқтауды ескертті.Қазіргі таңда аталған нысанның жұмысы қарқынды жүріп жатыр. Нақтыласақ, қабырғаларын сырлау, бояу, жарық секілді ішкі жұмыстары қалып отыр. Бұдан соң қажетті құрал-жабдықтары орналастырылатын болады.Аудан басшысы аудандық құрылыс, сәулет және қала құрылысы бөлімінің басшысы Нұрбек Күзембаевқа тапсырма жүктеп, дәрігерлік амбулаторияның құрылысы тәмамдалғанша барлығын қатаң назарда ұстап отыруды тапсырды.<figure class="image"><img src="https://knadmin.beoblood.kz/uploads/408382336_3797425280478391_2920664477649625124_n_f358f0cbaf.jpg" alt="408382336_3797425280478391_2920664477649625124_n.jpg"></figure>

Қазалы: Үш ауылда дәрігерлік амбулаторияның құрылысы аяқталуға жақын

<a href="https://kyzylorda-news.kz/">&nbsp;Kyzylorda-news.kz.</a> Театр - сананы сезімге, жан дүниені әсемдікке бөлейтін өзгеше құбылыс. Миыңды тынықтыратын, ішкі сезімдерді шынықтыратын, күйзелісті ұмыттыратын таңғажайып орта. Бүгін Сыр өңіріне ғасырға жуық тарихы бар, қазақ өнерінде қайталанбас орны қалыптасқан Мұхтар Әуезов атындағы қазақ ұлттық драма театрының өнерпаздары шығармашылық сапармен келді.Аңыз адам Асанәлі Әшімов бастаған театр ұжымы республикада үздіктердің бірі ретінде халықтың көңілінен шыққан.Қойылым алдында театр ұжымы БАҚ өкілдеріне арнайы баспасөз конференциясын өткізіп, өнерпаздар журналистердің сұрақтарына жауап берді.<blockquote>-Театр деген - терең ұғым. Бұл киелі сахнада қаншама образ сомдалады. Талғампаз көрерменнің ойынан шығу тіпті бөлек әңгіме. Сын түзелмей, мін түзелмейді. Әр театрда кемшіл тұстары болады. Болдық, жетілдік деуден аулақпыз. Біз бұл жаққа қонақ емеспіз. Сыр елінің мәдениетімен, әдебиетімен, өнерімен, театрымен танысу үшін келдік. Қош келдік, Сыр еліне!,- деді Асанәлі Әшімұлы.</blockquote>М.Әуезов театры 4-8 желтоқсан аралығында “Қарагөз” драмасы , “Қорқыттың көрі” аңыз-дастаны, “Қоштасқым келмейді” драмасы , “Қара” және “Бес бойдаққа бір той” туындыларын көрермен қауымға ұсынатын болады.<figure class="image"><img src="https://knadmin.beoblood.kz/uploads/407221293_1905647223164114_880250660131585681_n_7df866b66e.jpg" alt="407221293_1905647223164114_880250660131585681_n.jpg"></figure>

Қызылордаға Мұхтар Әуезов атындағы драма театры шығармашылық сапармен келді

<a href="https://kyzylorda-news.kz/">&nbsp;Kyzylorda-news.kz.</a>&nbsp; 8-9 желтоқсан күндері облыс әкімінің қолдауымен «Inno.Fest» Qyzylorda инновациялық жобалар фестивалі өтеді. Дәстүрлі түрде өтетін бұл жоба - «SmartСity», «Контент&amp;Дизайн», «Кино&amp;Видео» бағыттары бойынша бір тәулік ішінде ІТ саладағы ерекше жобалар жасауды мақсат етеді. Аталмыш фестивальге көршілес мемлекеттермен қатар республиканың өзге де облыстарынан қатысушылар бақ сынаспақ. Бұл туралы Өңірлік коммуникациялар қызметінің ақпарат алаңында ақпараттық технологиялар орталығының директоры Қанат Қараев хабарлады.<blockquote>Фестивальдің негізгі мақсаты – аймақтың дамуына қажетті жаңа инновациялық идеяларды қолдау, ІТ бағытына қызығушылығы бар жастардың жаңа жобаларына қаржылай қолдау көрсету болып табылады. Ауқымды шараға шалғай елді мекендерде тұратын ауыл жастарын тарту мақсатында 25 қараша мен 3 желтоқсан аралығында «Inno.Fest Roadshow» атты кездесулер өткіздік. Осы кездесуден кейін белсенді жастар қатары артады деп ойлаймыз. Жобаның жүлде қоры - 3 млн.теңгені құрайды. Сондай-ақ, әр секциядан үздік деп танылған жастарға Astana IT университетіне, Қорқыт Ата атындағы Қызылорда университетіне, Болашақ университетіне, Қызылорда Ашық университетінің оқу гранттары беріледі. Сондай-ақ, фестиваль серіктестері бағалы сыйлықтарын табыстайтын болады, - деді Қанат Қараев.</blockquote><figure class="image"><img src="https://knadmin.beoblood.kz/uploads/393164218_1905550413173795_1469622894985758393_n_f4da2aea17.jpg" alt="393164218_1905550413173795_1469622894985758393_n.jpg"></figure>Өз кезегінде Қорқыт ата атындағы Қызылорда университетінің «Kyzylordа Hub бизнес-инкубаторының» жетекшісі Жанарыс Түбекбаев жобаның еренкшілігіне тоқталып, қатысушыларға сәттілік тіледі.<blockquote>«Inno.Fest» Qyzylorda инновациялық жобалар фестивалі жергілікті атқарушы органдардың жастарға берген үлкен мүмкіндігі деп білеміз. Осы жоба аясында көптеген жас өзінің идеясын іске асырып, жобасына қолдау тапты, білім гранттарына ие болды. Биыл да бұл жоба өз жалғасын табуда. 8 желтоқсан күні қатысушылар жобалар жұмыстары секциясында барлық қажетті құралдармен қамтамасыз етіледі. Олар 24 сағат ішінде өз жобаларын іске асырып, қазылар алқасына таныстыруы керек. Үздік деп танылған қатысушыны 9 желтоқсан күні студенттер сарайында анықтап, марапаттайтын боламыз. Барлық қатысушыларға сәттілік!, - деді Жанарыс Алтынбекұлы.</blockquote>Айта кетейік, өткен жылы «Inno.Fest» Qyzylorda инновациялық жобалар фестиваліне 1700 жас ниет білдіріп, 200-ге жуық команда 3 бағыт бойынша өз жобаларын қорғаған болатын.

«Inno.Fest» Qyzylorda инновациялық жобалар фестивалі өтеді

<a href="https://kyzylorda-news.kz/">&nbsp;Kyzylorda-news.kz.</a> Облыс әкімі Нұрлыбек Нәлібаев Қызылорда облысына жұмыс сапарымен келген ҚР Көлік министрі Марат Қарабаевпен кездесіп, жол-көлік инфрақұрылымын дамытуға қатысты ұсыныстарын жеткізді.<blockquote>«Биыл облыста жол инфрақұрылымын дамытуға 37,1 млрд теңге бөлініп, 603 шақырым автомобиль жолдары, көшелер және көпір өткелдері жөнделуде. Өткен жылмен салыстырғанда қаралған қаржы екі есе ұлғайды. Келер жылға республикалық бюджетке 53 млрд теңгенің 84 жобасы ұсынылды, 14,3 млрд теңге болатын 31 жоба қолдау тапты. Марат Кәрімжанұлы, қалған жобаларға қаржы бөлінуіне қолдау көрсетуіңізді сұраймын.Өзіңізге белгілі, Мемлекет басшысы Маңғыстау облысына жұмыс сапарында республикалық маңызы бар «Бейнеу-Бозой-Шалқар» жолын бастауды тапсырды. Қазір бұл жоба бойынша қоғамдық тыңдаулар өтуде. Халықтың басым бөлігі жобаның Қызылорда облысы Арал ауданы Сексеуіл кенті арқылы жүргізілгенін қалайды. Бозой және Шалқардың ортасында елді мекен жоқ, яғни халық шоғырланбаған. Жоба Сексеуіл арқылы жүзеге асырылған жағдайда Бозой мен Сексеуілдің ортасындағы 5 елді мекен халқының қатынас мәселесі шешіледі. Орталық және оңтүстік облыстарға қатынайтын батыс халқының жолы 150 шақырымға қысқарады. Осы жолдың бойындағы Ақеспе елді мекенінде шипалы ыстық су бұлағы бар, бұл да туризмді дамытуға оң ықпал етеді. Осыған орай, жобаның Қызылорда облысы арқылы жүргізілуіне ықпал етуіңізді және қолдауыңызды сұраймыз», – деді аймақ басшысы.</blockquote>Жыл басынан бері «Батыс Еуропа-Батыс Қытай» автомобиль жолының «Қызылорда-Ақтөбе» бағытында 33 жол-көлік оқиғасы тіркелгенін алға тартып, жол құрылысын Қызылорда қаласынан бастауды ұсынды. Аймақ басшысы облыстағы теміржол вокзалдарының ғимараттарын күрделі жөндеуге, аумағын абаттандыруға қаражат бөлуді және әуе қатынасына қосымша Астана бағытын, ал келесі жылы жаңа әуежай терминалы жұмысы басталғаннан кейін халықаралық әуе рейстерін қосу туралы өтініш білдірді.Өз кезегінде, Көлік министрі барлық ұсыныстар зерттеліп, шешу мүмкіндіктері қарастырылатынын жеткізді. Сондай-ақ, өңірдегі жоғары деңгейде атқарылған жұмыстар үшін алғысын білдірді.<blockquote>«Осы уақытқа дейін 11 өңірде болдым. Олардың ішінде көлік саласы жағынан қайсысы үздік десе, Қызылорда облысын атар едім. Әуежай, автовокзал, теміржол вокзалы сияқты нысандардағы жұмыстарға қарап Қызылордадан озық аймақ жоқ деп ойлаймын. Бұл тағы да облыс әкімінің жоғары ұйымдастырушылық қабілетін дәлелдейді», - деді министр.</blockquote>

Аймақтың жол-көлік инфрақұрылымын дамыту мәселелері талқыланды

<a href="https://kyzylorda-news.kz/">&nbsp;Kyzylorda-news.kz.</a>&nbsp; ҚР Көлік министрі Марат Қарабаев Сыр өңіріне жұмыс сапарымен келіп, аймақтың жол-көлік инфрақұрылымы нысандарының жұмысымен танысып, облыс тұрғындарымен кездесті.Көлік министрі Қызылорда қаласындағы сол жағалауда бой көтерген жаңа автовокзал құрылысымен танысты. Нысан пайдалануға берілгеннен кейін барлығы 55 автобус маршруты (124 рейс) ұйымдастырылады. Мұнан бөлек, Ташкент қаласына 1 халықаралық рейс, 46 ауданаралық, Астана, Алматы, Шымкент, Жезқазған, Түркістан, Сарыағаш, Жібек жолы (Черняевка), Ақтөбе және тағы басқа қалаларға 8 маршрут жолға шығады. Нысан жаз мезгілінде күніне 3700-ден астам, қыста мыңнан астам жолаушыға қызмет көрсетуге ыңғайластырылып салынады. Құны 975 млн. теңгені құрайтын жаңа автовокзал құрылысы жыл соңына дейін аяқталып, халық игілігіне қызмет етпек.<figure class="image"><img src="https://knadmin.beoblood.kz/uploads/408103791_652885183699396_7683832302402497950_n_1bdabbef57.jpg" alt="408103791_652885183699396_7683832302402497950_n.jpg"></figure>Әрі қарай министр күрделі жөндеуден өткен теміржол вокзалына барды. Өткен ғасырдың басында салынған тарихи нысанды жөндеу жұмыстары сәуір айында басталды. Бүгінде сыртқы және ішкі жөндеу жұмыстары аяқталып, ғимарат жаңа кейіпке еніп, келбеті ажарлана түсті. Вокзал аумағындағы 2-ші перронға және автотұраққа жаңа асфальт жабындысы төселді. Жобаның жалпы құны 577 млн. теңгені құрайды. Оған «Қазақстан Темір Жолы» компаниясынан 322 млн. теңге және жергілікті кәсіпкерлердің демеушілігі есебінен 255 млн. теңге қаржы бөлінді.<figure class="image"><img src="https://knadmin.beoblood.kz/uploads/408142428_652885677032680_1983165307420561318_n_71f97b8ed9.jpg" alt="408142428_652885677032680_1983165307420561318_n.jpg"></figure>Сапар соңында Көлік министрі меценат Болат Өтемұратовтың қоры есебінен құрылысы қарқын алған, халықаралық стандарттарға сай заманауи әуежай терминалымен танысты. Қазіргі әуежай жылына 137 мың адамға қызмет көрсетсе, жаңа терминал іске қосылғаннан кейін 220 мың жолаушыны қабылдай алады. Ал жүк тасымалдау көлемі 150 тоннадан 240 тоннаға дейін ұлғаймақ. Жалпы алаңы 7500 шаршы метр болатын әуежайда телескопиялық трап, жолаушыларға, оның ішінде қозғалыс қабілеті шектеулі азаматтарға ыңғайлы болу үшін эскалаторлар мен лифттер қарастырылмақ. Терминал құрылысы 2024 жылы аяқталады.Сапар барысында Марат Қарабаев өңір тұрғындарымен кездесіп, азаматтарды жеке қабылдады. Облыс орталығындағы көпқабатты тұрғын үйлердің абаттандырылған ауласын көріп, жаңадан ашылған «Анаға тағзым» орталығының жұмысымен танысты. Облыс әкімі Нұрлыбек Нәлібаевпен аймақтың жол-көлік инфрақұрылымын дамыту мәселелерін талқылады.<figure class="image"><img src="https://knadmin.beoblood.kz/uploads/408171949_652885643699350_3352213549143802656_n_b020ddfdfb.jpg" alt="408171949_652885643699350_3352213549143802656_n.jpg"></figure>&nbsp;<figure class="image"><img src="https://knadmin.beoblood.kz/uploads/408149936_652885337032714_6112312968550443526_n_e3ae79dc4b.jpg" alt="408149936_652885337032714_6112312968550443526_n.jpg"></figure>&nbsp;<figure class="image"><img src="https://knadmin.beoblood.kz/uploads/408187412_652886407032607_6164198782042068936_n_dbd28b76a2.jpg" alt="408187412_652886407032607_6164198782042068936_n.jpg"></figure>

ҚР Көлік министрі Сыр өңіріне келді

Фото: qazaq.today<a href="https://kyzylorda-news.kz/">&nbsp;Kyzylorda-news.kz.</a>&nbsp; Облыста қысқы мезгілге дайындық жұмыстары қызу жүруде. Әсіресе, республикалық және жергілікті маңызы бар жолдардың дайындығы қатаң бақылануда. Осыған орай, бүгін Өңірлік коммуникациялар қызметінің ақпарат алаңында облыстық төтенше жағдайлар департаменті бастығының орынбасары Бекболат Әбдіқадыров негізгі дайындық жұмыстарына тоқталып өтті. &nbsp;Бүгінде қысқы кезеңдегі төтенше жағдайлардың алдын алу және жою үшін 143 бірлік техника және 118 түрлі қуаттылықтағы дербес электрмен жабдықтау көздері дайындыққа келтірілді. Одан бөлек, республикалық және жергілікті маңызы бар жолдардың дайындығын пысықтау үшін арнайы комиссия құрылды. Сондай-ақ, облыстың солтүстік өңірінде ұзындығы 26 км болатын қарлы учаске бар. Осыған сәйкес, облыс аумағындағы автожолдар бойында қар құрсауында қалған азаматтарға арналған 12 жылыту пункті жұмыс істейді. Қысқы кезеңде төтенше жағдайларды жоюға арналған негізгі құралдар жоғары дайындықтан өткізілді. Атап айтқанда, ТЖД қызметінде 114 бірлік техника бар болса, оның негізгісі – 56, арнайы құрал – 12, 46 қосалқы құрал әзірленген. Оқыс оқиға орын алған жағдайда шұғыл және жедел шығу үшін 19 бірлік жоғары өтімді техника және жеке құрамның 92 қызметкері толықтай дайын, - деді Бекболат Әбдіқадырұлы.

Бекболат Әбдіқадыров: Оқыс оқиға орын алған жағдайда қызметкерлер дайын

<a href="https://kyzylorda-news.kz/">&nbsp;Kyzylorda-news.kz. </a>Қызылорда облысында 357 мемлекеттік орган жұмыс істейтін болса, оның 255-і жергілікті атқарушы мемлекеттік орган және 102-і орталық мемлекеттік органдардың аумақтық бөлімшелері. Сондай-ақ, 53 облыстық, 158 қалалық және аудандық, 146 ауылдық деңгейдегі мемлекеттік орган бар.&nbsp;Қазіргі таңда осы мемлекеттік органдардың штат саны 3326 бірлікті құраса, қазіргі таңда нақты жұмыс жасайтын 3234мемлекеттік қызметшінің 14-і саяси әкімшілік қызметшілері, 3 220-ы «Б» корпусының мемлекеттік әкімшілік қызметшілері болып табылады.Мемлекеттік қызметтегі 1495 нәзік жанды мемлекеттік қызметшінің46,2%-ы түрлі деңгейдегі басшылық лауазымдарды, атап айтқанда,&nbsp; 1-і басқарма басшысы, 9-ы басқарма басшысының орынбасары, 5-і департамент басшысы, 11-і департамент басшысының орынбасары, 2-і ауыл әкімі, 10-ы қалалық және аудандық деңгейдегі дербес бөлім басшылары.&nbsp;Аймақтағы мемлекеттік қызметшілердің арасындағы 35 жасқа дейінгі жастардың үлесі 25,3%-ы құрайды.&nbsp; Мемлекеттік қызметшілердің арасында 20 өзге ұлт өкілдері қызмет атқаратын болса, оның 8-і корей, 5-і орыс, 2-і татар, 2-і өзбек,&nbsp; 1-і шешен,1-і қырғыз, 1-і ұйғыр ұлтының өкілдері болып табылады.Өңірдегі мемлекеттік қызметшілердің арасында жоғары білімділердің үлесі 94,8%-ыболса, екі немесе одан да көп білім иелерінің үлесі 23,8%-ды құрайды.Сонымен бірге, өңірімізде ҚР Президент жанындағы Мемлекеттік басқару академиясының 28 және халықаралық «Болашақ» бағдарламасының 2 түлегі және 6 ғылым кандидатытүрлі лауазымдарда жұмыс жасайды.Мемлекеттік қызметшілердің орташа жасы 41,3 жасты құраса, мемлекеттік қызметтегі орташа еңбек өтілі 12,4 жылды құрайды.Жыл басынан бері 727 мемлекеттік қызметші оқытылды, оның ішінде 90-ы қайта даярлау, 637-і біліктілігін арттыру курстарынан өткізілді. Ал, мемлекеттік қызмет жүйесінен 78 (2,3%) қызметшікеткен болса,оның 12,8%-ы жеке секторларға, 9%-ы квазимемлекеттік секторларға және 78,2%-ы басқа да белгілі себептермен өз өтініштеріне сәйкес мемлекеттік қызмет жүйесінен кеткен.Сынақ мерзімін тағайындаумәселесіне тоқтар болсақ,мемлекеттік қызметке алғаш рет және оны тоқтатқаннан кейін қайта келген&nbsp; 155тұлғаға 3 ай сынақ мерзімі белгілеген болса, қазіргі таңда оның 110-ы сынақ мерзімінен өткізілді.Жыл басынан бері бос лауазымдарға орналасуға өткізілген 375 (ішкі конкурс – 166, жалпы конкурс - 209)конкурсқа, 676 (ішкі конкурс – 126, жалпы конкурс - 550 )адам қатысып, нәтижесінде 298 (ішкі конкурс – 112, жалпы конкурс - 186) үміткер бос лауазымдарға қабылданған болса, ішкі конкурстардың нәтижесімен жұмысқа қабылданған 112 қызметшінің 82,1%-ымеритократия қағидаттарына сәйкес мансаптық өсу жолымен жоғары лауазымдарға тағайындалған.Осы өткізілген конкурстардың барлығықоғамдық байқаушылардың қатысуымен өткен.Қоғамдық байқаушылардың 2,3%-ы жергілікті деңгейдегі мәслихат депутаттары, 5,1%-ы БАҚ өкілдері, 5,3%-ы ҮЕҰ өкілдері, 0,6%-ы саяси партия өкілдері, 17,9%-ы басқа мемлекеттік орган қызметкерлері, 12,4%-ы он сегіз жасқа толған еліміздің азаматтарыболса&nbsp; 56,4%-ымемлекеттік қызмет істері жөніндегі уәкілетті органның аумақтық бөлімшесінің өкілдерінің, яғни ҚР Мемлекеттік қызмет істері агенттігінің Қызылорда облысы бойынша департаменті қызметкерлерінің қатысуымен өткізілген. Ерлеген МЕНДАЛИЕВ,&nbsp; ҚР Мемлекеттік қызмет істері агенттігінің Қызылорда облысы бойынша&nbsp; департаментінің басшысы, Әдеп жөніндегі кеңес төрағасы&nbsp;&nbsp;&nbsp;

Мемлекеттік қызметші – ел айнасы

<a href="https://kyzylorda-news.kz/">&nbsp;Kyzylorda-news.kz.&nbsp;</a>&nbsp; Биыл облыстық бюджет кірісінің көлемі - 40,9 млрд.теңгені құрап, 107,9 пайызға нақты орындалды. Тиісінше, түсімдер қарқыны өткен жылмен салыстырғанда 139,9 пайызды құрады. Бұл туралы Өңірлік коммуникациялар қызметінің ақпарат алаңында облыстық экономика және қаржы басқармасының басшысы Қамбарбек Мүбараков хабарлады.<blockquote>«Облыс бюджетінің 60,8 пайызы әлеуметтік салаларға бағытталады. Оның ішінде білім саласы, денсаулық сақтау, әлеуметтік қамсыздандыру, мәдениет және спорт салаларына ерекше басымдық беріледі. Осы жылдың 1 қарашасына дейін өңір бойынша түсім 102,1 пайызға толық орындалып, соның ішіндегі өз кірісіміз 113,4 пайызға артық түскен. Жалпы алғанда қаражаттардың игерілуі бойынша Қызылорда облысы республика бойынша 4 орында тұр», - деді басқарма басшысы Қамбарбек Амангелдіұлы.</blockquote>

Облыс қазынасының 60,8 пайызы әлеуметтік салаларға бағытталады

Фото: fingramota.kz<a href="https://kyzylorda-news.kz/">&nbsp;Kyzylorda-news.kz.</a> Қазіргі уақытта &nbsp;маркетплейстерде сауда-саттық жасау күнделікті іске айналды. Онлайн-шопингтің мұндай түрі ұнатқан затыңызды кез келген уақытта қиналмай сатып алуға мүмкіндік береді. Алайда, бұл жерде де қырағылық аса қажет, себебі алаяқтардың құрығына түсіп қалуыңыз әбден мүмкін. &nbsp;&nbsp;Маркетплейстердегі алаяқтықтың кең тараған бес тәсілін &nbsp;және олардан қалайша қорғану жөнінде Fingramota.kz-пен қарастырып көрелік.&nbsp;Маркетплейс «online marketplace, online e-commerce marketplace» деген ағылшын сөздерінен шыққан және электрондық, виртуалды сауда алаңы деп аударылады. Басқа сөзбен айтқанда, маркетплейс – бұл үшінші адамдардың өнімі немесе көрсететін қызметтері жөнінде ақпарат ұсынатын электрондық коммерция алаңы, электрондық сауда-саттықтың интернет-дүкені.Тұтастай алғанда маркетплейс өнімдер мен қызметтер ұсыну бойынша оңтайландырылған &nbsp;онлайн-алаңды (интернет-сайтты) білдіреді.№ 1&nbsp;схема.&nbsp;Жалған сілтеме бойынша үлкен жеңілдіктер&nbsp;Мерекелер қарсаңында немесе үлкен жаппай сатылымдар кезінде алаяқтар электрондық пошта арқылы маркетплейстерді пайдаланушыларға бұрын-соңды болмаған жеңілдіктер жөнінде қызықтыратын ұсыныстар жібереді. Және де бұл хабарламаларда ресми дүкеннің жалған ұқсас-сайтына апаратын сілтеме болады, онда сізге нысанды толтыруды сұрайды, оны толтырған жағдайда алаяқтар сіздің картаңыздағы ақшаны иемденіп кетеді. &nbsp;&nbsp;Кеңес: күмәнді, тым жоғары жеңілдіктерге сенбеңіз және ашатын сайттарды әрқашан тексеріңіз, деректеріңізді көрсетуге асықпаңыз. Электрондық поштаңызға келіп түскен барлық ақпаратты маркетплейстің &nbsp; &nbsp; ресми қосымшасында тексеріңіз.&nbsp;№ 2 схема. Жалған техникалық қолдау&nbsp;Алаяқтар әлеуметтік желілер дамыған заманда көңілі толмаған сатып алушылардың дәл сол жерде жағымсыз пікір жазатынын пайдаланып қалады. Мынадай жағдайды елестетіңіз: техникалық ақауларға байланысты маркетплейс тауар үшін сіздің шотыңыздан артық ақшаны есептен шығарады делік. Сіз маркетплейстің әлеуметтік желілердегі парақшасын тауып алып, пікіріңізді қалдырасыз. Сізге техникалық қолдау бөлімінің қызметкерімін деп таныстырған адам хабарласып, жағдайды жылдам реттеуге ұсыныс жасайды. Бірақ ол үшін сіз арнайы сілтемеге өтіп, картаңыздың деректерін енгізуіңіз қажет. Бұл орайда олар ақшаңызды өтемақысымен қайтаруға уәде етеді. Егер сіз келіссеңіз, ақшаңыздан ғана емес, шотыңызда қалған қаражатыңыздан да айырыласыз.Кеңес: жағымсыз пікіріңізді ресми қосымшадағы арнайы нысан бойынша ғана қалдырыңыз не тікелей колл-орталыққа хабарласыңыз. Әлеуметтік желілерге сенбеңіз – алаяқтардың арбауына түсу қаупі тым жоғары.№ 3&nbsp;схема.&nbsp;Аккаунтты ұрлауАлаяқтардың байланыстырылған карта арқылы зат сатып алу үшін маркетплейс пайдаланушыларының есептік жазбаларын ұрлауы жиі кездеседі. Сонымен қатар, сатып алу, әдетте, қосымша растауды қажет етпейтін белгілі бір сомадан аспайды.Кеңес: маркетплейсте құпиясөзді үнемі өзгертіп отырыңыз, ең дұрысы – онлайн сатып алуға азғантай лимит белгілеп қойыңыз және тек сатып алу кезінде ғана кіріңіз. Интернет-сатып алуға арналған шамалы ғана сомасы бар жеке карта ашып қойсаңыз тіптен жақсы. Егер алаяқтар сіздің аккаунтыңызды бұзған болса, техникалық қолдауға жүгініңіз және тапсырыстың күшін жойып, тауардан бас тартқаныңыз үшін ақы төлеуге мәжбүр болмас үшін жағдайды түсіндіріп айтыңыз. Егер Сіздің өтінішіңіз аяқсыз қалса, құқық қорғау органдарына хабарласыңыз.4-схема. Қосымша табыс&nbsp;Маркетплейстердің танымалдылығын ескере отырып, адамдар онда жұмыс істеуден күдіктенбейді. Алайда, егер ұсыныс сізге ресми веб-сайттан немесе жұмыс іздеу бағдарламасынан емес, мессенджердегі хабарлама арқылы келсе, сақ болу керек. Әсіресе, егер бос жұмыс орны бойынша біліктілік талаптары көрсетілмесе және жұмыс туралы нақты ақпарат берілмесе, мұқият болыңыз. Әдетте, алаяқтар жақсы ақша төлеуге уәде берген жұмысты ұсынғаннан кейін «депозит» салуды және жалған веб-сайтқа кіруді сұрайды. Алаяқтар ақшаны салғаннан кейін сіз салынған ақшадан 30-дан 70%-ға дейін кіріс аласыз – сома неғұрлым көп болса, пайыз да соғұрлым көп болады деп сендіреді. Алаяқтарға сеніп, деректеріңізді берген жағдайда, оларға сол деректерді енгізу арқылы ақшаңызды алуға жол ашылады.Кеңес: Жұмыс тәжірибеңіз болмаса да жалақысы көп жұмысқа орналастырам деген уәделерге сенбеңіздер және жұмыс берушіге әлеуметтік желілер және мессенджерлер арқылы байланысқа шықпаңыз. Сізге ұсынып отырған бос жұмыс орнының толық сипаттамасын талап етіңіз, дұрысы бос жұмыс орны жарияланған ресми қосымшалар мен жұмыс іздеуге арналған сайттардың сілтемесін сұратыңыз. Ең бастысы тіркелу немесе &nbsp;сақтандыру қызметі үшін төлем жібермеңіз, жұмыс істеп тұрған, бұрыннан белгілі жұмыс берушілер мұндай әрекетке бармайды. &nbsp;5-схема. Жақсы жазылған пікірлердің көмегімен жасалатын алаяқтықТауарды сатып алу алдында маркетплейс пайдаланушылары сатып алынатын тауар бойынша пікірлерді оқи отырып та алаяқтардың құрбаны болуы мүмкін. Мысалы, тауарға теріс бағалау бергеннен кейін аферистер «дәл осындай тауарды арзан бағамен таптым, сапасы өте жоғары» деп жазып, астына сілтеме қалдыруы мүмкін. Егер сіз осыған сеніп, бағасы төмен, сапасы жоғары тауар алам деп тапсырыс берсеңіз, тауарды да ала алмай, ақшаңыздан да айырылып қалуыңыз мүмкін.Кеңес: маркетплейстер күдікті пайдаланушылардың пікірлерін алып тастауға үлгермей жатады, сондықтан тауарды арзан бағамен алу туралы &nbsp;пікір қалдырған авторларға сенбеңіздер. Тауарды әрқашан да тексерілген сайттардан алуға тырысыңыздар, болмаса алаяқтақтардың құрбаны болас

Маркетплейстердегі алаяқтық: Қаскүнемдердің арбауына түсіп қалмаңыз 

Фото: GOV.KZ<a href="https://kyzylorda-news.kz/">Kyzylorda-news.kz.&nbsp;</a>Мәжіліс спикері Ерлан Қошанов елімізде әйелдерге зорлық-зомбылық жасаудың алдын алу бағытында қандай іс-шаралар қабылданып жатқаны туралы айтты, деп хабарлайды Kazinform.<blockquote>«Бүгін біз Орталық Азия елдері әйелдерінің диалогына қазақстандық төрағалық етуді қорытындылап отырмыз. Бір жыл ішінде жемісті жұмыс істелді. Жоғары трибуналардан инновациялар мен технологияларды дамытудың, жаһандық аспектідегі бейбітшілік пен қауіпсіздіктің, климаттың өзгеруінің, терроризм мен экстремизмге қарсы күрестегі әйелдер мен жастардың рөлінің өзекті мәселелері көтерілді. Бұл өте маңызды тақырыптар. Бүгінгі күн тәртібінде ешкімді бей–жай қалдыра алмайтын маңызды мәселе - гендерлік зорлық-зомбылыққа қарсы тұру», - деді Ерлан Қошанов елордада өтіп жатқан «Орталық Азия елдері әйелдерінің диалогы» конференциясында.</blockquote>Оның айтуынша, гендерлік зорлық-зомбылық ауқымды сипатқа ие.<blockquote>«Бұл бүкіл әлемдегі жаһандық проблемалардың бірі. Біріккен Ұлттар Ұйымының мәліметі бойынша, әлемдегі әрбір үшінші әйел физикалық немесе жыныстық зорлық-зомбылыққа тап болған. Осы қоғам дертімен күресу үшін әлемнің 155 елінде тұрмыстық зорлық-зомбылық туралы заңдар қабылдады», - дейді ол.</blockquote>Қазақстанда соңғы жылдары отбасылық-тұрмыстық зорлық-зомбылыққа қарсы күрес аясында жазалар үнемі қатаңдатылуда.<blockquote>«Бүгін біз, заң шығарушылар, одан әрі қарай жүрдік. Депутаттар осы саладағы заңнамалық новеллалардың жаңа пакетін әзірлеуге кірісті. Біріншіден, біз тұрмыстық зорлық-зомбылық үшін жауапкершілікті қылмыстық жауапкершілікке тартуды жоспарлап отырмыз», - деп толықтырды Мәжіліс спикері.</blockquote>Айта кетейік, елордада «Орталық Азия елдері әйелдерінің диалогы» конференциясы өтіп жатыр.Аталған шараға Өзбекстан, Қырғызстан, Түрікменстан, Тәжікстан елдерінің өкілдері қатысуда.

Қазақстан және Қызылорда облысының жаңалықтары