<a href="https://kyzylorda-news.kz/">Kyzylorda-news.kz.</a>Қызылордада «AMANAT» партиясы облыстық филиалының ұйымдастыруымен барлық деңгейдегі мәслихат депутаттарының І аймақтық форумы өтті. Формуда партияның «Халықпен бірге!» - деп аталатын сайлауалды бағдарламасы мен Мемлекет басшысы Қасым-Жомарт Кемелұлы Тоқаевтың «Әділетті Қазақстанның экономикалық бағдары» атты Жолдауының негізгі бағыттарын орындауда мәслихаттардағы фракция мүшелерінің алдында тұрған міндеттер талқыланды.Форум жұмысына ҚР Парламенті Мәжілісіндегі «AMANAT» партиясы фракциясының &nbsp;жетекшісі Елнұр Бейсенбаев, ҚР Парламенті Мәжілісіндегі «AMANAT» партиясының фракциясы мүшесі Мархабат Жайымбетов, облыс әкімінің орынбасары &nbsp;Данияр Жаналинов, "Қазақстанның Еңбек ері" Абзал Ералиев сонымен қатар облыстық, қалалық және аудандық мәслихат төрағалары мен фракция мүшелері, облыстық басқарма басшылары, партия белсенділері мен «Жастар Рухы» Жастар қанатының мүшелері және БАҚ өкілдері қатысты.Форумның ашылуында партияның облыстық филиалының төрағасы Наурызбай Байқадамов форум қатысушыларына аймақ басшысы &nbsp;Нұрлыбек Нәлібаевтың құттықтауын жеткізді.&nbsp;Онда мәслихаттар институты биліктің өкілді органы ретінде уақыт өте келе жетіліп, жаңғырып, жаңа өмір шындығына бейімделіп отыратындығын атап өтілген. Сонымен қатар аймақ басшысы бүгінгі форум жұмысы мәслихат депутаттары үшін өз тәжірибесін шыңдау, әр түрлі әдістемелік кеңес алу, біліктілікті арттыру мен қатар депутаттар мен жергілікті атқарушы органдар арасында Сыр елінің экономикасын дамыту мәселелерін талқылау бойынша ашық диалог алаңына айналатынына сенім білдірген.Мұнан соң Мәжілістегі партия фракциясының жаңа бағыттағы жұмыстары жөнінде ҚР Парламенті Мәжілісіндегі «AMANAT» партиясы фракциясының &nbsp;жетекшісі Елнұр Бейсенбаев кеңінен ақпарат беріп, фракция жұмысының негізгі бағыттарына тоқталды.<blockquote>«Биылғы жылға көз жүгіртсек, партиямыз және аманаттық депутаттар маңызды оқиғалардың басында болып, іргелі істер атқарды. Атап айтсақ, партияның Мәжілістегі фракциясы есепті кезең ішінде қарқынды жұмыс атқарып, 22 заң жобасына бастамашы болды. &nbsp;Жалпы, 128 заң жобасы қарастырылып, 40 заңға Мемлекет басшысы қол қойды. 58 заң Сенатқа жолданды. Оған Фракция мүшелері 665 түзету енгізді. Үкіметке 210 депутаттық сауал жолдады. Онда қоғамды толғандырып отырған ең өзекті де көкейкесті мәселелер қозғалды. Олар тиісінше шешімін тауып жатыр. Біз – қоғамның талап-тілегіне құрметпен қарап, оларға құлақ асатын партияның өкілдеріміз. Сондықтан, өткен сайлауда халыққа берген уәделеріміздің орындалуын қадағалау – біз үшін өте маңызды. Бұл ретте жергілікті жерлерде &nbsp;де мәслихат депутаттары заң жобалары, депутаттық сауалдар, зерттеулер және азаматтарды алаңдатқан ең өткір мәселелерді батыл көтеріп, ашық түрде сын айтып, партияның сайлауалды уәделерінің орындалуына маңызды рөл атқауры керек»,- деді Елнұр Бейсенбаев.</blockquote>Жалпы өңірдегі өзекті мәселелер мен орталық деңгейде шешілуі тиіс сұрақтар бойынша жергілікті фракция мен Мәжілістегі фракция мүшелері арасында жүйелі жұмыс жолға қойылған. Осы бағыттағы жұмыстар төңірегінде Мәжілістегі фракция мүшесі Мархабат Жайымбетов атап өтті. &nbsp; Ал партия филиалының және облыстық мәслихат &nbsp;төрағасы Наурызбай Байқадамов партияның мәслихаттардағы депутаттық фракциялары мүшелерінің алдында тұрған міндеттер туралы жеткізді.<blockquote>«Президентіміз әрдайым елімізде өкілді билік тармағы мықты болуы қажеттігін атап көрсетуде. Бұл бастама мемлекетіміздің институционалдық тұғырын нығайтып, ел дамуына тың серпін беретіні анық. Осы тұста азаматтардың өкілді билікке деген сенімін нығайту жұмыстарын күшейткеніміз жөн. Себебі мықты мәслихаттар ғана - өзекті мәселелердің шешімін табуға және аймақтардағы тұрмыс сапасын жақсартуға әсер ете алады. Бұл ретте халықтың сенім мандатына ие болған және өңірдің әлеуметтік-экономикалық даму ісіне белсене атсалысып келе жатқан мәслихат депутаттарына жоғары жауапкершілік жүктеледі. Партия Фракциясы мүшелерінің алдында тұрған басты міндеттің бірі – бұл ел Президенті Қасым-Жомарт Тоқаевтың «Халық үніне құлақ асатын мемлекет» тұжырымдамасында көзделген – тұрғындармен тұрақты кері байланыс жасау. Партияның сайлауалды уәделерінің сапалы орындалуына жұмыс жасау деді Наурызбай Байқадамов.</blockquote>Айта кетсек, Қызылорда облысында барлық деңгейдегі 152 депутаттық мандаттың 124-і &nbsp;«AMANAT» партиясының мүшесі. Олар биылғы жылдың 11 айында 390 қабылдау өткізіп, 1 мыңнан астам азаматты қабылдаған. Оларда &nbsp;917- өтініш оң шешімін тауып 323 мәселе бойынша кеңес берілді.Пленарлық отырыстан соң, форум жұмысы панельдік сессияларда жалғасты.Мұнда депутаттар сала-сала бойынша секцияларға бөлініп, өзекті мәселелерді талқылап, жұмысты жетілдіру бағытында білімдерін жетілдірді.<img src="https://knadmin.beoblood.kz/uploads/411495498_758029149696057_3249570183220835799_n_3bfb8be37a.jpg" alt="411495498_758029149696057_3249570183220835799_n.jpg">&nbsp;<figure class="image"><img src="https://knadmin.beoblood.kz/uploads/410149464_758028863029419_2127425187982779517_n_f5fbcecca5.jpg" alt="410149464_758028863029419_2127425187982779517_n.jpg"></figure>&nbsp;<figure class="image"><img src="https://knadmin.beoblood.kz/uploads/411475727_758029286362710_7541686875424704262_n_ef78a4ecf7.jpg" alt="411475727_758029286362710_7541686875424704262_n.jpg"></figure>

Сыр өңірінде «AMANAT» партиясы депутаттарының аймақтық форумы өтті

Фото: iphones.ru<a href="https://kyzylorda-news.kz/">Kyzylorda-news.kz.</a> Бәсекелестікті қорғау және дамыту агенттігі Яндекс Таксиге қатысты тергеуді аяқтады, деп хабарлайды <a href="https://kaz.inform.kz/">Kazinform</a>.Тергеу қорытындысы бойынша компания бақылау-кассалық машиналардың бағдарламалық қамтамасыз етуін техникалық қолдау қызметтерін жүктеуде көрсетілген таксопарктердің экономикалық қызметін үйлестіргені үшін әкімшілік жауапкершілікке тартылды.&nbsp;Сондай-ақ, Яндекс Такси монополияға қарсы органға ақпарат бермегені үшін де әкімшілік жаза алды.Яндекс Такси Қазақстанның цифрлық экожүйесін қолдау қорына өз еркімен 3&nbsp;млрд теңге аударды.Сондай-ақ агенттік пен Яндекс Такси монополияға қарсы комплаенс жасасып, оның аясында мынадай шаралар кешенін іске асыру көзделген:—&nbsp;біріншіден, жүргізушілер үшін еңбекақыны арттыру шартының бірі ретінде, егер тапсырыс жол жүру ақысының базалық құнынан екі есе асатын болса, осы жылдың 14 желтоқсанынан бастап, Яндекс комиссиясын өндіріп алуды тоқтататын болды; (экономикалық әсері жылына шамамен 2&nbsp;млрд теңгеге);<img class="image_resized" style="width:560px;" src="https://img.inform.kz/kazinform-photobank/media/2023-12-15/2cbdb6be-5cf6-40e5-8684-3333ad6623a8.jpeg" alt="яндекс такси" loading="eager">Фото: Бәсекелестікті қорғау агенттігі—&nbsp;жүргізушілер үшін қосымша бонустық бағдарлама енгізу (2024 жылы сала айналымы мен инфляцияның өсуіне байланысты 7-10&nbsp;млрд теңге);— тариф қалыптастырудың ашықтығын арттыру мақсатында тарифті не&nbsp;үшін көтергені және қандай өзгеріс болғаны туралы негіздеме келтіре отыра, пайдаланушы қосымшасын жақсарту.—&nbsp;екіншіден, жолаушылар үшін жаңартылған «Бірге» тарифі енгізіледі, ол&nbsp;тіпті ең жоғары сұраныс болып тұрғанның өзінде, төмен бағамен таксиге тапсырыс беруге мүмкіндік береді (тарифті х2-ге дейін көтеруге шектеулер);<img class="image_resized" style="width:560px;" src="https://img.inform.kz/kazinform-photobank/media/2023-12-15/d1782838-5d64-4a87-b18d-3791c4eb12b4.jpeg" alt="яндекс такси" loading="eager">Фото: Бәсекелестікті қорғау агенттігі—&nbsp;агрегатор такси қызметтеріне ең жоғары сұраныс жағдайында, мысалы, қолайсыз ауа райында немесе мереке күндері х3-тен жоғары тарифті көтеруге шектеулер енгізеді&nbsp;— тоқсанына аталмыш деңгейден жоғары сапарлардың саны 5%&nbsp;— дан аспайтын болады;—&nbsp;баламен жүретін жолаушылар үшін «балалар» тарифі енгізіледі, ол&nbsp;балалар креслосы немесе бустері бар автокөлікті шақыруға мүмкіндік береді.Такси жүргізушілерімен тиімді қарым-қатынас жасау және клиенттермен байланысты қолдау үшін сall-орталықта «кәдімгі» оператор жұмыс істейтін болады.Сонымен қатар, жолаушылар мен жүргізушілердің мүдделерінің тепе-теңдігін қамтамасыз ететін келесі жүйелі шаралар қабылданды:—&nbsp;Агенттік заңнамаға түзету енгізуге бастамашылық жасады, оларды енгізу жүргізушілерге Яндекс-пен таксопарксіз тікелей жұмыс істеуге мүмкіндік береді (таксопарк комиссиясы&nbsp;— 4-8%);—&nbsp;Яндекс бағдарламалық қамтамасыз етуді, сондай-ақ баға белгілеуге әсер ететін факторларды (ауа райы жағдайсы, мереке күндері, сұраныстың артуы, жүргізушілердің болмауы және т.&nbsp;б.) егжей-тегжейлі зерделеу үшін IT&nbsp;саласындағы тәуелсіз аудиторлық компания агенттікпен, Цифрлық даму және аэроғарыш өнеркәсібі министрлігімен бірлесіп алгоритмдік баға белгілеу аудитін жүргізеді.<blockquote>«Яндекс міндеттемелерінің монополияға қарсы комплаенс шеңберінде орындалуы агенттік жанындағы арнайы мониторинг тобының бақылауында болады. Оның құрамына кәсіби қоғамдастықтардың сарапшылары (бастамашыл топтардың, көлік, еңбек және халықты әлеуметтік қорғау, әділет, цифрлық даму және инновациялар министрліктерінің, сондай-ақ таксопарктер қауымдастығының өкілдері) кіреді. Бұл туындайтын сын-қатерлерді уақтылы қарауға мүмкіндік береді. Сонымен қатар, болашақта бәсекелестікті қорғау саласындағы заңнаманы бұзу фактілері анықталған кезде агенттік заңнамада белгіленген тиісті шараларды қолданады. Комплаенспен толығырақ <a href="https://www.gov.kz/uploads/2023/12/15/f3007901d167e4c8d01a9497064e1c30_original.5205279.pdf">мына</a> жерден танысуға болады» деп мәлімдеді агенттіктен.</blockquote>

Қазақстан билігі Яндекс Таксиге қандай талап қойды?

<a href="https://kyzylorda-news.kz/">Kyzylorda-news.kz.</a> Қорқыт ата атындағы Қызылорда университетінде &nbsp;жас ғалымдардың ғылыми-зерттеу жұмысын жүргізуге арналған ректор гранты конкурсының жеңімпаздары анықталды. Байқауға университет бойынша 18 &nbsp;жоба ұсынылып, оның ішінде 8 жас ғалымның жобасы үздік деп танылды.Конкурс талабына сәйкес, 40 &nbsp;жасқа дейінгі ғалымдар мен 1,2 курс докторанттары зерттеу жұмыстарын ұсынды.&nbsp; Айталық, «Физика-химиялық талдау әдістері» инженерлік бейіндегі зертханасының ғылыми қызметкері Индира Еспанова күріш сабанынан алынған целлюлозаны химиялық модификациялау арқылы өнімдер алу жобасын ұсынды.<blockquote>&nbsp;Зертхананың ғылыми &nbsp;қызметкерлері осыған дейін күріш сабанынан целлюлоза алудың оңтайлы жағдайларын зерттеген болатынбыз. Енді осы ауылшаруашылық қалдықтарынан алынған целлюлозадан карбоксиметилцеллюлозаны алуды ойлап таптық. Бұл өнім негізінен үй түсқағаздарына арналған желім жасауға, мұнай, жер асты кенін өңдеуге, медицинада дәріні тасымалдау &nbsp;және т.б. көптеген салада қолданылады. Сондай-ақ, карбоксиметилцеллюлозадан гидрогель алуға болады. Бұл &nbsp;өнім – медицинада (гель, мазь жасауға) көп қолданылады. Бірақ көбіне ауылшаруашылық саласында, топыраққа қосу арқылы пайдаланамыз. Гидрогель ауадағы және жауын-шашыннан келген ылғалды бойына сіңіреді де, &nbsp;өсімдіктің бойына таратып отырады. Бұл біздің өңіріміз үшін өте маңызды, &nbsp;өсімдікті суармай өсіріп алуға мүмкіндік береді. Гидрогельдің өсімдікке де, қоршаған ортаға да зияны жоқ, – деді жас ғалым.</blockquote>Ал, «Сәулет және құрылыс өндірісі» кафедрасының аға оқытушысы Гүлнұр Жақыпова қазақстандық техногендік және сапасыз табиғи шикізатты пайдалана отырып, жақсартылған жол ұсақ түйіршікті бетон алу технологиясын әзірлеу жолдарын ұсынды.Жыл сайынғы жас ғалымдарды қолдау мақсатында берілетін университет грантының ережесіне сәйкес үздік деп аталған 8 жобаның авторларына 1250000 теңгеден грант сертификаты табысталды. Олардың ішінде 5 жаратылыстану-техникалық бағыттағы зерттеу, 3 әлеуметтік-гуманитарлық бағыттағы зерттеу бар.&nbsp;Жобалары үздік деп танылған ғалымдар зерттеу жүргізумен қатар халықаралық ғылыми басылымдарға мақалалар жариялауы қажет.&nbsp; Айта кетейік, 2021 жылы – 4, 2022 жылы 6 жоба авторы университеттің грантын иеленді. Жас ғалымдарға арналған конкурс дәстүрлі түрде 3 жылдан бері жалғасын тауып келеді.&nbsp;&nbsp;

Қызылордалық 8 ғалымға жалпы қоры 10 млн теңгенің грант сертификаты табысталды

Фото: egemen.kz<a href="https://kyzylorda-news.kz/">Kyzylorda-news.kz.</a> Жыл басынан бері тұтынушылардың құқықтарын қорғау саласына 340 өтініш келіп түскен. Жалпы, өтініштердің көбі сауда саласына қатысты. Саладағы жылдық қорытындыны Өңірлік коммуникациялар қызметінің баспасөз алаңында Қызылорда облысы бойынша Сауда және тұтынушылардың құқықтарын қорғау департаментінің басшысы Ерқасым Сүлейменов баяндады.<blockquote>Жалпы алғанда өтініштерге салалар бойынша жүргізілген талдауда 173 өтініштің бөлшек сауда саласына, электрондық сауда – 34, қоғамдық тамақтандыру саласы бойынша – 30, тұрғын-үй коммуналдық шаруашылық қызметтері саласы бойынша – 18, байланыс қызметі – 12, қаржы қызметі – 9 және де басқа салалар. Аталған өтініштерді заңға сәйкес қарау қорытындысымен 249 өтініш қанағаттандырылды. Қалған өтініштер бойынша тиісті жұмыстар жүргізілуде. Жүйелі жұмыстың арқасында тұтынушыларға барлығы 8,1 млн.теңгенің қаражаты қайтарылуына ықпал жасалды. Есепті кезеңде департаментпен 7 нарық субъектісіне тексерулер жүргізіліп, олар әкімшілік жауапкершілікке тартылды, - деді Ерқасым Жайбергенұлы.</blockquote>Сонымен қатар, экономиканың барлық салаларында тұтынушылар мен бизнес субъектілерін құқықтары мен міндеттері туралы ақпараттандыру мақсатында дөңгелек үстелдер, ашық есік күндері, дәрістер, семинарлар тұрақты негізде өткізіліп отырылды. Бұдан басқа, әлеуметтік желілерінде тұтынушылардың құқықтарына арналған мақалалар, бейнероликтер орналастырылып көрсетілуде.

Тұтынушылар қоғамдық тамақтындыру саласына көп шағым айтады 

Фото: Александр Павский &nbsp;Kazinform<a href="https://kyzylorda-news.kz/">Kyzylorda-news.kz.</a>&nbsp; 21 жастағы Сабина Ыдырысова республикалық "Miss Qazaqstan-2023" байқауының жеңімпазы атанды, деп хабарлайды <a href="https://sputnik.kz/">Sputnik Қазақстан </a>.Байқау үш кезеңнен тұрды. Қазылар алқасының шешімімен үшінші кезеңге бес ару өтті. Олар: Аяулым Әлімхалиева, Сабина Ыдырысова, Мәдина Әлмұханова Аделина Балғымбаева, Ботагөз Нұржігітова."Қазақстан аруы - 2023" конкурсының жеңімпазы атағын алматылық ару Сабина Ыдырысова жеңіп алды. Ол енді Әлем аруларының сұлулық байқауында Қазақстанның намысын қорғайды. Жеңімпаз аруға Тұран университетіне грант пен 5 млн теңге берілді.Ал Ботагөз Нұржігітова "Қазақстан аруы - 2023" байқауының вице-мисі болды, "Жер аруы - 2023" атағын Аяулым Әлімхалиева иеленсе, "Ғалам аруы - 2023" атағына Мадина Әлмұханова лайық деп танылды."Мисс Invictus - 2023" номинациясын Алина Имирова, "Мисс Sun Group - 2023" номинациясын Аяулым Әлімхалиева алды. Бұл екі номинация демеушілердің атынан тағайындалған."Көрермен көзайымы - 2023" номинациясын Аделина Балғымбаева иеленді."Қазақстан аруы" ұлттық сұлулық байқауы ұйымдастырушыларының айтуынша, байқауға қатысуға былтыр 20 мың қыз өтінім берсе, биыл 17 мың қыз тілек білдіріпті. Биылғы жартылай финалға республиканың түкпір-түкпірінен 25 ару қатысты, ал былтыр бағын сынағандар саны 23 болған.<blockquote>"Шоуға кастингтер мен байқаудың жартылай финалы нәтижесінде іріктеліп алынған 25 қыз, оның ішінде аймақтық іріктеу кезеңдерінің жеңімпаздары қатысты. Конкурсқа қатысушыларға қойылған негізгі талаптар: жасы 18-ден 25-ке дейін, бойы 165 см-ден жоғары, Қазақстан Республикасының азаматы, тұрмыс құрмаған және баласы болмауы керек", - дейді ұйымдастырушылар.</blockquote>25 қыздың 17-сі аймақтық кастингте жеңіске жеткендер, ал қалған қатысушылар жыл басында басталған жарнамалық науқанның нәтижесінде кастинг арқылы іріктелген. Ұйымдастырушылардың айтуынша, арулардың тән сұлулығы ғана емес, ақылы мен мәдениеті, білімі мен талғамы, сондай-ақ табиғатқа деген жанашырлығы сараланған.Екі сағатқа созылған байқауда қыздар төрт рет сахна төрінде сән мен сымбатын көрсетіп, интеллектуалды сұрақтарға жауап берді.Биылғы байқау арулар арқылы көрермен назарын Жер-Ананың проблемасына аударды. Өрт, құрғақшылық, лас ауа, табиғатқа қолдан жасалған қиянат: сахнадағы қойылымның барлығы қай адамның болсын, көкейінде терең ой мен мұң қалдырады.<figure class="image"><img src="https://knadmin.beoblood.kz/uploads/Miss_0c1df086bf.jpg" alt="Мисс.jpg"></figure>"Қазақстан аруы - 2023" байқауының вице-мисі қызылордалық Ботагөз Нұржігітова.

«Қазақстан аруы - 2023»: Қызылордалық Ботагөз Нұржігітова вице-мисс атанды

<a href="https://kyzylorda-news.kz/">Kyzylorda-news.kz.</a>&nbsp; Биыл Қызылорда облысының экономикасында әлеуметтік-экономикалық дамудың негізгі көрсеткіштері бойынша оң өсім байқалды. Бұл жөнінде Өңірлік коммуникациялар қызметінің ақпарат алаңында облыстық статистика департаментінің басшысы Қайрат Әбсұлтанов хабарлады.<blockquote>- Өнеркәсіп өндірісінің көлемі – 102,1%, өңдеу өнеркәсібі – 128,9%, құрылыс жұмыстарының көлемі – 120,4%, негізгі капиталға салынған инвестиция – 118,4%, тұрғын үйлерді пайдалануға беру – 116,3%, көлік – 108,4%, сауда – 104,7%. 2023 жылғы 1 желтоқсанында 10736 заңды тұлға тіркелді. Оның ішінде 8755 бірлік субъекті жұмыс істеп тұр, - деді Қайрат Байғабылұлы.</blockquote>Сонымен қатар, биылғы жылдың III тоқсанында жұмыссыздар саны 16,6 мың адамды құрады. Осылайша, жұмыссыздық деңгейі 4,8% құраған. Статистикалық мәліметтерге сәйкес, Қызылорда облысында 2023 жылдың 3 тоқсанында бір қызметкердің орташа айлық атаулы жалақысы 303675 теңге. Бұл көрсеткіш экономикалық қызметтің барлық түрлерімен айналысатын ірі, орта және шағын кәсіпорындардан алынды. Қазіргі таңда, еңбек ақының ең жоғары шамасы тау-кен өндіру өнеркәсібі және карьерлерді қазу қызметі – 598754 теңге, ең төменгі ауыл, орман және балық шаруашылығы қызметтер саласында 156094 теңге боп белгіленді.

Статистика: Аймақта әлеуметтік-экономикалық даму бойынша өсім бар

Фото: Полиция департаментінің баспасөз қызметі<a href="https://kyzylorda-news.kz/">Kyzylorda-news.kz.</a>&nbsp; Қызылорда облысы полиция департаментінің бастығы полиция генерал-майоры Махсудхан Аблазимовтың төрағалығымен кәмелетке толмағандардың істері жөніндегі учаскелік полиция инспекторларының жұмыстары &nbsp;мен материалдық-техникалық жабдықталу мәселесі жедел кеңесте қаралды, деп хабарлайды полиция департаментінің баспасөз қызметі.&nbsp;Қазақстан Республикасы Ішкі істер министрлігінің нұсқауына сәйкес жыл басынан облыс көлемінде кәмелетке толмағандар жасаған және оларға қатысты жасалған қылмыстардың орын алу себептері талқыланды.Жедел кеңеске департамент бастығының бірінші орынбасары Шамшидин Амитов, жергілікті полиция қызметі басқармасының бастығы, қала, аудан полиция бөлімдері бастықтары, олардың орынбасарлары, жергілікті полиция қызметі салаларының бастықтары, барлық кәмелетке толмағандардың істері жөніндегі учаскелік полиция инспекторлары қатысты.Жыл басынан ювеналды полиция қызметкерлерімен біршама жұмыстар атқарылды, оның ішінде «Бала-Заң-Қауіпсіздік» (12-15 қаңтар), «Түнгі қаладағы балалар» (16-18 ақпан, 17-19 шілде), «Жасөспірім» (7-9 маусым, 22-24 қыркүйек), «Мектеп» (26 қазан-2 қараша), «Маргинал» &nbsp;(1-30 қараша), «Құқықтық тәртіп»(20-30 қараша), «Мен және менің полицейім» (17-21 сәуір), «Абайлаңыз балалар» (24 тамыз-30 кыркүйек) жедел профилактикалық іс-шаралары өткізілді.&nbsp;Аталған іс-шаралар нәтижесінде 175 жасөспірім, 119 қолайсыз отбасы есепке алынып, 7 ата-ана сот шешімімен құқықтарынан айырылса, 6 ата-ана құқықтарынан шектелген, 7 жасөспірім девианттық интернатқа жолданса, 2 жасөспірім аса ауыр қылмыс жасағаны үшін &nbsp;ерекше режимде ұстайтын мектеп инстернатына жатқызылды.Кәмелетке толмағандарды бейімдеу орталығына 304 бала орналастырылса, ішкі істер органдарына құқық бұзушылық жасағаны үшін &nbsp;7 427 әкімшілік хаттамалар рәсімделсе, оның түнгі уақытта заңды өкілінсіз тұрғынжайдан тыс жерде жүрген 5663 &nbsp;кәмелетке толмағандардың заңды өкілдері әкімшілік жауапкершілікке тартылды. &nbsp;&nbsp;<blockquote>«Мемлекет басшысы бала өмірі мен құқығын қорғау біздің жалпы ұлттық міндетіміз екенін атап өтті."Заң және тәртіп" қағидаты қазақстандық қоғамның идеологиялық, саяси нұсқаулығына айналуға тиіс. Жасөспірімдердің құқықтары мен бостандықтарын қорғаудың жай-күйі &nbsp;полиция қызметінің тиімділігінің негізгі индикаторы болып айқындалды.Сондықтан, ювеналды полиция инспекторларына &nbsp;үлкен жауапкершілік жүктелген. Кәмелетке толмағандардың заңға бағынуын қалыптастыру және құқықтық сауаттылығын арттыру үшін басқа мүдделі органдармен және жұртшылықпен бірлесіп, тиісті деңгейде жұмысты жүргізуді тапсырамын,- деді ведомство басшысы. &nbsp;</blockquote>

Қызылордада 175 жасөспірім есепке алынды

<a href="https://kyzylorda-news.kz/">Kyzylorda-news.kz.</a> Сыр өңіріне арнайы жұмыс сапарымен келген ҚР Парламенті Мәжілісіндегі «AMANAT» партиясы фракциясының жетекшісі Елнұр Бейсенбаев «Анаға тағзым» орталығы жұмысымен танысты. Мұнан соң түрлі салада еңбек етіп жүрген іскер жастармен кездесіп,олардың ұсыныс пікірлерін тыңдады.«ІТ парк Грант мастер» бағдарламалар мектебінің директоры Алмат Қуанышбаев өңірде ІТ білім беру бағытында жасалып жатқан жұмыстарды атап өтіп, жастар арасында ІТ білім беруді кеңейту сонымен қатар, колледждер мен жоғары оқу орындарындағы ІТ білім беретін оқытушылардың жалақасын көтеру ал, Нұржан Оңалбек жас стартаптарды әдістемелік қолдау, сонымен қатар азаматтардың қаржылық сауаттылығын арттыру бағытында ұсыныс білдірді.Кездесу барысында ҚР Парламенті Мәжілісіндегі «AMANAT» партиясы фракциясының жетекшісі Елнұр Бейсенбаев әрбір ұсынысқа ерекше мән беріп, осы бағыттарда атқарылып жатқан жұмыстарды жеткізді.<blockquote>«Құқықтық және қаржылық сауаттылықты арттыру ең өзекті мәселе. Азаматтар көп жағдайда құқықтық сауаттылықтың төмендігінен түрлі мәселелер туындап жатады. Осы мақсатта «AMANAT» партиясы «Құқықтық кеңес» және «Қарызсыз қоғам»атты партиялық жобаларды қолға алды. Фракция мүшелері мұны Мемлекет басшысына дейін жеткізді. Бүгінгі күні Президент қолдап, бүгінгі күні барлық өңірдерде жүзеге асуда. Алдағы уақытта өз нәтижесін беретіндігіне сенімдімін»,- деді Елнұр Бейсенбаев.</blockquote>Кездесу барсында «Жастар рухы» қалалық филиалының жетекшісі Нұрбол Серікбай төтенше жағдай кезінде еріктелердің жылдам көмегін ұйымдастыруға бағытталған «Қызу желі Қызылорда» жаңа жобасы жобасын танысытырды.Фракция жетекшісі жобаның мыңыздылығын ескере отырып, «Жастар рухының» жаңа жобасына сәттілік тіледі.«Рух» ұлттық спорт түрлері клубның иесі Ринат Есенбек ұлттық спорт соның ішінде «Садақ ату» өнерін дамыту бағытында ұсынысын айтып, фракция жетешісіне нысанаға дәл тигізуді үйретті.Кездесуге ҚР Парламенті Мәжілісіндегі «AMANAT» партиясы фракциясының мүшесі Мархабат Жайымбетов, партияның облыстық филиалының төрағасы Наурызбай Байқадамов қатысты.<img src="https://knadmin.beoblood.kz/uploads/410122514_757549986410640_7595229002799665273_n_cf74d9ea43.jpg" alt="410122514_757549986410640_7595229002799665273_n.jpg">&nbsp;<figure class="image"><img src="https://knadmin.beoblood.kz/uploads/410087610_757550186410620_4055912090751019296_n_b02630f0b6.jpg" alt="410087610_757550186410620_4055912090751019296_n.jpg"></figure>&nbsp;<figure class="image"><img src="https://knadmin.beoblood.kz/uploads/408218313_757549816410657_4938849958732996338_n_214c145e93.jpg" alt="408218313_757549816410657_4938849958732996338_n.jpg"></figure>&nbsp;<figure class="image"><img src="https://knadmin.beoblood.kz/uploads/409923476_757549866410652_6009422374488489348_n_34382eabc2.jpg" alt="409923476_757549866410652_6009422374488489348_n.jpg"></figure>

«AMANAT» фракциясының жетекшісі әлеуметтік нысандарды көріп, іскер жастармен пікірлесті

<a href="https://kyzylorda-news.kz/">Kyzylorda-news.kz.</a> Облыс әкімі Нұрлыбек Нәлібаев Сыр өңіріне өнер сапарымен келген Қазақстанның Халық әртісі Роза Рымбаеваның сахнадағы 50 жылдығына арналған шығармашылық кешін тамашалады.Кешке ҚР Парламенті Мәжілісіндегі «AMANAT» партиясы фракциясының жетекшісі Елнұр Бейсенбаев, Парламент Мәжілісінің депутаты Мархабат Жайымбетов, Мәжілістегі «AMANAT» партиясы фракциясы аппаратының басшысы Мадина Қадырова, облыстық мәслихат төрағасы Наурызбай Байқадамов, ардагерлер мен зиялы қауым өкілдері келді.<figure class="image"><img src="https://knadmin.beoblood.kz/uploads/410093029_658269546494293_4695508923131097300_n_8bafff7bc9.jpg" alt="410093029_658269546494293_4695508923131097300_n.jpg"></figure>Сахнадағы жарты ғасырлық мерейлі белесіне орай сырбойылық көрерменімен қауышқан Роза Қуанышқызы ұлдары Әли және Мәдимен бірге репертуарындағы танымал әндерін айтып, көрерменнің ыстық ықыласына бөленді. Қызылордалықтар әншінің орындауындағы «Атамекен», «Отандастар», «Өткен күн», «Неге жалғыз?» шығармаларын тыңдап, әншіге ерекше қошемет көрсетті. Өйткені, Халық әртісінің шығармашылығы мен қазақ әнінің тұтас дәуірі бір-бірімен тығыз байланысты.Концертте Роза Рымбаева жерлесіміз, танымал музыкант Батырхан Шүкеновтің құрметіне оның әндерін орындады.<img src="https://knadmin.beoblood.kz/uploads/408218191_658269046494343_1082182971594698185_n_59ec50723e.jpg" alt="408218191_658269046494343_1082182971594698185_n.jpg">Отандық эстраданың ең танымал әншісі 22 жасында Қазақ КСР-ның еңбек сіңірген әртісі, 29 жасында Қазақ КСР-ның Халық әртісі атанған. Еліміздің атын, ұлтымыздың болмысын, музыкалық талғамын әлемге танытқан. Роза Қуанышқызының 1977 жылы Болгарияда өткен «Золотой орфей» фестивалінің бас жүлдесін жеңіп алуы сол кезеңдегі қазақ ән өнерінің ғана емес, Кеңес одағы мәдениетінің ең үлкен жетістігі еді. Әншінің талантын мойындаған бауырлас қырғыз бен өзбек ағайындар Роза Қуанышқызына өз республикаларының Еңбек сіңірген әртісі атағын берді. Ол тәуелсіз еліміздің «Құрмет», «Парасат» ордендеріне ие болып, Қазақстанның Еңбек Ері атанды.Концертте әншіге аймақ басшысының ықылас гүлі ұсынылды.<img src="https://knadmin.beoblood.kz/uploads/410121231_658269109827670_6890342702280799400_n_cdf6d6322d.jpg" alt="410121231_658269109827670_6890342702280799400_n.jpg">&nbsp;<figure class="image"><img src="https://knadmin.beoblood.kz/uploads/410102970_658269679827613_3717829295397914557_n_c0883ae7dd.jpg" alt="410102970_658269679827613_3717829295397914557_n.jpg"></figure>&nbsp;<figure class="image"><img src="https://knadmin.beoblood.kz/uploads/408230541_658269343160980_4558748062206835953_n_15ce6b13c1.jpg" alt="408230541_658269343160980_4558748062206835953_n.jpg"></figure>&nbsp;<figure class="image"><img src="https://knadmin.beoblood.kz/uploads/410118048_658268903161024_971486617002142910_n_48265dcf09.jpg" alt="410118048_658268903161024_971486617002142910_n.jpg"></figure>

Халық әртісі Роза Рымбаева қызылордалық көрермендермен қауышты

<a href="https://kyzylorda-news.kz/">Kyzylorda-news.kz.</a> Облыс әкімі Нұрлыбек Нәлібаев Сыр өңіріне арнайы келген ҚР Парламенті Мәжілісіндегі «AMANAT» партиясы фракциясының жетекшісі Елнұр Бейсенбаев және Мәжіліс депутаты Мархабат Жайымбетовпен Сырдария ауданына жұмыс сапарымен барып, Нағи Ілиясов ауылындағы дәрігерлік амбулаторияның ашылу рәсіміне қатысты. Бұл – Президент тапсырмасымен қолға алынған "Ауылдық денсаулық сақтауды жаңғырту" ұлттық жобасы аясында Сыр өңірінде салынған 27 медициналық нысанның алғашқысы.Аймақ басшысы тұрғындарды Тәуелсіздік күнімен құттықтады.<blockquote>«Мемлекет басшысы Қасым-Жомарт Кемелұлы денсаулық сақтау саласына айрықша көңіл бөліп келеді. Медициналық қызметтің қолжетімділігін қамтамасыз ету, денсаулық сақтау инфрақұрылымын одан әрі жаңғырту үшін облыста кешенді шаралар қабылдануда. Ел Президентінің бастамасымен қолға алынған «Ауылдық денсаулық сақтауды жаңғырту» ұлттық жобасымен аймақтың елді мекендерінде 27 нысан салынуда. Бүгінде 15 дәрігерлік амбулатория құрылысы аяқталып, ел игілігіне берілуде. Саладағы бастамалар алдағы уақытта да өңір халқының игілігіне айнала берсін», - деді Нұрлыбек Машбекұлы.</blockquote><figure class="image"><img src="https://knadmin.beoblood.kz/uploads/411210105_658250736496174_2831941166159898147_n_fc6f948b81.jpg" alt="411210105_658250736496174_2831941166159898147_n.jpg"></figure>ҚР Парламенті Мәжілісіндегі «AMANAT» партиясы фракциясының жетекшісі Елнұр Бейсенбаев ауыл тұрғындарын жаңа нысанның ашылуымен құттықтады. Медицина саласының ардагері Тұрғанбай Маханов ақ батасын берді. Сондай-ақ, іс-шарада дәрігерлік амбулатория құрылысын сапалы жүргізуге атсалысқан мердігер мекеме өкілдері және ауылдың дамуына үлес қосқан азаматтар марапатталды.Айта кетейік, амбулатория құрылысы осы жылдың мамыр айында басталған. Ғимараттың жалпы ауданы - 860 шаршы метр.Биыл облыс бюджеті 57 пайызға өсіп, 609 млрд. теңгеге жетті. Қаржының басым бөлігі әлеуметтік салаға бағытталды. Оның ішінде медицина саласына 138 млрд. 600 млн. теңгеден астам қаржы бөлінді. Қызылорда қаласында 36 млрд. 400 млн. теңгеге бір ауысымда 100 келушіге арналған емханасы және онкологиялық бөлімшесі бар 300 орындық көпбейінді аурухананың құрылысы басталды. Құны 2 млрд. 900 млн. теңгені құрайтын Қан орталығы жақын күндері пайдалануға беріледі. Оған қоса 9 медициналық нысанға күрделі жөндеу жүргізіліп, 5 нысанның жылу жүйесі газға ауыстырылуда.<img src="https://knadmin.beoblood.kz/uploads/411188166_658192666501981_7774867173582143690_n_08c7aa233a.jpg" alt="411188166_658192666501981_7774867173582143690_n.jpg">Жыл соңына дейін көпбейінді облыстық аурухана жанынан 70 төсектік перинаталдық орталық, қалаға қарасты Досан елді мекенінде медициналық бекет, Жаңақорғандағы көпбейінді аудандық аурухана базасында балаларға арналған «Қамқорлық» оңалту орталығы ашылмақ.<img src="https://knadmin.beoblood.kz/uploads/411205869_658250643162850_8647399996849446336_n_fec3a762e7.jpg" alt="411205869_658250643162850_8647399996849446336_n.jpg">

Тәуелсіздік күні қарсаңында Сыр өңірінде жаңа амбулатория ашылды

Фото: Tengrinews.kz<a href="https://kyzylorda-news.kz/">Kyzylorda-news.kz.</a> Қызылорда облысында 15 желтоқсанда дауылды ескерту жарияланды.&nbsp;Қызылорда облысының шығысында, орталығында солтүстік-шығыстан, шығыстан 15-20 м/с, кей тұста 23-28 м/с, түнде және таңертең 30 м/с және одан да жоғары жылдамдықпен жел соғады деп күтіледі. Қызылордада шығыстан соққан желдің екпіні 15-20 м/с, кей тұста 23 м/с дейін жетеді.

Қызылордада дауылды ескерту жарияланды

Фото: gov.kz<a href="https://kyzylorda-news.kz/">Kyzylorda-news.kz.</a> Қызылордада жыл басынан бері жол қозғалысы ережесін бұзған 2809 жаяу жүргінші жауапқа тартылды.Қоғамдық тәртіпті қамтамасыз ету, жол-көлік оқиғаларын болдырмау мақсатында Қызылорда қалалық полиция басқармасының патрульдік полиция қызметкерлері күнделікті күшейтілген тәртіпте қызмет атқаруда.&nbsp;Қала аумағында азаматтардың арнайы жаяу жүргіншілер жолағынан емес, жолдың кез келген бөлігінен кесіп өтіп, апат тудыруға себепкер болуы мүмкін жайттар аз емес.&nbsp;Жедел басқару орталығының бейнекамералары арқылы және патрульдік полиция қызметкерлері жыл басынан бері жаяу жүргіншілердің жол қозғалысы ережелерін бұзған 2809 азаматты анықтап, тиісінше заңға сәйкес әкімшілік хаттама толтырды.&nbsp;Аталған жаяу жүргіншілер Қазақстан Республикасы ӘҚБтК-нің 615-бабымен жауапкершілікке тартылды. Айта кетейік, заңнамаға сәйкес бұл құқықбұзушылық үшін 2 АЕК мөлшерінде айыппұл салынады.&nbsp;Осы ретте, тәртіп сақшылары жаяу жүргіншілер мен көлік тізгіндеген жүргізушілерге жол үстінде өз өмірін қатерге тікпеуге және тиісті ережелер мен сақтық шараларын қатаң ұстануға кеңес береді.&nbsp;Ақпарат көзі Polisia.kz

Қазақстан және Қызылорда облысының жаңалықтары