Фото: Н.Нұржаубай<a href="https://kyzylorda-news.kz/">Kyzylorda-news.kz.</a>&nbsp; Қазақстан Республикасы Бәсекелестікті қорғау және дамыту агенттігінің Қызылорда облысы бойынша департаменті «Шиелі-Жолшы» ЖШС және «Жолшы» ЖШС қатысты тергеп-тексеру жұмыстарын жүргізді. Бұл туралы аталған департаменттің тергеп-тексерулер бөлімінің бас маманы Т.Жұмамұратов мәлімдеді.Тексеру нәтижесінде ҚР Кәсіпкерлік кодексінің 169-бабына сәйкес аталған нарық субъектілерінің іс-әрекеттерінен, яғни, елді-мекендердің көшелерін орташа жөндеу жұмыстарын жүргізу бойынша мемлекеттік сатып алу &nbsp;барысында нарық субъектілерінің әрекетінде бәсекелестікке қарсы келісім болған. Осыған байланысты, ҚР бәсекелестікті қорғау саласындағы заңбұзушылық дерегі анықталды.<blockquote>«Аталған субъектілерге қатысты әкімшілік құқық бұзушылықтар туралы хаттамалар рәсімделіп, Қызылорда облысы Қызылорда қаласының әкімшілік құқық бұзушылықтар жөніндегі мамандырылған сотына жолданды. Нәтижесінде, соттың қаулыларына сәйкес жоғарыда көрсетілген нарық субъектілері Қазақстан Республикасы бәсекелестікті қорғау саласындағы заңнамасының бұзушылығын жасау бойынша кінәлі деп танып, сот шешімімен жалпы 1 705 500 теңге мөлшерінде айыппұл салынды», - деді Т.Жұмамұратов.</blockquote>Қазіргі таңда, айыппұл нарық субъектілерінен толығымен өндірілген.&nbsp; &nbsp;

Қызылордада жол салатын серіктестер жауапқа тартылды

Фото: Shutterstock<a href="https://kyzylorda-news.kz/">Kyzylorda-news.kz.</a>&nbsp; 2023 жылғы 23 желтоқсанда сағат 03:00-ден 17:00-ге дейін (Астана қ.уақыты бойынша) «Қазмедиаорталығының» хабар тарату өзегін жаңғыртудың кезекті кезеңін аяқтау шеңберінде барлық технологиялық кешеннің желілік жабдығын ауыстыру жоспарлануда, деп хабарлайды <a href="https://kazteleradio.kz/kz/2023/12/19/profilaktikalyq-zhumystar/">"Қазтелерадио"</a> АҚ.&nbsp;Сондай-ақ, «Қазтелерадио» АҚ спутниктік, цифрлық және аналогтық эфирлік желілерінің техникалық құралдарында сервистерді өшіре отырып профилактикалық жұмыс жүргізетін болады.Осыған байланысты, көрсетілген уақыт кезеңінде эфирлік, кабельдік және спутниктік телерадио хабарларын тарату желілерінде теле, радиоарналарды тарату тоқтайтыны туралы хабардар етеміз.Уақытша қолайсыздықтар үшін кешірім сұраймыз.

23 желтоқсан күні телевизия мен радио уақытша жұмыс істемейді

Фото: Н.Нұржаубай<a href="https://kyzylorda-news.kz/">Kyzylorda-news.kz.</a>&nbsp; Қазақстан Республикасы бәсекелестікті қорғау және дамыту агенттігінің Қызылорда облысы бойынша департаменті Қызылорда облысының кәсіпкерлік және өнеркәсіп басқармасына қатысты тергеп-тексеру жұмыстарын жүргізді.Тергеп-тексеруге бірнеше нарық субъектілерінің келіп түскен арызына сәйкес сұйытылған мұнай газды 2023 жылдың қаңтар-мамыр айларында комиссия отырысында облыс көлемінде бөлу механизмі әділ бөлінбегендігі және әлеуметтік желілерге жарияланбайтындығы негіз болды.<blockquote>«Тергеп-тексеру Қазақстан Республикасының Кәсіпкерлік кодексінің 194-бабында көзделген мемлекеттік органдардың бәсекелестікке қарсы іс-әрекеттері (әрекетсіздігі) бойынша бұзушылық белгілерін анықтау мақсатында жүргізіліп, нәтижесінде ҚР бәсекелестікті қорғау саласындағы заңбұзушылық дерегі анықталды. Осыған орай, басқарманың лауазымды тұлғасына қатысты әкімшілік құқық бұзушылық туралы хаттама рәсімделіп, айыппұл салынды. Қазіргі таңда, айыппұл төленді. Сонымен қатар, басқармаға сұйытылған мұнай газ тауары өз өтінімдеріне сәйкес алмаған нарық субъектілеріне қажетті көлемдерін беру жұмыстарын қарастырып, қағидалар талаптарын сақтап немесе сауда қаблеттілігі ескеріліп және нарық субъектілеріне артықшылықтар көрсету жағдайлары орын алмауы туралы нұсқама жолданды», - деді Қазақстан Республикасы Бәсекелестікті қорғау және дамыту агенттігінің Қызылорда облысы бойынша департаменті тергеп-тексерулер бөлімінің бас маманы Т.Жұмамұратов.</blockquote>Басқарма тарапынан нұсқама белгіленген мерзімде орындалған.&nbsp;&nbsp;

Қызылорда облысының кәсіпкерлік және өнеркәсіп басқармасының жұмысы тексерілді 

Фото: Рустем Кожыбаев/Kazinform<a href="https://kyzylorda-news.kz/">Kyzylorda-news.kz.</a>&nbsp; Джордж Вашингтон университетінде Қазақстанның АҚШ-тағы елшілігімен бірлесіп «Орталық Азияның Арал теңізі: бүгінгі климаттық дағдарыстан сабақ» тақырыбында пікірталас өтті, деп хабарлайды <a href="https://www.inform.kz/ru/problemu-obmeleniya-aralskogo-morya-i-klimaticheskogo-krizisa-obsudili-v-vashingtone-649a79">Kazinform</a>.Жиын модераторы Себастьян Пейруз бұл тек Орталық Азия үшін ғана емес, дүниежүзілік қауымдастық үшін де&nbsp;өте маңызды тақырып екенін атап өтті, өйткені бүкіл әлемде, соның ішінде АҚШ-та су&nbsp;қоймалары құрғап жатыр.Адамзат қазірдің өзінде климат өзгерісі және жаһандық су&nbsp;тапшылығы қаупімен бетпе-бет келіп отыр.Қазақстан Республикасының АҚШ-тағы Елшілігінің елші-кеңесшісі Рауан Тілеулин Қазақстан тәуелсіздік алғаннан бері климаттың өзгеруіне және сумен байланысты проблемаларға айтарлықтай көңіл бөліп келе жатқанын атап өтті.<img class="image_resized" style="width:560px;" src="https://img.inform.kz/kazinform-photobank/media/2023-12-19/4af882fc-3a23-4b99-b8be-3345f14b165d.jpeg" alt="себастьян пейруз" loading="eager">Фото: Рустем Кожыбаев/KazinformҚазақстан Париж келісімін ратификациялап, 2060 жылға дейінгі көміртегі бейтараптығы стратегиясын қабылдады. Дубайда өткен БҰҰ-ның Климаттың өзгеруі жөніндегі конференциясында (COP 28) Қазақстан Президенті Қасым-Жомарт Тоқаев Аралды құтқару жөніндегі халықаралық қорды қолдаудың және 2026 жылы БҰҰ қамқорлығымен аймақтық климаттық саммитті өткізудің маңыздылығын айтты.Қазақстандық дипломат экологиялық проблемаларды шешу және суға қолжетімділікті жақсарту мақсатында келесі қадам ретінде Қазақстан мен Америка арасында Арал мәселесі бойынша мақсаттық топ құруды ұсынды.Мэриленд университетінің профессоры Сара Кэмерон су&nbsp;мәселесіне жаһан назарын аудару үшін Арал теңізі туралы кітаппен жұмыс істеп жатқанын айтты.<img class="image_resized" style="width:560px;" src="https://img.inform.kz/kazinform-photobank/media/2023-12-19/4d500fa6-0533-44a5-9b48-09115cc8d8b2.jpeg" alt="Сара Кэмерон " loading="eager">Фото: Рустем Кожыбаев/KazinformСарапшы АҚШ та&nbsp;Арал теңізіне ұқсас Ұлы Тұзды көл, Мид көлі және Тұзды теңіз сияқты су&nbsp;айдындарының тартылу проблемасымен бетпе-бет келіп отырғанын атап өтті.Картада анық көрсетілгендей, осындай су&nbsp;проблемалары бүкіл әлемде кездеседі.<img class="image_resized" style="width:560px;" src="https://img.inform.kz/kazinform-photobank/media/2023-12-19/75ef207f-501e-435a-aa66-baaa5190f8fe.jpeg" alt="проблемы водных ресурсов в США" loading="eager">Фото: Рустем Кожыбаев/KazinformС.Кэмерон су&nbsp;ресурстары бойынша шекаралас елдердің аймақтық ынтымақтастығы қажет екенін айтады.Сондай-ақ судың қайда кетіп жатқанын және оны қалай қалпына келтіруге болатынын түсіну үшін гидрологтар мен геологтар қажет.«Second Floor Strategies» консалтинг фирмасының президенті Уайлдер Алехандро Санчес АҚШ пен Орталық Азия арасындағы экологиялық мәселелер, су&nbsp;қауіпсіздігі және климаттың өзгеруі бойынша тұрақты өзара іс-қимыл үшін қыркүйек айында БҰҰ Бас Ассамблеясында қол қойылған Нью-Йорк декларациясы аясындағы «С5+1» жобасы бар екенін атап өтті.<img class="image_resized" style="width:560px;" src="https://img.inform.kz/kazinform-photobank/media/2023-12-19/36d32eee-d4d9-4861-b5bd-ef3094ecabac.jpeg" alt="проблему водных ресурсов обсудили в Вашингтоне" loading="eager">Фото: Рустем Кожыбаев/KazinformХалықаралық Аралды құтқару қоры атқарушы кеңесі директорының міндетін атқарушы Зәуреш Әлімбетова Орталық Азия елдері арасындағы өзара іс-қимыл алаңы қызметін атқаратын ХАҚҚ-ның құрылғанына биыл 30 жыл толатынын айтты.Халықтың тұрмысын жақсартуды көздейтін 2030 жылға дейінгі «Арал теңізі бассейнінің бағдарламасына» сәйкес Қазақстанда өңірді қалпына келтіру бағытында ауқымды жұмыс атқарылып жатыр.&nbsp;Қатысушылар су&nbsp;мәселесінің шешімін табу үшін әлем елдерін алаңдатқан су&nbsp;қоймаларының тайыздану мәселесін талқылап, әлемдік қауымдастықтың назарын аудару қажет деп санайды.

Вашингтонда Арал теңізінің мәселесі талқыланды

Фото: mentoday.ru&nbsp;<a href="https://kyzylorda-news.kz/">Kyzylorda-news.kz.</a>&nbsp; «Қазгидромет» РМК 20 желтоқсанға арналған ауа райы болжамын жариялады.&nbsp;Түнде және таңертең Қызылорда облысының басым бөлігінде көктайғақ, тұман болады деп күтіледі.&nbsp; Түнде облыстың орталығында оңтүстік-батыстан соққан желдің екпіні - 15-20 м/с. Қызылордада түнде және таңертең көктайғақ, тұман болады деп күтіледі.

20 желтоқсанға арналған ауа райы болжамы

<a href="https://kyzylorda-news.kz/">Kyzylorda-news.kz.</a>&nbsp;ҚР Премьер-министрі Әлихан Смайыловтың төрағалығымен өткен Үкімет мәжілісінде авиация саласын дамыту, стихиялық қоқыстарды жою туралы айтылды.Ведомство басшылары мен кейбір өңір әкімдері талқыланған мәселелер, алдағы міндеттер туралы хабарлама жасады.Үкімет жиынынан кейін облыс әкімі Нұрлыбек Нәлібаев арнайы мәжіліс өткізді. Алдағы жылы пайдалануға берілетін «Қорқыт ата» әуежайының жаңа терминалында халықаралық және басқа облыстарға рейстер ашылуы керектігін ескертті.<blockquote>«Жаңа терминалдың мүмкіндігін толық пайдаланып, халықаралық және басқа облыс орталықтарына қатынайтын рейстер ашуымыз керек. Әуежай өзін-өзі қамтамасыз етіп қана қоймай, жергілікті бюджетке қаржы түсіруі тиіс. Салалық министрлікпен белсенді жұмыс атқарып, еліміздің, қажет болса шетелдік әуе компанияларын тартып, рейс санын көбейту қажет. Бағасы облыс тұрғындарына қолжетімді болуы тиіс», – деді Нұрлыбек Машбекұлы.</blockquote>Ұшақтың қауіпсіз және үздіксіз ұшып-қонуын қамтамасыз ету үшін Қызылорда облысының ауыл шаруашылығы және жер қатынастары басқармасына Қызылорда қаласы және Сырдария ауданы әкімдіктерімен бірлесіп, сол маңдағы жер учаскелеріне зерделеу жұмыстарын жүргізу тапсырылды.Күн тәртібіндегі екінші мәселе бойынша елді мекендерде жергілікті тұрғындар қоқысты арнайы белгіленген жерге жеткізбей, қоршаған ортаны ластағаны айтылды. Өңірде биыл ғарыштық мониторинг нәтижесімен 74 стихиялық қоқыс орны анықталып, тазартылған. Бұл қалдықты арнайы полигондарға жеткізбеу салдарынан жиналған. Осыған байланысты, Қызылорда қаласы мен барлық аудандарда 2024 жылдың 1 сәуіріне дейін коммуналдық қалдықтарды басқару бағдарламасы әзірленіп, бекітілуі керектігі қатаң тапсырылды. Экологиялық және санитарлық талаптарға сәйкес келмейтін тұрмыстық қалдықтар полигондарын қалпына келтіріп, мемлекеттік-жекеменшік әріптестік мүмкіндігін қарастыру қажет. Мұнан бөлек, тұрмыстық қалдықтарды уақытылы әкетіп, кәдеге жарату шараларын қолға алу, медициналық және биологиялық қалдықтарды заңдылыққа сәйкес жоюды қамтамасыз ету міндеттелді.<img src="https://knadmin.beoblood.kz/uploads/411501692_661048589549722_4039128443566474024_n_eea1c2cb73.jpg" alt="411501692_661048589549722_4039128443566474024_n.jpg">

Әуе қызметтерін дамыту мәселесі талқыланды

Фото: ТЖД<a href="https://kyzylorda-news.kz/">Kyzylorda-news.kz.</a>&nbsp; Бүгін Арал ауданына қарасты Қамыстыбас ауылдық округінің тұсында Батыс Европа-Батыс Қытай жолында көлік апаты орын алды.Белгілі болғандай 3 бірдей Mercede-benz маркалы жүк көлігі мен Daewoo-nexia маркалы жеңіл автокөлігі ауа райының қолайсыздығынан жол апатына ұшырайды.Жеңіл автокөлік ішінде болған 4 адам әр түрлі жарақат алған. Осы уақытта Арал ауданына қарай бет алған Қамыстыбас станциясы құтқару бөлімшесінің бас құтқарушысы Ербол Утарбаев жұмыстан тыс уақыт болғанына қарамастан зардап шеккен жолаушыларға көмек көрсеткен.&nbsp;<blockquote>«Оқиға орнына қосымша күш келіп, құтқару бөлімшесінің медбикесі Асия Базарбаева апаттан зардап шеккен азаматтарға алғашқы медициналық көмек көрсетті. Жақын орналасқан Қамбаш елді мекеніндегі аудандық ауруханаға Қамыстыбас станциясы құтқару бөлімшесінің бас құтқарушысы Ербол Утарбаев жеке көлігімен жеткізілген. Қазіргі таңда 5 адам дәрігерлердің жіті қарауында. Ал жол көлік оқиғасынан аударылып қалған 3 бірдей Mercede- benz маркалы жүк көлігінің жүргізушілері дін аман. Көліктерін тұрғызу үшін қосымша көмек күтуде», - делінген Қызылорда облысы ТЖ департаментінің таратқан хабарламасында.&nbsp;</blockquote>&nbsp;

Арал ауданында жол апаты орын алды 

<a href="https://kyzylorda-news.kz/">Kyzylorda-news.kz.</a> Қызылордада 17 желтоқсан күні 18 жастағы қала тұрғыны Айтөреева Дариға Рауанқызы үйінен белгісіз бағытқа шығып кетіп, қайта оралмаған.&nbsp;Ерекше белгілері: Бойы: 1,50 - 1,55 см, орта денелі, көзі қоңыр түсті, шашы қара түсті. Киімдері: қоңыр түсті күртеше, қара түсті шалбар, аяғына қоңыр түсті аяқ киім киген.<blockquote>«Аталған хабарлама бойынша қандай да бір ақпарат немесе жүрген жері туралы мәлімет білген жағдайда төменде көрсетілген телефон нөмірлеріне хабар берулеріңізді сұраймыз. Тел: 8(7242)-29-75-20 немесе 102 арнасына қоңырау соғуларыңызды сұраймыз», - делінген Қызылорда қаласы полиция басқармасының хабарламасында.&nbsp;</blockquote>

Қызылордада 18 жастағы бойжеткенге іздеу жарияланды 

Фото: НЗМ<a href="https://kyzylorda-news.kz/">Kyzylorda-news.kz.</a>&nbsp; Астанада өткен «INFORMATICS-ASIA» халықаралық компьютерлік жобалар байқауының қорытындысы бойынша Қызылорда қаласындағы Зияткерлік мектеп оқушылары екі жоба ұсынып, үздік атанды.Ақпараттық технологиялар саласын дамыту және дарынды оқушылардың үздік жобаларына қолдау көрсету мақсатында ұйымдастырылған әлемдік додаға 184 жоба ұсынылды. Сыр өңіріндегі Зияткерлік мектеп атынан қатысқан Жұлдызай Мұңайтбасова, Раушан Тұрғанбай мен Арайлым Әшірмет үй жағдайында жүрек ақауын анықтайтын электрокардиограф және саусақ ізі арқылы адам денсаулығы туралы ақпарат беретін өнертабыстарын таныстырды. Екі жоба да қазылар тарапынан жоғары баға алып, үздік деп танылды. Ал авторлары алтын медальдармен және Алматы Энергетика және байланыс университетінің толық грантымен марапатталды. Сонымен қатар, Арайлым Әшірметке Сүлейман Демирель атындағы университетде білім алуға 50 пайыз жеңілдік табысталды.

Қызылордалық зияткерлер халықаралық байқауда бірінші орын иеленді

Фото: «ҚазАвтоЖол» АҚ Қызылорда облысы бойынша филиалы<a href="https://kyzylorda-news.kz/">Kyzylorda-news.kz.</a>&nbsp; Қызылорда облысына қарасты Арал қаласы мен Қазалы ауданының аралығында жол жабық. Бұл туралы «ҚазАвтоЖол» АҚ Қызылорда облысы бойынша филиалы хабарлады.<blockquote>«19 желтоқсаннан бастап Қызылорда облысы ауа-райының қолайсыздығына байланысты (тайғақ) республикалық маңызы бар М-32 «Самара-Шымкент» автомобиль жолының 1361-1474 шақырым аралығына (Арал ауданы орталығынан, Қазалы ауданына дейін) барлық көліктердің қозғалысына шектеу қойылды», - делінген хабарламада.</blockquote> &nbsp; &nbsp;

Арал мен Қазалы аудандарында жол жабық 

<a href="https://kyzylorda-news.kz/">Kyzylorda-news.kz.</a>&nbsp; Қызылорда облысында тұрғындарды жұмысқа орналастырып беремін деп алдаған күдікті ұсталды.&nbsp;18 желтоқсан күні Қызылорда облысы Арал ауданының екі тұрғыны алаяқтың құрбаны болғаны жөнінде полиция бөліміне арызданған. Олардың айтуынша, өткен жылдың желтоқсан айында белгісіз азамат олардың сеніміне кіріп, жұмысқа тұрғызып беремін деп 1 млн теңге көлемінде ақшаны алдап алған. Бірақ осы күнге дейін уәдесін орындамаған азамат алған ақшасын да қайтармаған.&nbsp;Жедел-іздестіру шаралары нәтижесінде полиция қызметкерлері күдіктіні анықтап, қолға түсірді. Ол 34 жастағы Қызылорда қаласының тұрғыны болып шықты. Күдікті қалалық ПБ УҰИ-ға қамауға алынды.&nbsp;Қазіргі таңда аталған дерек бойынша Қазақстан Республикасы Қылмыстық кодексінің 190-бабының 1-бөлігімен сотқа дейінгі тергеп-тексеру әрекеттері жүргізіліп жатыр.&nbsp;

Қызылордада тұрғындарды жұмысқа орналастырып беремін деп алдаған күдікті ұсталды 

Фото: Қызылорда қаласы әкімінің баспасөз қызметі<a href="https://kyzylorda-news.kz/">Kyzylorda-news.kz.</a> &nbsp;Түрік-неміс компаниясы қала әкімдігімен әріптестік қатынас орнатуға ниетті. Бүгін «Торкам» холдингтің өкілдері шаһар басшысы Асылбек Шаменовпен кездесті.Кездесуде холдингтің директоры Дурмаз Адил Қызылорда қаласында арендалық тұрғын үйлер мен әлеуметтік нысандар салуға мүдделі екендігін жеткізді. Бұл компанияның Түркия, Германия, Нидерланды, Болгария, Алжир, Люксембург және Конго Демократиялық Республикасында шамамен 5000 адамнан тұратын командасы бар. Құрылыс саласында күрделі жобаларды жүзеге асыруда.Әлеуеті зор холдингтің ұсыныстарына қала әкімдігі тарапынан қолдау жасалады. Салынатын үйлер мен әлеуметтік нысандарға жер бөлініп, қажетті инфрақұрылым жеткізіледі. Ең басты талап – құрылыс жұмыстарына жергілікті тұрғындар тартылуы керек деді шаһар басшысы Асылбек Өмірбекұлы. Әзірге ұсынылған жоба мамандармен жан-жақты зерттеледі.<img src="https://knadmin.beoblood.kz/uploads/411221758_3501807463419320_4082554625872387029_n_13a7ba4ead.jpg" alt="411221758_3501807463419320_4082554625872387029_n.jpg">

Қазақстан және Қызылорда облысының жаңалықтары