<a href="https://kyzylorda-news.kz/">Kyzylorda-news.kz.</a> Мемлекет басшысы Қасым-Жомарт Тоқаев танымал журналист Нұрмұхамед Байғараевты өзінің баспасөз хатшысы етіп тағайындады.Нұрмұхамед Байғараев «Болашақ» бағдарламасы арқылы 2017 жылы Ұлыбританияда білім алған.Бірқатар баспасөз басылымы мен электронды БАҚ-та жұмыс істеген, «Айқын» газетінің бас редакторы, «Егемен Қазақстан» басылымында бас редактордың орынбасары қызметін атқарған. Әр түрлі жылдары «Хабар», «Qazaqstan» телеарналарында продюсер, сценарист және жүргізуші ретінде еңбек етті.Осы тағайындауға дейін Тоқаевтың баспасөз хатшысының орынбасары болған.Бұған дейін Президенттің баспасөз хатшысы қызметін Руслан Желдібай атқарған еді. Жуырда ол Тоқаевтың ішкі саясат мәселелері және коммуникациялар жөніндегі көмекшісі қызметіне тағайындалды.<a href="https://sputnik.kz/20230906/tanymal-zhurnalist-toqaevtyn-baspasoz-khatshysy-boldy-38246884.html">sputnik.kz</a>

Қасым-Жомарт Тоқаевтың баспасөз хатшысы тағайындалды

<a href="https://kyzylorda-news.kz/">Kyzylorda-news.kz.</a> Осы жылдың маусым айынан бастап республика көлемінде «Қарасора-2023» арнайы жедел профилактикалық іс-шарасы өткізілуде. Бұл қазан айының 31 жұлдызына дейін жалғасады. Аймақтағы ахуалы жайында Қызылорда облысы полиция департаментінің Есірткі қылмысына қарсы іс-қимыл басқармасы бастығының орынбасары Ардақ Дуненов тарқатты.<blockquote>«Қызылорда облысының Полиция департаментінен іс-шараны жүргізуге барлығы 212 қызметкер, 21 автокөлік техникасы, 1 дрон және жергілікті әкімдіктен 6 дрон аппараты жұмылдырылды. ҚР ІІМ Ұлттық Ұланынан 20 сарбаз, 5 автокөлік бөлінді, сондай-ақ әуеден шолу жүргізу үшін әскери тік ұшақ жұмылдырылды. Мониторинг барысында барлығы 6 есірткіні аса ірі мөлшерде сақтау, 2 &nbsp;есірткі өткізу және 55 есірткі өсіру деректері анықталды. Заңсыз айналымнан жалпы салмағы 1 тонна 890 кг есірткі заты алынды», - деді Ардақ Әбішұлы.</blockquote>Айта кету керек, іс-шараның мақсаты есірткіге еліткендерді анықтау, құрамында есірткісі бар өсімдіктерді өсіп-баптауының алдын алу, героин трафигін жою. Сонымен қатар, жаңа түрлерін таратумен айналысатын ұйымдасқан қылмыстық топтардың қызметіне тосқауыл қоюға бағытталған.

«Қарасора-2023» жедел профилактикалық іс-шарасы өткізілуде

<a href="https://kyzylorda-news.kz/">Kyzylorda-news.kz.</a> Бүгін облыс әкімі Нұрлыбек Нәлібаев Байқоңыр қаласының басшысы Константин Бусыгинмен кездесті.Аймақ басшысы қала нысандарын жалға алуда Қазақстан мен Ресей арасында ынтымақтастық орнатылғанын атап өтті.<blockquote>«Қазақстандық тараптың қаланы күтіп-ұстауға және дамытуға қатысуы артып келеді. Жаңа көппәтерлі тұрғын үйлер салу жалғасып, инженерлік желілер қайта жаңартылуда. Байқоңыр қаласын дамытудың ұзақмерзімді бағдарламасы бірлесіп іске асырылуда. Қаланы дамыту мәселелері менің жеке бақылауымда. Бүгін Астана қаласында "Байқоңыр" кешені бойынша үкіметаралық комиссия жұмысына кірісті. Комиссия жұмысы қаланың одан әрі дамуына оң әсерін тигізетініне сенімдімін», - деді Нұрлыбек Машбекұлы.</blockquote>Өз кезегінде, Байқоңыр қаласының басшысы облыс әкіміне қолдау көрсеткені үшін алғыс айтып, алдағы уақытта да бірлесіп жұмыс жасауға ниет білдірді.Кездесуде жылу беру маусымында тіршілікті қамтамасыз ететін Байқоңырдағы нысандар жұмысы туралы айтылды.Байқоңыр қаласы әкімшілігі мен Қазақстан Республикасының субъектілері арасында әлеуметтік бағамен бөлінетін мазутты «Байқоңырэнерго» кәсіпорнына қажетті көлемде жеткізу мәселесі де талқыланды. Бүгінде бұл мәселені облыс әкімдігі және ҚР Энергетика министрлігі пысықтады. Қазір министрлік Байқоңыр қаласының қажеттіліктерін ескере отырып, облыс үшін мазут жеткізу көлемін ұлғайтатынын хабарлауда.

Нұрлыбек Нәлібаев: Байқоңыр қаласын дамыту мәселелері жеке бақылауымда

<a href="https://kyzylorda-news.kz/">Kyzylorda-news.kz.</a> Жатақханадан орын жетпеген студенттерге пәтер жалдауға субсидия берілмейді. Бұл туралы ҚР Ғылым және жоғары білім министрлігі Жоғары және жоғары оқу орнынан кейінгі білім комитеті төрағасының орынбасары Ақерке Абылайхан айтты, деп хабарлайды <a href="https://www.inform.kz/kz/zhatakhana-salgandarga-memlekettik-koldau-korsetiledi-ministrlik_a4108735">ҚазАқпарат</a>.Орталық коммуникациялар қызметінде тілшілер жатақханаға орналасудың орнына пәтер жалдауға субсидия беріле ме деген сұрақ қойды. Министрліктің өкілі Ақерке Абылайхан мұндай жоспар жоқ. деп жауап берді.<blockquote>«Шынында да, студенттер қазір жатақханаларға орналасып жатыр. Университеттер қонақүйлер мен жатақхана иелерімен келісімшарт жасасуда. Мұндағы бірінші талап – жатақханаларда тек студент жастар тұруы керек. Бұл жатақханаларда тұру құны 30-60 мың теңге аралығында. Әрине, арзан емес. Бірақ пәтер жалдауға қарағанда қолайлы», - деді Ақерке Абылайхан.</blockquote>Сондай-ақ, министрлік өкілі мемлекет ғимаратты салу және қайта құру бойынша бизнес өкілдерін қолдау шаралары қолға алынғанын жеткізді.<blockquote>«Оларға шынымен де мемлекеттік қолдау қарастырылған. Өңірлерде жатақхана салу кезінде 6 жыл бойы әрбір бала үшін 150 АЕК (517 мың теңге) мөлшерінде мемлекеттік тапсырыс өтелетін болады. Алматыда бұл сома 230 АЕК-ті (793 мың теңге) құрайды. Жатақхана ғимаратын қайта жаңартуға да қолдау қарастырылған: өңірлерде – 47 АЕК (162150 теңге), Алматы, Астана қалалары үшін – 92 АЕК (317400 теңге)», - деп толықтырды ол.</blockquote>Бұған дейін Ақерке Абылайхан ақылы түрде оқитын студенттердің жатақханадан орын алуға толық құқылы екенін айтқан еді.

Жатақхана салғандарға мемлекеттік қолдау көрсетіледі – министрлік

<a href="https://kyzylorda-news.kz/">Kyzylorda-news.kz.</a> Бүгін облыс әкімі Нұрлыбек Нәлібаев «Gepetto» компаниясының басшысы Цзэн Биньмен кездесіп, Сыр өңірінде мұнай өндіру перспективаларын талқылады.&nbsp;Кездесуде суланған және сарқылған ұңғымаларда мұнай өндіру көлемін 20 пайызға дейін арттыру үшін жаңа технологияларды енгізу мәселелері, компанияның аймақтағы қызметі пысықталды.&nbsp;Облыс әкімі өңірде өндіріске инновациялық технологияларды пайдалануға қолдау көрсетуге әзір екенін жеткізді.Өз кезегінде «Gepetto» компаниясының басшысы жоғары технологиялық әдістер арқылы Оңтүстік Торғай бассейнінің сарқылған кен орындарында мұнай өндіру көлемін ұлғайтуды көздейтінін айтты. Айта кетейік, компания Сыр өңірінде мұнай және газ кен орындарында қолданылатын химиялық реагенттер зауытын салуды жоспарлауда. Ортақ жобаларды іске асырудың алғашқы кезеңінде өңірде 100-ге жуық жаңа жұмыс орны құрылмақ.Еске салсақ, «Gepetto» мұнай технологиялары корпорациясы» АҚ – мұнай және газ кен орындарының дебитін ұлғайту технологияларын әзірлеуге маманданған кәсіпорын. Қытайда мұнай мен газ өндіруге технологиялық қызмет көрсететін ең тиімді компания саналады. Сондай-ақ, жоғары бәсекеге қабілеттілігімен ерекшеленетін мемлекеттік деңгейдегі жоғары технологиялық кәсіпорын. Жақында «Gepetto» компаниясының өкілдігі Қызылорда қаласында ашылды.&nbsp;

Аймақ басшысы «Gepetto» мұнай компаниясының өкілдерімен кездесті

<a href="https://kyzylorda-news.kz/">Kyzylorda-news.kz.</a> Отандық құрылыс материалдары, жабдықтар мен жиһаз өнімдерін өндірушілер «Жайлы мектеп» Ұлттық жобасына қатысу үшін ҚР Өнеркәсіп және құрылыс министрлігінің дерекқорына және ҚазҚСҒЗИ сметалық бағалар жинағына қосылуы қажет. «Атамекен» Ұлттық кәсіпкерлер палатасы сәулет, қала құрылысы және құрылыс саласындағы сметалық-нормативтік базаны өзектендіру бойынша жұмыс жүргізіліп жатқанын хабарлайды.«Жайлы мектеп» білім беру саласындағы пилоттық ұлттық жобаны іске асыру бойынша ағымдағы жұмыстар шеңберінде 2024 жылы 208 мектеп салу жоспарланған. 182 жайлы мектеп бойынша мердігерлермен (консорциум жетекшілерімен) EPC-келісімшарттарға қол қойылды.Бұл ретте, «Жайлы мектеп» ұлттық жобасын іске асыру шеңберінде бас мердігерлерге құрылыс материалдары, жиһаз бен жабдықтарды жеткізетін компанияларды таңдау мүмкіндігі берілді.«Жайлы мектеп» ұлттық жобасының қолданыстағы шарттарына сәйкес: мектептерді жобалау процесінде Қазақстанда жасалған құрылыс материалдары, бұйымдар, конструкциялар мен жабдықтарды таңдау кезінде жобалаушылар мына дерек көздерін басшылыққа алуы қажет:Тауарлар, жұмыстар, көрсетілетін қызметтердің және оларды жеткізушілердің дерекқоры. Бұл дерекқор ҚР Индустрия және инфрақұрылымдық даму министрінің м. а. 2022 жылғы 26 мамырдағы № 286 бұйрығымен бекітілген. Қазақстан Республикасының аумағында жұмыс істейтін сәулет, қала құрылысы және құрылыс саласындағы сметалық-нормативтік база. &nbsp;Жоғарыдағы мәліметтерді ескере отырып, «Жайлы мектеп» ұлттық жобасына қатысуға мүдделі кәсіпкерлер өндірілетін жиһаз өнімдері, құрылыс материалдары мен жабдықтардың бағасын қосу керек немесе ҚазҚСҒЗИ сметалық баға жинақтарының жобаларындағы ағымдағы бағаларды қайта тексеруі қажет.Құрылыс материалдары, бұйымдары, конструкциялары мен инженерлік жабдықтарын Қазақстан Республикасының сметалық-нормативтік базасына енгізу үшін құжаттарды ұсыну тәртібі мына сілтеме бойынша көрсетілген.«ҚазҚСҒЗИ» АҚ сметалық бағалар жинағына ақпарат беру кезінде қиындықтар туындаған жағдайда, сондай-ақ қосымша сұрақтар болса, ҰКП өңдеу өнеркәсібі департаменті директорының орынбасары Арнұр Дарбаевқа хабарласуды сұраймыз: 8 (7172) 919329, 87015081358, a.darbayev@atameken.kz.

«Жайлы мектеп» ұлттық жобасына қатысушылар нені білу қажет?

<a href="https://kyzylorda-news.kz/">Kyzylorda-news.kz.</a> Шиелі ауданының әкімі Нұржан Ахатов «Әшірбеков» шаруа қожалығының &nbsp;еңбеккерлерімен кездесіп, шаруашылықтың егін жинау науқанына &nbsp;дайындық жұмысымен танысты.&nbsp;Аудан басшысы еңбеккерлермен сөйлесіп, науқан алдындағы көңіл-күйін білді. Егін жинау науқаны басталғанда &nbsp;жиын-терімді ысырапсыз жинап алуға &nbsp;тілектестік &nbsp;білдірді. Ал, шаруашылық төрағасы атқарылып жатқан жұмыстарды толығымен баяндап, алдағы жоспарлармен бөлісті.

Нұржан Ахатов еңбеккерлермен кездесті

<a href="https://kyzylorda-news.kz/">Kyzylorda-news.kz.</a> ҚР Премьер-министрі Әлихан Смайыловтың төрағалығымен өткен Үкімет отырысында Мемлекет басшысының «Әділетті Қазақстанның экономикалық бағдары» Жолдауында жүктелген тапсырмаларды орындау мәселесі қаралып, Жалпыұлттық іс-шаралар жоспарының жобасы мақұлданды. Үкімет басшысы &nbsp;қойылған міндеттерге жеке-жеке тоқталып, ведомство басшылары мен өңір әкімдеріне бірқатар тапсырма берді.Жиынан соң облыс әкімі Нұрлыбек Нәлібаев Үкімет басшысының тапсырмаларын орындау жөнінде мәжіліс өткізіп, Жалпыұлттық іс-шаралар жоспарының өңірде тиімді жүзеге асырылуын қамтамасыз ету үшін Өңірлік іс-шаралар жоспарын қабылдау қажеттігін атап көрсетті.<blockquote>«Президент өз Жолдауында экономика саласындағы реформалардың негізгі бағыттарын, яғни, макроэкономикалық саясатты қайта жаңғыртудың шараларын айқындады. Бүгінде өңір экономикасы қалыпты даму сатысында. Биылғы &nbsp;7 айда облыстың экономикалық дамуында негізгі макрокөрсеткіштер бойынша оң тенденция бар. Инвестициялар тарту, құрылыс жұмыстары, оның ішінде пайдалануға берілген тұрғын үйлер көлемі, ауыл шаруашылығының жалпы өнімі, сауда көлемінің өсімі қамтамасыз етілді. Халықтың өмір сүру сапасын жақсартуға қажетті инфрақұрылымдарды жаңғырту жұмыстарын кезең-кезеңімен атқарудамыз», – деді аймақ басшысы.</blockquote>Мәжілісте өнеркәсіп секторын, оның ішінде өңдеу өнеркәсібін дамыту, егіс алқаптарын әртараптандыру, инфрақұрылым желілерін жаңғырту және нормативтік жағдайдағы жолдар үлесін 87 пайызға жеткізу, дарынды жастарды қолдау және креативті индустрияны дамыту бойынша тапсырмалар берілді. Ел Президенті кретивті индустрия орталықтарын құру барысында өңірлер назардан тыс қалғанын қаперге салды. Облыстық мәдениет және спорт басқармасы кәсіпкерлік және өнеркәсіп басқармасымен бірлесіп, бір апта ішінде Қызылорда қаласында креативті индустрия орталығын ашу бойынша ұсыныс енгізуі керек.Мемлекет басшысы Жолдауда «бюджетті басқарудан» «нәтижені басқару» тәсіліне көшу арқылы жүйені реформалауды тапсырды. Сондықтан бағдарлама әкімшілеріне «нәтижеге бағытталған бюджет» шеңберінде үш жылдық орта мерзімді кезеңде бюджет қаржысын тиімді жоспарлау және игеру бойынша Жол картасын әзірлеу міндеті жүктелді.&nbsp;

Қызылордада Жолдауда жүктелген тапсырмаларды орындау мәселесі талқыланды

<a href="https://kyzylorda-news.kz/">Kyzylorda-news.kz.</a> Қызылорда қаласы Х.Бектұрғанов көшесі №11 мекенжайда фастфуд асханасы жанып жатқаны жөнінде «112» желісіне хабарлама түсті.&nbsp;Аталған шақыртуға орай №2 мамандандырылған өрт сөндіру бөлімі мен қосымша күш ретінде №7, №6 өрт сөндіру бөлімдерінен 3 техника 27 қызметкер жұмылдырылды.&nbsp;<blockquote>«Оқиға орнына бірінші жеткен өрт сөндірушілердің барлау жұмыстарының нәтижесінде аталмыш асхананың ауданы 1,5х5 метр болатын шатыры жануда және Х. Бектұрғанов көшесі №11 бес қабатты тұрғын үйдің екінші қабатында орналасқан №87 пәтердің балконына өрт таралып жатқаны анықталды. Өрт сөндірушілердің біріккен, жедел іс-қимылы мен кәсіби біліктілігінің нәтижесінде тілсіз жаудың пәтер ішіне таралуына жол берілмеді. Өрт салдарынан жарақат алғандар мен қаза болғандар жоқ. Шығу себебі мен шығыны анықталуда», - делінген хабарламада.</blockquote>

Қызылордада асхана өртенді

<a href="https://kyzylorda-news.kz/">Kyzylorda-news.kz.</a> Егер атом электр станцияларын салу бойынша референдумды биыл өткізу туралы шешім қабылданса, Орталық сайлау комиссиясы мұны өткізуге дайын, деп хабарлайды <a href="https://stan.kz/aes-salu-boyinsha-referendumdi-biil-otkize-alamiz---ort-387750/">Stan.kz</a>.&nbsp;Мұны Мәжіліс кулуарларында ОСК мүшесі Шавкат Өтемісов мәлімдеді.Өтемісовтың айтуынша, Орталық сайлау комиссиясы дайындық жұмыстарын жүргізуде.<blockquote>«Барлық қажетті жұмыстар – дайындық, соның ішінде сайлаушылар тізімін жасау және аумақтық сайлау комиссиялары жүргізуі тиіс нәрселер жоспарлы режимде жүріп жатыр», – деді ОСК мүшесі.</blockquote>Алайда Орталық сайлау комиссиясында референдум өткізу мерзімі туралы нақты ақпарат жоқ.&nbsp;

АЭС салу бойынша референдумды биыл өткізе аламыз - Орталық сайлау комиссиясы

<a href="https://kyzylorda-news.kz/">Kyzylorda-news.kz.</a> Болжам бойынша, 7-9 қыркүйек &nbsp;күндері еліміздің басым бөлігінде найзағай ойнап, екпінді жел соғатын жаңбырлы ауа райы сақталады, деп хабарлайды Қазгидромет.8-9 қыркүйекте солтүстік-батыста, 9 қыркүйекте республиканың солтүстігінде қатты жаңбыр жауады, Қазақстанның оңтүстік-шығысындағы таулы аймақтарда жаңбыр, түнде көктайғақ түріндегі жауын-шашын күтіледі.Республиканың солтүстігінде, шығысында, орталығында ауа температурасы күндіз 18-25 градус Цельсийге дейін көтеріледі. Ал Қазақстанның батысында, солтүстік-батысында 13-23 градусқа дейін төмендейді. Республиканың оңтүстігінде, оңтүстік-шығысында негізгі температура 22-30 градусқа дейін жылынады.

Алдағы күндерге арналған ауа райы болжамы

<a href="https://kyzylorda-news.kz/">Kyzylorda-news.kz.</a> Тамшыдан теңіз құралғандай, ел болып мұқтаж жанға көмектесу арқылы халық бір-бірін демеп келеді. Сүрінгенге сүйеу болып, әртүрлі бағытта бұқара көмектесуде. Аймағымызда әлеуметтік аз қамтылған, осал топтарға, ерекше жандарға, қарттарға, көпбалалы отбасыларға қайырылымдық қорлар қол ұшын созуда. Бүгін 5 қыркүйек – халықаралық қайырылымдылық күні. Осы орайда, Өңірлік коммуникациялар қызметінің баспасөз алаңында облыстың үздік қайырымдылық қорлары игі істерімен бөлісті.<blockquote>«Бірнеше жылдан бері қайырылымдық іспен айналысып келеміз. Өзіміздің жылдағы дәстүрлі іс-шаралардан бөлек, бірнеше жобаларды қолға алдық. Жақында ғана «Мектепке жол» акциясы аясында 2 мың балаға сөмке таратылды. Одан бөлек, 50-ге жуық бала киіммен қамтамасыз етілсе, 30 балаға қаржылай қолдау көрсетілді. Сондай-ақ, кәсіпкерлердің демеушілігімен әлеуметтік осал топтарды баспанамен қамтамасыз етуді көздеп отырмыз. Жетімді жылатпаған қазақпыз ғой. Оларды да ешқашан назардан тыс қалдырмаймыз. Бұған қоса, білімге құштар балаларды демеп, ағылшын тілінен тегін курстар сыйладық. Әрі қарай да шама-шарқымыз келгенше қолдау көрсетуден шаршамаймыз», - деді ҚМДБ-ның «Зекет және қайырымдылық» қорының Қызылорда облысы бойынша өкілі Оңталап Тасболатұлы.</blockquote><blockquote>«Біз бұған дейін аз қамтылған отбасыларды әлеуметтік жағынан қолдау көрсетіп келдік. Қазіргі таңда, «Кемел болашақ» мақсатында көпбалалы отбасыдан шыққан балалардың тегін білім алуына мүмкіндіктер қарастырып жатырмыз. Елдің болашағына көңіл бөлгенді дұрыс деп санаймыз. Бұл тек баланың болашағына ғана емес, ата-аналарға да үлкен қолдау болары сөзсіз. Себебі көпбаланы асырап отырғандардың үйден гөрі түзде тіршілігі көп. Сондықтан мұндай көмектің бар қазаққа берері мол деп есептейміз. Ең алдымен, 3 оқушыны тегін ҰБТ-ға дайындап бастадық. Оның екеуі мемлекеттік грантты иеленді. Биыл 23 баланы дайындап, оның 22-сі жоғары оқу орынға тегін түсті. Мұның барлығы көпбалалы отбасынан шыққан оқушылар. Міне, бұл оқушылар болашақта еліне қамқор болатын азамат болатынына сенеміз. Алдағы уақытта оқушылардың санын 80-ге көбейту жоспарда бар. Әрине, кәсіпкерлер бұл бағытта қолдау көрсете бермейді. Себебі нәтижесі бірден келмейді. Білімге қайырымдылық жасаған дұрыс», - деді «Ел-арай» қоғамдық қорының жетекшісі Асхат Нұралыұлы</blockquote>

Қазақстан және Қызылорда облысының жаңалықтары