<a href="https://kyzylorda-news.kz/">Kyzylorda-news.kz.</a> Қызылорда облыстық қоғамдық &nbsp;даму басқармасы мен “Асыл мұра - Орда” қоғамдық бірлестігінің ұйымдастыруымен Жаңақорған ауданына қарасты “Талдысу” жазғы тынығу лагерінде “Әділетті Қазақстанның” қалыптасуындағы азаматтық қоғам бастамасының дамуы” атты ІХ Азаматтық форумның облыстық кезеңі өткізілді. Таза ауа, әсем табиғат аясында өткен форум бұрынғыдан өзгерек.&nbsp;Қатысушы үкіметтік емес сектор және мемлекеттік органдардың кызметкерлері ашық аспан астында еркін форматта азаматтық қоғамды дамытудың бірқатар өзекті мәселесін талқылады. Жиынды “Қызылорда облысының Үкіметтік емес ұйымдарының Альянсы Ассоциациясының” заңды тұлғалар бірлестігінің төрайымы Анар Жарылқасынқызы жүргізді.&nbsp;Форумның алғашқы ашылу сөзін облыстық қоғамдық даму басқармасының басшысы Алмасбек Әбілқасымұлы &nbsp;бастап, “үшінші секторға” мемлекеттен көрсетіліп жатқан қолдаулар, облысқа қарасты аудандар мен қала орталығындағы даму лебі туралы атап өтті.&nbsp;Басқарма басшысы бұл бастаманың болашақта да өз жалғасын тауып, сапалы жұмыс көрсететінін де тілге тиек етті. Қоғам мен мемлекеттің тұрақты дамуы мүддесіндегі қолданбалы идеялар мен бастамаларды көтеріп, азаматтық белсенділермен бірлескен жұмыс жоспарын талқылауды мақсат еткен бұл форумда қатысушылар тәжірибе алмасып, түрлі ұсыныс-пікірлер айтылды.

Қызылордада ІХ азаматтық форумның облыстық кезеңі өтті

<a href="https://kyzylorda-news.kz/">Kyzylorda-news.kz.</a> Облыс әкімі Нұрлыбек Нәлібаев «AMANAT» партиясы Қызылорда облыстық филиалының төрағасы Наурызбай Байқадамовпен бірге кезектілік тәртібімен жазылған азаматтарды қабылдап, оларды толғандырған мәселелерін, ұсыныс-пікірлерін тыңдады. Бүгінгі жеке қабылдауға 8 адам келді.Тұрғындардың басым бөлігі тұрғын үй алу, жөндеу және инфрақұрылым тарту мәселелерін көтерді.&nbsp;Аймақ басшысы азаматтар көтерген түйткілді мәселелерді тиісті мамандар жіті зерттейтінін, шешімі заң талаптарына сәйкес қарастырылатынын жеткізді. Кейбір сұрақтар бойынша жауапты тұлғалар сол жерде заң аясында түсіндірме беріп, шешу жолдарын ұсынды.Қабылдауда 53 жастағы азамат Қызылорда қаласындағы К.Нұрекешов көшесіне ауыз су мен электр жарығын тартуды сұрады. Бұл көшедегі жұмыстар алдағы жылға жоспарланды. Алдымен инфрақұрылым желілерін жүргізуге жобалық құжаттама әзірленіп, қаржысы бөлінеді.Мұнан бөлек, Нұрлыбек Машбекұлы арендалық үйіне жөндеу жүргізу, баспанасын апатты жағдайда деп тану және кәріз жүйесін қалпына келтіру жөнінде өтініш айтып келген тұрғындардың мәселелерін зерттеп тексеруді қала әкіміне тапсырды.Айта кетейік, тұрғындар облыс әкімінің қабылдауына egov.порталы, е-otinish бірыңғай базасы немесе әкімдікке келіп жазбаша өтініш тастау арқылы жазыла алады.

Облыс әкімі тұрғындардың жеке мәселелерін тыңдады

<a href="https://kyzylorda-news.kz/">Kyzylorda-news.kz.</a> Облыстағы 230 ауылдың 198-і немесе тұрғындардың 98,1 пайызы орталықтандырылған ауыз су жүйесіне қосылған. Қалған 32 ауылда 8 мыңнан астам адам, яғни ауыл халқының 2 пайызы қоныстанған.Мемлекет басшысы 2021 жылғы Жолдауында Үкіметке алдағы бес жылда халықты 100 пайыз таза ауыз сумен қамтамасыз етуді тапсырғаны белгілі. Осыған орай жоғарыда аталған 32 елді мекенге қатысты кезеңдік жоспар жасалып, жұмыстар жүргізілуде. Оның ішінде, Экология және табиғи ресурстар министрлігі арқылы 3 елді мекенге (Арал ауданындағы Ақбасты, Абай, Тоқабай), Индустрия және инфрақұрылымдық даму министрлігі арқылы 5 елді мекенге (Арал ауданындағы &nbsp;Көктем, Ерімбетжаға, Қазалы ауданындағы &nbsp;Шәкен, Шиелі ауданындағы Қызылқайың, Қосүйенкі) су желісі тартылады. Жергілікті бюджеттен 24 елді мекенге (Арал ауданындағы Жіңішкеқұм, Мойнақ, Құланды, Тастүбек, Күршек, Сазды, Қазалы ауданындағы Қожақазған, Мәдениет, Тапа, Ажар, Бірлік, 101 разъезд, 102 разъезд, Сарбұлақ, Жұбан, Шилі, Шөлқұм, Қармақшы ауданындағы Ордазы, Сарытоғай, Кекірелі, Шобанқазған, Шиелі ауданындағы Лесхоз, Жуантөбе, Ақтам) су тұщытқыш қондырғылар орнату жоспарлануда.Айта кетейік, биыл сумен қамту және суды бұру саласындағы 23 жобаға 7,2 млрд.теңге қаржы бөлінді. Нәтижесінде 83,7 шақырым ауыз су, 6,9 шақырым кәріз жүйесі мен 12 дана КНС жаңғырылып, 7 ұңғыма пайдалануға беріледі.

Қызылордалықтардың 98,1 пайызы таза ауыз су тұтынады

<a href="https://kyzylorda-news.kz/">Kyzylorda-news.kz.</a> Қазіргі күні аудандағы магистральдық жоғары қысымды газ құбырын жөндеу профилактикалық жұмыстары барысында пайда болған техникалық ақауларға байланысты жөндеу жұмыстары қарқынды жүріп жатыр.&nbsp;Бүгін көгілдір отынның аудан тұрғындары үшін аса маңызды екенін қаперде ұстаған аудан әкімі Мұхтар Оразбаев жөндеу жұмыстарының басына арнайы барып, барлығын көзбен көріп қайтты.&nbsp;«ҚазТрансГазАймақ» АҚ Қызылорда өндірістік филиалының Қазалы ауданы бойынша газ шаруашылығының директоры Қуаныш Сансызбаев қосымша техника алдырылғанын баяндап, жұмыс одан әрі жанданатынын айтып өтті. Қазір мұнда екі компрессор іске қосылып, азот қышқылы жіберілуде.&nbsp;Өндірістік филиал мамандарымен кездескен аудан басшысы жұмысты жеделдете отырып, тез арада ел игілігіне беруді тапсырды.&nbsp; Сонымен қатар, аудандық тұрғын үй-коммуналдық шаруашылығы, жолаушылар көлігі және автомобиль жолдары бөлімінің басшысы Мұрат Әбсұлтанов пен &nbsp;“ҚазТрансГазАймақ” АҚ Қызылорда өндірістік филиалының Қазалы ауданы бойынша газ шаруашылығының директоры Қуаныш Сансызбаевқа жөндеу жұмыстары аяқталамын дегенше күндіз-түні жұмыстың басында болып, жағдайды баяндап отыруды жүктеді.&nbsp;

Мұхтар Оразбаев: Газ құбырындағы профилактикалық жұмыстарды жеделдету қажет

<a href="https://kyzylorda-news.kz/">Kyzylorda-news.kz.</a> Шиелі ауданың әкімі Нұржан Ахатовтың қатысуымен Мемлекет және қоғам қайраткері Қонысбек Қазантаевтың 100 жылдығына арналған «Парасаты мен саясаты сай тұлға» атты танымдық конференция өтті.&nbsp;Конференцияға &nbsp;мемлекет және қоғам қайраткері «Парасат» және «Құрмет» орденінің иегері &nbsp;Мұрат Бақтиярұлы, облыстық ардагерлер кеңесінің төрағасы Серік Дүйсенбаев, Сырдария ауданының құрметті азаматы, «Құрмет» орденінің иегері Қонысбек Төрешұлының перзенті Ғанибек &nbsp;Қазантаев және &nbsp;ауданның зиялы қауым өкілдері &nbsp;қатысты.&nbsp;Конференцияны аудан әкімі Нұржан Ахатов жүргізіп отырды.&nbsp;Конференцияда &nbsp;Қонысбек Қазантаевтың өнегелі өмірі, Сыр өңірінің дамуы мен өркендеуі жолында жасаған &nbsp;істері, елімізді қалыптастыру жолында жасаған жұмыстары, адами қасиеттері мен жұмысты жоғары деңгейде ұйымдастыруы, кадр даярлаудағы іскер басшы екендігі &nbsp; жайында керемет &nbsp;естеліктер айтылды.&nbsp;Жиынға қатысқан азаматтар Қонысбек Қазантаев туралы тың деректер алып, мазмұнды тағылымды шара жоғары деңгейде өтті.

Қонысбек Қазантаевтың 100 жылдығына арналған конференция өтті

<a href="https://kyzylorda-news.kz/">Kyzylorda-news.kz.</a> Бәсекелестікті қорғау және дамыту агенттігі тұтынушы құқығын қорғайтын жеке қоғамдық бірлестіктердің мәртебесін көтеруді ұсынып отыр, деп хабарлайды <a href="https://www.inform.kz/kz/tutynushy-kukygyn-korgaytyn-birlestikterdin-martebesi-artuy-mumkin_a4108884">ҚазАқпарат</a>.<blockquote>«Тұтынушылардың құқығын қорғау туралы» 2010 жылғы 4 мамырдағы Қазақстан Республикасының Заңында тұтынушылардың қоғамдық бірлестіктерінің мәртебесі және олардың тұтынушылардың құқықтарын қорғау жүйесіндегі орны көзделген. Бұл ретте, «Қоғамдық бірлестіктер туралы» және «Коммерциялық емес ұйымдар туралы» ҚР заңдары қоғамдық бірлестіктердің заңды тұлғалар ретіндегі жалпы құқықтық жағдайын айқындайды. Алайда, бүгінгі күні тұтынушылардың қоғамдық бірлестіктерінің негізгі әрі жалғыз проблемасы - қаржыландырудың болмауы. Көп жағдайда қоғамдық негізде жұмыс істейтін зейнеткерлік және зейнеткерлік жасқа дейінгі адамдар ұсынатын тұтынушылардың қоғамдық бірлестіктерінің жұмысы көрінеді. Республика бойынша тұтынушылардың 178 қоғамдық бірлестігі тіркелген. Оның ішінде бүгінгі күні 40%-ға жетер-жетпесі ғана жұмыс істеп тұр», - деп мәселе көтерілген Ашық НҚА порталында жариялаған консультативтік құжатта.</blockquote>Агенттік бұл олқылықтың орнын толтыру үшін тұтынушылардың құқығын қорғаумен айналысатын жеке ұйымдардың мәртебесін арттыру орынды деп есептейді.Бүгінде тұтынушылардың қоғамдық бірлестігіне қандай да бір азаматтың өтініші негізінде сотқа талап-арыз жолдау құқығы берілген.Дегенмен олардың залалды өтеу жөнінде шағым түсіруге хақы жоқ.

Тұтынушы құқығын қорғайтын бірлестіктердің мәртебесі артуы мүмкін

<a href="https://kyzylorda-news.kz/">Kyzylorda-news.kz.</a> Алдағы үш тәулікте республиканың басым бөлігінде найзағай ойнап, екпінді жел соғып, жауын-шашынды ауа райы сақталады.Солтүстік облыстарда ауа температурасы аздап жылынса, батыста керісінше төмендеуі күтілуде.8-9 қыркүйекте солтүстік-батыста, 9 қыркүйекте республиканың солтүстігінде қатты жаңбыр жауады, Қазақстанның оңтүстік-шығысындағы таулы аймақтарда жаңбыр, түнде көктайғақ түріндегі жауын-шашын күтіледі.Республиканың солтүстігінде, шығысында, орталығында күндіз ауа температурасының біртіндеп 18-25 градус Цельсийге дейін көтерілуі, Қазақстанның батысында, солтүстік-батысында 13-23 градусқа дейін төмендеуі күтіледі. Бірақ елдің оңтүстігінде, оңтүстік-шығысында ауа температурасы +30С дейін жоғарылайды.Астанада 7 қыркүйекте жауын-шашынсыз. Түнде +8°С, күндіз +18°С. Жұма және сенбі күндіз жаңбыр жауып, найзағай ойнайды. Түнде және таңертең тұманды ауа температурасы күтеді.Алматыда 7 қыркүйекте жауын-шашынсыз. Түнде +15°С, күндіз +26°С. Жұма, жаңбыр жауып, найзағай ойнайды.Шымкентте 7 қыркүйекте күндіз найзағай ойнап, желдің екпіні 20 м/с жетеді. Түнде +15°С, күндіз +28°С.

Демалыс күндері Қазақстанның басым бөлігінде жаңбырлы ауа райы сақталады

<a href="https://kyzylorda-news.kz/">Kyzylorda-news.kz.</a> Бүгінде тауарларға интернет арқылы тапсырыс беру тек сәнді ғана емес, сондай-ақ өте ыңғайлы, оның үстіне көптеген адамдардың жұмыс кестесі оларға шопинг жасау үшін дүкендерге баруға мүмкіндік бере бермейді. Өкінішке орай, интернеттегі сауданың теріс жағы да бар, ол – сатушының тарапынан алдау қаупі.Fingramota. kz &nbsp; алаяқтықтың интернетте сауда жасау кезінде барынша жиі кездесетін түрлері туралы айтып береді және келеңсіз жағдайлардан құтылуға қатысты қарапайым кеңестермен бөлісетін болады.&nbsp;Интернет-дүкен – кепілдік емесБір қарағанда, интернет арқылы сатып алудың ең дұрыс әрі сенімді тәсілі – танымал интернет-дүкендерде шоппинг жасау сияқты көрінеді. Олар Қазақстанның көптеген ірі банктерінің мобильді қосымшаларында қолжетімді болады. Бұл алаңдарда тауарды алданып қалу қаупінсіз сатып алуға болатындай көрінеді, бірақ шығдығында бұл жерде де сатушылардың адалдығына толығымен сенуге болмайтынын көріп отырмыз.Алаяқтық схемасы қарапайым болып келеді. Сатып алушы тауарға, мысалы самокатқа тапсырыс береді, ол үшін төлем жасайды, бірақ&nbsp;жеткізуші тауарды қажетті мерзімде жібермейді, қоңырауларға жауап бермейді және мүлдем жоғалып кетеді.Интернет-дүкеннің қолдау көрсету қызметіне&nbsp;жазу арқылы алаяқты табуға тырысып көруге болады. Ол жерде тауардың сатушының кінәсінен тыс, жеткізу қызметінің тапсырыс берілген тауарды жоғалтып алуының себебінен жоғалып кету ықтималдығын анықтайды. Бұл жағдайда интернет-дүкен сатып алушыға ақшаны тез арада қайтарып береді. Бірақ курьерлік компаниялардың тарапынан жоғалту жағдайының болмағаны белгілі болса, &nbsp;онда полицияға өтініш жазу керек.&nbsp;Алданған ақшаңыздың мөлшері аз болса да, құқық қорғау органдарын алаяқтық фактісі туралы хабардар ету ұсынылады, олар осы жағдайды тергеп-тексеру барысында басқа адамды&nbsp;ірі көлемде&nbsp;алдаған алаяқтардың ісін ашуы мүмкін.Қажетсіз проблемаларды болдырмау үшін сатып алуды жүзеге асырмай тұрып, сатушының қандай рейтингте тұрғанын, ол туралы пікірдің бар-жоғын қарастырған жөн. Осы мәліметтер негізінде қандай да тұжырымдар жасауға болады. Мысалы, егер сатушының қысқа уақыт ішінде 5-10 пікірі болса, онда бұл күдік тудыруы керек. Іздеу жүйелерінен сатушының атын іздеңіз, мүмкін сіз олар туралы қызықты деректер табарсыз, бұл сіздің келеңсіз жағдайларға тап болмауыңызға көмектеседі.Жеке берілген хабарландырулардың тәуекелі жоғары&nbsp;Жеке хабарландыру сайттары арқылы сатып алу кезінде адам жосықсыз сатушыларға кезігіп қалу қаупі бар. Мәселен, әдемі фотосуреттің артына жасырынған алаяқ өз ойын іске асыруы мүмкін. Алаяқтардың әдеттегі «жұмыс» схемасы мынадай: сатып алушы өзіне қажетті өнімді тапқан кезде, «сатушы»&nbsp;басқа қалада екенін және тауарды пошта арқылы жібере алатынын&nbsp;айтады. Бұл ретте, сатып алушыға поштаның немесе кең таралған курьерлік қызметтің жаңа сервисінің пайда болғанын, үйден шықпай-ақ сатып алу бойынша төлемді 2 рет басу арқылы жүргізуге және бірнеше күннен кейін курьермен үйге жеткізу мүмкіндігінің бар екенін айтып сендіреді, мұның бәрі комиссиясыз жүргізіледі деп нақтылайды. Ол үшін сатушы порталда сәлемдеме рәсімін өзі «жасайды» және сатып алушыға сілтеме жібереді, оны ашып, сатып алушы өз картасының мәліметтерін енгізуі керек.&nbsp;Деректерді енгізгеннен кейін сатып алушының картасынан тауардың сомасын ғана емес, барлық ақшаны алып алатыны түсінікті. «Сатушы» жоқ болып кетеді, сосын онымен байланысу мүмкін болмайды.«Сатушыдан» сілтеме жасайтын порталдың өзі дизайн бойынша олардың логотиптері бар нақты пошта қызметтері сияқты жасалғандығын атап өтейік. Бұл шын мәнінде фишингтік сайт екенін&nbsp;браузердегі мәтіндік жол бойынша&nbsp;ғана білу болады. Мұндай қызметтің бар-жоғын білу үшін, ашылатын фишинг бетінде көрсетілген телефон нөмірлеріне емес, сайт жұмыс істейтін компанияның өзіне ресми телефондар арқылы қоңырау шалған дұрыс.

«Алдап өмір сүру кеңінен етек жайып барады»: интернет-дүкендердегі жосықсыз сатушыларды қалай анықтауға болады?

<a href="https://kyzylorda-news.kz/">Kyzylorda-news.kz.</a> Қазақстан аумағының басым бөлігінде бұрынғыша атмосфералық фронттардың әсерінен ауа райының тұрақсыз сипаты сақталады, жаңбыр жауып, найзағай жарқылдайды. Тек елдің орталығында жауын-шашын жаумайды, деп хабарлайды Қазгидромет.Республика бойынша екпінді жел, республиканың оңтүстік-шығысының таулы аудандарында бұршақ жауады.ҚР солтүстік-батысында, солтүстігінде, орталығында тұман түседі.Жамбыл, Қызылорда облыстарының солтүстік-батысында, Атырау облысының солтүстік-шығысында, Ақтөбе облысының батысында, Батыс Қазақстан облысының оңтүстігінде, шығысында төтенше өрт қаупі сақталады.Маңғыстау облысында, Батыс Қазақстан облысының орталығында, солтүстік-шығысында, Қарағанды облысының оңтүстігінде өрт қаупі жоғары.Қарағанды облысының шығысында, Солтүстік Қазақстан облысының оңтүстігінде, Қостанай облысының шығысында, Павлодар облысының оңтүстігінде, шығысында, Ақмола облысының батысында, оңтүстігінде, шығысында, Абай облысының батысында, оңтүстігінде топырақ бетінде 1-3 градус үсік жүреді.

7 қыркүйекке арналған ауа райы болжамы

<a href="https://kyzylorda-news.kz/">Kyzylorda-news.kz.</a> Қорқыт ата атындағы Қызылорда университетінде ҚР Президенті Қасым-Жомарт Тоқаевтың «Әділетті Қазақстанның экономикалық бағдары» атты Қазақстан халқына Жолдауынан туындаған міндеттерді жүзеге асыру мақсатында жиын өтті.Мемлекет басшысы Жолдауда елімізді дамыту бағытындағы негізгі міндеттерді атап өтіп, экономикалық және әлеуметтік мәселелерге тоқталды. Ғылым және білім, экология, энергетика, су шаруашылығы салаларына кеңінен тоқталып, жаңа министрліктер құрылатынын жеткізді.Жиынға қатысушылар Президент Жолдауында айтылған міндеттерді іске асыру мақсатында жүргізілетін жүйелі жұмыстарды талқыға салды.&nbsp;Университеттің әлеуметтік және тәрбие жұмыстары жөніндегі проректоры, «Бірлік» бастауыш партия ұйымының төрағасы Жандос Базартай Жолдаудың ел дамуы үшін маңызы ерекше екенін айтты.<blockquote>«Жолдау бүгін атқарылуға тиісті өзекті міндеттерді, ертең бағындырылатын межелерді егжей-тегжейлі тиянақтаған. Олар ашық экономика мен ұлттық өнеркәсіпті қолдау, аграрлық өнеркәсіппен аграрлық ғылымды дамыту, жаңғыртпалы энергетика көздерін дамыту, ғылымның нәтижелерін коммерцияландыру мен жобаларды венчурлық қаржыландыруды, сонымен қоса барлық салаларды цифрландыру үдерісін де қамтып жатыр. Бірінен бірін бөле-жара қарау еш мүмкін емес, – деді Жандос Нұртайұлы.</blockquote>Сондай-ақ, жиында Қызылорда облыстық мәслихатының депутаты Жорабек Нұрымбетов, философия ғылымдарының докторы, университеттің «Философия және әлеуеметтік-гуманитарлық пәндер циклы» кафедрасының профессоры Баймырза Қожамберлиев, «Аманат» партиясы Қызылорда қалалық филиалының атқарушы хатшысы Гүлшат Мұсаева баяндама жасады.Айта кету керек, басқосуға қоғамдық ұйым өкілдері, профессор-оқытушылар мен білім алушылар қатысты.

Жолдаудан туындаған міндеттерді жүзеге асыру мақсатында жиын өтті

<a href="https://kyzylorda-news.kz/">Kyzylorda-news.kz.</a> Мемлекет басшысы Қасым-Жомарт Тоқаев танымал журналист Нұрмұхамед Байғараевты өзінің баспасөз хатшысы етіп тағайындады.Нұрмұхамед Байғараев «Болашақ» бағдарламасы арқылы 2017 жылы Ұлыбританияда білім алған.Бірқатар баспасөз басылымы мен электронды БАҚ-та жұмыс істеген, «Айқын» газетінің бас редакторы, «Егемен Қазақстан» басылымында бас редактордың орынбасары қызметін атқарған. Әр түрлі жылдары «Хабар», «Qazaqstan» телеарналарында продюсер, сценарист және жүргізуші ретінде еңбек етті.Осы тағайындауға дейін Тоқаевтың баспасөз хатшысының орынбасары болған.Бұған дейін Президенттің баспасөз хатшысы қызметін Руслан Желдібай атқарған еді. Жуырда ол Тоқаевтың ішкі саясат мәселелері және коммуникациялар жөніндегі көмекшісі қызметіне тағайындалды.<a href="https://sputnik.kz/20230906/tanymal-zhurnalist-toqaevtyn-baspasoz-khatshysy-boldy-38246884.html">sputnik.kz</a>

Қасым-Жомарт Тоқаевтың баспасөз хатшысы тағайындалды

<a href="https://kyzylorda-news.kz/">Kyzylorda-news.kz.</a> Осы жылдың маусым айынан бастап республика көлемінде «Қарасора-2023» арнайы жедел профилактикалық іс-шарасы өткізілуде. Бұл қазан айының 31 жұлдызына дейін жалғасады. Аймақтағы ахуалы жайында Қызылорда облысы полиция департаментінің Есірткі қылмысына қарсы іс-қимыл басқармасы бастығының орынбасары Ардақ Дуненов тарқатты.<blockquote>«Қызылорда облысының Полиция департаментінен іс-шараны жүргізуге барлығы 212 қызметкер, 21 автокөлік техникасы, 1 дрон және жергілікті әкімдіктен 6 дрон аппараты жұмылдырылды. ҚР ІІМ Ұлттық Ұланынан 20 сарбаз, 5 автокөлік бөлінді, сондай-ақ әуеден шолу жүргізу үшін әскери тік ұшақ жұмылдырылды. Мониторинг барысында барлығы 6 есірткіні аса ірі мөлшерде сақтау, 2 &nbsp;есірткі өткізу және 55 есірткі өсіру деректері анықталды. Заңсыз айналымнан жалпы салмағы 1 тонна 890 кг есірткі заты алынды», - деді Ардақ Әбішұлы.</blockquote>Айта кету керек, іс-шараның мақсаты есірткіге еліткендерді анықтау, құрамында есірткісі бар өсімдіктерді өсіп-баптауының алдын алу, героин трафигін жою. Сонымен қатар, жаңа түрлерін таратумен айналысатын ұйымдасқан қылмыстық топтардың қызметіне тосқауыл қоюға бағытталған.

Қазақстан және Қызылорда облысының жаңалықтары