<a href="https://kyzylorda-news.kz/">Kyzylorda-news.kz.</a> Биыл Арал теңізі түбінің қазақстандық бөлігіне 275 мың гектар сексеуіл отырғызу жоспарланып отыр, деп хабарлайды экология және табиғи ресурстар министрлігі. Бұл аумағы жағынан төрт Астана немесе екі Шымкент сияқты.Президент 2025 жылға дейін Арал теңізінің құрғаған түбіне 1,1 млн га сексеуіл отырғызу міндетін қойған болатын.<blockquote>"Сексеуіл барынша жерсіну үшін орман мелиорациялық жұмыстар ғылыми ұсынымдар мен жұмыс жобалары (негізгі әдістері механикаландырылған себу және отырғызу) негізінде жүргізіледі. Өйткені Арал теңізі түбінің қазақстандық бөлігі өзбек тарапының аумағына қарағанда тұзды", - делінген хабарламада.</blockquote>Министрліктің ақпаратынша, Арал теңізінің түбіне сексеуіл отырғызу үшін 753 мың гектар жердің топырағы зерттелді. Аралдың құрғаған түбінде екпе жұмыстарын жүргізу үшін тұқым егуге және өсіруге дайындау инфрақұрылымы жасалып, қажетті арнайы техника сатып алынды.<blockquote>"Осылайша, экология және табиғи ресурстар министрлігі және Қызылорда облысы әкімдігінің күшімен соңғы үш жылда 544,5 мың га орман егілді. Биыл тағы 275 мың гектар жерге сексеуіл егу жоспарланып отыр", - деп мәлімдеді ведомстводағылар.</blockquote>Экология министрлігі Арал теңізінің тартылуы жаһандық проблема екенін ескере отырып, халықаралық ұйымдармен, соның ішінде Халықаралық Аралды құтқару қорымен, Дүниежүзілік банкпен, Халықаралық ынтымақтастық жөніндегі Герман қоғамымен, АҚШ-тың халықаралық даму агенттігімен, Корея Орман қызметімен және басқа да халықаралық ұйымдармен ынтымақтаса жұмыс істеп келеді.Ведомство атап өткендей, жасыл желектің тез бейімделуі үшін жақын арада Арал теңізі түбінде ауданы 33 га орман тәлімбағының құрылысын аяқтау жоспарланып отыр. Бұл тәлімбақ елордалық "Республикалық орман селекциялық тұқым өсіру орталығы" РМҚК үшін тәжірибелік алаң ретінде жұмыс істейді.Фото: Нұрболат Нұржаубай

Арал теңізінің құрғаған түбіне тағы 275 мың га сексеуіл отырғызылады

<a href="https://kyzylorda-news.kz/">Kyzylorda-news.kz.</a> Бүгін партияның облыстық филиалы жанындағы Әйелдер қанатының отырысы өтті.Басқосуға филиалдың Атқарушы хатшысы Ләйлә Төрешова, партияның облыстық филиалы жанындағы әйелдердің құқықтары мен мүмкіндіктерін кеңейту мәселелері жөніндегі кеңесшісі Алтынай Молжанова сонымен қатар әйелдердің мүддесін қорғап жүрген қоғамдық ұйымдар жетекшілері мен түрлі салалардағы қыз-келіншектер қатысты.Отырыста нәзік жандардың мәртебесін көтеріп, олардың қоғамдағы белсенділігін арттыру мақсатында құрылған әйелдер қанатының атқаратын 10 басым бағытын жүзеге асыру мақсатында нақты пікірлер айтылып, ұсыныстар ортаға салынды.<blockquote>«Отбасылық және тұрмыстық зорлық-зомбылықтың алдын алуға жәрдемдесу, өндірістегі еңбекті қорғау, ауылдағы бизнес, отбасы денсаулығы мен құндылықтары, экономикалық құқықтар, әйелдердің ғылымдағы рөлі және тағы басқа бағыттар бойынша бірлесіп белсенді жұмыс жасауымыз керек. Аталған бағыттар бойынша туындаған мәселелерді шешуге ықпал етіп, қажетті шаралар атқаруымыз қажет. Бұған барлық саладағы әйелдер мүдессін қорғашуы нәзік жандар бірігуіміз керек»,-деді Атқарушы хатшы Ләйлә Төрешова.</blockquote><img src="https://knadmin.beoblood.kz/uploads/417903461_773002998198672_4236296685183216362_n_e42f090a03.jpg" alt="417903461_773002998198672_4236296685183216362_n.jpg">

«AMANAT»: Әйелдер қанаты атқаратын жұмыстардың басым бағыттары талқыланды

<a href="https://kyzylorda-news.kz/">Kyzylorda-news.kz.</a> Бүгін облыс әкімі Нұрлыбек Нәлібаев Мемлекет басшысының «Әкімдердің халықпен кездесулерін өткізу туралы» Жарлығына сәйкес Қармақшы ауданының ІІІ Интернационал, Төребай би және Иіркөл ауылдық округтерінің тұрғындарымен кездесті. Оған ҚР Парламенті Мәжілісінің депутаттары Мұрат Әбенов пен Мархабат Жайымбетов қатысты.Президент барлық деңгейдегі әкімдерге жыл бойы халықпен кездесулер өткізіп, оларды толғандыратын әлеуметтік мәселелерге баса назар аударуды, Қазақстанды жаңғыртудың жаңа бағдары туралы хабардар етуді және мәселелерді шешудің жолдары мен мерзімін түсіндіруді тапсырғаны белгілі.Аймақ басшысы кездесуде өткен жылғы жетістіктерді саралап, атқарылатын жұмыстар мен алдағы міндеттерге тоқталды.<blockquote>«Өткен жыл еліміз және Сыр өңірі үшін жақсы жаңалықтарға, баянды бастамаларға толы, нәтижелі кезең болды. Мемлекет басшысы Қасым-Жомарт Кемелұлы қазан айындағы арнайы жұмыс сапары кезінде өңірде атқарылған жұмыстармен танысып, оң бағасын берді. Облыс үшін маңызды мәселелерге қатысты тарихи шешімдер қабылдады.Аймақта экономиканың барлық негізгі көрсеткіштерінде өсім бар. Өңірлер арасында тамыз айынан бері үздіктер қатарында – алғашқы үштіктеміз. Осыдан бір жарым жыл бұрын облыс бюджеті 387 млрд теңгені құраса, облыстық мәслихат сессиясында 2024 жылдың бюджеті 650 млрд теңге болып бекітілді. Жыл соңына дейін салық түсімдерін арттырып, жаңа өндіріс орындарын ашу арқылы бюджетті 700 млрд теңгеден асырамыз. Бұған резервтеріміз бар. Соңғы жылдары аймағымыз қарқынды құрылыс алаңына айналып, республика бойынша алдыңғы қатардамыз. 2023 жылы 177 жобаны жүзеге асыруға 87,1 млрд теңге бөлініп, 2022 жылмен салыстырғанда 3,5 есе артты. Биыл 110 құрылыс нысанын салуға 94,5 млрд теңге бөлінді. Қаражат жыл аяғына дейін едәуір көбейеді», – деді Нұрлыбек Машбекұлы.</blockquote>Кездесуде Төребай би ауылының еңбек ардагері Жақсылық Жалғасбаев бата берді. Сондай-ақ, ардагерлер мен ауыл азаматтарына қоғамдық жұмыстағы белсенділігі, ауылды дамытуға қосқан үлесі үшін марапат тапсырылды.<img src="https://knadmin.beoblood.kz/uploads/417413700_672252471762667_4944523707119955808_n_1333704596.jpg" alt="417413700_672252471762667_4944523707119955808_n.jpg">&nbsp;<figure class="image"><img src="https://knadmin.beoblood.kz/uploads/417390026_672252245096023_5458532428302356132_n_ff84c932b2.jpg" alt="417390026_672252245096023_5458532428302356132_n.jpg"></figure>&nbsp;<figure class="image"><img src="https://knadmin.beoblood.kz/uploads/417384627_672252501762664_480365686516609102_n_985b2472bf.jpg" alt="417384627_672252501762664_480365686516609102_n.jpg"></figure>

Облыс әкімі Қармақшы ауданының тұрғындарымен кездесті

Әрбір жас мөлшері үшін зейнетақы қоры жеткіліктілігінің шегі бар, бұл&nbsp;– БЖЗҚ шотында сақталуы тиіс жинақтың белгілі бір сомасы.&nbsp;Қордан алуға болатын артық ақшаны және тұрмыс жағдайын жақсартуға, емдеуге пайдалануға немесе инвестициялық компанияның сенімгерлік басқаруына беруге болады,&nbsp; – деп хабарлайды&nbsp;<a href="https://aikyn.kz/260967/260966/Aiqyn.kz.">Aiqyn.kz</a>.Артық ақшаға пәтер, үй немесе құрылысқа жер сатып алуға болады. Немесе сома жеткіліксіз болса, оны ипотека бойынша бастапқы жарна ретінде пайдаланыңыз, немесе сол жерде мүлік сомасының 50 пайызын жинақтау үшін "Отбасы банкіндегі" депозитке аударыңыз, содан кейін тұрғын үй несиесін рәсімдеңіз.Несиесі бар адамдар үшін артық ақшаны ипотеканы ішінара немесе толық мерзімінен бұрын өтеуге пайдалануға болады.Сондай-ақ ипотекалық төлемдерді зейнетақы жарналарымен жабуға болады. Дегенмен қолжетімді сома ай сайынғы ипотекалық төлемнен аз болса да, артық зейнетақыңызды пайдалана аласыз. Немесе керісінше, егер артық сома үлкен болса және оны толығымен пайдаланғыңыз келмесе, бір төлемге тең соманы алуға болады. Қалған ақша зейнетақы шотында қалады.Ипотекалық несиені өтеу үшін артық зейнетақыны автоматты түрде шығаруға болмайды. Әр жолы БЖЗҚ-дан қаражат алу үшін жаңа сұраныс толтыру қажет. Ақша шотқа түскеннен кейін 20 күн ішінде несиені өтеуге жұмсалғаны маңызды. Банк бұл ақшаны уақытында есептен шығару үшін ақшаны алу күнін несие бойынша төлем күнімен сәйкестендірген дұрыс. Ипотекалық төлемді өтеу үшін артық соманы алу туралы өтінішті ай сайын жасауға болады.Артық соманы несиені мерзімінен бұрын өтеу үшін шексіз пайдалана беруге болады. Салымшы БЖЗҚ-дан алынған қаражатты бір мақсатқа немесе әртүрлі мақсатқа да бағыттауға құқылы.Ипотека зейнетақы қорындағы ақшамен жабылса, пәтерді сатуға тыйым жоқ. Пәтерді ипотека өтеліп, пәтердегі ауыртпалық (кепіл) жойылғаннан кейін бірден сатуға болады.Туыстардың зейнетақысын ипотека төлеуге жұмсауға болады. Ол үшін зейнетақыны табыстау (уступка пенсионных ) жасау керек.Фото: Нұрболат Нұржаубай

Зейнетақы қорындағы қаржымен ипотеканы қалай төлеуге болады?

Елімізде адам денсаулығына қасақана жеңіл зиян келтіруді және ұрып-соғуды қылмыстық жауапкершілікке тарту жоспарланып отыр. Бұл туралы ІІМ әкімшілік полиция комитеті төрағасының орынбасары Ренат Зұлхайыров мәлім етті, деп хабарлайды<a href="https://kaz.inform.kz/"> Кazinform.&nbsp;</a><blockquote>«2023 жылғы 8 желтоқсанда ҚР Президентінің Жарлығымен (№ 409) бекітілген «Адам құқықтары және заң үстемдігі саласындағы іс-қимыл» жоспары бекітілді. Соның негізінде бала құқықтары жөніндегі уәкіл Динара Зәкиева және Парламент Мәжілісінің депутаттарымен бірлесіп әйелдер мен балалардың құқықтарын қорғау, сондай-ақ отбасылық құндылықтарды ілгерілету жөніндегі шараларды күшейту жөнінде заңнамалық түзетулер әзірленді», — деді Ренат Зұлхайыров ІІМ-де өткен баспасөз мәслихатында.</blockquote>Оның айтуынша, түзетулерге сәйкес денсаулыққа қасақана жеңіл зиян келтіруді және ұрып-соғуды қылмыстық жауапкершілікке тарту жоспарланып отыр.<blockquote>«Құқық бұзушының мінез-құлқына, өз-өзін ұстауына талаптар қойылып, қажет жағдайда әлеуметтік бейімделу орталықтарына жіберу қарастырылып жатыр. Сондай-ақ күш көрсетушінің психокоррекциялық курстардан өтуі қарастырылған. Жоғарыда аталған талаптар қылмыстық кодекс шеңберінде белгіленеді»,&nbsp;— дейді министрлік өкілі.</blockquote>Фото: Нұрболат Нұржаубай

Жұдырық ала жүгіретіндерді қылмыстық жауапқа тарту жоспарланып отыр – ІІМ

<a href="https://kyzylorda-news.kz/">Kyzylorda-news.kz.</a>&nbsp;Биылғы жылы да аймақ басшысының қолдауымен қалада ауқымды жұмыстар жүргізіледі. Соның бірі – Қожа Ахмет Яссауи көшесін қайта жаңғыртуға арналады.&nbsp;Ұзындығы 3 шақырымға жуықтайтын көше 4 жолақтыға ауыстырылады. Жаяу жүргіншілер жолы түсіп, толығымен жарықтандырылады. Жоба құны 3 млрд.теңге. Бұл жұмыстардың басталуына республикалық бюджеттен 300 млн.теңге бөлініп отыр. Жоспар бойынша қайта жаңғырту жұмыстары күз айларына дейін аяқталуы тиіс.Мердігер мекеме – «Қыран» ЖШС бүгінде дайындық шараларын бастап кетті. Маңызы зор жобаның жай-жапсарымен танысқан қала әкімі Асылбек Шаменов компания өкілдеріне құрылысқа қажетті материалдардың сапалы, жасалатын жұмыстардың тиянақты болуын тапсырып, жауапты сала жетекшілеріне күнделікті бақылау жасап отыруды міндеттеді.Айта кету керек, қайта жаңғыртудан өтетін көшенің бойын абаттандыруға қосымша жоба әзірленуде.<figure class="image"><img src="https://knadmin.beoblood.kz/uploads/415946900_3514074308859302_36835035962669912_n_eff1538d6f.jpg" alt="415946900_3514074308859302_36835035962669912_n.jpg"></figure>

Қызылорда: Қ.Яссауи көшесі қайта жаңғыртылады

<a href="https://kyzylorda-news.kz/">Kyzylorda-news.kz.</a>&nbsp; Қазақстанда рөлі оң жақта орналасқан көліктерді бөлшектелген түрде 6 айға әкелуге тыйым салынды, - деп хабарлайды <a href="https://massaget.kz/basty-zhaalytar-438/98543/">Massaget.kz</a>.Министрліктің дерегі бойынша бұйрық "Сауда қызметін реттеу туралы" заңның 17-бабы 2-тармағына және 18-бабы 1-тармағының 2-тармақшасына, Еуразиялық экономикалық одақ туралы шарттың 29 және 47-баптарына сәйкес, сондай-ақ, 2014 жылғы 29 мамырдағы Еуразиялық экономикалық одақ туралы шарттың 7-қосымшасының 10-бөліміне сәйкес әзірленген.<blockquote>"Рөлі оң жақта орналасқан жеңіл автомобильдерді Қазақстан аумағына бөлшектелген түрде 6 ай мерзімге әкелуге тыйым салу енгізілсін", - деп жазылған өнеркәсіп және құрылыс министрі Қанат Шарлапаевтың бұйрығында.</blockquote>Министрлік басқа ведомстволарға мына жайттарды хабарлауы керек:1. Мемлекеттік кірістер комитетіне осы бұйрықтың 1-тармағын заңнамада белгіленген тәртіппен іске асыру бойынша Ұлттық қауіпсіздік комитеті Шекара қызметімен өзара іс-қимыл кезінде бақылауды қамтамасыз ету туралы;2. Теміржол және су көлігі комитетіне және "Қазақстан темір жолы" ұлттық компаниясы" АҚ-ға (келісу бойынша) Қазақстан заңнамасында белгіленген тәртіппен осы бұйрықтың 1-тармағын іске асыру жөнінде шаралар қабылдау туралы;3. Сауда және интеграция министрлігіне белгіленген тәртіппен осы бұйрықтың 1-тармағында көрсетілген тыйым салуды енгізу туралы Еуразиялық экономикалық комиссияға хабарлау қажеті туралы хабардар етсін.Бұйрық ресми жарияланған күнінен кейін күнтізбелік 10 күн өткен соң қолданысқа енгізіледі.Фото: Нұрболат Нұржаубай

Қазақстанда рөлі оң жақтағы көліктерді әкелуге тыйым салынды

<a href="https://kyzylorda-news.kz/">Kyzylorda-news.kz.</a>&nbsp; ҚР Парламенті Мәжілісіндегі «AMANAT» &nbsp;партиясының фракция мүшесі Мұрат Әбенов &nbsp;Сыр өңіріндегі іс-сапары аясында &nbsp;Қорқыт ата атындағы Қызылорда университетінің жұмысымен танысты.Жиынға «Amanat» &nbsp;партиясының өкілдері, университет ұжымы мен жас стартаперлер қатысты.Кездесу барысында Қорқыт ата атындағы Қызылорда университетінің базасында ашылған Жасанды интеллект және информатика жоғары мектебі мен Kyzylorda Hub орталығының жұмысы, іске асырылған жобалары әрі алдағы жоспарлары талқыланды.Бизнес-инкубатор резиденттері &nbsp; Айбек Оразбақов «TechAI мұғалім көмекшісі», «Онлайн паркинг», &nbsp;Асылжан Абдуллаев «QazaqGPT», Әбекен Айбек «Dark maze», Жанарбек Бекарысов «Time Batyr», Жұмабек Темірлан мен Есенбек Бақдаулет «Жалған ақпаратты анықтайтын детектор», Мырзабек Еркебұлан мен Сәдібеков Ербол &nbsp;әкімшілік жұмыстарды автоматизациялау мақсатында жасалған «AiDOS» атты жобаларын таныстырды.&nbsp;<blockquote>«Сыр елінің жаңалықтарымен, өзгерістерімен &nbsp;танысу мақсатында жоспарланған іс-сапар барысында &nbsp;Қорқыт ата атындағы Қызылорда университетінің ұжымымен, білім алушыларымен арнайы кездестім. Бүгінгі күні оң өзгерістерге жол ашатын, IT бойынша &nbsp;жұмыс жасап қана қоймай, жүйені басқаратын және құратын жастардың Қызылордада көбейіп жатқанын көріп, қуанып отырмын»деді Мұрат Әбенов. Сонымен бірге Қорқыт ата атындағы Қызылорда университетінің Басқарма &nbsp;Төрағасы - Ректор Бейбіткүл Сарсәмханқызы жоба аясында Жоғары мектеп ашу ғана емес, Қорқыт ата университетінің базасында Сеул Ұлттық Ғылым және технологиялар университетінің бизнес-инкубаторын құру көзделіп отырғанын атап өтті.&nbsp;</blockquote>Айта кетейік, Мемлекет басшысы Қасым-Жомарт Кемелұлы Тоқаевтың үш ЖОО базасында жасанды интеллект саласындағы кадрлар даярлау және осы салада зерттеу жүргізетін орталықтар ашу жөніндегі тапсырмасы шеңберінде өткен жылдың қараша айында Жасанды интеллект және информатика жоғары мектебі ашылды. Жоғары мектеп жасанды интеллект, киберқауіпсіздік және информатика саласында кадрлар даярлайтын болады.Ал сырбойылықтардың &nbsp;инновация мен кәсіпкерлік саласына қызығушылығын арттыру, IT жобаларды дамыту, аталмыш бағыттар бойынша кадрлар даярлау және білім беру мақсатында Қорқыт ата атындағы Қызылорда университетінің бизнес-инкубаторы жұмыс істейді. Орталықтың жалпы жұмыс барысында 139 резидент пен 7 600 жас қамтылып, 80 млн теңгеден астам инвестиция тартылды. <img src="https://knadmin.beoblood.kz/uploads/Obshhij_foto_87cf330f19.JPG" alt="Общий фото.JPG">

ҚР Парламент Мәжілісінің депутаты Мұрат Әбеновпен кездесу өтті

<a href="https://kyzylorda-news.kz/">Kyzylorda-news.kz.</a>&nbsp; Дүниежүзілік денсаулық сақтау ұйымының (ДДҰ) басшысы Тедрос Гебрейесус әлемде COVID-19 ауруының қайтадан өршуіне байланысты бетперде режимі мен вакцина салуды жалғастыру керегін айтты, деп хабарлайды "РБК" сайты.Оның айтуынша, екі аптадан бері коронавирус пен тұмаудың таралуы айтарлықтай өскен және бұл үрдіс жалғасады деп күтіледі.ДДСҰ басшысы COVID-19-ды емдеу аурудың күрделі өтуі мен өлімге әкелудің алдын-алатынын еске салып, тестілеуден өтуге және медициналық көмекке жүгінуге шақырды. Сол себепті маска тағып, қашықтықты сақтау маңызды екенін атап өтті. Короновирус пен тұмауға қарсы вакцинаны салдыруға кеңес берді.Гебрейесус билік өкілдері сенімді сараптамалық сынақтардың, емдеу мен вакциналардың қол жетімді болуын қамтамасыз етуін, сондай-ақ аурудың өсуін бақылап, халыққа дұрыс ақпарат жеткізуге шақырды.Айта кетейік, 2023 жылдың желтоқсан айында ДДҰ әлемде COVID-19 ауруы 28 күнде 52%-ға өскенін хабарлады. Жалпы 850 мыңнан астам адам коронавируспен ауырған. Ең көп жаңа жағдайлар Ресейде тіркелген. Оның жалпы саны 279,4 мың науқас. ДДҰ мәліметтері бойынша, елде сырқаттанушылық 130% - ға өскен.2023 жылдың 20 желтоқсанынан бастап Санкт-Петербургте жаппай жаңа жылдық, спорттық және мәдени іс-шараларды өткізу кезінде мекеме қызметкерлері үшін маска кию режимі енгізілді. Бұған дейін Мәскеудің Роспотребнадзор басқармасы ел астанысының тұрғындарын инфекцияның алдын алу үшін қоғамдық орындарда бетперде киюге шақырған.Фото: Нұрболат Нұржаубай

COVID-19 қайта күшейді: ДДСҰ вакцина алып, маска кию режиміне көшуге кеңес берді

<a href="https://kyzylorda-news.kz/">Kyzylorda-news.kz.</a> 1 қаңтардан бастап азаматтар жеңіл жол апаты кезінде полиция мен соттың қатысуынсыз жеңілдетілген тәртіпте сақтандыруды ресімдей алады. Бұл үшін мемлекет "Еурохаттама" арнайы мобильді қосымшасын әзірледі, деп хабарлайды <a href="https://polisia.kz/zhol-kolik-oqighasyn-resimdeuding-zhengildetilgen-tartibin-engizu-turaly/">Polisia.kz.</a>Қосымшаның көмегімен жүргізушілер өздері жол апаты фактісін тіркеп, сақтандыру компанияларына материалдық залалды өтеуге өтінім береді."Еурохаттама" арқылы жол апатын ресімдеудің міндетті үш шарты бар:жол апатына екі көлік құралы ғана ұшыраған кезде;жүргізушілердің қолданыстағы сақтандыруы болуы қажет. Сондай-ақ кім кінәлі, ал кім зардап шегуші екенінде келіспеушіліктер болмаған кезде;апат салдарынан денсаулыққа залал келтірілмесе, ал көлікке келтірілген шығын сомасы 100 айлық есептік көрсеткіштен аспаса, ол 369 мың теңге.<blockquote>"Ол үшін "Еурохаттама" қосымшасын қосып алып, тіркелу рәсімін жүргізіп, оқиғаның фото және бейнематериалдарын салу керек. Қосымшаны тиімді пайдалану мақсатында жақын жердегі полиция нарядына жүгінуге болады, олар көмек көрсетеді, – деді ҚР ІІМ ӘПК ерекше тапсырмалар жөніндегі аға инспекторы Қуаныш Тілекбаев.</blockquote>"Еурохаттаманың" артықшылығы:азаматтар ұсақ жол апатын ресімдеу үшін полицияны күтпейді, осылайша жолдардағы кептеліс төмендейді.жеңілдетілген тәртіппен тіркелген жол апаты кезінде жүргізушілер әкімшілік жауапкершілікке тартылмайды.сақтандыру төлемдерінің мерзімі қысқарады. Егер бұрын осының бәрі 30-дан 90 күнге дейін уақытты алса, қазір хаттама тіркеу сәтінен бастап төлемді алуға шамамен бес күн кетеді.Фото: Нұрболат Нұржаубай<figure class="media"><div data-oembed-url="https://www.youtube.com/watch?v=cLCFQtRA7II&amp;embeds_referring_euri=https%3A%2F%2Fsputnik.kz%2F20240108%2Fendi-zhol-apaty-kezinde-politsiyany-shaqyrmay-aq-saqtandyrudy-resimdeuge-bolady-41413464.html&amp;source_ve_path=Mjg2NjY&amp;feature=emb_logo"><div style="position: relative; padding-bottom: 100%; height: 0; padding-bottom: 56.2493%;"><iframe src="https://www.youtube.com/embed/cLCFQtRA7II" style="position: absolute; width: 100%; height: 100%; top: 0; left: 0;" frameborder="0" allow="autoplay; encrypted-media" allowfullscreen=""></iframe></div></div></figure>

Енді жол апаты кезінде полицияны шақырмай-ақ сақтандыруды ресімдеуге болады

<a href="https://kyzylorda-news.kz/">Kyzylorda-news.kz.</a> Қазгидромет ел аумағында 8 қаңтарда болатын қауіпті метеорологиялық құбылыстарға болжам жасады.&nbsp;Синоптиктердің дерегіне қарағанда, бұрынғысынша ҚР аумағында атмосфералық фронттардың өтуімен ауа райының тұрақсыз сипаты сақталады.<blockquote>«Жауын-шашын жауады, елдің солтүстігінде көбінесе қар бұрқасынмен, оңтүстігінде, оңтүстік-шығысында негізінен жаңбыр түрінде, солтүстігінде, Ақмола облысының оңтүстігінде, түнде Қостанай облысының солтүстігінде қалың қар түсуі мүмкін. ҚР бойынша тұман, көктайғақ, екпінді жел күтіледі», — делінген ақпаратта.</blockquote>Абай облысының басым бөлігінде оңтүстік-шығыстан соғатын жел оңтүстік-батысқа ауысады, облыстың батысында, солтүстігінде, орталығында кей уақыттарда күші 30 м/с және одан да жоғары жел соғады деп күтілуде.Күндіз Жамбыл облысында оңтүстік-батыстан жел соғады, таулы аудандарында кей уақыттарда күші 30 м/с және одан да жоғары болады.Солтүстік Қазақстан облысында оңтүстік-батыстан, батыстан жел соғады, таңертең және күндіз облыстың оңтүстік-шығысында күші 30 м/с және одан да жоғары болады.Ақмола облысында оңтүстік-батыстан жел соғады, күндіз облыстың оңтүстік-шығысында кей уақыттарда күші 30 м/с және одан да жоғары деп болжануда.Фото: Нұрболат Нұржаубай

8 қаңтарға ауа райы болжамы

<a href="https://kyzylorda-news.kz/">Kyzylorda-news.kz</a> "Ұлттық қор — балаларға" бағдарламасымен ақша алатындардың нақты тізімі 15 қаңтарда жарияланады. Ал әзірге ата-аналар өз перзенті туралы мәліметтің дұрыс-бұрыстығын e-Gov электронды үкімет порталында тексеріп әлек. Өйткені кейбірі баласын тізімнен таппаса, деректер базасында өз баласының орнына бейтаныс адамдардың тіркелгенін көріп таң қалған. Бұл туралы <a href="https://stan.kz/">Stan.kz</a> ақпарат агенттігі <a href="https://www.ktk.kz/">КТК</a> арнасына сілтеме жасап хабарлайды.Былтырдан бері сүйіншілеткен "Ұлттық қор — балаларға" жобасы 1 қаңтардан бастап іске қосылды. Айдың ортасында жоба қаражатына дәмелі 7 миллион баланың нақты тізімі жарияланады. Осылайша ақпан айынан бастап кәмелетке толмаған балалардың шотына қордың инвестиция табысының елу пайызы түсіп отырады.Бұған дейін жауаптылар 18-ге толмаған балалардың деректерін eGov-тағы базадан бір тексеріп қою туралы құлаққағыс жасаған-ды. Дәл осы деректер қорына кіру барысында біраз қазақстандыққа қызықтың көкесі басталады. Өз баласының орнына өзге біреудің тіркелгенін көріп таң қалғандар аз емес. Әсіресе қазақстандықтар жеке сәйкестендіру нөмірінің оңды-солды интернетті кезіп жүргеніне наразы.<blockquote>“Мен eGov-ке кірсем, мүлдем басқа баланың аты жазылған екен. Тізімнен өз баламды таппай қалдым. Таң қалдым, қалайша деп. Деректер сонда сақталмай ма? Құпиялылық қайда?”, –&nbsp;дейді Илья Рыбин.</blockquote>Құпиялықтың сақталмай, дербес деректердің ауысып жатқанынан "Ұлттық ақпараттық технология" Акционерлік қоғамы хабардар. Бар айтар уәжі — мәліметтің бәрі автоматты түрде сақылдап жұмыс істеуі үшін қызу жұмыс атқарылып жатыр екен. Дегенмен eGov порталында цифрлық құжаттар жаңылысқанымен, төлемді алуға барлық баланың таласы бар. Әрбір Қазақстан азаматы Ұлттық қордан өзіне тиесілі төлемді алатыны хақ.<blockquote>“Сирек жағдайларда, цифрлық құжаттарда кейбір балалар, ата-аналар да мүлдем көрсетілмеуі немесе қате көрсетілуі мүмкін. Дегенмен бұл олардың төлем алуына әсер етпейді және ата-ана мен бала арасындағы туыстық қарым-қатынас тек цифрлық құжатта анықталмағанын білдіреді. Қазақстан азаматы болып табылатын әрбір бала Egov порталында көрсетілген деректерге қарамастан, Ұлттық қордан төлем алады”, –&nbsp;дейді&nbsp;"Ұлттық ақпараттық технологиялар" АҚ маманы Арманай Мирасқызы,&nbsp;</blockquote><blockquote>"Түсетін ақша бәрібір түссе, eGov-ты аңдып неміз бар" деген заңды сауал көптің көкейінде жүр. Мамандар баланың жеке сәйкестіндіру нөмірін "баланы қосу" батырмасын басып платформаға енгізу арқылы шотқа түскен ақшаны бақылауға болады дейді.</blockquote>Қорға түскен ақшаны ата-аналар egov.kz не болмаса enpf.kz платформалары арқылы бақылай алады.<blockquote>“Қаражат тек азаматтығы бар жеткіншектерге аударылады. Құдай сақтасын, бірақ бала қайтыс болған жағдайда Ұлттық қор төлем аударуды тоқтатып, мұрагерлік құқығы күшіне енеді. Ал заңды тұлға баладан қалған ақшаны қалауынша пайдалана алады”, –&nbsp;дейді&nbsp;"БЖЗҚ" АҚ басқарушы директоры Мұрат Шәріпов.</blockquote>Болжам бойынша, 2024 жылы туған баланың шотына 18 жылда 3 жарым мың АҚШ доллары жиналуы тиіс. Кәмелетке толғаннан кейін де шоттағы қаражат 10 жыл бойы сақталады. Осы уақыт аралығында ақша кәдеге асырылмаса, азаматтың зейнетақы шотына аударылады. Балалар қаражатты білім алуға, тұрғын үй жағдайын жақсартуға пайдалана алады.Фото: Нұрболат Нұржаубай

Қазақстан және Қызылорда облысының жаңалықтары