<a href="https://kyzylorda-news.kz/">Kyzylorda-news.kz.</a>&nbsp; Қазгидромет ел аумағында 9 қаңтарда болатын қауіпті метеорологиялық құбылыстарға болжам жасады.Синоптиктердің мәліметінше, ҚР басым бөлігінде атмосфералық фронттардың өтуімен ауа райының тұрақсыз сипаты сақталады.<blockquote>"Жауын-шашын түседі, елдің солтүстік жартысында да жауын-шашын, көбінесе қар бұрқасынмен, оңтүстік жартысында көбінесе жаңбыр түрінде жауады. Тек еліміздің солтүстігінде, оңтүстік-шығысыныда ауа райы жауын-шашынсыз", - делінген хабарламада.</blockquote>Еліміз бойынша тұман, көктайғақ, екпінді жел күтіледі.Фото: malim.kz

Ауа райы: Тұман түсіп, көктайғақ болуы мүмкін

Фото: anatili.kazgazeta.kzЖазушы Роза Мұқанова соңғы жылдары телеарналар екі тілді араластырып, міз бақпай шұбарлап сөйлеуді дәстүрге айналдырғанын айтып сынға алды, деп хабарлайды <a href="https://el.kz/belgili-zhazushy-eki-tildi-aralastyryp-shubarlap-soyleytin-telearnalardy-synady_102938/">El.kz ақпарат агенттігі.</a>Жазушы бұл туралы өзінің Facebook желісінде жазды.<blockquote>Телеарналар&nbsp; кейінгі екі жылда екі тілді араластырып отырып, міз бақпай шұбарлап сөйлеуді дәстүрге айналдырып алды. Бұл не? Кеңестік заманда да эфирде шұбарлап сөйлеуге рұқсат етпейтін. Қазір телехабар жүргізушілер тілі жетпесе, орыс тілінде ойын жеткізіп отыра береді. Бұған жол беруге болмайды, бұл эфир мәдениетіне де үлкен сын. Жүргізуші қазақ тілінде сөз саптап әуелі үйренсін, тәжірибеден өтсін. Эфир ошақ басы емес, халықтың сауаттылығы мен мәдениетін қалыптастырады. Осылай араластырып, әркім білгеніне салса, жалпы сөйлеу, қарым- қатынас мәдениетінен де біржола айырыламыз. "Өзіңді өзің жаттай сыйла, жат жанынан" түңілсін. Біз өзімізді қадірлей алмай отырмыз. Бесігіңді түзеу – эфиріңді де түзе деген сөз, – деп жазды Роза Мұқанова.</blockquote>Жазушы қылжақтап, ыржақтап, ырбақтап, ана тілінде не айтып, не қойып отырғанын білмейтін жүргізушілерді шектеу керегін айтты.&nbsp;

Белгілі жазушы екі тілді араластырып, шұбарлап сөйлейтін телеарналарды сынады

Фото: nur.kzЕлімізге белгілі нейрохирург, медицина саласындағы үздік маман Мыңжылқы Бердіқожаев "1001 түн" бағдарламасында операция кезінде сүре тыңдайтынын айтып берді, деп хабарлайды <a href="https://el.kz/operatsiya-kezinde-baqara-suresin-qosyp-qoyamyn-tanymal-neyrohirurg-zhylyna-500-den-asa-ota-zhasagan_102941/">El.kz&nbsp;ақпарат агенттігі.</a><blockquote>Соңғы бір жылдай уақыт болды. Операция кезінде «Бақара» сүресін қосып қоямын. барлық бригада тыңдайды. Науқас егер жергілікті анастезиямен болса, науқас та тыңдайды. Ол өте мықты сүре деп ойлаймын. Кейбір дәрігерлер музыка тыңдайды. Өз басым музыка тыңдап көрдім, кейбір жағдайларда алаңдатады. Күнде бір сүре алаңдата қоймайды, арасында таныс сөздер де бар. Ол да бір күрделі операциялар кезіндегі амалдардың бірі, - дейді дәрігер.</blockquote>&nbsp;Президент іс басқармасы медициналық oрталығының хирургия жөніндегі директорының орынбасары Мыңжылқы Бердіқожаев бұған дейін 12 сағат бойы тік тұрып ота жасағанын айтқан еді.<blockquote>Биыл 500-ден аса операция жасадым. Алматы қаласында 300-ден аса, Астанада 100-ден аса операция жасадым. Сонымен қатар, аймақтарға шығып, көршілер Өзбекстанға да ай сайын барып 70 рет операция жасадым. Күніне 14-17 операция жасаған кездер де болды, - дейді хирург.</blockquote>

"Операция кезінде "Бақара" сүресін қосып қоямын". Қызылордалық нейрохирург жылына 500-ден аса ота жасаған

Фото: baq.kzӨзбек ғалымдары атышулы Әбілқайыр хан қазақ екенін айтады, ал қазақ тарихы оны "көшпелі өзбек ханы" ретінде оқытып келді. Мемлекет тарихы институтының директорының орынбасары, тарих ғылымдарының докторы Бүркітбай Аяған Әбілқайыр ханның кім екенін айтты, деп хабарлайды <a href="https://el.kz/ozbek-galymdary-qazaq-deydi-qazaqtar-ozbek-deydi-tarihshy-abilqayyr-han-turaly-tyn-derek-aytty_102957/">El.kz &nbsp;</a>ақпарат агенттігі.&nbsp;Елордада Жошы ұлысының 800 жылдығына орай "Қазақ хандығы тарихындағы Шибандар (Шейбандар, Шайбақтар) Әулеті (Ібір-сібір, Дешті-қыпшақ, Мәуереннахр аймақтарында)" халықаралық зерттеу тобының ұжымдық монографиясының&nbsp; салтанатты тұсаукесері өтті. Тарих ғылымдарының докторы, профессор Бүркітбай Аяған кітапты шығармас бұрын архивтермен көп жұмыс істегенін және орыс, татар, өзбек, тәжік және мемлекет институтының бірнеше ғалымы атсалысқанын айтты. Сонымен қатар, парсы және араб тілдерін жетік меңгерген ғалымдармен жұмыс істеген.&nbsp;<blockquote>Жошы ұлысының өмірі қызық. "Сибан" (Шибан) Жошының кіші ұлы болған. Сол заманда Жошының балалары ерегесіп, олар бірнеше ұлысқа тарап кетті. Жошының ұрпақтары Қазан хандығы, Сібір хандығы және Қазақ хандығы секілді ұлыстардың негізін қалады. Ең қызығы, ескі концепция бойынша (көшпелі өзбектер ханы - еск.) Әбілқайыр хан қазаққа жау ретінде жазылған. Шын мәнінде, тұлғаны зерттеген кезде оның ешқандай жау еместігіне көзіміз жетеді. Оның туған жері - Атырау, хан болып тұрған жері - Сібір аймағы. Қазақтың солтүстік аймағының біраз бөлігі Сібір хандығына кірген. Оның үстіне қазақтың орта және кіші жүздің бірнеше тайпасы сол хандықтың құрамында болған. Әбілқайырдың Жәнібекпен, Кереймен кикілжіңі 1400 жылдары Сығанақ аумағына келгенде басталды. Жалпы Әбілқайыр ханның туған жері де, жерленген жері де Қазақстан. Ескі советтік түсінік бойынша оны өзбек деп атайтынбыз. Ал ең қызығы, өзбек ғалымдары оны қазақ дейді. Оны Дешті-қыпшақтан шыққан деп есептейді, - деді Бүркітбай Аяған.</blockquote>Тарихшының сөзінше, өзбек ғалымдары Әмір Темір әулетіне көңіл бөледі, олар тіпті "Шибан" ұрпақтарын қарақшы қылып көрсеткен. Сол себепті "Шибан" тарихы - қазақ тарихы үшін ажырамас мұра.Тарихшы&nbsp;Әбілқайыр ханның тікелей Қазақ хандығын құруға қатысы барын айтты.<blockquote>Өзбек тарихшылары Шибандарды мойындағысы келмейді. Олар көбіне Әмір-Темірдің тарихын айтамыз дейді. Мен өзбек ғалымдарына "өзбек этнонимін алып барған Шибандар еді ғой" деп талай айттым. Ол кезде өзбек ұлт емес еді. Жалпы, қазақ пен өзбек сөзінің этимологиясы бір, екеуі де еркін көшпенді деген мағынаны білдіреді, - деді ол.Айта кетейік,&nbsp;"Қазақ хандығы тарихындағы Шибандар Әулеті" еңбегі Бүркітбай Аяғанның ғылыми жетекшілігімен шықты.<blockquote>Қаңтардың 3 күні Мемлекет басшысы Қасым-Жомарт Тоқаев сұхбатында биыл Жошы ұлысының 800 жылдығын тойлаймыз деп атап өтті. Жалпы, тарихымызда күңгірт кездер көп, соның бірі Жошының кіші ұлы Шибанның(Сибан) кездері.... Оның туған жері Атырау, хан болып көтерілген жері Тобыл. 1440 жылдары Сығанақ бойына көшіп келеді. Сол кезеңде Шибанның ұрпақтары мен Ұрыс ханның балаларының (Керей мен Жәнібек) арасында күрес басталады. Шибан мен Ұрыс ханның балалары ағайын, тіпті шешелері жағынан бір-біріне бөле болып келеді. Ақша үшін емес, жер үшін емес, нағыз саяси күрес болады. Кейін Әбіқайыр хан мен Керей мен Жәнібектің арасында кикілжің басталады, - деді Аяған.<span style="background-color:rgb(255,255,255);color:rgb(102,102,102);font-family:-apple-system, BlinkMacSystemFont, &quot;Segoe UI&quot;, Roboto, &quot;Helvetica Neue&quot;, Arial, &quot;Noto Sans&quot;, sans-serif, &quot;Apple Color Emoji&quot;, &quot;Segoe UI Emoji&quot;, &quot;Segoe UI Symbol&quot;, &quot;Noto Color Emoji&quot;;">Бүркітбай Аяған Әбілқайырдың туған жері қазіргі Атырау, хан болып көтерілген жері Тобыл, ал қоныс тепкен жері Сығанақ екенін айтты. Тек Әбілқайырдың балаларын кезінде көшпелі өзбектер деп атап кеткен, олар - Мұхаммед пен Махмұд. Екеуі Самарқандқа кетеді де, Шибан әулетінінен өзбек мемлекетін құра бастайды. Ал Сыр бойында қалған Ұрыс ханнның балалары Қазақ хандығының негізін қалағанын атап өтті.&nbsp;&nbsp;</blockquote></blockquote>

"Өзбек ғалымдары қазақ дейді, қазақтар өзбек дейді". Тарихшы Әбілқайыр хан туралы тың дерек айтты

Фото: azattyq-news.kz<a href="https://kyzylorda-news.kz/">Kyzylorda-news.kz.</a>&nbsp; Тілсіз жау салдарынан күріш ақтау зауытында жинақталған шамамен 240 тонна күрішке зақым келген, деп хабарлайды «<a href="https://azattyq-news.kz/kk/qyzylordada-kurish-ondeu-zauyty-ortendi/">Азаттық-Ньюс</a>».Оқыс оқиға Қармақшы ауданына қарасты Дүр-Оңғар ауылында орын алды. “Жаңа жол” ЖШС күріш ақтау зауыты ғимаратының шатыр асты ағаштарының 234 ш.м. жануы анықталды. Өртті сөндіруге Қармақшы ауданы №10 өрт сөндіру бөлімінен 2 бірлік өрт сөндіру техникасы 15 қызметкер жұмылдырылды. &nbsp;Өрт бір жарым сағатта толық &nbsp;жойылды. Құрбандар мен зардап шеккендер жоқ.<blockquote>– Өрттің болжамды шығу себебі электр сымдарының қысқа тұйықталуы. Қазіргі таңда оқиға орнында &nbsp;ТЖД &nbsp; Өрт зертханасы &nbsp;және анықтау бөлімінің мамандары &nbsp;өрттің нақты шығу себебі мен шығынын анықтауда. – деп хабарлайды Қызылорда облысы ТЖД Өрт сөндіру және авариялық-құтқару жұмыстары қызметінің баспасөз қызметі.</blockquote>

Қызылордада күріш өңдеу зауыты өртенді

<h4 style="margin-left:0px;"><a href="https://kyzylorda-news.kz/">Kyzylorda-news.kz.</a> Қазір телефон арқылы алдап, атыңыздан несие рәсімдейтіндер көп. Тіпті оның тағы бір тәсілі шықты, деп хабарлайды BAQ.KZ.</h4><h4 style="margin-left:0px;">Әлеуметтік желіде қызу талқыға түсіп жатырған бұл әдіс көпшіліктің назарын бірден аударды. Енді алаяқтар пошта қызметіненбіз деп тұрғындарға арнайы смс жіберіп, карта нөмірлеріне тікелей қол жеткізбек.</h4>Сіздің пакетіңіз қоймаға келді, бірақ мекенжайы толық емес болғандықтан жеткізу мүмкін емес. Төмендегі сілтемеге мекен-жайыңызды жазыңыз" деген мәтінмен телефонынызға смс хабарлама келеді. Ішіне кіргенде мекен-жайыңызды толық толтыруды сұрайды. Одан соң сізге үйіңізге дейін жеткізу үшін қосымша 132,68 теңге қаржы төлеу керектігін айтады. Егер банк карточканызды енгізіп, төлем жасасаңыз, ақшамнан айырылдым дей беріңіз.<img src="https://knadmin.beoblood.kz/uploads/Whats_App_Image_2024_01_08_at_15_53_54_1_f177ad1279.jpeg" alt="WhatsApp Image 2024-01-08 at 15_53_54 (1).jpeg"><img src="https://knadmin.beoblood.kz/uploads/Whats_App_Image_2024_01_08_at_15_54_04_2a4d5f41ec.jpeg" alt="WhatsApp Image 2024-01-08 at 15_54_04.jpeg">Депутат Дәулет Мұқаев та әлеуметтік желідегі парақшасына «Олар қазақша сөйлей бастады» деп жазба қалдырды. Ал жазба астына жазылып жатқан пікірлерден жәбір көргендердің немесе осы турасында смс хабарламаның көп адам алғандығын байқауға болады.Жазбаға жұрт «Достар мен ішіне кіріп банк картамды енгіздім,енді каспиден қайта-қайта ақша ұстағысы келіп жатыр деген хабарлама келіп отыр. &nbsp;"Не істесем болады, маған тура осындай хабарлама келді, ішіне кіріп толтырдым. Кейін жаңалықтардан естіп қарасам, картамда ақшам жоқ» деп жазып жатқандар да бар.Сондықтан алаяқтықтың жаңа тәсілін сізде біліп, алданбаудың алдын алыңыз. Телефоныңызға қандай бір қоңырау келсе де, хабарлама келсе де, дұрысы өшіре салыңыз!

"Сіздің пакетіңіз қоймаға келді". Алаяқтықтың жаңа түрі пайда болды

Фото: inbusiness.kz2024 жылғы 5 желтоқсан күні 09 сағат 43 минутта Жалағаш ауданы №11 өрт сөндіру бөлімінің байланыс бекетіне Жалағаш ауданы, Аққұм ауылы, Аққұм көшесі №12 тұрғын үйде газ жарылып, салдарынан үй жанып, ішінде адам қалып қойғаны жөнінде хабарлама түсті", - деп хабарлады Қызылорда облысының ТЖД.Төтеншеліктердің айтуынша, өрттің техникалық шығу себебі мен шығыны анықталып жатыр. Өкінішке қарай, өрт арасынан 75 жастағы азаматшаның мәйіті табылған. Анасын құтқарамын деп денесінің 12-13 пайызын күйік шалған үй иесі аудандық аурухананың хирургия бөлімшесіне жатқызылған.Хабарлама бойынша Жалағаш ауданы, Аққұм ауылы, Аққұм көшесі №12 мекенжайда орналасқан көлемі 10х11 шаршы метр тұрғын үйде 50 литрлік газ баллонының жылыстануы болып (хлопок), өрт оқиғасы барысында үйдің 8х5 шаршы метр қабырғалары құлап, бөлмелері толығымен жанғаны анықталды. Өртті сөндіру барысында құтқарушылар үйінділердің астынан 20.12.1948 жылы туған әйел азаматшаның мәйіті табылды. Ал 02.01.1994 жылы туған ер азамат өрт сөндіру бөлімі келгенге дейін анасын құтқару барысында денесінің 12-13% ІІ дәрежелі күйік жарақатын алып, аудандық аурухананың хирургия бөлімшесіне жатқызылғаны белгілі болды.Сондай-ақ, оқиға болған үй ауласындағы "Daewoo nexia" маркалы автокөлігі жарылыс салдарынан зақымдалған. Өртке Жалағаш ауданы №11 өрт сөндіру бөлімінен 1 техника, 6 қызметкер жұмылдырылды. Ара қашықтық – 33 км. Өрт 10:56 минутта оқшауланып, 12:18 минутта толық сөндірілді.&nbsp;Қазіргі таңда оқиға орнында ТЖД Өрт зертханасы және анықтау бөлімінің мамандары өрттің техникалық шығу себебі мен шығынын анықтауда.

Қызылорда облысында газ баллоны жарылып, бір адам көз жұмды

<a href="https://kyzylorda-news.kz/">Kyzylorda-news.kz.</a> Қазгидромет синоптиктері 9-11 қаңтарда ауа райы қандай болатынын айтты.Қара теңіз аудандарынан ығысқан циклон Қазақстанның батысынан шығысына қарай жылжиды. Сондықтан қарлы боран соғып, жауын-шашын жауады. Сондай-ақ, оған қарай скандинавиялық антициклон жылжиды. Кейін аз уақытқа аяз күшейеді. Республика бойынша қатты жел күтіледі.<blockquote>"Елдің батысында, солтүстік-батысында, солтүстігінде және орталығында аяз болады, термометр бағаны түнде 20-30 градус аязға дейін, ал шығыста 18-23 градусқа дейін көрсетеді", - делінген хабарламада.</blockquote>Фото: Нұрболат Нұржаубай

Алдағы күндерге арналған ауа райы болжамы  

<a href="https://kyzylorda-news.kz/">Kyzylorda-news.kz.</a>&nbsp; Облыс әкімі Нұрлыбек Нәлібаевтың қатысуымен Қармақшы ауданының Дүр Оңғар ауылында жаңа амбулатория пайдалануға берілді. Іс-шараға ҚР Парламенті Мәжілісінің депутаттары Мұрат Әбенов, Мархабат Жайымбетов, Мұрат Ергешбаев та қатысты.Аймақ басшысы ауыл тұрғындарын жаңа нысанның ашылуымен құттықтап, отандық медицинадағы жаңашылдықтардың өңірдің денсаулық сақтау саласында қолданылуы, ауруханалардың материалдық-техникалық базасын жаңарту жайлы айтты.<blockquote>«Мемлекет басшысы Қасым-Жомарт Кемелұлының бастамасымен қолға алынған «Ауылдық денсаулық сақтауды жаңғырту» ұлттық жобасы аясында салынуы жоспарланған 27 нысанның 15-нің құрылысы былтыр аяқталды. Жаңа жыл қарсаңында Ақжар және Тұрмағамбет ауылдарында дәрігерлік амбулаториялар өз қызметін бастаса, бүгін Дүр Оңғар ауылындағы амбулатория халық игілігіне табысталуда.Биыл облыста 21 медицина нысанының құрылысы жүргізіледі. Ұлттық жобамен Арал, Қазалы, Шиелі, Жаңақорған аудандарындағы көпбейінді орталық ауруханалар жанынан қосымша ғимараттар құрылысы басталады. Ауылдарда 9 дәрігерлік амбулатория және 2 фельдшерлік-акушерлік бекет, жергілікті бюджеттен Арал ауданында «Қамқорлық» оңалту орталығы, Жаңақорған ауданы Төменарық ауылында ауылдық аурухана салынады. Қазір 9 медициналық нысанға күрделі жөндеу жүргізіліп, 5 нысанның жылу жүйесі газға ауыстырылуда. Бұл жұмыстарға 3 млрд 700 млн теңге қаралды. Облыстық психикалық денсаулық, өкпе аурулары орталықтарына күрделі жөндеу жүргізілуде. Келесі жылы облыстық жұқпалы аурулар ауруханасын жөндеуге кірісеміз», – деді Нұрлыбек Машбекұлы.</blockquote>Құрылысты салған «Бақ-Береке 2030» ЖШС ғимараттың келушілерге жайлы болуына баса мән берген. Онда тіркеу орны, қабылдау, дәріхана, оқшаулау, физиотерапиялық емдеу, егу бөлмелері, лаборатория, архив, күндізгі емдеу стационары, жалпы тәжірибелік дәрігердің кабинеті бар. Мүмкіндігі шектеулі жандар үшін қолайлы жағдай жасалған.Іс-шарада Мәжіліс депутаты Мұрат Әбенов ауыл тұрғындарын құттықтаса, Жаңажол ауылдық ардагерлер кеңесінің төрағасы Бақытбек Тауекелов бата берді. Сондай-ақ, мердігер мекеме өкілдері мен ауыл азаматтарының еңбегі еленіп, марапатталды.Айта кетейік, жуырда көпбейінді облыстық аурухана жанынан 70 төсектік перинаталдық орталық халық игілігіне берілмек. Қызылорда қаласында 200 төсек-орынға арналған заманауи перинаталдық орталық құрылысы басталады. Жоба құны – 30 млрд теңге. Мамыр айында Қан орталығы табысталады.«Қазақстан халқына» қоғамдық қоры аймақты құны 1 млрд. 100 млн теңге тұратын онкологиялық скрининг жүргізуге арналған жылжымалы медициналық кешенмен қамтамасыз етті. Мұндай кешен республика бойынша 3 облыста ғана бар. Медициналық кешен компьютерлік томограф, цифрлық рентген, ультрадыбыстық аппаратпен жабдықталған. Бүгінде Арал, Қазалы аудандары және Байқоңыр қаласы тұрғындарын арнайы тексеруден өткізді, жақын күндері Қармақшы ауданының халқына қызмет көрсетеді.<img src="https://knadmin.beoblood.kz/uploads/417363696_672272178427363_1641701450579457911_n_027296b49c.jpg" alt="417363696_672272178427363_1641701450579457911_n.jpg">&nbsp;<figure class="image"><img src="https://knadmin.beoblood.kz/uploads/417375511_672272298427351_2043434320352033768_n_91bb4e1f9c.jpg" alt="417375511_672272298427351_2043434320352033768_n.jpg"></figure>&nbsp;<figure class="image"><img src="https://knadmin.beoblood.kz/uploads/417379173_672271758427405_8388487155870634566_n_d42128dc11.jpg" alt="417379173_672271758427405_8388487155870634566_n.jpg"></figure>

Қармақшы ауданында жаңа амбулатория ашылды

Әлеуметтік желілерде асыраушысынан зәбір көрдім деген баланың видеосы таралып жатыр. Оқиғаға қатысты балалар омбудсмені Динара Зәкиева пікір білдірді, деп хабарлайды <a href="https://kaz.nur.kz/society/2054337-denesin-qainagan-suga-kuidirgen-almaty-oblysynda-kiskentai-qyz-azaptalganyn-malimdedi/">KAZ.NUR.KZ.</a>Kris_p_issyk Instagram-паблигінде кішкентай қыз асыраушысы ұрып-соққанын және зорлықтың басқа да түрін көрсеткенін мәлімдеген видео жарияланды. "Дереккөздің әңгімесіне қарағанда, баланың денесін қайнаған сумен күйдірген, ұрып-соққан, құлағынан тартқан, содан денесінде көгерген іздер қалған. Жағдай шок туғызады, баланың құқығы мен қауіпсіздігін қорғау үшін тиісті органдар жедел араласуы қажет", - делінген жарияланымда. Сондай-ақ қызды өңірдегі ауылдардың бірінде мұғалім болып жұмыс істейтін адам асырап алғаны айтылады. "Қыз оның үйінде жарты жылдай тұрған, ол алғаш рет қашып кеткенінде танысы ұстап, мұғалімнің үйіне қайтарған, бұл қылығы үшін оны тағы ұрып-соққан, екінші мәрте қашқанында да мұғалім оны ұстап алған", - делінген жарияланымда. Видеоға қатысты жазылған пікірлер арасында ҚР бала құқықтары жөніндегі уәкіл Динара Зәкиеваның жауабы да бар. Ол қыз ауруханада жатқанын хабарлады.&nbsp;"Еңбекшіқазақ ауданында қыздың қамқоршысы тарапынан азаптау фактісіне қатысты. Қыз ауруханада жатыр. Осы факт бойынша қылмыстық іс қозғалды. Бұдан әрі қамқоршылықтан айыру шаралары қабылданады", - деді ол. Балалар омбудсмені бұл іс өзінің жеке бақылауында екеніне сендірді.&nbsp;Фото: Нұрболат Нұржаубай

"Денесін қайнаған суға күйдірген": Алматы облысында кішкентай қыз азапталғанын мәлімдеді

<a href="https://kyzylorda-news.kz/">Kyzylorda-news.kz.</a> Биыл Арал теңізі түбінің қазақстандық бөлігіне 275 мың гектар сексеуіл отырғызу жоспарланып отыр, деп хабарлайды экология және табиғи ресурстар министрлігі. Бұл аумағы жағынан төрт Астана немесе екі Шымкент сияқты.Президент 2025 жылға дейін Арал теңізінің құрғаған түбіне 1,1 млн га сексеуіл отырғызу міндетін қойған болатын.<blockquote>"Сексеуіл барынша жерсіну үшін орман мелиорациялық жұмыстар ғылыми ұсынымдар мен жұмыс жобалары (негізгі әдістері механикаландырылған себу және отырғызу) негізінде жүргізіледі. Өйткені Арал теңізі түбінің қазақстандық бөлігі өзбек тарапының аумағына қарағанда тұзды", - делінген хабарламада.</blockquote>Министрліктің ақпаратынша, Арал теңізінің түбіне сексеуіл отырғызу үшін 753 мың гектар жердің топырағы зерттелді. Аралдың құрғаған түбінде екпе жұмыстарын жүргізу үшін тұқым егуге және өсіруге дайындау инфрақұрылымы жасалып, қажетті арнайы техника сатып алынды.<blockquote>"Осылайша, экология және табиғи ресурстар министрлігі және Қызылорда облысы әкімдігінің күшімен соңғы үш жылда 544,5 мың га орман егілді. Биыл тағы 275 мың гектар жерге сексеуіл егу жоспарланып отыр", - деп мәлімдеді ведомстводағылар.</blockquote>Экология министрлігі Арал теңізінің тартылуы жаһандық проблема екенін ескере отырып, халықаралық ұйымдармен, соның ішінде Халықаралық Аралды құтқару қорымен, Дүниежүзілік банкпен, Халықаралық ынтымақтастық жөніндегі Герман қоғамымен, АҚШ-тың халықаралық даму агенттігімен, Корея Орман қызметімен және басқа да халықаралық ұйымдармен ынтымақтаса жұмыс істеп келеді.Ведомство атап өткендей, жасыл желектің тез бейімделуі үшін жақын арада Арал теңізі түбінде ауданы 33 га орман тәлімбағының құрылысын аяқтау жоспарланып отыр. Бұл тәлімбақ елордалық "Республикалық орман селекциялық тұқым өсіру орталығы" РМҚК үшін тәжірибелік алаң ретінде жұмыс істейді.Фото: Нұрболат Нұржаубай

Арал теңізінің құрғаған түбіне тағы 275 мың га сексеуіл отырғызылады

<a href="https://kyzylorda-news.kz/">Kyzylorda-news.kz.</a> Бүгін партияның облыстық филиалы жанындағы Әйелдер қанатының отырысы өтті.Басқосуға филиалдың Атқарушы хатшысы Ләйлә Төрешова, партияның облыстық филиалы жанындағы әйелдердің құқықтары мен мүмкіндіктерін кеңейту мәселелері жөніндегі кеңесшісі Алтынай Молжанова сонымен қатар әйелдердің мүддесін қорғап жүрген қоғамдық ұйымдар жетекшілері мен түрлі салалардағы қыз-келіншектер қатысты.Отырыста нәзік жандардың мәртебесін көтеріп, олардың қоғамдағы белсенділігін арттыру мақсатында құрылған әйелдер қанатының атқаратын 10 басым бағытын жүзеге асыру мақсатында нақты пікірлер айтылып, ұсыныстар ортаға салынды.<blockquote>«Отбасылық және тұрмыстық зорлық-зомбылықтың алдын алуға жәрдемдесу, өндірістегі еңбекті қорғау, ауылдағы бизнес, отбасы денсаулығы мен құндылықтары, экономикалық құқықтар, әйелдердің ғылымдағы рөлі және тағы басқа бағыттар бойынша бірлесіп белсенді жұмыс жасауымыз керек. Аталған бағыттар бойынша туындаған мәселелерді шешуге ықпал етіп, қажетті шаралар атқаруымыз қажет. Бұған барлық саладағы әйелдер мүдессін қорғашуы нәзік жандар бірігуіміз керек»,-деді Атқарушы хатшы Ләйлә Төрешова.</blockquote><img src="https://knadmin.beoblood.kz/uploads/417903461_773002998198672_4236296685183216362_n_e42f090a03.jpg" alt="417903461_773002998198672_4236296685183216362_n.jpg">

Қазақстан және Қызылорда облысының жаңалықтары