<a href="https://kyzylorda-news.kz/ru">Kyzylorda-news.kz.</a> Астанада риэлторлық компания бір топ адамды алдап кетті. Қала тұрғындары қыруар қаржысынан айырылды, деп хабарлайды &nbsp;<a href="https://astanatv.kz/kz/news/103608/">AstanaTV </a>.Алданғандардың арасында 65 жастағы Сандуғаш Қабиденова да бар. Саналы ғұмырын ұрпақ тәрбиесіне арнаған ұстаз делдалдардың қармағына ілігемін деп ойламаған. Қала маңындағы үйін сату үшін желіге жарнама қалдырған. Ал компания риэлторы "үйіңізді бір айдың ішінде сатып береміз" деп уәдені үйіп төгіп, ақыры келісімшартқа қол қойғызған. Бірақ бұл уақыт аралығында үй сатылмайды.Амалы таусылған баспана иелері келісімді әрі қарай создырудан бас тартып, өздері әрекетке көшкен. Сол кезде риэлторлар Сандуғаш Қабдиденованы сотқа берген. Шағымда риэлтор жұмысын пайдаланып, ақысын төлемеді деген айып тағылыпты-мыс. Енді үй иесі ешқандай көмек алмаса да 400 мың теңгеден аса шығын өтеуге мәжбүр.Бұл компанияға алданғандардың арасында Лаура Смағұлова да бар. Оның да ісі сотта жатыр. Келіншектің компанияға қарызы - 1 миллион теңге.<blockquote>"Мегадом" компаниясымен хабарластым. Оларға үйді ипотекамен алатынымды айттым. Риэлтор маған "егер банк сізге ипотека бермесе, бәрібір менің қызметім үшін ақы төлейсіз" деді. Мен ол ұсынысына келіспедім. Тіпті, келісімшартқа қол қоймадым. Соның өзінде олар мені бір ай өткеннен кейін сотқа берген. Шешім шығарды. Мен қарыз болып қалдым. Сот апелляцияны қабылдамады",- дейді Смағұлова.</blockquote>Астанада, шамамен, 7 адам дәл осы компанияға алданған. Іс жүзінде бұдан да көп болуы мүмкін. Ал риэлторлық компания мамандары камераға сөйлеуден де, жауап беруден де бас тартты.Қазіргі кезде Астанада 2000-нан астам риэлторлық агенттік жұмыс істейді. Олардың тек төрттен бірі ғана тексерістен өткен.Фото: Нұрболат Нұржаубай

Риэлторлық компания астаналықтарды тақырға отырғызып кетті

Фото: ашық дереккөзден<a href="https://kyzylorda-news.kz/ru">Kyzylorda-news.kz.</a> Экология және табиғи ресурстар министрлігі 2024 жылы орал популяциясындағы 200 мың және бетпақдаладағы 100 мың ақбөкенді атуға рұқсат берілгенін мәлімдеді.Ақбөкендерді жою мерзімі 2024 жылдың 10 қаңтарынан 29 ақпанына дейін ұсынылды. Биыл қыркүйек айынан қараша айына дейін ақбөкендер санын реттеу бойынша жүргізілетін шаралар жалғасады, — деп хабарлады министрлік. &nbsp;

Қазақстанда 2024 жылы 300 мың киік ату ұсынылды

Берік Асылов: Инвестициялық жобаларды қорғау – маңызды міндет

<a href="https://kyzylorda-news.kz/ru">Kyzylorda-news.kz.</a> ҚР Премьер-министрі Әлихан Смайыловтың төрағалығымен өткен Үкімет отырысында шағын және орта бизнесті одан әрі қолдау тетіктері талқыланды.Үкімет басшысы отандық кәсіпкерлерді қолдауда ауқымды жұмыс жүргізілгенін атап өтті. Қабылданған шаралардың арқасында шағын және орта бизнестің жалпы ішкі өніміндегі үлесі 36,5%-ға дейін өсті. Ал 2030 жылға қарай бұл көрсеткіш 40%-ға дейін артуы керек. Үкімет басшысы биылдан бастап бақылау мен қадағалау салаларында тәуекелдерді басқарудың автоматтандырылған жүйесі іске қосылғанын айтты. Оның нәтижесінде бизнесті жоспарлы тексеру мен кәсіпкерлерді жауапқа тарту біршама қысқарады.Үкімет отырысынан кейін облыс әкімі Нұрлыбек Нәлібаев арнайы мәжіліс өткізіп, саланы дамыту бойынша алдағы мақсат-міндеттерді белгіледі.<blockquote>«Мемлекет басшысы өз Жолдауында «Қазіргі ең басты міндет – еліміздің мықты өнеркәсіптік негізін қалыптастыру және экономикамыз өзімізді толық қамтамасыз ете алатын жағдайға жету. Сондықтан өңдеу саласын жедел дамытуға баса мән беруіміз қажет» деп атап өткен болатын.Жүйелі жұмыстар өңірдің өнеркәсіп саласындағы көрсеткіштерінің оң динамикасын қалыптастырды. Мұнай қорының сарқылуы салдарынан соңғы 10 жыл бойы төмендеу тенденциясын көрсетіп келген өнеркәсіп өндірісі көлемінде өткен жылдың қыркүйек айынан бастап өсім қалыптасты. Өңдеу өнеркәсібі саласындағы өсім бойынша 2022 жылы республикада 11-орында болсақ, өткен жылды 1-орынмен қорытындыладық», – деді аймақ басшысы.</blockquote>Дегенмен, кейбір көрсеткіштер бойынша жұмыс қарқыны төмен. Мәселен, орта кәсіпкерлікті дамытудың, ауылдық жерде бизнес-жобаларды қолдаудың жай-күйі қанағаттанарлық емес. Жиында облыстық кәсіпкерлік және өнеркәсіп басқармасына Қызылорда қаласы және аудан әкімдіктерімен бірлесіп, шағын және орта кәсіпкерліктің негізгі макроэкономикалық көрсеткіштерінің сапалы және мерзімінде орындалуын қамтамасыз ету тапсырылды. Мұнан бөлек, басқарма экономикадағы орта кәсіпкерліктің үлесін арттыруға, өңдеу өнеркәсібіне бағытталған инвестициялық жобалар пулына енгізілген жобалардың санын көбейту үшін ұсыныс беруге жауапты болмақ. Облыс аумағындағы индустриялық аймақтарға инвестиция тарту арқылы жаңа жобаларды орналастыру бойынша да міндет қойылды.Облыстық ауыл шаруашылығы және жер қатынастары басқармасына «Ауыл аманаты» жобасы бойынша «Мемлекеттік сатып алу» заңына сәйкес сенім білдірген өкілді анықтап, құжаттар қабылдау тапсырылды.

Бизнесті жоспарлы тексеру мен кәсіпкерлерді жауапқа тарту біршама қысқарады

<a href="https://kyzylorda-news.kz/ru">Kyzylorda-news.kz.</a>&nbsp; Заңның мақсаты – кәсіпкерлік қызмет сипаты бар мобильді аударымдарды қадағалау және оған салық салу.&nbsp; Бұл жоба жасырын кірістер мен тіркелмеген кәсіпкерлерді анықтауға бағытталған, өйткені көптеген кәсіпкерлер тауарлар, қызметтер үшін төлемді жеке шоттарға (дүкендер, такси жүргізушілері және т.б.) мобильді аударымдар арқылы алады.Сонымен қатар, аударымдар көбінесе чектер берілмей қабылданады.Осыған сәйкес, 2024 жылдан бастап банк ұйымдары жеке кәсіпкерлердің мобильді аударымдары бойынша деректерді беретін болады.Күнтізбелік үш ай қатарынан ай сайын 100 түрлі тұлғадан мобильді аударымдар алған азаматтар бақылауға алынады. Егер 2 ай 100 аударымнан көп төлем жасалып, арасында үзіліс жасап төлем аударылса, я болмаса 100 аударымға жетпейтін мөлшерде болса, бұндай жағдайда тексеріс жүргізілмейді.Банктерден ақпараттың келіп түсуі кезең-кезеңмен жүзеге аспақ.1. 2023 жылдың 1 қаңтарынан бастап- мемлекеттік қызметкерлер және оларға теңестірілген тұлғалар мен олардың жұбайлары (2022 жылдың қорытындысы бойынша). 2. 2024 жылдың 1 қаңтарынан бастап- мемлекеттік мекеме қызметкерлері, квазимемлекеттік сектор субектілері және олардың жұбайлары (2023 жылдың қорытындысы бойынша) 3. 2025 жылдың 1 қаңтарынан бастап- жеке кәсіпкерлер, заңды тұлғалардың жетекшілері және олардың жұбайлары (2024 жылдың қорытындысы бойынша)&nbsp; 4. 2026 жылдың 1 қаңтарынан бастап- халықтың қалған бөлігі (2025 жылдың қорытындысымен)Бүгінгі таңда ақпарат тек 2022 жылдың қорытындысы бойынша мемлекеттік қызметшілер, оларға теңестірілген адамдар және олардың жұбайлары бойынша алынды.2024 жылдың 1 қаңтарына өңіріміз бойынша 62 601 дара кәсіпкер тіркелген. Заңды тұлға 11785.Бақылау шаралары адал салық төлеушілерге әсер етпейтініне және жасырын кірістер мен тіркелмеген кәсіпкерлерді анықтауға бағытталған.&nbsp;Бұл ретте жеке тұлғалар өздерінің жеке мақсаттары үшін (туыстарына, достарына аударымдар, ата-аналар мен балаларға көмек, сондай-ақ басқа да өмірлік жағдайлар бойынша) мобильді аударымдар жасай және қабылдай алады. Мұндай аударымдарды декларациялаудың қажеті жоқ, өйткені олар жеке тұлғаның табысына жатпайды.Табыс алуға бағытталған аударымдар ғана декларациялауға жатады. Осыған байланысты кәсіпкерлерге кәсіпкерлік қызметке арналған шоттарға (бизнес-шоттарға) төлем қабылдауды ұсынамыз. Бақылау шараларына келетін болсақ, бірінші кезеңде екі бағыт бойынша камералдық бақылау жүргізіледі (талдау келесі жылы жоспар бойынша жүргізіледі):&nbsp; &nbsp; &nbsp;1) қызметті салық органдарында тіркеу;&nbsp; &nbsp; &nbsp;2) кірістерді төмендету.&nbsp; &nbsp; &nbsp;Жалпы, камералдық бақылау салық төлеушілерге бұзушылықтарды өз бетінше жоюға мүмкіндік беруге бағытталған. Осыған байланысты анықталған бұзушылықтар туралы ақпараты бар хабарламалар жіберілетін болады.&nbsp;Егер салық төлеуші бұзушылықтармен келіссе, ол жеке кәсіпкерді тіркеуі немесе декларацияға кіріс сомаларын көрсете отырып &nbsp;қосымша декларация тапсыруы керек (бұзушылық түріне байланысты).Егер салық төлеуші бұзушылықтармен келіспесе, ол растайтын құжаттарды қоса бере отырып, бұзушылықтардың жоқтығы туралы түсініктеме беруге құқылы.Хабарламаны орындамаған кезде салықтық тексеру тағайындалады, оның барысында банктерден шот бойынша толық ақпарат сұратылады және бұзушылықтардың болуы/болмауы туралы іс жүзінде шешім шығарылады.ЖК тіркеусіз қызмет үшін 15-тен 100 АЕК-ке дейінгі айыппұл түріндегі әкімшілік жауапкершілік көзделген. Кірістерді жасырғаны үшін – төленбеген салықтар сомасының 200% мөлшерінде айыппұл (қайталанған жағдайда – 300%). Чек бермегені үшін – 15-тен 50 АЕК-ке дейін. Жоғарыда айтылғандай, бақылау шаралары қызметті тіркеусіз жүзеге асыратын немесе кірістерді жасыратын кәсіпкерлерге ғана әсер етеді.Фото: Нұрболат Нұржаубай

Қандай аударымдар декларациялауға жатады?

<a href="https://kyzylorda-news.kz/ru">Kyzylorda-news.kz.</a> Мемлекет басшысының келісімі бойынша Бас Прокурордың бұйрығымен 3-сыныпты мемлекеттік әділет кеңесшісі Ризабек Кәрімұлы Ожаров Қызылорда облысының прокуроры лауазымына тағайындалды.Ризабек Ожаров 1972 жылы дүниеге келген.1996-2017 жылдар аралығында Қазақстан Республикасының ұлттық қауіпсіздік органдарында қызмет атқарған.2017-2019 жылдары Бас прокуратураның Арнайы прокурорлар қызметі бастығының орынбасары, Алматы облысы прокурорының орынбасары лауазымдарында болған.2019 жылдан қазіргі уақытқа дейін Бас прокуратураның Сотқа дейінгі тергеп-тексеру қызметін басқарған.«Жауынгерлік ерлігі үшін» медалімен наградталған.

Қызылорда облысына жаңа прокурор тағайындалды

Фото: өңірлік коммуникациялар қызметі<a href="https://kyzylorda-news.kz/ru">Kyzylorda-news.kz.</a> Мобильді аударымдарды бақылау - жасырын кірістер мен тіркелмеген кәсіпкерлерді анықтауға арналған. Сәйкесінше, жасырын кәсіпкерлер анықталған жағдайда оларға салық салынатын болады. Бұл туралы Өңірлік коммуникациялар қызметінде өткен брифингте Қызылорда облысы бойынша мемлекеттік кірістер департаменті басшысының орынбасары Еркін Елшібеков мәлімдеді.<blockquote>- Биылдан бастап банк ұйымдары жеке кәсіпкерлердің мобильді аударымдары бойынша деректерді беретін болады. Бұл мәліметтің барлығы жалпыға бірдей декларациялаудың кезеңі өткеннен кейін ғана анықталып отырады. Яғни, күнтізбелік 3 ай қатарынан ай сайын әр түрлі 100 тұлғадан мобильді аударымдар алған азаматтар бақылауға алынады. Айта кету керек, камералдық бақылау жүргізу арқылы тек кәсіпкерлік қызметтің белгілері байқалған жағдайда ғана аударымдар тексеріледі. Сонымен қатар, тұтынушы қандайда бір төлем түрімен аударым жасағысы келсе, жеке кәсіпкер оны қабылдауға міндетті. Ал, тек қолма-қол ақшамен төлем жасауды талап етсе, бұл бағыттағы кәсіпкерлердің әрекеті заңсыз болып есептеледі. Өйткені, бұл тұтынушының құқығын бұзу болып саналады. Кәсіпкерлер төлем карталарын қабылдаудан бас тартқаны үшін әкімшілік жауапкершілікке тартылады. Бірінші ретке «ескерту» жасалады, ал егер мұндай жағдай 1 жылдың ішінде тағы қайталанса -147 680 теңге (40АЕК) көлемінде айыппұл салу көзделген, - деді Еркін Кеңесбекұлы.</blockquote>&nbsp;

Мобильді аударымдарды бақылау - тіркелмеген кәсіпкерлерді анықтауға арналған

<a href="https://kyzylorda-news.kz/ru">Kyzylorda-news.kz.</a>&nbsp; Ғылым және жоғары білім саласындағы сапаны қамтамасыз ету комитетінің төрағасы Әділет Тойбаев еліміздегі университет оқытушыларының жалақысы соңғы үш жылда қанша теңгеге өскенін мәлімдеді. Бұл туралы <a href="https://stan.kz/426-min-tenge-kazakstanda-universitet-okitushilarinin-z-394591/">Stan.kz </a>ақпарат агенттігі хабарлайды.Комитет төрағасы Әділет Тойбаев университет оқытушыларының жалақысы жыл сайын өсіп жатқанын атап өтті.“Соңғы үш жылда еліміздегі оқытушылардың жалақысы өсті: 2021 жылы жалақы орташа есеппен 222 549 теңгені, 2022 жылы – 369 357 теңгені, ал 2023 жылы – 426 472 теңгеге жетті. Бұл шаралар оқытушылардың әлеуметтік мәртебесін көтеруге, олардың кәсіби өсуін ынталандыруға және біліктілігін арттыруға бағытталған”, - деп айтты комитет басшысы.Еске салайық, бұған дейін Қазақстанда педагогикалық дипломы жоқ мамандарға да мектептерде сабақ өтуге рұқсат берілетіні туралы хабарлаған едік.Фото: Нұрболат Нұржаубай

"426 мың теңге": Қазақстанда университет оқытушыларының жалақысы өсті

<a href="https://kyzylorda-news.kz/ru">Kyzylorda-news.kz.</a>&nbsp; Келесі жылдан бастап педагогикалық мамандықты бітірмеген, бірақ жоғары білімі бар азаматтарға мектептерде сабақ беруге рұқсат етіледі. Олар 1 жыл ішінде арнайы курс оқып шықса болғаны. Бүгін Орталық коммуникациялар қызметіндегі брифингте Ғылым және жоғары білім саласындағы сапаны қамтамасыз ету комитетінің төрағасы Әділет Тойбаев мұндай бастама қалай жүзеге асады және не үшін енгізіліп жатқанын түсіндірді. Бұл туралы <a href="https://stan.kz/mygalimderdin-kykigi-shektelmeydi-gilim-zhane-zhogari-b-394590/">Stan.kz </a>ақпарат агенттігі хабарлайды.&nbsp;Әділет Жүнісұлы бұл бағдарлама мектептерімізге практиктерді жіберуді көздейтінін айтты. &nbsp;<blockquote>"Мәселен, бізде физиканың педагогикалық және ғылыми бағыты бар. Ғылыми физика мамандығының түлегі өз саласы бойынша ғылыми тәжірибеден өткенімен, педагогикалық тәжірибесі болмайды, педагогикаға қатысты пәндерді оқымайды. Дәл осындай ғылым саласында жұмыс істеп жүрген мамандар оқытушы болуды қаласа өзіміздің педагогикалық университеттерде педагогика, педагогика әдістемесі, зертханалық жұмыс әдістемелері, психология сынды қосымша кредиттерді меңгеріп, сабақ беруге мүмкіндігі бар. Бұл, негізінен, тәжірибелі мамандарды осы салаға әкелуді көздеген жоба", - деді ол.&nbsp;</blockquote>Осы орайда педагогикалық жоғарғы оқу орнын бітірген мамандарының құқығы шектелмей ме деген тілші сұрағына министрлік өкілі сұраныс болғандықтан ешкімнің құқығы тапталып жатпағанын айтты.<blockquote>"Бұл бастама педагогикалық жоғарғы оқу орнын бітірген мамандар үшін бәсекелестік тудырады деп ойламаймын. Еңбек нарығында сұраныс бар, олар бір-бірін толықтырады", - деп атап өтті комитет төрағасы Әділет Тойбаев.</blockquote>Бұған дейін Қазақстанда мектепте балаларды жоғары білімді, бірақ педагогикалық дипломы жоқ мамандар да оқыта алатыны хабарланған. Бұл кадр тапшылығы мәселесін шешеді деп болжап отыр. Бірақ маман балаларды оқытпас бұрын, арнайы дайындықтан өтуі қажет.Фото: Нұрболат Нұржаубай

Министрлік: Мұғалімдердің құқығы шектелмейді

Автор: Мөлдір СНАДИНФото: qazindustry.gov«Арилан» – электромобиль инфрақұрылымын дамытушы компания. Ол көлікті қуаттандыратын станция орнатуды жолға қоюда. Өткен жылдан бастап «Арилан» Алматыға зарядтау желісін жеткізуді бастады. 2012 жылы құрылған кәсіпорын алдағы уақытта елдің барлық аумағын қамтуды жоспарлап отыр.&nbsp; Бұл мақсатқа қазірдің өзінде 400 миллион теңге бөлген, алдағы уақытта инвестиция көлемін 2 миллиард теңгеге арттыруды көздейді. Саладағы осы және өзге де мәселені сарапшы, «Арилан» компаниясының атқарушы директоры Алексей Сосновскиймен бірге тарқаттық.<img class="image_resized" style="width:100%;" src="https://knadmin.beoblood.kz/uploads/Dizajn_bez_nazvaniya_9_ea6bdbf78d.jpg" alt="Дизайн без названия (9).jpg">Фото жеке қорынан– Алексей, қазір жаңа технология жан жақты, әлем елдерін қамтып отыр. Алайда Қазақстан электромобиль дәуіріне дайын деп айта аламыз ба? – Қазақстанда электромобиль екі есе артқан. Республика аумағында 8 мыңға жуық электромобиль бар, 2 жылда (2022-2023 ж.ж.) Дамуға қарап, өзгеріс болатынына сенімдіміз. Әйтсе де отандық автокөлік паркіндегі электромобиль үлесі ауыз толтырып айтатын деңгейде емес. Бар болғаны 0,04% ғана.&nbsp; Электрлі қозғалтқышы бар автокөлік өткен жылдан бастап тіркелген. Бір ғана желтоқсан айында қатарға 521 «жасыл» көлік қосылған. Соңғы он жылда электромобиль саны бойынша мұндай елеулі өзгеріс алғаш рет көрініс тауып отыр. Бұған дейін күрт өсу 2016 жылдың 1 қаңтарында байқалған: 785 машина. Батарея негізінде қозғалысқа енетін автокөліктің басым бөлігі, яғни 1,2 мыңы не 63,9%-ы Алматыда тіркелген. Мұны бірнеше фактормен түсіндіруге болады, маңыздысы бұл қалада бизнесмендердің көбірек шоғырлануында.&nbsp; Келесі кезекте – Астана. Алматымен салыстырғанда елордада жүйткіген электромобиль бәрібір аз – 249 ғана. «Жасыл» көліктердің ең азы Ақмола (4), Ұлытау (4) және Солтүстік Қазақстан (2) облыстарында байқалған. Жақында Парламент мәжілісі депутаттарының бірқатары Қазақстандағы «жасыл» көлік санын ұлғайтып, дамуды тежеп отырған фактордың бірі ретінде инфрақұрылымның артта қалуын меңзеді. Қазір облыс орталықтарының бәрінде электрлі көлікті зарядтаушы станция бар деп айта алмаймыз, ал аймақаралық трассалар туралы сөз қозғау тіпті артық.&nbsp; Осының әсерінен Қазақстанда электромобиль тек қалада жүруге арналған көлік түрі ретінде қарастырылып отыр. Бұған қоса қазақ билігі электромобильге қатысты нақты қадамды енді бастады. Электромобиль сынды күрделі инновациялық технологияларға халықты үйрету, дәстүрлі транспорттан ауысуға дайындықты күшейту керек. – Электромобильді қуаттау мәселесіне кеңінен тоқталыңызшы... – Елімізде бензинмен жүргенге қарағанда электрокармен жүру 3 есе арзан. Энергетика министрлігінің есептеуінше, 1 электромобиль жылына орташа алғанда 3400 кВт/сағат энергия тұтынады, ал 2035 жылға қарай электромобиль секторындағы жалпы тұтыну көлемі 136 млн кВт/сағатқа жетпек.&nbsp; Қазақстанда қашықтығы 500 шақырым, қуаты 350 кВт және аккумулятор сыйымдылығы 85 кВт/сағ (Tesla) электр көлігімен жүрудің әрбір шақырым құны 8,5 теңгені құрайды (қалалық циклде). Салыстырмалы түрде бензин багінің көлемі 60 литр болатын Toyota Camry (XV70) 2,5 автокөлігінің әрбір шақырымына жанармай құны – 19,06 теңге. (Қалалық циклде АИ 92 бағасы 205 теңге болған жағдайда қалалық циклде 100 шақырымға 9,3 литр жаққанда).&nbsp; Ел бойынша жыл сайынғы орташа жүріс 20 000 шақырымды ескере отырып, электромобильді қайта қуаттауға арналған жылдық шығындар 1 квт/сағ үшін 50 теңге мөлшеріндегі тарифі ескеріле отырып, 170 000 теңгені құрайды, бұл ішкі жану қозғалтқышы бар автомобильді ұстауға арналған жылдық шығындардан 2,7 есе арзан.&nbsp; Мысалы, біз биыл қуаттау бекеттеріндегі қызмет құнын киловатт-сағат үшін 75 теңге етіп белгіледік. Бұл – аз шығын. Көрші елдердің тәжірибесі көрсеткендей, бес электромобильге орташа есеппен қоғамдық орында бір зарядтау станциясын орнату қажет. Осылайша 2030 жылға қарай Қазақстанда елдің барлық қалалары бойынша 200 мыңнан астам зарядтау станциясы болады. – Мемлекет &nbsp;“таза транспортқа” ауысуға мүдделі ме? – Әрине. Бұл бағытта электрмобиль иелері кедендік БАЖ салығын, утильалым және көлік салығын төлеуден босатылды. Соңғы кезде жеке сектордың электромобильді пайдалануға көше бастағаны да нәтиже. Бүгінгі таңда қазақстандық компаниялар электромобиль мен электроавтобусты қоса алғанда, компаниялардың электр көлігін зарядтау үшін ЖЭК-пен жұмыс істейтін дербес қуаттау станциясын орнатуға күш салып келеді. – Жақында Мәжілісте электромобильге арналған заң жобасы ұсынылды. Бұған қатысты не айтасыз? – &nbsp;Заң жобасын шолып шықтық. Соның ішінде «Электромобиль» және «электрозарядты станция» ұғымдарын енгізу, коммуналдық ақылы автотұрақтарда (автопарковкаларда, паркингтерде) электромобиль көлігінің иесі үшін тегін тұрақ орындарын пайдалану, аймақтардағы электрозарядты станцияларды жобалау, орнату және техникалық пайдалану ережелерін әзірлеу бойынша мемлекеттік органдардың өкілеттілігін анықтау талаптары ұсынылғаны қуантты. Себебі, электромобильдің болашағы зор. Шетелдік тәжірибе соған айғақ. Глазгода өткен дүниежүзілік климат саммитінде Ұлыбритания, Үндістан, Австрия, Польша, Канада, Түркия және басқа елдер, барлығы 33 ел, сонымен қатар ірі алты автомобиль өндіруші: General Motors, Ford, Mercedes, Volvo, Jaguar/Land Rover және BYD (Build Your Dreams) 2040 жылға дейін іштен жану қозғалтқышы бар көліктерден толық бас тартатынын жариялады. Бірнеше күн бұрын Дубай қаласында өткен БҰҰ-ның климаттың өзгеруі жөніндегі 28-ші конференциясының сегіз климаттық іс-қимыл қарастырылған қорытынды құжаты қабылданды.&nbsp;Негізгі іс-қимылдардың бірі - &nbsp;көлік құралдарының шығарындыларын азайту, инфрақұрылымды дамыту және электромобильді қолданысқа енгізуді жеделдету. – Әңгімелескеніңізге рақмет!

Сарапшы: Электромобиль иесі салық та, утильалым да төлемейді

Фото: ©instagram.com/wf_rk/<a href="https://kyzylorda-news.kz/ru">Kyzylorda-news.kz.</a> 2016 жылғы Азия ойындарының жеңімпазы, бірнеше дүркін ел чемпионы атанған қазақстандық ауыратлет Вячеслав Ершов қайтыс болды. Бұл туралы Қазақстан ауыр атлетика федерациясы хабарлады.29 қаңтарда ауыратлет Вячеслав Ершов өмірден өтті. Ол 2006 жылы Дохада Азия ойындарының чемпионы болған, әлем чемпионатына қатысушы. Ел біріншілігінің бірнеше дүркін жеңімпазы. ҚР Ауыр атлетика федерациясы Вячеславтың жақындарына қайғыра көңіл айтады», – деп жазылған федерация таратқан ақпаратта.Вячеслав Ершов 2013 жылы Мая Манезамен отау құрған. Екі баласы бар. Өмірден қалай өткені туралы ақпарат жоқ.&nbsp;Бұған дейін Альберт Линдер мен Владимир Седов өз-өзіне қол жұмсап, көз жұмған еді. Айналдырған екі-үш жылдың ішінде үшінші ауыр атлет өмірден өтті.

Қазақстандық ауыратлет қайтыс болды

Фото: облыс әкімінің баспасөз қызметі&nbsp;<a href="https://kyzylorda-news.kz/ru">Kyzylorda-news.kz.</a> ҚР Премьер-министрі Әлихан Смайыловтың төрағалығымен өткен Үкімет отырысында еліміздің су ресурстарын басқару жүйесін дамытудың 2024-2030 жылдарға арналған тұжырымдамасы, шағын және орта бизнесті қолдау шаралары талқыланды.Жиынға селекторлық режимде қатысқан облыс әкімі Нұрлыбек Нәлібаев Үкімет басшысына суармалы суды үнемдеу жұмыстары туралы баяндады.<blockquote>«Қазақстан Республикасының су ресурстарын басқару жүйесін дамытудың 2024-2030 жылдарға арналған тұжырымдамасын қолдаймыз. Су тапшылығына байланысты биыл күріш көлемі өткен жылмен салыстырғанда 12%-ға немесе 5 мың гектарға қысқарады. Бұл бағытта ауыл шаруашылығы құрылымдарына түсіндірме жұмыстары жүргізілді. Егістікті әртараптандыруға басымдық беріліп, атыздар лазерлік тегістелуде. Бүгінде күріш алқаптарының 55 пайызы тегістелген, осы жылы бұл көрсеткішті 68 пайызға жеткіземіз. Тәжірибе көрсеткендей, лазерлік тегістелген жерде суды 15 пайызға дейін үнемдеуге мүмкіндік бар. Бұдан бөлек, күріштің қысқа мерзімде пісіп-жетілетін, өнімділігі жоғары жаңа сорттары өндіріске енгізілуде. Қазір Украина ғалымдарымен бірлесіп, «Виконт», «Премиум», «Маршал» сорттары жергілікті ауа-райына бейімделіп, аудандастырылуда. Өткен жылы Ресейдің «Яхонт», «Патриот» жаңа сорттары тәжірибе ретінде 71 гектар жерге егіліп, жақсы нәтиже көрсетті. Бұл сорттардың өнімділігі қолданыстағы сорттарға қарағанда 10 центнерге жоғары, вегетациялық кезеңі 10-15 күнге қысқа, суды 20 пайызға дейін аз қажет етеді», – деді аймақ басшысы.</blockquote>Нұрлыбек Машбекұлы облыстағы егістік жердің 60 пайызын суландыратын «Сол жаға» магистралды каналына суды бөлу және есепке алуды автоматтандыру жұмыстары басталғанын айтты. Бүгінде Австралиялық «Rubicon Water» компаниясының тәжірибесін енгізу үшін жоба-сметалық құжаттар әзірленуде. Жаңа технологиялар көкөніс, бақша, картоп, мал азықтық және жүгері дақылдарын егуге де пайдаланылуда. Бұл бағытта биылдан бастап 5 жоба жүзеге асырылмақ. Жобалар толық қуатына жеткенде 9 мың гектарды қамтиды. Шиелі ауданында қытайлық «Бо Ян» компаниясымен бірлесіп, 3 мың гектарға тамшылатып суару әдісімен жүгері өсіру жобасы басталды. 2030 жылға дейін су үнемдеу технологияларын қолдануды 50 мың гектарға дейін ұлғайту межеленген.Үкімет жиынынан кейін облыс әкімі Нұрлыбек Нәлібаев арнайы мәжіліс өткізіп, күн тәртібіндегі мәселелер бойынша тапсырма берді. Облыстық табиғи ресурстар және табиғат пайдалануды реттеу, ауыл шаруашылығы және жер қатынастары басқармаларына «Қазсушар» мекемесінің Қызылорда филиалымен бірлесіп, Су саласын дамытудың 2024-2026 жылдарға арналған кешенді жоспары жобасына облыстың су шаруашылығы мәселелерін енгізуді салалық министрлікпен пысықтау тапсырылды. Сондай-ақ, биылдан бастап Қазақстан Республикасы төрағалық ететін Халықаралық Аралды Құтқару қоры атқарушы комитетінің отырысын өңірде өткізу ұсынылды.Күн тәртібіндегі екінші мәселе бойынша облыстық кәсіпкерлік және өнеркәсіп басқармасына шағын және орта кәсіпкерліктің негізгі макроэкономикалық көрсеткіштерінің сапалы және мерзімінде орындалуын қамтамасыз ету, жаңа өндірістерді дамытудың, жұмыс орындарын ашудың тиімді жолдарын қарастыру жөнінде тапсырмалар берілді.<img src="https://knadmin.beoblood.kz/uploads/417464817_684903270497587_8291598829286191469_n_f293189d9d.jpg" alt="417464817_684903270497587_8291598829286191469_n.jpg">

Қазақстан және Қызылорда облысының жаңалықтары