<a href="https://kyzylorda-news.kz/">Kyzylorda-news.kz.</a> Кәсіптік білім беру саласының ардагері Қуанышбек Мырзахметовті еске алуға арналған техникалық және кәсіптік білім беру ұйымдары педагогтары арасында облыстық бильярд турнирі өтті.Ерлер арасында өткен тастаяқ тіресінде аймақтың 16 колледжі бақ сынаса, оған ұлттық дәрежедегі төреші Асқар Тілеуқабылов қазылық етті.Салтанатты іс-шарада ардагердің баласы Серік Қуанышбекұлы сөз сөйлеп, қатысушыларға сәттілік тіледі. Ал ұйымдастырушылар алда бұл турнирді дәстүрге айналдыру жоспарда бар екенін жеткізді.<blockquote>– Бүгінгі турнир Смағұл Ысқақов атындағы құрылыс және бизнес колледжі директорының қызметін 11 жыл атқарған заңғар тұлға, білім саласына елеулі үлес қосқан қайраткер Қуанышбек Мырзахметұлын еске алуға арналып отыр. Мұнда колледжерден 16 қатысушы бақ шын мықтыны анықтауда. Алда бұл турнирді дәстүрге айналдырмақпыз. Жалпы, кәсіптік білім беру саласының ардагерлерін ұлықтауға арналған мұндай шара өңірде биыл алғаш рет ұйымдастырылуда. Алда өзге колледжедер бұл шараларды жыл соңына дейін жалғастырады. Білім басқармасының жоспарына сай, онда спорттың басқа түрлерінен турнир мен кездесулер қамтылмақ, – деді Смағұл Ысқақов атындағы құрылыс және бизнес колледжінің директоры Әлия Досмаханова.</blockquote>Сонымен еркін пирамида ережесі бойынша өткен тартысты бәсекеде І орын Шиелі индустриалды-аграрлық колледжі қызметкері Айдос &nbsp;Сыздықовқа бұйырды. ІІ орынды Қызылорда гуманитарлық-экономикалық колледжі қызметкері Дамир Бейбітұлы жеңіп алса, М.Ықсанов атындағы политехникалық колледжі қызметкері Дәурен Аманов ІІІ орынды түйіндеді. Жеңімпаздарға дипломдар мен бағалы сыйлықтар табысталды.&nbsp;

Тастаяқтан турнир өтті

<a href="https://kyzylorda-news.kz/ru/">Kyzylorda-news.kz</a>. Қандағы гемоглобиннің төмен деңгейі көптеген денсаулық проблемаларын, соның ішінде анемияны тудыруы мүмкін. Анемия &nbsp;қанның құрамында гемоглобин жеткіліксіз болатын жағдай, бұл қан арқылы тасымалданатын оттегінің азаюына әкеледі.Төмен гемоглобин белгілеріне әлсіздік, шаршау, терінің бозаруы және суыққа сезімталдықтың жоғарылауы жатады. Егер сізде гемоглобин деңгейі төмен болуы мүмкін деп күдіктенсеңіз, диагнозды нақытылау үшін дәрігерге барыңыз.Гемоглобин деңгейін жоғарылатудың бірнеше жолы бар. Ең қарапайым әдістердің бірі — темір тұтыну. Темір &nbsp;— гемоглобиннің маңызды құрамдас бөлігі, ол тіндерге оттегіні тасымалдауға көмектеседі. Темірді ет, құс еті, балық, бұршақ дақылдары, жаңғақтар мен жасыл көкөністерден алуға болады.С дәрумені темірді сіңіруге көмектеседі, сондықтан оны құрамында темірі бар тағамдармен бірге тұтыну маңызды. С дәрумені цитрус, құлпынай, киви, қызыл бұрыш және қызанақта кездеседі.Сондай-ақ фолий қышқылын тұтынуды арттыру қажет. Фолий қышқылы — денеге жаңа қызыл қан жасушаларын шығаруға көмектесетін маңызды компонент. Фолий қышқылы жасыл көкөністер, бұршақ дақылдары, дәнді дақылдар және апельсиндерде кездеседі.<a href="https://massaget.kz/layfstayl/Zdorove/82660/">massaget.kz</a>

Гемоглобин азайса не істеу керек?

<a href="https://kyzylorda-news.kz/">Kyzylorda-news.kz.</a> 16 мамырда республика бойынша негізгі ҰБТ басталады. Оны 5 шілдеге дейін екі рет тапсыруға болады. Соның нәтижесі бойынша грантқа түсуге мүмкіндік бар.2023 жылғы тесттің негізгі жаңалығыБиыл Қазақстан тарихы пәні бойынша 20 тест тапсырмасы болады. Олар екіге бөлінген:- 1-ден 10-ға дейін – бір дұрыс жауапты таңдауға арналған;- 11-ден 20-ға дейін – контекстке негізделген бір дұрыс жауапты таңдауға арналған тест тапсырмалары (5 сұрақтан 2 контекстік мәтін).Осылайша, контекстік тест тапсырмаларының саны көбейіп, талапкерлердің білімін терең бағалауға басымдық беріліп отыр. Сосын бұған дейін талапкерлерге оқу сауаттылығынан 20 тест тапсырмасы берілсе, енді 3 мәтін бойынша 15 тест сұрағы ұсынылады. Ал математикалық сауаттылықта бұрыңғыдай 15 тапсырма қала береді.Бейіндік пәндер комбинациясы өзгердіҰБТ-да бейіндік пәндер комбинациясы тізбесіне "Математика-Информатика" енгізілді. Оны "Информатика мұғалімдерін даярлау", "Ақпараттық технологиялар" мен "Ақпараттық қауіпсіздік" бойынша тапсырады. Бейіндік пәндерде басқа өзгеріс жоқ.Бейіндік пәндер тізімі:- математика мен физика;- биология мен география;- биология мен химия;- биология мен география;шет тілі мен дүниежүзі тарихы;- география мен шет тілі;- дүниежүзі тарихы мен құқық негіздері;- дүниежүзі тарихы мен география;- қазақ тілі / орыс тілі мен қазақ әдебиеті / орыс әдебиеті;- химия мен физика; екі шығармашылық.Жауап нұсқалары азайдыҰБТ тапсырмаларында жауап нұсқаларының санын азайтуға шешім қабылданды. Осылайша, бір дұрыс жауабы бар сұрақтарда жауап нұсқалары 5-тен 4-ке дейін, ал бір немесе бірнеше дұрыс жауабы бар сұрақтарда 8-ден 6-ға дейін азайтылды.ҰБТ форматы- 5 пән (3 міндетті + 2 бейіндік);- барлық тест тапсырма саны – 120. ең жоғары балл – 140;- тестілеудің жалпы уақыты: 4 сағат (240 минут);- ерекше қажеттілігі бар адамдар үшін тест уақытын тағы 40 минутқа ұзартып береді; Колледж түлектеріне арналған ҰБТ форматы:- 2 пән (жалпы кәсіптік +арнайы); тестілеудің жалпы уақыты – 2 сағат (120 минут);- тест тапсырмалар саны – 60. Жоғары балл саны – 70;- шекті балл – кемінде 25 балл, ал педагогикалық мамандықтарға – кемінде 35 балл;- әр пән бойынша шекті балл – 5 балл.Айта кетер жәйт, колледжде бітірген мамандығын жоғары оқу орнында ақылы бөлімде жалғастырғысы келетін бітірушілер университеттің қабылдау комиссиясында әңгімелесу арқылы оқуға қабылданады. Ондайда ҰБТ нәтижесі талап етілмейді. Ал колледж түлегі бітірген мамандығын ЖОО-да жалғастырмай, басқа білім беру бағдарламалары бойынша оқуға түскісі келсе, онда толық оқыту нысаны бойынша оқуға қабылданады. Ол үшін 5 пән бойынша ҰБТ тапсыру керек.ҰБТ нәтижесі жойылуы мүмкінТест тапсыру ережелеріне сәйкес, әрбір адам бір компьютердің алдында отырады. Бейнебақылау камерасы да бар. Бірақ аудиторияға кірмес бұрын тест тапсырушы идентификациядан өтеді. Тыйым салынған заттардың бар-жоғы да тексеріледі. Ол үшін арнайы металл іздегіш құрылғы бар. Ал аудиторияда тыйым салынған заттар анықталса, арнайы акт рәсімделеді. Осыдан кейін тест тапсырушыны шығарып жібереді.Тест тапсыру кезінде сөйлесуге, орын ауыстыруға, аудиториядан шығуға, шпаргалка және тағы басқа ақпарат алу жолдарын пайдалануға болмайды. Ереже бұзылған жағдайда тест нәтижесі жойылады. Осы орайда тағы маңызды бір нәрсені айта кеткен жөн, ҰБТ өткеннен кейін бейнебақылау жазбалары жан-жақты зерделенеді.Талапкер жоғары ұпай жинап, грантқа түскен күннің өзінде бейнебақылау жүйесі тыйым салынған заттардың болғанын анықтаса, тест нәтижесі жойылады, ал грант одан кейін тұрған адамға беріледі. ҰБТ кезінде калькулятор, Менделев пен тұздың ерігіштігін көрсететін кестені ғана пайдалануға болады. Бұның барлығы компьютердің интерфейсінде бар.Оқуға түсу үшін қанша ұпай қажет?Жоғары оқу орнының ақылы бөліміне түсу үшін кем дегенде 50 ұпай жинау керек. Ал ұлттық университеттерде шекті ұпайдың саны – 65.Бұдан бөлек, кейбір мамандықтар бойынша ұпайдың қажетті саны белгіленген.- Ауыл шаруашылығы мен биоресурстар, ветеринария – 60 балл;- Педагогикалық ғылымдар, құқық – 75 балл;Сондай-ақ әрбір университет білім беру бағдарламалары бойынша өздігімен шекті ұпай санын қоя алады. Ал грантқа түсу үшін барынша көп ұпай жинау керек.АппеляцияЕгер талапкер өзі тапсырған ҰБТ нәтижесімен келіспесе, аппеляциялық комиссияға шағым түсіре алады. Бірақ арызды келесі күні сағат 13:00-ден кешіктірмеу керек. Аппеляцияға бірден жүгінген дұрыс. Комиссия шағымды бір тәуліктің ішінде қарап, өз шешімін шығарады.Грантқа ұпай жетпесе, не істеу керекБиыл негізгі ҰБТ кезінде екі рет тест тапсыруға мүмкіндік беріліп отыр. Екі куәліктің ішінен ең жоғары ұпайды алып, грант тағайындау конкурсына қатысуға болады. Грантқа өтпей қалсаңыз, ақылы бөлім ғана қалады. Оған да шекті ұпай жетпей тұрса, тамыз айында ақылы тест тапсыруға болады. Бағасы – 4 230 теңге.Негізгі ҰБТ-ны кімдер тегін тапсырады?Биыл ұлттық бірыңғай тестілеуге қатыса алатындар:- 2023 жылдың колледж бен мектеп түлектері;- өткен жылдары колледж бен мектеп бітіргендер;- шетелде 11 (12) сыныпта оқитындар;- қандастар;- шартты түрде оқуға түсетін студенттер;Биыл мектеп бітірген түлектер ҰБТ-ны тегін тапсырады. Қалғаны ақысын төлеуі керек.<a href="https://sputnik.kz/20230513/ubt-2023-biylgy-testtin-negizgi-ozgeristeri-qanday-34849833.html">Sputnik Қазақстан</a>

ҰБТ-2023: Биылғы сынақтың негізгі өзгерістері қандай?

<a href="https://kyzylorda-news.kz/">Kyzylorda-news.kz.</a> Әлемде қанша мамандық болса, олардың әрбірінің адам үшін маңызы зор. Әйтсе де, адам жанының арашасы болған ақ халатты абзал жандардың, оның ішінде мейіргерлердің орны ерекше екені рас.Бүгін антына адал жандар мерекесі, яғни «12 мамыр – Халықаралық мейірбикелер күніне» орай, облыстық денсаулық сақтау басқармасының ұйымдастыруымен Қызылорда жоғары медициналық колледжінде мерекелік шара болып өтті.&nbsp;Салтанатты шараға облыстық денсаулық сақтау басқармасының басшысы Искаков Олжас Ермекұлы және медицина ұйымдарының бас дәрігерлері мен өңірдің барша мейіргерлері қатысты.&nbsp;Алдымен аймақтың бас дәрігері Олжас Ермекұлы барша мейіргерлерді төл мерекелерімен құттықтап, өзінің жүрекжарды лебізін білдірді.&nbsp;<blockquote>«Дертке шипа, денге саулық сыйлайтын барша мейірімді маман иелерін бүгінгі кәсіби мерекелерімен шын жүректен құттықтаймын! Осы ретте өңір халқының денсаулығын жақсарту бағытында аянбай еңбек етіп жүрген барша мейіргерлерге зор ризашылығымды білдіремін. Ұлт саулығы - мемлекеттің негізгі капиталы десек, сол баға жетпес қазынаны қызғыштай қорып жүрген Сіздердің еңбектеріңіз қашанда жоғары бағаланады. Мереке тұсында баршаңызға мықты денсаулық, қажымас қайрат, отбасыларыңызға амандық, құт-береке тілеймін! Ел игілігі жолындағы еңбектеріңіз әрқашан нәтижелі болсын», - деді басқарма басшысы.&nbsp;</blockquote>Одан соң бірқатар саламызға еңбегін сіңірген білікті маман иелерін Қазақстан Республикасы Денсаулық сақтау министрлігінің «Денсаулық сақтау ісінің үздігі», «Денсаулық сақтау ісіне қосқан үлесі үшін» төсбелгісімен, ҚР Денсаулық сақтау министрлігінің «Құрмет» грамотасы, «Алғыс хатымен», Облыс, қала әкімінің «Алғыс хаты», «Амаnат» партиясының Қызылорда облыстық филиалының «Алғыс хаты», облыстық денсаулық сақтау басқармасының «Алғыс хаты», «Медициналық білім беруді дамытуға қосқан үлесі үшін», «Мейіргер ісі»ассоциациясының «Мейірім» медалдары, «SENIM» Денсаулық сақтау жүйесі жұмыскерлерінің салалық кәсіптік одағының Үздігі төсбелгісімен марапаттады.&nbsp;Сондай-ақ, «12 мамыр – Халықаралық Мейірбикелер күні» кәсіби мерекесіне орай өткізілген «Үздік маман - 2023» кәсіби конкурсының үздіктері мен Жамбыл облысында «Психикалық денсаулыққа заманауи көзқарас» тақырыбындағы республикалық ғылыми практикалық конференция аясында волейболдан 1 орын иеленген облыстық психикалық орталығының жеңімпаздары «Алғыс хаттармен» марапатталды.&nbsp;Мерекелік шара одан әрі концерттік бағдарламаға ұласты.&nbsp;Халықтың денсаулығы жолындағы күресте облыс халқына бүгінде 11 мыңға жуық орта буын мамандары қызмет көрсетеді.<img src="https://knadmin.beoblood.kz/uploads/345569138_1000210834678629_607645482049947312_n_7212d9fa2a.jpg" alt="345569138_1000210834678629_607645482049947312_n.jpg"><img src="https://knadmin.beoblood.kz/uploads/346610783_3295541067423686_5064256305027233413_n_5511313d90.jpg" alt="346610783_3295541067423686_5064256305027233413_n.jpg"><img src="https://knadmin.beoblood.kz/uploads/346613063_1288930771724557_1990947951591417443_n_3da4ff0dcd.jpg" alt="346613063_1288930771724557_1990947951591417443_n.jpg"><img src="https://knadmin.beoblood.kz/uploads/346610254_487534343518942_6441419749199475909_n_c120b0471d.jpg" alt="346610254_487534343518942_6441419749199475909_n.jpg">&nbsp;

Қызылорда облысында 11 мыңға жуық мейіргер қызмет етеді

<a href="https://kyzylorda-news.kz/">Kyzylorda-news.kz.</a> Бүгін Қызылорда қаласы әкімінің орынбасары Дінмұхамед Ермеков жергілікті тауар өндірушілерді қолдау мақсатында бірқатар кәсіпкерлік нысандарды аралады.Дінмұхамед Жандарбекұлы аралау жұмыстарын еуропалық үлгідегі темір-бетоннан жасалатын «Еурозабор» өндіріс орнынан бастады. Аталмыш кәсіпорын тапсырысқа сәйкес, заманауи үлгідегі еуроқақпалар шығаруда. Өндірісті жолға қойған Гүлзат Әбілова өткен жылы «Еурозабор» &nbsp;жобасын әзірлеп, жаңа бизнес-идеяларды іске асыруға берілетін қайтарымсыз грантты жеңіп алған. Бұл қаржыға қажетті құрал-жабдықтарын түгендеп, арнайы қалыпқа салып әзірленетін еурозабордың 600-800 метрін тапсырыс берушіге өткізген. &nbsp;Жұмыс ауқымы кеңейгесін «Қызылорда» өңірлік инвестициялық орталығы микроқаржы ұйымы арқылы 6 пайыздық несиелендіру бойынша «Құрылысқа қажетті темір торлар шығару үшін қажетті құрал-жабдықтар салып алу» жобасын ұсынып, 13 &nbsp;млн. теңге қаражатқа ие болды. Қазір қытайлық компаниялармен келісім-шарт арқылы құрал-жабдықтарды алдыртуда. Қала әкімінің орынбасары кәсіпкерге бұл бағыттағы қызметіне ризашылығын білдіріп, берекелі ісіне сәттілік тіледі. Айта кету керек, өндіріс орнында 6 адам еңбек етуде.Дінмұхамед Жандарбекұлы «Ади мебель» кәсіпкерлік нысанына да барды. Мұнда жиһаздар шығарылады. Кәсіп иесі Мақсат Жұмадуллаұлы бұл кәсіппен 2020 жылдан бастап айнылысуда. Сол жылы «Қызылорда» өңірлік инвестициялық орталығы микроқаржы ұйымы арқылы «Жиһаз цехын кеңейту үшін құрал-жабдықтар алу» жобасын ұсынып, 5 млн.теңгеге қаржылай қолдауға ие болған. Ал, 2021-2022 жылдар аралығында кәсібін кеңейту мақсатында «2021-2025 жылдарға арналған кәсіпкерлікті дамыту жөніндегі ұлттық жоба» мемлекеттік бағдарламасы аясында екінші деңгейлі банк арқылы «Өндірістік алаң сатып алуға және құрал-жабдықтар алуға» 30 млн.теңге несие алған. Бүгінгі күні 10 адамды тұрақты жұмыспен қамтып отырған кәсіпкер тұрғындардың сұранысына сәйкес түрлі жиһаздар жасауда. Өндіріс егесі Мақсат Жұмадуллаұлы мемлекет тарапынан жасалынған қолдауға алғысын айтып, өндірісін кеңейтуге жоспар жасап жатқандығын жеткізді.Қала әкімінің орынбасары раковина өнімдерін шығаратын «Nomad» цехына жол жүрді. Әрбір үйге аса қажетті дүниені дайындап отырған жас кәсіпкер Бауыржан Қамзаев мәрмар тастан ыдыс жуғыш жасаудың қыр-сырын үйреніп, осы бағытта «Жасанды мәрмәр тастан раковина өнімдерін шығару» жобасын жасаған. Жоба қолдауға ие болып, 5 миллион теңге грант жеңіп алған. Қаржыға керек қондырғыларын сатып алып, кәсібін бастаған. Бүгінде 3 отбасыны жұмыспен қамтып отырған ол мәрмар тасты раковинаның 12 түрін жасап, ішкі нарыққа шығарып отыр. Дінмұхамед Жандарбекұлы өндірісті ұлғайту үшін қажетті қолдаулар болатындығын айтып, кәсіпкердің ұсыныс-тілектерін тыңдады.Қала әкімінің орынбасары танысқан келесі нысан - «CK AYA-ZHAN» ЖШС-гі. Мекеме 2019 жылдан бастап пенопласт және полистирол бетон өндірісімен айналысып келеді. 2022 жылдың желтоқсан айында мемлекеттік бағдарламаның көмегімен, яғни «Қызылорда» өңірлік инвестициялық орталығы микроқаржы ұйымы арқылы 10 млн. теңгеге қолдау алып, шикізат сатып алған. Цехта өндірілген өнімнің қуаттылығы жылына 200 тоннаны құрайды. Мұнда &nbsp;20 адам жұмыс істейді.Қала әкімінің орынбасары Дінмұхамед Жандарбекұлы өз кәсібі арқылы аймағымыздың дамуына үлесін қосып жүрген кәсіп иелерінің жұмысына сәттілік тілеп, жаңа бизнес-идеяларын іске асыруға қолдау көрсетілетіндігін жеткізді.<img src="https://knadmin.beoblood.kz/uploads/346663007_554031270258935_2911136597372022450_n_b080a13c26.jpg" alt="346663007_554031270258935_2911136597372022450_n.jpg"><img src="https://knadmin.beoblood.kz/uploads/346667955_905665147186124_8332627307140792580_n_e93374116c.jpg" alt="346667955_905665147186124_8332627307140792580_n.jpg"><img src="https://knadmin.beoblood.kz/uploads/345881324_241243938528838_6346006826677095578_n_e782a0a5f7.jpg" alt="345881324_241243938528838_6346006826677095578_n.jpg">

Қызылорда қаласы әкімінің орынбасары бірқатар кәсіпкерлік нысандарды аралады

<a href="https://kyzylorda-news.kz/">Kyzylorda-news.kz.</a> ​Қызылорда қалалық мәслихаттың кезектен тыс III сессиясы өтіп, күн тәртібінде қалаға қарасты кент және ауылдық округтерге бөлінген қаржыларды нақтылау мәселелері қаралды.​Көпшілікке белгілі, еліміздің әлеуметтік-экономикалық даму мәселелері жөніндегі кеңейтілген кеңесте Үкіметке маңызды міндеттер жүктеген Мемлекет Басшысы Қасым-Жомарт Тоқаев халықтың тұрмыс жағдайын жақсарту бағытында нақты шараларды жүзеге асыруды тапсырды. Соның ішінде ауылдардың &nbsp;әлеуетін көтеруге ерекше көңіл бөлу керектігін жеткізді. ​Сессия барысында бұл мақсатты миссияның Сыр өңірінде сәтті жүзеге асып келе жатқанын тілге тиек еткен қала әкімі Асылбек Шаменов шаһар аумағындағы ауылдардың халқына игілік сыйлаған өркенді жобаларға тоқталды.&nbsp;<blockquote>​«Мәселен, кеше ғана қалаға іргелес жатқан Ақсуат ауылдық округінің көгілдір отынға қосылуымен ел көңіліндегі түйіткілді мәселе біржола шешілді десек болғандай. Облыс әкімі Нұрлыбек &nbsp;Нәлібаевтың қатысуымен өткен салтанатты шарада құны 4 млрд. 900 млн. теңгені қамтыған жобаның сапалы әрі мерзімінде аяқталғанына ақсуаттықтар ризашылығын білдірді. Осы кездесуде аймақ басшысы мұндай ауқымды жобалардың жалғасатындығын және келер жылы да республикалық бюджеттен қомақты қаржы бөлініп, ауылдардың көшелері жаңаратындығын айтты», - деді қала әкімі Асылбек Шаменов.</blockquote>​Осындай игі іс Қосшыңырау ауылдық округінде де бастау алған. Тұрғындардың талай жылғы талап-тілегі ескеріліп, республикалық бюджеттен бөлінген &nbsp;662 млн теңгеге газ желісі жүргізіліп, мердігер мекеме жұмысшылары тапсырылған міндеттемені бекітілген кестеге сәйкес атқаруда. Жоспар бойынша жыл соңына дейін жұмыстар толығымен аяқталып, елді мекен көгілдір отынға қосылатын болады.​«Біздің міндет Президент тапсырмаларын лайықты жүзеге асырып, тұрғындарымызға қолайлы жағдай жасау» - деген шаһар басшысы бекітілген қала бюджеті, республикалық және облыстық бюджеттерден бөлінген қаржы көлемі туралы ақпар келтіріп өтті. Бұл қаражаттар тұрғындардың талап-тілегіне орай, кезек күттірмейтін өзекті мәселелерді шешуге бағытталуда.​Айта кетейік, биылғы жылы Ұлттық қордан және облыстық бюджеттен «Ауыл-ел бесігі» мемлекеттік бағдарламасы арқылы 2 млрд 712 млн теңге бөлінген. Бұл қаржыға қалаға қарасты ауылдардағы 36,4 шақырымды құрайтын 46 көшесіне орташа жол жөндеу жұмыстары жүргізіліп, 47 көше жарықтандырылып, 14 көшеге жаяу жүргінші жолдары салынады. 13 көше электр желілерімен қамтылады. Тағы 16 көшеге жаңа жол құрылысы жасалынады.​Ал, өткен жылы осы бағдарламамен бөлінген 511,3 млн. теңгеге Талсуат және Қарауылтөбе ауылдық округтерінде құрылысы басталған 150 орындық клубтар жақын күндері пайдалануға беріледі. &nbsp;​Ел Президенті Қасым-Жомарт Кемелұлы Тоқаев Қазақстан халқына Жолдауында «Ұлт саулығы жақсы болса ғана, қоғам орнықты дамиды. Медициналық инфрақұрылымды кешенді түрде жақсартуға баса назар аудару керек. Мұның бәрі ұлт денсаулығын сөз жүзінде емес, іс жүзінде жақсартуға септігін тигізеді» деген болатын.Осы ретте, облыстық денсаулық сақтау &nbsp;басқармасы арқылы Баймұрат батыр ауылында дәрігерлік амбулатория құрылысына Ұлттық қордан 128,1 млн. теңге және Досан елді мекеніндегі медициналық пункт құрылысына 106,8 млн. теңге бөлініп отыр. Бұл құрылыстар биыл басталады деп күтілуде.

Асылбек Шәменов: Біздің міндет тұрғындарға қолайлы жағдай жасау

<a href="https://kyzylorda-news.kz/ru/">Kyzylorda-news.kz</a>. Қазақстан Республикасының басым бөлігінде атмосфералық фронтальды учаскелердің өтуімен ауа райы құбылмалы болады. Найзағай соғып, жаңбыр жауады, деп хабарлайды Қазгидромет.Синоптиктердің мәліметінше, күндіз еліміздің солтүстік-батысында, солтүстігінде бұршақ жаууы мүмкін.Республика бойынша жел күшейеді, оңтүстік-батыста тұман түседі, оңтүстікте шаңды дауыл тұрады.

Сенбі күні ауа райы құбылмалы болады

<a href="https://kyzylorda-news.kz/">Kyzylorda-news.kz.</a>&nbsp; Биылғы оқу жылының түлектері екі мәрте Ұлттық Бірыңғай тестілеуге қатысып, бақ сынады. Алда екі мәрте мемлекеттік грантқа оқуға түсу үшін білім бәйгесіне түседі. Бұл екі мүмкіндік түлектерге мамыр және маусым айында беріледі. Осы жылдың сәуір айының 28-нен бастап грант негізінде оқуға түсу үшін талапкерлерден ҰБТ-ға өтініш қабылдау жүзеге асуда.Жалпы талапкерлерге биыл да ұлттық бірыңғай тестті бес рет тапсыру мүмкіндігі берілетіні белгілі. Оның үшеуі ақылы негізде оқуға түсу үшін болса, екеуі грантпен оқуға түсу үшін талаптанады.&nbsp;Осы уақытқа дейін оқушылар екі рет ақылы негізге оқуға талаптанды, алда негізгі тест сынағы тұр. Мамыр-маусым айында мектеп бітірушілер бақ сынап, ең жоғарғы нәтижеге қол жеткізуге тырысады. Себебі осы жолғы ҰБТ-дан жинаған ұпаймен грант конкурсына қатысып, қалаған жоғарғы оқу орнына түсуге мүмкіндік алады.<blockquote>– «ҰБТ-2023» форматында айтарлықтай өзгерістер жоқ. Дегенмен міндетті пәндер қатарындағы «Қазақстан тарихы» мен «Оқу сауаттылығы» бойынша тапсырмалар саны өзгерген. Яғни, Қазақстан тарихынан – 20, оқу сауаттылығынан – 15, математикалық сауаттылықтан – 15 және екі бейіндік пәндер бойынша 35 сұрақ ұсынылады. Талапкер барлығы 120 сұрақ¬тан ең жоғарғы ұпай – 140 балды жинауына болады. Тестілеуге 4 сағат уақыт берілсе, ерекше білім беру қажеттілігі бар балаларға қосымша 40 минут қарастырылған, – деген болатын ҚР Ұлттық тестілеу орталығының директоры Руслан Емелбаев.</blockquote>Тағы бір ескеретін жайт – жауап нұсқаларының санының азайғанында. Бір дұрыс жауабы бар тест тапсырмаларында нұсқалар саны 5-тен 4-ке дейін, бір немесе бірнеше дұрыс жауабы бар тест тапсырмаларында нұсқалар саны 8-ден 6-ға дейін азайған.Биылғы жылдың талапкерлері үшін ең басты жаңалық «Информатика мұғалімдерін даярлау», «Ақпараттық технологиялар», «Ақпараттық қауіпсіздік» мамандығын таңдаған талапкерлер тестті таңдау пәні бойынша математика және информатика пәндерінен сынақ тапсырады.<blockquote>– Бұған дейін IT саласына түсушілер «Математика-физика» пәндерін таң-дайтын. Тестілеуге дайындықты жақсарту үшін оқу жылының басында информатика бойынша ҰБТ-да кездесетін терминдер тізімін жарияладық. Қазақ тілінде тапсырушылар үшін терминдердің орысша және ағылшынша, орыс тілінде тапсырушыларға – қазақша және ағылшынша, ағылшынша тапсырушыларға – қазақша-орысша аудармасы ұсынылады. Сондай-ақ барлық талапкерге компьютер экрандарында калькулятор, Менделеев және ерігіштік кестесі қолжетімді. Тестілеу орталығы кестелерді қағаз түрінде де таратады, оқушылардың өздеріне әкелуге рұқсат жоқ, – деп түсіндірді орталық директоры брифингте.</blockquote>2022-2023 оқу жылынан бастап ІТ-мамандықтарға түсуші талапкерлер қа-жетті пәндердің бірі ретінде информатикадан тест тапсыратыны туралы ҚР цифрлық даму, инновациялар және аэроғарыш өнеркәсібі министрі Бағдат Мусин пікір білдірген.<blockquote>– Бүгінгі таңда ҰБТ-ға дайындық – бұл жоғары сынып оқушыларын алаңдататын басты мәселе. Информатиканы қажетті пәндердің тізбесіне кіргізу арқылы пәнді оқуға қызығушылық таныт¬қан оқушылар санын ұлғайтуға мүмкіндік болады. Бұл өз кезегінде информатика мұғалімдері кәсібінің беделі мен мәртебесін арттырады, – дейді министр.</blockquote>Министр болашақта барлық мамандық ІТ саласымен байланысты болады дейді. Соған орай әрбір адам математиканы білгені сияқты бағдарламалау негіздерін де білуі керек.<blockquote>– Адам бағдарламауды білсе, бұл оның логикалық ойлауды жетік меңгергенін білдіреді. Осы ретте ол бәсекеге қабілетті бола алады. Өйткені ол информатика біліміне негізделген идеялар мен түрлі гипотезаларды іс жүзінде жүзеге асыра алады. ІТ саласының негіздерін үйрену – бұл тек мамандықты меңгеруде ғана емес, өмірде де пайдалы болары анық, – деді Бағдат Мусин.</blockquote>Жалпы талапкерлер үшін ҰБТ-ға дайындықты жақсарту мақсатында Ұлттық тестілеу орталығы өз сайтында және әлеуметтік желілерінде тест жоспарын, ҰБТ-да кездесетін Қазақстан тарихы мен дүниежүзі тарихынан 100 тарихи датаны, информатика пәнінен терминдер тізімін, қазақ әдебиеті және орыс әдебиеті пәндерінен сұрақтар келетін шығармалар тізімін жариялаған.Сырдария ауданында 2022-2023 оқу жылында 471 оқушы мектеп бітіреді. Оның 345-і осы уақытқа дейінгі ҰБТ-ға қатысқан. Қаңтар айында тапсырған ҰБТ қорытындысында орташа балл – 81,8 болса, наурыз айында – 78 балды көрсетті. 100 және одан жоғары балл жинаған талапкерлердің саны – 54, шекті балдан өтпегендер – 21. Осы күні негізгі сынаққа дайындық мәселелері қаралып, пысықталуда. Ата-аналарға балаларына барынша жағдай жасау мәселесі де тапсырылған.Наурыз айындағы ҰБТ бойынша ауданда ең жоғарғы 128 балды №44 орта мектептің оқушысы Мерей Жалғас жинаса, одан кейін 127 балды №37 мектептен Айжан Рамазан алды. Биыл ауданда 28 «Алтын белгіге» және 35 «Үздік аттестатқа» үміткер бар.

 Сырдариялық оқушылардың ҰБТ-ға дайындығы қалай?

Kyzylorda-news.kz. Конституциялық құрылысты қорғау, қоғамдық тәртіпті, адамның құқықтары мен бостандықтарын, халықтың денсаулығы мен имандылығын сақтау мақсатында Қазақстан Республикасының заңдарында көзделген жағдайларды қоспағанда, мемлекеттік, жергілікті атқарушы органдар, мемлекет нарық субъектілерінің қызметін реттеу функцияларын берген ұйымдар мемлекеттік функцияларды іске асырған немесе мемлекеттік қолдау шараларын көрсеткен кезде олардың әрекеттерінен (әрекетсіздігінен), актілер не шешімдер қабылдаудан көрінетін, бәсекелестікті шектеуге немесе жоюға алып келген немесе алып келуі мүмкiн бәсекелестiкке қарсы әрекеттерiне (әрекетсіздігіне) Қазақстан Республикасының заңнамасында белгiленген тәртiппен тыйым салынады және олар толығымен немесе iшiнара жарамсыз деп танылады. Бұл туралы ҚР Бәсекелестікті қорғау және дамыту агенттігінің Қызылорда облысы бойынша департаменті хабарлады.&nbsp;Мемлекеттiк, жергілікті атқарушы органдардың, мемлекет нарық субъектілерінің қызметін реттеу функцияларын берген ұйымдардың бәсекелестiкке қарсы әрекеттерi (әрекетсіздігі) болып мыналар да танылады: 1) қызметтiң қандай да бiр саласында нарық субъектiсiн құруға қатысты шектеулер енгiзу; &nbsp; &nbsp; &nbsp; 2) нарық субъектiсiнiң қызметiн жүзеге асыруына негiзсiз кедергi келтiру; &nbsp; &nbsp; &nbsp; &nbsp;3) тауарлардың еркiн қозғалысына қатысты – тыйым салуларды белгiлеу немесе шектеулерді енгізу, нарық субъектiсiнiң тауарларды өткiзу құқықтарына өзге де шектеулерді енгiзу; &nbsp; &nbsp;&nbsp;4) нарық субъектiсiне сатып алушылардың белгiлi бiр санаты үшiн тауарларды бiрiншi кезекте беру не белгiлi бiр сатушылардан (өнiм берушiлерден) тауарларды бiрiншi кезекте сатып алу немесе басымдықты тәртiппен шарттар жасасу туралы нұсқаулар; &nbsp; &nbsp; &nbsp; 5) тауарларды сатып алушылар үшін осындай тауарлар ұсынатын нарық субъектiлерiн таңдауына шектеулер белгiлеу; &nbsp; &nbsp; &nbsp;6) бағаларды көтеруге, төмендетуге немесе ұстап тұруға бағытталған әрекеттер; &nbsp; &nbsp;7) тауар нарығын аумақтық қағидат, тауарлардың сатылу немесе сатып алыну көлемi, өткiзiлетiн тауарлардың ассортиментi бойынша не сатушылардың (өнiм берушiлердiң) немесе сатып алушылардың құрамы бойынша бөлуге бағытталған әрекеттер; &nbsp; &nbsp; &nbsp; 8) нарық субъектiлерiнiң тауар нарығына кiруiн, тауар нарығына шығуын шектеу немесе одан нарық субъектілерін ығыстырып шығару; &nbsp; &nbsp; &nbsp;9) нарықтың жекелеген субъектiлерiне оларды бәсекелестеріне қатысты артықшылық жағдайға қоятын жеңiлдiктер немесе басқа да артықшылықтар беру немесе бәсекелестермен салыстырғанда қызметтерінде қолайсыз немесе кемсiтушілік жағдайлар жасау; &nbsp; &nbsp; &nbsp;10) нарық субъектiлерiн шарттарды басымдықпен жасасуға, тауарларды тұтынушылардың белгiлi бiр тобына бiрiншi кезекте беруге не тауарларды белгiлi бiр сатушылардан (өнiм берушiлерден) бiрiншi кезекте сатып алуға тiкелей немесе жанама мәжбүрлеу; &nbsp; &nbsp; &nbsp;11) нарық субъектілеріне жеке кәсіпкерлікті мемлекеттік қолдау шараларына тең қолжетімділік бермеу.Конституциялық құрылысты қорғау, қоғамдық тәртіпті, адамның құқықтары мен бостандықтарын, халықтың денсаулығы мен имандылығын сақтау мақсатында Қазақстан Республикасының заңдарында, сондай-ақ Қазақстан Республикасы ратификациялаған халықаралық шарттарда көзделген жағдайларды қоспағанда, мемлекеттiк, жергілікті атқарушы органдар, жергiлiктi өзiн-өзi басқару органдары, мемлекет нарық субъектілерінің қызметін реттеу функцияларын берген ұйымдар арасындағы немесе олар мен нарық субъектiлерi арасындағы келiсiмдерге, егер мұндай келiсiмдер бәсекелестiктi шектеуге немесе жоюға алып келетін немесе алып келуі мүмкiн болса, тыйым салынады.Жеке кәсіпкерлікті мемлекеттік қолдау шараларын ұсыну кезінде: 1) нарықтың жаңа субъектілері үшін мемлекеттік қолдау шараларына қол жеткізуді шектеуге; &nbsp; &nbsp;2) жеке кәсіпкерлік субъектілеріне өз мазмұны бойынша мемлекеттік қолдау нысанасына қатысы жоқ қосымша міндеттемелер жүктеуге; &nbsp; &nbsp; &nbsp; 3) Қазақстан Республикасының заңнамасында көзделмеген алымдар мен өзге де төлемдерді алуға; &nbsp; &nbsp; &nbsp; 4) мемлекеттік қолдау шараларын алушылардың қызметін, егер бұл әрекет бәсекелестікті болғызбауға, шектеуге немесе жоюға алып келсе немесе алып келуі мүмкін болса, үйлестіруге тыйым салынады.Жеке кәсіпкерлікті мемлекеттік қолдаудың жаңа шараларын енгізу, жеке кәсіпкерлікке мемлекеттік қолдау шараларын көрсету тәртібін айқындайтын нормативтік құқықтық актінің жобасы осы баптың 3-1-тармағының талаптары сақтала отырып, монополияға қарсы органмен келісуге жатады.Монополияға қарсы органмен жеке кәсіпкерлікті мемлекеттік қолдаудың жаңа шараларын енгізу, жеке кәсіпкерлікке мемлекеттік қолдау шараларын көрсету тәртібін айқындайтын нормативтік құқықтық актінің жобасы келісілген кезде мыналар есепке алынады: &nbsp; &nbsp; &nbsp; &nbsp; &nbsp;1) тауар нарығының шоғырлану деңгейі; &nbsp; &nbsp; &nbsp;2) тауар нарығына кірудің экономикалық, технологиялық, әкімшілік кедергілерінің болуы; &nbsp; &nbsp; &nbsp; 3) шағын, орта кәсіпкерліктің қатысу үлесі; &nbsp; &nbsp; &nbsp; 4) нарықтың жаңа субъектілерінің пайда болу серпіні; &nbsp; &nbsp; &nbsp; 5) тауар нарығының теңгерімі, ішкі сұранысты қанағаттандыру; &nbsp; &nbsp; &nbsp; 6) тиісті тауар нарығында кәсіпкерлікке мемлекеттің қатысу деңгейі; &nbsp; &nbsp; &nbsp;7) мемлекеттік жоспарлау жүйесінің құжаттарымен бекітілген тауар нарығындағы мақсаттарға, нысаналы индикаторларға, міндеттерге және бәсекелестікті дамыту көрсеткіштеріне қол жеткізу; &nbsp; &nbsp; &nbsp;8) тауар нарығындағы бәсекелестіктің жай-күйі ескеріле отырып, жеке кәсіпкерлікті мемлекеттік қолдау шараларының басымдығын айқындайтын өзге де құжатпен расталған мән-жайлар.Қазақстан Республикасы Ұлттық Банкіне қатысты Қазақстан Республикасының бәсекелестікті қорғау саласындағы заңнамасын бұзушылықтарды тергеп-тексеру нәтижелері бойынша қорытындының жобасы тергеп-тексеру объектісіне тергеп-тексеру аяқталғанға дейін кемінде күнтізбелік отыз күн бұрын мерзімде тапсырылады немесе хабарламасы бар хатпен жіберіледі.Қазақстан Республикасының бәсекелестікті қорғау саласындағы заңнамасын бұзушылықтарды тергеп-тексеру нәтижелері бойынша қорытынды жобасында келтірілген дәйектермен келіспеген және Қазақстан Республикасы Ұлттық Банкі тергеп-тексеру аяқталғанға дейін кемінде күнтізбелік жиырма күн бұрын мерзімде өтініш жасаған жағдайда, монополияға қарсы органның лауазымды адамы (лауазымды адамдары) Қазақстан Республикасының бәсекелестікті қорғау саласындағы заңнамасын бұзушылықтарды тергеп-тексеру нәтижелері бойынша қорытындының жобасын келісу комиссиясының қарауына шығарады, оның құрамына Қазақстан Республикасы Ұлттық Банкінің және монополияға қарсы органның өкілдері кіреді.Келісу комиссиясы енгізілген қорытындының жобасын енгізілген күнінен бастап күнтізбелік бес күннен аспайтын мерзімде тергеп-тексеруге қатысатын адамдарды отырысқа шақыра отырып, оның толықтығы мен Қазақстан Республикасының бәсекелестікті қорғау саласындағы заңнамасын бұзушылық фактілерінің онда келтірілген дәлелдемелерінің сапасы тұрғысында қарайды.Қорытындының жобасын қарау нәтижелері бойынша келісу комиссиясы ескертулерін және ескертулердің болуы (болмауы) туралы ұсынымдарын шығарады.Қорытындының жобасына ескертулер қабылданған жағдайда монополияға қарсы орган оны пысықтауды жүзеге асырады және күнтізбелік бес күннен кешіктірілмейтін мерзімде келісу комиссиясының қарауына қайта ұсынады.Монополияға қарсы орган қорытындының жобасына ескертулерді қабылдамаған кезде келісу комиссиясының атына келіспеу себептерінің негіздемелері ұсынылады.&nbsp;Монополияға қарсы органның қорытындыны бекіту туралы шешімі келісу комиссиясының қорытынды жобасына ескертулері болмаған жағдайда қабылданады және тергеп-тексеру аяқталған күннен бастап күнтізбелік он күннен аспайтын мерзімде монополияға қарсы органның бұйрығымен ресімделеді. &nbsp; &nbsp; &nbsp; &nbsp; &nbsp;&nbsp;

Бәсекелестiкке қарсы әрекетке белгiленген тәртiппен тыйым салынады

<a href="https://kyzylorda-news.kz/">Kyzylorda-news.kz.</a> Дала өрттері – табиғи өрттердің негізгі түрлері жасыл желектің, орманның, орманды даланың және даланың өртенуі. Өрт – тілсіз жау және барлық апаттың бастауы. Ол экономикаға үлкен материалдық шығын келтіріп, адамдардың өміріне қауіп төндіретін болғандықтан оған немқұрайлықпен қарамауымыз қажет. Осы орайда Қазалы ауданы әкімі аппаратының жұмылдыру дайындығы және аумақтық қорғаныс бөлімі мамандары әлеуметтік желі арқылы халыққа түсіндірме жұмыстарын жүргізді.&nbsp;Өрт жаздың қатты ыстығында, ұзақ уақыт жауын жаумай, құрғақшылық болған кезде жиілеп, орманды және дала алқабының өртенуіне шөптің өздігінен жануы басты себеп болады. Мұндай өрттің дами түсуіне күшті жел тіпті әсер етеді. Дала өртінің 80 пайызға жуығы тұрғындар еңбек етіп жатқан немесе дем алып жатқан жерлерінде от қауіпсіздігін сақтамауынан болады. Нәтижесінде даладағы өрт аудандарға жайылып, елді мекендерге қауіп төнеді. Кейде дала өртінің ауылға немесе басқа да елді мекендерге тақап келетін сәттері де болады. Мұндайда ең бастысы – тұрғындардың негізгі бөлегін, әсіресе, балаларды, қарттар мен әйелдерді көшіру. Адамдарды шығару, жаяу болсын, көлікпен болсын оттың жайылу бағытына перпендикуляр жүргізіледі.&nbsp;Ауыз бен мұрынды ылғалды мақта-дәке таңғышпен, орамалмен, жаулықпен көлегейлеп алған дұрыс. Құжаттарды, ақша мен аса қажет заттарды алуды да ұмытпаңыз. Сонымен қатар дала өрттері от ұшқындарын сөндіргіші болмауынан, автотрактор техникасының электр жабдығының жарамсыздығынан, тасталған шылым қалдығы мен шырпының толық сөндірілмеуінен де болады.Дала өрттерін болдырмау үшін ұйымдардың, шаруашылық қожалықтарының басшылары жұмысшылармен қол қойдыра отырып, өрт қауiпсiздiгi шаралары және іс-әрекеттері туралы нұсқаулықтар жүргізіп, ақаулы техникамен жұмыс істеуге тыйым салып, тракторды зауыттан шыққан от ұшқындарын сөндіргіштермен жабдықтап және өрт сөндірудің бастапқы құралдарымен қамтамасыз ету қажет. Қолданыстағы нормативтік құқықтық актілерге сәйкес ауыл шаруашылығына жарамды жерлерде шабылған егістің орнын өртеуге тыйым салынады. Оттың көрші аумақтарға, отырғызылған орман ағаштарына жайылуын болдырмау үшін жер учаскелері жер үлестерге бөлініп, шектелген жерлері жыртылуы қажет. Дала өрттерін уақытылы сөндіру олардың ерте анықталғандығына және өрт сөндіру қызметіне немесе ауылдық округ әкімдеріне хабарлануына байланысты.&nbsp;Сондықтан біз ауданның барлық тұрғындарын далалық өлкелерде өрт тұтануларды байқағанда ауылдық округ әкімдеріне немесе өрт сөндіру қызметіне хабарлауды сұраймыз, ал тұтанудың шағын ошақтарында өздігінен қол астындағы құрал-жабдықтармен сөндіру шараларын қолдану керек.<blockquote>«Дала өрттеріне жол бермеу үшін далада отты барынша абайлап қолданып және мұны басқалардан да талап етіңіздер. Өрт қауіпі кезінде далада от жақпаңыздар, сөндірілмеген темекі тұқылдарын және сіріңкелерді тастамаңыздар. Дала өрттері пайда болғаны жөніндегі ақпаратты өрт сөндіру қызметіне (101) уақытылы хабарлаңыз», – дейді Қазалы ауданы әкімі аппаратының жұмылдыру дайындығы және аумақтық қорғаныс бөлімі мамандары.</blockquote>

Қазалы: Дала өртінен келер қауіп көп 

<a href="https://kyzylorda-news.kz/">Kyzylorda-news.kz.</a> Тұрғындардың тәулік бойы денсаулығын күзетуде медбикелердің де қажырлы еңбек етіп жатқанын жақсы білеміз. Антына адал абзал жандар әсіресе жұмыста жауапкершілік пен табандылықты ұдайы назарда ұстауы тиіс. Себебі алдына барған науқастың денсаулығы солардың қолында десек, артық айтқанымыз болмас. Кейіпкеріміз, денсаулық сақтау саласында 15 жылға жуық тәжірибесі бар Мөлдір Досова әр жұмыс күні осындай мақсат-міндеттерді ой елегінен өткізеді, бойындағы жауапкершілігін еселейді. Біз оның салада жеткен жетістігін, жиған тәжірибесін осындай нақты мақсатпен антына адал болуымен байланыстырдық.«Фельдшер» мамандығын меңгерген медбике Жалағаш аудандық емханадағы алғашқы еңбек жолын зертханашы болып бастаған. Осылайша зертхана бөлімінде бес жыл табанды жұмыс жасайды. Яғни әріптестерімен бірге науқастардан алынған анализдерге зерттеу жұмыстарын жүргізіп, бойындағы дертті анықтайды. Антына адал абзал жанға кейін басшылық құрам аймақтық медбике жұмысын жүктейді. Оның бүгінде бұл қызметті атқарып жатқанына да 10 жылға жуықтаған.Қазіргі таңда Мөлдір Махмұтқызы мен оның әріптестері Сәния Назарова және Гүлсінай Амантай – Жалағаш ауданындағы №1 аймаққа жауапты медбике. Тоғыз көшедегі тұрғындардың тәулік бойы денсаулығын күзеткен абзал жандардың әрқайсысының өзіне жүктелген функциясы бар. Мәселен, Гүлсінай Амантай аталған аумақтағы балалардың, ал Сәния Назарова егде жастағы қариялардың денсаулығына жауапты. Ең күрделі жұмыс бүгінгі біздің кейіпкеріміздің мойнында. Яғни ол дәл осы аумақтағы жүкті әйелдердің денсаулығын күзетеді. Ана мен бала қауіпсіздігін саладағы қабілет-қарымы мол маманға басшылық құрамның жүктеуі де тегін емес шығар, сірә.Мөлдір Досова аудандық емханада науқастармен күнделікті 6 сағат қабылдау өткізеді. Яғни күн сайын 20-25 адам қабылдап, дерттің алдын алуда біршама жұмысын пысықтап алады. Егер жүкті әйелдердің бойынан ауру анықталған жағдайда босануға дейін науқасты дертінен айықтыруға жұмыс жасайды.<blockquote>«Үш аймақтық медбике өзімізге бөлінген аумақ халқының денсаулығына жауаптымыз. Біздің аймақта барлығы 1600 халық бар. Оның 500-ге жуығы бала болса, 18 жасқа дейінгі 300-ге жуық жасөспірім бар. Негізгі міндетіміз бір болғанымен функциямызда сәл өзгешелік болады. Әріптестерімнің бірі сол аумақтағы балалардың, енді бірі егде жастағы аға-апалардың денсаулығына жауапты болса, менің міндетім – жүкті әйелдердің босануға дейінгі және босанудан кейінгі денсаулығын күзету. Аймакқтық медбике болып жұмыс жасап жатқаныма 8 жылдан асты. Өзіме берілген аймақта жылына 30-35 келіншек босанады. Оларда көбіне бүйрек, қаназдық, асқазан жолы аурулары кездесіп жатады. Біз осындай дерт түрлерінің алдын алып, олардың денсаулығының төмендеуіне жол бермейміз. Бір сөзбен айтқанда босануға дейін де, босанудан кейін де нәзікжандылардың денсаулығын бақылау – менің негізгі міндетім», – дейді аймақтық медбике.</blockquote>Кейіпкеріміздің антына адал екені көрініп-ақ тұр, жұмысына жауапты, мақсаты айқын, әрбір күнін нақты жоспарға арнайды. Әлбетте оның бәрі де жергілікті халықтың денсаулығын жақсартуға негізделген. Елдің алғысын бәрінен жоғары қоятын адамның жұмысы да осындай болса керек. 15 жылға жуық уақытта қаншама науқасты дертінен айықтырды, қаншама ананың сәбиін сау босануына қолғабыс болды, қаншама баланың аман-есен жарық дүниені көруіне себепші болды.Міне, осы жолда ұзақ жылдар еткен еңбек те еш кетпеді. Бірнеше рет марапат төрінен көрінген кейіпкеріміздің жетістігін жазып тауысу да қиын шығар. Бірақ ол жеткен жетістікке тоқмейілсіген емес. Керісінше бастапқыда науқастар бойындағы кеселмен күрессе, бүгінде дерттің алдын алуға басымдық береді. Бұл қос тарап үшін де тиімді, әрине.– Біздің жұмысты өздеріңіз де жақсы білесіздер. «Адамның өмірі» деген сөз тұрғанда жауапкершілік міндетті түрде талап етілетіні айтпаса да түсінікті. Уақытпен санасу деген бізде мүлде болмайды. Антымызға адал болуымыз үшін осылай жұмыс жасауға тура келеді. Халықтың алғысы бізге шабыт береді. Мен үшін елдің алғысы бәрінен жоғары, – дейді Мөлдір Досова.Иә, елдің алғысын бірінші орынға қоятын адамның оның қажетіне жарауда қарап қалмайтыны анық. Бұл сөзімізге жалағаштықтардың денсаулығына саналы ғұмырын арнаған абзал жанның өмір жолы дәлел.

Антына адал абзал жан

<a href="https://kyzylorda-news.kz/">Kyzylorda-news.kz.</a> Жалағаш аудандық емханаға барғанымызда осындағы аймақтық мейірбике Айжанат Жазкеннің денсаулық сақтау саласындағы жұмысымен танысуды жөн көрдік. Өйткені Айжанаттың осыған дейін де бірнеше рет алдына келген әрбір науқастың жанына үңіле алатын мейірімділігіне ерекше ықыласымыз ауған. Бұл жолы да кейіпкеріміздің жұмыс кестесі тығыз екен. Дегенмен арасында қолы қалт еткенде әңгімелесіп, ой бөліскеніміз бар. Сонда «Біз үшін уақытпен санасу деген жоқ, біз үшін тек – халықтың саулығы маңызды» деген еді ақ халатты абзал жан.Жалпы, денсаулық – адам үшін баға жетпес байлық. Адам баласы басы ауырып, балтыры сыздағанда, дертіне дауа іздегенде баратыны – медицина қызметкерлері. Дертке дауа, емге шипа бере алатын тек осы &nbsp;ақ халатты абзал жандар ғана. Олардың көмегімен ауруымыздан айығып, ертеңімізге үмітпен қараймыз. Алдына барған әр науқасқа ерекше мейіріммен қарап, жылы сөзімен көңіліңді көтеріп, өмірге деген құлшынысыңды арттыратын да осы асыл маман иелері.&nbsp;Жыл сайын мамыр айының 12 жұлдызында халықаралық мейірбикелер күні аталып өтеді. Бұл күні көпшілік ақ халатты абзал жандарға құрмет көрсетіп, олардың еселі еңбектеріне алғыс білдіреді. Тақырыпқа ойыспас бұрын осы атаулы күннің тарихына көз жүгіртсек.Дәл осы күні Англия елінің азаматшасы, мейірбике Флоренс Найтингейл дүниеге келген. Ол Қырым соғысы кезінде мейірбикелерді жинап дүниежүзілік қайырымдылық қызметін ашқан. Яғни, соғыс кезінде жараланған азаматтарға алғашқы дәрігерлік қызмет көрсетіп, ем-дом шараларын жасаған. Сол кезеңде мейірбикелер тәулік бойы оққа ұшқан жауынгерлерді емдеп, жанын өлімнен арашалап отырған. Осындай қиын кездегі игі жұмыстары үшін көптің ризашылығына бөленіп, алғысын алған. 1971 жылы дүниежүзілік мейірбикелер кеңесінің ұйғарымымен 12 мамыр ресми түрде мейірбикелер күні болып бекітілді. Халықаралық мейірбикелер кеңесі бұл мерекені Флоренс Найтингейлдің туған күнімен ұштастыра отырып, тұңғыш мейірбикелер ісінің негізін салушы даңқты әйелдің атын есте қалдыруды мақсат тұтты. Міне, бұл күн сол жылдардан бастап дәстүрлі түрде аталып өтіледі.&nbsp;Тірі жанның тіршілігіне араша түсіп, жанына шипа болатын асыл мамандық иесі – Айжанат та адам жанының арашасысы болуды басты мақсатым деп біледі. Айжанат орта мектепті бітірген соң, Қызылорда облысы жоғарғы медициналық колледжінде білім алып, мамандық иесі атанады. Ал¬ғашқы еңбек жолын осында аймақтық мейірбике болып бастаған ол әлі күнге дейін қызметін үздіксіз абыроймен атқарып, көптің алғысына бөленіп келеді.&nbsp;– Мейірбике ісі – білім мен жан-жақтылықты талап ететін, күтім процесіне жауапты, мейірімділік көрсете білетін ерекше қызмет. Бүгінгі қоғамның мейірбикесі тек дәрігердің көмекшісі ғана емес, ол ойшыл, үнемі ізденіс үстінде жүретін, адам өмірі үшін дер кезінде дұрыс шешім қабылдай алатын маман. Сондықтан бұл қызметті арқалап жүру үлкен жауапкершілік жүктейді. Қиындығы да, қызығы да қатар жүреді. Мен өзім жауапты аймақтағы туу жасындағы әйелдер және жүкті келіншектермен жұмыс істеймін. Күн-түн демейміз, кейде мереке күндері де жүкті келіншектерді қадағалап отырамыз. Үнемі байланыста болып, аман-есендігін біліп, дүниеге дені сау сәби әкелуіне тілеулес боламыз. Ең бастысы да осы ғой, ана мен баланың саулығы, қауіпсіздігі, амандығы. Дүниеге дені сау ұрпақ келіп жатса, ауданның демократиясына үлес қосып жүрген аналар қауымына қалай қызмет етсек те жарасады деп есептеймін, – деген медбике осынша жыл ішінде алдыңғы буын аға-әпкелерімнің қызмет жолынан тәжірибе жинағанын да жасырмады. Сол білім мен білігін жұмыс барысында пайдалана отырып, көпшіліктің алғысына да бөленіп жүр.&nbsp;Өзінің еңбек жолын абыройлы, тиянақты алып &nbsp;жүрген &nbsp;білікті &nbsp;маман бүгінде отбасында да аяулы жар, үш баланың анасы. Отбасы мен жауапкершілік жүгі ауыр жұмысын қоса абыроймен алып жүрген жас маман халықтың алғысымен өсе беретініне сенеміз.&nbsp;Біздің ең қымбат байлығымыз – өміріміз осы сала қызметкерлерінің кәсібиліктеріне байланысты. Сондықтан да бұл сала иелеріне үлкен жауапкершілік жүктеледі. Ал денсаулық сақтау саласында жылдар бойы тапжылмай тер төгіп, еңбегімен елдің ыстық ықыласына бөленген әрбір ақ халаттының жүріп өткен жолы көпке үлгі деуге болады. Ал біз әңгімеге арқау еткен тіршілікке нәр беріп, қалтқысыз қызметін ұсынып, мейірімділік пен жылылықты жанына серік еткен, игілікті мамандық иесі Айжанат Ғабитқызының ем-домы еңбек жолында әлі талай жанның дертіне шипа болары анық.

Қазақстан және Қызылорда облысының жаңалықтары