Kyzylorda-news.kz. Салық кодексінің 166-бабына сәйкес, қолма-қол ақшалай есеп айырысулар арқылы өз қызметтерін жүзеге асыратын барлық салық төлеушілер бақылау касса машиналарын қолдануға міндетті. Бақылау-касса машиналарын қолдану кезінде қойылатын талап жөнінде Қызылорда қаласы бойынша Мемлекеттік кірістер басқарма басшысының орынбасары А.Жусупов тарқатып айтып берді.
Бақылау касса машиналарын қолдану, жаңа хаттамаға көшіру және бақылау-касса машиналарының чектерін қазақ тілінде беру тәртібі.
- ақшалай есеп айырысулармен байланысты қызмет басталғанға дейін бақылау-касса машинасын салық органында есепке қою қажет
- Әрбір тауар, жұмыс, көрсетiлетiн қызмет үшін төленген сомаға бақылау-касса машинасының чегін беру қажет.
Сондай-ақ Бақылау-касса машинасының чектері мынадай ақпаратты қамтуы тиіс.
- салық төлеушінің атауын;
- салық төлеушінің сәйкестендіру нөмірін;
- бақылау-касса машинасының зауыттық нөмірін;
- бақылау-касса машинасының салық органындағы тіркеу нөмірін;
- чектің реттік нөмірін;
- тауарларды сатып алу, жұмыстарды орындау, қызметтерді көрсету жасалған күн мен уақытты;
- фискалдық деректер операторының атауын
- тауардың, жұмыстың, көрсетілетін қызметтің атауын;
- сатып алынатын тауардың, жұмыстардың, көрсетілетін қызметтердің санын, олардың өлшем бірлігін;
- көрсетілетін қызметті сатудың жалпы сомасын;
- бақылау-касса машинасы пайдаланылатын жердің мекенжайын;
2022 жылы Салық кодексінің 166-бабына енгізілген өзгерістерге сәйкес, яғни сатып алушының талабы бойынша, БКМ түбіртектерінде сатып алушының ЖСН көрсетілуіне байланысты, Комитет «Бақылау-касса машиналарын қолдану мәселелері бойынша» әзірлеушілерімен және фискалдық деректер операторларымен бірлесіп бақылау касса машиналарымен ақшалай есеп айырысулар туралы мәліметтер берудің бірыңғай Хаттамасын жаңартып бекітті, яғни 2.0.2 хаттамасы бекітілді.
Онлайн – БКМ қайта бағдарламалауды Қазақстанның кез-келген аймағындағы қалаларда орналасқан бақылау касса машиналарын жөндеу және техникалық қолдау орталықтарында қызмет алу мүмкіндігі қарастырылған. («Торговые Технологии» ЖШС Мекен-жайы Байсеитова №140, тел 27-23-26, 87762272326, 87000272326 және мобильді қосымша болған жағдайда Қызылорда қаласы бойынша МКБ жүгінуге болады).
Сондай-ақ, мемлекеттік тізілімге енгізілген барлық БКМ модельдерінде техникалық талаптарға сәйкес мемлекеттік тілге ауыстыру функциясы жұмыс жасайды.
Осыған сәйкес, тіл саясатын іске асыру мақсатында барлық салық төлеушілерге Бақылау-касса машиналарының чектерін мемлекеттік тіл қазақ тілінде басып шығаруға кеңес береміз.
Фото: Нұрболат Нұржаубай