<a href="https://kyzylorda-news.kz/">Kyzylorda-news.kz</a> &nbsp;Қызылорда облысында «Заң мен тәртіп» идеологиясы аясында &nbsp;мектеп оқушыларының құқықтық мәдениетін арттыру бойынша &nbsp;жұмыстар жалғасуда.&nbsp;Қызылорда облысы Полиция департаментінің қызметкерлері &nbsp; Қызылорда қаласы &nbsp;білім бөліміне қарасты &nbsp;Серғали Толыбеков атындағы №3 IT-мектеп-лицейіне барып, қауіпсіздік сабағын өткізді.90-ға жуық оқушы қатысқан кездесу барысында полиция қызметкерлері &nbsp;жасөспірімдерге құқық бұзушылықтың салдары, заң талаптарын сақтау, &nbsp;интернет &nbsp;кеңістігіндегі қауіпсіздік ережелері жайлы түсіндірді.Тақырып &nbsp;бойынша полиция &nbsp;қызметкерлері бейнероликтер арқылы қоғамда &nbsp;дұрыс жасалмаған әрекеттер үшін заңмен жазаланатындығы көрсетіліп, әдептілікті ұмытпай, &nbsp;заңға қайшы іс-әрекеттер жасамауға шақырды. &nbsp; &nbsp; &nbsp; &nbsp;Осы ретте Серғали Толыбеков атындағы №3 IT-мектеп-лицейінің 11 - сынып оқушысы жас түлек Тұрсынтай Ерасыл сыныптастары мен достарына заң мен тәртіпті сақтауға, әрбір жасөспірімнің болашағы өзінің дұрыс іс-әрекетінен басталатындығын айтты.«Заңды сақтау – барлығымызға міндет. Тәртіп бар жерде тыныштық, даму және өзара сыйластық болады» деді оқушы жиын барысында. Ол сондай-ақ мектептегі тәрбие мен ата-ананың қолдауы жасөспірімдердің дұрыс жол таңдауы үшін өте маңызды екендігін атап өтті.Тәртіп сақшыларының айтуынша мұндай шаралар жасөспірімдер арасында құқық бұзушылықтың алдын алуға, олардың жауапкершілігін арттырып, қауіпсіздік мәдениетін қалыптастыруға үлкен ықпал етеді.

Мектепте «Заң және тәртіп» тақырыбында шара өтті

<a href="https://kyzylorda-news.kz/">Kyzylorda-news.kz</a> Өңірімізде оқушылардың қауіпсіздігін қамтамасыз етіп, олардың құқықтық сауаттылығын арттыруға бағытталған шаралар тұрақты түрде ұйымдастырылып келеді. Бұл мақсатта Қызылорда облысы Полиция департаменті Қоғамдық қауіпсіздік басқармасының қызметкерлері білім беру ұйымдарында арнайы қауіпсіздік сабақтарын өткізуде. Мұндағы мақсат – балаларды түрлі қауіп-қатерден қорғау, оларды қауіпсіздік талаптарын сақтауға үйрету және құқық бұзушылықтың алдын алу.&nbsp;Т.Жургенов атындағы №136 мектеп-лицейінде өткен қауіпсіздік сабағына 150-ден астам оқушы қатысты.Іс – шараға Қоғамдық қауіпсіздік басқармасының ювеналды полиция тобының аға инспекторы полиция майоры Р.Абдразакова, Киберқылмыстарға қарсы іс-қимыл басқармасының қызметкері полиция подполковнигі Н.Ермаханов, Есірткі қылмысына қарсы іс-қимыл &nbsp;басқармасының жедел уәкілі полиция капитаны Т.Ахмет және білім басқармасының Тәрбие спорт және қосымша білім беру орталығының директоры Ф. Дасаев қатысты.Полиция қызметкерлері кәмелетке толмағандар арасындағы құқық бұзушылықтың алдын алу және заң талаптарын сақтау тақырыптарын егжей-тегжейлі түсіндірді. &nbsp;Полицейлер киберқауіпсіздік тақырыбына да ерекше тоқталды. Оқушыларға әлеуметтік желілерде жеке ақпаратты қорғау, бейтаныс адамдармен сөйлесудің қауіптілігі, күмәнді сілтемелерге өтпеу және интернет - алаяқтықтан сақтану жолдары түсіндірілді.Бұдан бөлек полицейлер сабақ барысында есірткінің адам ағзасына және психикасына тигізетін зияны туралы айтты. Олар жасөспірімдер арасындағы тәуелділіктің қалай басталатынын, есірткінің денсаулыққа, оқу үлгеріміне, отбасылық қарым-қатынасқа және болашаққа тигізетін теріс әсерін нақты мысалдармен жеткізді.Жасөспірімдерді &nbsp;қоғамдық тәртіпті қатаң сақтауға, бос уақыттарында пайдалы істермен айналысып, салауатты өмір салтын ұстануға кеңес берді. Сондай – ақ, ұлттың бүгіні мен ертеңінің негізі саналатын балалардың жарқын болашағының бастауы – олардың қауіпсіздігі екендігін атап өтті. &nbsp;Мектеп оқушылары полиция қызметкерлерінің дәрісін қызыға тыңдап, өздерін толғандырған сұрақтарын қойды. &nbsp; &nbsp;Алдағы уақытта қауіпсіздік сабақтары басқа оқу орындарында да өткізілетін болады.

Қызылордада полицейлер білім беру ұйымдарында қауіпсіздік сабақтарын  өткізуде  

<a href="https://kyzylorda-news.kz/">Kyzylorda-news.kz</a>&nbsp; Шымкент қаласында 2025 жылғы 24-26 қараша &nbsp;аралығында Qazaq Kuresi Ассоциациясының ұйымдастыруымен &nbsp;ересектер арасында Қазақ күресінен Қазақстан Республикасының чемпионаты өтті.Қазақстан чемпионатына Астана, Алматы, Шымкент қалаларынан және еліміздің 17 өңірінен келген 500-ге жуық балуан қатысты. Жарыс 16 салмақ дәрежесінде өтті.Қызылорда облысы Полиция департаментінің Жылдам қимылдайтын арнайы жасағының инспекторы полиция лейтенанты Сақтағанов Еңбек 90 келі салмақ дәрежесінде бақ сынады. Тартысты өткен додада қарсыластарын жеңген полицей &nbsp;жеңіске қол жеткізді.

Қызылордалық полицей алтын медаль жеңіп алды

Автокөлік иелері мен жүргізушілер!Облысымыздың аумағы бойынша өтетін «Бейнеу-Бозой-Шымкент» магистралды газ құбыры бойымен салынған қызметтік жолдар пайдалануға қауіпті екендігін ескерулеріңізді сұраймыз.Аталған жолдарқызметтік мақсатта салынған және газ құбырындаапат, ақау немесе шұғыл жағдай туындаған кезде газ құбырының арнайы апаттық-диспетчерлік бригадалары тез, әрі еркін қозғалысын қамтамасыз етеді.Бұл жолдар сипаттамасы бойынша IV санатқа жатады, яғни жалпы қолданысқа арналмаған. Оған қоса жол бойымен үлкен қысымдағы магистралды газ құбыры өтетіндіктен адам өміріне аса қауіпті аумақ.<img src="https://knadmin.beoblood.kz/uploads/2_1_9ba5f63368.jpg" alt="2-1.jpg">

Құрметті тұрғындар!

<a href="https://kyzylorda-news.kz/">Kyzylorda-news.kz</a> Бүгін – Сыр өңіріндегі ғана емес, ел өміріндегі айтулы күн! Өйткені экономиканың күретамыры саналатын отандық жол инфрақұрылымын жетілдіру тарихының жаңа парағы ашылды! Халық көптен күткен, көлік жүргізушілері мен жолаушылардың арманына айналған «Қызылорда-Жезқазған» жолы пайдалануға берілді.Салтанатты рәсімге облыс әкімі Нұрлыбек Нәлібаев, «Қазавтожол» ҰК» АҚ басқарма төрағасы Дархан Иманашев, құқық қорғау органдарының бірінші басшылары, облыстық мәслихат хатшысы Мұрат Тілеумбетов, депутаттар және ардагерлер қатысты.Аймақ басшысы бұл жолдың өңір экономикасына, өндірістің өркендеуіне, тұрғындардың әл-ауқатының артуына тигізетін оң ықпалы мен ерекше маңызын атап өтті.<blockquote>«Бүгін – аймағымыз үшін тарихи күн! «Қызылорда-Жезқазған» автомобиль жолының ашылу рәсімінде бас қостық. Халқымыз ұзақ жылдан бері армандап келген автожолды салуға қолдау көрсеткен Мемлекет басшымыз Қасым-Жомарт Кемелұлына барша Сыр жұртшылығының атынан зор ризашылығымызды, шынайы алғысымызды білдіреміз.Республикалық маңызы бар автомобиль жолы туралы мәселе Тәуелсіздік алған кезеңнен бері бірнеше мәрте көтерілді. Ауа райының қолайсыздығына қарамастан, тұрғындарымыз қара жолмен Елордаға, Ұлытау, Қарағанды облыстарына қатынады. Астанаға 2 мың шақырымнан астам жол жүріп, Балқаш арқылы да барды.Енді міне, Президентіміздің ерекше қолдауының арқасында қанша жылдан бері халқымыз көтерген өзекті мәселе өз шешімін тапты. Облыс аумағындағы 216 шақырым жол толық қайта жаңғыртудан өтіп, тиісті жұмыстар аяқталды. Жобаны жүзеге асыруға 84 млрд. теңге бөлінді.Бұрынғы өткен бабалардан қалған «Бақ, қайда барасың, ынтымағы жарасқан елге барамын», – деген жақсы сөз бар. Әрдайым бірлігіміз бекем, ынтымағымыз ырысты болсын! Жүргізушілер мен жолаушыларға әрдайым ақ жол, сәт сапар тілейміз! Жаңа жол берекенің бастауы болғай», – деді Нұрлыбек Машбекұлы.</blockquote>Рәсімде ауқымды жобаның жүзеге асуына үлес қосқан құрылысшылар мен инженерлерге, жол саласының мамандарына облыс әкімінің Алғыс хаты табысталды. «Қазавтожол» ҰК» АҚ басқарма төрағасы Дархан Иманашев, облыстық ардагерлер кеңесінің төрағасы Серік Дүйсенбаев құттықтау сөз сөйледі.Негізі «Қызылорда-Жезқазған» жолының ашылуы келесі жылға жоспарланған болатын. Халықтың сұранысы ескеріліп, мерзімінен бұрын пайдалануға берілді.<img src="https://knadmin.beoblood.kz/uploads/588310925_2461691284226369_5897200104540059547_n_16d35524f7.jpg" alt="588310925_2461691284226369_5897200104540059547_n.jpg"><img src="https://knadmin.beoblood.kz/uploads/590425837_2461691577559673_2693692616413657905_n_d4c9225201.jpg" alt="590425837_2461691577559673_2693692616413657905_n.jpg">Бұрын сапарға шыққандар екі аралықта 20 сағат жол жүретін. Енді жаңа жолға түскен жолаушылар 16 сағатта діттеген жеріне барады. Жол тегіс, сапасы жоғары, қауіпсіздік, жайлылық ескерілген.Ұлытау облысының аумағында басталған құрылыс жұмыстары аяқталып, жаңа жол пайдалануға берілгенде Астанаға бағыт алған көлік 12 сағатта жететін болады.Бүгінде «Қызылорда-Жезқазған» жолын «Батыс Еуропа-Батыс Қытай» автодәлізіне қосатын 25 шақырымдық айналма жол салатын мердігер мекеме анықталуда. Жақын күндері құрылысы басталады. Жоба құны – 46 млрд. 3 млн. теңге.<img src="https://knadmin.beoblood.kz/uploads/586964906_2461691604226337_7306959996438302161_n_ccf1f94fb7.jpg" alt="586964906_2461691604226337_7306959996438302161_n.jpg">Республикалық маңызы бар жол көлік қатынасын едәуір жеңілдетіп, жүк тасымалының тиімділігін арттырады. Жол бойында заманауи сервистік қызмет көрсететін пункттер бой көтеріп, шағын және орта бизнес жанданады. Аймақтар арасындағы әлеуметтік-экономикалық интеграция нығая түседі.Фото: Қызылорда облысы әкімінің баспасөз қызметі

«Қызылорда- Жезқазған» жолы пайдалануға берілді

<a href="https://kyzylorda-news.kz/">Kyzylorda-news.kz</a> Қазақстан өңірдегі ең мықты іргелі өзгерістерді көрсетіп, 2026 жылы кредиттік рейтингтің көтерілуіне дайын екендігін дәлелдеді. Бұл жағдай жаһандық портфельдік инвесторлар үшін бірегей мүмкіндік ашып отыр, деп хабарлайды <a href="https://kaz.zakon.kz/">Zakon.kz.</a>Frontier Markets көшбасшысыBank of America (BofA) жаңа шолуын жариялап, Қазақстанды 2026 жылға арналған “фронтирлік экономикалар” арасындағы ең тартымды инвестициялық бағыттардың бірі деп атады.Алдымен “фронтирлік нарықтар” (Frontier Markets) дегеннің мәнін түсіндіріп өтсек. Бұл – экономикалық дамудың ертерек кезеңіндегі елдер. Олар ірі дамушы нарықтарға (Қытай, Бразилия, Үндістан сияқты Emerging Markets) қарағанда төмен капитализациямен, төмен өтімділікпен және жоғары тәуекелмен сипатталады. Алайда тез өсім есебінен жоғары табыс ұсына алады. Мұндай нарықтар қатарына Кувейт, Аргентина, Вьетнам, Нигерия, Пәкістан және Қазақстан кіреді.BofA сарапшыларының пікірінше, Қазақстанда қазір инвесторлардың қызығушылығын арттыратын сирек кездесетін қолайлы факторлар жиынтығы қалыптасқан. Бұған дейін инвесторларды жұмсақ бюджет саясаты алаңдататын, алайда бүгінгі жағдайда бұл бағытта түбегейлі өзгерістер байқалады.Үш негізгі табыс факторыЭкономист Елдар Шамсутдиновтың айтуынша, Bank of America аналитиктері Қазақстанды суверенді қарызға инвестициялау мен carry trade стратегиясы үшін ең үздік идеялардың қатарына шығаратын үш басты себепті атап көрсетеді:<ol><li>Фискалдық консолидация (бюджетті тәртіпке келтіру). 2026–2028 жылдары үкімет “фискалдық қайта құруды” жүзеге асырады деп күтіледі. Бұл бюджет саясатының қатаюы мен жаңа салықтық шешімдерді қамтиды. Осы өзгерістер елдің кредиттік рейтингін көтеруге негіз қалайды.</li><li>Инфляцияның құрылымдық баяулауы. Экономиканың “суынуына” байланысты баға өсімі одан әрі төмендейді деген болжам бар.</li><li>Теңгедегі мемлекеттік бағалы қағаздар нарығының өсуі. KZT-құралдардың көлемі мен белсенділігі артып келеді.</li></ol>Бұл инвесторлар үшін нені білдіреді?BofA сарапшылары нарық бұл оң өзгерістерді әлі толық ескермегенін атап өтеді. Соның нәтижесінде:<ul><li>Қазақстанның суверенді облигациялары (KAZAK EXD) нарықтық құнынан төмен бағалануда.</li><li>Теңге және қысқа мерзімді мемлекеттік облигациялар фронтирлік нарықтар арасындағы ең үздік инвестициялық идея деп аталды.</li><li>2026 жылдың екінші тоқсанында базалық мөлшерлеменің елеулі төмендеуі және инфляцияның баяулауы carry trade үшін қолайлы жағдай жасайды.</li></ul>Анықтама: Carry Trade – инвестор төмен мөлшерлемелі валютамен (мысалы, иена немесе еуро) қарыз алып, жоғары пайыздық мөлшерлемелі елдің активтеріне (бұл жағдайда Қазақстан облигациялары немесе депозиттері) инвестициялайтын стратегия. Пайда мөлшерлемелердің айырмасынан қалыптасады және жоғары мөлшерлемелі ел валютасы (теңге) нығайса, табыс одан әрі артады. Тәуекелі жоғары, бірақ табысы да жоғары болуы мүмкін стратегия.Қазақстан мен Өзбекстан: айырмашылық неде?Аналитиктер Өзбекстанның да әлеуетін атап өтеді: елдегі жекешелендіру және алтын қорының артуы қаржылық көрсеткіштерді жақсартып отыр. Алайда Елдар Шамсутдиновтың айтуынша, Қазақстанның артықшылығы – “үй тапсырмасын” орындап, кредиттік рейтингті жақсартуға формалды түрде толық дайын болуы.“Сонымен қатар, BofA 2026 жылы 3 млрд доллар көлемінде жаңа қарыз алу болжамын келтіреді, бірақ фискалдық көрсеткіштердің жақсаруын ескере отырып, бұл тәуекелді басқарылатын деңгейде деп бағалайды”, – дейді ол.Осылайша, әлемдік ірі инвесторлар үшін қорытынды айқын: Қазақстан 2026 жылға недооцененный ел ретінде кіріп, өңірдегі ең күшті фундаменталды өзгерісті көрсетіп отыр және кредиттік профилін жақсарту ықтималдығы жоғары. Bank of America стратегтері Қазақстанды реформалар мен жоғары табыстылықтың сирек үйлескен нүктесі ретінде бағалайды.Айта кетейік, Қазақстан экономикасы әлемдегі ең сенімді өсім қарқынының бірін көрсетуде. 2025 жылдың он айының қорытындысы бойынша елдің ЖІӨ-сі 6,4%-ға артты. Ал ЭЫДҰ болжамы бойынша, биылғы жылы жаһандық ЖІӨ өсімі бар болғаны 3,2%-ды құрайды.Ranking.kz мамандарының пайымынша, мұндай нәтиже ішкі сұраныстың кеңеюі, инвестициялық белсенділіктің артуы және негізгі салалардың қалпына келуі есебінен қалыптасуда. Қызмет көрсету, сауда, өнеркәсіп және агроөнеркәсіп кешені секілді экономиканың барлық дерлік секторында оң динамика байқалып отыр.ЖІӨ өсіміне ең үлкен үлесті өнеркәсіп (7,3%) қосты, ол жалпы өсімнің 30%-дан астамын қамтамасыз етті. Сауда және көлік салаларымен бірге бұл сектор ЖІӨ өсімінің 70%-дан астамын қалыптастырды.

Bank of America: Қазақстан 2026 жылдың "ең үздік инвестициялық бағытына" айналды

<a href="https://kyzylorda-news.kz/">Kyzylorda-news.kz</a>&nbsp; Сырдария ауданына қарасты Асқар Тоқмағанбетов ауылында және Тереңөзек кентінде мобильді қабылдау өтті.Іс-шараға «AMANAT» партиясы Қызылорда облыстық филиалының төрағасы Жандос Базартай, облыстық мәслихаттағы «AMANAT» партиясы фракциясының жетекшісі Жорабек Нұрымбетов, партияның Сырдария аудандық филиалының төрағасы Ержан Әжікенов, облыстық мәслихат депутаты, партиялық бақылау комиссиясының төрағасы Жұмабек Ембергенов,аудан әкімінің орынбасары Роллан Еспенбетов және тиісті басқарма басшыларының орынбасарлары мен бөлім басшылары қатысты.<blockquote>«AMANAT» партиясының Сайлауалды бағдарламасы, жоспары, жобалары халықтың ұсыныс-тілегінің негізінде әзірленген. Мобильді қабылдаудың да басты мақсаты – тұрғындардың өзекті мәселелерін шешу және елді мекендердегі тұрғындардың өзекті мәселелеріне құлақ түріп, тиісті деңгейде шешілуіне атсалысу, бағыт-бағдар мен кеңес беру.Мемлекет басшысы да азаматтарға арнап көшпелі қабылдауды жиі өткізіп, шалғай ауылдардың тұрғындарымен кездесу керектігін айтқан болатын. Қабылдауда ауданға қатысты айтылатын мәселелердің барлығы зерделеніп, зерттеліп, нақты жұмыстар атқарылатын болады», – деді қабылдауға келген жергілікті халықпен тілдесу барысында партияның облыстық филиалының төрағасы Жандос Базартай.</blockquote>Мобильді топ елді мекендердегі халықты толғандырған сауалдарын тыңдап, оларға Мемлекет басшысының халыққа Жолдауы аясында атқарылатын жұмыстар, түрлі заңнамаларға енгізіліп жатқан өзгерістер мен бағдарламалар төңірегінде кеңінен ақпарат берді.<img src="https://knadmin.beoblood.kz/uploads/Mobildi_abyldau_Syrdariyaly_tardy_tinish_tilekteri_ty_daldy_1_4c5e04040b.jpg" alt="Мобильді қабылдау Сырдариялықтардың өтініш-тілектері тыңдалды 1.jpg">Жалпы Сырдария ауданында ұйымдастырылған мобильді қабылдауға 40-қа жуық тұрғын келді. Тұрғындар әсіресе газдандыру, жол жөндеу, ойын алаңын салу, аяқ су мәселесін шешу, жарықтандыру, әлеуметтік нысандарды күрделі жөндеуден өткізу мәселелері мен «Ауыл аманаты» жобасы бойынша өтініш тілектерін білдірді. Әр мәселе бойынша топ мүшелері тарапынан нақты жауап беріліп, хаттамаланды.Қабылдау барысында тұрғындар тек жеке бастың емес, жалпы елдік проблемаларды көтерді.Мобильді топ өкілдері қабылдауда көтерілген әрбір мәселені назарға алып, тиісті жұмыстар атқарылатынын және мәселе шешімін тапқанша «AMANAT» партиясының бақылауында болатындығын жеткізді.

Мобильді қабылдау: Сырдариялықтардың өтініш-тілектері тыңдалды

<a href="https://kyzylorda-news.kz/">Kyzylorda-news.kz</a> &nbsp;Қазақстан халқы Ассамблеясының 30 жылдық мерейтойы аясында Қызылорда қаласында облыстық Ассамблея жанындағы Журналистер клубының жылдық жұмысын қорытындылайтын «Бізді біріктірген шаңырақ» медиа-фест – 2025 салтанатты түрде өтті. Бұл күні өңірлік медианың ең белсенді өкілдері бас қосып, бір жыл бойы бірлік пен татулық, қоғамдық келісім құндылықтарын насихаттаудағы ортақ еңбегін саралады.Жиында облыстық қоғамдық даму басқармасының басшысы Руслан Каюпов сөз сөйлеп, журналистердің қоғамдағы рөлі мен ақпараттық кеңістіктегі ықпалын ерекше атап өтті. Оның айтуынша, 2015 жылдан бері жұмыс істеп келе жатқан Журналистер мен сарапшылар клубы этножурналистика бағытын дамыту арқылы аймақтағы этносаралық татулық идеясын жүйелі насихаттап, шығармашылық пен қоғамдық жауапкершілік тоғысатын алаңға айналған.<img src="https://knadmin.beoblood.kz/uploads/586718443_4251786128473868_5087237899856468372_n_9d785685c9.jpg" alt="586718443_4251786128473868_5087237899856468372_n.jpg">Биыл клуб құрамындағы 20-дан астам кәсіби журналист пен сарапшы 4000-нан астам материал жариялап, 2860-қа жуық жазбаны әлеуметтік желілерде таратқан. Бұл – медиа саласының қарқынды еңбегін көрсететін, қоғамдағы бірлік саясатын нығайтуға қосылған маңызды үлес. Мерейтойлық жылда жүзеге асқан «Екі жұлдыз» ән байқауы, «Қуатты қаламгер» тимбилдингі, сондай-ақ журналистер арасындағы «Достық Live» футбол турнирі – шығармашылық ынтымақтастықтың, кәсіби байланыстың және достықтың жаңа деңгейге көтерілгенін дәлелдеді. Әсіресе «Екі жұлдыз» жобасының республикалық деңгейде өткізуге ұсынылуы – өңір журналистерінің жаңа қырын ашқан ерекше бастама ретінде бағаланды.<img src="https://knadmin.beoblood.kz/uploads/587319450_4251785355140612_3086251392840992564_n_a81c3950a8.jpg" alt="587319450_4251785355140612_3086251392840992564_n.jpg">Медиа-фест барысында клубтың белсенді 20 мүшесіне арнайы марапаттар табысталды. Әр қатысушыға диплом, естелік статуэтка, бағалы сыйлық пен ҚР Мәдениет және ақпарат министрлігі әзірлеген «Этносаясат глоссарий-тезаурусы» жинағы берілді. Бұл марапаттар журналистің еңбегіне құрмет қана емес, ақпараттық саладағы кәсіби дамуына бағытталған қолдау екенін айқындады. Шара концерттік бағдарламамен жалғасын тауып, «Туған ел», «Назқоңыр», «Бақыт құшағында» сынды көркем туындылар кештің әсерін арттыра түсті.<img src="https://knadmin.beoblood.kz/uploads/586804215_4251785978473883_8610461146926297259_n_f686877f1b.jpg" alt="586804215_4251785978473883_8610461146926297259_n.jpg">Жиын барысында өңірдің маңызды жаңалықтарының бірі ретінде жаңа Достық үйінің жуырда ел игілігіне берілетіні айтылды. Бұл этносаралық келісім мен мәдени байланыстарды нығайтатын тағы бір маңызды қадам болмақ. Кеш соңында қатысушылар естелік суретке түсіп, алдағы жылға да ортақ мақсат – татулық пен бірлік идеясын кеңінен насихаттауға ниеттес екенін жеткізді.

Қызылордада «Бізді біріктірген шаңырақ» медиа-фесті өтті

<a href="https://kyzylorda-news.kz/">Kyzylorda-news.kz</a> Қасым-Жомарт Тоқаев Геннадий Головкинді World Boxing халықаралық федерациясының президенті болып сайлануымен құттықтады. Бұл шешімді даңқты спортшының әлемдік боксты дамытуға қосқан үлесінің, кәсібилігі мен мінсіз абырой-беделінің мойындалғаны деп бағалады.<blockquote>– Сіз әлемдік спорттың дамуына зор үлес қостыңыз. Қазақ бокс мектебінің бай дәстүрін лайықты деңгейде танытып, дүние жүзінің елімізді бокс державасы ретінде мойындауына ықпал еттіңіз. Өмір жолыңыз көптеген жарқын жеңіске толы. Оған күш-қуат, рух, табандылық, ішкі тәртіп секілді қасиеттеріңіз арқылы жеттіңіз. Бұл елімізде ғана емес, шет мемлекеттердегі миллиондаған жастың жігерін жаниды. Есіміңіз әлемдік бокс тарихына алтын әріппен жазылғанына еш күмән жоқ, – деді Президент.&nbsp;</blockquote>Мемлекет басшысы танымал спортшының Ұлттық олимпиада комитетіндегі қызметіне жоғары баға берді.<blockquote>– Сіздің басқару саласындағы жетістіктеріңізді айрықша атап өткім келеді. Спорттағы еңбегіңізді ескере отырып, Сізді Ұлттық олимпиада комитеті президенттігіне үміткер ретінде ұсындым. Ұлттық спорт федерацияларының барлығымен байланыс орнатып, аз уақытта көп іс тындырғаныңыз үшін ризашылығымызды білдіреміз. Халықаралық Олимпиада комитетімен ынтымақтастықты жолға қойдыңыз, – деді Мемлекет басшысы.</blockquote>Қасым-Жомарт Тоқаев Геннадий Головкинге World Boxing халықаралық федерациясының президенті ретінде көптеген мәселенің шешімін табуы қажет екенін айтты.<blockquote>– Бүгінде спорттық мансабыңыздағы жаңа кезеңге аяқ бастыңыз. World Boxing федерациясының президенті болып сайландыңыз. Жұмыс енді ғана басталды. Алдыңызда атқаратын қыруар шаруа тұр. Сондай-ақ Сіздің жаһандық деңгейдегі спорттық құрылымды басқарып отырған алғашқы қазақстандық екеніңізді айта кету керек. Кәсіби біліктілігіңіз ұйымды жаңа белеске көтеріп, бокс көкжиегін кеңейтетініне сенімдімін, – деді Президент.</blockquote>Мемлекет басшысы отандық спортты дамытуға сіңірген елеулі еңбегі үшін Геннадий Головкинді І дәрежелі «Барыс» орденімен марапаттады.Геннадий Головкин еңбегін жоғары бағалағаны, сенім артып, қолдау көрсеткені үшін Президент Қасым-Жомарт Тоқаевқа алғыс айтты. Сондай-ақ боксты одан әрі дамытуға, осы спорт түрінің еліміздегі және халықаралық деңгейдегі беделін нығайтуға дайын екенін жеткізді.

Геннадий Головкин І дәрежелі «Барыс» орденімен марапатталды

Қызылорда қалалық орталық емханасында Ашық есік күні өтті. Мақсаты – салауатты өмір салтын насихаттау, халықты міндетті әлеуметтік медициналық сақтандыру жүйесіндегі өзекті өзгерістермен таныстыру.Жалпы тәжірибелік дәрігерлері мен бейінді мамандардың қабылдауы барысында тұрғындарға консультациялық-диагностикалық қызметтерге, күндізгі немесе тәуліктік стационарлық емдеуге жолдамалар берілді. Сондай-ақ пациенттер скринингтік және профилактикалық тексеруден өтті.Тұрғындардың бірі Салтанат Алтаева атап өткендей, мұндай шаралар өз денсаулығын бақылап, дер кезінде медициналық көмек алуға мүмкіндік береді.<blockquote>- Елімізде онкологиялық скринингтің барлығына қолжетімді болғаны қуантады. Скринингтік тексерулерден өттім. Сондай-ақ бейінді мамандардан кенес алдым. МӘМС жүйесінде сақтандырылғандықтан, УДЗ және бірқатар зертханалық тексерулерге жолдама берілді, – дейді Салтанат.</blockquote>Қалалық орталық емханада терапевт, кардиолог, невропатолог, эндокринолог және тағы басқа 20-дан астам маман қабылдауда.Терапевт-дәрігер Гүлзира Садықованың айтуынша, Ашық есік күні аясында 200-ге жуық тұрғын кенес алды.<blockquote>– 2026 жылдан бастап МӘМС жүйесінде ауқымды өзгерістер күтіп тұр. Бірыңғай медициналық көмек пакеті, жаңа скринингтер және сақтандыру моделін кеңейту. Мұның бәрі медициналық көмектің сапасын арттыруға бағытталған. «Сақтандырылған» мәртебесіне ие болу – тиімді. Себебі пациент толық әрі кең ауқымды медициналық қызметтерді ала алады, – деп атап өтті Гүлзира Садықова.</blockquote>

МӘМС: Қызылорда қаласының орталық емханасында ашық есік күні өтті

<a href="https://kyzylorda-news.kz/">Kyzylorda-news.kz</a> Қызылорда қаласындағы А.Тоқмағамбетов атындағы қалалық мәдениет үйінде «Жаңа Қазақстан: Жасампаз ел мұраты» атты мәдени - үгіт топтарының облыстық байқауы өтіп, аталған сайыста аудан намысын қорғаған аудандық мәдениет үйі жанындағы «Көңілашар» халықтық мәдени-үгіт бригадасы халықтың ерекше ықыласына ие болып, жүлделі орыннан көрінді.Мемлекет басшысының тарапынан қабылданған стратегиялық шешімдер мен халықшыл бастамаларды жүзеге асыру, атқарылып жатқан ауқымды шараларды насихаттау мақсатында өткізілген байқаудың қорытындысымен бас жүлдені Арал ауданы, аудандық мәдениет үйі жанындағы «Көңілашар» халықтық мәдени-үгіт бригадасы иеленсе, І орынмен Жалағаш ауданы, Қонысбек Қазантаев атындағы мәдениет үйі жанындағы «Арай» мәдени үгіт бригадасы еншіледі.&nbsp;Ал жүлделі ІІ орын Жаңақорған ауданы, Манап Көкенов атындағы аудандық мәдениет үйі жанындағы «Дала жұлдыздары» халықтық мәдени-үгіт бригадасына бұйырса, ІІІ орынды Қызылорда қаласы, Асқар Тоқмағамбетов атындағы қалалық мәдениет үйі жанындағы «Бірлік» мәдени үгіт бригадасы мен Қазалы ауданы, Роза Бағланова атындағы аудандық мәдениет орталығының «Жібек жолы - Қазалы» мәдени үгіт бригадасы және Шиелі ауданы, Бұдабай Қабылұлы атындағы мәдени шығармашылық орталығының «Сыр маржаны» халықтық мәдени – үгіт бригадасы иеленді.Облыстық байқаудың бас жүлдесін еншілеген аудандық мәдениет үйі жанындағы «Көңілашар» халықтық мәдени-үгіт бригадасы ұжымын жеңістерімен құттықтап, алдағы шығармашылық жұмыстарына сәттілік тілейміз. &nbsp;

«Көңілашар» халықтық мәдени-үгіт бригадасы жүлделі орын иеленді

<a href="https://kyzylorda-news.kz/">Kyzylorda-news.kz</a>&nbsp;Қызылорда қаласындағы NIS-тің оқушысы Александр Ли халықаралық ғылыми-практикалық «Логос 2025» конференциясында І дәрежелі дипломмен марапатталды. Дәстүрлі шараға Қазақстан, Ресей және Беларусь елдерінің жас зерттеушілері қатысып, гуманитарлық және әлеуметтік ғылымдар бағытындағы ауқымды зерттеу жұмыстарын ұсынды.Қатысушылар тарих, әдебиет, экономика, заманауи технологиялар, сондай-ақ жасанды интеллекттің білім беру және әлеуметтік үдерістерге әсері тақырыптарында еңбектерін қорғады.Александр жетекшісі Гүлмира Бекеновамен бірге «ЖИ негізіндегі саяхатқа арналған қосымшалар әртүрлі жастағы пайдаланушылардың саяхаттау тәжірибесін қалай жақсарта алады?» тақырыбын зерттеді. Ол жасанды интеллект алгоритмдерінің жас ерекшеліктері мен пайдаланушылардың цифрлық сауаттылық деңгейін ескере отырып, туристік сервистерді неғұрлым ыңғайлы ете алатынын көрсетті. Сондай-ақ, әртүрлі жас санаттарына бейімделетін екі режимді интерфейс тұжырымдамасын жасап шығарды.

Қазақстан және Қызылорда облысының жаңалықтары