<a href="https://kyzylorda-news.kz/">Kyzylorda-news.kz</a>. ҚР Премьер-министрі Олжас Бектеновтің төрағалығымен өткен мәжілісте «Ауылда денсаулық сақтауды жаңғырту» ұлттық жобасын жүзеге асыруға қатысты бірқатар өзекті мәселелер қаралды.Үкімет басшысы денсаулық сақтау нысандарының сапалы салынуы мен мерзімінде пайдалануға берілуін қатаң бақылауға алып, жұмысты жүйелі ұйымдастыруды тапсырды.Үкімет отырысынан кейін облыс әкімі Нұрлыбек Нәлібаев арнайы мәжіліс өткізіп, берілген тапсырмаларды пысықтады.<blockquote>«Өткен жылы ұлттық жобамен өңірімізде 15 дәрігерлік амбулатория, 1 медициналық бекет салынып, ел игілігіне табысталды. Биыл тағы 11 жаңа медициналық нысан жыл соңына дейін пайдалануға беріледі. Құрылысы басталатын медицина нысандарының мемлекеттік сараптама қорытындысын жеделдетіп алуды және сапасына мән беруді тапсырамын», – деді аймақ басшысы.</blockquote><img src="https://knadmin.beoblood.kz/uploads/417543563_700897372231510_6096911435566148399_n_7a55a669c1.jpg" alt="417543563_700897372231510_6096911435566148399_n.jpg">Биыл Арал, Қазалы, Шиелі, Жаңақорған ауданаралық ауруханаларын көпбейінді аудандық орталық аурухана деңгейіне жеткізу жұмыстары жүргізіледі. Жиында облыстық денсаулық сақтау басқармасына жобалардың мемлекеттік сараптама қорытындысын уақыт создырмай алу және қосымша құрылыс жұмыстарын келер жылға қалдырмай аяқтау мүмкіндіктерін салалық министрлікпен пысықтау тапсырылды. Жаңа денсаулық сақтау нысандарын қажетті құрал-жабдықтармен қамтамасыз ету кезінде сапасы қатаң қадағалануы керек. Сондай-ақ, медицина ұйымдарының барлығы санитарлық автокөлікпен, білікті мамандармен қамтамасыз етілуі тиіс.Облыстық құрылыс, сәулет және қала құрылысы басқармасы облыстық бақылау басқармасымен және аудан әкімдерімен бірлесіп құрылыс сапасына, мерзімінде пайдалануға берілуіне жауапты болады.<img src="https://knadmin.beoblood.kz/uploads/417465180_700897428898171_3508896557367450446_n_086f91e725.jpg" alt="417465180_700897428898171_3508896557367450446_n.jpg">Фото: облыс әкімінің баспасөз қызметі

 Ұлттық жоба: 11 жаңа медициналық нысан жыл соңына дейін пайдалануға беріледі

<a href="https://kyzylorda-news.kz/">Kyzylorda-news.kz</a>. ҚР Премьер-министрі Олжас Бектеновтің төрағалығымен өткен мәжілісте күн тәртібінен тыс «Ауыл аманаты» жобасы мен ауыл шаруашылығы саласындағы статистикалық деректердің енгізілу мәселесі де қаралды.Үкімет басшысы барлық статистикалық көрсеткіштерді шұғыл қалпына келтіру жөнінде тапсырма берді.Мәжілістен кейін облыс әкімі Нұрлыбек Нәлібаев берілген тапсырмаларды нақтылады.<blockquote>«Өңірдегі мал саны мен ауыл шаруашылығы өнімдерінің статистикалық деректердегі есебі көбіне сәйкес келмейді. Мұны біз Арал, Қазалы аудандарында қуаңшылыққа қатысты төтенше жағдай жариялаған кезде байқадық. Бұл мәселе барлық ауданға тән. Менің тапсырмама сәйкес мал басын өзектендіру жұмыстары жүргізілді. Ендігі кезекте облыстық ауыл шаруашылығы және жер қатынастары басқармасына қала, аудан әкімдерімен, облыстық жер ресурстарын басқару және статистика департаменттерімен бірлесіп, 1 шілдеге дейін егіс алқаптарын түгендеу жұмыстарын өзектендіруді аяқтауды тапсырамын.«Ауыл аманаты» жобасы бойынша да өткен мәжілісте тапсырмалар берген болатынмын. Биыл өңірге 5,7 млрд теңге қаржы қаралды. Өнім өндіруді арттыру бағытында әсіресе, ауыл шаруашылығы саласындағы ірі жобаларды несиелендіру керек. Қала, аудан әкімдерімен бірлесіп, жобаларды сүйемелдеуді ұйымдастырып, өңірлік жобалар пулын қалыптастыру қажет», – деді аймақ басшысы.</blockquote>Жиында жылу беру маусымының өту барысы қосымша қаралып, аудандардағы әлеуметтік нысандардың жылу желісін газға ауыстыру бойынша жұмыстарды жалғастыру тапсырылды. Бұл ретте көмір қорының жеткілікті болуы, әлеуметтік нысандардың қазандықтарын қайта жаңғырту, тұрғындарды коммуналдық қызметтермен үздіксіз қамтамасыз ету, ажыратуларды болдырмау, алдын алу шараларын қабылдау өте маңызды.Облыс әкімі осыған дейін бірқатар өңірде өрт қауіпсіздігі сақталмағандықтан төтенше жағдайлар орын алғанын айтып, жауапты мекеме басшыларына сақтық шараларын қолға алуды тапсырды.Фото: облыс әкімінің баспасөз қызметі&nbsp;<img src="https://knadmin.beoblood.kz/uploads/417544984_700931202228127_2395996346683253634_n_0362b5bef0.jpg" alt="417544984_700931202228127_2395996346683253634_n.jpg">

Ауыл шаруашылығы саласындағы ірі жобаларды несиелендіру тапсырылды

<a href="https://kyzylorda-news.kz/">Kyzylorda-news.kz</a>. Еліміздің тоғыз өңірінде ауа райының қолайсыздығына байланысты ескерту жасалды. Бұл туралы «Қазгидромет» РМК синоптиктері хабарлады.Синоптиктердің болжамынша, Ақмола облысының батысы мен оңтүстігінде тұман шөгеді.Түркістан облысының оңтүстігінде жауын-шашын (жаңбыр, қар) болуы ықтимал. Облыстың оңтүстігінде, таулы және тау бөктерлі аудандарында тұман түседі. Облыстың таулы аудандарында жаяу бұрқасын күтіледі. Шығыстан жел соғады, облыстың солтүстігінде, таулы аудандарында күші 15-20 м/с болады.Ұлытау облысының солтүстігінде тұман түседі.Қызылорда облысында жел солтүстік-шығыстан соғады, таңертең және күндіз облыстың орталығында, шығысында күші секундына 15-20 метрге жетеді.Павлодар облысының батысы мен оңтүстігінде тұман шөгеді.Қарағанды облысының&nbsp;батысында тұман.Батыс Қазақстан облысының солтүстігінде тұман шөгеді.Ақтөбе облысының солтүстігі мен шығысында тұман.Жамбыл облысының оңтүстігінде, таулы аудандарында тұман түседі. Солтүстік-шығыстан соғатын жел оңтүстік-батысқа ауысады, облыстың оңтүстік-батысында, солтүстік-шығысында, таулы аудандарында екпіні 15-20 м/с болады.Фото: freepik.com

Қазақстанның тоғыз өңірінде ауа райына байланысты ескерту жарияланды

<a href="https://kyzylorda-news.kz/">Kyzylorda-news.kz</a> Қызылордада тұрғындарды құрылыс компаниясы алдап кеткен. Жұртшылық пәтерлеріне жөндеу жұмыстарын жүргізу үшін келісілген соманың алғашқы жарнасы ретінде 50 пайызын берген. Енді миллиондап ақша берген 15 адамның баспана тергеудің созылып жатқанына наразылық білдірді. Бұл туралы Stan.kz ақпарат агенттігі 31арнаның “Информбюро” жаңалықтар бағдарламасына сілтеме жасап хабарлайды.&nbsp;Тұрғындардың айтуынша, құрылысшылар ақшаны алған соң жұмысты аяқсыз тастап кетіп қалған. Не ақшаларын қайтарып ала алмай, не компания өкілдерін таппай жүрген жұртшылық полицияға арыз берген.Жәбірленушілердің бірі – Халида Барахатова келісім бойынша құрылысшыларға толықтай күрделі жөндеу жүргізу үшін 13 миллион теңгеге келісіп, соның жартысы 6 жарым миллион теңгені берген. Алайда бір айға жетпейтін уақытта пәтер ішін астаң-кестең еткен құрылысшылар жұмыстарын аяқсыз қалдырып кеткен.<blockquote>“Қай уақытта хабарлассақ та, Шымкенттен құрылысшыларымыз келеді деп алдап жүрді. Сөйтіп жүргенде қаншама уақыт өтті. Пәтерімнің қабырғаларын бұзып тастап кетті. Сосын амал жоқ басқа құрылысшыларды жалдап, жөндетуге мәжбүр болдым”, – деді Қызылорда қаласының тұрғыны Халида Барахатова.&nbsp;</blockquote> Осылай алданған15-ке жуық отбасының бірнешеуі полиция департаментіне ақшаларын қайтарып алуды талап етіп, арыз жазған. Алайда төрт айға созылған тергеу әлі аяқталмаған.<blockquote>“Біріміз несие, біріміз қарыз алдық. Пайызға ақша алдық соның бәрін соларға беріп енді ала алмай отырмыз. Неше ай болды? Міне, ГОВД-ға келдік. Бұларға осымен10 шақты рет келген шығармыз. “Қарап жатырмыз, қарап жатырмыз” дейді. Жұмыс түкке де жүріп жатқан жоқ”, – деді Қызылорда қаласының тұрғыны Бибіпатыма Иманбаева.</blockquote><blockquote>Полиция департаментіндегілер алаяқтық бабымен қылмыстық іс бойынша тергеу жүргізіліп жатқанын жеткізді.</blockquote>Фото сюжет кадрларынан

 Қызылордада құрылысшыларға алданып қалған тұрғындар тергеуге наразылық танытты

<a href="https://kyzylorda-news.kz/">Kyzylorda-news.kz</a>. 27 ақпан – Дүниежүзілік үкіметтік емес ұйымдар күні. Бұл атаулы дата 1950 жылы БҰҰ шешімімен тізімге енгізілген болатын. Қазіргі таңда аймақтағы азаматтық қоғам институттары 2000-нан астам жұмыс орнын нәтижелі құрып, экономиканың дамуына айрықша үлес қосуда. Мәселен, былтыр облыстағы қоғамдық ұйымдар 124 әлеуметтік маңызы бар жобаны сәтті жүзеге асырды. Бұл туралы Өңірлік коммуникациялар қызметінің ақпарат алаңында «Қызылорда облысының Үкіметтік емес ұйымдарының Альянсы Ассоциациясы» заңды тұлғалар бірлестігінің төрайымы Анар Ізден хабарлады.<blockquote>Бүгінде республика бойынша 23 мыңнан астам үкіметтік емес ұйым бар болса, біздің облыста 1217 ұйым тіркелген. Бүгінгі атаулы күнге орай өңірімізде бірқатар іс-шаралар ұйымдастырылуда. Атап айтқанда, Қызылорда облысының Азаматтық альянсының бастамасымен қауымдастық мүшелеріне арналған арнайы кездесу өтті. Кездесу аясында мемлекеттік органдар мен қоғам өкілдері бірнеше мәселелерді ортаға салып, өзара пікір алмасты. Сондай-ақ, бүгін мемлекеттік қызметшілер мен қоғамдық ұйым өкілдері арасында футболдан жолдастық жарыс ұйымдастырылады. Жалпы, Азаматтық альянс қауымдастығы 2020 жылы жаңа форматта өз жұмысын бастап, оған 73 ұйым мүшелікке кірген болатын. Содан бастап, біздің ұйым өз бағыты бойынша нәтижелі көрсеткіштерге қол жеткізуде. Қауымдастық базасында үкіметтік емес ұйымдарға жан-жақты қолдау көрсететін СаII орталық пен сайт іске қосылды. Биыл да бірнеше жоспарларды жолға қойып, іске асырудың нақты нәтижелерін жоспарлаудамыз, - деді Анар Жарылқасынқызы.</blockquote>Брифинг барысында Азаматтық альянс «Арал теңізі» қоғамдық бірлестігінің директоры Айнакүл Баймаханова экологиялық мәселелерді оңтайландыру бағытындағы жобалары мен негізгі жұмыстарын атап өтті.<blockquote>Біздің қоғамдық бірлестік 1996 жылдан бастап жұмыс істеп келеді. Осы уақыт аралығында халықаралық ұйымдар арқылы 30-ға жуық жобаны жүзеге асырды. Оның ішінде, Арал ауданындағы 3 мыңға жуық халық жұмыспен қамтылып, 30-ға жуық жұмыс орны ашылды. Біздің қолға алған жобалардың басым көпшілігі экологиялық және әлеуметтік салаларға бағытталады. Соңғы уақытта қоқыстардың шектен тыс көбеюі ауаның шамадан тыс ластануына әкеп соқтыруда. Осыған байланысты ауданымызда қоқыстарды өңдеу цехын аштық. Алдағы уақытта да бұл жобаны жалғастырамыз, - деді Айнакүл Үдербайқызы.</blockquote>Фото: Өңірлік коммуникациялар қызметі

27 ақпан – Дүниежүзілік үкіметтік емес ұйымдар күні

<a href="https://kyzylorda-news.kz/">Kyzylorda-news.kz</a>. 7 ақпан күні Түркістанда 3 және 5 жасар балаларын&nbsp; жастықпен тұншықтырып өлтірген 31 жастағы келіншек туралы тың деректер айтылды, деп хабарлайды Bugin.kz порталы <a href="https://www.youtube.com/watch?v=OA1au9u4lzg">"Көреміз"</a>&nbsp;бағдарламасына сілтеме жасап.Еске сала кетейік, 7 ақпан&nbsp;Түркістанда жағаұстатарлық жағдай тіркелді. 31 жастағы келіншек өзінің туған күнінде 3 және 5 жастағы балаларын жалдамалы пәтерге апарып,&nbsp;&nbsp;тұншықтырып өлтіріп, оқиға орнынан ізін суытқан.&nbsp;Мұғалімнің бұл әрекетін бірі отбасылық жанжалмен байланыстырса, бірі тылсым күштің әсері деп топшылайды.&nbsp;Бағдарламада айтылған ақпараттарға сүйенсек, күдікті келіншек Қызылорда облысы, Шиелі ауданында дүниеге келген. Оқуын аяқтағанна&nbsp;кейін 10 жылға жуық мектеп-лицейде мұғалім болып қызмет атқарған.Оның көршілері бұрын молдаға қаратып, қазақи ем жасатқаны туралы айтты.<blockquote>"Бұрныдары студент кезде ауырып, молдаларға апарған.&nbsp; Кейін жақсы боп кеткен. Бірақ&nbsp;алдыңғы жылы қайтадан ауруы басталған екен. Ұйықтап жатып бір жаққа кетіп қап, кейін артынан іздеп барып,&nbsp; тауып алып келіпті дегенді естідік, –&nbsp;дейді пікір білдірді күдікті&nbsp;келіншектің ауылдастары.</blockquote>Келіншектің Ләйла есімді туысы оның бұрыннан ауытқуы бар екенін,ауыратын айтты.&nbsp; Бала кезінде&nbsp;бірнеше рет&nbsp;өзіне қол жұмсап, өлмек&nbsp; болғанын айтты. Ал қайынінісі жұбайлар арасында мүлдем ұрыс-керіс болмаған дейді.Фото: Түркістан облысы ПД баспасөз қызметі

"Ауырып, молдаларға қаралған": екі баласын өлтірген әйел туралы тың дерек шықты

<a href="https://kyzylorda-news.kz/">Kyzylorda-news.kz</a> &nbsp;Жалағаш ауданының әкімі Ардақ Ибраимов Ақсу елді мекенінің газдандыру жұмыстарымен танысты. Жұмыс сапары барысында сала бойынша жауапты басшыларға ауыл халқының әлеуметтік жағдайын жақсарту мақсатында көгілдір отынның маңызы жоғары екенін ескертіп, жобаны уақытылы әрі сапалы аяқтау қажеттігін жеткізді.2023 жылы елді мекенге облыстық бюджеттен 20,0 млн.теңге қаржы қаралып, бөлінген қаржы шегінде жұмыстар жүргізіліп, толығымен игерілді.Сондай-ақ, 2024 жылға құрылыс монтаждау жұмыстарын жалғастыру үшін ұлттық қордан 100 млн.теңге, облыстық бюджеттен 31,7 млн.теңге бөлінді. Бүгінгі күнге барлығы 13,1 шақырым газ құбыры тартылды. Оның ішінде орта қысымды газ құбыры 1,5 шақырым, төмен қысымды газ құбыры 11,6 шақырым. 2024 жылы игерілген қаржы 29,5 млн.теңге.Сонымен қатар, газдандыру жұмыстары М.Шаменов елді мекенінде де жалғасын табуда. Ауылдық округке 2023 жылы облыстық бюджеттен 63,8 млн.теңге бөлініп, бөлінген қаржы шегінде жұмыстар жүргізіліп, толығымен игерілді.Ағымдағы жылы ұлттық қордан 100 млн.теңге, облыстық бюджеттен 4,5 млн.теңге қаралды. Бүгінгі күнге барлығы 9,9 шақырым газ құбырлары тартылды. Оның ішінде жоғары қысымды газ құбыры – 9,5 шақырым, төмен қысымды газ құбыры -0,4 шақырым. 2024 жылы игерілген қаржы-27,4 млн.теңге.Фото: Жалағаш ауданының әкімдігі

Жалағаш: Аудан әкімі газдандыру жұмыстарымен танысты

<a href="https://kyzylorda-news.kz/">Kyzylorda-news.kz</a>. Танымал әнші Қайрат Нұртас кешелі бері туған күнін атап өтуде. Өнер иесін әлеуметтік желіде құттықтаған жұбайы Жұлдыз Әбдікәрімованың әрекеті жұртқа жақпай қалды, деп хабарлайды <a href="https://jasqazaq.kz/pyshakhsyz-sojgan-ekensiz-khajrat-nyrtasty-salkhyn-khyttykhtagan-zhary-zhyrtkha-zhakhpaj-khaldy-video/?fbclid=IwAR3_3I1cX5UOaPhdb70WCeBLSI2KHbOPmfM5pyhfXbjr1VJqOJhNdivhJdM">jasqazaq.kz</a>.<blockquote>«Халықтың, сахнаның, ағайынның ҚАЙРАТЫ, туған күніңмен! Өнерің, еңбегің өмір бойы әлдилесін. Абыройың асқақтап, балаларың үшін мақтаныш болуды нәсіп етсін. Тілерім, тура жолдан адастырмай, басыңнан бағың таймай, әдемі қарттық болсын. Тыңдарманның қошеметі кемімесін. Өзіңді сыйлап, бағалайтын жақын жандарың қасыңнан табылсын! Сыйлаймын!», — деп жазған ол.</blockquote>Актриса «сүйемін» деп жазудың орнына «сыйлаймын» деп жазып, елдің қызу талқысына түсті. Көпшілік жұлдызды жұптың арасы бірнеше жылдан бері суығанын айтып, түрлі пікірлерін жаудырып жатыр.<blockquote>«Пышақсыз сойған екенсіз! Қайраттысың, қайсарсың Жұлдыз! Осы мінезің нағыз әйелдің бейнесін көрсетеді! Респект», «Сүйе ме, сүймей ме? Менің Қайратым дей ме, демей ме? Кімге, қандай ауыртпалығы тиіп жатыр?!», «Менің Қайратым десең, жағың түсіп қала ма?», «Мамасының Қайрошы ғой), сол күйі төрт баласына жауапкершілік ала алмай, әлі отыр мамасының қасында»,- деп жазды олар.</blockquote>Фото: https://www.instagram.com/zhuldyzabdukarimovaofficial/

«Пышақсыз сойған екенсіз»: Қайрат Нұртасты салқын құттықтаған жары жұртқа жақпай қалды

<a href="https://kyzylorda-news.kz/">Kyzylorda-news.kz</a> Құжат 13 наурызға дейін қоғам&nbsp;талқылау үшін Ашық НҚА сайтына орналастырылған.Ғылым және жоғары білім министрлігі қашықтықтан оқыту бойынша білім беру ұйымдарына қойылатын талаптарға&nbsp;өзгеріс енгізуді ұсынды, деп хабарлайды&nbsp;<a href="https://sn.kz/sn-akparat-agyny/110385-pedagogterdi-kashyktan-daiarlauga-tyiym-salynuy-mumkin">Skifnews.kz</a>&nbsp;ақпарат порталы.Атап айтқанда,&nbsp;білім беру ұйымдарына қойылатын талаптардан және қашықтан оқу процесін ұйымдастыру қағидаларынан, сонымен қатар&nbsp;жоғары немесе жоғары оқу орнынан кейінгі білім беру бағдарламаларынан&nbsp;педагогтерді қашықтан даярлау нормасы алынып тасталады."Білім туралы" заңның 37-2-бабының 2-бөлігінде&nbsp;көзделген жағдайларды қоспағанда (тиісті әкімшілік-аумақтық бірліктерде төтенше жағдай, шектеу іс-шаралары, оның ішінде карантин енгізу) педагогика&nbsp;ғылымы және денсаулық сақтау саласында кадрларды қашықтықтан оқытуға жол берілмейді, - делінген толықтыруда.Кадрларды даярлаудың басқа&nbsp;бағыттары бойынша қашықтан оқыту&nbsp;бүкіл оқу кезеңінде пәндердің жалпы санының 50%-нан аспайды.Қашықтықтан оқытылатын&nbsp;пәндерді зерделеу кезінде жаппай ашық онлайн курс&nbsp;қолдану арқылы игеру көзделетін пәндерді қоспағанда, сабақ синхрон&nbsp;форматта&nbsp;жүргізіледі.Сонымен қатар құқық, хореография, музыкалық өнер, авиациялық техника және технологиялар, құрылыс, теңіз техникасы мен технологиялары, әскери іс, ветеринария саласында кадрларды қашықтан оқыту&nbsp;бүкіл оқу кезеңіндегі пәндердің&nbsp;20%-нан аспайды.Құжат 13 наурызға дейін қоғам&nbsp;талқылау үшін Ашық НҚА сайтына орналастырылған.Фото: pixabay.com

Білім беру ұйымдарына қойылатын талаптарға өзгеріс енгізіледі

<a href="https://kyzylorda-news.kz/">Kyzylorda-news.kz</a>.Үкімет басшысы Олжас Бектенов жаңа баспасөз хатшысын тағайындады, деп хабарлайды <a href="https://sputnik.kz/">Sputnik Қазақстан</a> премьер-министрдің ресми сайтына сілтеме жасап.Бұл қызметке Диляра Аленова келді. Бұған дейін ол Алматы қаласы әкімінің баспасөз хатшысы қызметін атқарды.Диляра Аленова 2015 жылы Қазақ мемлекеттік заң университетін халықаралық құқық мамандығы бойынша бітірген. Ал еңбек жолын 2014 жылы тілші болып бастаған.Әр жылдары ҚР Президенті жанындағы орталық коммуникациялар қызметінде, ақпарат және коммуникациялар министрлігі ақпарат комитетінде, "Қазконтент" АҚ-сында, премьер-министрдің баспасөз қызметінде жұмыс істеді.Одан кейін "Алматы қаласының өңірлік коммуникациялар қызметі" КММ басшысы, Алматы қаласында қоғамдық даму басқармасына қарасты коммуникациялық іс-тәжірибелер бөлімінің басшысы болды.2023 жылы шілде айында Алматы қаласы әкімі баспасөз қызметінің басшысы қызметіне тағайындалған.

Премьер-министрдің баспасөз хатшысы ауысты

<a href="https://kyzylorda-news.kz/">Kyzylorda-news.kz</a>. Көлік министрліг бірыңғай уақыт белдеуіне көшуге байланысты рейстердің кестесіне қатысты сұрақтар туындаған жағдайда қайда қоңырау шалуға болатынын хабарлады."Қазақстан темір жолы" ұлттық компаниясының ақпаратына сәйкес, жолаушылар пойыздарының қозғалысына қатысты барлық өзгеріс ресми сайттар мен интернет-ресурстарда қолжетімді.Жолаушылар анықтамалық ақпаратты 1433 нөмірі бойынша "Жолаушылар тасымалы" АҚ Бірыңғай анықтамалық қызметі арқылы немесе @KTZH_PP_BOT Telegram ботының көмегімен тегін ала алады.<blockquote>"Азаматтық авиация саласында да тиісті дайындық жұмыстары жүргізіліп жатыр. Air Astana, SCAT және Qazaq Air әуе компаниялары билеттерді сату жүйесінде қажетті өзгерістер енгізіп, жолаушыларға тиісті хабарламалар жолданды. Fly Arystan әуе компаниясы рейстер кестесіне өзгерістер енгізу бойынша техникалық жұмыстарды аяқтады. Жолаушыларға нақты ұшу уақыты белгіленген билетті қалай жүктеп алуға болатыны туралы ақпаратты көрсете отырып, хабарламалар жіберілді", - делінген хабарламада.</blockquote>Айта кетерлігі, 29 ақпаннан 2 наурызға дейін Қазақстанның авиациялық әкімшілігінің жедел штабы базасында 8 7172 798214, 8 7172 798213 нөмірлері бойынша "жедел желі" жұмыс істейтін болады.Сондай-ақ рейс бойынша өзекті ақпаратты нақтылау үшін жолаушылар әуежайдың анықтамалық қызметтері мен әуе компаниялардың Call-орталықтарына хабарласуы керек: Air Astana 8 727 244 44 77, 8 7172 58 44 77, 8 702 702 44 77; FlyArystan 8 727 331 1010 (WhatsApp 8 702 702 0227); SCAT 8 7252 99 88 80; Qazaq Air 8 727 356 14 14.Ақпарат көзі: <a href="https://sputnik.kz/20240227/biryngay-uaqyt-beldeui-kolik-ministrligi-reyster-kestesine-qatysty-malimdeme-zhasady-42533191.html">Sputnik</a>Фото: freepik.com

Уақыт белдеуінің өзгеруі: көлік министрлігі рейстер кестесіне қатысты мәлімдеме жасады

<a href="https://kyzylorda-news.kz/">Kyzylorda-news.kz</a> Қазақстан Ұлттық олимпиада комитетінің президенті болып келген Геннадий Головкин комитет басшылығына не үшін басшы болуға келіскенін айтып берді,&nbsp;деп хабарлайды&nbsp;<a href="https://qaz.ulysmedia.kz/">Ulysmedia.kz</a>.<blockquote>– Мен үшін елімізді жаңаша тұрғыда көрсету үлкен мәртебе болмақ. Маған Қазақстан ұлттық олимпиада комитетін басқаруды ұсынған кезде мен қазақстандық спорттың дамуына өз үлесімді қосуға мүмкіндік беру шартымен ғана өз кандидатурамды ұсынуға келістім. Өздеріңіз білетіндей, мен саясаткер де, шенеунік те емеспін. Мен өз ниетімді сөзбен емес, іспен дәлелдеуге дағдыланған адаммын. Өз көзқарасым бар, көп жылдық халықаралық тәжірибем бар, команда бар, ең бастысы - менің туған елімде бәрін жүзеге асыруға деген шынайы тілегім бар, – дейді Головкин.</blockquote>Еске сала кетейік, кәсіпқой боксшы Геннадий Головкин Қазақстан Ұлттық олимпиада комитетінің президенті болып келді. Бұған дейін ол қызметті бизнесмен Тимур Құлыбаев атқарған.Головкин туралы аз-кем ақпаратҚарағандының криминалдық ауданы Майқұдықтан шыққан боксшы Геннадий Головкиннің есімі 2006 жылдан бері кәсіби бокста танымал.&nbsp;Қазақстандық боксшының кәсіби лигадағы мансабы мақтаулы. Головкин өзінің жекпе-жектерінің көпшілігін мерзімінен бұрын аяқтаған. Қуатты және техникалық панчер және нокаут ретінде танымал. Ол 2008 жылдың 22 қарашасынан 2017 жылдың 18 наурызына дейін 9 жыл қатарынан 23 рет нокаутпен жеңіске жетті. Гиннестің рекордтар кітабына орта салмақ тарихындағы нокауттардың ең жоғары пайызы үшін енді. 2020 жылғы жағдай бойынша 21 рет қорғап, орта салмақтағы чемпиондық титулды қорғаудың жалпы саны бойынша рекордты жаңартты.Бүгінде Геннадий Головкин барлық белбеуінен айырылған. Әлем чемпионы емес. Алайда әлемнің түкпір-түкпірінде бокспен айналысам деген жастарға үлгі бола білген адам.

Қазақстан және Қызылорда облысының жаңалықтары