&nbsp; <a href="https://kyzylorda-news.kz/">Kyzylorda-news.kz</a>.&nbsp; Облыс әкімі Н.Нәлібаев қызылордалықтарды Алғыс айту күнімен құттықтады.&nbsp;"Сіздерді Алғыс айту күнімен құттықтаймын!Соңғы жылдар бедерінде ғана атаулы күндер қатарына қосылған Алғыс айту күнін жұртшылықтың жылы қабылдауында терең мән бар деп ойлаймын. Өйткені сан ғасырдан бері біздің Ұлы далада үлкенге құрмет, кішіге ізет көрсету, бауырмалдық, сыйластық сияқты ізгі дәстүрлер орныққан.Сол дәстүрді ұстанған ата-әжелеріміз қуғын көріп, туған жерінен жыраққа жер аударылған неміс, поляк, корей, шешен, тағы басқа ұлттардың өкілдерін бауырына тартты, қамқорлық көрсетті. Осы ізгі ниетті таныған өзге ұлт өкілдері, олардың ұрпақтары әлі күнге дейін қазақтың кең пейіліне ризашылығын айтып келеді.Алғыс айту күнінің көктемнің алғашқы күнімен, Қазақстан халқы ассамблеясының құрылған күнімен орайластырылуы да тегін емес. Жалпы ризашылық білдіру жұртшылықты жақындастырады, қоғамдағы түсіністікті қалыптастырады, адамдар арасындағы сыйластық пен татулықты одан әрі нығайта түседі. Сондықтан бұл мереке бүгінде жалпыхалықтық сипат алды, үлкен-кіші бір-біріне алғыс айту арқылы құрмет пен мейірім арнасын кеңейтті.Бүгінгі мерекеде баршаңызға мықты денсаулық, отбасыларыңызға береке тілеймін! Қастерлі Отанымыздың іргесі берік, еңсесі биік болғай!”, –&nbsp;деді аймақ басшысы құттықтауында.&nbsp;

Облыс әкімі қызылордалықтарды Алғыс айту күнімен құттықтады

<a href="https://kyzylorda-news.kz/">Kyzylorda-news.kz</a>.&nbsp; Танымал блогер, қайырымдылық іс-шараларының ұйымдастырушысы Ырысбала Икрамбай қарттар үйіндегі қарияларды мейрамханаға шақырып, сый жасады, - деп хабарлайды <a href="https://massaget.kz/basty-zhaalytar-438/102295/">Massaget.kz</a><blockquote>"Мен қатты қобалжыған кездесу!&nbsp;Тоғызыншы айналымда мүмкіндігі шектеулі балалар үйіне барып едім, балалардың керегін сол тоғызыншы айналымның қаражатынан алған едім.&nbsp;Ал онынышы айналымда қазыналы қарттарымыздың үйіне барғым келген, бірақ ата-апаларымыз бір серпіліп көңіл көтеріп қайтсыншы деп мейрамханаға дастархан жайып шақырдым, аталарымыздың иығына шапан жауып, тақия сыйға тарттым, апаларымызғада шапан мен орамал сый жасадық. Ойын ойнатып, сыйлық таратып, билеп, әндетіп кішігірім той болды. Сауаптан жазылсын Ырысты армиям сіздерге! Әр айналымда міндетті түрде қайырымды іс жасаймыз.&nbsp;Алла бұл кісілерге денсаулық, ұзақ ғұмыр берсінші.&nbsp;Өзім дегені өзегінен тепсе де, өзіндей қамқорлық көрсетіп жүрген қарттар үйінің қызметкерлеріне де мың алғыс!&nbsp;Әкемнің бір рет дидарын көру мәңгілік орындалмайтын арман мен үшін, бардың қадірін білмейтін жандар көп екеніне бүгін тағы көзім жетті…&nbsp;Әттең..." - деп жазған ол.&nbsp;</blockquote>Фото: Видео кадры

Ырысбала Икрамбай қарттар үйіндегі қарияларды мейрамханаға шақырып, сый жасады  

<a href="https://kyzylorda-news.kz/">Kyzylorda-news.kz</a>.&nbsp; Мемлекет басшысы Қасым-Жомарт Тоқаев қазақстандықтарды Алғыс айту күнімен құттықтады. Бұл туралы&nbsp;<a href="https://stan.kz/tokaev-kazakstandiktardi-algis-aytu-kunimen-kyttiktadi-396329/">Stan.kz </a>ақпарат агенттігі хабарлайды.Ел президентінің құттықтауын Ақорда жариялады.“Құрметті отандастар!Сіздерді Алғыс айту күнімен құттықтаймын!Бұл – береке-бірлігімізді бекемдей түсетін мереке. Осы күні еліміздің азаматтары бір-біріне ерекше ілтипат көрсетіп, ризашылығын білдіреді. Сондай-ақ татулық, ынтымақ, достық сынды қастерлі құндылықтар жан-жақты дәріптеледі. Мұның бәрі ұлтты ұйыстырудың ұтымды жолы екені сөзсіз.Халқымыздың уақыт сынынан өткен жанашырлық, қамқорлық, мейірімділік сияқты асыл қасиеттері, әсіресе қиын-қыстау кездерде айқын көрінеді. Бүгінде мемлекетімізде ауқымды өзгерістер болып, Әділетті Қазақстанды құру жолында нақты қадамдар жасалып жатыр. Осындай сындарлы сәтте елдік мүддені бәрінен биік қойып, ырыс-ынтымағымызды сақтау өте маңызды.Біз озық ойлы ұлт ретінде көздеген барлық биік мақсаттарға қол жеткізетінімізге кәміл сенемін. Осы орайда тынымсыз тер төгіп, Қазақстанды көркейтуге өз үлесін қосып жүрген азаматтарға алғыс айтамын.Баршаңызға бақ-береке және мол игілік тілеймін! Еліміз аман, жұртымыз тыныш болсын!”, –&nbsp;делінген құттықтауда.&nbsp;

Тоқаев қазақстандықтарды Алғыс айту күнімен құттықтады

<a href="https://kyzylorda-news.kz/">Kyzylorda-news.kz.</a> Ел президенті Қасым-Жомарт Тоқаев туризмді дамытудың маңыздылығына тоқталып: «Кәсіпкерлер туризмнің болашағы зор екенін көруі керек. Сол үшін қажетті жағдайды жасаған жөн. Осы салаға салынған жеке инвестицияның көлемі, іштен және сырттан келген туристердің саны неғұрлым көп болса, жұмыстың нәтижесі де соғұрлым тиімді болмақ», - деген болатын.&nbsp;Табиғат-Ананың дейміз бе, Жаратқанның дейміз бе, не болса да көзіміз көріп, құлағымыз естіп жүрген әлемнің түрлі таңғажайып орындары бар. Олардың бірі адам қолынан шыққан туынды болса, бірі – табиғат сыйы. Сондай елге пайдалы, ауылға көрік беретін орын Ақеспе ауылында да орналасқан. Ел арасында «Ыстық су» аталып кеткен бұл субұрқақ ауыл туристік аймаққа айналса экотуризм мен экомедицинасы дамыған, әлеуметтің саулығын нығайтатын орын болмақ.Бүгінде округке қарасты Ақеспе елді-мекенінде халық арасында «Ыстық су» аталған демалыс орны қызмет жасауда. Жүргізілген зерттеулер нәтижесінде арнайы экспедиция көмегімен 1986 жылы ашылған аталмыш бұл бұлақтан ыстықтығы 62˚ су жер астынан шығып жатыр. Сол уақытта бұл экспедицияның басы-қасында жүрген ауыл тұрғыны Құдайберген Саржанов: «1986 жылы Ақеспе ауылының маңындағы қазіргі ыстық су шығып жатқан орынды қаздыруға ықпал жасаған едім. Ол уақытта Қазақ ССР Балық шаруашылығы министрі болып қызмет еттім. Ол кезде бұл орыннан ыстық су шығады деген ой төрт ұйықтасақ түсімізге кірген емес. Бізде жерасты суын елдімекен балықшыларының кәдесіне жаратсақ деген мақсат қана болды. Осы мақсатта сол кездегі Геология министрінің рұқсатымен қазу жұмыстарын жүр¬гіздім. Нәтижесінде, сол аумақтан ыстық су шықты. Дереу тиісті орындар арқылы сынамасын алғызып, тексеріске жіберттік. Сынама қорытындысымен жерасты суының емдік пайдасы бар екені анықталды. Суы ғана емес, сол аумақтағы батпағының да түрлі дертке шипа болатыны белгілі болды. Осыдан кейін Ақеспе ауылынан әрірек жерге шипажай салуға шешім қабылдадық. Бұлақ жанынан қонақүй салып, ыстық су мен балшықтың игілігін ел көрсін деген мақсатта жұмыс істедік. Алайда уақыт өте келе сол кездегі үкімет тарап, бастаған ісіміз аяқсыз қалған болатын» дейді бір сұхбатында.Қазіргі таңда бұл шипалы суға елдің түкпір-түкпірінен ем қабылдауға адамдар ағылып келуде. Тіпті жаздың күндері 1500-ге жуық азамат келетін көрінеді. Бұлақ басындағы жадынамада су тері, буын, жүйке ауруларына, салқын тигенде пайдалы деп көрсетілген. Ол ғана емес, бұлақ маңындағы батпақ пен ауыл құмының да пайдасы жетерлік дейді халық.Олардың айтуынша, Арал ауданынан бөлек, Қазалы, Қармақшы, тіпті еліміздің түрлі аумағынан дертіне ем іздеп келетін емделушілер қарасы қалың. Олардың арасында түрлі пікірлер бар, дегенмен жағымсыз пікір айтқан жанды естімедік дейді.Бүгінгі күні ыстық бұлақ маңында арнайы демалыс орны қызмет етіп келеді. Демалыс аймағын заман талабына сай жабдықтау және тынығушыларға (емделушілерге) сапалы қызмет көрсету бойынша талап жоғары. Қазіргі таңда осы орынның туристтік әлеуетін арттыру басты мақсаттың бірі. Осы бағытта аталмыш аймақта электр желісі мен ауыз су жүргізілген болса, ендігі маңызды мәселе жол қатынасы болып тұр. Осыған орай, аудандық бюджеттен Ақеспе елді мекендегі «Ыстық су» бұлағына барар 6 шақырым автомобиль жолының құрылысының жобалау-сметалық құжаты әзірленіп, Ұлттық экономика министрлігіне 497,9 млн.тг бюджеттік өтінім ұсынылды.Сонымен қатар аталмыш демалыс орнында кәсіп жасауға ниетті азаматтарға тиісті қолдаулар берілуде. Үстіміздегі жылы «Ыстық су» маңына тынығушыларға қызмет көрсету мақсатында ЖК «Сақтағанов» құны 5,0 млн.тг болатын жобасын әзірлеуде. Бұл жобалар елді-мекендегі кәсіпкерлік жиегін кеңейтіп, халықтың әл-ауқатын арттыруға септігін тигізері сөзсіз.

Ақеспедегі ыстық су туризм ошағына айналмақ

<a href="https://kyzylorda-news.kz/">Kyzylorda-news.kz.</a> Президент Қасым-Жомарт Кемелұлы Тоқаевтың кезекті Жолдауынан туындайтын мәселелерді және бағдарламаларды іске асыру негізінде қазір елімізде ауылдардың әлеуметтік-экономикалық дамуына, білім беру, денсаулық сақтау, ауыл шаруашылығын дамыту істерінде мемлекеттік бағдарламалардың орындалуы басты назарда. Бүгінде осы бағдарламалар аясында келелі істер жүзеге асып, көптеген ауыл халқына қолайлы жағдай туғызуда. Солардың бірі – Қосаман ауылдық округі.Қосаман ауылдық округінің құрамына қазір Қосаман және Ақеспе ауылдары кіреді. Екі ауылды қосқанда барлығы 126 шаңырақта 719 тұрғын бар. Оның ішінде экономикалық белсенді халық саны – 332, өзін-өзі жұмыспен қамтыған 142 адам болса, жалдамалы қызметкерлер – 180, зейнет жасында 44 тұрғын бар. Алтын, күміс алқа таққан Батыр аналар саны – 30, 7 жұмыссыз жан болса, 2023 жылы 16 тұрғын жаңадан жұмыспен қамтылды.Өркениетті даму көшінен қалыспаған ауылдық округтің әкімі Әлібек Ізбасаров өз жұмысын қалтқысыз атқарып келеді.<blockquote>– Ауыл әкімдерінің құзіреттілігін нығайту үшін жергілікті өзін-өзі басқару және ауылдық аймақтарды дамыту бағыттары бойынша ауылдық округ әкімінің аппараты жергілікті мекеме басшыларымен және қауымдастық кеңестерімен, яғни ауыл тұрғындарымен бірлесіп түрлі сала бойынша халыққа қызмет көрсетіп келеді. Осы бағытта жыл көлемінде ауыл әкімшілігі, мектеп, клуб, медпункт, ветпункт ұжымдарымен бірлесіп, қайырымдылық акциялары кезінде қамқорлықты қажет ететін отбасыларға ақшалай, заттай түрлі көмектер көрсету күн тәртібінен түскен емес.</blockquote><blockquote>Осы жылы аудандық бюджеттен Ақеспе елдімекенінде электр желісін жаңарту мақсатында 6 млн 272 мың теңгеге тиісті жұмыстар атқарылды. Бұдан бөлек, ауылдарда түнгі көше жарық шамдарын электр үнемдейтін шамдармен ауыстырылды.</blockquote><blockquote>Қазіргі таңда округ халқының саны артып келеді. Осыған байланысты округте балабақша ашу бойынша сұраныс бар. Ауыл халқының сұранысына орай осы жылы Қосаман елдімекенінде жеке кәсіпкердің бастамасымен 40 орындық балабақша ашу жоспарлануда, – дейді Әлібек Ізбасаров.</blockquote>Қазір округте №68 орта мектеп және №237 негізгі мектеп бар. Білім ордасында барлығы 51 мұғалім қызмет етеді. Мектептегі оқушылар саны 149 баланы құрайды, оның ішінде 19 бала мектепалды даярлық сыныбының оқушылары. Ыстық тамақпен қамтылған балалар саны – 23.Бұдан бөлек округте тұрғындар қажеттілігін өтейтін 2 фельдшерлік-акушерлік пункт, 2 ауылдық клуб, 1 ветпункт, 2 кітапхана және «Нұра топтық су құбыры» РМК «Арал» СЖКБД филиалының №1 су айдау станциясы жұмыс жасайды.Мемлекет басшысы Қасым-Жомарт Кемелұлы Тоқаев Қазақстан халқына арнаған жолдауында кәсіпкерлік саласын дамыту мен бизнес идеяларды қолдау шаралары артып, “Мемлекет бизнеске көмек көрсету ісін жалғастыра береді” деген болатын.Бұл тұрғыда аулда да жүйелі жұмыстар жасалып, кәсіпкерлікті қолдауға бағытталған түрлі мемлекеттік бағдарламалар өз тиімділігін дәлелдеп келеді. Ауыл әкімі ай сайын кәсіпкерлерді салалық мәселелер бойынша қабылдап, ұсыныстар бойынша нақты шараларды жүзеге асыруда. Өз кәсібін бастаған және бұл бағытта шаруасын жүйелеген азаматтар мұндай қолдауларға ризашылықтарын білдіруде. Бұл туралы:<blockquote>– Қосаман ауылдық округінде барлығы 8 шаруа (фермер) қожалығы және 43 жеке кәсіпкер тіркелген. Қазіргі таңда округте кәсіпкерлікті дамыту бағытында қосымша шаралар қолға алынып, жұмыстар жасалуда. Ауылдық округ бойынша 2 азық-түлік дүкені, 1 қоғамдық монша жұмыс жасауда.</blockquote><blockquote>Ал кәсіпкерлік бағытта округте барлығы 43 кәсіпкер тіркелген. Сонымен бірге округ бойынша жыл басынан түрлі қаржы ұйымдарына жобалар ұсынылып, қолдау күтілуде.</blockquote><blockquote>2023 жылы округте кәсіпкерлікті дамыту мақсатында «Бастау-Бизнес» бағдарламасымен 4 азамат оқып, Ақеспе ауылының тұрғыны О.Санкубаев қайтарымсыз қаржы алып, өз кәсібін (көлікке техникалық қызмет көрсету орталығы) бастауда, – деді ауыл әкімі.</blockquote>Және ауылда кәсіп ашуға ниетті азаматтар тізімі жасақталып, алдағы уақытта «Ауыл аманаты» жобасына аясында төмендетілген пайызбен несие алуға ниетті азаматтарға құжат тапсыруға сүйемелдеу жұмыстары жүргізілді. Нәтижесінде Қосаман ауылының тұрғыны Б.Әбілова 2,7 млн.тг несие алып, ауылда құс шаруашылығын дамытуға атсалысуда.Айта кетейік, 2022 жылы округ бойынша несие алу деңгейі 19,2 млн.тг. жеткен болатын. Кәсіпкерлікті дамыту бойынша округте 4 адам «Бизнес Бастау» арқылы қайтарымсыз несиеге қол жеткізіп, өз кәсіптерін бастады. Оның ішінде қоғамдық монша, тігін цехы, кондитерлік өнімдер шығару жобалары бастау алды.Сонымен қатар мал шаруашылығы да жақсы дамып келеді. Ауылда А.Сахи 2,0 млн.тг несиемен мал шаруашылығы бағытында 4 жылқы алса, Г.Байадилова «Атамекен» микроқаржы ұйымынан 7,2 млн.тг несие көлемінде 12 түйе алып, кәсібін жасауда.Ауылдық округ бойынша 2023 жылдың 1 шілдесіне түсетін мал басының саны мүйізді ірі қара – 656 бас, уақ мал – 907 бас, жылқы – 3 273 бас, түйе – 1 801 басты құрады. Биылғы жылдың тиісті мезгілдерінде мал басын бірдейлендіру жұмыстары толық жүргізіліп, тиісті дерекқорларға енгізілді. Сонымен қатар мүйізді ірі қара тұқымын асылдандыру бойынша жұмыстар күн тәртібінен түскен емес. Осы орайда биылғы жылы 2 бас бұқа алынды. Бұдан бөлек Ақеспе елдімекенінде 2 балық қабылдайтын тоңазытқыш цехы жұмыс жасауда.Байланыс қызметі де округ халқы үшін өз шешімін тапқан. Қосаман ауылдық округінде 158 телефон нүктесі жұмыс істейді. Халықтың 100 пайызы отандық «Отау ТВ» спутниктік телехабармен қамтылған. Сонымен бірге бүгінде тұрғындар «KCell» ұялы байланыс операторы қызметін пайдалануда.Сонымен бірге округте интернет жылдамдығы өте төмен болғандықтан, қазіргі таңда ЖК «Ырыс» арқылы тұрғын үйлеріне «Транстелеком» АҚ-ның қызметін орнату бағытында жұмыстар жүргізілді. Бүгінгі күні ауыл тұрғындарының 70% сапалы ғаламтор желісімен қамтылып отыр.«Төртеу түгел болса, төбедегі келеді» деген қанатты қағидаға сүйеніп, ауыл ақсақалдарының ақыл-кеңесін алып, ауылымыздың ауызбіршілігі мен ынтымағын арттыру мақсатында тұрғындар тарапынан да жұмыстар атқарылуда. Соның бірі – Қосаман ауылының тұрғыны, мүмкіндігі шектеулі жанға алыс-жақындағы ағайын болып тұрғын үй тұрғызып, пайдалануға берілді. Бұл ауылымыздағы жұмыла атқарылған жұмыстардың бірқатары. Ауыл әкімі Әлібек Ізбасаров алда жоспарланған жұмыстардың ауқымды екендігін де тілге тиек етті.Фото: Нұрболат Нұржаубай&nbsp;

Қосаман ауылында  40 орындық балабақша ашылады

<a href="https://kyzylorda-news.kz/">Kyzylorda-news.kz.</a> Соңғы жылдары алаяқтар азаматтарды алдау үшін жаңа технологияларды белсенді қолданады. Дипфейк – бұл кибершабуылдар мен азаматтардың құпия деректерін ұрлаудың тамаша құралы, ол жоқ адамдарды «тірілтуге», кез келген дауысты, мимиканы бұрмалауға, сөйлеуге адам ешқашан айтпаған сөздерді қосуға мүмкіндік береді.Жоғары технологиялық алаяқтықтың осы түрін Fingramota.kz-пен&nbsp;бірге қарастырайық.&nbsp;Дипфейк технологиясы ең қуатты нейрондық желілерге негізделген, олардың көмегімен кез келген фото- және бейнекескіндерді жасай аласыз, дауыстың тоналдылығы, адамның бет әлпеті сияқты биометриялық деректерді басқаруға болады. Дипфейк арқылы ешқашан болмаған оқиғаларды жасауға, адамға жас қосып, егде адам қылып көрсетуге немесе керісінше, бірнеше ондаған жылдарға бейнесін жасартуға, қайтыс болған актермен фильм түсіруге, фотосуретті жандандыруға болады. Мұны продюсерлер, режиссерлер, маркетологтар, жарнама берушілер және ... алаяқтар белсенді түрде пайдаланады.Ресми түрде «Дипфейк» технологиясы 2014 жылы пайда болды деп саналады. Бұл технологияның негізгі алгоритмін Стэнфорд университетінің студенті Ян Гудфеллоу әзірледі, ол қазірдің өзінде жасанды нейрондық желілер мен терең оқыту саласындағы жұмыстарымен танымал американдық ғалым. «Дипфейк» &nbsp;деген термин «deep learning» деген сөздерден шығады, яғни «терең зерделеу» &nbsp;және «fake» - &nbsp;«жалған».Дипфейк қалай жұмыс істейді«Дипфейк» деген ұғым –&nbsp;бұл адамның бет-әлпетін немесе дауысын синтездеуге арналған бірқатар алгоритмдердің нәтижесі. Бұл мәселені шешу үшін қолданылатын негізгі алгоритмдер генеративті-қарсылас желілерге негізделген. Осы инновациялық технология арқылы бар адамды, мимиканы және дауысты көшіруге болады. Бұл технология теледидар мен әлеуметтік желілерде адамның жасанды digital-көшірмесі тележүргізуші мен блогер бола алатын кезде қолданылады.Дипфейктер (generative adversarial network немесе GAN) деп аталатын терең оқытудың озық әдісі арқылы бар кескіндерді, аудио және бейнелерді бастапқы медиафайлдарға қабаттастыру арқылы жасалады. Басқаша айтқанда, GAN –&nbsp;бұл жасанды интеллект саласындағы инновациялық әдістеме, оның нәтижесі түпнұсқа&nbsp;бейнелерден&nbsp;ерекшеленбейтін жасанды кескіндердің синтезі болып табылады. GAN әдістемесінде бір мезгілде екі нейрондық желі қамтылған: «генератор» деп аталатын бір желі оларды имитациялайтын үлгі жасау үшін деректер жинағын пайдаланады. «Дискриминатор» деп аталатын тағы бір желі генератордың қаншалықты жетістікке жеткенін бағалайды. GAN әдістемесін жақсарту мен жетілдіру одан да шынайы дипфейктердің жасауға әкелді, оларды азаматтар іс жүзінде әшкерелей алмайды.Генеративті-қарсылас желілердегі алаяқтық – бұл ақпараттық тұрғыдан үлкен қауіп. IT-технологиялар саласындағы әлемдік сарапшылар жақын арада дипфейк елдің қоғамдық-саяси өмірінде теріс із қалдыратын аса маңызды деңгейге жетуі мүмкін деп санайды. Дипфейкті пайдалана отырып жасалатын алаяқтық тәсілдері&nbsp;Зиянкестер жеке деректерді, digital-тұлғаны, мысалы жақын туысын, танысын, қоғамдық инфлюенсерді ұрлау үшін, қоғамда жалған ақпарат тарату, қаржылық бопсалау және автоматтандырылған кибершабуылдар жасау үшін дипфейктерді өздерінің жеке мүдделері үшін пайдаланады.Қаскүнемдер дипфейктердің көмегімен:- банктік шотқа қол жеткізу, оны қолма-қол ақшаға айналдырып, жалған кредиттер ресімдеу үшін басқа адамның жеке басын қолдан жасайды;- ірі қаржылық транзакциялар мен күрделі кредиттік алаяқтық схемаларын іске асыру мақсатында өмірде жоқ жаңа «адамды» жасап шығарады.Сонымен қатар, алаяқтар онлайн-сервистер мен есептік жазбаларға немесе банктік карталар, кредиттер және т.б. қол жеткізу үшін қайтыс болған адамның деректерін пайдаланулары мүмкін.Дипфейкті қалай танып- білуге болады?Бірінші кезекте, адамның жасанды мимикасына және көзін біртүрлі жыпылықтатуына не керісінше оның мүлдем жоқтығына, &nbsp;қисынсыз сөйлемдер құрастыруына, аздап тұтығуына немесе робот іспеттес сөйлеуіне назар аударыңыз. Сізге жасанды болып көрінгеннің барлығына &nbsp;күдікпен қарау қажет.&nbsp;Интернетте танымал тұлғаның аса көп күш салмай көп ақша табудың жолын айтатын роликтер көруге болады. Мәселен, алаяқтар өздерінің мақсаттарын жүзеге асыру үшін қарапайым азаматтардың сенімі мен назарын барынша тарта отырып, белгілі және беделді тұлғалардың digital-көшірмелерін пайдаланады. Қаскүнемдер түрлі инвестициялық онлайн-платформаларда ақша табу жолдарын ұсынады, оларға қатысу үшін жалған сайттарда өз деректеріңді қалдырып, ұйымдастырушыларға &nbsp;шамалы сома аударсаңыз болды деп сендіреді.Сақ болыңыз, тек алаяқтар ғана үнемі ақша жайлы сөз етіп, сізден аванс, кіру жарнасы, қосымша қызметтер үшін төлем түрінде ақша тартпақшы болады. Бұдан былай олар ойларын тікелей емес, жасанды интеллект арқылы іске асыра алады.Кейбір сервистер сапасы тым жоғары болмаса да бірнеше секундқа ғана созылатын бір бейненің немесе дауыс жазбасының көмегімен дипфейк-бейне немесе аудио жасаулары мүмкін.Дипфейкке қарсы іс-қимыл жөніндегі негізгі қауіпсіздік қағидалары:Сізбен байланысқа шынайы адамның шыққанын ажырату үшін оған бірнеше сұрақтар қойыңыз, оның мимикасына, көзіне және қастарына назар аударыңыз. Шын өмірде көлеңке түсетін жерлерге көңіл бөліңіз. Дипфейк &nbsp;табиғи жарықты &nbsp;көп жағдайда дәл көрсете алмайды;Егер қоңырау соғушылар сізге аты-жөніңізді айтып, сіздің тұрғылықты мекенжайыңызды білетін болса, бұл адамдар ресми тұлғалар дегенді білдірмейді. Барлық қажетті деректерді түрлі тәсілдермен алуға болады, қазіргі уақытта деректерді интернеттен алу ешбір қиындыққа соқпайды; &nbsp;Міндетті түрде қызметкердің аты-жөні мен лауазымын сұраңыз және оны қайта тексеру үшін олардың өкіліміз деген ұйымның байланыс орталығына қоңырау соғыңыз;Егер телефоныңызда жақын адамның нөмірі шықса, алайда оның дауысы ақырын шығып, қиын жағдайға тап болдым, одан шығу үшін ақша аудару қажет деп сұраса, әңгімені доғарып, оған өзіңіз қоңырау шалыңыз;Ешбір жағдайда және ешкімге дербес деректеріңізді, банк картаңыздың толық деректемелерін, соның ішінде картаның қолданыс мерзімін, CVC/CVV кодын, сондай-ақ код сөзін және картадағы ақша қаражатының қалдығын айтпаңыз;Азаматтардың назарын соңғы уақытта бұл технологияның қарқынды дамып, күш алып келе жатқанына аударамыз. &nbsp;Кибералаяқтардың күн сайын ойлап шығаратын технологияларының көмегімен тіпті инновациялық және цифрлық технологияның дәуірімен бірге өскен заманауи ұрпақтың өзін алдау қиынға соқпайды.&nbsp;Алаяқтықтың бұл түрі жөнінде туыстарыңызға және жақындарыңызға, әсіресе егде жастағы адамдарға айтыңыз.Өзіңізді, өз ақшаңызды қорғаңыз және Fingramota.kz-пен бірлесіп, соңғы инновациялық технологиялардан хабардар болыңыз!Фото: Fingramota.kz

Дипфейк: digital алаяқтықтың жаңа деңгейі  

<a href="https://kyzylorda-news.kz/">Kyzylorda-news.kz</a>. Бүгін Қызылорда қаласы бойынша білім бөлімінің ұйымдастыруымен Абай атындағы үш тілде оқытатын дарынды балаларға арналған мамандандырылған сыныптары бар мектеп базасында білім беру ұйымдары басшыларының инновациялық және кәсіби маңызды тәжірибесін анықтау және тарату, білім беру жүйесіндегі мәртебені көтеру және кәсіби имиджді қалыптастыру мақсатында «Бір мектеп – бір жоба» облыстық байқауының қалалық кезеңі өтті. Екі күнге созылатын тартысты додада барлық мектеп басшылары өз пәндері бойынша ашық сабақтар өткізіп, мектептің даму бағдарламасы аясында жоспарлаған жеке жобаларын қорғайды. Нәтижесінде бабы мен бағы қатар шапқан директорлар жеңіс тұғырынан көрінеді.Байқаудың міндеттері:- Мектеп директорларын инновациялық қызметке, кәсіби өзін –өзі танытуға ынталандыру;- Білім беру жүйесінде мектеп басшысының мәртебесін арттыру және оң әлеуметтік кәсіби имиджін қалыптастыру;- Білім беру ұйымдарындағы тәрбие мен оқытудың жаңартылған мазмұнын тиімді іске асыруды қамтамасыз ету;- педагогикалық менеджементтің басқару функцияларын жүзеге асыру.Байқау шарты бойынша бүгін мектеп басшылары өз пәнінен ашық сабақ өткізсе, ертең мектептің даму бағдарламасы аясындағы жобаларын қорғайтын болады.<img src="https://knadmin.beoblood.kz/uploads/425334834_1518220122239424_8641153198335542801_n_229d0c4e64.jpg" alt="425334834_1518220122239424_8641153198335542801_n.jpg"><img src="https://knadmin.beoblood.kz/uploads/425437782_1518219712239465_441959994456623057_n_c6c6f5f405.jpg" alt="425437782_1518219712239465_441959994456623057_n.jpg"><img src="https://knadmin.beoblood.kz/uploads/425386403_1518218875572882_5546046521670986478_n_caf1a26d37.jpg" alt="425386403_1518218875572882_5546046521670986478_n.jpg">

«Бір мектеп – бір жоба» облыстық байқауының қалалық кезеңі өтті

&nbsp;<a href="https://kyzylorda-news.kz/">Kyzylorda-news.kz</a>.&nbsp; Алғыс айту күнінің басты мәні – тарихқа құрмет, сонымен қатар ұрпақтар сабақтастығы мен іргесі берік ел бірлігін нығайту, отандастарымыздың бір-біріне кіршіксіз алғыс сезімін арнауымен құнды. Көктемнің алғашқы мерекесі «Алғыс айту» күніне арналған мәдени шараға жиналған жұртшылық осындай көңіл-күйде тарқасты.Бұл күн қазақстандық патриотизмнің, достық пен бірліктің, мәдени саналуандығымыздың жарқын күні. Шуақты мерекеде бір-біріне алғыс айтып, рақметін білдіруге ниетті жандардың мерейі тасыды. Осындай құрметтің үлгісін М.Көкенов атындағы аудандық мәдениет үйінде өткен түрлі ұлт өкілдерінің тілегі бір арнада тоғысқан тағылымды кеште сезіндік. Ешбірі өзін «түрік», «орыс», «кәріспін» деп тұрған жоқ. Бәрінің жүрегі «қазақ» деп соғады. Кеш шымылдығы ХХ ғасырдың 30-50 жылдардағы қазақ даласының тарихын суреттеген бейнебаянмен түрілді. Ел-елден жер ауып келген әр түрлі этнос өкілдерін төріне шығарып, бір атаның ұрпағындай туыс боп өмір кешкені керемет әсер қалдырды. Әлі де осы ұрпақ сабақтастығы жалғасып келеді.Жаңақорған топырағында өзге деп өзегінен теппей, қайта ағайындай араласып кеткен өзге ұлыс жетерлік. Бір мүдде жолында ортақ жүкті көтеріп жүрген жерлестерді аудан әкімінің орынбасары Бектас Нуридинов құрмет биігіне көтерді.<blockquote>– Бұл күн қазақстандықтардың бір-біріне деген сыйластығының, елдегі тұрақтылықтың белгісі іспеттес. Бұл тек алғыс айту күні ғана емес Тәуелсіз елде тату күн кешіп жатқан халықтың тарихына деген құрмет. Баршаңызды, көктемнің шырайлы күнімен бірге келіп жеткен «Алғыс күнімен» жын жүректен құттықтаймын, – деді ол.</blockquote>Құттықтау сөзден кейін, әртүрлі салада еңбек етіп жүрген біршама қызметкер¬лер мен зейнеткерлер аудан әкімі және «АМАNАТ» партиясының «Алғыс хатымен» марапаттал-ды. Солардың қатарында Эльмира Әбитаева, Виктория Тоняева, Айдос Жамбылұлы, Эльмира Төлендиева, Айгүл Төлепбергенова, Наталья Ким, Нұржамал Асубаева, Тоғжан Алпамысо¬ва, Жалғас Сағындықов марапат мінберінен көрінді. «Аманат» париясы Жаңақорған аудан¬дық филиалының төрағасы Арман Мәжитов партияның атынан сөз алып, айтулы мерекенің мән-мағынасын терең ұғындырды. Әрі бірқатар азаматтарға партия¬ның «Алғыс хатын» табыстады. Еңбек ардагері Айзада Сақтағанова, Оразкүл Алдабергенова, Роза Басқожаева, Ғалымжан Ахметов, Бағлан Кембілбеков, Бауыржан Нә-лібаев, Сағи Тұрсынбай, Жанатбек Зертүймеев, Ақнұр Жұмаділлаева, Меруерт Оспанова, Лаура Ильясова, Зерегүл Жулекбаева марапат мінберіне көтерілді.Одан әрі сахна төрінде әсем әндер әуеледі. Қазақ, орыс пен өзбек, қырғыз әуендері көрермендерге көтеріңкі көңіл-күй сыйлады. Мың бұралған бишілер түрлі ұлттың биін сахнаға шығарды.«Алғыс айтқым келеді» атты концерттік бағдарламасында «Әншілер» тобы орындаған «Бір үйдің баласындай» әні, Әбілқайыр Сыздықовтың сөзіне жазылған «Алғыс айт» әні жүрекке жетті. Өнерпаз жастар тобы «Алғыс бәріне» әнімен кешті қорытындылады.<blockquote>– Нағыз алғыс жылы жүректен, риясыз көңілден шығады. Сондықтан құрмет көрсетіп жатқан аудан әкіміне рахметімді айтам. Жалпы, қазақтың жерінде тұратыныма Жаратқанға тәубе етемін. Әсіресе, бір шаңырақтың астында тамырлы туыстай етіп ұйытып отырған жерлестерге алғысым шексіз. Сол үшін де шүкір деймін. Менің келбетім өзге болғанымен жаным қазақ, – деді Наталья Ким Төменарық ауылының тұрғыны.</blockquote>Бүгінде Жаңақорғанда 19 өзге ұлыс 551 тұрғын тұрады. Оның ішінде, түріктер – 165, орыс – 149, кәріс – 84. Барлығының да қиын-қыстау кезеңде ата-бабаларына суықта пана, ыстықта сая болған қазақтай дархан халыққа алғысы риясыз. Түйіндей айтқанда, татулық пен достыққа бастаған ізгі шараның тәрбиелік мәні зор.Алғыс айту күні – халықтар достығын, ынтымағын нығайтып, ел мүддесін ортақ бір арнада тоғыстыратын мерейлі мереке. Оның астарында өзара құрмет пен сенімді ту еткен қазақстандықтарды біріктіруші күш, ізгілікке шақырар ілтипат, сезімге толы сенім жатыр.

Жаңақорғанда 19 өзге ұлыс 551 тұрғын тұрады

<a href="https://kyzylorda-news.kz/">Kyzylorda-news.kz</a> &nbsp;Қазалы ауданы әкімі Мейрамбек Шермағанбет аудандық қоғамдық кеңестің мүшелерімен кездесіп, пікір алмасты.Кездесу барысында алдымен, аудандық қоғамдық кеңес төрағасы Талайлы Бөріқұлақов аудан басшысына кеңес мүшелерін таныстырды.Мұнан соң, Мейрамбек Зинабдинұлы ауданда атқарылып жатқан жұмыстарға тоқталып, алдағы жоспарлар туралы да айтып өтті.Сонымен қатар, алдағы уақытта халықтың сенімінен шығып, ауданымыздың әлеуметтік-экономикалық дамуын арттыру бағытында кеңес мүшелерімен бірлесе жұмыс жасайтындығын жеткізді.Аудандық ардагерлер үйінде аудан әкімі Мейрамбек Шермағанбет ардагерлермен жүздесіп, ауданның тыныс-тіршілігі мен елдегі болып жатқан ахуал жайлы пікір алмасты.Сондай-ақ, ардагерлерге өңіріміздің өсіп-өркендеуіне қосқан елеулі үлестері мен өлшеусіз еңбектері үшін ризашылығын білдіріп, шынайы алғысын жеткізді.Жиында сөз алған аудандық ардагерлер кеңесінің төрағасы Оразғали Бекпанов елдегі жағдайды баяндап, аудан әкімінің алдағы жұмысына сәттілік тіледі. Сонымен қатар, жиында еңбек ардагері Ашықбай Тоғымов ауданда атқарылған игі істердің барлығына ардагерлер тарапынан қолдау білдіретіндігін жеткізді.Кездесу соңында Мейрамбек Зинабдинұлы «Қартын сыйлаған елдің, қазынасы мол» дей келе, қазыналы қарттардың ауданда атқарылған әрбір жұмыста еңбегінің зор екендігін атап өтті.Мұнан соң аудан басшысы ардагерлермен бірге ардагерлер үйінің жұмысын көріп, құрметті ардагерлер, елге еңбегі сіңген азаматтармен қазыналы қарттардың құрметіне орай жасалған ардагерлер аллеясымен танысты.

Аудан әкімі қоғамдық кеңес мүшелері және ардагерлермен кездесті

&nbsp; &nbsp; Бүгін партияның аудандық филиалында аудандық мәслихаттағы «AMANAT» партиясы депутаттық фракциясының мүшесі, №8 сайлау округінен сайланған аудандық мәслихат депутаты Ерболат Мұхаш бұқаралық ақпарат құралдарының өкілдерімен кездесу өткізді.Халық қалаулысы депутаттық мандат алған кезеңнен бастап атқарған жұмыстарын баяндап, алдағы жоспарларымен бөлісті. Ең алдымен, партияның сайлауалды бағдарламасының өткен жылы ауданда жүзеге асырылу барысына тоқталды.Сондай-ақ, өзінің сайлаушыларға берген сайлауалды уәделерінің бүгінде қалай іске асып жатқанын айтып берді. Солардың бірі – Әйтеке би кентіндегі Т.Бөріқұлақов көшесіне жаяу жүргінші жолының жүргізілуіне жоба сметалық жұмыстарын әзірлеуге қаржы мәселесі шешімін тапқан.Ал, БАҚ өкілдері халық қалаулысына қарасты аумақтарға қатысты өзекті &nbsp;мәселелерді көтерді.Атап айтқанда, аяқсу арналарын балалардың қауіпсіздігі үшін қоршау, Жанқожа 3 км көшесіндегі жаңа тұрғын үй аумақтарында интернеттің әлсіздігі сынды сауалдарын қойып, жасалып жатқан жұмыстар бойыша оң пікірлерін білдірді.Тиісінше, аманаттық депутат барлығы тікелей назарындағы мәселелер екенін айтып, орындалуы бойынша жұмыс істеп жатқандығын жеткізді.&nbsp;

БАҚ өкілдері халық қалаулысына қарасты аумақтарға қатысты өзекті мәселелерді көтерді

<a href="https://kyzylorda-news.kz/">Kyzylorda-news.kz.</a> Өткен аптада аудан әкімі Аманжол Оңғарбаев жұмыс сапарымен бірқатар ауылдық округтер мен Сексеуіл кентіне барды. Жергілікті халықтың тыныс-тіршілігімен танысқан аудан басшысы тұрғындарды жеке мәселесі бойынша да қабылдап, елдегі өзекті мәселеге мән берді.&nbsp;Ең алдымен Сексеуіл кентіне барған Аманжол Сақыпұлы жергілікті жердегі өзекті деген бірқатар мәселелермен танысып өтті. Ондағы әлеуметтік нысандар мен тұрғын үйлер, теміржол және құрылыс алаңдарында болып, бүгінгі жай-күйін бағамдады. Елдімекен аумағындағы егін шаруашылығы үшін маңызды болып келген «Құмсай» бөгетінде болып, бөгеттің қазіргі күйіне куә болды. Мұнан әрі кенттегі құрылыс жұмысы тоқтап тұрған 40 төсектік аурухана және теміржолшыларға арналып салынған 2 пәтерлі 38 тұрғын үйдің жайын бағдарлады. Аталған ғимараттардың құрылысын толық аяқтау үшін жауапты сала басшыларына облыстық тиісті салалық басқармамен бірлесіп, толық зерделеп, қажетті қаржы көлемін анықтап, ұсынуды тапсырды.Сапар барысында Мемлекет басшысының тапсырмасына сәйкес ауданымызда білім беру саласындағы «Жайлы мектеп» пилоттық-ұлттық жобасы аясында басталғалы тұрған мектеп құрылысы алаңы да аудан әкімінің назарынан тыс қалған жоқ. Мердігер мекемеге 300 орындыққа арналған мектеп нысанын жаңа оқу жылына дейін аяқтау үшін жұмыс барысын жеделдетуді тапсырды. Айта кетейік, аталған бағдарлама аясында ауданда бой көтеретін 4 мектептің біреуі Сексеуіл кенті оқушылары үшін есік ашпақ.&nbsp;Мұнан соң № 177 орта мектебіне барған Аманжол Сақыпұлы ғимарат жағдайымен мұқият танысты. Нысандағы спорт зал, асхана және сынып бөлмелерін аралап, білім ошағындағы білім беру процесін бақылады.&nbsp;Одан әрі кенттегі жұмыс сапары 4 қабатты 48 пәтерге арналған көпқабатты тұрғын үй ғимараттың ағымдағы жағдайының мән-жайын бағамдаумен жалғасын тапты.&nbsp;Қазіргі таңда Сексеуіл кентінде 91 адам тұрғын үй кезегіне тіркелген. Аманжол Сақыпұлы алдағы уақытта әлеуметтік осал топтағы азаматтарды тұрғын үймен қамтамасыз етуге арналған пәтерлерді елдімекендерден де салу туралы зерделенетіндігін айтты. Оған қоса, кент әкімі мен тиісті сала басшысына аталған тұрғын үйді модернизация бойынша күрделі жөндеу жұмыстарын жүргізу мүмкіндіктерін анықтауды тапсырды.&nbsp;Аудан басшысы облыстық жедел медициналық көмек көрсету стансасына қарасты Сексеуіл жедел-жәрдем бөлімшесінің жұмысымен танысты. Тәулік бойы жедел медициналық көмек көрсететін бұл мекемеде 35 маман адам өмірін құтқаруды басты мақсат тұтып, күнделікті үзіліссіз шақырыстарға барып, тынбай қызмет етіп келеді. Аудан әкімі тұрғындардың жағдайын жасау басты назарда болуы керек екендігін айтып, «медицина қызметкерлері әрдайым жауапкершіліктің биік межесінен көрінуі тиіс» деді.№20 Арал ауданының балалар және жасөспірімдер спорт мектебі балалардың спортпен шұғылдануына мүмкіндік беріп отыр. Аталмыш нысанды аралаған аудан басшысы ғимараттың осыдан 6 жыл бұрын ғана пайдалануға берілгеніне қарамастан қабырғалардан су кету орын алғаны көңіл көншітпейтінін алға тартты. Осыған сәйкес, облыс әкімі Нұрлыбек Нәлібаевтың тапсырмасына орай ауданнан арнайы комиссия құрып, құрылыс саласынан проблемалық кешендерді зерттеп, анықтауды тиісті мамандарға &nbsp;жүктеді.&nbsp;Сонымен қатар аудан басшысы Сексеуіл ауылдық ауруханасына барып, ондағы ем алушылардың хал-жағдайымен, нысанның құрылымымен толықтай танысып шықты. Әрі қарай кенттегі теміржол вокзалына табан тіреген аудан басшысы нысанның іші-сыртын толық аралап көрді. Вокзал басшысы Оңғар Төлегенов теміржол торабының жұмыс ырғағын баяндап, жолаушыларға көрсетілетін қызметтер жайын кеңінен таныстырды. Бұдан бөлек кент орталығындағы «Керуен» сауда үйіне барды. 2 қабатты, 17 сауда орны бар дүкен ішін аралап, кәсіпкермен сұхбаттасты. Халықтың көп тұтынатын тауарының бағасын тұрақты ұстап тұру керектігі де әңгіме барысында ескерілді. Жергілікті тұрғындарды жұмыспен қамтып отырған кәсіпкерге аудан басшысы сәттілік тіледі.Аманжол Сақыпұлы кенттегі келесі назарға алған жері кентті газға қосу жұмыстары болды. Бүгінде кентте автоматтандырылған газ тарату станцияларының тағайындамасын орната отырып «Бейнеу – Шымкент» магистральды газ құбырынан бастап газ құбыры тармағын салу жобасы жүруде. Мердігер мекемеге аудан әкімі құрылыс жұмыстарын сапалы орындау мен техникалық талаптарды қатаң сақтауды тапсырды.Жұмыс сапары барысында кент әкімі аппаратының және аудандық полиция бөлімінің тірек пунктінің жұмысы назардан тыс қалмады. Тірек пунктіндегі жұмыс реттілігіне қаныққан аудан әкімі қызметкерлермен жүздесіп, кентішілік тәртіп пен тазалыққа баса назар аударуды тапсырды. Әкімшілік ғимаратында аудан басшысы кент тұрғындарын жекелеген мәселелері бойынша қабылдап, жауапты сала басшыларына тұрғындар өтінішін аяқсыз қалдырмай, заң аясында мәселелерді шешуде барша мүмкіндіктерді қарастыруды міндеттеді. Келген азаматтар көбіне жұмысқа орналасу, баспана алу мәселелері бойынша жүгінді.&nbsp;Жұмыс сапарының соңында аудан басшысы «Алма-Рай» жеке балабақшасы, «Қамқор локомотив» жөндеу депосы және №283 орта мектептеріне ат басын бұрып, мекемелердің бүгінгі тынысымен танысып өтті.Кенттегі елдің жайымен танысқан аудан әкімі араға бірнеше күн салып&nbsp;Сапақ, Аралқұм, Ақирек ауылдық округтерінде болып, халықпен жүздесті. Алдымен Сапақ ауылдық округіндегі медициналық бекеттің жұмысымен танысты. Бекетте бүгінде 4 маман халық денсаулығын нығайтуға қызмет етуде. Сондай-ақ елдімекендегі 2001 жылы салынып, 2009 жылы қайта жөндеуден өткен «Жадыра» балабақшасында бүгінде 25 бүлдіршін &nbsp;тәрбиеленуде. Аудан әкімінің Сапақ ауылдық округіндегі халықпен кездесуі №69 орта мектебінде өтті. Білім беру ұйымында ардагерлермен кездесіп, ауылдағы өзекті мәселелерді талқылады. Аудан басшысымен жүздескен тұрғындар бұған дейін де қозғалып келе жатқан 2004 жылы асар әдісімен салынған мектептің орнына жаңа білім ошағын салу мәселесін ұсынды. Бұдан бөлек, жаңа медициналық бекет қажеттігі және Батыс Еуропа-Батыс Қытай автожолының бойындағы жолдың астынан мал өткелін салып беру туралы ұсыныстарын айтты. Аудан әкімі ұсыныстардың назарға алынып, тиісті жұмыстар жасалатындығын жеткізді.<blockquote>– Қазіргі уақытта мемлекеттіміздің ұстанымы бірінші кезекте халықтың тұрмысына қажетті әлеуметтік мәселелерді оңтайлы шешу. Біз бұл бағыттағы шараларды кезең-кезеңімен жүргізетін боламыз. Өңірдегі қордаланған мәселелер таңсық емес. Жыл сайын айдынды өлкенің бюджеті артып келеді. Түрлі инвестициялық бастамалар қолға алынып, жасампаз жобалар іске асып жатқаны өздеріңізге белгілі. Мектеп мәселесі бойынша салалық басқармалар мен тиісті министрліктермен жұмыстарды жандандыратын боламыз. Батыс Еуропа-Батыс Қытай автожолының бойында бірнеше елдімекен бар, мал өткеліне байланысты ұсыныс білдіріп жүр. Жолдың екінші бөлігін салу жобасы биыл басталуы мүмкін. Жоба жасаушыларға бұл жөнінде ескертіліп, тапсырылды. Электр желілілерін қайта жаңғырту жұмыстары да жүзеге асуда. Бүгінде Сексеуіл кентін газдандыру жалғасса, Қамыстыбас ауылдық округіне АГРС жобасы дайындалып, келесі жылы құрылыс жұмыстары басталады деп күтудеміз. Осы жоба Сыр өңірінің барша халқының газдандыру мәселесін шешуге септігін тигізбек. Қазір жастарды қолдау бағытында елімізде түрлі жобалар жүзеге асырылуда, оның бірі «Ауыл аманаты» бағдарламасы. Халық осындай жобалардың игілігін көру қажет. Елге болсын деген азаматтарды ауылды көркейтуге атсалысуға тартып, жобалар жасау керек. Оған бізден әрдайым қолдау болады, – деді &nbsp;аудан басшысы.&nbsp;</blockquote>Одан соң Аралқұм ауылдық округінде болған аудан әкімі жергілікті дәрігерлік амбулатория нысанын көріп, №61 орта мектебі мен шағын орталығының сынып бөлмелерін аралап, жұмыс барысымен танысты. Мұнан кейін мектеп ғимаратында тұрғындардың ұсынысын тыңдады. Ауыл ардагерлері мен тұрғындар өңірдегі шешімін табуды қажет ететін мәселелерді аудан басшысының назарына ұсынды. Аралқұмдықтар жарықтандыру, ашық балалар ойын алаңын салу, Шөміш елдімекеніне дейінгі жолды жөндеу және елді-мекендегі электр жарығының мәселесін көтеріп, қызмет көрсету сапасы бойынша ұсыныстарын білдірді.Аудан басшысы өз кезегінде көтерілген мәселелер бюджеттің заңдылығы мен мүмкіндіктеріне қарай ретімен шешілетінін айтты. Шөміш елдімекеніне дейінгі және Шөміш-Аралқұм бағытындағы жолға 1,9 млрд теңге құрайтын жоба жасалып, қазіргі таңда мемлекеттік сатып алу жұмыстары жүргізіліп жатқандығын және жоба биыл басталатындығын түсіндірді. Электр жарығының мәселесіне сәйкес тиісті бюджеттік өтінім берілгенін және электр бөлігін жергілікті бюджетке өткізу жұмыстары да жасалатынын жеткізді. Сондай-ақ ауыл балаларына арнап ашық алаң салу да биыл жүзеге асатынын айтты.&nbsp;Аудан әкімінің халықпен жүздесуі одан әрі Ақирек ауылдық округінде жалғасты. Алдымен аудан басшысы «Қызғалдақ» балабақшасындағы балғын бүлдіршіндермен кездесті. Одан соң ауылдағы фельдшерлік-акушерлік бекет пен кітапхана нысанын аралады. Жергілікті тұрғындармен өткен басқосуда Аманжол Сақыпұлы өңірде қордаланған мәселелердің кезең-кезеңімен шешілетінін және елдімекендердің инфрақұрылымдық жағдайларын жақсарту мақсатында жүргізілетін жұмыстарды жеделдету үшін тиісті шараларды қолға алатынын айтты.

Сексеуілде теміржолшыларға арналып 2 пәтерлі 38 үй салынбақ 

<a href="https://kyzylorda-news.kz/">Kyzylorda-news.kz</a> &nbsp;Қазалы ауданы әкімі Мейрамбек Шермағанбеттің төрағалығымен аудандағы жұмыспен қамту және әлеуметтік қорғау саласындағы мәселелер бойынша мәжіліс өтті.Мәжіліске ауданға жұмыс сапарымен арнайы келген Қызылорда облысының жұмыспен қамтуды үйлестіру және әлеуметтік бағдарламалар басқармасының басшысы Ғабит Жаңабаев қатысып, сала бойынша атқарылып жатқан жұмыстарды айтып өтті.Басқосуда аудан басшысы халықтың әлеуметтік көмекпен қамтылуы, мүгедектігі бар адамдарды әлеуметтік қолдау – мемлекеттік саясаттың басты бағыттарының бірі екендігін айтып, аталмыш сала бойынша көрсеткіштердің орындалу барысына тоқталды.Мейрамбек Зинабдинұлы жиын барысында бірқатар ауылдық округтердің «Алғашқы жұмыс орны» жобасы, жастарға берілетін 2,5 проценттік несие, түрлі жобалар үшін мемлекет тарапынан берілетін грант сынды мүмкіндіктерді пайдаланбай, белгіленген көрсеткіштерді мүлде орындамаған округ әкімдеріне қатаң ескерту берді. Сонымен қатар, аудандық «Мансап» орталығының директоры Болатбек Баймахановқа Әйтеке би кенті, Қазалы қаласы және ауылдық округ әкімдерімен бірлесе отырып, жастардың өз кәсіптерін бастау үшін 2,5 процентпен жеңілдетілген шағын несие туралы түсіндірме жұмыстарын жүргізуді тапсырды. Жиын соңында Қазалы ауданы басшысы Мейрамбек Шермағанбет 2024 жылға арналған индикаторларының бекітілген жоспарын өз деңгейінде орындап, мемлекет тарапынан берілген қолдауды тиімді пайдаланып, тұрғындарды, әсіресе, жастарды жұмыспен қамту мәселесін басты назарда ұстау қажеттігін ескертті.Айта кетейік, облыстық жұмыспен қамтуды үйлестіру және әлеуметтік бағдарламалар басқармасының басшысы Ғабит Жаңабаев ауданға жасаған жұмыс сапары барысында Мейрамбек Зинабдинұлымен бірге аудандық жұмыспен қамту және әлеуметтік бағдарламалар бөлімі мен аудандық «Мансап» орталығының жұмысымен танысты.

Қазақстан және Қызылорда облысының жаңалықтары