&nbsp;<a href="https://kyzylorda-news.kz/">Kyzylorda-news.kz</a>.&nbsp; Жаңақорған аудандық қоғамдық даму бөлімінің «Жастар ресурстық орталығы» КММ қолдауымен, «Жаңақорған КВН» филиалының ұйымдастыруымен Ордакент ардагерлер, жастар ресурстық орталығында Жайдарман 1/4 финалдық ойындары өтті. Ойынға 9 команда қатысып, Шиелі ауданы, Кентау қаласынан қонақ командалар да өнер көрсетті. Ойын нәтижесінде үздік деп танылған Шиелі командасы Паксуши орталығының кубогы мен қаржылай марапатына ие болды.Ойында әділ қазылар мүшелері ретінде Манап Көкенов атындағы аудандық мәдениет үйінің қызметкері Тохтар Ажимұратов, белгілі жайдарманшы Есқара Бейбітов, жас кәсіпкер Біржан Қалжанұлы, Жастар ресурстық орталығының аға кеңесшісі Мақсат Құлмырзаев төрелік етті. Жастарды тәрбиелеп қана қоймай, қоғамдағы келелі мәселелерді астарлы әзілмен жектізіп жүрген «Жайдарман» қанатын кең жайып келеді. Оның айқын бір дәлелі – өткен жылдың соңында аудандық «Жастар ресурстық орталығы» мекемесінің қолдауымен «Жаңақорған Жайдарман» лигасының дәстүрлі түрде ұйымдастырылуы. &nbsp;Атаулы ойынша бірінші кезеңді сәтті еңсерген көңілді тапқыр командалары ақтық сынға жолдама алды.Финалдық ойынға сақадай сай келген «ЖАТК», «Кейден», «Екпінді», «Шалқия» құрамалары өзіндік ерекше әзілдерімен көрерменнің көзайымына айналды. Аудандық мәдениет үйінде өткен Жайдарманды «Қазақстан КВН одағы» республикалық жастар қоғамдық бірлестігінің Жаңақорған ауданы бойынша филиал жетекшісі Асхат Құлтас жүргізді. Ол «Жаңақорған» көңілді тапқырлар клубы құрамасының қазіргі таңдағы көшбасшысы.Жүргізуші ойынды бастамас бұрын әділ қазылар алқасының мүшелерімен таныстырды. Олардың қатарында: аудандық «Жастар ресурстық орталығы» мекемесінің директоры Наурызбай Орынбасаров, орталықтың аға маманы Мақсат Құлмырзаев, асаба Тохтар Әжімұратов, «Нұр-Сәуле» той ұйымдастыру орталығының жетекшісі Мұхтар Шаханов, «Ардақ» сұлулық салонының қызметкері Самат Айдаров бар.Екі кезеңнен тұрған сайыста жайдарманшылар «Сәлемдесу» және «Жұлдызды қонақпен көрініс» тақырыбында өз өнерлерін ортаға салды. Ә дегеннен «Кейден» құрамасының жайдарманшылары көрерменді күлкіге қарық қалды. Нағыз ауылдың иісі аңқып тұрған қазақы қалжыңдары көптің көңілінен шықты. Ал аграрлы техникалық-техникалық коллджінің намысын қорғаған «ЖАТК» құрамасы жоғары лигада ойнаған аға буын ретінде сахнада өздерін өте еркін ұстады. Әрбір әзілінің астарында қоғамдағы түйдек-түйдек мәселелердің ізі көрінді. Әсіресе «Жұлдызды» қонақпен жүргізген екінші айналымның қалжыңдары көптің көңілінен шықты. Себебі, барлық команданың ойынына залдағы көрерменнің ықыласы ерекше болды. Ендігі кезекте, командарлардың «жұлдызды» қонақтарын айтап өтсек. «ЖАТК» құрамасына Қызылорда облысы бойынша «Жайдарман» академиясының басшысы Әліби Басаров, «Екпінді» командасына мәдениет майталманы Талап Тотаев, «Кейден» құрамасына мәдениет саласының үздіктері Кенже Әкімбаева мен Балмұхаммед Әбжаппаров жетекшілік етті. Ал «Шалқия» құрамасы нағыз жұлдыздарды жинады. «Жаңақорған» құрамасының жарық жұлдызы, асаба Есқара Бейбіт және Бекұлан Жолдықожаев, асаба, «ТТТ» әзіл-ысқақ театрының әртісі Бекмаханбет Байтұрсынов бар.Екі сағатқа созылған Жайдарман ойыны әдемі қалжыңмен әзілдің астарына қоғамдағы келеңсіз жайттарын ұтымды айтып, өрелі өнер көрсете білді. Қазылар алқасының шешімімен Жайдарман лигасының жеңімпазы болып «ЖАТК» құрамасы танылды. Бұған дейін бұл команда Нұр-Сұлтан төрінде өткен Жайдарманның жоғары лигасына қатысып қайтқан болатын. Ал екінші орныды кейдендік «Кейден» құрамасына, қола «Екпінді» командасына бұйырды. Барлық командалар арнайы кубок пен «Дипломға» ие болды. Айта кету керек, аудандық лиганың өтуіне жаңақорғандық бір топ жас кәсіпкерлер демеушілік жасаған. Олар: «QFS» фаст-фуд өнімдері орталығы жетекшісі Қадыржан Қыдырбаев, «Doner King» орталығы басшысы Дәулет Алиханов және Ғабит Дүйсебаев, Мұсабек Нұр, Самат Айдаров сынды кәсіпкерлер жастар шығармашылығына қаржылай қолдау көрсеткен.

Жайдарман ойыны Жаңақорғанда

<a href="https://kyzylorda-news.kz/">Kyzylorda-news.kz</a>. Атырау облысында Каспий теңізінің жағалауында екі күннен бері қамыс өртеніп жатыр, деп хабарлайды El.kz ақпарат агенттігі.Төтенше жағдайлар министрлігінің баспасөз қызметінің мәліметінше, 100 гектар алқаптағы қамыстың&nbsp;жануы 2 наурызда сағат 15:45-те Құрманғазы ауылынан 40 шақырым жерде, Құрманғазы орманшылығының аумағында болған.Құрманғазы ауданының №7 өрт сөндіру бөлімінің, орман шаруашылығы мен әкімдіктің техникасын&nbsp;пайдаланып 36 адам өрт сөндірді.Төтенше жағдайлар минстрлігінің&nbsp;соңғы мәліметтері бойынша, Каспий жағалауындағы отпен күрес әлі де жалғасуда.<blockquote>Елді мекендерге қауіп жоқ. Өртті сөндіру батпақты және тығыз жерлер мен өсімдіктердің әсерінен қиынық тудыруда. Бұл арнайы техниканың өтуіне кедергі жасайды, - деп хабарлады министрлік.</blockquote>Фото: freepik.com

Екі күннен бері қамыс өртеніп жатыр

<a href="https://kyzylorda-news.kz/">Kyzylorda-news.kz</a>. Әлеуметтік желідегі офицер педофилиямен айналысты деген күдікпен ұсталғаны туралы ақпарат таралды, деп хабарлайды El.kzақпарат агенттігі.Алматы полициясы ресми мәлімдеме жасады<blockquote>Бұл дерек бойынша Ішкі істер министрлігінің Оңтүстік өңірлік әскери тергеу басқармасы тергеу жүргізіп жатыр. Объектив мән-жайлар анықталып жатыр, - деп хабарлады Алматы полиция департаменті өкілдері.</blockquote>Айта кетейік, Мәжілісте қабылданған заңға сәйкес кәмелетке толмаған не дәрменсіз күйдегі адамды азаптау, денсаулығына ауыр және орташа зиян келтіргені үшін жазаның «бас бостандығын шектеу» балама түрі алынып тасталып, тек бас бостандығынан айыру; Жас баланы өлтіргені немесе педофилия үшін «өмір бойы бас бостандығынан айыру» жазасы қолданылады.Фото: Нұрболат Нұржаубай

Подполковник педофилиямен айналысқан деген күдікпен ұсталды

<a href="https://kyzylorda-news.kz/">Kyzylorda-news.kz</a> Жалағаш ауданындағы «Өнер» мектебін тілге тиек етсек, ойымызға ең алдымен Айбарша Бекбайқызы жетекшілік ететін «Art Action» биі тобы түседі. Олай дейтініме себеп те жоқ емес. Талабы мен таланты ұштасқан өнерпаздарды тәрбиелегеніне көп болмаса да, бағындырған белесі биік ұстаздың кіші тобы кеше Қызылорда қаласында өткен «Talent show» республикалық балалар шығармашылығы фестивалінен бас жүлдемен оралды. Осы сәтті пайдаланып, балғын бишілер мен жетекшіні жеңісімен құттықтау үшін бүгін арнайы өнер ордасына бардық.&nbsp;Сүйінші хабарды естіп, аталған мекеменің есігінен енгеніміз сол еді, жаңашылдыққа жаны құмар Айбарша Үсейн «Art Action» үлкен тобымен жаңа биге дайындық жүргізіп жатыр екен. Жетекшінің қандай биге дайындалып жатқанын жасырғанына қарап, «Art Action» би тобының бүлдіршіндерін алда үлкен жарыс күтіп тұрғанын аңғардық. Айбаршаның айтуынша, әр бидің өзінің жүлде алатын жарысы болады екен. Сол үшін ол кез келген биді қойғанда оның жүлде алатын жарысын күтеді. Мәселен, кеше Қызылорда қаласында «АРТ ЭМПАЙР» балалар филармониясы, ҚР Оқу-ағарту министрлігі «Қосымша білім беру оқу-әдістемелік орталығы» РМҚК ұйымдастыруымен өткен байқауға қатысуға оларға осы айдың басында ұсыныс түскен. Шәкірттерінің бұл байқауда жеңіске жететініне толық сенім &nbsp;білдірген ол жарысқа былтыр қазан айынан бастап дайындалған «Устроем танцы» биін апарған. &nbsp;<blockquote>– Бізде «устроем танцы» биі әзірге балалар арасында жоқ. Көбіне халық биі, қойылымдық би, заманауи билер кеңінен тараған. Бишілер арасында 5 жастағы қыздар болғандықтан, бұл биді жас ерекшеліктеріне қарап таңдап алдым. Би барысында бишілер бастапқыда екі тарапқа бөлініп, бір-біріне қарсылас болады, артынша ауызбіршілікпен барлығымыз бірге биді құрайық деп алып шығады. Алғашқы үлкен сахнада билеген биі болсын деген ниетпен осыны таңдап алдым. Дайындық барысында бидің әр элементіне жеке-жеке тоқталып, денені қалай ұстау керек, аяқ қалай тұру керектігі түсіндіріледі. Көрерменге шынайы әсер сыйлау үшін бір бидің өзі бірнеше ай дайындықты қажет етеді. Әр бидің өзіндік мағынасы, сюжеті мен аяқталуы болады. Сондықтан би шығаруға атүсті қарамай, көрерменге жаңаша көзқараспен жеткізуге тырысамыз, – дейді үйірме жетекшісі Айбарша Үсейн.&nbsp;</blockquote>&nbsp;Аталған жарысқа қатысқан кіші топ өнер мектебінде 2022-2023 оқу жылынан бастап білім алып жатыр. Қазіргі таңда олар 2 сыныпта оқиды. Айбаршаның айтуынша, бишілер 1 сыныпта ешқандай жарысқа қатыспайды. Ол жылы тек баланың дене бітімін қалыптастыруға күш салады. Ал 2 сыныптан бастап оларды концерт пен жарыстарға қатыстыра бастайды екен. Бұл кіші топтың алғаш қатысқан концерті әкім шыршасы болса, алғаш өнер көрсеткен додасы – &nbsp;республикалық &nbsp;«Talent show» фестивалі.&nbsp;Бұл сайыста кіші топтар жас ерекшеліктеріне қарай ІІІ топқа бөлінген. Яғни 3 пен 6 жас, 5 пен 8 жас, 7 мен 9 жас аралығында 12 команда қатысып, ІІІ бас жүлде табысталған. 5 пен 8 жас аралығындағы бүлдіршіндер арасынан бас жүлдені иеленген «Art Action» би тобында 27 бала өнер көрсеткен.&nbsp;Балғын бишілерге «Қорқыт ата» атындағы Қызылорда мемлекеттік университеті «Хореография» кафедрасының меңгерушісі, доцент, жоғары дәрежелі педагог-хореограф Г.Мұрзабаева мен Алматы қаласындағы «Мақпал» үлгілі хореографиялық ансамблінің жетекшісі, халықаралық хореографиялық байқаулардың жеңімпазы А.Қайырбек, «Арт Эмпайр» балалар филармониясының директоры Б.Арыстанбеков төрелік еткен.&nbsp;<blockquote>– Бала күнімнен биге деген қызығушылығым өте жоғары болды. Сөйтіп бірде анама өзімнің биге қатысқым келетінін айтып, Айбарша апайдың тобына қосылдым. Мен әр сабақты асыға күтемін. Себебі Айбарша Бекбайқызы сабақты қызықты әрі ерекше өткізеді. Осы байқауға қатысар алдында біздің &nbsp;«Art Action» командасының үлкен тобындағы әпкелеріміз бар ақылын айтып, жарыстан жүлдемен оралуымызды, тобымыздың атына кір келтірмеуімізді тапсырды. Кіші топтың барлық қызы осы сайыста бас жүлдені иелену үшін бар күшін салып, күндіз-түні тыңғылықты дайындалды. Бізді қолдаған ата-анамыз бен достарымызға және Айбарша Бекбайқызына алғысымыз шексіз, – дейді кіші топ мүшесі Айша Бодыбай.</blockquote><blockquote>– Кез келген жарысқа барарда ең алдымен мені қолдайтын – ата-аналар. Олар қыздарының киімін, қажетті заттарын тауып, үнемі менің жанымнан табылады. Мәселен, кешегі сайыста олар дайындық барысында оқушыларды түгендеп, менің қызым, сенің қызың деп бөліп жармай бәріне бірдей қарап, барлығын киіндіріп, шаштарын дұрыстап көмектесті. 27 баланың барлығын бір уақытта дайындау кімге болса да оңай емес. Ата-аналарыма алғысым шексіз. Қазіргі таңда екі топты қосқанда 50-ге жуық шәкіртім бар. Алайда әлі де қатысқысы келетін бүлдіршіндер көп. Топтың ережесі мен бала санының толып қалуына байланысты кей ата-аналар балаларын қатыстыруға үлгермей реніш білдіріп жатады. Шама-шарқымызша біз барлығын қамтығымыз келеді. Алда үлкен жарыстар жоқ емес, нәтижесін уақыт көрсетер, – дейді Айбарша Бекбайқызы.</blockquote>Бүгінде бірнеше түлекке 4 жыл білім беріп, талабын шыңдаған ол алғашқы шәкірттерінің қазір Қызылорда қаласында хореография мамандығы бойынша білім алып жатқанын айтады. Би өнерінде 2018 жылдан бастап аталған топқа жетекшілік етіп келе жатқан білікті маманнан білім алатын бүлдіршіндердің биік белестерді бағындыруы заңдылық. Мамандыққа адалдық деген осы шығар, сірә.

Жалағаштық балғын бишілер жеңісі

<a href="https://kyzylorda-news.kz/">Kyzylorda-news.kz.</a> Қазірде барлығын бір мезетте қолдағы қалтафоннан көре салатын кез ғой. Оның ішінде даму жолына, пайдалы ақпаратты көріп-біліп жүрсеңіз құба-құп. Жақында осындай жақсы дүниелермен бөлісіп отыратын бір қыздың парақшасынан кент орталығындағы орналасқан спорт кешеніне барып, фитнес залда жаттығып жүргенін көзім шалып қалды. Өзі қара шаңырақтағы келін. Бес бірдей баласының бабы, сабағы, келіндік міндетімен қоса тән саулығына да көңіл бөліп жүргені сүйсінтті. Кенжесі 8 айлық. Соған қарамай үй шаруасының бәріне үлгеріп жүргені таң-тамаша етті.«Қалауын тапса, қар жанады» дейді емес пе?! Ебін тапса бәрінің реті табылады. Бұл көп қызға мотивация да болған көрінеді. Себебі жаттығуға алғашқы барып жүрген кездердегідей емес, қазір адам қарасы көбейген.Мемлекет басшысы Қасым-Жомарт Тоқаев өз Жолдауында «Денсаулық кепілі – дене шынықтыру. Халықтың спортпен шұғылдануына барлық жағдай жасалуы қажет» деген болатын. Өңірімізде спорт инфрақұрылымын дамытуға ерекше мән беріліп келеді. Оның ішінде ауданымызда бұқаралық спортты дамыту бірізді жолға қойылуда. Осыған сәйкес өткен жылы «Ауыл – Ел бесігі» бағдарламасымен Жосалы кентінде Дене шынықтыру-сауықтыру кешені ел игілігіне берілген болатын. Жарты жылға жуық жұмыс істеп тұрған кешеннің бүгінгі тыныс-тіршілігін білмекке тілшілер табан тіреген едік. Түскі үзіліс уақытына сәйкес келіппіз. Мұндағы дайындықтың қызу жүретіні түстен кейін және кешкілік уақыт. Біз барған уақытта техникалық қызметкер үлкен залды тазалау үстінде екен. Қар жауып, дала батпаққа батқанда, бұл кісілердің сырт көзге білініп, елене бермейтін еңбегіне еріксіз бас игіңіз келеді.Соңғы жылдары ауданымызда құрылыс жұмыстары қарқын алып келеді. Жалпы аумағы 1500 шаршы метрден асатын спорт кешенінде тренажер, фитнес және әмбебап залдар бар. Кешенге Марат Асылов басшылық етеді.Еткен еңбек, төккен тер нәтижесіз емес қармақшылық спортшылар да байрақты бәсекелерде аудан намысын абыроймен қорғап, жеңіс тұғырынан көрініп жүр. Осы орайда олардың жайлы, қолайлы жерде тұрақты жаттығуы бәрінен маңызды. Бізде бүгінде жасөспірімдер арасында 192 спортшы жаттығады. Оның ішінде қол добы (гандбол), футбол, баскетбол, волейбол сынды спорт түрлерінен жаттығады. Сонымен қатар соңғы уақытта Президенттік көпсайыс жүгіру, секіру, доп лақтыру секілді түрлерге басымдық берілуде. Мұнан бөлек, кент тұрғындары кешкілік уақытта тренажер залдарына келіп инструктор көмегімен дене шынықтырумен айналысып келеді. Олардың арасында үлкен жастағы аға-апаларымызды көріп қуанып қаламыз. Себебі қай жаста болса да деннің саулығы бәрінен биік тұрады ғой, – дейді Марат Мұқанғалиұлы.Сонымен қатар мұнда Сания Молдабаеваның жетекшілігімен қыз-келіншектерге арналған «Зумба» биі жүргізілуде. Дүйсенбі, сәрсенбі, жұма күндері кешкі уақытта қатысуға болады. Қазірге бұл топта 20-ға жуық қыз бар. Мұнан өзге тренажер залында жаттығуға мүмкіндік бар. Апта ерлер мен әйелдер күніне орай бөлінген. Мысалы аптаның сейсенбі күні тек әйелдер жаттығады. Айта кетейік, бұл тегін. Яғни залға келіп дене шынықтырғаныңыз үшін ешкімге ақы төлемейсіз. Тән саулығына көңіл бөлемін деген жанға бұл тамаша емес пе?!Кент орталығынан спорт кешенінің ашылғанына қуаныштымын. Бүгінде көбінде кездесетін ең үлкен проблема ол – артық салмақ. Осы салмақтан арылу үшін қайда барып, не істерін білмей жүрген жандар бар. Олар осында келіп жаттығуына болады. Тек артық салмақ үшін емес, саламатты өмір салтын ұстану мақсатында да баруға кеңес берер едім. Үлкен кісілерден бөлек, жастарда қазір тізе, буын ауруларына көп ұшырап жатыр. Сол кісілерге жақсы көмектесер еді. Ең қолайлысы – тегін. Бәріне қолжетімді. Мұнда барлығына жол сілтеп, қалай жаттығу қажет, кімге істеуге болады, кімге істеуге болмайды, барлығын түсіндіріп жүрген инструктор тренер бар. Өз бетіңше жаттығу жасаған бір бөлек, тренердің нұсқауымен жасаған бір бөлек. Берілген бұл мүмкіндікті тиімді пайдаланып, басты байлық денсаулыққа көңіл бөлгеніміз дұрыс болар, – дейді Жосалы кентінің тұрғыны Назерке Қожаберген.

Жосалы кентінде дене шынықтыру-сауықтыру кешенінің жұмысы жүйелі 

Сыр өңіріне жұмыс сапарымен келген «AMANAT» партиясының Хатшысы Шолпан Каринова облыстық «Отбасы орталығы», «Анаға тағзым» орталығы жұмыстарымен танысты.&nbsp; «Отбасы орталығында» болған партия Хатшысы Орталық жұмысына ризашылығын білдірді.<blockquote>«Отбасы шағын мемлекет дейміз. Үлкен отбасымыз – мемлекетіміздің бақ-берекесі ең алдымен шағын мемлекеттің – әр шаңырақтың аясындағы ырыс-ынтымаққа байланысты екені сөзсіз. Отбасы құндылығы – қай заманда да, қай елде де мемлекет саясатының темірқазығы, ардақ тұтар қазынасы. Халқымыз қашанда отбасын қасиетті құрылым ретінде қабылдап, зор маңыз, үлкен мән берген.Осы орайда орталықтың жұмысы көңілімнен шығып отыр. Себебі мұнда азаматтар некесі қиылады. Кәмелет жасқа келген азаматтар жеке куәлігін алады. Нәрестеге куәлік беріледі. Онан қалды ерте отау құрған азаматтар күміс, алтын тойларын осында келіп атап өтеді екен және олардың әр қайсысына отбасы құндылықтарының насихатталуы берік отбасының негізін қалыптастыруға қосылып отырған үлкен үлес деп білемін», - деді Шолпан Каринова.</blockquote>Мұнан соң партия Хатшысы «Анаға тағзым» орталығында болып, Мемлекет басшысы Қасым-Жомарт Тоқаевтың "Әділетті Қазақстанның экономикалық бағдары" атты Қазақстан халқына Жолдауындағы экономиканы өркендетуге және халықты жұмыспен қамтуға ықпал ететін креативті индустрияны дамытудағы жұмыстармен танысып, жаңаша ұлттық брендтерді ойлап тауып, экспорт дамуына үлес қосып келе жатқан ісмер азамтардың қолөнер бұйымдары көрмесін тамашалады.Атап өтейік, Президент тапсырмасына сәйкес "Анаға тағзым" орталығы ғимаратынан "Әйелдердің креативті индустрия орталығы" жұмысын бастаған болатын. Мұнан бөлек, ғимаратта "Мирас" әжелер клубы, "Ұлт жақұты" музей залы, "Бойтұмар" қыздар клубы, "Сырғалым" сырласу клубы, "Жас отау" жас отбасылар мектебі, "Ана тілі" дебат клубы құрылды. Партия Хатшысы әрбір клуб жұмысының маңыздылығын ерекше қабылдап, Орталық жұмысына табыс тіледі.Әрі қарай партияның «Кітап -AMANAT» орталығы мен партия филиалдарының материалдық - техникалық базасымен танысты.<img src="https://knadmin.beoblood.kz/uploads/IMG_20240304_WA_0204_c40eb9ccd3.jpg" alt="IMG-20240304-WA0204.jpg"><img src="https://knadmin.beoblood.kz/uploads/IMG_20240304_WA_0200_65ab80d119.jpg" alt="IMG-20240304-WA0200.jpg"><img src="https://knadmin.beoblood.kz/uploads/IMG_20240304_WA_0199_afdcc983ed.jpg" alt="IMG-20240304-WA0199.jpg"><img src="https://knadmin.beoblood.kz/uploads/IMG_20240304_WA_0203_9d177376ef.jpg" alt="IMG-20240304-WA0203.jpg"><img src="https://knadmin.beoblood.kz/uploads/IMG_20240304_WA_0205_b83555c478.jpg" alt="IMG-20240304-WA0205.jpg">

Партия хатшысы әлеуметтік нысандардың жұмысымен танысты

Жыл сайын 2,5 миллионнан астам қазақстандық скринингтік зерттеуден өтеді

<a href="https://kyzylorda-news.kz/">Kyzylorda-news.kz</a>. Индустрия және құрылыс министрлігі Алматыдағы Киров атындағы машина жасау зауытын сату жөніндегі конкурс өткізілмейтінін мәлімдеді, - деп хабарлайды <a href="https://kaz.tengrinews.kz/">Tengrinews.kz</a> тілшісі.<blockquote>"ҚР Өнеркәсіп және құрылыс министрлігі С.М. Киров атындағы "Машина жасау зауыты" АҚ-ның 100 пайыз жай акцияларын сату бойынша жарияланған конкурстың күшін жою туралы шешім қабылдады. Осыған байланысты, биылғы 28 ақпанда "Қазақстан инжиниринг" ҰК АҚ-на тапсырма жіберілді. Осылайша, сауда-саттық өткізілмейді", - делінген хабарламада.</blockquote>Конкурстың өткізілмеуі "Қазақстан инжиниринг" ҰК" АҚ директорлар кеңесінің 2021 жылғы 29 қазандағы № 9 қаулысы бойынша қабылданған шешімдерді жаңарту және нақтылау қажеттілігіне байланысты екені айтылды.Фото: Нұрболат Нұржаубай

Қазақстанда машина жасау зауытын сату тоқтатылды

<a href="https://kyzylorda-news.kz/">Kyzylorda-news.kz</a>. 28 ақпанда Латын Америкасының «Andromeda» радиостанциясының «Димаштың ғаламы» бағдарламасында қазақстандық өнерпаздың «When I’ve Got You» атты жаңа әні алғаш рет шырқалды, деп хабарлайды El.kzақпарат агенттігі dimashnews.com сайтына сілтеме жасап.Тыңдаушыларға шығарма ұнағаны сонша, олар радиожүргізушілерден оны қайта қоюын өтінді.Universo Dimash («Димаштың ғаламы») бағдарламасы алғаш рет осыдан тура бір жыл бұрын, 2023 жылдың 1 наурызында Қазақстанда Алғыс айту күні мен Наурыз мейрамының қарсаңына орай эфирге шыққан еді.Димаштың әндері алғаш рет 7 ақпанда Мексика радиосынан шырқалған болатын. Ал бұны ұйымдастырған әншінің халықаралық Mahabbat Dears фан-клубы еді.Эфирдің тыңдаушылар арасында үлкен толқу мен сұраныс тудырғаны сонша, Andromeda Radio жүргізушілері толығымен қазақстандық орындаушының шығармашылығына арналған жаңа бағдарлама жасауды ұйғарды. «Димаштың ғаламы» атты бағдарлама құрылғаннан бері эфирде 14 эпизод жарық көрді.28 ақпан күнгі радиостанцияда қазақстандық өнерпаз Димаш Құдайбергеннің көптеген туындыларының шығу тарихы баяндалып, әндері шырқалды. Тыңдармандар «When I’ve Got You» жаңа әнінің тұсаукесерінен ләззат алып, сондай-ақ: Battle of Memories, Neverland, War and Peace, Our Love, Be Happy, The meaning of eternity, Restart my love, The Crown және т.б. қытай әндерін ерекше әсермен тыңдады.

Димаштың жаңа әні Латын Америкасындағы тыңдармандарын тәнті етті

&nbsp;<a href="https://kyzylorda-news.kz/">Kyzylorda-news.kz</a>. Жаңақорған ауданы, Қожакент ауылы Мәдениет үйі және әйелдер ұйымы бірігіп ұйымдастырған «Сырғалыммен сырласу» атты өнер кешінде осы салт-дәстүріміздің діңгегін таразылап, ұмыт қалған тұстарын ұлықтау мақсат етілді. Шараға қазақ аналары «Дәстүрге жол» республикалық қоғамдық бірлестігінің облыс бойынша төрайымы Алтынай Былаева арнайы келіп қатысты.Шараның ашылу шымылдығында сөз алған Алтынай Мырқықызы ашылғанына үш жыл болған өзі басқаратын қоғамдық ұйымның жұмысымен таныстырды.<blockquote>– Ата-бабамыздан келе жатқан салт-дәстүрімізді жаңғыртуда алдымен аналар болып ақ кимешегімізді киюді қолға алдық. Әже атаулыға әр берген осы бір қасиетті ақжаулық күмбір кеуде, келісті болмысыңа көрік беріп ерекшелеп тұратынына да көзіміз жетіп келеді. Көпшілікте жас-кәрі еркек-әйел демей бұрылып келіп, сәлемін беріп жатады. Бұл да көненің көзінің өзіндік киесін әйгілеп тұрғандай. Осы киім үлгісіне көшуді үгіттеу бір бөлек, онымен қоса ішкі әлеміміз де өзінің негізін тауып, ниетімізді түзулеп жатса қандай ғанибет. Қазір жалаң бас, жалбыр шаш қыз көбейді, егде жастағы әйелдердің өзі әдептен жаңылып, әлеужеліде нешетүрлі қылықтарымен көз ұялтады. Біз бұл қалпымызбен кімге ақыл айтып, кімге тұлға бола аламыз?«Ел болам десең бесігіңді түзе» дейді Тілегімізді қосып, тірлігімізді жолға қойғандағы мақсат – дала даналығымен тұтасқан дәстүр-салтымызды тірілту. Алдымен өзіміз соны нық ұстай білсек ұрпақ тәрбиесінде де ісіміз нық, өнегеміз өрісті болмақ, - деді ол.</blockquote>&nbsp;Ел бойынша бірлестіктің құрамына 25 мың ана мүше болып кірген. 18 жастан 85 жасқа дейінгі қыз-келіншек, әйел-аналарды қамтитын ұйымның алға қойған айқын бағдарламасы да бар. Енді осы жұмыстарды жүйелеп жүргізіп отыру керек.Бірлестіктің Жаңақорған ауданындағы филиалының ашылғанына үш айдай болыпты. Бұдан бұрын Екпінді ауылында үлкен іс-шара ұйымдастырылған. Бұл елді мекенде ұйымдастырылып отырған екінші шара, Бірлестіктің осындағы филиалының жетекшісі, білікті ұстаз Назым Рашидова шараны жеңге мен қайынсіңлі жұптары арасындағы өзара сайыс түрінде өткізуді ұйғарыпты.Сайыс басталмас бұрын республикалық «Ел құрметі» қоғамдық қорының «Алтын дәрігер» медалімен денсаулық сақтау саласы ардагері Гүлнар Әбдікаримова, «Құрмет¬ті ардагер» медалімен Нәзипа Аманова, «Асыл ана» төсбелгісімен Қатира Юнусова марапатталды.Қожакент ауылындағы №168 орта мектебінде ұстаздық еткен, одан әрі сол мектептің директоры болған Үміт Хасенова апамыз бүгінде жетпістің бесеуінде. Осы кеште ауыл аналары болып бәтуаласып, ол кісіге «Домалақ ана» есімін еншілетуді ұйғарыпты. Әрине, мұндай мәртебені меншіктеп, тарихи тұлғаның мінез-болмысы биігінен табылу үлкен жауапкершілік. Жұрт алдында осы мазмұнда сөз саптаған Үміт апа өзіне үлкен сенім артқан ел-жұртына, шәкірттеріне алғысын білдірді. Ақ батасын берді.Кештің келесі бөлімі қайынсіңлі мен жеңгенің қол ұстасып өнер сынына түскен қызықты сайысына ұласты.Сайысқа қатысушылар сәлем беру, өнер көрстетуден бөлек «Жеңгесі бар қандай-ды» шарты бойынша салт-дәстүрдің өзіндік өрнегін танытатын көрінісін сахналады. «Зерделі болса жеңешем» бөлімінде ситуациялық сұрақтарға жауап беріп, «Бармағынан бал тамған» бөлімінде әрбірі өзінің шеберлігін паш етті. Қазылар құрамында Алтынай Мырқықызы, Раушан Назарова, Рысжан Төлепбергеновалар әрбір қатысушының еңбегін әділ бағалауға тырысты.Байқауға қатысушылар қатарында Сан¬дуғаш Нұрхожаева қайынсіңлісі Гүлімай Мамытовамен бірге, Әбітай Ділда Зияда Мақсұтовамен бірге, Нәзира Әбілқасымова, Жасмин Орынқожа мен, Рахматулла Арайлым, Жолдасбек Нұршатпен сайыстың бүкіл шарттары бойынша үлкен дайындықпен келгендіктерін байқатты.<blockquote>– Қыздарымыз бен келіндеріміздің қазақтың ұлттық киімін киген көрінісі көзімізге қуаныш ұялатып отыр. Киімде де үлкен мән бар. Ұлттық құндылықтарымызға қайта қауышу¬ға ұмтылған ниет-пыйғылымызды алдымен өзімізден бастайық деп қарқарадай сән түзеген үлкен апалардың үлгісі ауыл өміріне де өзгеріс әкелгендей. Үлкен ризашылығымды білдіремін, - деп тілек айтқан ауыл ақсақалдары төрағасы Әбдразақ Абдуллаев ақ батасын арнады.</blockquote>

Жаңақорғандықтар Сырғалыммен сырласты

<a href="https://kyzylorda-news.kz/">Kyzylorda-news.kz</a>. Кентау қаласында есірткі зертханасының жұмысы тоқтатылды, деп хабарлайды&nbsp;<a href="http://inbusiness.kz/">inbusiness.kz </a>сайты.Түркістан облысы прокуратурасының үйлестіруімен Полиция департаменті дәстүрлі емес деструктивті діни ағымды ұстанушыларына қатысты жедел-іздестіру шараларын жүргізді.&nbsp;Прокуратура хабарлауынша, А. және Д. есімді азаматтар заңсыз қару сақтаумен, есірткі құралдарын таратумен айналысқан.Тексеру кезінде есірткі зертханасы жағдайында ацетилдендірілген опий жасанды есірткі заттарын тарату және дайындау фактісі тіркелді.Есірткі зертханасы Кентау қаласында орналасқан. Зертхананы тінту кезінде таратуға дайындалған 10 мл-ден 2 флакон опий, марихуана және опий дайындауға арналған химиялық заттар, арнайы жабдықтар, сондай-ақ атыс қаруы табылды.Діни әдебиет тәркіленіп, тиісті сот сараптамасы тағайындалды.Бұл факт СДТБ-не Қылмыстық кодекстің 287-бабы 3-бөлігі, 296-бабы 2-бөлігі және 297-бабы 3-бөлігімен тіркеліп, тергеп-тексеру жүргізілуде.&nbsp;Сот санкциясымен үсталғандар қамауға алынды.Фото: Нұрболат Нұржаубай

Есірткі таратумен айналысқан жат діни ағым өкілдері ұсталды

&nbsp;<a href="https://kyzylorda-news.kz/">Kyzylorda-news.kz</a>.&nbsp; Электр желілері үзіліп немесе өзге ақау шыққанда Ж.Маханбетов ауылының тұрғындарына көмекке келетін Жәнібек Бұлдановтың есімі сол елді мекен тұрғындарына таныс. Бір қызығы, ол – Тасбөгет кентінің аудандық электр торабында диспетчер. Бірақ өзінің туған ауылына көмек қолын созып, ерікті түрде үзілген бағаналар сымын жалғайды. Осы уақытқа дейін авариялық бригада құрамында 7 жыл жұмыс істеген ол қазір диспетчерлік бөлімде.Ақпанның боранды, желді күндері ауылда жарық жиі сөнді. Сондай кезде тұрғындарға көмектесіп, көптің алғысын арқалап жүр. Ауа райының қолайсыз күндері телефон қоңырауына дамыл болмай, шақырыстардың шамадан тыс артатынын айтады.<blockquote>&nbsp;Диспетчерлік бөлімге ауысқанға дейін 7 жыл бойы авариялық бригада құрамында жұмыс істедім. Әсіресе жел мен жаңбырлы күндері уақытпен санаспадық. Тасбөгет кентіне қарасты аймақтар көп. Барлық саяжайлардың жарығына жауаптымыз. Қазір қандай да бір техника электр энергиясынсыз жұмыс істемейді. Бір минут жарық сөнсе халықтың дегбірі қашады. Сондықтан олар қиналып қалмас үшін түскен шақыруларға тезірек жетуге тырысамыз, – дейді Жәнібек.</blockquote>Жақсылық жасауға ұмтылып тұратын Жәнібектің ісі көпке үлгі етерліктей. Жарығы сөнген үйдің шамын жағуға асығатын шебер маман бұл ісін парызым деп біледі.&nbsp;

Қазақстан және Қызылорда облысының жаңалықтары