<a href="https://kyzylorda-news.kz/">Kyzylorda-news.kz</a> Ғажайып дауысымен қазақ атын күллі әлемге танытып жүрген Димаш Құдайбергеннің өнер жолына арналған жаңа айрықша басылым "Димаш Құдайберген: Шексіз музыка" атты кітап-альбом оқырмандар назарына ұсынылды. Бұл туралы Dimashnews.com сайтына сілтеме жасаған <a href="https://kaz.nur.kz/showbiz/career/2317466-dimash-qudaibergen-turaly-sheksiz-muzyka-atty-kitap-zharyqqa-shyqty/">KAZ.NUR.KZ </a>хабарлайды.Көлемі 289 беттен тұратын альбомға Димаштың архивтік фотосуреттері, концерттерден алынған материалдар, сондай-ақ орындаушының жеке естеліктері мен түсіндірмелері енгізілген. Бұл деректер оқырманға әртістің кәсіби дамуын кезең-кезеңімен бақылап, бұрын жарияланбаған шығармашылық сәттерімен танысуға мүмкіндік бермек.<blockquote>"Кітап құрылымы музыканттың өмір жолы мен кәсіби өсуіндегі негізгі кезеңдерді сипаттайтын тақырыптық бөлімдерден тұрады. Онда орындаушының халықаралық деңгейде танылуы, оның отбасы мен өнерпаздық бастаулары, әлемнің аса ірі концерттік алаңдарындағы өнер көрсетуі, мәдени жобаларға қатысуы, тыңдармандарымен байланысы және шығармашылық жолы туралы тараулар қамтылған. Сонымен қатар басылымда сахна сыртындағы жұмыс үдерісі мен маңызды оқиғалардың хронологиясына арналған арнайы бөлімдер берілген", - делінген материалда.</blockquote>Басылым қазақ, орыс және ағылшын тілдерінде ұсынылғандықтан, әртүрлі аудиторияға қолжетімді әрі қазақстандық мәдениеттің кеңінен таныстырылуына септігін тигізеді.Фото: dimashnews.com

Димаш Құдайберген туралы "Шексіз музыка" атты кітап жарыққа шықты

<a href="https://kyzylorda-news.kz/">Kyzylorda-news.kz</a> Облыс әкімінің орынбасары Бахыт Жаханов, &nbsp;қала әкімі Нұржан Ахатов пен жауапты сала басшылары &nbsp;құрылыс нысандарындағы жұмыс барысын бақылауды «Достық үйінің» жаңа ғимаратында жалғастырды. Нысан жақын арада пайдалануға беріледі. Бейбарыс сұлтан көшесіндегі сәулетті ғимараттар қатарын толықтырған нысанның сырты күннен қорғайтын сәндік панельдермен қапталған. Екінші және үшінші қабаттарда кеңселер, сондай-ақ холл, фойе, ресепшн, гардероб, 200 орындық үлкен зал, 60 орындық кофейня орналасады. Конференц-зал заманауи техникалармен жабдықталады.<img src="https://knadmin.beoblood.kz/uploads/Zha_a_nysandar_1_3ede85abef.jpg" alt="Жаңа нысандар 1.jpg">Цокольді қабатта би студиясы, музыка және вокал кабинеттері, клуб, қоймалар, архив және қосалқы бөлмелер қарастырылған. Бүгінде ішкі әрлеу және дизайнерлік безендіру, сондай-ақ сыртқы абаттандыру жүргізілуде. Жұмыстың 95%-ы біткен. Құрылыс алаңында 7 техника және 135 жұмысшы еңбек етуде.<img src="https://knadmin.beoblood.kz/uploads/Zha_a_nysandar_3ea3b29902.jpg" alt="Жаңа нысандар.jpg">Ал Президент саябағында бас мердігер «Bi Global» ЖШС ауқымды абаттандыру жобасын жүзеге асыруда. Саябаққа 3 аллея, 6 субұрқақ, 5 амфитеатр, 7 балалар ойын алаңын, 4 спорт және 4 workout, 7 демалыс аймағын, 4 фудкорт, теннис үстелдерін, биіктігі 50 метр болатын айналмалы дөңгелек аттракцион, би алаңын, стритбол, вело және жүгіру жолақтарын, сахна, сарқырама каналдары мен көпірлер, шахмат, баскетбол және футбол алаңдарын, арқан саябағы мен модульдік санитарлық нысандар салуды жоспарлаған. Мұнда жыл он екі ай жұмыс істейтін 300 орындық заманауи балалар тынығу лагері мен Ботаникалық білім беру орталығы (қысқы бақ) бой көтеріп келеді. Бас мердігер Alem Qurylys AQ ЖШС жобаға сәйкес спорт блогын, іс-шараларға арналған event-аймақ, тұрғын корпустар, қонақ үй үлгісіндегі шағын ғимараттар, дәстүрлі киіз үйлер, ашық бассейн, стадион, футбол алаңы және сахна салады.<img src="https://knadmin.beoblood.kz/uploads/Zha_a_nysandar_2_aaf3145d60.jpg" alt="Жаңа нысандар 2.jpg"><img src="https://knadmin.beoblood.kz/uploads/Zha_a_nysandar_3_deba7e25df.jpg" alt="Жаңа нысандар 3.jpg">

Қызылордада жаңа нысандар бой көтеруде

<a href="https://kyzylorda-news.kz/">Kyzylorda-news.kz</a> “Отызда орда бұзбаған, қырықта қамал алмайды” тәмсілі көпке таныс. ҚАЖ департаментіне қарасты №68 мекемесінің режим және күзет бөлімінің бақылаушысы әділет кіші сержанты Айтуған Айтжанның да талабы таудай. Жиырма жасында келешегінің кірпішін, қызметінің негізін қалап үлгерді.Алдымен, ол – кәсіби оқуда шыңдалып, алғашқы адымын нық басты. Еңбектің қазанында қайнағалы да бір жылға жуық уақыт болыпты. Кіріп-шығуды бақылау пунктінде (КПП) қауіпсіздік пен тыныштықты қадағалап, міндетін мүлтіксіз орындауға тырысып келеді. Қызметтік міндеті мен адамдық парызын тең ұстай алатыны рас. Бұл қасиеті көп ұзамай кәсібиліктің үлгісін көрсетуге негіз болмақ.<blockquote>– Салаға сан ойланып келгенім жоқ, бұл – жан қалауым. Мамандыққа таңдауың дұрыс болса, жұмысқа деген құлшыныс кемімейді. Қазір мекемеде мол тәжірибе жинап жүрмін. Аға буынның ақыл-кеңесін алға тартып, оларға ілесе алсам, ілгерілегенім деп білемін. Бастысы, ұстанымнан айнымай, қызметтік тәртіптен тайқымасам болғаны. Ант қабылдау рәсімінде де осыны ойладым, - дейді ол.</blockquote>Қазір тек білектің қара күші емес, ақылдың алғырлығы маңызды кезең. Шапшаңдық пен шеберлік те тоғысып жатса құба-құп. Айтуған Айтжан қолы қалт еткенде үстел теннисінде доптың ұшуын дәл болжап, қарымды соққы жасауда да өз үстемдігін көрсетіп алатыны бар. Оның айтуынша, шағын тақтадағы ойын – сергіп қалуына көмектеседі екен.Кәсіби жолда өрлеу үшін өнімді еңбек етуге әзір Айтуғанның айы оңынан туа берсін дейміз.

Салаға бағыттаған нық ниет

<a href="https://kyzylorda-news.kz/">Kyzylorda-news.kz</a> «AMANAT» партиясының облыстық филиалы жанындағы мәдениет пен өнерді қолдауға бағытталған «Мiras» аймақтық кеңесінің отырысы өтті.Жиында партияның сайлауалды бағдарламасы бойынша &nbsp;мәдениет объектілерін салу мен жөндеу, электрондық кітапхана объектілерін қалыптастыру бойынша өңірде атқарылып жатқан жұмыстар барысы талқыланды.Отырысқа партияның облыстық филиалының атқарушы хатшысы Ләйлә Төрешова, мәдениет пен өнер саласы өкілдері қатысты.Күн тәртібіндегі мәселелер бойынша хабарлама жасаған облыстық мәдениет, архивтер және құжаттама басқармасы басшысының орынбасары Ғалия Байсынова өңірде партияның сайлауалды бағдарламасы аясында мәдениет саласы бойынша соңғы 3 жылда жаңадан 19 мәдениет нысаны бой көтерді. Оның ішінде 8 - ауылдық клуб, 7 -«Руханият орталығы» және Анаға тағзым, Отбасы, Өнер орталықтары мен облыстық тарихи-өлкетану музейі бер екенін атап өтті.Сондай-ақ, кітапхана процестерін автоматтандыру мақсатында Ә.Тәжібаев атындағы облыстық кітапхана республикалық деңгейде автоматтандырылған WEB-РАБИС, зағип және нашар көретін азаматтарға арналған арнаулы кітапхана АИС СБ РК ал, аудандық және ауылдық кітапханалар РАБИС бағдарламаларымен жұмыс жасап жатқанын жеткізіп, оқырмандар &nbsp;қажетті ақпаратты жылдам іздеу үшін электронды каталогты да пайдалана алатындығын айтты.Кеңес төрағасы Баймырза Қожамберлиев сайлауалды бағдарлама аясында &nbsp;өңірде мәдениет пен өнер саласында көп жұмыс істелгендігін &nbsp;атап өтіп, кітапхана мәселесіне қатысты бұған дейін жолданған ұсыныстардың орындалуына басқарма өкілдерінің назарын аудартты.<blockquote>«Өздеріңізге белгілі республикалық кеңестің өңірде өткен көшпелі отырысында қаладағы А.С.Пушкин атындағы орталық кітапхана &nbsp;көпқабатты тұрғын үйдің астыңғы қабатында орналасқандықтан тұрғын үйдегі су, жылу құбырларының жарылуынан төбесінен су кету секілді келеңсіздіктер орын алатындығы, №13 балалар кітапханасының орналасқан жері білім алушыларға қолайсыздық тудырып отырғанды туралы мәселе көтеріліп, басқармаға мәселені зерттеп, шешуге қолдау көрсету жөнінде ұсыныстар жолданды. Бізге есеп емес, нәтиже қажет», - деді Баймырза Қожамберлиев.</blockquote>Қызылорда қалалық мәдениет және тілдерді дамыту бөлімінің басшысы Айдын Қайруллаев көтерілген ұсыныстар бойынша бүгінгі таңда мәселе жоқ екенін атап өтіп, қала әкімдігінің тікелей бақылауында екенін жеткізді.<blockquote>«А.С.Пушкин атындағы орталық кітапхана бойынша көпқабатты тұрғын үйлердің жылу құбырлары ауыстырылды. Қазір кітапхана үстіне пәтерлерден су кету қауіпі жоқ. №13 балалар кітапханасы бойынша мәселе бақылауда. Алдағы уақытта жаңа ғимаратқа көшірудің жолдары пысықталуда», - деді ол. &nbsp; &nbsp;</blockquote>Жиын барысында күн тәртібіндегі мәселелер толық талқыланып, кеңес мүшелері тарапынан жұмысты ауылдық жерлердегі кітапханалар жағдайын жақсарту, мәдениет саласындағы мамандар тапшылығын жою, шет аймақтарда мәдени үйірмелер ашу секілді нақты ұсыныстар айтты.<img src="https://knadmin.beoblood.kz/uploads/FB_IMG_1765045877007_35230348cb.jpg" alt="FB_IMG_1765045877007.jpg">

«AMANAT»: "Miras" кеңесінде мәдениет саласының мәселелері қаралды

<a href="https://kyzylorda-news.kz/">Kyzylorda-news.kz</a> Облыс әкімінің орынбасары Бахыт Жаханов, қала әкімі Нұржан Ахатов, жауапты сала басшылары құрылыс алаңдарындағы жұмыс барысын бақылады.Алдымен сол жағалаудағы 9 қабатты 120 пәтерлік екі тұрғын үйдің құрылысын көрді.Жалпы ауданы 7011 шаршы метр болатын үйлерде бір бөлмелі 18, екі бөлмелі 66, үш бөлмелі 36 пәтер бар. Келесі нысан - дене шынықтыру-сауықтыру кешені.Құрылысына 2,9 млрд теңге қаралған нысан «Қазақстан халқына» қорының қолдауымен салынуда. Онда бір мезетте 131 спортшы жаттыға алады. Бірінші қабатта волейбол, екінші қабатта күрес және басқа да залдар орналасады.Әрі қарай Титов мөлтек ауданындағы әлеуметтік осал топтағы азаматтар үшін бой көтерген 5 қабатты 135 пәтерлік тұрғын үйдің құрылыс алаңына барды. Жаңа тұрғын үйде 35 бір бөлмелі, &nbsp;80 екі бөлмелі, 20 үш бөлмелі пәтер бар.<img src="https://knadmin.beoblood.kz/uploads/FB_IMG_1765045683134_98ec4281ac.jpg" alt="FB_IMG_1765045683134.jpg">

Құрылыс жұмыстары бақылауда 

<a href="https://kyzylorda-news.kz/">Kyzylorda-news.kz</a> Астанада Мемлекет басшысы Қасым-Жомарт Тоқаевтың қатысуымен «Алтын сапа» және «Парыз» сыйлығының лауреаттарын, «Қазақстанның үздік тауары» республикалық көрме-конкурсының жеңімпаздарын марапаттау рәсімі өтті.Президент өз сөзінде әр кәсіпкердің жетістігі ел мерейінің айқын көрінісі екенін атап айтты.<blockquote>–Сіздер сапалы өнім өндіріп, экономиканы дамытуға және халықтың әл-ауқатын арттыруға зор үлес қосып келесіздер. Әлеуметтік жауапкершілікті терең сезініп, қайырымдылық істерге белсене атсалысып жүрсіздер. Бұл – өз кәсібіне адал, іскер және нағыз отаншыл азаматтарға тән асыл қасиет деп санаймын. Мемлекет Сіздерге әрдайым қолдау көрсетуге дайын, – деді Мемлекет басшысы.</blockquote>Рәсімде сапа саласында жоғары көрсеткішке ие болғаны үшін «Марал-Нұр» жауапкершілігі шектеулі серіктестігінің құрылтайшысы &nbsp;Мұрат Нурсаитовқа «Алтын сапа» сыйлығы табысталды. Сонымен бірге, «Қазақстанның үздік отандық тауар өндірушісі» номинациясы «Асыл дән LTD» ЖШС басшысы Нұрлан Алдамжаровқа берілсе, «СКЗ-U» ЖШС бас директоры Сағыныш Орынбасаров “Парыз-2025” сыйлығының «Экологияға қосқан үлесі үшін» номинациясымен марапатталды.Облыс әкімінің бірінші орынбасары Данияр Жаналинов, жауапты сала басшылары мен жергілікті кәсіпкерлер салтанатты шараға селекторлық режимде қатысты.Айта кетейік, 2005 жылы құрылған «Марал-Нұр» серіктестігі әлеуметтік маңызды бағыттарға жолаушылар тасымалы қызметін көрсетеді, 226 адамды тұрақты жұмыспен қамтыған. Паркінде 59 вагон бар, 5 облысты қамтитын екі бағытта жыл сайын 800 мыңнан астам жолаушы тасымалдайды.«Асыл дән LTD» ЖШС – 2013 жылы құрылған Қазақстандағы жетекші күріш өңдеу кәсіпорындарының бірі. Бүгінде компанияда 63 білікті маман еңбек етеді.«Лидер», «Янтарь», «Элита», «Баракат» сортты жылтыратылған күріш, сондай-ақ терең өңделген өнімдер, күріш ұнтағы, қауыз және тары өндіреді. Сапаны қатаң бақылау мен өндіріс процестерін үздіксіз жетілдірудің арқасында компания өнімдері Қазақстан аумағында және шет елдерде тұрақты сұранысқа ие.Жаңақорған ауданында орналасқан «СКЗ-U» ЖШС – «Қазатомөнеркәсіп» ҰАК» АҚ еншілес кәсіпорны, республикадағы инновациялық серпінді өндірістердің бірі.2007 жылы бері индустрияландыру бағдарламасы аясында іске қосылған кәсіпорын жылына 500 мың тонна қуаттылықпен күкірт қышқылын өндіреді. Бүгінге дейін кәсіпорын 6,5 млн тоннадан астам өнім шығарды. Зауытта 273 адам еңбек етеді, олардың 90%-дан астамы – жергілікті тұрғындар.

Қызылордалық кәсіпкерлер марапат төрінен көрінді

<a href="https://kyzylorda-news.kz/">Kyzylorda-news.kz</a> Шиелі кентіндегі «Шұғыла» мөлтек ауданында әлеуметтік осал топтағы отбасылар үшін салынған тұрғын үйдің кілтін табыстау рәсімі өтті. Оған облыстық мәслихат төрағасы Мұрат Тлеумбетов, облыс әкімінің орынбасары Ардақ Зебешев, зиялы қауым өкілдері мен тұрғындар қатысты.<img src="https://knadmin.beoblood.kz/uploads/FB_IMG_1765045160915_de2e26a370.jpg" alt="FB_IMG_1765045160915.jpg">Облыстық мәслихат төрағасы жаңа үй иелеріне ізгі тілегін білдіріп, облыс әкімі Нұрлыбек Нәлібаевтың құттықтауын жеткізді.<blockquote>«Мемлекет басшысы &nbsp;Қасым-Жомарт Кемелұлы баспана &nbsp;жұртшылықтың тұрмыс сапасын танытатын маңызды көрсеткіш екенін атап өтті. Аймақта Президентіміздің, Үкіметтің ерекше қолдауымен, жерлестеріміздің бекем бірлігінің арқасында байыпты бастамалар қолға алынып, жасампаз жобалар іске асырылуда. Өңірдің сәулеттік келбеті күн сайын жаңарып келеді. Әрбір баланың шығармашылықпен, спортпен айналысуына мемлекет тарапынан барлық мүмкіндік жасалған. «Қуатты өңірлер – қуатты ел» қағидаты ел дамуының темірқазығына айналды. Бұл халықтың ынтымағын нығайтып, мемлекеттің қуатын арттырады. Әділетті, Қуатты, Қауіпсіз әрі Таза Қазақстанды құру жолында Сыр жұртшылығы да бекем бірліктің, ерен еңбектің үлгісін көрсетуде. &nbsp;Өңіріміздің негізгі макроэкономикалық көрсеткіштерінің өсімі қамтамасыз етілді. Кейбір көрсеткіштердің мәнін терең түсінуіміз қажет. Өйткені, ол – жай ғана статистика емес, жерлестеріміздің еселі еңбегінің жемісі. Бүгін – мемлекеттің қолдауымен баспаналы болуға талап қылған әрбір отбасы үшін ерекше қуанышты күн! Жаңа үйлеріңіздің іргетасы берік, қабырғасы мығым, ішіндегі әр отбасының шаңырағы татулық пен берекеге толы болғай!», – деді М.Тлеумбетов.</blockquote>Рәсімде Шиелі ауданының әлеуметтік-экономикалық дамуына үлес қосқан азаматтар мен тұрғын үйді салған мердігер мекеме қызметкерлері Қызылорда облысы әкімінің Алғыс хатымен марапатталды. Еңбек ардагері Т.Жағыпбаров жиналған жұртшылыққа бата берді.<img src="https://knadmin.beoblood.kz/uploads/FB_IMG_1765045188137_e44f2ec8c1.jpg" alt="FB_IMG_1765045188137.jpg">

Шиелілік тұрғындарға жаңа баспана берілді

<a href="https://kyzylorda-news.kz/">Kyzylorda-news.kz</a> &nbsp;Қызылорда қаласындағы Достық үйінде Халықаралық волонтерлар күніне орай ұйымдастырылған «Жүректен жүрекке» өнер фестивалі өтті. Мәдениет пен мейірімді бір арнаға тоғыстырған бұл шара қоғамдағы қайырымдылық құндылықтарды дәріптеу, ерекше қажеттіліктері бар талантты өнерпаздарды қолдау және өңірдегі меценаттар мен еріктілердің еңбегін бағалауға бағытталды.Фестиваль шымылдығы LED экран арқылы көрсетілген әсерлі прологпен түрілді. Одан соң №5 мектеп-интернаттың 20 оқушысы Қазақстан Республикасының Мемлекеттік Гимнін орындап, салтанатты шараның ресми ашылуына ерекше айбар берді. Сахнадағы барлық өнер бағдарламасына сурдоаудармашы Зухра Қалжанова қатар сөйледі.Фестиваль барысында алдымен Сыр өңірінде жыл бойы жүзеге асқан қайырымдылық жобалары мен әлеуметтік қолдау шаралары жөніндегі бейнеролик көрсетіліп, облыстағы мейірім мен жанашырлыққа толы жұмыстар паш етілді. Одан кейін облыстық қоғамдық даму басқармасының «Қоғамдық келісім» КММ директоры Бақытжан Камалов құттықтау сөз сөйлеп, 30 жылдық тарихы бар Қазақстан халқы Ассамблеясының ел бірлігін, қоғамдық келісімді және қайырымдылық құндылықтарын дәріптеудегі рөлін атап өтті.<img src="https://knadmin.beoblood.kz/uploads/yzylordada_Zh_rekten_zh_rekke_mejirim_men_ner_to_ys_an_festival_tti_8aa02d5293.jpg" alt="Қызылордада «Жүректен жүрекке» мейірім мен өнер тоғысқан фестиваль өтті.jpg">Фестиваль аясында өңірдегі қайырымдылық жобаларына тұрақты үлес қосып жүрген азаматтар мен этномәдени бірлестіктерге облыстық қоғамдық даму басқармасы басшысының Алғыс хаттары, статуэткалар және естелік сыйлықтар табысталды. Марапат алғандар қатарында жеке кәсіпкер, «Жомарт жан» төсбелгісінің иегері Қуаныш Сегізбаев, шешен, неміс және өзбек этномәдени бірлестіктері, «Балалар оңалту орталығы» мен «Оңалту орталығының» директорлары Ерлан Қалымбетов пен Манат Тлеуова, волонтер-оқытушы Елжан Беріков, сондай-ақ облыстық Ассамблеяның тұрақты демеушісі Венера Дәулетбаева бар.Фестивальдің ең әсерлі бөлігі – ерекше қажеттіліктері бар дарынды балалар мен өнер иелерінің сахналық бағдарламасы болды. №6 мектеп-интернаттың «Самғау» триосы «Туған жер» әнін ым-қимылмен жеткізіп, көрерменнің зор ықыласына бөленді. Республикалық «Гүлдер» ансамблінің бұрынғы мүшесі Күлпаш Жалғасқызы А. Зацепиннің «Көктемгі вальс» және Т. Мұхамеджановтың «Іңкәрім-ай» әндерін орындап, кештің сәнін келтірді. «Шабыт» би тобының «Қызыл алма» биі, ерікті жастар мен Аманжол Орманұлының домбырамен орындаған «Жан ана» әні, Жанар Ахметованың үнді әуені «Дильдагалиясы», ақын Лаура Төлегенованың жүрек тербеген өлеңі мен әні көрерменді тебірентпей қоймады. Сонымен бірге Бекарыс Айдарбекұлының «Жүрегім қазақ» әнін ыммен шебер орындауы, жас өнерпаз Лиза Ермаханның «Сыр сұлуы» композициясы кештің шынайы мәнін аша түсті.<img src="https://knadmin.beoblood.kz/uploads/2_yzylordada_Zh_rekten_zh_rekke_mejirim_men_ner_to_ys_an_festival_tti_07da273745.jpg" alt="2Қызылордада «Жүректен жүрекке» мейірім мен өнер тоғысқан фестиваль өтті.jpg">Әрбір өнерпазға сахнада ерекше қолдау көрсетіліп отырды. Этномәдени бірлестіктердің жетекшілері мен кәсіпкер-меценаттар қатысушыларға сыйлықтар табыстады. Бұл – Ассамблея құрылымдарының игі іс пен қайырымдылықты жүйелі түрде қолдап келе жатқанын айғақтайтын көрініс болды.Сондай-ақ фестиваль барысында «Жомарт жан» орталығының жетекшісі Ирина Шек сөз сөйлеп, орталықтың өңірдегі қайырымдылық бағытындағы жұмыстарына тоқталып, «Қоғамдық келісім» КММ мен «Жомарт жан» орталығының Алғыс хаттары табысталды. Марапаталғандар қатарында №5 және №6 арнайы мектеп-интернат директорлары Жамбыл Ахметов пен Бинара Нәлібаева, әнші, ҚХА мүшесі Константин Луца, қалалық мәслихат депутаты Маржан Бисенова, меценат Нина Букина және неміс этномәдени бірлестігінің белсендісі Елена Шевченко бар.Фестиваль жас әнші Бексұлтан Пірмағамбеттің орындауында «Елім менің» әнімен тәмамдалды.

Қызылордада «Жүректен жүрекке» мейірім мен өнер тоғысқан фестиваль өтті

<a href="https://kyzylorda-news.kz/">Kyzylorda-news.kz</a> &nbsp;Әлеуметтік медициналық сақтандыру қоры жеке клиникаларда МӘМС бойынша медициналық қызметтерді алу мүмкіндігін түсіндірді. Бұл мүмкіндік әлеуметтік медициналық сақтандыру жүйесін әзірлеу кезінде бастапқыдан қарастырылған және бүгінгі күнге дейін қолданыста, – дейді Қордың баспасөз қызметі.Ол қалай жұмыс істейді?Қызмет көрсететін емхана өз пациентіне МӘМС жүйесінде жұмыс істейтін кез келген клиникаға жолдама бере алады. Бұл жағдайда пациент медициналық қызмет үшін ақы төлемейді. Себебі көрсетілген қызметті қаржыландыру Қор тарапынан қосалқы орындау шарты аясында жүргізіледі.Қай кезде қолданылуы мүмкін?Егер қызмет көрсететін емханада белгілі бір консультацияны алуға қажетті профильді дәрігер болмасанемесе белгілі бір диагностикалық қызметті өткізуге арналған жабдық жетіспесе пациентті басқа клиникаға жібереді. Мысалы, бірқатар алғашқы медициналық-санитарлық көмек ұйымдарында тіркелген халық саны аз болғандықтан, кейбір тар бейінді дәрігерлер (мысалы, пульмонолог, аллерголог, ангиохирург) болмауы мүмкін немесе УДЗ, рентген аппараттары жоқ. Осындай қызметтер пациенттерге қажет болған жағдайда, оларды емхана қосалқы орындау туралы келісімшарт жасасқан клиникаға жібереді.Сонымен қатар, емханада қажетті мамандар мен жабдық болғанымен, жазылу бір айға толып қалған жағдайлар да кездеседі. Сондай-ақ қажет маман еңбек демалысында болса немесе жабдық уақытша істен шықса осы механизм қолданылады. Мұндай жағдайда пациент қажетті медициналық қызметті алу үшін басқа клиникаға, оның ішінде жеке клиникаға жолдама сұрауға құқылы.Маңызды! Жолдама тек Әлеуметтік медициналық сақтандыру қорының жеткізушілер базасында тіркелген жеке клиникаларға ғана беріледі.Бұл ретте пациенттің емханасы мен аталған клиника арасында қосалқы орындау шартының бар-жоғы маңызды емес. Себебі жолдама жасалған кезде ол ақпараттық жүйеде автоматты түрде қалыптастырылады.Жеке клиникада пациенттер тек консультация алып немесе диагностикалық процедуралардан өтіп қана қоймай, күндізгі немесе тәуліктік стационар жағдайында, оның ішінде МӘМС шеңберіне кіретін әртүрлі операцияларды жасау үшін де ем қабылдай алады.Құқықтарды қорғауЕгер пациент қажетті медициналық қызметке жолдама ала алмаса, ол емхана жанындағы Пациенттерді қолдау және ішкі сараптама қызметіне жүгіне алады. Оң шешім болмаған жағдайда, бұл факті бойынша тексеру жүргізу үшін Қорға ресми өтініш жолдауға болады.Қор атап өткендей, кез келген консультациялық-диагностикалық қызметті пациентке емдеуші дәрігер тағайындайды. Ол пациенттің жағдайын зерттеп, шағымдары мен байқалатын белгілерін бағалайды. Тек тиісті көрсетілімдер болған кезде ғана зертханалық және аспаптық зерттеулерге немесе профильді маманның консультациясына жолдама береді.Естеріңізге сала кетейік, МӘМС бойынша қызмет алу үшін сақтандырылған болу қажет.Фото: freepik.webp

Жеке клиникада МӘМС бойынша медициналық қызметтерді қалай алуға болады?

<a href="https://kyzylorda-news.kz/">Kyzylorda-news.kz</a>&nbsp; Жалағаш ауданы, Таң ауылындағы №118 орта мектепте "Ы. Алтынсарин" төсбелгісінің иегері, ұлағатты ұстаз Раушан Қожагелдиеваны еске алуға арналған тағылымды шара өтті.Онда облыстың білім саласында ұзақ жылдар абыройлы қызмет атқарып, шәкірт тәрбиелеуде елеулі із қалдырған Раушан Жарылқапқызының өмірі мен еңбегі – ұрпаққа кеңінен насихатталды.Іс-шараға «AMANAT» партиясы Қызылорда облыстық филиалының төрағасы Жандос Базартай, Қызылорда облыстық білім басқармасының басшысы Асқарбек Есжанов және Жалағаш аудан әкімінің орынбасары Ғани Сүлейменов, ұлағатты ұстаздың әріптестері, шәкірттері және ауыл тұрғындары қатысып, жүрекжарды естеліктерімен бөлісті.Тағылымды шара барысында орта мектеп базасынан ұстаздың құрметіне арнайы кабинет ашылып, оның өмір жолы мен еңбек жолынан сыр шертетін бұрыштар ұйымдастырылды. Сонымен қатар бастауыш сынып мұғалімдері мен оқушыларына арналған логикалық олимпиада өтті.Рухани кеште сөз алған партияның облыстық филиалының төрағасы Жандос Базартай бұл іс-шара ұлағатты ұстаздың еңбегін ұрпаққа үлгі етумен қатар, шәкірттерін патриоттық рухта тәрбиелеген асыл жанның рухына көрсетілген шынайы құрмет екенін атап өтіп, олимпиадаға қатысушы ұстаздарды "AMANAT" партиясы атынан алғыс хатпен марапаттады.Жалпы еске алу кеші мазмұнды да әсерлі өтіп, көпшілік көңіліне ерекше тебіреніс ұялатты.

Ұлағатты ұстаздың еңбегі ұлықталды

<a href="https://kyzylorda-news.kz/">Kyzylorda-news.kz</a> 2025 жылы алаяқтықтың негізгі түрлері толығымен онлайн-ортаға көшті. Ескі схемалар ешқайда жоғалған жоқ, бірақ олар жасанды интеллект, жалған сайттар, deepfake дауыстар және психологиялық қысым жасау арқылы айтарлықтай қауіп төндіретін болды.Заманауи алдау схемалары қалай жұмыс істейтіні және өзіңізді қалай қорғауға болатынын Fingramota.kz-пен қарастырып көрелік.Фишинг: адамды өз деректерін өз еркімен беруге қалай мәжбүрлейдіФишинг – бұл жалған сайттар, хаттар мен хабарламалар арқылы сіздің логиндеріңізді, құпиясөздерді, карта деректерін қолға түсіру.Бұл қалай болады: сізге мессенджерде банктен, салықтан, маркетплейстен немесе жеткізу қызметінен хат, SMS немесе хабарлама келеді. Хабарлама мәтінінде&nbsp;«сәлемдеменің кешігуі», «салық берешегі», «күдікті операция», «өтемақы»&nbsp;туралы айтылады және толығырақ ақпарат алу үшін сілтемеге өту керек. Әрі қарай, сілтемеге өту кезінде сайт ашылады, оның шынайы сайттан ешқандай айырмашылығы болмайды. Пайдаланушы логинді, құпиясөзді, карта деректерін немесе SMS-пен келген кодты енгізеді және бұл деректер бірден алаяқтардың қолына түседі және ақша есептен шығарылады.Азаматтар алаяқтардың арбауына жиі түсіп жатады, өйткені жалған сайттардың шынайы сайттардан ешқандай айырмашылығы жоқ, олар https-қорғанысымен қамтамасыз етілген, жасанды интеллекттің көмегімен &nbsp;жетілдірілген мәтіндермен толтырылған және «дәл қазір» шешім қабылдауға мәжбүр ететін «уақыттың тапшылығын» желеу етеді.Дауыстық алаяқтар және deepfake-қоңырауларКлассикалық сценарийлердің бірі келесідей: адамға «банктен» қоңырау шалып, күдікті операция туралы хабарлайды, қаражатты дереу «қауіпсіз шотқа» аударуды талап етеді, содан кейін SMS-пен келетін кодтарды сұрайды. Алайда, тағы бір қорқынышты әдіс жиі қолданылуда: алаяқтар әлеуметтік желілерде туысының дауысының жазбасын табады, оның сандық көшірмесін жасайды және жәбірленушіге «ұлының, қызының немесе бастығының дауысымен» қоңырау шалып, қайта-қайта жалбарынып &nbsp;немесе шұғыл түрде ақша жіберуді талап етеді. Мұндай жағдайда адам эмоцияға беріліп, тіпті ақпаратты тексеруге тырыспайды.Жалған интернет-дүкендер және «сатылымдар»Алаяқтар шынайы интернет-дүкендерден айнымайтын сайттар жасайды. Әдеттегі схема келесідей: «қойманы жаппай сату» немесе «90%-ға дейін жеңілдіктер» туралы уәделері бар әлеуметтік желілердегі жарнама арқылы жәбірленуші кері есеп таймері бар әдемі безендірілген сайтқа кіреді, онда олар тауарды картамен төлеуді ұсынады; ақша есептен шығарылады, бірақ сәлемдеме ешқашан келмейді және сайт та көп ұзамай жоғалады. Кейде алаяқтар бірден жоғалып кетпейді және бірнеше күн бойы сатып алушылардың қырағылығын жою үшін жұмыс көрінісін сақтайды.Жеке деректерді ұрлау және аккаунттарды қолды етуАлаяқтар азаматтардың жеке деректерін: фишингтік хабарлар мен жалған сайттар арқылы, қолды болған дерекқорлардан, жалған пікіртерімдердің көмегімен, сондай-ақ әлеуметтік желілердегі ашық профильдер сияқты әр түрлі тәсілдермен жинайды. Олардың қолында жеткілікті ақпарат болған кезде, олар келесі кезеңге өтеді — жәбірленушінің аккаунттарына қол жеткізеді, иесінің бақылау мүмкіндігін өзіне қайтаруды бұғаттау үшін қолжетімділікті қалпына келтіру деректерін өзгертеді, оның атына кредиттер мен микрокредиттер ресімдейді, зат сатып алуды және кез келген басқа қаржылық &nbsp;операцияларды жасайды. Көбінесе адам бұл туралы бірнеше айдан кейін, қарыз туралы хабарламалар, кредитті төлеу талаптары немесе коллекторлардан қоңыраулар келе бастағанда ғана бірақ біледі.Инвестициялық алаяқтықЕң тиімсіз және қауіпті схемалардың бірі мессенджерде немесе әлеуметтік желіде әдеттегі танысудан басталады. Алаяқ бірте-бірте адамды өзіне қаратып, кірісі көп инвестициялар туралы әңгімелерімен бөліседі және қалай оңай және тез ақша табуға болатындығын көрсетеді. Содан кейін ол жеке кабинетте кірістің біртіндеп өсуін көрсете отырып, «аз мөлшерде инвестиция салуды» ұсынады. Адам ақшасын шығарып алуға тырысқанға дейін бәрі сенімді болып көрінеді: бұдан кейін оларға «комиссия», «салық» немесе «сақтандыру сыйлықақысын» төлеу қажеттілігі туралы хабарлайды. Осы ақшаларды аударғаннан кейін байланыс кенеттен үзіліп, «кабинетке» қолжетімділік жоғалады.Мұндай схеманың ерекше қауіпті түрі— «ұзақ уақыт араласу» деп аталады. Алаяқ бірнеше ай бойы сенімді қарым-қатынас орнатып, күнделікті қарым-қатынас жасауы, қажетті уақытта инвестиция салуды ұсынуы мүмкін. Осыған байланысты адамдар ақшаны ғана емес, сонымен бірге өз пайымдауына деген сенімділікті жоғалтады, өйткені алдау мүмкіндігінше сенімді көрінеді.Маркетплейстер мен QR-кодтарды ауыстыру арқылы алдауАлаяқтар онлайн-төлемдер мен аударымдар кезінде адамдарды алдау үшін әр түрлі әдістерді қолданады. Олар жалған «төлемге» сілтемелер жібереді, жалған төлемдер туралы хабарламаларды көрсетеді және «қате аударылған ақшаны» қайтаруды сұрайды. Көбінесе шабуылдаушылар сатушылардың немесе сатып алушылардың шоттарын ұрлап, сенімділікті арттыру үшін олардың атынан әрекет етеді. Сонымен қатар, кафелерде, автотұрақтарда немесе қайырымдылық жинақтарында QR-кодтарды ауыстыру тәсілі қолданылады: адам кодты сканерлейді, ал кодты ауыстыру алаяқтың шотына немесе фишингтік сайтқа апарады, әрі қарай алаяқ қаражатты немесе жеке деректерді ұрлайды.Дропперлер мен «ақша будандары»Дропперлермен немесе «ақша будандары» деп аталатын схема адамдарға қарапайым әрі қауіпсіз жұмысқа қатысуға ұсыныс жасауға негізделген. Алаяқтар оңай ақша табуға уәде беріп, «банктік картасын жалға беруді», оған аударымдарды қабылдауды немесе «компанияның жұмысы үшін» жаңа шот ашуды өтініп сұрайды. Мұның бәрі зияны жоқ техникалық көмек ретінде көрінеді – адамға олардың картасы арқылы «төлем жасау ыңғайлы» немесе «компанияға қосымша қаржы арнасы қажет» деп түсіндіріледі.Іс жүзінде мұндай операциялар ұрланған ақшаны алу және жылыстату үшін қолданылады. Көмектесуге келіскен адам іс жүзінде қылмыстық схеманың бір бөлігіне айналады. Оған қоса не болып жатқаны үшін жауапкершілік алаяқтарға емес, күмәнді аударымдар жүргізілген карта немесе шот иесіне жүктеледі. Нәтижесінде, «қосымша ақша тапқысы» келген аңқау адам заңсыз операцияларға қатысатынын білмесе де, қылмыстық істің қатысушысы болу қаупі бар.Неліктен адамдар мұндай схемаларға сеніп қалады?Себептер көбінесе технологиялармен емес, адамның эмоциясы мен дағдыларына байланысты. Көптеген адамдар аккаунтқа кіре алмай қаламын, маңызды төлемді өткізіп аламын немесе мүмкіндікті жіберіп аламын деген қорқынышпен жүреді. Басқалары тым сенгіш, оларға күлімдеп, сенімді сөйлеген соң айла-шарғы жоқ деп ойлайды. Асығыстыққа салу да маңызды: қарбаласта адамдар мән-жайын тексермейді және бірінші көрген нәрсені баса салады. Тез пайда тапқысы келудің де өз рөлін атқарады – жеңіл ақшаға уәде беру сақтықты әлсіретеді. Заманауи схемалар туралы ақпараттың жетіспеушілігі адамды одан да осал ете түседі.Нәтижесінде, алаяқтарға күрделі жүйелерді бұзудың қажеті жоқ – олар тек адам психологиясын бұзады.Өзіңізді қорғау үшін Fingramota.kz-тен қарапайым, бірақ тиімді кеңестерді орындау маңызды:Ешқашан&nbsp;ешкімге&nbsp;растау&nbsp;кодтарын,&nbsp;құпиясөздерді және картаңыздың деректерін бермеңіз — тіпті қоңырау шалушы банк қызметкері болып көрінсе де.Күдікті сілтемелерді баспаңыз және белгісіз адамдардан келген &nbsp;файлдарды ашпаңыз.Операцияларға лимиттер&nbsp;қойыңыз және күдікті белсенділікті бірден байқау үшін есептен шығару туралы хабарлау функциясын қосуды ұмытпаңыз.Кредит тарихыңызды үнемі тексеріп отырыңыз,&nbsp;онлайн сатып алу үшін бөлек карта пайдаланыңыз және ешқандай жағдайда карталарыңызды, аккаунттарыңызды немесе рұқсатты үшінші тұлғаларға бермеңіз.Маңызды! Егер сіз күдікті нәрсе байқасаңыз, картаны дереу бұғаттап, банкке хабарласыңыз. Алаяқтық фактісі расталса, eOtinish платформасы арқылы полицияға дереу өтініш беру керек.<img src="https://knadmin.beoblood.kz/uploads/2605_infografika_kaz_2_6f96cbf06b.png" alt="2605-infografika-kaz-2.png">Ең бастысы – сыни ойлауды дамытыңыз. Бұл сәйкессіздіктерді уақтылы байқауға, қысымға берілмеуге және импульсивті жауап бермеуге көмектеседі. Жағдайды неғұрлым сабырлы және саналы түрде бағаласаңыз, алаяқтардың сізді алдау мүмкіндігі де соғұрлым аз болады!Фото: fingramota.kz

2025 жылдағы интернет-алаяқтықтың кеңінен таралған түрлері: өзіңізді қалай қорғауға болады?

<a href="https://kyzylorda-news.kz/">Kyzylorda-news.kz</a> Аты аңызға айналған боксшы Геннадий Головкин әлемдік бокс Даңқ залына енген Қазақстанның алғашқы спортшысы <a href="https://kaz.inform.kz/news/gennadiy-golovkin-halikaralik-boks-dank-zalina-resmi-turde-end-00dfe6/">атанды.</a>Бұл ақпарат Халықаралық бокс Даңқ залының (IBHOF) ресми мәлімдемесінде жарияланды.<img src="https://knadmin.beoblood.kz/uploads/b0848d5a_4af0_4cf2_b53f_cc000e147375_33a46f2332.jpg" alt="b0848d5a-4af0-4cf2-b53f-cc000e147375.jpg"> Фото: Boxing Hall of Fame Салтанатты рәсім 2026 жылғы 11-14 маусым аралығында АҚШ-тың Нью-Йорк штатына қарасты Канастота қаласында өтеді.2025 жылғы дауыс беру нәтижесінде Головкинмен бірге Вернон Форрест пен Стив Коллинс те үздік тізімге ілікті. Сонымен қатар, бұған дейін алғашқы кезеңде өтпей қалған боксшылар да қарастырылған. Дауыс беруге АҚШ, Жапония, Англия, Канада, Аргентина, Австралия, Нидерланд, Германия және Мексикадан спорт журналистері мен бокс тарихшылары қатысты.Головкин Даңқ залына алғашқы кезеңде-ақ өтті. Сонымен бірге, биылғы тізімге бұрынғы әлем чемпиондары Антонио Тарвер (2024 жылдан бері үміткер) және Найджел Бенн (2017 жылдан бері үміткер) енгізіледі.Айта кетейік, әр жылдары бұл Даңқ залына Мұхаммед Әли, Майк Тайсон, Флойд Мейвезер, Мэнни Пакьяо сынды аңыздар, сондай-ақ Костя Цзю (2011), Виталий Кличко (2018) және Владимир Кличко (2021) енген.Еске салсақ, бұған дейін Геннадий Головкин World Boxing ұйымының президенті болып сайланған еді.Фото: ҰОК

Қазақстан және Қызылорда облысының жаңалықтары