<a href="https://kyzylorda-news.kz/">Kyzylorda-news.kz</a> Қызылорда медициналық жоғары колледжінде жастар арасында кең таралып бара жатқан аса қауіпті мәселелер – нашақорлық пен ойынқұмарлықтың зардаптарын ашып көрсетуге, сондай-ақ заң мен тәртіпті сақтау және мемлекеттік рәміздердің құндылығын дәріптеуге арналған ауқымды кездесу өтті.<img src="https://knadmin.beoblood.kz/uploads/Za_dyly_pen_y_ty_t_rtip_m_selesi_tal_ylandy1_4727b42dcb.jpg" alt="Заңдылық пен құқықтық тәртіп мәселесі талқыланды1.jpg">Іс-шараны Қызылорда облыстық Қазақстан халқы Ассамблеясы жанындағы Ақпараттық түсіндіру тобы ұйымдастырып, жастармен еркін пікір алмасу алаңын құрды. Басқосуға «Қоғамдық келісім және тіл орталығы» КММ бөлім басшысы, Ақпараттық түсіндіру тобының мүшесі Жанболат Досмаханов, Аналар кеңесінің төрағасы Айгүл Мұсабаева, сондай-ақ колледж студенттері мен оқытушылары қатысты.<img src="https://knadmin.beoblood.kz/uploads/Za_dyly_pen_y_ty_t_rtip_m_selesi_tal_ylandy3_b9a5e743ed.jpg" alt="Заңдылық пен құқықтық тәртіп мәселесі талқыланды3.jpg">Жиында қоғам дертіне айналған зиянды әдеттердің адам денсаулығына, психикасына, отбасылық қарым-қатынас пен болашақ мансапқа тигізетін кері әсері нақты мысалдармен түсіндірілді. Мұнымен қоса, кездесуде кез келген дамыған қоғамның берік іргетасы – заң мен тәртіп үстемдігі екеніне ерекше назар аударылды. Әрбір жас азаматтың құқықтық мәдениетті қалыптастырудағы жауапкершілігі сөз болып, мемлекеттік рәміздердің қадір-қасиеті кеңінен насихатталды.<img src="https://knadmin.beoblood.kz/uploads/Za_dyly_pen_y_ty_t_rtip_m_selesi_tal_ylandy_2873262621.jpg" alt="Заңдылық пен құқықтық тәртіп мәселесі талқыланды.jpg">Көк Туымызды, Елтаңбамыз бен Әнұранымызды қастерлеу — отаншылдық рухтың, елге деген шынайы құрмет пен ұлттық бірегейліктің басты белгісі екені айтылды.Басқосу соңында колледж ұжымы ұйымдастырушыларға алғыс білдіре отырып, мұндай кездесулердің жастарды жат қылықтардан сақтандыруда, бойына патриоттық сезім ұялатуда тәрбиелік және алдын алу маңызы өте зор екенін жеткізді.

Заңдылық пен құқықтық тәртіп мәселесі талқыланды

<a href="https://kyzylorda-news.kz/">Kyzylorda-news.kz</a> Кеше Сырдария ауданының әкімі Берік Сәрменбаевтың қатысуымен «Жалын» тынығу лагерінің жазғы маусымының ашылу салтанаты өтті. Іс-шараға аудандық мәслихат төрағасы Ержан Әжікенов, облыстық мәслихат депутаты Жұмабек Ембергенов, аудандық ардагерлер кеңесінің төрағасы Мұса Келдібаев, зиялы қауым өкілдері, ұстаздар мен оқушылар қатысты.<img src="https://knadmin.beoblood.kz/uploads/Zhalyn_sauy_tyru_lagerini_zhaz_y_mausymy_ashyldy_546009dc6c.jpg" alt="«Жалын» сауықтыру лагерінің жазғы маусымы ашылды.jpg">Салтанатты жиында аудан басшысы жиналған қауымды лагерьдің басталуымен құттықтап, өскелең ұрпақтың сапалы демалысын ұйымдастыру мен олардың жан-жақты дамуына қолайлы жағдай жасау маңызды бағыттардың бірі екенін атап өтті.<blockquote>– Мемлекет басшысы Қасым-Жомарт Кемелұлы Тоқаев өскелең ұрпақтың жақсы өмір сүруі мемлекеттің басты міндеті екенін атап көрсетті. Сондықтан елімізде балаларға барлық жағдай жасалып келеді. Бүгінде білім беру саласын дамыту, мектептердің материалдық-техникалық базасын жақсарту, заманауи технологияларды енгізу, балалар спорты мен шығармашылығын қолдау бағытында нақты нәтижелерге қол жеткізілуде. Мемлекет басшысының тапсырмасымен өңірімізде жаңа білім беру нысандары бой көтеріп, заманауи мектептер мен балабақшалар ашылуда. Соңғы жылдары аймағымызда білім беру саласында ауқымды жобалар жүзеге асырылып, 45 жаңа заманауи білім беру нысаны ел игілігіне берілді. Президентіміздің бастамасымен облысымызда «Келешек мектептері», физика-математика бағытындағы «Білім-инновация» лицей-интернаты, музыкалық колледждің жаңа оқу ғимараты, «Оқушылар сарайы» «Сыр жұлдыздары» академиясы және «Ай-Керім» оқу-сауықтыру орталығы, ботаникалық бақ ашылды. Бұл – балалардың болашағын жарқын етудегі нақты жұмыстар. Жазғы маусымда балалардың демалысын ұтымды ұйымдастыру үшін аудан орталығындағы «Жалын» тынығу лагерінде 791 бала, мектеп жанындағы лагерьлерде 3306 бала қамтылады. «Жалын» тынығу лагерінде уақыттарыңды көңілді өткізу үшін мәдени-спорттық, танымдық іс-шаралар ұйымдастырылатын болады. Мұның барлығы Сіздердің бос уақыттарыңызды тиімді ұйымдастырып, жақсы демалуларыңызға мүмкіндік береді, – деді Берік Әбдіғаппарұлы.</blockquote>Мерекелік іс-шара тынығушылардың қатысуымен ұйымдастырылған концерттік бағдарламаға ұласты.Фото: Сырдария ауданы әкімінің баспасөз қызметі

«Жалын» сауықтыру лагерінің жазғы маусымы ашылды

<a href="https://kyzylorda-news.kz/">Kyzylorda-news.kz</a> Облыс прокуратурасының ұйымдастыруымен облыс прокуроры Ризабек Ожаровтың төрағалығымен, облыс әкімінің орынбасары Ардақ Зебешев,мүдделі мемлекеттік органдар, оның ішінде Әділет департаменті мен жеке сот орындаушылардың өңірлік палатасы басшылары мен өкілдерінің қатысуымен алимент өндіру мәселелері бойынша көшпелі алқа мәжілісі өткізілді.Жиында балалардың құқықтарын қорғау, алимент өндірудің тиімділігін арттыру және қаскөй борышкерлерге қатысты заңмен көзделген шараларды күшейту мәселелері талқыланды.Прокуратурамен жүргізілген талдау нәтижесінде алимент өндіру саласында қайталанатын жүйелі бұзушылықтар анықталды.Атап айтқанда, 500-ден астам алимент өндіру туралы өндіріс атқарушылық іс қозғау қаулысын қабылдаумен ғана шектеліп, әрі қарай тиісті жұмыстар жүргізілмеген.12 борышкердің жалақысына өндіру қолданылмаған, 45 борышкердің мүлкі мен есепшоттарына шектеу қойылмаған, 362 борышкерге шетелге шығуына тыйым салу шаралары қабылданбаған.Мәселен, Байқоңыр қаласының сот орындаушысы шетелге шығуға шектеу қоймауынан миллион теңге қарызы бар борышкер бірнеше рет Өзбекстан еліне барып келген.Бұған қоса екі жылдан бері меншігіндегі шетел автокөліктерінен борышкердің 2 млн теңге берешегін өндіруге әрекеттенбеген.Сондай-ақ, борышкерлерді әкімшілік және қылмыстық жауаптылыққа тарту бағытындағы жұмыстардың жеткіліксіздігі, ал Әділет департаменті тарапынан жүргізілген мемлекеттік бақылаудың нәтижелілігі төмен екендігі атап өтілді.Жиын барысында Бас Прокурордың қасақана жалтарған борышкерлерді әкімшілік және қылмыстық жауаптылыққа тарту тәртібі туралы Нұсқауы түсіндіріліп, аталған қадағалау актісіне сәйкес әзірленген бірлескен іс-қимыл жоспары мен жұмыс алгоритмі талқыланды.Алқа мәжілісінің қорытындысымен уәкілетті органдарға нақты тапсырмалар беріліп, алимент өндіру жұмыстарын күшейту, борышкерлерге қатысты заң талаптарын мүлтіксіз қолдану және азаматтардың өтініштеріне жедел ден қою тапсырылды.Фото: freepik.com

Қызылордада алимент өндіру мәселесі бойынша алқа отырысы өтті

<a href="https://kyzylorda-news.kz/">Kyzylorda-news.kz</a>&nbsp; Қармақшы ауданы әкімі Жандос Еркінбек Жосалы кентіндегі бірқатар нысандарды аралап, тұрғындардың әлеуметтік мәселелерін зерделеді.Алдымен аудан басшысы «Сұлтан» және «Ұлар» сауда орындарына барып, әлеуметтік маңызы бар азық-түлік тауарларының бағаларын бақылады. Кәсіпкерлермен кездесуде:<blockquote>«Ел де, жер де ата-бабамыздан қалған аманат. Туған жеріміздің тұрғындарына жанашырлық танытып, сапалы қызмет көрсету – баршамызға ортақ міндет. Сондықтан халық тұтынатын азық-түлік бағасын тұрақты бақылауда ұстап, тұрғындардың мүддесіне жауапкершілікпен қарау қажет», – деп халықты сапалы әрі қолжетімді өніммен қамтамасыз ету қажет екенін айтты.</blockquote>Сондай-ақ Тайшық би көшесіндегі жаяу жүргіншілер жолының жай-күйі бақыланып, абаттандыру және күтіп ұстау жұмыстарының сапасына ерекше назар аударылды.Мұнан соң аудан басшысы жақында оқыс оқиға орын алған тұрғын үй иелерімен кездесіп, отбасының қазіргі жағдайын білді. Бүгінгі таңда зардап шеккен отбасыға уақытша баспана ұсынылып, қолданыстағы заңнама аясында қажетті әлеуметтік көмек көрсетіліп жатыр. Жандос Еркінбек отбасы мүшелеріне қолдау көрсетіп, көмек қажет болғанда жауапты сала басшыларына тиісті жұмыстарды тұрақты бақылауда ұстауды тапсырды.Аралау барысында Нұржігіт Нақыпов көшесінің бойындағы жаңадан салынатын тұрғын үйлерге бөлінген жер учаскелері де назардан тыс қалмады. Жауапты мамандар құрылыс жоспарлары бойынша ақпарат беріп, алдағы жұмыстардың барысын баяндады.Жалпы Жандос Еркінбек халықтың тұрмыс сапасын арттырып, қолайлы орта қалыптастыру - ең басты бағыт екенін үнемі айтып келеді. Сондықтан барлық жұмыстардың жүйелі әрі сапалы жүзеге асырылуы тұрақты бақылауда болатынын ескертті.Фото: Қармақшы ауданы әкімінің баспасөз қызметі&nbsp;

Аудан әкімі Жосалы кентіндегі нысандарды аралады

<a href="https://kyzylorda-news.kz/">Kyzylorda-news.kz</a> Жаңақорған ауданында пробация қызметінің есебінде тұрған азаматтарды кәсіпкерлікке баулу және олардың жеке кәсіп ашуға деген қызығушылығын арттыру мақсатында арнайы танымдық экскурсия ұйымдастырылды.Іс-шара Жаңақорған ауданының жұмыспен қамту және әлеуметтік бағдарламалар бөлімінің тапсырысы бойынша "Сұңқар" әлеуметтік-құқықтық орталығы" қоғамдық қоры жүзеге асырып жатқан "Өмірлік қиын жағдайда жүрген тұлғаларға әлеуметтік-құқықтық көмек ұйымдастыру" әлеуметтік жобасы аясында өткізілді.&nbsp;Экскурсия барысында қатысушылар Түркістан облысындағы ірі өндіріс орындарының бірі – "Turkistan Textile" ЖШС тігін фабрикасы мен "Grand Miks" ЖШС кеңсе жиһаздарын өндіру кәсіпорнының қызметімен танысты. Олар өндіріс үдерісін өз көздерімен көріп, кәсіпорындардың жұмыс тәжірибесі мен даму жолдары туралы жан-жақты мәлімет алды. Шара аясында қатысушылар мен кәсіпорын басшылары арасында еркін форматта пікір алмасу ұйымдастырылды. Кәсіпкерлер өздерінің еңбек жолы, бизнесті бастау және дамыту тәжірибелері туралы айтып, қойылған сұрақтарға жауап берді.&nbsp;Іс-шараға Жаңақорған ауданының жұмыспен қамту және әлеуметтік бағдарламалар бөлімінің басшылығы мен мамандары, пробация қызметінің өкілдері, "Түркістан индустриалды аймақтардың басқарушы компаниясы" ЖШС қызметкерлері және кәсіпорын жетекшілері қатысты. Сонымен қатар экскурсияға қатысушылар Түркістан облысындағы бірқатар туристік нысандарды аралап, өңірдің тарихи-мәдени мұрасымен танысуға мүмкіндік алды.&nbsp;Жаңақорған аудандық пробация қызметінің бастығы Анарбек Искаковтың айтуынша, бүгінде пробация есебінде тұрған азаматтардың арасында кәсіпкерлікпен табысты айналысып жүргендер бар.&nbsp;<blockquote>– Қазіргі уақытта есептегі екі азаматтың бірі ағаш өңдеу кәсібін жүргізсе, екіншісі мал шаруашылығын дамытып келеді. Ал бұл іс-шараның нәтижесінде тағы үш азамат жеке кәсіп ашуға ниет білдіріп, мемлекеттік қолдау тетіктерін пайдалана отырып, өз ісін бастауға қызығушылық танытты, – деді ол.&nbsp;</blockquote>Мұндай іс-шаралар пробация есебіндегі азаматтардың қоғамға бейімделуіне, еңбекке деген ынтасын арттыруға және олардың жаңа мүмкіндіктерге жол ашуына оң ықпал етуде.

Қызылордада пробация есебіндегі азаматтар өндіріс орындарының жұмысымен танысты

<a href="https://kyzylorda-news.kz/">Kyzylorda-news.kz</a> «AMANAT» партиясы Қызылорда облыстық филиалының төрағасы Базартай Жандос Нұртайұлы Сырдария ауданына жұмыс сапары барысында Бесарық ауылында орналасқан «Абай-Дәулет» серіктестігі жанынан жаңа бастауыш партия ұйымын құрды.Іс-шараға «AMANAT» партиясы Сырдария аудандық филиалының төрағасы, аудандық мәслихат төрағасы Ержан Әжікенов, «Абай-Дәулет» серіктестігінің директоры Мұрат Сәрсенбаев, аудандық филиалдың атқарушы хатшысы Ақтөре Ибрагимұлы, аудандық мәслихат депутаты Гүлнұр Тлеубергенова қатысты.Кездесу барысында бастауыш партия ұйымының алдағы жоспарлары және партиялық жобаларды жүзеге асыру бағытындағы жұмыстар таныстырылды.Серіктестік мүшелері ауылдың әлеуметтік-экономикалық дамуына қатысты өз ұсыныстарын ортаға салып, партиялық жобалардың тиімділігі жөнінде пікір алмасты.Жандос Нұртайұлы өз сөзінде бастауыш партия ұйымдарының партия жұмысындағы рөліне тоқталып өтті.<blockquote>«Бастауыш партия ұйымдары – партияның халықпен байланысын нығайтатын негізгі буын. Әрбір бастауыш партия ұйымы тұрғындардың ұсыныс-пікірлерін жинақтап, өзекті мәселелердің шешілуіне ықпал етуі тиіс. Бүгінде «AMANAT» партиясы азаматтардың әл-ауқатын арттыруға бағытталған нақты жобаларды жүзеге асырып келеді. Осы жұмыстардың нәтижелі болуы бастауыш партия ұйымдарының белсенділігіне де тікелей байланысты. Сондықтан жаңа құрылған ұйымның алдағы қызметіне үлкен сенім артамыз», – деді партияның облыстық филиалының төрағасы.</blockquote>Кездесу барысында қатысушыларға партияның сайлауалды бағдарламасының орындалу барысы, «Ауыл аманаты», «Жер аманаты», «Қарызсыз қоғам», «Ардагерлерді ардақтайық» және өзге де партиялық жобалардың жүзеге асырылу нәтижелері туралы ақпарат берілді.Өз кезегінде серіктестік директоры Мұрат Сәрсенбаев ауыл шаруашылығы саласында еңбек етіп жүрген ұжымның партия бастамаларын қолдайтынын атап өтті. Оның айтуынша, партиялық жобалар ауыл тұрғындарының тұрмыс сапасын жақсартуға, кәсіпкерлікті дамытуға және жаңа жұмыс орындарын ашуға оң ықпалын тигізуде.Жиын барысында бастауыш партия ұйымының мүшелері қоғамдық-саяси жұмыстарға белсенді қатысуға дайын екендіктерін білдіріп, елдің дамуына бағытталған бастамаларды жүзеге асыруға өз үлестерін қосатындарын жеткізді.Кездесу соңында облыстық филиал төрағасы бастауыш партия ұйымының мүшелерімен еркін ой алмасып, ұйым жұмысын жетілдіру бағытындағы ұысынстарын тыңдады. Сондай-ақ бастауыш партия ұйымының алдағы жұмысына сәттілік тілеп, партияның негізгі мақсаты халықтың мүддесіне қызмет ету екенін атап өтті.Төраға кездесу соңында бірқатар азаматқа партиялық билет және Алғыс хат табысталды.

Абай-Дәулет» серіктестігінен бастауыш партия ұйымы құрылды

<a href="https://kyzylorda-news.kz/">Kyzylorda-news.kz</a> Арал ауданының әкімі Аманжол Оңғарбаев кезекті жұмыс сапарымен Қарақұм ауылдық округіне барды.Кезекті іссапарда аудандық мәслихаттың төрағасы Базарбай Төрахметов, аудан прокуроры Дарын Әбіш, аудандық аурухананың бас дәрігері Бауыржан Қуанышбаев және коммуналдық сала басшылары болды.Аудан басшысы алдымен Абай ауылындағы су айдау насосты станциясында болып, әлеуметтік нысанның қазіргі жай-күйін зерделеді. Аудан басшысы нысан басында құрылыс жұмыстарын жүргізген «Сапа құрылысы 2007» ЖШС өкілдерімен кездесіп, бірқатар мәселелерді талқылады.Қазіргі таңда насос станциясының құрылыс жұмыстары толық аяқталған. Ауылішілік ауыз су желісі бірнеше мәрте химиялық тазалаудан өткізіліп, үйді-үйге арнайы ауыз су шүмектері арқылы су жеткізіле бастаған.<img src="https://knadmin.beoblood.kz/uploads/Aral_audanyny_kimi_kezekti_zh_mys_saparymen_ara_m_auyldy_okrugine_bardy_fa1bebdd69.jpg" alt="Арал ауданының әкімі кезекті жұмыс сапарымен Қарақұм ауылдық округіне барды.jpg">Аудан әкімі Аманжол Сақыпұлы мұнан соң халықпен жүздесіп, елімізде Мемлекет басшысы Қасым-Жомарт Тоқаевтың бастамасымен жүзеге асырылып жатқан ауқымды реформаларға тоқталып, өңірімізде облыс әкімі Мұрат Ергешбаевтың басшылығымен бүгінгі таңда қолға алынып жатқан жобалар туралы кеңінен баяндады. Сондай-ақ аудан көлемінде халықтың әл-ауқатын арттыру бағытында жүзеге асырылып жатқан жұмыстар мен әр саладағы жетістіктерді атап өтті.Ауылдағы өзекті мәселелер де аудан әкімінің назарынан тыс қалған жоқ. Кейбір түйткілдердің кезең-кезеңімен шешімін тауып келе жатқанын айтып, тұрғындар тарапынан түскен өтініштердің барлығы заңдылыққа сай қаралып, оларды шешу бағытында жұмыстар жүргізілетінін жеткізді.Ауыл тұрғындары тарапынан ауылға тартылып жатқан ауыз су мен уақыт өткен сайын сапасы төмендеп бара жатқан тас жол мәселесі басты назарға алынды. Тұрғындар ауыр салмақты жүк көліктерінің жүруіне шектеу қою мәселесін көтерді.Аудан әкімі ел көтерген мәселенің қайсыбірі болсын орынды екенін айтып, оларды шешу бағытында жұмыс жүргізілетінін жеткізді.Аудан басшысы Аманжол Сақыпұлы жұмыс сапары барысында Ерімбетжаға елді мекеніне де барды.Ауыл тұрғындарымен кездесіп, өңірде жүзеге асырылып жатқан жобалар мен алдағы міндеттер туралы айтып, елге ортақ мәселелерден хабардар екенін жеткізді.Кездесуде тұрғындар аудан әкімінің жұмысына сәттілік тілеп, бірқатар ұсыныс-тілектерін жеткізді. Ауылға қатынайтын автомобиль жолын жөндеу, жедел жәрдем көлігін қарастыру және дәрігер маман тапшылығы мәселелері тұрғындар тарапынан көтерілді.Аудан басшысы елге ортақ мәселенің қайсыбірі болсын назардан тыс қалмайтынын айтып, тұрғындар тілегі ескерілетінін жеткізді.Ауыл тұрғындарымен болған кездесуде аудан прокуроры Дарын Елтайұлы мал ұрлығының алдын алу және интернет-алаяқтықтан сақтану мәселелері жайында кеңінен түсіндіріп, тұрғындарды алаяқтардың құрған тұзағына түсіп қалмауға шақырды.Фото: Аудан әкімдігінің баспасөз қызметі

Арал ауданының әкімі кезекті жұмыс сапарымен Қарақұм ауылдық округіне барды

<a href="https://kyzylorda-news.kz/">Kyzylorda-news.kz</a> Қазақстан қор биржасындағы (KASE) сауда-саттық қорытындысы бойынша доллар бағамы арзандады, – деп хабарлайды <a href="https://kaz.inform.kz/news/brneshe-kun-kimbattagan-dollar-kayta-arzandadi-df0a0f0b">Қазақпарат.</a>Күндізгі сауда-саттық қорытындысы бойынша доллардың орташа бағамы 3,44 теңгеге түсіп, 489,31 теңге болды. Ұлттық банктің ресми бағамы — 493,15 теңге.Kurs.kz мәліметіне сәйкес, елорданың ақша айырбастау орындарында:<ul><li style="text-align:justify;">доллар 486,99 теңгеден сатып алынады, 493,99 теңгеден сатылады;</li><li style="text-align:justify;">еуро: сатып алу&nbsp;— 565,00 теңге, сату&nbsp;— 575,01 теңге;</li><li style="text-align:justify;">рубль: сатып алу&nbsp;— 6,40 теңге, сату&nbsp;— 6,70 теңге.</li><li style="text-align:justify;">юань: сатып алу&nbsp;— 68,51 теңге, сату&nbsp;— 73,67 теңге.</li></ul>Алматының ақша айырбастау пункттерінде доллар орта есеппен 488,54 теңгеден сатып алынады, 491,16 теңгеден сатылады. Еуро 567,77&nbsp;— 573,06 теңге, ал&nbsp;рубль 6,47&nbsp;— 6,61 теңге аралығында саудаланады. Ал&nbsp;юань 69,77 теңгеден сатып алынады, 72,41 теңгеден сатылады.Фото: freepik.com

Бірнеше күн қымбаттаған доллар қайта арзандады

<a href="https://kyzylorda-news.kz/">Kyzylorda-news.kz</a> Қазақстанда мектеп бітіру кештерінің тым салтанатты форматқа айналуы қоғамда қызу талқыланып жатыр. Өңірлерде түлектердің кортеж ұйымдастыруы, қымбат сыйлықтар мен ауқымды мерекелер өткізуі әлеуметтік желілерде кеңінен тарады. Бұл туралы Stan.kz ақпарат агенттігі хабарлайды.Осыған байланысты мәжіліс депутаты Ирина Смирнова мектеп бітіру кешін өткізуге қатысты қатаң ескеру білдіріп, оқу орындарын мұндай шаралардан бас тартуға шақырды.Депутаттың айтуынша, мектептің негізгі міндеті білім беру, ал аттестат табыстаудан кейінгі салтанатты жиындар оқу орнының жауапкершілігіне кірмеуге тиіс.“Аттестат берілген соң қол алып, алғыс айтып қоштасу керек. Қалғаны әр отбасының жеке таңдауы” деген пікірлері бұған дейін де қоғамда талқыланған.Әлеуметтік желілерде тараған видеоларда мектеп түлектерінің премиум санаттағы автокортеж ұйымдастырып, қымбат лимузиндер жалдағаны, сондай-ақ салтанатты кештер өткізгені анық көрсетілген. Кей жағдайларда балабақша деңгейіндегі бітіру рәсімдерінде де осындай сән-салтанатпен жасалған.Мәселен, Ақтау және Жаңаөзен қалаларында 11-сынып түлектерінің бірнеше люкс автокөліктерімен &nbsp;кортеж жасаған видео тарады. Ал Астанадағы жекеменшік балабақшалардың бірінде бүлдіршіндерге арналған кешке лимузин шақырғаны айтылды. Ал Шымкентте, бір түлекке 1001 раушан гүлінен құралған сыйлық берілген жағдай да қоғам назарынан тыс қалмады.Тіпті Алматыда полиция жол қозғалысына қауіп төндірген түлектер кортежін тоқтатуға мәжбүр болған. Мұндай көріністер әлеуметтік желілерде кең таралып, қоғамда пікір екіге жарылды. Бір бөлігі мұны дәстүрлі қуаныш деп санаса, енді бір бөлігі орынсыз шығын мен әлеуметтік теңсіздіктің көрінісі ретінде бағалап жатыр.Оқу-ағарту министрлігі бұған дейін білім беру ұйымдарында бітіру кештерін мейрамханаларда, банкет залдарында және басқа да ойын-сауық орындарында өткізуге болмайтынын, сондай-ақ ата-аналардан ақша жинауға тыйым салынатынын ескерткен еді. Соған қарамастан, әлеуметтік желілерде тараған деректер кейбір мектептер бұл талаптарды елемей отырғанын көрсетеді.Бұл жағдай білім беру ұйымдарындағы тәрбие жұмысының әлсіреуін және оқушылар арасында сән-салтанатқа ұмтылулары тым шектен шығуда &nbsp;дейді мамандар.Фото: Stan.kz | ЖИ көмегімен жасалған

Лимузин, кортеж және 1001 роза: Депутат мектеп бітіру кештеріне шүйлікті

<a href="https://kyzylorda-news.kz/">Kyzylorda-news.kz</a> Облыс әкімі Мұрат Ергешбаев «Қазгермұнай» БК» ЖШС өкілдерімен кездесті. Кездесуде өңірдің мұнай-газ саласын дамыту, әлеуметтік жобаларды жүзеге асыру мәселелері талқыланды.Аймақ басшысы компанияның және оның еншілес ұйымдарының облыстың әлеуметтік-экономикалық дамуындағы өзіндік орнын ерекше атап өтті.<blockquote>«ҚазМұнайГаз» акционерлік қоғамы Қызылорда облысында бірқатар ауқымды жұмысты жүзеге асырып, өңірдің әлеуметтік-экономикалық дамуына зор үлес қосып келеді. Алдағы уақытта да тиімді әріптестік негізінде маңызды жобаларды бірлесіп іске асырып, ынтымақтастығымызды одан әрі нығайтамыз деп сенемін, – деді Мұрат Нәлқожаұлы.</blockquote>Кездесуде компанияның әлеуметтік жауапкершілік аясында атқарған жұмыстары жоғары бағаланды. Атап айтқанда, «Қазгермұнайдың» демеушілігімен 2,5 млрд теңгеге салынған «Оқушылар сарайы» бүгінде балалар игілігіне қызмет етуде.Бұдан бөлек, мұнай-газ саласындағы инфрақұрылымдық жобалар жайы талқыланды. 2022 жылы өңірдегі ірі мұнай компаниялары мен Энергетика министрлігі арасында «Қазгермұнай» компаниясының «Оңтүстік Ақсай» кен орнындағы шикі газ өңдеу зауытына дейін газ құбырын жеткізу жөніндегі меморандумға қол қойылған болатын.&nbsp;Қазір «Казпетрол Груп» және «Тұзкөл Мұнайгаз Оперейтинг» серіктестіктері құбыр құрылысын аяқтап, газ жеткізуді бастаған. Бұл өңделетін газ көлемін арттырып, өңір экономикасының дамуына оң әсерін тигізеді.

Өңірдің мұнай-газ саласындағы мәселелері талқыланды

<a href="https://kyzylorda-news.kz/">Kyzylorda-news.kz</a> «AMANAT» партиясы Қызылорда облыстық филиалының төрағасы Жандос Базартай Жалағаш ауданына жұмыс сапары аясында партияның «Ұлттық мұра» жобасы шеңберінде ұйымдастырылған «Әке көрген оқ жонар, ана көрген тон пішер» тақырыбындағы танымдық іс-шараға қатысты.Ақтерек жазғы тынығу лагерінде өткен шараға лагерь тынығушылары мен олардың ата-аналары қатысып, ұлттық құндылықтарды ұлықтауға бағытталған бірқатар көрмелер мен шеберлік алаңдарын көпшілік назарына ұсынды.Іс-шара барысында партияның облыстық филиалының төрағасы балалардың өз қолдарымен жасаған ұлттық бұйымдары мен шығармашылық жұмыстарынан құралған көрмені тамашалап, жас ұрпақтың ұлттық өнер мен дәстүрге деген қызығушылығына жоғары баға берді. Сонымен қатар, партияның «Кітап-AMANAT» жобасы аясында ұйымдастырылған кітап оқу бұрышымен танысып, балалардың бос уақытын тиімді пайдалану мен кітап оқуға деген ынтасын арттыру бағытындағы жұмыстардың маңыздылығына тоқталды.Іс-шара аясында ұлттық тәрбиені дәріптейтін көптеген көріністер ұсынылды. Ұл балалар атқа міну мәдениетін, ат әбзелдерін жасау өнерін көрсетсе, қыз балалар тоқыма тоқу, ұршық иіру, құрақ құрау секілді қазақ қыздарына тән қолөнер түрлерін насихаттады. Сондай-ақ, аналар мен қыздар бірлесе отырып қамыр жаю, нан көму, бауырсақ кесу және оны қуыру дәстүрлерін көрсетті. Әкелер мен ұлдардың бірлескен жұмыстары да көпшіліктің қызығушылығын тудырды.Іс-шара барысында ұлттық ойындар ойнатылып, қатысушылар халқымыздың салт-дәстүрі мен мәдени мұрасын дәріптейтін түрлі танымдық бағдарламаларға белсенді қатысты.<blockquote>«Ұлттық құндылықтар – ұлттың рухани тірегі. Баланың бойына ұлттық тәрбие отбасынан, ата-ананың өнегесінен дариды. Бүгінгі шарада әке мен ананың бала тәрбиесіндегі рөлі, ұлттық мұраны ұрпақтан-ұрпаққа жеткізудегі жауапкершілігі айқын көрініс тапты. Осындай тағылымды бастамалар арқылы біз ұлттық болмысымызды сақтап қана қоймай, жас ұрпақтың санасына ата дәстүрді сіңіре аламыз. Ұлттық мұраны ұлықтау – келешекке салынған ең құнды инвестиция», – деді төраға Жандос Базартай.</blockquote>Іс-шара соңында лагерьде тынығып жатқан барлық балаларға арнайы сыйлықтар табысталды. Мазмұны терең, тәрбиелік мәні зор шара ата-ана мен бала арасындағы байланысты нығайтып, өскелең ұрпақтың бойына ұлттық рух пен отансүйгіштік қасиеттерді сіңіруге бағытталған маңызды алаңға айналды.

Жалағаш ауданында ұлттық құндылықтарды ұлықтауға бағытталған көрме мен шеберлік алаңы ұйымдастырылды

<a href="https://kyzylorda-news.kz/">Kyzylorda-news.kz</a> &nbsp;Қазақстан және Кипр президенттері шағын құрамда келіссөз жүргізді, – деп хабарлайды Ақорда.<blockquote>– 2019 жылы Сыртқы істер министрі лауазымын атқарып жүргеніңізде елімізге келіп, Қазақстанның Еуропа Одағындағы сенімді досы әрі қолдаушысы ретінде әрекет ететініңізді мәлімдеген едіңіз. Бүгінде біз айтарлықтай нәтижеге қол жеткіздік деп сеніммен айтуға болады. Мемлекеттеріміздің астаналарында елшіліктерімізді аштық. Екі ел арасында тікелей әуе рейсі іске қосылды, басқа да бірқатар маңызды жоба жүзеге асырылды. Дегенмен екіжақты ықпалдастықты кеңейту үшін әлеуетіміз жеткілікті деп ойлаймын. Өз тарапымнан көптеген бағытта ынтымақтастығымызды одан әрі дамытуға күш салуға дайынмын, – деді Қасым-Жомарт Тоқаев.</blockquote>Келіссөз жүргізу барысында ынтымақтастықты дамыту жұмыстарын да талқылады.<blockquote>– Сіздің еліңізге Кипрден тікелей қатынайтын алғашқы рейс арқылы іскерлік делегация өкілдерімен бірге ұшып келгеніме өте қуаныштымын. Елдеріміздің әлеуеті мол. Бүгінгі келіссөздер өзара ынтымақтастықты арттыруға септігін тигізеді деп санаймын. Сондай-ақ Қазақстанға басқа лауазымда келіп отырмын. Қазіргі уақытта еліміз Еуропа Одағы Кеңесіне төрағалық етіп жатыр. Аталған өңірдің маңызын және Қазақстанның ерекшеліктерін ескере отырып, Еуропа Одағы мен Қазақстан арасындағы ықпалдастықты одан әрі ілгерілету жолдарын талқылауға әзірмін, – деді Никос Христодулидис.</blockquote>

Қазақстан және Қызылорда облысының жаңалықтары