<a href="https://kyzylorda-news.kz/">Kyzylorda-news.kz</a> Шуақты көктемнің ерекше мерекесі 8 наурыз – Халықаралық әйелдер күні мерекесі қарсаңында қазалылық ардақты аналар мен аяулы аруларды ерекше құрметке бөленді. &nbsp;Мерекеге орай Роза Бағланова атындағы Қазалы аудандық мәдениет үйінде «Әйелмен әлем әдемі» атты мерекелік кеш өтті. Мерекелік шараның шымылдығы нәзік жандылардың құрметіне арналған ерекше қойылыммен басталды.Салтанатты шарада аудан әкімі Мейрамбек Шермағанбет сөз алып, барша аудандағы аналар мен әйелдерді, қыз-келіншектер қауымын төл мерекелерімен құттықтады.<blockquote>«Бұл күн асыл ананы, сүйікті жарды, қадірлі қарындасты мейірімге бөлейтін ерекше мереке. Елдің жүгін ер-азаматтармен бірдей арқалап, сан түрлі салада табысты еңбек етіп, тұрақтылықты нығайтуға, елдігімізді баянды етуге бірегей үлес қосып келесіздер. Бейбіт тірлік пен берекелі бірліктің ұйытқысы болып отырған ардақты аналарымызға, апа-қарындастарымызға, барша қыз-келіншектерге шынайы ризашылығымды білдіремін», - деді аудан басшысы Мейрамбек Шермағанбет.&nbsp;</blockquote>Шара барысында аудан әкімі түрлі салада жемісті еңбек етіп жүрген аналар қауымына облыс және аудан әкімінің «Алғыс хатын» табыстады. Сонымен қатар білім саласының ардагері Данагүл Сабырбаеваға, Қазалы аудандық Ұлттық сараптама орталығының зертханашысы Сақып Қуатбайқызына және аудандық Төтенше жағдайлар бөлімінің радиотелефонисті, азаматтық қорғау кіші сержанты Айнұр Тыныштықбайқызына аудан әкімінің «Құрмет грамотасы» табысталды.Мерекелік шарада көп балалы аналарға «Алтын алқа» мен «Күміс алқа» төсбелгілері табысталып, алтын құрсақты жандарға құрмет бөленді.Мерекелік шара әрі қарай ерекше концерттік бағдарламаға ұласып, айтылған ізгі тілектер мен шырқалған әннің бәрі дерлік асыл ана, адал жар, аяулы апа-қарындастарға арналып, әйелдер қауымын үлкен қуаныш шаттыққа бөледі.Шара соңында барлық аналар мен қыз-келіншектерге мерекелік арнайы сыйлықтар мен гүл шоқтары таратылып, құрмет көрсетілді.Фото: Қазалы ауданы әкімінің баспасөз қызметі

Әйелмен әлем әдемі

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаевтың төрағалығымен өткен мәжілісте әріптестері Қызылорда облысының табиғи ресурстар және табиғат пайдалануды реттеу басқармасының басшысы лауазымын атқарған Серік Сермағамбетовті жаңа қызметке шығарып салды. Жиынға облыс әкімінің орынбасарлары, басқарма басшылары, облыстық мәслихат депутаттары қатысты.Аймақ басшысы Серік Сағитжанұлының адал қызметі мен көпжылдық еңбек тәжірибесін атап өтіп, оған алғыс білдірді.<blockquote>«Серік Сағитжанұлын барлығыңыз жақсы білесіздер. Еңбек жолын 1988 жылы Балық шаруашылығы министрлігінің материалдық-техникалық жабдықтау орталық базасында бас экономист болып бастаған. Қызылорда қаласы әкімі аппаратының басшысы, Шиелі ауданы әкімінің орынбасары, кәсіпкерлік және өнеркәсіп басқармасының басшысы лауазымдарында нәтижелі қызмет етті. Жалағаш ауданының әкімі, «Байқоңыр» әлеуметтік-кәсіпкерлік корпорациясы» ҰК» АҚ басқарма төрағасының орынбасары, жұмылдыру дайындығы басқармасының басшысы, «Қызылорда облыстық кәсіподақтар орталығы» аумақтық кәсіподақтар бірлестігінің төрағасы қызметтерін абыроймен атқарды. Арал ауданын 3 жылға жуық уақыт басқарып, әлеуметтік-экономикалық дамуына үлес қосты. Табиғи ресурстар және табиғат пайдалануды реттеу басқармасының басшысы ретінде бір жылдан астам уақыттың ішінде ауқымды жобалардың жүзеге асырылуын қамтамасыз етті. Серік Сағитжанұлы мемлекеттік қызметтің барлық сатысынан өтті, қай қызметте болмасын өзін білікті басшы, мықты ұйымдастырушы, жанашыр азамат ретінде танытты. Жаңа қызметіңізге табыс, зор денсаулық, отбасыңызға амандық тілеймін», – деді Нұрлыбек Машбекұлы.</blockquote>Мәжілісте өңірдің әлеуметтік-экономикалық дамуы жолындағы еңбегі үшін Серік Сағитжанұлына Сыр жұртшылығы атынан Қызылорда облысының Құрмет грамотасы табысталды.Актив отырысында облыстық мәслихат төрағасы Мұрат Тілеуімбетов, облыстық ардагерлер кеңесінің төрағасы Серік Дүйсенбаев ізгі тілегін жеткізді. Өз кезегінде Серік Сермағанбетов көрсетілген құрмет үшін әріптестеріне ризашылығын білдірді.Фото: Қызылорда облысы әкімінің баспасөз қызметі

Жаңа қызметке шығарып салды

<a href="https://kyzylorda-news.kz/">Kyzylorda-news.kz</a>&nbsp;Облыс әкімі Нұрлыбек Нәлібаев «Өнер орталығында» өткен салтанатты іс-шарада аналар мен қыз-келіншектерді 8 наурыз – Халықаралық әйелдер мерекесімен құттықтады. Оған ардагерлер, батыр аналар, білім, спорт және мәдениет саласыныӊ үздіктері, этномәдени орталықтардыӊ мүшелері, журналистер, үкіметтік емес ұйымдар өкілдері, құқық қорғау, білім беру саласының қызметкерлері қатысты.Салтанатты іс-шара «Тағдырлар тоғысындағы Ана» театрландырылған хореографиялық қойылымымен ашылды. Күнтізбеге көрік берген, көктемге еріп келген, бар мейірін төгіп келген мерекенің мәні ашылған қойылымға көрермендер қошемет көрсетті.Аймақ басшысы жиналған жұртшылыққа жүрекжарды лебізін жеткізіп, көңілге көктем сыйлаған жандарға алғысын айтты.<blockquote>«Президентіміз Қасым-Жомарт Кемелұлы: «Әйелдер қауымының отбасындағы, қоғам өміріндегі және мемлекетті жан-жақты дамыту ісіндегі рөлі орасан зор. Қыз-келіншектер өндірісте, шығармашылық жолында, саясат, бизнес және басқа да көптеген салада биік белестерді бағындырып келеді»,– деген болатын. Біздің аналарымыз, аруларымыз тек отбасының береке-бірлігі, ұйытқысы ғана емес, олар &nbsp;қоғамды дамытуға, елдің ынтымағы мен бірлігін нығайтуға зор үлес қосуда. Аймағымыздың сан алуан саласында белсенді еңбек етіп, ел ырысын арттырған әйел-аналар, Сырдың сұлу арулары – соның дәлелі. Биыл алғаш рет шұғылалы көктем мерекесі қарсаңында Президентіміз еліне адал қызмет етіп, ерен еңбектің үлгісін көрсеткен әйелдер қауымын мемлекеттік наградалармен марапаттады. Олардың ішінде біздің жерлестеріміз де Астана төрінде Президентіміздің қолынан марапат алды! Барша Сыр жұртшылығының және сіздердің аттарыңыздан шын жүректен құттықтаймыз!» – деді Нұрлыбек Машбекұлы.</blockquote>Іс-шарада аймақтың әлеуметтік-экономикалық дамуына елеулі үлес қосқан сала мамандары мен ардагерлеріне мемлекеттік наградалар, атап айтқанда «Құрмет» ордені, «Шапағат», «Ерен еңбегі үшін», «Қызылорда облысының дамуына қосқан үлесі үшін» медальдары табысталды.Кеште ҚР еңбек сіңірген әртісі Бақытбек Алпысбаев К.Ахметованың «Қазақ қызы» өлеңін оқып, осы аттас әнді оның авторы, Қазақстанның еңбек сіңірген қайраткері Рамазан Тайманов пен Мәдениет саласының үздігі Гүлфира Әлиханова орындады.Аналар мерекесінің көркін ашатын ана, көктем туралы әндер екені белгілі. Іс-шарада облыстық филармонияның аралас хоры, М.Қалауов атындағы өнер мектебінің вокалдық тобы және «Балбұлақ» балалар би ансамблі, филармонияның аспапты квартеті, кеш қонағы, мультиаспапшы Мейрімхан Абдрахманов, тағы басқа ұжымдар өнер көрсетті.Фото: Қызылорда облысы әкімінің баспасөз қызметі

Нәзік жандылар құрмет төрінде

<a href="https://kyzylorda-news.kz/">Kyzylorda-news.kz</a> Ұлттық статистика бюросы әлеуметтік маңызы бар азық-түлік тауарларының бір аптадағы орташа бағаларын жариялады, деп хабарлайды <a href="https://baq.kz/elimizde-en-qymbat-azyq-tulik-qay-onirde-200009129/">BAQ.KZ.</a>Оның тізіміне 19 түрлі тауар кіреді. Бұл баға өзгерісі туралы көрсеткіш апта сайын жаңартылып тұрады. Ел бойынша әлеуметтік маңызы бар кейбір тауарлардың орташа бағасын назарларыңызға ұсынамыз.Бірінші сортты бидай ұны Астанада 285 теңгеден сатылды. Республика бойынша ең қымбаты Ақтауда екен. Оның бағасы – 308 теңге. Ал ең арзаны Қарағандыда. Мұнда бірінші сортты бидай ұны дүкендерде – 159 теңге.Ал бірінші сортты бидай ұнынан пісірілген нанның ең қымбаты Жезқазған қаласында тіркелді. Мұнда дүкендерде ас атасы – 258 теңге. Ал ең арзаны қазіргі таңда – Петропавлда. Бас қалада нанның бағасы 166 теңгеден сатылды.Макарон өнімдерінің (өлшеніп салынатын) ең қымбаты Атырауда болып тұр. Ол – 382 теңге. Ал ең арзаны – Петрапавлда. Мұнда рожкилер 254 теңге тұрды.Ал өлшеніп салынатын күріштің бағасы бойынша Семей көш бастап тұр. Себебі мұнда күріштің бағасы 478 теңге. Ал ел бойынша ең арзан күріш – Қызылордада. Оның бағасы – 378 теңге.Қарақұмық (өлшеніп салынатын) Астанада 181 теңгеден сатылды. Оның ең қымбаты Талдықорған мен Түркістанда тіркелді. Онда азық-түліктің бұл түрі 229 теңгеден сатылды. Ал ең арзаны Павлодарда. Оның бағасы – 155 теңге.Күнбағыс майының ең қымбаты Қонаевта тіркелді. Оның бағасы 863 теңге болды. Ал ең арзаны – Қызылордада. Ол – 683 теңге.Ал тұздалмаған сары май ел бойынша ең арзаны Көкшетауда сатылды. Оның бағасы – 3939 теңге. Ал ең қымбаты – Ақтауда. Бұл өңірдің тұрғындары дүкендерден оны 6177 теңгеден сатып алды.Сиыр етінің әсіресе жауырын-төс бөлігінің келісін елордалықтар 3009 теңгеден сатып алды. Оның ең арзаны Түркістанда болды. Мұнда өңір кәсіпкерлері оны 2497 теңгеден сатылымға шығарды. Ал ең қымбаты Ақтауда тіркелді. Оның бағасы – 3110 теңге.Ал тауық еті Семейде – арзан. Әлеуметтік маңызы бар азық-түлік өңірде 1215 теңгеден сатылды. Ал ең қымбаты – Жезқазғанда. Аймақ тұрғындары еттің бұл түрін 1618 теңгеден сатып алды.Ал майлылығы 2,5 пастерленген сүттің ең арзаны – Көкшетауда. Ол – 303 теңге. Ал ең қымбаты Алматы тіркелді. Ол дүкендерде 468 теңгеден сатылды. Ал ел ордасы Астанада оның бағасы – 412 теңге.Соңғы 7 күнде айранның ең қымбаты Өскеменде, ең арзаны Талдықорғанда тіркелді. Бұл өңірлерде ол 505 және 358 теңгеден сатылды. Ал Астанада айранның бағасы – 449 теңге.Сүзбе елордада 2539 теңгеден сатылды. Ел бойынша оның ең қымбаты Ақтауда, ал ең арзаны Петропавлда. Бұл өңірлерде тұрғындар сүзбені 2890 және 1622 теңгеден болды.Ал көкөністердің ішінде картоптың бағасы Астанада 238 теңгеден болды. Ел бойынша оның ең қымбаты Жезқазғанда, ал ең арзаны Петропавлда сатылды. Бұл өңірлерде картоптың бағасы – 310 және 172 теңге.Сәбіздің бағасы қыста қымбаттайтыны көпке мәлім. Көкөністің бұл түрі елордада 125 теңгеден болды. Ал оның ең қымбаты Жезқазғанда, ең арзаны Павлодарда. Өңірлерде сәбіз 197 және 99 теңгеден сатылды.Пияздың ең арзаны Таразда, ең қымбаты Атырау мен Жезқазғанда сатылды. Бұл аймақтарда ол 103 және 171 теңгеден болды. Ал ең ордасы Астанада оның бағасы – 145 теңге.Қырыққабаттың бағасы елордада – 207 теңге. Оның ең қымбаты Өскеменде, ең арзаны Түркістанда. Бұл аймақтарда ол 220 және 138 теңгеден сатылды.Соңғы бір аптада құмшекер Астанада 397 теңгеден болды. Оның ең қымбаты Талдықорғанда, ең арзаны Оралда. Мұнда ол – 430 және 363 теңге.Ал I санатты жұмыртқаның ең арзаны Петропавлда, ең қымбаты Астанада тіркелді. Мұнда ол 471 және 608 теңгеден сатылды.Ал ас тұзы Астанада бағасы 89 теңгеден болды. Республика бойынша ең қымбаты Қарағандыда, ең арзаны Ақтөбеде тіркелді. Мұнда әлеуметтік маңызы бар азық-түліктің бұл түрі 102 және 56 теңгеден сатылды.Фото: Нұрболат Нұржаубай

Елімізде ең қымбат азық-түлік қай өңірде

<a href="https://kyzylorda-news.kz/">Kyzylorda-news.kz</a> Тамылжыған көктемнің арайлы шуаққа толы мерекесі – 8 наурыз Халықаралық әйелдер күніне орай аудан әкімі Айтбай Жандарбеков, аудандық мәслихат төрағасы, аудандық ардагерлер кеңесінің төрағасы, қоғамдық кеңесінің төрағасы, әйелдер кеңесінің төрайымы және бөлім басшыларымен бірге ақжаулықты аналардың отбасыларына барып, мерекемен құттықтады.Кездесулерде аудан әкімі денсаулық саласының ардагерлері 88 жастағы әже, 36 жылын осы салаға арнаған Зәуре Құрманбайқызын, 85 жастағы денсаулық саласының ардагері Зина Жұмаділдақызын, Шиелі ауданында 40 жылдан астам білім саласында қажырлы қызмет атқарған 85 жастағы кейуана Батихан Қалтайқызы, білім саласының ардагері 75 жастағы Райхан Қабылова, 35 жылдай білім саласында қызмет атқарған 84 жастағы ардагер Серіккүл Ақмолдаеваның және еңбек ардагері 89 жастағы Қанымкүл Төрешованың шаңырақтарына арнайы барып, сәлем беріп, құрмет көрсетті.<blockquote>Аудан әкімі өз сөзінде «Қарттарымыз қазынамыз. Біз әрдайым сіздердің еткен еңбектеріңіз бен ел үшін жасаған қызметтеріңізді жадымыздан шығармаймыз. Сіздердің өмір жолдарыңызды әрдайым бүгінгі буынға өнеге етіп келеміз. Бүгінгі өздеріңіз арқылы барша ауданның ақжаулықты аналары мен қыз-келіншектерді мерекемен құттықтаудамыз»,- деді.&nbsp;</blockquote>Арнайы құттықтай келген азаматтарға ризашылығын білдірген ардагер аналар елдің амандығын тілеп, ақ батасын берді.<img src="https://knadmin.beoblood.kz/uploads/Analardy_tty_tau_51d262f1a9.jpg" alt="Аналарды құттықтау.jpg"><img src="https://knadmin.beoblood.kz/uploads/A_zhauly_ty_analardy_tty_tady_1c0c0949a1.jpg" alt="Ақ жаулықты аналарды құттықтады.jpg">Фото: Шиелі ауданы әкімдігінің баспасөз қызметі

Шиелі: Аудан әкімі аналарды мерекемен құттықтады

<a href="https://kyzylorda-news.kz/">Kyzylorda-news.kz</a>&nbsp;Облыс әкімі Нұрлыбек Нәлібаев 8 наурыз &nbsp;– Халықаралық әйелдер күніне орай «Анаға тағзым» орталығында жылдағы дәстүр бойынша аналар мен қыз-келіншектерді көктем мерекесімен құттықтады.Оған ақ жаулықты әжелер мен көпбалалы аналар, түрлі сала қызметкерлері, аймақ дамуына үлес қосқан кәсіпкерлер, ғалымдар, спортшылар қатысты.Салтанатты іс-шара аталған орталық алаңындағы «Анаға тағзым» ескерткішіне гүл шоқтарын қоюдан басталып, «Анаға құрмет» музейінің көрмесін тамашалаумен жалғасты.Мереке қарсаңында Қызылордада Алматы облыстық музейлер бірлестігінің «Анаға құрмет» музейі қорындағы мұралардан жасақталған «Аналардың аманаты» көшпелі көрмесі ашылған болатын. Көрмеге ұлтымыздың біртуар азаматтары Асанәлі Әшімовтің, Дүкенбай Досжанның, Шөмішбай Сариевтің, Бердібек Сапарбаевтың, Жақсылық Үшкемпіровтің аналарының, Сәлима Жұмабекова, Кәмшат Дөненбаева, Әмина Өмірзақова, Сәуле Айтбаева сынды қазақ қыздарының портреттері қойылған. Аналар аманатын арқалаған музей қайраткер тұлғаларды өмірге әкелген аналардың ұлағатын ұлықтап, көпшілікке ұсынды.Басқосуда аймақ басшысы Сыр өңіріндегі әйелдердің білім, кәсіпкерлік бастамашылдығына, әсіресе, көпбалалы аналарға жан-жақты қолдау көрсетілетінін атап өтті.<blockquote>«Президентіміз Қасым-Жомарт Кемелұлы биылғы жылды «Жұмысшы мамандықтар жылы» деп жариялады. Бүгінер азаматтармен иық тіресе қатар жүріп, адал еңбектің үлгісін көрсеткен еңбек адамдары да ортамызда. Қоғамның барлық саласында еңбек етіп, отбасының берекесі мен ұлттың ұйысуына атсалысқан нәзік жандарға, аяулы аналарға шынайы алғысымызды білдірсек деген ниетпен жиналдық. Ұланғайыр даламыздың тарихында өздерін кемел көшбасшы, ақылды ел билеуші, көрнекті қайраткер, ұлт жанашыры, ұрпақ тәрбиешісі, еңбек адамы ретінде танытқан қыздарымыз аз емес. Мемлекеттің жүйелі қолдау көрсетуінің арқасында қыз-келіншектердің экономикадағы, саясат пен қоғамдық қызметтегі рөлі жыл сайын арта түсуде. Облыстағы мемлекеттік қызметшілердің 45 пайызын, медицина қызметкерлерінің 88 пайызын, педагогтердің 78 пайызын, ал жалпы бюджеттік саланың 62 пайызын қыз-келіншектер құрайды. Соңғы 3 жылда аймағымызда дүниеге келген57 913 баланың 27 741-і немесе 48 пайызы қыз бала. «Алтын алқа», «Күміс алқа» алушылар саны 19 пайызға артқан. Статистикаға көз салсақ, облысымызда 160 мыңнан астам отбасы бар. Оның &nbsp;48 мыңнан астамы – көпбалалы отбасылар, 17 мыңға жуық әйел – «Алтын алқа» мен «Күміс алқа» иегері.Бұл – біздің өңірімізде алтын құрсақты аналарымыздың саны артып келе жатқандығының көрінісі. Бүгін сіздер арқылы Сыр елінің барша аруларын әсем мерекемен құттықтап, ыстық ықыласым мен ілтипатымды жеткіземін! &nbsp;Көктемнің қырмызы гүліндей құлпырып, әсемдік пен әдеміліктің иесі болып, бақытты да баянды ғұмыр кешіңіздер!», – деді Н.Нәлібаев.</blockquote>Кездесуде облыстық әйелдер кеңесінің төрайымы Райкүл Байназарова аймақта қолға алынған, іске асқан жаңашылдықтарға алғысын жеткізді. Арал индустриалды-техникалық колледжінің оқытушысы Әсия Келжанова, «Қызылорда облысының Үкіметтік емес ұйымдарының Альянсы Ассоциациясы» заңды тұлғалар бірлестігінің төрайымы Анар Ізден, «Cемізбай-U» ЖШС «Иіркөл» филиалының есепке алу операторы Ақерке Қабылова кәсіптік білімді, азаматтық қоғамды, өндірісті, кәсіпкерлікті дамыту бастамаларына, көрсетілген қолдауға ризашылық білдірді. Жыршы, «Дарын» мемлекеттік жастар сыйлығының иегері Күнсұлу Түрікпен жырдан шашу шашып, басқосуға қатысушыларға көтеріңкі көңіл-күй сыйлады.&nbsp;Айта кетейік, өңірдің әлеуметтік саласында, ана мен бала, отбасын қолдау бағытында біршама жұмыс атқарылуда. Өткен жылы тұрғын үй кезегіндегі азаматтарға 2 500-ден астам жаңа пәтер табысталды. Аймақта жаңа әлеуметтік нысандар бой көтерді. Былтыр 69 жаңа ғимарат салынып, қазір ел игілігіне қызмет етуде.<img src="https://knadmin.beoblood.kz/uploads/Ajma_basshysy_Ana_a_ta_zym_5188710cac.jpg" alt="Аймақ басшысы Анаға тағзым.jpg"><img src="https://knadmin.beoblood.kz/uploads/Ana_a_ta_zym_2_21f566a94e.jpg" alt="Анаға тағзым 2.jpg">Фото: Қызылорда облысы әкімінің баспасөз қызметі

Аймақ басшысы қызылордалық қыз-келіншектерді мерекемен құттықтады

<a href="https://kyzylorda-news.kz/">Kyzylorda-news.kz</a> Президент салтанатты іс-шараға жиналған барша қауымды көктем мерекесімен шын жүректен құттықтап, әлемге сүйіспеншілікпен қарайтын, жан-жағына жақсылық шарапатын сыйлап жүретін әйелдер қауымына жылы лебізін жеткізді.<blockquote>– «Әйел бір қолымен бесікті тербетсе, бір қолымен әлемді тербетеді» деген сөз бекер айтылмаған. Әйел – шаңырақтың шырағы, ұлттың ұйытқысы. Ана – тіршілік пен берекенің бастауы, адамзат бойындағы &nbsp;бар ізгіліктің қайнар көзі. Ананың аялы алақаны мен шексіз мейірімі әр үйге жылылық береді. Салт-дәстүріміз бен ана тіліміздің бүгінгі күнге жетуі де, ең алдымен, аналардың арқасы. Өмірдің мәні де, тіршіліктің сәні де – сіздер! Сондықтан, бүгінгі мейрамда барша ер-азаматтар өздеріңізге ақ тілегін арнап, ықылас-ілтипатын білдіріп жатыр. Солардың ішінде мен де Мемлекет басшысы ретінде әйелдерге тілегімді, лебізімді айтып тұрмын, – деді Қасым-Жомарт Тоқаев.</blockquote>Мемлекет басшысы халқымызда ерлік пен елдіктің туын биік ұстаған арулар аз емес екенін алға тартып, олардың есімі ел шежіресіне алтын әріппен жазылғанын айтты.<blockquote>– Тұмар мен Бопай ханымдардың, Домалақ ана, Зере және Ұлпан аналардың, Әлия, Мәншүк, Хиуаз секілді батыр қыздарымыздың аты ел жадында. Сіздерді ақылы мен ажары, даналығы мен даралығы келіскен қазақ әйелінің ізбасары деуге болады. Әйелдер қауымы күрделі кезеңдерде аянбай еңбек етті, Отанымыздың өсіп-өркендеуіне белсене атсалысты. Ұрпақ тәрбиесі – ұлт тәрбиесі. Бүгінде сіздер санасы сергек, ойы азат ұрпақ өсіріп, Отанымыздың өркен жаюына айрықша үлес қосып келесіздер. Қазақстанның сан түрлі салада жетістікке жетуіне қыз-келіншектеріміз мол еңбек сіңіруде. Бүгін Ақордаға шақырылған әйелдер арасында Отанымызға әр салада еңбек сіңірген білікті мамандар бар. Мен баршаңызға зор алғыс айтамын! – деді Президент.</blockquote>Қасым-Жомарт Тоқаевтың пікірінше, аналары алаңсыз қоғамда балалар да бақытты өмір сүреді. Бұл ретте Президент елімізде әйелдердің құқығын қорғау, оларды қолдау бағытында жүргізіліп жатқан игі істерге айрықша тоқталды.<blockquote>– Ана мен баланың жағдайы дұрыс болса, әлеуметтің жағдайы да дұрыс болады. Сондықтан болашағын ойлаған ел, ең алдымен, әйелдердің жағдайын жақсартуды ойлайды. Мемлекетіміз әйелдерді барынша қорғауға және жан-жақты қолдауға баса мән береді. Осы бағытта нақты жұмыстар атқарылып жатыр. Менің тапсырмаммен отбасы институтын нығайтуды көздейтін маңызды шаралар қабылданды. Барлық аймақта қиын жағдайға тап болған отбасыларға қолдау көрсететін орталықтар ашылып жатыр. Көп балалы аналарды қолдаудың ұлттық моделі қалыптасты. Соның арқасында жыл өткен сайын көп балалы отбасылардың саны артып келеді, – деді Мемлекет басшысы.</blockquote>Президент қазір әйелдер түрлі салада табысты еңбек етіп жүргенін атап өтті.<blockquote>– Мемлекеттік қызметшілердің жартысынан көбі – әйелдер. Білім беру, денсаулық сақтау саласындағы мамандардың 70 пайыздан астамы да – әйелдер қауымы. Сондай-ақ олар төтенше жағдайлар, қорғаныс және құқық қорғау органдарында табысты жұмыс істеп жүр. Көптеген әйелдер лауазымды қызметтер атқарады, Сіздердің араларыңызда да табысты басшылар аз емес. Қыз-келіншектер бизнесте де жетістікке жетіп жүр. Бойларыңыздағы мақсаткерлік пен жасампаздық қуаты ең батыл бастамаларыңызды жүзеге асыруға көмектесіп келеді. Берік азаматтық ұстанымдарыңызды танытып, қоғамдық жұмысқа да жан-жақты атсалысасыздар. Маңызды бастамалар мен халыққа қажетті әлеуметтік жобаларды іске асырып жүрсіздер. Қай іспен айналыссаңыздар да жауапкершілікпен қарап, ұдайы оң нәтижеге қол жеткізіп келесіздер. Әлемдік додаларда топ жарып, еліміздің абыройын асқақтатып жүрген аруларымыз да бар. Біз қажырлы еңбегімен, ерен ерлігімен танылған қыз-келіншектерді мақтан тұтамыз. Тәуелсіздік жылдары өз саласының үздігі атанған 8 әйелге «Қазақстанның Еңбек Ері» атағы берілді, – деді Мемлекет басшысы.</blockquote>Осы орайда Президент биыл елімізде «Жұмысшы мамандықтары жылы» деп жарияланып, білікті мамандардың мәртебесін көтеру үшін белсенді жұмыс жүргізіліп жатқанына назар аударды.<blockquote>– Мысалы, мемлекеттік марапаттар жүйесіне жаңадан тоғыз құрметті атақ енгізілді. Бүгін осындай екі марапатты алғаш рет тапсырылады. «Қазақстанның еңбек сіңірген құрылысшысы» атағы еңбек ардагері Ольга Шелудькоға беріледі. Ал өндіріс озаты Майра Ерманова «Қазақстанның еңбек сіңірген өнеркәсіп қайраткері» атанып отыр. Осындай нағыз еңбек адамдарына бүкіл ел болып құрмет көрсетіп, оларды жан-жақты дәріптеуіміз керек. Жұмысшы мамандықтары жылының түпкі мәні де – осы, – деді Қасым-Жомарт Тоқаев.</blockquote>Салтанатты жиында Мемлекет басшысы еліміздің дамуына елеулі еңбек сіңірген, өз саласында жоғары жетістікке жеткен бір топ әйел азаматқа мемлекеттік наградалар табыстады.Фото: Ақорда

Мемлекет басшысы әйелдер қауымына жылы лебізін білдірді

<a href="https://kyzylorda-news.kz/">Kyzylorda-news.kz</a>&nbsp; Облыстық дене шынықтыру, спорт және туризм басқармасының басшысы Бахтияр Ғарифоллаұлы басқармадағы нәзік жандыларды 8 наурыз – Халықаралық әйелдер күнімен құттықтап, арнайы алғыс хат пен сыйлықтар табыстады.Басқарма басшысы өз сөзінде спорт және туризм саласын дамытуда ару қыздардың қажырлы еңбегі мен жемісті жұмысына өз ризашылығын білдіріп, ізгі тілегін арнады. Сондай-ақ, алдағы уақытта да нәтижелі еңбек ететіндеріне сенім білдірді.Мереке құтты болсын, құрметті арулар!Фото: Қызылорда облысының дене шынықтыру, спорт және туризм басқармасы

Ару қыздар құрмет төрінде

<a href="https://kyzylorda-news.kz/">Kyzylorda-news.kz</a>&nbsp; Достық үйінде 8 наурыз – Халықаралық әйелдер күніне арналған салтанатты шара мерекелік көңіл-күйде өтті. Шараға этномәдени бірлестіктердің төрағалары, облыстық Қазақстан халқы Ассамблеясы жанындағы құрылым төрағалары мен мүшелері қатысты.Мерекелік жиында облыстық қоғамдық даму басқармасының басшысы Каюпов Руслан Мұхамедәліұлы сөз сөйлеп, барлық қатысушыларды Халықаралық әйелдер күнімен және Қазақстан халқы Ассамблеясының 30 жылдық мерейтойымен құттықтады. Ол әйелдер қауымының қоғамдағы маңызды рөлін атап өтіп, олардың еңбек жолындағы жетістіктерін жоғары бағалауға шақырды.Құттықтау сөздерімен облыстық татар этномәдени бірлестігінің жетекшісі Галия Гизатуллина мен облыстық ҚХА жанындағы Аналар кеңесінің төрағасы Айгүл Мұсабаева да бөлісті.Мереке аясында әндер шырқалып, аналарға арналған жылы тілектер айтылды. Қатысушылар кеш соңында естелік суретке түсіп, бір-біріне жүрекжарды тілектерін жеткізді.

Шұғылалы көктемде мерекелік кездесу өтті

<a href="https://kyzylorda-news.kz/">Kyzylorda-news.kz</a> Арал ауданының әкімі Аманжол Оңғарбаев 8 наурыз - Халықаралық әйелдер күні мерекесіне орай жұмысшы мамандық иелерін қабылдап, аймақ басшысының арнайы құттықтауын жеткізіп, сый-құрмет көрсетті.Еркін форматта өрбіген емен-жарқын жүздесуде аудан әкімі қоғам қажетіне жарап, түрлі саланың шылбырын қаққан нәзік жанды арулардың еңбектерін ерекше бағалайтынын жеткізді.<blockquote>– Мемлекет басшысының Жарлығымен биылғы жыл – «Жұмысшы мамандықтар жылы» болып жарияланды. Елімізде жұмысшы мамандықтары кеңінен дәріптеліп, қоғамда еңбекқор және нағыз маман болу идеясы насихатталуда. Біз де өзінің табысын маңдай терімен табатын, өздеріңіздей еңбек адамдарын әрдайым жоғары бағалаймыз. Нәзік жанды бола тұра, біріңіз - балық шаруашылығында, біріңіз - тұз өндірісінде, темір жол, пошта торабы, газет тасымалдаушы сынды өзге де салаларда ер азаматтармен иық тірестіре еңбек етіп келесіздер. Адал әрі табанды еңбегімен табысқа жеткен адамдар қашанда құрметті, сыйлы болуы керек, – деді аудан басшысы А.Оңғарбаев.</blockquote>Аяулы жандарға деген құрмет мұнымен шеткелген жоқ. Туған жердің дамуына сүбелі үлес қосып келе жатқан нәзік жандылар мерекелік басқосуда аудан әкімінің Құттықтауымен марапатталды. Аналарға арналған әсем ән жолданып, арнайы гүл шоқтары тарту етілді.Басқосу соңында құрметке бөленген іскер әйелдер қауымы ерекше ризашылықтарын білдіріп, еңбек майданындағы өзге де нәзік жандыларды мерекемен құттықтады.Жан жадыратар шуақты мереке қарсаңындағы іс-шаралар легі мұнымен шектеліп қалмайды. Түрлі салаларда айшықты мұзмұнға ие мереке өз мәнінде аталып өтіліп, нәзік жандыларға айрықша құрмет көрсетілетін болады.<img src="https://knadmin.beoblood.kz/uploads/Zh_mysshy_mamandy_ielerin_marapattau_1074531ce6.jpg" alt="Жұмысшы мамандық иелерін марапаттау.jpg">Фото: Арал ауданы әкімдігі

Арал: Аудан әкімі жұмысшы мамандық иелерін құттықтады

<a href="https://kyzylorda-news.kz/">Kyzylorda-news.kz</a>&nbsp; Әлеуметтік сақтандыру қоры заңсыз жолмен көп мөлшерде декреттік төлем алған әйелдерге қатысты қылмыстық істің барысы туралы айтты. Бұл туралы <a href="https://stan.kz/">Stan.kz</a> ақпарат агенттігі <a href="https://www.youtube.com/watch?v=zDSXPRkrNIw">Жетінші арнаға</a> сілтеме жасап хабарлайды.&nbsp;Бұған дейін 113 қазақстандық әйелдің үстінен декреттік төлемдерге байланысты алаяқтық әрекеттері үшін <a href="https://stan.kz/aleumettik-tolemderdi-koldan-kobeytip-algan-kazakstandi-414460/">қылмыстық іс қозғалған еді.&nbsp;</a>Әлеуметтік сақтандыру қорының мәліметінше, 2024 жылы жүкті әйелдер арасында бірнеше жұмыс беруші&nbsp;табу үрдісі көбейген. Схема қарапайым: болашақ аналар ресми табыстарын күрт көбейтіп, үлкен жәрдемақы&nbsp;алуға әрекет еткен. Мысалы, бір кәсіпкер 30 жүкті әйелге&nbsp;құжат жасап&nbsp;берген.&nbsp;“Сот барысында егер бұл іске қатысы бар адамдар, яғни осы әрекеттерді жүзеге асырған жеке кәсіпкерлер немесе ауыл шаруашылығы қожалықтары анықталса, және олардың арасында жалған еңбек келісімшарттарын жасағандар болса, онда барлығы заңды бұзғаны үшін өз жазасын алады”, –&nbsp;дейді&nbsp;әлеуметтік сақтандыру қорының өкілі Гүлбағила Болатбекова.Әлеуметтік сақтандыру қорының мәліметі бойынша, әйелдер көбінесе осындай алаяқтық әрекеттермен миллион теңге көлемінде табыс туралы құжаттар ұсынған, ал кейін төрт жарым миллион теңгеге жуық төлем алған.&nbsp;Ал 1500 әйел, төлемдерді тағайындау кезінде, табысын жасанды түрде көтергендерін мойындаған. Осылайша, бюджеттің үш миллиард теңгеден астам қаражаты үнемделген.“Бұл азаматшалардың әрекеттері қылмыстық кодекстің 190-бабының екінші бөлігі бойынша саралануы мүмкін. Неліктен? Себебі, жалған анықтамалар мен құжаттар, негізсіз ақша аударымдары жасалған. Бұл бап бойынша 400 АЕК дейін айыппұл салу, бостандығын шектеу,&nbsp;сондай-ақ төрт жылға дейін бас бостандығынан айыру жазасы да бар”, –&nbsp;дейді адвокат Жандос Тұяқов.&nbsp;Адвокаттың айтуынша,&nbsp;егер әйелдер өз кінәсін мойындап, келтірілген зиянды өтесе, сондай-ақ, кішкентай балаларының бар екенін&nbsp;сот жазаны&nbsp;жеңілдетуі мүмкін.&nbsp; &nbsp;

Заңсыз жолмен жоғары декреттік төлем алған 113 әйел: Әлеуметтік сақтандыру қоры қылмыстық істің барысы туралы айтты

<a href="https://kyzylorda-news.kz/">Kyzylorda-news.kz</a>&nbsp; 8 наурыз – халықаралық әйелдер күні қарсаңында партия филиалының төрағасы Ибадулла Дүйсенбайұлы Құттықожаев белсенді партияластармен кездесті. Басқосуда филиал төрағасы өткен жылы партия бастамасымен қолға алынып, жемісті нәтиже көрсеткен бірқатар жобалардың іске асуына тоқталды.&nbsp; Партия тарапы азаматтардың әл ауқатын арттыру мақсатында «Қарызсыз қоғам», «Бақытты отбасы», «Кедергісіз келешек», «Құқықтық көмек» жобаларын қарқынды жүргізуде. Бұл өз кезегінде тұрғындарға қолайлы орта қалыптастыру, қаржылық сауаттылығын арттыру, тегін заңгерлік кеңестер мен әлеуметтік көмек түрлерін көрсетуде маңыздылығын айқын көрсетті.Халықаралық әйелдер күні қарсаңында партия филиалының төрағасы нәзік жанды аруларға белсенді қызметі үшін алғысын білдіріп, &nbsp;партия атынан марапат табыстады.&nbsp; &nbsp;Биылғы мереке қарсаңында партия тарапы Мемлекет басшысының бастамасымен қолға алынған «Жұмысшы маман» иелерінің еңбегін ескеріп, қоғамға дәріптей отырып, марапат төріне шығарды.&nbsp; &nbsp; Бүгінде қаламызда 13 мыңға жуық партияластарымыз болса соның 9 000-ы нәзік жанды арулар. Қоғамдық негізі бар бастамаларда белсенділік танытып жүрген партияластарымыз мереке қарсаңында ізгі лебізін білдіріп, &nbsp;алғыстарын жеткізді.<img src="https://knadmin.beoblood.kz/uploads/1_Haly_araly_jelder_k_nine_oraj_belsendi_partiya_m_sheleri_marapattaldy_0dbfb88b0a.jpg" alt="1 Халықаралық әйелдер күніне орай белсенді партия мүшелері марапатталды.jpg">

Қазақстан және Қызылорда облысының жаңалықтары