Жаңақорған – жаңа жобалар аймағы

<a href="https://kyzylorda-news.kz/">Kyzylorda-news.kz</a>&nbsp; Еуропалық және заманауи үлгіде жасалынған қоршаулар қазіргі кезде жоғары сұранысқа ие. Жергілікті тұрғындар ауласына еуро қоршауды орнатуға бейім. Тереңөзектік Шакизат Байділдаев жаңа кәсіп түрін игеріп, жеке бизнесін жандандыру үстінде. Өз қаражаты есебінен жас кәсіпкер өткен жылы тың жобаға серпін берді.Негізінен, кәсіпкер &nbsp;Шәкизат Бәйділдаев еуропалық үлгіде дайындалатын қоршаудың жасалу технологиясын ғаламтор арқылы меңгерген. Сапалы әрі 20 жылға дейін жарамды қоршауды дайындау барысында арнайы бірнеше аппарат қолданылады. Бүгінде жас кәсіпкер 2 адамды жұмыспен қамтып, кәсібін дөңгелетуде. Осыған дейін кәсіп иесі көршілес Жалағаш ауданы мен жергілікті халықтың сұранысын қанағаттандырып келеді. Жеке кәсіпкер қоршауға керекті шикізатты Ақтөбе және Шымкент қаласынан алдырады. Химиялық қоспаның көмегімен бетон қоршаудың бірнеше түрі жасалады.– Күннен-күнге технология дамыған сәтте қоғам өмірінде елеулі өзгеріс орын алып тұрады. Осыдан бірнеше жыл бұрын көпшілік ауласына сан түрлі қоршау орналастыра бастады. Қашанда заман көшіне ілескен тұрғындар ауласының сәнді болып тұруына аса мән береді. Сондықтан біз еуро қоршаулар жасауға машықтанып, жеке кәсіпті жандандыру үстіндеміз. Алғаш кәсіпті ашқан уақытта 3-4 миллион қаражат жұмсалып, керекті құрылғыларды сатып алған болатынбыз. Бетон қоршаудың нарықтағы бағасы 26 мың теңгені құрайды. Яғни, 25 метрлік аулаға ұзындығы 2, ені 2 метр болатын 300 мыңнан жоғары бағаға есептелетін қоршау орнатылады. Оның ішіне, аулаға орнату мен жеткізу қызметі кіреді. Айта кетейік, наурыз айында қоршау жасататын жандарға жеңілдік қарастырылған, – дейді жас кәсіпкер.Жас кәсіпкер Шакизат Байділдаев Сәкен Сейфуллин ауылында дүниеге келген. Ол – №137 орта мектептің түлегі. Алдағы уақытта Шакизат Бауыржанұлы кәсібін кеңейту үшін барлық мүмкіндікті қарастыруда. Еуро қоршауды жасаудың өзіндік технологиясына сүйенетін кәсіпкер тапсырысты 1-2 күнде дайындап шығаруға бейімделген.<img src="https://knadmin.beoblood.kz/uploads/adb0cc81_9694_4647_aee0_ef455f3a1f02_95b3705043.jpg" alt="adb0cc81-9694-4647-aee0-ef455f3a1f02.jpg">

Тың кәсіптің көзін тапқан кәсіпкер

<a href="https://kyzylorda-news.kz/">Kyzylorda-news.kz</a>&nbsp; &nbsp;«Ұстаз – ұлағатты ұлы тұлға» демекші, ұстаздық ұлы жолды, рухани тәлімгерлікті өмірлік кәсіп еткен Үміткүл Батишева – Сырдария ауданының бетке ұстар мұғалімі. Еңбек жолын №36 мектептен бастаған. Үміт апай отыз жылдан астам уақыттан бері ауданның абыройын көтерген тәлімді, білімді ұрпақ тәрбиелеу жолында аянбай жұмыс істеп келеді. Бала тәрбиесіне кәсіп ретінде ғана қарамайтын ардақты жанның алғашқы шәкірттері бүгінде үлкен қалаларда халық игілігі үшін қызмет жасап жүр.Үміткүл Жағыпарқызы бала кезінен ұстаз болуды армандаған. Ата-анасынан көрген тәлімі мен тәрбиесі, қатар құрбысының мықтылығы да бойжеткеннің алыс арман жолындағы қанатын қатайта түскен. Солай мұғалімдік жолға бағыт бұрған ол сол кездегі Қызылорда педагогикалық институтында білім алған. Биология және химия пәнінің мұғалімі мамандығын игеріп шыққан білікті маман білімін ұзақ жылдан бері тәжірибемен ұштастырып келеді.Үміт апай, шындығын айтқанда, тек №36 мектеп-лицейінің емес, ауданның бетке ұстар мұғалімі. Ол кісінің есімі аудан жұртшылығына жақсы таныс. Үлкенге де, кішіге де сыйлы болған мұғалімге мектепті бұрын бітіріп кеткен шәкірттері де әркез құрмет көрсетіп отырады. Негізінен Үміт Жағыпарқызының есімі аталғанда көп адамның ойына «қаталдық, өте білімді ұстаз» ассоциациясы оралады. Бұл – мұғалімнің жауапкершілікті қатаң талап ететін ізденімпаздығынан.<blockquote>– Ең алдымен ұстаз бала жанының бағбаны, психолог бола білуі керек. Алдыңа келген оқушының бәрі бірдей емес. Бір ақпаратты әр оқушы өзінше әртүрлі қабылдайды. Соны түсініп, әр баланың өзіндік қарым-қабілетіне сәйкес жұмыс жасай алуың керек. Аллаға шүкір, оқушыларыммен бірге үлкен жетістіктерге жетіп келеміз. Бұл жерде мақсатты дұрыс қоя алу маңызды. Менің бала оқытудағы мақсатым – келешек ұрпағымыз білімді болса екен, білсе екен деймін. «Білімді мыңды жығады» демекші, қазіргі таңда қоғамда өз орныңның болуы жақсы білім алумен өлшенеді. Нағыз оқитын, білім алатын кезеңдеміз. Ал ақылы оқуға екінің бірінің шамасы келе бермейді. Менің мақсатым да – сол. Балалар білім алып, өз күшімен жоғарғы оқу орнына түсіп кетсе екен деймін. 1992 жылы білім саласындағы қызметім басталса, алғаш жетекшілік еткен сыныбым 2004 жылы мектеп бітірді. Олардың басым көпшілігі үлкен қалада, халықтың сұранысына ие мамандықтарды игерген, – деген Үміткүл Батишевадан бала тәрбиесі туралы да пікірін сұрадық.</blockquote>– «Тәрбиесіз берілген білім – адамзаттың қас жауы» деген сөз бар. Балаға білімнің басым бөлігін мектеп бергенімен, тәрбие мәселесінде ата-ана мен ұстаз біріге жұмыс істеуі керек. Қай кезде де, мейлі ол үлкен адам болсын, оның бойында о баста ата-анадан, қара шаңырағынан алған тәрбиесі көрініп тұрады. Тәрбиенің іргетасы үйде, мектепте дұрыс қалануы керек. Үлкендер баланы сөзбен емес, іспен тәрбиелеуі ләзім, – дейді «адал еңбекпен алмайтын асу болмайды» деп білетін жан.Саналы ғұмырын ұлы қызмет жолына арнап келе жатқан ұстаздың білім беру саласындағы еңбегі елеусіз қалған емес. Марапаттарының ішінде Ыбырай Алтынсарин атындағы төсбелгісінің, Мемлекет басшысының «Құрмет грамотасының», «Қызылорда облысының білім беру саласын дамытудағы еңбегі үшін» төсбелгісінің шоқтығы биік. Жаңалыққа жаны құмар, шығармашыл ұстаздың бүгінгі оқушылары да республикалық деңгейдегі байқауларды бағындырып, аудан абыройын үстем етіп жүр. «Ұстазы жақсының – ұстамы жақсы» екенін болашағынан зор үміт күттіретін оқушылар әркез дәлелдеп келеді. Үміткүл Жағыпарқызы – білім жолында ғана емес, өмір жолында талайға ұстаз болып, «ұстаз» есімін бәрінен биік ұстай білген жан.

Ғылым мен білімнің қайнар бұлағын сарқып ішкен

<a href="https://kyzylorda-news.kz/">Kyzylorda-news.kz</a> Тарихта Наурызды тойлау сегіз-тоғыз күнге жалғасса, биыл елімізде қазақтың жаңа жылы – Наурыз мерекесі жаңа форматта жаңғырып «Наурызнама» деген атпен он күн қатарынан тойлануда. Он күн ішінде «Қайырымдылық», «Шаңырақ», «Ұлттық киім», тағы басқа секілді тақырыпта іс-шаралар ұйымдастырылып, дәстүріміз қайта жаңаруда.Татулығымен көпшілікке таныс Қармақшы ауданындағы ІІІ Интернационал ауылы 19 наурыз – Жаңару күнінде мерекені ерекше атап өтті. Ұлты бөлек болғанымен тілегі бір ағайын бұл күні таңнан ауылдағы мәдениет үйінің алдына жиналды. Мерекенің көрінісі ретінде ауылдың жасы мен кәрісі бір-бірімен құшақ жая амандасып, төс қағысты. Мұнан соң наурызда жасалу керек игі істердің, ізгі дәстүрдің бірі – ағаш отырғызу рәсімі басталды. «Атадан мал қалғанша тал қалсын» деген тәмсілмен Жаңару күнінде қолына көшет ағашын ұстаған ауыл ақсақалдары қыстан кейін босаған қара жерге күрек басын қадап, «Бісміллә» деп қазып, қаз-қатар тал отырғызып, суғарды. Үлкендердің тәлімді ісін жастар да жалғастырып, ауылдың көгеруіне өз үлестерін қосты. Осылайша ауылда мерекенің алғашқы қадамы басталып, әрі қарай ұлан-асыр тойға ұласты.Орталық алаңның бір бұрышында ауылдың ұл-қыздары алтыбақанды айнала қоршап мәз-мейрам болып кезекпен тебісіп, наурыздың сәнін кіргізді. Алаңнан әрі жігіттер жылқыны ерттеп, даланы дүбірлетіп ат шапты. Қамшыланған жылқылар жердің шаңын шығара ойқастауда. Мерекеде ұлттық спорт түрлері де жаңғырды. Боз кілемде жас палуандар күресіп, өзара мықтылығын көрсетті. Ауылдың спорт сүйер жанкүйерлері жан-жақтан «Қане батыр, жерге көтеріп жық» деп айқайласып, спортшыларды рухтандырды. Оған жігерленген палуандар бірін жерге жығып, жеңіске жетті. Одан әрі ауылдың шуласқан балалары асық атып жарысты. Сақасы салмақтылар тізілген асықты алыстан көздеп-ақ, бір шерткеннен жайратып салды. Осыған қарап, ұлттық ойынымыздың жұрнағы жастардың бойында әлі де өшпегенін сезіндік. Тоғызқұмалақ, арқан тартыс, гір тасы мен қой көтеруде ойыннан қалыс қалмады. Қармақшы аудандық тарихи-өлкетану музейі ауыл тұрғындарына бес қару, ат әбзелдері, ер тоқым, зергерлік бұйымдар, ұлттық әуез аспаптарынан көрме көрсетті. Бүгінде мұражайдан ғана көрініс табатын қазақтың байырғы қаруына ауылдың үлкендері қызыға қарап, қолға ұстап көрді.Мәдениет үйінің алаңына қаз-қатар тігілген ақшаңқан киіз үйлер шараның шырайын келтірді. «Береке», «Татулық», «Достық» атауымен аталған ақ отаулардың алдында салт-дәстүр көрініс тауып, ұлттық құндылықтар дәріптелді. Бірінші ауыл салт бойынша қыз ұзатса, келесі ауыл бесікке салу рәсімін өткізді. Ал үшінші ауыл келін түсіріп, беташар жасады. Шаңыраққа түскен жас келін үлкендерге сәлем салып, батасын алды. Сондай-ақ іс-шараға Қармақшы ауданы әкімінің орынбасары Самат Смағұлов, аудандық дене тәрбиесі, спорт және туризм бөлімі басшысының міндетін атқарушы Нұрбол Мырзабаев қатысып, бүлдіршіндердің тұсауын кесті.Жаңару күніндегі мерекелік іс-шара ауыл өнерпаздарының Қыдыр ата туралы қойылымымен жалғасты. Ауылда достықтары туыстыққа ұласқан қазақ, түрік, корей, орыс, украин, татар, әзірбайжан, ұлтының өкілдері бір-бірімен төс қағыстырып, ізгі тілектерін жеткізді. Аудан әкімінің орынбасары Самат Қыдырбекұлы бірлігі жарасқан ауыл тұрғындарын Ұлыстың Ұлы күнімен құттықтады.<blockquote>– Наурыз – күн мен түннің теңеліп, табиғаттың жаңаратын, бәріміз үшін берекенің бастауы болған мейрам. Тамыры тереңге кеткен мереке – халқымыздың болмысы, ырысы мен бірлігі, өнері мен мәдениеті. Ұлыстың Ұлы күні әз Наурыз – барлық ұлт пен ұлыстың басын қосқан, ел бірлігіне үндеген бүкіл халықтық мерекеге айналды. Биыл Мемлекет басшысы Қасым-Жомарт Тоқаевтың бастамасымен жаңа жылымыз он күн бойы тойланып, аймағымызда жақсы іс-шаралар өтуде. Ауданымыздың көркеюі, өсіп-өркендеуі өздеріңізбен бірге атқарған адал еңбектің, тынымсыз тірліктің жемісі. Баршаңызды Рамазан айымен қатар келген Наурыз мерекесімен шын жүректен құттықтаймын, – деді аудан әкімінің орынбасары.</blockquote>Ауылдың «Қазына» әжелер ансамблі ескінің есті ендерін шырқап, шараның шырайын кіргізді. Сонымен қатар қазақтың ұмыт болып бара жатқан ұлттық тағам түрлері әзірленіп, келушілерге ұсынылды. Думанды мерекені ауыл өнерпаздары концерттік бағдарламамен түйіндеп, тұрғындар естен кетпес жақсы көңіл күймен тарқасты.

Қармақшы: Бірлігі жарасқан ауылдағы берекелі той

<a href="https://kyzylorda-news.kz/">Kyzylorda-news.kz</a>&nbsp; Білім саласының майталмандары Нұрлан Нақпыт пен Алмагүл Пірәлиева мәуелі бәйтерекке айналған берекелі шаңырақтың иесі саналады. Жылдар бойы халық баласын оқытып, еңбек озаттарын шығаруға аянбай еңбек ете білген жандардың ұлағатты жолдары көпке үлгі болып табылады. Шын мәнінде, 40 жылға жуық білім саласында қызмет қылған қос қария бір салада жүріп, отау құрған екен. Анығын айтқанда, қазіргі Сырдария агра-техникалық колледжінде ардақты жандар ағартушылық саланың қыр-сырына тереңнен қаныға білген.Қызметтік жолында 5 директормен жұмыс жасаған Нұрлан Сақтағанұлы зайыбы – Алмагүл апамен баянды ғұмыр кешіп келеді. Үйдегі отағасы алғашында өндірістік оқу шебері атанса, жүзінен мейірім шуағы төгіліп тұратын аяулы ана математика пәнінен білім алушыға сабақ бергені ел есінде. Әрине, «Ұстаздық еткен жалықпас, үйретуден балаға» деген тәмсілді берік ұстанған ұлағатты жандар жас ұрпаққа білім беріп ғана қоймай, олардың тәрбиесіне де, жіті көңіл бөлгені баршаға аян. Өткен жылы жетпістің желкенін керген ел ағасы талай шеберді дайындап шығарғандығын ел-халық біледі.<blockquote>– Шындығында, апаң екеуміз білім саласында айқын қолтаңбамыз қалғанына дән ризамыз. Ең алғаш кәсіптік-техникалық училищеде танысқан сәттен жұбымыз жазылмағаны мәлім. Бізді білім саласының білгірі Сақыбек Алданазаров жұмысқа қабылдаған болатын. Кейіннен, Қуаныш Татанов, Сраждадин Балмағанбетов, Ғафур Үдербаев, Дархан Қожахметов секілді директорлармен қызметтес бола білдік. Ауыл шаруашылығы саласында қажыр-қайратын көрсетіп, озаттар қатарынан көрінген шәкірттеріммен мақтанамын. Әрқашан Орда Тоқтыбаев, Мәлік Ысқақов, Асан Жансейітов, Нариман Садықов сынды шәкірттерім өз ісінің шебері екендіктерін дәлелдей білді. Қазіргі уақытта оқу бағдарламасы өзгерген. Заман талабына сай техника да, жеткілікті. Оқимын деген адамға барлығы қолжетімді, – дейді ардақты аға.</blockquote>Н.В.Гоголь атындағы педагогикалық институтын математика мамандығы бойынша бітірген Алмагүл Төлепбайқызы Қызылорда қаласында дүниеге келген. Еңбек жолын қазіргі №35 Иса Тоқтыбаев атындағы мектеп-лицейден бастаған аяулы жар, ардақты ана қай кезде де, халық баласын өмірден өзіндік орын алуына ықпал еткен. Есеп-қисапты шәкіртіне меңгерткен тағылымы мол ұстаз мамандығы арқылы бақыттың кілтін таба білген.<blockquote>– Бүгінде білім саласына қатысты сан алуан өзгеріс орын алғаны мәлім. Мұғалімнің мәртебесі биіктеп, қиындығы мол қызметте олардың орны айқындала түсті. Дегенмен, қазіргі уақытта баланың тәрбиесі көңіл көншітпейді. Кезінде біз түске дейін сабақ беріп, түскі уақытта тәртібі қиын баланың үйіне барып, ата-анамен тағыз байланыс орнататын едік. Оқушының дұрыс жолға түсуіне, адал еңбек етуіне себепкер атанатын болатынбыз. Қазіргі оқу үдесірі мүлдем басқаша. Өзгеріске түсе беретін жүйенің салдарынан баланың оқу сауаты төмендеп кетеді. Үлгірімі нашарлайды, – дейді аяулы ұстаз.</blockquote>Осы күні зейнет демалысына шығып, балаларының амандығын тілеп отырған қос қария уақытысында сан түрлі марапатқа қол жеткізген. Мәселен, Нұрлан ағаның кеудесінде «Желтоқсанның 30 жылдығы» естелік медалі жарқырайды.&nbsp;

Кәсіптік білімнің майталмандары

<a href="https://kyzylorda-news.kz/">Kyzylorda-news.kz</a> Күнделікті өмірде су мен жарықсыз ешбір істің бітпейтіні анық. Оның ішінде, жарықтың тұрмыста адамдар үшін пайдасы зор. Жалпы қауіпті мамандықты меңгерген электр жүйесінің қызметкерлері әркез басын қатерге тігіп жатады. Үнемі аптап ыстықта, қарлы боранда, желдің өтінде жүретін олардың қызметі көп жағдайда көзге көріне бермейді. Осы ретте, тәулік бойы өлшеусіз еңбегімен ел-халықтың алғысын арқалап жүрген азаматтардың жұмысын саралау мақсатында Тереңөзек аудандық электр торабының бастығы Нұрлыбек Кәкіммен сұхбаттасқан едік.– Нұрлыбек Балғабайұлы, ең алдымен өзіңіз жетекшілік ететін бөлім жөнінде кеңінен мағлұмат беріп өтсеңіз.– Қазіргі уақытта аудандық электр торабында 54 маман мен қызметкер жұмыс жасайды. Біздің саланың адам өміріне қауіптілігі жоғары екені даусыз. Осы күні аудандық электр торабында 5 бағытта жасақталған бөлімдер қызметтік бөліністі жүзеге асырады. Мәселен, электр энергиясының есептеу бөлімінде 1 инженер, 1 техник, 1 оператор, 6 электромонтер, 3 бақылаушы, оперативті диспечер тобында 5 электромонтері, оперативті шұғыл бригадасында 5 электромонтері мен 5 жүргізуші бар. Ал кезекші электромонтері бөлімінде 5 қызметкер, №1 және №2 тарату тобында 5 қызметкерден еңбек етеді. Сала мамандарының біліктілігін арттырып, электр жүйесінің қызметін жақсартуға әрқашан күш сала береміз. Бірлескен жұмыстардың арқасында аудан халқын жарықпен қамтамасыз етуге мүдделіміз. Бөлім мамандары 4 автокөлікпен қамтамасыз етілген. Өткен жылы жаңа көліктің иегері атандық. Қазіргі уақытта жаңа автокөлік кәдемізге жарап тұр. Өзге де техникалық базаны Қызылорда қаласынан алдыртып, жұмыс барысын ұтымды үйлестіреміз. Күнделікті жұмыс тоқтамау үшін техникаға күтімді үздіксіз жүргіземіз.– Аудан көлемінде электр торабының қызмет көрсететін теңгеріміндегі электр қондырғылар, жоғары кернеу әуе желілері хақында айтып бересіз бе?– Жалпы, 35/10 кВ болатын қосалқы станция – 7 дана, 35/0,4 кВ болатын қосалқы станция – 1 дана, 10 кВ болатын (РП-10 кВ) – 2 дана бар. Сонымен қатар К(ТП)Н-10/0,4 кВ 10/0,4 кВ қосалқы станциясы 133 дананы, тұтынушы есебінен қосалқы станциясында 95 дананы құрайтынын айта кетейін. Сырдария ауданының негізгі қорек көзі 35 кВ «Жалағаш-Тереңөзек» әуе желісінен тұтынады. 35 кВ әуе желісінің ұзындығы 160,9 шақырым болып есептеледі. 10 кВ әуе желісіне 243,707 шақырым, 0,4 кВ әуе желісіне 244,568 шақырымды құрайды.– Электр желілеріне күрделі және ағымдағы жөндеу жұмыстары қандай бағытта жүргізілді? Алдағы жылдарға жоспарланған межеге тоқталасыз ба?– Осыдан 2 жыл бұрын аудан әкімдігі, аудандық тұрғын-үй коммуналдық шаруашылық, жолаушылар көлігі және автомобиль жолдары бөлімі және электр торабы бөлімімен бірлесіп тозығы жеткен электр желілерін жаңалауға байланысты ортақ жоба әзірлеген болатынбыз. Өз кезегінде өткен жылы Аманкелді, Айдарлы, Жетікөл, Қоғалыкөл ауылдарында электр желілері жаңартылды. 2023-2024 жылдары Шаған ауылы және 2024 жылы Қалжан ахун ауылының электр желісі мен қондыр­ғыларын жаңарту іске асырылып, ел игілігіне қызмет ететін болады. Бұдан бөлек, Асқар Тоқмағамбетов, Нағи Ілиясов, Шіркейлі, Сәкен Сейфуллин, Тереңөзек кентіндегі электр желілерінің тозу көрсеткіштеріне сәйкес толықтай жаңарту жоспарда бар.Өткен жылы бөлім мамандары күрделі жөндеу жұмыстарын жүргізді. Мәселен, 10 кВ әуе желілері бойынша Тереңөзек кентінде 10 бағана, 1,8 шақырым сым, 0,4 кВ әуе желілері бойын­ша Асқар Тоқмағамбетов ауылында 49 бағана 7,5 шақырым сым, Сәкен Сейфуллин ауылында – 19 бағана, 2,7 шақырым сым ауысты. Нағи Ілиясов ауылында 700 метр заманауи СИП4х35 сымы тартылды. Тереңөзек кентіндегі Азатбақыт Әлиакбаров көшесінің бойындағы көпқабатты тұрғын үйлердің 13 электр есептегіш құралы орнатылған жәшігі ауыстырылды. Тереңөзек кентінде 10 кВ әуе желілері бойынша 8 бағана және 0,4 кВ әуе желілері бойын­ша 10 бағана 2,7 шақырым сым жаңаланды. Биыл ағымдағы және күрделі жұмыстар бөлім тарапынан жүргізіле береді. Бұл ретте, 2024 жылы бекітілген жылдық өндірістік жоспар бойынша аудан көлемінде 35/10 кВ және 10/0,4 кВ қосалқы станциялардың оқшаулағыштарын тазалау, контактілерін керу жұмыстары 2 мәрте жасалады. Қосымша тазалау жұмыстары жүргізілетін мезетте аудан тұрғындарына электр желісінің ажыратылатыны жөнінде әлеуметтік желілер арқылы хабарланатын болады. Сонымен қатар жыл көлемінде тұрғын үйлерде орналастырылған электр есептегіш құралдары ұдайы тексеруден өткізіледі. Біздің мақсатымыз – жергілікті тұрғындарды электр желілерімен тұрақты әрі сапалы қамтамасыз ету.– Сала мамандарының еңбегін ерекше бағалаймыз. Аудан аумағында дауылды ескерту кезінде қызметкерлер күшейтілген режимде жұмыс жасайтын шығар?– Иә, әрине, ауа райының қолайсыздығынан туындайтын апаттық жағдайларда, алдын алу мақсатында сала маман­дарынан қосымша жұмыс тобы жасақталып, электр желісін қалпына келтіру жүзеге асырылады. Осындайда көпшіліктен түсіністік танытуды сұраймыз. Мамандарымыз 12 сағаттан ауысымдық кезекшілікке түсіп отырады. Тәжірибесі толысқан аға буын өкілдері жастарды барынша тәрбиелеп келеді. Кәсіби біліктілігін шыңдауға көмектеседі. Қызметкерлер арнайы оқытудан өтеді. Жыл көлемінде бірнеше мәрте емтихан тапсырады. Бұл ретте, электр мамандығын бітірген мамандарды біздің бөлімде жұмыс жасауға шақырамыз.– Сұхбатыңызға рақмет!&nbsp;&nbsp;

Нұрлыбек Кәкім: Біздің мақсатымыз – жергілікті тұрғындарды электр желілерімен тұрақты әрі сапалы қамтамасыз ету

<a href="https://kyzylorda-news.kz/">Kyzylorda-news.kz</a> Маңғыстау облысында жалған сертификат жасатып, біліктілігін арттырмақ болған мұғалімдердің ісі әшкере болды. Дерекке қатысты қаладағы оқу-әдістемелік орталығының басшылары түсінік берді, деп хабарлайды <a href="https://halyq-uni.kz/news/33009-zhalgan-sertifikat-zhasatyp-biliktiligin-arttyrmak-bolgan-mug-alimderdin-isi-shkere-boldy/">Halyq Uni.</a>&nbsp;Телеарна мәліметінше, білім саласындағы келеңсіздікті Ақтаудағы мұғалімдердің бірі жария еткен.«Сертификат алуға мектеп басшылығы мәжбүрледі» деген ол әр құжаттың кемі 17 мың теңге тұратынын айтты. Заңға қайшы келетін мұндай әрекетті айтқаны үшін азаматтың басы да дауға қалған.<blockquote>30 шақты адам алды. Мектеп әкімшілігі алаяқтармен айналысады деп, керісінше менімен айналысып кетті. Сапалы білім, әділдік қайда? Саналы ұрпақ тәрбиелемейміз бе? Мектеп әкімшілігінің қатысы бар деп ойлаймын. Жұмыстан шығып қаламын деп қорықпаймын. Заңсыз ештеңе істемедім. Азаматтық позициям, – деді ұстаз Жаңылсын Барсаева.</blockquote>Істің ақ-қарасын ажыратқан өңірдегі «Әділдік жолы» қоғамдық бірлестігі сертификаттардың расында заңсыз жолмен алынғанын анықтаған. Жауапты орын Астанадағы оқу-әдістемелік орталығына ресми хат жолдап, тізімдегі 40-қа жуық мұғалімнің біліктілік курсынан өтпегенін білді.<blockquote>«Өрлеу-Education» орталығынан келіп отырған сұраныс хатқа жауап берді. Олар мұндай үлгіде сертификат шығармайтынын жеткізген. Сонымен қатар көрсетілген мерзімде, желтоқсанда оқу курсы өтпеген», – деді «Әділдік жолы» қоғамдық бірлестігінің Маңғыстау облыстық филиалы директоры Асқар Жақсыбаев.</blockquote>Бұл дерекке қатысты қаладағы оқу-әдістемелік орталығының басшылары түсінік берді.Мұғалімдер үш жыл сайын біліктілігін арттыруға міндетті және арнайы курстан өтуге тиіс» деген олар біліктілік санатына қарай жалақы төленетінін айтты. Ал курстан өтпеген ұстаздар айлығы аз болады.Мектеп әкімдігі жағдайына қарайды, ақылы өте ме, жоқ па, өздері шешеді. Бұл курсты оқуға хат жіберілмеді. Өздері іздеп тауып алған. Мүғалімнің айлығына әсер етеді. Категория ала алмай қалса, әрқайсының белгіленген ақша мөлшері төленбейд», – деді оқу-әдістемелік орталығының директоры Күлпан Мирова.Телеарна тілшісінің хабарлауынша, қазір аталған іске қатысы бар деген мұғалімдерден жауап алынып, тергеу басталды. Облыстық полиция департаменті «Жалған құжаттарды қолдан жасау, дайындау немесе өткізу фактісі бойынша» қылмыстық істі тіркеп үлгерді. Заңға сәйкес, дерек расталған жағдайда азаматтарды 4 жылға бас бостандығынан айыру немесе ірі көлемде айыппұл арту қарастырылған.Фото: Halyq Uni&nbsp;

Жалған сертификат жасатып, біліктілігін арттырмақ болған мұғалімдер анықталды

<a href="https://kyzylorda-news.kz/">Kyzylorda-news.kz</a> Бүгін Қармақшыдағы Көшеней Рүстембекұлы атындағы аудандық жыраулар үйінің ұйымдастыруымен белгілі жырау, Қазақстанның еңбек сіңірген мәдениет қызметкері Шәмшат Төлепованың құрметіне арналған «Домбырасын моншақтаған жыр жауһарлары» атты қыз-келіншектердің облыстық жыр фестивалі өтті.Фестивальдің мақсаты – әйгілі Сыр сүлейлерінің тұяғы, шайырлардың тоқсан толғамды жыр дастандары мен жыраулардың мың сан иірімді мақам-саздарын өмірінің соңына дейін қолынан ақ домбырасын тастамай туған халқына жеткізіп кеткен, көмейінен күміс төгілген Шәмшат Төлепованың жарқын бейнесін мәңгі есте қалдыру, дәстүрлі жыраулық өнерді дәріптеу, ұлықтау болып табылады.Іс-шараны &nbsp;Қармақшы аудандық мәслихат төрағасы Әділ Қошалақов ашып, қатысушы өнерпаздарға сәттілік тіледі. Көмейіне жыр қонған талантты жандар өзара бақ сынасып, сайыс көркін қыздырды. Рухани кешке шөлдеп келген көрермендер де таң-тамаша тарқасты.Фестивальге қатысушы 13 жыршы-жырау қыздарымыз құт қонған қасиетті Қармақшының аспанын баба жырымен әуелетіп, жақұт жырларымен ел жүрегін тербетті. Шара соңында фестиваль қатысушылары Қармақшы ауданы әкімінің «Алғыс хаттарымен» марапатталды.

Қармақшыда облыстық жыр фестивалі өтті 

<a href="https://kyzylorda-news.kz/">Kyzylorda-news.kz</a> «Алыс жүрсең де жолмен жүр» немесе «Жолдың жайын жүрген білер» деген халықтың ұрпағымыз ғой. Сол себепті де жол мәселесіне келгенде қызығушылық танытып жататынымыз жасырын емес. Қызылорда облысындағы жолдың сапасын, өткен жылы оның қанша шақырымы жөнделгенін, қанша көшеге асфальт төселгенін және биыл атқарылатын жұмыстың ауқымын білу мақсатында Қызылорда облысының жолаушылар көлігі және автомобиль жолдары басқармасына хабарласқан едік.&nbsp;&nbsp; Тиісті басқарманың берген мәліметіне сүйенсек, Қызылорда облысы аумағында жергілікті маңызы бар автомобиль жолдарының жалпы ұзындығы &nbsp;3418,5 шақырымды құрайды. Тарқатып айтар болсақ, оның 1014,5 шақырымы республикалық болса, 555 шақырымы облыстық та, 1849 &nbsp;шақырымы аудандық маңызы бар автомобиль жолдары. Қызылорда облысының жолаушылар көлігі және автомобиль жолдары басқармасының басшысы Жәнібек Шәкімбайұлы Сыздықовтың сөзінше, өткен жылы атқарылған істің ауқымы аз емес көрінеді.<blockquote> – 2023 жылы жол инфрақұрылымын дамытуға республикалық және облыстық бюджеттен барлығы 38 млрд теңге бөлініп, ұзындығы 603 шақырымды құрайтын автомобиль жолдары, көшелер және көпір өткелдері жөндеуден өткізілді, – деді басқарма басшысы.</blockquote> Қызылорда облысының жолаушылар көлігі және автомобиль жолдары басқармасының баспасөз қызметі ұсынған ақпаратқа сенсек, 2023 жылы &nbsp;«Қуатты өңірлер – ел дамуының драйвері» ұлттық жобасы аясында ұзындығы 49,2 шақырымды құрайтын облыстық және аудандық маңызы бар автомобиль жолдарына құрылыс және қайта жаңғырту жұмыстары жүргізілген. Бұдан бөлек «Жалпы сипаттағы трансферттер» бағдарламасы аясында ұзындығы 188 шақырым болатын облыстық және аудандық маңызы бар автомобиль жолдары күрделі және орташа жөндеуден өткізілген. Сонымен қатар «Өңірлерді дамыту» бағдарламасы аясында ұзындығы 10 шақырым болатын Қызылорда қаласындағы 2 көше мен 2 көпір жөнделген. «Кіші қалаларды дамыту» бағдарламасы аясында ұзындығы 13 шақырымды құрайтын 9 көшеге жөндеу жұмыстары жүргізілді. &nbsp;Сондай-ақ облыстық бюджеттен қаржы бөлініп, 175 шақырымды құрайтын Қызылорда қаласы мен аудандарға қарасты елді мекендердің көшелері жөнделді. Атқарылған жұмыстың нәтижесінде индикаторлық көрсеткіш жақсарған.<blockquote> – 2023 жылдың қорытындысымен облыстық және аудандық маңызы бар автомобиль жолдарының жақсы және қанағаттанарлық индикаторлық көрсеткішінің үлесі 87,5%-ға жеткізілді, – Жәнібек Шәкімбайұлы.</blockquote> Басқармадағылар биылғы жұмыс жоспарымен де бөлісті. 2024 жылы жол инфрақұрылымын дамытуға республикалық және облыстық бюджеттен барлығы 27 млрд теңге бөлініп, ұзындығы 247 шақырымды құрайтын автомобиль жолдары, көшелер және көпір өткелдерін жөндеуден өткізу жоспарланған. Тарқатып айтқанда, «Қуатты өңірлер – ел дамуының драйвері» ұлттық жобасы аясында ұзындығы 33,5 шақырым болатын облыстық және аудандық маңызы бар автомобиль жолдарына құрылыс және қайта жаңғырту жұмыстарын жүргізу жоспарланыпты. Ал &nbsp;«Жалпы сипаттағы трансферттер» бағдарламасы аясында ұзындығы 57,9 шақырымды құрайтын облыстық және аудандық маңызы бар автомобиль жолдарына күрделі және орташа жөндеуден өткізу жоспарға енген. Жол жағдайын жақсартуға қатысты бағдарламаның бірі «Өңірлерді дамыту» деп аталады. Бұл бағдарлама бойынша ұзындығы 22,2 шақырымдық Қызылорда қаласының көшесі мен &nbsp;көпірді жөндеу де назарға іліккен. Бұдан бөлек «Кіші қалаларды дамыту» бағдарламасы аясында ұзындығы 2,4 шақрымды құрайтын көшені жөндеу де жоспарда тұр екен.&nbsp;Басқармадағылар бұл жұмыспен тоқмейілсімей облыстық бюджеттің қаржысына 54,4 шақырым болатын Қызылорда қаласы мен аудандарға қарасты елді мекендердің көшелерін жөндеуді де қаперге алған. &nbsp;<blockquote> – Осы ретте, мемлекеттік бағдарламалар аясында облыстағы жол саласын дамытуға республикалық бюджетке 55,6 млрд теңгені құрайтын 88 жоба ұсынылды. 2024 жылға нақтыланған 48 жобаның 17,1 млрд теңгесі қолдау тауып, облыстық және аудандық маңызы бар автомобиль жолдарының жақсы және қанағаттанарлық индикаторлық көрсеткішінің үлесі 92%-ға жеткізу межеленген, – деді Қызылорда облысының жолаушылар көлігі және автомобиль жолдары басқармасының басшысы Жәнібек Сыздықов.</blockquote> Қызылорда облысы бойынша облыстық, аудандық маңызы бар автомобиль жолдарын күрделі және орташа жөндеуден өткізу үшін &nbsp;8 жоба дайын көрінеді. Ұзындығы 116 шақырым екенін айта кетейік. &nbsp;Сонымен бірге &nbsp;2 көпірді күрделі жөндеу үшін жобасы дайын болса, 3 көпірдің күрделі жөндеу жұмыстарына жобалық-сметалық құжаттары әзірленіп жатыр екен. &nbsp; Жолдың жайын қаузап мақала жазған соң Қызылордадан Ақтөбеге дейінгі автобанның мәселесін қоса кеткенді жөн санадық. Өйткені осы екі аралықтағы жол жайы талайды толғандырып жүр. Батыс Қытай-Батыс Еуропа автобанының осы бөлігі тар екенін, ерсілі-қарсылы жүйіткіген көліктердің сыймай, тіпті бір-біріне соқтығысып жатқанын журналистер де, әлеуметтік желі қолданушылары да жазып келеді. Бұл мәселемен Мемлекет басшысы Қасым-Жомарт Тоқаев та жақсы таныс. Өткен жылы өңірімізге сапармен келгенде облыс әкімі Нұрлыбек Нәлібаев Президент Қасым-Жомарт Тоқаевқа осы жолдың жай-күйін түгел мәлім еткен болатын. Мемлекет басшысы сол жерде бірден Үкімет басшысының орынбасарына мәселені мүмкіндігінше тез шешуді тапсырды. Жұрттың ендігі тілегі Президент пәрмені орындалып, халық үлкен жолдың игілігін ертерек көрсе екенке саяды.&nbsp; Әзиз ЖҰМАДІЛДӘҰЛЫ &nbsp;

Күретамырға қан жүгірсін десек,  жолдың жайын жақсарту керек

&nbsp;<a href="https://kyzylorda-news.kz/">Kyzylorda-news.kz</a>&nbsp; Бүгін – Жаңару күні. Өткенді қайта қарап, болашаққа жоспар құру кезеңі. Наурызнамаға енгізілген бұл атаулы күнді биыл көктемгі ағаш егу дәстүрімен бастау ұсынылды. Мерекеге орай, еліміздің әр түкпірінде түрлі шара өткізілмек. Мектеп пен балабақшаларда да мерекелік іс-шаралар жоспарланған.&nbsp;19 наурыз &nbsp;-&nbsp; «Наурызнама» онкүндігі бойынша «Жаңару күні» яғни қоғамның барлық салаларын жаңарту, ағаш көшеттерін отырғызып, түрлі экологиялық акцияларға үн қосу.Осы ретте Қазалыда Наурыз мерекесі қарсаңында ұйымдастырылған «Көктемгі көшет» тал егу акциясына зиялы қауым өкілдері, ардагерлер, аудандық мәслихат депутаттары, түрлі сала қызметкерлері мен белсенді жастар және еріктілер қатысып, аудан аумағын көшетпен көмкерді.Жаңару күнінде қазалылықтар қарағаш, үйеңкі сынды 150 түп ағаш екті.Аудан әкімі Мейрамбек Шермағанбетте игі бастамаға қолдау көрсетіп, әрбір тұрғын тазалықты өз ауласынан бастап, қала аумағын жасыл-желекпен көмкеруге үлес қосуы тиіс екенін айтып, қазалылықтарға жаңару күнінде бақ-береке тіледі.Мұнан соң аудан басшысы тал егу акциясына үлес қосқан азаматтармен пікірлесіп, ақжарма тілегін арнады.Тазалыққа үндейтін «Жаңару» күнінде қазалылықтардың басын қосқан экологиялық акция дәл бүгін ауданға қарасты барлық кент, қала және ауылдық округтерде жалғасын табуда.<img src="https://knadmin.beoblood.kz/uploads/433459922_1969387683456734_85099403609096644_n_036e44510e.jpg" alt="433459922_1969387683456734_85099403609096644_n.jpg">

Жаңару күнінде қазалылықтар 150 түп көшет екті

<a href="https://kyzylorda-news.kz/">Kyzylorda-news.kz</a> 23 наурыз күні Әзербайжан астанасы Бакуде бокстан "Жібек жолы" халықаралық турнирі өтеді. &nbsp;Бір аптаға созылатын бәсекеге Қазақстан боксшылары да қатысады, - деп хабарлайды ҚР ҰОК.Оннан астам елден 100-ден аса боксшы қатысатын турнирде Қазақстан құрамасы 11 салмақ дәрежесінде сынға түседі.Турнирге қатысатын Қазақстан боксшылары:48 кило: Теміртас Жүсіпов 51 кило: Дамир Әбдіқадыр 54 кило: Тимур Қабешов 60 кило: Талғат Сырымбетов 63,5 кило: Серік Теміржанов 67 кило: Бақтияр Смағұлов 71 кило: Дархан Дүйсебай 75 кило: Тимур Нұрсейітов 86 кило: Бекзат Таңатар 92 кило: Сағындық Тоғамбай 92+ кило: Қамшыбек ҚоңқабаевҚұраманы жаттықтырушылар Мырзағали Айтжанов, Марат Жақиев, Азамат Мақажанов, Нұржан Насанов бастап барады.&nbsp;Айта кетейік, қазақ боксшылары жуырда ғана Бусто-Арсициодағы лицензиялық жарыстан оралды. Италияда Сәкен Бибосынов (51 кг), Махмұд Сабырхан (57 кг), Асланбек Шымбергенов (71 кг), Нұрбек Оралбай (80 кг) және Айбек Оралбай (92 кг) Олимпиада жолдамасын жеңіп алды. Азия ойындарында Қамшыбек Қоңқабаев алғаш болып лицензия алған. Ерлер арасында енді 63,5 килода ғана жолдама бұйырған жоқ. Алда тағы бір іріктеу турнирі бар.&nbsp;Әйелдер арасында бір ғана жолдама бар. 57 килоға дейінгі салмақта бұл лицензияны Карина Ибрагимова жеңіп алған болатын. Өзге бес салмақ дәрежесінде (50, 54, 60, 66 и 75 кг) жолдама әлі бұйырған жоқ.Фото: kfb.kz&nbsp;

Қамшыбек Қоңқабаев бастаған қазақ боксшылары Бакудегі турнирде бақ сынайды

<a href="https://kyzylorda-news.kz/">Kyzylorda-news.kz</a> Ұлыстың Ұлы күні - Наурыз мейрамын тойлаудың жаңа форматына сәйкес 19 наурыз – «Жаңару күні» болып белгіленді.Қазақта күн мен түннің теңеліп, табиғаттың тағы бір әсемденіп, жаңаратын күнін ерекше күткен, жаңа күннің бастауын жақсылыққа балаған.Осы ретте Достық үйінде Қызылорда облыстық ҚХА жанындағы Ғылыми-сарапшылық тобының ұйымдастыруымен ғылыми кеңес өтті. Кеңесте зиялы қауым өкілдері мен ғалымдар баяндама оқып, пікірталасты.Кеңестің модераторы облыстық Қазақстан халқы ассамблеясы жанындағы Ғылыми-сарапшылық тобының жетекшісі Айтжан Оразбақов «Көктем – табиғаттың жаңарып, тіршілік қайта жанданатын мезгіл. Айрықша мейрам – Ұлыстың ұлы күні де жаңару, жаңғыру ұғымдарынан құралған. Бүгін күні еліміз үшін Наурыз мейрамы тек қуанышты тойлау ғана емес, өткенді саралап, болашаққа жоспар құрудың уақыты, - деді.Мұнан соң саяси ғылымдарының кандидаты, қауымдастырылған профессор, Қызылорда облыстық ҚХА жанындағы ғылыми-сарапшылық тобының мүшесі Мұрат Насимов қазіргі таңдағы жастар саясатының жүзеге асырылу барысы және өзекті мәселелері, жастардың дәстүрлі және инновациялық құндылықтары мысалында сөз қозғады. «Қоғамдық келісім» КММ директорының орынбасары, Философия докторы (PhD) Дәулет Омаров Наурыз мерекесінің шығу тарихы, бүгінгі қоғамдағы алатын орны жайлы кеңінен тарқатып айтты. Қорқыт Ата атындағы Қызылорда университетінің "Тарих" кафедрасының аға оқытушысы, педагогика ғылымдарының магистрі Бақытжан Ахметбек қазақ рухани тарихындағы батырлығы мен шешендігі мен ел басқару ісімен танылған тұлғалар жайлы құнды мәліметтермен бөлісті.Ғылыми кеңестің соңында қатысушылар пікірлерін ортаға салып, өз ұсыныстарын айтты.

Қазақстан және Қызылорда облысының жаңалықтары