<a href="https://kyzylorda-news.kz/">Kyzylorda-news.kz.</a> Бизнесті дамыту үшін кәсіпкерлер көбінесе жылдамжәне тиімді мөлшерлемеменберілетін қаржыландыру көздерін іздейді. Қосымша ақшалай қаражатты инвесторларды тарту есебінен, шағын бизнесті қолдаудың мемлекеттік бағдарламалары немесе кредиттік ұйымдарда қарыз ресімдеу арқылы алуға болады.Кәсіпкер және бизнес кредит алу үшін қандай өлшемшарттарға жауап беруі керек, қаржыландыруды тартудың балама жолдары қандай және олар қай тұрғыдан неғұрлым тиімді болуы мүмкін екенін Fingramota.kz-пен бірге қарастырамыз.Бүгінгі таңда кәсіпкерлерге берілетінкредиттік өнімдердің түрі көп. Әрбір қаржы ұйымы шағын және ірі бизнеске әр салаға қарыз беру бойынша өз талабын қояды.Бизнеске кредит беру әдістерінің жіктелуі қаржылық өнімдердің мынадай түрлерін қамтиды:• бір реттік қарыз; • кредиттік желі; • овердрафт; • коммерциялық ипотека; • овердрафт.Бір реттік қарыз— бұл банктің белгілі бір бизнес мақсаттарына беретін кредиті. Мақсаттар мынадай болуы мүмкін: айналым қаражатын толықтыру, негізгі қаражатты толықтыру, берешекті қайта қаржыландыру. Әдетте мұндай кредиттердің пайыздық мөлшерлемесітөмен болып келеді &nbsp;және кепілге беріледі, сондай-ақ ең жоғары мөлшерлемемен кепілсіз қарыз беру түрі де бар. Сома бөліктерге бөлініп, ай сайын өтеледі, сонымен қатар мерзімінен бұрын өтеу мүмкіндігі де бар. Кредит берудің барлық талаптары шартта белгіленген.Кредиттік желі— бұл жеке тұлғаларға берілетін кредиттік карточкағаұқсас пайдалану шарттары бойынша заңды тұлғаға берілетін қарыз.Банк клиентке белгілі бір лимитті мақұлдайды, содан кейін ол барлық соманы бірден пайдалана алады немесе оны бөліктермен ала алады.Бұл ретте пайыздар қарыздың барлық сомасына емес, тек алынған және пайдаланылған бөлігіне ғана есептеледі. Кредиттік желі жаңартылатын және жаңартылмайтын болып табылады. Егер кредиттік желінің жаңартылатын лимиті болса, онда кәсіпкер борышты қайтарған кезде қарыз лимиті қалпына келтіріліп, қайтадан алуға болады. Егер желі қалпына келмейтін болса, онда лимит қалпына келтірілмейді және оны таусылғанға дейін қолдануға болады.Овердрафт — бұл шот бойынша уақытша минусқа кету. Шоттағы ақшаңыз таусылған, жаңадан ақша әлі түспеген, алайда төлемді сол сәтте жасау керек болған жағдайларда, сіз банктің ақшасын қосымша рұқсаттар мен келісімдерсіз пайдалана аласыз. Шотқа қосылған овердрафт қосалқы әмиян ретінде қызмет етеді: контрагенттерге төлеңіз, уақытша минусқа кете тұрыңыз, ал ақша шотқа түскен кезде овердрафт автоматты түрде өтеледі және сізге белгілі бір сома қайтадан қол жетімді болады.Коммерциялық ипотека — бұл коммерциялық және немесе тұрғын емес жылжымайтын мүлікті сатып алуға арналған ипотека. Мұндай қарыз кеңсе, сауда, қойма немесе өндірістік үй-жай сатып алуға мүмкіндік береді. Сатып алынатын жылжымайтын мүлікті кепілге бере отырып, ипотека немесе қолда бар жылжымайтын мүлікті кепілге бере отырып, кредит ресімдеуге болады.Лизинг – бұл істі кеңейтудің немесе кәсіпорынды түрлендірудің жеңіл әрі тиімді тәсілі. Банк сіздің сұратуларыңыз бойынша сізге қажет өтімді тауарларды сатып алады, ал сіз оларды бірнеше жыл бойы пайдаланасыз және одан кіріс аласыз.Шарт мерзімі ішінде сіз тауарлар мен жалдау ақысын біртіндеп төлейсіз. Барлығы толық төленген кезде тауарлар сіздің меншігіңізге өтеді.Кәсіпкерлер үшін жеңілдетілген бағдарламаларҚазақстанда бүгінгі күні банктік қаржыландырудан басқа, «Даму» кәсіпкерлікті дамыту қоры» АҚ-тың мемлекеттік қолдауымен жеңілдетілген талаптармен кәсіпкерлер үшін қаржыландыру бағдарламалары іске асырылуда. «Даму»қоры шағын және орта бизнес кәсіпорындарына мынадай түрлері бойынша қаржылық және қаржылық емес қолдау көрсетеді:- өңірлер мен жекелеген салалар үшін нысаналы бағдарламалар шеңберінде екінші деңгейдегі банктер арқылы жеңілдетілген кредит беру, микрокредиттік ұйымдар арқылы микрокредит беру;- субсидиялау– банктер беретін бизнесті дамытуға арналған кредиттер&nbsp; бойынша сыйақы мөлшерлемесін төмендету;- кепілдік беру–банктердің кредиттері бойынша кепіл ретінде ішінара&nbsp; кепілдік беру.Сондай-ақ исламдық қаржыландыру қағидаттарында субъектілерді қаржыландыру, шағын және орта жеке кәсіпкерлік субъектілерін қаржыландыру да танымал болып отыр. Исламдық қаржыландыру — бұл мемлекеттік және муниципалдық жобалар үшін де, жеке жобалар үшін де қаржыландыру көзінің балама нұсқасы. Ол үшін елімізде және Астана Халықаралық Қаржы Орталығында (бұдан әрі-АХҚО) ең үздік халықаралық тәжірибелер мен стандарттарға сәйкес келетін барлық қажетті инфрақұрылым мен нормативтік құқықтық база құрылды. АХҚО-да исламдық қаржы қызметтері индустриясына ислам банктері, активтерді басқару жөніндегі компаниялар, инвестициялық қорлар, такафул - және ретакафул-компаниялар, өзге де исламдық қаржы ұйымдары, сондай-ақ исламдық қаржыландырудың жетекші халықаралық институттары арасынан қатысушылар кіреді.Қаржыландыруды тартудың балама көздері1. Бизнесті дамыту үшін кәсіпкер жеке инвесторларға жүгіне алады. Қаржыландырудың бұл түрінің артықшылығыжеке тәсіл және ақша қаражатын жедел алу. Алайда, бизнестен түсетін кірістер сіз бен инвестор арасында теңдей немесе келісім бойынша бөлінетінін есте ұстаған жөн. Егер кәсіпкерге бизнесті дамыту үшін жеткіліксіз соманы кепілге ұсынса, мұндай қарызды рәсімдеудің қажеті жоқ екенін білу маңызды.Компанияның балансындағы жалғыз мүлікті кепілге қойып, кейіннен қаржыландырудың жеткіліксіздігіне байланысты оларды жоғалтқаннан гөрі басқа қаржыландыру көздерін іздеген дұрыс.&nbsp;2. Қажетті жабдықтарды, көлік құралдарын және арнайы техниканы лизинг шарты бойынша сатып алуға болады. Лизинг шарты бойынша пайыздық мөлшерлеме нарық құнымен салыстырғанда айтарлықтай төмен болады. Алайда, кәсіпкер мүлікті толық сатып алғанға дейін лизингтік компанияның меншігінде болатынын есте ұстауы керек. Шарт бойынша міндеттемелер бұзылған жағдайда, лизинг беруші оны сот талқылауынсыз ала алады. Егер лизинг беруші банкротқа ұшыраса, қиындықтар туындауы мүмкін.&nbsp;3. Кәсіпкерлер кейбір компаниялармен факторинг шарты бойынша жұмыс істей алады.Факторинг— бұл төлемді кейінге қалдыру талаптарымен жұмыс істейтін компанияларғаарналғанқаржылық қызмет. Факторинг туралы шартты үш тарап жасайды: кәсіпкер, тауар жеткізуші және фактор арасында. Бұл жағдайда қаржы ұйымыүшінші тарап бола алады.Факторинг шарты регрестік және регрестік емес болуы мүмкін.Регрестік– сатып алушыдан немесе жеткізушіден төлемді өз қалауы бойынша өндіріп алады, екіншісі бойынша қарыз сатып алушыдан өндіріп алынады.Кәсіпкер сыртқы қаржыландырудың кез келген көзі сияқты, факторингтің пайданы қысқартуға ықпал ететінін есте ұстауы керек.Сондықтан, Сіздің бизнесіңіз үшін оның қаншалықты оңтайлы екенін анықтау үшін,оның құнын алдын ала есептеңіз.Кредит рәсімдеу үшін делдалдарды тартқан жағдайда, қандай тәуекелдергебарасыз?Көбінесе кәсіпкерлер кредит алу процесін жеделдету үшін қажетті құжаттарды дайындауға көмектесетін кредиттік делдалдарға жүгінеді. Алайда мұндай делдалдармен өзара әрекеттесу күтпеген сценарийлерге әкелуі мүмкін Сіздің конфиденциалды ақпаратыңыз үшінші тұлғаларға берілуі мүмкін, бір күндік фирмаларды құру үшін және басқа да заңсыз мақсаттар үшін пайдаланылуы мүмкін.Қорытындылай келе, кәсіпкер ықтимал жағымсыз салдарға байланысты қаржыландырудан бас тартпауы керек екенін айта кету керек. Дегенмен, оны тартуға өте абай болған жөн!Жобаның перспективаларын талдау, құқықтық тәуекелдер мен ықтимал салдарды бағалау маңызды. Қаржыландыруды тарту жаңа мүмкіндіктер ашады, бірақ асығыс шешімдер кәсіпкерді бизнес пен мүліктен ғана емес, бостандығынан да айыруы мүмкін.

Кәсіпкерлерге берілетін кредиттер: қарызға батпау үшін нені білген жөн

<a href="https://kyzylorda-news.kz/">Kyzylorda-news.kz.</a> Қазақстан Республикасының «2021-2025 жылдарға арналған кәсіпкерлікті дамыту ұлттық жобасы» жаңа бизнес-идеяларды іске асыруға мемлекеттік қайтарымсыз грантты иеленген тұрғындар көп.Солардың бірі Қармақшы ауданының тұрғыны, көпбалалы ана Ж.Абдуллаева 2023 жылы кәсіппен айналысу мақсатында «Бастау Бизнес» жобасы бойынша кәсіпкерлік негіздеріне оқып, аяқтау туралы электрондық сертификатын алған.Комиссияның мақұлданған шешімі негізінде өзінің «Сұлулық салонын ашу» мақсатында бизнес-идеясын іске асыру мақсатында 400 еселенген айлық есептік көрсеткіш мөлшерінде грант жеңімпазы атанған.Қазіргі уақытта, қосымша жұмыс орнын ашып, бір адамды тұрақты жұмысқа қабылдап, өзінің кәсібін дамыту мақсатында жұмыс жасауда.

Қармақшылық тұрғын бір адамды жұмыспен қамтып отыр

<a href="https://kyzylorda-news.kz/">Kyzylorda-news.kz.</a> Қазақстан Республикасының «2021-2025 жылдарға арналған кәсіпкерлікті дамыту ұлттық жобасы» жаңа бизнес-идеяларды іске асыруға мемлекеттік қайтарымсыз грантты иеленген азаматтар өздерінің бизнес-идеяларын жүзеге асыруда.Соның бірі – Сырдария ауданының тұрғыны, көпбалалы ана У. Кубесова 2023 жылы кәсіппен айналысу мақсатында «Бастау Бизнес» жобасы бойынша кәсіпкерлік негіздеріне оқып, аяқтау туралы электрондық сертификатын алған.Комиссияның мақұлданған шешімі негізінде 2023 жылдың наурыз айында өзінің «Тігін шеберханасын ашу» мақсатындағы бизнес-идеясын іске асыру мақсатында 400 еселенген айлық есептік көрсеткіш мөлшерінде грант жеңімпазы атанған.Қазіргі уақытта, қосымша жұмыс орнын ашып, бір адамды тұрақты жұмысқа қабылдап, өзінің кәсібін дамыту мақсатында жұмыс жасауда.

Көпбалалы ана тігін шеберханасын ашты

<a href="https://kyzylorda-news.kz/">Kyzylorda-news.kz.</a> Қызылордалық кәсіпкер Индира Жұмашева түйе жүн көрпелерін Аралдың брендіне айналдырғысы келеді. Ол қазірдің өзінде көрпе тігу үшін жылына 1,5 тонна түйе жүнін пайдаланып жүр. Енді көлемін бірнеше есе арттыруды ойластыруда.Индира – тігінші. Еңбек жолын сұлулық салонынан бастағанымен денсаулығы сыр беріп, жаңа бағытты игереді. Тігін саласы ол үшін таңсық емес. Жастайынан анасынан үйренгенін жетілдіріп, біліктілігін арттырып алады.Перде, тұрмысқа қажет өзге де киім, дүниелерді тігумен айналысатын Индира кәсібін жолға қойып алған. Бүгінде ол құрған «Ай-Аружан» тігін орталығында 15 адамды жұмыспен қамтылған. Оның үшеуі мүмкіндігі шектеулі азаматтар.Тігіннің қыр-сырын меңгерген кәсіпкер синтетикадан жасалатын көрпелерді өзгертуге бел байлайды.<blockquote>«Қазір тұтынып жүрген жамылғы көрпелердің басым көпшілігі синтетикадан. Арал - теңізінен өзге түйесімен де танымал екенін жақсы білесіздер. Міне сол түйенің жүнін «неге кәдеге асырмасқа?» деп ойлана бастадым. Алғашында түйе жүн көрпені дайындап, өзім пайдаландым. Ұнағаны жеңіл, әрі ауа өткізу қабілеті жоғары, яғни денең дем алады. Осылайша жаңа өнімді нарыққа шығаруды қолға алдым», – дейді Индира Жұмашева.</blockquote>Кәсіпкердің түйе жүн көрпе тігумен айналысқанына да 5-6 жыл болған. Оның айтуынша, бір адамдық көрпеге 1,8-2 килограмм жүн кетеді. Онда да көрпеге түйенің барлық жүні жарай бермейді, тек бүйір жүні керек.<blockquote>«Бір түйеден 3 килограмдай бүйір жүн шығады. Біз соны пайдаланамыз. Ол ең жұмсақ, қолдануға қолайлы. Оны жақсылап жуып-тазалап, түткеннен кейін ғана көрпе дайындалады. Өніміміз экологиялық таза. Жақында сәйкестендіру сертификатын алдық. Түйе жүнін бізде бірден сыртқа жіберіп жатыр. Сапалы шикізатты жинау үшін ауылдарды аралап, алдын ала ақысын төлеп, келіссөздер жүргізіп жатырмыз», – дейді кәсіпкер.</blockquote>Түйе жүнін төсек-жабдықтарда қолдану аясын кеңейту үшін кәсіпкер түрлі мамандармен кеңесіп, жұмыс істеп жатыр. Мәселен, жақында Алматы қаласынан арнайы эксперт алдырып, мамандарын оқытып алмақшы. Одан бөлек Италия, Түркиядағы әріптестерімен де байланыс орнатып жатыр.Түйе жүн көрпелерге Астананың, Алматы мен Қарағандының тұрғындары ерекше қызығушылық танытып, жиі тапсырыс береді екен.Индира Жұмашева кәсібін жүргізуде, жетілдіруде Кәсіпкерлер палатасының қолдауы ерекше екенін атап өтті. Салаға қатысты түрлі жаңалықтарды, қолдау механизмдерін осы ұйым арқылы алатынын атап өтті.Биыл Индираның түйе жүн көрпесі Қызылорда облысының кәсіпкерлер палатасы ұйымдастырған «Қазақстанның үздік тауары» өңірлік көрме-байқауында «Халыққа арналған үздік тауарлар» номинациясында жеңімпаз атанды. Енді республикалық кезеңде бақ сынайды.<img src="https://knadmin.beoblood.kz/uploads/399a01bb_ccfc_4a15_831c_ffa2f27b78c5_d7234935c1.jpg" alt="399a01bb-ccfc-4a15-831c-ffa2f27b78c5.jpg"><img src="https://knadmin.beoblood.kz/uploads/c6827488_6955_4872_a0dc_ee4ffa887e30_20fb04fceb.jpg" alt="c6827488-6955-4872-a0dc-ee4ffa887e30.jpg">

Қызылордалық кәсіпкер көрпе тігу үшін жылына 1,5 тонна түйе жүнін пайдаланады

<a href="https://kyzylorda-news.kz/">Kyzylorda-news.kz.</a> Жалағаш аудандық маңызы бар Ақсу ауылына кіреберіс жолына асфальт төселді.Аудандық маңыздағы Ақсу ауылына кіреберіс автомобиль жолына асфальт төсеу жұмыстары жүргізілді. Алдағы уақытта көше белгілерін орнату жұмыстары жалғасатын болады.2023 жылы Жалағаш ауданы бойынша аудандық маңызы бар 3 жол толықтай жөндеуден өтуде.<img src="https://knadmin.beoblood.kz/uploads/367489160_1758700554582015_6897316397555169696_n_e2f6cb7fc5.jpg" alt="367489160_1758700554582015_6897316397555169696_n.jpg">

Ақсу ауылының кіреберіс жолына асфальт төселді

<a href="https://kyzylorda-news.kz/">Kyzylorda-news.kz.</a> 2023 жылғы 1 тамыздағы жағдай бойынша 102,7 мың отбасындағы 538,9 мың адамға атаулы әлеуметтік көмек (АӘК) тағайындалды. Биыл осы мақсаттарға бюджеттен 65 млрд теңге бөлінді, деп хабарлайды ҚР Еңбек және халықты әлеуметтік қорғау министрлігінің баспасөз қызметі.АӘК отбасының әрбір мүшесіне жан басына шаққандағы орташа табысы өңірлік ең төменгі күнкөріс деңгейінің 70%-ынан төмен азаматтарға тағайындалады.Биыл 1 қаңтардан бастап берілген кепілдендірілген әлеуметтік топтама көмектің табиғи нысанынан, монетизациялау форматына қосымша төлем түріне 1 жастан 6 жасқа дейінгі балаларды қоса алғанда 1,5 АЕК мөлшеріне (2023 жыл – 5175 теңге) ауыстырылды.Осы жылдың 1 тамызындағы жағдай бойынша АӘК алушылар қатарындағы 1 жастан 6 жасқа дейінгі балаларды қоса алғанда – 166,5 мың балаға қосымша төлем тағайындалды.Қазіргі уақытта қазақстандықтар АӘК тағайындауға өтінішті тұрғылықты жері бойынша мансап орталығында, ауыл округінің әкіміне сондай-ақ egov.kz электрондық үкімет порталы арқылы бере алады.

8 айда 538 мыңнан астам адамға атаулы әлеуметтік көмек көрсетілген

<a href="https://kyzylorda-news.kz/">Kyzylorda-news.kz.</a> Кореяның көрнекті патриоты және халық қаһарманы Хон Бом До көшесінде ескерткіш тақтасын ашу рәсімі өтті. Оған Қызылорда облыстық қоғамдық даму басқармасының басшысы Алмасбек Есмаханов, Корей елінің теңіз күштерінің Вице-адмиралы Шин Чанг И, Кореяның тарих және мәдениет орталығының атқарушы директоры Ко Чин Хо, тарих және мәдениет орталығының бас хатшысы Чонг Кенг Вон және өңірлік корей этномәдени бірлестігі жетекшісінің орынбасары Денис Пак қатысты.<blockquote>«Кореяның азаттығы мен тәуелсіздігі үшін күрескен және өмірінің соңғы жылдарын біздің қалада өткізген Ұлт қаһарманы Хон Бом Доны атап өтпеске болмайды. Генералдың құрметіне Хон Бом До қалада мемориал тұрғызылды, оның есімімен қала көшелерінің бірі аталды. Мемлекет басшысының 2021 жылы Кореяға мемлекеттік сапары барысында Хон Бом Доның сүйек мүрдесін қайтару рәсімі екіжақты қарым-қатынастардың дамуына үлкен серпін берді. Корей тарапының бастамасымен Хон Бом До мемориалдық кешенін қайта құру жұмыстары жүргізілуде. &nbsp;Біз дамып келе жатқан өзара серіктестікті жоғары бағалаймыз және корей тарапымен ынтымақтастықты одан әрі кеңейтуге ұмтыламыз. Бүгін міне, Корея елінің халық қаһарманы Хон Бом Доның құрметіне арналған ескерткіш тақтаның ашылуы соған дәлел», -деді басқарма басшысы Алмасбек Есмаханов.</blockquote>Корей елінің теңіз күштерінің Вице-адмиралы Шин Чанг И құшақ жая қарсы алған Қызылорда облыстық қоғамдық даму басқармасының басшысына, Достық үйіне ризашылығын білдірді. Кореяның көрнекті патриоты Хон Бом Доға көрсетілген құрмет үшін барша делегация мүшелері атынан алғысын жаудырды.Мәртебелі меймандар өңірлік корей этномәдени бірлестігінің де атқарып жатқан ауқымды жұмысы, Корея және Қызылорда арасындағы үлкен дәрежедегі достықты сөз етіп, бұл сапар ынтымақтастық бағытындағы екіжақты әріптестікті одан әрі нығайтуға мүмкіндік беретінін айтып өтті.Ескерткіш тақтасын салтанатты түрде басқарма басшысы Алмасбек Есмаханов және Корей елінің теңіз күштерінің Вице-адмиралы Шин Чанг И ашты.<img src="https://knadmin.beoblood.kz/uploads/Whats_App_Image_2023_08_17_at_09_37_46_0784ec2686.jpeg" alt="WhatsApp Image 2023-08-17 at 09.37.46.jpeg"><img src="https://knadmin.beoblood.kz/uploads/Whats_App_Image_2023_08_17_at_09_37_46_1_0d27c47883.jpeg" alt="WhatsApp Image 2023-08-17 at 09.37.46 (1).jpeg">

Хон Бом До көшесінде ескерткіш тақтасын ашу рәсімі өтті

<a href="https://kyzylorda-news.kz/">Kyzylorda-news.kz.</a> Қызылорда облысының әкімі Нұрлыбек Нәлібаев «China national machinery industry corporation (Sinomach)» компаниясының Қазақстан Республикасындағы Бас өкілі Ли Цзинвэй мырзамен кездесіп, Қызылордада кальцийленген сода зауытын салу мәселесін талқылады.Аймақ басшысы өңірдегі шыны зауытының негізгі өндірістік компоненттерінің бірі – кальцийленген содаға жылдық сұраныс 36 мың тонна екенін айтып, аталған өндірісті Сыр өңірінде құруды ұсынды.&nbsp;«Біз қытайлық тараппен өзара байланысты арттыруға бағытталған перспективалы жобаларды іске асыруға ниеттіміз. Сіздерге өңірдегі инвестиция қажет ететін 72 жобаның тізімін ұсынамыз. Әлеуетті индустриялық жобаларды орналастыру үшін облыста инженерлік инфрақұрылым жүргізілген индустриялық аймақтар құрылған (су, газ, электрмен жабдықтау, кәріз, авто және теміржол және т.б.) және 324 гектар бос жер учаскелері, бірқатар дайын өндірістік объектілер бар. ҚР Сыртқы істер министрлігінің Инвестициялар жөніндегі комитетімен жасалатын келісім-шарт шеңберінде инвестициялық преференциялар, яғни заттай грант, кедендік баждардан, қосылған құн салығынан босату, салықтық преференциялар көзделген. Мемлекет тарапынан отандық өнімдерді сыртқы нарыққа шығару үшін кәсіпорындарға жан-жақты сервистік қолдау, жол шығындарын 80%-ға дейін өтеу қарастырылған», – деді Нұрлыбек Машбекұлы.Өз кезегінде Ли Цзинвэй мырза Сыр өңірінде жаңа инвестициялық жобаларды жүзеге асыру мүмкіндігін қарастыруға ниет білдірді. Айта кетейік, Sinomach компаниясының негізгі активтері «YTO Group» ауыл шаруашылығы және құрылыс техникасын өндіруші, «China Hi-Tech Group Corporation» тоқыма жабдықтары мен талшықтарын өндіруші және &nbsp;«China Machinery Engineering Corporation» құрылыс компанияларына тиесілі. Сондай-ақ, компанияның құрамына Қытай ауыл шаруашылығын механикаландыру академиясы, 27 еншілес компания мен акциялары қор биржаларында тізімделген 13 компания кіреді. Елімізде Жамбыл облысында филиалы бар.&nbsp;Еске салсақ, қазір Қызылорда облысы инвестиция тарту және әлемнің озық тәжірибелерін игеру мақсатында жан-жақты әріптестік орнатуда. Өткен айда Қытай Халық Республикасына жұмыс сапары кезінде облыс әкімі мамандарды тегін оқыту бойынша Меморандумға қол қойды.&nbsp;Мұнан бөлек, мамыр айында облыс делегациясы Корея Республикасының Сеул, Тэджон қалаларына және Чоллабук-до провинциясына барды. Осы &nbsp;сапарда Кореяның жетекші жоғарғы оқу орындарының президенттері және өңір басшыларымен екіжақты ынтымақтастықты дамыту туралы Меморандумдар жасалды.&nbsp;

Аймақ басшысы «Sinomach» компаниясына өңірдің инвестициялық жобаларын таныстырды

<a href="https://kyzylorda-news.kz/">Kyzylorda-news.kz.</a> Қазгидромет ел аумағында 17 тамызда болатын қауіпті метеорологиялық құбылыстарға болжам жасады.Атмосфералық фронтальды бөлімдердің өтуіне байланысты еліміздің батысында, шығысында тұрақсыз ауа райы күтіледі. Жаңбыр, найзағай, түнде Шығыс Қазақстан облысының таулы аймақтарында жауын-шашын болады. Республика бойынша екпінді жел тұруы мүмкін, солтүстікте, шығыста, оңтүстік-батыста, орталықта түнгі және таңертеңгі сағаттарда тұман түседі.<blockquote>«Күндіз Атырау облысының батысында, шығысында, Ақтөбе облысының оңтүстігінде 35-36°С қатты ыстық күтіледі.Атырау, Маңғыстау, Жамбыл, Қызылорда, Ақтөбе, Батыс Қазақстан облыстарында, Қостанай облысының оңтүстігінде, Қарағанды облысының орталығында, Алматы облысының солтүстігінде, Түркістан облысының солтүстігінде, батысында, оңтүстігінде, шөлді аудандарында төтенше өрт қаупі сақталады», - деп жазды синоптиктер.</blockquote>Солтүстік Қазақстан облысының солтүстігінде, батысында, Алматы облысының оңтүстігінде, Ақмола облысының батысында, оңтүстігінде, Жетісу облысының батысында жоғары өрт қаупі бар.

17 тамызға арналған ауа райы болжамы

<a href="https://kyzylorda-news.kz/">Kyzylorda-news.kz.</a> Белгіленген уақытта мектеп құжаттарын тапсырып үлгермеген жағдайда ата-ана не істеу керек? Бұл сауалға Астана қаласы білім басқармасының басшысы Қасымхан Сенғазиев жауап берді.<blockquote>«Құжаттарды қабылдау 1 сәуір мен 1 тамыз аралығында жүрді. Дегенмен біз түсінеміз, әртүрлі себеппен үлгермей қалған ата-аналар бар. Құжаттар тапсыруда кешіккен ата-аналармен мектептер жанынан комиссия жұмыс істеп жатыр. Құжаттарды қағаз түрінде мектепке барып тапсыруға болады», - деді Қасымхан Сенғазиев Астана қаласы коммуникациялар қызметі алаңында өткен баспасөз мәслихатында.</blockquote>Оның айтуынша, құжаттар «электрондық үкімет» <a href="https://www.inform.kz/kz/www.egov.kz">веб-порталы</a> арқылы қабылданды.Еске сала кетейік, бірінші сыныпқа құжаттарды қабылдау <a href="https://www.inform.kz/kz/birinshi-synypka-kuzhattardy-kabyldau-1-tamyzda-ayaktalady_a3960618">1 тамызда</a> аяқталды.Оқу-ағарту министрлігінің мәліметінше, биыл бірінші сыныпқа қабылдау бойынша 400 мыңнан астам өтініш түсті.Биыл мектепке баратын балалардың 70 пайызы қазақ тілінде білім алуды таңдаған. Қалғандары орыс, ұйғыр және тәжік тілдерінде оқиды.

Мектепке құжат тапсырып үлгермеген жағдайда не істеу керек?

<a href="https://kyzylorda-news.kz/">Kyzylorda-news.kz.</a> Облыс әкімі Нұрлыбек Нәлібаев кезектілік тәртібімен жазылған азаматтарды қабылдап, оларды толғандырған мәселелерді, ұсыныс-пікірлерін тыңдады. Бүгінгі жеке қабылдауға 14 адам келді.Қабылдауға келген тұрғындардың басым бөлігі тұрғын үй алу, жұмысқа орналасу және инфрақұрылым тарту мәселелерін көтерді. &nbsp; Облыс әкімі азаматтардың мәселелері жіті зерттелетінін, &nbsp;шешімі заң талаптарына сәйкес қарастырылатынын жеткізді. Кейбір сұрақтар бойынша жауапты тұлғалар заң аясында түсіндірме беріп, шешу жолдарын ұсынды.Аймақ басшысы мүгедек балаларының ем алуына көмек сұраған 44 жастағы азаматшаның мәселесін шешу &nbsp;үшін 10 күн ішінде ұсыныс әзірлеуді тапсырды.Ал «Бәйтерек» мөлтек ауданының тұрғыны мектеп құрылысының баяулап кеткенін айтып, каналға салынып жатқан көпір мәселесін және №25 бағыттағы автобус жүретін жолды асфальттауды сұрады. Осы сауалдарға жауап берген аймақ басшысы мектеп жоспар бойынша қазан айында, ал көпір құрылысы қыркүйек айының соңында аяқталатынын жеткізді. Мұнан бөлек, «Бәйтерек» шағын ауданындағы жолдарды жөндеу жұмыстарына өткен жылы және биыл &nbsp;барлығы 1 млрд. теңге бөлінгенін айтты.Айта кетейік, тұрғындар облыс әкімінің қабылдауына egov.порталы, е-otinish бірыңғай базасы немесе әкімдікке келіп жазбаша өтініш тастау арқылы жазыла алады.<img src="https://knadmin.beoblood.kz/uploads/368000680_594751176179464_8595351307964510326_n_4de8c65d39.jpg" alt="368000680_594751176179464_8595351307964510326_n.jpg"><img src="https://knadmin.beoblood.kz/uploads/367991587_594750929512822_1067768105837739482_n_fee0ef38c8.jpg" alt="367991587_594750929512822_1067768105837739482_n.jpg">

Нұрлыбек Нәлібаев тұрғындарды қабылдады

<a href="https://kyzylorda-news.kz/">Kyzylorda-news.kz.</a> Сыр өңірінің тарихы, мәдениетімен танысу ниетінде Оңтүстік Кореядан жоғары сынып оқушылары мен студенттері келді. Экспедицияға Корей елінің теңіз күштерінің Вице-адмиралы Шин Чанг И, Кореяның тарих және мәдениет орталығының атқарушы директоры Ко Чин Хо, тарих және мәдениет орталығының бас хатшысы Чонг Кенг Вон жетекшілік етті. Қазақ елінің тарихына қызығушылық танытқан 30-ға жуық корей оқушысы мен студенті ең бірінші Достық үйіне келіп, онда этномәдени бірлестіктердің өкілдері, өңірдегі корей халқы батырларының 4, 5-ші ұрпақтары және жастармен кездесті.Қонақтарды Қызылорда облыстық қоғамдық даму басқармасының «Қоғамдық келісім» КММ директорының міндетін атқарушы Фархат Әбдібағдатұлы, өңірлік корей этномәдени бірлестігінің орынбасары Денис Пак қарсы алды. Кездесу модераторы Фархат Әбдібағдатұлы Қызылорда мен Корея арасындағы үлкен дәрежедегі достықты, жан-жақты байланысты сөз етті.<blockquote>«Қасиетті Сыр жері өз отанынан алшақ өмір сүріп жатқан корей халқына алтын бесік бола білді. Корейлер қай кезеңде болмасын аймақтың барлық саласында өзіндік қолтаңбаларын қалдырып келеді. Қазіргі таңда өңірде 7 мыңнан астам корей ұлтының өкілдері бар», - деді&nbsp; Фархат Әбдібағдатұлы.</blockquote><blockquote>«Қиын жылдар кезеңінде қазақ халқының біздің ата-бабаларымызды ыстық ықыласпен қарсы алғанын алғыс сезіммен еске аламыз. Қазақ халқының дархандығының арқасында міне, корейлердің бесінші ұрпағы бірлігі жарасқан, келешегі кемел елде өмір сүріп келеміз. Екі ел арасындағы ынтымақ пен достықтың нәтижесінде игілікке толы ізгі жұмыстар өз жалғасын таба бермек», - деді Денис Пак.</blockquote>Қорқыт Ата атындағы Қызылорда университетінің ректоры Бейбіткүл Каримова киелі оқу ордасының 86 жылдық тарихына тоқталып, Оңтүстік Кореядағы Сеул Ұлттық университетімен мықты байланысты сөз етті.&nbsp;<blockquote>«Корея Парламентінің депутаты У Вон Шиктің қолдауымен екіжақтық байланыс одан әрі нығая түсуде. Жуырда өңірімізде Сеул Ұлттық университетінің ашылу салтанаты өтеді. Бірінші жыл біз университет студенттеріне корей тілін үйретеміз. Осы ретте сіздер тарапынан қолдау көрсетіліп, корей тілін үйрететін ұстаздарды жіберуге ықпал етулеріңізді сұраймыз. Университет студенттері үш жыл қатарынан &nbsp;Қорқыт Ата атындағы Қызылорда, Сеул Ұлттық университеттерінің бағдарламасы бойынша оқу оқиды. Су, жарық үнемдеу және ауылшаруашылығын дамыту бағыттары бойынша жаңа жобалар жүзеге асырылады. Корей халқының мәдениеті мен тарихын дамыту мақсатында жұмысты жандандырмақпыз», - деді Бейбіткүл Каримова.</blockquote>Мұнан соң екі тараптың қарым-қатынасын нығайту және облыстағы ынтымақтастық тарих, мәдениет, білім, әлеуметтік даму мақсатында үшжақты меморандумын жасау үшін Қызылорда облысы қоғамдық даму басқармасының «Қоғамдық келісім» коммуналдық мемлекеттік мекемесімен, «Қазақстан корейлер қауымдастығы» Қызылорда облыстық қоғамдық бірлестігі және Қорқыт Ата атындағы Қызылорда университетімен ынтымақтастық мәселелері талқыланып, бірлескен жобаларды жүзеге асыру туралы келісімге қол қойылды.Алдағы уақытта үшжақты меморандум жасасу нәтижесінде аталған мекемелер ынтымақтастық білім, тарих, мәдениет, жалпы білім алмасу саласындағы жобаларды бірлесіп атқаруға мүдделі.<img src="https://knadmin.beoblood.kz/uploads/IMGL_5215_e825237bd8.JPG" alt="IMGL5215.JPG">

Қазақстан және Қызылорда облысының жаңалықтары