<a href="https://kyzylorda-news.kz/">Kyzylorda-news.kz.</a> 19 мамырда «Ұлы дала жорығы» марафон-бәйгесінің бірінші кезеңі аяқталды. Таңғы 7.00-де 19 команда Павлодар қаласы маңындағы «Атамекен» елді мекенінен Екібастұзға аттанды.Ат спорты әуесқойлары мен еліміздің әр өңірлерінің өкілдерін біріктіретін спорт әлеміндегі ерекше оқиғақазақтың көрнекті геолог-ғалымы Қаныш Сәтбаевтың 125 жылдығына арналып отыр.Жол қашықтығы 500 шақырымды құрайды және бағыт Павлодар, Ақмола облыстарын қамтиды. Марафон 23 мамырда Астанада аяқталады.Жорық бағдарламасына сәйкес, командалар марафон-бәйгенің алғашқы 100 шақырымын бағындырып, бірінші кезеңнің мәресі Екібастұз маңында аяқталды.<img src="https://knadmin.beoblood.kz/uploads/ult2_1024x683_0b34496936.jpg" alt="ult2-1024x683.jpg">Алғашқы кезең қорытындысы бойынша, Шығыс Қазақстан облысының командасы жеңімпаз атанды. Маңғыстау облысының шабандоздары мәре сызығына екінші болып жетсе, Солтүстік-Қазақстан облысының командасы үштікке ілікті.Өкінішке қарай, алғашқы кезеңде бірден үш команда (Алматы мен Қызылорда облыстары, Шымкент қаласы) жарыстан әртүрлі себептермен шығып қалды. «Аттардың шама-шарқын бағамдаған шабандоздар сәйгүліктерін қинамай, дер кезінде жарысты тоқтатқандары жақсы шешім болды», – дейді Бас төреші Надежда Купцова.<img src="https://knadmin.beoblood.kz/uploads/ult_scaled_b72392e3ff.jpg" alt="ult-scaled.jpg">Бірінші кезеңде Батыс-Қазақстан мен Солтүстік Қазақстан облыстары екі аттан, Абай облысының командасында бір ат жарысқа жарамсыз деп танылды. Жалпы 20 мамырда 2-кезеңді 16 команда жалғастырады.&nbsp;100 км:ШҚО – – 5 сағ. 47 мин.Маңғыстау облысы – 5 сағ. 49 мин.СҚО – 5 сағ. 51 мин.Жамбыл облысы – 5 сағ. 52 мин.Жетісу облысы – 5 сағ. 55 мин.Алматы қаласы – 6 сағ. 09 мин.Ақмола облысы – 6 сағ. 23 мин.Павлодар облысы&nbsp; – 6 сағ. 29 мин.Қостанай облысы – 6 сағ. 30 мин.Астана қаласы – 6 сағ. 35 мин.Абай облысы &nbsp;– 6 сағ. 35 мин.Түркістан облысы – 6 сағ. 39 мин.Қарағанды облысы – 6 сағ. 40 мин.Ұлытау облысы – 6 сағ. 55 мин.БҚО – 6 сағ. 57 мин.&nbsp;Команда «Рекорд».Жеңімпаздардың марапаты: Алғашқы үш жеңімпаз 5-ші Дүниежүзілік көшпенділер ойындары алдында 3-7 қыркүйек аралығында өтетін халықаралық марафон-бәйгеге қатысуға лицензия алады. Халықаралық кезеңге шет мемлекеттерден кемінде 15 команда қатысады деп күтілуде (Түркия, Сауд Арабиясы, Моңғолия, Венгрия, Түрікменстан, Иран, Өзбекстан және т.б.).Сараптамалық қорытынды: Марафон жұмысына 2 халықаралық және 3 қазақстандық судья, сондай-ақ, 2 халықаралық және 3 қазақстандық мал дәрігері қатысып, жоғары стандарттарды сақтау мен жылқылардың денсаулығына қамқорлық жасауға кепілдік береді.Өткен екі жыл қатарынан елімізге есімі танымал әуесқой велошабандоз Раббим Борашов аттылы шабандоздармен бірге Астанадан Түркістанға дейінгі 1200 және1300 шақырымды бағындырған еді. Раббим Борашов – Маңғыстау облысы, Бейнеу ауданының тумасы, Қазақстанның құрметті құрылысшысы. Спортшы бұл жолы да 5 күндік аламанға қатысып, 500 шақырымды бағындыруды жөн көріпті.Жобаның басты серіктесі: ҚР Ұлттық спорт қауымдастығы.Қолдау көрсетушілер: «Аманат» партиясы, Павлодар облыстық әкімдігі, Қазақстан Республикасы спорт және туризм министрлігі.Ақпараттық серіктестер: «Қазақстан», «Хабар», «Астана» телеарналары.«Ұлы Дала Жорығы» – жылқы баласының ең мықты әрі төзімді тұқымы анықталатын далалық лабораториясы.Марафон жаңалықтарын www.joryq.kz ресми сайтында, әлеуметтік желілерде бақылаңыз: fb – JORYQ, Instagram – joryqofficial, Tik-Tok – JORYQ, youtube – JORYQ.БАҚ-пен ынтымақтастық және өзара іс-қимыл мәселелері бойынша + 7 777-214-01-71 нөмірі бойынша Рауан Есқалимен хабарласуларыңызды сұраймыз.Фото: Ultsport.kzҚұрметпен, «Ұлы дала жорығының» ұйымдастыру комитеті

«Ұлы дала жорығы-2024»: Бірінші кезең жеңімпазы – Шығыс Қазақстан облысы

<a href="https://kyzylorda-news.kz/">Kyzylorda-news.kz.</a> Қызылорда облыстық кәсіпкерлер палатасының директоры Пірмұхаммед Сыздық және мемлекеттік мекеме, құзырлы орган, микрокредиттік ұйым өкілдерімен бірлескен жұмысшы тобы Жаңақорған ауданы кәсіпкерлерімен кездесті.Ең алдымен Палата директоры Өңірлік кеңес мүшелері Гүлнар Бекмырзаева мен Аблан Асенов және Палатаның аудандық филиал директоры Асылжан Жолдасбековпен бірге Жаңақорған ауданы әкімінің орынбасары Бектас Нұридиновпен кездесіп, Мемлекет басшысының кәсіпкерлікті дамыту Тапсырмасын талқылады. Әрі қарай, аудандық Мәдениет үйінде жергілікті кәсіпкерлердің көрмесі өтті. Мұнда 10-нан аса кәсіпкер қолөнер бұйымдарын, кондитерлік өнімдерін, тұрмыстық және құрылыс заттары мен тігін шеберханасының өнімдерін ұсынды.Кездесуді жүргізген Бектас Нұридинов мемлекеттік қолдаулар арқылы аудандағы кәсіпкерлікті дамытудың маңыздылығын атап өтті. Палата директоры Пірмұхаммед Сыздық өз кезегінде жұмысшы топтың миссиясын және кәсіпкерлерге көрсетілетін қолдау түрлеріне тоқталды. Бұдан бөлек, Жаңақорған аудандық прокуратурасының аға прокуроры Әліхан Жоспаров инвестициялық жобаларды іске асыру үшін жан-жақты қолдау көрсету мақсатында жергілікті атқарушы органдармен қатар прокуратура органдары тарапынан жүргізілген шаралар жөнінде баяндады.Жиынға арнайы келген делегация құрамында келген облыстық кәсіпкерлік және өнеркәсіп басқармасы, ауыл шаруашылығы басқармасы, Қызылорда облысы бойынша мемлекеттік кірістер департаменті, «Қазпошта» АҚ Қызылорда облыстық филиалы, «Даму» кәсіпкерлікті дамыту қоры АҚ, «Аграрлық несие корпорациясы» АҚ Қызылорда филиалы қаржы ұйымдарының өкілдері мемлекеттік қолдау шараларына кеңінен түсіндірме жұмыстарын жүргізді.Осы ретте, кәсіпкерлер өз ұсынысын білдірді. Олардың айтуынша бүгінгідей кездесулердің пайдасы орасан зор, барша кездесуге келген бизнес өкілдері өз мәселелерін айтып, сұрақтарына жауап ала алды. Дегенмен, шалғай ауылдардағы кәсіп иелері облыс орталығындағы мекемелерге қайта-қайта барып, құжат жинауға уақыты да мүмкіндігі де бола бермейді, осы себепті ең болмағанда айына бір рет қаржы ұйымдарының өкілдері аудан орталығына келіп, қабылдау өткізсе, ауданға қарасты барша ауыл тұрғындарының мәселесі шешіледі.«Аграрлық несие корпорациясы» АҚ Қызылорда филиалы аталмыш ұсынысты қабыл алып, басшылыққа жеткізетіндігін айтты. Сонымен бірге, кездесуде айтылған барлық ұсыныс-пікірлер алдағы уақытта Өңірлік кеңес отырысында талқыланатын болады.Кездесуден кейін делегация Жаңақорған ауданының туризм аймақтары, киелі «Хорасан ата», «Төлегетай баба», «Қылышты ата» сынды тарихи орындарын аралады.

Жаңақорғандық кәсіпкерлермен кездесу өткізілді

<a href="https://kyzylorda-news.kz/">Kyzylorda-news.kz.</a> &nbsp;«Қай елдің мәдениеті дамыса, сол елдің еңсесі де биік болады» демекші, еліміздің мәдени-рухани өркендеуіне өз үлесін қосып жүрген мәдениет саласының майталман мамандары жетерлік. Жауапкершілігі мол салада қажырлы еңбек етіп, өскелең ұрпаққа жеткізу жолында игілікті іс атқарып жүрген мамандардың еңбегі ұшан теңіз. Сондай жанның бірі мәдениет саласының білікті маманы, Сырдария ауданынан шалғайда орналасқан Қоғалыкөл ауылдық клуб үйінің әдіскері – Гүлшара Сарбасова.Ауыл мәдениетінің дамуына, өсіп-өркендеуіне өз үлесін қосып жүрген майталман маман 1968 жылы Жалағаш ауданының Мәдениет ауылында дүниеге келіп, №32 орта мектепте білім алады. Бала кезінен өнерге жақын болған жан мектеп бітірген соң Тараз қаласындағы мәдени-ағарту училищесіне оқуға түсіп, «мәдени-ағарту қызметкері» мамандығы бойынша тәмәмдайды. Әркез ізденіс үстінде жүретін маман Шымкент қаласындағы М.Әуезов атындағы мемлекеттік университеттің «Мәдени-тынығу» қызметі мамандығы бойынша білімін жетілдірді.<blockquote>– Ауылдағы клуб үйінде өтетін іс-шараларға барғанымда сонда жұмыс жасайтын өнер адамдарына қызығатынмын. Бұл да менің мәдениет саласында қызмет етуіме, мамандық таңдағанда қателеспеуіме өз септігін тигізді десем болады. Оқу бітірген соң Жалағаш аудандық мәдениет бөлімінде 1989-1992 жылы аралығында автоклуб меңгерушісі болып алғашқы қызметімді бастадым. Сонан соң, 1993-1995 жылдары Сырдария ауданынан шалғайда орналасқан Қоғалыкөл ауылында балабақшада тәрбиеші болдым. 2014 жылдан бері ауылдық клуб үйінде әдіскер қызметінде жұмыс атқарып келемін, – дейді еңбегімен еленген Гүлшара Сарбасова.</blockquote>Бүгінде «Көркем сөз» үйірмесі жетекшісінің қызметін қатар жасап келе жатқан әдіскердің ауыл мәдениетіне қосқан үлесі, жеткен жетістігі баршылық. Атап айтқанда, «Үздік әдіскер» облыстық байқауының аудандық іріктеуіне қатысып, «Алғыс хатпен», «Қазақстан үміті» Республикалық шығармашылық бірлестігінің «Алғыс хатпен», «Үздік сценарий-2019» облыстық байқауында «Алғыс хатпен», Қазақстан республикасының Тәуел­сіздігінің 30 жылдығына арналған «Егемендік – айбыным» атты аудандық сценарий жазу байқауында үздік өнер көрсеткені үшін ІІ дәрежелі «Дип­ломмен» мара­патталды. Сонымен қатар ауыл балаларының шығармашылығын шыңдау барысында халықаралық «Абай – дана, Абай – дара қазақта» атты жасөспірімдер мен балалар шығармашылық байқауына да өнерлі өрендерді қатыстырған. Мұнан бөлек «Бақытты елдің ұрпағы» қоғамдық қорының ұйымдастыруымен өткізілген республикалық «Дала сазы» байқауына шәкірт дайындап, жас дарындардың шеберлігін шыңдауға үлес қосқан. Тәжірибелі маманнан тәлім алған ауыл балалары республикалық, облыстық, аудандық дең­гейдегі байқауларда өнер көрсетіп, жүлделі орындарға ие болып жүр. Кәсіби маманның әрбір атқарған ісіне, мәдениет саласына қосқан үлесіне, нәтижеге бағытталған жұмысына, жас жеткіншектердің талантын шыңдауға қосқан үлесіне ауыл халқының айтар алғысы шексіз.Ауылдық клубтың әдіскері Гүлшара Сарбасова – жұмысында білікті маман болса, отбасында аяулы жар, ардақты ана. Жолдасы Марат Омаров егіс даласында 35 жылдан бері күріш егіп, мол өнім алып жүрген ауыл дың белді диқаны. Жұбайымен 4 бала тәрбиелеген абзал жан бүгінде 3 немеренің әжесі. Ауылдың бетке ұстар отбасылырының бірі «Дана ене, дара келін» атты байқаудың жеңімпазы атанғанын да айта кеткеніміз жөн.

Ауыл мәдениетіне өз үлесін қосқан әдіскер

<a href="https://kyzylorda-news.kz/">Kyzylorda-news.kz</a> Мінекей, жайдарлы жаз мезгілінің келуіне де санаулы күндер қалды. Нақ осы мезгілде түрлі жұқпалы аурулардың көбейе түсетіні айдан анық. Әсіресе, жіті ішек инфекциясы, тамақтан улану жағдайлары жиілей түседі. Осы тұста Шиелі ауданындағы жыл бұрынғы ахуалға тоқталып өтсек. 2023 бұл өлкеде жіті ішек инфекциясы белең алған-ды. Сала мамандардың айтуынша, жағдайдың бұлайша у­шығуына ауа райының аптап ыстықтың және жеке бас гигиенасының бұзылуы басты себеп болып отырғанын айтады.2023 жылы 6 айда Шиелі ауданы көлемінде жұқпалы жіті ішек инфекциясының 26 жағдайы есепке алынып, аурушандық көрсеткіш 2022 жылға қарағанда 30,5 пайызға өсіпті. Жұқпалы жіті ішек ауруларымен науқастанғандардың 96,1 %-і (25 жағдайы) 14 жасқа дейінгі балалар, оның ішінде 38,5%-і (10 жағдайы) 2 жасқа дейінгі балалар үлесінде. Аурудың жоғары деңгейде тіркелуіне басты себеп – тұрғындар, әсіресе балалар арасында ішек инфекциялары мен тағамнан уланудың алдын алудағы санитарлық-гигиеналық нормалар мен қағидалардың сақталмауы себеп болып отыр. Балалар арасында жедел асқынған ішек инфекцияларымен сырқаттану жазғы маусымда көбейеді. Бұған қоршаған орта температурасының жоғарылауы, сусынды, көкөністерді, жеміс-жидектерді көп қолдану, азық-түліктің тез бұзылуы себеп болады. Жасыратыны жоқ, жаздың алғашқы айынан бастап тұрғындар мерзімінен ерте піскен бақша&nbsp;өнімдері мен жеміс-жидектерді жиі тұтынады. Атап айтсақ, қарбыз маусым айында сауда сөрелеріне түсе бастайды. Бұл уақытта өнімдер анағұрлым қауіпті, яғни нитратпен улану деңгейі жоғары. Себебі ең жылдам піседі деген сорттардың өзі шілде айының соңына қарай бабына келеді. Ал сапалы әрі қауіпсіз қарбыз тамыз айының соңына қарай жеткізіле бастайды. Өйткені бұл уақытта бақша дақылдары табиғи түрде пісіп, жетіледі.&nbsp;Ал жұқпалы жіті ішек инфекциясының алғашқы белгілері: іштің жиі-жиі судай өтуі, дене қызуының көтерілуі, сәбилердің емшектен бас тартуы, асқа тәбеті болмау, шөлдеу, құсу, бас ауру, жалпы әлсіздік, селқостық, мазасыздық, ауырсыну, кілегейдің пайда болуы. Науқастың жиі құсып, іші өткен сайын&nbsp; жағдайы ауырлай түседі. Өйткені, организм өзіндегі тіршілікке қажетті су мен тұздарды көп жоғалтады. Жоғарыдағы аталған клиникалық белгілер пайда бола бастаса, міндетті түрде дәрігерге көрінуі қажет. Мұндай кезде дәрігер келгенге дейін мүмкіндігінше ем жасай бастаған абзал. Ол үшін сұйықтықты мол, көбірек ішкізген дұрыс. Антибиотик қолдануға болмайды, өйткені аурудың клиникалық сипатын өзгертеді, мұның өзі дұрыс диагноз қоюды қиындатады. Сондықтан сақтық шараларын сақтап, денсаулықты мұқият күткен жөн.Сонымен қатар қызылша ауруы бойынша да Шиелі ауданы көлемінде өткен жылы 7 жағдай тіркеліп, аурушандық көрсеткіші 100 мың адамға шаққанда 8,2 пайызды құраған еді. Бұл көрсеткіш 2022 жылдың 6 айымен салыстырғанда әлдеқайда өскен. Ал қазіргі уақытта эпидемиологиялық ахуалдың тұрақсыз болуы мамандар үшін алаңдатарлық мәселеге айналып отыр. Өйткені, тұрғындар ауру жағдайлары байқалғанда бірден дәрігердің көмегіне жүгінбейді. Көбісі үй жағдайында емделу жолдарын қарастырып, ауруларын асқындырып алады. Ауру жұқтырғандар 3-4 күннен кейін дәрігерлердің көмегіне жүгінеді. Мұның өзі адамның өз өмірі үшін үлкен жауапсыздық секілді.&nbsp;<blockquote>–&nbsp;Жіті ішек инфекциялары – бұл бактериялар, вирустар, қарапайымдылар тудыратын және балалар мен ересек адамдарда ішек қызметінің бұзылуымен (диарея) сипатталатын жұқпалы ауру. Ішек жұқпасы әлемде ең көп таралған инфекциялардың қатарына жатады. Алдын алу шаралары: Ішек инфекцияларының пайда болуының алдын алу үшін тағамдық азық-түліктердің&nbsp; сапасы өте маңызды – көптеген тағамдарда бактериялар тек қана өміршеңдігін сақтап қана қоймай, олар ауру тудырушы адамның қолымен тағамды ауызына апарғанда асқазан-ішек жолына кір қолы арқылы, ластанған су арқылы, сапасыз азық-түліктер арқылы түсіп қарқынды түрде көбейеді.&nbsp;</blockquote><blockquote>Әсіресе, тұтынар алдында термиялық өңдеуден өтілмейтін тағамдар өте қауіпті. Ондай тағамдарға салаттар, винегреттер, сондай-ақ жемістер мен жидектер жатады. Салаттар мен винегреттерді, әртүрлі тұздықтар мен гарнирлерді тоңазытқышсыз түнге қалдыруға болмайды. Жаз және күз маусымында сүт және сүт өнімдерінде бактериялардың көбеюіне қолайлы жағдайлардың туындайтынын білу керек. Жеке адамдардан сатып алған құйылып сатылатын сүтті міндетті түрде қайнату керек.</blockquote><blockquote>Қазіргі таңда, аудан көлемінде аса қауіпті және жедел ішек инфекциясы аурулары бойынша эпидемиологиялық ахуалдың күрделі екендігін ескертіп, барынша қатаң сақтық шараларын сақтауға шақырамыз, – дейді Шиелі аудандық санитариялық-эпидемиологиялық бақылау басқармасының басшысы Гүлзада Айтекеева.</blockquote>Иә, қазіргі уақытта кез келген кеселге бей-жай қарауға болмайды. Әсіресе жұқпалы дертке салғырт қарау өміріңізге үлкен қауіп төндіреді. Сондықтан аталарымыздың «Ауырып ем іздегенше, ауырмаудың жолын ізде» деген тәмсілін естен шығармағанымыз жөн.&nbsp;

Гүлзада Айтекеева: Ішек инфекциясы – қауіпті ауру

<a href="https://kyzylorda-news.kz/">Kyzylorda-news.kz.</a> Биыл халық жазушысы Ә.Тәжібаевтың туғанына 115 жыл! Осыған орай Шиелі аудандық балалар кітапханасының ұйымдастыруымен «Сырда туған сырбаз ақын» атты әдеби кеш өткен болатын.Тағылымы мол шараның негізігі мақсаты да осы, яғни оқушыларды ұлы тұлғаның өміріне қатысты тың деректермен таныстыру болды. Іс-шараның барысын кітапхана қызметкері Г.Жанаева жүргізді. Сондай-ақ Ы.Жақаев атындағы №244 орта мектебінің оқушылары Әділхан Сапарбеков, Альбина Болатбек, Ақназ Әміртай және Шиелі аудандық оқушылар үйінің «Кәусар бұлақ» үйірмесінің мүшелері Гүлбейне Әділхан, Нұрай Еркінқызы, Анель Жұмабекова, Кәусар Қанасқызы, Аяна Қанатқызы, Асылжан Тұрғанбай, Жұлдызай Көшербай, Кәусар Айдосқызы өлең-жырларын жатқа оқыса, жазушының өміржолымен Айерке Айып таныстырып өтті. Сонымен бірге Мәншүк монологын Нұрай Асқар бейнелесе, ал Ақбикеш Смағұлова Ыбырай Жақаевқа арналған «Ағатай» өлеңін оқыды. Жасмин Бектемір, Раяна Абатқан мен Жадыра Сейтқасым «Туған жер» әнін тамылжыта орындап, көпшіліктің ыстық ықыласына бөленді.&nbsp;Кітапхана төріне «Өлеңім өмірім» атты кең көлемде кітап көрме керуені ұйымдастырылып, оған Әбділдә Тәжібаевтың өмірі мен еңбектері жайлы жазылған кітаптар және мерзімді басылым беттеріне жарияланған мақалалары қойылды. Кітапханашы С.Ерғали оқырмандарды кітап көрмемен таныстырды.&nbsp;Әдеби кешті Шиелі аудандық орталықтандырылған кітапхана жүйесінің директоры Г.Жақыпова қорытындылап, шараға қатысқан оқырмандарды алғыс хаттармен марапаттады. Шиелі аудандық балалар кітапханасының меңгерушісі Г.Қоңыратбаева, Ы.Жақаев атындағы №244 орта мектебінің қазақ тілі және әдебиеті пәнінің мұғалімі Н.Боранбаева мен аудандық оқушылар үйінің «Кәусар бұлақ» үйірмесінің жетекшісі П.Мамбеталиева балаларға ізгі тілектерін білдірді.&nbsp;Қосымша дерек болсын, 30-жылдардың соңында М.Әуезов драматург Ә.Тәжібаевтың алғашқы шығармасын оқып, жас ақынның шығармашылық қабілетін байқаған. Ақын «Комсомол сөйлейді», «Кешеден – бүгінге» публицистикалық поэмаларында кейіпкерлердің ойы, сезімі, толқынысын жеткізеді. Оның «Ақ қайың», «Гүлден дала!», «Майра», «Таныстар», «Жартас» және басқа пьесалары бар. Қаламгердің сценарийі бойынша Н.Погодинмен бірге «Жамбыл» көркем фильмі түсірілді. Сондай-ақ А.Пушкин, А.Островский, Г.Гейненің туындыларын қазақ тіліне аударған. 1985 жылы белгілі ақынға «Қазақ ССР-нің Халық жазушысы» құрметті атағы берілді.

Шиелі: Сырда туған сырбаз ақын

<a href="https://kyzylorda-news.kz/">Kyzylorda-news.kz</a> Сырдария аудандық жұмыспен қамту және әлеуметтік бағдарламалар бөлімінің басшысы&nbsp;М.Қаратаев&nbsp;мүгедектігі бар адамдардың өмір сүру сапасын жақсарту бойынша жұмыстар жайлы айтып берді.Қазіргі таңда мүгедектігі бар адамды рабилитациялаудың және оңалтудың жеке бағдарламасына сәйкес мүгедектігі бар адамдарды протездік-ортопедиялық көмекпен, техникалық көмекші (компенсаторлық) құралдармен, арнаулы жүріп-тұру құралдарымен қамтамасыз ету тәртібі «Әлеуметтік қызметтер порталы» жүйесі арқылы қамтамасыз етілуде. &nbsp; &nbsp; &nbsp;2024 жылдың 1 сәуіріне мүгедектігі бар адамдардың өтініштеріне сәйкес осы аталған құралдармен қамтуға электронды үкімет веб-порталы және мемлекеттік корпорация арқылы 732 өтініш түсіп, оның 595-і қамтылды, қалған 137-і орындалу сатысында тұрғандар. Бұл ретте, жеке оңалту бағдарламасының орындалуы 81,3 пайызды құрады. Оңалту іс-шараларының түрі бойынша қамтылғандар – 595 адам. Атап айтқанда протездік-ортопедиялық құралдармен – 18, сурдотехникалық құралдармен – 5, тифлотехникалық құралдармен – 21, арнаулы жүріп-тұру құралдарымен (кресло арбалар) – 14, санаторийлік-курорттық емдеумен – 3, жеке көмекшінің қызметімен – 120, ымдау тілі маманының қызметімен – 12, міндетті гигиеналық құралдармен – 402 адам қамтылды. Сонымен бірге, медициналық-әлеуметтік мекемелерде арнаулы әлеуметтік қызметпен қамтылғандар "Талсуат" оңалту орталығына – 20, психоневрологиялық интернат үйіне орналасқаны – 1 адам. &nbsp; &nbsp; &nbsp; &nbsp;&nbsp;2024 жылы мүгедектігі бар адамдарды оңалту іс-шараларымен қамтуға бөлінген қаржы туралы:Мүгедектігі бар балалар қатарындағы кемтар балаларды жеке оқыту жоспары бойынша үйде оқытуға жұмсалған шығындарды өтеу қызметіне жергілікті бюджеттен 2024 жылға 72 балаға 9344,0 мың теңге қаралды. Төлем жасау тоқсанына бір рет оқу жылы кезеңіне жүргізіледі. 2024 жылдың I-тоқсаны үшін 79 балаға 2602,8 мың теңге тағайындалып, төленді.Аудандық мәслихаттың шешімі негізінде төленетін төлемдер бойынша өмірлік қиын жағдайдағы қатерлі ісік, оның ішінде жедел лимфоидты және миелоидты лейкоз ауруымен диспансерлік есепте тұрған 5 адамға 1643,9 мың теңге қаралған, 1&nbsp;сәуірге 420,9 мың теңге әлеуметтік көмек төленді.Мүгедектігі бар адамдарды міндетті гигиеналық құралдармен және техникалық оңалту құралдарының кеңейтілген тізбесімен қамтамасыз етуге жергілікті бюджеттен барлығы 55876,0 мың теңге, республикалық бюджеттен 46165,0 мың теңге, барлығы 102041,0 мың теңге қаралған. 1 сәуірге республикалық бюджеттен 11165,0 мың теңге, жергілікті бюджеттен 7166,5 мың теңге, барлығы 18331,5 мың теңге игерілді. &nbsp;Естуі бойынша мүгедектігі бар адамдарға ымдау тілі маманы қызметін ұсынуға республикалық және жергілікті бюджеттен барлығы 5275,0 мың теңге қаралған. Есепті кезеңге ымдау тілінің 1 маманы 12 мүгедектігі бар адамдарға қызмет ұсынып жергілікті бюджеттен 1395,6 мың теңге игерілді.Жүріп-тұруы қиын бірінші топтағы мүгедектігі бар адамдарға қызмет ұсынатын 120 жеке көмекшінің әлеуметтік қызметтеріне ақы төлеуге жергілікті бюджеттен 149507,0 мың теңге, республикалық бюджеттен жеке көмекшілердің еңбекақысын арттыруға 39834,0 мың теңге қаралған. 1 сәуірге 119 жеке көмекшіге 27500,0 мың теңге төленді.&nbsp;Санаторийлік-курорттық емделу бойынша қызмет алушылар порталдан өздері таңдаған шипажайларға барып емделудің қаржысы облыстық басқармадан төленеді (1 адамға жылына 1 рет 14 күнге қызмет құны- 302648,92 тг).&nbsp;Ал&nbsp;мүгедектігі бар балаларға кепілдік берілген соманың 70 пайызы, яғни 211854,24 теңге облыстық басқарма арқылы төленсе, қалған 30 пайызы 90794,68 теңге баланың жанында ілесіп жүрушінің өз есебінен төленуге жатады. 1 сәуірге 3 адам санаторийлік-курортқа барып келді, ал 63 адам алдағы мамыр-қыркүйек айларының аралығында баратындықтан «Әлеуметтік қызметтер порталында» таңдау жасап орындарға тапсырыс беріп қойды. &nbsp; &nbsp; &nbsp; &nbsp;Мүгедектігі бар адамдарды автокөлікпен тасымалдау бойынша әлеуметтік қызметтерді көрсетуге арналған «Инватакси» қызметіне 2024 жылға жергілікті бюджеттен 7200,0 мың теңге бөлінген. 1 сәуірге 688,4 мың теңге игерілді. Аудан көлеміндегі жүріп-тұруы қиын бірінші топтағы көз мүгедектері, кресло-арбадағылар және мүгедектігі бар балаларға белгіленген пункттер мен тізбеге сәйкес 2 автокөлікпен қызмет көрсетілуде. Қазіргі таңда мемлекеттік әлеуметтік тапсырыс шеңберінде мемлекеттік сатып алу заңнамасына сәйкес конкурс аяқталу сатысында тұр. Нәтижесімен жеңімпаз өнім берушімен қызмет көрсету жалғасын табатын болады.&nbsp;Мемлекеттік сатып алу заңнамасына сәйкес өткізілген конкурс нәтижесінде мүгедектігі бар адамдардың іс-шарасын ұйымдастыруда жеңімпаз болып танылған «Сырдария» қоғамдық қорымен 4 наурыз күні 2410,7 мың теңгеге мемлекеттік сатып алу туралы шарты жасалды. Наурыз айында кент және елді мекендер бойынша аз қамтылған мүгедектігі бар 30 адамға әлеуметтік қолдау көрсетіліп азық-түлік себеті таратылды. Игерілген қаржы 246,7 мың теңге. &nbsp; &nbsp;&nbsp;«AMANAT» партиясының 2023-2027 жылдарға арналған «Халықпен бірге!» сайлауалды бағдарлмасын орындаудағы Жол картасына сәйкес ерекше қажеттіліктері бар адамдар үшін инфрақұрылымды жақсарту мақсатында 2024 жылы 8 объектіге толық бейімдеу жұмыстарын жүргізу жоспарланған. Аудан әкімінің 25.05.2023 жылғы №124-ө өкімімен құрылған жұмысшы топпен тиісті жұмыстар жүргізіліп, республикалық «Қолжетімділіктің интерактивті картасына» толық бейімделген объектілерді мерзімінде енгізуге жұмыс жасалуда.&nbsp;«Қызылорда облысының 2024 жылға арналған әлеуметтік саласы бойынша квоталар белгілеу туралы» Қызылорда облысы әкімдігінің 2023 жылғы 29 желтоқсандағы №235 қаулысының 1-қосымшасына сәйкес ауыр жұмыстарды, еңбек жағдайлары зиянды, қауіпті жұмыстардағы жұмыс орындарын есептемегенде, жұмыскерлердің тізімдік саны 50 адамнан асатын және одан жоғары &nbsp;жұмыс берушілерге екіден төрт пайызға дейінгі мөлшерінде мүгедектігі бар адамдарды жұмысқа орналастыру үшін 6 мекемеде 11 жұмыс орны бекітілді. Есепті кезеңде 3 квота орындалды. «Сырдария ауданы Тереңөзек кенті әкімінің аппараты» коммуналдық мемлекеттік мекемесіне – 1, «Мағжан және К» ЖШС-не – 1, аудандық ауруханаға – 1.Фото: ru.freepik.com

Мүгедектігі бар адамды оңалту – басты міндет

<a href="https://kyzylorda-news.kz/">Kyzylorda-news.kz</a> Облыс әкімінің орынбасары Ардақ Зебешевтің төрағалығымен сауда базарларын заманауи талапқа сай жаңғырту мәселесі бойынша мәжіліс өткізілді.Жиында сауда базарларының жай күйі, жаңғырту барысындағы атқарылып жатқан жұмыстар мен құрылыс салу жұмыстарында туындаған кедергілер және екінші деңгейлі банктер арқылы қаржыландыру мәселелері қаралып, талқыланды.Сауда базарларын жаңғырту жөніндегі жол картасы аясында2025 жылдың аяғына дейін 3 сауда базары заманауи талапқа сай салынатын болады. Атап өтетін болсақ, «Сыбаға» ЖШС-і өз қаражаты есебінен «Сұлтан-2» базарындағы бастапқы құрылыс-монтаж жұмыстарын жүргізе бастады. Құрылыс алаңына құрылыс объектісінің паспорты бар маңдайша жазу орнатылды.«Асбол» ЖШС-мен салынатын ғимараттың жұмыс жобасы мен жобалау сметалық құжаттамаларын дайындап, мемлекеттік сараптамаға өткізілді. Банк мақұлдаған жағдайда құрылыс жұмыстарын бастайтын болады.Сонымен қатар, жақын арада Қазақстан Республикасы Сауда және интеграция министрлігімен «Жеке кәсіпкерлікті мемлекеттік қолдау шараларын ішкі сауда субъектілеріне көрсету» туралы қабылданатын қағидасына сәйкес несиенің пайыздық ставкасының 9% ішкі сауда субъектісі төлейді, ал айырмасын мемлекет субсидиялайды. Сондай ақ, 50 % мемлекеттік кепілдеме беріледі.Алдағы уақытта осы қағида шеңберіндегі тиімді шарттар негізінде өңірдегі барлық базарларды жаңғырту жұмыстарын жүргізу ұсынылып, хаттамалық тапсырмалар қабылданды.2025 жылдың аяғына дейін сауда базарларын жаңғырту жөніндегі жол картасына қаладағы «Талғат» базарын қосу жөнінде Қазақстан Республикасы Сауда және интеграция министрлігіне ұсыныс берілетін болады. «Талғат» сауда базары эскиз жобасын әзірлеп, ұсынатындығын жеткізді.Бұл бағытағы жұмыстардың жүргізілуі тұрақты түрде бақылауда болып, ай сайын мәжілісте қаралатын болады.&nbsp;&nbsp;

Қызылордадағы ірі сауда базарлары жаңғыртылады

<a href="https://kyzylorda-news.kz/">Kyzylorda-news.kz</a> Қызылорда медициналық жоғары колледжінің спорттық алаңында денсаулық сақтау саласының ардагерлерi Құлсартов Сағымбай Қарақұлұлы мен Ізтілеуов Әділ Ізтілеуұлын еске алуға арналған Қызылорда облысының медицина қызметкерлерінің 56-шы спартакиадасының ашылуы болып өтті.Мемлекеттік Әнұраннан бастау алған спартакиаданың ашылу салтанатында облыстық денсаулық сақтау басқармасының басшысы Искаков Олжас Ермекұлы құттықтау сөз сөйлеп, жарысқа қатысушыларға сәттілік тіледі.Одан соң медицина саласының ардагерлері Раиса Көзденова мен Сағындық Шамшиев сала қызметкерлеріне жылы лебіздерiн арнады.Шара одан әрі арқан тартыс жарысына жалғасты.Спартакиаданың ашылуында жарысқа қатысқан барлық 27 команда арасында үстел теннисi спорт түрінен I-шi орынды «Жаңақорған ауданының» командасы алса, II-шi орынды «Қазалы ауданының» командасы, III-шi орынды «Медицина жоғары колледжінің» командасы иеленді.Алдағы уақытта сайыскерлер шағын футбол, арқан тартыс, эстафета, ұзындыққа секіру, баскетбол, волейбол, тоғызқұмалақ және үстел теннисi секілді спорттың 8 түрінен жарысып, жеңімпаздар «Медицина қызметкерлерінің күні» қарсаңында арнайы "Алғыс хаттар" және бағалы сыйлықтармен марапатталатын болады.

56-шы спартакиаданың ашылу салтанаты өтті

<a href="https://kyzylorda-news.kz/">Kyzylorda-news.kz.</a> Кеше Халықаралық музейлер күні аталып өтті. Осынау бір айтулы күн КСРО кезінде 1977 жылы Мәскеу қаласында өткен Халықаралық музейлер кеңесінің ХІ Бас конференциясында бекітіліп, 1978 жылдан бастап кәсіби мереке ретінде аталып өтіп келе жатыр.&nbsp;Музей – тарихтың айнасы, ұлттық қазынаның ошағы. Ата-бабасынан қалған дүниені "атамның көзі, мұрасы" деп, қастерлеп қарайтын қазақ үшін "музей" ұғымы сонау ықылым заманнан-ақ қалыптастасқанын аңғарасыз. Бабалар мұрасын, салт-дәстүрін, әдеби туындылары мен құнды жәдігерлерін сақтап, өскелең ұрпақтың бойына сіңіру – аса маңызды ұстанымдардың бірі саналып келген. Бүгінгі таңда руханият ордасы – музейлердің саны артып, заман ағымына сай ілгерілеуіне күш салынып, тарихи орталықтар өткенімізді айшықтай түсетін жәдігерлермен толықтырылуда. Сондай мәдени орындардың бірі – Шиелі аудандық тарихи-өлкетану музейі.Шиелі аудандық тарихи-өлкетану музейі 2017 жылдан бастап жүйелі түрде жұмыс істеп келеді. Музей қызметкерлері ауданның рухани байлығын, асыл жәдігерлерін, қазыналарын жинақтап, ғылыми зерттеу, жинақтау, есепке алу және сақтау, насихаттау қызметтерін жүзеге асыруда. Мұнда өлке тарихы, археологиясы мен этнографиясы, мәдениет, ауыл шаруашылығы, білім салалары бойынша 3 000-ға жуық жәдігерлер жинақталған. Музейдің басты бағыттары қор коллекциялары мен жеке жинақтардағы материалдық және рухани мәдениет ескерткіштерін экспонаттауға негізделген. Олардың ішіндегі ең құнды коллекциялардың бірі – Сырдария өзенінің орта ағысындағы ортағасырлық қалаларда жүргізілген барлау және археологиялық қазбалар кезінде табылған керамикалық қыш құмыраларды құрайтын коллекция. Осындай құнды дүниелерді, халықтың рухани байлығын, көне жәдігерлерді зерттеп-зерделеп, халық игілігіне ұсыну сала мамандарының күн тәртібінен түспеген.Мұражайдың тағы бір ерекшелігі – есіктен кірген бойда көз тартатын, қазақы нақышта өрнектелген киіз үй. Көшпенділер мәдениетінің сәніне, бабамыздың көзіне айналған қазақы үйдің көркі келген қонақты ерекше әсерге бөлейтіні рас.&nbsp;Музей директоры Өсербек Төребай адамзат баласының өз қолымен жасаған құнды дүниелерін жинап, қастерлеп, сақтайтын бұл орынның тұрғындар үшін еселі еңбек етіп келе жатқанын айтады.<blockquote>– Аудандық тарихи-өлкетану музейінің қорында көптеген жауһар жәдігерлер мен тарихи экспонаттар бар. Сондай-ақ ұлттық дәстүрді дәріптеу мақсатында киіз үйлермен, қазақы жиһаз-жабдықтармен қамтамасыз етілген. Бұның бәрі – ұлттық мәдениетіміздің асыл діңгегі.&nbsp;</blockquote><blockquote>Барлық адам көріп, қызықтай алатын тарихи орын бірнеше жылдан бері қалтқысыз қызмет атқаруда. Музей бүгінде көрме қызметі аясында дәстүрлі түрде түрлі көрмелер мен мәдени іс-шаралар ұйымдастырып келеді. Негізгі мақсатымыз –&nbsp;жас ұрпақты туған жердің тарихымен, өмірімен, дәстүрлі мәдениетімен таныстыру, тарихи оқиғаларға байланысты материалдар жинау, іздену және зерттеу,&nbsp;– дейді ол.</blockquote>Өскелең ұрпақты өткен тарихымызбен таныстырып, ұлттық құндылықтарымызды дәріптеу мақсатында мұражай төрінде ұйымдастырылған бұндай шаралардың берері де көп екені даусыз.&nbsp;

Шиелідегі тарихи-өлкетану музейінде 3000-ға жуық жәдігер бар

<a href="https://kyzylorda-news.kz/">Kyzylorda-news.kz</a> &nbsp;Жақында Сырдария аудандық оқушылар үйінде білім саласында қажырлы еңбек ете білген Шолпан Ералиеваны зейнеттік демалысқа шығарып салуға арналған салтанатты жиын өткізілді. Тағылымды іс-шараға аудандық оқушылар үйінің директоры Мұрат Төлегенов пен іргелі ұжымның мамандары қатысты.Жылдар бойы сан салада қызметімен дараланған Шолпан Ералиева аудандық оқушылар үйінде соңғы 11 жылда директордың шар­уа­­шылық жөніндегі орынбасары қызметін атқарған. Үнемі табан­дылығы мен іскерлігінің арқасында сала маманы өзіне жүктелген жұмысты ұтымды үйлестіре білді. Кеш барысында аудандық оқушылар үйінің директоры Мұрат Төлегенов әріптесін мерейлі жасымен құт­тықтап, білім бөлімінің басшысы Берік Жәнібеков пен білім саласы қызметкерлері кәсіподақ ұйымының төрағасы Алмас Есназардың «Құрмет грамотасын» табыстады.<blockquote>– Елеулі қызметімен ұжымда өзіндік орнын қалыптастыра алған ардақты жанды бүгінгі мерейлі сәтімен құттықтаймын. Негізінен, шаруашылық меңгерушісінің жұмысы қашанда қауырт келеді. Есеп-қисапқа негізделген барлық күрделі қызметке жауапкершілік таныта білген Сізге ерекше алғыс айтамыз! Зейнеттік демалыста осыған дейінгі қа­жыр-қайратыңызды арна­ған ауыр­т­палыққа толы күндерді еске алып, ізіңізден ерген әрбір жасқа тағылым-тәрбие береді деп сенеміз, – деді Мұрат Төлегенов.</blockquote>Айта кетейік, Шолпан Ералие­ваның еңбек жолы 1980 жылы тұрмыстық қажетті өтеу комбинатында тігінші болып бастаған. Сонымен қатар бухгалтер-экономист мамандығында білім алған ардақты ана аудандағы тұтынушылар ода­ғында абыройлы қызметімен көпшілікке танылады. Ал зейнетақы төлеу орталығында жұмыс жасаған уақытта жергілікті халықтың ыстық ықыласына бөленеді.<blockquote>– Адам өзі қалаған мамандықтан ерекше тебіреніс алатыны жасырын емес. Өмірде таңдаған қызметтің жемісін көруден артық бақыт жоқ. Әрбір жұмысқа жауапкершілікпен қарау – өте маңызды. Еңбек жолымда оқушылар үйінің алатын орны ерекше. Ертеректе бірнеше мекемеде жүріп, абырой биігінен көріне білген едім. Ал 2019 жылдан бастап, «Ел құрметі» қорының Сырдария ауданы бойынша өкілі атансам, кейіннен Қызылорда, Түркістан, Жамбыл облысына жауапты болып бекідім. Осы аралықта 500-ден аса адамға жоғарғы дейгейдегі марапат үйлестірдік. Оның ішінде, нақты 380-ні Сыр өңіріне тиесілі, – деді құрмет төріндегі жан.</blockquote>Бұл ретте, аяулы ана «Ел құрметі» қорының «Еңбек даңқы» мелалімен, «Сырдария ауданының 95 жылдығы мерекемлік медалімен марапатталған.Өз кезегінде кеш кейіпкері аудан әкімдігімен бірлесе отырып, білікті басшы Мұрат Төлегеновке «Ел құрметі» қорының атынан арнайы медаль табыстаған еді. Сонымен қатар тәжірибелі ұстаз Шолпан Өмірзақованы «Құрметті педагог», №36 Әбділда Тәжібаев атындағы мектеп-лицейдің шаруашылық мең­герушісі Мақсат Мәліковті «Үздік қызметкер» номинациясы бойынша марапаттады.– Әркез кісімен тез тіл табыса алатын қасиетімен ерекшелене алатын Шолпанның керемет болмысын айрықша бағалаймын. Оның қоғамдық негіздегі жұмысқа етене араласып, белсенділік танытқаны қуантады. Аудандағы әйелдер кеңесінің бір мүшесі болып, ойы ұшқыр, ұйымдастырушылық қабілеті жоғары екенін таныта алды. Жолдасы Дабыл екеуі 2 ұл, 1 қызды тәрбиелеп, үлкен өмірге қанат қақтырды. Расында аяулы жанды зейнеттік демалысқа шығып жатқан зор қуанышымен құттықтаймын, – деді аудандық әйелдер кеңесінің төрайымы Ұлмекен Жанәлиева.

Шолпан Ералиева: Өмірде таңдаған қызметтің жемісін көруден артық бақыт жоқ 

<a href="https://kyzylorda-news.kz/">Kyzylorda-news.kz.</a> «Ел құрметі» қоғамдық қоры ел дамуының түрлі саласында жемісті еңбек еткен азаматтарды түрлі марапаттармен марапаттап, құрмет көрсетіп келеді.&nbsp;Бұл жолы қоғамдық қор тереңөзектік Нұрлан Алашбаевқа «Ерен еңбек иесі» төсбелгісін табыс­тады.Марапаттау салтанатына қоғамдық қордың аудан­дағы өкілі Ш.Ералиева бастаған бірқатар азамат қатысты. Нұрлан Орынбасарұлының қоғамның дамуы­на, елдің өсіп-өркендеуіне қосқан үлесін жоғары бағалаған азаматтар қоғамдық қордың директоры Ж.Шынарбектің қолы қойылып, мөрі басылған куәлікті табыстап, кеудесіне төсбелгі тақты.<blockquote>– Бұл марапат сіздің ұзақ жылғы еңбегіңіздің жемісі. Бірқатар салада нәтижелі еңбек еттіңіз. Жеке секторда, атқарған жұмысыңыз арқылы білікті маман болып қана қоймай, ұжымда да, қоғамда да сыйлы, құрметті азамат атандыңыз. Жақсы ұрпақ тәрбиелеп, олар бүгінде ауданымыздың дамуына өз үлесін қосуда. Сондықтан «Ел құрметі» қоғамдық қорының шешімімен «Ерен еңбек иесі» төсбелгісін табыстауды жөн көрдік. Марапатыңыз құтты болсын, – деді қоғамдық қордың аудандағы өкілі.</blockquote>Игі тілекті әлеуметтік қамсыздандыру саласында жұмыс істейтін ауданға белгілі азамат Сағидолла Еламанов жалғап, мамыр айындағы мерекелер қарсаңында марапатталып жатқан азаматқа тілектестігін білдірді. Өз кезегінде еңбегі еленіп, құрметке кенелген Нұрлан Алашбаев шынайы риза­шы­лығын білдірді.<blockquote>– Шынымды айтсам, мұндай марапатпен марапатталамын, төсбелгіге ие боламын деп ойлаған жоқпын. Бұл мен үшін тосынсый болды. Ұзақ жылғы еңбегімді елеп, ескеріп, сыртымнан марапатқа ұсынып жатқан азаматтарға алғысымды білдіремін. Қазір біз де ардагерлік кезеңге жетіп, зейнет демалысындамыз. «Көңіл көңілден су ішеді» демекші, мамыр айындағы мерекелер аясында көңілімізді көтеріп, мерейімізді өсіріп жатқан қоғамдық қордың, оның аудандағы өкілдерінің жұмысына сәттілік тілеймін, – деді Н.Орынбасарұлы.</blockquote>Айта кету керек, Н.Алашбаев 1986 жылы Шымкент қаласындағы қазақ-химия технология институтын тәмамдап, ПМК-84 (ремводстрой) мекемесіне цех бастығы ретінде жұмысқа орналасқан. Осы мекемеде еңбек еткен жылдары аудан орталығындағы тұрғын үйлердің салынуына, Іңкәрдария ауылындағы мектеп пен аудандық аурухана құрылысын жүргізуге атсалысып, құрылыс жұмыстарын ұйымдастыруға еңбек сіңірген. Мұнан бөлек Тереңөзек кентіндегі орталық бейіттің қоршау жұмыстарында да өз қолтаңбасын қалдырған. Кейінгі жылдары Қызылордадағы электр желілерімен жабдықтаумен айналысатын «Кейс» мекемесінде жұмыс істеп, абыроймен зейнет демалысына шыққан. Отбасында жары Роза Садыққызымен бірге екі ұл, екі қыз тәрбиелеп, бүгінде немерелер сүйіп отыр.

Сырдариялық азамат жоғарғы марапатқа ие болды

<a href="https://kyzylorda-news.kz/">Kyzylorda-news.kz.</a>&nbsp;Сыр топырағында туып, Қазақстанды ғана емес алыс-жақын шетелді өнерімен мойындатқан танымал әнші, дарынды композитор Батырхан Шөкеновті жерлестері еске алып, ескерткішіне гүл шоқтарын қойды.&nbsp;Одан кейін әншіге, әкесі, белгілі экономист, қаржыгер Камал Шөкеновке өздері тұрған көпқабатты үйге қойылған ескерткіш тақта ашылды.Кешкісін «Өнер орталығының» алдында Батырхан Шөкеновтің шығармашылығына арналған «Мәңгі іздеймін» атты концерт ұйымдастырылды. &nbsp;Облыстық филармонияның «Сыр самалы» вокалды-аспапты ансамблінің концертіне Ә.Мұстафаев жетекшілік етті. &nbsp;Концертте композитордың шәкірттері оның репертуарынан «Отан-Ана», «Қайран көңіл-ай», «Гүл Алматы», «Джулия», «Нелюбимая», «Солдат любви» әндерін орындады.Батырхан Шөкенов ғажайып музыканттығымен, өзіндік ұстанымына беріктігімен, жарқын бейнесімен есте қалды. Қоңыр дауысында өмірге деген құштарлық, жастық та, қайрат та, мұң да, шер де, қуаныш пен махаббат та бар-тұғын. Сонысымен әр тыңдарманның жүрегіне жол тауып, сүйікті әншісіне айналды.Болмысы бөлек жанды көрермендері ұмытпай, жыл сайын еске алып, талантты музыкантқа құрмет көрсетеді. Оның ән-ғұмыры елі барда ешқашан үзілмек емес, есімі халқының жүрегінде сақталады. Биыл көзі тірі болса, ол 62-көктемін қарсы алар еді.&nbsp;

Қазақстан және Қызылорда облысының жаңалықтары