Kyzylorda-news.kz. ҚР Премьер-министрінің бірінші орынбасары Р.В.Склярдың тапсырмасымен ҚР Өнеркәсіп және құрылыс вице-министрі Тимур Қарағойшин сапалы аумақтық жоспарлауды, коммуналдық және тұрғын үй инфрақұрылымын тиімді дамытуды қамтамасыз ету, сондай-ақ құрылыс және тұрғын үй-коммуналдық шаруашылық саласында ұсынымдар беру, тәжірибе алмасу үшін Қызылорда облысына іссапармен келді.Вице-министр аймақ басшысы Нұрлыбек Нәлібаевпен бірге Шиелі ауданына барып, құрылыс жұмыстарының көлемі бойынша республикада көшбасшылар қатарына орныққан Сыр өңіріндегі жаңадан салынған нысандарды көрді, аймақтың озық тәжірибесі мен жоғары жұмыс қарқынын атап өтті.Алдымен Тимур Жиенбайұлы Шиелі ауданы Байсын ауылындағы 250 орындық мектеп жұмысымен танысты. Биыл облыста 5 жаңа мектеп пайдалануға берілсе, 4 мектепке 1 850 орындық қосымша ғимарат салынды. Жуырда пайдалануға берілген Байсын ауылының мектебі солардың қатарында.Биылғы облыс бюджетінің 60 пайыздан астамы әлеуметтік салаға бағытталған. Соның ішінде, білім саласына 278 млрд теңге бөлінді. Президент қолдауымен «Жайлы мектеп» ұлттық жобасы аясында құны 98 млрд теңге болатын 21 мектеп салынады, оның біреуі Шиелі ауданында бой көтермек. «Білімді қолдау қоры» есебінен Қызылорда қаласында физика-математика бағытындағы 300 орындық жатақханасы бар мектеп-интернат құрылысы қарқынды жүргізілуде. Сонымен қатар, облыс орталығында демеушілер есебінен 2,3 млрд теңгеге 350 орындық заманауи үлгідегі Оқушылар сарайының, Сырдария өзенінің сол жағалауында құны 4,8 млрд теңге болатын музыкалық колледждің жаңа ғимаратының құрылысы басталмақ.Әрі қарай вице-министр аудан орталығынан салынған &nbsp;екі пәтерлік 25 үйді көрді. &nbsp; Аймақта, оның ішінде Шиелі ауданында пайдалануға берілген үй көлемі жыл сайын артуда. Тамыз айында «Көкшоқы» мөлтек ауданындағы 3 қабатты 18 пәтерлі 4 тұрғын үйден 70-тен аса отбасы жаңа баспана алды. Облыс бойынша халықтың әлеуметтік осал топтары үшін 1000 пәтер сатып алу жоспарланған. Оның 400-і аудандарға тиесілі.<img src="https://knadmin.beoblood.kz/uploads/FB_IMG_1700840566915_0baae1751f.jpg" alt="FB_IMG_1700840566915.jpg"><img src="https://knadmin.beoblood.kz/uploads/FB_IMG_1700840545579_62e4498d33.jpg" alt="FB_IMG_1700840545579.jpg"><img src="https://knadmin.beoblood.kz/uploads/FB_IMG_1700840571123_53d8cf8ba8.jpg" alt="FB_IMG_1700840571123.jpg"><img src="https://knadmin.beoblood.kz/uploads/FB_IMG_1700840536379_50a5c3586e.jpg" alt="FB_IMG_1700840536379.jpg">

ҚР Өнеркәсіп және құрылыс вице-министрі Сыр өңіріндегі жаңа нысандармен танысты

Kyzylorda-news.kz. Сыр өңіріне жұмыс сапарымен келген ҚР Өнеркәсіп және құрылыс вице-министрі Тимур Қарағойшин облыс әкімдігінде құрылыс және тұрғын үй инфрақұрылымын дамыту мәселелері бойынша республикалық кеңес өткізді.&nbsp;Іс-шараға министрлік өкілдері, республикалық мекеме басшылары, еліміздің барлық өңірінен құрылыс және энергетика саласына жетекшілік жасайтын облыс әкімінің орынбасарлары, басқарма басшылары және орынбасарлары, Қызылорда қаласы мен аудан әкімдері қатысты.Жиын сапалы аумақтық жоспарлауға, коммуналдық және тұрғын үй инфрақұрылымын тиімді дамытуды қамтамасыз етуге, &nbsp;құрылыс және тұрғын үй-коммуналдық шаруашылық саласына қатысты ұсынымдар айтуға, тәжірибе алмасуға арналды.Облыс әкімі Нұрлыбек Нәлібаев өз баяндамасында Сыр өңірінде жүзеге асырылған жобаларды таныстырып, әріптестерін тәжірибе бөлісуге шақырды.<blockquote>«Мемлекет басшысы мен Үкіметтің қолдауы арқасында өңірімізде негізгі макроэкономикалық көрсеткіштер бойынша оң динамика қалыптасты. Облыс өңдеу өнеркәсібі, ауыл шаруашылығы, негізгі капиталға тартылған инвестиция мен тұрғын үйді пайдалануға беру бойынша көшбасшылардың қатарында. Өткен айда Мемлекет басшысы Қасым-Жомарт Кемелұлы арнайы жұмыс сапарымен келіп, өңірдің әлеуметтік-экономикалық дамуымен танысты. Аймақтың даму бағытына жоғары бағасын берді. Құрылыс, энергетика салаларында да оң қарқын бар. Биыл бюджет қаржысына &nbsp;1346 пәтерлік 26 көпқабатты тұрғын үй салынуда. «Сыр жастары» арнайы бағдарламасын қабылдап, &nbsp;100 жас отбасыға алғаш рет тұрғын үй табыстамақпыз. Халықтың әлеуметтік осал топтары үшін 1 302 пәтер сатып алынады. Нәтижесінде биыл 2708 пәтер беріліп, 12 мыңнан аса тұрғынның баспана мәселесі шешіледі. Алдағы жылы 1594 пәтерлік 21 тұрғын үйдің құрылысы &nbsp;жүргізіледі», – деді аймақ басшысы.</blockquote><img src="https://knadmin.beoblood.kz/uploads/FB_IMG_1700848125274_b3eebbe1db.jpg" alt="FB_IMG_1700848125274.jpg">Нұрлыбек Машбекұлы өңірде мемлекеттік бағдарламалар аясында және жеке инвестиция есебінен салынған әлеуметтік нысандар, демеушілер көмегімен қолға алынған игі жобалар туралы баяндады. Атап айтқанда, Мемлекет басшысының еліміздегі жылу-электр орталықтарының жұмысын жандандыру тапсырмасына сәйкес Қызылорда қаласында жаңа жылу-электр орталығының іргетасы қаланды. Тәуелсіздік жылдарындағы инвестор қаржысына салынатын ең ауқымды, теңдессіз жоба электр энергиясын сырттан сатып алудан арылтып, өндірілген электр энергиясының бір бөлігін аймақтан тыс жерлерге сатуға мүмкіндік бермек.Президент тапсырмасына сәйкес «Жайлы мектеп» ұлттық жобасы аясында Қызылорда облысында 21 мектеп салынады. Жоба құны – 98 млрд теңге. Қазір 10 мектептің құрылысы жүргізілуде, қалған 11-і келесі жылы басталады. 2025 жылы толық тапсырылады. «Білімді қолдау қоры» есебінен Қызылорда қаласында 400 орындық оқу ғимараты және 300 орындық жатақханасы бар физика-математика бағытындағы мектеп-интернат бой көтеруде.&nbsp;Мұнан бөлек, Қызылорда қаласындағы 4 іргелі мектептің жанынан 2 000 орынға арналған қосымша ғимараттар салынды. Осылайша балалар қатынауына жақын, ыңғайлы &nbsp;мектепке барды әрі бюджет қаражатын үнемдеу мүмкіндігі пайда болды.Облыс орталығында 36,4 млрд теңгеге бір ауысымда&nbsp; 100 келушіге арналған емханасы және онкологиялық бөлімшесі бар 300 орындық көпбейінді аурухананың құрылысы басталды. Медициналық ұйымдарды сапалы қанмен қамтамасыз ету мақсатында құны 2,9 млрд теңгені құрайтын Қан орталығының құрылысы жүргізілуде. &nbsp;«Ауылдық денсаулық сақтауды жаңғырту» ұлттық жобасы аясында елді мекендерде 27 нысан салынады. Оның 15-і желтоқсан айының алғашқы онкүндігінде тапсырылады. Жыл соңына дейін облыстық көпбейінді аурухананың жанынан 70 төсектік перинаталдық орталық халық игілігіне беріледі.Құны 20,9 млрд теңге болатын 7 мың орынға арналған Орталық стадион, сондай-ақ, жабық бассейні бар көпсалалы дене шынықтыру-сауықтыру кешені салынады. Аудандарда 11 дене шынықтыру кешені құрылысына 2,6 млрд теңге бөлінді. Оның 6-уы тапсырылды, қалғаны жақын күндері пайдалануға беріледі. Құны 1,6 млрд теңгенің Отбасы орталығы өз қызметін бастады, 3,7 млрд теңгеге салынған Өнер орталығы жыл соңына дейін пайдалануға беріледі.Келер жылы 7 ауданда музей, кітапхана, архив, неке қию залы, ардагерлер және аналар, жастар орталықтары, азаматтық қоғам өкілдері мен тарихи-мәдени, рухани ұйымдарды біріктіретін типтік үлгідегі «Руханият» орталықтары салынады.Облыста негізгі капиталға салынған инвестиция 2021 жылмен салыстырғанда 52 пайызға өсіп, 472 млрд теңгені құрады. Оның 74 пайызы – &nbsp;жеке инвестициялар.Мемлекет басшысы Қасым-Жомарт Кемелұлының патриотизм мен әлеуметтік жауапкершіліктің үлгісін көрсету бастамасын қолдаған демеушілер есебінен 37,5 млрд теңге қаржы тартылды. Оған қоса құрылыс, жол компаниялары және кәсіпкерлердің қолдауымен 3,3 млрд. теңгеге 630 жобаның құжаттамасы әзірленді.Құрылыс және инфрақұрылымды дамыту саласындағы аймақтың оң тәжірибесін бөліскен облыс әкімі сөзінің соңында Қызылорда облысына арнайы келіп, министрліктен, барлық өңірден өз саласының тәжірибелі азаматтарын жинап, жиынды ұйымдастырған вице-министрге алғыс білдірді.Өз кезегінде, Тимур Қарағойшин өңірдегі қарқынды жұмыстарды ерекше атап өтті. Жиын барысында бірқатар сала басшылары баяндама жасап, атқарылған жұмыстар мен алдағы міндеттерді таныстырды.<img src="https://knadmin.beoblood.kz/uploads/FB_IMG_1700848097745_34f04ab34a.jpg" alt="FB_IMG_1700848097745.jpg"><img src="https://knadmin.beoblood.kz/uploads/FB_IMG_1700848133303_c898a8c655.jpg" alt="FB_IMG_1700848133303.jpg"><img src="https://knadmin.beoblood.kz/uploads/FB_IMG_1700848105644_b08841f64a.jpg" alt="FB_IMG_1700848105644.jpg">

Қызылорда облысының тәжірибесі басқа аймақтарға таратылды

<a href="https://kyzylorda-news.kz/">Kyzylorda-news.kz.</a>&nbsp; «Қазгидромет» РМК Қызылорда облысы бойынша филиалы 25 қарашаға арналған ауа райы болжамын жариялады.&nbsp;Кәсіпорынның хабарлауынша Сенбі күні Қызылорда облысының солтүстігінде тұман күтіледі.

Сенбіге арналған ауа райы болжамы

<a href="https://kyzylorda-news.kz/">Kyzylorda-news.kz.</a>&nbsp;Қызылорда қаласындағы Сырдарияның сол жағалауынан бой көтерген жаңа шағын ауданға қоныстанушылар күн санап артып келеді. Бүгін осындағы «Orda school» мектебі жанынан салынған үшінші оқу ғимараты балалар игілігіне пайдалануға берілді.Облыс әкімі Нұрлыбек Нәлібаев білім ордасының ұстаздары мен оқушыларын жайлы да жаңа ғимараттың ашылуымен құттықтады.<blockquote>«Алаш қайраткері, ақын Мағжан Жұмабаев «Қазақтың тағдыры, келешекте ел болуы да мектебінің қандай негізде құрылуына барып тіреледі. Мектебімізді таза, берік һәм өз жанымызға үйлесетін негізде құра білсек, келешегіміз үшін тынбай-ақ серттесуге болады» деген сөзі баланы оқыту үшін ең бірінші жайлы да заманауи мектептің керегін еске салады. Жерлесіміз, мемлекет және қоғам қайраткері Мұрат Бақтиярұлының бастамасымен 2017 жылы мемлекеттік-жекеменшік әріптестік аясында салынған «Orda school» бастауыш мектебі өңірдегі іргелі білім ошақтарының қатарына енді. Бұл салаға инвестиция салған кәсіпкерлер аз емес. Қазірдің өзінде облыстағы 30 жеке мектепте 12 мыңға жуық оқушы білім алуда. Балаларымыздың болашағы жарқын болсын. Санасы сергек, ойы ұшқыр, бәсекеге қабілетті шәкірттеріміз көбейсін!» – деді аймақ басшысы.</blockquote>Рәсімде облыс әкімі мектеп ұжымына ҚР Парламенті Сенатының төрағасы Мәулен Әшімбаевтің құттықтау хатын табыстады.Іс-шарада Мұрат Бақтиярұлы жерлестерін құттықтап, Білім беру ісінің үздігі Серікбай Қошқаров жиналғандарға ақ батасын берді.Облыс әкімі мектеп ғимаратын аралап көріп, конференц зал, робототехника кабинеті, кітапхана, асхана, спорт залдың жұмысымен танысты.Айта кетейік, алғаш ашылған жылы «Orda school» мектебінде 180 бала білім алса, бүгінгі күні оқушы саны 2100-ге жетті. Мұнда 214 педагог оқушыларға білім беруде. Жаңа ғимаратта оқу кабинеттері, шығармашылық бөлмелер талапқа сай жасақталған. Балалардың жан-жақты дамуы мен демалуына барлық жағдай қарастырылған.Биыл Қызылорда облысында 2 жаңа мектеп пайдалануға берілсе, жыл соңына дейін Қазалы ауданы Әйтеке би кентіндегі 250 орындық, Жаңақорған ауданы Май бекетіндегі 300 орындық оқу ордасының ашылуы жоспарлануда. Өткен аптада Шиелі ауданы Байсын ауылындағы 250 орындық мектептің жаңа ғимараты табысталды. Бұдан бөлек, Қызылорда қаласындағы 4 мектепке 1850 орындық қосымша ғимараттар салынды.Мемлекет басшысының бастамасымен қолға алынған «Жайлы мектеп» ұлттық жобасы аясында өңірімізде 12 300 орынға лайықталған 21 мектеп салынуда. 10 мектептің құрылысы басталды, оның 5-еуі облыс орталығында. «Білімді қолдау қоры» есебінен 7,9 млрд. теңгеге дарынды балаларға арналған 400 орындық физика-математика бағытындағы мектеп-интернаттың құрылысы қарқынды жүргізілуде.Биыл «ҚазГерМұнай» компаниясының демеушілігімен 350 орындық заманауи үлгідегі Оқушылар сарайы салынады. «Саутс Ойл» компаниясының демеушілігімен Сырдария өзенінің сол жағалауынан 4,8 млрд. теңгеге музыкалық колледждің жаңа ғимаратының құрылысы басталмақ.<img src="https://knadmin.beoblood.kz/uploads/403900803_647571810897400_5104818265688555572_n_27dee0c8d8.jpg" alt="403900803_647571810897400_5104818265688555572_n.jpg"><img src="https://knadmin.beoblood.kz/uploads/403857971_647571724230742_2709856665533769715_n_f0c928a261.jpg" alt="403857971_647571724230742_2709856665533769715_n.jpg"><img src="https://knadmin.beoblood.kz/uploads/405075237_647572050897376_722058130210768347_n_c3d2cf0107.jpg" alt="405075237_647572050897376_722058130210768347_n.jpg"><img src="https://knadmin.beoblood.kz/uploads/403735804_647572010897380_2687956099797204678_n_f55006cac8.jpg" alt="403735804_647572010897380_2687956099797204678_n.jpg"><img src="https://knadmin.beoblood.kz/uploads/403900643_647572217564026_4507562661617980326_n_73d2cc4aeb.jpg" alt="403900643_647572217564026_4507562661617980326_n.jpg"><img src="https://knadmin.beoblood.kz/uploads/403832782_647572180897363_3507355601697092676_n_8438867152.jpg" alt="403832782_647572180897363_3507355601697092676_n.jpg">

Қызылордада жаңа жеке мектеп ашылды 

<a href="https://kyzylorda-news.kz/">Kyzylorda-news.kz.</a>&nbsp; Облыс әкімі Нұрлыбек Нәлібаев «AMANAT» партиясы облыстық филиалының қоғамдық қабылдау кестесіне сәйкес кезектілік тәртібімен жазылған азаматтарды қабылдады. Жеке қабылдауға 12 адам келді.Олар қозғаған мәселелердің қатарында тұрғын үй алу, жол, жарықтандыру, жұмысқа орналасу және кәсіп ашу бар. &nbsp;Қабылдауға келіп ұсыныс-пікірін, өтінішін жеткізушілердің &nbsp; сауалдары назардан тыс қалмайды. Мамандар әрбірінің себеп-салдарын жіті зерттеп, шешімін &nbsp;заң талаптарын &nbsp;негізге алып қарастырады. Қабылдауға келушілердің кейбірі өз сұрақтарына қатысты түсіндірме &nbsp;жауапты сол жерде алды. Көтерген мәселесінің &nbsp;шешу жолдарын білді.Мәселен, 36 жастағы қала тұрғыны балалар қауіпсіздігін қамтамасыз ету &nbsp;үшін үйінің жанындағы жол бойына бағдаршам орнатуды сұрады. Аймақ басшысы ол тұсқа түнде жанатын арнайы жол белгілері орналастырылатынын айтты. Ал 49 жастағы қала тұрғыны Жарқынбаев тұйығына асфальт төсеп, жарықтандыру мәселесін шешуді сұрады. Сонымен қатар қала орталығындағы «Сарқырама» каналын тазарту туралы ұсынысын жеткізді. Облыс әкімі жауапты тұлғаларға 3 күн ішінде каналды тазалауды тапсырды. Ал Жарқынбаев тұйығын жарықтандыру және асфальттау &nbsp;мәселесі жақын күндері қарастырылатынын жеткізді. Әзірше жолға қиыршық тас төселмек.Еске салайық, тұрғындар облыс әкімінің қабылдауына egov.порталы, е-otinish бірыңғай базасы немесе әкімдікке келіп жазбаша өтініш тастау арқылы жазыла алады.<figure class="image"><img src="https://knadmin.beoblood.kz/uploads/akim4_d314ea51c2.jpg" alt="аким4.jpg"></figure>&nbsp;<figure class="image"><img src="https://knadmin.beoblood.kz/uploads/Akim_2_b4eb29cb48.jpg" alt="Аким 2.jpg"></figure>&nbsp;<figure class="image"><img src="https://knadmin.beoblood.kz/uploads/akim_1_dffc2682f0.jpg" alt="аким 1.jpg"></figure>

Облыс әкімі тұрғындарды жеке мәселелері бойынша қабылдады

<a href="https://kyzylorda-news.kz/">Kyzylorda-news.kz.</a>&nbsp; Қазгидромет Қазақстан аймақтарында 2023 жылғы 24 қарашада болатын қауіпті метеорологиялық құбылыстарға болжау консультациясын жариялады.&nbsp;Оңтүстік Каспий циклоны және онымен байланысты атмосфералық фронттар ҚР аумағы арқылы жылжуын жалғастырады және елдің басым бөлігіне ықпалын сақтайды, сонымен бірге жауын-шашын (жаңбыр, қар), оңтүстік-батыста, солтүстік-батыста, солтүстікте – қатты жауын-шашын жауады. Қазақстан бойынша тұман, көктайғақ, желдің күшеюі, солтүстік, солтүстік-батыс, орталық аудандарында бұрқасын күтіледі.&nbsp;

24 қарашаға жасалған күн райы 

<a href="https://kyzylorda-news.kz/">Kyzylorda-news.kz.</a> Аймақ басшысы Нұрлыбек Нәлібаевтың төрағалығымен Қызылорда облысының әкімдігі жанындағы терроризмге қарсы облыстық комиссия отырысы өтті.Облыстық полиция департаментінің бастығы Махсудхан Аблазимов, облыстық мамандандырылған күзет қызметі басқармасының бастығы Бейжігіт Оспанбеков террористік әрекеттерге қорғанысы осал объектілердің қауіпсіздігін жетілдіру шараларын баяндап, жағдайды жақсарту бойынша ұсыныстарын айтты.Облыстық дін істері басқармасының басшысы Дінмұхамед Ермеков қазіргі ахуалға сәйкес Қызылорда қаласы мен аудан әкімдіктерінің діни экстремизм және терроризмге қарсы атқарған жұмыстары туралы баяндама жасады.Жиында көтерілген мәселелер бойынша облыс әкімі жауапты тұлғаларға бірқатар тапсырма берді. Облыстық мамандандырылған күзет қызметі басқармасы аудандардағы сумен қамтамасыз ету объектілерін күзетуге қажетті шығындарды есептеп, тиісті ұсыныс беруі керек. Ал, дін істері басқармасына ақпараттық-насихат іс-шараларын күшейту тапсырылды. Мұнан бөлек, облыстық білім басқармасына оқушыларды жат діни ағымдардан сақтандыруға қатысты міндет жүктелді.<figure class="image"><img src="https://knadmin.beoblood.kz/uploads/404266894_647087627612485_4412548471905678456_n_608bf19f9b.jpg" alt="404266894_647087627612485_4412548471905678456_n.jpg"></figure>&nbsp;<figure class="image"><img src="https://knadmin.beoblood.kz/uploads/405088765_647087724279142_5888315537935955737_n_7c8245256e.jpg" alt="405088765_647087724279142_5888315537935955737_n.jpg"></figure>

Терроризмге қарсы комиссия отырысы өтті

<a href="https://kyzylorda-news.kz/">Kyzylorda-news.kz.</a> Дүниежүзілік балалар күні қарсаңында елімізде республикалық акция басталған болатын. Мақсат – балалардың құқықтарын қорғай отырып, тиісті деңгейдегі қажетті шараларды қабылдау.Онкүндік науқанда облыстық білім басқармасының іс-шара жоспарына сәйкес білім беру ұйымдарында кездесулер, байқаулар, спорттық жарыстар, қайырымдылық шаралар ұйымдастырылуда.Ал кеше «Атамекен» отбасы үлгісіндегі балалар ауылында «Балалық шақты бірге қорғайық» тақырыбында құқық қорғау органдары, медициналық мекемелер, жұмыспен қамту орталықтары өкілдерінің қатысуымен кездесу өтті.Іс-шараға басқарма басшысы Асқарбек Темірбекұлы арнайы барып, балалармен бірге мерекелік кештің куәсі болды.Қонақтар әр отбасының тыныс-тіршілігімен танысып, «Тілек кітабына» ізгі лебіздерін жазып, қолтаңбаларын қалдырды. Сондай-ақ балалардың қолөнер бұйымдарынан жәрмеңке, сурет көрмесі ұйымдастырылды. Мерекемен құттықтаған қонақтар балаларға сыйлықтар үлестіріп, концерттік бағдарламаны тамашалады.<blockquote>«Отбасы үлгісіндегі «Атамекен» балалар ауылы жетім және ата-ананың қамқорлығынсыз қалған балаларға сапалы біліммен қатар саналы тәрбие беруге бағытталған мекеме. Балалар ауылында түрлі ұлт өкілдерінің балалары тәрбиеленуде, олар орыс тілімен қатар қазақ тілін де жетік меңгерген. Балалар ауылы өз жұмысын 2015 жылы 1 маусымда бастаған болатын. Қазіргі таңда «Атамекен» отбасы үлгісіндегі балалар ауылында 3 жастан 18 жас аралығындағы 47 бала тәрбиеленуде. Балаларға тәрбие беріп, олардың өмірде өз жолдарын табуға, нық қадаммен үлкен жетістіктерге жетуге бағыттауда өз үлесімізді қосамыз деген тілекпен қызмет жасап келеміз», - дейді «Атамекен» отбасы үлгісіндегі балалар ауылының директоры Лиза Скакова.</blockquote><figure class="image"><img src="https://knadmin.beoblood.kz/uploads/403052162_122109830168107916_38470823821057209_n_bc6be9795d.jpg" alt="403052162_122109830168107916_38470823821057209_n.jpg"></figure>&nbsp;<figure class="image"><img src="https://knadmin.beoblood.kz/uploads/403206936_122109830318107916_2680709670479350254_n_cd03060511.jpg" alt="403206936_122109830318107916_2680709670479350254_n.jpg"></figure>&nbsp;<figure class="image"><img src="https://knadmin.beoblood.kz/uploads/403048729_122109830390107916_7685325651608013884_n_ada258aa94.jpg" alt="403048729_122109830390107916_7685325651608013884_n.jpg"></figure>&nbsp;<figure class="image"><img src="https://knadmin.beoblood.kz/uploads/402983243_122109830438107916_2476068910325295334_n_c6b21a2df2.jpg" alt="402983243_122109830438107916_2476068910325295334_n.jpg"></figure>

«Атамекен» отбасы үлгісіндегі балалар ауылында 47 тәрбиеленуші бар

<a href="https://kyzylorda-news.kz/">Kyzylorda-news.kz.</a>&nbsp;Синоптиктер 2023 жылы 23 қарашада Қазақстанда ауа райы қандай болатынын айтты."Қазгидромет" РМК ақпараты бойынша, еліміздің басым бөлігіне Оңтүстік Каспий циклоны және онымен байланысты атмосфералық бөліктер әсер етеді. Синоптиктердің болжамы бойынша, жаңбыр, қар жауады деп күтіледі.<blockquote>"Қазақстанның солтүстік-батысында, оңтүстік-батысында, оңтүстік және оңтүстік-шығысындағы таулы аймақтарда қатты жауын-шашын (жаңбыр, қар) болады", - дейді синоптиктер.</blockquote>Қазақстан бойынша тұман, көктайғақ болады, жел екпін алады, солтүстік өңірлерде боран соғады деп болжанады.&nbsp;

23 қарашаға арналған ауа райы болжамы

Фото: ашық дереккөзKyzylorda-news.kz. Бүгін Арал ауданы әкімдігінің мәжіліс залында аудан басшысы Серік Сермағамбетовтың төрағалығымен «Аралтұз» акционерлік қоғамының кәсіпорын жұмысшыларымен жалақыларына байланысты қалыптасқан мәселе туралы отырыс өткізілді.Жиынға «Аралтұз» АҚ өкілдері, аудан әкімінің орынбасарлары, кәсіподақ төрағалары, құқық қорғау органдарының және дербес бөлім басшылары мен кент әкімі қатысты.Аудан әкімі кәсіпорын жұмысшыларының қазан айындағы жалақысының төленбегендігінен орын алған мәселенің бүгінде қалыпты жағдайға айналғанына қатаң ескерту жасап, шұғыл шаралар қабылдау туралы тапсырма берді.<blockquote>«Өздеріңізге белгілі, үстіміздегі жылдың 20 қарашысында кәсіпорын қызметкерлері зауыттың жұмысын тоқтатты. Бұған дейін де,бірнеше рет «Аралтұз» АҚ-ның жұмысшылары тарапынан жалақыға байланысты түрлі мәселелер көтеріліп келеді. Аудандық әлеуметтік әріптестік және әлеуметтік пен еңбек қатынастарын реттеу жөніндегі үш жақты комиссия отырысында «Аралтұз» АҚ тарапынан үстіміздегі жылы зауыттың жұмысшы-қызметкерлерінің міндетті әлеуметтік сақтандыру төлемдерін аудармауына байланысты мәселе қаралған болатын. Бұдан шығар ешбір мардымды нәтиже жоқ. Қалыптасқан жағдай әлі сол күйінде қалып отыр. Қаншама отбасы осы жалақымен өзінің жанұясын асырап келеді. Жасалған еңбектің өтеуі міндетті түрде болуы тиіс» - деді.</blockquote>Ұжымдағы ахуалға байланысты «Аралтұз» АҚ-ның зауыт директоры А. Жакпаров туындаған мәселенің мән-жайын түсіндіріп, атқарылған жұмыстарды баяндады.Өз кезегінде аудан басшысы кәсіпорын басшылығына қараша, желтоқсан айларының жалақысының уақытылы өтелуін қамтамасыз етуді тапсырды.Сондай-ақ, зауыттың жұмысшы-қызметкерлерінің міндетті әлеуметтік сақтандыру төлемдерінің уақытылы берілуін үйлестіру жүктелді.Бұдан бөлек, аудандағы құқық қорғау органдарының басшылары өз ұсыныстарын айтып, зауыт директорына тиісті талап – тілектерін жеткізді.<img src="https://knadmin.beoblood.kz/uploads/IMG_20231122_WA_0007_302a77c9a7.jpg" alt="IMG-20231122-WA0007.jpg"><img src="https://knadmin.beoblood.kz/uploads/IMG_20231122_WA_0006_2b9d26183d.jpg" alt="IMG-20231122-WA0006.jpg">

Жалақы алмаған «Аралтұз» кәсіпорнының қызметкерлері зауыттың жұмысын тоқтатқан

<a href="https://kyzylorda-news.kz/">Kyzylorda-news.kz.</a> Бүгінге дейін Қызылорда облысының өткір мәселесінің бірі қоғамдық көлік болып келді. Автобустың тапшылығы, интервалдың ұзақтығы, қызмет көрсету сапасының төмендігі әлеуметтік желіде сынға ұшырап келгеніне біраз болды. Соңғы уақытта аймақ басшысының тапсырмасына сәйкес, өзекті мәселенің шешімі табылды.&nbsp;Өткен жылдың қараша айында өңір басшысы Нұрлыбек Нәлібаевтың тікелей қолдауымен Серіктестікке «Өнеркәсіпті дамыту қоры» АҚ арқылы жаңадан лизингке 150 дана автобус алынды. Осылайша, 2013 жылдан бері жолаушылар тасымалын жақсарту мақсатында құрылған «Қызылорда автобус паркі» ЖШС-і жүйелі жұмыс істеуге мүмкіндік алды. Қолдауы бар автобус паркінің жұмысын БАҚ өкілдері аралады. Сондай-ақ, баспасөз турында Қызылорда қаласының әкімінің орынбасары Дінмұхамед Исламов жолаушылар көлігі тасымалы бойынша жасалып жұмыстарды баяндап берді.<blockquote>Халық игілігі үшін 23-ші бағыт іске қосылды. Қазіргі таңда, қалаішілік жолаушылар тасымалын күнделікті 150 дана автобустар жүзеге асыруда. Қоғамдық көліктердің бағыттардағы қатынау интервалы 12-15 минутты құрайды. Серіктестік теліміндегі бұрын қолданыста болған үлкен сыйымдылықтағы көліктердің 40 данасы күрделі жөндеу жұмыстарынан кейін қосымша бағыттарға қосылып, қалаішілік жолаушылар тасымалдау жұмысын жақсартуға өз үлесін қосуда. Сондай-ақ, автобусты цифрландыру жұмыстарымен, халықты мәдениеттілікке тәрбиелеу жұмыстары жүргізілуде. Яғни, автобус аялдамада ғана тоқтайды. Сондықтан тұрғындар осыны ескеріп, тәртіпке бағынса жақсы болар еді, — деді Дінмұхамед Аманұлы.</blockquote>

Қоғамдық көлік: 23-ші бағыт іске қосылды

<a href="https://kyzylorda-news.kz/">Kyzylorda-news.kz.</a> Үкімет мәжілісінен кейін облыс әкімі Нұрлыбек Нәлібаевтың төрағалығымен өткен жиналыста күн тәртібінен тыс орындаушылық тәртіп мәселесі де қаралды.Облыс әкімінің аппарат басшысы Шахмардан Байманов баяндағандай, бұған дейінгі мәжілістерде берілген тапсырмалар арнайы ақпараттық жүйеге енгізіліп, күнделікті мониторинг жүргізілуде. Мониторинг нәтижесіне қарағанда, тапсырмалардың 784-і, яғни 54,2%-ы орындалған, 230-ның немесе 15,9%-ның әлі мерзімі бар, 131-і уақытынан кеш орындалған, 131-і ішінара және 170-і мерзімінде орындалмаған.Орындалмаған тапсырмалардың 71 пайызы 5 мемлекеттік мекемеге тиесілі, олар – Қызылорда қаласының әкімдігі 51 тапсырма (30%), Қазалы ауданының әкімдігі 12 (7%), құрылыс, сәулет және қала құрылысы басқармасы 24 (14%), энергетика және тұрғын үй-коммуналдық шаруашылық басқармасы 17 (10%), ауыл шаруашылығы және жер қатынастары басқармасы 17 тапсырма (10%).Қала және аудан әкімдіктерінің, облыстық басқармалардың лауазымды тұлғаларына тәртіптік шара көрілгенімен, нәтиже шығармағаны ескертілді.Аймақ басшысы жүктелген міндеттерге салғырттық танытқан лауазымды тұлғаларға қатысты тәртіптік жаза қолдануды талап етті. Атап айтқанда, орындалмаған тапсырмаларының саны басым Қызылорда қаласы мен Қазалы ауданы әкімдеріне «қызметке толық сәйкес еместігі туралы ескерту» тәртіптік жазасы қолданылды.Өткен «Үлгілі елді мекен» конкурсының «Қызылорда қаласының үлгілі шағын ауданы» номинациясын қаладағы «Арай-2», «Сырдария», «Бәйтерек-Шұғыла» шағын аудандары жеңіп алғаны белгілі. Аталған шағын аудандарда сквер, спорттық ойын алаңдары салынуы, көше жарықтандырылуы қажет болатын. Алайда, Қызылорда қаласы әкімдігі жоба-сметалық құжаттарын әзірлемеген, бюджеттік өтінім ұсынбаған. Осы мүмкіндікті тиімді пайдаланып, түйткілді мәселелері көп облыс орталығын абаттандыруға ынта танытпаған, тиісті жұмыстарды қолға алмаған қала әкімінің жауапкершілігіне қатаң сын айтылды.Қала әкімдігі «Қызылорда-Жезқазған» автожолының «Құмкөл» кен орнынан Қызылорда қаласына дейінгі кіреберіс бөлігін салу жобасын уақытылы әзірлемегендіктен, жол құрылысына тартылатын жобамен 4 млрд. теңге қаражат келмей қалуы мүмкін.<blockquote>«Бұл жоба жайында «ҚазАвтоЖол» филиалының басшысы Ерұлан Жүнісов 3 ай бұрын айтты. Жұмысты реттемегені, тапсырманы орындамағаны, тиісті жобаны әзірлемегені үшін қала әкімі Асылбек Шәменовке қатысты тәртіптік жаза қолданылсын. Он күнде дайын болатын жобаны үш ай бойы созбалаңға салуды қалай түсінуге болады? Бұдан бұрын тапсырмаларды мерзімінде орындамағаныңыз үшін «қатаң сөгіс» алдыңыз, әрі қарай «қызметке толық сәйкес еместігі туралы ескерту» тәртіптік жазасы қолданылады.Кешегі «Үлгілі елді мекен» конкурсына қала әкімдігі бір де бір жоба ұсынбадыңыздар. Конкурсқа қатысқан жоқсыздар. Қызылорданы тазалық пен көгалдандыру, абаттандыру шараларынан сырт қалдырып, сквер, балалар және спорт ойын алаңдарын салу, көше, аулаларды жарықтандыру сынды жобаларды жүзеге асыру мүмкіндігін тиімді пайдаланбадыңыз. Әйтпесе Қызылордада абаттандыруды қажет ететін аулалар, шағын аудандар жеткілікті емес пе? Мұндай жағдайда немқұрайлылық танытып, әрекетсіз қалуыңызды түсіну қиын. Онсыз да жұмысыңыздың басым бөлігін біз атқарудамыз» – деді Нұрлыбек Машбекұлы.</blockquote>Тағы бір кемшілік, облыс әкімдігі «Қазақстан Темір Жолы» АҚ-мен теміржол вокзалын қайта жаңғырту жобасына 577 млн. теңге тартты, істі үйлестірді, бірақ жұмыс мерзімінен кешігуде. Ал, Талсуат кентіндегі клуб өткен жылы пайдалануға берілуі тиіс болса да, әлі күнге дейін табысталмаған.«Бәйтерек» тұрғын ауданына «Қызылжарма» каналы арқылы қатынайтын көпірді 14 қыркүйекте тұрғындар игілігіне беру керек болатын. Бұл жұмыстың да 95 пайызы ғана біткен.«Ауыл – ел бесігі» жобасы аясында Қызылжарма ауылдық округіндегі көшелерді жөндеуге бөлінген қаржы жарым-жартылай игерілген, тіпті бір көшеге бөлінген ақша мүлдем игерілмеген.«Ауыл – ел бесігі» аясында биыл облыстың 47 елді мекенінде 12,2 млрд. теңгенің 216 жобасы жүзеге асырылуда. Бүгінгі күнге қаржының игерілeуі 80,6 пайыз, республикалық бюджеттен қаржыландырылған 63 жобаның 36-сы іске қосылып, бөлінген қаржының 77,4 пайызы игерілген.Қазалы ауданында да «Ауыл – ел бесігі» жобасымен Әйтеке би кентіндегі көшеге жүргізілетін орташа жөндеу жұмысы, кенттегі 250 орындық мектеп пен аудан орталығындағы 600 орындық мәдениет үйінің құрылыстары тұралап қалған. Сондықтан 12 хаттамалық тапсырманы уақытылы орындамаған, әрі бұрын «қатаң сөгіс» алған Қазалы ауданының әкіміне «қызметке толық сәйкес еместігі туралы ескерту» берілді.Басқа аудан әкімдерінің жұмысына жан-жақты талдау жасалып, жауапкершілігі қаралады. Әсіресе, «Ауыл – ел бесігі», «Ауыл аманаты» сынды бағдарламаларды жүзеге асыру қарқынын төмендеткен, кемшіліктердің алдын алмаған басшыларға тәртіптік шара көріледі.Үкімет мәжілісінен кейін облыс әкімінің төрағалығымен өтетін жиналысқа күн тәртібіне сәйкес қажетті мекеме басшыларын қатыстырмағаны үшін Арал, Қармақшы, Жалағаш, Сырдария және Жаңақорған аудандарының әкімдеріне «сөгіс», тапсырмаларды мерзімінде орындамағаны үшін облыстық энергетика және тұрғын үй-коммуналдық шаруашылығы басқарамасының басшысына «сөгіс», құрылыс, сәулет және қала құрылысы, ауылшаруашылығы басқарма басшыларына «қатаң сөгіс» тәртіптік жазасы қолданылды.Облыс әкімінің бірінші орынбасары Серік Қожанияов пен облыс әкімінің орынбасары Мейрамбек Шермағанбетке жетекшілік ететін салаларында көптеген кемшілік анықталғаны ескертіліп, бақылауды күшейту міндеттелді.<figure class="image"><img src="https://knadmin.beoblood.kz/uploads/402937710_646214021033179_7871101430117315354_n_0ea466c47d.jpg" alt="402937710_646214021033179_7871101430117315354_n.jpg"></figure>&nbsp;<figure class="image"><img src="https://knadmin.beoblood.kz/uploads/404307114_646213964366518_2841422227256854444_n_e6962e928f.jpg" alt="404307114_646213964366518_2841422227256854444_n.jpg"></figure>&nbsp;<figure class="image"><img src="https://knadmin.beoblood.kz/uploads/402986953_646213954366519_3571802074742172212_n_e88cabea99.jpg" alt="402986953_646213954366519_3571802074742172212_n.jpg"></figure>

Қазақстан және Қызылорда облысының басты жаңалықтары