Робототехникадан халықаралық WRO-2024 олимпиадасының республикалық кезеңінде Алдияр Аппаз және Ернұр Сәду І орынды, Максим Усольцев және Дінмұхаммед Абдиев ІІ орынды иеленсе, тағы 3 команда үздік рейтинг көрсетіп, арнайы дипломдармен марапатталды. &nbsp;Ал халықаралық ғылыми жобалар сайысында Алина Палимбетова, Аружан Мырзабекова және Алдияр Аппаз жеңімпаз атынып, Еуразиялық технологиялық университетінің грантына &nbsp;ие болды. Қызылорда қаласындағы Назарбаев Зияткерлік мектебі жаңа оқу жылын осындай жетістіктермен бастады.Білім күні қарсаңында ұйымдастырылған мерекелік жиында мектеп директоры Жаңбырған Бекболатов оқушылар мен ұстаздардың қол жеткізген табысты еңбектеріне алғыс білдіріп, алдағы атқарылатын жұмыстарға тоқталды. Сонымен қатар NIS атты үлкен жанұяның мүшесі атанған жас өрендерге сәттілілік тіледі.7-сынып оқушыларының шеруі мерекелік ән-шашумен жалғасты. Жоғары сыныптың білім алушылары ізбасарларына мектепте өткізілетін жобаларды таныстырды. &nbsp;Сонымен қатар «Білім аллеясында» зияткерлердің ғылыми өнертабыстары мен зерттеу жобаларын тамашалап, &nbsp;NIS-тің шәкірттерге жол ашар мүмкіндіктерін бақылай алды.<img src="https://knadmin.beoblood.kz/uploads/IMG_20240901_WA_0035_5b9e907a5c.jpg" alt="IMG-20240901-WA0035.jpg"><img src="https://knadmin.beoblood.kz/uploads/IMG_20240901_WA_0029_551d413b39.jpg" alt="IMG-20240901-WA0029.jpg"><img src="https://knadmin.beoblood.kz/uploads/IMG_20240901_WA_0032_6807ebc472.jpg" alt="IMG-20240901-WA0032.jpg"><img src="https://knadmin.beoblood.kz/uploads/IMG_20240901_WA_0030_0c20b64123.jpg" alt="IMG-20240901-WA0030.jpg"><img src="https://knadmin.beoblood.kz/uploads/IMG_20240901_WA_0031_b2d6fb696c.jpg" alt="IMG-20240901-WA0031.jpg"><img src="https://knadmin.beoblood.kz/uploads/IMG_20240901_WA_0034_5d1925d8ad.jpg" alt="IMG-20240901-WA0034.jpg">

Жаңа оқу жылы жетістіктермен басталды

Kyzylorda-news.kz. Бүгін аймақ басшысы Нұрлыбек Нәлібаевтың тапсырмасына сәйкес Білім күніне орай Қызылорда облысындағы барлық мектепте &nbsp;1 және 11 сынып оқушылары үшін «Мектебім – мейірім мекені» атты салтанатты шара өтті.Оған бөлініске сәйкес облыстық мәслихаттың төрағасы Мұрат Тілеуімбетов, облыс әкімінің орынбасарлары Данияр Жаналинов, Шахмардан Байманов, Бахыт Жаханов, Ардақ Зебешев, облыс әкімінің орынбасары-Қазақстан Республикасы Президентінің «Байқоңыр» кешеніндегі арнаулы өкілі Қайрат Нұртай, облыс әкімі аппаратының басшысы Әділхан Мұхамедияров, Қызылорда қаласының әкімі Нұржан Ахатов, облыстық ардагерлер кеңесінің төрағасы Серік Дүйсенбаев, сала басшылары мен мәслихат депутаттары қатысып, оқушыларды жаңа оқу жылының басталуымен құттықтады.Мемлекет басшысы Қасым-Жомарт Кемелұлы Қазақстан халқына Жолдауында білім беру жүйесіне ерекше тоқталып, «Орта білімнің сапасы – табысты ұлт болудың тағы бір маңызды шарты. Әрбір оқушының білім алып, жан-жақты дамуы үшін қолайлы жағдай жасалуға тиіс. Сол үшін «Жайлы мектеп» ұлттық жобасы қолға алынды. Біз 2025 жылға дейін 800 мың баланың заманауи мектепте оқуына жағдай жасаймыз»,- деп міндеттер қойды.Ел Президенті алға қойған міндеттерге сәйкес аймақта бала болашағына, мұғалім мәртебесіне бағытталған қолдау шаралары өз нәтижесін беруде.«Жайлы мектеп» ұлттық жобасы аясында өңірде 21 мектеп салу жоспарланған. Оның 10-ның құрылысы биыл аяқталса, 11-і келер жылы пайдалануға беріледі.«Білім беру инфрақұрылымын қолдау» қоры арқылы дарынды балаларға арналған физика-математика &nbsp;мектеп-интернаты, балаларды қосымша біліммен қамту үлесін арттыру мақсатында «ҚазГерМұнай» компаниясының демеушілігімен заманауи Оқушылар сарайы, жергілікті бюджет есебінен Жаңақорған ауданында 200 орындық Оқушылар үйі және 50 орындық Өнер мектебі салынуда.Сол жағалауда «Саутс Ойл» компаниясының демеушілігімен музыкалық колледж ғимаратының іргетасы қаланып, құрылыс жұмыстары қарқынды жүруде.Балалар мен жасөспірімдердің шығармашылығын шыңдау мақсатында биыл облыс орталығынан «Шығармашылық академиясының» құрылысы басталды.Жаңа оқу жылы қарсаңында Шиелі ауданында 100, Жаңақорған ауданында 150 орындық мектептер ел игілігіне табысталды.«Білім беру инфрақұрылымын қолдау» қоры арқылы, жергілікті бюджет есебінен Шиелі, Жаңақорған, Қармақшы аудандарындағы, &nbsp;Қызылорда қаласындағы білім беру ұйымдары жанынан қосымша құрылыстар салынды. Сонымен қатар, демеушілік есебінен Арал ауданының Тоқабай &nbsp;және Ақшатау &nbsp;ауылдарындағы мектептер пайдалануға беріледі. Осы жылы оқушылардың қолайлы ортада білім алуын қамтамасыз ету мақсатында 8 мектеп ғимараты күрделі жөнделді. Оның 5-і Қызылорда қаласында, 3-і Жаңақорған, Сырдария, Жалағаш аудандарында. Мыңдаған шәкірт қайта жаңғыртылған алтын ұяларында жаңа оқу жылын бастады.Осы ретте, айта кету қажет жексенбі, яғни 1 қыркүйек күні жұмысқа шыққан педагогтерге "Еңбек Кодексіне" сәйкес қосымша ақы төленеді немесе басқа күндері демалыс қарастырылады. Бұл жөнінде мектеп әкімшілігі шешім қабылдайды. Өткен жылы облыстағы 330 мектепте 181 804 оқушы болса, биылғы оқу жылында 184 924 оқушы бар, бала саны 3 120-ға артқан. Биыл 1 - сыныпқа 17 383 бала қабылданды.<img src="https://knadmin.beoblood.kz/uploads/FB_IMG_1725203187787_af5c1c62d5.jpg" alt="FB_IMG_1725203187787.jpg"><img src="https://knadmin.beoblood.kz/uploads/FB_IMG_1725203168489_004161e970.jpg" alt="FB_IMG_1725203168489.jpg"><img src="https://knadmin.beoblood.kz/uploads/FB_IMG_1725203185068_ce9b486a23.jpg" alt="FB_IMG_1725203185068.jpg"><img src="https://knadmin.beoblood.kz/uploads/FB_IMG_1725203191315_97f47ee97a.jpg" alt="FB_IMG_1725203191315.jpg"><img src="https://knadmin.beoblood.kz/uploads/FB_IMG_1725203171917_1e298c95bb.jpg" alt="FB_IMG_1725203171917.jpg">

Сыр елінде «Мектебім – мейірім мекені» атты салтанатты іс-шара ұйымдастырылды

Kyzylorda-news.kz. Ата-аналарға балаларды ерте жастан күту және дамыту бойынша консультациялық көмек көрсету үшін «Беске дейін үлгер» мобильдік қосымшасы іске қосылады, деп хабарлайды ҚР Оқу-ағарту министрлігінің баспасөз қызметі. Мобильді қосымша үйде бала тәрбиелеп отырған ата-аналарға денсаулық, тамақтану, тәрбие, дағдыларды қалыптастыру мен дамыту және өзара қарым-қатынас құру бойынша қолжетімді ақпарат ұсынады.Қосымшаның мазмұны әлемдік институттардың нейробиологиялық зерттеулерінің ғылыми деректері негізінде әзірленген және біздің мәдени-тарихи құндылықтарымыз ескерілген.<blockquote>«Қазіргі уақытта қосымша Қарағанды, Шығыс Қазақстан, Қызылорда және Ақтөбе облыстарының мектепке дейінгі ұйымдарымен бірлесіп пилоттық режимде сынақтан өтуде. Оны толық масштабтау қараша айында жүзеге асырылады. Сондай-ақ оның мазмұны сабақтарға арналған идеялар мен практикалық кеңестер ұсыныла отырып, консультациялық орталықтарда пайдаланылатын болады», - деп атап өтті Мектепке дейінгі білім беру департаментінің директоры Манар Адамова.</blockquote>Мобильді қосымша мектепке дейінгі ұйымдардың консультациялық пункттерінде қолжетімді болады. Ата-аналар мектеп жасына дейінгі балаларды тәрбиелеу және дамыту мәселелері бойынша тәулік бойы әдістемелік және психологиялық көмек ала алады.

Мектеп жасына дейінгі балалардың ата-аналарына арналған мобильді қосымша іске қосылады

Kyzylorda-news.kz. Еліміздің барлық өңірінде білім беру ұйымдары өз есігін айқара ашты. Мемлекет білім сапасын арттыру, балалардың білім алуы үшін жайлы орта қалыптастыру бағытында жүйелі жұмыстар жүргізіп жатыр, деп хабарлайды Оқу-ағарту министрлігі.Биыл Қызылорда облысында 1 - сыныпқа 17 383 бала қабылданды.Жаңа оқу жылының ұзақтығы 1 - сыныптарда – 33, &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; 2 - 11 сыныптарда – 34 оқу аптасын құрайды.Сондай-ақ, тілдерді кезең - кезеңімен оқыту шеңберінде 3 - сыныпта «Шет тілі» пәнін оқыту енгізілсе, «Көркем еңбек» пәнін «Бейнелеу өнері» және «Еңбекке баулу» пәндеріне бөліп оқыту жалғасады.Оқыту мен бағалауда жасанды интеллектіні қолдану аясы кеңейтіледі.«Жер елшілері» креативті жастардың Бүкілқазақстандық экологиялық қозғалысы» жобасы шеңберінде білім алушыларға экологиялық білім беру жүзеге асырылады.«Қазақстан Республикасында шахматты дамытудың 2023 – 2027 жылдарға арналған кешенді жоспарын бекіту туралы» Қазақстан Республикасы Үкіметінің 2023 жылғы &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; 14 шілдедегі № 576 қаулысына сәйкес өңірде 15 мектепте 1-сыныптан бастап шахмат арнайы пән ретінде оқытылады.Қазіргі таңда бастауыш сынып мұғалімдері арнайы біліктілік арттыру курстарынан өтуде.

Қызылордада 17 383 бала мектеп табалдырығын аттады

Kyzylorda-news.kz. Желтоқсан мен Қорқыт Ата көшелерінің қиылысында жылу құбырларын ауыстыру жұмыстарының жүргізілуіне байланысты аталған көшелер арқылы жолаушылар тасымалын жүзеге асырып жүрген «Қызылорда» автобус паркі» ЖШС-не қарасты қоғамдық көліктердің жол сызбасына өзгерістер енгізілді.&nbsp; №1 бағыт (Вокзал-№144 мектеп) &nbsp; Әйтеке би-Өсербаев-Қорқыт Ата-Төлебаев-Төле би-Сужиков-Демесінов көшелері арқылы бағытын жалғастырады;&nbsp; №2 бағыт (Әл Фараби 9-Қарақожа көшелері)&nbsp; Қорқыт Ата-Төлебаев-Әбілқайыр хан-Желтоқсан-Қорқыт Ата көшелері арқылы бағытын жалғастырады;&nbsp; №3 бағыт (Белкөл кенті-№144 мектеп) &nbsp; Демесінов-Алтынсарин-Байсейітова-Төле би-Желтоқсан-Әбілқайыр хан көшелері арқылы; Қарама-қарсы бағыт: Қорқыт ата-Өсербаев-Әйтеке би-Желтоқсан-Тоқмағанбетов-Байтұрсынов-Қорқыт Ата көшелері арқылы бағытын жалғастырады;&nbsp; №8 бағыт (Спецавтотранс-Гидроузел)&nbsp; Әйтеке би-Желтоқсан-Тоқмағанбетов-Байтұрсынов көшелері-Абай даңғылы-Ғ.Мұратбаев көшесі арқылы; Қарама-қарсы бағыт: Желтоқсан-Мұратбаев көшелері-Абай даңғылы-Байтұрсынов-Қорқыт Ата-Желтоқсан көшелері арқылы бағытын жалғастырады;&nbsp; №10 бағыт ("Ұлпан" дүкені-Астана 4 м/а)&nbsp; Желтоқсан-Әбілқайыр хан-Байтұрсынов көшелері-Абай даңғылы арқылы бағытын жалғастырады;&nbsp; №11 бағыт (Вокзал-Тасбөгет кенті) &nbsp;Тоқмағанбетов-Байтұрсынов көшелері-Абай даңғылы арқылы;&nbsp; Қарама-қарсы бағыт: Абай даңғылы-Байтұрсынов-Қорқыт ата-Желтоқсан көшелері арқылы бағытын жалғастырады; &nbsp; №12 бағыт (Наурыз м/а-Асфандияров көшесі)&nbsp; Әбілқайыр хан-Төлебаев-Қорқыт Ата көшелері арқылы бағытын жалғастырады; &nbsp; №15 бағыт (Спецавтотранс-Қарауылтөбе ауылдық округі)&nbsp; Әйтеке би-Желтоқсан-Тоқмағанбетов-Байтұрсынов көшелері-Абай даңғылы арқылы бағытын жалғастырады;&nbsp; №16 бағыт (Сол жағалау "Автовокзал" маңы-Белкөл кенті)&nbsp; Қорқыт Ата-Желтоқсан-Әйтеке би көшелері арқылы; Қарама-қарсы бағыт: Қорқыт Ата-Төлебаев-Әбілқайыр хан-Желтоқсан-Қорқыт Ата көшелері арқылы бағытын жалғастырады; &nbsp; №18 бағыт (Облыстық Тубдиспансер-Қалалық Тубдиспансер)&nbsp; Қорқыт Ата-Байсейітова-Әбілқайыр хан-Желтоқсан-Төле би-Сужиков-Демесінов-Мұратбаев көшелері арқылы бағытын жалғастырады;&nbsp; №19 бағыт (Титов шағын ауданы-Саяхат 25 көшесі) &nbsp;Тоқмағанбетов-Байтұрсынов-Қорқыт Ата көшелері арқылы бағытын жалғастырады;&nbsp; №21 бағыт ("Хазірет Осман" мешіті-Астана 4 м/а)&nbsp; Әйтеке би-Желтоқсан-Тоқмағанбетов-Байтұрсынов көшелері-Абай даңғылы арқылы бағытын жалғастырады;&nbsp; №22 бағыт (№287 мектеп-Тасбөгет кенті Ә.Молдағұлова көшесі)&nbsp; Қорқыт Ата-Байтұрсынов көшелері-Абай даңғылы арқылы бағытын жалғастырады;&nbsp; №23 бағыт (№261 мектеп-Досан ауылы) &nbsp;Тоқмағанбетов-Байтұрсынов-Қорқыт Ата көшелері арқылы бағытын жалғастырады;&nbsp; №27 бағыт (Қарауылтөбе ауылдық округі-"EuroCity" дүкені)&nbsp; Әйтеке би-Желтоқсан-Тоқмағанбетов-Байтұрсынов көшелері-Абай даңғылы арқылы бағытын жалғастырады; &nbsp; №28 бағыт (Алтын Орда көшесі-Бағбан)&nbsp; Қорқыт Ата-Желтоқсан-Әйтеке би көшелері арқылы; Қарама-қарсы бағыт: Әйтеке би-Қазыбек би-Шымкент-Әбілқайыр хан-Желтоқсан-Қорқыт Ата көшелері арқылы бағытын жалғастырады;Жөндеу жұмыстары аяқталғанға дейін жоғарыда көрсетілген бағыттар өзгертілген сызбаға сәйкес жолаушылар тасымалын жүзеге асырады.

Қызылордада қоғамдық көліктердің бағыты өзгерді

Kyzylorda-news.kz. Конституция және Білім күні қарсаңында облыс әкімі Нұрлыбек Нәлібаевтың қатысуымен Шиелі ауданы, Иіркөл ауылдық округіне қарасты Жансейіт ауылында 100 орындық жаңа мектептің ашылу рәсімі өтті. Салтанатты жиынға жауапты сала басшылары, еңбек ардагерлері мен ауыл тұрғындары қатысты.Аймақ басшысы жиналған қауымды жұмысын жаңадан бастаған білім ошағының ел игілігіне берілуімен, Конституция және Білім күнімен құттықтады.<blockquote>«Айтулы мерекелер қарсаңында білім мен тәрбиенің алтын бесігі – жаңа мектептің ашылуы жерлестерімізді қуанышқа бөледі. &nbsp;Бүгін міне, ел ағаларымен бірге салтанатты рәсімде бас қостық. Мемлекет басшысы Қасым-Жомарт Кемелұлы «Сапалы білім беру – бәсекеге қабілетті, өркениетті ел болудың кепілі» деп ерекше атап өтті. Шын мәнінде, білім алуға қолайлы жағдай жасау елімізді өркениет шыңына жетелейді. Жас ұрпақтың білімді, саналы, салауатты болып жетілуіне барлық жағдай жасалуда. Екі жыл бұрын облыс бюджеті 364 млрд. теңге болса, бүгінде 733 млрд. теңгеге жетті. Бұл қаражат аймақтағы ең өзекті мәселелерді шешуге, тұрғындардың өмір сүру сапасын арттыруға және ауқымды инфрақұрылымдық жобаларды жүзеге асыруға жұмсалуда.Биыл білім саласына бөлінген қаржы 262 млрд. 100 млн. теңгеге жетіп, облыс бюджетінің 35,8 пайызын құрады. Президент бастамасымен қолға алынған «Жайлы мектеп» ұлттық жобасы аясында өңірде 21 мектеп салу жоспарланған. Оның 10-ның құрылысы биыл аяқталса, 11 мектеп келер жылы пайдалануға беріледі. «Жайлы мектептің» біреуі Шиелі кентінде бой көтереді.Сіздерді жаңа ғимараттың ашылуымен шын жүректен құттықтаймын! Бұл мектептен алдыңғы буынның ізгі жолын жалғайтын білімді, талантты шәкірттер түлеп ұшады деп сенеміз», – деді Н.Нәлібаев.</blockquote>Басқосуда ауданның әлеуметтік-экономикалық дамуына және заманауи мектеп ғимаратының сапалы салынуына сүбелі үлес қосқан азаматтар облыс әкімінің Алғыс хатымен марапатталды. Айта кетейік, Қызылорда қаласында «Білімді қолдау қоры» есебінен дарынды балаларға арналған физика-математика мектеп-интернатының құрылысы жүргізілуде. Өткен аптада Шығармашылық-инновациялық орталығының іргетасы қаланды.Арал ауданы Тоқабай ауылындағы апатты мектеп және Ақшатау ауылындағы бастауыш мектептің жаңа ғимараты жеке инвесторлардың демеушілігімен бой көтеруде. Жаңақорған және Шиелі аудандарында 200 орындық Оқушылар үйі мен 50 орындық Өнер мектебінің құрылысы жүруде.Өткен жылы облыс орталығындағы 4 мектептің орын тапшылығы мәселесі 1 850 орынға арналған қосымша ғимараттар салу арқылы шешілді. Бір жағынан қаржы үнемделді, екінші жағынан мектептер үш ауысымды оқуға көшкен жоқ. Биыл Шиелі, Жаңақорған, Қармақшы аудандарындағы, Қызылорда қаласындағы мектептер жанынан қосымша ғимарат, асхана, спорт залы сияқты құрылыстар салынды. Облыстық бюджет есебінен 8 мектеп ғимараты күрделі жөндеуден өтті.Бүгінде Шиелі ауданының бюджеті 15 млрд. 873 млн. теңгеге жетті. Аудандағы 39 елді мекеннің 95 пайызы, 86 мың тұрғынның 99,9 пайызы сапалы ауыз су құбырына қосылған. Халықты электр қуатымен үздіксіз қамтамасыз ету мақсатында бас қосалқы станцияны қайта жаңғырту басталды.Биыл Ортақшыл елді мекеніне газ құбырын тартуға облыстық бюджеттен қаржы бөлінген. Осы ауыл жыл аяғына дейін газға қосылған соң аудан тұрғындарының «көгілдір отын» тұтыну көрсеткіші 80%-ға жетеді.Шиелі кентінде «Ауылдық денсаулық сақтауды жаңғырту» ұлттық жобасы аясында 30 төсектік жұқпалы аурулар бөлімінің, аурухана жанынан МРТ аппараты орналасатын қосымша блоктың құрылысы қарқын алды.<img src="https://knadmin.beoblood.kz/uploads/FB_IMG_1725091734484_3167678b92.jpg" alt="FB_IMG_1725091734484.jpg"><img src="https://knadmin.beoblood.kz/uploads/FB_IMG_1725091716908_6f48eb285e.jpg" alt="FB_IMG_1725091716908.jpg"><img src="https://knadmin.beoblood.kz/uploads/FB_IMG_1725091723859_3327912719.jpg" alt="FB_IMG_1725091723859.jpg"><img src="https://knadmin.beoblood.kz/uploads/FB_IMG_1725091726668_0dcde5f0c2.jpg" alt="FB_IMG_1725091726668.jpg"><img src="https://knadmin.beoblood.kz/uploads/FB_IMG_1725091742859_4457208ac2.jpg" alt="FB_IMG_1725091742859.jpg"><img src="https://knadmin.beoblood.kz/uploads/FB_IMG_1725091745561_7c20769d65.jpg" alt="FB_IMG_1725091745561.jpg">

Шиелі ауданында 100 орындық мектеп ашылды

Kyzylorda-news.kz. Ғалымдардың елеусіз қалғанын айтты.SMARTNEWS.KZ басылымының хабарлауынша, “Ой-лайық” подкастына сұхбат беріп, спорт пен білімді бөлетіндерге үндеу жасады.<blockquote>“Кеше бір чемпион шықты. Біреудің мұрнын бұзып еді, оған машина да берді, жүз жылқыны да берді, түйені де берді. Әлі де беріп жатыр. Ойлап қарасаңыз, осындай жетістіктерге балаларымыз да жетіп жатыр ғой. Математикадан жыл сайын ұтып жатыр. Жыл сайын медаль әкеліп жатыр. Неге соларға ең болмағанда біреуі бір велосипед бермейді?! Меценаттар көмектесе болады ғой. Бір спортшы шықса, оған үйіп-төгіп Үкіметтен бастап береді. Кейін допинг қолданды деп шыға келеді. Кезінде бүкіл зілтемірші допингпен ұсталды. Солардың біреуі де сыйлығын қайтарған жоқ", — деп күйінді ғалым.</blockquote>

«Біреудің мұрнын бұзғаны үшін бе?»: Асқар Жұмаділдаев қымбат сыйлыққа ие болған олимпиада чемпиондарын сынады

Kyzylorda-news.kz. Қызылорда облыстық "Сыр бойы" газетінде ұзақ жылдар қызмет еткен, елімізге танымал фотокорреспондент Болат Омарәлиев дүниеден өтті.Болат Шамаұлы Омарәлиев 1948 жылы 15 қарашада Қызылорда облысы Сырдария ауданы «Октябрь» (қазіргі – «Қоғалыкөл») ауылындағы «Ызакөл» деген жерде туған. Белгілі фотошебер. КСРО және Қазақстан Журналистер одақтарының мүшесі.Болат Омарәлиев еңбек жолын 1966 жылы Алматы қаласында арнайы курс бітіріп келгесін фотограф болып жұмыс істеуден бастады. 1967 жылы Сырдария аудандық «Сырдария» газетінің редакциясына фототілші болып қабылданды. 1969 жылы облыстық «Ленин жолы» (қазіргі – «Сыр бойы») газетіне өз кәсібі бойынша ауысты. Содан бастап аталмыш басылымда 45 жыл үзіліссіз фототілші болып еңбек етіп, 2014 жылы зейнетке шықты.<img src="https://knadmin.beoblood.kz/uploads/311571841_810797763298213_463770356486283460_n_b42dcc0e22.jpg" alt="311571841_810797763298213_463770356486283460_n.jpg">Ол осы жылдарда республика танымал фототілші атанды, көптеген конкурстарда жүлделі орындардан көрінді. Атап айтқанда, 1979 жылы «Социалистік Қазақстан» (қазіргі – «Егемен Қазақстан») газетінің фотоконкурсында бірінші бәйгені жеңіп алса, бұдан кейінгі жылдары «Казахстанская правда», «Қазақ әдебиеті» үнпарақтарының фотоконкурстарында лауреат атанды. «Ауыл» партиясы 2019 жылы көктемде өткізген «Ауыл нақыштары» атты конкурста бірінші орынға ие болды.<img src="https://knadmin.beoblood.kz/uploads/FB_IMG_1725027332020_f82313d86a.jpg" alt="FB_IMG_1725027332020.jpg">Одақтық «Советское фото» журналы 1982 жылы №9 санында Болат Омарәлиевтің фотоларын жариялады. 1984 жылы 3 қыркүйекте Одақтық «Известия» газеті өзінің арнаулы тілшісі Эдуард Полянскийдің «Түн қысқа, ақша бұлттар ұйықтап жатыр… («Ночь коротка, спят облака…») деген көлемді мақаласын қызылордалық фототілшінің суреттерімен безендіріп берді. Бұдан бөлек, еңбектері «Қазақ фотошежірешілері» атты альбомға енді, республикада шыққан 20-ға жуық тарихи кітаптан орын алды. Сол сияқты Алматы, Мәскеу қалаларында үш рет, Польша мен Украинада бір реттен фотокөрмелері ұйымдастырылды. 2017 жылы Астанада өткен ЭКСПО көрмесі барысында фотосуреттері Ұлттық мұражайға қойылды.<img src="https://knadmin.beoblood.kz/uploads/FB_IMG_1725027341489_8300dcd20a.jpg" alt="FB_IMG_1725027341489.jpg">1989 жылы Мәскеуде өткен Бүкілодақтық фотосуретшілер съезіне Қазақстан атынан делегат болып қатысты.Қазақстан фотожурналистикасын дамытуға көп жыл сіңірген еңбегі үшін «Фотоөнер қайраткері» медалімен марапатталды.«Қазақстанның құрметті журналисі» (2019).<img src="https://knadmin.beoblood.kz/uploads/FB_IMG_1725027375569_4a46005f30.jpg" alt="FB_IMG_1725027375569.jpg">2021 жылы Тілеген Бекарыстановтың оның нақты өмір деректері бойынша жазылған «Қоғалыкөлдің» Құлагері» атты кітабы жарық көрді.Жұбайы Шағырқызы Кәрима екеуі 1 қыз, 1 ұл тәрбиелеп өсірді.<img src="https://knadmin.beoblood.kz/uploads/IMG_20240830_190442_a0a7f8c209.jpg" alt="IMG_20240830_190442.jpg"><img src="https://knadmin.beoblood.kz/uploads/FB_IMG_1725027357509_f0fd7ae4e4.jpg" alt="FB_IMG_1725027357509.jpg"><img src="https://knadmin.beoblood.kz/uploads/FB_IMG_1725026600586_2328435bd4.jpg" alt="FB_IMG_1725026600586.jpg">

Фотокорреспондент Болат Омарәлиев дүниеден өтті

Фото: Облыс әкімдігінің баспасөз қызметі&nbsp;Kyzylorda-news.kz. Мемлекет басшысының бастамасымен қыркүйек айының 8-13-і күндері Астана қаласында V Дүниежүзілік көшпенділер ойындары өтеді. Бұл – Орталық Азияның көшпелі халықтарының дәстүрінен бастау алатын этникалық спорт түрлерін айшықтайтын бірегей іс-шара. Басты мақсаты – көшпелілер өркениетін қайта жаңғырту, оны сақтау және дүйім елге танымал ету. Ойынның ажырамас бөлігіне айналған «Бірлік керуені» Сыр өңірінде өтті.Облыс әкімі Нұрлыбек Нәлібаев «Сыр ана» монументіндегі салтанатты іс-шараға қатысып, ойыншыларға сәттілік тіледі.<blockquote>«Мемлекет басшысы Қасым-Жомарт Кемелұлы: «Қазақстандағы Дүниежүзілік көшпенділер ойындары ірі оқиға болмақ. Олар ұлттық спорт пен салауатты өмір салтын насихаттау үшін де, бауырлас халықтар – Ұлы дала көшпелі өркениетінің мұрагерлері арасындағы мәдени және гуманитарлық байланыстарды кеңейту үшін де маңызды», – деп атап өтті. Әлемдік этноспорттың басты оқиғасына 89 елден 2 мыңнан астам спортшы қатысады. 21 спорт түрінен 97 медаль сарапқа салынады. Бұл – әлем елдері асыға күткен спорттық жарыс.&nbsp; Дүниежүзілік көшпенділер ойындары аясында бүгінгі күнге дейін түрлі деңгейдегі 80-нен астам шара ұйымдастырылды. Су алу рәсімі көнеден керуен тартқан, көшпенділер өркениетінің тарихынан сыр шертетін қарт Қаратаудың етегіндегі «Сауысқандық» шатқалында өткізілді. Осы шараның «Сауысқандықта» &nbsp;өткізілуінің өзіндік символдық мәні бар. Бұл – тарихы терең археологиялық мұра әрі табиғи ландшафты ерекше орын. Біздің заманымызға дейінгі ІІ мыңжылдық басында ұлы даланың байрақты ұлдары өмір тіршілігін тасқа қашап жазып, әлемдік руханият пен мәдени мұраға өлшеусіз үлес қосқан. Шиелі ауданы «Сауысқандық» шатқалында басталған су алу рәсімі бүгін міне, Қызылорда қаласында жалғасын табуда. Сыр өңірінен Астана қаласына аттанатын киелі су мен батырларымыздың, сенім артқан елшілеріміздің сапары сәтті болсын!», – деді аймақ басшысы.</blockquote>Нұрлыбек Машбекұлы керуеннің көшбасшысы, &nbsp;"Қазақстан барысы" Мақсат Исағабыловқа "Сауысқандық" шатқалынан алынған суды табыстап, сайыста сәттілік тіледі.Ұлы дала салтын дәріптеп, ел абыройын асқақтататын ауқымды шараға Сыр өңірінің атынан 4 спортшы 3 спорт түрінен &nbsp;сайысқа түседі.Алғаш рет Қырғыз Республикасында ойластырылып, жүзеге асырылған халықаралық спорттық шара әлемдік мәртебеге ие болып, барған сайын Еуразия кеңістігін ғана емес, басқа да елдерді қамтып, кең аудиторияның назарын аударды. Оны өткізу құқығының Қазақстанға берілуімен елдер тізімі де кеңейді. Көшпенділер ойындарына бірінші кезекте халқы көшпелілер өркениетінің мұрагері болып саналатын елдер қатысады. Ал, Астанада өтетін Дүниежүзілік көшпенділер ойындарына әлемнің түкпір-түкпірінен, соның ішінде көшпелілер өркениетіне қатысы жоқ елдерден де командалар қатысады деп жоспарлануда.Бүгінде ДКО ұлттық спорт түрлерінен әлемдегі ең ірі жарыс болып есептеледі. Астана қаласындағы 7 күнге созылатын жарыстарға 100-ден астам елден 3000-ға жуық қатысушы келеді.<img src="https://knadmin.beoblood.kz/uploads/FB_IMG_1725018359749_2a9bfdd259.jpg" alt="FB_IMG_1725018359749.jpg"><img src="https://knadmin.beoblood.kz/uploads/FB_IMG_1725018363132_f4f7c39314.jpg" alt="FB_IMG_1725018363132.jpg"><img src="https://knadmin.beoblood.kz/uploads/FB_IMG_1725018369536_4e611948df.jpg" alt="FB_IMG_1725018369536.jpg"><img src="https://knadmin.beoblood.kz/uploads/FB_IMG_1725018413771_70123c3934.jpg" alt="FB_IMG_1725018413771.jpg"><img src="https://knadmin.beoblood.kz/uploads/FB_IMG_1725018383322_92f9c3c27e.jpg" alt="FB_IMG_1725018383322.jpg"><img src="https://knadmin.beoblood.kz/uploads/FB_IMG_1725018416380_26b0ac7077.jpg" alt="FB_IMG_1725018416380.jpg"><img src="https://knadmin.beoblood.kz/uploads/FB_IMG_1725018391968_5cf4533430.jpg" alt="FB_IMG_1725018391968.jpg"><img src="https://knadmin.beoblood.kz/uploads/FB_IMG_1725018379607_28072487be.jpg" alt="FB_IMG_1725018379607.jpg"><img src="https://knadmin.beoblood.kz/uploads/FB_IMG_1725018373775_3025eeea42.jpg" alt="FB_IMG_1725018373775.jpg">

«Бірлік керуені» Сыр елінде

&nbsp;<a href="https://kyzylorda-news.kz/">Kyzylorda-news.kz</a> &nbsp;Конституция және Білім күні қарсаңында облыс әкімі Нұрлыбек Нәлібаев Жаңақорған ауданының "Байкенже" ауылындағы 150 орындық мектептің ашылу рәсіміне қатысты.Аймақ басшысы жұртшылыққа ізгі тілегін білдіріп, ауыл тұрғындарының игілігіне арналған жаңа ғимараттың пайдалануға берілуімен құттықтады.<blockquote>«Бүгін, қос мереке қарсаңында жаңа білім ошағының салтанатты ашылу рәсіміне жиналдық. Президентіміздің, Үкіметтің Сыр өңірін ерекше қолдауының арқасында соңғы жылдары білім саласында маңызды жобалар жүзеге асырылып, заманауи жаңа білім ошақтары көптеп бой көтеруде. Екі жыл бұрын облыс бюджеті 364 млрд. теңге болса, бүгінде 733 млрд. теңгеге жетті. Бұл қаражат ірі инфрақұрылымдық жобаларға, жол салуға, ауыз су, электр, газ желілерін жеткізуге, ескілерін жаңартуға, сөйтіп тұрғындардың өмір сүру сапасын жақсартуға бағытталды. Әлеуметтік жобалар да назардан тыс қалмай, мектептер, қосымша білім және тәрбие беру орталықтары, емдеу мекемелері, мәдениет нысандары салынуда. Биыл білім саласына бөлінген қаржы 262 млрд. 100 млн. теңгеге жетіп, облыс бюджетінің 35,8 пайызын құрады. Президент бастамасымен қолға алынған «Жайлы мектеп» ұлттық жобасы аясында салынатын 21 мектептің 10-ының құрылысы биыл аяқталады, тағы 11 мектеп келер жылы пайдалануға беріледі. Оның 2-еуі Жаңақорған ауданында бой көтереді. Бүгін пайдалануға берілетін мектеп құрылысы былтыр басталған. Бұл жұмыстарға облыстық бюджеттен 936 млн. теңге қаралды», – деді аймақ басшысы.</blockquote>Салтанатты іс-шарада қоғам қайраткері Сұлтанбек Тәуіпбаев ауыл тұрғындарын құттықтап, ардагерлер ұйымының төрағасы Балтабай Серкінбайұлы бата берді.Іс-шара соңында қонақтар жаңа ғимаратты аралап көрді.Рәсімінен кейін аймақ басшысы жиналған жұртшылықтың ұсыныс-пікірлеріне кезек беріп, мәселелерін тыңдады. Аймақтың, ауданның әлеуметтік-экономикалық көрсеткіштерінен мысал келтіріп, алдағы жоспарлар туралы айтты.<img src="https://knadmin.beoblood.kz/uploads/11_616d026818.jpg" alt="11.jpg"><img src="https://knadmin.beoblood.kz/uploads/12_9e17d9794c.jpg" alt="12.jpg"><img src="https://knadmin.beoblood.kz/uploads/13_3d72ee89e3.jpg" alt="13.jpg"><img src="https://knadmin.beoblood.kz/uploads/14_c0fde6ff93.jpg" alt="14.jpg"><img src="https://knadmin.beoblood.kz/uploads/15_282cb3def8.jpg" alt="15.jpg">Фото: Қызылорда облысы әкімінің баспасөз қызметі

Жаңақорған: "Байкенже" ауылында 150 орындық мектеп ашылды

<a href="https://kyzylorda-news.kz/">Kyzylorda-news.kz</a> &nbsp; Конституция күні қарсаңында облыс әкімі Нұрлыбек Нәлібаев Жаңақорған кентіндегі «Қамқорлық» оңалту орталығының ашылу салтанатына қатысты. Іс-шарада «Қазақстан халқына» әлеуметтік қоры денсаулық сақтау және әлеуметтік қолдау саласындағы бағдарламаларды басқару орталығының басшысы Гүлзия Бидатова, «Қамқорлық» корпоративтік қоры директорының орынбасары Гүлмира Әбілдинова болды.Аймақ басшысы тұрғындарды жаңа нысанның ашылуымен құттықтап, «Қамқорлық» қоры басшылығына алғыс білдірді.<blockquote>«Мемлекет басшысы Қазақстан халқына арнаған Жолдауында медициналық көмекті қолжетімді ету, ана мен бала өлімін азайту, балалар мүгедектігінің алдын алу бағытында нақты міндеттер жүктеді. Біз адам жанының арашасы болған дәрігерлерді жан-жақты қолдауға әрдайым мүдделіміз. Қазір ел Президентінің, Үкіметтің қолдауымен өңірімізде ана мен бала саулығын сақтауға бағытталған маңызды жобалар сәтті жүзеге асырылуда. Биыл денсаулық сақтау саласына 140 млрд. теңге қаржы бөлінді. Бұл мақсатқа бюджеттен тыс ресурстар да тартылуда. «Қазақстан халқына» қоғамдық қорымен тұрақты әріптестік байланыстамыз. Қор соңғы екі жылда өңірдің денсаулық сақтау саласына 2 млрд. теңге қаржы бағыттады. Бұл қаржыға облыстық балалар ауруханасы базасында «Қамқорлық» реабилитациялық орталығы ашылып, аса қымбат дәрі-дәрмек алынды. Қор облыстық онкология орталығын республикада 3 облыста ғана бар, құны 1 млрд. 100 млн. теңге тұратын скринингке арналған жылжымалы медициналық кешенмен қамтамасыз етті. Бюджет қаражатын оңтайлы пайдалану мақсатында осы «Қамқорлық» оңалту орталығының ғимараты күрделі жөндеуден өткізілді. Озық үлгідегі жабдықтармен жарақталды. Орталықта жылына 2000-ға жуық баланы оңалтуға мүмкіндік бар. Жоғарыда атап өткеніміздей, осындай заманауи орталық бұған дейін облыстық балалар ауруханасының жанынан ашылған. Ол жүйелі және кешенді тәсілдермен жұмыс жасап, тиімділігін көрсетті. Сондықтан біз мұндай орталықтарды аудандарда да ашу туралы шешім қабылдадық. Алғашқысын Жаңақорған ауданында пайдалануға бермекпіз. Дәл осындай нысан жыл соңында Арал ауданында да ашылады», – деді аймақ басшысы.</blockquote>Салтанатты іс-шарада «Қазақстан халқына» әлеуметтік қоры денсаулық сақтау және әлеуметтік қолдау саласындағы бағдарламаларды басқару орталығының басшысы Гүлзия Бидатова, «Қамқорлық» корпоративтік қоры директорының орынбасары Гүлмира Әбілдинова жаңақорғандықтарды орталықтың ашылуымен құттықтап, қоғам қайраткері Әбибулла Ахимов бата берді. Мұнан бөлек, ардагерлер мен белсенді азаматтар, «Қамқорлық» оңалту орталығының қызметкерлері облыс әкімінің Алғысымен марапатталды.Іс-шара соңында қонақтар орталық жұмысымен танысты.Айта кетейік, Сыр өңірінде «Ауылдық денсаулық сақтауды жаңғырту» ұлттық жобасы аясында 27 нысан салу жоспарланған. Өткен жылы елді мекендерде 15 дәрігерлік амбулатория, 1 медициналық бекет ел игілігіне табысталды.<img src="https://knadmin.beoblood.kz/uploads/457569362_809817804672799_9062554133706185491_n_52dcf5fb42.jpg" alt="457569362_809817804672799_9062554133706185491_n.jpg"><img src="https://knadmin.beoblood.kz/uploads/457499547_809817691339477_5234426023903284637_n_c17b7d43ec.jpg" alt="457499547_809817691339477_5234426023903284637_n.jpg"><img src="https://knadmin.beoblood.kz/uploads/457371156_809817944672785_4253152748980288886_n_145256a4c7.jpg" alt="457371156_809817944672785_4253152748980288886_n.jpg"><img src="https://knadmin.beoblood.kz/uploads/457613759_809817501339496_8793584676314215555_n_003dc8a148.jpg" alt="457613759_809817501339496_8793584676314215555_n.jpg"><img src="https://knadmin.beoblood.kz/uploads/457396803_809817618006151_1547722549101984695_n_564f4f3b08.jpg" alt="457396803_809817618006151_1547722549101984695_n.jpg"><img src="https://knadmin.beoblood.kz/uploads/457493528_809817694672810_1617408428086566631_n_ef29d6c0cd.jpg" alt="457493528_809817694672810_1617408428086566631_n.jpg"><img src="https://knadmin.beoblood.kz/uploads/457183965_809817704672809_4785368746118424264_n_a71efd3c5e.jpg" alt="457183965_809817704672809_4785368746118424264_n.jpg"><img src="https://knadmin.beoblood.kz/uploads/457182390_809817514672828_7407805970062096767_n_c41a8fe26d.jpg" alt="457182390_809817514672828_7407805970062096767_n.jpg">

Жаңақорған ауданында «Қамқорлық» оңалту орталығы ашылды

<a href="https://kyzylorda-news.kz/">Kyzylorda-news.kz</a> &nbsp;Конституция және Білім күні қарсаңында облыс әкімі Нұрлыбек Нәлібаев Жаңақорған ауданына жұмыс сапарымен барып, аудан орталығындағы 400 орындық мектептің ашылу рәсімінде тұрғындарды құттықтады. Жаңа мектептің жанында 200 орындық жатақханасы бар.Аймақ басшысы өскелең ұрпақтың жайлы мектептерде білім алуы, қосымша білім беру ұйымдарында қабілетін шыңдауы үшін атқарылатын жұмыстарды атап өтті. Мемлекет басшысының тапсырмасымен жас ұрпақтың игілігі жолындағы шаруаларға баса мән берілетініне тоқталды.«Мемлекет басшысы Қасым-Жомарт Кемелұлы «Орта білімнің сапасы – табысты ұлт болудың тағы бір маңызды шарты. Әрбір оқушының білім алып, жан-жақты дамуы үшін қолайлы жағдай жасалуға тиіс», – деп атап өтті.<blockquote>&nbsp;– Биылғы оқу жылы облыс түлектері үшін жемісті әрі нәтижелі болды. Өңіріміз соңғы төрт жылда Ұлттық бірыңғай тестілеудің орташа балл көрсеткішімен республикадағы алғашқы үштікке енген еді. Биыл жиырма өңірдің ішінде бірінші орыннан көрінді. Мемлекеттік грант конкурсына қатысқандардың 76 пайызы, яғни 4 752 оқушы еліміздің жоғары оқу орындарына түсті. Бұдан бөлек, тұрмысы төмен отбасы балалары үшін аймаққа қажет мамандықтарға облыс әкімінің 100 гранты бөлінді. Алдағы уақытта да дарынды балаларымызды, талантты жастарымызды қолдау шаралары жалғасын табады», – деді аймақ басшысы.</blockquote>Салтанатты рәсімде Қазақстанның Құрметті құрылысшысы Самұрат Имандосов жаңа білім ошағының ашылуымен құттықтап, қоғам қайраткері Әбдіғаппар Әмірғалиев бата берді.Іс-шара соңында қонақтар жаңа ғимаратты аралап көрді.Айта кетейік, биыл Сыр өңірінде білім саласына бөлінген қаржы 262 млрд. 100 млн. теңгеге жетіп, облыс бюджетінің 35,8 пайызын құрады. Президент бастамасымен қолға алынған «Жайлы мектеп» ұлттық жобасы аясында өңірде 21 мектеп салу жоспарланған. Оның 10-ның құрылысы биыл аяқталса, 11 мектеп келер жылы пайдалануға беріледі.«Білімді қолдау қоры» есебінен Қызылорда қаласында дарынды балаларға арналған физика-математика мектеп-интернатының құрылысы жүргізілуде. Өткен аптада Шығармашылық-инновациялық орталығының іргетасы қаланды. Арал ауданы Тоқабай ауылындағы апатты, Ақшатау ауылындағы бастауыш мектептің жаңа ғимараттары жеке инвесторлардың демеушілігімен бой көтеруде. Облыстық бюджет есебінен 8 мектеп ғимараты күрделі жөндеуден өтті.Өңірде жеке білім беру ұйымдарының желісі артып келеді. Биылдың өзінде олардың саны 7-ге көбейеді, осылайша, жаңа оқу жылында жеке мектептер саны 40-қа жетеді. Соның бірі – бүгінгі зияткерлік мектеп-интернат. Білім ошағы заманауи талаптарға сай қажетті құрал-жабдықтармен толық жарақтандырылған. Қазір 400-ден астам оқушы қабылданды, оның 64-і мектеп табалдырығын алғаш аттайды.Ашылу рәсімінен кейін аймақ басшысы тұрғындармен кездесіп, ауданның әлеуметтік-экономикалық дамуындағы бастамаларды, қолға алынған жобаларды, алдағы атқарылатын жұмыс жайын талқылады.<img src="https://knadmin.beoblood.kz/uploads/2_99912ec0fe.jpg" alt="2.jpg"><img src="https://knadmin.beoblood.kz/uploads/3_11c6203eb1.jpg" alt="3.jpg"><img src="https://knadmin.beoblood.kz/uploads/4_8faefaa183.jpg" alt="4.jpg"><img src="https://knadmin.beoblood.kz/uploads/5_d895549866.jpg" alt="5.jpg"><img src="https://knadmin.beoblood.kz/uploads/6_778563e951.jpg" alt="6.jpg"><img src="https://knadmin.beoblood.kz/uploads/7_9b0228abbc.jpg" alt="7.jpg">Фото:&nbsp;Қызылорда облысы әкімінің баспасөз қызметі

Қазақстан және Қызылорда облысының басты жаңалықтары