<a href="https://kyzylorda-news.kz/">Kyzylorda-news.kz</a> Кеше Алматыға ресми сапармен келген Мемлекет басшысы ғалымдармен, ЖОО басшыларымен кездесті.&nbsp;Өз сөзінде Мемлекет басшысы «Сонымен қатар Қазақстан 2060 жылға қарай көміртегі бейтараптығына қол жеткізуге ниетті. Алайда ол үшін біз экономиканы терең трансформациялауымыз керек. Бұл күрделі үдеріс зор сын-қатермен қатар жүреді», - деп, ғылымының дамуының оң мен терісі барлығын қазақтың қаперіне салды.Әрмен қарай, «Жалпы, білімге негізделген экономика құру үшін ғылыми мекемелер мен бизнестің өзара тығыз байланысын қамтамасыз ету маңызды. Бұл жұмыс барысында ғылыми идеяларды коммерциялық табысты өнімге айналдыратын инновациялық кластерлер, технопарктер мен бизнес-инкубаторлар ашылады. Мұндай құрылымдар тиісті жобаларға идеядан бастап оны нарықта жүзеге асыруға дейінгі барлық кезеңде қолдау көрсетуі керек», - деп сөзін сабақтады Президент.Отандық денсаулық сақтау саласының дамуы халықтың орташа өмір сүру ұзақтығынан көрінеді. Қазақстанда бұл меже 75 жастан асты. Бірақ осы көрсеткіш бойынша әлемдегі жетекші елдерден ондаған жылға артта қалып қойдық. Бұл – біз ұмтылатын мақсаттың бірі», - деп, ұлтсаулығы да қаперінде &nbsp;&nbsp;&nbsp;&nbsp;екенін анық байқатты. &nbsp;&nbsp;Біз ғалымдарға жағдай жасау керек деп жиі айтамыз. Бұл – құр сөз емес. Мемлекет тарапынан нақты жұмыс жасалып жатыр. Алдағы екі жылда жас ғалымдардың зерттеуіне бөлінетін грант саны тағы да көбейеді.&nbsp;Бюджеттен 18 миллиард теңге бөлінетін болды.Былтыр 284 жас ғалым баспана алды. Биыл ел Президентінің тапсырмасымен &nbsp;тағы 200 пәтер берілетін болды. Осындай нақты шаралар арқылы еліміздегі ғылымды және жалпы ғалымдар қауымын қолдау жұмысы алдағы уақытта да жалғасатынына сендік.Өз салаларын қалай дамыту мен қалай жетістікке жетуге болатыны жайындағы Президенттің сындарлы ойы һәм идеясымен қанаттанған қазақ ғалымдарының алдағы мақсаттары биік болуы тиіс. Өйткені, Мемлекет басшысы: «Табысқа жету үшін өз ісіңнің хас шебері бол», - деп жарқын жол нұсқады.Осы келелі басқосуға «Болашақ» университетінің&nbsp;ректоры Д.Б. Досманбетов те&nbsp;қатысты. Университет ректоры алдағы оқу жылынан бастап Президент тапсырмалары мүлтіксіз орындалатынына, жаңа ғасыр тек ғылым мен өркениет ғасыры боларына бек сенімді.Берік Саймағанбетов, Рекрутинг және мансап орталығының жетекшісі, Қызылорда "Болашақ" университеті

Президент ғалымдармен кездесті

Kyzylorda-news.kz. Мемлекет басшысы Қасым-Жомарт Тоқаев Халықаралық балаларды қорғау күнімен құттықтады.«Құрметті отандастар!Баршаңызды Халықаралық балаларды қорғау күнімен құттықтаймын! Жарқын жаз өскелең ұрпаққа қамқорлықтың символына айналған осы мерекеден басталады.Ұл-қыздарымыздың парасатты және жан-жақты болып өсуіне жағдай жасау, жас азаматтардың құқығын қорғап, денсаулығын сақтау әрдайым мемлекеттің басты басымдығы саналады. Балалар — біздің болашағымыз. Сондықтан еліміздегі әрбір жеткіншектің мейірім мен қамқорлыққа бөленіп, үлкеннің қолдауын сезінуі, ертеңгі күнге сеніммен қарауы өте маңызды.Мен жас ұрпақ Әділетті Қазақстанның негізгі қағидаттарын нақты жүзеге асырып, «Адал азамат» тұжырымдамасының озық идеалдарына толық сай болады деп сенемін. Ол үшін біз бүкіл қоғам болып жалпыұлттық құндылықтарымызды ұрпақтың бойына сіңіруіміз және оларды еңбекқорлық пен білімпаздыққа баулуымыз керек. Сондай-ақ төл тарихымыз бен мәдениетімізді құрметтеуге үйретуіміз қажет.Барлық бала ата-анасы мен жақындарын оқудағы, шығармашылық саладағы және спорттағы жетістіктерімен, жақсылық пен жасампаздыққа ұмтылысымен қуанта берсін!Баршаңызға зор денсаулық, бақ-береке, толайым табыс тілеймін!» — делінген Президент құттықтауында.

Мемлекет басшысы  Халықаралық балаларды қорғау күнімен құттықтады

<a href="https://kyzylorda-news.kz/">Kyzylorda-news.kz</a>&nbsp; Мемлекет басшысы 31 мамыр – Саяси қуғын-сүргін және ашаршылық құрбандарын еске алу күніне орай Х әлеуметтік желісіндегі парақшасында арнайы жазба жариялады.<blockquote>– Біз жыл сайын 31 мамыр күні өткен ғасырдағы саяси қуғын-сүргін және ашаршылық құрбандарын еске аламыз.Мемлекетіміз қуғын-сүргіннен жазықсыз жапа шеккен жандарды ақтау, төл тарихымыздың ақтаңдақ беттерін объективті әрі тыңғылықты зерделеу жұмыстарына баса мән беріп отыр.Біз өткен замандағы қасіретті оқиғалардан тағылым алып, оны ұлт жадында сақтай білуіміз керек. Сонда ғана кез келген сынақтан сүрінбей өтіп, әділетті мемлекет және өркениетті қоғам құру жолындағы биік белестерді бағындыра аламыз, – деп жазды Президент.</blockquote><img src="https://knadmin.beoblood.kz/uploads/f5007572_b6d0_4a53_80d8_908ce49545fb_979caebdb1.jpg" alt="f5007572-b6d0-4a53-80d8-908ce49545fb.jpg">Фото: Әлеуметтік желіден алынған

Мемлекет басшысы: Біз өткен замандағы қасіретті оқиғалардан тағылым алуымыз керек 

<a href="https://kyzylorda-news.kz/">Kyzylorda-news.kz</a> &nbsp;Бүгін Қазақстан халқы саяси қуғын-сүргін құрбандарын еске алады. «Ешкім де, ештеңе де ұмытылған жоқ». Екінші дүниежүзілік соғыстың Кеңес одағы үшін аяқталған күнін осындай ұранмен қарсы алатын елдер бар. Бұл ұран біздің қоғамға да сыналап енгенімен, қазір мағынасы мен қолданылатын кезеңі өзгеріске ұшырап отыр. Қазақ қоғамы қазір бұл сөзді 9 мамырдан гөрі 31 мамырда жиі еске алады. Өйткені, саяси қуғын-сүргіннің ашылмаған ақтаңдақтары әлі жетерлік. Сол олқылықтың орнын толтыру үшін Президент Қасым-Жомарт Тоқаевтың пәрменімен құрылған Саяси қуғын-сүргін құрбандарын толық ақтау комиссиясы 4 жыл бойы (2019-2023) жұмыс істеді, деп хабарлайды <a href="https://kaz.inform.kz/news/bugn-sayasi-kugin-surgn-kurbandarin-eske-alatin-kun-6d419e/">Казинформ</a>.Осы кезеңде комиссия ХХ ғасырдың 20-50 жылдарындағы саяси қуғын-сүргін құрбандарын ақтау жұмыстарын жүргізді. Мемлекеттік комиссия құрамында 425 ғалым мен зерттеуші, оның ішінде 260-тан аса маман аймақтық комиссияда еңбек етті. Олар Қазақстанның түкпір-түкпіріндегі 60-тан астам мемлекеттік және ведомстволық архивте сақталған құжаттарды зерделеді. Соның арқасында 2,6 миллионнан астам құжат пен материалдан құпия белгісі алынып тасталды.Мемлекеттік комиссия саяси қуғын-сүргінге ұшыраған 311 мыңнан астам адамды ақтау үшін қолданыстағы заңнама аясында нақты жұмыс жүргізді. Осы еңбектің қорытындысын ғылыми тұрғыда рәсімдеу үшін жиналған материалдардың 72 томдық жинағы бір сериямен әзірленді.Қазір осы комиссияның жұмысын Президент тапсырмасымен құрылған XX ғасырдағы саяси қуғын-сүргін материалдарын зерделеу орталығы жалғастырып отыр. Бұл орталыққа арнаулы мемлекеттік архивтерден репрессия құрбандарына қатысты 688 мыңнан астам іс және 48 мыңға жуық есепке алу карточкасы берілген. Аталған құжаттар цифрлы форматқа көшіріліп, электронды қор жасақталып жатыр.Ресми деректерге сүйенсек, Сталин заманындағы қуғын-сүргіннің кезінде ғана Қазақстан аумағында Карлаг, Степлаг, АЛЖИР сияқты 11 арнайы лагерь болған. Ондағы 2 миллионға жуық тұтқынның бестен бір бөлігі өзге республикалардан айдап әкелінді. Нақтырақ айтсақ, 800 мың алман ұлтының, 550 мың Кавказ халықтарының өкілі, 18,5 мың кәріс пен Қиыр Шығыс халықтары күшпен көшіріліп әкелінді. Жалпы ХХ ғасырда қазақ жеріне Мәскеудің пәрменімен 5,6 млн бөгде елдің азаматтары көшірілді. Бұл сол кездегі қазақ халқының санынан көп еді, өйткені ұлттың басым бөлігін екі толқынмен жүрген алапат ашаршылықтар жойып кеткен болатын.1921 және 1954 жылдар аралығында Қазақстанда 3,7 млн адам сотталып, 640 мыңы атылған. Соның ішінде саяси себеппен 103 мың адам сотталып, 25 мың адам саяси себеппен атылған. Бұл 25 мың адамның арасында елде басшылық қызметтер атқарған 650 адам да бар. Қазір Алаш арыстары деген атпен ұлықталып жүрген асыл тұлғалардың бәрі осы 650 адамның қатарында болды.Саяси қуғын-сүргін дегенде еске ашаршылық та түседі. Өкінішке қарай, ғалымдар да, ресми тарих та ашаршылықтан ажал құшқан қазақ саны туралы бір тоқтамға келе алмай жүр. Бір деректерде 1921-22 және 1930-1933 жылдары жүрген ашаршылықтардың кезінде қырылған қазақтың саны 1 млн адам делінсе, тағы бір көздерде 2-3 млн адамға жеткені айтылады. Тағы бір топ ашаршылық жалмаған буынның жалпы санын 4-5 миллионға дейін апарып тірейді.Жалпы жаппай саяси қуғын-сүргін құрбандарын ақтау туралы заң алғаш рет 1993 жылдың 14 сәуірінде қабылданған болатын. Содан бергі 30 жылдың ішінде құжат 7 рет жаңартылыпты. Соңғы жаңарту 2023 жылдың 19 сәуірінде енгізілген. Заңдағы ақталуға жататын тұлғалар мен ақталуға жатпайтын тұлғалардың санаты 30 жыл бұрынғы редакциясындағыдай өзгеріссіз қалған. Тек 6-баптың «а» тармағындағы «зорлық-зомбылық» деген сөздің орнына «терроризм» деген сөз қойылған.Сонымен, қолданыстағы заң бойынша саяси-қуғын сүргін құрбаны ретінде жаппай ақталуға жататын тұлғалар мынандай айыптары үшін сотталған болуы керек:4-бап. Мынадай айыптары үшiн сотталғандардың бәрi ақталған адамдар деп жарияланады:а) революцияға қарсы үгiт-насихат жүргiзгенi;б) шiркеудi мемлекеттен бөлу туралы ережелердi бұзғаны (дiни топтардың алым қаражаттарын күштеу арқылы жинағаны, дiни құрыптарды атқаруға бөгет жасағаны үшiн айыптау бойынша сотқа тарту жағдайларынан басқа реттерде), яғни 1958 жылғы 25 желтоқсандағы «Мемлекеттiк қылмыстар үшiн қылмыстық жауапкершiлiк туралы» КСРО Заңы қабылданғанға дейiн қолданылған РКФСР Қылмыстық кодексiнiң 58, 122, 123, 125, 126-баптары бойынша;в) кеңеске қарсы үгiт және насихат жүргiзгенi;г) мешiт пен шiркеудi мемлекеттен және мектептi мешiт пен шiркеуден бөлу туралы заңдарды бұзғаны;д) КСРО-ның қоғамдық құрылысын даттайтын қасақана өтiрiк қауесеттер таратқаны үшiн, яғни Қазақ КСР Қылмыстық кодексiнiң 56, 130 (1992 жылғы 26 маусымдағы Қазақ КСР-iнiң Заңы қабылданғанға дейiн қолданылған редакцияда) 170-1 баптары бойынша.5-бап. Мынадай саяси себептермен сотталған адамдардың бәрi ақталуға жатады:а) мемлекеттiк және басқа қылмыстары үшiн сотталғандар;б) саяси қуғын-сүргiндермен байланысты жазасын өтеп жатқан бас бостандығынан айыру орындарынан, айдаудан, жер аударудан, арнайы қоныс аударудан, не бас бостандығын шектей отырып ықтиярсыз еңбекке тарту орындарынан қашып шыққаны үшiн сот емес органдар шешiмдерiмен сотталғандар немесе жазаланғандар;в) саяси тұтқындардың бас бостандығынан айыру орындарында қарсыласу қозғалысына қатысқаны үшiн сот емес органдар шешiмiмен сотталғандар немесе жазаланғандар;г) Бүкiлодақтық Төтенше Комиссия, Саяси бас басқарма - Айрықша Саяси бас басқарма, Iшкi iстер халық комиссариаты басқармасы - Iшкi iстер халық комиссариаты, Мемлекет қауiпсiздiгi министрлiгi, Iшкi iстер министрлiгi органдарының, прокуратура мен оның алқалары, «айрықша кеңестер», «екiлiк», «үштiк», сот қызметiн жүзеге асыратын басқа да органдар шешiмдерi бойынша қылмыстық жазаға тартылғандар.6-бап. Осы Заңның 5-бабында аталған, соттар негiздеп айыптаған, сондай-ақ сот емес органдардың шешiмдерiмен қылмыстық жазаға тартылған, iстерiнде мына төмендегi жасаған қылмыстары жеткiлiктi дәлелденген адамдар ақталуға жатпайды:а) шетелге қашып немесе ұшып кетуден басқа Отанды сатудың барлық формалары; қарулы көтерiлiс немесе қарулы бандылар құрамында Республика аумағына революцияға қарсы мақсатта басып кiру және олар жасаған кiсi өлтiрулерге, басқа да күш көрсету әрекеттерiне; тiмiскiлiк, зорлық-зомбылық, бүлдiру әрекеттерiне қатысу;б) жай халық пен әскери тұтқындарға қатысты күштеу әрекеттерi, сондай-ақ Ұлы Отан соғысы кезiнде осындай әрекеттер жасауына басқыншылар мен Отанын сатқандарға деп берушiлiк;в) қарулы бандыларды ұйымдастыру және олар жасаған кiсi өлтiрулерге, басқа күштеу әрекеттерiне қатысу.Фото: infohub.kz

Бүгін - саяси қуғын-сүргін құрбандарын еске алатын күн

<a href="https://kyzylorda-news.kz/">Kyzylorda-news.kz</a>&nbsp; &nbsp;ҚР Президенті Қасым-Жомарт Тоқаевтың Жарлығымен 2021 жылы саяси қуғын-сүргін құрбандарын толықтай ақтау жөніндегі мемлекеттік комиссия құрылған болатын.&nbsp;Комиссия алдында бірнеше нақты міндеттер тұрды. Ең алдымен саяси қуғын-сүргін құрбандарына қатысты тарихи әділдікті қалпына келтіріп, ақтау процестерін ғылыми зерделеу. Сонымен қатар жабық архивтердегі қуғын-сүргін жөніндегі материалдардың зерттеушілерге қолжетімді болуын қамтамасыз ету.Әр өңірде аймақтық комиссия құрылды. Өңірлік экспедиция жұмыстарын жүргізуге ғалымдар, тарихшылар, филологтар, архив және музей қызметкерлері мен зиялы қауым өкілдері&nbsp; үш жыл бойы тер төкті. Осы уақыт аралығында жасалған зерделеу жұмыстары мен тарих қатпарынан алынған тың ақпараттар жайында «Қоғамдық келісім» мекемесі директорының орынбасары, философия докторы (PhD), саяси қуғын-сүргін құрбандарын ақтау жөніндегі өңірлік комиссия мүшесі Дәулет Омаровтан сұраған едік.Оның айтуынша, облыстық архивтің&nbsp; 6 қорынан 90-ға жуық&nbsp; құжат&nbsp; іріктелген. «Қызылорда округтік Жұмысшы, диқаншылар және қызыләскер депутаттарының атқару комитетi», «Қызылорда қаласы еңбекшiлерi депутаттар кеңесiнiң Қызылорда қалалық атқару комитетi»,&nbsp; «Қызылорда аудандық атқару комитеттерi» және тағы басқа архив қорындағы құжаттар сараланып, зерделенген. Сонымен бірге облыстық&nbsp; ішкі істер департаментінде «ақталуға&nbsp; жатпайды»&nbsp; деген&nbsp; құпия&nbsp; қормен&nbsp; жұмыс жүргізілген. Онда 1929-1931 жылдардағы ұжымдастыру, көтерілістер кезіндегі, 1937-1939 жылдардағы саяси репрессия тұсында және Ұлы Отан соғысы жылдарында қудаланған азаматтар, күштеп көшірілгендер туралы бірнеше іс анықталған.<blockquote>– Қорқыт ата атындағы Қызылорда университетінің базасында облыстық және аудандарда арнайы жұмысшы топтар құрылып, республикалық үлгіге сәйкес 11 бағыт бойынша зерттеу жұмыстары жүргізілді. 2022 жылы өңірлік жұмысшы топ облыс көлемінде қуғын-сүргін құрбандары жерленген жерлер мен халық наразылығы болған көтерілістер аймағын анықтау мақсатында 7 ауданға көшпелі семинар мен экспедиция ұйымдастырды. Сапар кезінде бұрын беймәлім болып келген жерлер анықталды. Комиссияның алдына қойған міндеттердің бірі жазықсыз қудаланған қуғын-сүргін құрбандары мен олардың ұрпақтарынан сұхбат, сауалнама алу болатын. Оқиға куәгерлері мен ұрпақтарының естеліктері «Халық жады» жинағына енгізіліп республикалық комиссияға ұсынылды. Жұмыс барысында, тарихи жерлерді анықтау кезінде архив қорларындағы материалдар және ашаршылықты көзімен көргендердің ұрпақтарының естеліктері пайдаланылды, – деді Д.Омаров.</blockquote>Мемлекеттік комиссия саяси қуғын-сүргінге ұшыраған 311 мыңнан астам адамды ақтау үшін қолданыстағы заңнама аясында жұмыс жүргізді. Зерттеу нәтижесін ғылыми тұрғыда рәсімдеу үшін Мемлекеттік комиссия материалдарының 72 томнан тұратын жинағы бір сериямен әзірленді. Соның ішінде 52 және 64-томы Сыр өңіріне арналған.«Кеңестік саясат құрбандары: Сыр өңірінің материалдары негізінде» (1920-1950 жж)&nbsp; құжаттар мен материалдар жинағы 52-томға топтастырылды. Бұл еңбек облыстық, аудандық архив қорындағы құжаттар негізінде жинақталды.<blockquote>– Өткен жылдың қазан-қараша айларында облыстың барлық аудан орталықтары мен кейбір елді мекендерінде болдық. Бұл экспедициялардың мақсаты – жергілікті халықпен кездесіп, аудандық жұмысшы топ өкілдерінің атқарған ісімен танысу,&nbsp; аудан көлемінде ашаршылық құрбандары және жаппай қуғын-сүргінге ұшыраған адамдардың жерленген орындарын анықтау, ұрпақтарымен кездесіп, пікір алысу болатын, – дейді Дәулет Кәрібайұлы.</blockquote>Солақай саясаттың кесірінен қаншама отбасы асыл азаматтарынан айырылып, жазықсыз құрбан болды. Жиырмасыншы ғасырдың бірінші жартысындағы саяси оқиғалар миллиондаған адамның өмірін қиды. 1930 жылдары басталған ашаршылық ұжымдастыру саясатының салдары екені белгілі. Ашаршылық жасанды жолмен – байлардың малын тәркілеп, қазақты дәстүрлі мал шаруашылығынан айыру жолымен жасалды. Нәтижесінде халқымыздың сан ғасырлар бойы қалыптасқан өмір тынысы бұзылып, өзін-өзі реттеп келген экологиялық-экономикалық жүйеден зорлықпен ажыратылды. Қызылорда облыстық мемлекеттік архивінде 1928 жылы округте жүргізілген ірі байларды тәркілеу шаралары туралы мәліметтер сақталған. Қызылорда округіне қарасты Арал, Қазалы, Аламесек, Қарсақпай округтері көшпелі аудандарға және Қызылорда, Шиелі, Қармақшы, Тереңөзек округтері жартылай көшпелі аудандарға жатқызылды.Деректер бойынша жаппай ашаршылыққа 3 миллионға жуық қазақ халқы тап болса, 100 мыңнан астам адам қуғын-сүргінге ұшырап, 25 мыңнан астам адам атылған. Бұл қасірет Сыр елін де айналып өткен жоқ. Дәулет Кәрібайұлы әр ауданға барған сапарында оған көз жеткізгенін айтады.<blockquote>– Жергілікті тұрғындардың айтуынша Жаңақорған ауданының «Бесарық» ауылы маңайындағы «Байғабыл бауы», «Қосым сарай» атты&nbsp; жерлерде аштықтан қайтыс болған адамдар көмілген. «Бесарық» ауылының тұрғыны Медеу Зәлетаевтың жетекшілігімен сол жерді көріп қайттық. Ақсақалдың айтуы бойынша, атасы Байғабыл егін, бақша еккен, мал ұстаған, диірмен тартқан ауқатты кісі болған екен. Арқадан ауып келгендердің аман қалуына септігін тигізген. Аштықтан әбден қалжыраған халық бір үзім нан іздеп&nbsp; Жаңақорған, Шиелі станцияларына&nbsp; ілігуді арман еткен көрінеді. Ондағы ойы – шойын жолға жету, пойызға отырып Түркістанға, одан әрі наны мол Ташкент жеріне жетіп жығылу. Сонда арып-ашып, бірін-бірі сүйреп келе жатқан халық Жаңақорғанның төбесін көріп, одан әрі қадам басуға шамасы келмей сол төбеде құлап жан тапсырыпты. Қаншама адамның сүйегі жатқан бұл төбе кеңестік кезеңде «Секретарь төбе» деп аталып кетіпті. Ғасырға жуық уақыт өткеніне қарамастан бұл елді мекенде ашаршылықтың ізі сайрап жатыр. Жаңақорғанның солтүстік-шығысында&nbsp; «Ей, жолаушы! Екпініңді бәсеңдет. Бұл жерде ашаршылық құрбандары жатыр» деген тақтайша қойылған. Жазуды көрген жол үстіндегі кез келген жолаушы аруақтарға Құран бағыштап өтері анық. Сол жерлерді барып көріп, ауданның тарихшы, өлкетанушы азаматтарымен кездесіп, ой-пікірлерін тыңдадық.Қармақшы ауданы Төребай би ауылынан 4-5 шақырым жерде дарияның жағалауында «Ұзақ ата» мешітінің жанында ауа көшушілік, босқыншылық кезінде қаза тапқан адамдар жерленген. Ағытайұлы Ұзақ Қармақшы өңірінде өз қаржысына мешіт салдырып, Бұқара, Самарқаннан молда-мұғалім алдыртып, сол төңіректің балаларын өзі қаржыландырып оқытқан ауқатты адам болған. Қазір мешіттің&nbsp; орны ғана бар.&nbsp; Сондай-ақ экспедиция барысында сол&nbsp; ауылдағы қуғын-сүргін құрбаны болған Базарұлы Жүсіп қажының мешітінде ұрпақтарымен кездесіп пікірлестік. Жүсіп қажы кезінде Бұқарада «Көкілташ» медресесінде діни ілім алған, татар, араб, парсы, шағатай тілдерін білген, қажылыққа үш рет барған, елді бірлікке, еңбек етуге шақырған заманының көзі ашық, көкірегі ояу азаматы болған. 1932 жылы тұтқындалып&nbsp; Уәлі баласы Байзақ және Жұбан баймен бірге сотталып, Ақтөбе өңіріне жер аударылған. Ұрпақтарының айтуы бойынша, қажы молданың тұқымы деп өткен ғасырдың&nbsp; 50-60 жылдарына дейін қуғын көрген, – дейді ғалым.</blockquote>1928-1929 жылдардағы байлардың мал-мүлкін тәркілеу кезінде қазақ халқының біраз бөлігі көрші елдерге көшуге мәжбүр болып атамекенін тастап кеткен. Сол тұста Сыр өңірінің&nbsp; байлары мен дін ұстанған молда, ишандары өздеріне қарасты ағайын-туысымен Өзбекстан, Қарақалпақ еліне, Тәжікстан арқылы Ауғанстан жеріне жан сақтау үшін ауа көшкен. Зерттеушілердің айтуынша, «Қараөзек» ауылында орналасқан жүйке аурулары колониясы туралы мәліметтер де жұтаң. Алдағы уақыттарда осы бағыттағы зерттеу жұмыстарына көңіл бөлінуі керек.Экспедиция барысында тың деректер мен жаңа&nbsp; мәліметтерді жинақтау тек далалық аймақтарда, ауылдық жерлерде ғана іске асқан жоқ. Сонымен қатар ортақ пікірлесу, ұсыныстарды талқылау және идея алмасу арқылы аудан орталықтарында көшпелі семинар тәртібінде де&nbsp; жалғасты. Қилы тағдырдан ХХ ғасырдың 20-40 жылдарында адамдардың басынан өткен оқиғалар жөнінде сыр шертілді.Кеңестік билік тұсында қуғын-сүргін зардабын дәстүрлі дін өкілдері де көрді.&nbsp; Сыр бойындағы молдалар, хазіреттер, ишандар да солақай саясаттың құрбаны болып, жазықсыз қудаланды. Ел аузындағы әңгімелер мен естеліктер жинақталып, архив құжаттарынан құнды деректер анықталуда. Бұрын белгісіз болып, жазықсыз жапа шеккендердің есімдері анықталып, ақтаңдақ беттер ашылуда.Мемлекет басшысы «Біз жазықсыз жазаланғандардың әрқайсысын еске сақтау арқылы кемел келешекке жол ашамыз. Болашақтың берік негізі тәуелсіздіктен бастау алады» деген болатын. Жазықсыз құрбан болғандардың есімдерін ұмытпай, оларды әрқашан есте сақтау, өткенге салауат етіп, ақтаңдақтар ақиқатына тереңірек мән бере ұғыну – бүгінгі ұрпақтың парызы.&nbsp;Айсәуле Қарапаева

Ел тарихындағы қасірет

<a href="https://kyzylorda-news.kz/">Kyzylorda-news.kz</a> Қорқыт ата атындағы Қызылорда университетінің Басқарма-төрағасы ректор Бейбіткүл Каримова Қазақстан Республикасы Ұлттық қауіпсіздік комитеті Шекара қызметінің Қызылорда облысы бойынша департамент бастығы Айдар Аимбетовпен кездесті. Тараптар университеттің әскери кафедра түлектерін ҰҚК Шекара қызметіне офицерлер мен сержанттар құрамына әскери қызметке тұрақты орналастыру жөнінде әңгімелесті. Әскери қызметтің оң имиджін қалыптастыру және әскери қызметшілердің моральдік психологиялық жағдайларын зерделеу бағытында меморандум барысында университеттің «Педагогика және психология» білім беру бағдарламасының оқытушылары Ұлттық қауіпсіздік комитетінің әскери қызметкерлеріне психологиялық тренингтер өтетін болады. Айта кету керек, Қорқыт ата Қызылорда университетінің әскери кафедрасында бүгінде 275 студент білім алуда. Биыл олардың 160 оқуын сәтті аяқтады. Бітіруші түлектердің тұрақты жұмыспен қамту мәселесі университет басшылығының басты назарында.

Әскери кафедра түлектері жұмыспен қамтылады

<a href="https://kyzylorda-news.kz/">Kyzylorda-news.kz</a> &nbsp;Бүгінгі Үкімет отырысынан кейін облыс әкімі Нұрлыбек Нәлібаевтың төрағалығымен өңдеу өнеркәсібін дамыту мәселесі талқыланған мәжіліс өтті. Аймақ басшысы жауапты сала басшыларына тапсырма беріп, алдағы жұмыс жоспарына тоқталды.<blockquote>«Өткен 4 айда Қызылорда облысының өңдеу өнеркәсібі саласында өндірілген өнім көлемі былтырғы жылдың осы кезеңімен салыстырғанда 46,9% артты. Бұл көрсеткіш бойынша бірнеше ай бойы өсім қалыптасып, өңір бірінші орынға тұрақтады. Қызылорда қаласы және аудан әкімдері бөлінісінде де өңдеу өнеркәсібі көлемінің өсімі байқалады. Бұл – тынымсыз жұмыстың нәтижесі. Сондықтан осы қарқынды төмендетпеуіміз қажет. Оң нәтижеге қол жеткізу үшін қала және аудан әкімдеріне осы бастан қосымша резерв іздестіруді тапсырамын. Инвестициялық жобалар бойынша туындаған мәселелерді шұғыл шешіп, инвесторға қолайлы ахуал қалыптастыру қажет. Қызылорда қаласы, аудан әкімдері облыстық кәсіпкерлік және өнеркәсіп басқармасымен бірлесіп, биылға жоспарланған жобалардың мерзімінде іске қосылуын қамтамасыз етіңіздер. Өңірде жаңа өндірістерді құру бағытында тиісті жұмыс өз деңгейінде жүруі керек. Тоқтап тұрған жобаларға басқармамен бірге талдау жасап, тиімділігіне байланысты ұсыныс енгізуді тапсырамын», – деді Нұрлыбек Нәлібаев.</blockquote>Биыл облыста өңдеу өнеркәсібіне бағытталған жалпы құны 13,8 млрд.теңгені құрайтын 15 жоба жоспарланған. Бүгінгі күні оның 2-еуі іске қосылып, 1 жоба сынақ өнімін шығаруда.Маусым айында шыны зауытының ішінен қуаттылығы жылына 5 млн. шаршы метр энергия үнемдейтін шыны өндірісінің жаңа желісі жұмысын бастайды. Бүгінде қондырғыларды монтаждау толығымен аяқталды.Жыл аяғына дейін әк және құрғақ құрылыс қоспасы, асфальтбетон, күріш ақтау өндірістері іске қосылуы жоспарланған. Оған қоса, қуаттылығы жылына 720 мың шаршы метр айна шығаратын зауыт құрылысы басталады. Қаржыландыру мәселесін Өнеркәсіпті дамыту қоры қарастыруда.Түрік инвесторлары қуаттылығы 240 мегаваттық жаңа жылу-электр орталығын салуда. Ақпан айындағы Мемлекет басшысының Қатарға жасаған іссапары кезінде қуаттылығы 1 100 мегаваттық бу-газ электр станциясын салу туралы келісімге қол қойылды. Станцияны 2024-2029 жылдары Қызылорда облысында салу көзделген. Қазір жобаны орналастыру үшін 30 гектар жер учаскесі белгіленді. Сондай-ақ, қуаттылығы 50 МВт-тық жел және 40 МВт-тық күн электр станциялары салынады.Шет елдермен инвестициялық әріптестікті дамыту мақсатында түрік компаниясымен тоқыма емес бұйымдар және тамшылатып суару қондырғылары өндірісін іске асыру межеленген. Сондай-ақ кореялық компаниямен қоқысты сұрыптау және қайта өңдеу жобасы келісілген.<img src="https://knadmin.beoblood.kz/uploads/442480716_753889163598997_1886646600875876385_n_30ec7f5d71.jpg" alt="442480716_753889163598997_1886646600875876385_n.jpg">Фото: Қызылорда облысы әкімінің баспасөз қызметі

Өңдеу өнеркәсібін дамыту мәселесі талқыланды

<a href="https://kyzylorda-news.kz/">Kyzylorda-news.kz</a>&nbsp;&nbsp; Қызылорда облысының әкімі Нұрлыбек Нәлібаев Жаңақорған ауданына жұмыс сапарымен барып, "Көлтоған" су қоймасының жағдайын көрді. Аймақ басшысы облыстағы су қоймаларының жұмысымен, көрсеткіштерімен танысып, бірқатар тапсырма жүктеді.<blockquote>"Қоймаларға келген су жеткілікті. Вегетациялық кезеңде суды дұрыс пайдалану үшін бірлескен жоспарға сәйкес іс-шаралар атқарылуы керек. Ысырапшылдыққа жол берілмеуі тиіс. Өздеріңізге белгілі, "Көлтоған" су қоймасы апатты жағдайда, күрделі жөндеуді қажет етеді. Бөгеттің ұзындығы 1500 метр, оның 900 метрінің бетон еңістігінің (откос) төменгі жағы сумен шайылып, бетоны сынуда. Жоба-сметалық құжаттама әзірлеу қажет", - деді Нұрлыбек Нәлібаев.</blockquote>"Көлтоған" су қоймасы Жаңақорған ауданы "Бірлік" елді мекенінің жанында орналасқан, 1929 жылы пайдалануға берілген. Жалпы ауданы 52 гектар, қорғаныс бөгетінің ұзындығы 1,5 шақырым. Қойманың жобалық сыйымдылығы 4 млн. текше метр, қазір 3,5 млн. текше метр су бар, яғни 87,5 пайыз толған. Бүгінгі күнге су тасқыны қаупі жоқ.Аталған су қоймасы "Бірлік" ауылының 250 гектар үйіргелік жерлерін, жеміс, бау-бақшасын және саялы ағаштарын суландырады. Елді мекенді аяқ сумен қамтамасыз ететін жалғыз су көзі. Таудың ортасында орналасқан бетон тоспа (плотина), темірбетонды лоток каналы және ескі арна арқылы қар мен жаңбыр суынан жиналады. Артық су арнамен «Шұқырой» көліне тасталады.<img src="https://knadmin.beoblood.kz/uploads/444152739_752752690379311_5381830843257883770_n_03590bd2e3.jpg" alt="444152739_752752690379311_5381830843257883770_n.jpg"><img src="https://knadmin.beoblood.kz/uploads/444154080_752752710379309_3172494992698798828_n_7a9fe353c2.jpg" alt="444154080_752752710379309_3172494992698798828_n.jpg">

 Аймақ басшысы "Көлтоған" су қоймасының жұмысымен танысты

<a href="https://kyzylorda-news.kz/">Kyzylorda-news.kz</a>&nbsp; «Қазгидромет» РМК-сы мамырдың 27-сі күнгі күн райы болжамын жариялады.Кәсіпорынның деректеріне қарағанда, циклон және онымен байланысты суық атмосфералық ағындар ҚР басым бөлігінің күн райына әсер етеді, соның салдарынан түнде жауын-шашын, шығыста қатты жаңбыр, қар жауады, елдің солтүстік-шығысында қатты жаңбыр өтеді. Елдің оңтүстігінде ғана антициклонның әсерінен күн ашық, жауын-шашынсыз болады. Республика бойынша екпінді жел соғып, найзағай ойнайды, елдің солтүстігінде бұршақ жауады, орталығында дауыл тұрып, оңтүстік-шығыста түнде тұман түседі.Түнде Ақмола, Қарағанды облыстарының батысында, Ұлытау, Солтүстік Қазақстан облыстарының солтүстігінде, Түркістан облысының солтүстігінде топырақ бетінде, таулы аудандарында 1-2 градус үсікжүреді.Қостанай облысының оңтүстігінде, Атырау облысының батысында, оңтүстігінде, Қызылорда облысының шығысында, Батыс Қазақстан облысының батысында, оңтүстік-батысында, Абай облысының орталығында жоғары өрт қауіпі сақталады.Абай облысының оңтүстігінде, Жетісу облысының шығысында, Түркістан облысының шөлді аудандарында төтенше өрт қауіпі сақталады.

Дүйсенбіге арналған ауа райы болжамы

Республикалық әлеуметтік акцияда үздік заңгерлер, мемлекеттік орган өкілдері халыққа тегін құқықтық кеңес беріледі.

Қызылордада республикалық әлеуметтік акция өтеді 

Kyzylorda-news.kz. Бүгін облыс әкімі Нұрлыбек Нәлібаевтың қатысуымен «Сыр жастары» бағдарламасы аясында Қызылорда қаласының сол жағалауынан салынған 60 пәтерлік тұрғын үйдің кілтін салтанатты табыстау рәсімі өтті. Іс-шараға қала әкімі Серік Қожаниязов, облыстық ардагерлер кеңесінің төрағасы Серік Дүйсенбаев, ардагерлер, «Дәнекер» ЖШС басшысы Әбдімәжит Жансақалов, жауапты сала басшылары және тұрғындар қатысты.Облыс әкімі жаңа пәтер иелерін қоныстоймен құттықтап, аймақтың құрылыс саласындағы жаңалықтарға тоқталды.<blockquote>– Жастарымызды сапалы біліммен, жұмыспен және баспанамен қамту &nbsp;мемлекеттік саясаттың басым бағыты болып саналады. Жас отбасылар үшін ең өзекті мәселенің бірі – баспана. Осыны ексеріп, 2022 жылдың желтоқсан айында өткен облыстық жастар форумында алғаш рет несиелендіру жолымен «Сыр жастары» бағдарламасын жүзеге асыру туралы шешім қабылданған болатын. «Отбасы банк» акционерлік қоғамына бюджеттік кредит беру үшін облыстық бюджеттен 1,2 млрд теңге бөлінді. «Сыр жастары» – аймақ жастарын баспанамен қамту бағытында қолға алынған өңірлік тың жоба. «Жұмыла көтерген жүк жеңіл» деген сөз бар халқымызда. Бағдарламаны бірлесіп жүзеге асыру үшін «Отбасы банк» АҚ 500 млн теңге қаржы бөлді. Бүгінгі қоныстой – осы бірлескен жұмыстың жемісі. Мемлекетіміздің тұрғындарға жасаған қамқорлығы мен ұсынған мүмкіндіктерінің арқасында әр азамат өз шаңырағының иесі атануда. &nbsp;Өткен жылы аймақта 4 108 пәтерлік 300 тұрғын үй салынды, 2 400-ге жуық пәтер табысталып, 11 мыңнан астам тұрғын қоныстой тойлады. Халықтың жайлы тұрмысына оң әсер ететін бұл жұмыстар биыл да жалғасуда. Бюджет қаражаты есебінен 13,3 млрд теңгеге 1 269 пәтерлік 67 тұрғын үйдің құрылысы жүргізіледі. Оның ішінде 350-дей пәтер аудандарға тиесілі. Жыл басынан бері 402 отбасы баспана бақытына кенелді. Бүгін 60 жас отбасының қуанышын еселейміз. Жақын күндері Тасбөгет кентінен 150 пәтер халық игілігіне беріледі. Бұл – әлеуметтің әл-ауқатын арттырудағы мемлекеттік қолдаудың нақты көрінісі. Баршаңызға жаңа қоныс құтты болсын! – деді облыс әкімі Нұрлыбек Нәлібаев.</blockquote>Жиында әсем де зәулім үйлерді салған «Дәнекер» құрылыс компаниясының қызметкерлері облыс әкімінің Алғыс хатымен марапатталды. Бүгін пәтер кілтін алғандар қатарында ұстаздар, медицина, мәдениет және спорт салаларының қызметкерлері, журналистер және өзге де сала мамандары бар.Қызылордадағы құрылыс қарқыны, әсіресе әлеуметтік нысандардың көптеп салынуы осы саланың жұмысына соны серпін бермек. Мәселен, 300 орындық жатақханасы бар 400 орындық физика-математика мектеп-интернаты жаңа оқу жылында табысталады. &nbsp;Мемлекет басшысының бастамасымен қолға алынған «Жайлы мектеп» ұлттық жобасы аясында биыл 10 мектеп пайдалануға беріледі. Тағы 11 мектептің құрылысы басталады. Облыс орталығында балалар мен жасөспірімдерді шығармашылыққа баулитын «Шығармашылық академиясының», екі ауданда Оқушылар үйі мен Өнер мектептерінің, Қызылорда қаласында үстел теннисі орталығының және орталық стадионның құрылысы жүруде.Халықаралық стандарттарға сай келетін жабық бассейні бар көпсалалы дене шынықтыру-сауықтыру кешенінің құрылысы басталды. «ҚазГерМұнай» компаниясының демеушілігімен қолға алынған 350 орындық заманауи үлгідегі Оқушылар сарайы да, «Саутс Ойл» компаниясының демеушілігімен бой көтерген 650 орындық музыкалық колледж ғимараты да жуық арада халық игілігіне айналмақ. Барлық ауданда неке қию залы, кітапхана, музей, архив, жастар сарайы, ардагерлер мен аналар үйін біріктіретін «Руханият» орталықтары салынуда.<img src="https://knadmin.beoblood.kz/uploads/FB_IMG_1716542326906_cc6ce1c78a.jpg" alt="FB_IMG_1716542326906.jpg"><img src="https://knadmin.beoblood.kz/uploads/FB_IMG_1716542305493_f32e4ee2e5.jpg" alt="FB_IMG_1716542305493.jpg">

«Сыр жастары»:  Қызылордада тұрғын үйдің кілті табысталды

<a href="https://kyzylorda-news.kz/">Kyzylorda-news.kz</a> Бүгін партияның қалалық филиалында депутаттық фракция отырысы өтті.&nbsp; Жиынға партияның қалалық филиалының Төрағасы Ибадулла Құттықожаев, қала әкімінің орынбасары Еркебай Ғалымжан, фракция жетекшісі Талғат Мақаш және фракция мүшелері, қала әкімдігінің бөлім басшылары қатысты.&nbsp;Күн тәртібінде:&nbsp;-&nbsp;&nbsp;&nbsp;&nbsp;&nbsp;&nbsp;&nbsp; 2023-2027 жылдарға арналған «Халықпен бірге!»сайлауалды бағдарламасының Қызылорда қаласы&nbsp; бойынша іске асырудың Жол картасы төңірегіндегі «Инфрақұрылымдық жүйелерді жақсарту» бағытының «Электр, жылумен жабдықтау және кәріз желілерін жөндеу», «Таза ауыз сумен және орталықтандырылған газбен қамтамасыз ету», «Жолдардың жақсы және қанағаттанарлық жағдайдағы үлесін арттыру», «Тұрғындарды тұрғын үймен қамтамасыз ету»&nbsp; мәселелері қаралды.&nbsp;Фракция отырысында баяндама жасаған қала әкімінің орынбасары Ғалымжан Еркебай:Қазіргі уақытта «Қызылордажылуэлектрорталығы» МКК-ның балансында Қызылорда қаласында орналасқан23 энергия көзі бар, оның ішінде Қызылорда жылу электр орталығы, КОГТЭС, Оңтүстік қазандық және автономды блокты-модульдік қазандықтар 20 бірлікті құрайды.Барлық энергия көздері негізгі отын ретінде табиғи газды пайдаланады. Резервтік отын ретінде – мазут, дизельдік отын.2023 жылы 2 газтурбиналық қондырғы (ГТУ-1,2) және КУВ-30 қазандығын облыстық&nbsp; бюджеттен 1,5 млрд. теңге бөлінген. Газтурбиналық қондырғыларға зауыттық жағдайда күрделі жөндеу жұмыстары жүргізілді және КУВ-30 су қазандығын жөндеуге құбырлар мен қосалқы қондырғылар сатып алынып, кәсіпорынның өз күшімен жөндеу жұмыстары жүргізілді.&nbsp;Сонымен қатар, кәсіпорынның өз қаражаты есебінен № 6 бу қазандығына күрделі жөндеу, № 9 бу қазандығына, №3 бу турбинасына, Оңтүстік қазандығының №1 бу қазандығына күрделі жөндеу, №2-7 қазандықтарына және 19 АБМК-лардың қазандықтарына ағымдағы&nbsp; жөндеу&nbsp;жұмыстары жүргізілді. 2024 жылы Кәсіпорынның алдағы жылу маусымына дайындық жұмыстарын уақытылы жүргізіп және аяқтау мақсатында барлығы 4 864,28 млн теңге жоспарлануда,-деп мәлімдеді.<img src="https://knadmin.beoblood.kz/uploads/3579b75a_0506_43d2_90d4_653608fab3ad_ca49464a2b.jpg" alt="3579b75a-0506-43d2-90d4-653608fab3ad.jpg">АУЫЗ СУ МӘСЕЛЕСІ ОҢТАЙЛЫ ШЕШІЛУДЕҚаладағы ауыз су және кәріз жүйелерін жөндеу жұмыстары бойынша 2023 жылы Қызылорда қаласындағы қуаттылығы 70 мың м3/тәу модульді биологиялық тазарту станциясының сыртқы инженерлік желілері (электр және газбен жабдықтау) жобасы 289,3 млн. теңгеге және Қызылорда қаласындағы 11 кәріздік сорғы станцияларын қайта құру және жаңарту жобалары 1 428,9 млн.теңгеге атқарылып іске қосылды. Жоба құны 4 684,6 млн.теңгені құрайтын Қызылорда қаласында ағын суларды тазарту қуаты тәулігіне 70,0 мың м3 биологиялық тазарту станциясын жаңғырту және автоматтандыру жобасын бастауға 2023 жылы 1 329,2 млн.теңге бөлінген, Рабочая көшесінің бойындағы 3 агрегатқа арналған №13 "Гагарин" КСС жобасы 2023 жылы басталып 2024 жылға өтпелі (жоба құны 241,8 млн.теңгені құрайды 2023 жылы 80,9 млн.теңге бөлінген). ҚР Ұлттық Қор есебінен Астана даңғылы Көшербаев көшесі Жеңіс көшесі Әбдрешов көшесінен КНС №29-ға дейін кәріз жүйесін жүргізу жұмысына 106,8 млн.теңге бөлініп жоба іске асырылған.Ал ауыз су жүйелері бойынша бүгінгі таңда тұтынушыларға 71 ұңғыма арқылы тәулігіне 64,5 мың текше метр ауыз су өндіріліп, тұтынушыларға 2,1-2,3 атмосферамен таратылып отыр. Ауыз су&nbsp; қажеттілігі артқан уақытта су қысымы 2,4-2,5 атмосфераға дейін көтерілуде. Барлық ұңғымалар мен су алу құрылымдары максималды режимде жұмыс жасауда.&nbsp;Жаз айларында тәулігіне 100-110 мың текше метр ауыз су өндіріліп таратылады. Оның 62-70,0 мың текше метр ауыз су&nbsp; жер асты су қорынан, қалған 38,0-40,0&nbsp; мың текше метр ауыз су&nbsp; жер үсті су алу көзінен өндіріледі.<img src="https://knadmin.beoblood.kz/uploads/99b91cee_0adb_41e7_b3d2_ae36f62f688e_56056397c6.jpg" alt="99b91cee-0adb-41e7-b3d2-ae36f62f688e.jpg">ЖОЛ ИНФРАҚҰРЫЛЫМЫНДА ЖАҢАЛЫҚ КӨП&nbsp;Қазірде қала бойынша ұзындығы 713 шақырымды құрайтын 826 көше бар. Оның ішінде, 539 шақырым болатын 588 көше асфальт, 163 шақырым болатын 219 көше тас жол, 11 шақырым болатын 19 көше қара жолды құрайды.Жақсы және қанағаттанарлық күйдегі жолдардың үлесі 75 пайызды құрап отыр.Бүгінгі таңда қала және ауылдық округтерге қарасты маңызды көшелердің барлығын жаңғырту, қалпына келтіру, салу жұмыстары басталған.&nbsp;ТҰРҒЫНДАРДЫ ТҰРҒЫН ҮЙМЕН ҚАМТУ ЖҰМЫСТАРЫ АУҚЫМДЫ ЖҮРГІЗІЛУДЕФракция отырысында талқылаған кезекті мәселе – тұрғындарды тұрғын үймен қамтамасыз ету.&nbsp;Қала әкімінің орынбасарының мәлемдеуінше «Тұрғындарды тұрғын үймен қамтамасыз ету» бағдарламасы бойынша 2022 жылы басталған Сырдария өзенінің сол жағалауында №2-ші шағын ауданында 470 пәтерлі ипотекалық 10 тұрғын үйдің құрылысы аяқталып ағымдағы жылы пәтер кілттері халық игілігіне берілетін болады. Ағымдағы жылы Сырдария өзенінің сол жағалауы №3 мөлтек ауданында 7 этажды 84 пәтерлі 6 тұрғын үйдің құрылысы аяқталып 504 пәтерді құрайтын ипотекалық тұрғын үй құрылысы аяқталып жыл соңында пайдалануға беріледі. Осы мөлтек ауданда 40 пәтерлі 10 ипотекалық тұрғын үй құрылысы шілде айында басталып 2025 жылы аяқталатын болады.Кезекте тұрған осал топты және көп балалы отбасыларға 2023 жылы 872 пәтер сатып алынды. Ағымдағы жылы 1240 пәтер осы санаттағы тұрғындарға және 135 пәтер авариялық кезекте тұрған отбасыларға пәтер сатып алынатын болады.

Қазақстан және Қызылорда облысының басты жаңалықтары