<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев жаңадан салынатын кітапхана мен мәдениет нысандарының құрылыс алаңында болып, Президент саябағын қайта жаңғырту жұмыстарымен танысты.Мемлекет басшысының тапсырмасымен заманауи, көпфункционалды кітапхана құрылысына инвестор есебінен 20 млрд теңге қарастырылған. Жоба кітапхана инфрақұрылымын дамытуға, оқырмандарға қолжетімділікті арттыруға және өңірдің ақпараттық-мәдени әлеуетін күшейтуге бағытталған. Ғимараттың жалпы аумағы 13 000 шаршы метр, кітап қоры 1 миллионнан асады. Жыл сайын 250–300 мың оқырманға қызмет көрсету көзделген.Кітапханада ашық форматтағы оқу залдары, заманауи каталог жүйесі, 50 адамға арналған цифрлық ресурстармен жұмыс істеу бөлмесі ашылады. Сонымен қатар медиа-лаборатория мен подкаст студиясы жұмыс істейді.Өңірде бой көтеретін жаңа театр мәдениет саласының дамуына тың серпін береді.<img src="https://knadmin.beoblood.kz/uploads/2_dfcf273d70.jpg" alt="2.jpg">Жаңа ғимарат кең әрі заманауи талаптарға сай жабдықталады. Бұл әртістердің дайындығына, күрделі декорациялар мен тың режиссерлік шешімдерді жүзеге асыруға мүмкіндік береді. Заманауи дыбыс және жарық жүйелері қойылымдардың мазмұны мен көркемдік деңгейін арттыра түседі.Президент саябағын қайта жаңғырту жұмыстарын Alem Qurylys AQ серіктестігі жүргізуде. Бастапқы жобаға түзетулер енгізіліп, 300 орындық балалар лагері мен қысқы бақ қосылды. Жаңғырту аясында аллеялар, субұрқақтар, амфитеатр, спорт және би алаңдары, балалар ойын алаңдары, workout және демалыс аймақтары салынады. Сондай-ақ фудкорт, теннис үстелдері, аттракциондар, велосипед және жүгіру жолақтары қарастырылған. Бұдан бөлек сахна, сарқырама каналдары мен олардың үстінен өтетін көпірлер, шахмат, баскетбол және футбол алаңдары бой көтереді.Ботаникалық бақ аумағында абаттандыру жұмыстары жүргізілуде. Жалпы 2,41 гектар аумақ көгалдандырылып, Оңтүстік Африка, Оңтүстік және Орталық Америка, Қытай, Жапония, Мадагаскар елдерінде өсетін өсімдіктер отырғызылады.Балалар лагерінің құрылысына 6,02 гектар жер бөлінген. Мұнда әкімшілік ғимарат, іс-шараларға арналған алаң, 4 тұрғын корпус, қонақүй үлгісіндегі шағын ғимарат, 5 киіз үй, ашық бассейн, стадион, футбол алаңы, сахна және өзге де демалыс және техникалық нысандар салу жоспарланған.Фото: Қызылорда облысы әкімінің баспасөз қызметі

Құрылыс алаңдарындағы және қайта жаңғырту жұмыстарының барысын көрді

<a href="https://kyzylorda-news.kz/">Kyzylorda-news.kz</a> &nbsp;Бүгін Сенаттың жалпы отырысында Наурызбай Сейітқалиұлы Байқадамовтың депутаттық өкілеттігі <a href="https://kaz.inform.kz/news/senat-naurizbay-baykadamovtin-deputattik-oklettgn-toktatti-c6cb23/">тоқтатылды.</a>Атап айтқанда Н. Байқадамовтың басқа жұмысқа ауысуына байланысты өкілеттігін мерзімінен бұрын тоқтату жөнінде ұсыным енгізді. Өз кезегінде палата отырысында депутаттың өкілеттігін тоқтату жөніндегі қаулы қабылдады.<blockquote>- Әріптесіміз Наурызбай Байқадамов Қорқыт Ата атындағы Қызылорда мемлекеттік университетінің ректоры болып тағайындалды. Наурызбай Сейтқалиұлы алдағы жауапты жұмыстарыңызға табыс пен сәттілік тілейміз. Осыған байланысты Орталық сайлау комиссиясы Сенатқа тиісті ұсыным енгізді. Конституциялық нормаларға сәйкес, бұл мәселе бойынша Сенат тиісті қаулы қабылдауы керек, - деді Сенат төрағасы Мәулен Әшімбаев.</blockquote>Н. Сейтқалиұлы 1967 жылы 10 шілдеде Қызылорда облысы, Ж. Махамбетов ауылында дүниеге келген. 1991 жылы Н. Гоголь атындағы Қызылорда педагогикалық институтын «Тарих және француз тілі» мамандығы бойынша білім алдым. Тарих ғылымдарының кандидаты, доцент.Еңбек жолын 1991 жылы Қызылорда облысы, Сырдария ауданындағы Амангелді атындағы №139 мектеп мұғалімі болып бастаған. 1994-2003 жылдары Қорқыт Ата атындағы Қызылорда мемлекеттік университетінің «Мемлекет және құқық теориясы мен тарихы» кафедрасының оқытушы, аға оқытушысы, меңгерушісі. 2003-2006 жылдары Қорқыт Ата атындағы Қызылорда мемлекеттік университеті жанындағы колледж директоры.2007 жылы маусым-қараша аралығында «Nur Otan» ХДП Қызылорда облыстық филиалы төрағасының орынбасары.2008-2013 жылдары Қорқыт Ата атындағы Қызылорда мемлекеттік университетінің тәрбие жұмыстары жөніндегі проректоры.2013-2015 жылдары Қызылорда облысының білім басқармасының басшысы.2015-2016 жылдары «Nur Otan» партиясы Қызылорда облыстық филиалы төрағасының бірінші орынбасары.2016-2019 жылдары Қызылорда облыстық мәслихатының хатшысы.2019-2021 жылдар аралығында Қызылорда облысы әкімінің орынбасары.2021-2023 жылдары Қызылорда облыстық мәслихатының хатшысы.2022-2023 жылдары «AMANAT» партиясының Қызылорда облыстық филиалының төрағасы. 2023-2024 жылдары Қызылорда облыстық мәслихатының төрағасы. 2024 жылғы сәуірден бастап Қызылорда облысынан сайланған Парламент Сенатының депутаты.

Сенат Наурызбай Байқадамовтың депутаттық өкілеттігін тоқтатты  

<a href="https://kyzylorda-news.kz/">Kyzylorda-news.kz</a> Астана қаласында Конституциялық Сот төрағасы Эльвира Әзімованың төрағалығымен Конституциялық кеңестің кезекті отырысы өтті.Онда Ата Заңға енгізілетін өзгерістер жан-жақты талқыға түсті. Кезекті отырыста Қызылорда облысының әкімі, Конституциялық комиссия мүшесі Нұрлыбек Нәлібаев баяндама жасап, өңірлер үшін жаңа Конституция жобасының практикалық маңызы зор екенін айтты.<blockquote>"Бүгінде Қазақстан ауқымды өзгерістің, түбегейлі бетбұрыстың алдында тұр. Халқымыз ұлт жылнамасындағы жаңа кезеңге қадам басуда.Президентіміздің қатысуымен Сыр өңірінде өткен Ұлттық құрылтайдың қорытынды бесінші отырысы тарихи миссиясы айрықша мазмұнға ие алқалы жиын болды.Құрылтайда еліміздің келешек бағдары айқындалып, қоғамдағы ең өзекті мәселелер ашық талқыланды.Президентіміз бұған дейінгі ауқымды саяси реформаларының жалғасы ретінде Конституциялық реформаға қатысты өз ұстанымдарын жеткізді.Ел тарихындағы маңызды шешімдерді ұсынды.Конституциялық реформа – еліміздің саяси жаңғыруына, азаматтардың құқықтары мен бостандықтарын күшейтуге, қоғам мен мемлекет арасындағы өзара сенімді нығайтуға бағытталған.Өңірлер үшін жаңа Конституция жобасының практикалық маңызы зор. Құжатта әкімдіктер күнделікті жұмыс барысында бетпе-бет келетін мәселелер қамтылған.Бұл - су мен жер ресурстарын тиімді пайдалану, экологиялық жағдай, әлеуметтік қорғау, білім беру, аймақтардың тұрақты дамуын қамтамасыз ету.Конституция жобасы біз үшін, ең алдымен, шешімдер қалай қабылданатынын, оның жүзеге асырылуына мемлекет қандай жауапкершілік алатынын айқындайды.Сонымен қатар, мемлекеттің Егемендігін нығайтуға, азаматтар алдындағы жауапкершілігін арттыруға бағытталған тың тұстарын ерекше атап өту қажет.Маңызды құжатта әсіресе, экологиялық қауіпсіздік мәселесіне айрықша мән берілген. Қызылорда облысы үшін бұл нормалардың маңызы өте зор.Аралды құтқару – барша адамзат үшін әлі де өте өзекті міндет. Арал теңізінің тағдыры – ауыр сабақ. Оның салдарын бүгінгі күнге дейін сезініп келеміз.Мемлекеттің қолайлы қоршаған ортаны қамтамасыз ету міндетін, азаматтардың экологиялық қауіпсіздікке қатысты құқығын, адамдардың өмірі мен денсаулығына қауіп төндіретін ақпарат үшін артылатын жауапкершілік туралы нормаларды біз толық әрі саналы түрде қолдаймыз.Бұл - біздің өңір үшін тек жалпылама айтылған ұран сөз емес, болашақ үшін маңызы айрықша құқықтық кепіл. Жаңа Конституция жобасының маңызды бағыттарының бірі – мемлекеттің әлеуметтік жауапкершілігін күшейту. Бұл құжат адам құқықтарын қорғауға, өңірлерді қолдауға, әлеуметтік теңсіздікті төмендетуге бағытталған.Атап айтқанда, ауылдық аумақтардың дамуына, жұмыс орындарын құруға, инфрақұрылымды жаңғыртуға, қолжетімді әлеуметтік қызметтерді жүйелі іске асыруға, халық алдындағы міндеттемелерді толық орындауға мүмкіндік береді. Елімізде адами капиталды дамыту үшін білім беруді стратегиялық басымдық ретінде бекітеді. Жаңа Конституция жобасын қолдаймыз.Себебі, бұл құжат өңірлерді дамытудың шынайы қажеттіліктерін, аймағымыздың экологиялық жағдайы мен тұрақты даму мәселелерін толық қамтиды. Ең негізгісі, адам мен табиғат және мемлекет мүдделері біртұтас жүйе ретінде қарастырылған. Бұл - жауапкершілік, тұрақтылық және жарқын болашаққа бағытталған таңдау!”,- деді аймақ басшысы.</blockquote>Сондай-ақ, отырыста Конституциялық Сот Төрағасының орынбасары Бақыт Нұрмұханов Ата Заң жобасының жекелеген ережелерінің редакцияларын қайта форматтау және нақтылау туралы пікір білдірді.ҚР Парламенті Сенаты жанындағы Инклюзия жөніндегі кеңестің төрағасы Ләззат Қалтаева Ата Заң мәтінін Брайль форматына бейімдеуді ұсынды.«Еңбек адамы – экономиканың құралы емес, мемлекеттің басты құндылығы» тақырыбында депутат Максим Рожин,цифрлық ортада азаматтардың құқықтарын қорғаудың маңыздылығы туралы философия, саясаттану және дінтану институтының басшысы Айгүл Сәдуақасова айтты. Ақтөбе облыстық мәслихатының төрағасы Гүлқасима СүйінтаеваКонституцияда некенің еріктілігі қағидатын бекіту, ҚР Парламенті Мәжілісінің депутаты, «Ұлттық волонтерлік желі» заңды тұлғалар бірлестігінің басшысы Вера Ким волонтерлікті ынталандыруды бекіту туралы бастама көтерді.Премьер-министрдің орынбасары - Мәдениет және ақпарат министрі, Конституциялық реформалар жөніндегі комиссия төрағасының орынбасары Аида Балаева: «Ешкім медициналық көмек пен білім алу құқығынан айырылмайды»,-деп атап өтті.

Аймақ басшысы Конституциялық кеңестің кезекті отырысында баяндама жасады

<a href="https://kyzylorda-news.kz/">Kyzylorda-news.kz</a> Астанада Конституциялық реформа жөніндегі комиссияның сегізінші отырысы өтіп, онда ҚР Бас прокурорының орынбасары Жандос Өмірәлиев жаңа Конституция жобасындағы 18-бапты орыс тілінде нақтылай түсуді ұсынды. Конституцияның әрбір нормасы анық, түсінікті болуы керектігін, комиссияның орасан зор жұмыс атқарып жатқанын ерекше атап өтті.Мемлекеттік кеңесші Ерлан Қарин жаңа Конституцияның мәтіні аударма еместігіне тоқталды.<blockquote>– Жаңа Конституция жобасының мемлекеттік тілдегі нұсқасы – бұл аударма емес. Қолдарыңыздағы қазіргі жоба – о бастан мемлекеттік тілдің мүддесі тұрғысынан жазылған жоба. Екіұшты мәселелер туындаған кезде әуелі қазақ тіліндегі нұсқа назарға алынып отыр, – деді.</blockquote>Сондай-ақ Мемлекеттік кеңесші жаңа Конституцияның жобасында ескірген, мағынасы өзгерген сөздер қайта қаралғанын айтты.Е.Бөкетов атындағы Қарағанды университетінің ректоры Нұрлан Дулатбеков жаңа Конституцияда жоғары білімге қол жеткізудің қағидаттары нақты жазылу керек деген ұсынысын жеткізді. Сонымен бірге білім орындарын діни идеологиядан ажырату не үшін керек болғанын, білім беру жүйесі үшін мұның іргелі мәні бар екенін айтты.<blockquote>– Университеттер мен мектептер ғылымның, білімнің және әрине, академиялық еркіндіктің кеңістігі болып қалу керек. Мұндай тәсіл студенттерді қорғайды, бейтарап білім ортасына сақтайды және идеологиялық қысымның қатерін төмендетеді, – деді ғалым.</blockquote>Кезекті отырыста Мәжіліс депутаты Айдарбек Қожаназаров Конституцияда «Қазақстанның ұлттық валютасы – теңге» деп нақты бекіту бастамасын көтерді. М.Нәрікбаев атындағы КАЗГЮУ университеті» АҚ басқарма төрағасы, Конституциялық комиссия мүшесі Талғат Нәрікбаев комиссияның Ата заңның қазақ тіліндегі мәтінін жетілдіру бағытында атқарған жұмыстарына тоқталды.Конституциялық комиссия төрағасы Эльвира Әзімова Ата заңның жаңа редакциясы туралы азаматтардан түскен ұсыныстардың тағдыры не болғанын жиынтық кесте арқылы халыққа жеткізуді тапсырды.<img src="https://knadmin.beoblood.kz/uploads/Komissiyany_kezekti_otyrysy_rbir_norma_any_t_sinikti_boluy_kerek_cf6affdcae.jpg" alt="Комиссияның кезекті отырысы әрбір норма анық, түсінікті болуы керек.jpg">Еске салсақ, аймақ басшысы Нұрлыбек Нәлібаев Конституциялық комиссияның мүшесі ретінде комиссия отырыстарына, жекелеген жұмыс секцияларындағы талқылауларға қатысуда.Фото: Қызылорда облысы әкімінің баспасөз қызметі

Комиссияның кезекті отырысы: әрбір норма анық, түсінікті болуы керек

<a href="https://kyzylorda-news.kz/">Kyzylorda-news.kz</a> ҚР Сыртқы істер министрінің орынбасары Әлібек Қуантыров, облыс әкімінің орынбасары Ардақ Зебешев, «KAZAKH INVEST» ҰК» АҚ сервистік қолдау департаменті директордың орынбасары – мемлекеттік органдармен және жұртшылықпен өзара іс-қимыл жөніндегі өкілі Марат Есенов Қызылорда қаласындағы құрылысына ауқымды инвестиция салынған нысандарды аралап шықты.Алдымен қонақтарға жаңа жылу-электр орталығы таныстырылды. Президент қолдауымен Aksa energy түрік инвесторы Қызылорда қаласында 215 млрд. теңгеге қуаттылығы 240 мегаваттық жаңа жылу-электр орталығын салды.Орталықта 176 мегаваттық 2 газтурбиналық қондырғы, 95 мегаваттық бу турбинасы, 2 бу қазандығы мен 4 жылу қазандығы орнатылған. Инвестор жылу орталығын тесттік режимде іске қосып, бүгінде 176 мегаватт электр энергиясы өндірілуде. Осы жылы бу турбинасы іске қосылып, қосымша 95 мегаватт электр энергиясын шығарады. Аймақ электр энергиямен толық қамтамасыз етіліп, бұл өндірістің дамуына тың серпін береді.Одан кейін қонақтар «Қызылорда-Нан» ЖШС-нің нан-тоқаш, кондитерлік және макарон өнімдерін өндіру кешеніне, Orhun Medical компаниясының жаңа медициналық орталығына барды.«Қызылорда-Нан» зауыты қазан айында іске қосылды. Өндіріс толық автоматтандырылған. Жоба 2 кезеңнен тұрады. Қазіргі уақытта 4 өндірістік цех жұмыс істейді. Өнімнің 30%-ы кәсіпорынның жеке сауда желісі арқылы, ал 70%-ы Қызылорда қаласы мен оған іргелес елді мекендердегі тұтынушыларға жеткізіледі.Жобаны мемлекеттік қолдау аясында 5 гектар жер телімі бөлініп, қажетті инфрақұрылым, су және кәріз желілері тартылды. «Қазақстан халық банкінен» жеңілдікпен алынған 1,2 млрд. теңге несиенің пайыздық мөлшерлемесі субсидиялануда.Екінші кезеңде, яғни биыл ұн комбинаты іске қосылады. Қазір цехта 120 адам еңбек етсе, алдағы уақытта оның саны 170-ке көбейеді.<img src="https://knadmin.beoblood.kz/uploads/Syrt_y_ister_ministrini_orynbasary_yzylordada_zh_zege_as_an_investicziyaly_zhobalarmen_tanysty3_f451142c92.jpg" alt="Сыртқы істер министрінің орынбасары Қызылордада жүзеге асқан инвестициялық жобалармен танысты3.jpg">​Жаңа медициналық орталықтың негізгі бағыты – позитронды-эмиссиялық томография мен компьютерлік томографияны біріктіретін жоғары технологиялық диагностика. Бұл онкологиялық ауруларды ерте анықтауға, дерттің таралу деңгейін бағалауға және емдеу тиімділігін бақылауға мүмкіндік береді.Бұрын осы диагностикалық қызметті алу үшін өңір тұрғындары Алматы және Астана қалаларына баратын. Енді бұл қызмет тұрғылықты жері бойынша көрсетіледі. Медициналық орталықтың жобалық қуаты жылына 3 500 ПЭТ/КТ, 16 000 магниттік-резонанстық томография, 20 000 компьютерлік томография, 25 000 рентгенологиялық зерттеу және 10 000 маммография жүргізуге есептелген.Бұдан бөлек, медициналық орталықта халыққа МРТ, КТ, рентгенография, маммография, ультрадыбыстық диагностика, бейінді мамандардың кеңестері, зертханалық зерттеулер және емшара бөлмелерінің қызметтері қолжетімді болады. Орталық жақын күндері ашылады деп жоспарлануда.Фото: Қызылорда облысы әкімінің баспасөз қызметі

Сыртқы істер министрінің орынбасары Қызылордада жүзеге асқан инвестициялық жобалармен танысты

<a href="https://kyzylorda-news.kz/">Kyzylorda-news.kz</a> &nbsp;Облыс әкімі Нұрлыбек Нәлібаев, ҚР Сыртқы істер министрінің орынбасары Әлібек Қуантыров, «Қазақ Инвест» ұлттық компаниясы департамент директорының орынбасары Марат Есенов, Бас прокуратураның қоғамдық мүдделерді қорғау қызметі бастығының орынбасары Ризат Смағұловтың бейнебайланыс арқылы қатысуымен өңірлік инвестициялық штаб отырысы өтті. Оған облыс әкімінің орынбасарлары, құқық қорғау органдары мен басқарма басшылары, штаб мүшелері, бизнес өкілдері, селекторлық режимде қала, аудан әкімдері қатысты.Аймақ басшысы инвестиция тарту бойынша өңірде атқарылған жұмыстарға тоқталды.<blockquote>«Мемлекет басшымыздың бұған дейінгі ауқымды саяси реформаларының жалғасы ретінде Конституциялық, Парламенттік және мемлекеттік басқару жүйесіндегі реформалар туралы бастамалар көтерілді.Өткен аптада Астана қаласында Конституциялық реформа жөніндегі комиссия отырыстарында Ата Заңға енгізілетін түзетулер талқыланып, жаңа Конституция жобасы ұсынылды.Өзгерістер негізінен биліктің құрылымдарын қайта қарауды, адам құқықтарын күшейтуді, мемлекеттік басқарудың жаңа институттарын енгізуді қамтыды. Негізгі заңның құқықтық мәртебесінің күшеюі реттеуші ортаның болжамдылығы мен тұрақтылығын арттырады. Бұл инвесторлар үшін аса маңызды. Өйткені тұрақты конституциялық негіз құқықтық өзгерістердің кенеттен туындау тәуекелдерін төмендетіп, заң үстемдігін нығайтады.Заң үстемдігі – ұзақ мерзімді инвестициялар үшін шешуші фактор. Мемлекет басшымыздың тапсырмасына сәйкес сапалы инвестициялар ағынын арттыру, қосылған құны жоғары серпінді жобаларды жүзеге асыруды қамтамасыз етуіміз қажет», – деді Н.Нәлібаев.</blockquote><figure class="image"><img src="https://knadmin.beoblood.kz/uploads/Nalibaev_32cc7e9155.jpg" alt="акимат "></figure>Басқосуда Әлібек Қуантыров, Ризат Смағұлов инвестиция тартудың жаңа тәсілдері мен Инвестициялық омбудсменнің рөлі туралы айтты. Инвесторлар құқығын қорғауда аймақта атқарылған шаралар туралы Қызылорда облысының прокуроры Ризабек Ожаров, өңірдің инвестициялық ахуалы, жаңа жобаларды іске асыру барысы туралы облыс әкімінің орынбасары Ардақ Зебешев баяндама жасады.Жиын соңында облыс әкімі сала басшыларына тапсырмалар жүктеді. Қазақстан Республикасының инвестициялық саясатының 2029 жылға дейінгі тұжырымдамасына сәйкес, аймақта арнайы өңірлік инвестициялық штаб құрылған. Бүгінде Қызылорда облысында қолайлы инвестициялық климат қалыптасып, ірі инвестициялық жобалар жүзеге асуда. Өткен жылдың қорытындысымен &nbsp;774 млрд 468 млн теңге инвестиция тартылып, өсім 10,6 пайыз болды. Жоспар 22,7 пайызға артығымен орындалды. Сыр өңірі индикатордың орындалуы бойынша алдыңғы орынға шықты.Жеке инвестиция үлесі 72 пайыз, тоғыз айдың қорытындысымен 205 млн. АҚШ долларынан астам тікелей шетелдік инвестиция тартылып, өсім 19,1 пайызды құрады.Өткен жылы 300 млрд. теңгеден астам қаржыға 27 инвестициялық жоба іске қосылды. Экономиканы әртараптандыру мақсатында 2026-2029 жылдары аймақта 1 трлн. 900 млрд. теңгеге 48 инвестициялық жоба іске асырылып, 10 308 жаңа жұмыс орны ашылады. Биыл 100 млрд. теңгенің 21 жобасын іске қосу жоспарланған.<figure class="image"><img src="https://knadmin.beoblood.kz/uploads/akimat_prokuror_R_Izabek_Ozharov_e636598718.jpg" alt="акимат прокурор РИзабек Ожаров.jpg"></figure>

Қызылорда облысында өңірлік инвестициялық штаб отырысы өтті

<a href="https://kyzylorda-news.kz/">Kyzylorda-news.kz</a> &nbsp;Бүгін облыс әкімі Нұрлыбек Нәлібаевтың төрағалығымен Конституциялық реформалар жөніндегі өңірлік актив отырысы өтті. Оған мәслихат депутаттары, құқық қорғау органдарының, басқармалар мен аумақтық департаменттердің басшылары, қоғамдық кеңестің мүшелері, зиялы қауым, бұқаралық ақпарат құралдарының өкілдері қатысты.Мемлекет басшысының бастамасымен елімізде жаңа Ата Заңның жобасы әзірленді. Осы мақсатта 130 адамнан тұратын Конституциялық комиссия құрылды. Бір аптаға жуық жұмыс жасаған комиссия жеке азаматтардан, саяси партиялардан, қоғамдық ұйымдар мен сарапшылардан түскен ұсыныстарды егжей-тегжейлі талдады.Ашық қоғамдық талқылаулардың, жаңа нормалар мен ережелерді жан-жақты әрі тиянақты пысықтаудың нәтижесінде Ата заңның жаңа жобасы әзірленіп, бұқаралық ақпарат құралдарында жарияланды.Аймақ басшысы жаңа Конституция жобасының маңыздылығына тоқталып, Сыр өңірі жұртшылығын бұл бастамаға жоғары жауапкершілікпен, белсенді атсалысуға шақырды.<blockquote>«Мемлекет басшымыз Қасым-Жомарт Кемелұлы 2025 жылғы 8 қыркүйекте халыққа арнаған Жолдауында Қазақстанда бір палаталы Парламент құру жөнінде бастама көтерді. Бұл ұсыныс Конституциялық реформаны жүзеге асыруға негіз болып, Парламенттік реформа жөніндегі арнайы Жұмыс тобы құрылды.Қазан айынан бері еліміздегі саяси партиялардан, сарапшылардан, саяси-қоғамдық институттардан, үкіметтік емес ұйымдардан, азаматтарымыздан Парламенттік реформаға қатысты ұсыныстар жинақталды. Мемлекет басшымыз Сыр өңірінде өткен Ұлттық құрылтайдың қорытынды бесінші отырысында. Жұмыс тобының ұсыныстарын негізге ала отырып, Қазақстанның алдағы саяси бағыт-бағдарын айқындап берді.Президентіміз Құрылтайда еліміздегі бұған дейінгі ауқымды саяси реформаларының жалғасы ретінде Конституциялық реформаға қатысты өз ұстанымдарын жеткізді. Ел тарихындағы маңызды шешімдерді ұсынды.Жаңа Ата Заңның жобасындағы бірқатар баптар мен бөлімдердің мазмұны тұтас конституциялық моделді айтарлықтай жаңғыртуға, саяси-қоғамдық институттарды жетілдіруге, азаматтардың құқықтары мен бостандықтарын қорғау тетіктерін күшейтуге негіз болады. Бұл – ел тарихындағы маңызды әрі тағдырлы қадам болмақ», – деді Н.Нәлібаев.</blockquote>Жиында ҚР Парламенті Сенатының жанындағы Сенаторлар кеңесінің мүшесі, Қызылорда облысының құрметті азаматтары Бекмырза Қайыпұлы мен Мұрат Бақтиярұлы, облыс прокуроры Ризабек Кәрімұлы, облыстық мәслихаттың төрағасы, Конституциялық комиссияның мүшесі Мұрат Жолкелдіұлы, Қазақстанның Еңбек Ері, Конституциялық комиссияның мүшесі Имамзада Қуанышбайұлы өз ұсыныс-пікірлерін білдірді.Фото: Қызылорда облысы әкімінің баспасөз қызметі

Конституциялық реформалар жөніндегі өңірлік актив отырысы өтті

<a href="https://kyzylorda-news.kz/">Kyzylorda-news.kz</a> &nbsp;Облыс әкімі Нұрлыбек Нәлібаев, облыстық мәслихат төрағасы Мұрат Тлеумбетов, облыс әкімінің орынбасарлары мен қала әкімі қала аумағындағы құрылыс нысандарындағы жұмыс барысымен танысты.Алдымен Президент саябағындағы, сол жағалаудағы көпқабатты тұрғын үйлердің құрылысын көрді. Бүгінде Президент саябағында тоғыз қабатты тұрғын үйлер салынуда. Жоба бойынша 15 тұрғын үй салу көзделген. Бас мердігер «Мелиоратор» жауапкершілігі шектеулі серіктестігі 8,2 гектар аумақта 18 млрд теңгенің жобасын іске асыруда.Әр тұрғын үйде 63-тен, жалпы 945 пәтер пайдалануға беріледі. Оның 135-і бір бөлмелі, 540-ы екі бөлмелі және 270-і үш бөлмелі болады.Сол жағалаудағы бес және тоғыз қабатты 10 тұрғын үйдің құрылысы да қарқынды жүргізілуде. «Мелиоратор» серіктестігі қолға алған тұрғын үйлердің жалпы ауданы 32 897,4 шаршы метр, 7 бес қабатты және 3 тоғыз қабатты тұрғын үй салу жоспарланған. Құрылыс жұмыстары аяқталғанда 600 пәтер пайдалануға беріледі.<img src="https://knadmin.beoblood.kz/uploads/Ajma_basshysy_t_r_yn_jler_rylysyny_barysyn_k_rdi_1_5625acc9df.jpg" alt="Аймақ басшысы тұрғын үйлер құрылысының барысын көрді 1.jpg">Аймақ басшысы бастаған топ сол жағалауда бой көтерген 4 тұрғын үйдің құрылыс алаңына да барды. "Тау групп" компаниясының тапсырысымен "Нұрлытау" серіктестігі салған "Тұран" тұрғын үй кешенінде 365 пәтер болады.Айта кетейік, аймақта тұрғындарды баспанамен қамтамасыз ету бағытына басымдық берілгендіктен, 2022-2024 жылдары тұрғын үй кезегінде тұрған азаматтарға 5 мыңнан астам пәтер табысталды. 2023 жылдан бері барлық ауданда алғаш рет 1800-ге жуық пәтер тұрғындарға берілді. Өткен жылы 3600 пәтерлік тұрғын үй салуға бюджеттен 58 млрд. 785 млн. теңге бөлінді. Кезекте тұрған тұрғындарға 2 392 пәтер табыстау үшін 57 млрд. 440 млн. теңге жоспарланған.Ерекше атап өту қажет, былтырдан бері Қызылорда қаласында заманауи жаңа дизайнмен жеті, тоғыз, он екі қабатты тұрғын үйлер бой көтеруде.Фото: Қызылорда облысы әкімінің баспасөз қызметі

Аймақ басшысы тұрғын үйлер құрылысының барысын көрді

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев, ҚР Парламенті Сенатының депутаты Наурызбай Байқадамов, облыс прокуроры Ризабек Ожаров пен облыстық мәслихаттың төрағасы Мұрат Тлеумбетов, &nbsp;«Петро Қазақстан Құмкөл Ресорсиз» АҚ вице-президенті Серік Қожаниязов Арал аудандық ауруханасына жапсарлас салынған 51 төсектік ғимаратты көріп, жұмысымен танысты.Ғимарат құрылысын «Ұлт саулығын нығайту» ұлттық бастамасы аясында қайтарылған активтер есебінен бөлінген 2,3 млрд теңге қаржыға «Иман» серіктестігі салды. Жаңа нысанда 17 төсектік нейро-инсульт және 34 төсектік кардиология бөлімшелері жұмыс істейді.<img src="https://knadmin.beoblood.kz/uploads/Za_schet_vozvrashhennyh_aktivov_postroen_novyj_korpus_bolniczy_v_Aralske1_648a870fe6.jpg" alt="За счет возвращенных активов построен новый корпус больницы в Аральске1.jpg">Алдағы уақытта орталықты заманауи медициналық құрал-жабдықтармен, атап айтқанда,магниттік-резонанстық томография және ангиограф қондырғыларымен жабдықтау жоспарланған. Бұл бөлімшелер аудан тұрғындарының Ақтөбе және Қызылорда қалаларына бармай-ақ, жергілікті жерде жоғары деңгейлі медициналық тексеруден өтуіне, ем алуына мүмкіндік береді.Айта кетейік, Арал ауданындағыинфрақұрылымдық жобаларға және әлеуметтік нысандар салуға бюджеттен &nbsp;38 млрд 740 млн теңге қаржы бөлінді. «Келешек мектебі», «Руханият орталығы», «Қамқорлық» оңалту орталығы, 150 пәтерлік 75 тұрғын үй, теміржол үстінен өтетін көпір пайдалануға берілді.Сексеуіл кенті табиғи газ желісіне қосылып, мұнда да 300 орындық «Келешек мектебі» мен 40 төсектік аурухана іске қосылды. Тоқабай ауылында жаңа дәрігерлік амбулатория, демеушілердің қолдауымен апатты жағдайдағы мектептің орнына 500 млн теңгегежаңа білім ошағы салынды. Жақында елді мекен таза ауыз сумен қамтылды.<img src="https://knadmin.beoblood.kz/uploads/Za_schet_vozvrashhennyh_aktivov_postroen_novyj_korpus_bolniczy_v_Aralske3_8f43a6af32.jpg" alt="За счет возвращенных активов построен новый корпус больницы в Аральске3.jpg">Ақшатау ауылында 60 орындық жаңа мектепшәкірттерін қабылдады. Ақбасты, Ерімбетжаға және Тастүбек ауылдарына орталықтандырылған ауыз су желісі тартылды. Ал Абай ауылы тұрғындарын ауыз сумен қамтамасыз ету жұмыстары жақын күндері толық аяқталады.Шижаға елді мекеніне де табиғи газ келді,Қамыстыбас ауылында 6 млрд 300 млн теңге қаржыға автоматтандырылған газ тарату стансасы іске қосылды. Аталған станса арқылы Арал ауданына қарасты 18 елді мекендегі 15 мыңға жуық тұрғынды көгілдір отынмен қамтуға мүмкіндік бар.Жыл басында Мергенсай ауылында құрылысына 2 млрд 333 млн теңге қаржы бөлінген 150 орындық жаңа мектеп пайдалануға берілді. Бұдан бөлек, «Қазақстан Темір жолы» ұлттық компаниясының қолдауымен аудан аумағындағы теміржол вокзалдарына күрделі жөндеу жұмыстары жүргізілуде.<img src="https://knadmin.beoblood.kz/uploads/Za_schet_vozvrashhennyh_aktivov_postroen_novyj_korpus_bolniczy_v_Aralske2_bec098639c.jpg" alt="За счет возвращенных активов построен новый корпус больницы в Аральске2.jpg">

Аймақ басшысы ауруханаға жапсарлас салынған жаңа ғимаратты көрді

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев, Парламент Сенатының депутаты Наурызбай Байқадамов, облыс прокуроры Ризабек Ожаров, пен облыстық мәслихаттың төрағасы Мұрат Тілеумбетов, «Петро Қазақстан Құмкөл Ресорсиз» АҚ вице-президенті Серік Қожаниязов,зиялы қауым өкілдері мен ардагерлер Арал аудандық көпбейінді орталық ауруханасының 25 төсектік жұқпалы аурулар бөлімшесінің ашылу салтанатына қатысты.<img src="https://knadmin.beoblood.kz/uploads/Aralsk_infekczionnoe_otdelenie_czentralnoj_bolniczy1_9217e1305d.jpg" alt="Аральск инфекционное отделение центральной больницы1.jpg">Аймақ басшысы саладағы жаңашылдықтарға, халыққа медициналық қызмет көрсету сапасын жақсартуда атқарылған жұмыстарға тоқталды.<blockquote>«Президентіміз «Денсаулық сақтау жүйесін дамыту, ең алдымен, азаматтардың әл-ауқатын көтеруге бағытталған. Өйткені медицинаның деңгейі мен қолжетімділігі – еліміздегі өмір сапасының негізгі көрсеткіші», – деген болатын. Мемлекет басшымыздың тапсырмасымен, Үкіметтің қолдауымен денсаулық сақтау саласын дамытуға, халықтың медициналық қызметтерге қолжетімділігін арттыруға бағытталған кешенді шаралар нәтижелі жүзеге асуда. Ұлт саулығы – мемлекетіміздің негізгі капиталы десек, баға жетпес қазынаны қызғыштай қорып жүрген медицина саласы қызметкерлерінің адал ісін жоғары бағалаймыз, әрдайым құрметпен қараймыз. &nbsp;Ел игілігіне табысталатын жұқпалы аурулар бөлімінің жаңа ғимараты, ондағы дәрігерлер науқастың дертіне дауа, көңіліне рауан беріп, халық ықыласына бөленеді деп сенеміз», – деді Н.Нәлібаев.</blockquote><img src="https://knadmin.beoblood.kz/uploads/Aralsk_infekczionnoe_otdelenie_czentralnoj_bolniczy2_c579f115ac.jpg" alt="Аральск инфекционное отделение центральной больницы2.jpg">Салтанатты жиында ауданның өсіп-өркендеуіне үлес қосқан медицина саласының қызметкерлері менмердігер мекеменің құрылысшылары облыс әкімінің Алғыс хатымен марапатталды. Наурызбай Байқадамов, Ризабек Ожаров құттықтау сөз сөйлеп, жаңа нысанның ашылуымен құттықтады.Жұқпалы аурулар бөлімшесінің құрылысы қайтарылған активтер есебінен 2,3 млрд теңгеге қаржыландырылды. Оған қоса аудандық аурухана жанынан «Ауылда денсаулық сақтауды жаңғырту» ұлттық жобасы аясында кардиология және инсульт бөлімшелері орналасқан қосымша құрылыс аяқталып, халық игілігіне берілді. Оған да қайтарылған активтер есебінен 2,1 млрд теңге бөлінді.Кейінгі уақытта 206 млн теңгеге құрал-жабдықтар алынып, аурухананың материалдық-техникалық базасы нығайтылды. Енді аудан тұрғындары облыс орталығына немесе басқа қалаларға сабылмай, сырқаттанғандарға мамандандырылған көмек көрсету үшін ашылған жергілікті жердегі бөлімшеде толыққанды ем алады. &nbsp;&nbsp;Айта кетейік, соңғы үш жылда облыстың денсаулық сақтау саласына 450 млрд. 100 млн. теңге &nbsp;қаржы бөлініп, халықтың сұранысына сәйкес түйткілді мәселелер шешімін тауып келеді. «Ауылда денсаулық сақтауды жаңғырту» ұлттық жобасы аясында барлық ауданда 28 медициналық нысан салынды.Қызылорда қаласында 300 орындық көпбейінді аурухана бой &nbsp;көтеруде, &nbsp;4 аудандағы орталық ауруханалар жанынан қосымша ғимараттар ашылды.<img src="https://knadmin.beoblood.kz/uploads/Aralsk_infekczionnoe_otdelenie_czentralnoj_bolniczy3_53da4a2488.jpg" alt="Аральск инфекционное отделение центральной больницы3.jpg">Өткен жылы Шиелі ауданында жұқпалы аурулар бөлімшесінің жаңа ғимараты ел игілігіне табысталған болатын. Қызылорда қаласынан 200 орындық перинаталдық орталық пен 500 орындық емхана салуға Үкімет тиісті қаулы қабылдады. Жақын күндері құрылысы басталады. Бұдан бөлек, 400 орындық емхананың да іргетасы қаланады.Тұрғындар сұранысына сәйкес соңғы екі жылда жергілікті бюджет қаржысына 225 жаңа санитарлық автокөлік, 45 жедел жәрдем көлігі алынып, пайдалануға берілді. Барлық елді мекендегі денсаулық сақтау мекемелері арнайы қызметтік автокөлікпен 100 пайыз қамтамасыз етілді.&nbsp;Кейінгі жылдары 24 медициналық нысан күрделі жөндеуден өткізілді, 15 млрд. теңгеге медициналық құрал-жабдықтар сатып алынды. Жабдықталу деңгейі 2022 жылы 83,2 пайыз болса, бүгінде бұл көрсеткіш 90,2 пайызға жетті.

Арал аудандық көпбейінді орталық ауруханасының жұқпалы аурулар бөлімшесі ашылды

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев, Парламент Сенатының депутаты Наурызбай Байқадамов, облыс прокуроры Ризабек Ожаров, жауапты сала басшылары Арал ауданындағы түйе сүтінен құрғақ ұнтақ шығаратын зауыт құрылысымен танысты.Жоба бастамашысы «Qazaq Camel» ЖШС 392 тонна өнім шығарады деп жоспарлануда. Зауыт құрылысына 3 млрд. теңге қаржы салынған. Оның 1,8 млрд. теңгесі мемлекет қолдауы, яғни жеңілдетілген несие, 1,2 млрд. теңгесі жеке қаражат есебінен. Осы жылдың наурыз айында іске қосылып, 23 адам жұмыспен қамтылады.Негізгі өндірістік ғимараттың құрылысы мен қондырғыларды орнату 90% аяқталған. Қазіргі таңда монтаждау жұмыстары жүргізілуде.<img src="https://knadmin.beoblood.kz/uploads/r_a_nta_s_ti_zauyt_3_b98349e476.jpg" alt="Құрғақ ұнтақ сүті зауыт 3.jpg">Аймақ басшысы осы жерде шаруа қожалықтары және шағын кәсіп иелерімен кездесіп, бастаған істі дамыту, өнім өндіру мен өңдеуді жолға қою мәселелерін талқылады. Бірінші кезекте сапаға мән беріп, өндіріс көлемін ұлғайту қажет екенін атап өтті.Еске салайық, өткен жылдың қорытындысымен өңдеу өнеркәсібі саласында 406,3 млрд.теңгенің өнімі өндіріліп, көрсеткіш 6,4%-ға өсті. Нақты айтсақ, тамақ өнімдерін өндіру 3,4%-ға, мұнай өңдеу өнімдерінің өндірісі 5,2%-ға, жиһаз өнеркәсібі 43,6%-ға, жеңіл өнеркәсіп 12,4%-ға, химия өнеркәсібі 2,7%-ға, құрылыс индустриясы 4,3%-ға, резеңке және пластмасса бұйымдар өндірісі 1,7%-ға артты.<img src="https://knadmin.beoblood.kz/uploads/r_a_nta_s_ti_zauyt_28246b4659.jpg" alt="Құрғақ ұнтақ сүті зауыт.jpg">

Аймақ басшысы түйе сүтінен құрғақ ұнтақ шығаратын зауыт құрылысымен танысты

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев, ҚР Парламент Сенатының депутаты Наурызбай Байқадамов, облыс прокуроры Ризабек Ожаров,зиялы қауым өкілдері мен ардагерлер Қазалы ауданының Әйтеке би кентіндегі &nbsp;теміржол арқылы өтетін аспалы көпірдің ашылу рәсіміне қатысты.Аймақ басшысы жиналған жұртшылықты құттықтап, жол инфрақұрылымын дамытудағы ауқымды жұмыстарды атап өтті.<img src="https://knadmin.beoblood.kz/uploads/azaly_aspaly_k_pir_3_9945062bbf.jpg" alt="Қазалы аспалы көпір 3.jpg"><blockquote>«Бурабайда өткен Ұлттық құрылтайда Президентіміз Қасым-Жомарт Кемелұлы: «Жер көлемі жөнінен әлемде тоғызыншы орын алатын еліміздің көлік-транзит саласында зор мүмкіндіктері бар. Бұл – айрықша назар аударуды талап ететін стратегиялық бағыт», – деген болатын. Осы мақсатта өңірімізде белсенді жұмыстар атқарылуда. Мемлекет басшымыздың, Үкіметтің ерекше қолдауымен 2022-2025 жылдары 1 600 шақырым автомобиль жолдары мен көшелерді, 30 көпір өткелін салуға, күрделі жөндеуге 150 млрд. теңгеге жуық қаржы бөлінді. Өткен жылдың өзінде жол инфрақұрылымын дамытуға бюджеттен 50 млрд. 605 млн. теңге қаралып, 329 шақырым автомобиль жолдары, көшелер мен көпір өткелдері жөндеуден өтуде. Қазалы вокзалы жанындағы 1,3 млрд теңгеге салынған теміржол үстінен өтетін аспалы көпір – осындай байыпты бастамалардың жалғасы. Бүгін ел игілігіне табысталатын жаяу жүргіншілерге арналған көпірді Әйтеке би кентінің арғы бетінде тұратын 13 мыңнан астам тұрғын қолданады. Бұл өткел арқылы &nbsp;2 мыңнан астам адам күнделікті әрлі-берлі қатынайды. Сондықтан да жұртшылықтың теміржолдан қауіпсіз әрі тез өтуіне тигізер пайдасы ұшан-теңіз. Көпірді сапалы етіп салып, мерзімінде аяқтаған мердігер &nbsp;«ҚазТеміржол Engineering» ЖШС-нің құрылысшыларына алғыс білдіреміз. Қуаныштарыңыз құтты болсын! Жаңа көпір &nbsp;жақсылықтың бастауы болғай!», &nbsp;– деді Нұрлыбек Машбекұлы.</blockquote><img src="https://knadmin.beoblood.kz/uploads/azaly_aspaly_k_pir_2_4b9b44eb19.jpg" alt="Қазалы аспалы көпір 2.jpg">Рәсімде «Құрмет» орденінің иегері, Қазалы ауданының құрметті азаматы, Оразғали Бекбанов бата берді. Теміржол саласында еңбек ететін мамандар мен көпір құрылысын салған мердігер мекеме өкілдері облыс әкімінің Алғыс хатымен марапатталды.<img src="https://knadmin.beoblood.kz/uploads/azaly_aspaly_k_pir_0111af9585.jpg" alt="Қазалы аспалы көпір.jpg">

Қазақстан және Қызылорда облысының басты жаңалықтары