<a href="https://kyzylorda-news.kz/">Kyzylorda-news.kz.</a> Синоптиктер Қазақстанда 2022 жылдың 9 қарашасына арналған ауа райы болжамын ұсынды.«Қазгидромет» РМК мәліметінше, республика аумағының басым бөлігінде қар жауады. Қазақстан Республикасының оңтүстігі мен оңтүстік-шығысында – қар аралас жаңбыр, оңтүстік-шығыста – қатты жауын-шашын болады.Республикада тұман, көктайғақ, жел күшейеді, солтүстікте – бұрқасын күтіледі.Алматы, Жетісу облыстарының таулы және тау бөктеріндегі аймақтарында қатты жаңбыр жауып, қар жауады.

Сәрсенбіге арналған ауа райы болжамы

<a href="https://kyzylorda-news.kz/">Kyzylorda-news.kz.</a> Қорқыт ата атындағы Қызылорда университетінде 31 қазанда Оңтүстік Кореядан келген делегациямен кездесу өтті. Жиында екі елдің білім беру саласындағы ынтымақтастығын нығайту мәселелері талқыланды.Кездесуде Қорқыт ата атындағы Қызылорда университетінің Басқарма Төрағасы – Ректоры Бейбіткүл Кәрімова қазіргі уақытта университет 170-тен астам шетелдік оқу орны, мәдени және ғылыми орталықтармен ынтымақтастық байланыста екенін атап өтті. Бұл елдердің ішінде Корея Республикасы ерекше орын алады.<blockquote>«Өткен жылы Корея университеттерімен ынтымақтастықты дамыту жобасы бойынша Корея Республикасы Білім министрлігі делегациясының қатысуымен онлайн кездесу өтті. Жиында университет Кореяның Білім министрлігіне ақпараттық технология мамандықтарын жаңғырту және динамикалық роботтық жүйелер зертханасын құру туралы ұсыныс жіберген болатын. Корея Республикасының Білім министрлігі Корея мен Қазақстан арасындағы жоғары білім саласындағы екіжақты ынтымақтастықты ілгерілету үшін 2023 жылы халықаралық ынтымақтастық бойынша жетекші университет (LUPIC) жобасын бастауды ұсынды. Бұл жобаны үйлестіруші университет ретінде Сеул ұлттық ғылым мен технология университеті таңдалды. Сеул ұлттық ғылым және технологиялар университетінің информатика және инжиниринг департаментімен бірлесіп «Жасанды интеллект және информатиканың жаңа мектебін және бизнес-инкубациялық орталықты құру» жобасы әзірленді», – деді Бейбіткүл Сәрсемханқызы.</blockquote>Университетте өткен кездесуде бюджет жөніндегі арнайы комиссияның төрағасы, Кореяның ұлттық қаһарманы, генерал Хон Бом До қоғамының төрағасы У Вон Сик Қорқыт ата атындағы Қызылорда университетінде Сеул ұлттық ғылым және технологиялар университеті &nbsp;инженерлік мектебінің филиалын кезең-кезеңімен ашу жоспарлануда екенін айтты.Бірінші кезеңде дайындық процесі жүргізіледі. Педагогикалық ұжымды, үш білім беру бағдарламасы бойынша студенттер контингентін (киберқауіпсіздік, информатика, жасанды интеллект), материалдық-техникалық және оқу-әдістемелік материалды базаны қалыптастыру (2022 жылғы желтоқсан – 2023 жылғы қазан).Екінші кезеңде бірлескен бағдарламалар тіркеліп, инженерлік мамандарды даярлау басталады (2023 жылдың қазаны – 2026 жылдың желтоқсаны).Сондай-ақ, 1937 жылы КСРО аумағынан Қызылордаға жер аударылған Кореяның ұлттық батыры Хон Бом Доның құрметіне университетте мұражайдың ашылатыны туралы келісім жасалды. Генерал Хон Бом До 1943 жылы 25 қазанда 75 жасында Қызылордада қайтыс болды. Айта кетейік, Қазақстан Республикасының Президенті Қасым-Жомарт Тоқаев 2021 жылғы 17 тамызда Оңтүстік Кореяға ресми сапары барысында Корей халқының ұлттық қаһарманы Хон Бом Доны еске алуға арналған рәсімге қатысты. Өз сөзінде Кореяның ұлттық қаһарманы генерал Хон Бом До сүйегінің тарихи отанына қайтарылуы Қазақстанның корей халқына деген шынайы құрметінің көрінісі деп атады.Сеул ұлттық ғылым және технологиялар университетімен бірлесіп жұмыс жүргізу Қызылорда облысының және жалпы еліміздің экономикалық және цифрлық дамуына үлкен үлес қосады.Кездесу барысында Кореядан келген делегация университет кітапханасындағы «Қолжазбалар және сирек кітаптар» бөлімінің қорымен танысты. Корей тіліндегі сирек кітаптар мен қолжазбалар қонақтардың үлкен қызығушылығын тудырды.Айта кету керек, университетте 1992 жылдан бері Корея Республикасы Елшілігінің Білім беру орталығы мен Корея халықаралық ынтымақтастық агенттігінің волонтер оқытушылары жұмыс істейді. Корей тілі бағдарламасы ашылғаннан бері Кореядан келген 20-дан астам оқытушы 2 жыл жұмыс істеп, студенттерге корей тілі мен мәдениетін үйретті. Қазіргі уақытта «Шетел тілдері және аударма» кафедрасында 2 волонтер оқытушы жұмыс істейді. <img src="https://knadmin.beoblood.kz/uploads/313973469_3272644289618750_2524924202688675397_n_9ef5f8a233.jpg" alt="313973469_3272644289618750_2524924202688675397_n.jpg"><img src="https://knadmin.beoblood.kz/uploads/313404662_3272644316285414_6282083756553580855_n_8d2d971cfd.jpg" alt="313404662_3272644316285414_6282083756553580855_n.jpg"><img src="https://knadmin.beoblood.kz/uploads/313406261_3272644469618732_774568477103548352_n_a74425d28a.jpg" alt="313406261_3272644469618732_774568477103548352_n.jpg"><img src="https://knadmin.beoblood.kz/uploads/314111524_3272644309618748_2114240518547152680_n_cbb85038d3.jpg" alt="314111524_3272644309618748_2114240518547152680_n.jpg"><img src="https://knadmin.beoblood.kz/uploads/313425060_3272644482952064_3454866960048653188_n_4a9531c2d6.jpg" alt="313425060_3272644482952064_3454866960048653188_n.jpg"><img src="https://knadmin.beoblood.kz/uploads/313216557_3272644502952062_7595878026329340189_n_4868174431.jpg" alt="313216557_3272644502952062_7595878026329340189_n.jpg">

Қызылордада Сеул ұлттық ғылым және технологиялар университетінің инженерлік мектебі филиалын ашу жоспарлануда

<a href="https://kyzylorda-news.kz/">Kyzylorda-news.kz.</a> Облыс әкімі Нұрлыбек Нәлібаев аймақта 10 ай ішіндегі бюджеттің игерілу барысы мен еңбек көрсеткіштерін саралап, Ел Президенті, Үкіметі, облыс әкімінің тапсырмаларын орындау бойынша бағдарлы жиын өткізді.Облыстық экономика және қаржы басқармасының басшысы Нұрғали Қордабай өз баяндамасында жылдың 10 айында облыс бюджетінің игерілуі 99%-ды құрағанын мәлімдеді.Бюджет қаражатын игеру бағытында Қызылорда облысы республикада екінші орында. Дегенмен, бөлінген қаржыны уақытылы игеруде бірқатар ауданда жұмыс баяу жүруде. Мәселен, Арал, Қармақшы, Жалағаш және Жаңақорған аудандары тиісті көрсеткішке толыққанды қол жеткізе алмауда. Ал, басқармалар бойынша білім, жұмыспен қамту және әлеуметтік бағдарламалар, денсаулық сақтау, ауыл шаруашылығы мен жер қатынастары, энергетика және тұрғын үй-коммуналдық шаруашылық басқармалары тарапынан қаражат толық игерілмеген.Аймақ басшысы мемлекеттің қаржысы өз мерзімінде әрі сапалы игерілуі керек екенін баса айтып, жұмысты уақытылы үйлестіре алмаған Қармақшы ауданы әкімі Әділбек Ерсұлтанов пен оның орынбасарына сөгіс жариялады. Өзге де аудан әкімдері мен бірқатар басқарма басшыларына ауызша ескерту берді. Бұл ретте қаржы саласына жауапты облыс әкімінің орынбасары Нұрымбет Сақтағановқа ескерту жасап, бюджет қаржысын мақсатты түрде игеру жұмыстарын бақылауға алуды, бірінші басшылардың жауапкершіліктерін қатаң қарауды тапсырды.Тағы бір мәселе - 2021-2025 жылдарға арналған Қызылорда облысының даму жоспарын орындау. Стратегиялық көрсеткіштер картасында өңірге бекітілген 122 нысаналы индикатордың ішінде көрсеткіштердің орындалмай қалу қаупі бар 3 басқармаға тиісті ескерту жасалды.Тарқатып айтқанда, ауыл шаруашылығы басқармасы шаруаларға қажетті техникаларды сатып алу жұмыстарын, денсаулық сақтау басқармасы ана мен бала өлімінің алдын алу, кәсіпкерлік және өнеркәсіп басқармасы өңірде орта кәсіпкерліктің үлесін көбейту жұмыстарын сапалы аяқтауы тиіс.Облыс әкімінің бірінші орынбасары Серік Қожаниязовқа индикаторлардың уақытылы орындалуын қатаң бақылауды тапсырды.Облыс әкімі Нұрлыбек Нәлібаев аталған басқарма басшыларына жұмысты әлі де ширату қажет екенін тағы бір еске салды.Облыс әкімі аппаратының басшысы Шахмардан Байманов облыс әкімінің хаттамалық тапсырмаларының орындалу барысы бойынша баяндама жасап, талдаулар ұсынды.Мәселен, Қызылорда қаласын көркейту-көгалдандыру бағытында қоқыс тасымалдайтын арнайы техникалар алу жұмыстары әлі де кешігуде. Сол жағалау аймағының көшелерін жарықтандыру бағаналарының қолды болғаны аймақ басшысының сынына ілікті. Көпқабатты тұрғын үйлердің жобалық құжаттамасын жасау жұмыстары уақытылы орындалмаған, аяқ сумен қамтамасыз етуге қосымша құдықтар қазу тапсырмасы да өз деңгейінде атқарылмауда.Облыс әкімі қала аумағында қатынайтын қоғамдық көліктерді сатып алу процестерінің баяу жүруін сынға алды. Осы кезге дейін алынуы тиіс 150 қоғамдық көліктің тек 60-ы ғана әкелінген. Бұған дейін де тапсырма ретінде берілген автовокзал салу жұмыстарына инвестор табу мәселесі де шешімін таппай тұр. Облыс әкімі өзекті мәселелерді өз уақытында орындай алмағаны үшін орынбасары Мархабат Жайымбетовке қатаң ескертіп, қала әкімі Асылбек Шәменовке және құрылыс, сәулет және қала құрылысы басқармасының басшысы Ерлан Төралиев пен энергетика және тұрғын үй коммуналдық шаруашылық басқармасының басшысы Руслан Нұрмағанбетовке сөгіс жариялады.<blockquote>«Мархабат Жайымбетұлы, Сіз қаланың кураторы ретінде тапсырылған жұмыстың сапалы аяқталуына тікелей жауаптысыз!Аймақ басшысы болып келген сәттен бастап қоғамдық көлік жеткіліксіздігін алға тартып, қажетті қаражат та бөлдім. Содан бері 7 ай болды ғой, жұмысты үйлестіре алмай келесіздер. Халыққа уәде етілген мәселе уақытылы орындалуы керек. Сылбыр қимылдайсыздар. Қаржысы шешілген бойда нақты әрекет-амалдарын қарастыру Сіздердің міндеттеріңіз. Өкінішке қарай, жұмыс көңіл көншітпейді. 20 қарашаға дейін кемшіліктеріңізді түзеп, нақты жұмыс істеңіздер»,- деді Н.Нәлібаев орынбасары М.Жайымбетов пен қала әкімі А.Шәменовке.</blockquote>Отырыста Байқоңыр қаласының мәселесі де шет қалмады. Мұнда 50 пәтерлі 5 тұрғын үй құрылыстарының жұмысы баяу жүргізілуде. Облыс әкімі тұрғын үйлерді салу іркіліссіз жүруі қажет екенін қаперге салып, өз орынбасары Қайрат Нұртай мен аудан әкімі Әділбек Ерсұлтановқа жұмыстың сапалы әрі уақытылы орындалуына баса мән беру керектігін тапсырды.Нұрлыбек Нәлібаев ауылдық жердегі әкімдер, учаскелік инспекторлар мен мектеп директорларының сол аумақта тұруы міндетті екенін осы кезге дейін де айтқан. Облыс әкімі бұл талап халықтың өтініші негізінде ескерілгенін жеткізді. Дегенмен, аудан әкімдері тарапынан және тиісті мекеме, орган басшыларынан бұл тапсырма әлі күнге дейін толық орындалмауда. Мәселен, Сырдария, Жаңақорған, Шиелі аудандарындағы ауыл әкімдері өзі қызмет атқаратын аймағында тіркеліп қойғанымен, шын мәнінде аудан орталығынан немесе келесі ауылдық округтен қатынап жұмыс істейтіндігі анықталды.<blockquote>«Президент тапсырмасы аясында ауыл-ауылдарды аралап, халықпен кездескен сайын үнемі тұрғындар ауыл әкімі мен учаскелік инспекторлардың жұмысына жиі шағым айтады. Оқыс оқиғалар орын алған сәтте, инспекторды да, ауыл әкімін де таппаймыз дейді. Мұның бәрі жұмысты қатынап істеудің салдарынан туындайды. Халықтың шынайы талап-тілегін ескергеннен кейін мұндай тапсырма берілді. Бірақ, нәтиже жоқ. 20 қарашаға дейін тапсырма орындалмаса, аудан әкімдерінің жұмысы қатаң қаралып, тиісті шешімдер қабылданады. Біз халықтың өтінішін орындауға тиістіміз! Тұрғындар өз мәселесіне лайықты деңгейде жауап ала алмағандықтан, амалсыз әлеуметтік желіде мәселе көтереді. Реті келсе, заң аясында шешімін табуға ықпал жасап, халықпен сындарлы диалог орнатылуы керек.Сіздерге қызмет сеніп тапсырылды, халық үшін атқаруға тиіс жұмыстарыңыз мүлтіксіз орындалуы қажет.Шахмардан Асқарұлы, берілген тапсырмалардың уақытылы әрі сапалы орындалуына бақылау жасау аппараттың тікелей міндеті. Жұмысты күшейтіңіздер!», - деді аймақ басшысы.</blockquote>Жиында қаралған әрбір мәселе облыс әкімінің тікелей бақылауында болады. Алдағы кезде өзекті мәселелер жеке-жеке қаралады.<img src="https://knadmin.beoblood.kz/uploads/314733937_425028753151708_2628012802609050083_n_c71e127cf2.jpg" alt="314733937_425028753151708_2628012802609050083_n.jpg"><img src="https://knadmin.beoblood.kz/uploads/314844931_425028816485035_4894141874035594366_n_29c66b240b.jpg" alt="314844931_425028816485035_4894141874035594366_n.jpg">

Нұрлыбек Нәлібаев: Уәде - орындалуымен құнды

<a href="https://kyzylorda-news.kz/">Kyzylorda-news.kz.</a> Синоптиктер еліміз бойынша 2022 жылғы 8 қарашаға арналған ауа райы болжамын ұсынды."Қазгидромет" РМК мәліметінше, Қазақстанның басым бөлігінде қар жауып, республиканың оңтүстігінде, оңтүстік-шығысында жауын-шашын мол болады.Республика бойынша тұман, көктайғақ, желдің күшеюі күтіледі.Түркістан, Жамбыл, Алматы, Жетісу облыстарының таулы және тау бөктеріндегі аймақтарында жаңбыр, қар жауады.Астанада көшпелі бұлт шығады, кей жерлерде қар жауады. Түнде және таңертең тұман. Солтүстік-батыстан 2-7 м/с жел соғады. Ауа температурасы түнде -4...-6°С, күндіз -1...-3°С.Алматыда күн бұлтты, жаңбыр жауады. Оңтүстік-батыстан 3-8 м/с жел соғады, екпіні 12 м/с болады. Ауа температурасы түнде +3...+5°С, күндіз +5...+7°С.Шымкентте күн бұлтты, түнде кей уақытта қатты жауын-шашын (жаңбыр, қар) болады, тұман түседі. Ауа температурасы түнде +1...+3°С, күндіз +3...+5°С.

8 қарашада Қазақстанда жаңбыр, қар жауып, көктайғақ болады

<a href="https://kyzylorda-news.kz/">Kyzylorda-news.kz.</a> Биыл Қазақстанның мемлекеттік статистикасына – 102 жыл толды. Қазіргі кезде статистикалық жүйені құру және оны одан әрі цифрландыру мақсатында баламалы ресурстар пайдалануда. Бұл өз кезегінде тиімді деректерді жинауға септігін тигізбек.&nbsp;Бүгін Өңірлік коммуникациялар қызметінде өткен брифингте облыстық статистика департаменті басшысының міндетін атқарушы Гүлмира Нұрқабылова жыл басынан бері атқарылған жұмыстарды баяндады.<blockquote>«Қай кезеңде де статистиканың негізгі міндеті – азаматтарды толық, нақты, жедел ақпаратпен қамтамасыз ету болып табылады. Биыл 135 жалпымемлекеттік статистикалық байқау бекітілген болатын. Осыған сәйкес, әртүрлі салалар бойынша 8 жаңа статистикалық жұмыстар жүргізілді. Атап айтқанда, жеке кәсіпкерлерге, мұнай өндіруші және мұнай өңдеуші кәсіпорындардың қызметі мен ауыл шаруашылығы саласына қатысты болды. Жалпы жүргізілген статистикалық мәліметтерге сүйенсек, жыл басынан бері облыста құрылыс саласы 35,1 пайызға, өңдеу өнеркәсібі &nbsp;8,6 пайызға, ауыл шаруашылығы 3,1 пайызға, сауда 2,3 пайызға артқаны байқалады. Сондай-ақ негізгі капиталға салынған инвестиция көлемі &nbsp;24,0 пайызға өскен. Ал әлеуметтік-экономикалық дамудың негізгі көрсеткіштері бойынша облыстың барлық аудандарында оң динамика қалыптасты. Сонымен қатар, орман және балық шаруашылығы саласы 3,1 пайызға жоғарылап, өнім көлемі артты», - деді Гүлмира Жеткергенқызы.</blockquote><figure class="image"><img src="https://knadmin.beoblood.kz/uploads/314448112_1660647577664081_315097116506480576_n_8639f517f9.jpg" alt="314448112_1660647577664081_315097116506480576_n.jpg"></figure>

Биыл мемлекеттік статистикаға -102 жыл

<a href="https://kyzylorda-news.kz/">Kyzylorda-news.kz.</a> Аймақ басшысы Нұрлыбек Нәлібаевтың тапсырмасына сәйкес облыс әкімінің орынбасары Мархабат Жайымбетов Қазалы ауданына жұмыс сапарымен келіп, бірқатар құрылыс нысандарын аралады.Қазалы ауданында Мархабат Жайымбетұлы аялдаған алғашқы нысан Әйтеке би кентіндегі автоматтандырылған электронды емтихан алаңы болды. Қазіргі таңда электронды емтихан алаңының құрылысы қарқынды жүргізіліп жатыр. Мердігер мекеме «Болашақ» ЖШС тиісті жұмыстарды жақын күндері аяқтайды. Құрылыс жұмыстары аяқталған соң бұл жерден қазалылықтармен қатар, көршілес Арал және Қармақшы ауданының тұрғындары жүргізуші куәліктерін алатын болады.Мұнан соң Жалаңтөс батыр, Қ.Пірімов және Басықара ауылдарына арнайы барып, газдандыру жұмыстарының барысымен танысты.Бүгінгі күні 3 елді мекенді көгілдір отынға қосу жұмыстары аяқталуға таяу қалды. Мердігер мекеме жоғарғы ауа қысымымен тексеріп сынау, үрлеп-тазалау жұмыстарын жүргізуде. Бұл жұмыстар аяқталған соң жүргізілген газ құбырлары «Қаз Транс Газ Аймақ» АҚ теңгеріміне беріліп, елді мекен тұрғындары табиғи газдың игілігін көретін болады.Қазалы ауданында елдің игілігіне берілетін тағы бір нысанның қатарында Қазалы қаласындағы балабақша ғимараты да бар. Бұл нысан 140 бүлдіршінге арнап салынған. Заманауи талаптарға сай салынған ғимаратқа «Өрімтал» балабақшасының бүлдіршіндері қоныс аударатын болады.Облыс әкімінің орынбасары Мархабат Жайымбетов ауданға сапары кезінде Қазалы қаласы мен Әйтеке би кенті аралығындағы жолды кеңейту, Басықара каналына салынып жатқан көпір, аудан орталығындағы 250 орындық мектеп пен 6 көпқабатты тұрғын үйлердің аумағын абаттандыру жұмыстарын да бақылап, атқарылуы тиіс істер белгіленген кестеден кешуілдеп жатқанын сынға алды.&nbsp;Тиісті сала басшылары мен мердігер мекеменің жауапты қызметкерлеріне құрылыс жұмыстарын тез арада сапалы аяқтауды тапсырды. Сондай-ақ, теміржол вокзалына да арнайы барып, тазалығы мен жұмыс тәртібін қадағалады. Теміржол вокзалы ауданның айнасы саналатындыктан мұнда тазалық мәселесі бiрiншi орында болуы қажеттігін тапсырды.&nbsp;Облыс әкімі орынбасарының Қазалыға іссапары кезінде аудан әкімі Мұхтар Оразбаев пен бірқатар басқарма басшылары бірге жүріп, аралау барысында туындаған сұрақтарға жауап берді.<img src="https://knadmin.beoblood.kz/uploads/314467234_3505834649637457_3922236297561380854_n_189ba9b8b9.jpg" alt="314467234_3505834649637457_3922236297561380854_n.jpg"><img src="https://knadmin.beoblood.kz/uploads/314409169_3505834952970760_1613095031926595143_n_673b0bd266.jpg" alt="314409169_3505834952970760_1613095031926595143_n.jpg"><img src="https://knadmin.beoblood.kz/uploads/314343993_3505834682970787_1368413491261113796_n_bc77bd012b.jpg" alt="314343993_3505834682970787_1368413491261113796_n.jpg"><img src="https://knadmin.beoblood.kz/uploads/314415206_3505835062970749_6030452768372477260_n_3a6faf7b45.jpg" alt="314415206_3505835062970749_6030452768372477260_n.jpg"><img src="https://knadmin.beoblood.kz/uploads/314776973_3505835026304086_2838705407472524096_n_7b2ddce299.jpg" alt="314776973_3505835026304086_2838705407472524096_n.jpg"><img src="https://knadmin.beoblood.kz/uploads/314360808_3505834769637445_4124453915867243246_n_901e2b288d.jpg" alt="314360808_3505834769637445_4124453915867243246_n.jpg"><img src="https://knadmin.beoblood.kz/uploads/313981583_3505835152970740_6000798578388014912_n_41a56d6e67.jpg" alt="313981583_3505835152970740_6000798578388014912_n.jpg"><img src="https://knadmin.beoblood.kz/uploads/314341230_3505835246304064_8883386698776337542_n_c6c8f1f12f.jpg" alt="314341230_3505835246304064_8883386698776337542_n.jpg"><img src="https://knadmin.beoblood.kz/uploads/313865760_3505834866304102_2227474620914166191_n_01fe43f7c3.jpg" alt="313865760_3505834866304102_2227474620914166191_n.jpg"> &nbsp;

Қазалыда құрылыс жұмыстары қарқынды

<a href="https://kyzylorda-news.kz/">Kyzylorda-news.kz.</a> Атмосфералық фронтальды бөлімдердің өтуімен ҚР бүкіл аумағында ауа-райы тұрақсыз болады, деп хабарлайды Қазгидромет.&nbsp;Кей өңірлерде жауын-шашын жаңбыр мен қар түрінде болады, еліміздің оңтүстігінде қатты жаңбыр күтіледі. Республика бойынша тұман, жел солтүстігінде жаяу бұрқасынмен күшейеді, солтүстігінде, шығысында, орталығында көктайғақ күтіледі.

7 қарашаға арналған ауа райы болжамы

<a href="https://kyzylorda-news.kz/">Kyzylorda-news.kz.</a> Аймақ басшысы Нұрлыбек Нәлібаевтың тапсырмасына сәйкес облыс әкімінің орынбасары Мархабат Жайымбетов Арал ауданында болып, бірқатар құрылыс нысандарының жұмысымен танысты.Алдымен, Арал қаласындағы №6 мөлтек ауданындағы инженерлік инфрақұрылым жүргізу жұмыстарының барысын көрді. Мұндағы электр желісінің құрылысын «КРЭК» АҚ, су құбыры желісінің құрылысын «Жанарту» ЖШС жүргізуде. Екі жобада республикалық бюджеттен қаржыландырылды. Қазіргі таңда шағын ауданның құрылыс-монтаждау жұмыстары өз деңгейінде атқарылуда.Мұнан соң, облыс әкімінің орынбасары Сексеуіл кентіне барып, газ жеткізу құбырының және кварталішілік газ тарату желілерінің құрылысын көрді. Бүгінде кент аумағында газ құбырын салу жұмыстары қарқынды жүргізілуде. 40 000 метрді құрайтын кентішілік газ желісін тартуға 5 трактор және 18 қызметкер жұмылдырылған. Бас мердігер – «AKBARS STROY LTD» ЖШС болып табылады.Іссапар Жіңішкеқұм ауылдық округіне қарасты Тоқабай елдімекенінде жалғасты. Аталған елдімекенде апатты деп танылған №248 орта мектебі жеке кәсіпкердің демеушілігі есебінен қайта салынуда. Мархабат Жайымбетұлы қазіргі уақытта мердігер мекеме тарапынан жүргізіліп жатқан құрылыс жұмыстарының барысын көрді.Облыс әкімінің орынбасары Жақсықылыш кентіндегі денешынықтыру және сауықтыру кешенінде болды. Қазіргі кезде тоқтап қалған құрылыс нысанының жұмыстары қайта жанданып, орындаушы мекеме тарапынан жұмыстар тиісті деңгейде жүргізілуде.Іссапар соңы «Ауыл - ел бесігі» жобасы аясында салынып жатқан Қамыстыбас елді мекеніндегі денешынықтыру және сауықтыру кешенінде қорытындыланды. Мұндағы құрылыс жұмыстарын бағамдаған Мархабат Жайымбетов тиісті салалық басқарма басшылары мен мердігер мекемеге нысанды талапқа сай сапалы етіп жуық арада аяқтауды тапсырды.Барлық нысандар бойынша тапсырыс беруші облыстық басқарма басшыларына, аудан әкімдігіне, мердігер мекемелердің басшыларына құрылыстарды уақытында бітіріп, сапасына үлкен жауапкершілікпен қарауды жүктеді. &nbsp;<img src="https://knadmin.beoblood.kz/uploads/22_4313add52e.jpg" alt="22.jpg"><img src="https://knadmin.beoblood.kz/uploads/23_79eeca6f73.jpg" alt="23.jpg"><img src="https://knadmin.beoblood.kz/uploads/21_ba98cdf6da.jpg" alt="21.jpg"><img src="https://knadmin.beoblood.kz/uploads/19_6f94a6a229.jpg" alt="19.jpg"><img src="https://knadmin.beoblood.kz/uploads/18_de9fc9bd2e.jpg" alt="18.jpg">

Облыс әкімінің орынбасары Арал ауданындағы құрылыс нысандарын аралады

Kyzylorda-news.kz. Синоптиктер 6 қарашада Астанада мен еліміздің 10 облысында қолайсыз ауа райына байланысты ескерту жариялады, деп хабарлайды «Қазгидромет» РМК.Астанада оңтүстік батыстан, батыстан жел соғады деп күтіледі, екпіні - 15 м/с.Ақмола облысының солтүстігінде көктайғақ болып, қар ұшқындап, боран соғады деп болжанады. Түнде өңірдің басым бөлігінде, күндіз шығыста оңтүстік батыстан, батыстан 15-20 м/с жылдамдықпен жел соғады. Көкшетауда түнде және таңертең қар ұшқындап, жолдарда көктайғақ болады. Түнде батыстан соққан желдің екпіні 15-20 м/с құрайды.Маңғыстау облысының түнде оңтүстік батысында, күндіз оңтүстік шығысында қатты жаңбыр жауады. Облыстың солтүстігі, оңтүстігі, батысында солтүстік шығыстан оңтүстік шығысқа ойыса жео соғады, екпіні - 15-20 м/с. Ақтауда күндіз оңтүстік шығыстан солтүстік шығысқа ойыса соққан желдің екпіні 15-18 м/с құрайды.Түнде және таңертең Ақтөбе облысының солтүстігінде тұман түседі. Ақтөбеде таңертең тұман болады.Түнде Қарағанды облысының шығысында тұман түседі.Түркістан облысының солтүстігінде, оңтүстігінде, таулы аймақтары мен тау бөктерінде тұман түседі. Тау асуларында ұйытқи соққан желдің екпіні 15-20 м/с жетеді.Түнде Жетісу облысының солтүстігінде, оңтүстігінде және таулы аймақтарында тұман түседі. Алакөл ауданы маңында солтүстік-шығыстан соққан желдің екпіні 15-20 м/с, кей тұста 23-28 м/с жетеді.Түнде Солтүстік Қазақстан облысының басым бөлігінде қар жауады. Облыстың солтүстігінде, оңтүстігінде, шығысында көктайғақ болып, қар ұшқындап, боран соғады. Түнде батыстан соққан желдің екпіні 15-20 м/с, кей тұста 23-28 м/с құрайды, күндіз облыстың солтүстігінде, шығысында соққан желдің екпіні 15-20 м/с жетеді. Петропавлда. &nbsp;

Жексенбіде еліміздің басым бөлігінде тұман, боран, көктайғақ болады

<a href="https://kyzylorda-news.kz/">Kyzylorda-news.kz.</a>&nbsp;Президенттікке кандидат Қасым-Жомарт Тоқаевтың Республикалық қоғамдық штабының сайлаушылармен кездесуі Қызылорда облысында жалғасты.Мәселен, кәсіпкерлермен және аграрлық сектордың өкілдерімен болған кездесуде РҚШ мүшелері өңірлердегі көлік және әлеуметтік инфрақұрылымды дамыту мәселелерін талқылады.<blockquote>«Әділетті Қазақстан: бәріміз және әрқайсымыз үшін. Қазір және әрдайым» деп аталатын сайлауалды бағдарламаға сәйкес, алдағы 7 жылда республикалық маңызы бар 8 мың шақырым және облыстық, аудандық маңызы бар 14 мың шақырым автожолдың сапалы салынуы мен жөнделуін қамтамасыз етіледі. Сондай-ақ, барлық республикалық және негізгі облыстық автожолдар сапалы ұялы және интернет-байланыспен қамтылады», – деді Республикалық қоғамдық штабтың басшысы Ерлан Қошанов.</blockquote>Бағдарламада әлеуметтік инфрақұрылымға ерекше көңіл бөлінді. Оқуға қолайлы жағдайы бар 1,5 млн оқушы орны енгізіледі. Жыл сайын шағын қала, аудан орталығы мен ауылдағы кемінде мыңнан астам мектеп заман талабына сай жаңартылады. Сонымен қатар, ауылдық жерде жаңа жабдықпен жарақталған, білікті медицина қызметкерінен жасақталған 700 жаңа медициналық нысан ашылады.Осы күні Қызылордадағы жылу электрорталығының ұжымымен кездесу өтті. Кездесу барысында РҚШ мүшелері кандидат ұсынған коммуналдық шаруашылық саласындағы реформалар туралы айтты.Ыстық сумен жабдықтау және сутарту желілерінің тозу көрсеткіші кезең-кезеңімен 40%-ға дейін төмендейді. Барлық өңірде тұрғын үй-коммуналдық инфрақұрылым жаңғыртылады. Сондай-ақ, кандидаттың сайлауалды бағдарламасында «инвестиция үшінтариф» қағидаты бойынша ТКШ саласына жаңа инвестиция тарту көзделуде.РҚШ мүшелері айтыскерлермен әңгімелесіп,мәдениет пен өнер саласындағы мәселелерді талқылады. Қасым-Жомарт Тоқаев ұсынған әділдік, тұрақтылық құндылықтары барша қазақстандықтарды біріктіреді, дейді айтыс ақындары.Әңгімелесу барысында олар мәдениет пен өнерді дамытуға, сондай-ақ Қазақстанды халықаралық аренада бейбіт, ізгі әрі толерантты мемлекет ретінде ілгерілетуге бағытталған сайлауалды бастамаларды қолдайтындарын атап өтті.Қызылорда облысындағы барлық кездесуде сайлаушылар 20 қарашада өтетін президент сайлауында Қасым-Жомарт Тоқаевтың кандидатурасына дауыс беруге дайын екендерін жеткізді. &nbsp;Әзірленді: Республикалық қоғамдық штаб&nbsp; Тапсырыс беруші: М. Ж. Оспанов&nbsp; Қазақстан Республикасы Президенттігіне кандидат Қ. К. Тоқаевтың сайлау қорының қаражатынан төленді<img src="https://knadmin.beoblood.kz/uploads/21_d867581514.jpeg" alt="21.jpeg">

Қасым-Жомарт Тоқаевтың бағдарламасы – 22 мың шақырым автожолды жөндейміз және саламыз

<a href="https://kyzylorda-news.kz/">Kyzylorda-news.kz.</a> Бүгін Қызылорда қаласында Қармақшы ауданының ауыл шаруашылығы өнімдерін өндірушілерінің қатысуымен жәрмеңке өтті.&nbsp;Жәрмеңкеге 50-ден астам жүк көлігімен 100 тоннадан жоғары ауыл шаруашылығы өнімдері әкелініп, нарық бағасынан төмен бағада сатылуда. Атап айтқанда, 20 тоннадан астам күріш, 60 тонна шамасында бақша өнімдері, 7 тоннаға жуық ет пен балық өнімдері, кондитер және бакалея өнімдері, 220 кг сүт өнімдері, 16 тонна жем шөп, 10 бас тоқты жеткізілді.Бүгін де мұнда сауда жасауға келген қызылордалықтардың қатары көп болды. Басым бөлігі бақша өнімдерін көптеп сатып алды. Ал ер кісілер жағы балық қойылған сөреге келгенде кілт тоқтайды. Тіпті мал азығын да молынан алып жатқан шаһар тұрғындары көптеп кездеседі.&nbsp;«Қазір нарықтағы кез келген өнімнің бағасы аспандап тұр. Оған кінәлі де өзіміз. Кез келген жерде өндірушіден тұтынушы көп болса, нарық құбылатыны заңдылық. Ала жаздай күтіп-баптағаннан өнімді сатып алғанды жөн көреміз. Біз секілді қала тұрғындарына жер мәселесі қиын, болмаса өзім де ішіп-жейтін бақша өнімдерін егіп, оны күтіп-баптауға қарсы емеспін. Бірақ ауламда мал ұстап отырмын. Осында ауыл шаруашылығы жәрмеңесі қаламызда жиі ұйымдастылса жақсы ғой. Өнімдердің бағасы қалтаға қонымды, сапасы да тәуір», &nbsp;– дейді қала тұрғыны.&nbsp;Жәрмеңкеге жарыса жүгірген жұртшылық қыс азығын қамдап, керекті өнімдерін алып, үйді-үйге жақсы көңіл күймен тарасуда.<img src="https://knadmin.beoblood.kz/uploads/6_efced7fc9d.jpg" alt="6.jpg"><img src="https://knadmin.beoblood.kz/uploads/10_2af8840caf.jpg" alt="10.jpg"><img src="https://knadmin.beoblood.kz/uploads/9_b8a1c01ca0.jpg" alt="9.jpg"><img src="https://knadmin.beoblood.kz/uploads/8_6537001096.jpg" alt="8.jpg">

Қызылордада Қармақшы ауданының жәрмеңкесі өтті

<a href="https://kyzylorda-news.kz/">Kyzylorda-news.kz.</a> Қазақстанның барлық аумағында ауа райы тұрақсыз болады, деп хабарлайды Қазгидромет.&nbsp;Кей өңірлерде қар аралас жаңбыр жауады. Республика бойынша тұман түсіп, жел күшейеді, солтүстік-батыста, солтүстікте жаяу бұрқасын, батыста, солтүстік-батыста, солтүстікте көктайғақ күтіледі.

Қазақстан және Қызылорда облысының басты жаңалықтары