Kyzylorda-news.kz. Бүгін Қазалы ауданының орталығы – Әйтеке би кентінде мемлекет және қоғам қайраткері Елеу Көшербаевты еске алуға арналған грек-рим күресінен жастар арасындағы ХVІ дәстүрлі халықаралық турнир басталды.Байрақты бәсекеге Нұр-Сұлтан, Алматы, Шымкент қаласы және Қазақстанның өзге де облыстарынан келген 200-ге тарта балуан бозкілемде бақтарын сынауда.Турнирдің ашылу салтанатында облыстық мәслихат хатшысы Наурызбай Байқадамов құттықтау сөз сөйлеп, жас ұрпақ үшін дүбірлі доданың маңызы жоғары екенін тілге тиек етті. Сонымен қатар, Қызылорда облысының әкімі Нұрлыбек Нәлібаевтың «Құттықтауын» жеткізді.Мұнан соң Халықаралық жекпе-жек конфедерациясының вице-президенті Усман Дигаев, Қазалы ауданының құрметті азаматы Айтбай Көшербаев құттықтау сөйлеп, жарысқа қатысушыларға сәттілік тіледі.Ал, облыстық мәдениет және спорт басқармасы басшысының спорт жөніндегі орынбасары Асылжан Жаманқұл ҚР мәдениет және спорт министрі Дәурен Абаев пен даңқты балуан, ҚР грек-рим, еркін және әйелдер күресі федерациясының президенті Дәулет Тұрлыхановтың жеделхатын табыстады.Айта кетейік, байрақты бәсеке Әйтеке би кентіндегі №17 Қазалы ауданының олимпиадалық резервтің мамандандырылған балалар-жасөспірімдер мектебінде өтіп жатыр. Халықаралық турнир 1 желтоқсанға дейін жалғасады.<img src="https://knadmin.beoblood.kz/uploads/FB_IMG_1669717632911_819a2ddf96.jpg" alt="FB_IMG_1669717632911.jpg"><img src="https://knadmin.beoblood.kz/uploads/FB_IMG_1669717626157_9458e3ec0b.jpg" alt="FB_IMG_1669717626157.jpg">

Елеу Көшербаевты еске алуға арналған грек-рим күресінен  халықаралық турнир басталды

<a href="https://kyzylorda-news.kz/">Kyzylorda-news.kz.</a>&nbsp; Жаңақорған ауданында «Балалар жылына» орай үстел теннисінен 10-14 жастағы ұл-қыздар арасындағы ашық біріншілік ұйымдастырылды.&nbsp;Тартысты додада үздік нәтиже көрсеткен Қызылорда облысының № 4 олимпиадалық резерві мамандырылған балалар мен жасөспірімдер мектебінің құрама командасы І-ші орын алды. ІІ-ші орынға Жаңақорған ауданының құрама командасы орналасса, ІІІ-ші орын &nbsp;Төменарық ауылдық округінің командасына бұйырды.<blockquote>«Мұндай жарыстарға бірнеше мәрте қатыстым, бірақ осындай деңгейдегі турнирден алғаш бірінші орын алуым. Қарсыластарымды жеңіп, чемпион атанғаныма өте қуаныштымын. Алдағы уақытта бапкерімнің үмітін ақтап, республикалық сайыста да жеңімпаз болғым келеді. Менің қабілетімді байқап, спортқа бағыттаған ата-анама да алғысым шексіз. Олар үнемі менің қолдаушым болып жанымнан табылады», - дейді ойыншылардың бірі Айзере Ермұратова.</blockquote>Сондай-ақ, Қызылорда облысы құрама командасының бапкері Ернар Ибрай «Үздік жаттықтырушы» номинациясымен марапатталды.&nbsp; Мұнан бөлек, кейбір жеке ойыншылар «Ең жас ойыншы», «Үздік ойыншы» номинациясында марапатталды.Жарыс қорытындысымен жүлделі орындарға ие болған 7 үздік ойыншы Алматы қаласында өтетін турнирге жолдама алды.<figure class="image"><img src="https://knadmin.beoblood.kz/uploads/sport_2_5a6ec2f363.jpg" alt="спорт 2.jpg"></figure><img src="https://knadmin.beoblood.kz/uploads/sport3_43c3795354.jpg" alt="спорт3.jpg">

Жаңақорған ауданында үстел теннисінен ашық біріншілік өтті

<a href="https://kyzylorda-news.kz/">Kyzylorda-news.kz.</a> Қызылорда қаласындағы «Еуразия» спорт кешенінде 26 қараша күні өңірімізде алғаш рет ережесіз жекпе-жектен «Orda Zhekpe-zhek» клубының «Orda zhekpe-zhek Championship-1» халықаралық кәсіпқой түрнирі өтті.Ережесіз жекпе-жек турниріне Қырғыстан, Тәжікстан, Өзбекстан елдерінің спортшылары және де Қызылорда облысының оның ішінде «Orda Zhekpe-zhek» клубының тәрбиеленушілері қатысып, өзара күш сынасты. Турнирде барлығы 14 жекпе-жек өтті. Оның ішінде басты 2-еуі титулдық жекпе-жек болды.«Orda Zhekpe-zhek» клубының спортшысы Иманғали Қожахмет титулдық жекпе-жекте Өзбекстаннан келген атлет Жавохир Журакуловты қылқындыру әдісімен жекпе-жекті уақытынан бұрын аяқтап, өзінің әлем деңгейіндегі чемпиондық белбеуін сәтті қорғады.Спорт кешінің арнайы чемпиондық белдігі үшін басты жекпе-жегі «Orda Zhekpe-zhek» клубының жауынгері Бейбітжан Қобланов пен Өзбекстаннан келген спортшы Сардорбек Абилхаиров арасында өтті. Тартысты жекпе-жектің нәтижесінде Бейбітжан Қобланов қарсыласын уақытынан бұрын ауырту әдісімен жеңіп, «Orda zhekpe-zhek Championship-1» тұжырымдамасының 57 келі салмақтағы чемпионы атанды.<blockquote>«Жекпе-жек спорт түрлері жастардың физикалық және психологиялық тұрғыдан дамуына септігін тигізері анық. Себебі ер бала физикалық тұрғыдан әрқашан мықты болса, оның мінезі де соған сәйкес тұрақты болады. Жалпы, баланы жекпе-жек спорт түріне берудің себебі көп. Ең алдымен балаңыз өзін-өзі қорғай алатын дәрежеге жетеді. Онымен қоса, өзіне деген сенімділігі артып, мотивация пайда болады. Тәртіп, жетістік, жаттығулар, агрессияны дұрыс пайдалана білу деген секілді жақсы қасиеттерді бойына сіңіреді. Алдағы уақытта да осындай турнирлердің жиі өтуіне өз тарапымыздан ықпал жасайтын боламыз», – деді аймағымыздың спорт жанашыры Ғалымжан Ержанов. &nbsp;</blockquote><img src="https://knadmin.beoblood.kz/uploads/316239850_5435454253244262_1017589269991576222_n_ba7541b98f.jpg" alt="316239850_5435454253244262_1017589269991576222_n.jpg"><img src="https://knadmin.beoblood.kz/uploads/316257587_5435452843244403_3475787224326987791_n_527cdb4f55.jpg" alt="316257587_5435452843244403_3475787224326987791_n.jpg"><img src="https://knadmin.beoblood.kz/uploads/316121746_5435454426577578_6545407996707921251_n_59c4aa5d60.jpg" alt="316121746_5435454426577578_6545407996707921251_n.jpg"><img src="https://knadmin.beoblood.kz/uploads/Whats_App_Image_2022_11_28_at_11_14_56_5fd281de2b.jpeg" alt="WhatsApp Image 2022-11-28 at 11.14.56.jpeg"><img src="https://knadmin.beoblood.kz/uploads/Whats_App_Image_2022_11_28_at_11_14_54_eae579f9bf.jpeg" alt="WhatsApp Image 2022-11-28 at 11.14.54.jpeg">

Қызылордада ережесіз жекпе-жектен халықаралық кәсіпқой турнир өтті

<a href="https://kyzylorda-news.kz/ru/">Kyzylorda-news.kz</a>. Қармақшы ауданы орталығындағы денешынықтыру және сауықтыру кешенінде ІІІ Интернационал ауылындағы «Достық Жер МК» жауапкершілігі шектеулі серіктестігінің жүлдесін сарапқа салуда дзюдодан 2010-2011, 2012-2013 және 2014-2015 туған жасөспірім ұлдар мен қыздар арасында 2-ші республикалық дәстүрлі жарыстың алғашқы күні өткізілді.Еліміздің әр аймағынан өз салмақ дәрежелері бойынша мықты деп танылған, Астана,Алматы, Ақтөбе, Ақтау, Түркістан, Жаңаөзен, Шымкент, Орал және Қызылорда қалаларымен бірге Сырдария, Жалағаш, сонымен қатар ауданымыздың 15,16 және Жалын спорт клубынан 835 жас татами шеберлері қатысқан жарыстың ашылу салтанатында аудан әкімінің орынбасары Жұлдызхан Ерқосаев, "Достык Жер МК" жауапкершілігі шектеулі серіктестігі директорының орынбасары Ерболат Әбенов ауданда спорт саласы бойынша атқарылып жатқан іргелі істер жайына тоқталды.Атап айтқанда, биыл аудан орталығы Жосалы кенті мен Ақай ауылында өңірімізде спорт саласын, бұқаралық спортты дамыту, тұрғындар арасында саламатты өмір салтын қалыптастыру мақсатында денешынықтыру және спорт кешендері салынып жатқанын және ауданда бірнеше балалар ойыны мен спорт алаңдары салынып, ел игілігіне пайдалануға берілгенін баяндай келе, жас татами шеберлерін киелі Қармакшы елінде өтіп жатқан спорттық мерекемен құттықтап, өнерлеріне сәттілік тіледі.Шара барысында татамиге шыққан жас дзюдошылар өзара салмақ дәрежесінде белдесу өткізіп, көрермен қауымға тартысты да қызықты сәттерді сыйлады.«Достық Жер МК» ЖШС-і мен аудандық спорт және денешынықтыру бөлімінің ұйытқы болуымен өткізілген сайыс биыл 2-ші рет өз жалауын желбіреткелі отыр.Екі күнге жоспарланған сайыс 26 қараша күні ақтық ойындар кезеңін қорытындылайды. &nbsp;<img src="https://knadmin.beoblood.kz/uploads/19_e33324d02a.jpg" alt="19.jpg">

Жасөспірімдер арасында дзюдодан дәстүрлі турнир өтті

<a href="https://kyzylorda-news.kz/ru/">Kyzylorda-news.kz</a>. Жалағаш кентіндегі Мәдениет және өнерді дамыту орталығында ауыл шаруашылығының көрнекті ұйымдастырушысы Мөрәлі Шәменовты еске алуға арналған дзюдодан 2006-2007 жылы туылған жасөспірімдер арасындағы республикалық турнирдің ашылу салтанаты болып өтті.Турнирге Шығыс Қазақстан, Батыс Қазақстан, Жамбыл, Маңғыстау, Түркістан, Ақтөбе, Қызылорда облыстарынан, Орал, Шымкент, Қызылорда қаласынан, облыстың барлық аудандарынан келген 20 команда, 235 спортшы 9 салмақ бойынша күш сынасуда.Мөрәлі Шәменов - әлеуметтік саланың дамуына, мәдениет пен өнердің, спорттың биік белеске көтерілуіне аянбай тер төккен азамат.Бұл турнир туған жерінің көркеюіне, ауылшаруашылығының өркендеуіне, ақ күрішті ақ алқапқа айналуына саналы ғұмырын сарп еткен, болмысы ерен тұлға Мөрәлі Шәменовке арналуы ұрпақтар сабақтастығының бір көрінісі. Турнирді ашу үшін алғашқы сөз аудан Асқарбек Есжановқа берілді. Аудан басшысы өз сөзінде барша жалағаштықтар үшін орны бөлек, біртуар азамат Мөрәлі Шәменовтың артынан қалдырып кеткен өшпес мұрасы жайында айтты. Сонымен бірге Қызылорда облыстық мәдениет және спорт басқармасы басшысының орынбасары Асылжан Жаманқұл, аудандық ардагерлер кеңесінің төрағасы Садық Әлиев және ұрпақтары атынан Өмірбек Шәменов сөз сөйлеп, барша қатысушыларға Мөрәлі ағамыздың әруағы қолдасын деген игі тілектерін білдірді.Әрі қарай спорттық шара Қазақстанның түкпір-түкпірінен келген жас дзюдошылардың жекпе-жегімен жалғасты. &nbsp;<img src="https://knadmin.beoblood.kz/uploads/8_69e60334c5.jpg" alt="8.jpg"><img src="https://knadmin.beoblood.kz/uploads/10_1ea65cdc48.jpg" alt="10.jpg"><img src="https://knadmin.beoblood.kz/uploads/9_a39bb8744f.jpg" alt="9.jpg">

Мөрәлі Шәменовты еске алуға арналған дзюдодан жасөспірімдер арасындағы республикалық турнир өтті

<a href="https://kyzylorda-news.kz/">Kyzylorda-news.kz.</a> Қазалы ауданының әкімі Мұхтар Оразбаев бокстан Иорданияда өткен Азия чемпионатында күміс жүлдегері Гүлсая Ержанды қабылдап, жеңісімен құттықтады.<blockquote>«Биыл Қазалы ауданының спортшылары үшін жемісті де жеңісті жыл болып тұр десек қателеспейміз. Себебі еліміздің көк байрағын желбіретіп шаршы алаңға шыққан спортшыларымыз намысты қолдан бермей, жеңіске жетті.&nbsp;Күрзі жұдырықты Гүлсая өзінің жастығына қарамай көптеген белестерді бағындырған. Атап айтар болсақ, ол бокстан жастар арасындағы еліміздің 3 дүркін чемпионы. Сондай-ақ, жастар арасындағы Азия чемпионатында күміс медальға қол жеткізіп, әйелдер арасындағы ел біріншілігінде екінші, үшінші орындарға ие болды.Бұл әрине бір күнде қол жеткізетін жетістік емес. Гүлсая әлемдік додада топ жару үшін жаттығуларда тынбай еңбек етіп, бапкердің айтқан ақыл-кеңестерін екі етпей орындады деп ойлаймын. Спорт бәсекелерінде жеңіске жеткен Гүлсая мен оның жаттықтырушысы мен ата-анасы және ата-әжесіне аудан халқы атынан құттықтаймын, – деді аудан басшысы.</blockquote>Қабылдауға Қазалының қайсар қызымен бірге оның бапкері, Қазақстан Республикасының еңбек сіңірген жаттықтырушысы Бақытбек Құлбаев пен ата-әжесі Ержан Исмайлов мен Үржан Базарбаева да қатысты.Құрлықтың бәсекеде жеңіске жеткен спортшыны аудандық мәслихат хатшысы Бақытжан Жарылқап та құттықтап, ізгі лебізін білдірді.Мұхтар Әуесұлы Халықаралық турнирде ауданның намысын қолдан бермей, күміс медальді қанжығалаған Гүлсая Ержанды «Алғыс хатпен» марапаттап, 200 мың теңгенің сертификатын тапсырды.Сондай-ақ, боксшының бапкері Бақытбек Құлбаев пен ата-әжесі Ержан Исмайлов мен Үржан Базарбаеваны «Алғыс хатпен» марапаттап, естелік сыйлықтар табыс етті.<img src="https://knadmin.beoblood.kz/uploads/316293064_3518833385004250_6425953870066432803_n_6df1ee4f71.jpg" alt="316293064_3518833385004250_6425953870066432803_n.jpg">

Аудан әкімі Азия чемпионатының күміс жүлдегеріне құрмет көрсетті

<a href="https://kyzylorda-news.kz/">Kyzylorda-news.kz.</a> Сырдария ауданында индорхоккейден жасөспірімдер арасында №11 Олимпиадалық резервтің мамандандырылған балалар мен жасөспірімдер мектебінің аудандық ашық біріншілігі өтті.Сырдария ауданында көгалдағы және индорхоккей спортымен шұғылданатын жастар қатары көп. Бұл спорт түрінің ауданда дамуына Сырдария ауданының «Құрметті азаматы», білікті, ҚР Еңбек сіңірген жаттықтырушысы Сұлтанбек Қобландин ерекше еңбек етіп келеді. Қазіргі таңда ауданның жас спортшылары аталған спорт түрінен үздіктер қатарында. &nbsp;Сырдария ауданында ұйымдастырылған ашық біріншілікке Қызылорда қаласынан және аудандардан келген 2008 жылғы және олардан кіші жасөспірімдер қатысып, бақ сынасты. Жарысқа 12 команда бойынша 120 спортшы қатысты. &nbsp;<blockquote>«Спорттың көгалдағы және индорхоккей түрімен қыздарымыз үздіксіз жаттығу үстінде. Бір жыл ішінде бірде-бір дайындықтан қол үзбеген спортшылар ел біріншіліктерінде үздіктер қатарынан көрініп келеді. Әрбір спортшының шеберліктері командалық ойында өз нәтижесін береді. Сондықтан жарыстарға қатысқан сайын жас спортшыларды жігерлендіріп, жеңіске деген талпынысын жанып отырамыз. Өзіміз де осы спорт түрінен көптеген жетістіктерге жеткеннен кейін, шәкірттеріміздің де биік белестерді бағындырғанын қалаймыз. Сондықтан осындай жарыстарда жас спортшылар жеңісті қолдан бермейді», – дейді жас бапкер Шынар Ақназарова.</blockquote>Аудандық ашық біріншіліктің нәтижесінде ұлдар арасында үздік ойын көрсеткен Сырдария ауданының спортшылары жеңімпаз атанып, жеңіс тұғырынан көрінді. Сайыстың жүлделі ІІ орынын Қызылорда қаласының «Қайсар» құрамасы жеңіп алды. Ал ІІІ орынды қармақшылық команда қанжығасына байлады.&nbsp;Қыздар арасында өткен сайыста І орынды Тереңөзек кентінің жас спортшылар жеңіп алды. Ал ІІ орынды №11 Олимпиадалық резервтің мамандандырылған балалар мен жас-өспірімдер мектебінің индорхоккейшілері еншіледі. ІІІ орын мінберінен Сырдария ауданының қыздар құрамасы көрінді.&nbsp;Айта кетейік, 19-25 қыркүйек аралығында Жетісу облысы Талдықорған қаласында көгалдағы хоккейден ерлер мен әйелдер арасында Қазақстан Республикасы Кубогы өтті. Республиканың түкпір-түкпірінен келген командалардың арасында Сыр өңірінің командасы чемпион атанып, кубог жеңімпазы атанған болатын.&nbsp;Жалпы, көгалдағы хоккей спортынан сырдариялық спортшылардың абыройы қашан да асқақ.<figure class="image"><img src="https://knadmin.beoblood.kz/uploads/1664194632_49440154_ceb4_4037_8092_1d1a978129ba_94f0024918.jpg" alt="1664194632_49440154-ceb4-4037-8092-1d1a978129ba.jpg"></figure>

Шынар Ақназарова: Жас спортшыларды жігерлендіріп, жеңіске деген талпынысын жанып отырамыз

<a href="https://kyzylorda-news.kz/">Kyzylorda-news.kz.</a> Соңғы жылдары жалағаштықтар спорт саласында биік белестерді бағындырып, ел мерейін үстем етуде. Әсіресе жуырда ғана онжылдықты қорытындылаған Жазалағаш ауданындағы «Наркескен» спорт клубының сала саңлақтарын шыңдауда жасаған еңбегі зор. Еліміздің, әлемнің түкпір-түкпірінде өтіп жатқан байрақты бәсекелерде аталған спорт клубының спортшылары жеңіс тұғырынан табылып жүр.&nbsp;Қарашаның алғашқы онкүндігінде Индияның Нью Дели қаласында өтіп жатқан гір спортынан әлем біріншілігінде жалағаштық Қайсар Төлеген жеңіс тұғырынан көрініп, тұтас мемлекеттің мерейін үстем етті.&nbsp;Байрақты бәсекеге әлемнің 30 мемлекетінен 800-ге жуық спортшы қатысса, оның жүзге жуығы – қазақстандық спортшылар. Білектілер сайысында саңлақтар 63-тен 95 келіден жоғары салмақ арасында өзара мықтыны анықтады. Жерлесіміз Қайсар Төлегенұлы бұл додада 73 келі салмақта сынға түскен. Қайсардың бапкері – қазір аудан халқының ауызында жүрген Абдулхасан Сейтенов.&nbsp;Әлем біріншілігінде Қайсар Төлеген гір тасын ұзын циклды серпе көтеру бойынша сынға түскен болатын. Бұл сайыста қатысушыларға 10 минут уақыт берілген. Осынша уақытта 32 келілік 2 гір тасын 45 рет бағындырған мақтанышымыз үздік үштікті түйіндеді. Ал бірінші және екінші орындарға ресейлік спортшылар жайғасты. Жерлесіміз бұл жетістігін бапкермен жасаған ұзақ жылдық жаттығумен байланыстырады.&nbsp;<blockquote>«Жалпы гір спортымен 7 сыныптан бері айналысып келемін. Мені сол уақыттан бері бапкерім Абдулхасан Жанатұлы жаттықтырады. Сол білікті бапкерімнің берген тәлімінің арқасында бойдағы күшті қабілетпен байланыстырып, бұған дейін де талай додаларда жеңіс тұғырынан көріндім. Салада жеткен барлық жетістігім сол жаттығу залында өткен күндердің жемісі деп білемін. Бұл жеңісімді барша отандастарыма арнаймын. Алдағы уақытта мұнан да биік белесті бағындыруға тырысамын. Алда әлі жарыстар бар, енді соған дайындықты бастауымыз қажет. Биылғы жылдың қорытындысы, яғни гір спортынан Қазақстан кубогына арналған дода күтіп тұр. Бұл жарыста да жерлестерімді жерге қаратпаймын», – дейді жеңімпаз.&nbsp;</blockquote>Қайсар Төлеген – Жадағаш кентіндегі Дәуімбай елді мекенінде орналасқан З.Жарқынбаев атындағы №202 орта мектептің түлегі. Ол бүгінде облыс орталығындағы Қорқыт ата атындағы Қызылорда университетінің «Дене шынықтыру» факультетінде облыс әкімінің грантымен білім алып жатыр. Бұған дейін салада жеткен жетістігін тарқатып айтсақ, Қайсардың атына заты сай азамат екеніне көз жеткізесіз. Жалағаштық спортшы осыған дейін Қазалы қаласында өткен «Алтын күз» ауыл спартакиадасында да 73 келі салмақта қарсылас шақ келтірмеді.&nbsp;Мұнан бөлек «Ақбидай» сайысында, ҚР біріншілігінде де жеңіс тұғырынан көрініп, аймақтың мерейін үстем еткен болатын. Ал биыл Бурабайда өткен гір спортынан Азия біріншілігінде де Қайсарға қарсылас шақ келмеді. Осылайша ол ел намысын қорғап, көк туымызды биіктен желбіретіп, әнұранымызды шырқатты &nbsp;<img src="https://knadmin.beoblood.kz/uploads/Whats_App_Image_2022_11_14_at_10_17_13_c067db3b6b.jpeg" alt="WhatsApp Image 2022-11-14 at 10.17.13.jpeg">

Жалағаштық спортшы әлем біріншілігінде жүлделі орынға ие болды

<a href="https://kyzylorda-news.kz/">Kyzylorda-news.kz.</a> Қазалы ауданындағы №17 олимпиадалық резервтің мамандандырылған балалар-жасөспірімдер мектебінің былғары қолғап шеберлері республикада ғана емес, әлемдік аренада топ жарып келеді. Оның басым көпшілігі ҚР-ның еңбек сіңірген жаттықтырушысы Бақытбек Құлбаев баптаған қазалылық боксшы қыздар.31 қазан мен 13 қараша күндері аралығында Иордания мемлекетінің астанасы Амман қаласында бокстан әйелдер арасындағы Азия чемпионатында №17 олимпиадалық резервтің мамандандырылған балалар-жасөспірімдер мектебінің тәрбиеленушісі Гүлсая Ержан күміс жүлдені қанжығасына байлады.Есте болса, 81 келі салмақта дәрежесінде бақ сынаған боксшы жартылай финалда вьетнамдық Ти Хонг Нгуенді 5:0 есебімен артта қалдырған болатын. Дегенмен ақтық сында Үндістан елінің боксшысы Савитиге есе жіберді.<blockquote>«Финалдағы қарсыласты менсінбеуге болмайды. Қанша дегенмен алтын жүлде сарапқа салынып жатқан соң, бар күш-жігеріңді саласың. Үндістандық ару тәжірибелі екен. Оны шаршы алаңда байқадым. Спорт болған соң жеңіс пен жеңіліс қатар жүреді. Бұл жолы күміс жүлде бұйырып тұр екен. Бірақ келесі жолы осы күмісті алтынға айырбастайтын боламын. Алдағы уақытта кеткен қателіктермен жұмыс жасап, әлемдік біріншіліктерде топ жаруға ниеттімін», – дейді Гүлсая Ержан.</blockquote>Айта кетейік, Амман қаласында өткен Азия чемпионатында Қазақстанның спортшы қыздары 3 алтын, 1 күміс, 5 қола медаль еншілеп, ел құрамасы командалық есепте топ бастады. &nbsp;<img src="https://knadmin.beoblood.kz/uploads/1668187788_img_20221111_wa0107_3a9163c3de.jpg" alt="1668187788_img-20221111-wa0107.jpg">

Қазалылық боксшы Азия чемпионатының жүлдегері атанды

<a href="https://kyzylorda-news.kz/">Kyzylorda-news.kz.</a> Қармақшы ауданы орталығындағы спорттық сауықтыру кешенінде халықаралық, республикалық жарыстардың жеңімпазы, талантты боксшы Ерлан Нысанбаевты еске алуға арналған 2007-2008 жылы туылған бокстан жасөспірімдер арасындағы республикалық ашық турнир басталды.Турнирдің ашылу салтанатында аудан әкімі Әділбек Ерсұлтанов алғы сөз алып, аудан спортшыларының жеткен жетістіктерімен қатар бүгінгі ұйымдастырылып отырған спорттық шара туралы пікірін білдірді.<blockquote>«Бүгінгі Нысанбаев Ерлан Бақытжанұлын еске алуға арналған бокстан жасөспірімдер арасындағы республикалық турнир биылғы жылы 8-ші рет ұйымдастырылып отыр. Бір қуантарлығы спорттық шараға еліміздің түкпір-түкпірінен және Өзбекстан, Қырғызстан, Тәжікстан елінен командалар қатысып, &nbsp;өз кезегінде жарыстың ауқымының кеңейіп келе жатқандығын көрсетті. Толағай ұлдар туатын топырағы құтты мекенге Сіздердің құрмет тұтып келулеріңізді – елге құрмет деп білеміз. Сондықтан да бүгінгі байрақты бәсекеде шашасына шаң жұқтырмай озып шыққан өрендеріміз ертеңгі күні елдің абыройын қорғап, көк туымызды әлем алдында асқақтата желбіретеді деген сенімдеміз», - деп жарысқа қатысушы барша спортшыларға сәттілік тіледі аудан әкімі.</blockquote>Сонымен қатар ұйымдастырылған спорттық шараға &nbsp;аудандық мәслихат хатшысы Әділ Үсенұлы және &nbsp;бірқатар құрметті қонақтар мен ардагерлер шақырылды.Жасөспірімдер арасындағы республикалық турнирге &nbsp;100-ден аса былғары қолғап шеберлері &nbsp;қатысып, 14 салмақ дәрежесі бойынша сынға түсуде. &nbsp;&nbsp;Турнир бойынша ақтық ойындар &nbsp;11-12 қараша &nbsp;күндеріне жоспарланып отыр.<img src="https://knadmin.beoblood.kz/uploads/boks_d1b2ce5ff3.jpg" alt="бокс.jpg">

Қармақшыда бокстан республикалық турнир басталды

<a href="https://kyzylorda-news.kz/">Kyzylorda-news.kz.</a>&nbsp; Облыс әкімі Нұрлыбек Нәлібаев Достық үйінде өткен салтанатты жиында Сырдың бас командасы «Қайсар» футбол клубының биылғы маусымдағы күміс жүлдесі мен жоғарғы лигаға жеңіп алған жолдамасымен құттықтап, ыстық ілтипатын білдірді.Іс-шарада аяқдопшылардың алаңдағы ерекше сәттеріне арналған бейнешолу ұсынылып, жанкүйерлерге керемет көңіл-күй мен жарқын жеңістер сыйлаған «Қайсар» командасының ойыншыларына қошемет көрсетілді.Клуб құрамын айтулы жетістіктерімен құттықтай келген аймақ басшысы Нұрлыбек Нәлібаев кәсіби футболшыларға қарап, бой түзеген жастардың саны артқанын алға тартып, келер жылы уәде еткен қалада жаңа стадионның құрылысы басталатынын жеткізді.<blockquote>«Биыл облыстың бас командасы – «Қайсар» футбол клубы маусым басында алға қойған міндеттерін орындап, Премьер-лигаға жолдама алды. Осы мақсатта аянбай тер төккен футболшылар мен бапкерлерге алғысымды айтамын.Әрине, жоғары жетістік оңай келмейтіні анық. Мұндай мерейлі мүдде жолында Сыр мақтанышы, доп додасының дарабозы Мақсат Байжановтың мол тәжірибесі мен жаттықтырушылардың біліктілігін бағалауымыз тиіс.Мен өткенде «Қайсар-Жетісу» кездесуінен кейін жанкүйерлерге «Қайсар» командасының заманауи стадионын салуға уәде берген болатынмын.Ресейдің Краснодар қаласында былтырғы жылы 12 миллион долларға аз уақыттың ішінде 10 мың орындық жабық стадион салынған екен. Келесі жылы, біз де демеушілер көмегімен сондай еңселі жаңа стадион салуға ниеттіміз.Қазіргі таңда жаңа стадион құрылысына демеуші ретінде «Саутс Ойл» компаниясы ынтасын білдіріп, жобалау жұмыстары атқарылуда. Алдағы жылы жаңа стадион құрылысын бастаймыз, – деді облыс әкімі Н.Нәлібаев.</blockquote>Аймақ басшысы биылғы маусымда «Қасқырлар» сапында ерекше көзге түскен, команданың сұрмергені Мамаду Диалланың да ойын өрнегіне ризашылығын білдіріп, жетістіктеріне арнайы тоқталды.Іс-шарада клубтың жеңісіне тілектес болып, тарихи сәттеріне куә болған фанаттарына арнайы «Құрметті жанкүйер» бейджі табысталып, «Қайсар» футбол клубының ұжымы марапатталды.Айта кетейік, аймақ басшысы бұған дейін «Қайсардың» өз алаңындағы соңғы ойынына арнайы барып, Сыр мақтанышы, доп додасының дарабозы Мақсат Байжановтың мансабын аяқтау рәсімінде спортшыға арнайы алғысын білдіре, су жаңа көлік кілтін табыстаған болатын.<figure class="image"><img src="https://knadmin.beoblood.kz/uploads/314964705_425715693083014_1632032476007169713_n_f89db3a9b9.jpg" alt="314964705_425715693083014_1632032476007169713_n.jpg"></figure><figure class="image"><img src="https://knadmin.beoblood.kz/uploads/314737830_425715376416379_5130155177780921857_n_902ddeb9b1.jpg" alt="314737830_425715376416379_5130155177780921857_n.jpg"></figure><figure class="image"><img src="https://knadmin.beoblood.kz/uploads/314737680_425715369749713_2345235036083204788_n_dbbd485fd4.jpg" alt="314737680_425715369749713_2345235036083204788_n.jpg"></figure><figure class="image"><img src="https://knadmin.beoblood.kz/uploads/314630470_425715443083039_6042369622605790397_n_9f53a1b9d1.jpg" alt="314630470_425715443083039_6042369622605790397_n.jpg"></figure><figure class="image"><img src="https://knadmin.beoblood.kz/uploads/312631834_425715463083037_1829340515726075617_n_85147146db.jpg" alt="312631834_425715463083037_1829340515726075617_n.jpg"></figure>

Қызылордада жаңа стадион салынады 

<a href="https://kyzylorda-news.kz/">Kyzylorda-news.kz.</a> Ұлағатты ұстаз, білікті басшы бола білген Асқар Әділбековты еске алуға арналған турнир өз мәресіне жетті. Турнир қорытындысында команда мүшелері жүлделі орындарға ие болып, қаржылай сыйлықтармен марапатталды.Жарыс алаңында мықтылармен қарсыласып, шеберліктерін көрсете білген Әли Мүсілімов атындағы №101 мектеп-лицей командасы І орынды жеңіп алды. ІІ орын Тәкей Есетов атындағы №264 мектеп-лицей командасына бұйырса, ІІІ орынды №268 мектеп командасы иеленді.«Әрине, қуанышымызда шек жоқ. Бұл жеңіс – команданың еңбегі. &nbsp;Ұйымдастырушыларға алғыс айтамын. &nbsp;Тек ой, білім жарыс қана емес, осындай турнирлер де жиі өтіп тұрғаны дұрыс деп ойлаймын. Дененің саулығы бәрінен маңызды ғой. Спорттық шаралардың жоғары деңгейде және жиі ұйымдастырылуының арқасында қарапайым халықты да бұқаралық спортқа тартуға болады. Тіпті мұны халықты спортқа баулудың тиімді жолы десе де болады. Қазір салаға қолдау басым, нәтиже де жоқ емес. Бүгінде түрлі спорттық шараларда ел мерейі үстем болса, оның түбінде осындай игі шаралардың бастамаға болғанын түсінуіміз қажет», – дейді жеңімпаз.Айта кетейік, тартысқа толы турнирде керемет ойын өрнегімен көзге түскен ойыншыларға номинациялар табысталып, бағалы сыйлықтар берілді.&nbsp;<img src="https://knadmin.beoblood.kz/uploads/27_c72d2de9b7.jpg" alt="27.jpg"><img src="https://knadmin.beoblood.kz/uploads/26_d2ee481bad.jpg" alt="26.jpg"><img src="https://knadmin.beoblood.kz/uploads/24_769af5c7f3.jpg" alt="24.jpg"><img src="https://knadmin.beoblood.kz/uploads/25_65a374906b.jpg" alt="25.jpg">

Қазақстан және Қызылорда облысының жаңалықтары: Спорт

Елеу Көшербаевты еске алуға арналған грек-рим күресінен халықаралық турнир басталды