<a href="https://kyzylorda-news.kz/">Kyzylorda-news.kz.</a>&nbsp;Шиелі ауданы әкімінің орынбасары Алмасбек Есмаханов кәсіби спортшылар күні мерекесі күні қарасаңында бірқатар аудан спортшылары мен ардагерлерін қабылдады.
Қабылдауға аудандық спорт бөлімінің басшысы Н.Сапарбай, облыстық, республикалық, әлемдік додаларда еліміздің көк туын желбіретіп жүрген бірқатар аудан спортшылары мен бұқаралық ақпарат құралдары қызметкерлері қатысты.
Қабылдау барысында аудан әкімінің орынбасары Алмасбек Есмаханов аудан спортшыларын кәсіби меркесімен құттықтап, ауданымыздың спорт саласының дамуына ерекше үлес қосып жүрген бірқатар ардагерлер мен спортшыларды аудан әкімі Ахатов Нұржан Сәбитұлының алғыс хаттарымен марапаттады.
<blockquote>
 «Биылғы жылы спортшыларымызға қолайлы жағдай жасап, бұқаралық және кәсіби спортты одан әрі дамыту мақсатында аймақ басшысының қолдауымен бюджеттен барлығы 1 млрд.теңге жуық қаражат бөлініп отыр. Жаңадан Шиелі кентінен заманауи талаптарға сәйкес 180 орындық спорт сауықтыру кешенінің құрылысы бастау алып, Көкшоқы мөлтек ауданында спорт кешенінің және Балаби ауылындағы спорт мектебінің ғимаратына күрделі жөндеу жұмыстары жүргізілуде. Бұл – өз кезегінде спортшыларымыздың еркін түрде спортпен айналысып, әлемдік аренада биік белестерді бағындырып, еліміздің көк туын желбіретуге үлкен мүмкін беретін болады», – деді аудан әкімінің орынбасары Алмасбек Есмаханов.
</blockquote>
Айта кетейік, Азия біріншілігінде ауыр атлетикадан Сансызбаева Айсамал 20 жасқа дейінгі жастар қатарында күміс жүлдегер атанып, халықаралық дәрежедегі спорт шебері нормативін орындап, екі дүркін азия чемпионы атанды. Сонымен қатар таеквондодан Қапанова Ботакөз Оңтүстік Корея мемлекетінде өткен азия біріншілігінде күміс жүлдегер атанса, жақында ғана Түркияның Конья қаласында өткен Ислам ынтымақтастығы ойындарында ауыр атлетикадан ауданымыздың мақтаныштары жерлестеріміз Айзада Мүптілда чемпион атанып, Бектай Асылжан қола жүлдеге ие болды.
Қабылдау соңында аудан әкімінің орынбасары Алмасбек Есмаханов ауданымыздың спорт саласының дамуына ерекше үлес қосып жүрген спортшыларымызға сәттілік тіледі.
<img src="https://kyzylorda-news.kz/wp-content/uploads/2022/08/300440535_1376633046200484_6609897715094346310_n.jpg" alt="" />
<img src="https://kyzylorda-news.kz/wp-content/uploads/2022/08/300436642_1376633056200483_2620741943335673732_n.jpg" alt="" />
<img src="https://kyzylorda-news.kz/wp-content/uploads/2022/08/300505519_1376633019533820_6177754770686277927_n.jpg" alt="" />
<img src="https://kyzylorda-news.kz/wp-content/uploads/2022/08/300580900_1376633076200481_8249749872825614387_n.jpg" alt="" />
<img src="https://kyzylorda-news.kz/wp-content/uploads/2022/08/300558528_1376632906200498_2697095412530729510_n.jpg" alt="" />

Шиелі ауданында спортшылар марапатталды

<a href="https://kyzylorda-news.kz/">Kyzylorda-news.kz.</a> Қазақстан спортшылары Түркия елімінің Конья қаласында өтіп жатқан Ислам ынтымақтастығы ойындарына қатысып жатыр.
Халықаралық жарыста ел намысын 125 спортшы қорғап, жоғары нәтижелер көрсетуде.
Биылғы жылдың 14-15 тамыз күні өткізілген ауыр атлетикада Шиелі ауданының мақтанышы Айзада Мүптілда чемпион атанып, Бектай Асылжан қола жүлдеге ие болды.
Айта кетейік, Айзада Мүптілда +87 келі салмақта серпе көтеруден 116 келі, жұлқа көтеруден 150 келі көрсеткішпен Ислам ойындарының рекордын орнатты. Қос сайыс қорытындысы бойынша 266 келіні бағындырған Айзада алдына жан салмай, чемпиондық тұғырға көтерілді.
Бектай Асылжан 89 келі салмақ дәрежесінде өнер көрсеткен спортшыз жұлқа көтеруден 162 келі көтеріп, күміс еншілесе, серпе көтеруден 191 келі еңсеріп, қола иеленді. Қос сайыста 353 келі көтеріп жүлделі 3-орынды жеңіп алды. Осылайша ауданның қос спортшысы өзге елде ел намысын қорғады.
Атап өтсек, қос спортшының Шиелі ауданындағы алғашқы жаттықтырушысы спорт саласының ардагері Тоқбаев Қалдыбай Махмұтұлы болатын.
«Спортты дамыту дирекциясы» РМҚК-ның мәліметіне сәйкес, ауыр атлеттер Қазақстан құрамасы қоржынына 8 алтын, 15 күміс, 3 қола жүлде салды.
<img src="https://kyzylorda-news.kz/wp-content/uploads/2022/08/299802403_1374468263083629_7684350337094451963_n.jpg" alt="" />
<img src="https://kyzylorda-news.kz/wp-content/uploads/2022/08/299890103_1374468373083618_2135195946838614449_n.jpg" alt="" />

Ауыр атлет Айзада Мүптілда мен Бектай Асылжан Ислам ойындарының жеңімпазы атанды

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысының полицейі Атырау өңірінде өткен қоян-қолтық ұрыста алтын медаль ұтып алды. Бұл туралы Қызылорда облыстық полиция департаментінің баспасөз қызметі хабарлады.
Қазақстан полициясының 30 жылдығына орай Атырау облысында 11-13 тамыз аралығында Қазақстан Республикасы Ішкі істер министрлігінің ұйымдастыруымен қоян-қолтық ұрыстан жарыс өтті. Бұл сайысқа Қазақстан Республикасы құқық қорғау органдары, арнайы құрылым қызметкерлері мен әскери қызметшілері арасынан 17 құрама команда қатысты.
Жарыстың негізгі мақсаты – қоян-қолтық ұрысты әскери-қолданбалы спорт түрі ретінде дамыту, салауатты өмір салтын насихаттау, күш құрылымдары қызметкерлерінің физикалық дайындықтарын сынға салу. Қоян-қолтық ұрыс тартысқа толы болды. Өйткені, ойынға кіл мықтылар іріктеліп алынып, жоғары деңгейде өнерлерін ортаға салды.
Спорттық додада 80 келі салмақ дәрежесінде Қызылорда облысы полиция департаментінің Жылдам қимылдайтын арнайы жасағының аға инспекторы Нұршат Аманқосов сынға түсті. Жарыс барысында 4 кездесу өткізіліп, полицей барлығын айқын жеңіспен аяқтап, ақтық сында қарсыласын берілген уақыттан бұрын нокаутпен жеңіп, алтыннан алқа тақты. Жеңімпаз кубок, медаль және бағалы сыйлықпен марапатталды.
<img src="https://kyzylorda-news.kz/wp-content/uploads/2022/08/sport1.jpeg" alt="" />

Қызылордалық полицей Атырау облысында өткен қоян-қолтық ұрыста алтын медаль ұтып алды

<a href="https://kyzylorda-news.kz/">Kyzylorda-news.kz.</a> Сырдария ауданы Нағи Ілиясов ауылында «Абзал және К» толық серіктестігінің жүлдесіне арналған дзюдодан жасөспірімдер арасындағы республикалық турнирдің ашылу салтанаты өтті.
Үш күнге жоспарланған турнирге Абай, Жамбыл, Ақтөбе, Түркістан, облыстары және Қызылорда қаласы, Жанақорған, Шиелі, Қазалы, Қармақшы, Жалағаш, Сырдария ауданынан 300-ге жуық балуан қатысуда.
Салтанатты шараға облыс әкімінің орынбасары Нұрымбет Сақтағанов пен Сырдария ауданының әкімі Мұрат Ергешбаев қатысты. Облыс әкімінің орынбасары Нұрымбет Аманұлы жас спортшыларға сәттілік тілеп, мұндай шаралардың келер ұрпақ үшін маңыздылығын айтып өтті.
<blockquote>
 «Спорттық сайыстардың жүйелі ұйымдастырылуының нәтижесінде спортшыларымыз Қазақстан чемпионаттарында, азия, және әлем біріншіліктерінде ел намысын асқақтатуда. Бүгінгі жасөспірімдер арасындағы республикалық турнир еңбегімен елге сыйлы болған ел азаматтарын құрметтеп, насихаттауға мол мүмкіндік береді деп ойлаймын. Сырдария ауданының Нағи Ілиясов ауылы бүгінде әлеуеті зор, бірлігі мен татулығы жарасқан үздік мекенге айналды. Туған жерге туын тігіп, ауылға өркениет әкелген, табысын тайқазанда тасытқан ҚР Еңбек Ері Абзал Жұмашұлының ерен еңбегі екенін ел жақсы біледі. Бүгінгі спорттық шараның ұйымдастырылуына бастамашы болып, демеушілік көрсетіп жүрген «Абзал және К» толық серіктестігіне және барлық команда жетекшілеріне алғысымызды білдіремін», – деді Нұрымбет Сақтағанов.
</blockquote>
Сонымен бірге, шараға облыстық білім басқармасының басшысы Мейрамбек Шермағамбет, қазақша күрес бойынша ҚР спорт шебері, дзюдо бойынша Халықаралық дәрежелі төреші, ҚР құрметті спорт қайраткері Садық Мұстафаев және тағы басқа қонақтар қатысты.
Әрі қарай спорттық шара жас палуандарымыздың арасындағы тартысты жекпе-жекке ұласты.
Облыс әкімінің орынбасары Нұрымбет Сақтағанов пен аудан әкімі Мұрат Ергешбаев 36 және 40 келі салмақ дәрежесіндегі жас спортшылардың марапаттауына қатысты.
<img src="https://kyzylorda-news.kz/wp-content/uploads/2022/08/298990527_1181339045762319_4790090223815551428_n.jpg" alt="" />
<img src="https://kyzylorda-news.kz/wp-content/uploads/2022/08/298899622_1181339149095642_5034353707307555707_n.jpg" alt="" />
<img src="https://kyzylorda-news.kz/wp-content/uploads/2022/08/298556787_1181339042428986_5851130413201680826_n.jpg" alt="" />
<img src="https://kyzylorda-news.kz/wp-content/uploads/2022/08/298649507_1181339055762318_6710841408492881299_n.jpg" alt="" />
<img src="https://kyzylorda-news.kz/wp-content/uploads/2022/08/298407588_1181339185762305_1597806775567289070_n.jpg" alt="" />

Нағи Ілиясов ауылында дзюдодан жасөспірімдер арасындағы республикалық турнир өтті

<a href="https://kyzylorda-news.kz/">Kyzylorda-news.kz.</a> Сырдария ауданында әлеуметтік нысандардың құрылысы қарқынды жүргізілуде. Атап айтар болсақ, орталық стадионға салынатын жаттығу және стритбол алаңы, Бесарық елді мекеніндегі спорт кешені және Жетікөл елді мекеніндегі аудандық бюджет есебінен салынып жатқан үш бөлмелі екі тұрғын үйдің құрылысы. Одан өзге, аудандағы жол мәселесі де ретке келтірілуде. Бұл туралы Сырдария ауданының әкімі Мұрат Ергешбаев мәлімдеді.
<blockquote>
 «Биылғы жылы аудан бойынша автомобиль жолдарын жөндеуге 1,3 млрд. теңге қаржы бөлініп, 23 жоба іске асырылуда. Аудандық маңызы бар автомобиль жолдары бойынша 146,5 млн. теңге қаржы бөлініп, 9 шақырым автомобиль жолдарына орташа жөндеу жұмыстары аяқталуда. Сонымен қатар, 2023 жылға республикалық бюджеттен қаржыландыруға Тереңөзек кенті және елді мекендердің көшелерін орташа жөндеу бойынша облыстық жолаушылар көлігі және автомобиль жолдары басқармасына бюджеттік өтінім ұсынылды», – деді аудан әкімі Мұрат Ергешбаев өңірлік коммуникациялар қызметінде өткен баспасөз конференциясында.
</blockquote>
Айта кетейік, Сырдария аймақтағы ілеспе газға қосылған аудандардың қатарында. Бүгінде аудан орталығы 80 пайыз табиғи отынмен қамтылған. Бұл бағыттағы жұмыстар әлі де жалғасуда. Мәселен, Тереңөзек кентінде жаңадан салынған тұрғын үйлерді газдандыру мақсатында құны 143,8 млн. теңге болатын жоба құрылысы аяқталып, қазіргі таңда «Қызылорда Газ тарату» мекемесімен бірлесіп газды қосу жұмыстары жүргізілуде. Оған қоса, екі елді мекенді газдандыруға 2023 жылға республикалық бюджеттен қаржыландыруға бюджеттік өтінім ұсынылды. Қосымша екі ауылдық округті газдандыруға жоба-сметалық құжаттама әзірленіп, мемлекеттік сараптамадан өткізілуде. 
Халықтың сұранысы және басты қажеттіліктерінің бірі – елді мекендерді жарықтандыру. Аталмыш бағытта 2022 жылы «Айдарлы, Аманкелді, Жетікөл, Қоғалыкөл елді мекендерін электрмен жабдықтау» жобаларына 1,6 млрд. теңгеге бюджеттік өтінім жолданған. Ал тұрғындарды таза ауызсумен қамту мәселесі бойынша аудан әкімі:
Аудан бойынша тұрғындар 100 пайыз ауызсу жүйесімен қамтылған. ОДСП «Арал» Сырдария аудандық филиалымен бірлесіп жүргізілген зерделеу жұмыстарына сәйкес 2006 жылдан бастап салынған Тереңөзек, Шаған, Аманкелді, Қоғалыкөл елді мекендерінде ауызсу құбырларының тозығы жетіп, күрделі жөндеуді қажет ететіндігі анықталды. Осыған сәйкес, 2023 жылға республикалық бюджеттен қаржыландырылуға Тереңөзек кентіндегі 10 көшенің су құбырларын жаңарту бойынша облыстық құрылыс, сәулет және қала құрылысы басқармасына бюджеттік өтінім ұсынылды, – деп мәлімдеді.
<img src="https://kyzylorda-news.kz/wp-content/uploads/2022/08/296729767_1172099133352977_4875511467911990092_n.jpg" alt="" />
<img src="https://kyzylorda-news.kz/wp-content/uploads/2022/08/296798470_1172098940019663_3363972967382805986_n.jpg" alt="" />

Сырдарияда инфрақұрылым жоғары деңгейде жүргізілуде

<a href="https://kyzylorda-news.kz/">Kyzylorda-news.kz.</a> Биыл Қазалы аудынанда 4 спорт алаңы салынды. Бұл спорттық нысандарға қаражат аудандық бюджеттен бөлінді.
Қазалы ауданында салауатты өмір салтын орнықтыру мақсатында спорт саласында атқарылып жатқан жұмыстар жетерлік. Атап айтар болсақ, жылдың басынан бері аудан орталығы – Әйтеке би кенті мен бірқатар елді мекендерде спорт алаңдары пайдалануға берілді.
Қазалы ауданының әкімі Мұхтар Оразбаевтың тұрғындарымен кездесуі барысында елді мекендерге спорт алаңдарын салу жөнінде өтініш-тілектер көптеп түседі. Халықтың бұқаралық спортқа бет бұрғаны олардың талап-тілектерінен-ақ көрініп тұр. Соның нәтижесінде биылғы жылы аудандық бюджеттен қаржы қарастырылып, 4 спорт алаңы салынды.
Қазіргі таңда Әйтеке би кенті мен Қазалы қаласы және Шәкен, Байқожа ауылдарында пайдалануға берілген спорт алаңдарында жасөспірімдердің спортпен айналысып, шеберлігін шыңдауға барлық жағдай жасалған.
Халық игілігі үшін жасалған бұл жұмыстар алдағы уақытта жалғасын табатын болады. Бүгінгі күнге дейін Қ.Пірімов ауылында заманауи талаптарға сай салынған спорт кешені пайдалануға берілсе, жақын күндері Кеңес Одағының батыры Үрмәш Түктібаев атындағы ауылда спорт кешенінің құрылысы басталады.
<img src="https://kyzylorda-news.kz/wp-content/uploads/2020/03/kazaly-sport-alangdary-salynady.jpg" alt="" />

Қазалы ауданында спорт алаңдарының саны артуда

<a href="https://kyzylorda-news.kz/">Kyzylorda-news.kz.</a> Үндістанның Ченнай қаласында өтіп жатқан Дүниежүзілік шахмат олимпиадасында Қазақстан әйелдер құрамасы үздік үштіктен шығып қалды, деп хабарлайды&nbsp;&nbsp;<a href="https://www.sports.kz/">Sports.kz.</a>&nbsp;порталы.&nbsp;
Қазақстандық шахматшылар Үндістан құрамасынан 0,5-3,5 есебімен ұтылғаннан кейін турнир рейтингінде сегізінші орынға сырғыды.
Бибісара Асаубаева тең ойнап, ұлттық құрамаға ұпай алып келді. Ал құрама көшбасшысы Жансая Әбдімәлік пен&nbsp; құрама мүшесі Гүлісхан Нахбаева және&nbsp;Ксения Балабаева өз партияларында жеңіліп қалды.&nbsp;
Матчқа дейін қазақстандық шахматшылар үшінші, ал үндістандық спортшылар екінші орында болды. Үндістан құрамасы Қазақстанды жеңгеннен кейін рейтингте көш бастады.
Бұл Қазақстан әйелдер құрамасының Әзербайжаннан 1-3 есебімен ұтылғаннан кейінгі екінші жеңілісі.
Қазақстанның әйелдер құрамасы – Жансая Әбдімәлік, Бибісара Асаубаева, Ксения Балабаева және Гүлісхан Нахбаева.

Шахматтан Қазақстан әйелдер құрамасы олимпиадада Үндістаннан жеңіліп қалды

<a href="https://kyzylorda-news.kz/">Kyzylorda-news.kz.</a>&nbsp;Бүгін Әйтеке би кентінде кіші футболдан аудандық жарыс басталды. Аталған доп додасы Қ.Сәтбаев атындағы №216 мектепті әр жылдары бітірген азаматтардың ұйымдастыруымен «Мектебім – Ақмешіттей қасиетті, сенен алдым өнеге мен өсиетті» атты ауқымды шара аясында өтіп отыр.
«Туған жерге тағзым» аясында ұйымдастырылған шараға аудан әкімі Мұхтар Оразбаев, аудандық мәслихат хатшысы Бақытжан Жарылқап арнайы қатысты.
Турнирдің ашылу салтанатында Мұхтар Әуесұлы құттықтау сөз сөйлеп, мазмұнды шараның елдің ауызбіршілігі мен берекесін сақтауда маңызы зор екенін атап өтті.
<blockquote>
 «Жалпы қазақы қаймағы бұзылмаған, бір-бірімен тату-тәтті, ынтымағы мен берекесі жарасқан жерде тұратын тұрғындардың бірлігі бекем, тірлігі тиянақты болады. Оған бүгін біздің көзіміз анық жеткендей. Атақты академик Қ.Сәтбаев атындағы мектепте білім алып, еліміздің өсіп-өркендеуіне лайықты үлес қосқан азаматтар туған жерге жиналып, ұлағатты шара ұйымдастыруда», – деді аудан басшысы.
</blockquote>
Мұнан соң спорт саласының ардагері, Қазақстан Республикасының еңбек сіңірген спорт қайраткері Қуанған Бәкен сөз сөйлеп, жарысқа қатысушыларға сәттілік тіледі.
Айта кетейік, «Туған жерге тағзым» акциясы аясындағы «Мектебім – Ақмешіттей қасиетті, сенен алдым өнеге мен өсиетті» атты шараның негізгі бөлігі ертең өтеді.
<img src="https://kyzylorda-news.kz/wp-content/uploads/2022/08/296055617_3423288207892102_4579225170283454154_n.jpg" alt="" />
<img src="https://kyzylorda-news.kz/wp-content/uploads/2022/08/sport.jpg" alt="" />

Қазалыда кіші футболдан турнир басталды

<a href="https://kyzylorda-news.kz/">Kyzylorda-news.kz.</a>&nbsp;Бүгін Шиелі ауданында Бала би баба атындағы қазақ күресінен жасөспірімдер арасында өтетін республикалық турнирдің ашылу салтанаты өтті.
Еліміздің 10 облысынан 200-ден астам жас палуан қатысатын турнирдің салтанатты рәсімінде аудан әкімі Нұржан Ахатов сөз сөйлеп, балғын палуандарға сәттілік тіледі.
<blockquote>
 «Бүгінде ауданда қазақ күресімен 1000-ға жуық палуандар мен жаттықтырушылар жұмыс жасауда. Ауданымызда жас спортшыларды қолдау мақсатында жыл сайын республикалық деңгейде турнирлер өткізіліп келеді. Спорттық сайыстардың жүйелі ұйымдастырылуының нәтижесінде аудан спортшылары Қазақстан чемпионаттарында, азия, және әлем біріншіліктерінде ел намысын асқақтатуда. Бүгінгі спорттық шараның ұйымдастырылуына бастамашыл болып, демеушілік көрсетіп жүрген Шиелі ауданның «Құрметті азаматы» Әлімқұлов Темірхан Мәлікұлына және барлық команда жетекшілеріне алғысымызды білдіремін. Қазақ күресінен Бала би атындағы жасөспірімдер арасында өткізіліп отырған Республикалық турнирді ашық деп жариялаймын», – деді аудан басшысы.
</blockquote>
Айта кетейік, Бала би бабамыздың құрметіне арналып, республикалық деңгейде өтіп жатқан турнир ауданда 11-ші мәрте өткізілуде.
Сондай-ақ, биылғы жылы спортшыларымызға қолайлы жағдай жасап, бұқаралық және кәсіби спортты одан әрі дамыту мақсатында аймақ басшысы Нұрлыбек Машбекұлы Нәлібаевтың қолдауымен бюджеттен барлығы 1 млрд.теңгеге жуық қаражат бөлінген.
Жаңадан Шиелі кентінен заманауи талаптарға сәйкес 180 орындық спорт сауықтыру кешенінің құрылысы бастау алып, Көкшоқы мөлтек ауданында спорт кешенінің және Балаби ауылындағы спорт мектебінің ғимаратына күрделі жөндеу жұмыстары жүргізілуде.
<img src="https://kyzylorda-news.kz/wp-content/uploads/2022/08/297646523_1367113033819152_6135195300076633920_n.jpg" alt="" />
<img src="https://kyzylorda-news.kz/wp-content/uploads/2022/08/297807733_1367110673819388_9160031847683633718_n.jpg" alt="" />

Шиеліде қазақ күресінен жасөспірімдер арасындағы республикалық турнир басталды

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысында Өрт сөндіру және құтқару спорты бойынша Қазақстан Республикасы чемпионатының мандат комиссиясы мен спорттық жабдықтарды сыннан өткізу отырысы өтті.
Мандат комиссиясы отырысына чемпионатқа қатысушы барлық командалардың өкілдері мен жаттықтырушылары қатысты.
Чемпионатқа республикадағы барлық өңірлер мен Нұр-Сұлтан, Алматы, Шымкент қалаларының Төтенше жағдайлар департаменттері және Мәлік Ғабдуллин атындағы Азаматтық Қорғау академиясынан 18 үздік ерлер командасы, 13 әйелдер командасы қатысуда. Жалпы турнирге 400-ден астам адам қатысады.
Сайысқа дейін командалардың өрттен құтқару спорттық жабдықтары тексерілді. Сонымен бірге бас төрешілер мен команда өкілдерінің кеңесі және жеребе тарту рәсімі болды.
Отырыс барысында Қызылорда облысы ТЖД бастығы полковник Руслан Қайрақбаев және бас судьяның орынбасары, «Өрт сөндірушілер мен құтқарушылардың спорт федерациясы» қоғамдық бірлестігінің атқарушы директоры Дәурен Данаев қатысушы командалардың өкілдеріне жарыс туралы ережені түсіндірді.
Өз кезегінде, аға төрешілер жабдықтар мен жарақтардың дайындығы туралы, сонымен қатар командалардың өрт-техникалық жабдықтарын қарау-тексеру нәтижесі жөнінде түсіндірді. Сондай-ақ қатысушыларға жарыс жүрісі түсіндірілді. Жиын соңында жеребе тарту рәсімі өтті.
Еске сала кетейік, 3-6-тамыз аралығында Қызылорда қаласында Өрттен құтқару спорты бойынша Қазақстан Республикасының чемпионаты өтеді. Басталу уақыты сағат 09:00-ден 18:00-ге дейін. Чемпионаттың ресми ашылуы 3 тамызда жергілікті сағат 18:00-де Ғ.Мұратбаев атындағы стадионда болады.
<img src="https://kyzylorda-news.kz/wp-content/uploads/2022/08/7b919bc6-bbcd-490f-8213-9e056942efb9.jpeg" alt="" />

Қызылордада өрттен құтқару спорты бойынша республикалық чемпионат өтеді

<a href="https://kyzylorda-news.kz/">Kyzylorda-news.kz.</a>&nbsp;Тамыз айының 1-6 аралығында өрт сөндіру және құтқару спортынан XXVIII ерлер және VIII әйелдер арасындағы республикалық чемпионат өтеді. Төтенше жағдайлар қызметкерлері арасындағы спорт додасына үздік деп танылған 31 команда қатысады. Бұл туралы Өңірлік коммуникациялар қызметінде өткен брифингте облыстық төтенше жағдайлар департаментінің бастығы Руслан Қайрақбаев хабарлады.
<blockquote>
 «Төтенше жағдайлар қызметкерлерінің арасындағы спорттық сайысқа еліміздің түкпір-түкпірінен жиналған кәсіби мамандар бақ сынайды. Бұл дода – төтенше жағдайлар қызметіндегі мамандардың шымырлығын, кәсіби шеберлігін одан әрі дамытуға бағытталған ауқымды шара. Мамандар арасындағы республикалық чемпионаттар жыл сайын дәстүрлі түрде әр өңірде өткізіліп тұрады. Биылғы жазғы чемпионат біздің Сыр елінде өткізілмекші. Бұл сайыстан топ жарған командалар әлемдік жарыстарда бақ сынайтын болады. Сырбойылық төтеншіліктердің команда жетекшісі – өрт сөндіру қызметі бастығының орынбасары, азаматтық қорғау полковнигі Әбділда Баякеев. Ал команда жаттықтырушылары – азаматтық қорғау майоры Владимир Ситников пен Бекболат Бакенов. Барлық жерлестерімізді өрт сөндіру және құтқару спортына жанкүйер болуға шақырамыз», – деді облыстық ТЖД бастығы Руслан Сламбекұлы.
</blockquote>

Төтенше жағдайлар қызметкерлері арасында республикалық чемпионат басталды

<a href="https://kyzylorda-news.kz/">Kyzylorda-news.kz.</a> Үндістанда 44-ші шахмат Олимпиадасының ашылу салтанатында Қазақстан спортшылары тусыз шықты. Бұл туралы желідегі өз парақшасында қазақстандық шахматшы Бибісара Асаубаеваның анасы жазды.
<blockquote>
 “Таңғажайып шараның ашылу салтанатының соңында 186 ұлттық құрама команда 185 тумен жүріп өтті. Неге 186 команда, ал ту саны тек 185 деп сұрайтын шығарсыз? Себебі Қазақстан құрамасының Олимпиадаға қатысуын ұйымдастыруға жауапты Қазақстанның шахмат федерациясы ұмытып кетті, 20 мың теңгені аяды. Салдарынан Қазақстан құрамасы шеруде тусыз өтті. Ұят!”- деп жазды спортшының анасы Лиана Таңжарықова.
</blockquote>
Қазақстан шахмат федерациясы бұған дейін олимпиадаларда спортшылардың шеруі тәжірибеде болмағанын түсіндірді.
<blockquote>
 “Әдетте, ту Олимпиаданың жабылу салтанатында қатысушыларды марапаттау кезде ғана қажет. Биыл ұйымдастырушылар осындай ерекше мүмкіндік берген. Бірақ делегацияны тиісті деңгейде хабардар етпеді”, – деп хабарлады федерацияның баспасөз қызметі.
</blockquote>
Айта кетері, қазақстандық делегациядан басқа, қатысушы құрама елдердің жартысынан көбі шеруге тусыз шықты. Ал кейбір командалар ашылу салтанатында мүлдем болмаған.
<a href="https://sputnik.kz/20220729/olimpiadanyn-ashyluynda-qazaqstan-tu-26425423.html">Sputnik Қазақстан</a>

Қазақстан және Қызылорда облысының жаңалықтары: Спорт

Шиелі ауданында спортшылар марапатталды

Ауыр атлет Айзада Мүптілда мен Бектай Асылжан Ислам ойындарының жеңімпазы атанды

Қызылордалық полицей Атырау облысында өткен қоян-қолтық ұрыста алтын медаль ұтып алды

Нағи Ілиясов ауылында дзюдодан жасөспірімдер арасындағы республикалық турнир өтті

Сырдарияда инфрақұрылым жоғары деңгейде жүргізілуде

Қазалы ауданында спорт алаңдарының саны артуда

Шахматтан Қазақстан әйелдер құрамасы олимпиадада Үндістаннан жеңіліп қалды

Қазалыда кіші футболдан турнир басталды

Шиеліде қазақ күресінен жасөспірімдер арасындағы республикалық турнир басталды

Қызылордада өрттен құтқару спорты бойынша республикалық чемпионат өтеді

Төтенше жағдайлар қызметкерлері арасында республикалық чемпионат басталды

Олимпиаданың ашылуында Қазақстан туы болмады – шахмат федерациясы жағдайды түсіндірді

Қазақстан және Қызылорда облысының жаңалықтары: Спорт

Шиелі ауданында спортшылар марапатталды

Ауыр атлет Айзада Мүптілда мен Бектай Асылжан Ислам ойындарының жеңімпазы атанды

Қызылордалық полицей Атырау облысында өткен қоян-қолтық ұрыста алтын медаль ұтып алды

Нағи Ілиясов ауылында дзюдодан жасөспірімдер арасындағы республикалық турнир өтті

Сырдарияда инфрақұрылым жоғары деңгейде жүргізілуде

Қазалы ауданында спорт алаңдарының саны артуда

Шахматтан Қазақстан әйелдер құрамасы олимпиадада Үндістаннан жеңіліп қалды

Қазалыда кіші футболдан турнир басталды

Шиеліде қазақ күресінен жасөспірімдер арасындағы республикалық турнир басталды

Қызылордада өрттен құтқару спорты бойынша республикалық чемпионат өтеді

Төтенше жағдайлар қызметкерлері арасында республикалық чемпионат басталды

Олимпиаданың ашылуында Қазақстан туы болмады &#8211; шахмат федерациясы жағдайды түсіндірді

Олимпиаданың ашылуында Қазақстан туы болмады – шахмат федерациясы жағдайды түсіндірді