<a href="https://kyzylorda-news.kz/">Kyzylorda-news.kz.</a> &nbsp;Өзбекстан астанасы Ташкент қаласында өтіп жатқан әлем чемпионатында бүгін, 7 мамырда ел құрамасынан төрт боксшы рингке шығады, деп хабарлайды ҚазАқпарат.Елорда уақытымен сағат 15:00-де басталатын күндізгі сессияда Сәкен Бибосынов (51 келі) үндістандық Дипак Кумармен (А рингіндегі бірінші жекпе-жек), Серік Теміржанов (57 келі) венгриялық Роланд Верешпен (А рингіндегі бесінші жекпе-жек) кездеседі.Ал, Нұрқанат Райыстың (75 келі) қарсыласы - доминикандық Дельгадо де лос Сантос. Олар Б рингінде он екінші жекпе-жекте шеберлік байқасады.Сондай-ақ, сағат 19:00-де басталатын кешкі сессияда, Қамшыбек Қоңқабаев (92 келіден жоғары) сириялық Мохаммед Млайеспен Б рингінде оныншы жекпе-жекте шаршы алаңға шығады

Бокстан әлем чемпионаты: 7 мамырда төрт боксшы сынға түседі

<a href="https://kyzylorda-news.kz/">Kyzylorda-news.kz.</a> Бүгін ауданда дзюдодан жасөспірімдер арасында Әсет Сүлейменовті еске алуға арналған облыстық ашық турнир басталды.Турнирдің ашылу салтанатына аудан әкімі Жандос Еркінбек қатысып, ауданда спортты дамыту бағытында атқарылып жатқан жұмыстарға тоқталып, жастар мен жасөспірімдердің бос уақытын тиімді пайдалану, спортқа баулу мақсатында салынып жатқан спорт кешендерінің жуырда пайдалануға берілетіндігін айта келе, турнирге &nbsp;қатысушы жас спортшыларға сәттілік тіледі.Әсет Сүлейменов 1969 жылы дүниеге келген. Әсет Жәнібекұлы өзінің қайтпас қайсарлығымен және де дарындылығы арқасында көптеген республикалық бәсекелерде жүлделі орындарын жеңіп алып, 1986 жылы КСРО спорт шеберіне үміткер атанған.&nbsp;Еңбек жолын 1986 жылы спорт мектебінде жаттықтырушы болып бастап, ішкі істер органдарында қызмет еткен. 5-6 мамыр аралығында өтетін ашық турнирге Оңтүстік Қазақстан облысынан, Қызылорда қаласы мен барлық аудандардан 200-ден аса жас спортшы қатысып, өзара бақ сынасуда.Жасөспірімдер арасындағы өтіп жатқан облыстық турнирге Әсет Сүлейменовтің анасы Рыскүл Нұрғалиева мен халықаралық дәрежедегі төреші, турнирдің бас төрешісі Қайрат Төленовтер қатысуда.

Дзюдодан жасөспірімдер арасында облыстық ашық турнир басталды

<a href="https://kyzylorda-news.kz/">Kyzylorda-news.kz.</a>&nbsp; Өзбекстан астанасы Ташкент қаласында өтіп жатқан әлем чемпионатында төртінші жарыс күнінде Қазақстан құрамасы мен олардың қарсыластары қалай ойын көрсеткені белгілі болды, деп хабарлайды ҚазАқпарат.4 мамырда Қазақстан құрамасынан екі боксшы сынға түсті. Алдымен Санатали Төлтаев (63,5 келі) Маврикийден келген Колину Ришарноға <a href="https://www.inform.kz/kz/bokstan-ach-sanatali-toltaev-zharys-zholynan-shygyp-kaldy_a4064117">есе жіберді</a>.Одан кейін Қамшыбек Қоңқабаев (92 келіден жоғары) реесйлік Алексей Дроновтан <a href="https://www.inform.kz/kz/bokstan-alem-chempionaty-kamshybek-konkabaev-zharysty-zhalgastyrady_a4064221">басым түсті</a>.Ал Өзбекстан құрамасынан шаршы алаңға төрт боксшы шықты.Этникалық қазақ Руслан Абдуллаев (63,5 келі) бірінші раундта испаниялық Конде Ойера Ибарречені нокаутқа жіберсе, Шодиержон Меликузиев (48 келі) непалдық Рабина Тхапуды сүріндірді.Ал Хасанбой Дусматов (51 келі) мексикалық Оскар Хименесті жеңсе, Баходир Джалолов (92 келі) бахрейндік Данис Латыповты тізе бүктірді.Сондай-ақ, Куба құрамасынан Фернандо Арсола (92 келіден жоғары) италиялық Диего Ленцинің осал тұсын тапты.Алехандро Кларо (48 келі) армениялық Барегам Арутюнянды тізе бүктірді.Аталған құрамадан Ласаро Альварес (63,5 келі) эфиопиялық Месфин Кералдан басым түсті.

Бокстан әлем чемпионаты: Қамшыбек Қоңқабаев қарсыласын нокаутқа жіберді

<a href="https://kyzylorda-news.kz/">Kyzylorda-news.kz.</a> «Nomad Palaсe» мейрамханасында КСРО спорт шебері Евгений Тихонович Червоненконы және Раис Салихович Бадретдиновты еске алуға арналған велосипед спортынан көпкүндік &nbsp;ұлдар мен қыздар арасындағы республикалық жарыстың салтанатты ашылу рәсімі өтті.Салтанатты шараға Қызылорда облыстық мәдениет және спорт басқармасы басшысының орынбасары Асылжан Жаманқұл, Қызылорда облыстық велоспорт федерациясының президенті Садық Мұстафа, «Kaz Petrol group» компаниясының бас директоры Ержан Тазабеков және Евгений Червоненконының жұбайы Татьяна Николаевна мен Раис Бадретдиновтың ұлы Ариф &nbsp;Бадретдинов, велоспорт ардагерлері және БАҚ өкілдері қатысты.Жарысқа Алматы, Жамбыл, Қарағанды, Маңғыстау, Қызылорда облыстарымен Сарань қаласынан 100-ге жуық спортшы қатысуда. Республикалық жарыстың бас демеушісі «Kaz Petrol group» компаниясының бас директоры Ержан Тазабеков Қызылорда облысының велосипед құрама командасының спортшыларына велоформа табыстады.Сондай-ақ, қатысушылар КСРО спорт шебері &nbsp;Әлем Чемпионы Марат Сатыбалдиевтің және Евгений Червоненконының ұлы Александр Червоненконың видео құттықтауын тамашалады.&nbsp;Салтанатты шара барысында жарыстың бірінші кезеңі бойынша жеңімпаз, жүлдегер атанған командалар марапатталды. Жалпы республикалық жарыс 7 мамыр күні қорытындыланып, мықтылар анықталады деп жоспарланған.

Қызылордада велоспорттан көпкүндік республикалық турнир басталды

<a href="https://kyzylorda-news.kz/">Kyzylorda-news.kz.</a> &nbsp;Қармақшы ауданы, Жосалы кентіндегі Шоқан Уәлиханов атындағы №26 орта мектепте оқу-тәрбие жұмысын жан-жақты бақылау, ата-аналар үшін педагогикалық ағарту ісін ұйымдастыру, ата-ананы мектеп қызметіне белсене араластыру мақсатында «Ашық есік» күні өтті.&nbsp;Ата-аналар бағдарламаға сәйкес, ашық сабақтарға, тәрбие сағаттарына қатысып, мектептегі оқу процесімен танысты. Алдымен ата-аналар мектеп кіреберісінде ұйымдастырылған оқушылардың шығармашылық көрмесімен танысқан соң, сыныптарда өткен ашық сабақтарына қатысып, балаларының &nbsp;сабақ үлгіріміне қанықты.Атап айтсақ, 6 сыныптарда &nbsp;оқушылар, ата-ана мен сынып жетекшілері арасында үштік одақ, яғни ата-ана, мұғалім, оқушы арасындағы қарым-қатынасты жақсартудағы «Бала тәрбиесі баршаға ортақ» атты тренинг-сайыс, 7 сыныптарда &nbsp;еңбек ардагерлері &nbsp;және қоғам қайраткерлерімен кездесу, 8 сыныптарда «Ұлттық ойын-халық мұрасы» тақырыбында спорттық ойындар сайысы, 11 сыныптарда «Ата-анамның қолдауы арманымның орындалуы!» атты психологиялық тренинг ұйымдастырылды. &nbsp;Мектеп кітапханасында 7-8 сынып оқушылары мен ата-аналардың қатысуымен «Кітап оқы да трендте бол» тақырыбында букроссинг өткізілді.Мектеп акт залында ұйымдастырылған қорытынды жиынында мектеп басшысы Мәуегүл Ерғалиева шараның өткізілу мақсатымен, 2022-2023 &nbsp;оқу жылындағы жетістіктерге тоқталса, өз кезегінде ата-аналар осындай танымдық іс-шараның ұйымдастырушы &nbsp;мектеп әкімшілігіне, ұстаздарға ризашылығын білдірді.Сонымен бірге, іс-шара аясында 10 сынып оқушыларының қатысуымен «Жасыңнан шынықсаң ғасырға жарайсың» тақырыбында ауыр атлетикадан екі дүркін әлем чемпионы Ерасыл Сәулебеков пен жеңіл атлетикадан ауданның &nbsp;өткен жылғы «Үздік спортшысы» номинациясының игері, облыс, республика чемпионаттарының бірнеше дүркін жүлдегері, №30 орта мектептің шәкірті Мұхамедияр Әбілахатовпен кездесу кеші өтті.«Бастау» мектеп парламентінің президенті Нұрасыл Бақытбек пен &nbsp;парламенттің экология дәне еңбек фракциясының мүшесі Назерке Әбдіқадірдің жүргізуімен өткен кешті мектеп директоры Мәуегүл Ерғаплиева ашып, оның өткізілу мақсатымен таныстырды. Мектептің бүгінгі &nbsp;тыныс-тіршілігі туралы хабарлама жасады.Одан әрі Миржан Әлтаев, Назерке Зинуллаева, Нұрасыл Ізтілеуов сынды белсенді оқушылар спорт жайлы түсініктерін ортаға салып, оның адам денсаулығына, еліміздің дамуына маңыздылығына тоқталды.Кеш барысында оқушылар Ерасыл Сәулебеков пен оның жаттықтырушысы Айдар Ералиевке, Мұхамедияр Әбілахатовқа &nbsp;өздері қалаған спорттың ауыр және жеңіл атлетика түрі туралы, жеңісті жолдары мен спортқа деген көзқарасы, алдағы уақыттағы жоспарлары және басқа да сұрақтар қойып, тұщымды жауаптар алды.Тағылымы мол, тәрбиелік мәні зор болып өткен іс-шара соңында &nbsp;ұлағатты ұстаз Әбутәліп Жалмағамбетов жас спротшыларға батасын берсе, мектеп директоры Мәуегүл Ерғалиева сый-сияпат жасап, құрмет көрсетті.

Мектеп оқушылары қармақшылық чемпионмен кездесті 

<a href="https://kyzylorda-news.kz/">Kyzylorda-news.kz.</a> Елорда төрінде Жақсылық Үшкемпіров атындағы жекпе-жек сарайындаөткен парадзюдодан Азия чемпионаты қазақ спортшылары үшін табысты түйінделді. Құрлықтық біріншілікке барлығы 11 ел қатысып, бақ сынады. Жекелей сында балуандар барын салса, командалық есепте қазақ дзюдошылары қарсылас шақ келтірмеді. Қос белдесуде де ұлттық құрама қоржынына олжа алып келген Олжас Оразалыұлы қазақ елінің абыройын тағы асырып, жерлестерінің мерейін өсірді.Алдымен балуандар жекелей сында бақ сынады. Татами төрінде әйелдер, сосын ерлер өнер көрсетіп, Азияның атағын сынға салды. Біздің Олжас 73 келіде өнер көрсетіп, жартылай сынға дейін сүрінбей өтті. Тек ақтық сынға жолдаманы уысынан шығарып, қола үшін белдесуде мықты екенін көрсетті. Олжас жалпы бұған дейін сары құрылық бәсекесінде топ жарып, парадзюдодан Әлем чемпионатында алтынмен қуантқан болатын. Былтыр тек қоламен қуантып, ақтық сынға өте алмай қалғаны болмаса. Сол олқылықтың орнын биыл толтыруға ниетті. Әрине бұл жолы сәттілік жетіспеді демесек, қазір ол нағыз спорттық бабында тұрған балуан.<blockquote>«Өз елімізде өтіп жатқаннан кейін сенім мен жауапкершілік жүгі өте ауыр болды. Дегенмен жүлде алуға тырыстым, бұйырғаны қола болды. Алдыда Әлем чемпионаты мен келер жылғы Олимпиада ойындары күтіп тұр. Алла абырой берсе алтынсыз оралмаймын деген үміттемін. Бапкерлерім мен жанкүйерлеріме үлкен алғыс айтамын», – деді Олжас.</blockquote>Келесі күні командалық сында қыздар мен жігіттер жан берісіп, жан алысты. Алдымен әйелдер құрамасы алтынды жұлып алса, келесі күні ерлер бозкілемге көтерілді. Командалық сында Қазақстан ерлер құрамасында Ерғали Шамей (J1-73 келі), Жанбота Аманжол (J2-90 келі), Ерлан Өтепов (J1+90 келі), Олжас Оразалыұлы (J2-73 келі), Абылай Әділбеков (J1-90 келі) және Ерлан Конкиев (J2 +90 келі) ел намысын қорғады. Қазақстан үшін командалық жарыстағы шешуші белдесу Өзбекстан құрамасына қарсы өтті. Парадзюдо бойынша әлемде мықты ел болып саналатын Өзбекстанды қазақстандық спортшылар 4:0 есебімен айқын басымдықпен ұтты. Осы кездесуде ең тартысты белдесу Олжас Оразалы мен Токио Паралимпиадасының чемпионы Феруз Саидов арасында өтті.Белдесу басында Феруз Саидов бірінші вазари ұпайын еншілеген. Десе де, негізгі уақытта отандасымыз Олжас тиімді әдіс қолданып, есепті теңестіріп үлгерді. Қос балуанның күресі қосымша уақытқа дейін жалғасты. Қосымша уақытта Олжастың Феруз Саидовқа қолданған әдісі нәтижелі шығып, Қазақстан құрамасы жеңіске жетті.Феруз Саидов Токиода өткен Паралимпиада ойындарының финалында отандасымыз Дәулет Те-міржанды ұтқан болатын. Біздің Олжас Азия чемпионатында командаласы Дәулеттің есесін қайтарды.Осы кездесуде Ерғали Шамей, Жанбота Аманжол, Ерлан Өтепов те өз кезегінде қарсыластарынан басым түсті. Жарыс айналмалы жүйеде өткендіктен ел құрамасы Өзбекстаннан кейін Моңғолия командасымен кездесіп, Азия чемпионатының командалық жарысында жеңімпаз атанды. Өзбекстан құрамасы екінші орынға ие болса, Моңғолия мен Үндістан спортшылары үздік үштікті қорытындылады.Еске салайық, Қазақстан құрамасы Азия чемпионатының жекелей жарысында төрт алтын, төрт күміс және алты қола жүлде жеңіп алған болатын. Олжастың бапкерлік құрамында Жанарбек Сансызбаев, Руслан Беркимбай және Біржан Иманбаев бар.– Олжастың әрбір жеңісі жаңақорғандықтар үшін үлкен мақтаныш. Оның спортқа деген қызығушылығы бала кезден көрінді. Оның жас болса да жігері мықты, жеңіске деген құлшынысы осындай биікке шығарды. Сондықтан, осы жолдан таймаса ол әлемді бірнеше рет бағындырарына күмәнім жоқ, – дейді алғашқы бапкері Біржан.Осы тұста айта кетейік, 2018 жылы парадзюдодан Португалияда өткен Әлем чемпионатында жаңақорғандық жас Олжас Оразалыұлы алтыннан алқа тағынып, қазақ елінің мерейін өсірген болатын. Оны сол алтыны Олжасты қазақстандық ең жас чемпиондар тізіміне енгізген еді. Міне, араға 4 жыл салып, сол тұғырға қайта қонды. Бірақ, бұл жолы бауанымызға бұйырғаны қола болды. Жас спортшының осыған дейінгі жеткен жетістігі бір төбе. Кешегі жеңісімен қазақ жұртын тағы бір қуантып, Сыр елінің абыройын асырды.Биылғы әлемдік бәсеке Әзірбайжанның Баку қаласында өтті. Әлемнің 41 елінен 400-ден аса дзюдошы батарын сынап, ел абыройын арқалап барды. Бұл сында қазақ балуандарына қос алтын бұйырды. Ал, Олжас 73 келіде өнер көрсетіп, шешуші сәтте сүрініп, қола үшін қарап қалмады. Ол осыған дейін әлемдік кубок жолында бірнеше жүлдемен оралып жүрді. Қазір ол өз салмағында Қазақстанда теңдесіз балуан.– Екінші мәрте алтын тұғырдан көріну басты мақсатым болған еді. Қола бұйырды, Аллаға шүкір. Келер жылы кеткен есені қатайрып, байрақты бәсекелерде барымды салатын боламын. Екі жылдан Олимпиада ойындары бар, оған да баруға бар күш-жігерімді саламын. Бұйырса жеңісті күндердің ауылы алыс емес, – дейді Сыр елінің мақтанышы.Жалпы Жаңақорғанда дзюдо спорты қайта еңсе тіктеп келеді. Жас балуандар жігерін жанып, облыстық сындарды сыналып жүр. Сондықтан Олжастың соңынан еретін балуандар әлі талай аудан топырағынан шығады деп сенеміз.– Олжастың әрбір жеңісі жаңақорғандықтар үшін үлкен мақтаныш. Оның спортқа деген қызығушылығы бала кезден көрінді. Оның жас болса да жігері мықты, жеңіске деген құлшынысы осындай биікке шығарды. Сондықтан, осы жолдан таймаса ол әлемді бірнеше рет бағындырарына күмәнім жоқ, – дейді алғашқы бапкері Біржан.Ұлттық құрама мүшесі, Халықаралық дәрежедегі спорт шебері Олжас М.Нәлібаев ауылының тумасы. Алғашқы бапкері Біржан Иманбаев болды. Кейіннен қалаға қоныс аударып, сонда тәлім алады. Жанарбек Сансызбаев пен Руслан Беркімбай баптайтын балуаннан әлі талай жеңіс күтеміз. Ең бастысы, Олимпиада жүлдесі бұйырсын, жерлестері соған тілеулес.Ұлттық құрама мүшесі, Халықаралық дәрежедегі спорт шебері Олжас М.Нәлібаев ауылының тумасы. Алғашқы бапкері Біржан Иманбаев болды. Кейіннен қалаға қоныс аударып, сонда тәлім алады. Жанарбек Сансызбаев пен Руслан Беркімбай баптайтын балуаннан әлі талай жеңіс күтеміз. Ең басты¬сы, Олимпиада жүлдесі бұйырсын, жерлестері соған тілеулес

Жаңақорғандық чемпион олжалы оралды

<a href="https://kyzylorda-news.kz/">Kyzylorda-news.kz.</a> Кеңес әскерінің Ауған жерінен шығарылғанына 34 жыл толуына орай интернационалист-жауынгерлер Ә.Өміров, Н.Айсауытов, Р.Доспанов және А.Жыңғылбаевтарды еске алуға арналған мектеп оқушыларының дәстүрлі аудандық спартакиадасы болып өтті.Қармақшы аудандық спартакиадасы спорттың 7 түрінен өтті. Атап айтар болсақ, волейбол, қол добы, асық ату мен бес асық, қол күрес, үстел теннисі, АК-74 қаруын бөлшектеп жинақтау, АК-74 қаруының оқжатарын жарақтау.Спорттық шараның негізгі мақсаты: Ауғанстан елінде қайтыс болған жерлестеріміз Н.Айсауытов, Ә.Өміров, Р.Доспанов, және А.Жыңғылбаевтарды еске алу мақсатында, саламатты өмір салтын насихаттау, аудан жастары арасында спорттың бұқаралығын арттыру, мектеп оқушыларын Отан сүйгіштік рухта тәрбиелеу, жастарға әскери-патриоттық тәрбие беру болып табылады.Ұлттық спорт түрі асық атудан:ІІІ орынды – №105 мектеп-лицейінің командасыІІ орынды – №26 орта мектеп командасыІ орынды - №121 орта мектеп командасыБес асықтан:ІІІ орынды – №26 орта мектеп командасыІІ орынды - №105 мектеп-лицейінің командасыІ орынды – № 30 орта мектеп командасыҚол добы арасында:ІІІ орынды – №250 мектеп-лицейінің командасыІІ орынды – №183 орта мектеп командасыІ орынды - №121 орта мектеп командасыВолейбол ұлдар арасында:ІІІ орынды – №121 орта мектеп командасыІІ орынды – №30 орта мектеп командасыІ орынды - №105 мектеп-лицейінің командасыВолейбол қыздар арасында:ІІІ орынды –№183 орта мектеп командасыІІ орынды – №105 мектеп-лицейінің командасыІ орынды - №26 орта мектеп командасыҚол күрес арасында:ІІІ орынды –№183 орта мектеп командасыІІ орынды – №250 мектеп-лицейінің командасыІ орынды - №30 орта мектеп командасыҮстел теннис арасында:ІІІ орынды –№250 мектеп-лицейінің командасыІІ орынды – № 26 орта мектеп командасыІ орынды - №105 мектеп-лицейінің командасыАК-74 қаруын бөлшектеп жинақтау арасында:ІІІ орынды –№30 орта мектеп командасыІІ орынды – № 250 мектеп-лицейінің командасыІ орынды - №27 орта мектеп командасыАК-74 оқжатарын жарақтау арасында:ІІІ орынды –№30 орта мектеп командасыІІ орынды – № 250 мектеп-лицейінің командасыІ орынды - №27 орта мектеп командасыСпартакиаданың жалпы командалық есепте 40 ұпаймен ІІІ орынды - №26 орта мектеп командасы, 43 ұпаймен ІІ орында №30 орта мектеп командасы, 45 ұпаймен дәстүрлі аудандық оқушылар спартакиадасының жеңімпазы №105 мектеп-лицей командасы жеңіске жетті.

Қармақшыда дәстүрлі аудандық спартакиада өз мәресіне жетті

<a href="https://kyzylorda-news.kz/">Kyzylorda-news.kz.</a> Жаңақорған кентіндегі орталық стадионда Жаңақорған ауданының әуесқой футбол лигасының көктемгі-жазғы маусымдағы аудандық біріншілігі басталды.Жарысқа кент және ауылдық округтерден 14 команда қатысуда. Әуесқой футбол лигасының көктемгі-жазғы маусымдағы аудандық біріншілігі күз айында қорытындыланады. Жеңімпаз атанған команда Қазақстан Республикасының чемпионатына жолдама алады. Айта кетейік, әуесқой футбол лигасына облысқа, ауданға белгілі футболшы Оразалы Тасболатов жетекшілік етеді.Жарыстың ашылу салтанатында Жаңақорған ауданы әкімінің орынбасары Бектас Балғабайұлы және Жаңақорған аудандық мәслихат төрағасы Ғалымжан Жарқынбекұлы сөз сөйлеп, спортшыларды құттықтады. Жаңақорған ауданында алғаш рет ашылып жатқан аудандық әуесқой футбол лигасына облыстық әуесқойлар футбол лигасының директоры Еркен Жантуғанов лигаға қатысушыларға сәттілік тіледі.Әуесқой футбол лигасының көктемгі-жазғы маусымдағы аудандық біріншілігі күз айында қорытындыланады. Жеңімпаз атанған команда Қазақстан Республикасының чемпионатына жолдама алады.<img src="https://knadmin.beoblood.kz/uploads/343605599_254014553689649_7557619917571195957_n_98975cbadd.jpg" alt="343605599_254014553689649_7557619917571195957_n.jpg">

Жаңақорғанда әуесқой футбол лигасы басталды

<a href="https://kyzylorda-news.kz/">Kyzylorda-news.kz.</a> 27-30 сәуір аралығында Қызылорда қаласында асық ату мен бес асықтан 2010-2012 жылы туылған жасөспірімдер аралығындағы ҚР чемпионатыны өтуде.&nbsp;Мұндай ауқымды жарыстың біздің облысымызда өтуі - облысымыздағы ұлттық ойындардың жоғары деңгейде дамып келе жатқанының көрінісі. 28-сәуір күні "Нұрсәт" теннис орталығында шараның ресми ашылуы салтанатты түрде болып өтті. Жарысты Асық ату Федерациясының президенті Жомарт Сабыржанов мырза мен осы жарыстың бас төрешісі Азамат Кобелов мырза ашып берді.Аталмыш додаға 16 облыстан 16 команда келді. Командалардың осындай көп мөлшерде келуі - асық ойындарының тарихында алғаш рет болып тұрғанын тілге тиек еткен басшылық, ойынның жоғары қарқынмен дамып келе жатқанын, ұлттық ойындарымызды әлде де дәріптеп, насихаттап, шәкірттеріміздің бойына ұлттық құндылықтарымызды сіңдіру керектігін, рухани мәдениетімізді үйрету керектігін атап өтті.Бүгінге дейінгі нәтижелерге көз жүгіртсек, облысымыздың ұлдар құрамасы да, қыздар құрамасы да әзірге ешқандай облыстан жеңілмей, топтан 1 орынмен шығып тұр. Алдағы ақтық ойындарда асықшыларымыздың асықтары алшысынан түсіп, жеңісті өзімізде қалдырады деп сенеміз.Айта кететін бір жайт, 16 облыстан келген қонақтарға арнап "Ақ-Жайық" мейрамханасында 27-сәуір күні үлкен қонақасы берілді. Қонақжайлылықты ту еткен қызылордалықтар ҚР асық ату федерациясының президенті Жомарт Сабыржанұлының иығына шапан жапты.

Қызылордада асық атудан ел чемпионаты өтуде

<a href="https://kyzylorda-news.kz/">Kyzylorda-news.kz.</a>&nbsp; Президент Қасым-Жомарт Тоқаев: – бұқаралық дене шынықтыруды өркендету ісі жаңа чемпиондар шыңына шығатын пирамидаға айналуы тиіс. Бұл салауатты әрі белсенді жастардың, түптеп келгенде, қуатты ұлттың негізін қалыптастырады» – деп атап өткен еді. &nbsp;Осы бағытта ауданымызда тағы бір ауқымды шараның куәсі болдық. Жуырда КСРО спорт шебері Жанесенов Оңдасын Нақылұлын еске алуға арналған еркін күрестен жасөспірімдер арасында республикалық турнир өтті.Бүгінде қай спорттың түрінен болмасын жетістікке жетіп жүрген аралдық жастар аз емес. Ал белдесу спортынан қай уақытта да аудан балуандарының бәсі биік. Солардың бірі – Оңдасын Жанесенов. 1964 жылы 12 сәуірде дүниеге келген спорт шебері сол уақыттарда қаладағы №213 мектепте оқып жүріп-ақ Кеңес Одағының бәсірелі бәсекелерінде топ жарып жүрген Шоқыр Бөлтекұлы, Бақи Елқондиев, Жүрек Ысқақов, Қабден Байдосов, Махмұт, Мақсұт Омаровтар мен Әбдісалан Нұрмахановтар сынды спорт саңлақтарының шеберліктеріне тәнті болып, спорттың күрес түріне деген қызығушылығы арта түсті. Арал қаласындағы балалар мен жасөспірімдер спорт мектебінің еркін күрес секциясында Жасағанберген Қазтуғанов, Ертан Қараев сынды еңбегі сіңген &nbsp;жаттықтырушылардан ең алғаш күрес тәсілдерін үйреніп, 1981 жылы орта мектеп бітірген соң Тараз қаласының Жамбыл техникалық институтына қабылданды. Бұл жерде де оқумен қатар «Буревестник» спорт мектебінде жаттығуын жалғастырған ол еркін күрес пен қазақша күрес, самбо және дзюдодан студенттер мен ересектер арасында өткізілген бірнеше спартакиадалар мен біріншіліктердің жеңімпазы атанған. Тумысынан қайсар, өжет мінезді азамат 1984 жылы Отан алдындағы азаматтық борышын өтеуді міндет санап, &nbsp;Иркутск өңіріндегі Байкал округіне әскерге аттанып, 35-551 әскери бөлімінің спорт ротасына қабылданады. Осылай жүріп ерінбей еткен еңбек пен төккен тердің нәтижесінде еркін күрестен КСРО спорт шеберіне кандидат, дзюдо мен самбо күресінен КСРО спорт шебері атағына қол жеткізеді.Әскерден елге абыроймен оралып, оқуын жалғастырып, аяқтады. Одан әрі Жамбыл, Ақтөбе облыстарында өнеркәсіп саласында біршама жылдар қызмет жасайды. Кейіннен кіндік қаны тамған Арал өңірінде қызмет етуді де парыз санап, мұнай-газ саласында абыроймен бірнеше жыл қызмет жасайды. Өкініштісі, &nbsp;бұл спортшы өмірінің соңғы жылдары еді. 2013 жылдың 5 ақпанында 49 жасында көз жұмады. Сол жылдан бастап даңқты спортшының есімін ұлықтау мақсатында жасөспірімдер арасында еркін күрестен аудандық турнир өткізілсе, 2015 жылдан бері республикалық деңгейдегі балуандар сайысы жыл сайын ұйымдастырылып келеді. Биыл 10-шы мәрте жалауын көтерген турнирдің ашылуына аудан әкімінің орынбасары К.Бержанов қатысып:&nbsp;<blockquote>&nbsp;Дене шынықтыру мен бұқаралық спортты дамыту – салауатты өмір салтын қалыптастырудың негізгі шарты. Республикалық деңгейдегі осындай турнирлер жас балуандардың тәжірибе алмасып, шеберліктерін шыңдауына үлкен мүмкіндік. Бүгінгі жарыста бағы мен бабы келіскен спортшылардың жеңіске жетуіне тілектеспін, – деп Оңдасын Жанесеновтің спорттағы жетістіктеріне тоқталса, даңқты спортшының анасы Марияш әжеміз бен &nbsp;Байғабыл ағамыз барша жарысқа қатысушы жас балуандарға сәттілік тіледі.</blockquote>Жоғарыда айтқанымыздай, оныншы рет өткен турнир үш күнге созылып, жергілікті спортшылардан бөлек, Атырау, Ақтөбе, Ұлытау, Жамбыл, Қызылорда облыстары мен Шымкент қаласынан келген жасөспірім ұлдар және қыздар жеңіс үшін барын салды.&nbsp;Әр аймақтың мықтылары жиналған боз кілемдегі белдесуде ауданның балғын балуандары да намысты қолдан бермеуге тырысты. Жарыс қорытындысы бойынша 26 келі салмақ дәрежесінде жерлесіміз Нұрқанат Ақмырзаев алтыннан алқа тақса, Айжарық Исламбек, Шыңғыс Рүстемов, Мансур Жанболатов, Құдияр Аманқос, Әлимансур Ермек, Әліби Бахытұлы, Досбол Шәкімаратов, Думан Толғаев, Жандарбек Смағұл, Санжар Ерланұлы, Мирас Мейрімхан, Мадияр Айтұрғанов, Дінислам Медетбаев, Нұржан Әбілбай, Дәрібай Ерсұлтан, Қасым Әлиасқар сынды жерлестеріміз де жүлделі орындардан көріне білді.Осындай спорт түрлері көрермендерге көптеп жол тартса, ауданымыздың спорт саласында жасындай жарқылдаған жас балуандардың &nbsp;ұлттық құрама сапында бой көрсетіп, қарасы қалыңдай түсетініне сенім білдіремін.

Аралда еркін күрестен республикалық турнир өтті

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысының әкімі Нұрлыбек Нәлібаев Қазалы ауданының Ү.Түктібаев елді мекенінде дене шынықтыру-сауықтыру кешенінің ашылу рәсіміне қатысты.Аймақ басшысы ауыл тұрғындарын құттықтап, өңірде спорт инфрақұрылымын дамытуға ерекше мән берілетінін атап өтті.<blockquote>“Мемлекет басшысы Қасым-Жомарт Кемелұлы өз Жолдауында «Денсаулық кепілі – дене шынықтыру. Халықтың спортпен шұғылдануына барлық жағдай жасалуы қажет» деген болатын. Былтыр Қазалы ауданының дамуына 29 млрд.теңгеден астам қаржы бөлінсе, биыл 30 млрд.теңгенің үстінде қаражат қаралуда. Оған сіздерді бұрыннан толғандырып жүрген, халыққа ең керекті әлеуметтік мәселелер рет-ретімен шешілетін болады. Спорт кешенінің ашылуымен сіздерді шын жүректен құттықтаймын. Ауылда қуаныштар көп болсын”, – деді Нұрлыбек Машбекұлы.</blockquote>Шара барысында Ү.Түктібаев ауылының қоғамдық кеңес төрағасы Тәжімұрат Төремұрат өз лебізін білдіріп, бата берді.Айта кетейік, спорт кешенінің жалпы алаңы 760,9 шаршы метр, мұнда футбол, баскетбол және волейболдан жаттығу өтеді.Жаңа спорт кешенін көріп шыққаннан кейін аймақ басшысы ауыл тұрғындарымен кездесіп, ұсыныс-пікірлерін тыңдады.Қазіргі таңда облыс бойынша 10 денешынықтыру және спорт кешенінің құрылысы жүргізілуде. Бұдан бөлек, биыл облыс орталығынан құны 6,9 млрд. теңгені құрайтын көпсалалы спорт кешенінің құрылысын бастау жоспарланған.Аймақ спортшылары Қазақстан Республикасы чемпионаты мен кубоктарында 1 078 медаль жеңіп алса, Әлем және Азия чемпионаты мен кубоктарында 218 медальға қол жеткізді. Осылайша Сыр спортшылары соңғы бес жылдықтағы рекордты жаңалады.Өткен жылы грек-рим күресінен Сербияның Белград қаласында өткенӘлем чемпионатында Ұлттық құрама сапында жерлесіміз Айдос Сұлтанғали қола жүлдені олжаласа, «Қазақстан барысы-2022» турнирінде жеңімпаз атанған жерлесіміз Мақсат Исағабылов туған жеріне бас жүлдені үшінші рет әкелді.<img src="https://knadmin.beoblood.kz/uploads/343763150_221078007323501_5622823924984502642_n_84a3b178a9.jpg" alt="343763150_221078007323501_5622823924984502642_n.jpg"><img src="https://knadmin.beoblood.kz/uploads/343749883_212983978109802_7468170324790875341_n_dc7a676d99.jpg" alt="343749883_212983978109802_7468170324790875341_n.jpg">

Қазалының ауылында жаңа спорт кешені пайдалануға берілді

<a href="https://kyzylorda-news.kz/">Kyzylorda-news.kz.</a> Қызылорда облыстық сотының 85 жылдығына орай судьялар мен сот қызметкерлері арасында спарактиада болып өтті. Үшінші рет ұйымдастырылып отырған дәстүрлі спартакиадада шағын футбол, волейбол, гир көтеу, қол күресі, арқан тарту, үстел теннисі және командалық эстафета ойындарынан жүлделер сарапқа салынды.&nbsp;Шараны ардагер судья Әнуарбеков Амангелді, Қызылорда облыстық сотының қылмыстық істер жөніндегі сот алқасының төрағасы Бекжанов Жанат Сақыбайұлы және Қазақстан Республикасы Сот әкімшілігінің Қызылорда облысы бойынша департаментінің басшысы Сүлеймен Сағатбек Болатбекұлы ашып, жарысқа қатысушыларға сәттілік тіледі.&nbsp; Сот ардагері А.Әнуарбеков ұжымды мерейлі мерекемен құттықтап, облыстық соттың спорттық сайыста жеткен жетістіктеріне тоқталып, естеліктерімен бөлісті.Ж.Бекжанов қай сала болмасын, бұқаралық спортты дамыту баршамыздың ортақ міндетіміз, сондықтан салауатты өмір салтын берік ұстану – біздің басты қағидамыз екенін айтса, С.Сүлеймен осындай спорттық сайыстар негізінде шыңдалған біздің спортшылар түрлі спорттық бәсекелерде командалық және жекелей сында жеңіс тұғырынан көрініп жүргенін атап, аймақтық және республикалық спорт жарыстарында жеңімпаз атанып жүрген облыстық сот командасының жетістіктерін тілге тиек етті.&nbsp;Спорт – тек қана бәсеке емес, үлкен достықтың бастауы, салауатты өмір салтының негізі. Осы қағиданы нық ұстанған облыс сотарының судьяларынан құралған «Айқын», Арал, Қазалы, Қармақшы аудандары мен Байқоңыр қалалық сотынан құралған «Барыс», Жалағаш, Сырдария, Шиелі, Жаңақорған аудандық соттарының «Сұңқар», мамандандырылған соттардың «Найзағай», дәстүрлі спартакиаданың алғашқы жеңімпаздары Қызылорда облыстық сотының «Айбын» және 2022 жылғы спартиакада чемпионы Қызылорда қалалық және Қызылорда қаласының №2 соттарының «Қанағат» командалары сынға түсті.Жарыс үстел теннисімен ашылып, тартысты ойында «Айқын» командасынан Н.Еламанов бірінші орын алса, ақтық сайыста жеңімпазға есе жіберген «Айбын» командасынан Д.Махамбетов екінші орынды қанағат тұтты. Жүлделі үшінші орын «Барыс» командасынан Е.Мейрамбековке бұйырды. Спорттың бұл түрінен жүлдегер болмаса да М.Оспанов, Н.Бекетаев, Е.Жетпісбайұлының жеңіске деген ұмтылысы анық көрініп тұрды.Сайыстың келесі түрі – волейболдан «Айқынға» тең келер қарсылас табылмады. Чемпионнан ғана жеңіліс тапқан «Айбын» екінші орын алса, «Сұңқар» командасы үштікті тәмамдады.&nbsp;Шағын футболдан «Айбын» жеңімпаз атынып, «Барыс» екінші орын алды. Ал үшінші орын «Айқын» мен «Сұңқарға» бұйырды.Арқан тарту жарысынан әйелдер арасында «Айбын» арулары жеңіске жетсе, «Сұңқар» мен «Найзағай» екінші және үшінші орындарды алды. Сайыстың осы түрінен ерлер арасында өткен бәсекеде «Айқын» бірінші, «Айбын» мен «Барыс» кейінгі орындарды алды.Сайыстың келесі түрі қол күрестен ерлер арасында «Барыс» бірінші орынды иеленсе, кейінгі орындарды «Сұңқар» мен «Айбын» өзара бөлісті. Жарыстың осы түрінен әйелдер арасында «Айбын» қыздары қарсылас шақ келтірмей бірінші орын алды. Ал «Сұңқар» мен «Найзағай» келесі орындарға жайғасты.Гир көтеру сайысында ерлер арасында «Қанағат» командасынан Е.Жетпісбайұлы үшінші, «Барыс» командасынан С.Жүзбай екінші, «Найзағай» командасынан А.Сералиев бірінші орынды қанжығасына байлады.&nbsp;Жылдамдық пен тактиканы талап ететін командалық эстафетада «Қанағаттың» қыздары мен жігіттері бірінші, «Найзағай» екінші, «Барыс» үшінші орынды алды.Жалпы есепте Қызылорда облыстық сотының қызметкерлерінен құралған «Айбын» командасы спартакиаданың басты бәйгесін жеңіп алып, ауыспалы кубокты иеленді.Жарыс жеңімпаздары ұйымдастырушылар арнайы дайындаған дипломмен марапатталды.

Қазақстан және Қызылорда облысының жаңалықтары: Спорт