<a href="https://kyzylorda-news.kz/">Kyzylorda-news.kz.</a> Бүгін Сырдария ауданының әкімі Берік Сәрменбаевтың қатысуымен мемлекет және қоғам қайраткері Елеу Көшербаевты еске алуға арналған волейболдан XХIV Халықаралық турнирдің салтанатты ашылуы өтті. Дәстүрлі спорттық іс-шараға аудандық мәслихат төрағасы Ержан Әжікенов, облыстық спорт және мәдениет басқармасы басшысының орынбасары Жігер Айекешов, жақын туыстары мен ұрпақтары Айтбай Көшербайұлы мен Болат Елеуұлы, аудан ардагерлері және спортшылар қатысты.Салтанатты іс-шараның ашылуында аудан басшысы мемлекет және қоғам қайраткері Е.Көшербаевтың ел дамуына сіңірген еңбектерін атап көрсетті.<blockquote>«Елеу Көшербайұлы – қазақ елінің экономикасын, мәдениетін өркендетуге, ұлттық дәстүрді сақтауға, әсіресе Қызылорда облысының дамуына өзінің қажымас қызметі арқылы айрықша үлес қосқан қайраткер. Ол ХХ ғасырдың 60-70 жылдары Қазалы, Сырдария аудандық партия комитетінің екінші хатшысы, Тереңөзек, Сырдария ауданының атқару комитетінің төрағасы, облыстық атқару комитеті төрағасының орынбасары болған. Сонымен қатар, 1975-1991 жылдары Қармақшы, Қазалы аудандық партия комитетінің бірінші хатшысы қызметтерін абыроймен атқарған. Елеулі қызметтері үшін халықтың ыстық ықыласына бөленген. Мемлекет және қоғам қайраткерінің елдің есінде қалған еңбектері жетерлік. Мәселен, Елеу Көшербаевтың бастамасымен және ерекше ықпал етуімен Қорқыт ата мемориалды кешені тұрғызылды. Бұл жер бүгінде Түркі тілдес елдердің ортақ тағзым ететін орнына айналды. Сондай-ақ, Орталық Азия мен Қазақстан жастар қозғалысын ұйымдастырушылардың бірі – Ғани Мұратбаев ескерткішінің ашылып, мұражайының салынуына атсалысты. Елге еңбегі сіңген азаматтың халқына жасаған осындай игі істері ел жадында сақтаулы. Ардақты әкенің ісін ұрпақтары лайықты жалғастыруда. Атап айтқанда, Елеу Көшербайұлы бастаған Қорқыт ата мұрасы ұрпақтарының қолдауымен ЮНЕСКО-ның мәдени мұраларының қатарына қосылды. Одан бөлек, қайраткер тұлғаның өмірі мен қызметін насихаттау мақсатында ұрпақтары бір ғана Сырдария ауданында емес, мәдени-спорттық іс-шараларды облыс көлемінде жыл сайын ұйымдастырып келеді. Бұл – әкені ардақтап, есімін мәңгі етудегі игі іс. Сондықтан Елеу Көшербайұлының елге жасаған еңбегі жас ұрпаққа үлгі-өнеге, – деді Берік Әбдіғаппарұлы.</blockquote>Турнирдің ашылу салтанатында мемлекет және қоғам қайраткері Қырымбек Көшербаевтың, ҚР Парламенті Мәжілісінің депутаты Мұрат Ергешбаевтың арнайы жолдаған құттықтау жеделхаттары оқылды.Өз кезегінде облыстық мәдениет және спорт басқармасы басшысының орынбасары Жігер Айекешов спортшыларға сәттілік тілесе, Өзбекстан волейбол Федерациясының аға жаттықтырушысы Шерузат Маталиев те құттықтау сөз сөйлеп, Көшербаевтар әулетіне арнайы сыйлық табыс етті.Бұл додаға Өзбекстан мемлекетінен және еліміздің әр өңірінен 30-ға жуық команда, яғни 350-ден астам спортшы қатысуда.Айта кетейік, Халықаралық турнир 24 қыркүйекке дейін жалғасады.<img src="https://knadmin.beoblood.kz/uploads/382143603_1422378354991719_4406070904053768268_n_a37c024d49.jpg" alt="382143603_1422378354991719_4406070904053768268_n.jpg">

Е.Көшербаевты еске алуға арналған дәстүрлі турнир басталды

<a href="https://kyzylorda-news.kz/">Kyzylorda-news.kz.</a> &nbsp;Қорқыт ата атындағы Қызылорда университетінде ашық футбол алаңының ашылу салтанаты өтті.&nbsp;Жиында университеттің Басқарма төрағасы – Ректоры Бейбіткүл Кәрімова жаңа алаң стандартқа сай салынғанын, білім ордасында жастарға қашанда қолдау көрсетілетінін атап өтті.<blockquote>«Білімді, мақсаты айқын, салауатты өмір салтын ұстанатын жастар – біздің жарқын болашағымыз. Олардың спортпен кәсіби түрде айналысып, республикалық, халықаралық жарыстарға қатысуы үшін қашанда қолдау көрсетеміз. Сондай-ақ, университеттің материалдық-техникалық базасын нығайту жұмыстарын да жүйелі жүргізіп келеміз. Қазіргі уақытта университетте «Сейхун» спорттық-сауықтыру кешені, 7 спорт зал, 5 жазғы спорт алаңы, 1 спорт мұражайы бар. Біз еліміздің абыройын асқақтатып жүрген спортшы жастарымызды мақтан тұтамыз. Биыл «Дене шынықтыру және бастапқы әскери дайындық» кафедрасының құрылғанына 35 жыл толып отыр. Әлі де білім ордасы саңлақ спортшы, сайыпқыран шәкірттерді даярлайды деген сенімдеміз», – деді Бейбіткүл Сәрсемханқызы.</blockquote>Қазіргі уақытта оқу орнында спорттың әр түрінен 13 спорттық секция жұмыс істейді. &nbsp;Университетте Әлем чемпионатының – 9, Азия чемпионатының - 23, Қазақстан чемпионатының – 125 жеңімпазы мен жүлдегері бар. Салтанатты жиында «Қайсар» футбол клубының директоры, ҚР құрметті спорт қайраткері, ҚР еңбек сіңірген жаттықтырушысы Садық Мұстафа спорттық инфорақұрылымның жақсаруы студенттердің кәсіби шеберлігінің артуына ықпал ететінін жеткізді.<blockquote>«Футбол алаңының ашылуы денешынықтыру және спорт мамандығында білім алатын студенттер үшін үлкен сый болды. Оқу ғимаратының алдында орналасқан бұл алаңда алдағы жарыстарға дайындалатын боламыз» , – деді студент Нұрзат Аманбай.</blockquote>Шарада сала мамандары «Қорқыт Ата атындағы Алтын медалімен», «Үздік түлек» медалімен марапатталды.&nbsp; Айта кету керек, республикалық Студенттер лигасына университет студенттерінен құралған командалар спорттың 7 түрінен (баскетбол, волейбол, футзал, үстел теннисі, тоғызқұмалақ, қазақша күрес, шахмат) қатысып, жүлделі орындар иеленіп жүр. Ал, ҚР ХІІ жазғы Универсиадасында университет спортшылары, спорттың 16 түрінен 37 медаль иеленіп, республикада үздіктер қатарынан көрінді. Білім ордасында дене шынықтыру және спорт саласы бойынша «Дене шынықтыру және бастапқы әскери дайындық», «Дене тәрбиесі» кафедралары жұмыс істейді.

Жаңа футбол алаңы пайдалануға берілді

Фото: НОК РК<a href="https://kyzylorda-news.kz/">Kyzylorda-news.kz.</a> Еркін күрестен Ризабек Айтмұқан (92 келі) әлем чемпионы атанды, деп хабарлайды <a href="https://kaz.inform.kz/?_gl=1*ovpecf*_ga*MTcxODQ3NTk0My4xNjk1MDU1MDE3*_ga_Y44SMVECD5*MTY5NTA1NTAxNy4xLjEuMTY5NTA1NzkxOS4yOS4wLjA.&amp;pk_vid=0328f919b8b400d616950579408ce980">ҚазАқпарат</a>.Сербия астанасы Белград қаласында күрес түрлерінен өтіп жатқан әлем чемпионатында қазақстандық балуан финалда Осман Нурмагомедовпен кездесті.Кездесу басынан балуандар бір-біріне лайықты қарсылық көрсетті. Әзербайжандық балуан әдіс қолданып, алғашқы ұпайын еншіледі. Одан кейін Ризабек әдіс қолданып, таразы басын теңестірді. Соңғы сәтте ол тағы айласын асырып, ұпайын молайтты.Нәтижесінде Ризабек Айтмұқан қарсыласын 4:2 есебімен жеңіп, әлем чемпионы атанды.&nbsp;Айта кетейік, Ризабек Айтмұқан - еркін күрестен тәуелсіз Қазақстан тарихындағы тұңғыш әлем чемпионы болып отыр.Қарсыласы осал емес. 1998 жылы дүниеге келген әзербайжандық балуан қазірге дейін әлем чемпионатында 2021, 2022 жылдарда қола жүлдегер атанды. Оған қоса Еуропа чемпионатында бір мәрте күміс, екі мәрте қола алған.Ризабек Айтмұқан финалға дейінгі төрт кездесудің барлығында жеңіске жетті. Алдымен венгриялық Балаж Юхасты 13:3 есебімен жеңсе, одан кейін түркиялық Фейзулла Актюркті 11:0 есебімен тізе бүктірді.Ал жартылай финалда грузиялық Мириани Майсурадзеден басым түсті.Енді ел құрамасынан Мейрамбек Қартбай (57 келі) 3-орын үшін сынға түседі.

Тарихи жеңіс: Ризабек Айтмұқан еркін күрестен әлем чемпионы атанды

Фото: Ермек Маржықпаевтың Telegram парақшасы<a href="https://kyzylorda-news.kz/">Kyzylorda-news.kz.</a> ҚР Туризм және спорт министрі Ермек Маржықпаев күрестен әлем чемпионатында Қазақстан құрамасы алғашқы медаль мен олимпиадалық лицензияға ие болғанын мәлімдеді, деп хабарлайды ҚазАқпарат.Еркін күрес шебері Азамат Дәулетбеков 86 келіге дейінгі салмақта өнер көрсетіп, осы күндері Сербияда өтіп жатқан әлем чемпионатының қола жүлдесін жеңіп алған.«Бахрейн өкіліне қарсы өткен «жұбаныш финалында» біздің спортшы өзінің шеберлігін ғана емес, мінезін де көрсете отырып, соңғы секундтарда жеңісті жұлып алды. Азамат пен Қазақстан құрамасының жаттықтырушылар штабын осы нәтижемен құттықтаймын, сондай-ақ Париж Олимпиадасында елімізді лайықты түрде танытуға тілектеспін», - дейді министр.Ол сондай-ақ, тағы бір қазақстандық палуан Ризабек Айтмұханның 92 келіге дейінгі салмақ дәрежесіндегі финалға сенімді түрде жолдама алғанын атап өткен. Бүгін ол әлем чемпионы атағы үшін күресетін болады.&nbsp;

Қазақстан құрамасы күрестен алғашқы Олимпиада лицензиясына ие болды

<a href="https://kyzylorda-news.kz/">Kyzylorda-news.kz.</a> Астанадан Түркістанға дейінгі 1300 шақырымды бастан-аяқ 1 атпен еңсеруді мақсат еткен “Рекорд” командасының құрамы Астана қаласы, Маңғыстау мен Жетісу облыстарының шабандоздарынан құралған.&nbsp;Арқадан атқа қонған үш шабандоз қара жерді қайыстыра Түркістанға таяп келеді.Қазақ жылқысының атын Гиннес рекордтар кітабына енгізуді көздеген азаматтарға төрешілер шешімімен қомақты жүлдеқоры бекітілді.&nbsp; 1-орынға - 2 миллион теңге, 2-орынға - &nbsp;1,5 миллион теңге, 3-орынға - 1 миллион теңге беріледі.Әзірге командадағы 3 шабандоздың уақыты әртүрлі. Атап айтқанда, 12-кезең бойынша, Маңғыстау командасының шабандозы 89 сағат 46 минут есебімен алда келе жатыр. Екінші орын - 92 сағат 10 минут уақыт есебімен Жетісу командасының рекордсменінің еншісінде. Үшінші орында - 92 сағат 33 минут есебімен Астана командасының шабандозы тұр.Алда соңғы 2 кезеңді қосқанда 150 шақырым тұр. Яғни, марафон-бәйгенің мәреге жетуіне сәл қалды. Әйтсе де топырақты төңкере шапқан тарлан жануарлар әлі де бабында. Ал ертең − шын жүйрікке бәйге бұйырып, аты озған аймақ бөрігін көкке лақтырады.Айта кету керек, “Рекорд” командасы діттеген мақсатына жетсе, келесі жылғы жорыққа Гиннес рекордтар кітабының өкілдерін шақырту жоспарда бар.

“Ұлы дала жорығы”: “Рекорд” командасына қомақты қаржылай сыйлық бекітілді

<a href="https://kyzylorda-news.kz/">Kyzylorda-news.kz.</a> Сырдария ауданы әкімдігінің қолдауымен,«Сырдария-Нұрдария» қоғамдық қорының ұйымдастыруымен БАҚ өкілдері арасында облыстық ашық турнир өтті.Іс-шараның ашылуында аудан әкімі Берік Сәрменбаев сөз сөйлеп, жарысқа қатысушы командаларға сәттілік тіледі.— Журналист болу – халыққа қызмет ету. Сондықтан Сіздерге артылар міндет пен жүк жеңіл емес. Осындай міндетті жауапкершілікпен атқарып, жағымды жаңалықтарды ақпараттандыруға зор үлес қосып келесіздер. Кәсіби шеберліктеріңіз арқылы ауданда атқарылып жатқан жұмыстармен өңір жұртышылығы танысуда. Ауданды дамыту мақсатындағы жарқын істеріміз ақпарат көздерінен жиі таралып, басылым беттеріне тұрақты жарияланып отырады. Соның негізінде халық біздің жұмысымызды көріп, лайықты бағасын беруде. Міне, осы сәтті пайдалана отырып, өңірдің ақпарат саласында тынбай еңбек етіп жүрген Бұқаралық ақпарат құралдарының өкілдеріне шынайы алғысымды жеткізгім келеді. Жазушы Шерхан Мұртаза «Журналистің жегені жантақ, арқалағаны алтын» дейді. Сондықтан ел үшін атқарып жатқан қызметтеріңізге табыс тілеймін. Сырдария ауданындағы жағымды жаңалықтарды алдағы уақытта да сапалы ақпараттандыруға үлес қоса беретіндеріңізге сенім білдіремін, — деді Берік Әбдіғаппарұлы.Мұнан соң Өңірлік коммуникациялар қызметінің директоры Гүлнұр Бүркітбаева да сөз сөйлеп, Сырдария ауданында БАҚ өкілдеріне арнап турнир ұйымдастырылып жатқанына ризашылығын жеткізді.Облыстық турнирге «Qyzylorda», &nbsp;«Qogam TV», «Баспасөз», «Меншікті тілшілер», «Өңірлік коммуникациялар қызметі» және «Тіршілік тынысы» командалары қатысып, өзара бақ сынады.Тартысты өткен турнир нәтижесінде «Баспасөз» командасы І орынды, «Qyzylorda» командасы ІІ орынды, «Меншікті тілшілер» командасы ІІІ орынды жеңіп алды. Жеңімпаздарға және қатысушы командаларға, арнайы диплом мен қаржылай сыйлық табыс етілді.

БАҚ өкілдері арасында облыстық турнир өтті

<a href="https://kyzylorda-news.kz/">Kyzylorda-news.kz.</a> Биыл Қазақстан футболына тың жоба ретінде іске қосылған QJ (Қазақстан жасөспірімдер) лиганың орталық кездесуі Қызылорда қаласында ұйымдастырылды.&nbsp;Футбол мерекесіне лиганың қамқоршылық төрағасы Тимур Турлов пен лига президенті Рохус Шох арнайы келіп, қызылордалық жанкүйерлермен біге «Қайсар» – «Ақсу» матчын тамашалады.Орталық кездесуде облыс әкімі аппаратының басшысы Шахмардан Байманов QJ (Қазақстан жасөспірімдер) лиганың ел футболының даму жолында үлесі басым екенін айтты. Сондай-ақ лиганың ұйымдастырушыларына аймақ басшысының алғысын жеткізіп, «Ақсу» және «Қайсар» командаларына сәттілік тіледі.Футбол мерекесі аясында жанкүйерлерге ұлттық ойындар, Live band, дәмді палау үлестірілді. Сонымен қатар эстрада жұлдызы Ильхан Ихсанов пен Маченский ән шырқап, қызылордалықтарға керемет көңіл күй сыйлады. Матч соңында жанкүйерлер лоторея ойынына қатысып, Дубайға жолдама, айфон 14 ұялы телефонын, Ps5, Airpods, Apple Wath, Қазақстан құрамасының жейдесін ұтып алды.Айта кетейік, QJ (Қазақстан жасөспірімдер) лигасында еліміздің ең таңдаулы 12 командасы бақ сынайды.

QJ лигасының орталық кездесуі өтті

<a href="https://kyzylorda-news.kz/">Kyzylorda-news.kz.</a> «Ұлы дала жорығы» марафон-бәйгесініңтоғызыншы кезеңі аяқталды. Шабандоздар белгіленген маршруттың 850 шақырымын басып өтті.&nbsp;Тоғызыншы кезең қорытындысы бойынша, Алматы облысының командасыжеңімпаз атанды. Бұл жолы қостанайлық шабандоздар мәре сызығына екінші болып келсе, Жетісуоблысының командасы үшінші болып жетті. Өкінішке қарай, бұл кезеңде Жамбыл облысы командасымен қоштасуға тура келді. Марафонның бас төрешісі Надежда Купцованың айтуынша, жамбылдық жылқының тұяғы абайсызда шұңқырға кіріп кетіп, ақсап қалған.&nbsp;<blockquote>«Команданың қалғанекі шабандозы командадан тыс Түркістанға дейін жету мақсатын орындайды. Олар осы уақытқа дейін үздіктер қатарында болды. Жарыстан шығып қалуы бәріміз үшін оңай тимеді. Дегенмен дода болған соң, жеңіліс те болады. Қалған 11 командаға мұқият болыңыздар дегім келеді» деп атап өтті бас төреші.&nbsp;</blockquote>Жамбыл командасының шабандозы Олжас Байшонов командасының жорықтан шығып қалғанына өкінетінін жоққа шығармай, келесі жылы тыңғылықты дайындықпен келуге уәде берді.&nbsp;<blockquote>«Өкініш жоқ. Келесі жылдан үміт бар. «Жеңілген күреске тоймайды» демекші, мұнымен қоштаспаймыз. Расында дайындығымыз аз болды. Келесі жылы ең мықты аттарды алып келеміз. Төрешілер 650 шақырымды еңсергеніміз үшін медаль тақты. Атымыз аяқасты аяғын ауыртып алып, жарысты тоқтатуға мәжбүр болдық. Дегенмен біздің екі шабандозымыз Түркістанға дейін бармақ» деді О.Байшонов.&nbsp;</blockquote>Бұдан бөлек Астана қаласы, Маңғыстау, Жетісу, Қостанай облыстарының шабандоздары да 650 шақырымды жүріп өткен тұлпарларымен Түркістанға дейінгі 1300 шақырымды еңсеруді мақсат еткен. Бұл командаға төрешілер «Рекорд» деген атау беріп, арнайы 13-інші команда ретінде тіркеп, нәтижелерін күнделікті белгілеп отыр. «Рекорд» командасының жігіттері діттеген мақсатына жетсе, келесі жылғы жорыққа Гиннес рекордтар кітабының өкілдерін шақырту жоспарда бар.&nbsp; Айта кетейік, алда 5 кезең, яғни 450 шақырым қалды.Тоғызкүннің қорытындысы бойынша командалардың жалпы уақыты: Маңғыстау облысы, 56 сағат 54 минут 19 секунд Қостанай облысы, 58сағат 23 минут 31 секунд Ақтөбе облысы, 58 сағат 56 минут 32 секунд Жетісу облысы, 60 сағат 25 минут 02 секунд Астана қаласы, 62 сағат 25 минут 03 секунд Алматы қаласы, 64 сағат 09 минут 51 секунд Абай облысы, 66 сағат 43 минут 02секунд Алматы облысы, 67сағат 37 минут 55 секунд Түркістан облысы, 68сағат &nbsp;15минут 15секунд Қарағанды облысы, 73 сағат 39 минут 24 секунд Ұлытау облысы, 88 сағат 33 минут 09 секунд11 команда 15 қыркүйекте таңғы сағат 7:00-ден бастап алғашқы 50 шақырымды еңсеруге аттанды. Түскі астан соң 9-кезеңнің кезекті 50 шақырымын бағындыруы тиіс. Сонымен командалар алдында 950-іншішақырымды еңсеру міндеті тұр. Айта кетейік,«Ұлы дала жорығы» республикалық марафон-бәйгесінің бас серіктесі – «Sport Qory» туризм индустриясы мен спортты қолдау қоры. <img src="https://knadmin.beoblood.kz/uploads/63ae6341_8e12_4d15_a000_6988f63b434c_d6d0ecdcbf.jpg" alt="63ae6341-8e12-4d15-a000-6988f63b434c.jpg">

«Ұлы дала жорығы»: Алматы облысы командасы екі күн қатарынан жеңді

<a href="https://kyzylorda-news.kz/">Kyzylorda-news.kz.</a> Биыл Қазалы спорт клубының құрылғанына – 10 жыл. Тәуелсіздік алған жылдардан бері қарай ауданда алғашқы салынған бұл ғимарат ашылған күннен бастап, мұнда түрлі спорт түрінен республикалық, облыстық, аудандық шаралар өтіп келеді.Сонымен қатар, осыншама жылдар ішінде көптеген спортшылар жаттығып, аудан абыройын асқақтататын саңлақтар қанат қақты.Бүгін соның аясында шағын футболдан спорт мекемелері қызметкерлерінің арасында аудандық жарыс басталды.8 команда қатысқан додаға аудан әкімінің орынбасары Дәурен Тілеумбетов арнайы қатысып, спорт клубтың құрылғанына 10 жыл толуына орай құттықтау лебізін білдіріп, спортшыларға сәттілік тіледі.– Қазалы ауданының спорттағы жетістігі, бағындырған белесі аз емес. Ал сол спортшылардың көпшілігі осы ғимаратта жаттығып, шыңдалды. Соның дәлелі болса керек, биыл спортшыларымыз ҚР-ның чемпионаттарына, халықаралық, республикалық, облыстық жарыстарға қатысып 18 алтын, 26 күміс, 31 қола медальға қол жеткізді.Нысанның ашылғанына 10 жыл толған мерейтойымен баршаңызды құттықтаймын! Соның аясында ұйымдастырылып жатқан жарысқа қатысушы командаларға сәттілік тілеймін, – деді Дәурен Оңғарбайұлы.Мұнан соң ардагер спортшы Нұрлыбек Есбосынов сөз алып, құттықтау тілегін жеткізді.Көп ұзамай командалар алаңға шығып, топтағы үш ұпай үшін таласты бастады.

Қазалыда спорт мекемелері қызметкерлерінің арасында аудандық жарыс өтіп жатыр

<a href="https://kyzylorda-news.kz/">Kyzylorda-news.kz.</a> Жаңақорған ауданы, Байкенже ауылында Байкенже ауылының құрметті азаматтары Сағынбай Мұрсаұлы мен Рауза Құдіретіллақызын еске алуға арналған волейболдан ерлер арасында аудандық ашық біріншілік өткізілді. Жарысқа қала, кент және ауылдық округерден 5 команда қатысты.Жарыс қорытындысы бойынша:1 орын - Байкенже ауылы2 орын - Қыркеңсе ауылы3 орын - Кентау қаласыЖеңімпаз командалар мен жүлдегерлер аудандық мәдениет және спорт бөлімінің грамоталарымен марапатталып, демеушілердің тағайындаған медальдары мен кубоктары табысталды.

Жаңақорғанда волейболдан ашық біріншілік өтті

<a href="https://kyzylorda-news.kz/">Kyzylorda-news.kz.</a> Сырдария ауданының әкімі Берік Сәрменбаев "Сырдария ауданының Құрметті азаматы", тыл және еңбек ардагері Рақымжан қажы Бәйменовпен бірге ұлттық ойын – көкпарды тамашалады.Аудан басшысы атшабарға жиналған көкпаршылардың қанжығаларының майлануына тілек білдірді. Тыл және еңбек ардагері Р.Бәйменов спортшыларға батасын берді. Аудан әкімі ардақты ақсақалға құрмет көрсетіп, қазақы дәстүрмен иығына шапан жапты.Көкпар ойыны жігіттердің күш-жігерін, төзімділігін, батылдығы мен ептілігін, ат үстінде мығым отыруын қалыптастырады. Қазіргі таңда ұлттық ойынды халық арасында кеңінен насихаттау, салауатты өмір салтын қалыптастыру және ойынның техникасы мен шеберлігін игеруге жастардың қызығушылығын ояту аса маңызды.Ұлттық спортқа Қызылорда, Жаңақорған, Шиелі аудандарынан және ауданға қарасты елді мекендерден ат құлағында ойнайтын шабандоздар қатысып, тартысты әрі қызықты ойын өрнегін көрсетті.

Сырдария ауданында көкпар ойыны өтті

<a href="https://kyzylorda-news.kz/">Kyzylorda-news.kz.</a> 7 қыркүйекте Өзбекстан мемлекетінің Хиуа қаласында гір спортынан Әлем чемпионаты басталды. Байрақты бәсекеде Жалағаштағы "Наркескен" спорт клубының гір спорты үйірмесінен 6 спортшы өз бағын сынап жатыр.Жарыстың бірінші күні, ұзын циклді серпе көтеруде жерлесіміз Қайсар Төлеген еліміздің мерейін үстем етті. Ол 78 келі салмақта 1-орын иеленіп, әлем чемпионы атанды.Бағы мен бабы келіскен Қайсар Төлеген үмітімізді ақтап келеді. Былтыр Үндістанда өткен әлем чемпионатында қола медаль қанжығалаған. Екі мәрте Азияның чемпионы болды. Осы жолы да мықтылығын дәлелдеді.12 қыркүйекте аяқталатын жарыста “Наркескеннің” тағы 5 спортшысы өнер көрсетеді. Олар да жеңіс тұғырынан көрінеді деп сенеміз.Айта кету керек, "Наркескен" спорт клубының гір спортынан бір жыл ішінде ауыз толтырып айтарлықтай жетістіктерге жетуі кездейсоқтық емес. Аудан әкімдігінің қолдауымен, демеушілердің көмегімен гір спорты үйірмесін талапқа сай келетін құралдармен қамтамасыз еттік. Спортшылардың сайыстарға қатысуына жағдай жасадық. Осы жұмыстар жемісін беріп жатыр. Гір тасын алақанда ойнататын Абдулхасан Сейтеновтің шәкірттері — "наркескендіктер” намысты қолдан бермей, еліміздің, облыстың, ауданымыздың абыройын асқақтатуда.

Қазақстан және Қызылорда облысының жаңалықтары: Спорт