<a href="https://kyzylorda-news.kz/">Kyzylorda-news.kz</a>&nbsp;Сот орындаушысы өзінің іс жүргізуіне қабылдаған атқарушылық құжат мәжбүрлеп орындату шараларын қолдану үшін негіз болып табылады. &nbsp;ҚР «Атқарушылық іс жүргізу және сот орындаушыларының мәртебесі туралы» Заңының &nbsp;32-бабының 1-тармағына сәйкес сот орындаушысы атқарушылық құжаттардың орындалуын қамтамасыз ету жөнiнде шараларды қабылдауға мiндеттi.Атқарушылық құжаттардың орындалуын қамтамасыз ету жөнiндегi шаралар мыналар болып табылады:1) борышкердiң өзiндегi не өзге де жеке немесе заңды тұлғалардағы, яғни, банктердi және банк операцияларының жекелеген түрлерiн жүзеге асыратын ұйымдарды, сондай-ақ сақтандыру ұйымдарын қоспағанда ақшасы мен бағалы қағаздарын қоса алғанда, мүлкiне тыйым салу;&nbsp; &nbsp; &nbsp;1-1) борышкердiң банктердегi, банк операцияларының жекелеген түрлерiн жүзеге асыратын ұйымдардағы, сондай-ақ сақтандыру ұйымдарындағы ақшасы мен мүлкiне тыйым салу;&nbsp; &nbsp; &nbsp;2) борышкердiң өзiндегі не өзге де жеке немесе заңды тұлғалардағы жылжымалы мүлкін алып қою;&nbsp; &nbsp; &nbsp;2-1) борышкердiң өзiндегі не өзге де жеке немесе заңды тұлғалардағы жылжымайтын мүлкiн алып қою;&nbsp; &nbsp; &nbsp;3) борышкерге белгілі бір іс-әрекеттер жасауға тыйым салу, оның ішінде заңды тұлға органдарына шешімдер қабылдауға тыйым салу, сол сияқты заңды тұлғаның жылжымалы және жылжымайтын мүлкін, мүліктік және мүліктік емес құқықтарын, бағалы қағаздарын және жарғылық капитал мен мүліктегі үлестерін иеліктен шығару жөнінде қабылданған шешімдердің қолданылуын тоқтата тұру;&nbsp; &nbsp; &nbsp;4) борышкердiң оған меншiк құқығы негiзiнде тиесiлi мүлiктi, оның iшiнде ақшаны пайдалануына тыйым салу не оларды сот атқарушысы белгiлеген шекте пайдалануға нұсқау беру;&nbsp; &nbsp; &nbsp;5) борышкер мүлкiне сүргi салу;&nbsp; &nbsp; &nbsp;6) құқық белгiлейтiн құжаттарды алып қою;&nbsp; &nbsp; &nbsp;7) басқа адамдардың борышкерге мүлiк, оның iшiнде ақша беруiне немесе оған қатысты өзге де іс-әрекеттерді орындауына тыйым салу.&nbsp; &nbsp; &nbsp;3. Қажет болған жағдайларда орындауды қамтамасыз етудiң бiрнеше түрi қолданылуы мүмкiн.&nbsp; &nbsp; &nbsp;4. Қамтамасыз етудiң бiр түрiн басқасымен ауыстыру туралы мәселенi сот орындаушысы атқарушылық iс жүргiзу тараптарының арызы бойынша немесе өз бастамасы бойынша қарайды. Қамтамасыз етудiң бiр түрiн басқасымен ауыстыру туралы мәселенi қарау бұрын белгiленген қамтамасыз ету шараларының қолданылуын тоқтата тұрмайды.&nbsp; &nbsp; &nbsp;5. Атқарушылық іс жүргізуді тоқтата тұру, кейінге қалдыру немесе мерзімін ұзарту атқарушылық құжаттардың орындалуын қамтамасыз ету жөнінде бұрын белгіленген шаралардың күшін жоюға әкеп соқпайды.&nbsp; &nbsp; &nbsp;6. Сот орындаушысы осы баптың 2-тармағының 1-1), 2-1) және 6) тармақшалары бойынша атқарушылық құжаттардың орындалуын қамтамасыз ету жөніндегі шараларды Қазақстан Республикасының азаматтық процестік заңнамасында белгіленген тәртіппен алынатын санкциямен қолданады.&nbsp; &nbsp; &nbsp;Осы тармақтың бірінші бөлігінде көрсетілген шараларды санкциялауды прокурор жүзеге асырады.А.Оразбаева,Мемлекеттік сот орындаушы.&nbsp;&nbsp;&nbsp;

Атқарушылық құжаттардың орындалуын қамтамасыз ету жөнiндегi шараларға не жатады?

<a href="https://kyzylorda-news.kz/">Kyzylorda-news.kz</a>&nbsp;Ұлттық заңнамада орын алып жатқан өзгерістер, тергеу мен сот тәжірибесі, заң нормаларын қолдануда туындайтын мәселелерді талқылау ұдайы өткізіліп келеді.&nbsp;Дәстүрлі жиынға облыстағы құқық қорғау органдарының бірінші басшылары, облыстық сот төрағасы және сот өкілдері қатысып, пікір алмасты. Бұл туралы облыстық прокуратураның баспасөз қызметі хабарлады.Жиында электрондық форматта тергеліп, сотқа жолданған қылмыстық істерді қарау барысында туындаған мәселелер, кемшіліктер және істерді сотта қарауда орын алған заң бұзушылықтар барысы айтылды.&nbsp;Облыс прокуроры Ризабек Ожаровтың айтуынша, 2022 жылы электрондық форматта тергелген 1108 қылмыстық іс сотқа жолданса, өткен жылы оның саны 1516-ға жеткен. Осы жылдың 4 айында сотқа 468 іс жолданып, былтырғы жылмен салыстырғанда 27%-ға өскен. Прокуратура органдары тарапынан қабылданып жатқан шараларға қарамастан қылмыстық ізге түсу органдары электрондық форматта қылмыстық іс жүргізу барысында процессуалдық кемшіліктер мен заң бұзушылықтарға әлі де жол беріп отыр.Өз кезегінде аймақтағы құқық қорғау, сот және тергеу саласының өкілдері&nbsp; электрондық форматта тергелетін істердегі кемшіліктер мен заң бұзушылықтар және басқа да қиындықтар бойынша баяндама жасап, пікір алмасты. Сондай-ақ жаңа форматқа көшуде бірлесе жұмыс жасау үшін ортақ шешімге келді.Айта кетейік, қылмыстық іс жүргізу процесі қағаз күйінен электрондық форматқа көшірілді. Қазіргі уақытта тергеушілер, прокурорлар, судьялар тиісті техникалық құралдармен қамтамасыз етіліп, жұмысы оңтайландырылуда.Барлық тексеру мен тергеу әрекеттері тек электрондық форматта жүргізіледі. Бұл – өз кезегінде уақытты үнемдеуге, процестің ашықтығын, қолжетімділігін қамтамасыз етіп, азаматтардың негізсіз қудалауына жол бермеудің жаңа тәсілі. Сондай-ақ тергеу мен қадағалау, сот актілердің сапасы жақсаруда.Жалпы атқарылып жатқан жұмыстардың нәтижесінде бүгінгі күні облыста электронды форматта іс жүргізу 98%-ды құрап, Қызылорда облысы республикада алдыңғы қатардан көрінді.&nbsp;

Ұлттық заңнамада орын алған өзгерістер 

<a href="https://kyzylorda-news.kz/">Kyzylorda-news.kz.</a> &nbsp; Дөңгелек үстелге Сырдария аудандық сотының төрағасы Р.Алдарбергенов, судья Д.Ералиев, әкімші басшысы Н.Әбдікәрім,&nbsp;әкімші басшысы Н.Е.Әбдікәрім, Сырдария ауданы прокурорының көмешісі&nbsp;Н.Нұрғалиев, Сырдария АПб-і басшысының тергеу жөніндегі орынбасары Н.Беркінбаев, жергілікті полиция бөлімшесінің басшысы Қ.Көшекбаев, адвокаттар Ғ.Сақтағанов пен Қ.Жаппасбаева қатысты.Сырдария аудандық сотының төрағасы Р.Алдарбергенов дөңгелек үстелді ашып, қатысушыларды күн тәртібімен таныстырып, көтеріліп отырған тақырыптың өзектілігін атап өтіп,&nbsp;Президент 2022 жылғы 16 наурыздағы және 2023 жылғы 1 қыркүйектегі Қазақстан халқына арнаған Жолдауларында әйелдер мен балаларға қатысты зорлық-зомбылық үшін жазаны қатаңдатуды тапсырғанын,&nbsp;осыған орай 2024 жылғы 15 сәуірдегі № 72-VIII ҚРЗ Қазақстан Республикасының Заңына сәйкес, ӘҚБтК-нің 73-1 және 73-2-баптары Қылмыстық Кодекске 108-1 және 109-1-баптары болып енгізілген себебі, денсаулыққа қасақана жеңіл зиян келтіру мен ұрып-соғу істері жыл сайын артып отырғанын, аталған заңдар 2024 жылдың 15 маусым айында заңды күшіне енетіндіктен осы санаттағы істердің түсуін қатаң бақылауға алып, қылмыстық жауаптылыққа тартылатын істердің әкімшілік құқық бұзушылық іс болып қаралып және толтырылмауына жауапкершілікпен қарау қажет екенін айтты.Дөңгелек үстелдің соңында қатысушылар өзара пікір алмасты.

Сырдария  аудандық сотында дөңгелек үстел өтті

<a href="https://kyzylorda-news.kz/">Kyzylorda-news.kz.</a>&nbsp; Қызылорда қаласы полиция басқармасының ювеналды полиция бөлімшесінің инспекторлары кәмелетке толмағандар арасындағы құқық бұзушылықтардың профилактикасы, балалардың қадағалаусыз қалуының алдын-алу, сондай-ақ өмірлік қиын жағдайға тап болған, қолайсыз және әлеуметтік осал отбасыларда тәрбиеленетін балалардың алдын-алу іс-шараларын жүйелі түрде жүзеге асыруда.<blockquote>​«Жыл &nbsp;басынан бері басқарманың «102» арнасына үйінен шығып кетіп, қайта оралмады деген 22 хабарлама тіркелген. Аталған 22 хабарлама бойынша тәуліктің түнгі мезгілінде, яғни 23:00-ден кейін қоғамдық орындарда анықталған 9 кәмелетке толмаған жасөспірімдердің заңды өкілдеріне қатысты ҚР ӘҚБтК-нің &nbsp; 442 бабы 2 бөлігімен әкімшілік шара көрілді. 6 жасөспірімге қатысты сотқа дейінгі тергеп-тексерудің бірыңғай тізіліміне тіркеліп, қалған 16-на қатысты құжаттар жинақталып, номенклатуралық іске жолданды. Бірнеше мәрте белгісіз бағытқа кетіп қалу деректерін қайта қайталап жасағаны үшін 1 жасөспірім Басқарманың БДБ есебіне алынып, қазіргі таңда Девиантты мінез құлық балаларға арналған мектеп интернатына жатқызылды, одан бөлек&nbsp;ата-анасына қатысты ҚР ӘҚБтК-нің 127-бабы 3-бөлігімен әкімшілік шара көрілді», - делінген ПД баспасөз қызметінің хабарламасында.</blockquote>2024 жылдың төрт ай қорытындысымен қадағалаусыз және панасыз қалған 110 жасөспірім ​ Қызылорда облысының Кәмелетке толмағандарды бейімдеу орталығына орналастырылған.<blockquote>– «Үйден кетудің себептері әртүрлі. Кейбір балалар қаңғыбастыққа бейім немесе еркіндіктің дәмін татқысы келеді. Әсіресе ата-аналармен жанжалдан кейін. Құрметті ата-аналар &nbsp;сіздерден балаларыңыздың уақытын бақылауды және оларды тәрбиелеу бойынша өз міндеттеріне жауапкершілікпен қарауды сұраймыз»,- дейді басқарма бастығы &nbsp;Айдар Демегенұлы.</blockquote>

Қызылорда қаласында жыл басынан бері полиция қызметкерлері жоғалған 22 жасөспірімді тапты

<a href="https://kyzylorda-news.kz/">Kyzylorda-news.kz.</a> &nbsp;Балалар қауіпсіздігі – аса маңызды мәселе.&nbsp;Әсіресе, жаз айларында орталық алаң мен саябақтарда серуендеп­ жүрген жасөспірімдерді жиі кезік­тіресіз. Заң жүзінде кәмелетке тол­маған балалардың түнгі уақытта бей-берекет жүріп-тұруына болмайды. Бұл – ең алдымен жеке бастың қауіпсіздігі. Осы орайда, Сырдария аудандық жастар ресурстық орталығы және аудандық полиция бөлімінің мамандарымен бірлесіп түнгі рейд жұмыстары жүргізілді.Рейдтік іс-шараға жастар ресурстық орталық кеңесшісі Р.Ыдырысов, Сырдария АПб-нің ЖПҚб-нің ППт-нің инспекторы полиция аға лейтенанты О.Доспанов пен полиция капитаны Е.Бекмағанбетов қатысты.Іс-шара барысында жасөспірімдер арасындағы құқық бұзушылықтың алдын-алу, түнгі уақытта жасөспірімдердің ойын-сауық мекемелерінде заңды өкілдерінің еріп жүруінсіз және тұрғын-жайдан тыс жерлерде болған жасөспірімдерді анықтау мақсатында тұрғындар көп шоғырланатын орындарды аралады. Жасөспірімдердің түнгі 22:00-ден кейінгі мезгілде ойын-сауық орындарында болуы айыппұлға әкеп соғатыны жөнінде түсіндірме жұмыстары жүргізіліп, ескертпелер жасалды. Әрбір ата-ана баласының түнгі уақытта қайда жүргенін біліп, көшеде беймезгіл уақытта жүрмеуін қадағалап отыруы тиіс.

Балалардың қауіпсіздігі басты назарда

<a href="https://kyzylorda-news.kz/">Kyzylorda-news.kz.</a> Қызылорда облысы бойынша экономикалық тергеп-тексеру департаменті басшысының міндетін атқарушысы Арман Жанәділов БАҚ өкілдерімен кездесті.Жиын барысында Арман Барысханұлы жергілікті басылымдарға, телеарналар және республикалық БАҚ-тың өңірлік тілшілерімен танысып, департменттің атқарып жатқан жұмыстары турасында ақпар берді. Дөңгелек үстел басында тергеу басқармасының басшысы Ерлан Қасқырбайұлы, талдау әзірмелеу тобының АМІЖ жедел уәкілі Нұрбол Әлкебайұлы қаржы пирамидасы, әлеуметтік манызы бар азық –түлік тауарлары бағасын тұрақтандыру және қадағалау секілді өңір үшін маңызды мәселелер бойынша баяндама жасап, &nbsp;БАҚ өкілдері тарапынан қойылған сұрақтарға нақты жауап берді.Департамент тұрақты талдауға алған бағытың бірі – әлеуметтік манызы бар азық-түлік тауарлары бағасын тұрақтандыру және қадағалау.Облыс әкімдігі жанынан құрылған комиссия ай сайын жергілікті жерде өндірілетін азық-түлік тауарларына (күріш, тұз) бағаны негізсіз көтеру, және әлеуметтік маңызы бар азық-түлік тауарларын жеткізуші делдалдардың бағасын қадағалайды.Әлеуметтік маңызы бар азық-түлік тауарларын сату барысындағы үстемесін асыру бойынша 2 жылда 31 факті анықталған. Асырғандар әкімшілік жауапкершілікке тартылды. Мемлекеттік органдарда сатып алудың кезінде өнімсіз делдалдарды жоюдың оң тәжірибесі бар.Сонымен қатар, департаменттің жүргізген тексеру нәтижесінде облыстық 3 ауруханада өнімсіз азық-түлік жеткізу тізбегінен делдалдар алынып тасталды. Бұған дейін әлеуметтік манызы бар азық –түлік тауарларын әлеуметтік мекемелер жоғары бағамен сатып алып, бюджет қаражатын негізсіз жұмсағаны анықталды. Көтерме сатушылармен және өндірушілермен тікелей келісім шарттар жасалғаннан кейін әлеуметтік маңызы бар тауарларын тізбесінің 11 атауы бойынша бағаның төмендеуі қамтамасыз етілді. Атап айтқанда, қартоп, сәбіз, қырыққабат және қант арзандады.Сонымен қатар&nbsp;Қызылорда облысы бойынша экономикалық тергеп-тексеру департаменті «Қызылорда-Ұлытау облысы шекарасы» (216 шақырым) көлік жолын қайта жаңғырту жобасына қашықтан талдау жүргізіп, нәтижесінде 1.5 млрд теңгеден астам қаражаттың мақсатсыз пайдалану тәуекелдерін анықтады.<blockquote>«Аталған деректер бойынша, «Қазавтожол» АҚ-на және облыстық әкімдікке, жол құрылысының сапасын бақылауға алу туралы хаттар жолданды.Уакытында қабылданған шаралар нәтижесінде жоба құнының негізсіз өсуіне жол берілмеді (жоба құны 70 млрд теңге), Ұлытау облысындағы осы тектес жобаның құны 90 млрд теңгеден 140 млрд теңгеге дейін, яғни 50 млрд теңгеге қымбаттады. Бұл бағытта жұмыс жалғасуда, тұрақты мониторинг жүргізілуде», - деді департаменттің талдау әзірмелеу тобының АМІЖ жедел уәкілі Нұрбол Әлкебайұлы.</blockquote>Департаменттің бастамасымен &nbsp;облыс Әкімінде «Аралтұз» АҚ басшысымен кездесу өтіп, келісімге келген. Яғни 2023 жылы «Аралтұз» АҚ Арал ауданының әлеуметтік саласына 225 млн. теңге көлемінде инвестия салынды. Атап айтқанда, Арал қаласында спорт кешенің салуына – 170 млн. теңге, спорт алаңының құрылысына – 25 млн. теңге, ойын алаңына-20 млн. теңге, қайырымдылық және демеушілік көмекке – 10 млн. теңге қарастырылған.<blockquote>«Қазіргі таңда обьектілер салынуда. Қызметкерлердің жалақысын жылына 20 % көтеру келісілді. 2023 жылдың сәуір айынан жалақы 17% көтеріліп, жұмысшылардың ең төменгі жалақысы 180 мың теңге, ал орташа жалақы 250 мың теңге құрады. Ағымдағы жылдың қаңтар айынан бастап&nbsp;15-20% тағы көтерілді. Айта кету керек, департамент тек қылмыстарды ашумен ғана емес, қайырымды істердің жүзеге асуына атсалысады», - деді&nbsp;Нұрбол Әлкебайұлы.</blockquote>Қазақтан Республикасы Қаржылық мониторинг агенттігінің қолға алған жаңа жобасының бірі - 2022 жылдан &nbsp;бастап қаржы пирамидалары мен алаяқтық сайттарын анықтау бойынша әлеуметтік желіге мониторинг жүргізіле бастады. «Кибернадзор» ақпараттық жүйесі арқылы қаржы пирамидасы белгісі бар сайттар мен сілтемелерді бұғаттау үшін Қазақстан Республикасының цифрландыру министрлігі жанынан арнайы эксперттік топ құрылған. Біздің &nbsp;қызылордалық мамандардың жұмысы нәтижесінде осы эксперттерге 526 сайттар мен сілтемелерді бұғаттауға жолдама берілген, оның ішінде 60 сілтеме бұғатталды, 96 сілтеме эксперттің бақылауында, 333 сілтеме «қол жетімсіз» (недоступны) болып үлгерген.<blockquote>«Жастарды қаржылық алаяқтықтан сақтандыру мақсатында, Қызылорда қаласындағы мектептер мен колледждерде 2022 жылдың қазан айынан бастап «Қаржылық сауаттылық негіздері» тақырыбында семинар-сабақтар өткізуді қолға алдық.Сол себепті Департамент жанында қоғамдық кеңес құрылған. Қеңес жоспарына сәйкес, Қызылорда облысының білім басқармасымен бірлескен “Балақайларға қаржылық сауаттылық туралы” атты 2 кезеннен туратын облыстық сайыс өткізілді. 1-кезең аудандық балабақша тәрбиешілері арасында өтті.&nbsp;Байқауға барлығы 81 балабақша тәрбиешісі қатысты. 7 аудан бойынша сыннан сүрінбей өткен жеңімпаздар облыстық кезеңде бас қосты.Сонымен қатар, сәуір айында аудан және қала оқушылар мен студенттер арасында “Лудомания болашақтың дерті” тақырыбында дебат өткізілді. Дебатқа қатысқан 219 білім беру ұйымының 3756 білім алушысы қатысты. Білім алушылар өздерінің пікірлері арқылы құмар ойындардан сақтану туралы өз көзқарастарымен бөлісті», - деді&nbsp;тергеу басқармасының басшысы Ерлан Қасқырбайұлы.</blockquote>Департамет басшысы журналистермен емен-жарқын сұқбат құрып, экономикалық қылмысқа қатысты әрбір фактіні ақпарат негізіне алғанда оны жан-жақты зерттеу тақырыбына да айналдыру туралы ұсыныс білдірді. Сондай-ақ әрі қарайда тығыз жұмыс жасауға шақырды.Кездесу соңында департамент қызметін ақпарттандыруда белсенділік танытқан бірқатар журналистер Алғыспен марапатталды.

Бюджет қаржысы мақсатты жұмсалуы тиіс

<a href="https://kyzylorda-news.kz/">Kyzylorda-news.kz</a> Кез келген демократиялық қоғамда адамның құқықтары мен бостандықтары сергек және әділ қауымдастықтың іргетасы болып табылады. Бұл туралы Қазақстан Республикасындағы Адам құқықтары жөніндегі уәкілдің Қызылорда облысы &nbsp;бойынша өкіл Дәурен Шарипбаев&nbsp;мәлімдеді.Адамның және азаматтың құқықтары мен бостандықтары ұғымы – оның қадір-қасиетін, әл-ауқатын және бостандығын қорғаудың негізі.Бұл құқықтар мемлекет немесе басқа тұлғалар тарапынан қысым көрсетуден, кемсітуден және билікті асыра пайдаланудан қорғау ретінде қызмет етеді. Құқық пен бостандықтың қорғалуы әртүрлі құқықтық құжаттарда және халықаралық конвенцияларда, мысалы, Адам құқықтарының жалпыға бірдей декларациясында бекітілген. Олар адам отбасының барлық мүшесінің туа біткен қадір қасиеті мен тең құқықтарын мойындайды. Бұл құқықтарға өмір сүру, бостандық және жеке басының қауіпсіздігі, сондай-ақ пікір білдіру, жиналыстар және бірлестіктер бостандығы кіреді.Сондай-ақ қоғамдағы жеке адамдардың әл-ауқаты мен жан- жақты дамуы үшін маңызды саналатын экономикалық, әлеуметтік және мәдени құқықтарды қамтиды. Ең маңызды құқықтың бірі – жеке адамдарға цензурадан немесе кек алудан қорықпай өз пікірлерін, сенімдерін және идеяларын білдіруге мүмкіндік беретін сөз бостандығы құқығы.Бұл құқық белсенді демократия үшін өте маңызды. Өйткені ол ашық пікірталастарға, әртүрлі көзқараспен алмасуға және билік басындағыларды жауапкершілікке тартуға мүмкіндік береді. Сол сияқты, жеке өмірге қол сұғылмаушылық құқығы адамдардың автономиясы мен қадір-қасиетін қорғауда шешуші рөл атқарады.Ол адамның жеке өміріне, отбасына, үйіне және хат жазысуларына араласпау құқығын қамтиды. Цифрлық ғасырда құпиялылықты қорғау маңыздырақ, өйткені технология жеке ақпаратқа қол жеткізуге мүмкіндік береді.Сонымен қатар, теңдік пен кемсітушілікке жол бермеу құқығы барлық адамға олардың нәсіліне, жынысына, дініне немесе басқа да ерекшеліктеріне қарамастан құрмет пен қадір-қасиетпен қарауды қамтамасыз ету үшін маңызды. Бұл құқықты қолдау жеке адамдардың қоғам өміріне толық қатысуына кедергі келтіретін құрылымдық теңсіздіктер мен кемсітушіліктерді жоюды талап етеді.Құқықтардан басқа, адамдардың жалпы әл-ауқаты мен дамуы үшін маңызды бостандықтары бар. Бұл бостандықтарға қозғалыс, мәдени өмірге қатысу, жұмыс істеу және білім алу еркіндігі жатады. Бұл адамдарға қанағаттанарлық өмір сүруге және өз қауымдастығы мен жалпы қоғамға үлес қосуға мүмкіндік береді.Барлық азаматтың құқықтары мен бостандықтарын құрметтеу, қорғау және ілгерілету – үкіметтің, мекеме және жеке адамдардың міндеті. Бұл осы құқықтарды қолдайтын заңдар мен саясатты жүзеге асыруды, сондай-ақ жеке тұлғалардың құқықтары мен оларды қалай жүзеге асыру керектігі туралы білім беруді және хабардар етуді талап етеді.Бұл құқықтарды қолдау өз әлеуетін жүзеге асыра алатын әділ, инклюзивті және демократиялық қоғам құру үшін маңызды. Қоғамның барлық мүшесі осы құқықтарды қорғау, ілгерілету және олардың келесі ұрпақ үшін құрметтелуін, сақталуын қамтамасыз ету мақсатында бірлесіп жұмыс істеуге міндетті.&nbsp;Фото: Нұрболат Нұржаубай

Дәурен Шарипбаев: Адамның құқықтары мен бостандықтарын қорғау

<a href="https://kyzylorda-news.kz/">Kyzylorda-news.kz.</a> 34 жастағы Астана тұрғыны көршісінің сеніміне кіріп оның ақкөңілділігін пайдаланып, оның атынан алты несие рәсімдеген, деп хабарлайды<a href="https://sn.kz/sn-akparat-agyny/112724-astana-turgyny-korshisinin-atyna-zansyz-6-nesie-r-simdegen"> Skifnews.kz</a> ақпарат порталы.Ол банктерден мобильді банкинг арқылы екі несие алып үлгерсе, қалғанын шағын несие ұйымдарынан алған.Анықталғандай күдікті көршісімен сенімді қарым-қатынаста болған және оның жұмыс іздеп жүргенін білген соң, ол оған көмектеспек болған сыңай танытқан.Сөйтіп көршісінің жеке деректерін иемденіп алған күдікті жалпы сомасы 4 миллион теңгеге онлайн несие алған.Қазір Байқоңыр ауданының полиция қызметкерлері күдіктінің үстінен қылмыстық іс қозғады. Алаяқтық жасаған күдікті қылмысын мойындады.Оның елордада осыған ұқсас қылмыстарға қатысы бар-жоғы анықталып жатыр.Фото: Pixabay

Астана тұрғыны көршісінің атына заңсыз 6 несие рәсімдеген

<a href="https://kyzylorda-news.kz/">Kyzylorda-news.kz.</a> Адам өмірін қоғамсыз елестету қиын. Өркениетті қоғамда кез кел­ген жеке тұлға өзін қоршаған ортаның талаптары мен тәртіптерін сақтай отырып, түрлі игіліктерге қол жеткізе алады. Сондықтан адамдар бірлігі қоғамды ұдайы алға жетелеп отыратын, даму мен табыстың негізі саналатын құндылықтар бо­лады. Қазіргі біздің қоғамда құндылықтар ауысып, құқық бұзушылықтар жиі орын алуда. Ал заңды біліп, оған бағыну – әрбірімізге міндет.&nbsp; Осы орайда Қармақшы&nbsp;аудан прокуроры Мейрамбек Маханбетжанов азаматтардың құқықтық санасын, «Әділ Қазақстан» Ұлттық идеясын қалыптастыру және «Адал азамат» тұжырымдамасын ілгерілету бағытындағы заңнаманы түсіндіру бойынша мүдделі орган өкілдерінің қатысуымен брифинг өткізді.&nbsp; Жиын барысында «Бақытты балалық шақ» (балалар арасындағы құқық бұзушылықтың, буллингтің және суицидтің профилактикасы), «Салауатты болашақ – Есірткісіз өмір», «Құмар ойын ойнағанша спортпен айналыс» (лудоманияның профилактикасы), «Жол ережелерін сақтау – өміріңнің кепілі», «Вандализмге жол жоқ!», «Терроризмге жол жоқ!», «Зорлық-зомбылықсыз отбасы!», «Бизнес пен инвесторларды қорғау», «Қаржы пирамидаларының, алаяқтықтың, оның ішінде интернет-алаяқтықтың алдын алу», «Азаптауға қарсы іс-қимыл!», «Жемқорлыққа «ЖОҚ» деп айтыңыз» тақырыптары бойынша ауданда атқарылған жұмыстар туралы мәлімет берілді. Бұл мәселенің әрбірі – қоғамда кездесіп, қолға алуды талап етіп отырған кезек күттірмес тақырыптар.&nbsp; Одан бөлек, «Дәстүр және заң» тақырыбы аясында қалыңдық ұрлауға жол берілмейтіні және оның салдары туралы кеңінен түсіндірілді. Прокурор аталған мәселелердің өзектілігін айта келе, олар бойынша мүдделі органдарға қойылып отырған талаптарды тиісті деңгейде атқару қажеттігін ескертті.&nbsp; Брифингте аудан көлеміндегі криминогендік ахуал және олар бойынша жүргізіліп жатқан шаралар, аудандық прокуратурамен қадағалау салалары бойынша атқарылған жұмыстар туралы да ақпарат берілді. Кездесу барысында аудан прокуроры Бас прокуратурамен белгіленген басым бағыттар мен жүктелген міндеттерге, оның маңыздылығы мен себептеріне тоқталды.&nbsp; Брифинг соңында баспасөз өкілдерінің сұрақтарына нақты жауаптар беріліп, азаматтардың құқықтық санасын арттыру және құқық бұзушылық профилактикасы бағытында бірлескен белсенді шаралар атқаруға шақырды.&nbsp; Иә,&nbsp;уақыт алға озып, заман өзгергенімен, адамдар әлімсақтан бойына сіңген, болмыс-бітімімен астасқан адамгершілік қасиеттерден айнымау керек. Жаһандану дәуірі қалың жұрттың қамын ойлағаннан гөрі қарақан басының күйін күйттеуді жөн көретіндердің қатарын көбейткені рас. Бірақ мұндай жағдайлар қанмен сіңіп, атадан-балаға қалыптасқан құндылықтарды күйретпеуі тиіс. Қоғам – бізді қоршаған орта. Ол ортаның жайлы өмір сүруіне, өсіп-өнуіне қолайлы болмағын кім қаламайды?! Сондықтан кез келген азамат қоғамның бір мүшесі ретінде айналасының аялы, жанға саялы болуына мүдделі. Көпшіліктің бір-біріне ілтипат көр­сетіп, ізетті, қайырымды болуы бірлігімізді бекітіп, берекемізді кіргізеді. Ізгілікті қоғам құру – ілгері жылжудың кепілі.

Қармақшы: Аудан прокурорының қатысуымен брифинг өтті

<a href="https://kyzylorda-news.kz/">Kyzylorda-news.kz.</a> Әрбір отбасы – шағын мемлекет. Оның өзіне тән ұстанатын қағидасы, заңдылығы мен құндылығы бар. Сайып келгенде, оны берекелі де мерекелі ететін сол жанұяның бірлігі мен қатар жүзген тірлігі. Осындай жарасым тапқан жанұя Төретам кентінде тұрады. Олар – Қожақовтар отбасы.Отанасы Айша Дәкібай 6 баланың анасы, "Күміс алқа" иегері. Ол Қазалы қаласындағы №170 мектептің түлегі. 11 жылдық білім алған соң Қызылордадағы Қорқыт ата атындағы университеттің "Тарих, құқық және экономика негіздері" мамандығы бітіріп шыққан. Бүгінде Жанқожа батыр атындағы №269 &nbsp;орта мектептің тарих пәнінің мұғалімі болып ұстаздық етеді. Отағасы Жасұлан Қожақов "Байқоңырэнергия" мекемесінде ағаш ұстасы болып жұмыс істейді.<blockquote>"2001 жылы отбасын құрдық. Жолдасым 12 ағайынды болса, соның ең кенжесіне тұрмысқа шықтым. Қарашаңыраққа ие болып отырмыз. "Қарты бар үй – қазыналы үй" дегендей, анамыз 85 жасқа келді. "Келін қайын ененің топырағынан" дейді. Артық әңгіме-сөзбен шаруамыз жоқ. Енем – көпшіл, салмақты, сабырлы кісі. Ашуланбайды. Соның үлгісін мен де алып келе жатырмын. Ең басында келін болып түскенімде үйде қарасиыр болған. Соның сауып үйрендім. Ешкіміз бар. Балалардың бәрі ешкінің сүтін ішеді, қаймағын жейді. Одан қалды сол сүтті жинап, жаздай құрт жасаймыз. Былтыр өте керемет өнім болды. Ірімшік қайнатамыз. Келген қонаққа ауыз тиюге ұсынамыз. Тауық, қоянды да ұстадық кешеге дейін. Қолдың жұмыртқасын, қоянның етін тұтындық. Әжелерінің туған күнінде немере-шөберелері шүйіркелесіп, бас қосады. Әліге дейін 20-дан асқан немересіне дейін әжесінің қасынан шықпай, әңгімесін тыңдайды, әжелеріне таласады. Ол кісі де басынан өткен оқиғаларын айтып, өнегесін беріп отырады" дейді Айша Жүсіпбекқызы.</blockquote>Бір қызығы, Айшаның есімінің өз тарихы бар болып шықты. &nbsp; &nbsp;<blockquote>– Атымның шыныменде өз тарихы бар. Анам математика пәнінің мұғалімі болып, білім саласында ұзақ жылдар қызмет етті. Қазір сала ардагері. Мені босанатында университеттің студенті екен. Тараз қаласында оқыған. Дүниеге келген жерім – Тараз. Облыстық аурухананың перзентхана бөлімінде туылғанмын. Сол жақта анамның нағашы ағасы мен жеңгесі тұрған. Олар да мектепте физика, математика пәндерінен сабақ берген ұстаздар. Мемлекеттік емтихан тапсырып жатқанда толғатып, мені сонда өмірге әкелген. Нағашыларының ауылы қазіргі Айшабибі ауылы болатын. Соның құрметіне есімімді Айша деп қойған. Сонда әкеміз келіп, анамның дипломымен қоса, мені де бірге қуанып ауылға алып қайтқан жайы бар екен.Жолдасыммен өзімнің әпкемнің күйеуі, жездем арқылы танысқанбыз. Олар бір-бірімен жақсы жолдастар болған, бір сыныпта оқыған. Сол таныстырды бізді. Алып қашатын уақыт. Бірақ, келісіп үйлендік. Менен 8 жас үлкендігі бар. Бүгінде ақ некемізден 6 ұл-қыз тәрбиеленуде. Үлкеніміз Еркебұлан 20 жастан асты. Жақында Отан алдындағы борышын өтеп, аман-есен келді. Жұмыс істейді. Әмит баламыз "Болашақ" жоғарғы колледжінде "Электрик" мамандығында оқыса, одан кейінгі Аружанымыз да осы оқу орнының медицина бөлімінде білім алуда. Меруертіміз 8 сыныптың үздік оқушысы. Араға 8 жыл салып, Раянаны дүниеге әкелдік. Биыл мектеп табалдырығын аттап, 1 сыныпқа барды. Кішкентай Інжуімді 41 жасымда босандым. Қазір ол 2-де, – дейді сіңліміз ашық-жарқын мінезбен.</blockquote>Айша бала кезінен өнерге жақын өскен. 3 сыныптан бастап сахнаға шығып, мектеп бітіргенше домбырада ән салған. Негізінен ол көптеген аспапта ойнайды. Табиғи талант иесі десек те болғандай. "Маған қолыма аспап беріп қойса, 2 күнде-ақ үйреніп аламын. Үйде домбыра, баян, гитара аспаптары бар. Отбасылық мерекелерде, қонаққа барғанда, баланы ұйықтатқанда осы аспаптарда ән айтамын" дейді ол сөз арасында қосыла кетіп. Ұлттық аспабымыз домбыраны төріне іліп қойған. Балаларының ұлттық сезімде өскенін қалайтын көпбалалы ана оларға домбыра шертіп үйретіп, қалай ойнау керегін үнемі көрсетіп отырады.Кез келген отбасының ұстанатын құндылықтары мен қағидасы болатыны секілді, Қожақовтар жанұясының да өз ерекшеліктері бар.<blockquote>– Отбасындағы ұстанатын басты қағидамыз – сол анамызбен арадағы &nbsp;сыйластығымыз жақсы болуы керек. Барлық іс-әрекетіміз балалардың көзінше болғандықтан, бізден үлгі алады деп ойлаймын. Енеме құрметім шексіз. Ас ішерде қолтығынан демеп, дастарқанға сүйемелдеп алып келемін. Оны көріп отырған балаларға бұл да бір &nbsp;тәрбиенің көзі деп есептеймін. Біз де ертең қартаямыз. Сол кезде бұлар да соны қайталайды деген үміттемін. Сіз деп сөйлесеміз. Әкесіне де балалардың көзінше дауыс көтермейміз, бала сескенсін, сыйласын деген мақсатпен. "Әкеңнен рұқсат сұра", "Әкең келе жатыр", "Әкең ұрысады" деген сөздермен ескерту жасап отырамын. Әкесі оларға ұрыспайды да ұрмайды да. Бірақ сыртынан мысы басып тұрады. Тамақ ішерде де дастарқанға әкесі келмей, асқа қасық салмаймыз. "Еркек үйдің иесі, әйел үйдің шегесі" дейді ғой. Көбіне, отбасын сақтап қалатын да, ер адамның басын төрге сүйрейтін де осы әйел адамдар. Үй болып кетеміз дегенше, енемнің көп көмегі тиді. Сол үшін де барлық жағынан енеммен кеңес қыламын, пікірін қадірлеймін.Жолдасым да шығармашылықтың адамы. Ол сурет салуды жақсы көрсе, мен аспапта ойнағанды ұнатамын. Балаларымыз да құр жаяу емес. Арасында сурет салуға ерекше ықыластылары бар. Өз басым гүл өсіру десе, ішкен асымды жерге қоямын. Балаларымыз да солай. Күтімін бірге жасаймыз. Отбасында бөлме гүлдері көп, бақшалық та ұстаймыз. Жеміс талдары жайқалып өсіп тұр. Соның бабын отбасымызбен атқарамыз. Ұлдарымыз жерді қарықтап, жыртып берсе, қыздар жағы болып егеміз, суарамыз, отағын жұламыз. Әжемізде берге жүреді. Күзгі уақытта еккен өнімдерімізді жинап аламыз. Қысқа отынға дейін жарып, жинап, қамданып қойдық. Мақтағаным емес, қыздардың да қолынан біраз нәрсе келеді. Тәттілер пісіреді, қолөнермен айналысады, үй жинайды, бөпе қарайды, үлкендерге жәрдем береді. Қысқасын айтқанда, біздің үйде бос жүретін адам жоқ. Осының бәрі әжеміздің бізге берген бақыт-бағдарының арқасында жүзеге асып жатқан татымды тірліктер, – дейді Айша Жүсіпбекқызы риза көңілде.</blockquote>&nbsp;

Мерейлі отбасы: Көпке үлгі Қожақовтар әулеті

<a href="https://kyzylorda-news.kz/">Kyzylorda-news.kz.</a> Қызылорда облысы Полиция департаменті Есірткі қылмысына қарсы іс-қимыл басқармасы тарапынан облыс көлемінде орта, орта арнаулы оқу орындарының оқушы, студенттері арасында «Есірткісіз өмір ғажайып…» тақырыбында фотосайыс ұйымдастырылды.Мақсат – кәмелетке толмағандар арасындағы нашақорлық проблемаларын және қатысушылардың ақпаратты қолжетімді ұсыну арқылы олардың жеке пікірлерін баяндау мүмкіндігін түсіндіру және өскелең ұрпақтың бос уақытын тиімді пайдалануға тарту.Облыстық финалдық байқауға 12-18 жас аралығындағы 40 оқушы, студент қатысты. Байқауда қатысушылар өз ойларын шығармашылықпен жеткізе білді, заманауи техниканың мүмкіндіктерін пайдаланып, өз суреттерінде нашақорлық проблемаларын көрсете алды.Сайыстық комиссияның шешіміне сәйкес: 25 қатысушы жеңімпаз деп танылды. Жүлдегерлер: Арал ауданының №№262, 14, 67 оқу орындарының оқушылары – Ұзақбаев Асхат, Сайлауова Гүлсезім, Байділдә Бекзат, Жантуғанов Нұржан, Қосанов Еркебулан, Шалғынбай Нұрислам, Мырзабай Іңкәр, Қарасаев Сырым, Асылбек Мирас, Қарасаев Мадияр; Қармақшы ауданының №№108, 30 орта мектеп оқушылары – Нұрланқызы Нұрсауле, Жұмабек Дастан; Жаңақорған ауданының №233 орта мектеп оқушысы – Еркінбек Саят; Қызылорда қаласының №№138, 23, 101, 112 оқу орындары мен №9 білім-инновациялық лицейінің оқушылары – Сабыр Әсел, Жиынбаева, Жұмабек Бекжан, Амина, Жұмабек Еркежан, Серікбай Ансалия, Ан Карина; Сырдария ауданының №35 мектеп-лицейінің оқушысы – Сағатов Ернұр; Шиелі ауданының №50 орта мектебінің оқушысы – Ғалымжанқызы Ханшайым; Қазалы ауданының №17 орта мектебінің оқушысы – Адилханова Алуа мен М.Маметова атындағы Қызылорда жоғары педагогикалық және «ORDA» жоғары колледждерінің студенттері – Ғалымжанқызы Анель, Сейфулмалик Малика, Ғалымжан Зарина.

«Есірткісіз өмір ғажайып…» тақырыбында фотосайыс ұйымдастырылды

<a href="https://kyzylorda-news.kz/">Kyzylorda-news.kz.</a>&nbsp; Қызылорда облысында аса ірі көлемде «синтетика» саудаламақ болған күдікті құрықталды.Полиция департаментінің Есірткі қылмысына қарсы күрес басқармасы қызметкерлері жедел-іздестіру шаралары нәтижесінде Қызылорда қаласының 34 жастағы тұрғынын ұстады.Сараптама қорытындысы көрсеткендей тінту кезінде тәркіленген ұнтақ салмағы 261 гр. болатын α-PVP психотроптық заты екені анықталды.Күдікті уақытша ұстау изоляторына оқшауландырылды, тергеу жалғасуда.Фото: Полиция департаменті

Қазақстан және Қызылорда облысының жаңалықтары: Құқық