<a href="https://kyzylorda-news.kz/">Kyzylorda-news.kz</a> Қызылорда қалалық соты облыстық кәсіпкерлік және өнеркәсіп басқармасының басшысы Д.Әбсаттаровқа қатысты үкім шығарды, деп хабарлайды Антикор.Ол бизнес өкілдеріне ұлының оқуына 1,4 млн теңге сомасында ақы төлеу және құны 6,8 млн теңге дизель отынын беру қажеттігі туралы заңсыз нұсқаулар беру арқылы лауазымдық өкілеттіктерін асыра пайдаланғаны үшін кінәлі деп танылды.Бұдан басқа, шенеунік өңір кәсіпорындарының сұйытылған газдың тиісті көлемін алу құқығын шектеу арқылы бизнес субъектілеріне 26,9 млн теңге сомасында залал келтіре отыра заңды кәсіпкерлік қызметпен айналысуға кедергі жасағаны үшін сотталды.«Сот үкімімен Әбсаттаровқа мемлекеттік қызметте және квазимемлекеттік сектор субъектілерінде лауазымдарды атқару құқығынан өмір бойына айыра отырып, 9 ай бас бостандығынан айыру түріндегі жаза тағайындалды, сондай – ақ мемлекеттік награда – «Ерен еңбегі үшін» медалінен айыру туралы ұсыныс енгізілді», – делінген хабарламада.Үкім заңды күшіне енді.Фото: ашық дереккөз

Қызылорда облысы кәсіпкерлік және өнеркәсіп басқармасының басшысына қатысты үкім шықты

<a href="https://kyzylorda-news.kz/">Kyzylorda-news.kz</a> Желіде Арыс гарнизоны әскери бөлімдерінің қызметкері басынан оқ жарақатын алып, ауруханаға түскені туралы ақпарат тарады.&nbsp;Бұл туралы Stan.kz ақпарат агенттігі хабарлайды.Оқиға 16 қыркүйекте болған. Д. Т., есімді азамат&nbsp;Арыс қаласының орталық аудандық ауруханасына жеткізілген. Оның жағдайы тұрақты ауыр деп бағаланып отыр. Орталық аудандық аурухана бас дәрігерінің сөзінше, әскери қызметкер өз-өзіне қол салған.<blockquote>“16 қыркүйекте тәуліктік кезекшілікті атқару кезінде Арыс гарнизоны әскери бөлімдері бірінің келісімшарт бойынша әскери қызметшісі травматикалық қарудан басынан жарақат алды.&nbsp;Алдын ала ақпарат бойынша келісімшарт бойынша әскери қызметші отбасылық-тұрмыстық жанжал аясында өз-өзіне қол жұмсамақ болған. Ол аудандық ауруханаға жеткізілді. Оған барлық қажетті медициналық көмек көрсетіліп жатыр. Қазіргі уақытта денсаулық жағдайы тұрақты-ауыр деп бағаланып отыр. Өміріне қауіп төніп тұрған жоқ”, –&nbsp;делінген хабарламада.</blockquote>Сондай-ақ жарақат алу фактісі бойынша қылмыстық іс қозғалып, тергеу іс-шаралары жүргізіліп жатыр екен.Айта кетейік, бұған дейін&nbsp;Қарағандыда бұрынғы полиция қызметкері өз үйінің ауласында өз-өзін атып өлтіргені туралы жазған едік. Жантүршігерлік жағдай 2024 жылы 10 маусым күні болған.&nbsp;Фото: freepik

Әскери қызметкер өз-өзіне оқ атқан 

<a href="https://kyzylorda-news.kz/">Kyzylorda-news.kz</a> &nbsp;ҚР Президентінің Жарлығына сәйкес қыркүйек айынан бастап азаматтарды мерзімді әскерге шақырудың күзгі науқаны басталды. Науқан жыл соңына дейін жалғасатын болады. Биыл облыс бойынша 800-ден астам азамат Отан алдындағы борышын өтеуге жіберілмек. Бұл туралы Қызылорда облысы Қорғаныс істері жөніндегі департаменті бастығының орынбасары Жасұлан Шаңқұлов айтты.<blockquote>– Облыс азаматтарын мерзімді әскери қызметке шақыру науқаны жоспарға сәйкес жүзеге асырылып жатыр. Ең әуелі өңірдегі 18 бен 27 жас аралығындағы ер азаматтарға шақырту қағазы жолданады. Одан соң азаматтар шақыру қағазында көрсетілген мекенжайға келіп, медициналық сараптападан, тесттік тексеруден және полиграфиялық тексерістен өтеді. Биылғы жоспар бойынша ҰҚК Шекара қызметіне - 170, Ұлттық ұланға - 280, мемлекеттік күзет қызметіне - 10, ал Қарулы күштер қатарына 420 азамат жіберілетін болады,- деді Жасұлан Бөгенбайұлы.</blockquote>Фото: Қызылорда облысының Өңірлік коммуникациялар қызметі

Қызылорда облысынан 800 азамат әскерге барады 

Қызылорда облысында әлеуметтік желіде абыройына нұқсан келтіремін деп 8 адамды бопсалап, ақша алған күдікті сотталды. Бұл туралы Қызылорда облыстық сот &nbsp;хабарлады.&nbsp;&nbsp;Соттың мәліметінше, Жаңақорған аудандық&nbsp;сотында “бірнеше рет жасалған қорқытып алушылық” бабымен&nbsp;сотталушы Т-ға қатысты қылмыстық іс қаралды.“Сотталушы Т. 2022 жылдан бастап әлеуметтік желідегі парақшасы&nbsp;арқылы абыройына нұқсан келетін мәліметтерді таратамын деп қорқытып, барлығы 8 жәбірленушіден, бірнеше рет бөтеннің мүлкін қорқытып талап етіп, қорқытып алушылық жолымен барлығы 1 950 000 теңге алып, жеке бас пайдасына жаратқан”, –&nbsp;делінген сот хабарламасында.&nbsp;Сотталушының кінәсі жәбірленушілер мен куәлердің жауаптарымен, айғақтарымен, сараптама қорытындыларымен, бейнежазбамен және қылмыстық іс материалдарымен дәлелденген. Сотталушы да өз кінәсін толық мойындады.Жәбірленушілерге келтірілген шығынның 1 650 000 теңгесі ішінара қайтарылған.&nbsp;“Жаңақорған аудандық сотының үкімімен сотталушы Т кінәлі деп танылып, оған 4 жыл 8 ай мерзімге бас бостандығын шектеу жазасы тағайындалды. Жазаны өтеудің бүкіл мерзімі ішінде жыл сайын 100 сағат мәжбүрлі еңбекке тарту белгіленді”, –&nbsp;делінген сот үкімінде.&nbsp;Үкім заңды күшіне енген жоқ.Фото:freepik

Қызылорда облысында әлеуметтік желі арқылы 8 адамды бопсалаған күдікті сотталды

<a href="https://kyzylorda-news.kz/">Kyzylorda-news.kz</a> Қызылорда қалалық &nbsp;пробация қызметінде 500-ден астам &nbsp;сотталған азамат есепте тұрады. Пробациялық бақылау белгіленген жұмыссыз сотталғандарды жұмысқа тұрғызу жұмыстары жүйелі түрде жүргізілуде.Атап айтар болсақ, жыл басынан бері есепте тұрған жұмыссыз 42 сотталған &nbsp;квотамен жұмысқа тұрғызылған.Қалалық пробация қызметінің бастығы әділет майоры Фариза Сембаеваның айтуынша, бас бостандығынан айыру орындарынан босатылған және пробация қызметінің есебінде тұрғандарды жұмыспен қамту мақсатында Қызылорда қаласы әкімдігінің &nbsp;қаулысымен жұмыс орындарына 42 квота белгіленген.&nbsp;<blockquote>"Пробация есебіндегі 42 сотталған жұмысқа тұрғызылып, квотаны жүз пайызға орындадық. Сонымен қоса, &nbsp;квотадан бөлек тағы 3 сотталған азаматты жұмысқа орналастырдық. Қазіргі таңда олар жұмыстарын атқаруда. Сондай-ақ сотталғандар арасында өз кәсібін ашқандар да бар. Жыл басынан бері 12 азамат мемлекеттен қайтарымсыз қаражат ұтып алып, кәсібін дөңгелетіп отыр. Есептегі тұлғаларға әлеуметтік, құқықтық басқа да көмектер ұдайы көрсетіледі. Жалпы пробация есебіндегі сотталғандар қызметкерлер тарапынан әрдайым бақылауда болады. Қызметкерлер есептегі әрбір азаматтың тұрғылықты мекен-жайынан күнделікті тексеру жұмыстарын жүргізіп, заңбұзушылыққа қарсы түсіндірме жұмыстарын жүргізеді, – &nbsp;деді әділет майоры Фариза Сембаева.</blockquote>

Пробация есебіндегі 12 азамат мемлекеттен қайтарымсыз қаражат иеленді

<a href="https://kyzylorda-news.kz/">Kyzylorda-news.kz</a>&nbsp; &nbsp;Жалған риелторлар бас бостандығынан айырылды.Астана қаласының прокуратурасы бірнеше рет алаяқтық жасады деп айыпталған елорданың екі тұрғынына қатысты мемлекеттік айыптауды қолдады. Бұл туралы Астана қаласының прокуратурасы хабарлады.&nbsp; Тергеу барысында алаяқтардың "Отбасы банкінде" ипотекалық қарызды тиімді шарттармен рәсімдеу мүмкіндігі туралы жәбірленушілерді жаңылыстырғаны анықталды. Мәселен, алаяқтар жәбірленушілердің біріне "Отбасы банк" АҚ-ға бастапқы жарна ретінде енгізу үшін 8 млн теңгеден астам сомаға несие ресімдеуді ұсынған. Сонымен қатар, несие ипотекалық қарызбен бірге қайта қаржыландырылатыны туралы жалған мәліметтер хабарлаған.Кінәлі деп танылған тұлғалар өз әрекеттерінің жалған заңдылығын көрсету мақсатында дара кәсіпкерлік ашып, кеңсе бөлмесін жалға алуы арқылы 27 жәбірленушінің ақшасын алдап, иемденуге мүмкіндік бергенін сот талқылауы барысында мемлекеттік айыптаушы дәлелдеді. Келтірілген шығын 30 млн теңгеден асты. Сот үкімімен кінәлілердің әрқайсысы 3 жылға бас бостандығынан айыру жазасына сотталды, үкім заңды күшіне енді. Материалдық залал сотталғандардан өндірілді.Қала прокуратурасы елорда тұрғындары мен қонақтарын мұқият болуға, ұсынылатын қызметтердің дұрыстығына көз жеткізуге, жалған байланыстар мен таныстар сылтауымен тиімді мәмілелер ұсынатын адамдарға сенбеуді ескертеді, себебі бұл алаяқтықтың белгісі болуы мүмкін.Фото: dauletten.kz

Келтірілген шығын 30 миллион: Алаяқтар 3 жылға бас бостандығынан айырылды

<a href="https://kyzylorda-news.kz/">Kyzylorda-news.kz</a> Қызылорда облысының тұрғындары мен қонақтарының назарына!2024 жылдың қыркүйек айының 13-14 күндері аралығында Қызылорда қаласында және барлық аудан орталықтарында төмендегі мекен-жайлар бойынша «Жолда қабылдау» акциясын өткізу жоспарлануда:1. Сағат 10:00-ден 16:00-ге дейін Қызылорда қаласы Тасбөгет кенті, Жаңадария көшесі, №91 мекенжайда орналасқан «Мамандандырылған халыққа қызмет көрсету орталығында»;Жауапты: Альдешов Рауан Қырымұлы – Қызылорда облысы ПД Жергілікті полиция басқармасы бастығының орынбасары;2. Сағат 10:00-ден 16:00-ге дейін Қызылорда қаласы Н.Назарбаев №13 мекенжайында орналасқан «Арай Сити Молл» сауда орталығында;Жауапты: Беркімбаев Дәулет Сүлейменұлы– Қызылорда қаласы Полиция басқармасының бастығы;3. Сағат 10:00-ден 16:00-ге дейін Қызылорда облысы Арал қаласы, Қ.Ерімбетов көшесі, №10 ғимаратында орналасқан «Халыққа қызмет көрсету орталығы»;Жауапты: Куйлишев Жасұлан Жұмабайұлы - Қызылорда облысы Арал АПб бастығының бірінші орынбасары;4. Сағат 10:00-ден 16:00-ге дейін Қазалы ауданы Әйтеке би кенті Қ.Пірімов көшесі, Қазалы қаласының Орталық алаңында;Жауапты: Құрманалиев Ғани Айбергенұы – Қызылорда облысы Қазалы АПб бастығының бірінші орынбасары;5. Сағат 10:00-ден 16:00-ге дейін Қызылорда облысы Қармақшы ауданы, Жосалы кенті Теміржол вокзалының алдында;Жауапты: Абилкасимов Руслан Жарылкасынович – Қызылорда облысы Қармақшы ауданы АПб бастығының бірінші орынбасары;6. Сағат 10:00-ден 16:00-ге дейін Қызылорда облысы Жалағаш кенті, Қазыбек Би көшесі, № 4 ғимаратта орналасқан «Халыққа қызмет көрсету орталығы» алдында;Жауапты: Өсер Мәулен Жайшылықұлы - Қызылорда облысы Жалағаш ауданы АПб бастығының бірінші орынбасары;7. Сағат 10:00-ден 16:00-ге дейін Қызылорда облысы Сырдария ауданы, Тереңөзек кенті А.Иманов көшесі, №76 ғимаратта орналасқан «Халыққа қызмет көрсету орталығы» алдында;Жауапты: Асанұлы Қасымхан – Қызылорда облысы Сырдария ауданы АПб бастығының бірінші орынбасары;8. Сағат 10:00-ден 16:00-ге дейін Қызылорда облысы Шиелі ауданы, С.Сейфуллин көшесінде орналасқан Вокзалдың жанында;Жауапты: Шегебаев Нурбек Айтбаевич – Қызылорда облысы Шиелі ауданы АПб бастығының міндетін атқарушы;9. Сағат 10:00-ден 16:00-ге дейін Қызылорда облысы Жанақорған кенті З.Мұсаханов көшесінің бойында орналасқан «Орталық саябақтың» алдында;Жауапты: Қордабаев Нұрлыбек Құрбанәліұлы – Қызылорда облысы Жаңақорған ауданы АПб бастығының бірінші орынбасары;10. Сағат 10:00-ден 16:00-ге дейін Қармақшы ауданы Төретам кенті, Жанқожа Батыр көшесінде орналасқан Стационарлы полиция пунктінде;Жауапты: Алиев Сейлбек Тыныштыкбаевич– ҚР ІІМ-нің Байқоңыр қаласындағы өкілдігі бастығының міндетін атқарушы;Бұл күндері Қызылорда облысы Полиция Департаментіне 8 (7242) 30-81-56, 30-47-75 «жедел желі» арқылы хабарласуға болады.&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;Фото: qyzylqoga.kz

Қызылордада «Жолда қабылдау» акциясы өткізіледі

<a href="https://kyzylorda-news.kz/">Kyzylorda-news.kz</a> &nbsp;Қызылорда облысы бойынша ҚАЖ департаментінің аудандық, қалалық пробация қызметінің есебінде 1000-нан астам азамат пробация бақылауында тұрады. Олардың арасында сот жүктеген міндеттерді орындамай, жаза өтеуден жалтарып жүрген сотталғандар да кездеседі. Пробация инспекторларымен жүргізілген профилактикалық жұмыстардан нәтиже шығармаған сотталғандар сот қаулысымен түзеу мекемесіне жіберілуде. Жыл басынан бері 56 &nbsp;сотталған &nbsp;түзеу мекемесіне &nbsp;жіберілген.Жуырда Қызылорда қалалық пробация есебіндегі тағы бір азамат қауіпсіздігі барынша жоғары түзеу мекемесіне жіберілді. Ол сот үкімімен ҚР ҚК-нің 296 бабының 4-бөлігі, 300-бабының 2-бөлігімен 6 жыл бас бостандығынан айыру жазасына сотталып, жазасын &nbsp;қылмыстық-атқару жүйесінің қауіпсіздігі барынша жоғары мекемелерінде өтеу белгіленген. 2023 жылы Қызылорда қалалық №2 сотының қаулысымен 3 жыл 2 ай 7 күн мерзімі бас бостандығын шектеу жазасына ауыстырылып, осы мерзімге &nbsp;пробациялық бақылау белгіленген. Пробация қызметіне есепке алу барысында пробация қызметкерлері сотталған &nbsp;азаматқа жазаны орындау тәртібі, сот жүктеген міндеттерді орындау мен пробациялық бақылаудың шарттарын егежей-тегжейлі түсіндіріп, жаза тәртібін бұзған жағдайда бас бостандығынан айырылатынын ескерткен болатын. Электронды бақылау құрылғысы да тағылған. Алайда, ол заң талаптарына бағындай, әкімшілік құқықбұзушылық жасауына электронды құрылғы да кедергі келтіре алмады. Бірнеше рет ескерту жасалса да тұрғылықты мекенжайын тексеру барысында себепсіз мекен-жайында болмаған. Соңғы рет тұрмыстық-отбасылық жанжал шығарып, әкімшілік хаттама толтырылған. Қызылорда қалалық пробация қызметі &nbsp;оның&nbsp;бас бостандығын шектеу жазасының бас бостандығынан айыру жазасына ауыстыру туралы сотқа ұсыным жолдаған. Сот қаулысымен&nbsp;жаза өтеу тәртібін қаскөйлікпен&nbsp;бұзғаны үшін оның шектеу жазасының өтелмеген бөлігі 2 жыл 1 ай 17 күнге бас бостандығынан айыру жазасына ауыстырылды.&nbsp;&nbsp;Қаулы заңды күшіне енген. &nbsp;

Қызылордада пробация есебіндегі сотталғандар түзеу мекемесіне жіберілді

<a href="https://kyzylorda-news.kz/">Kyzylorda-news.kz</a> &nbsp;Қорғаныс министрлігі бейбіт күнде қынадай қырылып жатқан жас жігіттердің өліміне түрлі себептерді атайды: ауру-сырқау, суицид, жол-көлік оқиғасы, тағы басқалар.2020 жылдан бері әскерде қаза тапқан сарбаздардың саны 310 адамға жеткен, – деп хабарлайды <a href="https://aikyn.kz/272557/tort-zhyldyn--ishinde-k-azak---skerinde-310-sarbaz-koz-zhu-mg-an">Aikyn.kz</a>Отан алдындағы борышын өтеуге аттанғандардың өлімі жылдан-жылға артып келе жатқанын айта кеткен жөн. Бас әскери прокурордың бірінші орынбасары Мақсат Қазиев былтыр 2020 жыл мен 2023 жыл аралығында армияда 270 сарбаздың бақилық болғанын мәлімдеген еді.Төрт жылда 310 сарбаздан айырылсақ, жылына 77 жас жігіт қыршынынан қиылады деген сөз, олай болса аптасына бір сарбаз жан тапсырады деп топшылауға болады.Кеше ғана Маңғыстау облысында қатардағы жауынгер Марат Барқұлов кісі қолынан қаза тапты. Оны Оймаша полигонында гвардия лейтенанты тапаншамен атып салған. Жалғыз ұлынан айырылған әке кінәлі адамның әділ жазалануын шырылдап сұрап, құзіретті органдарға видеоөтініш жолдап жүр. Әлеуметтік желіде «баламды әскерге жібермеймін» деген сарындағы пікірлерге көз шалынады. Қазақ ұлдарынан патриотизмді, ел мен жерге деген адалдықты сұрау үшін армияға тәртіп енгізіп, бірізге салуды билік органдары міндетіне алуы тиіс деп санайды халық.Айта кетейік, петициялар сайтында міндетті әскери қызметті жою туралы бастама пайда болған. Петиция 2024 жылдың 21 қыркүйегіне дейін талқыланады. Егер ол 50 мың қол жинаса, Қорғаныс министрлігі өтінішті қарауға міндетті.Фото: Қорғаныс министрлігі

Төрт жылдың ішінде қазақ әскерінде 310 сарбаз көз жұмған

<a href="https://kyzylorda-news.kz/">Kyzylorda-news.kz</a> Биыл ҚР Ұлттық Қауіпсіздік комитеті Шекара қызметі Қызылорда облысы бойынша департаментінің құрылғанына ширек ғасыр толды. Елге қалтықсыз қызмет етіп, шекара шебінде қырағылық көрсетіп, антына адалдық танытқан әр әскери қызметшінің департамент дамуына қосқан үлесі өлшеусіз. Жүректілікпен қатар, жылдамдықты, төзімділік пен табандылықты қажет ететін бұл қызметті нағыз ер атқаратыны анық.&nbsp;Атаулы дата қарсаңында ҚР ҰҚК Шекара қызметі Қызылорда облысы бойынша департаменті бастығының орынбасары Серік Абусұлтанов пен «Застава тарландары» Республикалық қоғамдық бірлестігінің Қызылорда облыстық филиалының төрағасы Асан Худаяров Өңірлік коммуникациялар қызметінің ақпарат алаңында мерекенің маңыздылығын айтып, атқарылған жұмыстарды баяндап берді.<blockquote>– Мұндай жерді кірпік қақпай күзету тек біздің қайсар шекарашыларға ғана тән. Уақытқа сәл шегініс жасасақ, жиырма жылдан асқан әскери құрылымның ел тыныштығы үшін атқарылып отырған маңызы зор. ҚР ҰҚК Төрағасының 1999 жылы 15 қыркүйектегі бұйрығына сәйкес, Қазақстан Республикасының оңтүстік бағыттағы Мемлекеттік шекарасын нығайту мақсатында және Қазақстан Республикасы ҰҚК Шекара кызметінің даму бағдарламасына сай тұрақты кызмет атқарып келеді. Аймақтағы департамент сол жылдан бастап Өзбекстанмен арадағы шекараны нығайту, елдің саяси жене экономикалық мүдделерін қорғау, заңсыз көшіп – қонудың алдын алу, қазақ еліне қару-жарақ, оқ-дәрі, есірткі мен радиоактивті заттарды заңсыз кіргізбеу міндеттерін мінсіз атқарып келеді, – деді Серік Есенжолұлы.</blockquote>ҚР ҰҚК шекара қызметінің облыс бойынша департаментіне – 25 жыл<blockquote>– Мемлекеттік шекара – мемлекеттіліктің маңызды атрибуты, кез келген елін қауіпсіздігін қамтамасыз етудің алғашкы шегі, мызғымас тірегі, Тауелсіздігіміздің кепілі. Сондықтан да Отанымыздың шекарасын сенімді күзету және корғау ел қауіпсіздігін сақтаудағы алатын орны ерекше. Жалпы шекара қызметінде заман талабына сай ауқымды реформа, яғни қайта құру жұмыстары жүргізілді. Мемлекеттік шекараны мінсіз кузету мақсатында кадрлық құрамды нығайту, заманауи арнайы техникалық құралдарымен жабдықтау, шекара белімшелеріндегі жеке құрамның қолайлы тұрмыстық жағдайларын жасау мен жақсарту сияқты кешенді шаралар біртіндеп жүзеге асырылып жатыр. Ел мен жерді қорғау нағыз ер азаматтың ғана қолынан келетін іс. Мереке құтты болсын!, – деді Асан Беркімбайұлы.&nbsp;</blockquote>Фото: Қызылорда облысының Өңірлік коммуникациялар қызметі

Әскери құрылымның ел тыныштығы үшін маңызы зор

&nbsp;<a href="https://kyzylorda-news.kz/">Kyzylorda-news.kz</a> Премьер-министр Олжас Бектенов Ішкі істер министрінің, облыстар мен Астана, Алматы, Шымкент қалалары әкімдерінің, сондай-ақ Қаржы мониторингі, Қаржы нарығын реттеу және дамыту агенттіктері төрағаларының қатысуымен ҚР Үкіметі жанындағы Құқық бұзушылықтың алдын алу жөніндегі ведомствоаралық комиссияның отырысын өткізді.&nbsp;Облыс әкімі Нұрлыбек Нәлібаев комиссия отырысына селекторлық байланыс арқылы қатысты.Жиында интернет-алаяқтыққа қарсы күрес, қаржы пирамидаларының алдын алу, қоғамдық құқықтық тәртіпті қамтамасыз ету, кәмелетке толмағандар арасындағы құқық бұзушылықтардың алдын алу мәселелері қаралды.Ішкі істер министрі Ержан Саденов алаяқтыққа қарсы іс-қимыл шеңберінде «Киберпол» арнайы топтары 2,5 мыңнан астам қылмысты ашқанын, нәтижесінде 962 млн теңге көлеміндегі шығын өтелгенін баяндады. Сонымен қатар, 914 қылмыскер ұсталды, жалған нөмірлерден түскен 58 млн қоңырау бұғатталды. Еліміздің 5 қаласында 19 SIM-бокс және 6 мыңнан астам тіркелмеген SIM-карталары анықталды. «Антифрод-орталық» жұмысы аясында шетелге шығару сатысында тұрған 400 млн теңге бұғатталды. Шараларды күшейту үшін несие беруден ерікті түрде бас тарту, сондай-ақ жәбірленушінің қатысуынсыз ресімделген несиелерді есептен шығару бойынша бірқатар заңнамалық түзету пысықталуда.Үкімет басшысы қауіпсіздікті қамтамасыз ету үшін ең ұсақ құқық бұзушылықтарға да әдістемелік реакциялар қажет екенін атап өтті. Көшелердегі, қоғамдық орындардағы жалпы тәртіп шешуші рөл атқарады, қылмыс пен құқық бұзушылықтың жалпы деңгейіне әсер етеді. Премьер-министр өңірлердегі жұмысты күшейтуді тапсырды.Күн тәртібінде кәмелетке толмағандар арасындағы құқық бұзушылықтың алдын алу мәселесі қаралып, қылмыс деңгейін одан әрі төмендету бойынша қосымша шаралар кешенін әзірлеу міндеті жүктелді. Қолдауға мұқтаж отбасыларды анықтау шараларын күшейту үшін отбасының цифрлық картасының функционалдығын кеңейту керек. Сондай-ақ, балаларға қатысты зорлық-зомбылық және суицид көріністерін анықтаудың жаңа тәсілдерін әзірлеп, оқу орындарының психологиялық қызметінің жұмысын күшейту қажет. Қаржы министрлігіне кәмелетке толмағандарға алкоголь және темекі өнімдерін сатуға жол бермеу жөніндегі жұмысты жандандыру тапсырылды. Бұдан басқа, баланың психологиялық және физикалық дамуына зиян келтіретін құқыққа қарсы мазмұнға қол жеткізуді шектеуді көздейтін қосымшаны әзірлеу мәселесі пысықталатын болады.Мемлекет басшысының халыққа арнаған Жолдауында азаматтардың қауіпсіздігін қамтамасыз ету стратегиялық басымдық ретінде айқындалған. Отырыста Ішкі істер министрлігіне күш-жігерді шоғырландыру бойынша жаңа тәсілдерді іске асыру және құқық бұзушылықтардың алдын алудың жаңа әрі тиімді жүйесін құру тапсырылды.<img src="https://knadmin.beoblood.kz/uploads/10_6e5ff4e335.jpg" alt="10.jpg"><img src="https://knadmin.beoblood.kz/uploads/11_c0bbff0d52.jpg" alt="11.jpg">Фото: Қызылорда облысы әкімінің баспасөз қызметі

Құқық бұзушылықтың алдын алу жөніндегі ведомствоаралық комиссияның отырысы өтті

<a href="https://kyzylorda-news.kz/">Kyzylorda-news.kz</a> Егер сіз кредит алуға бел бусаңыз, оны ресімдеу және қаржы ұйымдарымен іс-әрекеттесудің негізгі қағидаларынан басқа, оның сомасы жөнінде де ойлану қажет.Fingramota.kz-пен толығырақ қарастырайық.Кірісіңіз жоғары және кредиттік тарихыңыз тамаша болғанның өзінде де кредитті өзіңіз қалаған, кез келген сомаға ала алмайсыз. 16 тамыздан бастап кредиттерге белгілі бір шектеулер қойылады.Айтпақшы, кез-келген соманы алуға болады. Алайда, оны тек &nbsp;банктен және кепілмен &nbsp;ала аласыз. &nbsp;Жаңа қағидаларға сәйкес кепілді банктік қарыздар бойынша шектеулер болмайды және кредиттің мөлшері сіз банкке ұсынатын кепілдің құнына ғана байланысты болады.Ал кепілсіз қарыздар бойынша шектеулер нақты белгіленген – 2200 АЕК, ол 2024 жылы &nbsp;8 122 400 теңгені&nbsp;құрайды. Одан көп сома беруге банктің құқығы жоқ.Микроқаржы ұйымдарында шектеулер бұдан да қатал. Кепілсіз микрокредиттің ең жоғары сомасы банкке қарағанда екі есе аз &nbsp;– 1100 АЕК немесе 4 061 200 теңге. Кепілді&nbsp;микрокредиттерге де шектеулер бар.Ломбард кепілмен 8 000 АЕК-ке дейін немесе 29 536 000 теңге&nbsp;бере алады. Ал МҚҰ 20 000 АЕК-ке дейін немесе 73 840 000 теңге. Бұл ретте, мұндай ірі микрокредиттер негізінен бизнесті дамытуға берілетінін атап өтеміз, ал кепілзатқа кәсіпкердің жылжымалы және жылжымайтын мүлігі қойылады.Кредиттер сомасын шектеу практикасы әлемдік тәжірибеге сәйкес келеді.Мәселен, АҚШ-та арнайы құрал – «кредиттік желі» қолданылады. Банк қарыз алушының ықтимал кірісін бағалайды және әдетте 5 жылдағы ықтимал табыстан аспайтын лимитті белгілейді. &nbsp;Көршілес Ресейде банктер кепіл алу негізінде 30 млн рубльге (шамамен 160 млн теңге) дейін бере алады. Ал МҚҰ кепіл болған кезде жеке тұлғаларға небәрі 1 млн рубльге (5,2 млн теңге) дейін және заңды тұлғаларға 5 млн рубльге (26 млн теңге) дейін береді.Әрине, кредит сомасы бойынша заңнамалық шектеулер қойылмайтын елдер де бар. Бірақ ол уақытта мұндай шектеулерді әдетте кредиторлардың өздері, яғни өздеріне тәуекелдерді қабылдағысы келмейтін банктер мен МҚҰ енгізеді.Ал Қазақстанда шектеулерді ірі сомаға кепілсіз тұтынушылық қарыздар беруді тежеу және азаматтардың борыш жүктемесінің өсуіне жол бермеу үшін енгізді.Барлық жаңа өзгерістер ресми түрде тіркелді - Агенттік Басқармасының «Тұтынушылық банктік қарыз және тұтынушылық микрокредит сомасына қойылатын талаптарды бекіту туралы» 2024 жылғы 16 тамыздағы № 61 қаулысы қабылданды.Қаулы Мемлекет басшысы ағымдағы жылғы 19 маусымда қол қойған «Қазақстан Республикасының кейбір заңнамалық актілеріне кредит беру кезінде тәуекелдерді барынша азайту, қарыз алушылардың құқықтарын қорғау, қаржы нарығын реттеуді және атқарушылық іс жүргізуді жетілдіру мәселелері бойынша өзгерістер мен толықтырулар енгізу туралы» Қазақстан Республикасының Заңын іске асыру үшін қабылданды.Осы Заңмен енгізілген жаңа өзгерістер жөнінде біздің Fingramota.kz сайтымыздан оқыңыздар.Кредиттік шарт жасамас бұрын не білу керекҚаржылық қажеттіліктеріңіз бен мүмкіндіктеріңізді бағалаңыз. &nbsp;Кредит, егер дұрыс мақсатқа пайдаланылса, өте ыңғайлы қаржы құралы болып табылады. Қарыз алу туралы шешім қабылдай отырып, алдымен барлық тәуекелдерді бағалап алыңыз. Кредитті ресімдеу алдында:кірістер мен шығыстарды ескере отырып, қаржылық мүмкіндіктеріңізді есептеңіз; кредитке кететін күтілетін шығыстардың өсуін ескере отырып, өз мүмкіндіктеріңізді талдаңыз; кредитті алу шартта белгіленген мерзімде борыштың негізгі сомасын (кредитордан алынған соманы) қайтару, сондай-ақ кредитті пайдаланғаны үшін сыйақы, комиссиялар және басқа да төлемдер төлеу міндетін қамтитынын түсіну қажет. Борыш жүктемесі коэффициенті туралы ұмытпаңыз! Қарыз бойынша ай сайынғы төлем сіздің кірісіңіздің 50%-нан аспауға тиіс. Кредит бойынша ай сайынғы төлемді төлегеннен кейін сізде бір ересек адамға ең төменгі күнкөріс деңгейінен және отбасының әрбір кәмелетке толмаған мүшесіне ең төменгі күнкөріс деңгейінің жартысынан кем емес мөлшерде қаражат қалуы керек.Қарыз мақсатын және өтеу әдістерін анықтап алыңыз.Кредиттер әр түрлі:кредитор қарыз алушының әр түрлі мұқтаждарына белгілі бір соманы берген кезде нысаналы емес; нысаналы - жылжымайтын мүлікті, жер учаскесін сатып алуға, білім беру, емдеу және басқаларға қысқа мерзімді, өтеу мерзімі бір жылға дейін қоса алғанда берілетін; ұзақ мерзімге берілетін ұзақ мерзімді (12 айдан астам). Кредиттер сондай-ақ қарыздың ең жоғары сомасымен, сыйақы мөлшерлемесімен, кепілдің болуымен немесе болмауымен ерекшеленеді.Кредит шартына қол қоймас бұрын, кредитті өтеудің ыңғайлы әдісін таңдау керек. Атап айтқанда:негізгі қарызды тең үлеспен өтеуді білдіретін сараланған әдіс. Негізгі қарыз тең үлеспен өтелуі есебінен ай сайынғы төлем ай сайын азаяды, ал пайыздар қарыздың қалдығына есептеледі. Егер сіз мерзімінен бұрын өтеуді жоспарласаңыз, бұл тиімді; кредит берудің бүкіл мерзіміне созылған ай сайынғы төлемдер тең аннуитеттік әдіс. Яғни берешекті өтеу кредиттеудің бүкіл мерзімі ішінде тең төлемдермен жүзеге асырылады. Негізгі қарыз бойынша төлемдер ұлғаяды, ал сыйақы бойынша төлемдер азаяды, тиісінше басында төлемдердің негізгі сомасы сыйақыны өтеуге кетеді. Бірнеше қаржы ұйымының ұсыныстарын салыстырыңыз.Кредит ресімдегіңіз келетін бірнеше кредит ұйымының сайттарына мониторинг жүргізіп, олардың өнімдерін талдаңыз.Ең жақсы нұсқаны таңдап, банк менеджерінен кредиттеудің барлық шарттарын нақтылаңыз: қарыз сомасы, төлемдердің мерзімі мен мөлшері, кредит алу немесе мерзімінен бұрын өтеу кезінде комиссиялар бар-жоқтығы, барлық пайыздармен және төлемдермен кредиттің толық құны қандай болады, артық төлем қанша болады және басқа да маңызды мәселелер.Fingramota.kz қаржы сауаттылығын арттырайық!Фото: Fingramota.kz

Қазақстан және Қызылорда облысының жаңалықтары: Құқық