<a href="https://kyzylorda-news.kz/">Kyzylorda-news.kz</a> Мемлекет басшысы Қасым-Жомарт Тоқаевтың «Заң мен тәртіп» қағидатын жүзеге асыру және «Халық үніне құлақ асатын мемлекет» тұжырымдамасы аясында Қазалы ауданының әкімі Алмасбек Есмаханов кешеден бері құқық қорғау органдарының басшыларымен бірге елді мекендердің тұрғындармен кездесіп, азаматтарды жеке мәселелері бойынша қабылдауда.Кездесулер Бекарыстан би және Жалаңтөс батыр ауылдарында ұйымдастырылды. Бекарыстан би ауылындағы жиынға Арықбалық пен Алға, Ақжона ауылдық округтерінің тұрғындары келіп қатысса, Жалаңтөс батыр ауылында өткен кездесуге Басықара, Құмжиек, Ғ.Мұратбаев ауылдық округтерінің тұрғындары келді.Кездесу барысында аудан әкімі алдымен өткен жылы аймақ басшысының қолдауымен өңірде атқарылған жұмыстарға қысқаша тоқталып, алдағы уақытта аудан халқының әл-ауқатын арттыру бағытында жоспарланған жұмыстар жайында тілге тиек етті. Сонымен қатар Президентіміздің «Заң мен тәртіп» қағидаты қоғамдағы тұрақтылықты қамтамасыз етудің, азаматтардың қауіпсіздігін нығайтудың басты тетігі екенін атап өтті. Соған сәйкес ауданда жүзеге асырылып жатқан «Қауіпсіз аудан», «Ішімдіксіз ауыл», «Қылмыссыз өңір – кемел болашақ» сынды іс-шаралар мен осындай ашық форматтағы кездесулер мен қабылдаулардың маңызы жайында сөз қозғады. Ал, аудандық мәслихат төрағасы Ғазиз Әліш алдағы уақытта да Президент Жолдауларында көрсетілген ашықтық, халықпен тиімді кері байланыс орнату, қоғамдық диалог, азаматтардың мұң-мұқтажына жедел назар аудару сынды мәселелер мемлекеттік органдар қызметінің негізгі басымдықтары саналатынын жеткізіп, мұндай ашық, еркін форматтағы кездесулер, қабылдаулар алдағы уақытта да жалғасын табатынын жеткізді.Екі ауылда да тұрғындармен өткен кездесулерден кейін, аудан әкімі Алмасбек Есмаханов, аудандық мәслихат төрағасы Ғазиз Әліш, аудан прокуроры Мадияр Бекпанов және аудандық полиция бөлімінің бастығы Асылбай Аңсатов елді мекен тұрғындарымен жеке қабылдаулар өткізді. Жеке қабылдауда барлығы 55 тұрғынның өтініші қаралса, оның ішінде аудан әкіміне 22 азамат өз өтінішін жеткізді.Жеке қабылдауда тұрғындар тарапынан тұрғын үй кезегі, кәсіпкерлік мақсатта 2,5 пайызбен несие алу, ақылы қоғамдық және тұрақты жұмысқа орналасу, Ғ.Мұратбаев ауылы, Ж.Жабаев көшесіне асфальт салу, Жетес Ешниязов көшесін күрделі жөндеу және басқа да өзекті сұрақтар көтерілді. Аудан әкімі мен құқық қорғау органдарының басшылары әрбір тұрғынның өтінішін мұқият тыңдап, заң аясында түсіндірме жұмыстарын жүргізді. Кейбір мәселелер бойынша жауаптыларға нақты тапсырмалар беріліп, бақылауға алынды. Жұмыспен қамту және әлеуметтік қолдау мәселелері бойынша тиісті мекемелер арқылы тұрғындарға жан-жақты көмек көрсету жолдары қарастырылатын болды.

Заң мен тәртіп» қағидасы аясындағы кездесулер мен қабылдаулар жалғасуда

<a href="https://kyzylorda-news.kz/">Kyzylorda-news.kz</a> &nbsp;Арал ауданы әкімдігі жанындағы кәмелетке толмағандардың ісі және олардың құқықтарын қорғау жөніндегі комиссияның кезекті отырысы өтті. Аудан әкімінің орынбасары Н.Бохаевтың төрағалығымен өткен комиссия отырысында ауданымыздағы балалардың денсаулығын қорғау және аурулардың алдын алу бағытындағы өзекті мәселелер кеңінен қаралды.Жиында Арал аудандық көп бейінді орталық ауруханасы бас дәрігерінің орынбасары Л. Әділбаева 0–17 жас аралығындағы балаларды скринингтік медициналық тексерумен қамту жұмыстары жөнінде баяндама жасап, 2025 жылы жүргізілген профилактикалық тексерулердің нәтижелерін таныстырды. Жоспарланған балалардың басым бөлігі скринингпен қамтылып, тексеру барысында бірқатар ауру белгілері бастапқы кезеңінде анықталып, дер кезінде емдеу-сауықтыру және оңалту шаралары жүргізілгені атап өтілді. Бұл жұмыстар балалар арасында созылмалы аурулардың алдын алуға, асқынулардың алдын кесуге және болашақта дені сау ұрпақ қалыптастыруға бағытталған.Сондай-ақ Арал аудандық санитариялық-эпидемиологиялық бақылау басқармасының эпидемиологиялық бақылау бөлімінің басшысы О. Мошанов аудан көлеміндегі кәмелетке толмағандар арасындағы туберкулез ауруының эпидемиологиялық ахуалы туралы мәлімет берді. 2025 жылы туберкулез дерті бойынша тіркелген жағдайлар, балалар мен жасөспірімдер арасындағы көрсеткіштер, ауруды ерте анықтау мақсатында жүргізілген флюорографиялық тексерулер мен манту, диаскинтест сынамаларының нәтижелері баяндалды. Балалар арасында аурудың алдын алу шараларын күшейту, ұйымдасқан ұжымдарда медициналық бақылауды жетілдіру қажеттігі айтылды.Комиссия отырысында балалардың денсаулығын сақтау – мемлекет пен қоғамның ортақ міндеті екені атап өтіліп, тиісті сала басшыларына профилактикалық шараларды күшейту, білім беру ұйымдарындағы медициналық пункттердің жұмысын жандандыру, сауықтыру бағытындағы іс-шараларды жүйелі түрде ұйымдастыру жөнінде міндеттер жүктелді.Балалардың амандығы мен болашағы үшін атқарылатын бұл жұмыстар алдағы уақытта да тұрақты бақылауда болады.

Арал ауданында кәмелетке толмағандардың құқықтарын қорғау жөніндегі комиссия отырысы өтті

<a href="https://kyzylorda-news.kz/">Kyzylorda-news.kz</a>&nbsp; Қызылорда облысында «Есірткі жайлы ертегі» атты шығармашылық жұмыстар байқауы өтті.Қызылорда облысында «Есірткі жайлы ертегі» тақырыбында шығармашылық жұмыстар байқауы ұйымдастырылды.Байқау балалар мен жасөспірімдерге және жастарға психоактивтік заттарды қолдануға және таратуға теріс көзқарасты қалыптастыруға, салауатты және қауіпсіз өмір салтын дамытуға, өз денсаулығына құндылықтық қатынасты тәрбиелеуге және есірткіге қарсы ұстанымды қалыптастыруға бағытталды.Байқауға 12-ден 20 жасқа дейінгі мектеп оқушылары мен студенттер қатысты.Қатысушылар «Есірткі жайлы ертегі» тақырыбында немесе тақырыпқа сәйкес келетін басқа атаумен шағын ертегі жазып, оны БАҚ-та және әлеуметтік желілерде жариялады. Бұл қоғамда нашақорлық проблемасына назар аударуға және жастар арасында тақырыпты кеңінен талқылауға мүмкіндік берді.Шығармаларды бағалау кезінде тақырыпты терең ашуы, ақпараттық байлығы, авторлық ұстанымы мен шығармашылық ерекшелігі ескерілді.Облыстық байқауға барлығы 45 қатысушы қатысты олардың ішінен үздіктер ретінде 12 адам танылды.Үздіктер қатарына кіргендер:Қызылорда қаласының №№198, 290, 144, 120 орта мектептері оқушылары – Ким Таисия, Шазат Айханым, Қадірхан Ибрагим, Бақыт Шадияр, Амантаева Назым; Арал ауданы №292 орта мектебінің оқушысы – Нұрболатқызы Әдеміай; Шиелі ауданы №49 орта мектебінің оқушысы – Пак Мария; Жалағаш ауданы №122 орта мектебінің оқушысы – Нұрманұлы Бекзат; Қармақшы ауданы №№274, 111, 199, 185 орта мектептерінің оқушылары – Искендерова Акерке, Райымбеков Мәди, Нұрханова Қарақат, Болатұлы Олжас Байқаудың өткізілуі тек шығармашылық қабілеті бар қатысушыларды анықтауға ғана емес, сонымен қатар жас ұрпаққа салауатты өмір салтының маңыздылығын түсіндіріп, өз денсаулығына жауапкершілік сезімін қалыптастыруға және есірткіге теріс қатынасты дамытуға мүмкіндік берді БАҚ-та және әлеуметтік желілерде жарияланған жұмыстар байқау идеяларын кеңінен таратуға және қоғамның нашақорлық проблемасы туралы хабардарлығын арттыруға ықпал етті.

Шығармашылық жұмыстар байқауы қорытындыланды

<a href="https://kyzylorda-news.kz/">Kyzylorda-news.kz</a> &nbsp;Жастар, балалар мен жасөспірімдер арасында есірткінің таралуы мен тұтынылуына қарсы тұрақты иммунитет қалыптастыру, салауатты әрі қауіпсіз өмір салтын насихаттау мақсатында «Біз есірткіге қарсымыз!» тақырыбында есірткіге қарсы бұйымдар дайындау және әлеуметтік желілерде бейнематериалдар жариялау бойынша байқау өткізілді.Байқауға 12–18 жас аралығындағы орта және орта арнаулы оқу орындарының оқушылары мен студенттері қатысты. Шараның негізгі міндеті – білім беру ұйымдарындағы оқушылары мен студенттері арасында психоактивті заттарды тұтынудың алдын алу бағытындағы жұмысты күшейту, балалардың шығармашылық әлеуетін дамыту және салауатты, белсенді өмір салтын ұстануға бағытталған профилактикалық қызметті жетілдіру болды. Байқаудың финалдық кезеңіне қатысушылардың 69 жұмысы ұсынылды.Қатысушылар есірткі мәселесіне қатысты өз көзқарастарын білдіретін есірткіге қарсы бұйымдарды өз қолдарымен дайындады. Жұмыстар қағаз, картон, киіз, жүн, мақта, газет, сым, фанера сияқты әртүрлі қолжетімді және тұрмыстық материалдардан, сондай-ақ ойыншықтарды қайта өңдеу арқылы жасалды. Бұл қатысушылардың қиялы мен шығармашылық қабілетін, тың ойлауын айқын көрсетті.Әрбір қатысушы өз бұйымы туралы әңгімелейтін, есірткіге қарсы ұстанымын білдіретін бейнеролик түсіріп, сондай-ақ жұмысының үш фотосуретін дайындады. Бейнематериалдар мен фотосуреттер Инстаграм және Фейсбук әлеуметтік желілеріндегі жеке парақшаларда жарияланып, іріктеу кезеңіне қатысу үшін білім бөліміне жолданды.<img src="https://knadmin.beoblood.kz/uploads/konkurs_My_protiv_narkotikov_1_88313ed7ae.jpg" alt="конкурс «Мы против наркотиков!» 1.jpg">Шығармашылық жұмыстарды бағалау барысында тақырыптың ашылу тереңдігіне, ұсынылған материалдың ақпараттық мазмұнына, авторлық ұстанымына және бейнеүндеудің мазмұндылығы мен әсерлілігіне ерекше назар аударылды. Ұсынылған жұмыстар шынайылығымен, әлеуметтік маңыздылығымен және белсенді азаматтық көзқарасымен ерекшеленді.Байқау қорытындысы бойынша облыстық деңгейдегі жеңімпаздар ретінде Жаңабайқызы Дина — Жалағаш ауданы №203 орта мектеп оқушысы, Әмзен Қарақат — Қазалы ауданы №266 мектеп-лицей оқушысы, Ізбасар Ырыскелді — Жалағаш ауданы №118 орта мектеп оқушысы, сондай-ақ Садық Роза — Қызылорда қаласындағы №5 мектеп-лицей оқушысы атанды.Аталған байқау жастардың өз денсаулығына жауапкершілікпен қарауын қалыптастыруға, есірткіге қарсы құндылықтарды нығайтуға және оқушылар мен студенттердің шығармашылық белсенділігін арттыруға зор үлес қосты. Мұндай бастамалар салауатты өмір салтын саналы түрде таңдайтын ұрпақты тәрбиелеуге ықпал етеді.

Жастар шығармашылығы: «Біз есірткіге қарсымыз!»  байқауы қорытындыланды

<a href="https://kyzylorda-news.kz/">Kyzylorda-news.kz</a> Қазақстан шахмат федерациясы Қазақстан Республикасы Парламенті Сенатымен бірлесіп жүзеге асырып жатқан «Senat Open» республикалық шахмат турнирі еліміздің барлық өңірлерінде өтуде.Аталмыш шара аясында бүгін Қызылорда облысы Полиция департаментінің қызметкерлері мен мәдениет басқармасының өкілдері өзара бақ сынасып, зияткерлік қабілеттерін көрсетті.Турнирдің ашылу салтанатында Қызылорда облысы Полиция департаменті бастығының орынбасары полиция полковнигі Омаров Оралбек Тәубақабылұлы және Қызылорда облысы Полиция департаменті Ардагерлер кеңесінің төрағасы Шаймағамбетов Әмірбек Бердібекұлы шараның маңыздылығына тоқталып, қатысушыларға сәттілік тіледі.Биыл турнир жаңартылған форматта өтуде. Жарысқа ардагерлер, мемлекеттік қызметшілер, ұлттық компания қызметкерлері, ғылым мен білім беру саласының өкілдері, БАҚ, мәдениет, медицина және құқық қорғау органдарының қызметкерлері қатысуда. Бұл формат турнирдің ауқымын кеңейтіп, беделін арттыруға мүмкіндік берді.«Senat Open 2026» кубогы кезең-кезеңімен іріктеу жүйесі бойынша өтеді. Өңірлік жарыстардың қорытындысы бойынша әр санаттан үздік қатысушылар келесі кезеңге жолдама алады. Турнир еліміздің барлық 20 өңірін қамтиды.Финалдық кезең дәстүрге сай тамыз айының соңында Астана қаласында өтетін болады. Үшінші рет ұйымдастырылып отырған бұл дода шахматты зияткерлік спорт түрі ретінде кеңінен насихаттауға және өңіраралық спорттық ынтымақтастықты дамытуға бағытталған.Полиция қызметкерлері өздерінің шеберліктерімен және жеңіске деген жігерімен ерекшеленді. Турнир қорытындысы бойынша озық шыққан тәртіп сақшылары марапат төрінен көрінді.Фото: Qyzylorda PD

Қызылордалық полицейлер шахмат жарысына қатысты

<a href="https://kyzylorda-news.kz/">Kyzylorda-news.kz</a> &nbsp; Өткен жылы Қызылорда облысында мемлекеттік еңбек инспекторлары тарапынан 278 тексеру жүргізіліп, еңбек заңнамасын бұзудың 348 дерегі анықталды. Нәтижесінде 517 жұмыскердің бұзылған еңбек құқықтары қалпына келтіріліп, жалақы бойынша қалыптасқан берешектер толық өтелді. Бұл туралы Өңірлік коммуникациялар қызметінің ақпарат алаңында Мемлекеттік еңбек инспекциясы комитетінің Қызылорда облысы бойынша департаментінің басшысы Бектемір Жұмағұлов мәлімдеді.<img src="https://knadmin.beoblood.kz/uploads/irde_517_zh_myskerdi_y_y_alpyna_keltirildi_bd03dfbde8.jpg" alt="Өңірде 517 жұмыскердің құқығы қалпына келтірілді.jpg"><blockquote>– Өткен жылы облыстағы 3 кәсіпорында 5 жұмыскерге қатысты 2,8 млн теңге көлемінде жалақы берешегі анықталған болатын. Алайда қабылданған шаралар нәтижесінде аталған қарыз жыл ішінде толық өтелді. Қазіргі таңда облыс аумағында кәсіпорындарда ағымдағы немесе ұзақ мерзімді жалақы берешегі тіркелмеген. Сонымен қатар есепті кезеңде 8 кәсіпорында ұжымдық еңбек дауы туындау қаупі байқалып, жағдай бақылауға алынды. Наразылықтардың негізгі себептері жалақыны арттыру, еңбек жағдайларын жақсарту және зиянды еңбек жағдайларында еңбек ететін жұмыскерлерге кәсіптік зейнетақы жарналарының төленбеуіне байланысты болды. Құзырлы мемлекеттік органдармен бірлесіп қабылданған жедел әрекет ету шараларының нәтижесінде кәсіпорындардағы ахуал тұрақтандырылды. Еңбек ұжымдарымен кездесулер ұйымдастырылып, қолданыстағы еңбек заңнамасы аясында жан-жақты түсіндіру жұмыстары жүргізілді. Сондай-ақ, өткен жылы цифрландыруға және еңбек қатынастары саласындағы барлық процестердің ашықтығын арттыруға ерекше басымдық берілді. Осы бағытта облыстағы 382 кәсіпорынның штаттық кестелері еңбек шарттарын есепке алудың бірыңғай жүйесіне толық енгізілді. Қазіргі уақытта штаттық кестеге сәйкес қызметкерлерді тағайындау бойынша 382 мекеменің 371-і жүйеге енгізіліп, бұл көрсеткіш 97 пайызды құрап отыр. Бұдан бөлек, өткен жылы жоспарға сәйкес 785 кәсіпорынның ұжымдық шарттары цифрландырылып, жоспар 125,2 пайызға орындалды. Ал қаңтар айында қосымша 26 ұжымдық шарт енгізіліп, көрсеткіш 104 пайызға жетті, - деді Бектемір Ұлыбекұлы.</blockquote>Фото: Нұрболат Нұржаубай

Өңірде 517 жұмыскердің құқығы қалпына келтірілді

<a href="https://kyzylorda-news.kz/">Kyzylorda-news.kz</a> Бас прокуратураның Құқықтық статистика және арнайы есепке алу жөніндегі комитетінің Қылмыстық қатерлер мен қоғамдық қауіпсіздік тәуекелдерін болжау орталығы интернет-алаяқтықтың жаңа схемасы туралы ескертеді. Шетелдік дереккөздердің мәліметтері бойынша (https://vz.ru/news/2026/1/4/1385164.html, https://www.ixbt.com/live/offtopic/mvd-predupredilo-ovredonosnyh-zagruzkah-cherez-knizhnye-boty-v-telegram.html) алаяқтар тегін электрондық кітаптар ретінде Telegram-ға зиянды файлдарды таратады.Алдау схемасы өте қарапайым: Сіз Telegram-нан кітаптардың үлкен кітапханасына қолжетімділік туралы шектеусіз хабарлама аласыз. Қажетті басылым сұралғаннан кейін бот нақты сервиске имитиция жасай отырып, кітап сюжетінің қысқаша сипаттамасын жасайды, бірақ кітапты оқу немесе жүктеудің орнына Сізге «арнайы қосымша» деген атаумен вирустық файл жібереді. Файлды орнату өте ауыр салдарға әкеледі: парольдер мен ақшаларды ұрлау, хат алмасу және фотосуреттерге қол жеткізу, смартфонды қашықтан басқару және жеке деректерді жоғалту. Бейресми көздерден басқа қосымшаларды орнату жағымсыз салдарларға әкеп соғуы мүмкін. Кибергигиена ережелерін сақтау және жеке қырағылық осындай қауіп-қатерлерден қорғаудың негізгі шаралары болып қалуда.

Аяқталуы қауіпті «Тегін кітаптар»

<a href="https://kyzylorda-news.kz/">Kyzylorda-news.kz</a> &nbsp; 2025 жылы Қызылорда облысында заңдылықтың сақталуын қамтамасыз ету және қоғамдық қауіпсіздікті нығайту бағытында кешенді жұмыстар жүзеге асырылды. Облыстық прокуратура мен полиция департаментінің бірлескен жұмысының нәтижесінде өңірдегі қылмыстық ахуал айтарлықтай жақсарғаны байқалады.Қызылорда облысы прокуратурасы заңда белгіленген өкілеттіктер аясында қылмыстың алдын алу бойынша жүйелі жұмыстар жүргізді. Нәтижесінде 2025 жылы өңірде қылмыстың тіркелуі 2,5 пайызға төмендеген.Бұл туралы Қызылорда облысының прокуроры Ризабек Ожаров пен Полиция департаментінің бастығы Серік Ергешов мәлімдеді.<img src="https://knadmin.beoblood.kz/uploads/yzylordada_ylmys_de_geji_t_mendep_o_amdy_auipsizdik_ny_ajdy_2177194f71.jpg" alt="Ризабек Кәрімұлы"><blockquote>– Бұрын сотты болған тұрғындармен жұмысты күшейту мақсатында прокуратура бастамасымен мобильдік топтар құрылып, есепте тұрған 1500-ден астам тұрғынның тұрғылықты мекенжайы мен жұмыс орындары тексерілді. Бұл шаралар жекелеген қылмыс түрлерінің азаюына тікелей әсер етті. Жекелеген қылмыс түрлері бойынша нақты төмендеу байқалады. Аса ауыр қылмыстар 2 пайызға, орташа ауырлықтағы қылмыстар 4,8 пайызға, онша ауыр емес қылмыстар 3,5 пайызға азайды. Денсаулыққа қасақана ауыр зиян келтіру - 4 пайызға, тонау - 48,6 пайызға, қорқытып алушылық - 18,8 пайызға, ұрлық - 50 пайызға төмендеді. Қоғамдық орындарда жасалған қылмыс 10,8 пайызға, оның ішінде көшедегі қылмыс 7,7 пайызға азайды, - деді Ризабек Кәрімұлы.</blockquote>Сонымен қатар меншікке қарсы, әсіресе алаяқтық қылмыстарының алдын алу мәселелері ұлттық банк, қаржы нарығын реттеу агенттігі, екінші деңгейлі банктер мен микроқаржы ұйымдарының қатысуымен өткен үйлестіру кеңесінде жан-жақты қаралды. Нәтижесінде 289 жәбірленушінің 300 миллион теңгеге жуық несие төлемін уақытша тоқтату бойынша 340 ұсыну енгізіліп, алаяқтық деректері бойынша 406 дроппер анықталды. Келтірілген 2,4 млрд теңге залалдың 1,5 млрд теңгесі өндіріліп, өтелу деңгейі 63 пайызды құрады.Ал Қызылорда облысы Полиция департаменті қоғамдық тәртіп пен жол қауіпсіздігін қамтамасыз ету бағытында бірқатар тың бастамаларды іске асырды. Жаяу жүргіншілердің қауіпсіздігін арттыру мақсатында қосымша 10 дана «Sunqar» автоматтандырылған құрылғысы іске қосылып, бейнебақылау жүйелері кеңейтілді.Өңірдегі жедел жағдайдың тұрақты бақылауда екенін полиция департаментінің бастығы, полиция полковнигі Серік Ергешов атап өтті.<img src="https://knadmin.beoblood.kz/uploads/622292087_2511876879207809_2840081664773169985_n_4382a001cd.jpg" alt="Серік Жүрсінбайұлы"><blockquote>– Жалпы қылмыстық құқық бұзушылықтардың тіркелуі 2 пайызға төмендеді. Қоғамдық орындарда және көшелерде жасалатын қылмыстардың саны азайды. 10 мың тұрғынға шаққандағы құқық бұзушылық деңгейі республика бойынша 57 болса, облысымызда бұл көрсеткіш 32-ні құрап отыр. Біз қауіпсіз өңірлер қатарындамыз. Сондай-ақ соңғы үш жылда өңірде ұрлық қылмыстары 63 пайызға төмендеп, пәтер және тонау деректері азайған. Мал ұрлығы өткен жылмен салыстырғанда бір деңгейде сақталған , – деді Серік Жүрсінбайұлы.</blockquote>Құқық қорғау органдарының бірлескен әрі жүйелі жұмысы Қызылорда облысында қоғамдық қауіпсіздікті нығайтып, тұрғындардың құқықтық қорғалу деңгейін арттыруға оң ықпал етіп отыр.Фото: Нұрболат Нұржаубай

Қызылордада қылмыс деңгейі төмендеп, қоғамдық қауіпсіздік нығайды

<a href="https://kyzylorda-news.kz/">Kyzylorda-news.kz</a> &nbsp;Қызылорда облысында жастар арасында есірткіқұмарлықтың алдын алу және салауатты өмір салтын насихаттауға бағытталған ауқымды байқау аяқталды. «Есірткіге жол жоқ!» ұранымен өткен шараға 12 мен 20 жас аралығындағы шығармашыл мектеп оқушылары мен студенттер қатысты. Байқаудың басты шарты бойынша қатысушылар есірткіге қарсы тақырыпта үш авторлық GIF-анимация дайындап, құрдастарының назарын осы әлеуметтік мәселеге аудару үшін оларды әлеуметтік желілерде орналастыруы қажет болды.Байқау екі кезеңнен тұрды. Бастапқы кезең аудан орталықтары мен Қызылорда қаласында ұйымдастырылды. Бірінші турдың нәтижесі бойынша аймақтық білім бөлімдері облыстық кезеңге 47 үміткердің 141 жұмысын жолдады. Сайыстық комиссия қатысушылардың жоғары дайындығы мен креативті тәсілдерін атап өтіп, 12 үміткердің еңбегіне ерекше тоқталды.Облыстық деңгейдегі жеңімпаздар болып Қызылорда қаласы №176 орта мектеп оқушысы Шанжархан Нұрасыл, Жалағаш ауданы №118 орта мектеп оқушысы Аманкелдіқызы Кәусар және Шиелі ауданы №244 орта мектеп оқушысы Алмасханқызы Жансель танылды. Ұйымдастырушылардың айтуынша, қазіргі заманғы цифрлық форматтарды қолдану жастарды белсенді әлеуметтік қызметке тартуға және олардың бойында зиянды әдеттерге қарсы берік ұстаным қалыптастыруға септігін тигізеді.

Қызылорда облысында «Есірткіге жол жоқ!» атты есірткіге қарсы GIF-анимациялар байқауы қорытындыланды

<a href="https://kyzylorda-news.kz/">Kyzylorda-news.kz</a> Қызылорда қаласы Полиция басқармасының криминалдық полиция бөлімшесінің қызметкерлері және учаскелік полиция инспекторлары тұрғындарды интернет алаяқтықтан қорғау және «Заң мен тәртіп» қағидатын одан әрі ілгерілету мақсатында қала бойынша тұрғындарға профилактикалық шараларды жүргізуде.Құқық қорғау органдарының өкілдері тұрғындарға, халық көп шоғырланған орындарға келген азаматтарға сақтандыру шараларын түсіндірді, ал дүкендер, сауда орындары, көп қабатты үйлер, аялдамалар және банк ғимараттарына ақпараттық жабыстырмалар орналастырылды.Бұл шаралар интернет алаяқтық әрекеттерінің алдын алу және тұрғындардың қауіпсіздігін қамтамасыз етуге бағытталған. Профилактикалық жұмыстар алдағы уақытта да жалғасатын болады.

Қызылордада интернет-алаяқтықтың алдын алу бойынша ақпараттық жұмыстар жүргізілуде

<a href="https://kyzylorda-news.kz/">Kyzylorda-news.kz</a> Қазіргі таңда тұтынушылардың құқықтарын қорғау қоғамдағы өзекті мәселелердің бірі. Сауда нарығының кеңеюі мен қызмет көрсету саласының дамуы азаматтардың заңды құқықтары мен мүдделерін қорғауды талап етеді. Бұл бағыттағы жұмыстар Қызылорда облысында жүйелі түрде жүзеге асырылып келеді.&nbsp;&nbsp;Есепті кезеңде Қызылорда облысы бойынша сауда және тұтынушылардың құқықтарын қорғау департаментіне 910-ға жуық азаматтан өтініш түскен. Өтініштер заң талаптарына сәйкес қаралып, бақылау және тексеру шаралары жүргізілген. Нәтижесінде сауда және тұтынушылардың құқықтарын қорғау саласында бірқатар заң бұзушылықтар анықталып, тиісті шаралар қабылданды. Бұл туралы Өңірлік коммуникациялар қызметінің ақпарат алаңында Қызылорда облысы бойынша сауда және тұтынушылардың құқығын қорғау департаменті басшысының міндетін атқарушы Нұрлыбек Бимырзаев мәлімдеді.<blockquote>– Департаменттің негізгі міндеті тұтынушылардың құқықтарын қорғау, бизнес субъектілеріне заң талаптарын түсіндіру және сауда саласына мемлекеттік бақылау жүргізу. Есепті кезеңде департамент тарапынан 59 нарық субъектісіне тексеру жүргізіліп, нәтижесінде 600 мың теңге көлемінде айыппұл салынды. Әлеуметтік маңызы бар азық-түлік тауарлары бағасын негізсіз өсіру деректері де жіті бақылауға алынған. Бұл бағытта 196 кәсіпкерлік субъектісі тексеріліп, 129 заң бұзушылық анықталды. Нәтижесінде 29 кәсіпкерге ескерту беріліп, 77 кәсіпкерге 1,4 миллион теңге көлемінде айыппұл салынды. Бұл жұмыстар бағаның негізсіз өсуінің алдын алуға бағытталған. Сонымен қатар тұтынушылардан келіп түскен өтініштердің басым бөлігі бөлшек сауда, электрондық сауда және қоғамдық тамақтану салаларына тиесілі. Қаралған өтініштердің нәтижесінде тұтынушылардың пайдасына 21,2 миллион теңге көлеміндегі қаражаттың қайтарылуына ықпал жасалған. Тұтынушылардың құқықтарын қорғау біздің басты басымдықтарымыздың бірі. Сондай-ақ әлеуметтік маңызы бар азық-түлік тауарлары бағасын тұрақтандыру мақсатында кәсіпкерлік субъектілерімен түсіндіру және ақпараттық-насихаттау жұмыстары тұрақты түрде жүргізіліп келеді, деді Нұрлыбек Шонжарұлы.</blockquote><figure class="image"><img src="https://knadmin.beoblood.kz/uploads/622770086_2511684869227010_5336910920983264080_n_e60067beb2.jpg" alt="тұтынушылардың құқығын қорғау департаменті басшысының міндетін атқарушы Нұрлыбек Бимырзаев"><figcaption>&nbsp;</figcaption></figure>Спикердің айтуынша, тұтынушылардың өз құқықтарын білуі мен заң талаптарының сақталуы әділ бәсекелестік орта қалыптастыруға және халықтың әлеуметтік жағдайын жақсартуға оң әсер етеді.&nbsp;Фото: Нұрболат Нұржаубай

Тұтынушы құқығы қорғалуы тиіс

<a href="https://kyzylorda-news.kz/">Kyzylorda-news.kz</a> Ерте, ерте, ертеде, ешкі жүні бөртеде, қырғауылы қызылда, құйрық жүні ұзында Елемес дейтін ер болыпты. Елеместің төрт түлігі сай екен, ел-жұрт оны оңынан қараса да, солынан қараса да, шіркін, Елеместен артық бақытты адам бар ма екен дейтіндей қызылды-жасылды жарқ-жұрқ еткен өмір сүріпті.&nbsp;Бірақ аузынан ақ май аққан Елеместің есіл-дерті әлдебір жоқты іздеумен өтіпті. Тіпті оның не екенін білмесе де, өміріне әйтеуір бірдеңе жетпейтіндей, көңілі жайланбай, сол аңсарын іздеп, басын тауға да, тасқа да соғыпты. Жұрт бақытты байлықтан іздейді, мен де сол байлықтың бәрі бар, бірақ неге бақытты емеспін деп жатса да, тұрса да өзін іштей мүжіген сұрақтар мазасын ала беріпті.&nbsp;Күндердің күнінде бақытын іздеп, асыл мұратыма жетсем деген тілекпен жолға шығыпты. Жолда келе жатып, әлдебір өсіп тұрған өзгеше шөпті көріпті. Бұл шөптің иісінің басын айналдырғаны сонша, қасынан жай ғана өту мүмкін емес еді. Иіске елітіп, қанша уақыт өткенін тіпті білмей де қалыпты. &nbsp;Осы адамдар түтіндетіп отырып, өзін бақытты сезінетін шөп осы шығар деп ойлайды да, іле-шала ойын жүзеге асыру үшін оны қағазға орап, қайсы бір жылы Жібек жолының бойында көпестерден көргенін өзінше қайталап көріпті. Осылайша ай артынан ай, жыл артынан жыл өтіпті. Еліне оралмаған Елеместі іздеп жолға шыққан жақындары шөпке масайып, есінен адасқан Елеместі көріпті. Жақындары оны ауруынан айықтырғанда ғана адамның ақылын сау мақсатқа жұмсауы бақыттың нағыз өзі екен ғой деген ойға келіпті.Ермұхаммед АСҚАР,№290 орта мектептің 6 сынып оқушысыФото: gov.kz

Қазақстан және Қызылорда облысының жаңалықтары: Құқық