<a href="https://kyzylorda-news.kz/">Kyzylorda-news.kz</a>&nbsp; Болашақ әр адамның арманы мен үмітінің жалғасы. Ал сол болашақтың жарқын болуы бүгінгі қоғамның, әрбір азаматтың таңдауына байланысты. Дені сау, білімді, тәрбиелі жастар еліміздің болашағы. Сондықтан есірткісіз қоғам құру баршамызға ортақ міндет.Қазіргі таңда есірткі мәселесі қоғамды алаңдататын өзекті тақырыптың бірі. Есірткі адамның өміріне үлкен зиян келтіріп, оның денсаулығын бұзып қана қоймай, арманы мен мақсатына жетуіне кедергі жасайды. Әр адам өз болашағы үшін саналы таңдау жасауы керек.Жастар бос уақытын пайдалы істерге арнағаны дұрыс. Мысалы, спортпен айналысу, кітап оқу, жаңа білім алу, өнер үйрену адамның дамуына көмектеседі. Сонымен қатар достарды дұрыс таңдап, жаман әдеттерден аулақ болу маңызды. Өйткені жақсы орта адамның өмірге деген көзқарасын қалыптастырады.Есірткісіз қоғам құруда отбасы, мектеп және мемлекеттің рөлі ерекше. Ата-ана баласына дұрыс тәрбие беріп, қолдау көрсетіп, жаман жолдан сақтауы керек. Ал мектеп оқушыларына саламатты өмір салтын ұстанудың маңызын түсіндіруі қажет. Мемлекет те нашақорлықпен күресіп, есірткі таратқандарға қатаң шара қолдануы тиіс.Менің ойымша, әрбір жас өз болашағын бағалап, денсаулығын күтуі керек. Біз білім алып, еңбек етіп, еліміздің дамуына үлес қосуымыз қажет. Өмірдің басты құндылығы денсаулық, бақыт және жақсы таңдау.Біз жарқын болашақ үшін бүгіннен бастап дұрыс қадам жасауымыз керек. Есірткіге жол жоқ!Салауатты қоғам – жарқын болашақ!Нұрсұлтан Аманов,&nbsp;Қызылорда облысы,&nbsp;Шиелі ауданы,&nbsp;Жөлек ауылы,&nbsp;№152 орта мектебінің 9 «А» сынып оқушысы,Фото: Ғаламтордан

Есірткісіз болашақ: қоғам үні

<a href="https://kyzylorda-news.kz/">Kyzylorda-news.kz</a> Есірткісіз болашақ – әрбір адамның арманы және бүкіл қоғамның ортақ мақсаты. Қазіргі таңда есірткі мәселесі әлемдегі ең өзекті проблемалардың бірі болып отыр. Ол адамның денсаулығына зиян келтіріп қана қоймай, өміріне, отбасына және болашағына қауіп төндіреді.Менің ойымша, әрбір жас есірткіден аулақ болып, өз өміріне жауапкершілікпен қарауы керек. Өйткені есірткіге тәуелділік адамның арманы мен мақсатына жетуіне кедергі жасайды. Жастар бос уақытын спортпен айналысуға, кітап оқуға, білім алуға және пайдалы істерге арнағаны дұрыс.Есірткімен күресу тек бір адамның міндеті емес. Бұл – ата-ана, мектеп және бүкіл қоғамның ортақ жауапкершілігі. Біз жас ұрпаққа дұрыс тәрбие беріп, салауатты өмір салтын насихаттауымыз қажет.Қорытындылай келе, есірткісіз болашақ құру – өз қолымызда. Әрбір адам «Біз есірткіге қарсымыз!» деген ұстанымды қолдаса, еліміздің болашағы жарқын болады. Дені сау ұрпақ – жарқын болашақтың кепілі!Гүлсезім Орал,&nbsp; №152 орта мектебінің 9 "а" сынып оқушысыСурет ғаламтордан

Есірткісіз болашақ – ұлт саулығының кепілі

<a href="https://kyzylorda-news.kz/">Kyzylorda-news.kz</a> «Таза Қазақстан» экологиялық акциясына атсалысу мақсатында полиция қызметкерлері арасында профилактикалық жұмыстар жалғасуда.Атқарылған жұмыстардың нәтижесінде, апта көлемінде облысымызда қоғамдық орындарды ластаудың 214 дерегі анықталып, құқық бұзушылық жасаған жеке тұлғаларға қатысты ҚР ӘҚБтК-нің &nbsp;434-2-бабымен (қоғамдық орындарды ластау) 96 және ҚР ӘҚБтК-нің 505-бабымен (абаттандыру қағидаларын бұзу) 118 әкімшілік хаттамалар рәсімделіп, тиісті шаралар қолданылды.<img src="https://knadmin.beoblood.kz/uploads/image_10_aac90aa924.png" alt="Полиция Нурболат Нуржаубай (10).png">Сурет: Нұрболат Нұржаубай

«Таза Қазақстан»: Апта көлеміндегі рейд нәтижесінде 214 құқық бұзушылықтың жолы кесілді

<a href="https://kyzylorda-news.kz/">Kyzylorda-news.kz</a> Жалағаш ауданының әкімі Ерлан Төрәлиев Жалағаш аудандық полиция бөлімінің және бөлімдегі жедел басқару орталығының жұмысымен танысты. Орталықтың материалдық-техникалық жабдықталуын көрген аудан басшысы бейнебақылау жүйесінің қоғамдық тәртіпті қамтамасыз етудегі маңызын атап өтті.<img src="https://knadmin.beoblood.kz/uploads/FB_IMG_1791620028014_c41c31de11.jpg" alt="FB_IMG_1791620028014.jpg">Қазіргі таңда жедел басқару орталығы арқылы аудан аумағындағы қоғамдық тәртіп пен жол қауіпсіздігі бақыланады. Орталыққа 102 бейнебақылау камерасы қосылған, оның 32-сі айналмалы камера. Бұл жүйе құқық бұзушылықтардың алдын алуға және қоғамдық қауіпсіздікті бақылауға мүмкіндік береді.Аудан әкімі құқық қорғау саласының жұмысын жетілдіру, бейнебақылау жүйесінің тиімділігін арттыру және тұрғындардың қауіпсіздігін қамтамасыз ету бағытында бірқатар ұсынысын білдіріп, жедел басқару орталығының маңыздылығына тоқталды.<img src="https://knadmin.beoblood.kz/uploads/FB_IMG_1791620021331_e7fec5d390.jpg" alt="FB_IMG_1791620021331.jpg">

Жалағаш ауданының әкімі полиция бөлімінің жұмысымен танысты 

<a href="https://kyzylorda-news.kz/">Kyzylorda-news.kz</a> «Заң мен тәртіп» қағидатын насихаттау, кәмелетке толмағандар арасында құқық бұзушылық пен қылмыстың алдын алу, олардың құқықтық сауаттылығын арттыру және қауіпсіз мінез-құлық дағдыларын қалыптастыру мақсатында профилактикалық жиын өтті.Жиын барысында жасөспірімдерге құқық бұзушылық пен қылмыстың алдын алу, қоғамдық тәртіпті сақтау, буллинг пен кибербуллингке жол бермеу, зиянды әдеттерден аулақ болу, интернет желісіндегі қауіпсіздік талаптарын сақтау мәселелері бойынша түсіндіру жұмыстары жүргізілді.Кездесу кезінде кәмелетке толмағандардың құқықтары мен міндеттеріне де ерекше назар аударылды. Жасөспірімдерге заң талаптарын бұзған жағдайда қолданыстағы заңнамада көзделген жауапкершілік түрлері түсіндіріліп, заңды сақтау мен құқықтық тәртіпті құрметтеудің маңыздылығы айтылды.Сонымен қатар, балаларға өздері немесе қатарластары кез келген келеңсіз жағдайға тап болған кезде оған бейжай қарамай, дер кезінде ата-анасына, педагогтерге немесе тиісті мамандарға хабарласу қажеттігі түсіндірілді.Профилактикалық жиын барысында жасөспірімдер өздерін қызықтырған сұрақтарын қойып, мамандардан тиісті жауаптар алды.Мұндай профилактикалық іс-шаралар жасөспірімдердің құқықтық сауаттылығын арттырып, қауіпсіз орта қалыптастыруға, заң талаптарын құрметтеуге және «Заң мен тәртіп» қағидатын берік ұстануға бағытталған.<img src="https://knadmin.beoblood.kz/uploads/Whats_App_Image_2026_10_02_at_11_30_02_1_14777e4eb6.jpeg" alt="Заң мен тәртіп.jpeg">

«Заң мен тәртіп»: жасөспірімдер арасында профилактикалық жиын өтті

<a href="https://kyzylorda-news.kz/">Kyzylorda-news.kz</a> Қызылорда облысында оқушылар арасында есірткі қылмыстары мен құқық бұзушылықтарының алдын алу, синтетикалық есірткінің зияны туралы түсіндіру және жастардың қауіпсіз мінез-құлық дағдыларын қалыптастыру мақсатында «Синтетикалық есірткі: өз таңдауың – өз жауапкершілігің» тақырыбында семинар-тренинг өтті. Іс-шараға облыстағы 273 мектептен 10 883 оқушы қатысты.Семинар-тренинг барысында Қызылорда облысы Полиция департаментінің Есірткі қылмысына қарсы іс-қимыл басқармасының өкілдері, есірткі құқық бұзушылықтарының алдын алу жөніндегі облыс кеңесінің мүшелері және үкіметтік емес ұйымдардың өкілдері сөз сөйледі.Кездесу барысында оқушыларға өңірдегі есірткі ахуалы, синтетикалық есірткінің ерекшеліктері мен оның адам денсаулығына кері әсері, сондай-ақ жастардың есірткі қылмыстарына тартылу қаупі туралы ақпарат берілді. Мамандар есірткі заттарын қолдануға итермелейтін факторларға, әлеуметтік желілердегі жалған ақпаратқа және «оңай ақша» табу мақсатында заңсыз әрекеттерге тарту жағдайларына ерекше назар аударды.Семинар барысында оқушыларға есірткі ұсынылған жағдайда қауіпсіз шешім қабылдау, күмәнді ортадан дер кезінде алыстау және сенімді ересек адамнан көмек сұраудың маңыздылығы түсіндірілді. Сонымен қатар синтетикалық есірткіге қатысты кең таралған қате түсініктер мен оның салдары жөнінде түсіндіру жұмыстары жүргізілді.Іс-шараның негізгі ұстанымы – әр адамның өз таңдауы мен болашағына жауапкершілікпен қарауы. Оқушыларға есірткіден бас тарту, қауіпті ортадан кету және қажет болған жағдайда көмекке жүгіну бойынша есте сақтауға оңай «Бас тарт. Кет. Айт.» қағидасы ұсынылды.Семинар соңында оқушыларды салауатты өмір салтын ұстануға, білім мен спортқа, шығармашылыққа және өз болашағын дамытуға бағытталған пайдалы бастамаларға белсенді қатысуға шақырылды.Іс-шара жастар арасында есірткіге қарсы иммунитет қалыптастыруға, құқықтық және ақпараттық сауаттылықты арттыруға, сондай-ақ есірткі қылмыстарының алдын алуға бағытталған профилактикалық жұмыстардың бір бөлігі болды.<img src="https://knadmin.beoblood.kz/uploads/Whats_App_Image_2026_09_29_at_09_41_38_49cdf61125.jpeg" alt="УПН.jpeg">

Қызылорда облысында оқушыларға арналған семинар-тренинг өтті

<a href="https://kyzylorda-news.kz/">Kyzylorda-news.kz</a> Арал ауданы әкімдігінде кезекті Үкімет отырысында көтерілген мәселелер бойынша &nbsp;мәжіліс өткізілді. Ауданның әлеуметтік-экономикалық дамуы, жол қауіпсіздігі, инфрақұрылым сапасы және тұрғындар арасында кітап оқу мәдениетін қалыптастыру мәселелері талқыланды.Жиынға аудан әкімінің орынбасары Е. Әбішев төрағалық етті. Алдымен Арал қаласында жаңадан ашылған «Арал теңізі» теміржол вокзалының құрылысына белсене атсалысқан азаматтардың еңбегін ерекше атап өтіп, вокзал директоры Ж.Мәмбеталиевке облыс әкімінің алғыс хатын табыстады.Жиында жол қауіпсіздігі мәселесіне де ерекше назар аударылды. Тиісті сала мамандарына жасөспірімдердің түнгі уақытта көлік құралдарымен жүруінің алдын алу, тұрғындардың тыныштығын сақтау және жол қозғалысы қауіпсіздігін қамтамасыз ету бағытында нақты тапсырмалар берілді.<img src="https://knadmin.beoblood.kz/uploads/Aral_leumettik_zh_ne_infra_rylymdy_damu_2_39f6385651.jpg" alt="Арал әлеуметтік және инфрақұрылымдық даму 2.jpg">Ауданда жол құрылысы бойынша бірқатар ірі жобалар жүзеге асырылуда. Атап айтқанда: республикалық маңызы бар «Бейнеу – Сексеуіл», «Ұлғайсын – Сексеуіл», «Қызылорда – Сексеуіл» бағыттарындағы жол жұмыстары жүргізілуде. Осыған байланысты тұрғын үй-коммуналдық шаруашылығы бөліміне аталған жол құрылыстарының белгіленген мерзімде әрі сапалы аяқталуын қатаң бақылауда ұстау тапсырылды.Сонымен бірге жауапты сала басшыларына қоғамдық тәртіпті күшейту, жолдардың сапасын арттыру мақсатында жөндеу жұмыстарын сапалы жүргізу тапсырылды.Бұдан бөлек, тұрғындар арасында кітап оқу мәдениетін қалыптастыру және жастардың рухани дамуына ықпал ету мақсатында «Кітап оқитын ұлт» жобасын бастау мәселесі көтерілді. Жоба 2027 жылдың сәуір айына дейін жалғасып, оған мектеп және колледж студенттерімен қатар ауылдық округтер мен кент тұрғындары, мемлекеттік қызметшілердің жаппай қатысуы көзделіп отыр.Жиын барысында көтерілген мәселелер бойынша жауапты сала басшыларына нақты тапсырмалар беріліп, олардың орындалуын бақылауда ұстау міндеттелді.<img src="https://knadmin.beoblood.kz/uploads/Aral_leumettik_zh_ne_infra_rylymdy_damu_3_b9c89a6f4d.jpg" alt="Арал әлеуметтік және инфрақұрылымдық даму 3.jpg">

Арал ауданының әлеуметтік және инфрақұрылымдық дамуына қатысты мәселелер қаралды

<a href="https://kyzylorda-news.kz/">Kyzylorda-news.kz</a> Жыл басынан бері Қызылорда облысының жолдарында 811 жол-көлік оқиғасы тіркелді.Облыстық полиция департаментінің мәліметінше, бұл көрсеткіш өткен жылдың 8 айымен салыстырғанда 15,6%-ға төмен. Жолдағы қайғылы жағдайлардың кесірінен 1002 адам жарақат алса, 62 адам көз жұмған.<blockquote>– Жол-көлік оқиғаларының алдын алу және жүргізушілердің тәртібін арттыру мақсатында 17 жедел профилактикалық іс-шара ұйымдастырылды. Профилактикалық жұмыстың нәтижесінде жол қозғалысы қағидаларын бұзудың 248 мыңнан астам дерегі анықталды. Оның ішінде көлік құралын масаң күйде басқарудың 589, қарсы бағытқа шығудың 264 дерегі тіркелді. 6973 жағдайда жаяу жүргіншілер жол қозғалысы қағидаларын бұзса, 90 мыңнан астам жағдайда жүргізушілер жылдамдықты шектен асырған. 12 мыңнан астам адам көлік тізгінінде келе жатып ұялы телефон пайдаланса, 35 мыңнан астам жүргізуші қауіпсіздік белдігін тақпаған. 4575 дерек бойынша көлік жүргізушілері жаяу жүргіншіге жол бермеген, - деді департаменттің әкімшілік полиция басқармасының бастығы, полиция полковнигі Мұратбек Манатов.</blockquote>Бүгінде облыс жолдарында жол ережесін елемегендерді автоматты түрде анықтайтын 218 заманауи құрылғы жұмыс істеп тұр. Былтыр олардың саны 124 болатын.Сурет: Нұрболат Нұржаубай

Қызылорда облысында жыл басынан бері 811 жол-көлік оқиғасы тіркелді

Қызылорда қаласында облыстық Полиция департаменті Есірткі қылмысына қарсы іс-қимыл басқармасының қызметкерлері қала тұрғындары көп шоғырланатын орындардың бірі – Aray City Mall ойын-сауда орталығында профилактикалық іс-шара өткізді.Іс-шараның негізгі мақсаты – есірткінің зияны мен оны қолданудың салдары туралы тұрғындарға ақпарат жеткізу, есірткі қылмыстарының алдын алу және салауатты өмір салтын насихаттау.Полиция қызметкерлері орталыққа келушілермен түсіндіру жұмыстарын жүргізіп, есірткі құралдарын заңсыз сақтау, тарату және қолдануға байланысты жауапкершілік туралы ақпарат берді. Сондай-ақ тұрғындарға есірткінің таралуына жол бермеуге шақыратын ақпараттық материалдар таратылды.Мұндай профилактикалық жұмыстар қоғамның есірткіге қарсы иммунитетін қалыптастыруға және әсіресе жастар арасында есірткінің алдын алуға бағытталған.<img src="https://knadmin.beoblood.kz/uploads/IMG_20260829_WA_0029_cc5b490de2.jpg" alt="IMG-20260829-WA0029.jpg">

Қызылордада есірткінің алдын алуға бағытталған профилактикалық іс-шара өтті

<a href="https://kyzylorda-news.kz/">Kyzylorda-news.kz</a> Заң мен тәртіп қағидатын қамтамасыз ету, табиғи ресурстарды қорғау және заңсыз аңшылық пен балық аулау фактілерінің алдын алу мақсатында Қызылорда облысының аумағында 24–30 тамыз аралығында «Браконьер» жедел-профилактикалық іс-шарасы өтуде.Іс-шараның алғашқы үш күнінде облыс көлемінде 29 әкімшілік құқық бұзушылықтың жолы кесілді. Оның ішінде 23 дерек – заңсыз балық аулау, 4 дерек – заңсыз аңшылық фактілеріне қатысты.Рейдтік іс-шаралар барысында полиция қызметкерлері аңшылық алқаптары мен су айдындарында заңсыз табиғат пайдаланудың алдын алуға, құқық бұзушылықтарды анықтап, олардың жолын кесуге бағытталған жұмыстар жүргізуде.Полиция табиғи ресурстарды қорғау және экологиялық қауіпсіздікті қамтамасыз ету бағытындағы профилактикалық жұмыстарды тұрақты түрде жалғастырады.Заң мен тәртіп – табиғатты қорғау мен қоғамдық қауіпсіздіктің маңызды кепілі.<img class="image_resized" style="width:100%;" src="https://knadmin.beoblood.kz/uploads/Brakoner_za_tri_dnya_presecheno_29_pravonarushenij_427f872831.jpeg" alt="«Браконьер» за три дня пресечено 29 правонарушений.jpeg">

«Браконьер»: 3 күнде 29 құқық бұзушылықтың жолы кесілді

<a href="https://kyzylorda-news.kz/">Kyzylorda-news.kz</a> Қазалы ауданында аудан әкімдігі мен Қызылорда облыстық адвокаттар алқасы арасында халыққа құқықтық қызмет көрсету мәселелері бойынша ынтымақтастық пен өзара іс-қимыл туралы меморандумға қол қойылды.Жиынға аудан әкімінің орынбасары Жәнібек Алиев, Қызылорда облыстық адвокаттар алқасының төрағасы Мейірбек Даубалаев, төраға орынбасары Шадияр Наркешбаев, Төралқа мүшелері Бижан Иманғалиев пен Хасенхан Үсеинов, сондай-ақ құқық қорғау органдарының өкілдері, мемлекеттік мекеме басшылары, медиаторлар және тиісті сала мамандары қатысты.Кездесуде Мемлекет басшысы айқындаған «Заң мен тәртіп» қағидатын орнықтыру, тұрғындардың құқықтық сауаттылығын арттыру, азаматтарға көрсетілетін құқықтық көмектің сапасы мен қолжетімділігін қамтамасыз ету мәселелері сөз болды.Қол қойылған меморандум аясында тараптар аудан тұрғындарына құқықтық кеңес беру және көмек көрсету бағытындағы бірлескен жұмыстарды күшейтуді көздейді. Бұл өз кезегінде азаматтардың құқықтары мен заңды мүдделерін қорғауға, туындаған мәселелерді жедел шешуге және тұрғындардың құқықтық мәселелер бойынша қажетті мамандарға қолжетімділігін арттыруға мүмкіндік береді.Бүгінде Қазалы ауданында 4 адвокат кәсіби қызмет атқарып, тұрғындарға құқықтық көмек көрсетуде. Сонымен қатар, ауданда Билер кеңесі мен кәсіби және кәсіби емес медиаторлар дауларды сотқа жеткізбей, өзара келісім арқылы шешу және қоғамдық келісімді нығайту бағытында жұмыстар жүргізіп келеді.Аталған меморандум – халыққа құқықтық қызмет көрсетуді жетілдіруге, азаматтардың заңды құқықтары мен мүдделерін қорғауға және қоғамда заңдылық пен құқықтық тәртіпті одан әрі нығайтуға бағытталған маңызды қадам.<img src="https://knadmin.beoblood.kz/uploads/azaly_y_ty_k_mek_k_rsetu_memorandum_f6c1d347fd.jpg" alt="Қазалы құқықтық көмек көрсету меморандум.jpg">

Қазалыда халыққа құқықтық көмек көрсету бағытындағы ынтымақтастық күшейтіледі

<a href="https://kyzylorda-news.kz/">Kyzylorda-news.kz</a> Бүгін Арал ауданы әкімдігінде аудан әкімдігі мен Қызылорда облыстық адвокаттар алқасы арасында халыққа құқықтық қызмет көрсету мәселелері бойынша ынтымақтастық пен өзара іс-қимыл туралы меморандумға қол қою рәсімі өтті.Басқосуға аудан әкімінің орынбасары Нұрмұхамед Бохаев төрағалық етіп, жиынға арнайы келген қонақтарды таныстырып өтті.&nbsp;Екіжақты ынтымақтастықты дәріптейтін кездесуге Қызылорда облыстық адвокаттар алқасының төрағасы Мейірбек Даубалаев, төраға орынбасары Шадияр Наркешбаев, Төралқа мүшелері Бижан Иманғалиев пен Хасенхан Үсеинов, сондай-ақ құқық қорғау органдарының өкілдері, медиаторлар, жеке сот орындаушылар, дербес бөлім басшылары және қоғамдық кеңес мүшелері, мекеме басшылары қатысты.Жиында азаматтардың құқықтық сауаттылығын арттыру, халыққа көрсетілетін құқықтық көмектің қолжетімділігі мен сапасын қамтамасыз ету, сондай-ақ дауларды сотқа жеткізбей шешу мәселелері талқыланды.Меморандум аясында тараптар аудан тұрғындарына құқықтық көмек көрсету бағытындағы өзара іс-қимылды күшейтіп, азаматтардың құқықтары мен заңды мүдделерін қорғауға, құқықтық мәселелерді жедел шешуге және құқықтық қызметтердің қолжетімділігін арттыруға бағытталған бірлескен жұмыстарды жүзеге асыруға ниетті.Тараптар алдағы уақытта өзара ынтымақтастықты одан әрі нығайтып, аудан тұрғындарының құқықтары мен заңды мүдделерін қорғау бағытындағы жұмыстарды жүйелі түрде жалғастыратын болады.Екіжақты меморандум аясында Арал қаласы әкімшілігінің ғимаратында азаматтарға тегін құқықтық көмек көрсету мақсатында арнайы кеңсе ашылды. Алдағы уақытта аудан тұрғындары аталған кеңсеге жүгініп, өздерін толғандырған құқықтық мәселелер бойынша білікті мамандардан кеңес алып, қажетті құқықтық көмекке қол жеткізе алады.Бұл бастама тұрғындардың құқықтық сауаттылығын арттырып, заңды құқықтары мен мүдделерін қорғауға мүмкіндік береді.

Қазақстан және Қызылорда облысының жаңалықтары: Құқық