<a href="https://kyzylorda-news.kz/">Kyzylorda-news.kz.</a> Қызылордада әнші, ұстаз, Қазақстанның еңбек сіңірген әртісі Қаракөз Ақдәулетова атындағы «Сыр бұлбұлдары» облыстық әншілер конкурсы өз мәресіне жетті.Эстрадалық ән салу және академиялық ән салу жанрлары бойынша өнер көрсеткен жас таланттардың өнерін бағалаған қазылар алқасы үздіктерді анықтады.Эстрадалық ән салу жанры бойынша жүлделі ІІІ орынды Мақсат Базарбай, Нұртілек Малкайдар, Рақымжан Бақытов иеленсе, ІІ орынды Қалдасбай Сұлтанханым, Ақнұр Темірова, І орынды Сарманбек Саят иеленді. Конкурстың Бас жүлдесін Айсұлу Рахатова иеленді.Академиялық ән салу жанры бойынша жүлделі ІІІ орынды Зарина Камала, Аягөз Райбекова, ІІ орынды Әбдіхан Әлібек, Баянсұлу Сағындықова, І орынды Әбуов Дінмұхаммед, Ақбота Әбентаева иеленсе, Бас жүлдені Ақжүніс Абибулла және Бақдәулет Исабеков иеленді.Сыр елінің музыка өнеріне өлшеусіз үлес қосқан бірегей талант иесі Қаракөз Ақдәулетова шығармашылығы мен оның ұстаздық жолы қашанда құрметке лайық. Қазақ даласының музыка өнерінде Қаракөз Ақжігітқызының есімі алтын әріппен жазылып, бірегей ұстаз ретінде халық санасында қалды. Сол ұлы ұстаздық жолды жалғап, тәуелсіздіктің алғашқы жылдарындағы қиындықтарды өнерге деген махаббатымен еңсеріп, музыкамен өмір сүрген талант иесі талай шәкіртке бағдар бастауы бола білді.Байқаудың қатысушылары осынау құрметті ұстаз рухына арнады.&nbsp;<figure class="image"><img src="https://knadmin.beoblood.kz/uploads/316086809_2088629474857883_5950501289574922984_n_38ed344d53.jpg" alt="316086809_2088629474857883_5950501289574922984_n.jpg"></figure>&nbsp;<figure class="image"><img src="https://knadmin.beoblood.kz/uploads/315962796_2088629408191223_7443424181011929101_n_124a1fafd0.jpg" alt="315962796_2088629408191223_7443424181011929101_n.jpg"></figure>

Қызылордада «Сыр бұлбұлдары» конкурсы өз мәресіне жетті

<a href="https://kyzylorda-news.kz/">Kyzylorda-news.kz.</a> Бүгін аймақтағы балалар мен жастар шығармашылығын насихаттау, классикалық шығармалар мен эстрадалық ән салу жанрында өнерпаздардың орындаушылық шеберліктерін арттыру мақсатында тұңғыш рет Сыр елінің киелі сахнасында әнші-ұстаз, Қазақстанның еңбек сіңірген әртісі Қаракөз Ақдәулетова атындағы «Сыр бұлбұлдары» атты облыстық әншілер конкурсы бастау алды.Конкурсты Қызылорда облысының мәдениет басқармасының басшысы Руслан Рүстемұлы ашып бұлбұл әнші Бибігүл Төлегеновадан дәріс алып, ұстазына ұқсап, өзі де қазақ ән өнерінің көгінде шарықтаған, талғампаз елдің есінде сахнадағы саф даусымен қазақ және шетел композиторларының классикалық әндері мен романстарын ешкімге ұқсамайтын мәнермен ерекше орындайтын дауыс иесі Қаракөз Ақдәулетованың өнер жолындағы жарқын сәттеріне тоқталып, конкурсқа қатысушыларға сәттілік тіледі.Шығармашылық өмірінде талай таланттың танылуына жол ашып, осы жолда бар күш-жігерін, талантын аямай жұмсап, өзі өмірден өтсе де халқының ұлттық өнері мен мәдениетін әлемге танытқан шәкірттері Сыр мәдениетінің дамуына, руханият қоржының толысуына аянбай қызмет жасап келе жатыр.Осы орайда, музыкалық мәдениетке, еліміздегі вокалдық өнерге зор үлес қосқан ұстаздың есімін ұлықтау, шығармашылық жолын жас ұрпаққа насихаттау мақсатында облыстық халық шығармашылығын дамыту және мәдени продюсерлік орталығының жанынан ашылған балалар студиясына 2021 жылы Қаракөз Ақдәулетованың есімі берілді.&nbsp;<img src="https://knadmin.beoblood.kz/uploads/314735973_3253050161615135_5393709760436913000_n_d362074507.jpg" alt="314735973_3253050161615135_5393709760436913000_n.jpg"><img src="https://knadmin.beoblood.kz/uploads/315648991_3253050058281812_4101406883588754336_n_9d4175b4ab.jpg" alt="315648991_3253050058281812_4101406883588754336_n.jpg">

Қаракөз Ақдәулетова атындағы «Сыр бұлбұлдары» атты конкурс басталды

<a href="https://kyzylorda-news.kz/">Kyzylorda-news.kz.</a> Жалағаш кентіндегі Қ.Қазантаев атындағы мәдениет үйінде «Жаны жарқын жан еді...» атты өнер және мәдениет қайраткері, аудан руханиятының көшбасшысы, кемел тұлға Комвуз Бердаулетовті еске алу кеші өтті.&nbsp; Комвуз Бердәулетов аудан өнерін ақиқат биігіне көтерген, алтын арай таң болып, жалын жүрек-от өрген, «Атамұра» ұлт аспаптар оркестрінің негізін қалаған, «Қызғалдақтар» мен «Алтын-Арай» халық ән-би ансамбльдерінің алтын қазығын өз қолымен қаққан.Комвуз Бердәулетов мәдениет саласын басқарған кезеңдерде ауыл мәдениетін көтеруге көңіл бөліп, мәдениет ошақтары жоқ елді мекендер мен ферма орталықтарына Қызыл Отау жылжымайтын кітапхана ұйымдастырды. Жаңадария кеңшарында Аққолқа, Бестам, Жалағаш кеңшарында Ақшал, Аққырда Шәргелтай қызыл бұрыштары ашылды. Облыс көлемінде тұңғыш рет мердігерлік әдіспен жұмыс жүргізетін отбасылық жылжымалы клубтар ұйымдастырылып, малшылар мен егіншілерге мәдени қызмет көрсетіле бастады.Мәні де маңызы да жоғары кеште аудан әкімі Асқарбек Есжанов сөз алып, Комвуз Бердәулетовтің тұлғалық келбетіне, шығармашылық өмір жолына тоқталды.Шарада қаламгер шығармашылығына арналып “Есімі ер есінде” атты тақырыптық көрме ұйымдастырылып, мәдениет қайраткерінің өмірбаянын арқау еткен шағын көрініс көрсетілді.Еске алу кешінде бас қосқан аға-інілері, әріптестері мен туысқандары естеліктермін бөлісті. Ардақты азаматтың жарқын бейнесі, жайдары кейпі жерлестерінің жадында мәңгі сақталары сөзсіз.<img src="https://knadmin.beoblood.kz/uploads/315410327_1581791515606254_3908717573284330484_n_323a98df26.jpg" alt="315410327_1581791515606254_3908717573284330484_n.jpg"><img src="https://knadmin.beoblood.kz/uploads/315391294_1581791518939587_3178498921589734529_n_a769e06c0c.jpg" alt="315391294_1581791518939587_3178498921589734529_n.jpg"><img src="https://knadmin.beoblood.kz/uploads/315314554_1581791532272919_1735516339765802465_n_c4a8b13966.jpg" alt="315314554_1581791532272919_1735516339765802465_n.jpg">

Жалағашта Комвуз Бердәулетовті еске алу кеші өтті

<a href="https://kyzylorda-news.kz/">Kyzylorda-news.kz.</a> Қазақстанның еңбек сіңірген артисі, "Құрмет" орденінің иегері Қызылорда қаласының құрметті азаматы Бақытбек Алпысбайұлы мен өмірлік жары Қазақстанның еңбек сіңірген қайраткері Кәмила Әбжанованың киелі сахна төрінде өнер көрсетіп, жұлдыздай жарқырап жанғанына - 55 жыл толуына арналған "Театр - өмір, байрақ, бақытым!" атты шығармашылық кеші болып өтті.&nbsp;Кеште облыс әкімінің орынбасары Нұрымбет Аманұлы құттықтау сөз сөйлеп, мерекелік сый-сияпат жасады.&nbsp;Мерекелік кештің жұлдызды қонағы &nbsp;ұлт руханиятының абызы, Қазақстанның Еңбек Ері, КСРО және Қазақстанның халық әртісі, Мемлекеттік сыйлықтардың лауреаты, Қазақстан Театрлар Ассоцациясының президенті және М.Әуезов атындағы қазақ Ұлттық драма театрының көркемдік жетекшісі Асанәлі Әшімұлы мерейтой иелерінің қазақ театры тарихындағы өзіндік орны мен қолтаңбасына айрықша тоқталды.&nbsp;Мерейтойға арнайы келген Қазақстан &nbsp;Республикасының еңбек сіңірген қайраткері, жазушы, драматург Жолтай Әлмашұлы және Тахауи Ахтанов атындағы Ақтөбе облыстық қазақ драма театрының актері, Мәдениет қайраткері Мағзұм Бақытжанов, Маңғаз Маңғыстаудан келген Мәдениет қайраткері, "Құрмет" орденінің иегері Нұрнияз Мұханұлы, Шымкент қалалық Жұмат Шанин атындағы қазақ академиялық драма театрының көркемдік жетекшісі, Қазақстанның еңбек сіңірген қайраткері Бекболат Құрманғожаев және театр директорының орынбасары Тимур Ахметов, Қызылорда қалалық жастар театрының көркемдік жетекшісі, Мәдениет қайраткері Оңталап Нұрмаханов сахна төріне шығып, &nbsp;өз игі тілектерін білдірді.Мерейтойлық кеш барысында Бақытбек Алпысбаев пен оның өмірлік жары Кәмила Абжанова сомдаған рөлдерді, олар қойған спектакльдердің кейіпкерін кескіндеген әріптестері құттықтап, әннен шашу шашып, мерейтойлық тарту ұсынды. &nbsp;<img src="https://knadmin.beoblood.kz/uploads/315446215_1246659062558828_2491202049721578931_n_49bcb3857a.jpg" alt="315446215_1246659062558828_2491202049721578931_n.jpg"><img src="https://knadmin.beoblood.kz/uploads/315104411_1246659052558829_3848819967683177465_n_158259be07.jpg" alt="315104411_1246659052558829_3848819967683177465_n.jpg"><img src="https://knadmin.beoblood.kz/uploads/314720208_1246659132558821_1571185764103967985_n_f40ff8e281.jpg" alt="314720208_1246659132558821_1571185764103967985_n.jpg"><img src="https://knadmin.beoblood.kz/uploads/314754620_1246659082558826_3770012031071181634_n_927aa96615.jpg" alt="314754620_1246659082558826_3770012031071181634_n.jpg">

Театр саңлақтарының "Театр - өмір, байрақ, бақытым!" атты шығармашылық кеші өтті

<a href="https://kyzylorda-news.kz/">Kyzylorda-news.kz.</a> Бүгін Қызылорда қаласының әкімі Асылбек Шаменов Сыр өңіріндегі театр өнерінің корифейлері, Қазақстанның еңбек сіңірген әртісі, «Құрмет» орденінің иегері Бақытбек Алпысбайұлы мен өмірлік жары Қазақстанның еңбек сіңірген қайраткері Кәмила Әбжанованы қабылдап, киелі сахна төрінде жұп жазбай өнер көрсетіп келе жатқан 55 жылдық мерейтойларымен құттықтады.​Белгілі сахна майталмандары өнердің осынау айтулы белесіне үлкен еңбекпен, халық алақанына салған асқақ абыроймен жетіп отыр. Қазақстанның еңбек сіңірген әртісі Бақытбек Алпысбайұлы 1970 жылы Алматының М.Әуезов атындағы Академиялық драма театрының студиясын бітіріп, сол жылдан бастап Н.Бекежанов атындағы қазақ академиялық музыкалық драма театрының әртісі қызметін атқарады.Осы жылдар ішінде 250-ге жуық рөлдерді сомдап, әртүрлі жанрларда ойнай алатын кең ауқымды артист екенін дәлелдеді. Өнердің ерен жүйрігі жағымпаздыққа жаны қас, кімге болса да ойындағысын ашық айтатын, тік мінезді, қолға алған ісін орындамай тынбайтын адал да ақкөңіл, адамгершілігі мол азамат өмірлік серігі Қазақстанның еңбек сіңірген қайраткері Кәмила Әбжановамен жарты ғасырдан астам уақыт Н.Бекежанов атындағы қасиетті қара шаңырақта бірге еңбек етіп келеді. &nbsp; Мерейтойлық қабылдауда қала әкімі Асылбек Шаменов Сыр өңірі театрының тарихында өнерге өзіндік өрнек салған, қайталанбас рөлдерімен көрермен көңілін тапқан айрықша талант иелерін құттықтап, қазақы дәстүрмен сый-құрметін көрсетіп, жүрекжарды лебізін білдірді.«Театр – адамның өзін-өзі сахнадан көріп, өзін-өзі түсінетін орын» деп ұлт мақтанышы Шәкен Айманов айтпақшы, бекзат өнер саналатын театр сахнасында көрерменнің жанымен, ішкі түйсігімен үйлескен рөлдеріңіз арқылы көп көңілін жаулаған дарынды әртіс екендеріңіз даусыз. Өміршең өнер табыстырған Сіздерді сахнада да, қарапайым өмірде де кейінгі буынға лайықты өнеге көрсетіп келе жатқан үлгілі жанұя, бақытты жұп ретінде ерекше құрметтейміз. Өнерге деген адалдықтарыңыз бен өлшеусіз қызметтеріңіз еш ескерусіз қалмайды – деген шаһар басшысы Асылбек Шаменов «Өнерде жүзген қос ғұмыр» атты мерейтойлық кештің сәтті өтуіне тілектестігін білдірді.Естеріңізге сала кетейік, бүгін сағат 17:00-де Н.Бекежанов атындағы қазақ академиялық музыкалық драма театрында қос таланттың өмірі мен өнерінен сыр шертетін «Өнерде жүзген қос ғұмыр» атты әсерлі кеш өтеді.<figure class="image"><img src="https://knadmin.beoblood.kz/uploads/sahna2_c3e0f5c6f6.jpg" alt="сахна2.jpg"></figure><figure class="image"><img src="https://knadmin.beoblood.kz/uploads/sahna3_ba145ca7d7.jpg" alt="сахна3.jpg"></figure><figure class="image"><img src="https://knadmin.beoblood.kz/uploads/Sahna1_706e962435.jpg" alt="Сахна1.jpg"></figure>

Сырдың саңлақ сахнагерлеріне құрмет көрсетілді

<a href="https://kyzylorda-news.kz/">Kyzylorda-news.kz.</a> XIX ғасырда патша отаршылдарына қарсы ұлт-азаттық күрес жүргізген Кенесары ханға серік болған елге, халыққа белгілі адамдар көп. Солардың бірі – Кенесары туралы деректерде жиі айтылатын халық батыры Бұқарбай Естекбайұлы. Бұқарбай батырдың даңқы тек Сыр өңірінде ғана емес, тұтас қазақ еліне ерлігімен танымал.&nbsp;Жалағаш ауданына қарасты Бұқарбай батыр ауылында баһадүрдің атындағы тарихи үй – музей бар. Бұл ғимарат батырдың 180 жылдық мерейтойы қарсаңында, яғни 1994 жылы сол кездегі Калинин атындағы совхоздың директоры Қ.Баймахановтың бастамасымен ашылып, Бұқарбай батырдың 200 жылдық мерейтойы қарсаңында музей ғимараты жаңадан тұрғызылған. Музей экспозициясында Бұқарбай батырдың өмірі мен жорық жолдарынан сыр шертетін жәдігерлер, Орынбор, Ташкент, Алматы қалаларындағы мұрағаттардан алынған құжаттардың көшірмелері, қару-жарақтар коллекциясы сынды тағы басқа да құнды жәдігерлер көрініс тапқан. Сонымен бірге мұнда сонау ХХ ғасырдың 20-30 жылдары құрылған ауылдың Кеңес үкіметі мен нәубет жылдарынан бастап, қазіргі заманға дейінгі тарихы жайлы мәліметтер беретін құнды материалдар қамтылған.Музейге кіреберісте Бұқарбай батырдың ескерткіші қойылған. Ғимараттың бірінші залында суреттер орналасқан. Бұл суреттерді батырдың мерейтойы қарсаңында танымал суретшілер тарту еткен. Майлы бояудан салынған. Бір суретте батырдың бейнесі, біреуінде өмірлік жары Шынар анамыз, тағы бірнеше суретте қазақ батырларының жорық, шайқас кезі бейнеленген. Батырдың жары ажарлы, қайратты жан болғанын тарихтан білеміз. Шынар анамыздың ерлігін дәріптейтін ел аузында жүрген әңгіме де жетерлік. Біле білсек, «Шынаркөлдің» атауы осы кісінің есімімен байланысты.Бұқарбай батыр нөкерлерін ертіп, шапқыншылықпен ұзақ уақытқа жорыққа кетеді. Соны естіген қоқандықтар батырдың әйелін өлтіріп, кек алмақшы болады. Бір күні Сыр өңірін, Сырдария бойын жайлап отырған Бұқарбай батырдың ауылына келіп тұтқиылдан шабуыл жасайды. Сол сәтте «Еркегі жоқ бейбіт ауылды шапқалы тұрғандарың қай сасқандарың, қарапайым халыққа, бала-шағаға тимеңдер, мен керек болсам, алдарыңда тұрмын» деп, шапқыншыларға қарсы тұрған екен. Бірақ қоқан шапқыншылары оны қоршап, қыспаққа алады. Ақырында найза түйреп өлтіріп, денесін көлге тастайды. Жаумен шайқас кезіндегі Шынар анамыздың ерлігін көрген ауыл адамдары Шынардың денесін арулап, көлдің жағасына көмген көрінеді. Сөйтіп ел жайлаған көл «Шынар көлі» атанып кетеді.&nbsp;Тарихи үйдегі әрбір экспонат тарихымен таныстарған музей қызметкері Мереке Әбілдаева да батырдың ерлік істерінен хабардар екен.<blockquote>«Бұл музейдің алғашқы директоры – Жоламан Алданазаров. Бұл кісі де тегін адам емес. Атақты батырдың тікелей ұрпағы. Қанша жыл осы музейді басқарды, – дейді музей қызметкері.</blockquote>Тарихтан сыр шертетін көне жәдігерлердің ішінде ең алдымен біздің көзімізге түсетіні – Бұқарбай батырдың бір жарым ғасырға жуық уақыт бұрын жорықта пайдаланған қайқы қылышы. Осыншама уақыт өтсе де, сыны кетпеген. Жақсы сақталған деуге болады. Жүзі әлі де өткір. Қылыштың салмағы да әжептәуір ауыр. Мұнымен қоса музейде XVIII-XIX ғасырлардағы темір қалқан, шақпақты аңшы мылтығы және Нұрмағанбет Оспанқұловтың шоқпары тұр. Бұқарбай батырдың шашақты туы, күмістен жасалған мөрі, өзінің қызына дүние есебінде берген оюлы сандығы да осында сақтаулы.&nbsp;Екінші залдың төрінде орналасқан қабырғада батырдың суреті бейнеленген тоқылған кілем ілулі тұр. Оның қасында Бұқарбай батырдың мүсіні орналасыпты. Бұл мүсінді батырдың мерейтойында Тереңөзек ауданының мүсіншісі Жәркен Смағұлов арнайы жасаған екен. Гипстен құйылған, сырты сырланған. Көлемі аса үлкен емес. Батырдың сауыт-сайманын асынып, жорыққа дайындалып отырған бейнесі бейнеленген.<blockquote>«Жастайынан ел қорғау жорықтарына қатысып, шыңдалып өскен Бұқарбай батыр ержүректілігімен көзге түседі. Кенесары көтерілісіне алғашқылардың бірі болып қатысқан. Ол 1839 жылы тамызда Ақмола бекінісін алуға қатысты. Орыс тіліндегі деректерге қарағанда, Бұқарбай осы шайқастардың бірінде ауыр жараланып еліне қайтқан соң бейбіт еңбекпен айналысқан. Егін егіп, 1854 жылы Сырдария сағасынан күні бүгінге дейін ұрпақтары пайдаланатын «Бұқарбай арығын» қаздырған. Талайды көріп, ұзақ өмір сүрген батыр өзі туған жерінде 1898 жылы дүние салды. Батырдан тараған ұрпақтары бүгінде осы өңірде өмір сүруде. Ауыл тұрғындары жиі келеді. Батырдың тұтынған заттарын, қылышын, мөрін көріп, батыр бабаны еске алып тұрады, – дейді музей қызметкері.</blockquote>Музейде ауылдың ұстасы Мұқтасын Қауқановтың баласы өткізген зергерлік көрік, үзеңгілер, қырықтық, құранды ер, ас үй, тұрмыстық бұйымдар мен ағаштан жасалған ыдыс-аяқтар да тарихтан сыр шертіп тұрады. Бір бөлігінде Сорлыасардан табылған қыш құмыралардың сынықтары, Қарақұмнан табылған қобыз, өгіз соқа орналасқан.Аса құнды тарихи жәдігерлер сақталған музейде бүгінгі күні бас-аяғы 4 адам жұмыс істейді. Ғылыми қызметкері Айгүл Піржанова. Осындай көне жәдігерлер мен батырға тиесілі барлық құжат, құнды деректер сақтаулы тұрған музейдің ауыл тұрғындары, келуші меймандар үшін есігі қашанда ашық. Осындағы қызметкерлер батырдың өмірінен, жорық жылдарындағы көтерілістері мен ерлік істерінен кеңінен тарқатып айтып беруге де жалыққан емес. Ал Бұқарбай батырдың көзі тірісінде қолданған ер саймандарының, қылышы мен жеке заттарының сол күйі сақталуы, сынын бермеуі күллі қазаққа қорған, қалқан бола білген асыл ердің киесі деп түсінеді.&nbsp;Айта кетейік, батырдың шашақты туын кезінде музей қорына өткізбей тұрып, балалы болғысы келген ниетті жандар ырымдап кесіп алған көрінеді. Бүгінде батырдың айбынын көрсететін шашақты туының қалған бөлігі осында көздің қарашығындай сақтаулы тұр.<img src="https://knadmin.beoblood.kz/uploads/dsc_1091_1536x1017_ac70b4894c.jpg" alt="dsc_1091-1536x1017.jpg"><img src="https://knadmin.beoblood.kz/uploads/dsc_1082_1536x1017_1ed4e84c90.jpg" alt="dsc_1082-1536x1017.jpg"><img src="https://knadmin.beoblood.kz/uploads/20190325223058_407032c423.jpg" alt="20190325223058.jpg">&nbsp;

Мереке Әбілдаева: Ауыл тұрғындары музейге жиі келеді

<a href="https://kyzylorda-news.kz/">Kyzylorda-news.kz.</a> «Коворкинг» – білім мен ғылымға ұмтылған жастардың бас қосар рухани орталығы. Осы орайда бүгін жастарды тұлға ретінде қалыптастыру, кітапқа деген қызығушылығын арттыру мақсатында Жалағаш ауданына қарасты Еңбек ауылдық кітапханасында «Коворкинг» орталығы ашылды.«Коворкинг» орталығын аудандық кітапхананың директоры Ұ.Меңдібаева және Еңбек ауылдық әкімдігінің бас маманы Б.Балқанов ашып берді. Бұл игі іс оқырмандар қатарын нығайтуға өзіндік ықпалын тигізері анық. Қазіргі таңда кітапханадағы коворкинг орталығын коммуникативтік алаң деп айтуға болады.Бұл орталық достарыңызбен бос уақытты бірге өткізіп, көптеген қызықты іс-шаралар: акциялар, мерекелер, шығармашылық кездесулер, шеберлік кластар, зияткерлік ойындарға, кітапхана ресурстарын пайдалануға, жастардың бизнес, шығармашылық, оқу бағдарламалары аясындағы креативті жобаларын жарыққа шығарып, жүзеге асыруға, игілікті іс шараларда жиі бас қосатын орын.<blockquote>Отандық кітапханаларды жаңғыртып, оларды қазіргі заман талабына сай білім орталықтарына айналдыру үшін ашылып отырған орталық өскелең ұрпақты рухани құндылықтармен, ұлтымыздың дәстүрі мен тарихын құрметтеуге үндейді», – деп атап өтті ашылу рәсімінде сөз алған кітапхана директоры Ұ.Меңдібаева. &nbsp;</blockquote><img src="https://knadmin.beoblood.kz/uploads/315043396_655747346107154_938414859914764143_n_5c2570e140.jpg" alt="315043396_655747346107154_938414859914764143_n.jpg">

Жалағаш ауданының Еңбек ауылдық кітапханасында "коворкинг" орталығы ашылды

<a href="https://kyzylorda-news.kz/">Kyzylorda-news.kz.</a> Шиелі аудандық балалар кітапханасының ұйымдастыруымен қаламгер, ақын, жазушы, сатирик, журналист Нұрмахан Елтаймен кездесу кеші өтті.Іс-шара барысы жазушының өмірдерегімен басталды. Кездесуге №244 Ы.Жақаев атындағы орта мектептің 5 және 6 cынып оқушылары қатысты. Кітапхана қызметкері Перуза Түлкібай оқушыларға арнайы жазушы-сатирикке дайындаған «Сатира сайып қыраны» атты көрмені таныстырды.Кештің бірінші бөлімінде қаламгердің өмірбаяны баяндалды. Одан әрі Қазақстан Жазушылар және Журналистер Одағының мүшесі Нұрмахан Елтаймен «Сырлы сұқбат» жүргізілді.«Сырлы сұқбат» айдарында оқушылар шынайы әрі қызықты сауалдарын қойды. Адам баласының өміріндегі ең тәтті кезең балалық шағы мен мектептегі қызықты естеліктерді айта отырды. Содан кейін Айнұр Ибрашева ақынның «Пәрөл» атты сатирасын оқып, оқырмандарға ерекше әсер қалдырды.Кездесуде журналист балаларға жұмбақ жасырып, кешті қызықтырды. Қаламында қуаты, сиясында сарқыты бар ақжүрек жанның балаларға деген мейірімі ерекше көрініп тұрды. Кітапхана ұжымына Оспанхан Әубәкіровтің «Қағаз қалпақ» пен «Жабақ туралы әңгімелер» атты екі кітабын сыйға тартты.Шараның соңында Шиелі аудандық балалар кітапханасының бөлім меңгерушісі Гүлзира Қоңыратбаева Нұрмахан Елтайға зор құрмет көрсетіп, жылы лебізін білдірді. Бұл кездесуге тамаша дайындықпен келген оқушыларды кітапханаға баулып, білім нәрімен сусындатып жүрген қазақ тілі мен әдебиеті пәнінің мұғалімі Самал Әуезханова мен оның оқушылары да алғыс хатпен марапатталды. Қаламгер өз кезегінде жиналған қауымға ризашылығын білдіріп, оқушылармен естелік суретке түсті. &nbsp;<img src="https://knadmin.beoblood.kz/uploads/satirik_a83916eb15.jpg" alt="сатирик.jpg">

Сатирик Нұрмахан Елтаймен кездесу кеші өтті

<a href="https://kyzylorda-news.kz/">Kyzylorda-news.kz.</a> Шиелі ауданында Бұдабай Қабылұлының туғанына – 180 жылдығына орай аудандық мәдениет және тілдерді дамыту бөлімі мен Телікөл ауылдық округі әкімдігінің қолдауымен, Ә.Тәжібаев ауылдық клубының ұйымдастыруымен «Өзге сөзден өлеңге ұста Бұдабай» атты жас жазба ақындардың мүшәйрасы өтті.Шарада Телікөл ауылдық округі әкімі Әлібек Сәрсенбаев сөз сөйлеп, жас ақындарға сәттілік тіледі. Әдеби байқауға аудандық оқушылар үйі директорының оқу-тәрбие ісі жөніндегі орынбасары Рахметулла Жолтаев, аудандық орталықтандырылған кітапхана жүйесінің директоры Гүлдана Жақыпова, Б.Қабылұлы атындағы мәдени шығармашылық орталығының әдістемелік бөлім меңгерушісі Гүлшат Шайзадақызы қатысып, қазылық етті.Байқауға ұшқыр қаламынан жырдың сұлу тамшылары төгілген ақиық ақындардың жолын қуып, өнер әлемінде қалықтағысы келетін, келешегінен үміт күттіретін мектеп қабырғасында білім алып жүрген талантты жазба ақындар қатысты.Аудандық жас ақындар мүшәйрасы мәресіне жетіп, әділқазылардың шешімен бас жүлдеге Ақсамал Тұрсын лайық деп танылды. Бірінші орынға Гүлназым Кәрімова ие болды. Ал екінші орынға қол созған Гүлім Болатова мен үшінші орынды түйіндеген Жанерке Фазылова мен Нұрсауле Пірмағанбет алғыс хат пен арнайы сыйлыққа ие болды.Жас ақындардың керемет кешіне куә болған көрермендер жоғары көңіл-күйде тарқасты.&nbsp; <img src="https://knadmin.beoblood.kz/uploads/4_cf126420d8.jpg" alt="4.jpg">

Шиелі ауданында жазба ақындардың мүшәйрасы өтті

<a href="https://kyzylorda-news.kz/">Kyzylorda-news.kz.</a> Сырдария ауданындағы Бесарық ауылдық мәдениет үйі жанынан құрылған «Жаншуақты» әжелер ансамблінің «Әжелер ән салғанда» тақырыбында концерті өтті. Ізгілігі мол іс-шараға облыстық ардагерлер кеңесінің мүшелері Келдібай Бектұрғанов, Жүзбай Таңырақбаев, Жәнібек Нұрқыш, облыстық музейдің бөлім меңгерушісі Эльзира Сағитжанова, «Абай-Дәулет» ЖШС директоры Мұрат Сәрсенбаев, аудандық мәдениет үйінің директорының орынбасары Азиз Садықов, ауыл әкімі Дәулет Сәрсенбаев, ауыл ардагерлері мен меймандар қатысты.Осыдан 15 жыл бұрын құрылған «Жаншуақты» әжелер ансамблінің мерейтойына арналған шығармашылық кеш арнайы бейнебаянмен ашылды. Тыңдармандарының ыстық ықыласына бөленген асыл жандардың жүріп өткен жолы көпшілікке ұсынылды. Өз кезегінде «Жаншуақты» әжелер ансамблі жайында жазылған «Әжелер ән салғанда» атты кітаптың тұсауын кесу құрметіне «Абай-Дәулет» ЖШС директоры Мұрат Сәрсенбаев, мәдениет үйінің директорының орынбасары Азиз Садықов, облыстық ардагерлер кеңесінің мүшесі Келдібай Бектұрғанов, «Сырдария ауданының Құрметті азаматы» Оразбек Сейтмұратов ие болды.Іс-шарада меймандар құттықтау сөз сөйледі.<blockquote>«Жүрегінде жылулық ұялаған, кісіні сыйлауды білетін Бесарық ауылының халқына дән ризамыз. Елімізге есімі белгілі болған «Жаншуақты» әжелер ансамблінің әрбір мүшесінің өнеріне қанығып жатырмыз. Көмейінен күміс төгілген ән өнерінің майталмандары бір сахнада бас қосты. Әркез дүйім елдің ыстық ықыласына бөленген ауыл өнерпаздары қашанда зор құрметке лайық. Шығармашылығымен ерекшеленген ел аналарының ғұмыры ұзақ болсын», – деді Келдібай Бектұрғанов.</blockquote> Сөз кезегінде «Абай-Дәулет» ЖШС директоры Мұрат Сәрсенбаев өнер иелерінің мерей сәтінде қуанышымен ортақтасып, зор ілтипат жасады.<blockquote>«Адал еңбек – адамның көркі» деген сөздің жаны бар. 2016 жылы «Абай-Дәулет» ЖШС құрылғаннан бастап, іргелі елдің іргесінде берекеміз артып келеді. Осы аралықта Бесарық ауылының гүлденуіне атсалысып, бірқатар әлеуметтік мәселелерді шешуге белсене кірістік. Оның ішінде, қазыналы қарттарға барлық қолдау көрсетіп, есімдерін даралай білуіміз керек. Алғаш «Жаншуақты» әжелер ансамблі құрылған сәтте бар ауыртпалықты еңсере білгені белгілі. Қашан да абырой биігінде болған өнерпаз аналарымызға барлық мақтау жарасымды. Қаз-қатар сап түзеген аналарымыз әуелеген әнімен Бесарық ауылының атын шығаратынына сеніміміз мол. Бұл ретте, алғашқы күннен тыным таппай өнерін шыңдай білген ардақты жандарға арнайы сыйлығымызды ұсынамыз», – деді «Абай-Дәулет» ЖШС директоры Мұрат Сәрсенбаев.</blockquote>Тағылымды кеш барысында аудандық мәдениет және тілдерді дамыту бөлімінің басшысы Жеңісбек Төрәлиевтің мерейтой иелеріне «Алғыс хатын» тапсырған Азиз Садықов құттықтау лебізін жеткізді.<blockquote>«Аудан бойынша 10-ға жуық халықтық әжелер ансамблі бар. Оның ішінде, бесарықтық ардақты аналарымыздың өнері өзгеше қалыптасқан. Тынбай еңбектеніп келе жатқан әзиз жандар үлкен сахналарда жоғары деңгейде өнер көрсетіп келеді. Өнер ұжымының шығармашылық әлеуетін жоғары біз бағалаймыз. Өнерін көпшілікке дәріптейміз», – деді Азиз Садықов.</blockquote>Бүгінде Бесарық ауылдық мәдениет үйінің әдіскері Маржан Дүйсенбаева жетекшілік ететін халықтық әжелер ансамбілінің құрамында Оразкүл Ахметова, Бақтай Серікбаева, Ақтұрсын Ширанова, Сейдігүл Оспанбекова, Қалимаш Аппақова, Нысанкүл Әйтенова, Назира Жүсіпова, Халбибі Қабылшаева, Рзагүл Дайраева, Ақсұлу Әбілова, Дәмеш Ибалуллаева, Жұмакүл Әбжекенова өнер көрсетеді. Ал ансамблдің бұрынғы құрамында болған аяулы жандардың кейбірі бүгінде бақилыққа аттанған. Өнер иелері әріптестерін еске алып отырады. Осындай игілігі мол іс-шарада «Жаншуақты» әжелер ансамблі көрермен назарына бірнеше әнін ұсынды. «Сыр сұлуы», «Көзімнің қарасы», «Қазағым» секілді бірнеше әнді тамылжыта шырқаған әжелер тыңдарман жүрегінен жол тапты. Өмірден түйгені көп өнер иелері ұршық иіріп, қазақы дәстүрді жиналған қауымға көрсетті. Сонымен бірге «Жаншуақты» әжелер ансамблінің 15 жыл бойы жеткен толағай табысы, зор жетістігі көрме ретінде қойылды. Керемет кешті жандыра түскен «Шырайлы келіндер» ансамблі ерекше әндер айтып, әзиз аналардың нақ ізбасары екен-діктерін көрсетті. Ал мың бұралған бишілер әсерлі қойылымдарымен дараланды.Кеш қонақтары Жүзбай Таңырақбаев, Жәнібек Нұрқыш, Эльзира Сағитжанова, Ермек Әлжіков, Әкбар Ақжігітов, Қанат Жармағанбетов, Қазбек Смағұлов сөз алып, мерейлі сәтімен кеңпейілді өнер иелерін құттықтады. Арнайы алып келген сыйлықтарын тапсырды. Сондай-ақ ауыл әкімі Дәулет Сәрсенбаевтың «Алғыс хаты» мен ықылас гүлі өнер ұжымына табысталды.Айта кетейік, «Жаншуақты» әжелер ансамблінің барлық әнін баянмен сүйемелдейтін Икрам Сейілхановтың еңбегі зор. Жиырмаға жуық ән шырқалған кештен ауыл тұрғындары шат-шадыман көңіл-күйде тарқасты. &nbsp;<img src="https://knadmin.beoblood.kz/uploads/3_4115f04e46.jpg" alt="3.jpg">

Тағылымға толы іс-шара

<a href="https://kyzylorda-news.kz/">Kyzylorda-news.kz.</a> Қызылорда облысында дәулескер күйші Әлшекей Бектібайұлының 175 жылдық мерейтойына арналған «Дәуірлер бейнесі домбыра үнінде» атты республикалық күйшілер байқауы өтті.&nbsp;Еліміздің түкпір-түкпірінен келген 25 талапкер 250-ге жуық күй орындап, Сыр аспанын домбыра үніне бөледі.&nbsp; Конкурсқа қатысушы талапкерлерге күйші, «Құрмет» орденінің иегері, Мәдениет саласының үздігі, «Дарын» мемлекеттік жастар сыйлығының лауреаты, Қазақстан Композиторлар одағының мүшесі, Батыс Қазақстан мемлекеттік университетінің қауымдастырылған профессоры, Дәулеткерей атындағы қазақ халық аспаптары оркестрінің көркемдік жетекшісі және бас дирижеры Еркін Нұрымбетов, күйші-композитор, өнер зерттеуші, Қазақстан композиторлар және журналистер одағының мүшесі, Мәдениет саласының үздігі Балтабай Нұржанов, Әлшекей Бектібайұлы атындағы республикалық дәстүрлі өнерді дамыту қоғамдық қорының атқарушы директоры Марат Жанғазы, өнер зерттеуші, күйші, Дина Нұрпейісова атындағы халықаралық күйшілер байқауының лауреаты Аягөз Нұрсұлтан, күйші, «Ерен еңбегі үшін» медалінің иегері, Мәдениет саласының үздігі Әлімжан Әбсадықов қазылық етті.&nbsp;Конкурс қорытындысы бойынша Құрақтың Досжаны атындағы арнайы жүлдемен Нұрмағанбетов Нартай (Қызылорда қаласы), Тасболат Сқақов атындағы арнайы жүлдемен Байғұтты Қайрат (Орал қаласы), Қазанғап атындағы арнайы жүлдемен Елеусіз Ардақ (Астана қаласы), Мырза Өмірзақ атындағы арнайы жүлдемен Өмірзақ Расул (Петропавл қаласы), Жалдыбай атындағы арнайы жүлдемен Шонбаев Сырым (Алматы қаласы) марапатталды.&nbsp;Жүлделі ІІІ орынды Махмут Алтынай (Алматы қаласы), Бибіт Темірхан (Алматы қаласы), Алпанов Қуандық (Ақтау қаласы) иеленсе, ІІ орынды Жолдығали Әділет (Орал қаласы), Жақсылық Ғалымжан (Шымкент қаласы), І орынды Достиярова Бекзада (Астана қаласы) және Әшімхан Нұрғали (Алматы қаласы) иеленді.Конкурстың Бас жүлде иегері Шиелі ауданынан келген Тәшімов Әділбек атанды.Сонымен қатар, Әлшекей Бектібайұлы қоры Елеусіз Ардақ және Тәшімов Әділбекті “Әлшекей Бектібайұлы” төсбелгісімен марапаттады.<figure class="image"><img src="https://knadmin.beoblood.kz/uploads/313125178_2077924622595035_4361838279526862347_n_86767b9df6.jpg" alt="313125178_2077924622595035_4361838279526862347_n.jpg"></figure>

Қызылордада республикалық күйшілер байқауы өтті

<a href="https://kyzylorda-news.kz/">Kyzylorda-news.kz.</a> Облыстық «Жастар ресурстық орталығы» КММ-нің ұйымдастыруымен өңіріміздегі ерекше қабілетті жастардың шығармашылық қабілетін шыңдау, әлеуметтік белсенділігін арттыру және қолдау білдіру мақсатында «Сыр жұлдыздары» өнер фестивалі өтті. Фестивалда шексіз өнер мен талантты ұштастырған бірқатар ерекше жандар сахна төріне шығып, дүйім жұрттың алдында өз өнерлерін көрсетті.Өнер фестивалінде облыстық «Жастар ресурстық орталығы» КММ-нің директоры Талғат Оспанұлы мен Қызылорда облыстық мүгедектер қоғамы ҚБ-нің төрағасы Сағатбек Қуанышбайұлы сөз алып, қатысушыларға сәттілік тіледі.<blockquote>«Құрметті жас достар! Құрметті ерекше жандар! Бүгін фестивальдің атын «Сыр жұлдыздары» деп атауымыздың өзі тегіннен емес. Себебі бүгін өнер көрсететін әрбір ерекше жан жұлдыз болуға әбден лайық, өнерін паш етуге толық мүмкіндігі бар. Баршаңызға табыс тілеймін, шын жеңімпаздар жеңіске жетсін», – деді Талғат Оспанұлы.</blockquote>Фестиваль барысында ерекше қамқорлық пен қолдауға мұқтаж жиырмадан астам өнерпаз «вокал», «хореография» және өлең оқу номинациялары бойынша өз өнерлерін көрсетіп, сынға түсті.Балғындардың қабілетін жан-жақты дамытып, бойдағы өнерін қолдауға бағытталған бұл жоба жас таланттардың жарқырай түсуіне үлкен мүмкіндік берді. Фестивальде «хореграфия» немесе мәнерлеп оқу аталымы бойынша жүлделі III орынды Ұ.Таңсықбай мен А.Сапарбекова иеленді. Ал II орынды М.Кулдуйсенова иеленсе, I орын А.Туарбектің қанжығасына байланды. «Вокал» аталымы бойынша үздіктер қатарын жүлделі III орынмен Б.Сейфолла толықтырса, II орын ерлі-зайыпты Қ.Дәуренбек пен А.Оразбаеваға бұйырды. Г.Тастыбай I орынды иленсе, байқаудың бас жүлдесіне Д.Ешниязова лайық деп танылып, жеңімпаз атанды. Ал «Үздік өнерпаз» номинациясын Қ.Нұржігітов иеленіп, көрермен көзайымына айналды. Жеңімпаздар арнайы дипломмен, мүсінше мен бағалы сыйлықтармен марапатталды.Әлемге күн жылуы қандай қажет болса, адамға жүрек жылуы сондай қажет. Адам қашан да адамдық қасиеттерге мұқтаж. Әсіресе мүмкіндігі шектеулі жандар қоғамның әр қадамынан мейірімділік күтетіні бар. Бүгінгі шара осындай жандардың талантын ашып қана қоймай, бір сәт өмірге өзге көзқараспен қарауға үйретті. Шара соңында барлық қатысушылар фестиваль аясында арнайы дайындалған көрмені тамашалады. &nbsp;<img src="https://knadmin.beoblood.kz/uploads/313440409_1241207259770675_3951272367489976101_n_2732b5b483.jpg" alt="313440409_1241207259770675_3951272367489976101_n.jpg"><img src="https://knadmin.beoblood.kz/uploads/313923120_1241207209770680_8546270514322638581_n_464bd34b62.jpg" alt="313923120_1241207209770680_8546270514322638581_n.jpg"><img src="https://knadmin.beoblood.kz/uploads/313919303_1241207163104018_3418728011333300766_n_4d5c818c6b.jpg" alt="313919303_1241207163104018_3418728011333300766_n.jpg"><img src="https://knadmin.beoblood.kz/uploads/313412414_1241207106437357_727171654553549243_n_b75d3c5020.jpg" alt="313412414_1241207106437357_727171654553549243_n.jpg"><img src="https://knadmin.beoblood.kz/uploads/314536191_1241206656437402_8312580546395765757_n_5d5c4eebbc.jpg" alt="314536191_1241206656437402_8312580546395765757_n.jpg">

Қазақстан және Қызылорда облысының жаңалықтары: Мәдениет