<a href="https://kyzylorda-news.kz/ru/">Kyzylorda-news.kz</a>. Қармақшы ауданы Көшеней Рүстембеков атындағы жыраулар үйінде есімі күллі қазақ даласына танылған жыр дүлдүлі, жыр мектебінің үздік өкілі, жыр жампозы Көшеней Рүстембекұлының өмірі мен шығармашылығына арналған «Қазақтың күміс көмей Көшенейі» тақырыбында Облыстық жас жыр-термешілер байқауы өткізілді.Жыр байқауын Қармақшы ауданының әкімі Әділбек Ерсұлтанов ашып, өмірден ерте кеткен қазақтың жырау-әншісі, жеті атасынан өнер дарыған сегіз қырлы, бір сырлы талантты Көшеней Рүстембекұлының артына қалдырған өнегелі ісі туралы және өмірі мен шығармашылығы жайлы кеңінен айтып, байқауға қатысушы жас жыр-термешілерге бүгінгі додада сәттілік тіледі.Шара барысында бүгінгі күннің аспанын жыр жауһарымен әуелететін,талай шаршы топта шашасына шаң жұқтырмай жұртшылықты жыр жаһұтына бөлейтін, жасампаз жырауларымыздың көшінің алтын бұйдасын қолына ұстаған жас жыр-термешілер жыр сүйер қауымға жырдан шашу шашып,өнер сүйер халықтың шөлін басып,рухани демалыс сыйлады. Сондай-ақ, жырдан жеңімпаз жүлдегер атанған жас жыр-термешілер көрермен көңілінен шығып, әділқазылар шешімімен арнай Алғыс хаттарға ие болды.Елінің жарық жұлдызы болған, Қазақстан аумағын жыраулық өнерімен дүр сілкіндірген Көшеней Рүстембековтың есімі мәңгі жүрегімізде сақтала бермек. &nbsp;<img src="https://knadmin.beoblood.kz/uploads/21_ab316f595a.jpg" alt="21.jpg"><img src="https://knadmin.beoblood.kz/uploads/22_c4fd810a9c.jpg" alt="22.jpg">

«Қазақтың күміс көмей көшенейі» атты облыстық жас жыршы-термешілер байқауы өтті

<a href="https://kyzylorda-news.kz/">Kyzylorda-news.kz.</a> Бүгін А.Тоқмағанбетов атындағы қалалық мәдениет үйінде ақын, Қазақстан Жазушылар және Журналистер одағының мүшесі, Қазақстанның Құрметті журналисі, Қызылорда қаласының, Сырдария ауданының Құрметті азаматы Әскербек Рахымбекұлы ағамыздың 80 жылдығына арналған «Қара өлеңнің құлагері» атты еске алу шарасы өтуде.Қызылорда облысының мәдениет және спорт басқармасының басшысы Руслан Рүстемов &nbsp;қаламгердің өнегелі өміріне тоқталып, еске алу кешін ашып берді.Іс-шараға ақын ағаның көзін көрген барша әріптестері, замандастары және әдебиет сүйер қауым қатысуда. Кеш барысында Сыр өнерпаздары ақынның сөзіне жазылған ән-жырдан шашу шашып, ал жас ақындар әдебиет майталманының арнауларынан, драмалық шығармаларынан үзінділер оқып, көпшіліктің көңілінен шығуда.Шарада Әскербек Рахымбекұлының бірге оқыған достары, замандастары, жазушы Махмұтбай Әміреұлы, ақын Қаршыға Есімсейітова, Зинабдин Шермұхамедұлы, Шәкизада Әбдікәрімов және Дүйсенбек Аяшұлы, жылы естеліктерімен бөлісуде.«Әсекең өте ақжарқын жан еді. Әрдайым өзінің артынан ерген іні-қарындастарына үлгі болып, жанындағыларға жылулық сыйлай білді. Осы қасиеті арқылы ортасында абыройлы болды. Бүгінгі еске алу кеші келер ұрпаққа қалатын ізгілікті іс. Қазақ поэзиясында Әскербектің есімі мәңгі өшпейді»,- деді Махмұтбай Әміреұлы.А.Тоқмағанбетов 1942 жылы 22 наурызда&nbsp;Қызылорда облысының&nbsp;Сырдария ауданындағы&nbsp;Қоғалыкөл ауылында туған.&nbsp;Қызылорда&nbsp;пединститутының филология факультетін және&nbsp;Алматы жоғары партия мектебінің&nbsp;журналистика бөлімін бітірген.&nbsp;Сырдария аудандық&nbsp;«Сырдария»&nbsp;газетінде,&nbsp;Қызылорда&nbsp;облыстық телерадиокомитетінде және облыстық партия комитетінде қызмет еткен. 1970 жылдан бері облыстық&nbsp;«Сыр бойы»&nbsp;бұрынғы&nbsp;«Ленин жолы» газетінде қалтқысыз қызмет істеп келеді. Қаламгер бірнеше жыр жинақтарының авторы,&nbsp;«Жалын»&nbsp;баспасы жабық бәйгесінің екі дүркін жүлдегері.

Қазақстанның Құрметті журналисі Әскербек Рахымбекұлын еске алу шарасы өтіп жатыр

<a href="https://kyzylorda-news.kz/">Kyzylorda-news.kz.</a> Қызылорда облыстық халық шығармашылығын дамыту және мәдени-продюсерлік орталығының ұйымдастыруымен ақын, драматург, ҚР Мемлекеттік сыйлығының және «Парасат» орденінің иегері, «Платиналы Тарлан» тәуелсіз сыйлығының лауреаты Иран-Ғайыптың 75 жылдық мерейтойына арналған «Топырағыңды басқаным, тау асқаным» атты шығармашылық кеш өтті.&nbsp;Ақынның алғашқы «Жүрек жырлайды» атты жыр жинағы 1974 жылы жарық көрсе, «Тың құрбаны», «Хайуандық комедия», «Күшігінен таланған», «Мен ішпеген у бар ма?», «Батқан кеменің бейбақтары»,«Алтын адам», «Алтын ажал», «Киелі күнә», «Хан–Абылай–Сабалақ», «Қорқыттың көрі», «Керкеткен» тағы басқа драмалық дастандар жазды. 1990 жылы 3 томдық, ал, 2006 жылы 13 томдық таңдамалысы оқырмандар қолына тиді.Кешке автордың жары Дариға Амангельдиева, ақын, филология ғылымдарының докторы, «Парасат», «Құрмет» ордендерінің иегері, халықаралық «Алаш» әдеби сыйлығының иегері, Қазақстан Жазушылар одағы Төрағасының орынбасары Бауыржан Жақып, мәдениет саласының ардагері, ҚР Мәдениет қайраткері төсбелгісінің иегері Сәрсенкүл Ибрашова, Қазақстан Республикасының еңбек сіңірген қайраткері, Ә.Мәмбетов атындағы мемлекеттік драма және комедия театрының актері Ербол Есендосовтар қатысты.Шығармашылық кеш барысында ақын өз өлеңдерін оқып, драмалық шығармаларынан үзінділер сахналанды.Сонымен қатар, сыр өнерпаздары ақынның сөзіне жазылған ән-жырдан шашу шашты.Айта кетейік, 23 қараша күні Иран-Ғайыптың "Мәңгілік елдің алтын адамы" драмалық дастаны сахналанып, облыс әкімі Нұрлыбек Нәлібаев Иранбек Оразбаевты Сыр жұртының атынан мерейлі мерейтойымен құттықтады. Ақынға ҚР Парламенті Сенатының төрағасы Мәулен Әшімбаевтың құттықтауы мен облыстың ең жоғарғы наградасы Қызылорда облысының "Құрмет" грамотасы табысталды.<figure class="image"><img src="https://knadmin.beoblood.kz/uploads/315418751_3260076007579217_3071632612818274664_n_950b4a7247.jpg" alt="315418751_3260076007579217_3071632612818274664_n.jpg"></figure>&nbsp;<figure class="image"><img src="https://knadmin.beoblood.kz/uploads/315178392_3260076050912546_3074281858062203238_n_95de522020.jpg" alt="315178392_3260076050912546_3074281858062203238_n.jpg"></figure>&nbsp;<figure class="image"><img src="https://knadmin.beoblood.kz/uploads/316952337_3260076067579211_6598054066236629570_n_3e7b833321.jpg" alt="316952337_3260076067579211_6598054066236629570_n.jpg"></figure>&nbsp;<figure class="image"><img src="https://knadmin.beoblood.kz/uploads/315211857_3260076107579207_6266614547021575082_n_1aa3aa7d34.jpg" alt="315211857_3260076107579207_6266614547021575082_n.jpg"></figure>&nbsp;<figure class="image"><img src="https://knadmin.beoblood.kz/uploads/316688472_3260076017579216_4025689947022416791_n_79d6279c84.jpg" alt="316688472_3260076017579216_4025689947022416791_n.jpg"></figure>

Ақын Иран-Ғайыптың 75 жылдық мерейтойына арналған шығармашылық кеш өтті

<a href="https://kyzylorda-news.kz/">Kyzylorda-news.kz.</a> Қазақ дәстүрлі өнерлерінің ішінде жыраулық өнердің шоқтығы биік. Соның ішінде Сыр елі – жыраудық-термешілік өнерінің мөлдір бұлағы десек болады. Ал өңірде өмір сүрген жырау, жыршы, ақын, күйші, әнші, сал-серілер шығармашылығын кейінгі ұрпаққа дәріптей отырып, атадан балаға мұра болып келе жатқан жыраулық өнер арқылы жастарды жақсылыққа, ізгілікке, адамгершілікке және имандылыққа баулуға болады.Осы орайда, қараша айының 23 жұлдызында Жаңақорған аудандық iшкi саясат бөлімінің «Жастар ресурстық орталығының» КММ мен аудандық мәдениет және тілдерді дамыту бөлімінің қолдауымен, «Жастар Одақтары» ҚБ-нің ұйымдастыруымен өңір өнерпаздарының басын қосып, облыстық байқау ұйымдастырылды.Сайысқа аймақтың 27 жасқа дейінгі 9 өнерпазы қатысты. Үміттерін үкілеп келген жыршы-термешілер II кезең бойынша өнер көрсетті. I кезең Жаңақорған өңipiнен шыққан ақын-жыраулардың шығармаларынан бip терме орындады. Ал II кезең бойынша әр қатысушы өз қалауымен кез-келген термені орындап шықты. Байқауға қатысушылар ішінде тәжірибелі термешілермен қатар ұлттық өнерге алғаш келіп отырғандар да кездеседі.Майра Сәрсенбаева, Мұхтар Дәрібаев, Алмасбек Молжiгiтов сынды өңірге белгілі азаматтардан құрылған қазылар алқасы термешілерді әншілік шеберлігіне, таңдаған туындысының мазмұндылығына, сахна мәдениетін ұстауына қарап баға берді.Қортындысында III орынды қармақшылық Өтегенов Руслан мен Қызылорда қаласынан келген Абдумажит Аяулым бөлісті. II орынға Жаңақорған ауданының намысын қорғаған Мәжитқызы Әсем лайық деп танылды. I орын Қызылордалық Әбдікерім Қарақаттың еншісінде. Ал, қатарынан қара үзiп шыққан Арал ауданынан келген Бектасов Абылайхан Бас жүлдені жеңіп алды. &nbsp;<img src="https://knadmin.beoblood.kz/uploads/1_3c61f0b148.jpg" alt="1.jpg">

«Тектi сөздің төресі – терме» атты облыстық жас жыршы-термешілер байқауы өтті

<a href="https://kyzylorda-news.kz/">Kyzylorda-news.kz.</a> &nbsp; Өнер өлкесінің өр биігіне айналған Арал топырағы таланты теңіздей толқыған, өшпестің отын маздатқан талай өнер жұлдыздарын дүниеге әкелді.&nbsp;Солардың бірегейі Арал өңірінің ән әлеміне өзіндік сүбелі үлесін қосқан әнші Темірхан Ерғалиев.Сыр сахнасын әнге бөлеп, төл өнерді түлеткен әнші Темірхан Ерғалиевтің туғанына&nbsp;70 жыл толуына орай&nbsp;«Туған дала төсінде, ән боп туған мен болам» атты дәстүрлі әншілердің облыстық байқауы өз мәресіне жетті.&nbsp;Ән додасының қорытындысы бойынша жүлделі үшінші орынды Қуаныш Алғазиев, Мұхамедәлі Бекпейісов, Ақдана Әбдіқадірқызы иеленсе, екінші орынды Нұртілек Ақтаев, бірінші орынды Айтуған Сембаев иеленді. Байқаудың Бас жүлдесі Зульфия Баймұрзаеваға бұйырды.Айта кетейік, 1952 жылы Ақшатау елді мекенінде дүниеге келген Темірхан Ерғалиев әке-шешесінің Қызылжар елді мекеніне қоныс аударуына байланысты мектепті қаладағы №13 Т.Г.Шевченко&nbsp; атындағы мектептен бітірді.Жастайынан өнерге құмар болған жас әншілік өнер жолын аудандық мәдениет үйінен бастайды. 1970-1973 жылдар арасында осы мәдениет үйінде өзінің шеберлігін шыңдайды. Сол кездегі әріптес ағалары ақын Әбілхан Маханов, күйші Қапар, бүкіл өмірін өнерге арнаған әнші Байнияз Тілеповпен жұмыстас болып, ақыл-кеңесін тыңдаған Темірхан Аралдың малшы, балықшы ауылдарын аралап, аудан жұртшылығына ерекше дауысымен таныла бастады. 1973 жылы Алматыға&nbsp; келіп, эстрада және цирк студиясына оқуға түседі.Шын талантты талантты ғана таниды. Оқуға түсуге келген Темірханға алғашқыда ешкім назар аудармайды. Шап-шағын денелі, жұпыны киінген ауыл баласы кімнің көзіне түссін. Емтиханға дайындалып, бір кабинетте өлең айтып отырған Темірханның дауысын естіп қалған әйгілі Ғарифолла Құрманғалиев есіктен қарап: «дүниеге жаңа Ғарифолла келген екен ғой!», – деп қатты қуанған деседі. Сөйтіп студияға Ғарифолла Құрманғалиевтің класына&nbsp; қабылданады.Студияны бітірген Темірханды Ғарифолла ағайы Алматыға алып қалғысы келген. Отбасы жағдайын сылтау қылып, туған жерге оралғысы келген Темірханды ұстазы ұстап қала алмады. Арнайы білімді мәдениет саласының маманы 1975-1978 жылдары Қызылорда облыстық филармониясында жұмыс істеп, 1978-1980 жылдары Сырдария аудандық мәдениет үйінде қызмет жасады.Әйгілі өнер саңлағы Ғарифолла Темірхан ағаны таныды. Оның табиғи дауысынан шын таланттың ізін байқаған Ғарифолла Құрманғалиев сонау жылдардағы баспасөз бетінде: «Менің екі көзімдей болған екі шәкіртім болды. Біреуі Батысқа кетті. Оң көзім болған нағыз талантты шәкіртім Темірхан Ерғалиев Сыр бойына кетті» деп жазған еді. Бұл – Темірхан ағаға берілген шын баға.Сонау сексенінші жылдардың бас кезінде қазіргідей телевидение жоқ, халық жарға ілінген радионы тыңдайтын. Сол кездері радионы қоса қалса, Темірханның даусын тыңдайтын. Терме-жырдың төсегін тек төріне жайған&nbsp; Темірхан ағаның үні де ерекше еді.Шынымен Темірхан Ерғалиевтің репертуарындағы «Аралбай термесі», «Сүйген жар» термелерін дәл ол сияқты ешкім орындап көрген жоқ.Әттең, ән әлеміне аспандап шыққан әнші ағаның өмірі қысқа болады деп кім ойлаған?! Сонау қыстың қытымыр аязы қысқан&nbsp; 1980 жылы ақпан айының&nbsp; 21-і күні қастандық құрбаны болып небәрі 28 жасында бұзақылардың қолынан қаза тапты. Сол күндері бүкіл облыс жұртшылығы мезгілсіз қазаға күңіренгендей болды. Қазақ радиосы да тынымсыз әншінің әндерін беріп жатты.<figure class="image"><img src="https://knadmin.beoblood.kz/uploads/316682211_2094037520983745_4679946760514229977_n_d9a2961b63.jpg" alt="316682211_2094037520983745_4679946760514229977_n.jpg"></figure>&nbsp;<figure class="image"><img src="https://knadmin.beoblood.kz/uploads/316530279_2094037550983742_814198435967402337_n_48948dd71b.jpg" alt="316530279_2094037550983742_814198435967402337_n.jpg"></figure>&nbsp;&nbsp;

Қызылордада дәстүрлі әншілердің облыстық байқауы өз мәресіне жетті 

<a href="https://kyzylorda-news.kz/">Kyzylorda-news.kz.</a> Биыл Сыр елінің қабырғалы қаламгері, өнерде Иран-Ғайып атымен кеңінен танылған ақын және драматург Иранбек Оразбаев 75 жасқа толды.Мерейлі мерейтойы қарсаңында жерлестеріне «Мәңгілік елдің алтын адамы» драмалық дастанының премьерасын тарту еткен жазушының шығармашылық кешінде облыс әкімі Нұрлыбек Нәлібаев құттықтады.<blockquote>«Сыр өңірі – Түркі әлемінің аңызы, ортақ абызы - Қорқыт бабаның, туған халқына жерұйық іздеген - Асан Қайғының, найзалы батырлар мен найзағай ақындардың – Отаны. Бұл сапты қазақтың қабырғалы қаламгері, Қазақстан Республикасының Мемлекеттік сыйлығының лауреаты, арқалы ақын, дарынды драматург, Сырдың саңлақ перзенті – Иранбек Әбітайұлы жалғайды.Исі қазақтың сүйіктісіне айналған заманының заңғары Мұқағали Мақатаев туралы жазған қаламгерлер көп-ақ. Бірақ, ақынмен үзеңгілес жүріп, тіні үзілмес жыр жазғанИран-Ғайыптан басқаны атау қиын. Өлең сөздің шын бағасын беретін халық Иран-Ғайып ақынды Мұқағалимен мұңдас болғаны үшін де көкке көтеретіні рас.Тәуелсіз елімізде тұңғыш өткен жазба ақындар жыр-мүшәйрасының Бас жүлдегері болуы да Иран-Ғайыптың ақындық дарыны мен арынын айғақтайды. Кітапханалар сөресінен оқырман қолына ұдайы көшетін ақын өлеңдері ең оқылымды шығармалар саналады. Сіз бір дәуір ақындарының ұстазына айналдыңыз. Сіздің қазақ өлеңіне салған дара олжаңызбен бірге ұлттық драматургияға қосқан үлесіңіз де ерекше зор», - деді аймақ басшысы.</blockquote>Кеште облыс әкімі Иранбек Әбітайұлына ҚР Парламенті Сенатының төрағасы Мәулен Әшімбаевтың құттықтауы мен облыстың ең жоғарғы наградасы Қызылорда облысының «Құрмет» грамотасын табыстап, қазақы дәстүр бойынша иығына шапан жапты.Салтанатты іс-шара тәрбиелік мәні орасан, бірлікке, ынтымаққа баулитын «Мәңгілік елдің алтын адамы» драмалық дастанының Сыр сахнасындағы тұсаукесер көрсетілімімен аяқталды.Айта кетейік, ертең ақынның мерейтойына орай Н.Бекежанов театрында "Топырағыңды басқаным - тау асқаным" атты шығармашылық кеші өтеді.Иранбек Әбітайұлы (Иран Ғайып) Оразбаев – ҚР Мемлекеттік сыйлығының және "Парасат" орденінің иегері, "Платиналы" Тарлан тәуелсіз сыйлығының лауреаты.2002 жылы "Қорқыттың көрі" атты жыр кітабы үшін ҚР Мемлекеттік сыйлығының лауреаты атанды. Елімізде тұңғыш өткен жазба ақындар жыр-мүшайрасының бас жүлдегері. Ақынның "Жүрек жырлайды", "Түннің көзі", "Өмір-өлең" сынды өлеңдер мен поэмалар жинақтары жарық көрді.Абай өмірінің соңғы көзеңіне арналған "Мен ішпеген у бар ма?" атты драмалық дастаны, "Қорқыттың көрі" трагедиялық драмасы республикалық театрларды және Н.Бекежанов атындағы қазақ академиялық музыкалық драма театрында қойылды.<figure class="image"><img src="https://knadmin.beoblood.kz/uploads/316670756_436272092027374_1192667053247283939_n_61674e0f99.jpg" alt="316670756_436272092027374_1192667053247283939_n.jpg"></figure>&nbsp;<figure class="image"><img src="https://knadmin.beoblood.kz/uploads/316306376_436272135360703_5287985803951002630_n_24084a6853.jpg" alt="316306376_436272135360703_5287985803951002630_n.jpg"></figure>&nbsp;<figure class="image"><img src="https://knadmin.beoblood.kz/uploads/316546922_436272215360695_46870159463615400_n_0554cd87cf.jpg" alt="316546922_436272215360695_46870159463615400_n.jpg"></figure>&nbsp;<figure class="image"><img src="https://knadmin.beoblood.kz/uploads/316282287_436272068694043_6475105310928269661_n_1534b4aac6.jpg" alt="316282287_436272068694043_6475105310928269661_n.jpg"></figure>&nbsp;<figure class="image"><img src="https://knadmin.beoblood.kz/uploads/316546922_436272215360695_46870159463615400_n_6010d91882.jpg" alt="316546922_436272215360695_46870159463615400_n.jpg"></figure>&nbsp;<figure class="image"><img src="https://knadmin.beoblood.kz/uploads/316282287_436272068694043_6475105310928269661_n_f8a1902837.jpg" alt="316282287_436272068694043_6475105310928269661_n.jpg"></figure>

Сыр елінде ақын, драматург Иранбек Оразбаевтың драмалық дастаны сахналанды

<a href="https://kyzylorda-news.kz/">Kyzylorda-news.kz.</a> Сырдария ауданында 34 мәдениет мекемесі бар.&nbsp;Биылғы жылдың үшінші тоқсанындағы есеп бойынша Сырдария ауданында 16 мәдениет үйі мен клуб, бір жылжымалы мәдени-демалыс кешені, 17 кітапхана мен 14 халықтық ұжым жұмыс жасауда. Сонымен қатар екі театр, «Құрақтың Досжаны» атындағы ұлт-аспаптар оркестрі, «Садуақасовтар», «Сарыбаевтар» отбасылық ансамблдері, Ритм ВАА, «Балауса», «Шаттық», «Сыр гүлі» би ансамблдері, «Жадыра», «Жан шуақты», «Ақ дариға» әжелер ансамблдері, «Дала дидары» мәдени-үгіт бригадасы және «Көңіл ашар» ойын-сауық отауы бар.&nbsp;Биылғы жылы үйірмелердің жұмысын жандандыру және толықтыру мақсатында аудандық мәдениет үйі жанынан сурет салу, гитара үйрету үйірмелерін және балалар фольклорлық ансамблін құру жоспарлануда.Сонымен қатар, аудан бойынша «Сұлу-ай» және «Жадыра» шығармашылық өнер орталықтарының қолдауымен ауданға қарасты 10 елді мекенде, яғни Айдарлы, Жетікөл, Аманкелді, Бесарық, Қоғалыкөл, Шіркейлі, Н.Ілиясов, Ақжарма, Іңкәрдария, А.Тоқмағамбетов ауылдарында 4-17 жас аралығындағы балалар мен жасөспірімдерге арналған 41 шығармашылықпен айналысатын үйірмелер ашылып, 770-ге жуық бала түрлі бағыттағы үйірмелермен қамтылып отыр.&nbsp; Аудандық бюджеттен мәдениет саласы мекемелерінің материалдық-техникалық базасын нығайтуға биылғы жылдың қаңтар айында 9383,6 млн. теңге қаржы бөлініп, қажетті құрал-жабдықтар алынды. Атап айтқанда, аудандық мәдениет үйіне 2678,6 мың теңге қаржыға музыкалық дыбыс жазу студиясы толық жабдықталды. Алдағы уақытта аудандық мәдениет үйі, Іңкәрдария, А.Тоқмағамбетов, Бесарық ауылдық мәдениет үйлері мен клуб кәсіпорындарының дыбыс күшейткіш аппаратураларын жаңалауды қажет етеді.Мәдениет үйлері мен клубтар бойынша биылғы жылдың есепті кезеңіне 595 мәдени-көпшілік шаралар ұйымдастырылып, онда 77532 көрерменмен қамтылды. Сонымен бірге ҚР Президенті Қасым-Жомарт Тоқаевтың 2022 жылды – Балалар жылы деп жариялауына орай, сала бойынша есепті кезеңге 90 шара өткізілді. Оған 10256 бала қамтылды.&nbsp;Биылғы жылы облыстық «Қазақстан-Қызылорда» телеарнасымен бірлескен «Жұлдыз LIKE» телевизиялық жобасы, Сырдария ауданының Құрметті азаматы, мәдениет саласының ардагері Жантемір Айсиннің 70 жылдығына арналған «Жайық пен Сырдың сырбазы» атты кездесу кеші, аудандық мәдениет үйі жанынан құрылған «Ритм» халықтық вокалды аспапты ансамблінің құрылғанына 50 жыл толуына орай «Сыр әуендері» атты облыстық вокалды аспапты ансамблдердің байқауы өтті. Сондай-ақ композитор, ҚР еңбек сіңірген қайраткері, «Құрмет» орденінің иегері Рамазан Таймановтың әндерін орындаушылардың «Қазақ қызы» атты республикалық ән байқауы, Сыр сүлейі, ақын Тұрмағанбет Ізтілеуұлының шығармашылығына арналған «Назым сөздің шебері» атты облыстық термешілер байқауы өтті. Сонымен қатар ұстаз, ағартушы, қоғам қайраткері Ахмет Байтұрсыновтың 150 жылдығына арналған «Ғасыр саңлағы» атты аудандық мүшәйра ұйымдастырылды. Оған қоса, жастар арасында «Жайдарман» сайыстары мен басқа да түрлі форматтағы мәдени шаралар ұйымдастырылып келеді.Есепті мерзімге сала мамандарының бір-бірімен тәжірибе алмасу мақсатында Айдарлы және Тереңөзек кенті мәдениет үйінде екі рет «Үйірме – өнерге бастар жол» атты аудандық семинар ұйымдастырылды.Аудандық орталықтандырылған кітапханалар жүйесінде 17 кітапхана жұмыс жасайды. Жүйеге қарасты кітапханалардың сандық көрсеткіштеріне келетін болсақ, оқырмандар саны биылғы жылдың есепті кезеңіне 15873, кітап берілімі – 271357, келушілер саны – 171963-ті құрап отыр. Қазіргі таңда 17 кітапханада 432481 кітап қоры бар, оның барлығы да электронды катологқа енгізілген. Есепті кезеңге кітапханаға 513 дана кітап алынып, оған 896 514 мың теңге қаржы жұмсалды. «Рабис» бағдарламасы бойынша электронды каталогқа 425166 дана кітап түсірілді. Бұл кітап қорының 98,9 пайызын құрап отыр. Кітапхана бойынша 3447 дана кітап, 751086 бет сандық форматқа енгізілді.Аталған саланың бір парасы тарихи-мәдени ескерткіштер. Бүгінде аудан бойынша 58 тарихи-мәдени ескерткіш мемлекет қорғауына алынған. Оның ішінде 4-і республикалық маңызы бар. Атап айтар болсақ, Мүлкалан кесенесі, ХҮІ ғасыр, Сырлытам кесенесі, ХІІІ ғасыр, Асанас кесенесі, ХҮІІ ғасыр, Қожан қожа кесенесі, ХҮІІІ ғасыр. Сондай-ақ 14 жергілікті маңызы бар және 40 ескерткіш алдын-ала тізімге алынған. Аудандағы 58 ескерткіштің 15-і археологиялық, 43-і қала құрылысы және сәулет ескерткіші болып бөлінеді.<figure class="image"><img src="https://knadmin.beoblood.kz/uploads/b9ba434243f3352d2360f9b6074af26c_original_162301_b3d02486e6.jpeg" alt="b9ba434243f3352d2360f9b6074af26c_original.162301.jpeg"></figure>

Сырдария ауданында 34 мәдениет мекемесі бар

<a href="https://kyzylorda-news.kz/">Kyzylorda-news.kz.</a> Үкіметтік емес ұйымдардың ресурстық орталығында Қызылорда облысының мәдениет және спорт басқармасының басшысы Руслан Рүстемов ҮЕҰ өкілдерімен кездесті.&nbsp;<blockquote>«Егемен еліміз азаматтық қоғам қалыптастыруды өзінің негізгі бағдары ретінде ұстанады. Сондықтан еліміз тәуелсіздік алғаннан бері аталған бағыттағы үрдіс айтарлықтай ілгері баса бастағанын өздеріңіз жақсы білесіздер. Еліміздегі азаматтық қоғамды дамыту үдерісін негізінен төрт кезеңге бөліп қарастырсақ, соңғы төртінші кезең: қазіргі кезеңде «Халық үніне құлақ асатын мемлекет» тұжырымдамасы іске қосылып, қоғамды демократияландыру бағытында өзгерістер енгізіле бастағанымен ерекшеленуде. Соның айғағы ретінде бүгінгі сіздермен кездесу де куә бола алады, - деді үкіметтік емес ұйым өкілдерімен кездесуде облыстық мәдениет және спорт басқармасының басшысы Руслан Рүстемов.</blockquote>Алдымен ол биылдың басты бағдарын баяндап, келесі жылдың келелі істеріне тоқталған соң көпшілік орта ортақ мәселеге ойысты.Жыл басынан бері өнер мен мәдениетке, спортқа қатысты белгілі тұлғалардың мерейтойы атаусыз қалған жоқ. Музей, архив, археология, кітапхана, спорт саласында жаңашыл жұмыс жанданып отыр.Аймақ спортшылары Қазақстан Республикасы чемпионаттары мен кубоктарында 1017 медальға, Әлем және Азия чемпионаттарында 195 медальға қол жеткізді. Елорда күні қарсаңында өткен «Қазақстан барысы-2022» турнирінде Мақсат Исағабылов Қазақстан барысы атанды. Енді 2024 жылы өтетін жазғы Париж олимпиадасына Сыр елінен саңлақ қосу жұмысына қызу дайындық жүргізілуде.Бұл орайда облыс әкімі Нұрлыбек Нәлібаев әрбір маңызды шараға мән беріп, барынша қолдау жасап, аймақ абыройын асқақтатудың авангарды болды десе жарасады. Демеушілер есебінен Өнер орталығын, жабық стадион, неке және оқушылар сарайын, «Балалар жылына» тарту ретінде қалада 50-ге тарта, аудандарда 30-дан астам спорт-ойын алаңын салдырудың маңызы да үлкен жетістік.&nbsp;<blockquote>«Келесі жылдың жүгі жеңіл болмайды. Соның ішінде Түркияның Бурса қаласында халықаралық ТҮРКСОЙ ұйымына мүше елдердің мәдениет министрлерінің кезектен тыс 39 жиыны өтіп, онда 2023 жылды түркі әлемінде «Темірбек Жүргенов жылы» деп жариялау туралы шешім қабылданды. Соған сай алдымызда атқарар үлкен міндеттер күтіп тұр» деп Руслан Рүстемұлы алдағы күннің ауқымды шараларына тоқталды.</blockquote>Қазақстан Жазушылар одағы Қызылорда облыстық филиалының төрайымы Қаршыға Есімсейітова: «Қазір Қызылорда облысында 25 Жазушылар одағының мүшесі бар. Өмірден өткен қаламгерлерді еске алу, олардың асыл мұрасын жаңғырту, шығармашылыққа қолдау, мұражай ашу, журнал шығару секілді шаруа шашетектен. Осы мәселе орындалса дейміз» деп ұсынысын білдірді.Аталған ұсынысқа басқарма басшысы өз жауабын берді. Ретінше, мүмкіндік қарастыруға күш салатынын жеткізді.Айтыс ақындары мен жыршы-термешілердің халықаралық одағының Қызылорда облысы бойынша өкілдігінің жетекшісі Нұрмат Мансұров айтыс өнеріне қатысты шаралар атқарылып жатқанын, аймақта жылжабар айтыс өтетінін жеткізе отырып, айтыс өнерінің майталман өкілдерін қаланың көрікті орындарында билборд арқылы насихаттау, балаларды кітап оқуға бейімдеу, «Кемелден» оқу кештерін ұйымдастыру жұмыстарын алға тартты. Нұрматтың назарындағы мәселе де маңызды екенін айтып, Руслан Рүстемұлы оған тиісті жұмыстардың жасалатынын жеткізді.Сол секілді Қорқыт ата атындағы Қызылорда университетінің аға оқытушысы, «Дәстүрлі қолөнер орталығы» ұйымының жетекшісі, Қазақстан қолөнершілер одағының мүшелері Айдана Әлайдарова мен Айзат Мырзабаева қолөнершілерге қолдау көрсетіп, Ұлытау сапарына мүмкіндік жасаған басқармаға ризашылығын білдірді. Өз кезегінде олар қолөнершілер фестивалін ұйымдастыруды ұсынды.<blockquote>«Мәселе орынды. Біз фестиваль күйінде қалдырмай, симпозиум деңгейінде өткізуге күш салуға болады. Мұнымен қоса, «Қорқыт және Ұлы дала сазы» халықаралық фестивалі аясында да, «Парасатты поэзия» шарасында да көрме ұйымдастыруға мүмкіндік бар, - деді басқарма басшысы.</blockquote>Кездесу соңында «Невада-Семей» ұйымының жетекшісі Сәбит Әбіш бұл шараның тиімділігі мен ықпалына ыстық ықыласын білдіріп, үлкендік жолымен үмітті істерге ақ ниетін айтты.Қоғам белсенділерімен қауышу мәдениет пен спорт саласы үшін де маңызды. Басқарма басшысы айтқандай, қоғамдық ой-пікір ортақ мәселені жетілдіріп, ауқымдылығын арттырады, тиімділігін таныта түседі.<img src="https://knadmin.beoblood.kz/uploads/Whats_App_Image_2022_11_24_at_13_28_33_1_d75df674b0.jpeg" alt="WhatsApp Image 2022-11-24 at 13.28.33 (1).jpeg"><img src="https://knadmin.beoblood.kz/uploads/Whats_App_Image_2022_11_24_at_13_28_33_421b326d9f.jpeg" alt="WhatsApp Image 2022-11-24 at 13.28.33.jpeg">

Басқарма басшысы Руслан Рүстемов ҮЕҰ өкілдерімен кездесті

<a href="https://kyzylorda-news.kz/">Kyzylorda-news.kz.</a> Қызылорда облыстық «Жастар ресурстық орталығы» КММ-нің ұйымдастыруымен облыстық «Жас отау» конкурсы өтті.Отбасы институтын қалыптастыру, отбасылық құндылықтарды жаңғырту, жас отбасылардың қоғамдағы рөлін арттыру мақсатында ұйымдастырылған шараға барлық аудандардан және Қызылорда қаласынан іріктелген үздік отбасылар қатысып, өзара бақ сынасты.Конкурсқа Қызылорда облысының қоғамдық даму басқармасы басшысының орынбасары Артур Раушанбекұлы қатысып, жастар ұйымдары мен жас отбасыларды әлеуметтік қолдауға бағытталған шараларға тоқталып, байқау қатысушыларына сәттілік тіледі.&nbsp;Жаһандық сын-тегеуріндер уақытында отбасы институтын дамыту мен нығайту — ел дамуының негізгі тұтқасы болмақ. Жаңа ғасыр дамуында мемлекеттік бағдарламаларға негізделген қастерлі құндылықтарды дәріптеу мемлекеттің тікелей мүддесінде. Осы ретте, жас отбасыларды жан-жақты шығармашылық қолдау мақсатында отбасылық конкурс облыстық «Жастар ресурстық орталығының» бастамасымен бірнеше жылдан бері дәстүрлі түрде өткізіліп келеді.Конкурс қорытындысымен, жүлделі III орынмен Қазалы қаласынан келген Қалиевтер отбасы мен Сырдариялық Тілеубергеновтер марапатталды. Байқаудың II орыны Шиелі ауданының намысын қорғаған Нышанбековтерге, Жалағаштық Ахметовтер мен Аралдық Жақсылықовтар отбасына бұйырды. Ал үздік үштіктің көшін бастап, жүлделі I орынмен Жаңақорған ауданынан арнайы келген Жанболатовтар отбасы, Қармақшылық Әмзеевтер мен Қызылорда қаласының қатысушылары Қуанышов отбасы марапатталды.&nbsp; Шара соңында барлық қатысушылар арнайы диплом мен бағалы сыйлықтармен марапатталды.<figure class="image"><img src="https://knadmin.beoblood.kz/uploads/316201112_1391552448286077_3757321664787271163_n_30123147e6.jpg" alt="316201112_1391552448286077_3757321664787271163_n.jpg"></figure>&nbsp;<figure class="image"><img src="https://knadmin.beoblood.kz/uploads/316195939_1391552404952748_6976170380314892919_n_8786f057af.jpg" alt="316195939_1391552404952748_6976170380314892919_n.jpg"></figure>&nbsp;<figure class="image"><img src="https://knadmin.beoblood.kz/uploads/316093653_1391552701619385_3438791544736842975_n_030594c3da.jpg" alt="316093653_1391552701619385_3438791544736842975_n.jpg"></figure>&nbsp;<figure class="image"><img src="https://knadmin.beoblood.kz/uploads/315365221_1391552278286094_8403485206388962042_n_8bbcd38fbc.jpg" alt="315365221_1391552278286094_8403485206388962042_n.jpg"></figure>&nbsp;<figure class="image"><img src="https://knadmin.beoblood.kz/uploads/315696720_1391551531619502_2449837593815014389_n_9223cee792.jpg" alt="315696720_1391551531619502_2449837593815014389_n.jpg"></figure>

Қызылордада облыстық «Жас отау» конкурсы өтті

<a href="https://kyzylorda-news.kz/">Kyzylorda-news.kz.</a> Қазалы ауданының әкімі Мұхтар Оразбаев республикалық «Жоғарғы лига» Жайдарман ойынында вице-чемпион атанған «Қазалы құрамасын» қабылдап, тарихи жеңістерімен құттықтады.<blockquote>«Жайдарман» – жалынды жастарды өнер әлеміне жетелейтін, киелі сахнада қадам басуына жол ашатын бірден бір мүмкіндік.Жастар арасындағы танымал платформада қазалылық жайдарманшылар астарлы ой, қағытпа қалжың арқылы қоғам шындығын жеңіл әзілмен түйреп, үздік ойын көрсете білді.Жайдарман ойындарында тәжірибесі мол, Сыр елінің мақтанышы Әліби Басаров өзін қазалылық жастардың көшбасшысы ретінде танытып, команданың жоғары жетістікке жетуіне ерекше үлес қосты. Оған Әлібидің жоғары лигада үздік ойын өрнегін көрсетіп, «Үздік ойыншы» атағын иеленгені дәлел бола алады деп ойлаймын.Сондықтан да Сізге қасиетті Қазалы жұртшылығының атынан, жалынды жастардың атынан шынайы алғысымды білдіремін.Қазақ халқында «Жалғыздың үні шықпас, жаяудың шаңы шықпас» деген жақсы сөз бар. Сондықтан команданың жеңіске жетуіне Руслан мен Бекарыс, Нұрбақыт, Елдос, Нұрдәулет, Мырзабектердің де қосқан үлестері аз емес, – деді аудан басшысы.</blockquote>Сондай-ақ, Мұхтар Әуесұлы Жайдарман ойындарында «Қазалы құрамасы» екінші орын алғанымен жерлестеріміз үшін жеңімпаз екенін ерекше атап өтті.&nbsp;Мұнан соң команданың көшбасшысы Әліби Басаровты аудан әкімінің «Алғыс хатымен» марапаттап, «Қазалы құрамасына» «Құттықтау хатты» тапсырды.Кездесуде Әліби Басаров командаға сенім білдіріп, қолдау көрсеткен аудан әкімі Мұхтар Оразбаевқа ерекше алғысын білдірді.&nbsp;

Мұхтар Оразбаев жоғары лигада вице-чемпион атанған жайдарманшыларды қабылдады

<a href="https://kyzylorda-news.kz/">Kyzylorda-news.kz.</a> Бүгін Қазалыда болмысы бөлек талант иесі, ардагер ұстаз, мәдениет майталманы, әнші әрі сазгер Нұрмаш Алғашбайдың 75 жылдық мерейтойына арналған «Ән – ғұмыр» атты шығармашылық кеші өтті.Қасиетті Қазалы топырағы талант дарыған тұлғаларға бай. Туған жерден тұрақ тауып, елін, жан сырын әнге арқау еткен әнші Нұрмаш Алғашбайды аудан жұртшылығы жақсы біледі. Көпшілік Нұрмаш Қабылбайұлын күміскөмей әнші деп қана емес, талай өлеңге ән жазған композитор ретінде де жақсы таниды.Мерейтой иесін аудан әкімі Мұхтар Оразбаев құттықтап, игі тілегін білдірді.<blockquote>«Сіз – өнегелі өміріңізбен баршаға үлгі бола білген, ел үшін дара туған тұлғасыз. Қасиетті Қазалы өңірі қашанда қаймағы бұзылмаған, ұлттық салт-дәстүрді берік ұстанған киелі мекен. Талай дүлдүлдер дүниеге келіп, әдебиет пен өнер майталмандарының кіндік қаны тамған жер. Біз Сізді осындай дүлдүлдердің асыл қазыналарынан сусындап өскен, өнерін заманның талабына сай түрлендіріп, рухани әлемді байыта білген, өнердегі өресі биік тұлға деп бағалаймыз.&nbsp;Қазақ жұрты өзіңізді әнші, күйші-композитор, бар ғұмырын ел болашағына арнаған зиялы азамат ретінде таниды. Өмір жолында өнеріңізбен ерекшеленіп, қоғамда білсенділік іспетті қасиеттеріңізбен нағыз ірі тұлға ретінде халықтың сүйіспеншілігіне бөленіп келесіз.&nbsp;Сіздің Арал тағдырына арналған «Аралым – аяулым», күміскөмей әнші, халық қаһарманы, КСРО және Қазақстанның халық әртісі, жерлесіміз Роза Бағланова арнаған «Айналайын халқымнан еркелеткен» және «Егеменді Қазақстан», «Қазағымның даласы», «Қазақ елі», «Наурыз той» атты әндеріңіз азаматтарды, әсіресе жастарды елін, жерін, Отанын сүюге, халқын құрметтеуге тәрбиелеуімен құнды да қымбат», – деді Мұхтар Әуесұлы.&nbsp;</blockquote>Мұнан соң аудан басшысы Нұрмаш Қабылбайұлының иығына қазақы дәстүрге сай шапан жауып, арнайы «Құттықтауды» табыс етті.Роза Бағланова атындағы аудандық мәдениет орталығында өткен шарада мерейтой иесінің шығармаларын «Атамұра» ардагерлер ансамблі, мәдениет саласының майталмандары Кенже-Әлі Асқар, Галя Оспанова және тағы басқа әншілер орындап, көрерменнің зор қошеметіне ие болды.<figure class="image"><img src="https://knadmin.beoblood.kz/uploads/315979963_3514795642074691_6739346246496287867_n_b9c76a12c9.jpg" alt="315979963_3514795642074691_6739346246496287867_n.jpg"></figure><figure class="image"><img src="https://knadmin.beoblood.kz/uploads/315881646_3514795375408051_461620461076818874_n_c881c6f108.jpg" alt="315881646_3514795375408051_461620461076818874_n.jpg"></figure><figure class="image"><img src="https://knadmin.beoblood.kz/uploads/315971831_3514795505408038_5639427320072136120_n_0a0b9cd5b0.jpg" alt="315971831_3514795505408038_5639427320072136120_n.jpg"></figure><figure class="image"><img src="https://knadmin.beoblood.kz/uploads/315645722_3514795492074706_3250061916952139829_n_aeaf0e7374.jpg" alt="315645722_3514795492074706_3250061916952139829_n.jpg"></figure>

Қазалыда сазгер Нұрмаш Алғашбайдың шығармашылық кеші өтті

<a href="https://kyzylorda-news.kz/">Kyzylorda-news.kz.</a> Қорқыт ата атындағы Қызылорда университетінің доценті, филология ғылымдарының кандидаты, білім саласының үздігі, ақын, қарымды қаламгер Алдажар Әбіловтің «Мен үшін қымбаттысың, Сыр елім!» тақырыбында шығармашылық кеші өтті. Қос қуанышына қатар ұйымдастырылып отырған кеште Алдажар Әбіловтің 65 жас мерейтойы мен «Қара ағаш түбіндегі оқиға» &nbsp;кітабының тұсаукесері болды.&nbsp;Рухани кешке Қорқыт ата атындағы Қызылорда университетінің Басқарма мүшесі – Ғылыми жұмыстар және халықаралық байланыстар жөніндегі проректор Майнұр Бөрібаева, профессор, филология ғылымдарының докторы Жеңіс Садуақасұлы, ҚР Ішкі істер одағының ардагері, Қазақстан Журналистер одағының мүшесі Орынбек Жүсіпбекұлы, Қызылорда облысы өлкетану музейінің бөлім меңгерушісі Айгерім Беккулиева және Қазақ тілі мен әдебиеті және журналистика кафедрасының оқытушылары мен студенттері қатысты. Ақынның қуатты қаламынан төгілген өлең шумақтарын студенттер мәнерлеп оқып, Қорқыт ата атындағы Қызылорда университетінің қазақ тілі мен әдебиеті кафедрасының оқытушысы Гүлмира Баялиева «Ұстаз, ғалым һәм қаламгер» тақырыбында баяндама жасады. Осы уақытқа дейін бірнеше кітаптың тұсауын кесіп, оқырман көзайымына айналып үлгерген қалагердің шығармаларына университет студенттері тоқталып, баяндап, талдап шықты. Студенттер тарапынан сауалдары қойылып, алғыс, тілектерін жеткізді. Келген қонақтарға сөз беріліп, барлығы естеліктерімен бөлісіп, жазушыны туған күнімен қатар келіп отырған жаңа туындының тұсауын кесуіне атсалысты.<blockquote>«Кешіміздің басты мақсаты Алдажар ағайдың шығармаларын талдау. «Жүзік», «Нала» әңгімелері бойынша К19/1 оқу тобы студенті- Әлімжан Зура, «Қара ағаш түбіндегі оқиға» әңгімесінің тәрбиелік мәні жайлы К-19/3 Болатова Аружан өз ойларын бөлісті. Автор әңгімелерінің тілдік ерекшеліктері жайлы филология ғылымдарының кандидаты, қауымдастырылған профессор Абасилов Аман Мәделханұлы құнды пікірлер келтіріп, зерттеу нысанына алу туралы айтты. Оқырмандар авторға сұрақтар қойып, жауаптасты. Алдажар ағайдың «Мен үшін қымбаттысың, Сыр елім!» әнін Тұрлыбекова Бақытжан нәшіне келтіре орындап, ақын студенттер өлеңдерін оқыды. Кеш соңында «Қара ағаш түбіндегі оқиға» кітабының тұсауы кесілді», - дейді әріптесі Айман Айтбаева.</blockquote>Басқа да әріптестері мен достары ізгі тілектерін, құттықтауларын білдіріп, қаламгерге шапан жауып, ыстық ықылас гүлмен ілтипат көрсетті. Кеш соңында Алдажар Әбіловке сөз беріліп, көптен күткен кітаптың тұсауы кесілді. Өз қолтаңбасы қойылған кітаптарды әріптестері мен жолдастарына, сүйікті студенттеріне сыйға тартты.<blockquote>«Құрметті әріптестер, қадірлі қонақтар, бүгінгі кешке сыйлап келгендеріңізге, ыстық тілектеріңізге алғыс айтамын! Бүгінгі кештің мақсаты көркем шығармалар туралы ой бөлісіп, жаңа кітаптың тұсауын кесіп, сіздердің шығармаға деген ойларыңызды, көзқарастарыңызды білу болатын. Маған айтылып жатқан ұсыныс, пікірлеріңізді мен құптаймын және алдағы уақытта ескеретін боламын. Менің ұғымымдағы көркем әдебиет – адамзаттың дамуындағы бағдаршамның бірі. Заман ағымына қарай қазіргі жастар көркем әдебиетті оқымайтын кезеңге жеттік. Ал мен әңгімелер барысында осы жастардың әдебиетке деген зеректігін ашу үшін шытырман оқиғаларды көп қозғаймын. Жалпы, балалар көркем әдебиет арқылы тәрбие алса екен деймін. Себебі, біз де сол көркем сөз, әдебиет арқылы өстік. Біздің де ата-бабаларымыз көркем жазулардың, әдебиеттердің арқасында білімді болған. &nbsp;Сондықтан көркем шығармаларымызды дамытуға, жетілдіруге кішкене болса да өз үлесім қосылып жатса, өте қуаныштымын», &nbsp;– деді Алдажар Әбілов. &nbsp;</blockquote><figure class="image"><img src="https://knadmin.beoblood.kz/uploads/315903021_897537388341054_5389042756995259997_n_114477196f.jpg" alt="315903021_897537388341054_5389042756995259997_n.jpg"></figure>&nbsp;<figure class="image"><img src="https://knadmin.beoblood.kz/uploads/315851092_897537975007662_2516065371002674788_n_46b89db87f.jpg" alt="315851092_897537975007662_2516065371002674788_n.jpg"></figure>

Қазақстан және Қызылорда облысының жаңалықтары: Мәдениет