<a href="https://kyzylorda-news.kz/">Kyzylorda-news.kz.</a> Биыл Сыр елінің қабырғалы қаламгері, өнерде Иран-Ғайып атымен кеңінен танылған ақын және драматург Иранбек Оразбаев 75 жасқа толды.Мерейлі мерейтойы қарсаңында жерлестеріне «Мәңгілік елдің алтын адамы» драмалық дастанының премьерасын тарту еткен жазушының шығармашылық кешінде облыс әкімі Нұрлыбек Нәлібаев құттықтады.<blockquote>«Сыр өңірі – Түркі әлемінің аңызы, ортақ абызы - Қорқыт бабаның, туған халқына жерұйық іздеген - Асан Қайғының, найзалы батырлар мен найзағай ақындардың – Отаны. Бұл сапты қазақтың қабырғалы қаламгері, Қазақстан Республикасының Мемлекеттік сыйлығының лауреаты, арқалы ақын, дарынды драматург, Сырдың саңлақ перзенті – Иранбек Әбітайұлы жалғайды.Исі қазақтың сүйіктісіне айналған заманының заңғары Мұқағали Мақатаев туралы жазған қаламгерлер көп-ақ. Бірақ, ақынмен үзеңгілес жүріп, тіні үзілмес жыр жазғанИран-Ғайыптан басқаны атау қиын. Өлең сөздің шын бағасын беретін халық Иран-Ғайып ақынды Мұқағалимен мұңдас болғаны үшін де көкке көтеретіні рас.Тәуелсіз елімізде тұңғыш өткен жазба ақындар жыр-мүшәйрасының Бас жүлдегері болуы да Иран-Ғайыптың ақындық дарыны мен арынын айғақтайды. Кітапханалар сөресінен оқырман қолына ұдайы көшетін ақын өлеңдері ең оқылымды шығармалар саналады. Сіз бір дәуір ақындарының ұстазына айналдыңыз. Сіздің қазақ өлеңіне салған дара олжаңызбен бірге ұлттық драматургияға қосқан үлесіңіз де ерекше зор», - деді аймақ басшысы.</blockquote>Кеште облыс әкімі Иранбек Әбітайұлына ҚР Парламенті Сенатының төрағасы Мәулен Әшімбаевтың құттықтауы мен облыстың ең жоғарғы наградасы Қызылорда облысының «Құрмет» грамотасын табыстап, қазақы дәстүр бойынша иығына шапан жапты.Салтанатты іс-шара тәрбиелік мәні орасан, бірлікке, ынтымаққа баулитын «Мәңгілік елдің алтын адамы» драмалық дастанының Сыр сахнасындағы тұсаукесер көрсетілімімен аяқталды.Айта кетейік, ертең ақынның мерейтойына орай Н.Бекежанов театрында "Топырағыңды басқаным - тау асқаным" атты шығармашылық кеші өтеді.Иранбек Әбітайұлы (Иран Ғайып) Оразбаев – ҚР Мемлекеттік сыйлығының және "Парасат" орденінің иегері, "Платиналы" Тарлан тәуелсіз сыйлығының лауреаты.2002 жылы "Қорқыттың көрі" атты жыр кітабы үшін ҚР Мемлекеттік сыйлығының лауреаты атанды. Елімізде тұңғыш өткен жазба ақындар жыр-мүшайрасының бас жүлдегері. Ақынның "Жүрек жырлайды", "Түннің көзі", "Өмір-өлең" сынды өлеңдер мен поэмалар жинақтары жарық көрді.Абай өмірінің соңғы көзеңіне арналған "Мен ішпеген у бар ма?" атты драмалық дастаны, "Қорқыттың көрі" трагедиялық драмасы республикалық театрларды және Н.Бекежанов атындағы қазақ академиялық музыкалық драма театрында қойылды.<figure class="image"><img src="https://knadmin.beoblood.kz/uploads/316670756_436272092027374_1192667053247283939_n_61674e0f99.jpg" alt="316670756_436272092027374_1192667053247283939_n.jpg"></figure>&nbsp;<figure class="image"><img src="https://knadmin.beoblood.kz/uploads/316306376_436272135360703_5287985803951002630_n_24084a6853.jpg" alt="316306376_436272135360703_5287985803951002630_n.jpg"></figure>&nbsp;<figure class="image"><img src="https://knadmin.beoblood.kz/uploads/316546922_436272215360695_46870159463615400_n_0554cd87cf.jpg" alt="316546922_436272215360695_46870159463615400_n.jpg"></figure>&nbsp;<figure class="image"><img src="https://knadmin.beoblood.kz/uploads/316282287_436272068694043_6475105310928269661_n_1534b4aac6.jpg" alt="316282287_436272068694043_6475105310928269661_n.jpg"></figure>&nbsp;<figure class="image"><img src="https://knadmin.beoblood.kz/uploads/316546922_436272215360695_46870159463615400_n_6010d91882.jpg" alt="316546922_436272215360695_46870159463615400_n.jpg"></figure>&nbsp;<figure class="image"><img src="https://knadmin.beoblood.kz/uploads/316282287_436272068694043_6475105310928269661_n_f8a1902837.jpg" alt="316282287_436272068694043_6475105310928269661_n.jpg"></figure>

Сыр елінде ақын, драматург Иранбек Оразбаевтың драмалық дастаны сахналанды

<a href="https://kyzylorda-news.kz/">Kyzylorda-news.kz.</a> Сырдария ауданында 34 мәдениет мекемесі бар.&nbsp;Биылғы жылдың үшінші тоқсанындағы есеп бойынша Сырдария ауданында 16 мәдениет үйі мен клуб, бір жылжымалы мәдени-демалыс кешені, 17 кітапхана мен 14 халықтық ұжым жұмыс жасауда. Сонымен қатар екі театр, «Құрақтың Досжаны» атындағы ұлт-аспаптар оркестрі, «Садуақасовтар», «Сарыбаевтар» отбасылық ансамблдері, Ритм ВАА, «Балауса», «Шаттық», «Сыр гүлі» би ансамблдері, «Жадыра», «Жан шуақты», «Ақ дариға» әжелер ансамблдері, «Дала дидары» мәдени-үгіт бригадасы және «Көңіл ашар» ойын-сауық отауы бар.&nbsp;Биылғы жылы үйірмелердің жұмысын жандандыру және толықтыру мақсатында аудандық мәдениет үйі жанынан сурет салу, гитара үйрету үйірмелерін және балалар фольклорлық ансамблін құру жоспарлануда.Сонымен қатар, аудан бойынша «Сұлу-ай» және «Жадыра» шығармашылық өнер орталықтарының қолдауымен ауданға қарасты 10 елді мекенде, яғни Айдарлы, Жетікөл, Аманкелді, Бесарық, Қоғалыкөл, Шіркейлі, Н.Ілиясов, Ақжарма, Іңкәрдария, А.Тоқмағамбетов ауылдарында 4-17 жас аралығындағы балалар мен жасөспірімдерге арналған 41 шығармашылықпен айналысатын үйірмелер ашылып, 770-ге жуық бала түрлі бағыттағы үйірмелермен қамтылып отыр.&nbsp; Аудандық бюджеттен мәдениет саласы мекемелерінің материалдық-техникалық базасын нығайтуға биылғы жылдың қаңтар айында 9383,6 млн. теңге қаржы бөлініп, қажетті құрал-жабдықтар алынды. Атап айтқанда, аудандық мәдениет үйіне 2678,6 мың теңге қаржыға музыкалық дыбыс жазу студиясы толық жабдықталды. Алдағы уақытта аудандық мәдениет үйі, Іңкәрдария, А.Тоқмағамбетов, Бесарық ауылдық мәдениет үйлері мен клуб кәсіпорындарының дыбыс күшейткіш аппаратураларын жаңалауды қажет етеді.Мәдениет үйлері мен клубтар бойынша биылғы жылдың есепті кезеңіне 595 мәдени-көпшілік шаралар ұйымдастырылып, онда 77532 көрерменмен қамтылды. Сонымен бірге ҚР Президенті Қасым-Жомарт Тоқаевтың 2022 жылды – Балалар жылы деп жариялауына орай, сала бойынша есепті кезеңге 90 шара өткізілді. Оған 10256 бала қамтылды.&nbsp;Биылғы жылы облыстық «Қазақстан-Қызылорда» телеарнасымен бірлескен «Жұлдыз LIKE» телевизиялық жобасы, Сырдария ауданының Құрметті азаматы, мәдениет саласының ардагері Жантемір Айсиннің 70 жылдығына арналған «Жайық пен Сырдың сырбазы» атты кездесу кеші, аудандық мәдениет үйі жанынан құрылған «Ритм» халықтық вокалды аспапты ансамблінің құрылғанына 50 жыл толуына орай «Сыр әуендері» атты облыстық вокалды аспапты ансамблдердің байқауы өтті. Сондай-ақ композитор, ҚР еңбек сіңірген қайраткері, «Құрмет» орденінің иегері Рамазан Таймановтың әндерін орындаушылардың «Қазақ қызы» атты республикалық ән байқауы, Сыр сүлейі, ақын Тұрмағанбет Ізтілеуұлының шығармашылығына арналған «Назым сөздің шебері» атты облыстық термешілер байқауы өтті. Сонымен қатар ұстаз, ағартушы, қоғам қайраткері Ахмет Байтұрсыновтың 150 жылдығына арналған «Ғасыр саңлағы» атты аудандық мүшәйра ұйымдастырылды. Оған қоса, жастар арасында «Жайдарман» сайыстары мен басқа да түрлі форматтағы мәдени шаралар ұйымдастырылып келеді.Есепті мерзімге сала мамандарының бір-бірімен тәжірибе алмасу мақсатында Айдарлы және Тереңөзек кенті мәдениет үйінде екі рет «Үйірме – өнерге бастар жол» атты аудандық семинар ұйымдастырылды.Аудандық орталықтандырылған кітапханалар жүйесінде 17 кітапхана жұмыс жасайды. Жүйеге қарасты кітапханалардың сандық көрсеткіштеріне келетін болсақ, оқырмандар саны биылғы жылдың есепті кезеңіне 15873, кітап берілімі – 271357, келушілер саны – 171963-ті құрап отыр. Қазіргі таңда 17 кітапханада 432481 кітап қоры бар, оның барлығы да электронды катологқа енгізілген. Есепті кезеңге кітапханаға 513 дана кітап алынып, оған 896 514 мың теңге қаржы жұмсалды. «Рабис» бағдарламасы бойынша электронды каталогқа 425166 дана кітап түсірілді. Бұл кітап қорының 98,9 пайызын құрап отыр. Кітапхана бойынша 3447 дана кітап, 751086 бет сандық форматқа енгізілді.Аталған саланың бір парасы тарихи-мәдени ескерткіштер. Бүгінде аудан бойынша 58 тарихи-мәдени ескерткіш мемлекет қорғауына алынған. Оның ішінде 4-і республикалық маңызы бар. Атап айтар болсақ, Мүлкалан кесенесі, ХҮІ ғасыр, Сырлытам кесенесі, ХІІІ ғасыр, Асанас кесенесі, ХҮІІ ғасыр, Қожан қожа кесенесі, ХҮІІІ ғасыр. Сондай-ақ 14 жергілікті маңызы бар және 40 ескерткіш алдын-ала тізімге алынған. Аудандағы 58 ескерткіштің 15-і археологиялық, 43-і қала құрылысы және сәулет ескерткіші болып бөлінеді.<figure class="image"><img src="https://knadmin.beoblood.kz/uploads/b9ba434243f3352d2360f9b6074af26c_original_162301_b3d02486e6.jpeg" alt="b9ba434243f3352d2360f9b6074af26c_original.162301.jpeg"></figure>

Сырдария ауданында 34 мәдениет мекемесі бар

<a href="https://kyzylorda-news.kz/">Kyzylorda-news.kz.</a> Үкіметтік емес ұйымдардың ресурстық орталығында Қызылорда облысының мәдениет және спорт басқармасының басшысы Руслан Рүстемов ҮЕҰ өкілдерімен кездесті.&nbsp;<blockquote>«Егемен еліміз азаматтық қоғам қалыптастыруды өзінің негізгі бағдары ретінде ұстанады. Сондықтан еліміз тәуелсіздік алғаннан бері аталған бағыттағы үрдіс айтарлықтай ілгері баса бастағанын өздеріңіз жақсы білесіздер. Еліміздегі азаматтық қоғамды дамыту үдерісін негізінен төрт кезеңге бөліп қарастырсақ, соңғы төртінші кезең: қазіргі кезеңде «Халық үніне құлақ асатын мемлекет» тұжырымдамасы іске қосылып, қоғамды демократияландыру бағытында өзгерістер енгізіле бастағанымен ерекшеленуде. Соның айғағы ретінде бүгінгі сіздермен кездесу де куә бола алады, - деді үкіметтік емес ұйым өкілдерімен кездесуде облыстық мәдениет және спорт басқармасының басшысы Руслан Рүстемов.</blockquote>Алдымен ол биылдың басты бағдарын баяндап, келесі жылдың келелі істеріне тоқталған соң көпшілік орта ортақ мәселеге ойысты.Жыл басынан бері өнер мен мәдениетке, спортқа қатысты белгілі тұлғалардың мерейтойы атаусыз қалған жоқ. Музей, архив, археология, кітапхана, спорт саласында жаңашыл жұмыс жанданып отыр.Аймақ спортшылары Қазақстан Республикасы чемпионаттары мен кубоктарында 1017 медальға, Әлем және Азия чемпионаттарында 195 медальға қол жеткізді. Елорда күні қарсаңында өткен «Қазақстан барысы-2022» турнирінде Мақсат Исағабылов Қазақстан барысы атанды. Енді 2024 жылы өтетін жазғы Париж олимпиадасына Сыр елінен саңлақ қосу жұмысына қызу дайындық жүргізілуде.Бұл орайда облыс әкімі Нұрлыбек Нәлібаев әрбір маңызды шараға мән беріп, барынша қолдау жасап, аймақ абыройын асқақтатудың авангарды болды десе жарасады. Демеушілер есебінен Өнер орталығын, жабық стадион, неке және оқушылар сарайын, «Балалар жылына» тарту ретінде қалада 50-ге тарта, аудандарда 30-дан астам спорт-ойын алаңын салдырудың маңызы да үлкен жетістік.&nbsp;<blockquote>«Келесі жылдың жүгі жеңіл болмайды. Соның ішінде Түркияның Бурса қаласында халықаралық ТҮРКСОЙ ұйымына мүше елдердің мәдениет министрлерінің кезектен тыс 39 жиыны өтіп, онда 2023 жылды түркі әлемінде «Темірбек Жүргенов жылы» деп жариялау туралы шешім қабылданды. Соған сай алдымызда атқарар үлкен міндеттер күтіп тұр» деп Руслан Рүстемұлы алдағы күннің ауқымды шараларына тоқталды.</blockquote>Қазақстан Жазушылар одағы Қызылорда облыстық филиалының төрайымы Қаршыға Есімсейітова: «Қазір Қызылорда облысында 25 Жазушылар одағының мүшесі бар. Өмірден өткен қаламгерлерді еске алу, олардың асыл мұрасын жаңғырту, шығармашылыққа қолдау, мұражай ашу, журнал шығару секілді шаруа шашетектен. Осы мәселе орындалса дейміз» деп ұсынысын білдірді.Аталған ұсынысқа басқарма басшысы өз жауабын берді. Ретінше, мүмкіндік қарастыруға күш салатынын жеткізді.Айтыс ақындары мен жыршы-термешілердің халықаралық одағының Қызылорда облысы бойынша өкілдігінің жетекшісі Нұрмат Мансұров айтыс өнеріне қатысты шаралар атқарылып жатқанын, аймақта жылжабар айтыс өтетінін жеткізе отырып, айтыс өнерінің майталман өкілдерін қаланың көрікті орындарында билборд арқылы насихаттау, балаларды кітап оқуға бейімдеу, «Кемелден» оқу кештерін ұйымдастыру жұмыстарын алға тартты. Нұрматтың назарындағы мәселе де маңызды екенін айтып, Руслан Рүстемұлы оған тиісті жұмыстардың жасалатынын жеткізді.Сол секілді Қорқыт ата атындағы Қызылорда университетінің аға оқытушысы, «Дәстүрлі қолөнер орталығы» ұйымының жетекшісі, Қазақстан қолөнершілер одағының мүшелері Айдана Әлайдарова мен Айзат Мырзабаева қолөнершілерге қолдау көрсетіп, Ұлытау сапарына мүмкіндік жасаған басқармаға ризашылығын білдірді. Өз кезегінде олар қолөнершілер фестивалін ұйымдастыруды ұсынды.<blockquote>«Мәселе орынды. Біз фестиваль күйінде қалдырмай, симпозиум деңгейінде өткізуге күш салуға болады. Мұнымен қоса, «Қорқыт және Ұлы дала сазы» халықаралық фестивалі аясында да, «Парасатты поэзия» шарасында да көрме ұйымдастыруға мүмкіндік бар, - деді басқарма басшысы.</blockquote>Кездесу соңында «Невада-Семей» ұйымының жетекшісі Сәбит Әбіш бұл шараның тиімділігі мен ықпалына ыстық ықыласын білдіріп, үлкендік жолымен үмітті істерге ақ ниетін айтты.Қоғам белсенділерімен қауышу мәдениет пен спорт саласы үшін де маңызды. Басқарма басшысы айтқандай, қоғамдық ой-пікір ортақ мәселені жетілдіріп, ауқымдылығын арттырады, тиімділігін таныта түседі.<img src="https://knadmin.beoblood.kz/uploads/Whats_App_Image_2022_11_24_at_13_28_33_1_d75df674b0.jpeg" alt="WhatsApp Image 2022-11-24 at 13.28.33 (1).jpeg"><img src="https://knadmin.beoblood.kz/uploads/Whats_App_Image_2022_11_24_at_13_28_33_421b326d9f.jpeg" alt="WhatsApp Image 2022-11-24 at 13.28.33.jpeg">

Басқарма басшысы Руслан Рүстемов ҮЕҰ өкілдерімен кездесті

<a href="https://kyzylorda-news.kz/">Kyzylorda-news.kz.</a> Қызылорда облыстық «Жастар ресурстық орталығы» КММ-нің ұйымдастыруымен облыстық «Жас отау» конкурсы өтті.Отбасы институтын қалыптастыру, отбасылық құндылықтарды жаңғырту, жас отбасылардың қоғамдағы рөлін арттыру мақсатында ұйымдастырылған шараға барлық аудандардан және Қызылорда қаласынан іріктелген үздік отбасылар қатысып, өзара бақ сынасты.Конкурсқа Қызылорда облысының қоғамдық даму басқармасы басшысының орынбасары Артур Раушанбекұлы қатысып, жастар ұйымдары мен жас отбасыларды әлеуметтік қолдауға бағытталған шараларға тоқталып, байқау қатысушыларына сәттілік тіледі.&nbsp;Жаһандық сын-тегеуріндер уақытында отбасы институтын дамыту мен нығайту — ел дамуының негізгі тұтқасы болмақ. Жаңа ғасыр дамуында мемлекеттік бағдарламаларға негізделген қастерлі құндылықтарды дәріптеу мемлекеттің тікелей мүддесінде. Осы ретте, жас отбасыларды жан-жақты шығармашылық қолдау мақсатында отбасылық конкурс облыстық «Жастар ресурстық орталығының» бастамасымен бірнеше жылдан бері дәстүрлі түрде өткізіліп келеді.Конкурс қорытындысымен, жүлделі III орынмен Қазалы қаласынан келген Қалиевтер отбасы мен Сырдариялық Тілеубергеновтер марапатталды. Байқаудың II орыны Шиелі ауданының намысын қорғаған Нышанбековтерге, Жалағаштық Ахметовтер мен Аралдық Жақсылықовтар отбасына бұйырды. Ал үздік үштіктің көшін бастап, жүлделі I орынмен Жаңақорған ауданынан арнайы келген Жанболатовтар отбасы, Қармақшылық Әмзеевтер мен Қызылорда қаласының қатысушылары Қуанышов отбасы марапатталды.&nbsp; Шара соңында барлық қатысушылар арнайы диплом мен бағалы сыйлықтармен марапатталды.<figure class="image"><img src="https://knadmin.beoblood.kz/uploads/316201112_1391552448286077_3757321664787271163_n_30123147e6.jpg" alt="316201112_1391552448286077_3757321664787271163_n.jpg"></figure>&nbsp;<figure class="image"><img src="https://knadmin.beoblood.kz/uploads/316195939_1391552404952748_6976170380314892919_n_8786f057af.jpg" alt="316195939_1391552404952748_6976170380314892919_n.jpg"></figure>&nbsp;<figure class="image"><img src="https://knadmin.beoblood.kz/uploads/316093653_1391552701619385_3438791544736842975_n_030594c3da.jpg" alt="316093653_1391552701619385_3438791544736842975_n.jpg"></figure>&nbsp;<figure class="image"><img src="https://knadmin.beoblood.kz/uploads/315365221_1391552278286094_8403485206388962042_n_8bbcd38fbc.jpg" alt="315365221_1391552278286094_8403485206388962042_n.jpg"></figure>&nbsp;<figure class="image"><img src="https://knadmin.beoblood.kz/uploads/315696720_1391551531619502_2449837593815014389_n_9223cee792.jpg" alt="315696720_1391551531619502_2449837593815014389_n.jpg"></figure>

Қызылордада облыстық «Жас отау» конкурсы өтті

<a href="https://kyzylorda-news.kz/">Kyzylorda-news.kz.</a> Қазалы ауданының әкімі Мұхтар Оразбаев республикалық «Жоғарғы лига» Жайдарман ойынында вице-чемпион атанған «Қазалы құрамасын» қабылдап, тарихи жеңістерімен құттықтады.<blockquote>«Жайдарман» – жалынды жастарды өнер әлеміне жетелейтін, киелі сахнада қадам басуына жол ашатын бірден бір мүмкіндік.Жастар арасындағы танымал платформада қазалылық жайдарманшылар астарлы ой, қағытпа қалжың арқылы қоғам шындығын жеңіл әзілмен түйреп, үздік ойын көрсете білді.Жайдарман ойындарында тәжірибесі мол, Сыр елінің мақтанышы Әліби Басаров өзін қазалылық жастардың көшбасшысы ретінде танытып, команданың жоғары жетістікке жетуіне ерекше үлес қосты. Оған Әлібидің жоғары лигада үздік ойын өрнегін көрсетіп, «Үздік ойыншы» атағын иеленгені дәлел бола алады деп ойлаймын.Сондықтан да Сізге қасиетті Қазалы жұртшылығының атынан, жалынды жастардың атынан шынайы алғысымды білдіремін.Қазақ халқында «Жалғыздың үні шықпас, жаяудың шаңы шықпас» деген жақсы сөз бар. Сондықтан команданың жеңіске жетуіне Руслан мен Бекарыс, Нұрбақыт, Елдос, Нұрдәулет, Мырзабектердің де қосқан үлестері аз емес, – деді аудан басшысы.</blockquote>Сондай-ақ, Мұхтар Әуесұлы Жайдарман ойындарында «Қазалы құрамасы» екінші орын алғанымен жерлестеріміз үшін жеңімпаз екенін ерекше атап өтті.&nbsp;Мұнан соң команданың көшбасшысы Әліби Басаровты аудан әкімінің «Алғыс хатымен» марапаттап, «Қазалы құрамасына» «Құттықтау хатты» тапсырды.Кездесуде Әліби Басаров командаға сенім білдіріп, қолдау көрсеткен аудан әкімі Мұхтар Оразбаевқа ерекше алғысын білдірді.&nbsp;

Мұхтар Оразбаев жоғары лигада вице-чемпион атанған жайдарманшыларды қабылдады

<a href="https://kyzylorda-news.kz/">Kyzylorda-news.kz.</a> Бүгін Қазалыда болмысы бөлек талант иесі, ардагер ұстаз, мәдениет майталманы, әнші әрі сазгер Нұрмаш Алғашбайдың 75 жылдық мерейтойына арналған «Ән – ғұмыр» атты шығармашылық кеші өтті.Қасиетті Қазалы топырағы талант дарыған тұлғаларға бай. Туған жерден тұрақ тауып, елін, жан сырын әнге арқау еткен әнші Нұрмаш Алғашбайды аудан жұртшылығы жақсы біледі. Көпшілік Нұрмаш Қабылбайұлын күміскөмей әнші деп қана емес, талай өлеңге ән жазған композитор ретінде де жақсы таниды.Мерейтой иесін аудан әкімі Мұхтар Оразбаев құттықтап, игі тілегін білдірді.<blockquote>«Сіз – өнегелі өміріңізбен баршаға үлгі бола білген, ел үшін дара туған тұлғасыз. Қасиетті Қазалы өңірі қашанда қаймағы бұзылмаған, ұлттық салт-дәстүрді берік ұстанған киелі мекен. Талай дүлдүлдер дүниеге келіп, әдебиет пен өнер майталмандарының кіндік қаны тамған жер. Біз Сізді осындай дүлдүлдердің асыл қазыналарынан сусындап өскен, өнерін заманның талабына сай түрлендіріп, рухани әлемді байыта білген, өнердегі өресі биік тұлға деп бағалаймыз.&nbsp;Қазақ жұрты өзіңізді әнші, күйші-композитор, бар ғұмырын ел болашағына арнаған зиялы азамат ретінде таниды. Өмір жолында өнеріңізбен ерекшеленіп, қоғамда білсенділік іспетті қасиеттеріңізбен нағыз ірі тұлға ретінде халықтың сүйіспеншілігіне бөленіп келесіз.&nbsp;Сіздің Арал тағдырына арналған «Аралым – аяулым», күміскөмей әнші, халық қаһарманы, КСРО және Қазақстанның халық әртісі, жерлесіміз Роза Бағланова арнаған «Айналайын халқымнан еркелеткен» және «Егеменді Қазақстан», «Қазағымның даласы», «Қазақ елі», «Наурыз той» атты әндеріңіз азаматтарды, әсіресе жастарды елін, жерін, Отанын сүюге, халқын құрметтеуге тәрбиелеуімен құнды да қымбат», – деді Мұхтар Әуесұлы.&nbsp;</blockquote>Мұнан соң аудан басшысы Нұрмаш Қабылбайұлының иығына қазақы дәстүрге сай шапан жауып, арнайы «Құттықтауды» табыс етті.Роза Бағланова атындағы аудандық мәдениет орталығында өткен шарада мерейтой иесінің шығармаларын «Атамұра» ардагерлер ансамблі, мәдениет саласының майталмандары Кенже-Әлі Асқар, Галя Оспанова және тағы басқа әншілер орындап, көрерменнің зор қошеметіне ие болды.<figure class="image"><img src="https://knadmin.beoblood.kz/uploads/315979963_3514795642074691_6739346246496287867_n_b9c76a12c9.jpg" alt="315979963_3514795642074691_6739346246496287867_n.jpg"></figure><figure class="image"><img src="https://knadmin.beoblood.kz/uploads/315881646_3514795375408051_461620461076818874_n_c881c6f108.jpg" alt="315881646_3514795375408051_461620461076818874_n.jpg"></figure><figure class="image"><img src="https://knadmin.beoblood.kz/uploads/315971831_3514795505408038_5639427320072136120_n_0a0b9cd5b0.jpg" alt="315971831_3514795505408038_5639427320072136120_n.jpg"></figure><figure class="image"><img src="https://knadmin.beoblood.kz/uploads/315645722_3514795492074706_3250061916952139829_n_aeaf0e7374.jpg" alt="315645722_3514795492074706_3250061916952139829_n.jpg"></figure>

Қазалыда сазгер Нұрмаш Алғашбайдың шығармашылық кеші өтті

<a href="https://kyzylorda-news.kz/">Kyzylorda-news.kz.</a> Қорқыт ата атындағы Қызылорда университетінің доценті, филология ғылымдарының кандидаты, білім саласының үздігі, ақын, қарымды қаламгер Алдажар Әбіловтің «Мен үшін қымбаттысың, Сыр елім!» тақырыбында шығармашылық кеші өтті. Қос қуанышына қатар ұйымдастырылып отырған кеште Алдажар Әбіловтің 65 жас мерейтойы мен «Қара ағаш түбіндегі оқиға» &nbsp;кітабының тұсаукесері болды.&nbsp;Рухани кешке Қорқыт ата атындағы Қызылорда университетінің Басқарма мүшесі – Ғылыми жұмыстар және халықаралық байланыстар жөніндегі проректор Майнұр Бөрібаева, профессор, филология ғылымдарының докторы Жеңіс Садуақасұлы, ҚР Ішкі істер одағының ардагері, Қазақстан Журналистер одағының мүшесі Орынбек Жүсіпбекұлы, Қызылорда облысы өлкетану музейінің бөлім меңгерушісі Айгерім Беккулиева және Қазақ тілі мен әдебиеті және журналистика кафедрасының оқытушылары мен студенттері қатысты. Ақынның қуатты қаламынан төгілген өлең шумақтарын студенттер мәнерлеп оқып, Қорқыт ата атындағы Қызылорда университетінің қазақ тілі мен әдебиеті кафедрасының оқытушысы Гүлмира Баялиева «Ұстаз, ғалым һәм қаламгер» тақырыбында баяндама жасады. Осы уақытқа дейін бірнеше кітаптың тұсауын кесіп, оқырман көзайымына айналып үлгерген қалагердің шығармаларына университет студенттері тоқталып, баяндап, талдап шықты. Студенттер тарапынан сауалдары қойылып, алғыс, тілектерін жеткізді. Келген қонақтарға сөз беріліп, барлығы естеліктерімен бөлісіп, жазушыны туған күнімен қатар келіп отырған жаңа туындының тұсауын кесуіне атсалысты.<blockquote>«Кешіміздің басты мақсаты Алдажар ағайдың шығармаларын талдау. «Жүзік», «Нала» әңгімелері бойынша К19/1 оқу тобы студенті- Әлімжан Зура, «Қара ағаш түбіндегі оқиға» әңгімесінің тәрбиелік мәні жайлы К-19/3 Болатова Аружан өз ойларын бөлісті. Автор әңгімелерінің тілдік ерекшеліктері жайлы филология ғылымдарының кандидаты, қауымдастырылған профессор Абасилов Аман Мәделханұлы құнды пікірлер келтіріп, зерттеу нысанына алу туралы айтты. Оқырмандар авторға сұрақтар қойып, жауаптасты. Алдажар ағайдың «Мен үшін қымбаттысың, Сыр елім!» әнін Тұрлыбекова Бақытжан нәшіне келтіре орындап, ақын студенттер өлеңдерін оқыды. Кеш соңында «Қара ағаш түбіндегі оқиға» кітабының тұсауы кесілді», - дейді әріптесі Айман Айтбаева.</blockquote>Басқа да әріптестері мен достары ізгі тілектерін, құттықтауларын білдіріп, қаламгерге шапан жауып, ыстық ықылас гүлмен ілтипат көрсетті. Кеш соңында Алдажар Әбіловке сөз беріліп, көптен күткен кітаптың тұсауы кесілді. Өз қолтаңбасы қойылған кітаптарды әріптестері мен жолдастарына, сүйікті студенттеріне сыйға тартты.<blockquote>«Құрметті әріптестер, қадірлі қонақтар, бүгінгі кешке сыйлап келгендеріңізге, ыстық тілектеріңізге алғыс айтамын! Бүгінгі кештің мақсаты көркем шығармалар туралы ой бөлісіп, жаңа кітаптың тұсауын кесіп, сіздердің шығармаға деген ойларыңызды, көзқарастарыңызды білу болатын. Маған айтылып жатқан ұсыныс, пікірлеріңізді мен құптаймын және алдағы уақытта ескеретін боламын. Менің ұғымымдағы көркем әдебиет – адамзаттың дамуындағы бағдаршамның бірі. Заман ағымына қарай қазіргі жастар көркем әдебиетті оқымайтын кезеңге жеттік. Ал мен әңгімелер барысында осы жастардың әдебиетке деген зеректігін ашу үшін шытырман оқиғаларды көп қозғаймын. Жалпы, балалар көркем әдебиет арқылы тәрбие алса екен деймін. Себебі, біз де сол көркем сөз, әдебиет арқылы өстік. Біздің де ата-бабаларымыз көркем жазулардың, әдебиеттердің арқасында білімді болған. &nbsp;Сондықтан көркем шығармаларымызды дамытуға, жетілдіруге кішкене болса да өз үлесім қосылып жатса, өте қуаныштымын», &nbsp;– деді Алдажар Әбілов. &nbsp;</blockquote><figure class="image"><img src="https://knadmin.beoblood.kz/uploads/315903021_897537388341054_5389042756995259997_n_114477196f.jpg" alt="315903021_897537388341054_5389042756995259997_n.jpg"></figure>&nbsp;<figure class="image"><img src="https://knadmin.beoblood.kz/uploads/315851092_897537975007662_2516065371002674788_n_46b89db87f.jpg" alt="315851092_897537975007662_2516065371002674788_n.jpg"></figure>

«Мен үшін қымбаттысың, Сыр елім!»: Алдажар Әбіловтің шығармашылық кеші өтті

<a href="https://kyzylorda-news.kz/">Kyzylorda-news.kz.</a> Қызылордада әнші, ұстаз, Қазақстанның еңбек сіңірген әртісі Қаракөз Ақдәулетова атындағы «Сыр бұлбұлдары» облыстық әншілер конкурсы өз мәресіне жетті.Эстрадалық ән салу және академиялық ән салу жанрлары бойынша өнер көрсеткен жас таланттардың өнерін бағалаған қазылар алқасы үздіктерді анықтады.Эстрадалық ән салу жанры бойынша жүлделі ІІІ орынды Мақсат Базарбай, Нұртілек Малкайдар, Рақымжан Бақытов иеленсе, ІІ орынды Қалдасбай Сұлтанханым, Ақнұр Темірова, І орынды Сарманбек Саят иеленді. Конкурстың Бас жүлдесін Айсұлу Рахатова иеленді.Академиялық ән салу жанры бойынша жүлделі ІІІ орынды Зарина Камала, Аягөз Райбекова, ІІ орынды Әбдіхан Әлібек, Баянсұлу Сағындықова, І орынды Әбуов Дінмұхаммед, Ақбота Әбентаева иеленсе, Бас жүлдені Ақжүніс Абибулла және Бақдәулет Исабеков иеленді.Сыр елінің музыка өнеріне өлшеусіз үлес қосқан бірегей талант иесі Қаракөз Ақдәулетова шығармашылығы мен оның ұстаздық жолы қашанда құрметке лайық. Қазақ даласының музыка өнерінде Қаракөз Ақжігітқызының есімі алтын әріппен жазылып, бірегей ұстаз ретінде халық санасында қалды. Сол ұлы ұстаздық жолды жалғап, тәуелсіздіктің алғашқы жылдарындағы қиындықтарды өнерге деген махаббатымен еңсеріп, музыкамен өмір сүрген талант иесі талай шәкіртке бағдар бастауы бола білді.Байқаудың қатысушылары осынау құрметті ұстаз рухына арнады.&nbsp;<figure class="image"><img src="https://knadmin.beoblood.kz/uploads/316086809_2088629474857883_5950501289574922984_n_38ed344d53.jpg" alt="316086809_2088629474857883_5950501289574922984_n.jpg"></figure>&nbsp;<figure class="image"><img src="https://knadmin.beoblood.kz/uploads/315962796_2088629408191223_7443424181011929101_n_124a1fafd0.jpg" alt="315962796_2088629408191223_7443424181011929101_n.jpg"></figure>

Қызылордада «Сыр бұлбұлдары» конкурсы өз мәресіне жетті

<a href="https://kyzylorda-news.kz/">Kyzylorda-news.kz.</a> Бүгін аймақтағы балалар мен жастар шығармашылығын насихаттау, классикалық шығармалар мен эстрадалық ән салу жанрында өнерпаздардың орындаушылық шеберліктерін арттыру мақсатында тұңғыш рет Сыр елінің киелі сахнасында әнші-ұстаз, Қазақстанның еңбек сіңірген әртісі Қаракөз Ақдәулетова атындағы «Сыр бұлбұлдары» атты облыстық әншілер конкурсы бастау алды.Конкурсты Қызылорда облысының мәдениет басқармасының басшысы Руслан Рүстемұлы ашып бұлбұл әнші Бибігүл Төлегеновадан дәріс алып, ұстазына ұқсап, өзі де қазақ ән өнерінің көгінде шарықтаған, талғампаз елдің есінде сахнадағы саф даусымен қазақ және шетел композиторларының классикалық әндері мен романстарын ешкімге ұқсамайтын мәнермен ерекше орындайтын дауыс иесі Қаракөз Ақдәулетованың өнер жолындағы жарқын сәттеріне тоқталып, конкурсқа қатысушыларға сәттілік тіледі.Шығармашылық өмірінде талай таланттың танылуына жол ашып, осы жолда бар күш-жігерін, талантын аямай жұмсап, өзі өмірден өтсе де халқының ұлттық өнері мен мәдениетін әлемге танытқан шәкірттері Сыр мәдениетінің дамуына, руханият қоржының толысуына аянбай қызмет жасап келе жатыр.Осы орайда, музыкалық мәдениетке, еліміздегі вокалдық өнерге зор үлес қосқан ұстаздың есімін ұлықтау, шығармашылық жолын жас ұрпаққа насихаттау мақсатында облыстық халық шығармашылығын дамыту және мәдени продюсерлік орталығының жанынан ашылған балалар студиясына 2021 жылы Қаракөз Ақдәулетованың есімі берілді.&nbsp;<img src="https://knadmin.beoblood.kz/uploads/314735973_3253050161615135_5393709760436913000_n_d362074507.jpg" alt="314735973_3253050161615135_5393709760436913000_n.jpg"><img src="https://knadmin.beoblood.kz/uploads/315648991_3253050058281812_4101406883588754336_n_9d4175b4ab.jpg" alt="315648991_3253050058281812_4101406883588754336_n.jpg">

Қаракөз Ақдәулетова атындағы «Сыр бұлбұлдары» атты конкурс басталды

<a href="https://kyzylorda-news.kz/">Kyzylorda-news.kz.</a> Жалағаш кентіндегі Қ.Қазантаев атындағы мәдениет үйінде «Жаны жарқын жан еді...» атты өнер және мәдениет қайраткері, аудан руханиятының көшбасшысы, кемел тұлға Комвуз Бердаулетовті еске алу кеші өтті.&nbsp; Комвуз Бердәулетов аудан өнерін ақиқат биігіне көтерген, алтын арай таң болып, жалын жүрек-от өрген, «Атамұра» ұлт аспаптар оркестрінің негізін қалаған, «Қызғалдақтар» мен «Алтын-Арай» халық ән-би ансамбльдерінің алтын қазығын өз қолымен қаққан.Комвуз Бердәулетов мәдениет саласын басқарған кезеңдерде ауыл мәдениетін көтеруге көңіл бөліп, мәдениет ошақтары жоқ елді мекендер мен ферма орталықтарына Қызыл Отау жылжымайтын кітапхана ұйымдастырды. Жаңадария кеңшарында Аққолқа, Бестам, Жалағаш кеңшарында Ақшал, Аққырда Шәргелтай қызыл бұрыштары ашылды. Облыс көлемінде тұңғыш рет мердігерлік әдіспен жұмыс жүргізетін отбасылық жылжымалы клубтар ұйымдастырылып, малшылар мен егіншілерге мәдени қызмет көрсетіле бастады.Мәні де маңызы да жоғары кеште аудан әкімі Асқарбек Есжанов сөз алып, Комвуз Бердәулетовтің тұлғалық келбетіне, шығармашылық өмір жолына тоқталды.Шарада қаламгер шығармашылығына арналып “Есімі ер есінде” атты тақырыптық көрме ұйымдастырылып, мәдениет қайраткерінің өмірбаянын арқау еткен шағын көрініс көрсетілді.Еске алу кешінде бас қосқан аға-інілері, әріптестері мен туысқандары естеліктермін бөлісті. Ардақты азаматтың жарқын бейнесі, жайдары кейпі жерлестерінің жадында мәңгі сақталары сөзсіз.<img src="https://knadmin.beoblood.kz/uploads/315410327_1581791515606254_3908717573284330484_n_323a98df26.jpg" alt="315410327_1581791515606254_3908717573284330484_n.jpg"><img src="https://knadmin.beoblood.kz/uploads/315391294_1581791518939587_3178498921589734529_n_a769e06c0c.jpg" alt="315391294_1581791518939587_3178498921589734529_n.jpg"><img src="https://knadmin.beoblood.kz/uploads/315314554_1581791532272919_1735516339765802465_n_c4a8b13966.jpg" alt="315314554_1581791532272919_1735516339765802465_n.jpg">

Жалағашта Комвуз Бердәулетовті еске алу кеші өтті

<a href="https://kyzylorda-news.kz/">Kyzylorda-news.kz.</a> Қазақстанның еңбек сіңірген артисі, "Құрмет" орденінің иегері Қызылорда қаласының құрметті азаматы Бақытбек Алпысбайұлы мен өмірлік жары Қазақстанның еңбек сіңірген қайраткері Кәмила Әбжанованың киелі сахна төрінде өнер көрсетіп, жұлдыздай жарқырап жанғанына - 55 жыл толуына арналған "Театр - өмір, байрақ, бақытым!" атты шығармашылық кеші болып өтті.&nbsp;Кеште облыс әкімінің орынбасары Нұрымбет Аманұлы құттықтау сөз сөйлеп, мерекелік сый-сияпат жасады.&nbsp;Мерекелік кештің жұлдызды қонағы &nbsp;ұлт руханиятының абызы, Қазақстанның Еңбек Ері, КСРО және Қазақстанның халық әртісі, Мемлекеттік сыйлықтардың лауреаты, Қазақстан Театрлар Ассоцациясының президенті және М.Әуезов атындағы қазақ Ұлттық драма театрының көркемдік жетекшісі Асанәлі Әшімұлы мерейтой иелерінің қазақ театры тарихындағы өзіндік орны мен қолтаңбасына айрықша тоқталды.&nbsp;Мерейтойға арнайы келген Қазақстан &nbsp;Республикасының еңбек сіңірген қайраткері, жазушы, драматург Жолтай Әлмашұлы және Тахауи Ахтанов атындағы Ақтөбе облыстық қазақ драма театрының актері, Мәдениет қайраткері Мағзұм Бақытжанов, Маңғаз Маңғыстаудан келген Мәдениет қайраткері, "Құрмет" орденінің иегері Нұрнияз Мұханұлы, Шымкент қалалық Жұмат Шанин атындағы қазақ академиялық драма театрының көркемдік жетекшісі, Қазақстанның еңбек сіңірген қайраткері Бекболат Құрманғожаев және театр директорының орынбасары Тимур Ахметов, Қызылорда қалалық жастар театрының көркемдік жетекшісі, Мәдениет қайраткері Оңталап Нұрмаханов сахна төріне шығып, &nbsp;өз игі тілектерін білдірді.Мерейтойлық кеш барысында Бақытбек Алпысбаев пен оның өмірлік жары Кәмила Абжанова сомдаған рөлдерді, олар қойған спектакльдердің кейіпкерін кескіндеген әріптестері құттықтап, әннен шашу шашып, мерейтойлық тарту ұсынды. &nbsp;<img src="https://knadmin.beoblood.kz/uploads/315446215_1246659062558828_2491202049721578931_n_49bcb3857a.jpg" alt="315446215_1246659062558828_2491202049721578931_n.jpg"><img src="https://knadmin.beoblood.kz/uploads/315104411_1246659052558829_3848819967683177465_n_158259be07.jpg" alt="315104411_1246659052558829_3848819967683177465_n.jpg"><img src="https://knadmin.beoblood.kz/uploads/314720208_1246659132558821_1571185764103967985_n_f40ff8e281.jpg" alt="314720208_1246659132558821_1571185764103967985_n.jpg"><img src="https://knadmin.beoblood.kz/uploads/314754620_1246659082558826_3770012031071181634_n_927aa96615.jpg" alt="314754620_1246659082558826_3770012031071181634_n.jpg">

Театр саңлақтарының "Театр - өмір, байрақ, бақытым!" атты шығармашылық кеші өтті

<a href="https://kyzylorda-news.kz/">Kyzylorda-news.kz.</a> Бүгін Қызылорда қаласының әкімі Асылбек Шаменов Сыр өңіріндегі театр өнерінің корифейлері, Қазақстанның еңбек сіңірген әртісі, «Құрмет» орденінің иегері Бақытбек Алпысбайұлы мен өмірлік жары Қазақстанның еңбек сіңірген қайраткері Кәмила Әбжанованы қабылдап, киелі сахна төрінде жұп жазбай өнер көрсетіп келе жатқан 55 жылдық мерейтойларымен құттықтады.​Белгілі сахна майталмандары өнердің осынау айтулы белесіне үлкен еңбекпен, халық алақанына салған асқақ абыроймен жетіп отыр. Қазақстанның еңбек сіңірген әртісі Бақытбек Алпысбайұлы 1970 жылы Алматының М.Әуезов атындағы Академиялық драма театрының студиясын бітіріп, сол жылдан бастап Н.Бекежанов атындағы қазақ академиялық музыкалық драма театрының әртісі қызметін атқарады.Осы жылдар ішінде 250-ге жуық рөлдерді сомдап, әртүрлі жанрларда ойнай алатын кең ауқымды артист екенін дәлелдеді. Өнердің ерен жүйрігі жағымпаздыққа жаны қас, кімге болса да ойындағысын ашық айтатын, тік мінезді, қолға алған ісін орындамай тынбайтын адал да ақкөңіл, адамгершілігі мол азамат өмірлік серігі Қазақстанның еңбек сіңірген қайраткері Кәмила Әбжановамен жарты ғасырдан астам уақыт Н.Бекежанов атындағы қасиетті қара шаңырақта бірге еңбек етіп келеді. &nbsp; Мерейтойлық қабылдауда қала әкімі Асылбек Шаменов Сыр өңірі театрының тарихында өнерге өзіндік өрнек салған, қайталанбас рөлдерімен көрермен көңілін тапқан айрықша талант иелерін құттықтап, қазақы дәстүрмен сый-құрметін көрсетіп, жүрекжарды лебізін білдірді.«Театр – адамның өзін-өзі сахнадан көріп, өзін-өзі түсінетін орын» деп ұлт мақтанышы Шәкен Айманов айтпақшы, бекзат өнер саналатын театр сахнасында көрерменнің жанымен, ішкі түйсігімен үйлескен рөлдеріңіз арқылы көп көңілін жаулаған дарынды әртіс екендеріңіз даусыз. Өміршең өнер табыстырған Сіздерді сахнада да, қарапайым өмірде де кейінгі буынға лайықты өнеге көрсетіп келе жатқан үлгілі жанұя, бақытты жұп ретінде ерекше құрметтейміз. Өнерге деген адалдықтарыңыз бен өлшеусіз қызметтеріңіз еш ескерусіз қалмайды – деген шаһар басшысы Асылбек Шаменов «Өнерде жүзген қос ғұмыр» атты мерейтойлық кештің сәтті өтуіне тілектестігін білдірді.Естеріңізге сала кетейік, бүгін сағат 17:00-де Н.Бекежанов атындағы қазақ академиялық музыкалық драма театрында қос таланттың өмірі мен өнерінен сыр шертетін «Өнерде жүзген қос ғұмыр» атты әсерлі кеш өтеді.<figure class="image"><img src="https://knadmin.beoblood.kz/uploads/sahna2_c3e0f5c6f6.jpg" alt="сахна2.jpg"></figure><figure class="image"><img src="https://knadmin.beoblood.kz/uploads/sahna3_ba145ca7d7.jpg" alt="сахна3.jpg"></figure><figure class="image"><img src="https://knadmin.beoblood.kz/uploads/Sahna1_706e962435.jpg" alt="Сахна1.jpg"></figure>

Қазақстан және Қызылорда облысының жаңалықтары: Мәдениет