<a href="https://kyzylorda-news.kz/">Kyzylorda-news.kz.</a>&nbsp; Арал аудандық мәдениет үйінде жазушы, ақын, журналист, көрнекті қаламгер Толыбай Абылаевтың 70 жылдық мерейтойы өтті. «Арлы сертке адал ақын» атты мерекелік шараға аудан әкімі Серік Сермағамбетов қатысып, ақынды жаңа жасымен құттықтады.<blockquote>«Толыбай Абылаев көптеген поэзиялық жинақтардың авторы. Өлеңін өмірмен ұштастырып, шығармаларын сын таразысына салып, оқырман үшін орамды ойлар мен жырлар арнаған қаламгер. Туған жерге деген толғаулардың жыршысына айналып, халық ықыласына бөлене білді. Отты өлеңдері мен тың туындылары ақынды абырой биігіне шығарды.Ұрпаққа өнеге болған мол мұраларыңыз көбейіп, жазарыңыз таусылмасын. Деніңізге саулық, шығармашылық табыстар тілеймін!»,- деді Серік Сағитжанұлы.</blockquote>Шара барысында Толыбай Абылаевтың сиясы кеппеген қос кітабының тұсауы кесілді. «Алақанда - Аралым» атты жинақ пен «Кішкентай балықтың ертегісі» атты шығарма оқырманға жол тартты.Мерекелік кешке арнайы келген ел ағалары мен ақындар мерейтой иесін құттықтап, арнауларын оқыды.Айта кетейік, Толыбай Абылаев алғашқы еңбек жолын – ата кәсіп балықшы болып бастап, кейіннен мәдениет пен журналистика саласына бет бұрған. Облыстық және аудандық бірнеше басылымдарда ұзақ жылдар жауапты қызметтер атқарған.Көрнекті қаламгер қаламынан шыққан «Шағала», «Арал көшіп келеді», «Аралдан соққан жел», «Арал Атлантидасы», «Махаббат дәптері», «Қыран шайыр», «Нұртуған шайыр» атты жыр жинақтарының кітап сүйер қауымның көзайымына айналды.<figure class="image"><img src="https://knadmin.beoblood.kz/uploads/320887563_717287276274253_1477379036324575098_n_62b8029ca5.jpg" alt="320887563_717287276274253_1477379036324575098_n.jpg"></figure><figure class="image"><img src="https://knadmin.beoblood.kz/uploads/320426135_464749539069512_3399179723088235371_n_1151f5e24d.jpg" alt="320426135_464749539069512_3399179723088235371_n.jpg"></figure><figure class="image"><img src="https://knadmin.beoblood.kz/uploads/320071082_716254183225525_4347246484135275493_n_5af61494b8.jpg" alt="320071082_716254183225525_4347246484135275493_n.jpg"></figure><figure class="image"><img src="https://knadmin.beoblood.kz/uploads/321123399_683768423397935_1824421037998374688_n_bbf7ab84d9.jpg" alt="321123399_683768423397935_1824421037998374688_n.jpg"></figure><figure class="image image_resized" style="width:72.54%;"><img src="https://knadmin.beoblood.kz/uploads/320721200_1246998176171693_7474048232189082124_n_dc0f2ad531.jpg" alt="320721200_1246998176171693_7474048232189082124_n.jpg"></figure>

Көрнекті қаламгер Толыбай Абылаевтың 70 жылдық мерейтойы өтті

<a href="https://kyzylorda-news.kz/">Kyzylorda-news.kz.</a> Бүгін «AMANAT» партиясы Қызылорда облыстық филиалында аймақтағы қолөнер шеберлерімен кездесу ұйымдастырылды.Шараны ашқан партия филиалының Атқарушы хатшысы Ләйлә Төрешова қолөнеріміздің озық үлгілерінің қаймағын бұзбай қазіргі күнге дейін жеткізіп, өнерін кейінгі ұрпаққа өнеге етіп отырған шеберлердің жұмыстарына ризашылығын білдіріп, игілікті істеріне сәттілік тіледі.Мұнан соң облыстық кәсіпкерлер палатасы мен облыстық кәсіпкерлік және өнеркәсіп, ауыл шаруашылығы және жер қатынастары басқармалары мен қалалық жұмыспен қамту орталығының өкілдері арнайы хабарлама жасап, кәсіпкерлік кеңістігіндегі әйел азаматтардың белсенділігі мен оларға мемлекет тарапынан жасалып жатқан қолдаулар мен жобалар және гранттар жайында мәліметтер берді.Кездесу барысында облыстық әйелдер кеңесінің төрайымы Райкүл Байназарова мен облыстық іскер әйелдер кеңесінің жетекшісі Наталья Мишукова әйелдердің ел дамуындағы рөліне тоқталып, қолөнершілер тарапынан түскен ұсыныстарды тыңдап, сұрақ-жауап алмасты.Шара соңында өңіріміздің мәдениеті мен қолөнерінің дамуына үлес қосып жүрген шеберлерге алғыс білдіріліп, құрмет көрсетілді.<figure class="image"><img src="https://knadmin.beoblood.kz/uploads/320444808_693532498853429_6810371727840054453_n_066274baaf.jpg" alt="320444808_693532498853429_6810371727840054453_n.jpg"></figure><figure class="image"><img src="https://knadmin.beoblood.kz/uploads/320324704_553365986637771_7087012640128167606_n_0349101c45.jpg" alt="320324704_553365986637771_7087012640128167606_n.jpg"></figure>&nbsp;<figure class="image"><img src="https://knadmin.beoblood.kz/uploads/320055304_876458510466275_7634973761364954288_n_b162cfcc31.jpg" alt="320055304_876458510466275_7634973761364954288_n.jpg"></figure>&nbsp;<figure class="image"><img src="https://knadmin.beoblood.kz/uploads/320234175_712616276769294_2778063657073109917_n_de6c9bd06c.jpg" alt="320234175_712616276769294_2778063657073109917_n.jpg"></figure>

Қолөнер шеберлері партия алаңында бас қосты

<a href="https://kyzylorda-news.kz/">Kyzylorda-news.kz.</a> Б.Қабылұлы атындағы Шиелі аудандық мәдениет үйінде әнші-композитор, «Құрмет» орденінің иегері, «ҚР еңбек сіңірген қызметкері» Әлмырза Ноғайбаевтың 75 жасқа толу мерейтойына орай республикалық дәстүрлі әншілер фестивалі өтті.Фестивальді ашып беру құрметіне ие болған аудандық мәслихат хатшысы Тұрмағанбет Жағыпбаров Әлмырза Әліұлына облыс әкімі Нұрлыбек Нәлібаевтың арнайы құттықтауын табыстады.&nbsp;Кеш барысында Әлмырза Әліұлы мен «Мәдениет майталманы» белгісінің игері Хайдар Өтеғалиевке шапан жабылып, лайықты құрмет көрсетілді.Айта кетейік, фестивальге еліміздің түкпір-түкпірінен оннан астам дәстүрлі әншілер қатысты. Өнер иелері Әлмырза Ноғайбаевтың әндері мен өзге де композиторлардың әндерінен шашу шашты. Мұнан бөлек, кеште Әлмырза Әліұлының өзі де ән шырқап, жиылған қауымның ыстық ықыласы мен қошеметіне бөленді.&nbsp;Айта кетейік, Әлмырза Ноғайбаев Қазақстанның еңбек сіңірген қызметкері. Ол Алматы қаласындағы эстрада студиясын (қазіргі эстрада-цирк өнері колледжі) Ғ.Құрманғалиевтың әншілер класы бойынша бітірген. 1967 жылы Қарағанды мемлекеттік филормониясының әншісі. 1997 жылдан Шиелі ауданы Балаби аудандық мәдениет үйінің директоры. 1977 жылы «Жас дәурен» ансамблі құрамында Португалияда өткен Халықаралық фольклорлық фестивальға қатысты. 1998 жылы Ашғабадта өткен Азия және Қазақстан әнші-сазгерлері фестивалінде бас жүлде алды. Композитор 60-қа жуық ән жазған, оның ішінде «Думан», «Бір үзім нан», «Ләйләжан», «Қара мең», т.б. әндері кең тараған.&nbsp;<figure class="image"><img src="https://knadmin.beoblood.kz/uploads/319892843_858943688590598_5916425302354842131_n_ccaf9aab41.jpg" alt="319892843_858943688590598_5916425302354842131_n.jpg"></figure><figure class="image"><img src="https://knadmin.beoblood.kz/uploads/319940385_1295843967841431_5621886886741404197_n_aa80f8aa99.jpg" alt="319940385_1295843967841431_5621886886741404197_n.jpg"></figure>

Шиелі ауданында композитор Әлмырза Ноғайбаевтың 75 жылдығы аталып өтті

<a href="https://kyzylorda-news.kz/">Kyzylorda-news.kz.</a> Жаңақорған ауданының жас өнерпаздары облыстық, республикалық тіпті халықаралық байқауларда табысты өнер көрсетіп, өңірдің мәдени өміріне елеулі үлестерін қосып жүр. Соның бірі аудан орталығындағы «Әлшекей» атындағы өнер мектебінің шәкірттері Түркістан қаласында өткен республикалық «ART Baiterek» байқауында бейнелеу және би өнері бойынша үздіктер қатарынан көрініп, олжалы оралды.Өнер ұжымы атынан аудан намысын «Бейнелеу өнері» саласы бойынша экологиялық бағытта қорғаған Баянсұлу Жұмағазының «Құтқаршы» картинасы ІІ орынды иеленсе, пейзаж жанрында «Өткелде» тақырыбын салып, қоршаған болмыстағы құбылыстар мен заттарды бейнелеу тәсілдеріне машықтанғанын дәлелдеген Асылбек Орынбек үздік үштіктен көрінді. Ал осы оқушыларды бейнелеу өнеріне тәрбиелеген жетекшісі әрі өнер мектебінің директоры Қалдыбай Қошқарбаев үздік шәкірт дайындағаны үшін «Алғыс хатпен» марапатталды.&nbsp;<blockquote>«Қазіргі заманда сурет салу балабақшадан бастау алса деген тілегім бар. Өйткені баланың ой-өрісін кеңейтіп дамыту үшін бұл сала ең қажетті оқу түрі деген болар едім. Негізі сурет салу арқылы өмірде кездесетін қарапайым заттарды бейнелеуді үйренеміз. Ал бұл дегеніміз бала қабілетінің дұрыс қалыптасуына жол ашады. Біздер осы бағытта жас суретшілерді дайындауды мақсат еттік. Демек, суреттің тілін түсіну үшін балаңыз кішкентай күнінен осы өнердің қыр-сырына қанығып өсуі керек. Сонда ғана Баянсұлу мен Асылбектей өрендерімнің қатары артатынына сенімдімін, – деді Қалдыбай Қошқарбаев жеткен жетістіктерімен бөлісіп.&nbsp;</blockquote>Бұл өнерлі ұжымның кішкентай бишілері абыройлы өнер көрсетіп келеді. Құрылғанына 10 жыл болған, 60 биші қыздан құралған «Еркеназ» би тобы да аудан атын талай додаларда асқақтатып жүр. Бұл жолы киелі Түркістан шахарында ұйымдастырылған республикалық байқауға 18 қатысушысы қатысқан Ажар Айқынбекқызы қызының шәкірттері бас жүлдені қанжығаға байлады. Құрамында Жанұзақ Гулшара, Шанияр Ақнұр, Жұмат Зере, Жұмағазы Магда, Сунетулла Раяна, Бекахмет Әсел, Ерман Наз, Бауыржан Ұлсана, Әбілқасым Гулшат, Сапилла Еркеназ, Абдужолдас Айзере, Алжан Айсұлу, Жанәділ Жаухар, Амангелді Айман, Амангелді Шолпан, Серік Жасмин, Қызайбай Інжу, Бахыт Асылай сынды мың бұралған биші қыздары бар бұл топ байқаудан Ташкент қаласында өтетін Халықаралық конкурсқа жолдаманы жеңіп алды.&nbsp;Сондай-ақ, сол сайыста тағы бір өнер ұжымының белді маманы белгілі биші Гүлнар Ибадуллаеваның жетекшілігіндегі «Аққу» би тобынан түрлі жастағы үш топ қатысып, нәтижесінде сәбилер тобы бас жүлдені, кіші тобы ІІ орынды иеленді. Ал, аспапта ойнау жанры бойынша сайысқа түскен тартысты додада Нұрсезім Әлихан, Адиля Сембек, Сезім Икрамхан мен Зарина Қалидың басын қосқан «Мереке» тобы жүлделі ІІІ орыннан көрінді.&nbsp;Бүгінде «Әлшекей» өнер мектебі шәкірттерінің бірнеше байқауларда қол жеткізген жетістіктерін ауыз толтырып айтуға болады. Демек, «Әлшекей» атындағы өнер мектебі өңір мәдениетінің өркендеуіне елеулі үлес қосып, өнерлі шәкірт дайындауда алдыңғы қатарда деуге болады. &nbsp;<img src="https://knadmin.beoblood.kz/uploads/10_07525aefd4.jpg" alt="10.jpg"><img src="https://knadmin.beoblood.kz/uploads/11_98c792a0d4.jpg" alt="11.jpg"><img src="https://knadmin.beoblood.kz/uploads/12_b8333a8906.jpg" alt="12.jpg">

«Әлшекей» атындағы өнер мектебінің шәкірттері биіктен көрініп келеді

<a href="https://kyzylorda-news.kz/">Kyzylorda-news.kz.</a> Өңір төл өнерінің өркен жаюына ерекше үлес қосып келе жатқан Қармақшы ауданындағы Ш.Төлепова атындағы аудандық мәдениет үйі бүгінде өнердің қара шаңырағына айналды. Мәдениет үйінің ғимараты 1940 жылы құрылып, 1977 жылы жаңа типтік жобада пайдалануға берілген. Өнер ордасына қазіргі таңда Сыр сүлейлерінің жалғасы, жырау Арнұр Көшеней басшылық етеді.&nbsp;<blockquote>«Мәдениет үйі – өнер иелерінің өрелі ордасы. Өнерпаздарымыз өз кәсі¬ биліктерін әрдайым шығармашылық ізденіспен шыңдап отырады. Біз киелі Қармақшының рухани атына сай еңбек ету мақсатында ұлттық өнеріміз бен мәдениетімізді ең бірінші орында ұстаймыз. Мәдениет үйінің қызметкерлері қоғамдық жұмыстарға да белсене атсалысып келеді. Ауданның тазалық жұмыстары, ұйымдастыру әсіресе аудандық, облыстық деңгейдегі іс-шаралар мәдениет үйінің бастауымен, араласуымен және бүкіл жауапкершілігін алуымен жүргізіліп жатады. Мәдениет үйі – өнер мен еңбектің үлгісі деп мақтайтын дәрежеде екеніне халық және қоғамдық ұйымдар мен зиялы қауым өкілдері куә. Бүгінде мұнда 33 қызметкер жұмыс істейді. Аудандағы мәдениет, ұлттық дәстүр, рухани ұстаным, ұлттық құндылықтарды дәріптеу мақсатында түрлі бағыттағы іс-шаралар жыл көлемінде өткізілуде. Мәселен жыл басынан бері 85 іс-шара ұйымдастырылып, оған 14300 көрермен тартылған. Оның ішінде 21 іс-шара онлайн форматта, фейсбук әлеуметтік желісі арқылы көрермендерге жол тартып, 4222 қаралым жинады», – дейді мәдениет үйінің директоры Арнұр Көшеней.&nbsp;</blockquote>Өнер ордасы түрлі бағыттағы республикалық, облыстық, аудандық деңгейдегі байқаулар мен концерттерді ұйымдастырып келеді. Мәселен, «Аналарды ардақтайық» жобасы аясында жоғары дәрежелі ұстаз, тыл ардагері Ақбалыш Жалғасованы еске алуға арналған «Ұстаз – Ана» атты облыстық жазба ақындар мүшәйрасы, Қазақстан халықтарының тілдері күні мерекесіне орай «Ана тілім – ардақтым!» атты аудандық көркемсөз оқу шеберлерінің байқауы, отбасы күні мерекесіне орай «Бақытты отбасы – бақытты ел!» атты аудандық өнерлі отбасылар фестивалі, Ұлы Отан соғысының ардагері, мемлекет және қоғам қайраткері Әбдіраш Іскендірұлын еске алуға арналған облыстық жыршы-жыраулардың жыр фестивалі, Қармақшы елінің тума таланты, кезінде облыстың ең үздік саксафоншысы атанған, ауданымыздың өнер саласына ерекше еңбегі сіңген, білікті басшы болған, талай дүбірлі сайыстарға жас талапкерлерді баулып, таланттар көзін ашуға белсене араласқан Абдулла Мырзабековты еске алуға арналған «Өнер – өміршең» атты үрлемелі аспап-та орындаушылардың облыстық конкурсы сөзімізге айқын дәлел. Сондай-ақ, Қызылорда қалалық мәдениет және тілдерді дамыту бөлімінің ұйымдастыруымен Балалар жылы аясында балалар шығармашылығына арналған дәстүрлі ХV «Бал бала – 2022» бүлдіршіндер арасындағы облыстық телевизиялық байқаудың аудандық іріктеу туры өткізілcе, Тұрмағамбет Ізтілеуұлының 140 жылдық мерейтойына орай аудан әкімдігінің қолдауымен «Аралап жердің жүзін жүрер сөзім» атты аймақтық ақындар айтысы ұйымдастырылды.&nbsp;Мәдениет үйінің директоры Арнұр Көшенейдің сөзінше, биылғы Балалар жылына орай аудандық мәдениет және тілдерді дамыту бөлімінің қолдауымен балалар қатысатын үйірме жұмыстарын жандандыру, ауыл өнерпаздары бойындағы рухани құндылықтарды, шығармашыл тұлғаны қалыптастыру, үйірме жұмыстарын жандандыру бағытында атқарылған жұмыстарды сараптау және үйірме мүшелері арасында үздік өнерпаз және үздік үйірме жетекшілерін анықтау мақсатында «Өнер шамшырағы» атты балалар үйірмелері арасындағы аудандық өнер байқауының іріктеу туры 22-30 қараша аралығында 14 ауылдық мәдениет және клуб үйлерінде өткізіліпті. Байқауда эстрадалық вокал жанры, халықтық орындау жанры, хореография жанры және драма, көркемсөз жанрлары бойынша 10-13 жас аралығы және 13-16 жас аралығындағы балалар бақ сынаған. Қазылар алқасының шешімімен 45 өнерпаз ақтық сынға жолдама алған. Ал, ақтық сын алдағы күндері ұйымдастырылып, «Үздік өнерпаз» және «Үздік үйірме жетекшісі» анықталып, марапатталатын болады.Қазіргі таңда, мәдениет үйі жанынан 16 үйірме жұмыс істейді. Онда 250 өнерпаз өз өнерін шыңдап жүр. Атап айтсақ, «Жыр күмбезі» этно-рок үйірмесі, «Қармақшы ВАА», «Эстрадалық вокал», «Хор», «Қуыршақ», «Драма», «Көркемсөз», «Жазба ақындар», «Сурет», «Жайдарман», «Өрлеу» үгіт-бригадасы, «Келіншектер» ансамблі, «Әжелер» ансамблі, «Айқаракөз» және «Бастау» би үйірмелері. Үйірме мүшелері мен мәдениет үйі өнерпаздары жыл көлемінде шығармашылықпен жұмыс жасап, өнердің отын жандырып, жүйелі түрде жұмысын дәлелдеп келеді.&nbsp;Сонымен қатар, республикалық, облыстық, аудандық көлемдегі іс-шаралар мен байқауларда жоғары дәрежелі дайындықпен атсалысуда. Мәселен, Халықаралық Қазақстан-Ресей-Түркия елдерінің бірлескен «Таланты Казахстана» жобасы аясында өткен халықаралық «ARENA DANCING» хореографиялық конкурсфестивалінен Түркістан қаласында «Бастау» би тобы, Алматы қаласында «Айқаракөз» би тобы гран-при иеленді. Ақтөбе қаласында өткен Би падишасы Шара Жиенқұлованың 110 жылдығына арналған республикалық «Би құпиясы» хореографиялық байқауынан «Айқаракөз» би тобы бас жүлдені жеңіп алды. С.Майқанова атындағы мәдениет үйінің ұйымдастыруымен өткен «Ұлы дала өрнектері» атты қазақ билерінен облыстық байқауда «Бастау» би тобы бас жүлдемен марапатталса, Сырдария ауданында өткен «Сырлы әуен» атты облыстық ВАА байқауынан «Қармақшы ВАА» жүлделі ІІІ орынды қанжығасына байлады.&nbsp;Облыстық халық шығармашылығын дамыту және мәдени-продюсерлік орталығы және Қазалы ауданының мәдениет және тілдерді дамыту бөлімі Роза Бағланова атындағы аудандық мәдениет орталығының ұйымдастыруымен өткізілген «Көне дәуір күмбірі» атты облыстық заманауи этникалық музыка фестиваліне «Жыр күмбезі» этнорок тобы қатысып, алғыс хатпен марапатталды.Мұнан басқа, өнерпаздардың жекелеген жетістіктері де жетерлік. Тағы бір айта кетерлігі – Жалағаш ауданында өткен М.Тынымбай Сауранбайұлын еске алуға арналған «Өшпес тұлға жолымен» атты халық театрларының облыстық байқауынан мәдениет үйі жанындағы халық театры Медеу Сәрсекенің «Тендерге түскен келіншек» атты спекталін сахналап І орын иеленді. Спектакль аудан сахнасында да қойылып, халықтың зор ықыласына бөленді. Алдағы уақытта халық театрының ұжымы осы спектакльмен ауылдық клуб үйлеріне және Қазалы ауданына гастрольдік сапарға шығуды жоспарлап отыр.<img src="https://knadmin.beoblood.kz/uploads/5_af52d39794.jpg" alt="5.jpg"><img src="https://knadmin.beoblood.kz/uploads/4_48048315e8.jpg" alt="4.jpg">

Арнұр Көшеней: 85 іс-шара ұйымдастырылып, оған 14300 көрермен тартылған

Kyzylorda-news.kz. Арал аудандық мәдениет үйінде ақын, жазушы, сатирик, ұлағатты ұстаз Ерғали Абдуллаевтың 65 жылдығына арналған кездесу кеші өтті.«Өмір өлеңінің жыршысы, Арал әлемінің жаршысы-Ерғали!» &nbsp;атты мерекелік шараға аудан әкімінің орынбасары Кете-Төле би Бержанов қатысты.&nbsp;<blockquote>«Жазушылық пен ақындықты домбыраның қос ішегіндей қатар ұстай білген Ерғали ағамыздың &nbsp;шығармалары қазақ әдебиеті мен мәдениетінен, ұлттық болмысынан сыр шертері көпшілікке таныс. Ерғали Абдулла айдынды Арал өңірінде табан аудармай ұзақ жылдар сан саланы меңгеріп, еңбек &nbsp;етті. Жазушының өзгеше өміртанымы баршаны қызықтырары және де айнала-дүниеге ойлы, сындарлы көзбен қарауға жетелейтіні сөзсіз. Ұрпаққа өнеге болған мол мұраларыңыз көбейіп, жазарыңыз таусылмасын. Шығармашылық шабытыңыз шалқи берсін. Деніңізге саулық, отбасыңызға амандық, шығармашылық табыстар тілеймін!»-деп аудан әкімінің орынбасары Кете-Төле би Бержанов ыстық ықыласын жеткізіп, аудан әкімінің құтықтауын табыс етті.</blockquote>Іс-шара барысында жазушының төл туындысы «Аралдың адамдары» атты кітабының тұсауы кесілді.Кездесу кешінде сахна төріне шыққан ҚР еңбек сіңірген қайраткері, «Құрмет» орденінің иегері, Арал ауданының «Құрметті азаматы», «Халық алғысы» медалінің иегері, ақын - жырау, күйші - композитор Мұрат Сыдықов мерейтой иесіне жүрегінен шыққан өлең жолдарын арнады. Сонымен бірге Зейнолла Шүкіров атындағы әдеби шығармашылық бірлестігінің төрағасы, күйші, сазгер Жұмабай Жақып және аудандық «Толқын» газетінің редакторы Абай Елеш сөз алып, жазушы шығырмашылығын тілге тиек етіп, ізгі лебіздерін жеткізді.Облыстық журналистика саласы мен ақындық жолдағы әріптес-достары бейне көрсетілім арқылы құттықтау лебіздерін білдірді.Мерекелік кеште ақынның сөзіне жазылған «Туған жер», «Ақшатауым», «Теңізім» әндері орындалып, «Менің әйелім» атты туындысы сахналанды.Іс-шара соңында ардагер ұстаз мерейтойымен құттықтай келген азаматтар мен оқырмандарына ризашылығын жеткізді. Атап өтейік, 35 жыл бойы білім беру саласында ұстаздық қызмет атқарған Аралдың төл перзенті &nbsp;«Арал ақиқаты», «Сыр айғағы», «Ай ару», «Құрылтай» газеттерінде редактор болған. Қазіргі таңда «Арал әлемі» газетінің редакторы болып жұмыс жасайды.Ерғали Зейнетұлының &nbsp;сатиралық әңгімелері, өлеңдері, «Дария жыры», «Күлеміз бе қайтеміз?», «Жүректегі жауһарлар» атты жинақтары мен «Жеңгелер келіп қалыпты», «Еркектер жиналысы», «Өмірдің өлеңдері», «Ағаш қазан астындағы от», «Аралдық желтоқсаншылар», «Жасампаз ғұмыр» кітаптары жарық көрген.<img src="https://knadmin.beoblood.kz/uploads/FB_IMG_1670662202137_dab3254fee.jpg" alt="FB_IMG_1670662202137.jpg"><img src="https://knadmin.beoblood.kz/uploads/FB_IMG_1670662206550_c8d8edfd68.jpg" alt="FB_IMG_1670662206550.jpg"><img src="https://knadmin.beoblood.kz/uploads/FB_IMG_1670662212350_fcbe780f41.jpg" alt="FB_IMG_1670662212350.jpg">

Белгілі ақын, ұлағатты ұстаз - Ерғали Абдуллаев 65 жаста

<a href="https://kyzylorda-news.kz/">Kyzylorda-news.kz.</a> Қызылорда облыстық тарихи-өлкетану музейінің ұйымдастыруымен Арал аудандық тарихи-өлкетану музейінің филиалы Әбдіжәмил Нұрпейісов музей-үйінде музей қызметкерлері арасында «ҮЗДІК МУЗЕЙ ҚЫЗМЕТКЕРІ– 2022» байқауы өтті.&nbsp;Іс-шараға Арал ауданы әкімінің орынбасары Бержанов Кете-Төлеби Досымжанұлы, Қызылорда облысының мәдениет және спорт басқармасының бөлім басшысы Жанар Нұржақыпова, ҚР білім беру ісінің үздігі, ардагер-ұстаз, өлкетанушы Үргенішбай Қуатов және музей қызметкерлері, тарихшылар қатысты. Танымдық іс-шараны Арал ауданы әкімінің орынбасары Бержанов Кете-Төлеби Досымжанұлы ашып, байқауға қатысушыларға сәттілік тіледі.Байқаудың мақсаты - өзіндік ерекшелігі бар шығармашыл қызметкерлерді анықтау және қолдау, қызметкерлердің кәсіби шеберлігін жетілдіру, ұлттық дәстүрді жаңғырту, дамыту, насихаттау, музей мамандығының рөлін арттыру, бірыңғай мәдени кеңістікті дамыту, өңірлердің мәдени мұрасын таныстыру, қызметкерлердің тәжірибе алмасуына жағдай жасау.Байқауға барлық деңгейдегі музей қызметкерлері қатысып, 3 түрлі сынақ бойынша бақ сынасты. Байқау жоғары деңгейде ұйымдастырылды. Шарты бойынша барлық сынақтан сүрінбей өтіп, қазылар алқасының шешімімен Жалағаш аудандық тарихи-өлкетану музейінің ғылыми қызметкері Қанат Жапақов «Үздік музей қызметкері» болып танылды.Сондай-ақ, байқау ережесі бойынша Ғани Мұратбаев мемориалды музейінің қор сақтаушысы Әлібек Сералы, «Үздік музейлік жоба», С.Айтбаев атындағы көркемсурет галереясының экскурсоводы Тасенова Айжан, «Креативті маман», Шиелі аудандық тарихи-өлкетану музейінің ғылыми қызметкері Әбутегі Бекболат «Рухани құндылықтарды насихаттаушы» номинацияларын өзара бөлісті.&nbsp;Байқауға қатысқан қызметкерлер ақшалай және бағалы сыйлықтармен марапатталды.<figure class="image"><img src="https://knadmin.beoblood.kz/uploads/318245543_1673970636333787_9074945996443479535_n_e703525e8f.jpg" alt="318245543_1673970636333787_9074945996443479535_n.jpg"></figure>&nbsp;<figure class="image"><img src="https://knadmin.beoblood.kz/uploads/317416908_1673970793000438_2287956635839576408_n_efe7bf330b.jpg" alt="317416908_1673970793000438_2287956635839576408_n.jpg"></figure>&nbsp;<figure class="image"><img src="https://knadmin.beoblood.kz/uploads/316811431_1673970586333792_7230353340814630788_n_9a9de9a889.jpg" alt="316811431_1673970586333792_7230353340814630788_n.jpg"></figure>

Қызылордада «Үздік музей қызметкері» анықталды

<a href="https://kyzylorda-news.kz/">Kyzylorda-news.kz.</a>&nbsp;Қазақ халқының асыл өнеріне бар ғұмырын арнаған мәдениет майталманы, киелі өнер иесі, танымал сазгер әрі қаншама төл туындының авторы Құлахмет Нәлтаевтың шығармашылығына арналған «Саз серісі» атты тақырыпта өрбіген мазмұнды кеш киелі Жаңақорған ауданы Аққорған жерінде өтті.Құлахмет Нәлтаев оркестр орындауында керемет туындылармен Қазақстанның түкпір-түкпірін аралап, өнерін көрсетті. Дирижерлікті меңгерген шебердің өз құпиясы да бар. Айтуынша, адам үнемі ізденіспен қатар еңбекқорлық қасиет те қажет.Кеште Бахытгүл Тасхожаеваның орындауындағы «Қызыл орамал» әні көрерменнің көзайымына айналса, «Түгіскен маршы» атты туындысы ауыл тұрғындарының әнұраны іспеттес.Сексенге жуық ән жазып, бірнеше күйді өмірге әкелген Жаңақорған аудандық ұлт аспаптар оркестрінің дирижері, аудандық хордың жетекшісі, сазгер, күйші Құлахмет Нәлтаевтың төл туындылары Сыр жұртына кеңінен танымал. Әлі де жазары көп сазгердің шәкірттері, ізінен ерген іні-қарындастары осы күні қазақ өнерінің шыңына қадам басып, кейбірі ән әлемін мойындатып келеді. Міне, осындай ұстазға құрмет көрсеткен Түгіскен ауылдық клуб үйі ұжымы «Әлшекей» өнер мектебі мен «Түгіскен балалар мектебі» және «Бесарық өнер мектебінің» ұстаздарының басын бір арнада тоғыстырды.Сан өнердің саңлағына арналған бұл кеш шағын қойылыммен басталып, соңы Құлахмет Нәлтаевтың дирижерлық етуімен Құрманғазының «Адай» күйімен жалғасын тапты. Одан әрі ұлылардан қалған ұлттық мұраны өлтірмей, оны ұрпақтан ұрпаққа жеткізу жолында аянбай тер төгіп келе жатқан ұстаздың өзі Әлшекейдің «Отарбасын», Бәден Айсыновтың «Егемен Қазақстан», «Наурыз» және өзінің жүрекжарды «Жеңіс» туындысын орындаса, оркестрдің сүйемелдеуімен Құралай Әлиева «Ауылым», «Жайнайбер жастар» әнін көрерменге ұсынып, Олжас Ормаханов «Айттым сәлем, Қаламқасты» нақышына келтіріп орындады.Жөргегі жырдан, әлемі әннен, сұлулығы сазбен өрілген, өнегелі өмірі көпке үлгі жанға бұл күні алыстан ат терлетіп, ұлағатты жолын көрсетіп келген қонақтар қатарында Құлахмет ағамыздың өмірдегі ұстазы, сексеннің сеңгіріне шыққан ардагер ағамыз Зинабдин Шермағамбетов, сырдың тұмса таланты Сауран Елеуов, сыр сүлейлерінің сарқыты, ақын әрі кеш иесінің айнымас досы Серік Ыдырысов, аудандық ардагерлер кеңесі төрағасының орынбасары Пахмадин Айнақожаев және Мадияр Ахметов, Қалдыбай Қошбарбаев, Талғат Байбатыров, Ермаханбет Ибрагимов, Ермағамбет Құлымбетов, ауыл ақсақалдары мен ауыл әкімі Серік Туғанбаевтар болды. Олар кеш иесіне жылы лебіздерін қоса жеткізді.Алғаш болып сөз алған ауданның құрметті азаматы, ардагер Зинабдин Шермағамбетов:<blockquote>«Ауылдан, соның ішінде шәкірттерімнің арасынан осындай ардақты азаматтың шыққанына көкірегімде үнемі мақтаныш сезімі ұялайды. Өнер атты жолды таңдаған Құлахмет жастайынан өнер өрісін кеңейтуді көздеді және осы мақсатына жетті. Оған дәлел, осы қазір сахна төрінде орындалған жан тебірентер әндері мен күйлері. Жалпы, адам баласының жан жақты, өнерлі болғаны, алға ұмтылғаны дұрыс. Ал адамның жан дүниесін ақтару үшін оған ән айтқызу керек, сонда ғана оның өнерді – құдіретті күш, адамның жан серігі, рухани байлығы деп бағалағанын түсінесің. Түптеп келгенде қандағы өнерге деген тектілік шәкіртімді мәдениет саласына алып келді. Мен осыған қуанамын», – деді ұстаз.</blockquote>Облысқа белгілі суырып салма ақын, талай аламанда топ жарған ақтаңгер Серік Ыдырысовтың да жүрекжарды тілегі көпті толқытты.<blockquote>«Ұстаздан шәкірт озса игі» демекші, осындай рухани кештің өтуіне мұрындық болған Нәлтаевтың шәкірті, Бахытгүл Тасхожаеваны әңгімеге тарттық. – Өнер жолы – ауыр жол. Оны жүріп өту ерік-жігері мықты, еңбекқор, мақсатына адал адамдардың ғана қолынан келеді. Міне, осы айтылған қиындықты еңсерген Құлахмет ұстазымды «өнерді өмір деп таныған өнер майталманы» деп толықтай айта аламын. Ағайдың соқпағы көп жолда тума талантымен танылып қана қоймай, артыңда өшпестей із қалдырып жатқанының өзі нағыз бақыт», – деді ол.</blockquote>Расында, оркестрде жиырмаға жуық адам болса бас домбыра, прима, виоленчель, тіпті сазсырнай мен сылдырмақтың тұтас әуенін үйлестіріп нотаға түсіруде кәсібилік аздық етеді. Оған түйсіктің алғырлығы мен сезімнің ұшқырлығы да қажет.&nbsp; &nbsp;<img src="https://knadmin.beoblood.kz/uploads/318427057_2361496633999728_8441817975821723404_n_4caaa31c37.jpg" alt="318427057_2361496633999728_8441817975821723404_n.jpg">

Құлахмет Нәлтаевтың «Саз серісі» атты шығармашылық кеші өтті

<a href="https://kyzylorda-news.kz/">Kyzylorda-news.kz.</a> Қазалыда Қазақстан және КСРО халық әртісі, Қазақстанның халық қаһарманы Роза Бағланованың 100 жылдығы аясында «Мырза» халықтық ұлт-аспаптар оркестрінің шығармашылық кеші өтті.&nbsp;Роза Бағланова атындағы аудандық мәдениет орталығында өткен кеште аудан әкімі Мұхтар Оразбаев сөз сөйлеп, ұлттық дәстүріміздің оның ішінде қазақ өнерін жаңғыртуда үлкен үлес қосып жүрген ұлт-аспаптар оркестрінің ұжымына ризашылығын жеткізді.&nbsp;Сонымен қатар, ұжымның алдағы уақыттағы жұмыстарына сәттілік тілеп, бірқатар қызметкерлерді арнайы "Алғыс хаттармен" марапаттады.&nbsp;Мұнан соң аудандық мәдениет және тілдерді дамыту бөлімінің басшысы Болат Жолтаев сөз алып, қазақтың ұлттық өнерін дәріптеп, халықтың көңілінен шығып келе жатқан ұлт-аспаптар оркестрінің өнерпаздарына шынайы тілегін білдірді.Шығармашылық кеште ҚР мәдениет қайраткері, күйші-сазгер Орақ Баубеков, мәдениет саласының ардагері Ерпазыл Жүсіп, ҚР композиторлар одағының мүшесі, ҚР Мәдениет қайраткері Сәукен Әліш және ҚР Мәдениет саласының үздігі Арман Әуезов сынды дара тұлғалар аталған оркестрге дирижерлық етті.Көптің көңілінен шыққан әуезді кеште жиылғандар ұлттық аспаптардан төгілген күмбірлеген күйге қанық болып, ерекше көңіл күймен тарқасты.<figure class="image"><img src="https://knadmin.beoblood.kz/uploads/317751281_3531470610407194_4711253057399475364_n_02ceea5761.jpg" alt="317751281_3531470610407194_4711253057399475364_n.jpg"></figure>

Қазалыда «Мырза» ұлт-аспаптар оркестрінің шығармашылық кеші өтті

<a href="https://kyzylorda-news.kz/">Kyzylorda-news.kz.</a> Өткен аптада Қармақшы ауданына қарасты ІІІ Интернационал &nbsp;ауылдық мәдениет үйі қызметкерлерінің ұйымдастыруымен мекемелер мен шаруашылықтардың қатысуымен КСРО-ның Халық әртісі, Қазақстанның Халық қаһарманы Роза Бағланованың 100 жылдық мерейтойына арналған «Ән әлемінің падишасы» атты тақырыбында фестиваль болып өтті.ІІІ Интернационал ауылдық округі әкімі Нұрлыбек Сайымов әншінің өмірі мен еңбек жолы туралы естеліктер айтып, қатысушыларға сәттілік тілеп, ән феставалін ашып берді.Фестивальдің ашылуы да өз алдына ерекше болып, тыңдаушыларға әдемі әсер қалдырды. Роза Бағланованың қалай сахнаға келгендігі туралы пролог көрсетілді. Фестивальге әрбір мекемеден бір орындаушыдан қатысып, олар Роза Бағланованың орындауындағы тамаша әндерді шырқап, ереже бойынша екінші еркін тақырыпта өздерінің қалаған әндерін орындап өзара жарысты.Нәтижесінде әділқазылар алқасының шешімі бойынша ең үздік деп танылған қатысушы мәдениет үйінің қызметкері Гүлзира Жетпісбаеваға берілді. Қатысушылардың барлығы арнайы дипломдармен, бағалы сыйлықтар марапатталды.Ән кешінің соңында ауыл тұрғындары би билеп, естелікке суретке түсті. Шара барысында жылдар өткен сайын ерекше дарын иесіне деген халықтың сағынышы басым екендігі көрініп тұрды.Айта кетейік, Роза Бағланова қазақтың халық әндерін, замандас композиторлар әндерін, шет ел халықтарының (венгр, өзбек, қырғыз, тәжік, украин, грузин, Әзірбайжан, корей, қытай, моңғол, орыс, үнді, чех, швед, т.б.) әндерін нақышына келтіре орындаған. 1946 жылы Мәскеуде өткен бүкілодақтық эстрада әншілері 2-конкурсының дипломаты, 1949 жылы Бухаресте өткен бүкіл дүниежүзілік Жастар мен студенттердің 2-фестивалінің лауреаты. &nbsp;Еңбек Қызыл Ту, «Халықтар достығы», «Отан» ордендерімен, «Жауынгерлік ерлігі үшін» және Шапағат медалімен, «Құрмет белгісімен» марапатталған. &nbsp;<figure class="image"><img src="https://knadmin.beoblood.kz/uploads/11_ba31c9d554.jpg" alt="11.jpg"></figure>

Роза Бағланованың 100 жылдық мерейтойына арналған ән кеші өтті

&nbsp;Kyzylorda-news.kz. Астанада Қазақстан мен КСРО Халық артисі, Халық қаһарманы, әнші Роза Бағлановаға арналған Халықаралық вокалистер байқауы аяқталды. Байқауға Қазақстан, Түркия, Өзбекстан, Татарстан, Польша, Болгария, Қырғыз Республикасы және Беларусь Республикасынан 18-35 жас аралығындағы орындаушылар қатысты.12 қазан мен 20 қараша аралығында онлайн форматта өткен іріктеу кезеңі аясында 48 өтінім қабылданды. Оның қорытындысы бойынша финалдық бөлімге 21 орындаушы өтті.<blockquote>«Биыл біз бірегей тұлға және көрнекті әнші Роза Бағланованың 100 жылдығын атап өтеміз. Халық сүйіктісінің мерейтойы ЮНЕСКО-ның мерейтойлық күндер күнтізбесіне енді және оның құрметіне көптеген іс-шаралар ұйымдастырылды, соның ішінде Париж мен Мәскеу қалалары бар. Бұл тізімде вокалистер байқауы ерекше орын алады. Оны өткізу-Роза Тәжібайқызының талантын заманауи орындаушылардың мойындауының жарқын айғағы», - деді ҚР Мәдениет және спорт министрлігі Мәдениет комитеті төрағасының орынбасары Данияр Әлиев конкурсанттарды марапаттау рәсімі аясында.</blockquote>Конкурстың жеңімпазы және 2 миллион теңгелік бас жүлденің иегері Болгариядан келген әнші Славея Иванова болды.&nbsp; I орын-Батталиева Алмагүл (Қазақстан Республикасы) 750 000 теңге. I орын-Исраилов Бек (Қырғыз Республикасы) 750 000 теңге. II орын-Качмарек Михал (Польша Республикасы) 500 000 теңге. II орын-Жамбылбек Қымбат (Қазақстан Республикасы) 500 000 теңге. III орын – Жұбан Ерназар (Қазақстан Республикасы) 250 000 теңге. III орын – Бақберген Азамат (Қазақстан Республикасы) 250 000 теңге.Сондай-ақ, Роза Бағланованың ұлы Тәжен Бағланов пен Қазақстан Республикасы Қорғаныс министрлігінің эстрадалық-симфониялық оркестрінің көркемдік жетекшісі Дархан Рақымғалиев арнайы сыйлықты табыс етті.<img src="https://knadmin.beoblood.kz/uploads/FB_IMG_1670083333440_73b9cc62c2.jpg" alt="FB_IMG_1670083333440.jpg"><img src="https://knadmin.beoblood.kz/uploads/FB_IMG_1670083343629_49ed7dd3ff.jpg" alt="FB_IMG_1670083343629.jpg">

Болгария әншісі Роза Бағланова атындағы байқаудың жеңімпазы атанды

Kyzylorda-news.kz. Бүгін белгілі айтыcкер ақын, сазгер, жыршы-термеші, жерлесіміз Бекұзақ Тәңірбергеновті еске алуға арналған «Тұма жыр, сиқырлы әуен, бұлбұл – Бекұзақ» атты облыстық термешілер байқауы өтті.Аталмыш жыр додасы ақынның туған жері Шижаға ауылындағы Бекұзақ Тәңірбергенов атындағы ауылдық мәдениет үйінде ұйымдастырылды.Тағылымы мол шара ақынның балалық шағынан бастап өнер әлеміндегі өнегелі өмірін қамтыған әсерлі қойылыммен басталды.Айтыс ақтаңгерін еске алуға арналған шараға аудан әкімінің орынбасары Кете-Төлеби Бержанов қатысып, өнерпаздарға сәттілік тіледі.<blockquote>«Ерекше дарын иесі туған өлкеміздің рухани әлемінде жасындай жарқылдаған айтыстың ақтаңгері, термешімен қатар жыршылықпен де көпшілікке танылды. Жарық дүние әлемінде бар болғаны 44 жас қана өмір сүрген ағамыздың артында рухани мол мұрасы қалды. Белгілі ақынның есімін ұлықтап, рухын құрметтеп келген азаматтарға, құрметті қонақтарға ризашылығымды білдіремін. Бүгінгі жыр додасына қатысушы жыршы-термешілерге сәттілік, шалқар шабыт тілеймін» - деп ізгі лебізін білдірді.</blockquote>Мұнан кейін облыстық халық шығармашылығын дамыту және мәдени продюссерлік орталығының басшысы Жанат Құрамысова сөз алып, Б.Тәңірбергенов атындағы ауылдық мәдениет үйіне домбыра аспабын тарту етті.Төл өнерді төрге оздырған байқауда аймақтың белгілі термешілері бас қосты. Сахнада өнер көрсеткен жыр саңлақтары қос кезең бойынша бақ сынасты. Алғашқы кезеңде өнерпаздар Бекұзақ Тәңірбегеновке арналған жырларын, екінші кезеңде ақын туындыларын нақышына келтіре орындады.Байқауға республикаға белгілі жыраулар Демеубай Жолымбетов, Айбек Тәңірбергенов, Майра Сәрсенбаевалар қазылық етті.Байқаудың бас жүлдесін Қызылорда қаласынан келген өнерпаз Үкітай Ерниязов жеңіп алды. Жүлделі бірінші орынды Арал ауданынан қатысқан Абылайхан Бектасов, екінші орынды жаңақорғандық Әсем Ерболқызы иеленді. Ал жүлделі үшінші орын қармақшылық Жұлдызай Тұрлығова мен аралдық Бексұлтан Орынбасарға бұйырды. Жеңімпаздар мен жүлдегерлерге арнайы дипломдар мен сыйлықтар табысталды.<img src="https://knadmin.beoblood.kz/uploads/317244237_3429130127415349_2926240996972845498_n_23615a90e7.jpg" alt="317244237_3429130127415349_2926240996972845498_n.jpg"><img src="https://knadmin.beoblood.kz/uploads/317471815_3429130230748672_4334387804477433062_n_1dea82dbc2.jpg" alt="317471815_3429130230748672_4334387804477433062_n.jpg">

Қазақстан және Қызылорда облысының жаңалықтары: Мәдениет