<a href="https://kyzylorda-news.kz/">Kyzylorda-news.kz.</a>&nbsp; Жыл басынан бері Қызылорда облысындағы мәдениет мекемелерінде 8880 шара өткен. Бұл туралы Қызылорда облыстық мәдениет және спорт басқармасының басшысы Мира Қазбековамен сұхбат барысында белгілі болды.&nbsp;– Мира Жомартқызы, алдымен оқырманды облыстық мәдениет саласының жалпы жай-күйімен таныстырып өтсек.– Сыр мәдениетінің бүгінгі бет-бейнесі қай жерге, қай елге апарып көрсетсе де марқайып айтатындай беделге ие десем, бұл сөзімді білетін жұрт жоққа шығармайды. Облыста 400-ден аса мәдениет, өнер мекемесі халыққа қызмет көрсетіп келеді. Оның ішінде 209 кітапхана, 171 мәдениет үйі мен клуб, 14 музей, облыстық халық шығармашылығын дамыту және мәдени-продюсерлік орталығы, Н.Бекежанов атындағы қазақ академиялық музыкалық драма театры, облыстық филармония, тарихи-мәдени ескерткіштерді қорғау, т.б. мекемелер бар. Аймағымыздағы мәдениет нысандарын жаңғырту мақсатында тәуелсіздік жылдары 33 клуб, 6 музей, 1 кітапхана &nbsp;құрылысы салынып, ел игілігіне берілді. Биыл 5 ауылдық клубтың құрылысы аяқталады. Осы жылы облыс бюджетінен мәдениет мекемелерінің материалдық-техникалық жағдайын жақсартуға 670 млн теңге бөлінсе, нақтылаудан соң облыс әкімінің қолдауымен бюджет қосымша 1,1 млрд теңгемен толықты. Аймақ басшысының тікелей бастамасымен көпфункционалды 1000 орындық «Өнер» орталығы жыл соңына дейін берілгелі отыр. Өңірімізде классикалық өнерді дамыту, көрермендерге концерттерді кәсіби әрі жанды дауыста ұсыну мақсатында симфония оркестрі құрылды. Ұжымның тұсауы жаңа «Өнер» орталығында ресми кесіледі. &nbsp; &nbsp; Сонымен қатар, &nbsp;Алаштың анасы – Сыр төрінде кірпіші қаланған «Анаға тағзым» орталығы тамыз айында іске қосылады. Өнерде жүрген мүмкіндігі шектеулі өнерпаздардың шығармашылығын шыңдауға арналған Инклюзивті театр жобасы жүзеге асырылады. Адамның мүмкіндігі физикалық тұрғыдан шектеулі болса да, өнерде шектеу жоқ. Әлеуметтік көмек алушы жандардың арасында талантты жастар баршылық. 2017 жылы Санкт-Петербург қаласында өткен мүмкіндігі шектеулі балалардың «Шаг навстречу» деп аталатын халықаралық шығармашылық фестиваліне Қызылордадағы №6 есту қабілеті бұзылған балалардың арнайы мектеп-интернатынан 4 өнерпаз қатысып, ымдап ән айту мен халықтық орындау жанры бойынша жас ерекшеліктеріне қарай &nbsp;4 талапкердің барлығы да жүлделі І орынды иленіп келгені көптің есінде.– Жағымды жаңалықтар көп екен. Ал, енді жыл басынан атқарылған жұмыстар туралы айтып өтсеңіз?– Жыл басынан бері облыстың мәдениет мекемелерінде 8880 шара өткізіліп, оған 466033 адам қамтылды. Жас таланттарды табу, өнер әлеміне жаңа есімдерді шығару үшін 1 халықаралық, 4 республикалық, 11 облыстық байқау-фестиваль, жыр мүшәйралары, ақындар айтыстары ұйымдастырылды. Биыл қызылордалықтар тұңғыш рет композитор, Қазақстанның еңбек сіңірген қайраткері Кеңес Дүйсекеев атындағы «Туған жер» І халықаралық әншілер конкурсын тамашалады. Алдымен аймақтық, сосын республикалық болып ұйымдастырылған конкурс бұл жолы халықаралық дәрежеге көтеріліп, Польша, Болгария, Армения, Өзбекстан, Қырғызстан, Тәжікстан секілді бірнеше елдің өнерпаздары бақ сынады. Сонымен бірге, ұлт руханиятының көрнекті өкілі, мемлекет және қоғам қайраткері Темірбек Жүргеновтің 125 жылдығына арналған халықаралық ғылыми-тәжірибелік конференция және республикалық жыр мүшәйрасы өткізілді. Облыстық филармонияда даңқты қолбасшы Сұлтан Бейбарыстың 800 жылдығына арналған «Бабаға құрмет – тарихқа тағзым» атты танымдық концерт берілді. Сыр сахнасында Ақмола облыстық филармониясының «Гәкку» би ансамблі мен Қызылорда облыстық филармониясының «Томирис» би ансамблі бірлесіп, «Би әлемі» атты концерт берді. АҚШ-тан алғаш рет арнайы шақырылған Қазақстанның еңбек сіңірген қайраткері, халықаралық байқаулардың лауреаты, пианист Т.Ержановтың дирижерлік етуімен камералық оркестр өнер көрсетті. Н.Бекежанов атындағы қазақ академиялық музыкалық драма театрында былтыр Иран-Ғайыптың «Мәңгілік елдің алтын адамы», У.Шекспирдің «Ромео мен Джульетта», А.Ахметтің «Шырмауық» қойылымдары, биыл Ш.Айтматовтың повесі бойынша сахналанған «Жәмилә» спектакльдері мен бірқатар балалар қойылымдарының премьералары өтіп, Р.Отарбаевтың «Нарком Жүргенов», «Мұстафа Шоқай», Д.Исабековтің «Құстар фестивалі», т.б. спектальдері көрермен назарына ұсынылып келеді.– Телефонмен таласа туған бүгінгі жастар арасында кітап оқуды насихаттау ісі қалай жүргізіледі? Олар қазір компьютерде отырғандарды болашақ кітап оқығандардың басқаратынын біле ме?– Бұл – бәрімізді мазалайтын сұрақ. Дегенмен, кітап оқитын жастар да жетерлік. Облыс кітапханалары бүгінде 51463 оқырманға қызмет көрсетті. «Ұлттық рухани жаңғыру» ұлттық жобасының «Оқитын ұлт» іс-шарасы аясында кітап оқуды насихаттау және халықтың оқуға деген қызығушылығын арттыру мақсатында «Оқитын өлке» акциясы, кітап жәрмеңкесі, оқу фестивальдері, оқу марафондары, буккросингтер ұйымдастырылып, республикалық «Бір ел – бір кітап» акциясы аясында Т.Әбдіктің шығармаларын насихаттау мақсатында іс-шаралар өткізілді.&nbsp; Т.Жүргеновтің 125 жылдығына арналған «Ұлтын ардақтаған ұлтжанды тұлға» атты кең көлемді кітап көрмесі ашылып, «Ұлт мақтанышы» атты апталық, ақын, ғұлама ойшыл Ш.Құдайбердіұлының туғанына 165 жыл толуына орай облыстық «Шәкәрім оқулары» байқауы өткізілді. Сонымен қатар Ә.Тәжібаев атындағы облыстық &nbsp;әмбебап-ғылыми кітапханасында балаларды кітап оқуға қызықтыру, оқуды насихаттау үшін «Кітаппен бірге өсеміз», «Әжемнің ертегілері» атты жобалары жүзеге асырылып келеді.– Аймақ басшылығына Нұрлыбек Нәлібаев келгелі әр саладағы серпіліс секілді мәдениет саласы да мейлінше кең тыныс алғандай болды. Біз мұны облыс әкімінің «Халыққа, ұлтқа рухани пайдасы тиетін қандай жоба болса алып келіңіздер, оларға еш кедергісіз қолдау болады» деген сөзінен білеміз. Алдағы кезеңде мәдениет қызметкерлерін қандай игі шаралар күтіп тұр?– Ақиқатында аймақ басшысының мәдениет пен спортқа деген қолдауы арнайы әңгіменің тақырыбы болмақ. «Балалар жылында» облыс әкімінің тікелей ықпалымен аймағымыздың демеушілері жалпы құны 1,6 млрд теңгеге 80 спорт-ойын алаңын салып, пайдалануға берді. Таяу уақытта 7 мың адамға арналған «Қайсар» футбол командасының жаңа стадионы бой көтереді. Н.Бекежанов атындағы қазақ академиялық музыкалық драма театрының &nbsp;Алматы қаласына гастролі ұйымдастырылады. Біздің театр өнер астанасына соңғы жиырма жылда ат ізін салмаған екен. Өңірімізде тұңғыш рет «Айтыс олимпиадасы» атты облыстық жасөспірімдер айтысы өткізіледі. Бұл жөнінде облыс әкімі «Алтын домбыра» сыйлығының үш дүркін иегері Мұхтар Ниязовтың ізбасарларын дайындау бізге аманат», – деген болатын. Алдағы уақытта Қызылорда облысының 85 жылдығына арналған мерейтойлық шаралар өтеді. Мерейтой аясында бірінші рет бюджет тапсырысымен 12 &nbsp;сериялы имидждік телесериал түсіру жобасы жүзеге асырылады. Түркітілдес елдердің «Қорқыт және Ұлы дала сазы» атты халықаралық өнер фестивалі. Қаңлы Жүсіптің 150 жылдығына арналған республикалық ақындар айтысы ұйымдастырылады. Мәдениет және өнер қызметкерлері күніне арналған салтанатты шарада облыс әкімінің «Тұран» мәдениет және әдебиет өкілдеріне арналған 500 мың теңгелік қаржысы бар арнайы сыйлығы табысталды. &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp;&nbsp; Сонымен қатар, бірқатар сала қызметкерлері ҚР Мәдениет және спорт министрлігінің «Еңбек ардагері», «Мәдениет саласының үздігі» төсбелгілерімен, облыстың Құрмет грамотасы, Алғыс хаттарымен марапатталды. Айтулы шарада аймағымыздағы маңдайалды 8 өнер ұжымына 5 данадан &nbsp;40 домбыра табысталды. Берілген домбыра аспабы жергілікті қолөнер шеберіне арнайы тапсырыспен жасатылған концерттік домбыра екендігін атап өткім келеді. Барша әріптестерімді кәсіби мерекесімен құттықтаймын. Елдің рухын көтеріп жүрген оларға әрқашан амандық, шығармашылық бақыт тілеймін.– Жаңалығы көп сұхбатыңызға рахмет. &nbsp;

Жыл басынан бері облыстың мәдениет мекемелерінде 8880 шара өтті

<a href="https://kyzylorda-news.kz/">Kyzylorda-news.kz.</a> Тұрсынкүл Рахметова – Шиелі ауданына қарасты «Сұлутөбе» ауылдық округіндегі «Сұлутөбе» мәдениет үйінің директоры. &nbsp;Ол Н.Гоголь атындағы Қызылорда педагогика институтының музыка факультетін бітірген. Еңбек жолын 1982 жылы өзі туып өскен Қазалы ауданы «Құмжиек» ауылында бастайды. Онан соң Сұлутөбе ауылдық балалар музыка мектебінде мұғалім, &nbsp;№41 М.Шоқай атындағы орта мектепте музыка пәнінің мұғалімі, қалаға қарасты Бірқазан ауылындағы №145 орта мектепте педагог ұйымдастырушы, Сұлутөбе ауылдық округіне қарасты 1 Май ауылындағы №40 орта мектепте музыка пәнінің мұғалімі болып еңбек етті. 2016 жылдың тамызынан бастап Сұлутөбе ауылдық мәдениет үйінің директоры қызметіне тағайындалып, осы кезге дейін абыроймен атқарып келеді.<blockquote>&nbsp; &nbsp;Сұлутөбе ауылдық мәдениет үйі 1972 жылы типтік жобамен салынған. Ең алғашқы клуб меңгерушісі – &nbsp;Өтепберген Бекбайұлы. Бұл қызметті ауыл азаматы Темген Нұржанов деген ағамыз атқарды. 1976 жылы Алматы театрының режиссері Тынымбек Пірімжановтың ұйымдастыруымен «Қозы Көрпеш-Баян сұлу» спектаклі қойылды. Осының негізінде мәдениет үйіне «Халық театры» атағы берілді. Ал 1980 жылы С.Жүнісовтің атсалысуымен мәдениет үйі «Халық театры» атағын қайта қорғап шықты. Клуб меңгерушісі қызметін Жомарт Нарымбетов, Кеніш Піртаева, С. Жұбандықова атқарды. 2016 жылы директорлық қызметке мені тағайындады. Содан бері осы кісілердің ізін жалғап, мәдениет үйінің жұмысын дамытуға еңбек етіп келемін, – дейді Тұрсынкүл Әмірәліқызы.</blockquote>Айтпақшы, 2014 жылы мәдениет үйі Шиелі аудандық мәдениет үйінен бөлініп, Сұлутөбе ауылдық округ әкімдігіне беріліп, өз алдына мекеме болады. 2015 жылы 240 орындық ғимарат жаңадан салынып, ел игілігіне берілді. Қазір оған М.Шоқай және Жаназар батыр ауылдық клубтары қарайды.<blockquote>&nbsp;Мәдениет ошағында 7 үйірме жұмыс істейді. Атап айтсақ, «Асыл әжелер» ансамблі, «Сұлу әуен жастары» ән, «Самғау» драма, «Шабыт» би, «Саз қоңыр» атты домбыра және «Жалын» көркем сөз үйірмелері бар. Үйірме мүшелері республикалық, облыстық және аудандық деңгейдегі түрлі байқауларға, жарыстарға қатысып, жүлделі орындарды жеңіп алып, марапаттарға ие болып келеді, – дейді директор.</blockquote>Тұрсынкүл Рахметова да &nbsp;ұйымдастырушылық қабілетінің, қызметіне деген зор сүйіспеншілігінің, мәдениет ошағының жұмысын жүйелі атқару жолындағы тынымсыз еңбегінің арқасында талай марапатқа бөленіп, ел алғысын алып келеді.Ауылдық жерлердегі клубтар мен мәдениет үйлері қашаннан руханияттың, мәдениеттің ошағы саналатыны белгілі. Ендеше онда қызмет істейтін әрбір қызметкерді сол ошақтың отының өшпеуіне, ұлттық руханияттың, мәдениеттің шырағын жағуға атсалысып жүрген мәдениет шырақшылары десек &nbsp;жарасатындай. Жалпы Тұрсынкүлдей жанашырлар тұрғанда төл мәдениетіміз төрге оза бермек.&nbsp;

Тұрсынкүл Рахметова: Мәдениет үйінің жұмысын дамытуға еңбек етіп келемін

<a href="https://kyzylorda-news.kz/">Kyzylorda-news.kz.</a> 21 мамыр – мәдениет және өнер қызметкерлері күні. Бұл күн – өнерді сүйетін жандар үшін айтулы дата. Әсіресе, Сыр елінің саңлақтары осы күнді жыл сайын дәстүрден жаңылмай тойлап, өз деңгейінде атап өтеді. Өнер демекші, шежірелі Шиелінің өзінде туған жердің атын шығарып, өзгелерді өнерімен тәнті етіп жүрген небір талантты, дарынды жастар көп-ақ. Солардың бірі – Т.Жүргенов атындағы өнер академиясының түлегі, театр және өнер актеры, әнші, асаба Бекболат Әукенұлы. Біз де өзін өнерден тапқан өнерпазбен сұхбаттасып көрдік.– Бекболат, ең әуелі өзіңіз жайлы айтып өтсеңіз.&nbsp;– Сәлеметсіз бе! Бала күнімнен шығармашылыққа жақын болдым. Өнерге деген махаббат мені сол жолға алып келді. Өзім қалаған мамандық бойынша Т.Жүргенов атындағы өнер академиясын тәмамдадым. Қазіргі таңда мәдениет саласында қызмет етіп, елге өз үлесімді қосып жүрген жайым бар. Бір сөзбен айтқанда, аудандағы өнер мектептерінің бірінде жас өнерпаздарға сабақ беремін. Бұдан бөлек, асаба болып той басқарамын.– «Тектілік – қаннан берілетін қасиет». Осы тәмсілді негізге алар болсақ, сіздің де өнеріңіздің ұрпақтан ұрпаққа берілгендігін байқаймыз. Өйткені халық сізді қиын-қыстау замандарда ауданда алғашқылардың бірі болып асабалық қызмет атқарған, өнер майталманы, мәдениет саласына өзіндік үлес қосқан Әукен Әбілұлының ұлы деп біледі. Бұл қаншалықты рас?– «Халық айтса, қалт айтпайды» деген сөздің растығына тағы да көзім жетіп отыр. Иә, мен Әукен Әбілұлының баласымын. Әкем марқұм өмірінің соңына дейін өнерді жанымен сүйіп өткен жан болды. Асабалық жол – маған осы кісі арқылы берілген қасиет. Алайда қазір дамыған технологияның заманы болғандықтан, бізге той басқарудың аса қатты ауырлығы сезілмейді. Ал менің әкем адам аяғы бас¬пайтын алыс ауылдардың өзіне ауыр-ауыр музыкалық аппараттарды алып барып той басқаратын. Оны көтеріп жүрудің өзі бір бейнет еді. Сондай бейнет көрген, елге сыйлы, көпке үлгі бола білген адамның ұлы болу – мен үшін мақтаныш һәм үлкен жауапкершілік.– Өнер жолына қалай келдіңіз? Жалпы тәмамдаған мамандығыңыз бойынша жұмыс істеп немесе актерлық шеберлігіңізді шыңдап көрдіңіз бе?– Жалпы мен шығармашылыққа жақын болғаныммен өнер жолына бірден келген жоқпын. Мектепті аяқтаған соң, ең бірінші Шиелі индустриалды-аграрлық колледжіне оқуға түстім. Оқуды бітіргеннен кейін Отан алдындағы борышымды өтеу үшін әскерге барып келдім. Міне, содан соң барып қана өзім қалаған мамандыққа грантқа түстім. Бірінші курстан кейін-ақ мен көзге түсе бас¬тадым. Сөйтіп жүріп сериалдарға түстім. Бірінші курсты тәмамдауға сәл қалғанда бір айға жуық уақыт сабаққа бармай қалғаным есімде. Сабаққа баруды қойып, алаңсыз түсірілім алаңында жүретінмін. Ол аралықта мен «Өмір өзен» атты телесериалда басты рөлді сомдадым. Емтихан басталар уақытта оқытушымыз «Сен киноңа түс немесе оқуыңды оқы» деген соң, білім алуды ойлап, оқуымды әрі қарай жалғастырдым. Ал оқуды аяқтаған соң «Замандастар», «Өткінші жаңбыр» сияқты біршама киноларға түстім. Одан кейін ауданның мәртебесін асыру үшін, туған жерге келіп туымды тіктім. Қазіргі таңда өнер жолына түскісі келген жас өрендерге тәлім беріп, ұстаз әрі асаба болып жүрген жайым бар.– Енді әңгіменің ауанын той бизнеске қарай ойыстырсақ. Өзіңіз асабалықты қай кезден бастап қолға алдыңыз? Біле білсек, бұл да бір үлкен өнер. Сіз мұнымен келісесіз бе?– Асаба болып жүргеніме біраз жыл болды. Заманауи тілмен айтқанда көп адамдар асабалықты «Халтура» деп ойлайды. Мен мұнымен келіспеймін. Себебі бұл іс – кез келген адамның қолынан келе бермейтін абыройлы қызмет. 300-400 адамның алдына шығып сөз сөйлеп, 3-4 сағат бойы той басқару оңай емес. Әрине, бірден бәріне ұнау мүмкін болмасы анық. 70 процент халықтың көңілінен шықсаң да, еңбегіңнің ақталғаны. Ең бастысы қандай сала, қай іс болмасын, нәпақаны адал жолмен табу керек деп ойлаймын.&nbsp;– Асабалық өнерді өзіңіз үйрендіңіз бе әлде ұстазыңыз бар ма?– Өте орынды сұрақ. Жалпы жоғарыда айтқанымдай, асабалық әкемнен берілген қасиет. Бірақ қанда бар екен деп, екінің бірі өнерлі болып кетпейтіні анық емес пе? Менің ойымша, оған да 1 процент дарын, 99 процент еңбек керек. Мен де осы жолға келу үшін ұзақ жылдар бойы тер төктім деп ойлаймын. Ал асабалықты өзім үйренген жоқпын. Бұл жолға келуіме ұстазым Самат Сейтенов себепкер болды. Сол үшін де мен оған қарыздармын. Ол маған асабалықтың қыр-сырын ғана емес, өмір жолында біраз нәрсені үйретті. Бүгінде қандай да бір жетістікке жетіп, ел алғысын алып жатсам, ұстазымның арқасы деп білемін. Ол мен үшін – өз саласының нағыз майталманы.&nbsp;– «Той – қазақтың қазынасы» дейді халық. Бұған не дейсіз?– Орынды айтылған тәмсіл. Алайда солай екен деп той үшін қатты шығындалған да дұрыс емес. Бәрі адалынан болғаны ләзім. Қуаныштың көбейгені жақсы, әрине. Дегенмен, біз қазақ – шашылғанға шеберміз. Өзім асаба болсам да, орнымен той жасағанды құп көремін. Неге олай дейсіз ғой? Өйткені осы салада жүрген соң небір тойды басқарамыз. Керек десеңіз, қазір оны пайда үшін жасайтындар көбейген. Өздеріңіз білетіндей, тойға келу үшін жоқ дегенде бес мың теңгені қалтаға салып келу керек. Ал ұятты басты орынға қоятын халқымыз олай етсін бе? Жоқ, әрине. Кем дегенде он мың теңгенің шетін шығарып келеді. Ал той иелері 4-5 мың теңгені дастарқанымен той жасап, думандатады. Қарап тұрсаңыз, барып тұрған пайда. Шиелі халқы да тойды шамадан тыс, өте көп жасайды. Мен бір жылда бір әулеттің бес тойын басқарғаным есімде. Той иелері туылса да, басқа қылса да той жасай берген. Бұл да пайданың бір түрі емес пе?– Құпия болмаса, бір той басқарғаныңыз &nbsp;үшін қанша теңге аласыз? Еліміздің басқа да өңірлеріне асаба болып барасыз ба?– Оның құпия ештеңесі жоқ. Еліміздің басқа қалаларына асаба болып барамын. Ол жақтағы баға әртүрлі. Ал Шиеліде бәрі қолжетімді. Нақтырақ айтар болсам, Шиелідегі асабалардың барлығы бір той басқарғаны үшін 30 мың теңгеден бастап, 70 мың теңгеге дейін ғана алады. Бұл басқа жақпен салыстырғанда әлдеқайда арзан.&nbsp;– Жасыратыны жоқ, қазір тойдың да құты қашып бара жатыр. Оған дәлел– тойда көрсетілетін неше түрлі шоулар мен ойындар. Тіпті, халық кейде тойда емес, түнгі клубта жүргендей боламыз дейді. Бұл нәрсеге көзқарасыңыз қалай?– Дұрыс айтасыз. Қазір бұрынғыдай той жоқтың қасы. Кейбір адамдар тойға келгенде тіпті асабаны тыңдамай, телефон ұстап отырады. Бұл – асабаның әлсіздігі десек те, тойға қонақ болып келгендердің өзі кейде мәдениетсіздік танытып, жатады. Тілек айтып жатқанда ішіп алып боқтайтындары да, ашық-шашық билейтіндері де табылады. Неше түрлі сұмдықты көріп жүрміз. Бір жағынан той басқаратындардың өзі кейде өрескел қателіктер жіберіп жатады. Мәселен, ұятты сұрақтар қояды, керек десеңіз, қонақтарды неше түрлі ойынға шығаратындары да табылады. Бірақ біз тойды барынша көңілді, жағымды етіп өткізуге тырысамыз. Осы жолдан нәпақамды тауып отырған соң, ештеңе айта алмайын. Ең бастысы, ешкімнің көңіліне тиіп, артық қыламыз деп, тыртық қылып алмасақ болғаны.&nbsp;– Неліктен өз мамандығын бітірген әншілер, әртістер той саласына қарай бағыт алады? Әлде мәдениет саласының жалақысы көңіл көншітпей ме?&nbsp;– Мәдениет саласында жалақының аз екені жасырын емес. Бірақ қазір екі кеменің басын қатар алып жүретін заман. Сондықтан да болар, көптеген өнер адамдары әншілік пен асабалықты екінші жұмыс ретінде алып жүреді. Мәселен, менің өнерде бірге оқыған достарымның жалақысы – 60 мың мен 100 мың теңге аралығында. Бұл қаражат әрине, ештеңеге жетпейді. Сол үшін олар қолдарынан келгенді істеп, тырбанып еңбектенеді. Мен де оны құп көремін. Өнерді де тастап, бірыңғай шоу бизнеске, немесе той бизнеске кетіп қалу да дұрыс емес. Қашан да тепе-теңдік қажет. Қуанышымызға орай, жуық арада мәденит министрлігі мәдениет саласы қызметкерлерінің жалақысын жоғарылататын болыпты. Бұл жаңалық – біз үшін қуаныш. Өйткені, жалақымыз көбейсе, біз де той саласын басты орынға қоймай, еліміздің мәдениетін өркендетуге атсалысар едік!– Сұхбатыңызға рақмет!

Бекболат Әукенұлы: Шығармашылыққа жақын болғаныммен өнер жолына бірден келген жоқпын

<a href="https://kyzylorda-news.kz/">Kyzylorda-news.kz.</a> 21 мамыр – еліміздегі мәдениет және өнер қызметкерлерінің күні. Елдің рухани дамуы мен кемелденуінде ең маңызды саланың бірі де осы. Ауданның мәдениет саласы қызметкерлері де халыққа үздіксіз мағыналы дүниелерді ұсынып, салаға серпін беруде қажырлы еңбек етіп келеді.Жалағаш ауданында бүгінде 6 аудандық, 31 ауылдық мәдениет ұйымы бар. Оның ішінде 7 мәдениет үйі, 9 &nbsp;ауылдық клуб, &nbsp;18 кітапхана, &nbsp;тарихи-өлкетану музейі, руханият орталығы, Бұқарбай батыр атындағы тарихи үй кешенінің жұмысы үйлесімді деп айтуға толық негіз бар. Бұдан бөлек 4 халықтық ұжым, яғни &nbsp;«Алтын-арай», «Қызғалдақтар» халық ән-би ансамблі, «Халық» театры, «Арай» мәдени үгіт бригадасы аудан тұрғындары үшін жұмыс жасауда. Жалағаш аудандық мәдениет үйінің қызметкерлері қай жағынан алсақ та күн демей, түн демей әркез қызметке дайын екенін бойындағы өнерімен көрсетіп келеді. Жүйелі түрде атқарылып жатқан жұмыстардың ең бастыларына тоқталар болсақ, биылғы жылдың басты ерекшелігі – мемлекет және қоғам қайраткері Т.Жүргеновтің 125 жылдық мерейтойын атап өту. Қазақ мәдениетінің, руханиятының дамуына зор үлес қосқан тұлғаның есімін халық жадында сақтап, өнегелі ісін жастарға үлгі ету мақсатында «Түркі әлемінің Темірбегі» атты облыстық ақындар айтысы өткізілді.Сонымен қатар еліміздің бірегей тарихи-мәдени мұрасын, тарихи оқи¬ғалар мен ұлы тұлғаларды танымал ететін, ел мәдениеті мен ұлттық құндылықтарымызды дәріптейтін ең тиімді тәсілдердің бірі кино саласы екені белгілі. Осы ретте бұрынғы мәдениет және өнерді дамыту орталығы аудан тұрғындарына Ел тәуелсіздігінің тұғырлы көрінісін ұлықтайтын, имандылық, тәрбиелік маңызы бар қазақстандық патриотизмге үндейтін, рухани-мәдени мұраларды насихаттайтын отандық кино туындыларын үлкен экран арқылы көрсетуде кешенді жұмыстар жасады.&nbsp;Аудандағы мәдениет үйінің бір міндеті – өнерпаздардың шығармашылығын уақыт талабына сай дамытып, оның мән-мағынасына, ерекшелігіне қарай бағыт-бағдар беру, шығармашылық өнердің рөлін арттыру мақсатында жүйелі жұмыстарды жүргізу. Жас таланттарды табу, балалар мен жасөспірімдерге шығармашылық және көркем-эстетикалық білім беру бағытында Жаңаталап ауылдық клубы жанынан жаңадан 2 үйірме, яғни «Киімдерді үлгілеу, пішу және тігу», заманауи АРТ-индустрия және Қ.Қазантаев атындағы мәдениет үйі жанынан «Балдәурен» балалар драма үйірмелері ашылып, қазіргі таңда мәдениет үйлері мен клуб кәсіпорындарында барлығы 95 үйірме жұмыс жасауда.&nbsp;Осы ретте ауданда ақындар мектебі қалыптасып келе жатқанын айта кетейік, Руханият орталығы жанынан құрылған «Адырна» жас ақындар үйірмесінің мүшелері ақындар айтысында, жыр-мүшәйраларда &nbsp;жүлделі орындар иеленуде. Сондай-ақ Қ.Қазантаев атындағы мәдениет үйі жанындағы «Алтын-Арай», «Тұмар», «Эверест» би топтары мен Ақсу ауылдық клубы жанынан құрылған «Ән» үйірмесінің өнерпаздары әрдайым жеңіс тұғырынан көрінуде.Аудандық мәдениет үйі былтыр аудан мәдениетін республикалық мәдени кеңістікке ықпалдастыру, насихаттау мақсатында бірқатар жетістікке қол жеткізді. Атап айтқанда, Аққұм ауылдық кітапханасы «Рухани қазына – 2022» республикалық фестивалінде «Үздік ауылдық маңызы бар кітапхана» номинациясына ие болса, &nbsp;Қ.Қазантаев атындағы мәдениет үйінің қызметкері Руслан Бурабай «Үздік аудандық мәдениет үйі қызметкері» номинациясының жеңімпазы атанды. &nbsp;Қазіргі таңда кітапхана веб-сайтындағы «Өлкетану», «Рухани жаңғыру», «Жаңа түскен кітаптар», «Оқырмандарға қызмет көрсету анықтамалығы» парақшалары да пайдаланушылар игіліне жарап тұр.Кітапханада құрылған «English club» үйірмесі де қазір үлкен сұранысқа ие. Сонымен бірге ауылдық, аудандық, қалалық, мектептердің және жоғары оқу орын-дары кітапханалары арасында өткізілген «Jana kitaphana – 2022» республикалық онлайн байқауына Мәдениет ауылдық кітапханасы қатысып, «Заманауи кітапхана» номинациясы бойынша «Қазақстан Республикасының үздік кітапханасы» атағына ие болған. Мәдениет саласының қызметі Мемлекет басшысының Жолдауларына, «Ұлттық рухани жаңғыру» бағдарламасына негізделген. Осы бағытта іске асырылған «Шежірелі Жалағаш», «Дәстүр мен таным», «Сыр тұнған Жалағаш», кітапханаларда оқу сауаттылығын арттыру мақсатында «Оқитын өлке», «Өркениетке бастаған туған өлке», «Кітапхана және жастар», «Жүрек жылуы» жобалары бүгінде өз жалғасын табуда.&nbsp;Былтыр Балалар жылына орай арнайы бекітілген жоспарға сәйкес ауданда 38 іс-шара өткізілген. Оның ішінде «Сыйластық өлкесі», «Қоянның үйшігі» ертегілері, «Еңбектеу – менің еңбегім» атты бүлдіршіндер арасында байқау, Тілеген Бекарыстановтың «Бала батыр» ертегі-мюзиклі, «Кешкі кітапхана әлемі» атты мәдени акция және басқа да балалардың қызығушылығын арттырған ерекше іс-шаралар ұйымдастырылған болатын. Мәдениет үйлерінің көркемөнерпаздары биылдың өзінде облыстық байқаудан 23, республикалық байқаудан 7, халықаралық байқаудан 7 жүлделі орын иеленген. Осы тұста мәдениет үйі қызметкерлерінің шоқтығы биік десек, артық болмас.Мемлекет басшысының «Халық бірлігі мен жүйелі реформалар – ел өркендеуінің берік негізі» атты Қазақстан халқына Жолдауына сәйкес, елімізде жаңа мәдениетті және оның жас, дарынды өкілдерін дәріптеуге бағытталған нақты жобалар іске асырылуда. Әрине аудан мәдениеті бұл жобалардан да тыс қалмасы анық. Себебі аудан өнерпаздарының &nbsp;мәдениет пен өнердің жаңашыл бағыттарында жұмыс жасайтынына сенім мол. &nbsp;Ғасырға жуық тарихы бар Жалағаш жері – талай талантты шыңдаған шежіренің ордасы, мәдени мұраға бай киелі мекен. Қазірдің өзінде ауқымды істер мен игі баста-малар қолға алынған өңірдің дамуы, көркейіп, келбетінің артуы көрген көзге қуаныш сыйлайды. Өнер ұлттың жаны десек, сол өнер тарландары мен майталмандарының басын қосқан мәдениет саласы – руханияттың мәйегі. &nbsp;Ұлттық &nbsp;өнердің &nbsp;дамуына, өсіп келе &nbsp;жатқан &nbsp;жасампаз ұрпақтың бойына өнер мен &nbsp;рухани &nbsp;күш &nbsp;беретін бірден-бір киелі шаңырақтың бірі – Жалағаш ауданындағы Руханият орталығы. Қазіргі таңда аталған орталықты Ирина Өмірзаққызы басқарады. Жаңғырған әлемнің жаңарған келбетіне айналған Руханият орталығы 2006 жылдың шілде айынан бастап аудан халқына мәдени қызмет көрсетіп келеді. Еліміздің жарқын болашағын сомдайтын жалынды жастардың шығармашылық қабілетін шыңдау мақсатында, мәдени-көпшілік іс-шаралар, дөңгелек үстелдер, кездесулер, пікірталастар ұйымдастырып, жұмыс жасап келеді.Орталықта тәуелсіз мемлекетіміздің ұлттық идеология¬сын, халқымыздың салт-дәстүрін, салауатты өмір салтын насихаттап, жастарымызды отансүйгіштікке, қазақ¬стандық патриотизмге, ана тілімізді, дінімізді құрметтеуге, салауатты өмір салтын қалыптастыра отырып, осы мақсатты іске асыру жолында «Қазақфильм» киностудиясының ең таңдаулы озық үлгідегі көркемфильм туындылары көрсетілімін ұйымдастыру жолға қойылған. Әр күнін ән мен жырға көмкеріп, талай талантты қанаттандырған өнер ұжымында жас өнерпаздардың өнерін шыңдау мақсатында 2015 жылдан бастап балалардың рухани дүниесін байытып, эстетикалық, көркемдік, адамгершілік тәрбие беру мен ауызша сөйлеу мәдениетін қалыптастыруда шәкірттер тәрби¬леп жүрген кәсіпорынның музыкалық жетекшісі Жайна Дайрабайқызы жетекшілік жасайтын “Ізбасар” көркемсөз үйірмесі, 2019 жылдан бері кәсіпорын мәдени ұйымдастырушысы Расул Байдулла жетекшілік ететін «Жас жұлдыз» эстрадалық ән үйірмесі, хореограф Манзура Алтынбек жетекшілік ететін «Gold Star» би үйірмесі, айтыскер-ақын Мамыр Байдаулетов жетекшілік жасайтын «Адырна» жас ақындар үйірмесі, суретші Оралбек Қанибай жетекшілік жасайтын «Қылқалам» сурет үйірмесі, көркемдік жетекші Гүлшат Сәдуақасова жетекшілік жасайтын «Шебер қолдар» қолөнер үйірмесі, 2021 жылы құрылған әдіскер Шолпан Құрбанова жетекшілік жасайтын «Асыл қазына» &nbsp;ардагерлер ұжымы, мәдени ұйымдастырушы Айдын Есіркеп жетекшілік жасайтын «Қуыршақ» үйірмелері жұмыс жасауда. &nbsp;Бұл үйірмелер өнерді серік еткен әрбір жанның өнерінің шыңдалуына жағдай жасап, өнерді сүйген, өлеңді сүйген аудан тұрғындарының ыстық ұясы іспетті. Осы тұста өнер ошағының көркемөнерпаздары аудандық, облыстық, республикалық байқау-конкурстарға қатысып, жүлделі орындарды иеленіп келеді. Атап айтатын болсақ, Жалағаш ауданы әкімдігінің қолдауымен ұйымдастырылып келе жатқан дәстүрлі «Көктем нұры» облыстық мектеп оқушылары арасындағы айтыста «Адырна» жас ақындар үйірмесінің мүшелері Мейіржан Қартбай бас жүлдені, «Ақиқаттың ақыны» атты ақын-жырау Құлан Алдабергенұлының шығармашылығына арналған облыстық жас ақындар айтысында жүлделі бірінші орынды, Түркітанушы, публицист, педагог, аудармашы, қоғам қайраткері Ахмет Байтұрсыновтың туғанына 150 жыл толуына орай «Ұлттың ұлы ұстазы» атты аймақтық ақындар мүшәйрасында жүлделі екінші орынды иеленген. Қазақстан Республикасының оқу-ағарту министрлігінің ұйымдастыруымен «Ақберен» ІХ республикалық өнер байқауында Шадыман Теміршеқызы жүлделі үшінші орынды, &nbsp;Жаңақорған ауданының 95 жылдығы және Социалистік Еңбек Ері Орынбай Бидашевтың туғанына 100 жыл толуына орай өткен «Еңбегін ел таныған Еңбек ері» атты облыстық жас жазба ақындар мүшәйрасында Дидар Өмірзақ жүлделі бірінші орынды, Мемлекет және қоғам қайраткері Бердібек Сапарбаевтың 70 жасқа толуына арналған «Туған жердің тұғыры биік тұлғасы» атты облыстық жазба ақындар мүшәйрасында бас жүлдені, қазақ әдебиетінің Сыр өңіріндегі көрнекті өкілі, ақын Жүсіп Қадірбергенұлының 150 жылдығына арналған «Тарихыңды таны, тұлғаңды құрметте» атты облыстық жазба ақындар мүшәйрасында жүлделі екінші орынды иеленді.Қызылорда қаласында өткен «Мен де жұлдыз боламын» атты республикалық балалар байқауында “Gold Star” би тобы жүлделі бірінші орынды иеленіп, халықаралық байқауға жолдама алған. Қазақстан Республикасының біліктілікті арттыру, білім-ғылым және мәдениетті қолдау Ұлттық қорының ұйымдастыруымен өткен облыстық «Jasstar» бірінші балалар-жасөспірімдер конкурсының облыстық кезеңінде «Ізбасар» көркемсөз үйірмесінің мүшесі Нұрайым Бақтияр бірінші орынды иеленіп, республикалық байқауға жолдама алса, ақын Мұхтар Шахановтың 80 жылдық мерейтойына арналған «Айналайын» балалар арасындағы облыстық көркемсөз оқу шеберлерінің байқауында Дүйсенғали Жібек жүлделі үшінші орынды иеленді.Шығармашыл жастар халықаралық сайыстарда да жүлделі орындардан бой көрсетіп келеді. Байдулла Расул Мәскеу қаласында өткен «Радуга искусств» халықаралық өнер конкурсында «Эстрадалық вокал» номинациясымен бірінші дәрежелі лауреат атанған. «Нысанбай жырау бейнесі қылқалам ізімен» атты жастар арасындағы аудандық суретшілер байқауында «Қылқалам» сурет үйірмесінің жетекшісі Қанибай Оралбек бас жүлдені иеленген.

Жалағаш аудандық мәдениет үйі қажырлы еңбек етіп келеді

<a href="https://kyzylorda-news.kz/">Kyzylorda-news.kz.</a> Тәуелсіз еліміздің мәдени-рухани өркендеуіне зор үлес қосып, жас ұрпақты отансүйгіштікке тәрбиелеу, тарихымызды насихаттау, салт-дәстүрлерімізді жаңғырту, елді бірлік пен ынтымаққа шақыру жолында еңбек етіп жүрген мәдениет пен өнер саласы қызметкерлерінің қоғамдағы орны ерекше.Бүгін Қызылорда қаласының әкімі Асылбек Шәменов руханиятты дамытуға, адамгершілікті, қайырымдылық пен өзара түсіністікті өрістетуге жол ашып, үздік мәдени дәстүрлерді сақтауға және молайтуға өлшеусіз үлес қосып келе жатқан сала қызметкерлерін атаулы мерекемен құттықтады.<blockquote>«Ел Президенті Қасым-Жомарт Кемелұлы Тоқаев өз Жолдауында: «Әлеуметтік жаңғырудың жаңа кезеңіне қадам басудың бір тетігі – мәдениет қызметкерлерін қолдау» деген болатын. Расында, елдің рухани дамуы мен кемелденуі мәдениеттің қарқынды дамуымен ұштасып жатыр. Шаһардағы мәдениет және өнер қызметкерлерінің кәсіби шеберлігі мен ерекше таланты, қажыр-қайраты қаламыздың рухани кемелденуіне игі ықпалын тигізуде. Бұл ретте, мәдениет саласының дамуына үлес қосып, бүгінде арқа сүйер ақылшысы болып жүрген сала ардагерлеріне де құрметім мол», - деді Асылбек Шәменов.&nbsp;</blockquote>Сонымен қатар мәденеит және өнер саласының бірқатар үздіктеріне облыс әкімінің Алғыс хаты мен арнайы марапаттарды табыстады. Мерекелік шара бұдан әрі қала өнерпаздарының концертіне ұласып, құлақтан кіріп бойды алар тәтті әуен мен күмбірлеген күй, үйлесім тапқан ырғақты би, жарасымды әзіл-сықақ қойылымдары жиылған жұртшылықты ерекше әсерге бөледі.Мәдениет пен өнер – әр халықтың дүниетанымын, рухани байлығын, тыныс-тіршілігін тұтас жинақтайтын егіз ұғым. Сондықтан «мылтықсыз майданның» майталмандарына деген құрмет ешуақытта ортаймайды.

Асылбек Шәменов мәдениет және өнер қызметкерлеріне құрмет көрсетті

<a href="https://kyzylorda-news.kz/">Kyzylorda-news.kz.</a> Қасиетті Қызылқұм бөктерінен талай талант түлеп ұшқаны көпке аян. Бүгінде Іңкәрдария ауылында мәдениет саласы бойынша жоспарға сәйкес, жүйелі жұмыс жүргізілуде. Аудандық мәдениет үйінің әдістемелік бөлімінің бастамасымен, ауылдық клуб үйінің ұйымдастыруымен &nbsp;аптаның сәрсенбісінде «Үйірме – өнерге бастар жол» тақырыбында аудандық семинар өткізілді. Аталған іс-шараға мәдениет саласының мамандары қатысты.Аудандық семинардың қатысушылары ең алдымен ауылдық клуб үйі жанынан ашылған үйірмелер жұмысымен танысты. Бірнеше жыл бұрын пайдалануға берілген ауылдық клуб үйінің ұжымын қырық жылдан аса тәжірибесі бар Зағира Ахметова басқарады. Қазіргі уақытта мәдениет ошағында &nbsp;«Ән жанры», &nbsp;«Драма», &nbsp;қолөнер және суретті қамтитын «Бейнелеу өнері» үйірмесі жұмыс жасайды. Сонымен қатар, «Сұлу-ай» шығармашылық өнер орталығы арқылы «Домбыра», «Баян», «Ұлттық би», «Хор», «Көркем оқу» үйірмесі ашылған. Әрбір үйірменің бағыт-бағдарын таныстырған ауылдық клуб үйінің әдіскері Әйкерім Жұмабекова жыл көлемінде қол жеткізген жетістіктерге тоқталды.&nbsp;<blockquote>&nbsp;Тарихы тереңде жатқан Іңкәрдария ауылында өнерлі өрендеріміз жеткілікті. Осы күні үйірме жұмысы жолға қойылып, балалардың шығармашылығын, қабілетін дамытуға барымызды салып келеміз. Осы кезге дейін шәкірттеріміз халықаралық және республикалық байқаулардан жеңімпаз атанып үлгірді. Аудан орталығынан шалғайда орналасқан ауылымыздан талантты, өнерлі шәкірттер көптен шығады деп сенеміз, – деді Айкерім Жұмабекова.&nbsp;</blockquote>Мәдениет саласының мамандарының тәжірибе алмасу мақсатында жүзеге асқан семинар барысында аудандық мәдениет үйінің әдіскері Гаухар Сәрсенбаева біршама әдестемелік жұмыстарды саралады.&nbsp;<blockquote>Біз дәстүрлі түрде аудандық семинарды әрбір ауылда ұйымдастырып келеміз. Осы жолы өзара іс-тәжірибемізбен бөлісу бағытында бас қосып отырымыз. 2023 жылдың 4 айында жақсы жетістіктерге қол жеткізген әріптестеріміз бар. Оларға кәсіпорын басшысының «Алғас хатын» тапсырдық. Жүйелі жоспар мен жұмыстың нәтижесін саралай келе, бір-бірімізге баға беріп отырамыз. Бүгінгі Іңкәрдария ауылындағы үйірме жұмысын танысып, материалдық базаға, балалардың шығармашылық әлеуетіне көңіліміз толды, – деді Гаухар Сәрсенбаева.&nbsp;</blockquote>Иә, расында &nbsp;«21 мамыр – Қазақстанда мәдениет және өнер қызметкерлерінің күні» кәсіби мерекесін атап өтетін сала мамандарының қызмет бағыты – сан алуан. Күндіз-түні демалыссыз қызмет ететін мәдениет саласының мамандары бар мақтауға лайықты. Осы ретте, аудандық мәдениет үйінің әдіскері Ақбота Талғатова аталған сала бойынша атқарылған жұмыстар жөнінде баяндама жасады.<blockquote>&nbsp;Мәдениет – адамзатты тұлға деңгейінде қалыптастыратын негізгі құрал болса, өнер – мәдениеттің алтын қазынасы. Қашан да мәдениеттің мәйегі &nbsp;– мәдениет үйі екені белгілі. Бұлбұл дауысты әнші де, мың бұралған биші де, ақиық ақын да, құдіретті күйші де, тіпті танымал әртіс пен режиссер да осы мәдениет үйлерінің киелі сахнасынан шығады. &nbsp;Осындай қиын да, қызықты саланың тізгінін ұстап, халық шығармашылығын дамыту мен ұлттық өнерімізді насихаттауда халыққа қалтқысыз қызмет көрсететін мәдениет ошақтары болып табылады. 2022 жылы Сырдария ауданы бойынша мәдениет үйлері мен клуб кәсіпорындары жанында &nbsp;97 үйірме жұмыс жасап, оған &nbsp;1275 өнерпаз тартылған. Бүгінде Сырдария ауданы бойынша мәдениет үйлері мен клуб кәсіпорындары жанында барлығы 101 үйірме жұмыс жасап, оған 1303 өнерпаз қамтылған. Оның ішінде, 14 халықтық атағы бар ұжым, 1 вокалды аспапты ансамблі, 1 ұлт аспаптар оркестрі, 1 үгіт бригада, 2 халық театры, 3 би тобы, 2 отбасылық ансамблі, 1 әзіл-сықақ отауы, 3 әжелер ансамблі, 16 ән үйірмесі, 7 драма үйірмесі, 9 домбыра үйірмесі, 11 би үйірмесі, 3 вокалды аспапты ансамблі, 1 этно рок ансамблі, 1 халықтық ұлт аспаптар оркестрі, 2 халықтық отбасылық ансамбль, 2 халық театры, 3 мәдени үгіт бригадасы, 15 көркемсөз үйірмесі, 10 әжелер &nbsp;ансамблі, 2 ардагерлер үйірмесі, 2 әзіл-сықақ отауы, 4 қолөнер үйірмесі, 3 жазба ақындар үйірмесі, 1 қобыз үйірмесі, 1 жыр-терме үйірмесі, 3 сурет үйірмесі, 1 дәстүрлі ән, 1 фото-видео үйірмесі, 1 квн үйірмесі, 1 флейта үйірмесі, 1 келіндер ансамбль халыққа мәдени қызмет көрсетеді. Мәдениет үйлері мен клуб кәсіпорындары жанынан жаңадан үйірмелер қосылып және өзгерген үйірмелер бар. Жаңадан ашылған үйірмелер қатарында аудандық мәдениет үйі жанынан «Домбыра» үйірмесі, Тереңөзек кенті клубы жанынан «Би» үйірмесі, Бесарық ауылдық мәдениет үйінде «Шырайлы» &nbsp;келіндер ансамблі, Аманкелді ауылдық мәдениет үйі жанынан &nbsp;«ВлокФлейта», «Фото-видео», «Жайдарман», «Үгіт бригада» үйірмесі бар екенін айта кетейін, – деді Ақбота Талғатова.&nbsp;</blockquote>&nbsp;Өз кезегінде Іңкәрдария ауылдық клуб үйі жанынан ашылған үйірме өнерпаздары көпшілікке концерттік бағдарлама ұсынды. Кеште &nbsp;қазақ зиялы қауымының көрнекті өкілі Темірбек Жүргеновтің 125 жылдығына орай, «Драма» үйірмесінің &nbsp;мүшелері «Нарком Жүргенов» қойылымын сахналады. Сонымен бірге «Ән» және «Ұлттық» би үйірмесінің шәкірттері ән шырқап, би биледі.<blockquote>&nbsp;Ауыл мәдениетін жандандыру үшін біршама жұмыстар жүргізіп келеміз. Негізінен, мәдениет саласының сан алуан бағыты бойынша әрбір маманға зор жауапкершілік жүктеледі. Біз қашанда раухани, идеологиялық іс-шараларды жүргізуге мүдделіміз. Ауылдағы кез келген баланың ерекше қабілетіне мән беріп, әлеуеті жоғары байқауларға дайындаймыз. Бүгін ұйымдастырылып отырған семинар барысында сала мамандары өзара тәжірибе алмасса, құба-құп. Біз үйірме жұмысын түрлендіруге, ауыл атын шығаруға өз үлесімізді қосамыз. Алдағы кәсіби мерекемен әріптестерімді құттықтаймын, – деді ауылдық клуб үйінің директоры Зағира Ахметова. &nbsp;&nbsp; &nbsp;</blockquote>

Мәдениет пен өнерді ұштастырған

<a href="https://kyzylorda-news.kz/">Kyzylorda-news.kz.</a> Мәдениет және өнер қызметкерлерінің төл мерекесі қарсаңында қалалық мәдениет және спорт бөлімінің басшысы Жағыпар Тажмахановпен сұхбаттасқан едік.– Жағыпар Айтбайұлы, Сыр бойы – төл өнердің туын тіккен қасиетті өңір. &nbsp;Өзіңіз бас шаһардың мәдениет бөлімінің тізгінін ұстағаныңызға да бір жыл болып қалды. Осы орайда қаланың мәдени өміріндегі жаңалықтарды айта кетсеңіз?– Биылғы жылдың басты жаңалығының бірі қала әкімінің 2022 жылғы 26 жел-тоқсандағы №1509 қаулысы негізінде «Қызылорда қаласының мәдениет және тілдерді дамыту бөлімі» коммуналдық мемлекеттік мекемесіне Қызылорда қаласы әкімдігінің «Қызылорда қаласының дене шынықтыру және спорт бөлімі» коммуналдық мемлекеттік мекемесіне қосып, жолымен Қызылорда қаласы әкімдігінің «Қызылорда қаласының мәдениет және спорт бөлімі» болып қайта құрылуы.Сонымен қатар Қызылорда қаласына қарасты Талсуат және Қарауылтөбе ауылдық округінде «Ауыл ел бесігі» бағдарламасы аясында типтік жобадағы 150 орындық ауылдық клуб ғимаратының &nbsp;құрылысы жүргізілді.– Біздің өңір ана тілін ардақтайтын, салт-дәстүрін салмақтайтын мекен деп жиі айтылады. &nbsp;Осы бағыттағы сіздің &nbsp;пікіріңіз қандай?– Бөлімнің негізгі міндеттерінің бірі – мемлекеттік тілдің мәртебесін көтеру, насихаттау және дамыту. Тілдерді дамыту мен қолданудың 2020-2025 жылдарға арналған мемлекеттік бағдарламасын жүзеге асыру мақсатында бірқатар шаралар атқарылуда.Қызылорда қаласында мемлекеттік тілдің мәртебесі жыл өткен сайын артып, мекемелерде іс-қағаз мемлекеттік тілде жүргізіліп келеді. Бөлім тарапынан қала әкімдігіне қарасты мемлекеттік мекемелердің құжат айналымының мемлекеттік тілде жүргізілуіне ай сайын тұрақты түрде зерделеу жүргізіледі. 2022 жылдың қорытындысы бойынша және 2023 жылдың І тоқсанында жүргізілген зерделеу барысында құжат айналымының мемлекеттік тілде қолданылуы толығымен &nbsp; 100 пайызға жеткен.2022 жылы бөлім мамандарының қатысуымен қала көшелеріндегі сыртқы көрнекі ақпараттың орналасу заңдылығына мән беріліп, сауда орталығы мен дүкендердегі, дәмхана мен сұлулық &nbsp;салонындағы атаулардың, олардың кіреберісінде ілінген жарнаманың заң талабына сай орындалуын қадағалау мақсатында мониторинг жүргізілді. Зерделеу барысында нысандар мен дәмханаларға, мекемелер мен кәсіп иелеріне маңдайша жазуларының, басқа да көрнекі ақпараттың мәтінін жазу және орналастырудың үлгісі таратылып, 278 нысанға түсіндірме жұмысы жүргізілді. 92 нысанның жарнамасы қайта өзгертіліп, кемшілік жойылды.Мемлекеттік тілдің қолданыс аясын кеңейту мақсатында «Халықаралық «Қазақ тілі» қоғамы» қоғамдық бірлестігінің Қызылорда облыстық филиалы мен «Қызылорда автобус паркі» ЖШС арасында мемлекеттік тілді кеңінен қолданудағы өзара іс-қимыл мен әріптестік жайлы үш жылдық меморандумға қол қойылды. Онда қалаішілік қоғамдық көлік қызметкерлерінің аялдаманы қазақ тілінде атауға, тәрбиелік мәні бар нақыл сөздің ілінуіне, қоғамдық көлікте ұлттық нақыштағы ән мен күй және «Қазақ радиосы» арнасынан берілетін хабар қойылып, ана тілдің мәртебесін арттыру мақсатындағы шара бекітілді. Бүгінде меморандумның орындалуын қадағалау мақсатында рейд жүргізілуде.&nbsp;– Мәдениет пен өркениет егіз болғанымен, бірге өмір сүре алмайды деген пікір бар. Адамзат өркениетке қадам басқан сайын мәдениет жұтылады дейді. Шығармашылық адамы, мәдениет саласының маманы ретінде бұған не айтасыз? Жаһандану дәуіріне ұлттық құндылығымызбен бірге енудің жолы қандай?– Өркениетке қадам басқан сайын мәдениет жұтылады деген пікірмен келіспеймін. Жаһандану мәселесі көтерілген сайын ұлттық құндылықтарға, өнерге, мәдениетке, тілге аса ден қойылып келеді. Әлбетте, жыл өткен сайын мәдениеттің тамырын ұлттық құндылықпен байланыстырып, олардың шығу тегін зерттеуге деген қызығушылық артып келеді. Бұл бағытта, ұлттық бірегейлікті сақтап қалудың ең ұтымды жолы – жас ұрпақтың бойында ұлттық руханилықты дамыта отырып, мәдени-эстетикалық тәрбие беру мақсатында жұмыс жүргізілуде.&nbsp;Ол үшін ұлттық мақтаныштың кешегі тарихи тұғырларымен бірге бүгінгі тіректері де болуы шарт. Санамызды, мәдени келбетімізді қалыптастыруға тікелей әсер ететін көшеден, теледидардан күнделікті сан мың рет көретін өзге тілдердегі шетелдік жарнама, телехабар, фильм, жаңалық &nbsp;әуелгі ұлттық келбетімізді өзгертуде. Десек те кейінгі жас буын, яғни, жаһандану дәуірі &nbsp;өкілдерінің адамзат мүддесін көздейтін мәде-ниетті қабылдамауы мүмкін емес. Біз осындай сындарлы көзқарас ұстану арқылы мәдениеттің дұрыс бағытта дамуына ықпал ете аламыз. Өйткені өткен ғасырдың тыныс-тіршілігінен де, оның озық мәдениетінен де оқшауланбай, мұның бәрі заңды құбылыс екенін түйсіне отырып, креативтік көзқараспен қоғам мүддесіне сай тұсын қабылдап, заманауи тұрғыда ұсынып келеміз.– Ана тілімізді насихаттауда қандай жұмыстар қолға алынуда?«Қазақ тіліне реформа, тіпті қажет десеңіздер, тілімізді жаңғырту қажет. Ғалымдарымыздың салмақты пікірін күтеміз. Тағы да қайталап айтамын, біз нақты қазақ тілін реформалаймыз. Мұндай ұлтымыз үшін тағдыршешті мәселеде науқаншылдыққа және жеңілтектікке жол беруге болмайды», – деді Президент Қасым-Жомарт Тоқаев. Қазіргі уақытта республика көлемінде 2023-2029 жылдарға арналған тіл саясаты тұжырымдамасы дайындалуда. Осы себепті латын әліпбиімен жұмыс жасау тоқтатылып, тіл саясаты жөнінде бекітілген тұжырымдама нұсқасы күтілуде. Жыл көлемінде мемлекеттік тілге байланысты мәдени шараларды жүргізуге 2 млн 458 мың теңге қаржы бөлінген.Айта кету қажет, биылғы жылдан бастап облыстық қоғамдық даму басқармасы арқылы «Körneki» жобасы іске асырылуда. Анығын айтқанда, қала аумағында орналасқан орта және шағын кәсіпкерлік нысандарындағы көрнекі ақпараттарының «Тіл туралы» Заңының 21-бабына сәйкестігі зерделеніп, кемшілік анықталған нысан иелеріне түсіндіру жұмысын жүргізу мақсатында «Korneki» әлеуметтік жобасы іске қосылды.&nbsp;Қызылорда облысының қоғамдық даму басқармасының тапсырысы шеңберінде жыл соңына дейін 30 көшенің бойында орналасқан кәсіпкерлік нысанға мониторинг жұмысын жүргізу жоспарланған.«Көрнекі» жобасының аясында құрылған мониторинг тобының құрамында Қызылорда облысының қоғамдық даму басқармасына қарасты Тілдерді дамыту және ономастика бөлімі, «Тілдерді оқыту орталығы» КММ, қалалық мәдениет және спорт бөлімінің мамандары және &nbsp;арнайы дайындықтан өткен «Таза тіл» еріктілер тобы бар. Рейд барысында көше бойындағы халыққа қызмет көрсету орындары, сауда орталығы мен басқа да жеке кәсіп нысанындағы жарнама мен көрнекі ақпараттағы тіл нормасының сақталуы, мемлекеттік тілдің қолданылуы зерделенеді.Сәуір айының қорытындысына сәйкес 5 көше, &nbsp;216 көрнекі ақпарат пен жарнама зерделеніп, 51 кемшілік анықталды. Анықталған кемшілік бойынша түсіндіру жұмысы жүргізіліп, кәсіпкерлерге әдістемелік көмек көрсетілді.– «Сыр елі – жыр елі» екені белгілі. Талантты балаларға қандай қолдау көрсетілуде?– Талантты, дарынды балалардың шығармашылығын дамыту үйірме жетекшілерінің тынымсыз еңбектеріне байланысты. Бұл ретте біздегі үйірме жетекшілерінің басым көпшілігі жастар және барлығы дерлік талантты өнерпаз, іскер ұйымдастырушы.Жалпы, мәдениетке шын берілген адамдар ғана келеді. Шара кезінде сахнада жарқырап тұрғанымен, сахна сыртындағы мылтықсыз майданды көп адам біле бермейді. Білмеген соң сырт көзге бәрі оңай болып көрінуі мүмкін. Жұмысқа келген жас маманның қала мәдениетіндегі орны ерекше. Саланың ыстық-суығына, қызығы мен шыжығына төзіп, аз айлықпен ұлтқа қызмет етіп жүрген қыз-жігіттердің ұжыммен, үйірме мүшелерімен жұмыс жасауына көңілім толады. Бүгінгі жас буынды қала мәдениетінің болашағы деп сеніммен айта аламын.– Мәдениет саласының қызметкерлерінің &nbsp;әлеуметтік жағдайы қалай?– Мемлекет басшысы Қасым-Жомарт Тоқаев халыққа арнаған жолдауында мәдениет саласында жұмыс істейтін азаматтардың жалақысы 2021 жылдан бастап 2025 жылға дейін 100 пайызға жететіндігін айтқан еді.&nbsp;Президент тапсырмасына сәйкес биыл мәдениет қызметкерлерінің &nbsp;жалақысы көбейіп, міндетті әлеуметтік жеңілдіктер берілетін болды. Әрине, бұл мәдениет саласына үлкен серпін болды, қызметкерлердің де көңіл-күйі көтеріліп, жұмысқа деген құлшынысы артқаны байқалды.&nbsp;Сонымен қатар мәдениет саласының қызметкерлерінің &nbsp;әлеуметтік жағдайын арттыру мақсатында «Қалалық мәдениет үйлер, клубтар және халықтық ұжымдар» мемлекеттік қазыналық коммуналдық кәсіпорынның 3 жас қызметкері &nbsp;бүгінде &nbsp;тұрғын үймен қамтамасыз етілді.– Мәдени ошақтар мен кітапхана, музей жұмысы туралы айта кетсеңіз?– Қала бойынша 2 қалалық, 1 кенттік мәдениет үйлері және 1 қалалық, 1 кенттік клуб болса ауылдық округтерге қарасты 3 ауылдық мәдениет үйі мен 4 ауылдық клуб халыққа қызмет көрсетуде.2023 жылдың 4 айында 204 мәдени-көпшілік іс-шара өткізіліп, оған 42597 көрермен тартылған. Оның ішінде онлайн форматта өткізілген мәдени іс-шара екеуді құраса, қаралым саны– 103. Қалалық орталықтандырылған кітапхана жүйесіне қарасты 21 кітапхана бар. &nbsp;Оның ішінде 11-і қалалық, 2-і балалар кітапханасы, 8 – ауыл тұрғындарына &nbsp;қызмет көрсетуде. Жыл басынан бастап 185 мәдени шара атқарылды. Оған 5547 адам қатысты. Сонымен қатар Қызылорда қаласының мәдениет және тілдерді дамыту бөлімінің «Қызылорда қаласының тарихи музейі» коммуналдық мемлекеттік мекемесі құрылды. 2020 жылдың 22 маусымында &nbsp;Қызылорда қаласының әкімдігінің қаулысымен, Қызылорда қаласының мәдениет және тілдерді дамыту бөлімінің «Қызылорда қаласының тарихы музейі» коммуналдық мемлекеттік қазыналық кәсіпорны болып қайта құрылды.Қазіргі таңда музей қорында 1000-ға жуық экспонат бар. Экспозицияда орналасқан – 796. Оның &nbsp;287-і негізгі қор, 509 көмекші қор.– Мерейлі мерекеге тілегіңіз?– Барша мәдениет саласында жүрген әріптестерім мен ардагерлерді 21 мамыр – мәдениет және өнер қызметкерлерінің кәсіби мерекесімен құттықтаймын!Өнер мен мәдениет – егіз ұғым, бұл бағыттағы әр қадам игілікті. Осы салада аянбай еңбек етіп, халықтың ыстық ықыласына бөленіп жүрген сала қызметкерлеріне алғысым шексіз.– Сұхбатыңызға &nbsp;рахмет!

Жағыпар Тәжмаханов: Мәдениет саласына шын берілген адамдар ғана келеді

<a href="https://kyzylorda-news.kz/">Kyzylorda-news.kz.</a> 18 мамыр – халықаралық музейлер күніне орай, Қызылорда қаласының тарихы мұражайында тағылымды шара ұйымдастырылды. Рухани кешке арнайы барған қала әкімінің орынбасары Жанмұрат Сейілов музей қызметкерлерін төл мерекесімен құттықтап, бірқатар сала үздіктеріне шаһар басшысы Асылбек Шаменовтың алғыс хатын табыс етті.<blockquote>«Бүгінгі мереке баршамызға ұрпақтар сабақтастығын нығайта отырып, ұлттың тарихи және мәдени мұрасына терең құрметпен қарауды ұғындырады. Себебі, мұнсыз кез-келген қоғамның табысты дамуы мүмкін емес. Дәл осы мерейлі сәтте руханият ордасы – музейдің заман ағымына сай ілгерілеуіне күш салып, қастерлі қызметті ғұмырымен байланыстырған мамандарға шынайы алғысымды білдіремін»-деді Жанмұрат Сейілов.</blockquote>Расында, мемлекеттің өткені мен бүгінгі тарихын жалғастыруда музей ісінің алатын орны ерекше. Бұл ретте, ғасырлар қойнауынан сыр шертетін тарихи құндылықтарымызды, баға жетпес жәдігерлерімізді, мәдени ескерткіштерді көздің қарашығындай сақтап, асыл мұраларды ұрпаққа аманаттау жолында музей қызметкерлерінің ұлттық мәдениетіміздің өркендеуіне қосып жатқан үлестері өлшеусіз. Мерекеге арналған рухани кеште спорттық және интеллектуалдық ойындар ойнатылып, қала өнерпаздары әннен шашу шашты.Тағылымды шара соңында жиылған қауым «Музейге сый» акциясы аясында мұражай қорына тапсырылған жәдігерлерден дайындалған көрмені тамашалап, жақсы әсермен тарқасты.

Қызылордалықтар музей күнін атап өтті

<a href="https://kyzylorda-news.kz/">Kyzylorda-news.kz.</a> Бүгін Сыр топырағында туып, өнерімен талайды мойындатқан талант иесі, Қазақстанның еңбек сіңірген қайраткері, әнші-композитор Батырхан Шөкеновті еске алу шарасы өтті.Батырдың атындағы саябақта өткен шараға әншінің анасы, бауырлары, қала әкімінің орынбасары Жанмұрат Жақсымұратұлы, зиялы қауым өкілдері, қала тұрғындары және тыңдармандары қатысып, ескерткішіне гүл шоқтарын қойды.&nbsp;Айта кету керек, 2018 жылдың 18 мамырында Батырдың туған күніне орай қала орталығындағы саябаққа есімі беріліп, ескерткіші орнатылған болатын. Содан бері саябақ аумағында жаңадан ағаштар отырғызылып, әсем гүлдермен көмкерілді. Бүгінде арнайы орнатылған дыбыс күшейткіш колонкаларда талантты жерлесіміздің әндері шырқалып, қала тұрғындарына мәдени демалыс сыйлап келеді.Қазақстанның әйгілі эстрада әншісі, композитор Батырхан Қамалұлы Шүкенов 61 жыл бұрын Қызылорда облысында дүниеге келді. Құрманғазы атындағы Алматы консерваториясын бітіріп, 1982 жылдан Роза Рымбаеваны сүйемелдейтін «Арай» тобына кірді.1987 жылы «Алматы» тобын құрды. Кейіннен ол «Алматы-Студио» тобы болып қайта құрылды.1989 жылы өзінің атақты «Джулия» деп аталатын хитын жазды. Осы жылы «А-Студио» Алла Пугачеваның «Рождестволық кештер» әш кешіне қатысқаннан кейін ансамбль атағы бұрынғы Совет одағы аумағында танымал болды.Әнші 2002 жылы Қазақстанға оралып, өзінің алғашқы «Отан ана» атты жеке альбомын шығарды.2007 жылы ҚР Президенті Нұрсұлтан Назарбаевтың мәдениет жөніндегі кеңесшісі болды.2009 жылы ЮНИСЕФ ерікті елшісі, 2010 жылы Алматыдағы қайырымдылық балы комитетінің құрметті мүшесі болды.Батырхан Шүкенов 53 жасқа қараған жасында Мәскеу қаласында жүрек талмасынан қайтыс болды. Марқұм Алматыда жерленді.

Қызылордада Батырхан Шөкеновті еске алу кеші өтті

Сырдарияда 58 тарихи-мәдени ескерткіш мемлекет қорғауына алынған

<a href="https://kyzylorda-news.kz/">Kyzylorda-news.kz.</a>&nbsp; Қазақ әдебиетінің Сыр өңіріндегі көрнекті өкілі, ақын Қаңлы Жүсіптің 150 жылдығына орай облыстық деңгейде жазба ақындар мүшәйрасы өткізілді. А.Тоқмағамбетов ауылында ұйымдастырылған мүшәйраны аудандық мәдениет және спорт бөлімінің, ауыл әкімдігінің қолдауымен ауылдық мәдениет үйі өткізген еді.Мүшәйраға Қызылорда қаласы мен аудандардан барлығы 11 ақын қатысып, бақ сынады. Ереже шартына сәйкес талапкерлер бірінші кезеңде Қаңлы Жүсіпке арнау өлең оқыса, екінші кезеңде еркін тақырыпта жырға шөліркеген жұртшылыққа өлеңнен шашу шаша білді. Мүшәйраның ұйымдастырылу барысында ауыл әкімі Ғ.Алданазаров ақындарға ауылдың тарихын және ауылдан шыққан тарихи тұлғаларды таныстырған болатын.<blockquote>Ауылымыздың тарихы тереңде. Біздің ауылда атақты тұлғалар көп шыққаны белгілі. Солардың бірі де бірегейі Қаңлы Жүсіп Қадірбергенұлы сонау 1873 жылы Майлықұм табанында дүниеге келген. Ол жәй ақын ғана емес, Сыр бойындағы шайырлық мектептің көрнекті өкілдерінің бірі бола білген. Ел арасында «Қаңлы Жүсіп», «Молла Жүсіп» деген есімдері қатар айтылған. Алғашқыда ауыл молдасы Темір қожа деген кісіден хат танып, әрі қарай өз бетінше мұсылманша және орысша сауатын жетілдірген. 14-15 жасқа қараған шағында ақындығымен халыққа таныла бастаған. Біраз уақыт биге атқосшы, болысқа тілмаш болып еңбек еткен. Кеңес өкіметі тұсында Тереңөзек қыстағының сотында хатшылық қызмет атқарған деген де дерек бар. Биыл ақынның 150 жылдығына орай облыстық деңгейде мүшәйра өткізуді жоспарладық. Ауылымызға келген ақындарға айтар алғысымыз шексіз. Баршаңызға шығармашылық сәттілік тілеймін, – деді ауыл әкімі Ғабдолла Рүстембекұлы.</blockquote>Мұнан соң 11 ақын сахна төріне көтеріліп, кезек-кезегімен өлең оқыды. Бірі Қаңлы Жүсіптің ақындығын, екіншісі сөзшеңдігін жырға арқау етсе, енді бірі жазған-қисса дастарын, мысалдарын өлең тілінде өрнектеді. Талапкерлердің өнерін, өлеңін ақын, «Құрмет» орденінің иегері Мамыр Байдәулетов бастаған ақын, Қазақстан Жазушылар одағының мүшесі Ақтөре Ибрагимұлы мен №135 А.Тоқмағамбетов атындағы орта мектебінің қазақ тілі мен әдебиеті пәнінің мұғалімі &nbsp;Гүлнар Тәжімұратова бағалады. Нәтижесінде бес ақынға, атап айтқанда Гүлзада Есмаханова, Жасұлан Серік, Бекжан Нұрман, Бексұлтан Санақұл, Ермахан Нұртуғанға ынталандыру сыйлығы берілді. Ал жүлделі үшінші орынды Бекжан Ержігіт пен Ұлықбек Бектай иеленді. Қазылар алқасының ұйғарымымен екінші орын екеу болып, Ақерке Балманова мен Дидар Өмірзаққа берілді. Бірінші орынды А.Тоқмағамбетов ауылының атынан қатысқан Гүлзат Қалыбек еншілесе, бас жүлдемен Бақтөре Айтбаев марапатталғандығын айта кетейін.Жыр бәйгесінің қорытындысында ақын, «Құрмет» орденінің иегері Мамыр Байдәулетов пен ақын, Қазақстан Жазушылар одағының мүшесі Ақтөре Ибрагимұлы сөз сөйлеп, қазылар алқасының қарауына ұсынылған өлеңдерді талдап, ақыл-кеңестерін айта білді. Сонымен қатар Қаңлы Жүсіп поэзиясындағы әлеуметтік сарын жөнінде пікір білдіріп, мүшәйраны ұйымдастырушыларға алғыс айтты. Мұнаң соң ауылға арнайы келген ақындар А.Тоқмағамбетовтің музейімен танысты. Ауылдық мәдениет үйінің директоры Ә.Ибраева ауыл халқына көрсетіліп жатқан мәдени қызметтер жөнінде ақпарат беріп, жетістіктерімен бөлісті, сондай-ақ алдағы уақытта да жыр мүшәйралары өткізілетінін айтып берді.Айта кету керек, Қ.Жүсіптің «Замана түріне», «1916 жыл» атты толғауларында орыс отаршылдығын әшкерелеу мен ұлт бірлігін насихаттау көрініс тапса, «Әлди-ай» әуенімен айтылатын «Оспанбайдың қызы едім, мен Зылиха» өлеңінде және «Жүкті қыз», «Ана мен бала» хикаяттарында әйел теңдігі мәселесі көтерілген. Ақынның «Мағрупа қыз», «Мәрді Салық», «Ағайынды үш жігіт», «Әбірһаттың бастан кешкендері», «Түлкі, қасқыр һәм қой» атты қисса, дастан, мысалдары шығыстық үлгіде жазылған. Жұмбақ айтыстың шебері болған Қаңлы Жүсіп өз заманында Қарасақал Ерімбетпен, керейт Даңмұрынмен, Нақып қожамен, Шәкей салмен, Бермағанбетпен айтысқан, ол айтыстардың жазбаша нұсқалары сақталған. Ақын өмірі мен шығармашылығын зерттеген ғалымдар Е.Ысмайылов, М.Байділдаевтың еңбектерінде оның Кете Жүсіппен жазба айтысы 8 жылға созылған деген де дерек бар екенін еске салайық. &nbsp;

Тарихи тұлғаның есімі ұлықталды

<a href="https://kyzylorda-news.kz/">Kyzylorda-news.kz.</a> Ел тарихының құнды деректері мен ұлтымыздың санғасырлық тіршілік қалыбын айқындайтын жәдігерлер музейлер қорында сақталған. Байыптап қарасаң, әрбір бұйым өз алдына сыр шертеді.Мамыр айының 18-і – Халықаралық музей күні. Осыған орай облыстық тарихи-өлкетану музейінің директоры Сапар Көзейбаевпен сұхбат әзірлеген едік.– Сапар Әлиасқарұлы, төл мереке құтты болсын! Жалпы облыста қанша музей бар? Биыл жұмыс барысында қандай тақырыптар қамтылды?– Облыс бойынша барлығы 14 музей халыққа қызмет көрсетеді. Олардың жалпы қорында 156140, ал облыстық музейде 65430 экспонат бар. Осы жылдың қаңтар-сәуір айлары аралығында қор 1178, оның ішінде облыстық музей &nbsp;534 экспонатпен толықты. Сонымен қатар, музейлерде экскурсиялар, лекциялар, көрмелер ұйымдастырылады. Келушілер саны &nbsp;да өсіп келеді. Биылғы іс-шаралар Қызылорда облысының 85 жылдығына орай «Музей энциклопедиясы», «Тарих көмбесі», «Тұлғатану», «Бір әулеттің тарихы» атты жобалардан бастау алды. «Ұлттық рухани жаңғыру» бағдарламасы аясында облыс музейлері бойынша «Жәдігерде бір сыр бар», «Тарихтағы сандар», «Музей энциклопедиясы», «Музей радиосы», «Жас өлкетанушы», «Құнды жәдігер», «Жәдігербаян», «Музей Тур» &nbsp;жобалары &nbsp;жүзеге асуда.– Осы орайда жүзеге асырылып жатқан ғылыми жобалар жайлы тарқатып айтып берсеңіз…– Облыстық музейде бірнеше ауқымды жобалар жүзеге асырылуда. Атап айтқанда, 2021 жылдан «Qyzylorda» телеарнасымен бірлескен «Құнды жәдігер», «Шалқар» ұлттық арнасында «Музей радиосы» жобалары жүзеге асырылып келеді. Осыған дейін «Құнды жәдігер» жобасы бойынша 20-дан астам тарихи-танымдық фильмдер насихатталса, «Музей радиосы» жобасы аясында белгілі тұлғалармен арнайы сұхбаттар халық назарына ұсынылды. Сонымен бірге, жобалардың нәтижесі республикалық «Egemen Qazaqstan», облыстық «Сыр бойы», «Кызылординские вести» газеттерінде жарияланып келеді. Бұдан бөлек, былтырдан бастап «Сыр өңірі бойынша далалық экспедиция және эмпирикалық зерттеулер» ғылыми жобасы шеңберінде Сыр бойындағы ұсталар және ұстаханалар зерттеліп, нәтижесінде музей қоры этнографиялық экспонаттармен толықтырылды. Биыл музей қызметкерлері тарапынан «Сыр бойындағы діни-ағартушылар мұрасын кешенді зерттеу» жобасы басталды. Атақты Тапал ахун (Нұрмұхаммед) Қадірұлы (1848-1921 жж.) мен Марал ишан ұрпағы Әмит ишан Әбдірахманұлының (1905-1961 жж.) пайдаланған араб, парсы, шағатай тілдерінде жазылған кітаптарының мазмұны аударылып, 8 кітаптың электронды көшірмесі алынды. Алдағы уақытта аталған жобалар жалғасын табады.&nbsp;– Биыл Сыр перзенті, көрнекті мемлекет қайраткері Т.Жүргеновтің 125 жылдығы халықаралық деңгейде аталып өтуде. Осынау тарихи датаға байланысты музей тарапынан қандай іс-шаралар атқарылып жатыр?– Мемлекет қайраткері Т.Жүргеновтің 125 жылдығына орай «Тарих. Тағдыр. Тұлға.» атты көрме ашылып, Астана қаласының Бірлескен музейлер дирекциясы, Қызылорда облыстық тарихи-өлкетану музейі және «АЛЖИР» музейінің бірлесуімен «АЛЖИР» музейінде «Қазақ руханиятының жарық жұлдызы» атты дөңгелек үстел ұйымдастырылды. Онда ұлт қайраткерінің өміріне қатысты құнды деректер айтылды. Тағы бір жаңалығымыз, Ұлыстың ұлы күні – Наурыз мерекесінде Шымкент қаласында өткен республикалық этнофестивальде біздің қордан Сыр өңірінің тарихы, мәдениеті, өнері және облыста өндірілетін тауарлардан толық мәлімет беретін экспозициялық-композициялық көрме ұйымдастырылып, «Үздік киіз үй» номинациясымен марапатталды. Бұдан бөлек, ҚР Материалдық емес мәдени мұраны қорғау жөніндегі ұлттық комитетімен /ЮНЕСКО/ бірлесе отырып, Наурыз мерекесі қарсаңында және Материалдық емес мәдени мұраны қорғау туралы конвенцияның 20 жылдығына орай балалар арасында «Алтын тақта» атты тоғызқұмалақ ұлттық ойынынан турнир ұйымдастырылды.– Биыл Қызылорда облысының құрылғанына 85 жыл. Тұранның төрі, Алаштың алғашқы астанасы болған аймағымыздың тарихында талай сыр жатқан болар?– Иә, әрине. Облыстың құрылғанына 85 жыл толуына орай Қарағанды, Атырау, Жамбыл, Маңғыстау, Батыс Қазақстан облыстық тарихи-өлкетану музейлері арасында көрме ұйымдастыру, тәжірибе алмасу бағытында арнайы меморандум жасалды. Бұл меморандум аясында Сыр өңірі тарихы мен мәдениетін, көненің көзіне айналған жәдігерлерімізді, киелі өлкеміздің мәдениеті мен рухани құндылықтарын Арқа жұртшылығына таныстыру, ұмыт қалып бара жатқан ата-бабамыздың көне, бай мұрасын жас ұрпаққа таныстыру, аманаттау бағытына назар аударылған. Осы орайда Қарағанды облыстық тарихи-өлкетану музейінде «Сыр өңірі – Түркі өркениетінің алтын бесігі» атты көрме ұйымдастырылды. Онда мәдени құндылығы аса жоғары археологиялық артефактілер, бірнеше ғасырлық тарихы бар жәдігерлер, сан &nbsp;ғасырлар &nbsp;сынынан &nbsp;өтіп &nbsp;шираған, қазақ &nbsp;халқының &nbsp;табиғи &nbsp;дарынымен &nbsp;өзектес, &nbsp;халық &nbsp;өмірімен, тұрмысымен &nbsp;бірге &nbsp;өсіп, біте &nbsp;қайнасып &nbsp;келген &nbsp;қолөнерінің әсем үлгі-нұсқалары, сирек кездесетін кітаптар мен қолжазбалар Арқа жұртшылығының назарына ұсынылды.«Қазанғап мұрасы – ұрпақ қазынасы» атты дәулескер күйшінің жанына серік болған домбырасының көшірмесін музей қорына қабылдау рәсімі өтті. Бабадан қалған жауһар жәдігерді жаңғыртып, ел игілігі үшін табыстаушы Қазақстанның еңбек сіңірген қайраткері, белгілі жыршы, Қазанғап атындағы Қызылорда музыкалық колледжінің директоры Ұлжан Байбосынова домбыраны салтанатты түрде табыс етті. Ал 9 мамыр – Ұлы Жеңістің 78 жылдығына орай Кеңес Одағының Батыры Ә.Молдағұлованың Ақтөбе облыстық мемориалдық музейі қорының «Ақтөбелік ұлт мақтаныштары» атты жылжымалы көрмесі ашылды. Көрмеге қазақтың қайсар қызы Әлия Молдағұлованың өмірі мен ерлік жолы көрсетілген құнды материалдар, әскери киімдер, соғыс кезеңінде пайдаланған &nbsp;қару түрлері қойылды.С.Айтбаев атындағы көркемсурет галереясында Қазақстан Суретшілер және Қолөнершілер одағының мүшесі, ұста, зергер Бекзат Жақыповтың «Құсқанат ғұмыр» және галерея қорындағы туындылардан жасақталған &nbsp;«Ұлы дала тарихы» атты &nbsp;көрмесі, жергілікті қолөнер шебері Пахриддин Садықовтың &nbsp;«Қолөнерден өнеркәсіпке» атты &nbsp;көрмесі, ҚР Суретшілер және Қолөнершілер одағының мүшесі Ұлмекен Маутованың «Көңілдегі керуен», ҚР Суретшілер одағының мүшесі Әбілда Абызбековтың &nbsp;«Дала үні», ҚР Суретшілер және Журналистер одағының мүшесі Көлбай Әбілханұлының «Толқынды Арал» атты шығармашылық көрмелері ҚР Суретшілер одағының құрылғанына 90 жыл толуына орай ұйымдастырылды. Осындай көрермен сұранысына сай іс-шаралар жыл бойы атқарылатын болады. &nbsp;

Қазақстан және Қызылорда облысының жаңалықтары: Мәдениет